News @ M-Media

Tag: anti OIC

  • OIC ဆန္ဒပြပွဲတွင် အခြားဘာသာကို စော်ကားသော ပိုစတာ ပါဝင်ခဲ့၍ ဗဟန်းရဲစခန်း အမှုဖွင့်

    OIC ဆန္ဒပြပွဲတွင် အခြားဘာသာကို စော်ကားသော ပိုစတာ ပါဝင်ခဲ့၍ ဗဟန်းရဲစခန်း အမှုဖွင့်

    ဒီဇင်ဘာ ၃၊ ၂၀၁၃
    ကမာရွတ်မီဒီယာ

    OIC ကန့်ကွက်ဆန္ဒပြပွဲမှာ အစ္စလာမ်ဘာသာကို တိုက်ရိုက်စော်ကားတဲ့ ကြွေးကြော်သံ ပိုစတာကို ကိုင်ဆောင်ခဲ့မှုနဲ့ ရန်ကုန်မြို့ ဗဟန်းရဲစခန်းက ပုဒ်မ ၂၉၅နဲ့ အမှုဖွင့်ပြီး အရေးယူစုံစမ်းမှုတွေ စတင်နေပြီလို့ ဒီဇင်ဘာ ၃ရက်နေ့မှာ အတည်ပြုပြောဆိုခဲ့ပါတယ်။ ဆန္ဒပြဖို့ ခွင့်ပြုချက်တင်တဲ့အခါမှာ ပါဝင်မယ့် ကြွေးကြော်သံတွေ၊ ဆောင်ပုဒ်တွေကို ဖော်ပြရတာဖြစ်ပြီး ခွင့်ပြုချက်တင်တုန်းက မပါဝင်တဲ့ သားဖောက်နှုန်းမြန် အစ္စလာမ် တိရိစ္ဆာန်ဝါဒ ဆန့်ကျင်ကြဆိုတဲ့ ပိုစတာဟာ ယုံကြည်သက်ဝင်တဲ့ ဘာသာရေးကို စော်ကားတာဖြစ်တာမို့ အမှုဖွင့်ထားတယ်လို့ ဆိုပါတယ်။ ဆန္ဒပြပွဲကို ဦးဆောင်ခဲ့တဲ့ မကွေးကျောင်းတိုက်က ဆရာတော် ဦးပါမောက္ခက နစ်နာစေလိုတဲ့ဆန္ဒမရှိတာကြောင့် မီဒီယာတွေကနေ တောင်းပန်ခဲ့ပြီးပြီမို့ အစိုးရအနေနဲ့ တရားစွဲမယ်ဆိုရင် ပြဿနာတွေပိုပြီး ရှုပ်ထွေးလာနိုင်တယ်လို့ မိန့်ကြားခဲ့ပါတယ်။ ပြီးခဲ့တဲ့ နိုဝင်ဘာ ၁၅ရက်နေ့က ရန်ကုန်မြို့ ဗဟန်းမြို့နယ် ကြားတောရလမ်းမှာ ဆန္ဒပြခဲ့တဲ့အခါမှာ အစ္စလာမ်ဘာသာကို စော်ကားတဲ့ ပိုစတာ ၅ခုရှိခဲ့ပေမယ့် ၄ခုကို ဖျက်စီးနိုင်ခဲ့ပြီး ၁ခုကို မတွေ့ခဲ့တာကြောင့် ဒီလို နောက်ဆက်တွဲပြဿနာတွေ ဖြစ်ခဲ့ရတယ်လို့ ဆိုပါတယ်။ http://www.kamayutmedia.com/2013/12/03/activist-buddhist-monks/

  • ဘာသာရေးစော်ကားသည့် ကိစ္စ အစိုးရမှ အရေးယူမည့် သတင်း OIC ဆန္ဒပြပွဲ ဦးဆောင် ဆရာတော် ဦးပါမောက္ခရဲ့ တုံပြန်မှု

    ဒီဇင်ဘာ ၂၊ ၂၀၁၃
    M-Media
    sittwe 2013
    အစ္စလမ်မစ် ပူးပေါင်းဆောင်ရွက်ရေး အဖွဲ့ (OIC) နှင့် ကိုယ်စားလှယ်များကို လက်မခံနိုင်ကြောင်း ဆန္ဒထုတ်ဖော်ရာတွင် ဘာသာရေး ယုံကြည်မှုကို စော်ကားရာ ရောက်သည့် ဆိုင်းဘုတ်ကို ကိုင်ဆောင် လှည့်လည်ခဲ့သူများကို အရေးယူရန် ဗဟန်းမြို့နယ် ရဲတပ်ဖွဲမှူး ရဲမှူး ခင်မောင်ကြည်မှ အမှုဖွင့်တိုင်ကြားထားကြောင်း ရန်ကုန်တိုင်းရဲတပ်ဖွဲမှ သတင်းထုတ်ပြန်ခဲ့သည်။

    အဆိုပါ ကိစ္စနှင့် ပတ်သက်ပြီး OIC ဆန္ဒပြပွဲ ကို ဦးဆောင် ပါဝင်ခဲ့သည့် ဆရာတော် ဦးပါမောက္ခက “ဦးဇင်းတို့တတွေ ဆိုင်းဘုတ် တချို့ကို ဖျက်ဆီးပစ် ခဲ့သေးတယ်။ ဒါပေမယ့် အဲဒီ ဆိုင်းဘုတ်ကို မတွေ့လိုက်မိဘူး။ တကယ့် ရည်ရွယ်ချက်က မိမိဘာသာရေးနဲ့ OIC ရုံး မစိုက်ဖို့ကို ဆောင်ရွက်တာပါ။ ဒါကိုမှ တရားစွဲချင်တယ် ဆိုရင်တော့ သူတို့ ဆန္ဒအတိုင်းပဲ။ ဒါပေမယ့် တရားစွဲလိုက်တဲ့ ပုဂ္ဂိုလ်တွေ အနေနဲ့ ပြဿနာ ပြေလည်သွားမလား၊ ရှုပ်ထွေးသွားမလား ဆိုတာ ကိုတော့ တရားစွဲမယ့် ပုဂ္ဂိုလ်တွေအနေနဲ့ ကြိုတင် ပြင်ဆင်ထားသင့်တယ၊် သက်ဆိုင်ရာမှ တရားစွဲဆိုသည်အထိ ပြုလုပ်လာမည်ဆိုပါက တရားစွဲဆိုမည့် သူများအနေဖြင့် သတိထား စေချင်ကြောင်း ၊ ဗီနိုင်းလေးတခု မှားတဲ့အပေါ်မှာ တရားစွဲတာ လုပ်ရင်တော့ သူတို့ဘာသာ၊ သူတို့လူမျိုးတွေက လုပ်ထားတဲ့ကိစ္စတွေ အပေါ်မှာလည်း ပြန်ပြီး ပေးဆပ်ရလိမ့်မယ်ဆိုတာ သတိထားစေချင်တယ်” ” ပြောကြားခဲ့ကြောင်း ဧရာဝတီ သတင်းဌာနတွင် ဖော်ပြထားသည့် သတင်းတပုဒ်အရသိရှိရသည်။

    နိုဝင်ဘာ ၁၅ ရက်နေ့က ရန်ကုန်မြို့၊ ဗဟန်းမြို့နယ်တွင် OIC အဖွဲ့ကို ဆန့်ကျင်ရေးဆန္ဒပြပွဲကို ရခိုင်လူငယ်ကွန်ရက် ဦးဆောင်ခဲ့ကြောင်း သိရှိရသည်။

    ကိုးကား၊ ဧရာဝတီ

    ဆက်စပ်သတင်းဖတ်လိုလျှင် =>http://burma.irrawaddy.org/news/2013/12/02/51635.html

  • အစ္စလာမ်သာသနာကို တိရိစ္ဆာန်ဝါဒဟု စော်ကားသည့် ကိစ္စ အစ္စလာမ်အဖွဲ့ကြီးမှ သမ္မတထံ တိုင်စာပို့

    နိုဝင်ဘာ- ၁၈ ၂၀၁၃
    M-Media
    KK

    မြန်မာအစိုးရ၏ ဖိတ်ကြားချက်ဖြင့် တရားဝင်လာရောက်ခဲ့သော အစ္စလာမ်မစ် ပူးပေါင်းဆောင်ရွက်ေ၇းအဖွဲ့( အိုအိုင်စိ) အား ကန့်ကွက် ဆန္ဒပြသူ အချို့မှ ဆန္ဒပြခြင်းကို အကြောင်းပြုပြီး အစ္စလာမ်သာသနာကို မဟုတ်မမှန် စွပ်စွဲပုတ်ခတ်ကာ စော်ကားရေးသား ပြောဆို ထုတ်ဖော်မှုများပြုခဲ့ကြသည့် အပေါ် တည်ဆဲ တရားဥပဒေများအရ အမြန်ဆုံးအရေးယူပေးဖို့ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးမှာ နိုင်ငံတော် သမ္မတ သို့ လိပ်မူပြီး တိုင်ကြားစာ ပေးပို့ထားကြောင်း သတင်းရရှိသည်။

    အဆိုပါ တိုင်ကြားစာတွင် ဆန္ဒပြသူများမှ အစ္စလာမ်ကို စော်ကားပုတ်ခတ်ထားသော “သားဖောက်နှုန်းမြန်အစ္စလာမ် တိရိစ္ဆာန်ဝါဒ ဆန့်ကျင်ကြ” ” လူသတ်ဝါဒ၊ မုဒိမ်းကျင့်ဝါဒ ကို လက်ကိုင်ပြုထားသည့် ရှရီးယား(အစ္စလာမ့်ဥပဒေ) အလိုမရှိ။” စသည့် စာသားများကို ဖော်ပြထားပြီး အဆိုပါစွပ်စွဲ ပုတ်ခတ်စော်ကားမှုများမှာ ဖွဲ့စည်းပုံအခြေခံဥပေဒ၊ ပြစ်မှုဆိုင်ရာ ဥပဒေ( ရာဇသတ်ကြီး ) ပြဌာန်းချက်များနှင့် ဆန့်ကျင်နေပြီး အထူးသဖြင့် ကမ္ဘာတဝှမ်းမှ လူမျိုးပေါင်းစုံ ကိုးကွယ်ရာ ကမ္ဘာ့ဘာသာကြီးတစ်ခုကို “တိရိစ္ဆာန်ဝါဒ”ဟု ပုတ်ခတ်စော်ကားခြင်းမှာ ဘာသာဝင်များ၏ စိတ်ကိုနာကျည်းစေရန်  တမင် ရည်ရွယ် လုပ်ဆောင်ခြင်းဖြစ်သောကြောင့် အဖွဲ့ကြီးအနေဖြင့် လုံးဝ(လုံးဝ) လက်မခံဟု ထည့်သွင်းရေးသားထားပြီး အဆိုပါ စော်ကား ပုတ်ခတ်မှုကို လုပ်ဆောင်ခဲ့သည့် လူ၊ ပုဂ္ဂိုလ်၊ အဖွဲ့အစည်း အားလုံးကို တရားဥပဒေအရ အမြန်ဆုံး အရေးယူပေးရန် တောင်းဆိုထားသည်။

    statement3

    statement2

    statement1

    sittwe 2013

  • အိုအိုင်စီ ဆန္ဒပြပွဲမှ အစ္စလာမ်ကို စော်ကားသည့် အသုံးအနှုန်း မလေးရှား အစ္စလာမ့် အဖွဲ့အစည်းဆိုင်ရာ အတိုင်ပင်ခံကောင်စီ ရှုံ့ချ

    အောက်တိုဘာ- ၁၇၊ ၂၀၁၃
    M-Media

    ပြီးခဲ့ရက်ပိုင်းများအတွင်း မြန်မာနိုင်ငံရှိ အကြမ်းဖက်ခံ မွတ်စလင်မ်များ၏ အခြေအနေကို လာရောက်လေ့လာရန် မြန်မာအစိုးရ၏ ဖိတ်ကြားချက်အရ တရားဝင် ခရီးရောက်ရှိနေသော အိုအိုင်စီ ကိုယ်စားလှယ် အဖွဲ့ကိုဆန်ကျင့်သောအားဖြင့် ပြည်တွင်းမှ သံဃာတော်များ ဦးဆောင်ပြိး ဆန္ဒပြပွဲများ ရန်ကုန်၊ စစ်တွေနှင့် အခြားမြို့ကြိးများတွင် ပြုလုပ်ခဲ့ကြသည်။

    အချို့နေရာများမှ ဆန္ဒပြပွဲတွင် အိုအိုင်စီ ကိုယ်စားလှယ်အဖွဲ့ကို ဆန့်ကျင်ဆန္ဒပြခြင်းကို အကြောင်းပြုပြီး အစ္စလာမ်သာသနာကို စော်ကားသည့် အသုံးအနှုန်းများဖြင့် ကြေညာချက်များနှင့် အပြုအမှုများ ပြုလုပ်ခဲ့ကြသည်။ ဤကဲ့သို့ အစ္စလာမ်ကို စော်ကားသည့် အသုံးအနှုန်းများ အသုံးပြုမှုကို ရှုံ့ချသောအားဖြင့် မလေးရှားနိုင်ငံ အစ္စလာမ့်အဖွဲ့အစည်းဆိုင်ရာ အတိုင်ပင်ခံကောင်စီ (မလေးရှား) – Malaysian Consultative Council for Islamic Organization (MAPIM) မှ ရှုံချသည့် ကြေညာချက် တစောင်ထုတ်ပြန်ခဲ့ပြီး ကြေညာချက်ကို မြန်မာနိုင်ငံနှင့် သံအဆက်အသွယ်ပြုလုပ်ထားသော အိုင်အိုင်စီ အဖွဲ့ဝင်နိုင်ငံများမှ မြန်မာသံရုံးများကို အကြောင်းကြား သတိပေးရန် ထည့်သွင်းရေးသားထားသည်။ ကြေညာချက်အပြည့်အစုံမှာ အောက်ပါအတိုင်းဖြစ်သည်။

    sittwe 2013

    အစ္စလာမ့်အဖွဲ့အစည်းဆိုင်ရာ အတိုင်ပင်ခံကောင်စီ (မလေးရှား) – Malaysian Consultative Council for Islamic Organization (MAPIM) မှ ထုတ်ပြန်စာ

    ၂၀၁၃ ခုနှစ်၊ နိုဝင်ဘာ ၁၆ ရက်

    အိုအိုင်စီအဖွဲ့ဝင်နိုင်ငံများမှ မြန်မာသံရုံးအားလုံးထံ အကြောင်းကြား အသိပေးရန် ထုတ်ပြန်ချက်
    ==========================================

    ဤရက်ပိုင်းအတွင်း အိုအိုင်စီအဖွဲ့ဝင် နိုင်ငံခြားရေးဝန်ကြီးများ မြန်မာနိုင်ငံသို့လာရောက်မှုအပေါ် မနှစ်မြို့ခြင်းကို အကြောင်းပြုပြီး မြန်မာနိုင်ငံမြို့ကြီးများတွင် ရဟန်းသံဃာများမှ အစ္စလာမ်သာသနာအား စော်ကားပြုမူချက်နှင့်စပ်လျဉ်း၍ ကျွန်ုပ်တို့သည် ထိခိုက်ခံစားရပါသောကြောင့် ပြင်းထန်စွာ ရှုံ့ချလိုက်ပါသည်။

    အစ္စလာမ်သာသနာအား တိရစ္ဆာန်ဝါဒနှင့်နှိုင်းယှဉ်ဖော်ပြလိုက်ခြင်းမှာ စော်ကားမှုလုပ်ရပ်သာမက၊ အစ္စလာမ်သာသနာအပေါ် အငြိုးတကြီး စစ်ကြေငြာလိုက်ရာ ရောက်နေပါသည်။

    မွတ်စ်လင်မ်များနှင့်အစ္စလာမ်သာသနာအား နက်ရှိုင်းစွာမုန်းတီးနေမှုကို မြန်မာအစိုးရအာဏာပိုင်များကိုယ်တိုင်က ရည်ရွယ်ချက်ရှိရှိ ဖော်ထုတ်တင်ပြခြင်းဖြစ်သည်ဟု ကျွန်ုပ်တို့ သုံးသပ်ပါသည်။

    အစ္စလာမ်သာသနာကိုစော်ကားထားသော – အစ္စလာမ်သာသနာအား တိရစ္ဆာန်လမ်းစဉ်နှင့်နှိုင်းယှဉ်ထားသော စာတန်းများကိုကိုင်ဆောင်ပြသခဲ့သည့် ရဟန်းသံဃာတို့၏ လုပ်ရပ်နှင့်သဘောထားအပေါ် ကျွန်ုပ်တို့မှ ရွံရှာစက်ဆုပ်မိပါသည်။

    ဤအလည်အပတ်ခရီးစဉ်ကို ဗုဒ္ဓဘာသာဝင်များမှကန့်ကွက် ဆန္ဒပြရေးအတွက် မြို့ပြကြီးများရှိအာဏာပိုင်များမှ ခွင့်ပြုချက်ပေးခဲ့သည်ဟု သိရသဖြင့် ကျွန်ုပ်တို့မှ အံ့သြတုန်လှုပ်ရပေသည်။ အိုအိုင်စီခရီးစဉ်အပေါ် ဆန္ဒပြခြင်း၌ ၀န်ကြီးအဆင့်ပုဂ္ဂိုလ်တစ်ဦးသည်ပင် အင်တိုက် အားတိုက်ပါဝင်ခဲ့ကြောင်း သတင်းရရှိခဲ့ပါသည်။

    ကမ္ဘာ့မွတ်စ်လင်မ်ထု၏သည်းခံမှုကို သွေးတိုးစမ်းနေသည့် ဤသို့သောလုပ်ရပ်ဆိုးများ ဆက်လက်ဖြစ်ပွားလာအောင် မြန်မာအစိုးရမှခွင့်ပြုချက်မပေးပါရန် ကျွန်ုပ်တို့မှ တောင်းဆိုပါသည်။

    မလေးရှားကဲ့သို့သော မွတ်စ်လင်မ်တိုင်းပြည် နိုင်ငံတစ်ခုသည် ဗုဒ္ဓဘာသာဝင်များအပါအ၀င် မွတ်စ်လင်မ်မဟုတ်သူအပေါင်းနှင့် ငြိမ်းချမ်းစွာ အတူယှဉ်တွဲနေထိုင်မှုကို အောင်မြင်စွာ ဖန်တီးထားကြောင်း ထိုသူတို့အား ကျွန်ုပ်တို့မှ သိစေအပ်ပါသည်။ ဘာသာသာသနာ အားလုံးကို ဥပဒေအားဖြင့် အကာအကွယ်ပေးထားပါသည်။ မလေးရှားနိုင်ငံတွင် မွတ်စ်လင်မ်တို့နှင့် အခြားဘာသာဝင်များမှာ အများအားဖြင့် ငြိမ်းချမ်းစွာ ရှိနေကြပါသည်။

    ယဉ်ကျေးမှုမြင့်မားနေပြီဖြစ်သည့် ယခုလိုကာလမျိုးတွင် ယင်းသို့သော သည်းမခံနိုင်ဖွယ်ရာနှင့်အမုန်းတရားများကို မြန်မာအစိုးရနှင့်ရဟန်းသံဃာတို့သည် အဘယ်ကြောင့် ပြုမူဆောင်ရွက်ရပါသနည်း ?

    OIC လာရောက်ခြင်း၌ မြန်မာနိုင်ငံအတွက် မည်သည့်အန္တရာယ်ရှိပါသနည်း ? အကယ်၍ မြန်မာအစိုးရသည် အစွန်းရောက်ဗုဒ္ဓဘာသာဝင်များကို အသုံးပြုလျက် အကြမ်းဖက်မှုဖြစ်ပွားစေသောမူဝါဒကို ကိုင်စွဲမထားပါလျှင် (မည်သည့် ပြဿနာမျှ ဖြစ်ပွားစရာ အကြောင်းမရှိပါ)။

    လက်ခံ၍မရနိုင်သော ဤရဟန်းသံဃာများ၏လုပ်ဆောင်ချက်ကို ကန့်ကွက်ရှုံ့ချကြရန်၊ ဘာသာရေးလူမျိုးရေးဆိုင်ရာအမုန်းတရားထိုးဆွနေသည့် အစွန်းရောက်ဗုဒ္ဓဘာသာဝင်များလက်အောက်၌ မရပ်တည်ရေးအတွက် မြန်မာအစိုးရကို ဖိအားပေးကြပါရန် ကျွန်ုပ်တို့မှ အာဆီယံအဖွဲ့ဝင်နိုင်ငံအပေါင်းသို့ နှိုးဆော်ပန်ကြားပါသည်။

    အစ္စလာမ်ကိုဆန့်ကျင်သည့် ဤသို့အကျည်းတန်လှုံ့ဆော်ဆောင်ရွက်ချက်အား ခွင့်ပြုနေသည့်အပေါ် ပြတ်သားရှင်လင်းသော အဖြေတစ်ရပ်မပေးနိုင်ပါလျှင် (ကမ္ဘာ့)မွတ်စ်လင်မ်များမှာ ဆိတ်ဆိတ်နေ၍ ဘေးထိုင်ရပ်ကြည့်နေတော့မည်မဟုတ်ပါကြောင်း အစွန်းရောက်ရဟန်းသံဃာတို့ကို ကျွန်ုပ်တို့မှ သတိပေးလိုက်ပါသည်။

    မြန်မာနိုင်ငံနှင့်သံတမန်အဆက်အသွယ်ပြုလုပ်ထားသော အိုအိုင်စီအဖွဲ့ဝင်နိုင်ငံများရှိ မြန်မာသံရုံးအားလုံးထံသို့လည်း အကြောင်းကြားအသိပေးပါရန် ကျွန်တော်တို့မှ တောင်းဆိုပါသည်။

    မြန်မာအစိုးရအပေါ် အင်တိုက်အားတိုက်ဖိအားပေးနိုင်ရေးအတွက် မွတ်စ်လင်မ်နိုင်ငံအားလုံးထံ တာဝန်ရှိပါသည်။ ဤသို့ ဖိအားပေးမှုနှင့်မလုံလောက်ပါက သံတမန်အဆက်အသွယ်ဖြတ်တောက်ခြင်းကိုသာ ရွေးချယ်ပါမည်။

    မုဟမ္မဒ် အဇ်မီ အဗ်ဒုလ် ဟာမစ်ဒ်
    MAPIM ဥက္ကဌ
    ယှူရာ(အစ္စလာမ့်ရေးရာအတိုင်ပင်ခံအဖွဲ့) အတွင်းရေးမှူးချုပ်

  • မင်္ဂလာဒုံ လေဆိပ်တွင် OIC ကန့်ကွက်ကြောင်း ထပ်မံ ဆန္ဒပြ

    နိုဝင်ဘာ ၁၆-၂၀၁၃
    M-Media
    သီရိ

    DSC00877a
    ရန်ကုန်။             ။OIC အားကန့်ကွက်ကြောင်း နိုဝင်ဘာ ၁၅ ရက်နေ့က ရွှေတိဂုံဘုရားနှင့် ဆူးလေဘုရားတို့တွင် ဆန္ဒထုတ်ဖော်ခဲ့ပြီးနောက် ယနေ့ နံနက် ၇ နာရီမှစ၍ ရန်ကုန်အပြည်ပြည်ဆိုင်ရာ လေဆိပ်တွင် ထပ်မံ၍ ဆန္ဒထုတ်ဖော်ခဲ့ကြသည်။

    ရခိုင်ပြည်နယ်တွင်ဖြစ်ပွားခဲ့သည့် အကြမ်းဖက်မှုများကြောင့် ဒုက္ခသည်စခန်းများတွင် နေထိုင်နေကြရသည့်ံ ရိုဟင်ဂျာ မွတ်စလင်မ် များအား သွားရောက်ကြည့်ရှုသော OIC အဖွဲ့အား ဦးတည်သည့် အဆိုပါ ဆန္ဒပြမှုတွင် မြန်မာနိုင်ငံအတွင်း OIC အဖွဲ့၏ ရုံးခန်းဖွင့်မှုနှင့် မြန်မာနိုင်ငံ၏ ပြည်တွင်းရေးကို ၀င်ရောက်စွက်ဖက်မှုတို့အား လက်မခံကြောင်း ဆန္ဒထုတ်ဖော်ခဲ့ကြခြင်းဖြစ်သည်။

    ထို့ပြင် OIC ဆန့်ကျင်ရေး အဖွဲ့မှ ၄င်းတို့၏ သဘောထားထုတ်ပြန်ချက်ကို ဗီနိုင်းဆိုင်းဘုတ်များ ဖြင့် ဆန္ဒပြခဲ့ကြပါသည်။

    ၁။မြန်မာနိုင်ငံသည် ဗုဒ္ဓဘာသာဝင်နိုင်ငံဖြစ်၍ ပြည်တွင်းရေးကို OIC နိုင်ငံများမှ ၀င်ရောက်စွက်ဖက်ခြင်း၊ရုံးစိုက်ရန်ကြိုးစားခြင်းများကို မြန်မာပြည်သူများမှ လုံးဝ လက်မခံပါ။

    ၂။OIC နိုင်ငံများက လက်ခံကျင့်သုံးနေသော ရှရီယာဥပဒေကို မြန်မာနိုင်ငံတွင်း သွတ်သွင်းကျင့်သုံးရန် ကြိုးပမ်းမည့်အရေးကို မြန်မာပြည်သူများမှလုံးသလက်မခံပါ။

    ၃။အစ္စလာမ်ဘာသာဝင်များအကျိုးကိုအကြောင်းပြ၍ မြန်မာနိုင်ငံအတွင်း( အထူးသဖြင့်) ရခိုင်ဒေသတွင်း OIC အခြေစိုက်၍သိမ်းယူမည့်အခွင်အရေးကို မြန်မာပြည်သူများမှလုံးဝလက်မခံပါ။

    ၄။မြန်မာနိုင်ငံတွင် အစ္စလာမ်ဘာသာပြန့်ပွားရေးနှင့် လူဦးရေပြန့်ပွားရေး ဆောင်ရွက်မည့် အစီစဉ်များကို မြန်မာပြည်သူများမှ လုံးဝလက်မခံပါ။

    ၅။နိုင်ငံတော်သမ္မတကြီးမှ မြန်မာနိုင်ငံတွင် OIC ရုံးစိုက်ရန် ခွင့်မပြုဟူသော သဘောထားကြေငြာချက်ကို မြန်မာပြည်သူများမှ ကြိုဆိုထောက်ခံပါသည်။

    ထိုဆန္ဒပြပွဲအား လူ ၄၀ ကျော် တက်ရောက်ခဲ့ကြပြီး နေ့လည်ပိုင်းတွင် ပြီးဆုံးခဲ့သည်။

    အိုအိုင်စီ ကိုယ်စားလှယ်အဖွဲမှ ဒုတိယ သမ္မတနှင့် လွှတ်တော် ဒုတိယဥက္ကဌ တို့နှင့် တွေ့ဆုံဆွေးနွေးခဲ့စဉ်က လူမျိုးဘာသာမရွေးဘဲ လူအဖွဲ့အစည်း နှစ်ရပ်စလုံးကို လူမှုရေးနဲ့ လမ်းပန်းဆက်သွယ်ရေးနှင့် ပတ်သက်ပြီး ကူညီချင်တယ်လို့ ပြောကြားခဲ့ကြောင်း သတင်းမီဒီယာတွေမှာ ဖော်ပြပါရှိပါသည်။