News @ M-Media

Tag: Armenia

  • သံတမန်ဆက်ဆံရေးထူထောင်နိုင်ရန် တူရကီနှင့် အာမေးနီးယားတို့ ဆွေးနွေးမည်

    သံတမန်ဆက်ဆံရေးထူထောင်နိုင်ရန် တူရကီနှင့် အာမေးနီးယားတို့ ဆွေးနွေးမည်

    ဇန်နဝါရီ ၁၄၊ ၂၀၂၂
    M-Media

    -ဆယ်စုနှစ်ချီရှိခဲ့တဲ့ မကျေလည်မှုတွေကို ဖြေရှင်းကာ သံတမန်ဆက်ဆံရေး ထူထောင်နိုင်ဖို့ ရည်ရွယ်ပြီး တူရကီနဲ့ အာမေးနီးယားတို့ဟာ ဒီကနေ့ မော်စကိုမှာ ပထမဆုံးအကြိမ် ဆွေးနွေးမှု ပြုလုပ်ဖို့ ရှိနေပါတယ်။

    တူရကီနဲ့ အာမေးနီးယားတို့ သံတမန်ဆက်ဆံရေးမရှိတာ နှစ်ပေါင်း ၃၀ လောက် ရှိနေပါပြီ။ ၂၀၀၉ ခုနှစ်မှာ ငြိမ်းချမ်းရေးသဘောတူညီချက်ကို လက်မှတ်ရေးထိုးခဲ့ပေမယ့် အကောင်အထည်မဖော်နိုင်ခဲ့ဘဲ ဆက်ဆံရေးက တင်းမာနေဆဲဖြစ်ပါတယ်။

    ပထမကမ္ဘာစစ်ဖြစ်နေတဲ့ ၁၉၁၅ ခုနှစ်မှာ အော်တိုမန်အင်ပါယာအောက် ရှိနေတဲ့ အာမေးနီးယန်းလူမျိုး ၁.၅ သန်း အသတ်ခံရမှု၊ ၂၀၂၀ ခုနှစ် အဇာဘိုင်ဂျန်နဲ့ အာမေးနီးယားတို့ စစ်ပွဲမှာ တူရကီက အဇာဘိုင်ဂျန်ကို ထောက်ခံမှု စတဲ့ ကိစ္စတွေအတွက် တူရကီနဲ့ အာမေးနီးယားတို့အကြား တင်းမာမှုတွေ ရှိနေတာ ဖြစ်ပါတယ်။

    ၁၉၁၅ ခုနှစ် ကိစ္စဟာ လူမျိုးတုန်းသတ်ဖြတ်မှုဖြစ်တယ်လို့ အာမေးနီးယားက ပြောထားပြီး တူရကီက ဒါကို ငြင်းပါတယ်။

    အာမေးနီးယား နိုင်ငံခြားရေးဝန်ကြီးဌာနက အခုနောက်ဆုံးဆွေးနွေးပွဲဟာ သံတမန်ဆက်ဆံရေး တည်ထောင်ဖို့နဲ့ ၁၉၉၃ ခုနှစ်က ပိတ်ခဲ့တဲ့ နယ်စပ်လမ်းကြောင်းတွေ ပြန်ဖွင့်ရေးအထိ ဖြစ်လာဖို့ ရည်မှန်းထားကြောင်း ရုရှားသတင်းဌာနကို မနေ့က ပြောကြားခဲ့ပါတယ်။

    တူရကီနဲ့ အာမေးနီးယားတို့ဟာ တိုက်ရိုက်ကုန်သွယ်မှု မရှိပေမယ့် တစ်ဆင့်ခံ ကုန်သွယ်မှု ရှိနေပါတယ်။

    Ref: Aljazeera

  • အာမေးနီးယားထံမှ ပြန်သိမ်းနိုင်ခဲ့သည့် အငြင်းပွားဒေသကို အဇာဘိုင်ဂျန်က တရားဝင်လွှဲပြောင်းရယူ

    အာမေးနီးယားထံမှ ပြန်သိမ်းနိုင်ခဲ့သည့် အငြင်းပွားဒေသကို အဇာဘိုင်ဂျန်က တရားဝင်လွှဲပြောင်းရယူ

    နိုဝင်ဘာ ၂၀၊ ၂၀၂၀
    M-Media

    -အငြင်းပွားဒေသ Nagorno-Karabakh အတွက် အာမေးနီးယားနဲ့ ၆ ပတ်ကြာဖြစ်ပွားခဲ့တဲ့ စစ်ပွဲမှာ သိမ်းယူနိုင်ခဲ့တဲ့ ဒေသတွေကို အဇာဘိုင်ဂျန်က ဒီကနေ့မှာ စတင်ပြီး တရားဝင် လွှဲပြောင်း ရယူခဲ့ပါတယ်။

    အာမေးနီးယားလူမျိုးတွေ အများစုနေထိုင်တဲ့ Nagorno-Karabakh ဒေသဟာ အဇာဘိုင်ဂျန်ပိုင်နက်ထဲမှာရှိပေမယ့် ခွဲထွက်ရေးလိုလားတဲ့ အာမေးနီးယားလူမျိုးတွေဟာ အာမေးနီးယားနိုင်ငံရဲ့ ထောက်ပံ့မှုနဲ့ နှစ်ပေါင်း ၃၀ လောက် ထိန်းချုပ်ခဲ့တာ ဖြစ်ပါတယ်။

    စက်တင်ဘာ ၂၇ ရက်နေ့မှာ ဒီဒေသတွင် အဇာဘိုင်ဂျန်နဲ့ အာမေးနီးယားတို့အကြား စစ်ပွဲထပ်မံဖြစ်ပွားခဲ့ပြီး ရုရှားရဲ့ ကြားဝင်စေ့စပ်မှုနဲ့ ပြီးခဲ့တဲ့တစ်ပတ်မှာ နှစ်နိုင်ငံ ငြိမ်းချမ်းရေးသဘောတူညီချက် ရခဲ့ပါတယ်။

    စာချုပ်အရ အဇာဘိုင်ဂျန်တပ်တွေ သိမ်းယူထားတဲ့ အငြင်းပွားဒေသရဲ့ ၂၀ ရာခိုင်နှုန်းလောက်ကို တရားဝင်လွှဲပြောင်းပေးဖို့ အာမေးနီးယားက သဘောတူခဲ့ပါတယ်။

    နိုဝင်ဘာ ၂၀ ရက်နေ့မှာ ပထမအသုတ်အဖြစ် အဂ်ဒမ်ခရိုင်ကို အဇာဘိုင်ဂျန်က တရားဝင် လွှဲပြောင်းရယူခဲ့ပြီး ၂၅ ရက်နေ့မှာ ကာလ်ဘာဂျာရ်ခရိုင်၊ ဒီဇင်ဘာ ၁ ရက်နေ့မှာ လာချင်ခရိုင်တို့ကို ရယူမှာဖြစ်ပါတယ်။ အဂ်ဒမ်ခရိုင်မှာ အရင်က အဇာဘိုင်ဂျန်လူမျိုး ၁ သိန်း ၃ သောင်းလောက် ရှိပေမယ့် ၁၉၉၃ ခုနှစ် အာမေးနီးယားတွေ Nagorno-Karabakh ဒေသကို ထိန်းချုပ်ပြီးနောက်ပိုင်း မောင်းထုတ်ခံခဲ့ရပါတယ်။

    အဇာဘိုင်ဂျန် ကာကွယ်ရေးဝန်ကြီးဌာနက သူတို့တပ်တွေ အဂ်ဒမ်ခရိုင်ထဲ ဝင်ရောက်တပ်စွဲခဲ့ကြောင်း ထုတ်ပြန်ခဲ့ပါတယ်။ နယ်မြေလွှဲပြောင်းရယူမှုကို ပြီးခဲ့တဲ့တစ်ပတ် တနင်္ဂနွေနေ့ ပြုလုပ်ဖို့ စီစဉ်ထားပေမယ့် လူသားချင်းစာနာထောက်ထားမှုဆိုင်ရာ အကြောင်းအရင်းကြောင့် နောက်ရွှေ့ပေးခဲ့တယ်လို့ အဇာဘိုင်ဂျန်သမ္မတ အီလ်ဟမ် အလီယက်ဗ်က​ ပြောကြားခဲ့ပါတယ်။

    Ref : Aljazeera

  • ဝန်ကြီးချုပ်ကိုလုပ်ကြံပြီး အာဏာသိမ်းရန်ကြိုးပမ်းမှုကို တားဆီးခဲ့ရဟု အာမေးနီးယား ထုတ်ပြန်

    ဝန်ကြီးချုပ်ကိုလုပ်ကြံပြီး အာဏာသိမ်းရန်ကြိုးပမ်းမှုကို တားဆီးခဲ့ရဟု အာမေးနီးယား ထုတ်ပြန်

    နိုဝင်ဘာ ၁၅၊ ၂၀၂၀
    M-Media

    အာမေးနီးယား၀န်ကြီးချုပ် နီကိုလ် ပါရှင်ယန်

    -အိမ်နီးချင်း အဇာဘိုင်ဂျန်နဲ့ဖြစ်တဲ့ စစ်ပွဲနဲ့ပတ်သက်ပြီး မကျေနပ်တာ​ကြောင့် ဝန်ကြီးချုပ် နီကိုလ် ပါရှင်ယန်ကို လုပ်ကြံကာ အာဏာသိမ်းဖို့ ကြိုးစားမှုကို တားဆီးနိုင်ခဲ့တယ်လို့ အာမေးနီးယားနိုင်ငံက ထုတ်ပြန်ပြောကြားလိုက်ပါတယ်။

    ပိုင်ဆိုင်မှုအငြင်းပွားနေတဲ့ Nagorno-Karabakh ဒေသအတွက် အာမေးနီးယားနဲ့ အဇာဘိုင်ဂျန်တို့အကြား ၆ ပတ်ကြာ စစ်ပွဲဖြစ်ပွားခဲ့ပြီးတဲ့နောက် အခုတစ်ပတ်အစောပိုင်းမှာ စစ်ရပ်ဆဲရေးသဘောတူညီချက် ရခဲ့ပါတယ်။

    သဘောတူညီချက်အရ အငြင်းပွားဒေသမှာ အဇာဘိုင်ဂျန်က သိမ်းပိုက်ထားတဲ့ ဒေသတစ်ချို့ကို အာမေးနီးယားက လွှဲပြောင်းပေးရမှာပါ။ ဒီကိစ္စကို မကျေနပ်တာကြောင့် အဇာဘိုင်ဂျန် ပြည်သူတွေဟာ အင်္ဂါနေ့ကစတင်ကာ ဆန္ဒပြမှုတွေ ပြုလုပ်ခဲ့ပါတယ်။

    အာ​မေနီးယား နိုင်ငံတော်လုံခြုံရေးအဖွဲ့ NSS ရဲ့ မနေ့က ထုတ်ပြန်ချက်မှာ အစိုးရ တာဝန်ရှိသူဟောင်းတွေ ဦးဆောင်ပြီး ဝန်ကြီးချုပ်ကို လုပ်ကြံကာ အာဏာသိမ်းဖို့ ကြိုးစားမှုကို တားဆီးနိုင်ခဲ့ပြီး လွှတ်တော်ထဲက ရီပက်ဘလစ်ကန်ပါတီအဖွဲ့ အကြီးအကဲဟောင်းနဲ့ စစ်တပ်အကြီးအကဲတစ်ဦးကို ထိန်းသိမ်းထားတယ်လို့ ​ဖော်ပြခဲ့ပါတယ်။

    Nagorno-Karabakh ဒေသဟာ အဇာဘိုင်ဂျန် ပိုင်နက်ထဲမှာရှိပြီး အာမေးနီးယားလူမျိုးအများစု နေထိုင်တာပါ။ အဲဒီ အာမေးနီးယားလူမျိုးတွေဟာ ၁၉၉၀ ပြည့်နှစ်တွေကတည်းက ခွဲထွက်ဖို့ကြိုးစားခဲ့ပြီး အာမေးနီးယားနိုင်ငံရဲ့ အထောက်အပံ့နဲ့ ဒေသကို ထိန်းချုပ်ကာ ကိုယ်ပိုင် စီမံအုပ်ချုပ်ခဲ့ပါတယ်။

    အာမေးနီးယားဝန်ကြီးချုပ် နီကိုလ် ပါရှင်ယန်က နယ်မြေထပ်မံဆုံးရှုံးနိုင်မှုကို တားဆီးဖို့အတွက် အဇာဘိုင်ဂျန်နဲ့ စစ်ရပ်ဆဲရေး သဘောတူညီချက် ယူရတာဖြစ်ပြီး ဒီနည်းလမ်းကလွဲလို့ တစ်ခြားရွေးစရာ မရှိဘူးလို့ ပြောကြားခဲ့ပါတယ်။

    သဘောတူညီချက်အရ အငြင်းပွားဒေသမှာ ငြိမ်းချမ်းရေး ထိန်းသိမ်းဖို့အတွက် ရုရှားက တပ်ဖွဲ့ဝင် ၂၀၀၀ ချထားဖို့လည်း ပါဝင်ပါတယ်။

    Ref: Aljazeera

  • အာမေးနီးယားနှင့် အဇာဘိုင်ဂျန်တို့ စစ်ရပ်ဆဲရေးစာချုပ် ချုပ်ဆို

    အာမေးနီးယားနှင့် အဇာဘိုင်ဂျန်တို့ စစ်ရပ်ဆဲရေးစာချုပ် ချုပ်ဆို

    နိုဝင်ဘာ ၁၀၊ ၂၀၂၀
    M-Media

    -နှစ်နိုင်ငံကြားမှာရှိတဲ့ Nagorno-Karabakh ဒေသအတွက် ၆ ပတ်ကြာ စစ်ပွဲဖြစ်ခဲ့ပြီးတဲ့နောက် ရုရှားရဲ့ ကြားဝင်စေ့စပ်ပေးမှုကြောင့် အာမေးနီးယားနဲ့ အဇာဘိုင်ဂျန်တို့ဟာ စစ်ပွဲအဆုံးသတ်ရေး သဘောတူညီချက် ရခဲ့ပါတယ်။

    အငြင်းပွားဒေသရဲ့ ဒုတိယမြို့တော် ရှူရှာကို အာဇာဘိုင်ဂျန်က သိမ်းပိုက်ကာ အာမေးနီးယားတာဝန်ရှိသူတွေကို ဖမ်းဆီးခဲ့ပြီး နာရီပိုင်းအကြာမှာ ဒီသဘောတူညီချက် ပေါ်ပေါက်လာတာ ဖြစ်ပါတယ်။

    ‘ပြောမပြနိုင်အောင် နာကျင်ရတဲ့ သဘောတူညီချက်’ လို့ အာမေးနီးယားဝန်ကြီးချုပ် နီကိုလ်ပါရှင်ယန်က ပြောကြားခဲ့ပြီး အဇာဘိုင်ဂျန်သမ္မတ အီလ်ဟမ် အလီယက်ဗ်က ပြဿနာပြေလည်ရေးအတွက် အရေးပါတဲ့ သုံးပွင့်ဆိုင် သဘောတူညီချက် ဖြစ်လာမယ်လို့ မှတ်ချက်ပေးခဲ့ပါတယ်။

    Nagorno-Karabakh ဒေသဟာ အဇာဘိုင်ဂျန်ပိုင်နက် ဖြစ်ပေမယ့် အာမေးနီးယားလူမျိုးအများစု နေထိုင်ကြတာပါ။ ဒေသတွင်းမှာ ကိုယ်ပိုင်အုပ်ချုပ်ရေးထူထောင်ကာ အဇာဘိုင်ဂျန်ကနေခွဲထွက်ပြီး အာမေးနီးယားနဲ့ပေါင်းစည်းဖို့ အရင်ကတည်းက ကြိုးပမ်းမှုတွေရှိကာ အာမေးနီးယားနိုင်ငံကလည်း လိုအပ်တဲ့ လက်နက်ခဲယမ်းတွေ ကူညီပေးခဲ့ပါတယ်။

    ဝန်ကြီးချုပ် နီကိုလ်ပါရှင်ယန်က အဇာဘိုင်ဂျန်တပ်ဖွဲ့တွေဟာ ဒေသရဲ့အဓိကမြို့ စတီပါနာကာ့တ်ကို ရောက်ဖို့ နီးကပ်လာပြီး လက်ရှိ စစ်ရေးအခြေအနေကို ချင့်ချိန်တွက်ဆကာ စစ်ရပ်ဆဲရေးက အကောင်းဆုံးအဖ​ြစ်မယ်လို့ ​ယူဆတာကြောင့် သဘောတူညီချက်ကို လက်မှတ်ရေးထိုးခဲ့တာလို့ ဆိုပါတယ်။

    သမ္မတအလီယဗ်ကတော့ အဇာဘိုင်ဂျန်တပ်ဖွဲ့တွေရဲ့ စစ်ရေးအောင်မြင်မှုကြောင့် အာမေးနီးယားဖက်က အကြပ်တွေ့ခဲ့တာလို့ ပြောကြားခဲ့ပါတယ်။

    “ဒီသဘောတူညီချက်ဟာ သမိုင်ဝင်တဲ့ ထူးခြားအောင်မြင်မှုတစ်ရပ် ဖြစ်ပါတယ်။ ​စစ်ပွဲရှုံးနိမ့်မှုကို အာမေးနီးယားက လက်ခံတာ၊ နှစ်များစွာကြာ ကျူးကျော်သိမ်းပိုက်မှု အဆုံးသတ်နိုင်တာတွေကို ပြသတဲ့ သဘောတူညီချက်ဖြစ်သလို ကျွန်တော်တို့ရဲ့ ဂုဏ်သိက္ခာရှိတဲ့ အောင်ပွဲလည်း ဖြစ်ပါတယ်”

    Ref: Aljazeera

  • အာေမးနီးယားမွ သမုိင္း၀င္ဗလီကုိ ကမၻာ့အေမြအႏွစ္အျဖစ္ စာရင္းသြင္းမည္

    အာေမးနီးယားမွ သမုိင္း၀င္ဗလီကုိ ကမၻာ့အေမြအႏွစ္အျဖစ္ စာရင္းသြင္းမည္

    ဇန္န၀ါရီ ၂၃၊ ၂၀၁၈
    M-Media

    အာေမးနီးယားၿမိဳ႕ေတာ္ ယီရီဗန္မွ ဗလီျပာ

    – အာေမးနီးယားႏုိင္ငံ ၿမိဳ႕ေတာ္ယီရီဗန္က နာမည္ေက်ာ္ ဗလီျပာကုိ ကမၻာ့ ေရွးေဟာင္းအေမြအႏွစ္အျဖစ္ သတ္မွတ္ေရး ယူနက္စကုိအဖြဲ႕ထံ ေလွ်ာက္ထားသြားမယ္လုိ႔ အီရန္ ယဥ္ေက်းမႈ အေမြအႏွစ္ႏွင့္ ခရီးသြားအဖြဲ႕ ICHTO အႀကီးအကဲ မုိဟာမက္ ဟုိစိန္ တာေလဘီယန္က ေျပာၾကားလုိက္ပါတယ္။

    လက္ရွိမွာ ဒီကိစၥအတြက္ အီရန္ဆုိင္ရာ အာေမးနီးယားသံအမတ္ အာတာရွီ တူမန္ယန္နဲ႔ တရား၀င္ေဆြးေႏြးေနတယ္လုိ႔ တာေလဘီယန္က မေန႔မွာ သတင္းေထာက္ေတြကုိ ေျပာခဲ့တာပါ။

    ဗလီျပာကုိ ျပဳျပင္မြမ္းမံဖုိ႔ လုိအပ္ေနၿပီး ယီရီဗန္က အီရန္သံ႐ံုးကေနတစ္ဆင့္ ျပင္ဆင္မယ့္ကိစၥကုိ အီရန္က ေဆြးေႏြးေနပါတယ္။

    အီရန္ဟာ ႏုိင္ငံ အေနာက္ေျမာက္ပုိင္းက ယူနက္စကုိ ေရွးေဟာင္း အေမြအႏွစ္စာရင္း၀င္ ခရစ္ယာန္ဘုရားေက်ာင္းေတြ ျပန္လည္ျပင္ဆင္ေရးလုပ္ငန္းအတြက္ ၿပီးခဲ့တဲ့ႏွစ္ ၾသဂုတ္လမွာ ကန္ဒၚလာ ၄၂၇၀၀၀ ေထာက္ပံ့ခဲ့ပါတယ္။

    အစၥဖာဟန္ၿမိဳ႕ နယူး ဂ်ဴလ္ဖာခ႐ုိင္မွာရွိတဲ့ Holy Savior ကက္သလစ္ဘုရားေက်ာင္းကိုလည္း ကမၻာ့အေမြအႏွစ္စာရင္း၀င္ဖုိ႔ စီစဥ္သြားမယ္လုိ႔ အီရန္က ၿပီးခဲ့တဲ့တစ္ပတ္မွာ ေၾကျငာခဲ့ပါတယ္။

    ယီရီဗန္က ဗလီျပာဟာ ၁၈ ရာစုက ေဆာက္လုပ္ခဲ့တဲ့ ရွီအာ ဗလီတစ္လံုးျဖစ္ၿပီး ဆုိဗီယက္အုပ္စုိးစဥ္အတြင္းမွာ ၀တ္ျပဳမႈေတြကုိ ရပ္တန္႔ခဲ့ရကာ ေနာက္ပုိင္းမွာ ယီရီဗန္ သမုိင္းျပတုိက္ ျဖစ္ခဲ့ပါတယ္။

    ၁၉၉၁ ခုႏွစ္ အာေမနီးယား လြတ္လပ္ေရးရတဲ့အခါမွာေတာ့ ဒီဗလီကုိ အီရန္အစုိးရ အကူအညီနဲ႔ ျပဳျပင္မြမ္းမံခဲ့ၿပီး အစၥလာမ္ဘာသာ၀င္ေတြ အထူးသျဖင့္ အာေမးနီးယားက အီရန္ႏြယ္ဖြားေတြ ဆက္လက္အသံုးျပဳေနပါတယ္။

    ဗလီျပာဟာ အာေမးနီးယားတစ္ႏုိင္ငံလံုးမွာ အသံုးျပဳလ်က္ရွိတဲ့ တစ္ခုတည္းေသာ ဗလီ၀တ္ေက်ာင္းေတာ္လည္း ျဖစ္ပါတယ္။

    Ref: Armenian Weekly