Tag: AustraliaMuslims

မတ် ၁၉၊ ၂၀၁၅
M-Medias

– သြစတေးလျ မွတ်စလင်လူ့အဖွဲ့အစည်းအတွင်း မတူကွဲပြားစွာ ညီညွတ်မှုကို ထင်ဟပ်စေလျက် အစ္စလာမ်နှင့် ပတ်သက်၍ အထင်အမြင်လွဲမှားမှုများကို ဖယ်ရှားရန်အတွက် မွတ်စလင် ဖက်ရှင်ပြပွဲသစ်တစ်ခုကို နိုင်ငံအနောက်ပိုင်း ကန်တန်နင်း မြို့တွင် ကျင်းပပြုလုပ်နေသည်ဟု သိရသည်။

ကန်တန်နင်း ပြည်သူစာကြည့်တိုက်တွင် ပြုလုပ်ခဲ့သည့် အဆိုပါဖက်ရှင်ပြပွဲကို “ယုံကြည်မှု၊ ဖက်ရှင်နှင့် ပေါင်းစပ်မှု” ဟု အမည်ပေးထားပြီး မျိုးဆက်သစ်ဒီဇိုင်နာများက ဟိရသြတပ္ပတရား ပေါင်းစပ်ဖန်တီးထားသော ခေတ်ပြိုင် ဖက်ရှင်များကို ပြသခဲ့ကြသည်။

“မွတ်စလင်အမျိုးသမီးတစ်ယောက်အတွက် အိနြေ္ဒသိက္ခာရှိနဲ့ ကိုယ့်ရဲ့ ခန္ဓာကိုယ်ကို လုံခြုံစွာ ၀တ်ဆင်ဖို့ မျှော်လင့်မှာပါပဲ။ ကျွန်မတို့ ဒီမှာ ပြသနေတာကလည်း ဟီရိသြတ္တပတရားရှိရှိနဲ့ တစ်ချိန်တည်းမှာ ဖက်ရှင်ကျကျ ၀တ်ဆင်တတ်ဖို့ ဖြစ်ပါတယ်” ဟု ကန်တန်နင်း ပြည်သူ့စာကြည့်တိုက်အရာရှိ အိုင်နက်တူလ် အေဆိုနန်က ပြောကြားခဲ့သည်။

အဆိုပါပြပွဲတွင် ဖက်ရှင်ဓာတ်ပုံများ၊ အဖိုးတန်ပစ္စည်းများချယ်သထားသော ဖက်ရှင်ဒီဇိုင်များကို ခင်ကျင်းပြသထားပြီး ဆစ်ဒနီမြို့တွင် ထင်ရှားသည့် မွတ်စလင်အမျိုးသမီး အာရ်ဝါ အလ်-မက်စရီအပါအ၀င် သြစတေးလျ တစ်ဝှမ်းရှိ ထင်ရှားသော မွတ်စလင်အမျိုးသမီးများ၏ ဖက်ရှင်နှင့်ပတ်သက်သည့် အင်တာဗျူးများကိုလည်း ပြသခဲ့သည်။ အဆိုပါ ဖက်ရှင်ပြပွဲမှာ မွတ်စလင်လူ့အဖွဲ့အစည်းအတွက် ၎င်းတို့၏ အတွေ့အကြုံများနှင့် အယူဝါဒအကြောင်း ပြောပြရန် နေရာတစ်ခုဖန်တီးရန် ရည်ရွယ်၍ ပြသခဲ့ခြင်းဖြစ်သည်။

“ဘယ်အရာကမှ ကန့်သန့်ချုပ်ချယ်ခွင့်မပေးဘဲ ရည်ရွယ်ချက်ပန်းတိုင်တွေအတွက် သူတို့တွေ ကြိုးစားဆောင်ရွက်တာကို တွေ့ရတာ သိပ်ကောင်းပါတယ်။ ဘာ့ကြောင့်လည်းဆိုတော့ မွတ်စလင်မဟုတ်တဲ့ အမျိုးသမီးတွေ လုပ်နိုင်တဲ့ (ကောင်းမွန်တဲ့) အရာတွေကို မွတ်စလင်အမျိုးသမီးတွေ မလုပ်နိုင်တာ မရှိလို့ပါဘဲ” ဟု အေဆိုနန်က ထည့်သွင်းပြောကြားခဲ့သည်။

ထို့ပြင် သူမအတွက် အစ္စလာမ်၏ သွန်သင်ချက်များနှင့် ယခုပြသသော ခေတ်ပြိုင်ဖက်ရှင်များမှာ လုံးဝ လိုက်ဖက်မှုရှိသည်ဟုဆိုပြီး ထိုသတင်းစကားကိုလည်း ပြန့်နှံ့နိုင်မည်ဟု မျှော်လင့်နေသည်။ ထိုမျှမက သြစတေးလျ မွတ်စလင်လူ့အဖွဲ့အစည်း၏ မတူကွဲပြားမှုအကြား သဟဇာတဖြစ်စွာ နေထိုင်နိုင်မှုကို မီးမောင်းထိုးပြရန် ရည်ရွယ်သည်ဟုလည်း ဆိုသည်။

“(လူ့အဖွဲ့အစည်းမှာ) မတူညီတဲ့ ဥပဒေတွေ၊ မျှော်လင့်ချက်တွေ ရှိနေပါတယ်။ ထိန်းထိန်းသိမ်းသိမ်းရှိတဲ့ မိသားစုမှာ ကျွန်မ ကြီးပြင်းလာတာကြောင့် ကျွန်မ မိသားစုက ကျွန်မကို ဟီဂျဘ်ဝတ်စေတယ်။ ကျွန်မရဲ့ ခြေ၊ လက်၊ ခန္ဓာတို့ကို ဖုံးအုပ်ဖို့ အားပေးခဲ့တယ်။ ဒါဟာ သိက္ခာရှိတာကို ပြသတာပါပဲ။ နောက်ရှုထောင့်တစ်ခုအရ ဆိုရရင် သိပ်ပြီး ထိန်းထိန်းသိမ်းသိမ်းမရှိတဲ့ မိသားစုမှာ ကြီးပြင်းလာပြီး ဟီဂျဘ်မ၀တ်ဆင်ကြတဲ့ မိန်းကလေးတွေဟာဆိုရင် သူတို့ရဲ့ ကိုပိုင်ရွေးချယ်မှုတွေကို လုပ်ကြတယ်။ အချို့က အိနြေ္ဒသိက္ခာက္ခာရှိရှိ ၀တ်ဖို့ စိတ်တိမ်းညွှတ်ကြတယ်။ ပြီးတော့ သူတို့တတ်နိုင်သလောက် အကောင်းဆုံး နည်းလမ်းနဲ့ ၀တ်ဆင်ကြပါတယ်”

အစ္စလာမ်သာသနာမှာ အမျိုးသမီးများအနေဖြင့် လျှပ်ပေါ်လော်လီခြင်းမရှိဘဲ အိနြေ္ဒသိက္ခာရှိစွာ ၀တ်ဆင်နေထိုင်ရန် သွန်သင်ထားပြီး ဟီဂျဘ်ကိုလည်း အမျိုးသမီးတိုင်း ၀တ်ဆင်ရမည့် အဆင်တန်ဆာ တစ်ခုအဖြစ် သတ်မှတ်ထားသည်။ သို့သော် တစ်ဦးတစ်ယောက်၏ ကိုးကွယ်ယုံကြည်မှုကို ဖော်ပြသော ပုံစံမျိုး မဟုတ်ချေ။

လွန်ခဲ့သည့် နှစ်ပေါင်း ၂၀၀ ခန့်ပင် သြစတေးလျတွင် အစ္စလာမ်ဘာသာကို သက်ဝင်ယုံကြည်သူများ နေထိုင်လာခဲ့ကြပြီး လက်ရှိအချိန်တွင် နိုင်ငံလူဦးရေ၏ သန်း ၂၀ တွင် ၁.၇ ရာခိုင်နှုန်းမှာ အစ္စလာမ်သာသနာကို သက်ဝင်ယုံကြည်သူများ ဖြစ်ကြသည်။

Ref: Onislam

အောက်တိုဘာ ၁၆ ၊ ၂၀၁၄
M-Media

– အစ္စလာမ်သာသနာနှင့် ပတ်သက်၍ လူအများမကြားဖူးသော ပုံရိပ်တစ်ခုကို ဖော်ပြရန် ရည်ရွယ်၍ အစ္စလာမ်သာနာသို့ ပြောင်းလဲ သက်ဝင်ခဲ့ကြသော သြစတေးလျ ဌာနေတိုင်းရင်းသားများ အကြောင်း အစီအစဉ်တစ်ခုကို သြစတေးလျ SBS ရုပ်သံမှ စတင် ထုတ်လွှင့်ခဲ့သည်ဟု သိရသည်။

အဆိုပါအစီစဉ်ကို The Feed ဟု အမည်ပေးထားပြီး အစ္စလာမ်သို့ ပြောင်းလဲသက်ဝင်ခဲ့ကြသည့် ဌာနေတိုင်းရင်းသားများ၏ အစ္စလာမ်အပေါ်အမြင်၊ အစ္စလာမ်နှင့် ၎င်းတို့၏ ဘ၀၊ အစ္စလာမ်သာသနာအား ပြောင်းလဲသက်ဝင်ပုံ စသည်တို့ကို ထုတ်လွှင့်တင်ဆက်သွားမည် ဖြစ်သည်။

“သြစတေးလျ ဌာနေ တိုင်းရင်းသား မွတ်စလင် တစ်ယောက်ဖြစ်ရတာကို ကျွန်မ ဂုဏ်ယူပါတယ်။ ကျွန်မ ၀တ်ပြုတဲ့အခါ၊ အလ္လာဟ်အရှင်မြတ်နဲ့ ဆက်သွယ်တဲ့အခါတွေမှာ နက်ရှိုင်းတဲ့ တည်ငြိမ် အေးချမ်းမှုကို ရပါတယ်။ အစ္စလာမ်သာသနာကို ပြောင်းလဲသက်ဝင်ခြင်းမပြုမီက ဒီလိုမျိုး ကျွန်မ မခံစားခဲ့ရဖူးပါဘူး” ဟု သြစတေးလျ အန်ဂလို ဌာနေတိုင်းရင်းသူ ဆာရာက The Feed အစီအစဉ်တွင် ပြောကြားခဲ့သည်။

ဆာရာမှာ နယူးဆောက်သ်ဝေးလ် ပြည်နယ်တွင် မွေးဖွား ကြီးပြင်းခဲ့သူဖြစ်ပြီး စိတ်ပညာဖြင့် ဘွဲ့ရထားသူဖြစ်သည်။ အစ္စလာမ် သာသနာကို လက်ခံရန်အတွက် သုတေနပြုခြင်းများ၊ စာအုပ်ဖတ်ခြင်း၊ အွန်လိုင်းမှ အစ္စလာမ်နှင့် သက်ဆိုင်သော ပို့ချချက်များ နားထောင်ခြင်းတို့ကို ပြုလုပ်ခဲ့ရပြီး အစ္စလာမ်သို့ ပြောင်းလဲရန် ဆုံးဖြတ်ချက်ကို ပျော်ရွှင်စွာပင် ချမှတ်ခဲ့သည်ဟု ၎င်းက ပြောကြားခဲ့သည်။

“ဒီအစဉ်ကိုကြည့်ကြမယ့် သြစတေးလျတွေအတွက် ကျွန်မပေးချင်တဲ့ သတင်းစကားကတော့ ကျွန်မတို့အားလုံးဟာ ဘာမှ မကွာဘူးဆိုတာပါပဲ။ ကျွန်မဟာ သြစတေးလျတစ်ယောက် ဖြစ်တယ်။ ကျွန်မသွေးကနီတယ်။ ဒါပေမယ့် ဒါဟာ ဘ၀အတွက် ကျွန်မရဲ့ ရွေးချယ်မှုပါ။ ပ၀ါဆောင်းလိုက်တာကလွဲလို့ ကျွန်မဟာ အရင်က ကျွန်မပါပဲ” ဟု သူမကဆိုသည်။

အခြားဌာနေတိုင်းရင်းသား မွတ်စလင်တစ်ဦးဖြစ်သူ လုကေးကလည်း အစ္စလာမ် သာသနာမှာ မီဒီယာများတွင် ၀ါဒဖြန့်သကဲ့သို့မဟုတ်ဘဲ၊ မိမိဘ၀အား ငြိမ်းချမ်းမှု ပေးခဲ့သည်ဟု ဖွင့်ဟခဲ့သည်။

“ကမ္ဘာတစ်ဝှမ်းမှာ ဖြစ်နေတာတွေ ဒါမဟုတ် သြစတေးလျမှ ဖြစ်နေတာတွေအားလုံးဟာ စစ်မှန်တဲ့အစ္စလာမ်နဲ့ ပတ်သက်ပြီး ကျွန်တော်ရဲ့ အမြင်ကို တိမ်းစောင်းစေလိ့မ်မယ်လို့ မထင်ပါဘူး။ ဘာ့ကြောင့်လည်းဆိုတော့ အစ္စလာမ်ကို ကျွန်တော် ပိုနားလည်ပါတယ်” ဟု လုကေးက ဆိုသည်။

မီဒီယာများတွင် ဖော်ပြသော အစ္စလာမ်အကြောင်းနှင့် ပတ်သက်၍ ဆာရာက

“နိုင်ငံရပ်ခြားမှာ ဖြစ်နေတဲ့ ရက်စက်ကြမ်းကြုတ်မှုတွေအားလုံးကို ကျွန်မကြားပါတယ်။ ကျွန်မရဲ့ ဘ၀လ မ်းညွှန်ဖြစ်တဲ့ ကုရ်အာန် ကျမ်းတော်မြတ်ကို ကောက်ကိုင်လိုက်တဲ့ အခါ ဒီအထဲမှာ လူတွေကိုနှိပ်စက် ခိုင်းတာ၊ ပဋိပက္ခတွေ၊ တိုက်ခိုက်မှုတွေ လုပ်ခိုင်းတာမျိုး မတွေ့ရပါဘူး” ဟု ပြောကြားခဲ့သည်။

အဆိုပါ The Feed အစီအစဉ်ကို တင်ဆက်သူ ပက်ထရစ် အက်ဘော့ကမူ ထိုအစီအစဉ်မှာ အစ္စလာမ်သို့ ပြောင်းလဲသက်ဝင်ခဲ့ကြသည့် သြစတေးလျ နိုင်ငံသားများ၏ ဘ၀ကို ပြသရန်ဖြစ်သည်ဟု ပြောကြားခဲ့သည်။

“အစ္စလာမ်သာသနာကို ပြောင်းလဲသက်ဝင်ခဲ့ကြတဲ့ အန်ဂလို-သြစတေးလျန်း ဌာနေတိုင်းရင်းသားတွေကို ကျွန်တော် မြင်တွေ့ချင်ပါတယ်။ ဒါဟာ သြစတေးလျက အစ္စလာမ့် လူ့အဖွဲ့အစည်းထဲမှာ သိပ်မပြောကြတဲ့ ကိစ္စပါ” ဟု ပက်ထရစ်က ဆိုသည်။

သြစတေးလျ သစ်လွင်မွတ်စလင်များအသင်းမှ ဥက္ကဌ ကန်နာဝတ္တီကလည်း အဆိုပါ The Feed အစီအစဉ်မှ တစ်ပတ်လျှင် အစ္စလာမ်သို့ ပြောင်းလဲသက်ဝင်လာသည့် သြစတေးလျ ဌာနေတိုင်းရင်းသား ၃၊ ၄ ဦး၏ အကြောင်းကို ဖော်ပြနိုင်ရန် စီစဉ်နေကြောင်း ပြောကြားခဲ့သည်။

“အခုအခြေအနေမျိုးမှာ ကျွန်တော်တုိ့ကို ရန်သူတစ်ယောက်လို ခြားနားတဲ့ ပုံစံမျိုးနဲ့ကြည့်တာမျိုး ခံနေရပါတယ်။ ဒါ့ကြောင့် “အစ္စလာမ်ဟာ ဘာလဲ” ဆိုတာနဲ့ ပတ်သက်ပြီး သိရှိအောင်လုပ်ဖို့ လူ့အဖွဲ့အစည်းကို တောင်းဆိုပါတယ်။ ကြောက်ရွံ့မှုတွေကို ဖယ်ရှားပြီး တံတားတွေထိုးကြပါ။ ကျွန်တော့်ရဲ့အယူဝါဒကို မကောင်းမြင်တာမျိုးကို ကျွန်တော် မလိုချင်သလို ကျွန်တော်နဲ့ ကျွန်တော့်ဇနီး၊ ကလေးတွေကို ကျွန်တော်တို့ နိုင်ငံသားတွေက ကြောက်ရွံ့စိတ်နဲ့ ကြည့်တာမျိုးကိုလည်း မလိုချင်ပါဘူး။ ဒါ့ကြောင့် ဒီအစဉ်အစဉ်ကို အနာဂတ်အတွက် လုပ်ဆောင်နေတာပါ” ဟု ကန်နာဝတ္တီက ဆိုသည်။

ref_ OnIslam & News Agencies