Tag: Book

သြဂုတ်-၁၊ ၂၀၁၃
M-Media
အမ်တူးအေ

သစ်လွင်တို့၏ ရင်ဖွင့်နန်းစာအုပ်သည် သြရသရေချမ်း မှ ဘာသာပြန်ဆိုထားသော စာအုပ်ဖြစ်သည်။ ဤစာအုပ်သည် Muslim Coverts’ Association of Singapore -Darul Arqam မှ ၂၀၁၀-၂၀၁၁ ခုနှစ်တွင်ထုတ်ဝေခဲ့သော Following Faith အား(အမှာစာနှင့် အယ်ဒီတာ မှတ်စုမှအပ) မြန်မာနိုင်ငံ ဘာသာသို့ ပြန်ဆိုထားခြင်းဖြစ်သည်။

ထိုစာအုပ်၌ အပတ်စဉ်/လစဉ်ထုတ် The Muslim Reader စာစောင်များ အစ္စလာမ် သာသနာသို့  သက်ဝင်လာသော မွတ်စလင်မ် သစ်လွင်တို့၏ ရင်ဖွင့်ခံစားချက်နှင့် အတွေ့အကြုံဆိုင်ရာ လက်ရွေးစင် ဆောင်းပါး(အတို/အရှည်)များ အနက် ၂၆-ပုဒ်ကိုတင်ပြထားသည်။ ၎င်းတို့မှာ Stories ခေါ်ဇာတ်လမ်း သက်သက် မဟုတ်သဖြင့် ဘာသာပြန် ကျင့်ဝတ်နှင့်အညီ မူရင်းအကြောင်း အရာအတိုင်း မခြွင်းမချန် ဆီလျော်အောင်ပြန်ဆို ရေးသားထားသည်။

မွတ်စလင်မ်သစ်လွင်တို့၏ အစ္စလာမ် သာသနာသို့  ကူးပြောင်း သက်ဝင်ရသည့် အကြောင်းခံတရားများ၊ ၎င်းတို့၏ လောကဓံများ၊ စိတ်နေစိတ်ထား၊ အတွေးအမြင်၊ အားထုတ်မှု စသည်ဖြင့် ရသစုံ ခြုံငုံပါဝင်နေသည်။ သစ်လွင်မွတ်စ်လင်မ်များနှင့် မိရိုးဖလာ မွတ်စလင်မ်များ အကြားရှိ ကွက်လပ်များ၊ သက်ဆိုင်ရာ အားသာချက်များကို ပြက်ပြက်ထင်ထင် မြင်နိုင်ကောင်းမည်၊ ကိုယ်စီကိုင ပြုပြင်နားလည် စာနာမှုတို့ဖြင့် လက်တွဲမြင့်တင် မွမ်းမံနိုင်ကောင်းမည်ဟု အရိုးခံ ယူဆချက်ကြောင့် လည်းကောင်း၊” ဒုက္ခ ပင်လယ်ထဲမှ သုခ စမ်းရေများ” အား စာရှုသူတို့ထံတွင် ဝေငှပေးလိုသောကြောင့် ကြိုးစား တင်ဆက်ထားခြင်းဖြစ်ပါသည်။ အစ္စလာမ် အတွင်းစည်းမှဖြစ်စေ၊ ပြင်ပမှဖြစ်စေ သစ္စာတရားကို မျက်မှောက်ပြုလိုသူ အားလုံးအတွက် အုတ်တစ်ချပ် သဲတစ်ပွင့်မျှ အထောက်အကူဖြစ်သွားလျှင်ပင် ကျွှန်ုပ်တို့အားလုံး အဖို့ ကြိုးစားရ ကျိုးနပ်ပါပြီဖြစ်ပါကြောင်း ကို စာရေးသူမှ ပြောပြထားပါသည်။

မေ-၂-၂၀၁၃
M-Media
သစ္စာချုို

ဖတ်ရှုသင့်တဲ့ စာအုပ်တစ်အုပ်ကို ညွှန်းပါရစေ။

ဒီစာအုပ်ဟာ Intellectual Person တွေအကြား စတင်လှုပ်ခတ်လာတဲ့ ဘာသာပြန်စာအုပ်ကောင်းတစ်အုပ်ဖြစ်တယ်။

သမိုင်းနဲ့ဒဿနိကပညာကို အထူးစိတ်ဝင်စားသူ အောက်စ်ဖို့ဒ်၊ ဟားဗတ်တက္ကသိုလ်ဆင်း အိန္ဒိယနိုင်ငံသား ဟိန္ဒူလူမျိုး စာရေးဆရာ Ved Mehta က ဘာထရန်ရပ်ဆဲလ်(ဒဿန)၊ အာနိုးတွိုင်ဘီ(သမိုင်း) စတဲ့ ကမ္ဘာကျော်ပညာရှင်တစ်ချို့နဲ့ တွေ့ဆုံမေးမြန်းစုစည်းလိုက်ရာမှ ထွက်ပေါ်လာခဲ့တဲ့ စာအုပ်ဖြစ်ပြီး Fly and the Fly-Bottle လို့အမည်ရပါတယ်။

ဆရာသန်းစိုးနိုင်က “ ပုလင်းထဲက ယင်ကောင်များ” အမည်နဲ့လှလှပပ ပြန်ဆိုရေးသားထားတာ တွေ့ရပါလိမ့်မယ်။ ဒဿနပညာများနဲ့ငြင်းခုံခြင်း၊ သမိုင်းနှင့်ငြင်းခုံခြင်း ဆိုပြီးအပိုင်း ၂ ပိုင်း ပါဝင်ပါတယ်။

စတိအမြည်းသဘောအနေနဲ့ အောက်ပါအတိုင်း ဖော်ပြလိုက်ပါတယ်။ ရှုထောင့်အမြင် အသစ်နဲ့အဟောင်း အားပြိုင်ချက်တွေကို ခံစားရကြပါလိမ့်မယ်။

ဒေါ်အောင်ဆန်းစုကြည် – “ အန်ကယ်လ်တို့လွတ်လပ်ရေးရခါစက လက်နက်ကိုင် တိုက်ပွဲဝင်ခဲ့ကြတာ မစုတော့ လုံးဝမှားတယ်လို့ထင်တာပဲ။ ”
ဆရာလေထီးဗိုလ်အုန်းမောင် – “ မစုရယ်၊ အဲ့ဒီအချိန်က မစုလည်း အရွယ်မရောက်သေး၊ ငယ်သေးလို့ဖြစ်မှာပါ။ အဲ့ဒီခေတ်ကာလအခြေအနေကို အဲ့ဒီတုန်းကရှိနေတဲ့ သမိုင်းရေးဝန်းကျင်၊ သမိုင်းကြောင်းအချက်အလက်တွေနဲ့ နှိုင်းယှဉ်ခံစားပါဝင်ကြည့်မှ သိနိုင်၊ နားလည်နိုင်ပါလိမ့်မယ်။ ဒီနေ့ခေတ်အနေအထားကနေလှမ်းကြည့်ပြီး အဆုံးအဖြတ်ပေးဖို့ဆိုတာ ခက်ပါလိမ့်မယ်။ ” (ဘာသာပြန်သူ၏အမှာစာမှ)

“ အချင်းချင်းဆွေးနွေးငြင်းခုံနေကြတဲ့ ဒဿနပညာရှင်တွေဆိုတာကလည်း ပုလင်းထဲက ယင်ကောင်တွေလိုပါပဲ။ ပုလင်းထဲက ထွက်ခွင့်ရဖို့ အတွက် ဖောက်ထွင်းမြင်နေရတာကို ပုလင်း နံရံမှန်းမသိဘဲ အတင်း တိုးဝှေ့ရုန်းကန်နေကြတာပါ။ တကယ်က ဒီပုလင်းမှာ အဖုံးမရှိဘူး ဆိုတာကို
သူတို့ မသိခဲ့ကြရှာပါဘူး။ ” ဒဿနပါရမီရှင်ကြီး Ludwig Wittgenstein (1889-1951)

“ ကိုယ့်တိုင်းပြည်အင်အား ကြီးထွားတောင့်တင်းစေလိုတဲ့ ဂျာမန်တွေအနေနဲ့ဟစ်တလာလို ယုတ်မာရက်စက်တဲ့လူမျိုးကို ဘာဖြစ်လို့ ခေါင်းဆောင်တင်ခဲ့ကြတာလဲ? ”

“ အတိတ်ကဖြစ်ရပ်တွေကို အကဲဖြတ်ရာမှာ အဲ့ဒီအချိန်ကတည်ရှိနေတဲ့ အမြင်သဘောထားကျင့်ဝတ်တွေအရပဲ ကျွန်တော်အကဲဖြတ်တယ်။ ကျွန်တော့်အမြင်သဘောထားတွေနဲ့ အကဲဖြတ်ဖို့ မကြိုးစားဘူး။ ” A.J.P. Taylor (1906-1990)

“ သမိုင်းဆရာရဲ့ အဓိကနဲ့အရေးအကြီးဆုံးတာဝန်ဟာ သမိုင်းဖက်က ရပ်တည်ဖို့၊ သစ္စာရှိဖို့ဖြစ်ပြီး အောင်မြင်သူတွေကို သစ္စာရှိဖို့၊ ရပ်တည်ဖို့မဟုတ်ဘူး။ ” Isaiah Berlin (1909-1997)

“ လူ့အဖွဲ့အစည်းနှစ်ရပ်ကြားမှာ ခုနှစ်သက္ကရာဇ်တွေ အာကာသ လောက် ကျယ်ပြောကွာလှမ်းခဲ့ကြပေမယ့် လူတွေရဲ့စဉ်းစားတွေးခေါ်ပုံတွေ၊ ကြုံဆုံရတဲ့ ဒုက္ခသုခတွေက မျဉ်းပြိုင်ဆွဲလို့ရအောင် ၊ နှိုင်းယှဉ်လို့ရအောင် တူညီမှုတွေ ရှိကြတယ်။ ” Arnold J. Toybee (1889-1975)

“ သမိုင်းဆိုတာ စီးဆင်းနေတဲ့မြစ်တစ်စင်းနဲ့တူတယ်။ နှစ်ကြိမ် ဆင်းလို့မရဘူးဆိုတဲ့စကားဟာ သမိုင်းမှာလည်း မှန်တယ်။ ” E.H. Carr (1892-1982)

( သစ္စာချုို )