Tag: Anti_OIC

မန္တလေးတွင် ခွင့်ပြု မိန့်မရဘဲ OIC ကို ကန့်ကွက်ကြောင်း ဆန္ဒဖော်ထုတ်

နိုဝင်ဘာ ၂၀-၂၀၁၃
M-Media
သီရိ

မန္တလေး။ ။မန္တလေးမြို့တွင် သံဃာတော်များမှဦးဆောင်၍ OIC ကန့်ကွက်ဆန္ဒပြပွဲကို နိုဝင်ဘာ ၁၉ ရက်(ယမန်နေ့) မွန်းလွဲ ၁ နာရီတွင် ပြုလုပ်ခဲ့သည်။

“တခြားမြို့တွေမှာ ပြပြီးသွားပြီ။ မန္တလေးကငြိမ်နေတော့ OIC ကိုထောက်ခံသလိုဖြစ်နေတယ်။ အဲလိုမထင်ရအောင် မန္တလေးမြို့ကလဲ ကန့်ကွက်တယ် အလိုမရှိဘူး၊ ဒါကြောင့် ဒီနေ့လုပ်တာပဲ၊ ခွင့်ပြုမိန့်တင်ထားတာ ဒီနေ့ငါးရက်ပြည့်တယ်၊ ဘာမှအကြောင်း မပြန်ဘူး ခွင့်ပြူမိန့်ရရ၊ မရရ ဆန္ဒပြတယ်။ ကြွေးကြော်သံတွေမှာ နိုင်ငံတော်ပုန်ကန်တဲ့ စာသား လုံဝမပါဘူး” ဟု ဦးဆောင်ဆရာတော် ဦးကာဝိယ(ဂဋ္ဌုန်နီ ဆရာတော်) ကမိန့်ကြားခဲ့သည်။

ဤဆန္ဒဖော်ထုတ်မှုကို ဘဂါင်္လီများအား နိုင်ငံသားအဖြစ် လက်မခံရန်၊ OIC ရုံးအခြေစိုက်ဖွင့်လှစ်ခြင်းမပြုရန် စသော အချက်ငါးချက်ဖြင့် ပြုလုပ်ခဲ့ကြောင်း၊ ထိုသို့ဆန္ဒပြမှုကို သက်ဆိုင်ရာမှ ဟန့်တားနှောက်ယှက်မှု မရှိဟု ဆရာတော်မှ ဆက်လက်မိန့်ကြားခဲ့သည်။

ထိုဆန္ဒဖော်ထုတ်ပွဲကို မဟာမြတ်မုနိဘုရားကြီးတောင်ဘက်မှ စတင်စီတန်း လမ်းလျှောက်ခဲ့ပြီး ၄၂ လမ်းနှင့် ၈၄ လမ်း ၈၄ လမ်းမှ ၈၂ လမ်းနှင့် ၈၁ လမ်းတို့ကိုပတ်ကာ ဦးပွားဘုရားသို့ ပြန်လည်ချီတက်ခဲ့ပြီး မွန်းလွဲ ၂ နာရီတွင်ပြီးဆုံးခဲ့သည်။

သမ္မတဦးသိန်းစိန် အစိုးရလက်ထက် ငြိမ်းချမ်းစွာ ဆန္ဒပြုခွင့် နည်းဥပဒေအရ ခွင့်ပြုမိန့်မရဘဲ ဆန္ဒထုတ်ဖော်လျှင် ပုဒ်မ ၁၈ နှင့် ပုဒ်မ ၅၀၅(ခ) တို့ ဖြင့် အရေးယူမှုများ အများအပြားပြုလုပ်ခဲ့သည်။

Photo Credit- Eleven Media Group

November 20, 2013
OIC ကို ကန့်ကွက်ကြောင်း ရန်ကုန်မှာ ဆန္ဒထုတ်ဖော်

နိုဝင်ဘာ ၁၅-၂၀၁၃
M-Media
A.N.Lay

ရန်ကုန်။ ။ OIC မှလာရောက်၍ ရုံးခန်းဖွင့်မည်ကို မလိုလားသောကြောင့် ရုံးခန်းဖွင့်မည်ကို ကန့်ကွက်ကြောင်း ဆန္ဒထုတ်ဖော်မှုကို နိုဝင်ဘာလ ၁၅ ရက်နေ့ (ယနေ့) နေ့လည် ၂ နာရီမှစ၍ ရန်ကုန်မြို့ ရွှေတိဂုံဘုရားလမ်းမှ ဆူးလေ ဘုရားလမ်း မြို့တော် ခန်းမရှေ့ အထိ ဆန္ဒထုတ်ဖော်ခဲ့ကြောင်း သိရှိရပါသည်။

အဆိုပါ ဆန္ဒပြပွဲတွင် မြန်မာနိုင်ငံ၌ ရုံးခန်းဖွင့်ခြင်းနှင့် မြန်မာနိုင်ငံ၏ ပြည်တွင်းရေးအား ၀င်ရောက်စွက်ဖက်ခြင်းကို လက်မခံနိုင်ခြင်းကြောင့် သက်ဆိုင်ရာမှ ခွင့်ပြုချက်တောင်းကာ ယခုလိုဆန္ဒ ထုတ်ဖော်ခြင်းဖြစ်သည်ဟု ပြောကြားခဲ့သည်။

ဆက်လက်၍ မကွေး ပရိယတ္တိ စာသင်တိုက်မှ ဦးပါမောက္ခ က OIC ကိုယ်စားလှယ်များမှာ ၁၃.၁၁.၂၀၁၃ ရက်နေ့က ကာတာ လေယာဉ်ဖြင့် ရန်ကုန်လေဆိပ်သို့ရောက်ရှိလာတာကို ဘုန်းကြီးတို့တွေ့ရှိခဲ့ရပါတယ်။ အဲ့လိုတွေ့ရှိခဲ့တဲ့ အပေါ်မှာ ဘာကြောင့် ဒီနိုင်ငံကိုရောက်ရှိလာတာလဲဆိုရင်တော့ မိထ္တိလာနှင့် ရခိုင်တို့မှာ ဖြစ်ပွား သွားခဲ့တဲ့ ဘာသာရေး ပဋိပက္ခ လူမျိုးရေးပဋိပက္ခများကို အကြောင်းပြုပြီးတော့ အဲ့ဒီ့ဌာန အသီးသီးမှာရှိတဲ့ အစ္စလာမ် ဘာသာဝင် မွတ်စလင် လူမျိုးတို့ထံမှ သူတို့က မေးမြန်းပါလိမ့်မည်။ လူအများစုဖြစ်တဲ့ ဗုဒ္ဓဘာသာဝင်များမှ လူနည်းစုဖြစ်တဲ့ အစ္စလာမ် ဘာသာဝင်များကို သတ်ဖြတ် ညှင်းဆဲ လူမျိုးတုန်း သတ်ဖြတ်တယ်ဆိုပြီးတော့ မဟုတ်မမှန် လုပ်ကြံပြီးတော့ မြန်မာနိုင်ငံအတွင်းမှာ ရှိတဲ့လူမျိုးတွေက သူတို့ကိုပြောကြားပါလိမ့်မယ်။ မွတ်စလင် ဘာသာဝင်များမှ တဆင့် ကုလသမဂ္ဂ အဖွဲ့အစည်းသို့တင်ပြပြီး မြန်မာနိုင်ငံသို့ နည်းအမျိုးမျိုးနဲ့ ဝင်ရောက်ပြီးတော့ OIC ရုံးများစိုက်ဖွင့်လာဖို့အကြံအစည်ရှိပါသည်။ ဘုန်းကြီးပြောလိုတာကတော့ မြန်မာနိုင်ငံ အတွင်းမှာ ရခိုင် ဒုက္ခသည်များကို အကြောင်းပြု၍ ဖြစ်စေ ဘင်္ဂါလီ ဒုက္ခသည်များကို အကြောင်းပြု၍ဖြစ်စေ၊ မြန်မာနိုင်ငံက မည့်သည့်နေရာကို မဆို အကြောင်းပြု၍ ဖြစ်စေ OIC ရုံးစိုက်တာကို အလိုမရှိပါဘူး။ ဘာကြောင့် အလိုမရှိသလဲ ဆိုရင် ဘုန်းကြီးတို့လူမျိုးကို ဝါးမျိုတတ်သော ကြောင့် လူမျိုးတုန်းအောင် လုပ်တတ်သာကြောင့် ဘုန်းကြီးတို့လူမျိုးတွေက အလိုမရှိပါဘူး။ မိမိတို့အနေဖြင့် ဘာသာရေးနဲ့ပတ်သက်လာရင် ယခုလိုပဲ ဘာသာရေးခေါင်းဆောင်တွေဖြစ်တဲ့ ရဟန်း သံဃာတွေဖြစ်စေ၊ အဖွဲ့အစည်းနဲ့ဖြစ်စေ၊ တစ်ဦး တစ်ယောက်တည်းဖြစ်စေ ဆက်လက်ပြီး ကန့်ကွက်သွားပါလို့ ပြောကြားခဲ့ပါသည်။

Photo-ရခိုင်လူငယ် FB

ဆက်လက်ပြီး ဆရာတော် ဥုသုဝေရ မှ OIC ဆိုတဲ့အစ္စလာမ်မစ် ၅၇ နိုင်ငံက မရိုးဖြောင့်သော အကြံအစည်တွေနဲ့ ဦးဇင်း တို့ဗုဒ္ဓဘာသာနိုင်ငံကနေ အစ္စလာမ်နိုင်ငံဖြစ်အောင် ကြံစည်နေတယ်။ မြန်မာနိုင်ငံကို ကုလားနိုင်ငံဖြစ်အောင် ကြံစည်နေတဲ့အတွက် စိတ်ချမ်းသာစရာ အကြောင်းမရှိပါဘူး။ ဒါကြောင့် OIC ကိုလက်ခံသင့်သလား မလက်ခံသင့်ဘူးလား ဆိုတာစဉ်းစားကြပါ။ ရိုးသားဖြောင့်မက်စွာ ပွင့်လင့်မြင်သာစွာ ဦးဇင်းတို့နိုင်ငံကို တကယ်လူသားချင်းစာနာ ထောက်ထားတယ်ဆိုရင် ဦးဇင်းတို့က မကြိုဆိုစရာ အကြောင်းမရှိပါဘူး။ အခုက ပွင့်လင်းမြင်သာမှုလည်း မရှိဘူး။ လူနည်းစုဆိုတဲ့ ပုဂ္ဂိုလ်တွေကို အားပေးအားမြောက်လုပ်ပြီးတော့ အကြမ်းဖက်ဖြစ်အောင်ပြုလုပ်နေတာတွေ့ရတဲ့အတွက် ဦးဇင်းတို့က လုံးဝ လက်ခံနိုင်စရာ အကြောင်းမရှိပါဘူး။ အဲ့ဒါကြောင့်ဦးဇင်းတို့ ဒီနေ့ပွဲကျင်းပရခြင်းဖြစ်ပါတယ်။ အခုပြောနေကြတာက လူအများစုက လူအနည်းစုကို အနိုင်ကျင့်တယ်ဆိုတဲ့နေရာမှာ သေသေချာချာ ဝေဖန် သုံးသပ်ဖို့လိုပါတယ်။ လူနည်းစုကို ဘယ်သူတွေက အားပေးပြီးတော့မှ နိုင်ငံကို ဆူပူအောင် ပဋိပက္ခဖြစ်အောင် ပြုလုပ်လဲဆိုတာ အားလုံးသိအောင် ဦးဇင်းတို့ ယခုလိုပြောကြားခြင်းဖြစ်ပါတယ်လို့ပြောကြားခဲ့ပါတယ်။

၎င်းနောက် အဆိုပါ ကန့်ကွက်ကြောင်းဆန္ဒထုတ်ဖော်ပွဲတွင် သံဃာတော်နှင့် ပြည်သူလူထု စုစုပေါင်း ၃၀၀ ခန့် ရှိကြောင်းသိရှိရပါသည်။

အိုအိုင်စီ ကိုယ်စားလှယ်အဖွဲမှ ဒုတိယ သမ္မတနှင့် လွှတ်တော် ဒုတိယဥက္ကဌ တို့နှင့် တွေ့ဆုံခဲ့သည့် တွေ့ဆုံပွဲတွင် လူမျိုးဘာသာမရွေးဘဲ လူအဖွဲ့အစည်း နှစ်ရပ်စလုံးကို လူမှုရေးနဲ့ လမ်းပန်းဆက်သွယ်ရေးနှင့် ပတ်သက်ပြီး ကူညီချင်တယ်လို့ ပြောကြားခဲ့ကြောင်း သတင်းမီဒီယာတွေမှာ ဖော်ပြပါရှိပါသည်။

November 15, 2013
အိုအိုင်စီ ကိုယ်စားလှယ်အဖွဲ့ကို သမ္မတ ဦးသိန်းစိန် အစိုးရမှ ခွင့်ပြုချက်ပေးပြီး လာရောက် လေ့လာခိုင်းခြင်းဖြစ်

နိုဝင်ဘာ- ၁၁ ၂၀၁၃
M-Media
မောင်ပုည

နိုဝင်ဘာ ၁၅ ရက်နေ့တွင် မြန်မာနိုင်ငံသို့ အိုအိုင်စီ ကိုယ်စားလှယ်အဖွဲ့ လာရောက်မည့် ခရီးစဉ်မှာ မြန်မာအစိုးရ၏ ဖိတ်ကြားအချက် အရ ဖြစ်ကြောင်း နိုင်ငံတော် သမ္မတ ၏ ပြောရေးဆိုခွင့်ရှိသူ ပြန်ကြားရေး ဒု-ဝန်ကြီး ဦးရဲထွဋ်၏ ပြောစကားအရ သိရှိပါသည်။

“အိုအိုင်စီက အရင်တုန်းက ဖြစ်စဉ်တွေမှာ တကယ် ဖြစ်နေတာကို မသိဘဲ အပြင်က ပြောနေတာတွေ ရှိတယ်။ တကယ်အဖြစ်မှန် လာလေ့လာခိုင်းတာပါ” ဟု ဒု-ဝန်ကြီး ဦးရဲထွဋ်၏ ပြောကြားချက်ကို The Voice Weekly ရဲ့ သတင်းတပုဒ်မှာဖော်ပြထားတာကိုတွေ့ရှိရပါသည်။

အိုအိုင်စီ ကိုယ်စားလှယ်အဖွဲ့ လာရောက်မည့် သတင်းနှင့်အတူ ဆန့်ကျင်ကန့်ကွက် ဆန္ဒပြမည့်လုပ်ရှားမှု သတင်းများလည်း ထွက်ပေါ်လျက်ရှိပါသည်။ ရန်ကုန်မြို့အင်းစိန်တွင် နိုဝင်ဘာ ၁၂ ရက်နေ့တွင် ဆန္ဒပြမည်ဟုလည်းကောင်း၊ ရခိုင်ပြည်နယ်လုံးကျွတ် ဆန္ဒပြသွားမည့်ဟု စစ်တွေမြို့နယ် စည်းကမ်း ထိန်းသိမ်းရေးနှင့် ကူညီ စောင့်ရှောက်ရေး ရဟန်းတော်များ အဖွဲ့ စီစဉ်နေကြောင်းကိုလဲ သိရှိရပါသည်။

အိုအိုင်စီ ကို ကန့်ကွက်ဆန္ဒပြမည့် သတင်းများနှင့် ပတ်သက်ပြီး ရန်ကုန်မြို့နေ အစ္စလာမ်ဘာသာဝင် တဦးက သူရဲ့ သဘောထားကို အောက်ပါ အတိုင်းပြောကြားခဲ့ပါသည်။

” ၂၀၁၂ ခုနှစ် နှစ်ကုန်ပိုင်းက အိုအိုင်စီကို ကန့်ကွက်ဆန္ဒပြပွဲများမှာ မွတ်စလင်မ်ဆန့်ကျင်ရေ့း ကြွေးကြော်သံတွေ၊ လှုံဆော်မှုတွေနှင့်အတူ သမ္မတကြီးကို ထောက်ခံသော ကြေညာစာတန်းတွေလည်း ကိုင်ဆောင်ခဲ့ကြခြင်းကို တွေ့ရှိရကြောင်း၊ ယခုတစ်ကြိမ် အိုအိုင်စီကို ဖိတ်ခေါ်ပြိး လေ့လာစေသည်မှာ မြန်မာအစိုးရဖြစ်သဖြင့် တကယ်တမ်း ကန့်ကွက်မည်ဆိုလျှင် ဦးသိန်းစိန် အစိုးရကိုသာ ဦးတည် ကန့်ကွက်ရမှာ ဖြစ်ကြောင်း၊ ဤသည်မှာ အစိုးရ၏ ပွင့်လင်းမြင်သာမှု မရှိခြင်းကြောင့်ဖြစ်ကြောင်း၊ မိမိတို့မှ ဖိတ်ခေါ်ထားလျှင် ပွင့်လင်းမြင်သာစွာ ပြည်သူကို ထုတ်ဖော် အသိပေးရမှာဖြစ်ကြောင်း၊ ယင်းသို့မဟုတ်ဘဲ အိုအိုင်စီအကြောင်းပြပြီး မွတ်စလင်မ် ဆန့်ကျင်ရေးလမ်းကြောင်း တင်လျက် ဦးသိန်းစိန် ထောက်ခံရေး လမ်းကြောင်းကို သဲ့ယူသွားခြင်းသည် နိုင်ငံရေး အမြတ်ထုတ်မှု သက်သက်သာဖြစ်ကြောင်း၊ ထို့ကြောင့် ကန့်ကွက်ဆန္ဒပြမှုဖြစ်ပွားခဲ့လျှင် (တနည်း) နိုင်ငံတော်မှလည်း ခွင့်ပြုခဲ့ပါလျှင် ဆန္ဒပြသူတို့မှာ နိုင်ငံတော်၏သဘောထားကို တော်လှန်ဆန့်ကျင်ရာရောက်ကြောင်း၊ နိုင်ငံတော်အစိုးရကိုလည်း မရိုးမသားပြုမူသည်ဟု စွပ်စွဲရာရောက်ကြောင်း ” ၄င်း၏ အမြင်ကို ပြောပြသွားပါသည်။

ဓါတ်ပုံအညွန်း- ၂၀၁၂ ခုနှစ် နှစ်ကုန်ပိုင်း အိုအိုင်စီ ဆန့်ကျင်ရေး ဆန္ဒပြပွဲမှ မြင်ကွင်းတခု

ကိုးကား-http://goo.gl/MJ40iU

November 11, 2013
သံတွဲမြို့တွင် OIC ဆန့်ကျင်ရေး ဆန္ဒပြရန် RNDP မှ လိုက်လံစည်းရုံးနေ

အောက်တိုဘာ၊ ၂၁၊ ၂၀၁၂
M-Media
သတင်း- မောင်ပုည

မနက်ဖြန် အောက်တိုဘာလ၊ ၂၁ ရက် ၂၀၁၂ တွင် သံတွဲမြို့တွင် OIC ဆန့်ကျင်ရေးဆန္ဒပြပွဲပြုလုပ်ရန် RNDP (ရခိုင်တိုင်းရင်းသား တိုးတက်ရေးပါတီ)မှ လိုက်လံစည်းရုံးနေကြောင်းသိရပါတယ်။ OIC အလိုမရှိ၊ သမ္မတကြီးကို ထောက်ခံကြောင်း ကြွေးကြော်သံ ၂ ချက်ပါဝင်ကြောင်း သိရှိရပါတယ်။ RNDP ပါတီမှ သံတွဲမြို့ပေါ်မှ ဗုဒ္ဒဘာသာဝင်အိမ်များကို တစ်အိမ်တစ်ယောက် လိုက်ပါ ဆန္ဒပြရမည့်လို့ လိုက်လံ ခေါ်ဆောင်နေကြောင်းသိရပါတယ်။

သံတွဲမြို့တွင် နေထိုင်သူ ပြည်သူအများစုမှာ OIC ဘာလဲဆိုတာတောင် သေချာသိရှိသူများ မဟုတ်ဘဲ ဆန္ဒပြပွဲကိုလဲ ပါဝင်ရန် ဆန္ဒမရှိကြပေမယ့် ရခိုင်ပြည်နယ် အခြားမြို့များမှာ အသီးသီးဆန္ဒပြကြပြီး သံတွဲမြို့ခံ ဗုဒ္ဒဘာသာဝင်များမှ ဆန္ဒမပြကြလျှင် ခရီးသွားလာခြင်း နှင့် စီးပွားရေး လုပ်ငန်းဆောင်တာ အရောင်းအဝယ်ကဏ္ဍများတွင် သံတွဲမြို့ခံများကို အငြိုးထား ဒုက္ခပေးမည်ကို စိုးရိမ်သောကြောင့် အဖြစ်သဘောဖြင့် ငြိမ်းငြိမ်းချမ်းချမ်းပဲ လုပ်ဆောင်သွားမည် ဖြစ်ကြောင်း စုံစမ်းသိရှိရပါတယ်။

၂၃၊ ၉၊ ၂၀၁၂ နေ့ နံနက် ၁၁း၀၀ နာရီခန့်တွင် နေပြည်တော်ရှိ MICC ခန်းမ Room(1) တွင်ပြောကြားခဲ့သော ကြံခိုင်ရေးနှင့် ဖွံ့ဖြိုးရေးပါတီ ဗဟို အလုပ်အမှုဆောင် နှင့် ရခိုင်ပြည်နယ် တာဝန်ခံ ဦးမောင်ဦး( ယခင် ပြည်ထဲရေးဝန်ကြီး ဗိုလ်ချူပ်မောင်ဦး) ၏ ရခိုင်ပဋိပက္ခတွေ ရခိုင်ပြည်နယ်အစိုးရကိုင်တွယ်ပုံ အပေါ် သုံးသပ်ချက်မှာ “လက်ရှိ စစ်တွေမြို့ ပေါ်မှာ ဒီ Local Government ရဲ့အာဏာအပေါ်မှာ နောက်လွှမ်းမိုးနေတဲ့ အဖွဲ့အစည်းတစ်ခုရှိ တယ်။ဒါ မပြော မဖြစ် လို့ ကျွန် တော် ပြောရတာပါ။ပါတီတွေ၊နိုင်ငံရေးတွေ ကျွန်တော်မပါဘူး။ လက်တွေအစိုးရအနေနဲ့သူ့ ဟာသူလွတ် လွတ် လပ်လပ်လုပ်လို့မရအောင် လွှမ်းခြုံထားနောက်က xxxxxxxxxx ရှိနေလို့ ကျွန်တော်ပြောရတာပါ” ဆိုပြိးထည့်သွင်းပြောကြားခဲ့ပါတယ်။

ယခု ရခိုင်ပဋိပက္ခများ ဖြစ်ပွားမှုမှာ အတော်အသင့် အရှိန်လျော့ သွားသော်လည်း RNDP ပါတီမှ မငြိမ်သက်မှုများ ဆက်လက်ဖြစ်ပွားအောင် အဆက်မပြတ် လှုံဆော်မှု့များ လုပ်ဆောင်နေသည်ကို တွေ့ရှိရပါတယ်။

သံတွဲမြို့မှာ ဗုဒ္ဒဘာသာဝင်များ အစ္စလာမ်ဘာသာဝင်များအကြား နှစ်ဆေယ်စုနှစ်ပေါင်း များစွာ မည်သည့်ပြဿနာမှ မရှိဘဲ ငြိမ်းချမ်းစွာအတူနေထိုင်လာခဲ့သောမြို့ဖြစ်ပါတယ်။

October 21, 2012
မန္တလေး တိုင်းသာသနာရေး ဝန်ကြီး OIC ကိစ္စ သံဃာများနှင့် အစ္စလာမ်အဖွဲ့ ခေါင်းဆောင်များအား တွေ့ဆုံ

အောက်တိုဘာ၊ ၁၄၊ ၂၀၁၂

M-Media

မန္တလေး။ ။ ယနေ့ ၁၄-၁၀-၂၀၁၂ တနင်္ဂနွေနေ့လည်ပိုင်းတွင် မစိုးရိမ်တိုက်ဟောင်းတွင် မန္တလေးတိုင်းဒေသကြီး မဟာသံဃာနာယက ဆရာတော်ကြီးများနှင့် မြ၀တီမင်းကြီးကျောင်းတိုက် ဆရာတော်အမှူးပြုသော သံဃာတော်များနှင့် အစ္စလာမ်ဘာသာရေးအဖွဲ့အစည်း အသီးသီးမှခေါင်းဆောင်များအား မန္တလေးတိုင်းဒေသကြီး သစ်တောနှင့် သတ္ထုတွင်း၊ သာသနာရေးဝန်ကြီးမှ တွေ့ဆုံ၍ သာသနာရေးဆိုင်ရာကိစ္စရပ်များ-လက်ရှိ ဖြစ်ပေါ်နေသော ကိစ္စရပ်များနှင့်ပတ်သက်ပြီးရှင်းလင်း တင်ပြလျှောက်ထားခဲ့ပါသည်။

ဆရာတော်ကြီးများက အိုအိုင်စီ နှင့်ပတ်သက်၍ သံဃာတော်များ ဗုဒ္ဓဘာသာဝင်များ၏ စိုးရိမ်ပူပန်မှု များကိုမိန့်ကြားခဲ့ပြီး ဝန်ကြီးမှ အိုအိုင်စီရုံးဖွင့်လှစ်ခွင့်ပြုမည်မဟုတ်ကြောင်းနှင့် ယနေ့ည၈နာရီသတင်းတွင် တရားဝင်ကြော်ငြာပေးမှာဖြစ်ကြောင်း လျှောက်ထားခဲ့ ပါသည်။

ဆရာတော်များနှင့်အစ္စလာမ်ဘာသာခေါင်းဆောင်များက ငြိမ်းချမ်းစွာ အတူယှဉ်တွဲနေထိုင်ရေး-ဘာသာရေး အထင်အမြင်လွဲမှုများပပျောက်ရေး-ဖြစ်ပေါ်နေသောပဋိပက္ခများ ငြိမ်းအေးစေရေးတို့အတွက် ငြိမ်းချမ်းရေးတရားများ အပြန်အလှန်ပြောဟောပြီး-ချစ်ကြည်ရင်းနှီးစွာဖြင့် အခမ်းအနားရုပ်သိမ်းလိုက်ပါသည်။

အခန်းအနားတွင် ဆရာတော်ဦးဝီရသူမှ ဘာသာပေါင်းစုံ ဆုတောင်းပွဲများကို အစိုးရမှပိတ်ပင်ခြင်းများမပြုပါရန် မိန့်ကြားမှုအပေါ် ဝန်ကြီးမှ ခွင့်ပြုပေးပါမည့် အကြောင်းဖြေကြားခဲ့ပါသည်။

Source: Maungmaung Skw FB

October 14, 2012