News @ M-Media

Tag: BERTIL LINTNER

  • ဇောက်ထိုးမိုးမျှော် မြန်မာ့နိုင်ငံရေး (စာရေးဆရာ ဂျာနယ်လစ် ဘာတီးလ် လင့်တ်နာနှင့် အင်တာဗျူး)

    ဇောက်ထိုးမိုးမျှော် မြန်မာ့နိုင်ငံရေး (စာရေးဆရာ ဂျာနယ်လစ် ဘာတီးလ် လင့်တ်နာနှင့် အင်တာဗျူး)

    ဇန်နဝါရီ ၁၀ ၊ ၂၀၁၅
    M-Media
    ဘာသာပြန်-မြင့်မိုရ်မောင်မောင်
    Author-Bertil-Lintner
    မြန်မာ့အရေးစောင့်ကြည့်သူ နာမည်ကြီး ဂျာနယ်လစ်နှင့် (“Outrage” ၊ “Aung San Suu Kyi and Burma’s Struggle for Democracy” စာအုပ်ရေးသူ) စာရေးဆရာ ဘာတီးလ် လင့်တ်နာ Bertil Lintner သည် ရက်သတ္တပတ်ကြာ စာနယ်ဇင်းအလုပ်ရုံဆွေးနွေးပွဲအတွက် ရန်ကုန်သို့ ရောက်ရှိခဲ့သည်။ ကနဦးပိုင်းက အမည်ပျက်စာရင်းသွင်းခံရသည့် အဆိုပါစာရေးသူကို ထိုကာလအတွင်း သဉ္ဗာအောင်(မဇ္ဈိမသတင်းဌာန)မှ လက်ရှိနိုင်ငံရေးဖြစ်စဉ်၊ လာမည့်နှစ်အရေးနှင့်စပ်လျဉ်း၍ တွေ့ဆုံမေးမြန်းခဲ့ပါသည်။

    မေး။ ။ လမ်းစဉ် ၇ ရပ်ကို ချမှတ်လျှောက်လှမ်းနေတယ်လို့ ကနဦးပိုင်းမှာ အစိုးရဖက်က ဖော်ပြခဲ့ပါတယ်။ လက်ရှိ ဘယ်စခန်းကိုဆိုက်နေ(တယ်လို့မြင်)ပါသလဲ ?

    ဖြေ။ ။ ကျွန်တော့်အမြင်အရ လမ်းဆုံးရောက်နေပါတယ်။ နောက်ထပ်ခြေလှမ်းဆိုလို့ အလျဉ်း မတွေ့ရသေးပါဘူး။

    မေး။ ။ မြန်မာနိုင်ငံရဲ့ နိုင်ငံရေးနဲ့စီးပွားရေး ပြန်လည်ပြုပြင်မှုတွေဟာ အစစ်အမှန်လား?

    ဖြေ။ ။ အစစ်အမှန် မဟုတ်ပါဘူး။ ကျွန်တော့်မိတ်ဆွေတစ်ဦးက ဒီလိုစကားနဲ့ အဖြေထုတ်ခဲ့တယ်။ “လက်ရှိမှာ အရာရာအားလုံး ကွဲပြားခြားနားနေပါသော်လည်း ပြောင်းလဲတာဆိုလို့ ဘာမှ မရှိပါဘူး”တဲ့။ ယခင်ကထက် သတင်းစာလွတ်လပ်ခွင့် ပိုရလာတယ်။ နိုင်ငံရေးပါတီတွေ လှုပ်ရှားမှုတွေ လုပ်လာနိုင်တယ်။ ဒါပေမယ့် လူ့အဖွဲ့အစည်းထဲမှာ အခြေခံအာဏာအဆောက်အဦကတော့ မပြောင်းလဲသွားပါဘူး။

    ဖွဲ့စည်းအုပ်ချုပ်ပုံအခြေခံစည်းမျဉ်း တစ်ခုတစ်လေမျှ အပြောင်းအလဲ လုပ်မရစေမယ့် တချက်လွှတ်ဗီတိုအာဏာ လက်ကိုင်ပြုနိုင်အောင် လွှတ်တော်ထဲမှာ စစ်တပ်အတွက် နေရာ ၂၅ ရာခိုင်နှုန်း အရံသင့်ထားရှိယုံတင် မကသေးဘူး။ နိုင်ငံ့လုံခြုံရေးအပေါ် အဓိကကိုင်တွယ်တဲ့ ကာကွယ်ရေး၊ ပြည်ထဲရေး၊ နယ်စပ်ရေးရာဝန်ကြီးဌာနရဲ့ ၀န်ကြီးတွေကို ခန့်အပ်ခြင်းမှာလည်း စစ်တပ်ရဲ့အဆုံးအဖြတ်က အခရာကျနေဆဲဖြစ်ပါတယ်။ ပြည်ထဲရေးဝန်ကြီးဌာနဟာ အလွန်အင်မတန် အရေးပါတဲ့ကဏ္ဍဖြစ်နေပါတယ်။ ဒီထက်ဆိုးတာကတော့ လက်နက်ကိုင်တပ်ဖွဲ့များဟာ ရွေးချယ်ခံအစိုးရ သို့မဟုတ် ပါလီမန်ထက် စစ်ဦးစီးချုပ်ကို နာခံအရေးပေးနေခြင်းပါပဲ။

    မေး။ ။ ၂၀၁၅ ရွေးကောက်ပွဲအလွန်မှာ စစ်တပ်အာဏာသိမ်းမှု ဖြစ်လာနိုင်ပါသလား ?

    ဖြေ။ ။ အစဉ်အလာအရ ဖြစ်နိုင်ချေများပါတယ်။ ဘာကြောင့်လဲဆိုရင် ဖွဲ့စည်းအုပ်ချုပ်ပုံအခြေခံဥပဒေအရ နိုင်ငံတော်ဟာ အစိုးရအဖွဲ့ ကိုင်တွယ်ထိန်းချုပ်မရတဲ့ အခြေအနေမှာ သမ္မတရဲ့အဆုံးအဖြတ်နဲ့ စစ်တပ်ကို အာဏာလက်ပြောင်းယူခွင့် ပေးထားလို့ပါပဲ။ ဒါကြောင့် အတိတ်ကလို အာဏာသိမ်းမှုမျိုး မဟုတ်ဘဲ နိုင်ငံတော်ဖွဲ့ပုံခြေဥအရ စစ်တပ်ကို အာဏာလွှဲပြောင်းပေးလိုက်ခြင်း ဖြစ်လာနိုင်ပါတယ်။

    မေး။ ။ ဦးသိန်းစိန်အစိုးရလက်အောက်မှာ တစ်နိုင်ငံလုံးအပစ်အခတ်ရပ်စဲရေး သဘောတူ လက်မှတ်ရေးထိုးနိုင်လိမ့်မယ်လို့ လူတွေက ဆိုကြတယ်။ တကယ်ရောဖြစ်လာနိုင်ပါ့မလား ?

    ဖြေ။ ။ မဖြစ်နိုင်ပါဘူး။ လမ်းကြောင်းချော်နေလို့ဖြစ်ပါတယ်။ ပုံမှန်အားဖြင့် ငြိမ်းချမ်းရေးလုပ်ငန်းစဉ်တစ်ခုမှာ အပစ်အခတ်ရပ်စဲမှုကို ကြေငြာတယ်။ ဘာကိုမှ လက်မှတ်မထိုးဘဲ ကြေငြာတယ်။ အဲ့ဒီနောက်မှ ပြောဆိုဆွေးနွေးပါတယ်။ အပစ်အခတ်ရပ်စဲရေးဆိုင်ရာ အသေးစိပ်သဘောတူညီချက်တွေကို ပြောဆိုဆွေးနွေးခြင်း မရှိပါဘူး။ ဒါဟာ အခု လုပ်နေတဲ့ပုံစံပါ။ (ဒီမှာကျတော့) စစ်ဘာကြောင့်ဖြစ်နေရသလဲ ဆိုတဲ့ နိုင်ငံရေးအရင်းအမြစ်အကြောင်းတွေ ပြောတယ်။ အဲ့ဒီနောက် စုံညီသဘောတူညီချက်နဲ့ စာချုပ်လက်မှတ်ထိုးမယ်။ အပစ်အခတ်ရပ်စဲရေး မဟုတ်ဘဲ နိုင်ငံရေးသဘောတူညီချက် လက်မှတ်ထိုးမှုတစ်ရပ်ဖြစ်နေတယ်။ မြန်မာနိုင်ငံမှာ (ဒီလို) ဇောက်ထိုးမိုးမျှော် လုပ်နေကြတယ်။ ဒါကြောင့် အလုပ်မဖြစ်နိုင်ဘူးလို့ ပြောတာပါ။

    မေး။ ။ ပါလီမန်ထဲ NLD ရဲ့အခင်းအကျင်းနဲ့ပတ်သက်ပြီး မနှစ်မြို့တဲ့ ဝေဖန်သူတွေ များပြားနေတယ်။ ဒီအပေါ် ခင်ဗျားရဲ့အမြင်ကို ပြောနိုင်ပါသလား ?

    ဖြေ။ ။ ပုံမှန်အားဖြင့် အတိုက်အခံဆိုတာ အသွင်မတူတာကို တင်ပြအရေးဆိုကြတယ်၊ လက်ရှိအာဏာပိုင်တွေရဲ့မူဝါဒများနဲ့ ကွဲလွဲတာကို တင်ပြကြတယ်။ ကျွန်တော် တွေ့ရသမျှ NLD မှာ ဒီလိုအခင်းအကျင်း ရှိမနေဘူး။

    မေး။ ။ အစိုးရရဲ့ အာဏာရပါတီ USDP မှာ အကွဲအပြဲဖြစ်နေပြီလို့ တချို့က ဆိုနေကြတယ်။ အဲ့ဒါ …… ?

    ဖြေ။ ။ သူတို့ မကွဲပြဲပါဘူး။ ဒါပေမယ့် မတူညီတဲ့ ဘက်တော်သားသုံးမျိုး ပါဝင်နေတယ်။ တစ်ခုက ဦးသိန်းစိန်၊ ဒုတိယက ဦးရွှေမန်း၊ တတိယက ဦးအောင်သောင်းရဲ့ ဘက်တော်သားတွေဖြစ်ကြတယ်။ ဦးအောင်သောင်း ဦးဆောင်တဲ့အုပ်စုကတော့ အမာခံအုပ်စုဖြစ်နိုင်ပါတယ်။ ဦးရွှေမန်းက ဒေါ်အောင်ဆန်းစုကြည်နဲ့ ပိုမိုသဟဇာတ ဖြစ်လာပြီး ဦးသိန်းစိန်ကတော့ အဲ့ဒီကြားထဲမှာ နေနေတယ်။ ကွဲပြဲတယ်လို့ ပြောလို့မရပါဘူး။

    မေး။ ။ ရွေးကောက်ပွဲကာလအထိ သူတို့တစ်တွေ ရွှေလက်တွဲ မြဲနိုင်ကြပါ့မလား ?

    ဖြေ။ ။ စောင့်ကြည့်ရမှာပါပဲ။

    မေး။ ။ ဦးရွှေမန်းနဲ့ သူ့ရဲ့ပြုပြင်ပြောင်းလဲရေးလုပ်ငန်းစဉ် ဆောင်ရွက်ချက်အပေါ် ခင်ဗျား ဘယ်လိုထင်မြင်သုံးသပ်ပါသလဲ ?

    ဖြေ။ ။ ဦးရွှေမန်းကို ကျွန်တော် ဘယ်လိုမြင်သလဲဆိုတာ အရေးမကြီးပါဘူး။ သာမည ကိစ္စလေးပါ။ တကယ်အရေးကြီးတာက ဦးရွှေမန်းအပေါ် စစ်တပ်က ဘယ်လိုမြင်သလဲ ဆိုတာဖြစ်ပါတယ်။ သူ့ထက် တပ်မတော်ကဏ္ဍက ပိုအရေးပါတယ်လို့ ကျွန်တော် သုံးသပ်ပါတယ်။ သူဟာ လွန်လွန်ကဲကဲ ရည်မှန်းထားပြီး သူ့အသိုင်းအ၀န်းအားဖြင့် စီးပွားရေးသြဇာထူထောင်ဖို့ ကြိုးစားနေတယ်လို့ တချို့က မြင်နေကြတယ်။ ကျွန်တော် ထင်ပါတယ် – တကယ်လို့သာ ဒီအချက်က မှန်နေရင် သူ သမ္မတဖြစ်လာအောင် စစ်တပ်က ကျားကန်ပေးဖို့ ယုံကြည်လောက်စရာ အကြောင်းမရှိတော့ပါဘူး။

    Mizzima သတင်းဌာန အင်္ဂလိပ်ပိုင်းတွင် ဖော်ပြထားသည့် “Author Bertil Lintner: ‘In Myanmar they are putting the cart before the horse’ ” အား  မြင့်မိုရ်မောင်မောင် မှ ဆီလျော်အောင် ဘာသာပြန်ဆိုပါသည်။

  • သတင်းစာဆရာ ဘာတေးလင်နာရေးတဲ့ ” မြန်မာ့မြေပေါ်မှ အစ္စလာမ် သာသနာဝင်များ” အကြောင်း

    သတင်းစာဆရာ ဘာတေးလင်နာရေးတဲ့ ” မြန်မာ့မြေပေါ်မှ အစ္စလာမ် သာသနာဝင်များ” အကြောင်း

    အောက်တိုဘာ ၁၅ ၊ ၂၀၁၄
    M-Media

    S.A. Ginwalla
    ၁၉၈၈ အရေးတော်ပုံအပြီး ရန်ကုန်ရှိ နွမ်းပါးသူတို့အား ရိက္ခာဝေငှ ကူညီခဲ့သည့် မြန်မာ့ဘာသာပေါင်းစုံ ကူညီရေးကော်မတီ BIRC – Burma Interfaith Relief Committee ၏ ခေါင်းဆောင်များဖြစ်သော ဦးဘိုနှင့် S.A. Ginwalla (ဓာတ်ပုံ – Gaye Paterson)

    အလ်ကိုင်ဒါခေါင်းဆောင် အေမန် အလ်-ဇ၀ါဟီရီ က ဂျိဟာ့ဒ် အလံကို တောင်အာရှ တစ်ခွင်မှာ လွှင့်ထူတော့မယ်ဆိုပြီး စက်တင်ဘာလ ဆန်းပိုင်းမှာ အသံဟစ်လိုက်ပါတယ်။ ဒါပေမယ့် ဒီဟစ်သံက မြန်မာ့မြေပေါ်က အစ္စလာမ်သာသနာဝင်များအပေါ် ကြီးကြီးမားမား လှုပ်ခါထိခိုက်မှု မဖြစ်စေခဲ့ပါဘူး။ အဲ့ဒီလှုပ်ရှားမှုထဲ မြန်မာ၊ ဘင်္ဂလားဒေ့ရ်ှနဲ့ အိန္ဒိယပြည်နယ်တွေဖြစ်တဲ့ အာသံ၊ ဂူဂျာရတ်၊ ဂျမ်မူး၊ ကက်ရှမီးယားတို့လည်း ပါဝင်မယ်လို့ သူက ဆိုပါတယ်။ ဒီလိုအသံဟစ်ပြီး မရှေးမနှောင်းလေးတင်မှာပဲ လန်ဒန်အခြေစိုက် မြန်မာမွတ်စ်လင်မ်အဖွဲ့အစည်းက “ သိက္ခာမရှိတဲ့ အပြင် ရုန့်ရင်းကြမ်းတမ်းမှုပေါ် အခြေပြုထားတဲ့ အကြမ်းဖက်အဖွဲ့အစည်း တစ်ခုဆီက အကူအညီကို မြန်မာမွတ်စ်လင်မ်တွေ ဘယ်တော့မှ လက်သင့်ခံမှာ မဟုတ်ပါဘူး” လို့ ထုတ်ပြန်လိုက်ပါတယ်။

    အီဂျစ်နိုင်ငံသား မျက်စေ့ခွဲစိပ် ဆရာဝန်ဟောင်း အသက် ၆၃ နှစ်အရွယ် မစ္စတာ ဇ၀ါဟီရီဟာ ရှည်လျားထွေပြား စကားပြော ဗီဒီယိုကလစ်တွေ တင်နေတတ်သူမို့ လူသိများပေမယ့် လက်ရှိသူ ဦးဆောင်နေတဲ့ အလ်ကိုင်ဒါ အဖွဲ့ဟာဆိုရင် ၂၀၁၁ ခုနှစ်၊ မေလ ၂ ရက်၊ အမေရိကန်အထူး ကမ်းတက်တပ်ဖွဲ့ဝင်တွေရဲ့လက်ချက်နဲ့ ပါကစ္စတန်နေအိမ်ထဲ အလ်ကိုင်ဒါ တည်ထောင်သူနဲ့ ခေါင်းဆောင်ဟောင်း အိုစာမာ ဘင်န် လာဒင် သေဆုံးပြီးကတည်းက အင်အားချည့်နဲ့ပြိုလဲသွားခဲ့ပြီး အနည်းနဲ့အများ မှေးမှိန်သွားခဲ့ပါတယ်။ ယခုလို သူ့ကြေငြာချက်တွေဟာ သူတို့အုပ်စုအနေနဲ့ ရှင်သန်ဆဲ၊ လှုပ်ရှားဆဲ ဆိုပြီး အရဲစွန့်လူလုံးထွက်ပြခြင်းရယ်ပါ။ အထူးသဖြင့် ဒါက ဆီးရီးယားနဲ့ အီရတ်က IS အရှိန်မြင့်မားလာတဲ့ဖက်က အမြင်ဖြစ်တယ်။ တစ်ချိန်က ကြောက်စရာ အကြမ်းဖက်အုပ်စုဖြစ်တဲ့ အလ်ကိုင်ဒါဟာ ISIS အဖွဲ့ အဖက်ဖက်က ကြီးထွားလာတာနဲ့ အမျှ  လှုပ်လေမြုပ်လေ ဖြစ်နေတယ်လို့ BBC က စက်တင်ဘာ ၄ ရက်မှာ အစီရင်ခံတင်ပြခဲ့တယ်။

    အဲ့ဒီနယ်အတွင်း ရိုက်ကူးထားတဲ့ ဗီဒီယိုခွေဖြစ်နေတဲ့ အပြင် RSO တိုက်ခိုက်ရေးသမားတွေလို့ ပုံမှားရိုက်ထားသူတွေက Jamaat-e-Islami ရဲ့အဖွဲ့ခွဲ Islami Chhatra Shibir ဘင်္ဂလားဒေ့ရ်ှအစွန်းရောက်အဖွဲ့သား စစ်သွေးကြွတွေ ဖြစ်နေတာ တွေ့ရပါတော့တယ်။

    ပါကစ္စတန်ရဲ့ လုံခြုံတဲ့ တစ်နေရာရာမှာ ပုန်းအောင်းနေတယ်လို့ ယူဆစရာရှိတဲ့ မစ္စတာ ဇ၀ါဟီရီဟာ သူ့ခြိမ်းခြောက်မှုအတိုင်း အကောင်အထည်ဖော်နိုင်လိမ့်မယ်လို့ ဘယ်လိုမှ မတွေးယူနိုင်ပါဘူး။ အလ်ကိုင်ဒါနဲ့ မြန်မာပြည်က မွတ်စ်လင်မ်တစ်ချို့ အကြား ၁၉၉၀ နှစ်များအစောပိုင်း ကာလလောက်ကပဲ အဆက်အသွယ်ရှိတာကို ထုတ်ပြနိုင်ပါလိမ့်မယ်။ အဲ့ဒါကတော့ ဘင်္ဂလားဒေ့ရှ် အရှေ့တောင်ပိုင်း Cox’s Bazar နဲ့ Teknaf အကြား Ukhia ဒေသထဲ RSO အဖွဲ့ စခန်းချခဲ့စဉ်ကပါပဲ။ အဲ့ဒီအချိန်တုန်းက အာဖဂန် စစ်သွေးကြွတွေဟာ စခန်းကို ရောက်လာတယ်။ RSO ဖက်ကလည်း တာလီဘန် အတွက် တိုက်ပွဲဝင်ဖို့ ရခိုင်ပြည်နယ်က ဒုက္ခသည် တစ်ချို့ကို အဖဂန်နစ္စတန်ဆီ ပို့ဆောင်ရေး စီစဉ်ခဲ့ကြတယ်။ ၂၀၀၂ ခုနှစ် သြဂုတ်လမှာ အာဖဂန်နစ္စတန်ကနေ CNN ရရှိတဲ့ အလ်ကိုင်ဒါမှတ်တမ်း ဗီဒီယိုခွေ ၆၀ ကျော်ထဲ လက်နက်ကိုင်လေ့ကျင့်ရေး သင်တန်းဝင်နေတဲ့ မွတ်စ်လင်မ် မဟာမိတ်တွေအကြား မြန်မာ(Burma) လည်း ပါဝင်တယ်လို့ ပြသထားတယ်ဆိုပြီး ပြောနေကြတယ်။ ဒါပေမယ့် RSO အဖွဲ့ဟာ မြန်မာပြည်ထဲ စခန်း တစ်ခုတောင် မရှိခဲ့ပဲ တစ်ဖက်ကမ်းက ဘင်္ဂလားဒေ့ရ်ှနယ်စပ်ထဲမှာသာ ရှိခဲ့တာဖြစ်တယ်။ အဲ့ဒီနယ်အတွင်း ရိုက်ကူးထားတဲ့ ဗီဒီယိုခွေဖြစ်နေတဲ့ အပြင် RSO တိုက်ခိုက်ရေးသမားတွေလို့ ပုံမှားရိုက်ထားသူတွေက Jamaat-e-Islami ရဲ့အဖွဲ့ခွဲ Islami Chhatra Shibir ဘင်္ဂလားဒေ့ရ်ှအစွန်းရောက်အဖွဲ့သား စစ်သွေးကြွတွေ ဖြစ်နေတာ တွေ့ရပါတော့တယ်။ ယခုချိန်မှာ ပိတ်သိမ်းထားပြီးတဲ့စခန်းက လှုပ်ရှားမှုတွေဟာ မြန်မာပြည်က ဘယ်လူမျိုးစုနဲ့မှ မပတ်သက်ပါဘူး၊ မည်သည့် ဘာသာရေး ပဋိပက္ခနဲ့လည်း မပတ်သက်ပါဘူး၊ ဘင်္ဂလားဒေ့ရ်ှနိုင်ငံရေးနဲ့သာ အဓိက သက်ဆိုင်နေတာပါ။

    လက်ရှိနှစ်များအတွင်း အဗ်ဒုလ် ကုဒ္ဒူးစ် အလ်ဗရ်မီလို့ မိမိကိုယ်ကို အမည်ပေးထားတဲ့ တို့မီးရှို့မီးလုပ်နေသူ မွတ်စ်လင်မ်တစ်ဦး ရှိပါတယ်။ သူ့ကိုယ်သူ မြန်မာနိုင်ငံကလို့ပြောပြီး မြန်မာစကားနဲ့ ရိုက်ကူးထားတဲ့ ဗီဒီယိုကလစ်တွေ ထုတ်ပါတယ်။ လက်နက် တပ်ဆင်ပြီး တန်းစီထားတဲ့ မွတ်စ်လင်မ် တိုက်ခိုက်ရေးသမားတွေကို နောက်ခံထား ရိုက်ကူးထားပါတယ်။ တကယ်တမ်းကျတော့ သူဟာ ပါကစ္စတန်၊ ကရာချိက မဒ်ရဆာစာသင်ကျောင်း တစ်ခုမှာ ခြေကုပ်ယူထားတာပါ။ အဲ့ဒီဗီဒီယို အတိုအစလေးဟာ ၁၉၉၀ အစောပိုင်းနှစ်များက Ukhia ထဲ (သို့မဟုတ်) Sulawesi ကျွန်းပေါ် ပိုဆိုဒေသ Gunung Biru (တောင်ပြာတန်း)ပေါ်ရှိတဲ့ Jamaah Ansharut Tauhid အဖွဲ့ထဲက အင်ဒိုနီးရှား စစ်သွေးကြွတွေရဲ့စခန်းထဲ ရိုက်ကူးထားချက် ဖြစ်နေတယ်။ အဲ့ဒီ အင်ဒိုစခန်းက မြန်မာနိုင်ငံနဲ့သော် လည်းကောင်း၊ ဘင်္ဂလားဒေ့ရ်ှနဲ့သော်လည်း ကီလိုမီတာ ထောင်ချီဝေးကွာတဲ့ အရပ်ဒေသမှာ တည်ရှိလုိ့နေပါတယ်။

    အဲ့ဒီလိုလူစားမျိုးနဲ့ လားလားမျှ မဆိုင်စွာ မြန်မာမွတ်စ်လင်မ်တွေအဖို့ ဘာသာရေးအခြေခံ ပုန်ကန်မှုရယ်လို့ လုံးဝ မရှိခဲ့ဖူးပါဘူး။ အစ္စရေးလူမျိုးပညာရှင်နဲ့ သံတမန်ဟောင်း မိုရှေး ယေဂါက ဒီလိုဆိုထားပါတယ်။ အာရဗ်ကမ္ဘာက မွတ်စ်လင်မ် သင်္ဘောသားတွေဟာ မြန်မာနိုင်ငံထဲ ၉ ရာစုအတွင်း ပထမဆုံး ရောက်ခဲ့ကြတယ်။ အချို့က ကုန်သည်တွေ ဖြစ်ပြီး အချို့ကတော့ အနော်ရထာ အပါအ၀င် မြန်မာဘုရင်များလက်အောက်မှာ မြင်းသည်တော်တွေအဖြစ် အမှုထမ်းခဲ့ကြတယ်။ အများစုဟာ အမျိုးသားတွေဖြစ်တဲ့အတွက်  လူ့သဘာဝအရ ဒေသခံအမျိုးသမီးတွေနဲ့ အိမ်ထောင်ကျပြီး လူ့အဖွဲ့အစည်းဝင်တွေအဖြစ် တစ်သွေးတစ်သားတည်း ဖြစ်လာခဲ့ကြတယ်။ ၁၉ ရာစုမှာ မင်းတုန်းမင်းတရားကြီးက မိမိရဲ့ မွတ်စ်လင်မ်စစ်သည်များအတွက် နေပြည်တော်သစ် မန္တလေးမှာ (အစ္စလာမ်ထုံးတမ်းနဲ့ ညီညွတ်သော) ဟလာလ်အစားအစာတွေ စီစဉ်ပေးယုံမက အိမ်ရာတွေ တည်ဆောက်ဖို့ နေရာချမြေရှင်းစေခဲ့တယ်။ ဒါ့အပြင် မွတ်စ်လင်မ်ရေးရာ စီမံခန့်ခွဲရေးအတွက် အာဖဂနစ္စတန် ကာဘူးလ် မှ မော်လဝီကြီး တစ်ဦးကို တရားသူကြီး (သာသနာပိုင်) အဖြစ် ခန့်အပ်ခဲ့ပါသေးတယ်။ စစ်သည် ရဲမက်ဖြစ်နေသူတွေမှ အပ ကျန်တဲ့ မွတ်စ်လင်မ်အများစုဟာ ကုန်သည်တွေ၊ ဈေးသည်တွေသာ ဖြစ်ကြတယ်။

    ဗြိတိသျှခေတ်အတွင်း ဗြိတိသျှလက်အောက်ခံ အိန္ဒိယကနေ မွတ်စ်လင်မ် အများအပြား ပြောင်းရွှေ့ဝင်ရောက်လာတယ်။ သို့ပေမယ့် မြန်မာ့လွတ်လပ်ရေးလှုပ်ရှားမှုမှာ သူတို့ တစ်တပ်တအား ပါဝင်ခဲ့ကြတယ်။ အဲ့ဒီထဲက အထင်ရှားဆုံးကတော့ ဗိုလ်ချုပ်အောင်ဆန်းရဲ့ အရင်းနှီးဆုံးမိတ်ဆွေ M.A ရာရှစ် ဖြစ်တယ်။ သူဟာ အိန္ဒိယ၊ အလာဟဘတ်မှာ မွေးဖွားခဲ့ပေမယ့် မြန်မာပြည်ထဲ ကြီးပြင်းလာသူ၊ ပညာသင်ကြားခဲ့သူ ဖြစ်တယ်။ ၁၉၃၆ ခုနှစ်မှာ ရန်ကုန်တက္ကသိုလ်ကျောင်းသားသမဂ္ဂရဲ့ ပထမဆုံး အတွင်းရေးမှူးချုပ်၊ အဲ့ဒီနောက် ဥက္ကဌ ဖြစ်ခဲ့သူပါ။ ၁၉၄၈-၁၉၆၂ ပါလီမန်ခေတ်ကာလ ၀န်ကြီးချုပ်ဦးနုလက်ထက်မှာ ဦးရာရှစ်အနေနဲ့ ၀န်ကြီးဌာနများစွာထဲ တာဝန်ထမ်းဆောင်ခဲ့တယ်။ အခြားတိုင်းပြည်ခေါင်းဆောင်များလိုပဲ ၁၉၆၂ အာဏာသိမ်းမှု နောက်ပိုင်း နိုင်ငံရေးအကျဉ်းသားဘ၀ ရောက်ခဲ့ရပါတယ်။ ဒါတင်မကသေးပါဘူး။ ၁၉၄၇ ခုနှစ် ဇူလိုင်လ ၁၉ ရက် ဗိုလ်ချုပ်အောင်ဆန်းနဲ့အတူ လုပ်ကြံခံရတဲ့ အာဇာနည်ခေါင်းဆောင်များထဲမှာ မွတ်စ်လင်မ် ၂ ဦးပါဝင်ပါတယ်။ တစ်ဦးက မိတ္ထီလာနယ်သား ကက်ဘိနက်ဝန်ကြီး ဦးအဗ်ဒူ ရာဇတ်၊ နောက်တစ်ဦးက သူ့ရဲ့ အပါးတော်မြဲ ရဲဘော်ကိုထွေး ဖြစ်ကြပါတယ်။ ရန်ကုန်မွတ်စ်လင်မ် အသိုင်းအ၀ိုင်းမှာ ထင်ရှားသူနောက်တစ်ဦးကတော့ ၁၉၅၀ နှစ်များမှာ ပညာရေးဝန်ကြီးအဖြစ် တာဝန်ထမ်းဆောင်ခဲ့တဲ့ “ဦးကာ” ဖြစ်ပါတယ်။

    မမေ့နိုင်ကြသူတစ်ဦး ရှိပါသေးတယ်။ ရေတပ်အရာရှိဟောင်းကနေ ထင်ရှားတဲ့ စာဆို၊ စာရေးဆရာ ဖြစ်ခဲ့တဲ့ မောင်သော်က ပါ။ သူဟာ အမျိုးသားဒီမိုကရေစီအဖွဲ့ချုပ် NLD ကို လက်ဦးတည်ထောင်ခဲ့သူများအနက် အပါအ၀င်တစ်ဦးဖြစ်ပါတယ်။ ၁၉၈၉ ခုနှစ်မှာ ဖမ်းဆီးခံရတယ်။ ရိုက်နှက်နှိပ်စက်ခံရခြင်းကြောင့် ၁၉၉၁ ခုနှစ် ဇွန်လ ၁၁ ရက်၊ အင်းစိန်ထောင်ထဲမှာ ကွယ်လွန်ခဲ့ပါတယ်။ ရန်ကုန်စွန္နီသုဿာန်ထဲက မြန်မာစစ်ဗိုလ်တစ်ဦးဖြစ်ခဲ့တဲ့ သူ့အစ်ကို ဦးဘဇော် (ဦး ဂိုလန်အာမက်) လဲလျောင်းရာနံဘေးမှာ မြုပ်နှံသင်္ဂြိုလ်ခဲ့ကြတယ်။

    ၁၉၈၈ ခုနှစ် သြဂုတ်နဲ့ စက်တင်ဘာလ တအုံတကျင်းသတ်ဖြတ်ပွဲ ပြီးတဲ့နောက် အမှောင်ဖုံးနေ့ရက်များအတွင်း ဘာသာပေါင်းစုံက အမြင်တူသူများ စုပေါင်းပြီး BIRC “မြန်မာ့ဘာသာပေါင်းစုံ ကူညီရေးကော်မတီ” ကို ဖွဲ့စည်းခဲ့ကြတယ်။ ရန်ကုန်မြို့ ဆင်းရဲသားရပ်ဝန်းတွေဆီ အစာရေစာ လိုက်လံဝေငှကြတယ်။ ဘာသာပေါင်းစုံ သင့်မြတ်ညီညွတ်မှုကို ပြသတဲ့အနေနဲ့ ဒုတိယကမ္ဘာစစ်သုံးကားစုတ်လေးမှာ ဗုဒ္ဓဘာသာဝင်များရဲ့ ဓမ္မစကြာပုံ၊ မွတ်စ်လင်မ်တွေရဲ့ ဆန်းဦးစလပုံ၊ ခရစ်ယာန်တွေရဲ့ လက်ဝါးကပ်တိုင်ပုံ၊ ဟိန္ဒူတွေရဲ့ သင်္ကေတ စတဲ့ သက်ဆိုင်ရာ ဘာသာရေးအမှတ်အသားတွေ ပါဝင်ပုံဖော်ထားတဲ့ တံခွန်ကိုလည်း လွှင့်ထူလို့ရယ်ပေါ့။ အဲ့ဒီအဖွဲ့ဟာ အဖွဲ့အစည်းမှတ်ပုံတင် မရခဲ့သော်လည်း  မြန်မာနိုင်ငံရဲ့ လူ့အဖွဲ့အစည်းအခြေပြု ပထမဆုံး ခေတ်သစ် NGO အုပ်စုတစ်ခု ဖြစ်ခဲ့တယ်။ ခေါင်းဆောင်တွေထဲမှာ မွတ်စ်လင်မ်ဖြစ်တဲ့ S.A. Ginwalla နဲ့ ဗုဒ္ဓဘာသာကလျာဏယုဝ အသင်းက ဦးဘိုတို့လည်း ပါဝင်ခဲ့ကြတယ်။ ထိုစဉ်က မြန်မာနိုင်ငံဆိုင်ရာ သြစတေးလျ သံအမတ်ကြီးဖြစ်သူ Chris Lamb က ဒီလိုပြောပါတယ်။
    “သူတို့ဟာ သက်ဆိုင်ရာဘာသာတရားခေါင်းစဉ်နဲ့ ထွက်လာခဲ့ကြတာ မဟုတ်ဘူး။ BIRC အဖွဲ့ဝင်တိုင်းက ဘာသာရေး သို့မဟုတ် အခြားရှုထောင့်တစ်ရပ်ရပ်ကနေ အပစ်ပယ်ခံရဆုံးသူတွေဆီ အရောက်လှမ်းနိုင်စွမ်း ဖော်ဆောင်ခဲ့ကြပေတယ်”။

    အဲ့ဒီ စွန့်ဦး NGO ပုဂ္ဂိုလ်များရဲ့လမ်းညွှန်စည်းမျဉ်းကတော့ – အထင်ကြီးလေးစားခံရဖို့ မလိုဘူး၊ သာသနာ့ကိုင်းရှိုင်းမှုပဲ လိုအပ်တယ် – ဆိုတာပါပဲ။

    ရွှင်မြူးစရာရှုထောင့်ဖက်က ကြည့်မယ် ဆိုရင်လည်း မြန်မာနိုင်ငံသားတိုင်း ဦးရွှေရိုးအကကို နှစ်သက်ကြတယ်။ ထီးကျိုးတစ်ချောင်းကိုင်၊ ပုဆိုးကို  ပုံပန်းမကျ ၀တ်ဆင်ပြီး ကပြ အသုံးတော်ခံတဲ့ ပုံဟန်ဟာ မြန်မာ့ ပွဲလမ်းတိုင်းလိုလိုမှာ ရာစုနှစ် တစ်ခုလောက် စိုးမိုးနေရာယူထားပါတယ်။ အဲ့ဒီဇာတ်ရုပ်ကို တီထွင်ခဲ့သူဟာ ကျော်ကြားတဲ့ သရုပ်ဆောင်၊ လူရွှင်တော်နဲ့ ကာတွန်းပညာရှင် ဦးဘကလေး ဖြစ်ပါတယ်။ ဦးဘကလေးက မြန်မာမွတ်စ်လင်မ်တစ်ဦးပါ။ ပုသိမ်မှာမွေးဖွားပြီး မွတ်စ်လင်မ် အမည်ကတော့ မုဟမ္မဒ် ဘရှီးရ် ဖြစ်ပါတယ်။ ဦးရွှေရိုးဟာ ဂျိဟာ့ဒ်ဝါဒီ သို့မဟုတ် ယှရီအဟ် ဥပဒေဘက်တော်သားပါလို့ အသည်းအသန် တံဆိပ်တပ်မယ့်သူ ဘယ်သူတစ်ဦးရှိနိုင်မှာလဲ ?  စက်တင်ဘာလဆန်းပိုင်းမှာ ဇ၀ါဟီရီအနေနဲ့ ပါကစ္စတန်က သူ့လျှို့ဝှက်ပုန်းခိုရာကနေ အဲ့ဒီလို အူကြောင်ကြောင် ဗီဒီယို ရိုက်ထုတ်လိုက်ခြင်းဟာ သူ့ကိုယ်သူ အရူးဖြစ်အောင် လုပ်နေခြင်းပါပဲ။ ဘယ်သူမှ လိုက်အရူးထမှာ မဟုတ်ပါဘူး။ ဘာကြောင့်လဲဆိုတော့ မြန်မာပြည်မှာ အဲ့ဒီလိုကဏ္ဍမျိုး အတွက် ဘယ်သူမှ မစဉ်းစားကြပါလို့ပဲ ဆိုချင်ပါတယ်။

    xxxxxxxxxxxxxxxxxx

    THE IRRAWADDY မဂ္ဂဇင်းတွင်ဖော်ပြသည့် BERTIL LINTNER ရေးသားသော “The Muslims of Myanmar” ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည်။

  • ကြိုးကိုင်သူ ဇာတ်ဆရာ နှင့် အသုံးတော်ခံများ (မြန်မာအရေး သုံးသပ်ချက် ဘာသာပြန်)

    ဇူလိုင်-၉၊ ၂၀၁၃
    M-Media
    မူရင်းဆောင်းပါးရှင်-ဘာတေးလင့်တနာ
    ဘာသာပြန်ဆိုသူ-မြင့်မိုရ်မောင်မောင်

    lintner_military_wb

    ၂၀၁၁ ခုနှစ်၊ မတ်လတွင် သမ္မတရာထူးကို အငြိမ်းစားဗိုလ်ချုပ် ဦးသိန်းစိန် ရယူခဲ့စဉ်ကစ၍ မြန်မာနိုင်ငံသည် လွတ်လပ်မျှတသောဒီမိုကရေစီစံနစ်သို့ ကိုယ့်နည်း ကိုယ့်ဟန်ဖြင့် ရှေ့ဆက်လိမ့်မည်ဟု နိုင်ငံတကာလေ့လာသူများထံ အကောင်းဖက်အမြင် ရှိလာခဲ့ကြသည်။

    ပြဿနာအနေနှင့် မြန်မာ့မြောက်ဖျား ကချင်ပြည်နယ်မှ လက်နက်ကိုင်လူမျိုးစုဆိုင်ရာ ပဋိပက္ခသာ ရှေ့ဆက်စရာရှိနေသယောင် ဖြစ်ခဲ့၏။ ၄င်းမှာ ဒေသတွင်း စစ်အာဏာပိုင်များက အခွင့်အာဏာအသုံးချမှုပုံဟန် မမှန်ကန်သောကြောင့်ဟု ဆိုထားကြသည်။ နိုင်ငံတော်၏ ဒီမိုကရေစီ နည်းကျပြုပြင်ပြောင်းလဲရေး ကာလအတွင်း သမ္မတ၏စစ်ရေးစစ်ရာ ကိုင်တွယ်မှု အရည်အချင်းအပေါ် ထိုလူမျိုးစုတော်လှန်ရေးသမားများကသော် လည်းကောင်း၊ ပြည်သူလူထုကသော်လည်းကောင်း သိလိုနေခဲ့ကြသည်။ သို့တစေ စစ်တပ်အခြေတည် အမာခံများကို ဆန့်ကျင်ရမည့် ဦးသိန်းစိန်၏ပြန်လည်ပြုပြင်ရေး အစိုးရအား ပြင်ပကမ္ဘာက ထောက်ခံအားပေးရန် လိုအပ်သည်ဟု ပြည်ပ သုတေသီများမှ အဆိုပြုခဲ့ကြကုန်သည်။

    ဤဖြစ်စဉ်အရ ဦးသိန်းစိန်သော်လည်းကောင်း၊ စစ်တပ်သော်လည်းကောင်း ကချင်တို့အပေါ် ကြမ်းကြုတ်စွာ ဖိနှိပ်ထားမှုအတွက် အဆုံးသတ်ဖို့ တာဝန်ရှိလာပေသည်။ သို့ဖြင့် ၂၀၁၃ ခုနှစ်၊ မေလတွင် ကချင်ပြည်နယ် မြို့တော်မြစ်ကြီးနား၌ မရေရာသေးသော ငြိမ်းချမ်းရေး သဘောတူညီချက်ပြုလုပ်သည့်အဆင့်သို့ ရောက်လာ၏။ လက်တွေ့တွင်မူ “ တင်းမာမှုလျှော့ချရေးနှင့် အဆုံးသတ်ရေး ” အတွက် နိုင်ငံရေးဆွေးနွေးမှုပြုရန်သာ နှစ်ဖက်စလုံး သဘောတူညီနိုင်ခဲ့ကြသည်။ မည်သည့်ဌာန၊ မည်သည့်ကာလ၌ ထိုအချက်နှင့်စပ်လျဉ်း၍ ခိုင်မာသော ကတိက၀တ်နှင့်ဆုံးဖြတ်ချက်များ မချမှတ်နိုင်ခဲ့ပေ။

    ဆယ်စုနှစ်ချီကြာမြင့်နေသည့် ဤပြည်တွင်းစစ်မှာ ၂၀၁၃ ခုနှစ်၊ ဇန္န၀ါရီလတွင် အရှိန်အမြင့်ဆုံးအခြေအနေသို့ ဆိုက်ရောက်ခဲ့ရသည်။ ရွှေ့ပြောင်း လက်နက်ကြီးများဖြင့် တိုက်ခိုက်ခြင်း၊ ရဟတ်ယာဉ်နှင့်ဂျက်လေယာဉ်သုံး လေကြောင်းတိုက်ပွဲများပါဝင်လာခြင်းတို့ကြောင့်ဖြစ်သည်။

    ဒေသတွင်းစစ်အာဏာပိုင်များမှ ဤရွေ့ဤမျှအတိုင်းအတာအထိ စိတ်ပျက်စရာကောင်းလောက်အောင် စစ်ဆင်ခြင်း (သို့တည်းမဟုတ်) ၀ါရှင်တန် အခြေစိုက် Center for Strategic and International Studies ၏အဆိုဖြစ်သော စစ်တပ်၏ လူနည်းစုအချို့မှ ဒီမိုကရေစီဖော်ဆောင်ရေး လမ်းကြောင်းကို ပျက်လိုဖျက်ဆီးပြုနေခြင်း ဟူသည့် အတွေးအမြင်အား ပြောင်ပြန်လှန် လိုက်သလို ဖြစ်သွားတော့သည်။ ဤအနေအထားက မြန်မာစစ်တပ်၏ အာဏာသက်ရောက်မှု၊ ဦးသိန်းစိန်အစိုးရနှင့် ဆက်နွှယ်မှုများအပေါ် နားလည်လက်ခံစရာ ကင်းမဲ့သွားရသည်။

    SPDC big 4
    လက်ရှိ အစိုးရမတိုင်ခင် စစ်အစိုးရ (SPDC) ထိပ်ဆုံး ခေါင်းဆောင် ၄ ဦး (ဝဲမှယာ) ဗိုလ်ချူပ်မှူးကြီး သန်းရွှေ၊ ဒု-ဗိုလ်ချူပ်မှူးကြီး မောင်အေး၊ ဗိုလ်ချုပ်ကြီး ရွှေမန်း၊ ဗိုလ်ချုပ်ကြီး သိန်းစိန်

    မြန်မာစစ်အုပ်ချုပ်ရေးကာလအတွင်း ဖွဲ့စည်းခဲ့သော နိုင်ငံတော်တည်ငြိမ်အေးချမ်းရေးနှင့်ဖွံ့ဖြိုးရေးကောင်စီ – State Peace and Development Council (SPDC) မှတဆင့် ဦးသိန်းစိန် အာဏာရရှိခဲ့ခြင်းကို ကျွန်ုပ်တို့ မကြာခဏဆိုသလို မေ့လျော့ထားကြ၏။ ၄င်း SPDC သည် ၁၉၈၈ ခုနှစ်တွင် အာဏာရယူခဲ့ပြီး၊ ဦးသိန်းစိန် သမ္မတဖြစ်လာသော ၂၀၁၁ ခုနှစ်၊ မတ်လတွင် တရားဝင်ပယ်ဖျက်ခဲ့သည်။ ဦးသိန်းစိန်သည် စစ်အာဏာရှင်စံနစ်နှင့် နက်ရှိုင်းစွာ ပါဝင်ပတ်သက်ခဲ့သူ တစ်ဦး ဖြစ်သည်။ စစ်တပ်၌ ဗိုလ်ချုပ်၊ SPDC တွင် အတွင်းရေးမှူး ၁၊ နောင်သော် သမ္မတရာထူး လက်မခံမှီအထိ ဝန်ကြီးချူပ် စသည့် ရာထူးအဆင့်များဖြင့် ကျင်လည်ခဲ့သည်။

    သူတာဝန်ထမ်းဆောင်ခဲ့သည့် မည်သည့်အဆင့်မှာမှ နိုင်ငံရေး သို့မဟုတ် ဦးဆောင်ချက်တစ်ရပ်ရပ်ကို လွတ်လပ်စွာဆောင်ရွက်ခြင်းဟူ၍ မတွေ့ရချေ။ သူသည် မြေ၀ယ်မကျ အမိန့်နာခံသည့် စစ်သည်တစ်ဦး၊ ၄င်းနောက် ဦးသန်းရွှေမှ လက်တန်းခန့်အပ်ခဲ့သော USDP [1] ကြံခိုင်ရေးပါတီ၏ ဥက္ကဌ နှင့် ဝန်ကြီးချူပ် ဖြစ်လေရာ – ဦးသန်းရွှေ၏ စေလိုရာစေ အပါးတော်တစ်ဦးအဖြစ် အစဉ်အမြဲရှိနေခဲ့ရသူဖြစ်၏။

    သာဓကတစ်ရပ်ပြဆိုပါအံ့။ ဦးသိန်းစိန်သည် ဝန်ကြီးချူပ် အဖြစ် တာဝန်ထမ်းဆောင်ခဲ့ချိန်အတွင်း ၂၀၁၀ ခုနှစ်၊ နွေရာသီတစ်ရက်၌ မြောက်ကိုးရီးယားကိုယ်စားလှယ်အဖွဲ့ကို လက်ခံတွေ့ဆုံခဲ့သည်။ ကင်မ်ဂျုံအီလက်ထက်တွင် မြောက်ကိုးရီးယား၏ စစ်ရေးတိုးတက်မှုအပေါ် အမွှမ်း တင်မှတ်ချက်ပေးခဲ့ပြီး နှစ်နိုင်ငံဆက်ဆံရေးကို တိုးမြှင့်ခဲ့သည်။ ထိုကာလများတွင် မြန်မာနိုင်ငံသည် မြောက်ကိုးရီးယားနှင့် ရင်းနှီး ပတ်သက်နေမှုအား ၀န်ခံပြောဆိုရန် အနည်းငယ်မျှပင် နောက်မတွန့်ခဲ့။

    ၄င်းအကျိုးတူပူးပေါင်း ဆောင်ရွက်မှုများမှာ ယနေ့တိုင်ရှိနေ၏။ သို့သော် လျှို့ဝှက်ထား၏။ မကြာသေးမီကပင် ဦးသိန်းစိန်နှင့် သီးသန့်တွေ့ဆုံခဲ့သည့် မြန်မာလုပ်ငန်းရှင်တစ်ဦးက ဦးသိန်းစိန်သည် ဆုံးဖြတ်ချနိုင်စွမ်းမရှိသော၊ တရားဝင်ကြေငြာချက်ရှိ အကြောင်းအရာ  အချက်အလက်များကိုသာ ထပ်ပြန်တလဲလဲ ဆိုနေတတ်သော၊ ခိုင်းသည့်အတိုင်းသာ ပြောဆို တတ်သောသူ ဖြစ်ကြောင်း ဖော်ကျူးခဲ့သည်။

    ထို့ကြောင့် မည်သည်မည်ဝါကို ပြောကြားပါဟု ဦးသိန်းစိန်အား ပြောဆိုခိုင်းစေနေသူမှာ အဘယ်သူနည်း ? မြန်မာစစ်တပ်၏ ထိပ်ပိုင်းဆိုင်ရာနှင့် နီးစပ်သူများ၏အဆိုအရ ဦးသိန်းစိန်ထံ၌ ကိုယ်ပိုင်ရည်မှန်းချက်ဟူ၍ မရှိ၊ ၄င်းပြင်အနားယူသွားပြီဟုဆိုကာ လူထုမြင်ကွင်းမှ ကိုယ်ယောင်ဖျောက်ခဲ့သော ဦးသန်းရွှေအား စိုးစဉ်းမျှ ပြန်လှန်ဝံ့သူ မဟုတ်၊ သို့ဖြစ်၍ သူ့အား ရွေးချယ်လိုက်ခြင်း ဟူ၏။

    Min-Aung-Hlaing
    လက်၇ှိ ကာကွယ်ရေးဦးစီချူပ် ဗိုလ်ချူပ်မှူးကြီး မင်းအောင်လှိုင်

    ၂၀၁၀ ခုနှစ်၊ ဇွန်လတွင် ဦးသန်းရွှေသည် မိမိလူယုံတော် မင်းအောင်လှိုင်အား စစ်ဦးစီးချုပ်အဖြစ် ရွေးထုတ်ခန့်အပ်ခဲ့သည်။ သူသည်လည်း မိမိ၏ အရှင်သခင်ဟောင်းအား ဆန့်ကျင်ကျောခိုင်းမည့်သူ မဟုတ်ဟု ယုံကြည်အားထားရသူ သစ္စာခံ ဘက်တော်သားဖြစ်လေရာ လွတ်လပ်သောအတွေးအမြင် မရှိသူအဖြစ် လူသိများသည်။

    သမ္မတ ဦးသိန်းစိန် နှင့် စစ်ဦးစီးချုပ် မင်းအောင်လှိုင်တို့နှစ်ဦးစလုံးအား သက်ဆိုင်ရာရာထူး၌ ခန့်အပ်သူမှာ ဦးသန်းရွှေ ပင်ဖြစ်၏။ ဦးသန်းရွှေသည် ကန့်လန့်ကာနောက်ကွယ်တွင် အာဏာကိုချုပ်ကိုင်ထားဆဲ၊ အဆုံးသတ်ဆုံးဖြတ်ပေးသူ အဖြစ်တည်ရှိနေဆဲဟု စစ်တပ် အတွင်းပိုင်းစကားအရ သိရှိရသည်။

    စစ်တပ်ကို ထိပ်တန်းတင်သော မြန်မာနိုင်ငံ၏အာဏာ အဆောက်အဦးမှာ အပြောင်းအလဲမရှိသေး။ သို့ဖြစ်၍ နိုင်ငံရေးစံနစ်သည် ပြုပြင်ပြောင်းလဲရေးကြားကာလ၌ ရှိသည်ဟုဆိုခြင်းမှာ မမှန်ကန်တော့ချေ။ မြန်မာနိုင်ငံတွင် အမှန်တကယ်ဖြစ်ပျက်နေမှုများကို နားလည်နိုင်ရန်၊ မည်သို့ပြောင်းလဲမည် သို့မဟုတ် အပြောင်းအလဲရှိမရှိ သိမြင်ရန် အရေးကြီးသည့် အချိန်အခါရောက်လာပေပြီ။

    နိုင်ငံတော်၏ ဖွဲ့စည်းပုံအခြေခံ စည်းမျဉ်းကို စစ်တပ်လက်အောက်ခံတစ်ရပ်မှ စီစဉ်ရေးဆွဲခဲ့ပြီး မသန့်ရှင်းသော ပြည်လုံးကျွတ် ဆန္ဒခံယူပွဲပြုလုပ်ကာ ၂၀၀၈ ခုနှစ်၊ မေလတွင် ပြဋ္ဌာန်းသတ်မှတ်လိုက်ကြသည်။ ကမ်းခြေဒေသအများအပြားကို ပျက်စီးဆုံးရှုံးစေခဲ့သည့် နာဂစ်ဆိုင်ကလုံး မုန်တိုင်းဒဏ်ခံရစဉ်က ယင်းဆန္ဒခံယူပွဲအား ပြုလုပ်ခဲ့သည်။ ဖွဲ့စည်းပုံအခြေခံ ဥပဒေသစ်မှာ ထောက်ခံမဲ ၉၂.၄၈ % ရရှိသည်ဟု တရားဝင်ထုတ်ပြန်ခဲ့ပြီး၊ ၂၀၁၀ ခုနှစ် အထွေထွေရွေးကောက်ပွဲ၏နောက်တွင် အသက်သွင်းကျင့်သုံးခဲ့သည်။

    ထိုရွေးကောက်ပွဲမှာ ထင်ထင်ရှားရှား လီဆည်မှုရှိခဲ့သည်သာမက အနုစိတ်ကြံစည်ချက်တစ်ခု ဖြစ်ခဲ့သည်။ အာဏာပိုင်တို့၏ ကိုယ်ပိုင် ထုတ်ဖော်မှုမှာပင်လျှင် ဤအချက်က မြင်သာလွန်းနေ၏။ ပဲခူးတိုင်းဒေသကြီး အတွင်း ထောက်ခံမဲ ထည့်ဝင်ကြသူမှာ ၁၀၂.၀၉ % အထိရှိသည်ဟု နိုင်ငံပိုင် မီဒီယာများက ကနဦးပိုင်း၌ ကြေငြာခဲ့သော်လည်း နောက်ပိုင်းတွင် ၉၉.၅၇ % ဖြစ်ကြောင်း ပြန်လည်ပြင်ဆင်ခဲ့သည်။ အလားတူစွာ ရခိုင်ပြည်နယ်ရှိမြို့နယ်တစ်ခု၌ ထောက်ခံမဲထည့်ဝင်သူ ၁၀၄.၂၈ % ဟုဆိုရာမှ နောင်သောအခါ ၇၁.၇၄ % ဟု ပြန်လည်စာရင်းပြခဲ့ကြသည်။

    ထိုင်းနိုင်ငံအခြေစိုက် ပြည်ပရောက် မြန်မာနိုင်ငံသားတိှု့ စီစဉ်ထုတ်ဝေသော ဧရာဝတီမဂ္ဂဇင်း၌ ရန်ကုန် လုပ်ငန်းရှင်တစ်ဦး၏ စကားကို ကောက်နှုတ်ဖော်ပြထား၏။ ၄င်းမှာ စစ်တပ်၏ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ – Union Solidarity and Development Party (USDP) သည် ရွေးကောက်ပွဲများ ဖျက်သိမ်းထားသော ကချင်ပြည်နယ်၏ မဲဆန္ဒနယ် ၂ ခုတွင် အနိုင်ရရှိခဲ့ကြောင်း၊ USDP သည် တစ်နိုင်ငံလုံးတွင် အနိုင်ရခဲ့သည့် အပြင် ရွေးကောက်ပွဲ မကျင်းပခဲ့သည့် နယ်မြေဒေသများ၌လည်း အနိုင်ရရှိခဲ့ကြောင်း၊ သူနှင့်သူ့မိတ်ဆွေ အများအပြားမှာ ရန်ကုန်မြို့၌ ဒီမိုကရေစီဖက် ရပ်တည်သော ရွေးကောက်ပွဲဝင် ပါတီတစ်ခုအား မဲပေးခဲ့ကြကြောင်း၊ မဲများကိုရေတွက်ပြီးသောအခါ ထိုပါတီမှာ မိမိတို့မြို့နယ်၌ အနိုင်ရရှိခဲ့ကြောင်း၊ ယင်းအချက်ကို အတည်ပြုခဲ့ကြကြောင်း၊ သို့သော် အတည်ပြုပြီး နောက်မှာမှ မဲဆန္ဒနယ်သို့ “ကြိုတင်မဲ”များ ရောက်လာကြောင်း၊ ထိုအခါ ရလဒ်မှာ ပြောင်းပြန်ဖြစ်သွားကြောင်း၊ နိုင်ငံတစ်ဝှန်းတွင်လည်း အလားတူ လီဆည်မှု သတင်းများကို ကြားသိခဲ့ရကြောင်း ဟူ၍ဖြစ်သည်။

    180px-USDP_sealUSDP သည် ၁၉၉၃ ခုနှစ်၊ စက်တင်ဘာလတွင် စစ်အာဏာရှင်တို့မှထူထောင်သည့် USDA မှ ဆင်းသက်လာသော ပါတီ ဖြစ်သည်။ ဦးသန်းရွှေ နှင့် ဦးသိန်းစိန်တို့မှာ USDA အဖွဲ့ဝင်များအနက်မှဖြစ်သည်။ ၄င်း USDA ၌ အသင်းဝင်ပေါင်း ၂၄ သန်းရှိသည်ဟုဆိုလျက် ၂၀၁၀ ခုနှစ်၊ မတ်လတွင် USDP ပါတီအဖြစ် အသွင်ပြောင်းခဲ့သည်။ ၂၀၁၀ ခုနှစ်၊ နိုဝင်ဘာလတွင် ကျင်းပသော ရွေးကောက်ပွဲ ၀င်ရောက်ရန် ဦးသိန်းစိန်အား ခေါင်းဆောင် တင်မြှောက်ခဲ့ကြသည်။ ၄င်းပါတီသည် အသစ်ဖြစ်တည်လာသော လွှတ်တော်နှစ်ရပ်လုံး၌ နေရာ အများစုကို ရရှိလိုက်သည်။

    လွှတ်တော်နှစ်ရပ်လုံးရှိ အမတ်နေရာလေးပုံတစ်ပုံမှာ ရွေးကောက်ပွဲမှ အနိုင်ရရှိခဲ့သောနေရာများမဟုတ်။ စစ်တပ်မှ တိုက်ရိုက်ခန့်အပ်သူများ၊ တာဝန်ထမ်းဆောင်စဲ စစ်တပ်အရာရှိများ အနက်မှ ရွေးချယ်ထားသူများ ဖြစ်နေကြပေသည်။

    သို့မှသာ ဥပဒေသစ်တစ်ရပ်ဖြင့် ပါလီမန်လွှတ်တော်အား ကိုင်တွယ်ထိန်းချုပ်ထားနိုင်မည်၊ စစ်တပ်ကို ပြန်လည်ပြုပြင် တည်ဆောက်ရေး လမ်းကြောင်းပေါ် တင်လိုက်လျှင် အပြည်ပြည်ဆိုင်ရာအသိုင်းအ၀ိုင်း၌ သိက္ခာဆယ် အရောင်ပြန်တင်နိုင်လိမ့်မည်ဟု အာဏာဆုပ်ကိုင်ထားစဲ ထိပ်တန်းစစ်အုပ်စုဝင်များက တွက်ဆထားကြ၏။

    ပြည်တွင်း၌ အချေအတင်ဖြစ်လာသည့် တရုတ်ပြည်အပေါ် အလွန်အကျွံမှီခိုအားထားနေမှုအား မသိမသာ ရှောင်ဖယ်ထိန်း ညှိနိုင်ရေးအလို့ငှာ အနောက်နိုင်ငံများနှင့် ဆက်ဆံရေးတိုးမြှင့်ဖို့ကိုလည်း မျှော်လင့်ထားကြ၏။ ထိုအချက်ကို ကျွန်ုပ်ရရှိခဲ့သော မြန်မာစစ်တပ်မှ အတွင်းစည်း အထောက်အထားတို့ဖြင့် သိရခြင်းဖြစ်သည်။ သို့ဖြစ်လေရာ အတိုက်အခံခေါင်းဆောင် ဒေါ်အောင်ဆန်းစုကြည်အား ရွေးကောက်ပွဲပြီး မရှေးမနှောင်းတွင် နေအိမ်အကျယ်ချုပ်မှ လွတ်မြောက်ခွင့် ပေးခဲ့ကြ၏ ။ ရာနှင့်ချီသော နိုင်ငံရေး အကျဉ်းသားများကို လွတ်ငြိမ်းချမ်းသာခွင့် ပေးလိုက်ကြ၏။ ဆယ်စုနှစ်များစွာ တင်းတင်းကြပ်ကြပ်ချုပ်ကိုင်ထားခဲ့သော စာနယ်ဇင်းနှင့် မီဒီယာလွတ်လပ်ခွင့်ကိုလည်း အံ့သြစဖွယ် ကောင်းလှအောင် ဖြေလျော့ ဇက်လွှတ်ပေးခဲ့ကြလေသည်။

    ၀န်ကြီးနှင့် ဒုဝန်ကြီးနေရာတို့ ၌ USDP ကိုယ်စားလှယ်များကို ခန့်အပ်ပြီးသည့်နောက် လစ်လပ်နေရာများအစားထိုးရန် အတွက် ၂၀၁၂ ခုနှစ်၊ ဧပြီလတွင် ကြားဖြတ်ရွေးကောက်ပွဲပြုလုပ်ကာ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ် –  National League for Democracy (NLD) အား ၀င်ရောက်စေခဲ့သည်။ ဖွဲ့စည်းအုပ်ချုပ်ပုံ အခြေခံဥပဒေအရ ကက်ဘိနက် အဖွဲ့ဝင်များသည် လွှတ်တော်အမတ် မဖြစ်ရ၊ နိုင်ငံရေးပါတီအဖွဲ့ဝင်လည်း မဖြစ်ရ ဟု ဆိုထားသည်။ ယှဉ်ပြိုင်အမတ်နေရာ ၄၄ နေရာအနက် ၄၃ နေရာကို NLD မှ အနိုင်ရရှိခဲ့သည်။

    ဒေါ်အောင်ဆန်းစုကြည်မှာ ပါလီမန်အမတ်ဖြစ်လာသော်ငြား သူမ၏ပါတီသည် အမတ်နေရာစုစုပေါင်း၏ ၇ % သာ နေရာယူနိုင်ခဲ့သည်။

    သူမ နှင့် NLD ပါတီ၏စွမ်းဆောင်မှုများ အပေါ် ဝေဖန်ချက်တို့မှာ စိတ်ပျက်ဖွယ်ဖြစ်သွားရသည်။ ၄င်းတို့သည် အတိုက်အခံကဲ့သို့ မရပ်တည်၊ တရားဝင်မူဝါဒများအပေါ် မဝေဖန်၊ ထူးခြားမှုတင်ဆက်နိုင်ခြင်းလည်း မရှိကြချေ။ ၄င်းအစား သူတို့သည် အစိုးရနောက်သို့ကောက်ကောက်ပါအောင် လိုက်နေကြ၏၊ မဆိုစလောက်သော စောဒကများသာ ပြုလုပ်ပြီး အဆိုသစ်များကိုလည်း မတင်သွင်းနိုင်ကြပါ။ ထင်ရှားသော ရှမ်းတိုင်းရင်းသားခေါင်းဆောင်တစ်ဦးဖြစ်သူ ဦးခွန်ထွန်းဦး မှ ဒေါ်အောင်ဆန်းစုကြည်သည် အစိုးရ၏

    ကျောသပ်ချော့သိပ်မှုကို ခံနေရကြောင်း၊ လူထု၏အသံကို ကိုယ်စားမပြုနိုင်တော့ကြောင်း ဆိုခဲ့သည်။ ကချင်ပြည်နယ်မှ စစ်ပွဲများအပေါ် သူမ၏နှုတ်ဆိတ်နေမှုက ဝေဖန်သံများ လျှံထွက်စေခဲ့သလို – သစ္စာပျက်ယွင်းစေသည်ဟုခံစားရသော ကချင် အသိုင်းအ၀ိုင်းများက ကျယ်ကျယ်ပြန့်ပြန့် ပြစ်တင်ရှုတ်ချခဲ့ကြသည်။

    ဒေါ်အောင်ဆန်းစုကြည်သည် တစ်ချိန်က အပြင်းထန်ဆုံးအတိုက်အခံခေါင်းဆောင်အဖြစ်မှသည် မြန်မာအုပ်ချုပ်သူများ၏ အလိုလိုက်အကြိုက်ဆောင်ဘ၀သို့ ရောက်နေရပြီဖြစ်၏။ ၂၀၁၃ ခုနှစ်၊ ဇန္န၀ါရီလတွင် ဟိုနိုလူလူရှိ East-West Center ၌ ပြောဆိုခဲ့သော စကားအရ စစ်တပ်ဖက် အလေးသာနေကြောင်း ခန့်မှန်းရပေသည်။ “ ကျွန်မကို ဗမာစစ်တပ် အပေါ် နှစ်သက်သူ အဖြစ် မကြာခဏဆိုသလို ဝေဖန်ကြတယ်။ မတတ်နိုင်ဘူး၊ ဒါအမှန်တရားပါဘဲ ”။

    ယင်းသို့စကားများမှာ လက်ခံနားလည်ပေးရ ခက်ခဲလေခြင်း။ ၄င်းပြင် လူနည်းစုဝင်မြန်မာတိုင်းရင်းသားတို့အကြား သူမအပေါ်ထောက်ခံမှုကို အလေးမထားရာ ရောက်သွားခဲ့၏။ စစ်အုပ်ချုပ်ရေး၏ အမှောင်မိုက်ဆုံးကာလအတွင်း တိုင်းရင်းသားများစွာက သူမအား မျှော်လင့်အားထားခဲ့ကြသည်။ ဟာဝိုင်ယီ၌ ဒေါ်အောင်ဆန်းစုကြည်မှ မိန့်ခွန်းပြောနေချိန်တွင် မြန်မာစစ်တပ်သည် ဆိုင်းမပါ ဗုံမဆင့် လေကြောင်းစစ်ဆင်မှုနှင့်အတူ ထိုးစစ်ကြီးဆင်လေသဖြင့် အမျိုးသမီးနှင့်ကလေးအများစုပါဝင်သော ထောင်ဂဏန်းရှိ ကချင်တို့မှာ ကချင်စစ်ဌာနချုပ်အနီး အသစ်ကျပ်ချွတ် ဗုံးကျင်းများထဲ ခေါင်းမဖော်နိုင်သည့်ဖြစ်အင်နှင့် ကြုံကြိုက်နေခဲ့ကြကုန်သည်။

    စစ်တပ်၏ကြီးစိုးနေသောအခန်းကဏ္ဍနှင့်ပတ်သက်၍ ဒေါ်အောင်ဆန်းစုကြည် ပြုလုပ်နိုင်ခဲ့သည်မှာ ဤမျှသာဖြစ်၏။ ၂၀၀၈ ခုနှစ်အခြေခံဥပဒေ အခန်း ၁ တွင် – ကာကွယ်ရေးလုပ်ငန်းများသည် နိုင်ငံတော်၏ နိုင်ငံရေးခေါင်းဆောင်မှုတွင် ပါဝင်စေရမည် ဟုဆိုထားသည်။ သို့အတွက် တိုင်းပြုပြည်ပြုလွှတ်တော် အမတ်များအားလုံး၏ ၂၅ % သောနေရာကို ချုပ်ကိုင်ထားခြင်းဖြစ်သည်။ ယင်းဥပဒေကို အခြေခံစည်းမျဉ်းများ အပြောင်းအလဲမပြုလုပ်နိုင်အောင် ရှုပ်ရှုပ်ထွေးထွေး ရေးဆွဲဖော်ဆောင်ထားလေရာ က်ရှိအာဏာ တည်ဆောက်မှု ဆိုင်ရာ အပြောင်းအလဲအလို့ငှာ တစ်စုံတစ်ရာသော အဆိုတင်သွင်းချက်သည်ပင် စစ်တပ်၏ ဗီတိုအာဏာဖြင့်သာ ပြီးမြောက်စေသည်။ သာမန်အသေးအဖွဲ စည်းမျဉ်းအပြောင်းအလဲများမှာမူ လွှတ်တော်အမတ် ၂၀ % ၏ ထောက်ခံအတည်ပြုမှုဖြင့် ဆောင်ရွက်ခွင့် ရှိနေ၏။ သို့ရာတွင် အရေးပါသည့် တစ်ဖက်သတ်စည်းမျဉ်း ၁၀၄ ပိုဒ်တို့ကိုပြင်ဆင်လိုပါက ရှေးဦးစွာ အမတ်အားလုံး၏ ၇၅ % မှ လက်ခံအတည်ပြုရမည်၊ ၄င်းနောက် ပြည်လုံးကျွတ်ဆန္ဒခံယူပွဲ ကျင်းပရမည်၊ ယင်းသို့ကျင်းပရာဝယ် တရားဝင်မဲထည့်ခွင့်ရှိသူ အပေါင်းမှ လျှို့ဝှက်မဲပေးကြရမည်ဟု ဆိုထားလေသည်။

    မြန်မာနိုင်ငံသည် ၁၉၇၄ ဖွဲ့စည်းပုံဥပဒေအတွက် ပထမဆုံး ပြည်လုံးကျွတ်ဆန္ဒခံယူပွဲ ပြုလုပ်ခဲ့သည်။ ၂၀၀၈ ခုနှစ်တွင် နောက် တစ်ကြိမ်ပြုလုပ်ပြီး ကနဦးဥပဒေကို အစားထိုးစေပြန်သည်။ သို့သော် တရားမျှတမှုမရှိသော မှတ်တမ်းစာရင်း ၀င်နေသဖြင့် ဤရှုပ်ထွေးပွေလီလှသည့် နည်းစဉ်က ၄င်းအပိုဒ်များကို အနုလုံပဋိလုံ ပြင်ဆင်ပြောင်းလဲရန် မဖြစ်နိုင်တော့ချေ။ ဤအချက်သည် စစ်တပ်မှ အာဏာကို သွယ်ဝိုင်ချုပ်ကိုင်ထားမှု သက်ဆိုးရှည်စေအောင် တရားဝင်ပြုလုပ်ထားလိုက်ခြင်းဖြစ်၏။ အမတ်လောင်းများ အတွက်လည်း ရွေးချယ်ခံရပြီးနောက်ပိုင်း မည်သည့်ပြဿနာမျှ မရှိစေရဟု ထိန်းချုပ်ထားပြန်သည်။ ၄င်းဖွဲ့စည်းပုံဥပဒေသစ်၏ အပိုဒ် ၃၉၆ တွင် (စစ်တပ်မှ ပုဂ္ဂိုလ်ရေး အဆက်သွယ်အားဖြင့် သွယ်ဝိုက် ထိန်းချုပ်ထားသော) ရွေးကောက်ပွဲကော်မရှင်သည်လည်း လုပ်ဆောင်မှု မှားယွင်းပါက ပယ်ဖျက်ရုပ်သိမ်းခံရမည်ဖြစ်ကြောင်း

    ဆိုထား၏။ တဖန် ဒီမိုကရေစီစံနစ်ဆိုင်ရာ အခြေအနေများမှာ လုံးဝလက်လွှတ်ပျက်ယွင်းသွားပါက လိုအပ်လာပါလျှင် နိုင်ငံတော် သမ္မတသည် စစ်ဦးစီးချုပ်ထံသို့ တရားစီရင်ရေး နှင့် အုပ်ချုပ်ရေး အာဏာနှစ်ရပ်စလုံး လွှဲပြောင်းပေးရမည်ဟု အပိုဒ် ၄၁၃ က ဖော်ပြထားလေသည်။

    မြန်မာနိုင်ငံ၏ တိုင်း ၇ တိုင်း၊ ပြည်နယ် ၇ ခု၏ ဒေသတွင်း အနေအထားတွင်လည်း ၄င်းတို့၏ ကိုယ်ပိုင်အင်အားစုများ စိမ့်ဝင်ရောက်ရှိနေစေရန် အကောက်ကြံထားပြန်သည်။ ရွေးချယ်ခံ အမတ်နေရာအားလုံး၏ သုံးပုံတစ်ပုံကို စစ်တပ်အတွက် အရံသင့်ချန်ထားပေးရမည်၊ ဒေသတွင်း ညှိနှိုင်းဆွေးနွေးမှုများက ၂၀၀၈ ခုနှစ်ဖွဲ့စည်းပုံအခြေခံဥပဒေ၏ ဘောင်အတွင်းက ရှိနေရမည်ဖြစ်၏။ ပြည်နယ်လွှတ်တော်၊ တိုင်းလွှတ်တော်တို့၏ ဆုံးဖြတ်ထုတ်ပြန်ချက် နှင့် ရှေ့ဆက်လုပ်ငန်းစဉ်များမှာ တာဝန်အပ်နှင်းခံရခြင်း မရှိသော တစ်စုံတစ်ဦး၏ လုပ်ရပ်၊ မဲပေးမှု နှင့် ပါဝင်ဆောင်ရွက်ခြင်းကို နောင်တွင် တွေ့ရှိခဲ့သော်လည်း ပယ်ဖျက်ခြင်း မပြုရ ဟူသောသဘောထားကို အပိုဒ် ၁၈၃ ၌ တွေ့ကြရပေမည်။

    သာမန်အတွေးဖြင့်ပင် အဖြေပေါ်နေလေပြီ။ ရွေးချယ်တင်မြှောက်ခြင်းမခံရသည့်တိုင် အမည်ခံအုပ်စုတစ်စုမှ ဒေသဆိုင်ရာ လွှတ်တော်အတွင်း ပါဝင်နိုင်သည်၊ နေရာယူထားနိုင်သည်၊ ဆန္ဒမဲပေးနိုင်သည်၊ သို့သော် ယင်းအရေးအရာနှင့်ပတ်သက်၍ ဘာမှ မဆောင်ရွက်နိုင်။  ၄င်း၏ရည်ရွယ်ချက်ကား ဒေသဆိုင်ရာလွှတ်တော်အစည်းအဝေးများကို ပိုမိုအခွင့်အရေးရရှိစေသော၊ ၄င်းပြင် ဗဟိုချုပ်ကိုင်ဦးစီး စနစ်အားထိပါးစေသော – လွတ်လပ်စွာ ဆုံးဖြတ်ခွင့်နှင့်လုပ်ငန်းဖော်ဆောင်ခွင့်အား တားဆီးထားခြင်း ဖြစ်သည်။ ဤသို့ ရွေးချယ်ခံဒေသတွင်း ကိုယ်စားလှယ်များကို ဆန္ဒမဲပေးခွင့် ပိတ်ဆို့ထားခြင်း၊ ၄င်းတို့၏နေရာတွင် အချို့သောပုဂ္ဂိုလ်များအား ကိုယ်စားစေလွှတ်စေခြင်းဖြင့် ကန့်သတ်ဘောင်ခတ်ထားပေသည်။

    ဤသည်မှာ ဦးသန်းရွှေ၏ တွက်ချက်မှုပေါ် အခြေခံထားသည့် ရုပ်လုံးသစ်တစ်ရပ်ဖြစ်သည်ဟု မြန်မာရှေ့နေတစ်ဦးက ဆိုသည်။ လွန်လေပြီးသော မြန်မာအာဏာရှင်ဟောင်းများသည် အာဏာကိုစွန့်လွှတ်လိုက်ရပြီး ပီပြင်သောသြဇာခံတစ်စုကို မချန်ရစ်ထားနိုင်ခဲ့ကြ။ ၂၀၁၀ ခုနှစ်၌ ဘေးထွက် ထိုင်လိုက်သော ဦးသန်းရွှေသည် မိမိကိုယ်တိုင်နှင့်မိမိ၏ သားစဉ်မြေးဆက်ကို ကာကွယ်ရန် လမ်းကြောင်းသစ် တစ်မျိုးကို ဖော်ဆောင်လိုက်သည်။ ၄င်းမှာ စစ်တပ်၊ ဗဟိုအစိုးရ၊ အရံအင်အားစု အာဏာရပါတီ USDP ၊ လွှတ်တော် တည်းဟူသော အာဏာလေးရပ် ပုံဟန်အား တီထွင်လိုက်ခြင်းဖြစ်၏။ လွှတ်တော်သည် အာဏာ၏ ဗဟိုဌာနဖြစ်ပြီး ၄င်း၌ အတိုက်အခံ အနည်းငယ်မျှ ပါဝင်စေရန် လိုက်လျောထား၏။

    ယင်းအာဏာလေးရပ်အနက် စစ်တပ်သည် အရေးအပါဆုံးနေရာတွင် ရှိနေသည်။ အထူးအခွင့် အာဏာအသုံးပြုခွင့် အပြင် နိုင်ငံတော် ကာကွယ်ရေးနှင့် လုံခြုံရေးကောင်စီကိုလည်း ထိန်းချုပ်ထားလေရာ အာဏာပိုင် အစိုးရ၏ အထက်သို့ ရောက်သွားပါတော့သည်။ ဦးသိန်းစိန်သည် ထိုကောင်စီ၏ ဥက္ကဌ ဖြစ်သော်လည်း ရုပ်သေး ရုပ်သာသာဖြစ်နေပေ၏။  ကောင်စီအဖွဲ့ဝင် ၁၁ ဦးအနက် ငါးဦးမှာ တာဝန်ထမ်းဆောင်ဆဲ စစ်အရာရှိများဖြစ်ပြီး နောက်ထပ် ငါးဦးမှာ အရာရှိဟောင်းများဖြစ်ကြသည်။ အရပ်သားစစ်စစ်ဟူ၍ တစ်ဦးတည်းသာပါဝင်နေသည်။ စစ်တပ်မှာ ဦးသိန်းစိန်၏ လက်အောက်တွင် မရှိ။ စစ်ဦးစီးချုပ် မင်းအောင်နိုင်၏ အမိန့်အောက်တွင် ရောက်နေသည်။ စစ်ဦးစီးချုပ်သည်လည်း သူ၏ အရှင်သခင်ဖြစ်သော ဦးသန်းရွှေထံ အစီရင်ခံနေရ၏။

    ယနေ့မြန်မာနိုင်ငံသည် စစ်တပ်တစ်ပိုင်းအရပ်သားတစ်ပိုင်းအာဏာအဆောက်အဦးကို ဗန်းပြထားသည့် စစ်အစိုးရ တိုင်းပြည်တစ်ခုသာ ဖြစ်ပေသည်။ အတိုက်အခံပါတီများ နှင့် လွတ်လပ်စွာဖော်ထုတ်ခွင့်များကို စစ်တပ်၏ ကိုယ်တွယ် စီမံမှုဘောင် အတွင်းမှသာ လိုက်လျောခွင့်ပြုထားသည်။ ၂၀၁၅ ရွေးကောက်ပွဲအောင်နိုင်လင့်ကစား NLD ကို အာဏာအပ်နှင်းရန် စစ်တပ်မှ အလိုတူဟန် မရှိကြောင်း ထင်ရှားနေ၏။ ၀န်ကြီးနေရာအချို့ကိုမူ ပေးကောင်းပေးပေလိမ့်မည်။ သို့ပင်သို့ငြား ဖွဲ့စည်းအုပ်ချုပ်ပုံအခြေခံဥပဒေအရ ဤ ၀န်ကြီးနှင့် ဒုဝန်ကြီးများသည် မိမိတို့သက်ဆိုင်ရာပါတီ၏အမတ်နေရာကိုသာမက ၊ ပါတီကိုလည်း မိမိတို့ဦးထိပ်ထားခဲ့ဖူးသော မိခင်အဖွဲ့အစည်း အဖြစ်မှ စွန့်လွှတ်ကြရမည် ဖြစ်သောကြောင့် NLD မှာ သာမညောင်ည ဘ၀သို့ ရောက်ပေတော့မည်။ ငြမ်းစင် တစ်ခုသာ ဖြစ်သွားပေတော့မည်။

    စစ်တပ်၏ပေါက်ရောက်မှုကို သာမန်အာဏာ လက်ခွဲများအထိတော့ သပ်လျှိုဆန့်သွင်းမထားပါ။ လွတ်လပ်သော လူ့ဘောင်အဖွဲ့အစည်း အဖြစ်မြင်အောင် ကိုင်တွယ်ထားသည်။ စစ်အုပ်ချုပ်ရေးအောက်မှ မီဒီယာများမှာ မကြုံဖူးလောက်အောင် လွတ်လပ်ခွင့် ရှိလာ၏။ သို့သော် ဆင်ဆာ စည်းမျဉ်းဟောင်းတို့ကို ပိုမိုရှုပ်ထွေးနားလည်ရ ခက်ခဲသောနည်းလမ်းဖြင့် အစားထိုးထားခြင်းသာဖြစ်သည်။ အကြီးမားဆုံး ပုဂ္ဂလိကပိုင် ဂျာနယ်တိုက်  Eleven Media group ၏ ၀က်ဘ်ဆိုဒ်မှာ ဇန္န၀ါရီ နှင့် ဖေဖော်ဝါရီလက ဟက်ခံရပြီး အချက်အလက်နှင့် ပုံများပျက်စီးသွားခဲ့သည်။ Eleven Media သည် ပြည်တွင်းသတင်း အုပ်စုများအနက် ကချင်ပြည်နယ် စစ်ပွဲအကြောင်းကို ပထမဆုံး ပြောင်ပြောင်တင်းတင်းဖော်ပြခဲ့သည့် အဖွဲ့ဖြစ်သည်။ ကချင်စစ်မက်ဒေသသို့သွားရောက်ခဲ့သော ၄င်း၏ ဂျာနယ်လစ် တစ်ဦးအား မျက်စေ့ဒေါက်ထောက် လိုက်လံစောင့်ကြည့်ခဲ့ကြသည်။ ဤသည်မှာ ပြည်သူတို့အပေါ် မကြာခဏ အသုံးပြုနေခဲ့သည့် ခြောက်လှန့်နည်း တစ်ရပ်ဖြစ်သည်။ မြန်မာနိုင်ငံသား အပါအ၀င် နိုင်ငံခြားသား ဂျာနယ်လစ်အများအပြားတို့၏ အီးမေးလ်အကောင့်တို့မှာ စစ်တပ်၏ hacking – တိုက်ခိုက်ဖျက်ဆီးခြင်း ခံနေရသည်။ လူထုအကြား  M.I ဟု ကျော်ကြားသော မြန်မာနိုင်ငံ၏ကြောက်စရာ အကောင်းဆုံး စစ်ထောက်လှမ်းရေး – Military Intelligence သည် ကောင်းစွာရှင်သန်နေဆဲ။ ပထမဆုံးအကြိမ် စစ်အာဏာသိမ်းပြီး နောက်ပြဋ္ဌာန်းခဲ့သည့် အလွန် တင်းကြပ်လွန်းသော ၁၉၆၂ ပုံနှိပ်ထုတ်ဝေခွင့် ဥပဒေကိုလည်း ပြန်လည် မရုပ်သိမ်းသေးချေ။

    ၄င်း ၁၉၆၂ ဥပဒေကို လက်ရှိကာလ၌ အဓမ္မ မကျင့်သုံးသော်လည်း ၂၀၁၃ ခုနှစ်၊ မေလတွင် စာနယ်ဇင်းသမားများ ကာကွယ်ရေးကော်မတီမှ နိုင်ငံတွင်းရှိမီဒီယာ အသိုင်းအ၀ိုင်းမှာ အချိန်တိုအတွင်း လွတ်လပ်ခွင့် ရရှိရမည့်အစား ဖိနှိပ်ခံထားရဆဲဖြစ်ကြောင်း ထုတ်ပြန်ခဲ့သည်။ မြန်မာမွတ်စ်လင်မ် လူနည်းစုအား  တိုက်ခိုက်လာစေရန် သွေးထိုး လှုံ့ဆော်ဟောပြောနေသော – သမရိုးကျ ဗုဒ္ဓရဟန်းသံဃာတော် မဟုတ်သော ဦးဝီရသူ အကြောင်းကို ဇွန်လတွင် တိုင်းမ်မဂ္ဂဇင်းမှဖော်ပြခဲ့သည်၌ ထိုမဂ္ဂဇင်းကိုလည်း ပိတ်ပင်တားမြစ်ခဲ့ပြန်သည်။

    တစ်ချိန်တည်းမှာပင် စစ်တပ်သည် ၄င်း၏ ဧရာမ ကုမ္ပဏီနှစ်ခုဖြစ်သော မြန်မာဦးပိုင်ကုမ္ပဏီ – Union of Myanmar Economic Holdings (UMEH) နှင့် မြန်မာ့စီးပွားရေးကော်ပိုရေးရှင်း – Myanmar Economic Corporation (MEC) တို့အားဖြင့် စီးပွားရေး နှင့် ဖွံ့ဖြိုးရေး ကဏ္ဍများတွင် လက်ဝါးကြီး အုပ်ထားဆဲဖြစ်သည်။ UMEH ကို ၁၉၉၀ ခုနှစ်က တည်ထောင်ခဲ့ပြီး မြန်မာစစ်တပ်မှ ကိုင်တွယ် စီမံထားသည်။ မြန်မာနိုင်ငံအတွက် စစ်လက်နက် ပစ္စည်းများကို ပြည်ပမှ ၀ယ်ယူတင်သွင်းပေးသော ကာကွယ်ရေးနှင့်ထောက်ပံ့ရေး ၀န်ကြီးဌာနက ၄င်းကုမ္ပဏီ၏ ရှယ်ယာဝေစု ၄၀ % ပိုင်ဆိုင်ပြီး၊ ကျန်ရှိသည့် ၆၀ % ကို စစ်အရာရှိများက ကိုယ်စီကိုယ်ငှ ပိုင်ဆိုင်ထားကြသည်။ ၄င်းသည် ပစ္စည်းတင်သွင်းခွင့် နှင့် လက်ဝါးကြီးအုပ်ခွင့်ကို အများထက်ပို၍ လွန်ကျွံထူးကဲစွာ ရလျက်ရှိကြောင်း ရိုက်တာအထူးအစီရင်ခံချက်အရ သိရ၏။ သြစတေးလျနိုင်ငံ၊ Macquaire University မှ မြန်မာ့စီးပွားရေးကျွမ်းကျင်သူ ရှောင် တာနဲလ် (Sean Turnell) က “အမြတ်အစွန်းတွေကို နှစ်ပေါင်းများစွာ ကိုင်တွယ် ထိန်းချုပ်ထားသူက အာဏာရှင်ဟောင်း ဦးသန်းရွှေ ဖြစ်တယ် ” ဟု ဆိုသည်။ MEC ကို ၁၉၉၇ ခုနှစ်တွင် တည်ထောင်ခဲ့ပြီး၊ ၄င်းသည် အကြီးစား စက်မှုလုပ်ငန်း နှင့် IT လုပ်ငန်းများအတွက် ကာကွယ်ရေးဝန်ကြီး လက်အောက်မှ လည်ပတ် လှုပ်ရှားနေသည့် လျှို့ဝှက်အဖွဲ့အစည်းတစ်ခု ဖြစ်၏။

    Ushweman and daw suဦးသန်းရွှေနှင့်သူ၏ အသုံးတော်ခံများသည် ဤစံနစ်သစ်နှင့်ထိပ်တိုက် တိုးလာသည်နှင့်အမျှ ရေရှည်ခံတော့မည် မဟုတ်ဘဲ အနာဂတ်တွင် ပဋိပက္ခဖြစ်လာဖွယ်ရာ အကြောင်းရှိနေသည်။ အထူးစောင့်ကြည့်ရမည့် ပုဂ္ဂိုလ်ကား SPDC အဖွဲ့ဟောင်းမှ တတိယအဆင့်ဝင် နှင့် လက်ရှိလွှတ်တော်ဥက္ကဌ ဗိုလ်ချုပ်ကြီးဟောင်း သူရဦးရွှေမန်း ဖြစ်၏။ သူသည် ဦးသိန်းစိန်နှင့်မတူဘဲ ဒေါ်အောင်ဆန်းစုကြည်နှင့် ထူးခြားသော ဆက်ဆံရေးကို ထူထောင်ထားသည်။ သို့သော်လည်း ၄င်းသည် ယာယီသဘောမျှသာ ဖြစ်နိုင်လိမ့်မည်၊ သူ၏ ထင်ပေါ်ကျော်ကြားမှုအတွက် အထောက်အကူမပြုတော့လျှင် သူမအား ခွာထုတ်လိမ့်မည်ဟု နီးစပ်သော အသိုင်းအ၀ိုင်းမှဆိုကြသည်။ အခြား တစ်ဖက်တွင်တော့ ဦးရွှေမန်းသည် ဒေသခံ စစ်အာဏာပိုင်များ၊ တိုင်းမှူးများအကြား ရေပန်း မစားလှကြောင်း စစ်တပ် အတွင်းစည်းမှလူတို့က ယုံကြည်ကြသည်။ သူ့အား မျှော်မှန်းလွန်းသူ အဖြစ်လည်းကောင်း၊  ၄င်းတို့၏ အသားကျပြီးသားပုံစံခွက် အတွက် အန္တရာယ်ပေးနိုင်မည့်သူ အဖြစ်လည်းကောင်း အမြင်ရှိနေကြ၍ ဖြစ်ပေသည်။

    ဦးရွှေမန်းမှ အောင်မြင်သည်ဖြစ်စေ၊ မအောင်မြင်သည်ဖြစ်စေ အာဏာဆုပ်ကိုင်ထားစဲ စစ်အာဏာပိုင်များအတွင်း၌ ပဋိပက္ခများ၊ အာဏာပြိုင်ခြင်းများကတော့ ပိုမိုဖြစ်ပွားလာဖွယ် ရှိနေ၏။ မြန်မာနိုင်ငံ၏အနာဂတ်သည် ထိုအချက်ပေါ်တွင် တည်မှီနေ၏၊ ပါလီမန်လွှတ်တော် သို့မဟုတ် အစိုးရအတွင်း၌ မဟုတ်။

    ဦးသန်းရွှေမှာ အသက် ၈၀ အရွယ်သို့ ရောက်လာပြီး ကျန်းမာရေးမကောင်းဟု သိရသည်။ သူဖန်တီးထားခဲ့သော အာဏာ အဆောက်အဦးသည်သာ သူ့အား ကယ်တင်နိုင်ပေတော့မည်။ ဦးသန်းရွှေ ကွယ်လွန်ပါက ပိုမိုပွင့်လင်းသော ခေတ်သစ် တစ်ရပ် မွေးဖွားလာနိုင်ပြီး စစ်တပ်သည် ကျောထောက်နောက်ခံ အနေနှင့်သာ မှေးမှိန်သွားဖွယ် ရှိသည်ဟု အကောင်းမြင်သမားတို့က ဆိုကြသည်။ သို့စေကာမူ သံသယ အမြင်သမားတို့သည် လက်ဟောင်းအာဏာရှင် ဦးနေ၀င်းနှင့် ပတ်သက်၍ ပြည်တွင်းပြည်ပ လေ့လာသူများက ယင်းသို့ပင် ဆိုခဲ့ဖူးကြောင်း မမေ့လျော့ကြဘဲ စစ်တပ်သည် တစ်နည်းမဟုတ် တစ်နည်းဖြင့် အာဏာ ဆက်လက်တည်နေဖို့ ကြံဆောင်ထားကြောင်း အရှင်းလင်းဆုံး ဆိုနိုင်မည့် အကြောင်း တစ်ချက်သာရှိနေပါ၏။ မီဒီယာမျိုးစုံမှ ပုံဟန်အစုံဖြင့် ဖော်ကျူးနေလင့် ကစား မြန်မာနိုင်ငံ၏ ပြန်လည်ပြုပြင်ရေး အစီအမံသည် အရေပြားတစ်ထောက်စာမျှသာဖြစ်လျက်၊ စစ်တပ်မှ အရှိန်မလျှော့ဘဲ အာဏာဆက်လက်ဆုပ်ကိုင်ထားနိုင်အောင် ပုံဖော်ထားချက်ပင်ဖြစ်ကြောင်း ဟူသတည်း။

    **ကမ္ဘာကျော် Foreign Policy မဂ္ဂဇင်း တွင်ဖော်ပြခဲ့သည့် နာမည်ကြီး သတင်းစာ ဆရာ BERTIL LINTNER ၏ The Military’s Still in Charge ဆောင်းပါးကို မြင့်မိုရ်မောင်မောင် ဆီလျော်အောင် မြန်မာလိုပြန်ဆိုပါသည်။

    *[1] မူရင်းဆောင်းပါးတွင် SPDC ဟုရေးသားထား