News @ M-Media

Tag: Bolivia

  • စစ်ခေါင်းဆောင်ကို သမ္မတက နားချပြီး ဖမ်းဆီးနိုင်ခဲ့တဲ့ ဘိုလီဗီးယားက ထူးဆန်းသည့် စစ်အာဏာသိမ်းမှု

    စစ်ခေါင်းဆောင်ကို သမ္မတက နားချပြီး ဖမ်းဆီးနိုင်ခဲ့တဲ့ ဘိုလီဗီးယားက ထူးဆန်းသည့် စစ်အာဏာသိမ်းမှု

    ဇွန် ၂၈၊ ၂၀၂၄
    M-Media 

    (ပုံ ၁ – အာဏာသိမ်းမှုကို တားဆီးနိုင်ခဲ့ကြောင်း လက်သီးလက်မောင်းတန်း ပြောကြားနေသည့် သမ္မတအာခီ) 

    -တောင်အမေရိက နိုင်ငံတစ်ခုဖြစ်တဲ့ ဘိုလီဗီးယားမှာ ဇွန်လ ၂၆ ရက်နေ့က မအောင်မြင်တဲ့ စစ်အာဏာသိမ်းမှုတစ်ခု ဖြစ်ပွားခဲ့ပါတယ်။ 

    သမ္မတအိမ်တော်ထဲ အင်အားအပြည့်နဲ့ ၀င်လာတဲ့ ဗိုလ်ချုပ် ၀ှမ် ဟိုဆေး ဇူနီဂါကို သမ္မတ လူး၀စ် အာခီက မျက်နှာချင်းဆိုင် ရင်ဆိုင်ပြီး “မင်းတပ်တွေ ချက်ခြင်းဆုတ်ပေးပါ”လို့ ပြောဆိုကာ တားဆီးနိုင်ခဲ့တာပါ။ 

    ထူးထူးဆန်းဆန်း ဒီအဖြစ်အပျက်ဟာ ကမ္ဘာတစ်၀ှမ်း ချက်ခြင်းဆိုသလို ပြန့်နှံ့သွားပါတယ်။ 

    စစ်အာဏာသိမ်းဖို့ကြိုးစားတဲ့ ဗိုလ်ချုပ် ဇူနီဂါကို နောက်ပိုင်းမှာ ဘိုလီဗီးယားရဲတပ်ဖွဲ့က ဖမ်းဆီးခဲ့ပါတယ်။ 

    ဘိုလီဗီယားဟာ နိုင်ငံရေးမတည်ငြိမ်တဲ့ တိုင်းပြည်တစ်ခုပါ။ ၁၉၄၆ ခုနှစ်နောက်ပိုင်း စစ်အာဏာသိမ်းဖို့ ကြိုးပမ်းမှုပေါင်း ၄၀ လောက်ရှိခဲ့ပြီး အောင်မြင်တာတွေရှိသလို၊ မအောင်မြင်တာတွေလည်း ရှိခဲ့ပါတယ်။ 

    တိုင်းပြည်စီးပွားရေးကျဆင်းနေတာ၊ နိုင်ငံခြားအရန်ငွေ လျော့နည်းလာတာ၊ လောင်စာဆီ၊ အခြေခံစားသောက်ကုန် ရှားပါးလာတွေကြောင့် လူထုက လက်ရှိအစိုးရအပေါ် ၀ေဖန်မှုတွေ မြင့်တက်နေပြီး ရွေးကောက်ပွဲလည်း ရှိနေတဲ့အချိန် အခုလို မအောင်မြင်တဲ့ အာဏာသိမ်းမှု ပေါ်ပေါက်လာတာ ဖြစ်ပါတယ်။ 

    အာဏာသိမ်းဖို့ကြိုးစားတဲ့ ဗိုလ်ချုပ်ဇူနီဂါဟာ စစ်တပ်အကြီးအကဲဟောင်းဖြစ်ပြီး ဇွန်လ ၂၅ ရက်နေ့ကမှ ရာထူးကနေ ဖယ်ရှားခံထားရသူ ဖြစ်ပါတယ်။ 

    ဖမ်းဆီးမခံရခင် အာဏာသိမ်းဖို့ကြိုးစားမှု အကြောင်းအရင်းကို ဇူနီဂါက သတင်းထောက်တွေကို ပြောကြားရာမှာ ဒီမိုကရေစီကို ထိန်းသိမ်းဖို့ဖြစ်တယ်လို့ ဆိုပါတယ်။ 

    “ပြည်သူတွေမှာ အနာဂတ်မရှိဘူး။ ကျွန်တော်တို့ကလေးတွေရဲ့ အနာဂတ်၊ ကောင်းရာကောင်းကျိုးနဲ့ တိုးတက်မှုတွေအတွက် စစ်တပ်က လူမိုက်ထွက်လုပ်ရတာ ဖြစ်ပါတယ်”

    အာဏာသိမ်းပြီးရင် အကျဥ်းချခံထားရတဲ့ သမ္မဟောင်း ဂျီနင်း အေနက်ဇ်အပါအ၀င် နိုင်ငံရေးအကျဥ်းသားအားလုံးကို လွှတ်ပေးမယ်လို့ ဇူနီဂါက ကတိပြုခဲ့ပါတယ်။ 

    ဇူနီဂါဟာ လက်၀ဲယိမ်းသမ္မတဟောင်း အီဗို မိုရာလက်စ် လာမယ့်ရွေးကောက်ပွဲမှာ ၀င်ရောက်ယှဥ်ပြိုင်မှာကို မနှစ်မြို့ပါဘူး။ မိုရာလက်စ် ရွေးကောက်ပွဲမ၀င်နိုင်အောင် တားဆီးမယ်ဆိုတဲ့ ခြိမ်းခြောက်မှုအတွက် စစ်ခေါင်းဆောင်ရာထူးကနေ ဖယ်ရှားခံခဲ့ရတာလို့ သတင်းထွက်ခဲ့ပါတယ်။ 

    ဘိုလီဗီးယား ရှေ့နေချုပ်ရုံးက အာဏာသိမ်းဖို့ ကြိုးပမ်းမှုမှာ ပါ၀င်ပတ်သက်နေတဲ့သူတွေကို ရာဇ၀တ်မှုစွဲချက်နဲ့ စုံစမ်းစစ်ဆေးမှု ပြုလုပ်နေတယ်လို့ ထုတ်ပြန်ခဲ့ပါတယ်။ 

    လုပ်ဇာတ်လား


    (ပုံ ၂ – ဖမ်းဆီးခံလိုက်ရသည့် ဗိုလ်ချုပ်ဟောင်း ဇူနီဂါ)

    ဗိုလ်ချုပ်ဇူနီဂါက သူဟာ သမ္မတအာခီရဲ့ ခိုင်းစေမှုအတိုင်း အာဏာသိမ်းမယ့်ပုံစံမျိုး ဖန်တီးရတာလို့ အဖမ်းခံရပြီးနောက်ပိုင်း ထုတ်ပြောလာပါတယ်။ 

    “တနင်္ဂနွေနေ့က သမ္မတနဲ့တွေ့တော့ သူက အခြေအနေတွေ မကောင်းတော့ဘူး။ ဒီတစ်ပတ် ပိုဆိုးမယ်ထင်တယ်။ ငါ့ကို လူကြိုက်များလာအောင် လုပ်ဖို့လိုတယ်။ စစ်ကားတွေ ထုတ်သုံးလို့ရတယ်မှတ်လား”လို့ ပြောခဲ့ပါတယ်။

    အာခီအစိုးရရဲ့ တရားရေး၀န်ကြီး အိုင်ဗန်လီမာက ဇူနီဂါရဲ့ ဒီပြောကြားမှုကို ငြင်းဆိုခဲ့ပြီ ဒီအတွက် တရားဥပဒေရှေ့မှောက်မှာ အဖြေပေးရလိမ့်မယ်လို့ တုန့်ပြန်ပြောကြားခဲ့ပါတယ်။ 

    အစိုးရအတိုက်အခံ နိုင်ငံရေးသမားတွေကလည် ဒီစစ်အာဏာသိမ်းမှုဟာ သမ္မတအာခီတို့အဖွဲ့ ပေါင်းကြံတာလို့ မှတ်ချက်ပေးပါတယ်။ 

    “ဒီကနေ့ ဘိုလီဗီးယားမှာ ဖြစ်သွားခဲ့တာက တော်တော်လေး ထူးဆန်းနေပါတယ်။ လူး၀စ်အာခီအစိုးရက စီစဥ်တဲ့ လုပ်ကြံအာဏာသိမ်းမှုဆိုတာ ကျွန်တော်တို့ အတည်ပြုနိုင်ပါတယ်”လို့ အတိုက်အခံ Civic Community ပါတီက လွှတ်တော်အမတ် အန်ဒရီယာ ဘာရီယန်တို့စ်က ပြောကြားခဲ့ပါတယ်။ 

    Ref: CNN 

  • ဘိုလစ္ဗီးယားတြင္ MacDonald အရံႈးေပၚ၍ ဆိုင္ခြဲအားလံုး ပိတ္ပစ္ေနရ

    ဒီဇင္ဘာ ၂၀၊ ၂၀၁၃
    M-Media

    mcdonalds2-625x347
    – ဘုိလစ္ဗီးယား ျပည္သူမ်ား၏ ေထာက္ခံအားေပးမႈကုိ မရရွိေသာေၾကာင့္ ကမၻာေက်ာ္ အသင့္စား စားေသာက္ဆုိင္တစ္ခုျဖစ္သည့္ MacDonald ၏ ဘုိလစ္ဗီယားရွိ ဆုိင္ခြဲမ်ားအားလံုးကုိ ပိတ္ပစ္ေနသည္ဟု သိရသည္။

    အေမရိကန္ကဲ့သုိ႔ႏုိင္ငံမ်ားတြင္ လြယ္ကူစြာ လႊမ္းမုိးေသာ အသင့္စားအစားအစာ အျမန္ခ်က္ျပဳတ္ျခင္းနည္းလမ္းႏွင့္ ေၾကာျငာမ်ားမွာ ဘုိလစ္ဗီးယားႏုိင္ငံတြင္ အလုပ္မျဖစ္ဘဲ၊ ဘုိလစ္ဗီးယားျပည္သူမ်ားကလည္း ထုိကဲ့သုိ႔ အခ်ိန္အနည္းငယ္သာၾကာေသာ ခ်က္ျပဳတ္မႈကုိ ယံုၾကည္ျခင္းမရွိေခ်။ ထုိ႔ျပင္ ျပည္သူမ်ားမွာ ေဒသခံမ်ား၏ ခ်က္ျပဳေရာင္းခ်မႈမ်ားကုိသာ ယံုၾကည္စြာ စားသံုးၾကသည္။

    McDonald မွာ ဘုိလစ္ဗီးယားႏုိင္ငံတြင္ ဆယ္စုႏွစ္တစ္ခုၾကာ အ႐ံႈးခံေရာင္းခ်ေနရၿပီး ၂၀၀၂ ခုႏွစ္မွစ၍ ၎၏ ဆုိင္ခြဲမ်ားကုိ တျဖည္းျဖည္း ပိတ္ပစ္လာခဲ့ရျခင္းျဖစ္သည္။