စက်တင်ဘာ ၂၅ ၊ ၂၀၁၄
M-Media
– မြန်မာနိုင်ငံတွင် ရုံးခွဲများ ဖွင့်လှစ်ဆောင်ရွက်ခွင့်ရမည့် နိုင်ငံခြားဘဏ်များ စာရင်းကို ယခုလကုန်ပိုင်းတွင် ကြေညာသွားမည်ဟု ဗဟိုဘဏ် ဒုတိယ ဥက္ကဌ ဦးဆက်အောင် က Reuters သတင်းဌာနသို့ ယမန်နေ့တွင် ပြောကြားခဲ့သည်။
နယူးယောက်မြို့တွင်ကျင်းပပြုလုပ်သည့် မြန်မာ့ရင်းနှီးမြှုပ်နှံမှုဆိုင်ရာ Investment Outreach ညီလာခံသို့ တက်ရောက်စဉ်အတွင်း ယခုကဲ့သို့ ပြောကြားခဲ့ခြင်းဖြစ်ပြီး ကြေညာမည့်ရက်နှင့် ပတ်သက်၍ ရှုပ်ထွေးမှုများ ရှိနေသည်ဟုဆိုသည်။
“ရွေးချယ်ရေး လုပ်ငန်းစဉ်ဟာ နှစ်ကုန်ဖို့ သုံးလလောက်အလိုမှာ ပြီးမယ်လို့ ကျွန်တော်တို့ ပြောခဲ့ပါတယ်။ စီစဉ်ထားတဲ့အတိုင်းပဲ စက်တင်ဘာလ ကုန်ပိုင်းလောက်မှာ ရွေးချယ်ရေး လုပ်ငန်းစဉ်ကို အပြီးသက်ဆောင်ရွက်မှာဖြစ်ပြီး ရွေးချယ်ရေးလုပ်ငန်းစဉ် ပြီးတာနဲ့ ချက်ခြင်းကြေညာသွားမှာပါ” ဟု ၎င်းက ပြောကြားခဲ့သည်။
အဆိုပါ ညီလာခံသို့ ဦးစက်အောင်အပါအ၀င် ရင်းနှီးမြှုပ်နှံရေးဆိုင်ရာ စီမံခန့်ခွဲမှုဌာနမှ ထိပ်တန်း ၀န်ကြီးသုံးဦး၊ ဘဏ်လုပ်ငန်းရှင် ၃၀၀ ကျော်၊ မြန်မာနိုင်ငံ၏ စီးပွားရေး ဖွံ့ဖြိုးမှုကို အရှိန်မြှင့်လုပ်ဆောင်ရန် စိတ်အားထက်သန်ကြသည့် သံတမန်များနှင့် ရင်းနှီးမြှုပ်နှံသူအများအပြား တက်ရောက်ခဲ့သည်။
လုပ်ပိုင်ခွင့်ရရှိမည့် နိုင်ငံခြား ဘဏ်လုပ်ငန်းများမှာ ၅ ခုမှ ၁၀ အကြားတွင်ရှိပြီး နိုင်ငံအတွင်း ပထမဆုံးအကြိမ်အဖြစ် ဘဏ်လုပ်ငန်းနှင့် ပတ်သက်၍ လုပ်ပိုင်ခွင့်အပြည့်အ၀ ရမည်ဖြစ်သည်။
သို့သော်လည်း မြန်မာနိုင်ငံတွင် ကိုယ်စားလှယ်ရုံး ဖွင့်လှစ်ထားခြင်း မရှိသည့်အတွက် လုပ်ပိုင်ခွင့် ရရှိသည့် ဘဏ်များစာရင်းတွင် အမေရိကန် ဘဏ်များ ပါဝင်မည်မဟုတ်ချေ။
မြန်မာနိုင်ငံတွင် ကိုယ်စားလှယ်ရုံးခန်းများ ဖွင့်လှစ်ထားသည့် နိုင်ငံခြားဘဏ်များမှာ ၄၃ ခုရှိပြီး ထိုအထဲမှ ၂၉ ခုမှာ ဘဏ်လုပ်ငန်းလိုင်စဉ်ရရန် လျှောက်ထားခဲ့ကြသည်။
ref _ reuters
