News @ M-Media

Tag: Bosnia-Hazegovina

  • နှစ် ၂၀ အရင်က လူမျိုးတုန်းသတ်ဖြတ်မှုအတွက် ဆာ့ဘ်စစ်ခေါင်းဆောင်ဟောင်း ထောင်ဒဏ်တစ်သက်ကျ

    နှစ် ၂၀ အရင်က လူမျိုးတုန်းသတ်ဖြတ်မှုအတွက် ဆာ့ဘ်စစ်ခေါင်းဆောင်ဟောင်း ထောင်ဒဏ်တစ်သက်ကျ

    နိုဝင်ဘာ ၂၂၊ ၂၀၁၇
    M-Media

    – လွန်ခဲ့သည့်နှစ် ၂၀ က ဖြစ်ပွားခဲ့သည့် ဘောလ်ကန်စစ်ပွဲအတွင်း လူမျိုးတုန်းသတ်ဖြတ်မှုနှင့် စစ်ရာဇ၀တ်မှု ကျူးလွန်မှုများအတွက် ဘောစနီးယားမှ ဆားဘီးယားတပ်မှူးဟောင်း ရက်ကို မလာဒစ်ကို နိုင်ငံတကာ ရာဇ၀တ်မှုဆိုင်ရာ ခုံသမာဓိရုံးက ထောင်ဒဏ် တစ်သက်တစ်ကျွန်း ချမှတ်လိုက်သည်ဟု သိရသည်။

    အသက် ၇၄ နှစ်အရွယ် မလာဒစ်မှာ ဆရီဘရီနီကာတွင် ကျူးလွန်ခဲ့သည့် လူမျိုးတုန်းသတ်ဖြတ်မှုတွင် ‘ထင်ထင်ရှားရှား ပါဝင်ခဲ့သည်’ ဟု ခုံသမာဓိရုံးက ဆုံးဖြတ်ခဲ့သည်။

    ဆရီဘရီနီကာ လူမျိုးတုန်းသတ်ဖြတ်မှုတွင် မွတ်စလင် အမျိုးသားများနှင့် လူငယ် စုစုပေါင်း ၈၀၀၀ ခန့် သေဆုံးခဲ့သည်။

    တရားသူကြီး အလ်ဖွန် အိုရီက ဆရီဘရီနီကာတွင် ရာဇ၀တ်မှုကျူးလွန်သူများမှာ ထိုဒေသ၌ မွတ်စလင်များ နေထိုင်မှုကို ဖျောက်ပစ်ရန် ရည်ရွယ်ခဲ့ကြောင်း၊ မလာဒစ်မှာ အရပ်သားများအား သတ်ဖြတ်ခြင်း၊ ဆာရာယေဗိုမြို့ပေါ်သို့ ဗုံးကြဲချခြင်းတို့ကို ကြီးကြပ်ခဲ့ကြောင်း ပြောကြားခဲ့သည်။

    “သူကျူးလွန်တဲ့ ရာဇ၀တ်မှုအဆင့်အတန်းဟာ လူသားတွေကြုံဖူးသမျှ စက်ဆုပ်စရာအကောင်းဆုံးတွေထဲမှာ ပါဝင်ပါတယ်” ဟု တရားသူကြီးက ပြောကြားခဲ့သည်။

    “ဘော့စနီးယာမှ သားသတ်သမား” ဟု မကောင်းသတင်းဖြင့် ကျော်ကြားသည့် မလာဒစ်မှာ ၁၉၉၂ ခုနှစ်မှ ၁၉၉၅ ခုနှစ်အထိ ဖြစ်ပွားသော ဘော့စနီးယားစစ်ပွဲအတွင်း လူမျိုးတုန်းသတ်ဖြတ်မှု၊ စစ်ရာဇ၀တ်မှု၊ လူသားထုအပေါ် ကျူးလွန်သော ရာဇ၀တ်မှုများအပါအ၀င် စွဲချက်ပေါင်း ၁၁ ခုဖြင့် တရားစွဲဆိုခံခဲ့ရခြင်းဖြစ်သည်။

    Ref: Aljazeera

  • ဘော့စနီးယားဟာဇီဂိုဗီနာ (သို့) ဂျူးများအတွက် ဥရောပတွင် အလုံခြုံဆုံးနိုင်ငံ

    ဘော့စနီးယားဟာဇီဂိုဗီနာ (သို့) ဂျူးများအတွက် ဥရောပတွင် အလုံခြုံဆုံးနိုင်ငံ

    ဇူလိုင် ၂၂၊ ၂၀၁၇
    M-Media

    Source – Harretz

    Title of Article – Why Sarajevo’s Tiny Jewish Community Believes It’s in the Safest Place in Europe for Jews

    Translator – ကိုတင်ရီ

    ဆာရာယေဗိုရှိ Ashkenazi ဂျူးဘုရားကျောင်း အတွင်းပိုင်း

    – ဆာရာယေဗိုမြို့က သက်တမ်းရင့် ဂျူးဘုရားကျောင်းတစ်ခုဖြစ်တဲ့ Ashkenazi ရဲ့ ဂိတ်ပေါက်တံခါးတွေက သော့မခတ်ထားပါဘူး။ လုံခြုံရေးကင်မရာ၊ သတ္တုရှာဖွေရေးစက်တွေ မရှိသလို အဆောက်အဦးအပြင်ဘက်မှာ စောင့်ကြပ်နေတဲ့ ရဲကားဆိုတာလည်း မရှိပါဘူး။ ဘုရားကျောင်းထဲဝင်တဲ့အခါ ဘယ်သူကမှ စာရင်းမကောက်ပါဘူး။

    လူမျိုးရေးတင်းမာမှုတွေ နက်ရှိုင်းနေတဲ့ မွတ်စလင်နိုင်ငံက ဒီဘုရားကျောင်းဟာ ဥရောပမှာ လုံခြုံရေးအနည်းဆုံး ဂျူးဘုရားကျောင်း ဖြစ်ကောင်းဖြစ်နိုင်ပါတယ်။ နာဇီတွေက ဂျူးတွေကို အစုလိုက်အပြုံလိုက် သတ်ဖြတ်ခဲ့တဲ့ ‘ဟိုလိုကတ်စ်’ ပြီးတဲ့နောက် ဥရောပမှာ အဆိုးဝါးဆုံး လူမျိုးတုန်းသတ်ဖြတ်မှုဖြစ်ခဲ့တဲ့ ဘော့စနီးယား ဟာဇီဂိုဗီနာနိုင်ငံဟာ ဥရောပတစ်တိုက်လုံးမှာ ဂျူးတွေအတွက် အလုံခြုံဆုံးနေရာတစ်ခု ဖြစ်နိုင်ပါသလား။

    ဘော့စနီးယား ဟာဇီဂိုဗီနာက လူပေါင်း ၁၀၀၀ လောက်သာရှိတဲ့ ဂျူးလူ့အဖွဲ့အစည်းအကြီးအကဲ ဂျာကော့ဘ် ဖင်စီကတော့ ဒီနိုင်ငံဟာ ဥရောပမှာ ဂျူးတွေအတွက် အန္တရာယ်အကင်းဆုံး နိုင်ငံဖြစ်တယ်လို့ ယူဆနေပါတယ်။

    “တံခါးတွေဖွင့်ထားတဲ့ ဒီနေရာမှာ ကျွန်တော်တို့ လုံခြုံတယ်လို့ ထင်ပါတယ်” လို့ ဖင်စီက ပြောကြားခဲ့ပါတယ်။

    Ashkenazi ဘုရားကျောင်းဟာ ဘော့စနီးယားတစ်နိုင်ငံလုံးမှာ အသုံးပြုနေတဲ့ တစ်ခုတည်းသော ဂျူးဘုရားကျောင်းဖြစ်ပြီး ဖင်စီကတော့ ဘော့စနီးယားဟာ ‘ဂျူးဆန့်ကျင်ရေး မရှိသလောက်ဖြစ်တဲ့ နိုင်ငံတွေထဲက တစ်ခု’ လို့ ဆိုပါတယ်။

    ဘော့စနီယက် မွတ်စလင်တွေ၊ အောသိုဒေါ့စ် ဆာ့ဘ်တွေနဲ့ ကက်သလစ် ခရိုအက်တွေအကြောင်း အထူးသဖြင့် ၁၉၉၀ ပြည့်နှစ်တွေက သူတို့အုပ်စုတွေအကြားမှာ ဖြစ်ပွားခဲ့တဲ့ စစ်ပွဲအကြာင်း လူတွေတော်တော်များများ ကြားဖူးကြပါလိမ့်မယ်။ ဒါပေမယ့် ဒီနိုင်ငံမှာ စတုတ္ထဘာသာရေးအုပ်စုဖြစ်ပြီး ရာစုနှစ်ပေါင်းများစွာ နေထိုင်လာခဲ့တဲ့ ဂျူးတွေအကြောင်းတော့ သိချင်မှ သိကြပါလိမ့်မယ်။

    ‘ဥရောပရဲ့ ဂျေရုစလင်’ ‘ဘောလ်ကန်ဒေသရဲ့ ဂျေရုစလင်’ လို့ အမည်တွင်ခဲ့တဲ့ ခေတ်သစ် ဆာရာယေဗိုမြို့ဟာ ဘော့စနီးယားဟာဇီဂိုဗီနာရဲ့ အကြီးဆုံးမြို့တော် ဖြစ်ပါတယ်။ အရှေ့နဲ့အနောက်က ဘာသာစုံ၊ လူမျိုးစုံပေါင်းစုရာ ဒီမြို့တော်ကို ပထမဆုံးကို အော်တိုမန်တွေက အုပ်စိုးခဲ့ပြီး နောက်ပိုင်းမှာ သြစထရို-ဟန်ဂေရီယန် အင်ပါယာအောက် ရောက်သွားပါတယ်။

    ပြင်သစ်စတိုင် လက်ဖက်ရည်ကြမ်းဘားတွေနဲ့ တူရကီ ရှီရှားရုံတွေ ယှဉ်တွဲတည်ရှိနေတာမျိုးလို မြို့ရဲ့ ဘာသာစုံ၊ ယဉ်ကျေးမှုစုံ ရောထွေးယှက်နွယ်မှုကို ဒီနေ့ခေတ် ဆာရာယေဗိုရဲ့ လမ်းတွေမှာ ထင်ထင်ရှားရှား မြင်တွေ့နေရတုန်းပါ။

    “ဆာရာယေဗိုက ထူးခြားချက်တစ်ခုက ကျွန်တော်တို့ (ဂျူး) တွေဟာ အိမ်နီးချင်းတွေနဲ့ အရမ်းကောင်းမွန်တဲ့ ဆက်ဆံရေးရှိတာပါ။ နှစ်ပေါင်း ၄၅၀ သက်တမ်းရှိပြီဖြစ်တဲ့ ကျွန်တော်တို့ဟာ ဘော့စနီးယားလူ့အဖွဲ့အစည်းမှာ တော်တော်လေးကို ထဲထဲဝင်ဝင် ဖြစ်နေပါပြီ” လို့ ဖင်စီက ပြောကြားခဲ့ပါတယ်။

    ဒုတိယကမ္ဘာစစ် အိပ်မက်ဆိုး

    ဂျူးလူ့အဖွဲ့အစည်းအကြီးအကဲ ဂျာကော့ဘ် ဖင်စီ

    ဘော့စနီးယားက ဂျူးအများစုဟာ ၁၄၉၂ ခုနှစ် စပိန်မှာ ခရစ်ယာန်ဘာသာရေးအစွန်းရောက် အုပ်ချုပ်မှုအတွင်း မောင်းထုတ်ခံခဲ့ရတဲ့ စပိန်နဲ့ ပေါ်တူဂီဂျူးအနွယ်တွေကနေ ဆင်းသက်လာကြတဲ့ Sephardim ဂျူးတွေ ဖြစ်ပါတယ်။ သူတို့ဟာ ဥရောပသားတွေရဲ့ အုပ်ချုပ်မှုထက် တူရကီအော်တိုမန်အုပ်ချုပ်မှုအောက်မှာ ပိုမိုကောင်းမွန်စွာ နေထိုင်ခဲ့ရကာ၊ နာဇီခေတ် ဂတ်တိုတွေကို အတင်းပြောင်းရွှေ့တာ မခံရဘူးလို့ ဖင်စီက ပြောပါတယ်။

    ၁၉၃၀ ပြည့်နှစ်တွေမှာ ဆာရာယေဗိုမြို့တစ်ခုတည်းမှာတင် ဂျူးလူမျိုး ၁၂၀၀၀ လောက်ရှိပြီး နိုင်ငံတစ်ဝှမ်းမှာ နောက်ထပ် နှစ်ထောင်လောက်ရှိတယ်လို့ ဖင်စီနဲ့ တစ်ခြားရင်းမြစ်တွေက ကောက်ယူခဲ့တဲ့ သန်းခေါင်စာရင်းအရ သိရပါတယ်။ ဒါပေမယ့် နာဇီတွေက ဂျူးတွေကို သတ်ဖြတ်ခဲ့တဲ့ ‘ဟိုလိုကက်စ်’ မှာ လူဦးရေလျော့သွားပြီး၊ နာဇီအစိုးရကို လိုလားတဲ့ ခရိုအက်ဖက်စစ်တွေရဲ့ သတ်ဖြတ်မှုကြောင့် ဂျူးတစ်သောင်းလောက် သေဆုံးသွားပါတယ်။

    အဲဒီအချိန်တုန်းက မွတ်စလင်တွေဟာ ဂျူးတွေကို ကြိုးစားကာကွယ်ပေးခဲ့ကြပြီး သူတို့ရဲ့ သူရသတ္တိကို ဒီကနေ့ ဆာရာယေဗိုမှာရှိနေတဲ့ ဂျူးပြတိုက်မှာ မှတ်တမ်းတင်ခြင်း ခံထားရပါတယ်။ အဲဒီပြတိုက်ဟာ အရင်က Sephardi တွေရဲ့ ဂျူးဘုရားကျောင်းတစ်ခုကို အသွင်ပြောင်းထားတာပါ။ တစ်ချို့မွတ်စလင်တွေကိုတော့ ဒီပြတိုက်က Righteous Among the Nations (နိုင်ငံအတွင်းမှ ဖြောင့်မတ်သူများ) ဆိုတဲ့ စာရင်းမှာ ထည့်သွင်းထားပါတယ်။

    ဘောလ်ကန်ဒေသက နိုင်ငံ ၆ နိုင်ငံပေါင်းပြီး ၁၉၄၆ ခုနှစ်မှာ ဖွဲ့စည်းခဲ့တဲ့ ‘ဖက်ဒရယ် ဆိုရှယ်လစ် ပြည်သူ့ ယူဂိုဆလားဗီယားနိုင်ငံ’ ရဲ့ အစိတ်အပိုင်းတစ်ခု ဖြစ်လာတဲ့အချိန်မှာတော့ ဘော့စနီးယားဟာဇီဂိုဗီနာမှာ ဘာသာရေးကျင့်သုံးမှုတွေ နှိပ်ကွပ်ခံလာရပါတယ်။ ဒါပေမယ့် နောက်ပိုင်းမှာ ယူဂိုစလားဗီယားသမ္မတဖြစ်လာတဲ့ ကွန်မြူနစ် တော်လှန်ရေးသမား ဂျိုဆစ် ဘရို့ဇ် တီးတိုးက ဂျူးတွေကို ကောင်းကောင်းမွန်မွန် ဆက်ဆံတယ်လို့ ဖင်စီက ဆိုပါတယ်။ ဒါဟာ ဒုတိယကမ္ဘာစစ်အတွင်း တီးတိုးရဲ့ပါရှန်အဖွဲ့မှာ ဂျူးတော်တော်များများက ပါဝင်တိုက်ခိုက်ပေးခဲ့တာကြောင့် ဖြစ်ပါတယ်။

    နောက်ဆုံး ၁၉၉၀ ပြည့်နှစ်တွေမှာ ယူဂိုဆလားဗီယား ပြိုကွဲပြီးနောက်ပိုင်း ဆိုးဆိုးရွားရွားဖြစ်မှာကို ကြောက်ရွံ့တာကြောင့် ဘော့စနီးယားဟာဇီဂိုဗီနာမှာရှိနေတဲ့ ဂျူးတွေထဲက လူ ၂၀၀၀ လောက်ဟာ အစ္စရေးကို ပြောင်းသွားခဲ့ကြပါတယ်။

    ဖင်စီကတော့ ဘော့စနီးယားမှာ ကျန်နေခဲ့သူတွေထဲက တစ်ဦးဖြစ်ပြီး သူ့ရဲ့တိုင်းပြည်နဲ့ တိုင်းပြည်အတွင်းက ဂျူးအဖွဲ့အစည်းတွေအတွက် တာဝန်ရှိနေတယ်လို့ ခံယူသူလည်း ဖြစ်ပါတယ်။ ဂျူးအဖွဲ့အစည်းတွေဟာ ဆာရာယေဗို ပိတ်ဆို့ခံထားရတဲ့ အချိန်တုန်းက လူမျိုး၊ ဘာသာ မခွဲခြားဘဲ ဆာရာယေဗိုသားအားလုံကို လူသားချင်း စာနာထောက်ထားမှုဆိုင်ရာ အကူအညီပေးတဲ့လုပ်ငန်းတွေမှာ ထဲထဲဝင်ဝင် ပါဝင်ခဲ့ကြပါတယ်။

    ဟောလီးဝုဒ်က ရုပ်ရှင်ဇာတ်ညွှန်းတွေလို ဂျူးပြတိုက်မှာ မှတ်တမ်းတင်ထားတဲ့ အဖြစ်အပျက်တွေထဲက တစ်ခုမှာ နာဇီတွေလက်ထက် မွတ်စလင်အိမ်နီးချင်း ဟာရ်ဒါဂက်စ်မိသားစုက ဖွက်ပေးထားတာကြောင့် အသက်ရှင်ခဲ့တဲ့ ကာဗီလီယို့စ်မိသားစုဟာ နှစ်ပေါင်း ၅၀ ကြာမြင့်ခဲ့ပြီးတဲ့နောက်ပိုင်း ဆာရာယေဗိုမြို့ ပိတ်ဆို့ခံထားရမှုအတွင်း ဟာရ်ဒါဂက်စ်မိသားစုက သမီးတစ်ယောက်ကို လွတ်မြောက်စေကာ အစ္စရေးကို ခေါ်သွားတယ်လို့ ရေးသားထားပါတယ်။ အဲဒီအမျိုးသမီးဟာ နောက်ဆုံးမှာ ဂျူးဘာသာကို ပြောင်းသွားခဲ့ပါတယ်။

    လက်ရှိမှာ အရေအတွက် ကျဆင်းနေပေမယ့် ဖင်စီကတော့ ဘော့စနီးယား ဟာဇီဂိုဗီနာက ဂျူးအဖွဲ့အစည်းဟာ ဆက်လက်တောင့်ခံသွားမယ်လို့ ပြောကြားခဲ့ပါတယ်။

    “ကောင်းမွန်တဲ့ လက္ခဏာတစ်ခုက ၁၅ နှစ်အတွင်း အစ္စရေးကို ပြောင်းသွားသူ တစ်ဦးသာရှိတာပါ”

    တကယ်တော့ ပြီးခဲ့တဲ့နှစ်တွေအတွင်းမှာ ဘော့စနီးယားမှာမွေးဖွားခဲ့တဲ့ ဂျူးလူငယ် ၂၀ လောက်ဟာ အစ္စရေးကနေ ပြန်လာခဲ့ပြီး သူတို့ရဲ့ ထူးခြားတဲ့သမိုင်းအမွေအနှစ်ကို ထိန်းသိမ်းစောင့်ရှောက်လိုစိတ်၊ အခမဲ့တက္ကသိုလ် တက်နိုင်ခွင့်၊ စိတ်ဖိစီးမှုမရှိဘဲ ပေါ့ပေါ့ပါးပါး အလုပ်လုပ်နိုင်တဲ့ လူနေမှုဘ၀တွေက သူတို့ကို စွဲဆောင်ခဲ့တာ ဖြစ်တာလို့ ဖင်စီက ဆိုပါတယ်။

    ပြီးတော့ သူတို့ထဲမှာ ကလေးမွေးဖွားမှုနှုန်း မြင့်တက်လာမှုလည်း ရှိနေပါတယ်။

    “၂၀၁၅ ခုနှစ်မှာ ရုတ်တရက် ကလေး ၁၀ ယောက် မွေးဖွားခဲ့ပါတယ်။ ဒါဟာ အံ့ဖွယ်ပါပဲ။ ဒါက ဒီနိုင်ငံမှာ သူတို့အတွက် အနာဂတ်ရှိတယ်လို့ လူငယ်တွေက ထင်တာကြောင့် ဖြစ်ပါတယ်” လို့ ဖင်စီက ပြောပါတယ်။

    ပွဲတော်များ

    မီလ်ဂျက်ကာ မြစ်ကမ်းနဖူးမှာတည်ရှိပြီး ခမ်းနားတဲ့ Ashkenazi ဘုရားကျောင်းမှာ သောကြာနေ့ညတိုင်း Shabbat ပွဲတော်ကို ကျင်းပကြပါတယ်။ ဆာရာယေဗိုက ဂျူးလူ့အဖွဲ့အစည်းမှာ အချိန်ပြည့် ဂျူးဘုန်းကြီး မရှိတာကြောင့် ဘော့စနီးယားမှာမွေးဖွားပြီး လက်ရှိ အစ္စရေးမှာ အခြေစိုက်တဲ့ ဂျူးဘုန်းကြီးတစ်ပါးဟာ ပွဲတော်နေ
့တွေမှာ ပြန်လာပြီး ဦးဆောင်ကျင်းပလေ့ ရှိပါတယ်။

    ဒီလအတွင်းက Shabbat ပွဲတော်တစ်ခုမှာ ဂျူးလူ့အဖွဲ့အစည်းက လူ ၄၀ လောက် ပါဝင်ခဲ့ကြပြီး စပိန်က ဂျူးတွေအသုံးပြုတဲ့ ‘လာဒီနို’ ဘာသာစကားနဲ့ ၀တ်ပြုဆုတောင်းခဲ့ကြပါတယ်။ နောက်ပိုင်းမှာ ဖယောင်းမီးဆိုင်းကြီးတွေ၊ ဟာလာလ်မုန်တွေ၊ ၀ိုင်တွေလို အစားသောက်တွေနဲ့ သီးချင်းတွေသီဆိုပြီး ပျော်ရွှင်စရာ အခမ်းအနားလေးတစ်ခု ဖြစ်ခဲ့ပါတယ်။

    အဲဒီပွဲတော်ကို တက်ရောက်ခဲ့သူတွေထဲက အသက် ၂၄ နှစ်အရွယ် အန်ဒရီယာဟာ ဘော့စနီးယား ဟာဇီဂိုဗီနာမှာ မွေးဖွားသူဖြစ်ပြီး သူမက နိုင်ငံအတွင်း ယဉ်ကျေးမှုပေါင်းစုံ ရောထွေးယှက်နွယ်မှု၊ ဘာသာရေးသည်းခံမှုတွေကို ရရှိခဲ့စားနေရတယ်လို ဆိုပါတယ်။

    “ကျွန်မရဲ့ အိမ်နီးချင်းအများစုက မွတ်စလင်တွေပါ။ ရမ်ဇာန်ဥပုသ်လမှာ သူတို့နဲ့အတူ အပြင်ထွက် ကော်ဖီသောက်တာ၊ ဘက်လာဗာ အချိုမုန့်နဲ့ တစ်ခြားမုန့်တွေစားသောက်တာဟာ ရိုးရာတစ်ခုလို ဖြစ်နေပါပြီ။ ဒီနိုင်ငံက မွတ်စလင်နိုင်ငံဖြစ်ပေမယ့် ဥရောပနိုင်ငံတစ်ခုပါ။ ဂျူးတွေ ဘယ်တုန်းကမှ ပြဿနာမရှိခဲ့ပါဘူး”

    သူမရဲ့သူငယ်ချင်း အသက် ၂၁ နှစ်အရွယ် တီယာကလည်း အန်ဒရီယာရဲ့ ပြောကြားမှုကို သဘောတူခဲ့ပါတယ်။

    “ဒီကလူတွေက ဂျူးတွေကို မုန်းတီးဖို့ စိတ်မ၀င်စားဘူးရှင့်”

    ဘော့စနီးယားမွတ်စလင်အများစုက ဘာသာရေးမနွယ်တဲ့ အုပ်ချုပ်ရေးပုံစံကို သဘောကျပေမယ့် ၀ဟာဘီဝါဒ စိမ့်ဝင်ပြန့်နှံ့လာမှုအတွက် စိုးရိမ်မှုတွေလည်း ရှိနေပါတယ်။ ဘော့စနီးယားဟာဇီဂိုဗီနာက လူ ၂၀၀ လောက်ဟာ အရှေ့အလယ်ပိုင်းက IS အုပ်စုထဲဝင်ဖို့ ထွက်သွားကြတယ်လို့ သတင်းတွေ ထွက်ခဲ့ပါတယ်။

    ဥရောပအနောက်ခြမ်းမှာ မကြာသေးခင်က ဖြစ်ပွားခဲ့သလို ဂျူးတွေ တိုက်ခိုက်ခံရမှုမျိုး သူတို့နိုင်ငံမှာ ဖြစ်ဖို့ အလားအလာမရှိဘူးလို့ ဖင်စီက ယူဆနေပါတယ်။ ဆာယာယေဗိုက ဂျူးတွေကို တိုက်ခိုက်တာထက်စာရင် ဘရပ်ဆဲလ်နဲ့ ပဲရစ်တို့မှာ တိုက်ခိုက်မှုပြုလုပ်တာကမှ နိုင်ငံတကာစာမျက်နှာတွေမှာ ပိုပြီး ပြန့်နှံ့မယ်ဆိုတဲ့ ရည်ရွယ်ချက်မျိုး တိုက်ခိုက်သူတွေမှာ ရှိကြမယ်လို့လည်း သူက ထောက်ပြပါတယ်။

    လက်ယာအစွန်းရောက်အုပ်စုတွေ အခြေခိုင်လာပြီး ၂၀၁၅ ခုနှစ် ပဲရစ်၊ ၂၀၁၄ ခုနှစ် ဘရပ်ဆဲလ်မှာ ဂျူးအသင်းအဖွဲ့တွေအပေါ် တိုက်ခိုက်မှုတွေ ဖြစ်လာတာကြောင့် ဥရောပအနောက်ခြမ်းက ဂျူးတွေမှာ ကြောက်ရွံ့စရာအကြောင်းအရင်း ရှိကောင်းရှိနိုင်ပေမယ့် ဘော့စနီးယားမှာတော့ ဆာ့ဘ်၊ ခရိုအက်နဲ့ ဘော့စနီယက်တွေအကြား တင်းမာမှုတွေကြောင့် ဂျူးတွေကို ဘယ်သူမှ အရေးတယူ မလုပ်ကြဘူးလို့ ဖင်စီက ထည့်သွင်းပြောကြားခဲ့ပါတယ်။

    “သူတို့ ခင်ဗျားကို ကြိုက်တယ်လို့တော့မဟုတ်ပါဘူး။ ဒါပေမယ့် ဒီအုပ်စု ၃ ခုဟာ သူတို့အချင်းအချင်း မုန်းတီးမှုတွေနဲ့ပဲ အလုပ်များနေကြတာပါ”

    Ref: Haaretz

     

  • ထရမ့်ကြောင့် ဒုက္ခရောက်သူများအတွက် ဘော့စနီးယား နိုင်ငံတကာကျောင်းက ပညာသင်ဆုပေးမည်

    ထရမ့်ကြောင့် ဒုက္ခရောက်သူများအတွက် ဘော့စနီးယား နိုင်ငံတကာကျောင်းက ပညာသင်ဆုပေးမည်

    ဖေဖော်ဝါရီ ၄၊ ၂၀၁၇
    M-Media

    ဘော့စနီးယားမှ United World College (UWC) Mostar နိုင်ငံတကာကျောင်း

    – အမေရိကန်သမ္မတ ဒေါ်နယ်ထရမ့်၏ လူဝင်မှုပိတ်ပင်သည့် အမိန့်ကြောင့် ထိခိုက်ခံစားရသည့် ဒုက္ခသည်များ၊ မွတ်စလင်အများစုရှိရာ နိုင်ငံ ၇ နိုင်ငံမှ ပြည်သူများအတွက် ဘော့စနီးယားအခြေစိုက် နိုင်ငံတကာ ကျောင်းတစ်ခုက ပညာတော်သင်ဆု ပေးမည်ဟု သိရသည်။

    ကမ္ဘာတစ်ဝှမ်းတွင် ကျောင်းပေါင်း ၁၇ ခုဖွင့်ထားသည့် UWC ပညာရေးအဖွဲ့၏ United World College (UWC) Mostar ကျောင်းက ထိုကဲ့သို့ ကမ်းလှမ်းခဲ့ခြင်းဖြစ်သည်။ အဆိုပါ ကျောင်းမှာ ၁၉၉၀ ပြည့်နှစ် ဘော့စနီးယားစစ်ပွဲအပြီးနောက်ပိုင်း နိုင်ငံအတွင်း လူမျိုးစုများ သွေးကွဲမှုပြဿနာကို ပြေလည်စေရန် ရည်ရွယ်၍ ၂၀၀၅ ခုနှစ်တွင် ဘော့စနီးယား၌ ဖွင့်လှစ်ခဲ့ခြင်းဖြစ်သည်။

    “အမေရိကန်ကျောင်းသားတွေ၊ ဒုက္ခသည်တွေနဲ့ အမေရိကန်ရဲ့ ဥပဒေကဲ့သို့ အာဏာတည်သောအမိန့်ကြောင့် ပြည်ဝင်ခွင့်မရတဲ့ မွတ်စလင်အများစုရှိရာနိုင်ငံတွေက ကျောင်းသားတွေအတွက် ပညာတော်သင်ဆု ပေးသွားမှာဖြစ်ပြီး ဒါဟာ ငြိမ်းချမ်းရေး သတင်းစကားပေးဖို့ပါ” ဟု UWC Mostar ကျောင်း၏ အကြီးအကဲဖြစ်သူ Valentina Mindoljevic က ပြောကြားခဲ့သည်။

    အမေရိကန်သမ္မသ ဒေါ်နယ်ထရမ့်မှာ အီရတ်၊ ဆီးရီးယား၊ အီရန်၊ လစ်ဗျား၊ ဆိုမာလီယာ၊ ဆူဒန်နှင့် ယီမင် နိုင်ငံသားများအတွက် အမေရိကန်ဗီဇာကို ယာယီ ပိတ်ပင်ခဲ့ပြီး ဆီးရီးယားဒုက္ခသည်များကိုမူ အချိန်အကန့်အသတ်မရှိ ၀င်ရောက်ခွင့် ပိတ်ပင်ခဲ့သည်။

    Ref: middleeastmonitor

  • သမိုင်းဖျောက် ဖြိုချခံခဲ့ရသည့် ဘော့စနီးယားရှိ ဗလီဝတ်ကျောင်းတော်တစ်လုံးကို ယနေ့တွင် ပြန်လည်ဖွင့်လှစ်

    သမိုင်းဖျောက် ဖြိုချခံခဲ့ရသည့် ဘော့စနီးယားရှိ ဗလီဝတ်ကျောင်းတော်တစ်လုံးကို ယနေ့တွင် ပြန်လည်ဖွင့်လှစ်

    မေ ၇၊ ၂၀၁၆
    M-Media

    – ပြည်တွင်းစစ်အတွင်းက ဖျက်ဆီးခံခဲ့ရသည့် ဘော့စနီးယားရှိ ရှေးဟောင်းသမိုင်းဝင် ဗလီဝတ်ကျောင်းတော်ကြီးကို ယနေ့တွင် ပြန်လည်ဖွင့်လှစ်နိုင်ခဲ့ပြီး တစ်ချိန်က ပြင်းပြင်းထန်ထန် သဘောထားကွဲလွဲခဲ့သော ဘော့စနီးယား လူ့အဖွဲ့အစည်းအတွင်း ပြန်လည် ရင်ကြားစေ့ရေး ပြယုဂ်တစ်ခုလည်း ဖြစ်သည်။

    ဖာဟာဒီဂျာ (Ferhadija) ဟု အမည်ရသည့် ဗလီဝတ်ကျောင်းတော်ဖြစ်ပြီး ဘော့စနီးယားရှိ ဆာ့ဘ်လူမျိုး အများစုနေထိုင်ရာ ဆာ့ဘ် ကိုယ်ပိုင်အုပ်ချုပ်ခွင့်ရဒေသရှိ မြို့တော် ဘန်ဂျာလူကာတွင် တည်ရှိသည်။ ဖွင့်ပွဲအခမ်းအနားသို့ နိုင်ငံတစ်ဝှမ်းမှ အစ္စလာမ်ဘာသာဝင်များ လာရောက်ခဲ့ကြပြီး လုံခြုံရေးကိုလည်း တင်းကျပ်စွာ ချထားခဲ့သည်။

    ဗလီဝတ်ကျောင်းတော် ပြန်လည်ဆောက်လုပ်မှုတွင် ပါဝင်ကူညီခဲ့သည့် တူရကီနိုင်ငံမှ ၀န်ကြီးချုပ် အဟ်မတ် ဒါဗူတော့ဂ်လူမှာ ပရိသတ် ၁၀၀၀၀ ၏ ရှေ့တွင် ဗလီဝတ်ကျောင်းတော်ကို ဖွင့်လှစ်ပေးခဲ့ပြီး အဆိုပါ ဗလီဝတ်ကျောင်းတော်မှာ ငြိမ်းချမ်းရေးသတင်းစကားဖြစ်သည်ဟု ဆိုသည်။

    “မွတ်စလင်တွေ၊ ကက်သလစ်တွေ၊ အော်သိုဒေ့ါစ်တွေနဲ့ ဂျူးတွေ တည်ရှိတဲ့ ဘော့စနီးယား ဟာဇီဂိုဗီနာဟာ ခန္ဓာကိုယ်တစ်ခု၊ နှလုံးသားတစ်ခုရှိတဲ့ လူတစ်ယောက်လိုပါပဲ။ ဒါကို အစိတ်အစိတ်အမွှာမွှာဖြစ်အောင် လုပ်မယ်ဆိုရင်တော့ ဒီနှလုံးသားလည်း ကွဲကြေသွားမှာပါပဲ” ဟု ဆာ့ဘ်ခွဲထွက်ရေးအစွန်းရောက်များ၏ ခြိမ်းခြောက်မှုကို ရည်ညွှန်း၍ ဒါဗူတော့ဂ်လူက ပြောကြားခဲ့သည်။

    ၁၆ ရာစုကတည်းက အောက်တိုမန် ဗိသုကာလက်ရာဖြင့် ဆောက်လုပ်ထားသည့် အဆိုပါ ဗလီတ်ကျောင်းတော်မှာ ယူနက်စကို၏ ရှေးဟောင်းသမိုင်းအမွေအနှစ်စာရင်းတွင် ပါဝင်ခဲ့ပြီး လွန်ခဲ့သည့် ၂၃ နှစ်က ဖြစ်ပွားခဲ့သော ပြည်တွင်းစစ်အတွင်း ဖောက်ခွဲဖျက်ဆီးခံခဲ့ရကာ နောက်ပိုင်းတွင် ကားပါကင်အဖြစ် ပြုလုပ်ခဲ့သည်။

    ဖောက်ခွဲမှုကို ဆာ့ဘ်များက ပြုလုပ်ခြင်းဖြစ်ပြီး တစ်ချိန်က လူမျိုးစုံ၊ ဘာသာစုံ ညီညွတ်ခဲ့သော ဘော့စနီးယားရှိ မွတ်စလင်တို့၏ သမိုင်းအမွေအနှစ်များကို ဖျောက်ဖျက်ရန် ရည်ရွယ်ခြင်းဖြစ်သည်ဟု အများစုက ယုံကြည်ကြသည်။

    ထိုဗလီဝတ်ကျောင်းတော်အား ပြန်လည်ဆောက်လုပ်ရန်အတွက် ၂၀၀၁ ခုနှစ်က အုတ်မြစ်ချခဲ့သော်လည်း ဆာ့ဘ်အမျိုးသားရေးဝါဒီများက ထိုဗလီဝတ်ကျောင်းတော်သို့ လာရောက်လည်ပတ်သူများ၊ ဂုဏ်သရေရှိပုဂ္ဂိုလ်များအား တိုက်ခိုက်မှုကြောင့် အစ္စလာမ်ဘာသာဝင်တစ်ဦး သေဆုံးခဲ့ပြီး အများအပြား ဒဏ်ရာရရှိခဲ့သည်။

    ထို့နောက် ဗလီဝတ်ကျောင်းတော် ဆောက်လုပ်ခွင့်ရရန်အတွက် ၁၅ နှစ်ကြာ စောင့်ဆိုင်းခဲ့ရပြီး ယခင်ဖောက်ခွဲဖျက်ဆီးမှုမှ ကျန်ရစ်ခဲ့သော အစိတ်အပိုင်းများကို အနီးအနားရှိ ဗားဘက်စ်မြစ်နှင့် အမှိုက်ပုံများမှ ပြန်လည်ရှာဖွေကာ အသုံးပြုခဲ့သည်။

    ဖာဟာဒီဂျာ ဗလီဝတ်ကျောင်းတော်ဖွင့်လှစ်သည့် ယနေ့ (မေလ ၇ ရက်နေ့) မှာ ၁၉၉၂ ခုနှစ်မှ ၁၉၉၅ ခုနှစ်အတွင်း ဖြစ်ပွားခဲ့သော စစ်ပွဲတွင် နိုင်ငံတစ်ဝှမ်း ဗလီဝတ်ကျောင်းတော်ပေါင်း ၆၁၄ လုံး ဖျက်ဆီးခံရသည်ကို အစွဲပြု၍ သတ်မှတ်ထားသော ဘော့စနီးယား ဗလီဝတ်ကျောင်းတော်များနေ့ (Day of the Mosque) လည်းဖြစ်သည်။

    ဗလီဝတ်ကျောင်းတော်တည်ရှိရာ ဘန်ဂျာလူကာမြို့မှာ စစ်ပွဲအတွင်းက ဆာ့ဘ်များမှ ဘော့စနီယက်မွတ်စလင်များနှင့် ကက်သလစ် ခရိုအက်များကို လူမျိုးတုန်းသတ်ဖြတ်ရာ နေရာလည်းဖြစ်ပြီး ယနေ့တွင် မွတ်စလင်နှင့် ခရိုအက်တို့၏ လူဦးရေမှာ မြို့လူဦးရေ၏ ၁၀ ရာခိုင်နှုန်း ရှိနေသည်။

    Ref: Reuters