News @ M-Media

Tag: boycott of Israel

  • “ကိုကာကိုလာသောက်ရင်း ရေးတဲ့ စာ” (သူ့အမြင်)

    “ကိုကာကိုလာသောက်ရင်း ရေးတဲ့ စာ” (သူ့အမြင်)

    သြဂုတ် ၃ ၊ ၂၀၁၄
    M-Media
    ရေးသားသူ- ဦးဦးမှော်ဆရာ
    boycott-israel-goods
    (၁) လူမျိုးစုကြီးတစ်စုက နောက်လူမျိုးစုတစ်စုရဲ့ နေရာကို အဓ္ဓမလုယူသိမ်းပိုက်ထားတဲ့ အပြင် သူတို့ကို နှစ်ပေါင်း များစွာ အနိုင်ကျင့်၊ ဖိနှိပ်ညှင်းဆဲနှိပ်စက်ခဲ့သလို၊ အကြိမ်ကြိမ် လူမဆန်စွာ အစုလိုက်အပြုံလိုက် သတ်ဖြတ်ခဲ့တယ်။

    (၂) အကြမ်းဖက်တဲ့ လူမျိုးစုဝင်တွေဟာ ကမ္ဘာ့ဘယ်ဒေသမှာပဲ နေထိုင်ပါစေ.. သူတို့ လူမျိုးတွေ ကိုယ်တိုင်အုပ်ချုပ်နေတဲ့ တိုင်းပြည်မှာ သူတို့ဆန္ဒရှိတဲ့အချိန် အလိုအလျောက် နိုင်ငံသားဖြစ်ခွင့်ရှိတယ်။ အဲဒီတိုင်းပြည်ကလည်း သူတို့လူမျိုး သီးသန့်အတွက်ကိုပဲ ဒီမိုကရေစီစနစ်နဲ့ အုပ်ချုပ်နေတာဖြစ်လို့.. အစိုးရ လုပ်ရပ်တိုင်းဟာ ပြည်သူ့ဆန္ဒကိုဖေါ်ကျူးတယ်လို့ ပြောလို့ရတယ်။

    (၃) အဲဒီလို လူမဆန်တဲ့ လုပ်ရပ်တွေ ကျူးလွန်နေတဲ့ လူမျိုးစုဘက်မှာ အစစအရာရာ အင်အားသာ လွန်နေပေမဲ့၊ အကြမ်းဖက်ခံရသူတွေဘက်မှာတော့ ထိထိရောက်ရောက် လက်တုန့်ပြန် တိုက်ခိုက်နိုင်လောက်တဲ့ အင်အား၊ ထိပ်တိုက် ရင်ဆိုင်နိုင်တဲ့ အင်အား လုံးဝမရှိဘူး။

    (၄) နောက်ပြီး အဲဒီလို ကမ္ဘာအရပ်ရပ်မှာရှိနေကြတဲ့ ဒီလူမျိုးတွေဟာ ရောက်ရာနေရာ တိုင်းမှာ ကမ္ဘာ့စီးပွားရေးကို ကိုင်လှုပ်နိုင်လောက်အောင်ကို ပမာဏကြီးမားလှတဲ့ စီးပွားရေးလုပ်ငန်းကြီးတွေ ပိုင်ဆိုင်ထားကြတယ်။ အဲဒီကရတဲ့ အကျိုးအမြတ်တွေထဲက ပမာဏတချို့ကို သူတို့လူမျိုးတွေ ကိုယ်တိုင် အုပ်ချုပ်နေတဲ့နိုင်ငံကို နှစ်စဉ်နှစ်တိုင်း ထောက်ပံ့ပေးပို့နေကြတယ်။ နောက်ပြီး သူတို့ လတ်တလောနေထိုင်တဲ့ နိုင်ငံတွေက အစိုးရ အမတ်တွေ၊ ၀န်ကြီးတွေဟာ အကြမ်းဖက်သတ်ဖြတ်မှုတွေ ကျူးလွန်နေတဲ့ တိုင်းပြည်ရဲ့ လုပ်ရပ်တွေကို ဆန့်ကျင် ကန့်ကွက်မှုတွေ မလုပ်နိုင်အောင် သူတို့ရဲ့
    ဓနအင်အားကို အသုံးပြုပြီး နောက်ကနေ ချုပ်ကိုင်ထားကြတယ်။

    ဒီတော့ကာ..

    အမှတ်စဉ်(၁)ကြည့်ရင် အကြမ်းဖက်ခံရသူတွေဘက်က နားကျည်းခံပြင်းကြမယ်။

    အမှတ်စဉ်(၂)ကိုကြည့်ရင် အင်အားသုံးအကြမ်းဖက်သတ်ဖြတ်နေတဲ့ အဲဒီအစိုးရရဲ့ လုပ်ရပ်ဟာ ပြည်သူ အများစုရဲ့ဆန္ဒကို ကိုယ်စားပြုနေတယ်လို့ ပြောနိုင်တယ်။ တနည်း ပြောရရင် ပြည်သူအများစုထောက်ခံလို့ ကျူးလွန်နေနိုင်တာဖြစ်တယ်။

    အမှတ်စဉ်(၃)ကိုကြည့်ရင် ခံရသူတွေအနေနဲ့ လက်တုန့်ပြန်ဖို့ မဖြစ်နိုင်ပေမဲ့ အနည်း ဆုံးတော့ ရတဲ့နည်းနဲ့ လက်တုန့်ပြန်ဖို့ ကြိုးစားမှာပဲ။ passive resistance ပေါ့။ ဘယ်လို လက်တုန့်ပြန်မလဲ။ (( Passive Resistance ဆိုတာ ဟိုအရင်တုန်းက စစ်အစိုးရကို မကျေနပ်ပေမဲ့ သူတို့ကို တိုက်ရိုက်ထိခိုက်အောင် လုပ်ဖို့လည်း မဖြစ် နိုင်တော့ သူတို့နဲ့ တနည်းတဖုံ ပက်သက်မယ်ထင်တဲ့ဟာတွေကို တုန့်ပြန်ပြီး ကိုယ့်ရဲ့ မကျေနပ်တဲ့ စိတ်ကို ဖြေဖျောက်ကြတာမျိုး ကိုခေါ်တယ်။ ဥပမာ- လိုင်းကားရဲ့ခုံကလယ်သာကို ဓါးနဲ့လှီးခဲ့တာမျိုး.. စက်ရုံဆင်းတဲ့ အချိန်မှာ လည်နေတဲ့စက်ထဲ အုတ်ခဲပိုင်းလေး ပစ်ထည့်ခဲ့တာမျိုး.. ဂျမ့်ဖြစ်ပြီး စက်ပျက်သွားရင် စက်ရုံပိုင်ရှင် ငွေကုန်မယ်၊ စိတ်အနှောင့်ယှက်ဖြစ်မယ်။ ဒါလောက်လေး ပြန်လုပ် ရလည်း ကျေနပ်တယ်ဆိုတဲ့ သဘောနဲ့ တုန့်ပြန်ကြတာ။ (၈၈)တုန်းက အာဏာသိမ်းခါနီးမှာ မြန်မာ့အသံမှာ ဆန္ဒပြပြီး ကွန်ပျူတာတွေထဲ ဆားပွင့်တွေ ထည့်ပစ်ခဲ့တာမျိုး။ ကိုယ်က ထိပ်တိုက်ရင်ဆိုင်ဖို့မဖြစ်နိုင်တဲ့ အင်အားကြီးသူကို ရတဲ့နည်းလမ်းနဲ့ ဆန့်ကျင်ကြောင်းပြသတဲ့လုပ်ရပ်ပါ။)

    အမှတ်စဉ်(၄)ကိုကြည့်ရင် လက်တုန့်ပြန်နိုင်တဲ့ နည်းလမ်းတစ်ခုတော့ တွေ့ရမယ်။ ဒီလူမျိုးတွေဟာ ကမ္ဘာ့ဘယ်နေရာမှာပဲ ရှိနေပါစေ .. သူတို့အစိုးရကို လူသတ်လက်နက် တွေ ၀ယ်ယူနိုင်ဖို့၊ ဘယ်သူ့ကိုမှ ဂရုမစိုက်ဘဲ လုပ်ချင်တိုင်းလုပ်နိုင်စေဖို့ အမြဲတမ်း ထောက်ပံ့ပေးနေကြတယ်။ ဒါတွေကို သိရပြီဆိုပေမယ့် ကိုယ်တစ်ယောက်တည်းက သူတို့စီးပွားရေး လုပ်ငန်းတွေကို သပိတ်မှောက်မယ်ဆိုရင်တော့ ထိရောက်မှုရှိ မှာတော့ မဟုတ်ဘူး..။ ဒါပေမဲ့ ဒီလုပ်ရပ်ဟာ victim တွေနဲ့ ထပ်တူ ခံစားရတဲ့လူ ကမ္ဘာပေါ်မှာ ကိုယ်တစ်ယောက်တော့ ရှိနေပါကြောင်း စာနာမှုကို ပြသရာရောက်ပါတယ်။ နောက်ပြီး ဒါဟာ အပေါ်မှာပြောခဲ့တဲ့ passive resistance လည်းဖြစ်သလို၊ အကြမ်းဖက်သမား တွေကို အငြင်သာဆုံး တုန့်ပြန်မှုလည်း ဖြစ်ပါတယ်။

    ဒါတွေက ပါလက်စတိုင်း-အစ္စရေးကိစ္စကို ရေးထားမှန်း စာဖတ်သူတွေ သဘောပေါက် မှာပါ။ အချိန်မရှိလို့ မြန်မာပြည်က မွတ်ဆလင်တွေရဲ့ လက်ရှိကြုံတွေ့နေရတဲ့ အနေ အထားနဲ့ သူတို့ကို ဘွိုင်းကောက်လုပ်နေတဲ့ ၉၆၉၊ မဘသ စတဲ့ ဗုဒ္ဓဘာသာအစွန်းရောက် အုပ်စုတွေရဲ့ လုပ်ရပ်တွေကို ဒီဖြစ်ရပ်နဲ့ ယှဉ်ပြီး ရေးမပြတော့ဘူး။ စာဖတ်သူ တွေလည်း စဉ်းစားဆင်ခြင်ဥာဏ်ရှိပါတယ်။ ဒီဖြစ်စဉ်နှစ်ခုက ထပ်တူကျသလား?

    ဒီထက်ရှင်းအောင်မေးရရင် မြန်မာပြည်က မွတ်ဆလင်တွေရဲ့ အနေအထားက အစ္စရေး ရဲ့အနေအထား နဲ့ တူသလား..။ မြန်မာပြည်ကမွတ်ဆလင်တွေရဲ့ စီးပွားရေး လုပ်ငန်းတွေကို ဘွိုင်းကောက်လုပ် ဖို့ဆော်သြနေတဲ့ အစွန်းရောက်အဖွဲ့တွေရဲ့ ခံစား ချက်တွေကရော ပါလက်စတိုင်းနဲ့ ထပ်တူကျသလား..။ ၉၆၉၊ မဘသအစွန်းရောက် တွေရဲ့ လုပ်ရပ်က အပေါ်မှာပြောခဲ့သလိုမျိုး Passive Resistance ဖြစ်သလား..။

    တော်တော်လေး ရှင်းလင်းတဲ့ကိစ္စပါ။ လုံးဝမတူတဲ့ အခြေအနေနှစ်ခုကို အီကွေးရှင်းမချ ကြပါနဲ့..။ ဘာမှမဆိုင်တဲ့ အနေအထားနှစ်ခုကို ညီမျှချင်းချပြီး `ကိုယ်ချင်းစားပါ´လို့ အသံကောင်း ဟစ်နေပုံက.. သေချာစဉ်းစားကြည့်ရင် အစ္စရေး ထုတ်ကုန်တွေကို ဘွိုင်းကောက် လုပ်ကြဖို့ ဆော်သြသူတွေဟာ ၉၆၉ အစွန်းရောက်တွေနဲ့ ထူးမခြားနားလို့ ဆိုနေသလိုလို..။

    လုပ်ကြပါစေ.. အစ္စရေးထုတ်ကုန်တွေကို ဘွိုင်းကောက်လုပ်ချင် သူတွေလည်း လုပ်ကြ ပါစေ..။ ဘွိုင်းကောက် မလုပ်ချင်ကြသူတွေလည်း ကျနော့်လိုပဲ ကိုကာကိုလာ သောက်မြဲ ဆက်သောက်ကြပါစေ..။ တစ်ခုပဲ ပြောချင်တာ.. ကိုယ့်ခေါင်းထဲ ဘာအိုင်ဒီယိုလော်ဂျီ မှ မရှိဘဲ ယောင်တောင် ပေါင်တောင်တွေ လျောက်ပြောနေမဲ့ အစား..အခြေအနေချင်း မတူတဲ့ဖြစ်စဉ်တွေကို ခြေခြေမြစ်မြစ် သိအောင် အရင်လေ့လာကြပါ။ ကျနော်ရေးထားတာကို မရှင်းရင် သေချာဖတ်ပါ။ ကျနော့်စာကို ကျောကုန်းနဲ့ မဖတ်ပါနဲ့.. ခေါင်းသုံးပြီး ဖတ်ပါ။

  • ဂါဇာအတွက် အစ္စရေးကုန်ပစ္စည်းများကို တူရကီ သပိတ်မှောက်မည်

    ဇူလိုင် ၂၄၊ ၂၀၁၄
    M-Media
    188562_newsdetail
    – ပါလက်စတိုင်း အရပ်သား ရာနှင့်ချီသေဆုံးခဲ့သည့် ဂါဇားအား အစ္စရေးမှ ကျူးတော်တိုက်ခိုက်မှုကို ဆန့်ကျင်သော အနေဖြင့် ဆိုရှယ်မီဒီယာများတွင် စတင်ခဲ့သည့် အစ္စရေးကုန်ပစ္စည်းသပိတ်မှောက်ရေး လှုပ်ရှားမှုတွင် တူရကီရှိ စီးပွားရေးလုပ်ငန်းများနှင့် ဒေသခံအာဏာပိုင်များလည်း ပါဝင်ခဲ့သည်ဟု သိရသည်။

    ဂါဇာပြည်သူများနှင့် တစ်သားတည်းရှိကြောင်း ပြသည့်အနေဖြင့် မြို့တော် အစ္စတန်ဘူလ်မှ အစပြုကာ မြို့ငယ်လေးများအထိ အုပ်ချုပ်ရေးအဖွဲ့များမှာ အစ္စရေးထုတ်ကုန်ပစ္စည်းများနှင့် အစ္စရေးနှင့် အဆက်အသွယ်ရှိသည့် ကုမ္ပဏီများမှ ကုန်ပစ္စည်းများကို မ၀ယ်ယူရန် ပြည်သူများအား တိုက်တွန်းထားသည်။

    ထို့ပြင် ထိုလှုပ်ရှားမှုတွင် အခြားသော မြို့နယ် ၁၂ ခုကလည်း ဆက်သွယ်ဆောင်ရွက်ခဲ့ပြီး အချို့သော ကုန်ပစ္စည်းများကို ကော်ဖီဆိုင်များ၊ ကုန်စုံဆိုင်များ၊ ဒေသတွင်း အစိုးရက စီစဉ်ပေးထားသည့် အပန်ဖြေနေရာများတွင် ရောင်းချမည်မဟုတ်ဟု ကြေညာခဲ့သည်။

    အစ္စရေးထုတ်ကုန်များကို တူရကီတွင် သပိတ်မှောက်မှုမှာ ၂၀၁၀ ခုနှစ်တွင် ဂါဇာသို့သွားသည့် အကူအညီပေးရေးသင်္ဘောအား အစ္စရေးက တိုက်ခိုက်မှုကြောင့် တူရီနိုင်ငံသား ၉ ဦးနှင့် တူရကီ-အမေရိကန် ၁ ဦး စုစုပေါင်း ၉ ဦး သေဆုံးပြီးနောက်ပိုင်း အကြီးဆုံး သပိတ်မှောက်မှုလည်းဖြစ်သည်။

    တူရကီမှ သပိတ်မှောက်မည့် အစ္စရေးထုတ်ကုန်များတွင် ကိုကာကိုလာအချိုရည်လည်း ပါဝင်မည်ဖြစ်ပြီး၊ အစ္စရေး ထုတ်ကုန်ပစ္စည်းများ သို့မဟုတ် အစ္စရေးအစိုးရနှင့် အဆက်အသွယ်ရှိသည်ဟု ယုံကြည်ရသည့် ကုမ္ပဏီများမှ ထုတ်လုပ်သော ကုန်ပစ္စည်းများစာရင်းကို စာရင်းပြုစုကာ Facebook နှင့် Twitter စာမျက်နှာများတွင် တူရကီပြည်သူများက မျှဝေခဲ့ကြသည်။

    စူပါမားကတ်များနှင့် စတိုးဆိုင်များအနေဖြင့် အစ္စရေး၏ ကုန်ပစ္စည်းများ သပိတ်မှောက်ရေးကို ပြီးခဲ့သည့် တနင်္ဂနွေနေက ပြည်သူများမှ တိုက်တွန်းခဲ့ပြီး တူရကီရှိ စီးပွားရေးလုပ်ငန်းပေါင်း ၁.၅ သန်း ပါဝင်ဖွဲ့စည်းထားသည့် TESK အဖွဲ့ကလည်း ၎င်းတို့၏ အဖွဲ့ဝင်များ အစ္စရေးကုန်ပစ္စည်း သပိတ်မှောက်ရေးကို လာမည့် တနင်္လာနေ့တွင် တိုက်တွန်းသွားရန် ရှိနေသည်။

    ထိုလှုပ်ရှားမှုများမှတစ်ဆင့် ၎င်းတို့အား ပစ်မှတ်ထားလာမည်ကို တူရကီနိုင်ငံသား ဂျူးများက စိုးရိမ်နေကြပြီး တူရကီသမ္မတ အာဒိုဂန်ကမူ နိုင်ငံသားဂျူးများအပေါ် ဆိုးဝါးသော ဆက်ဆံမှုများကို လက်ခံသွားမည်မဟုတ်ဟု သပိတ်မှောက်ရေးလှုပ်ရှားမှု စတင်သည့်နေ့ကပင် ပြောကြားခဲ့သည်။

    “တူရကီနိုင်ငံသား ဂျူးတွေပေါ် ဆိုးရွားတဲ့ ပြုမူဆက်ဆံမှုမျိုးကို လက်ခံမှာမဟုတ်ပါဘူး။ ဘာ့ကြောင့်လည်းဆိုတော့ သူတို့ဟာ ကျွန်တော်တို့နိုင်ငံရဲ့ နိုင်ငံသားတွေဖြစ်တဲ့အတွက် ကြောင့်ပါပဲ” ဟု အာဒိုဂန်က ဆိုသည်။

    သပိတ်မှောက်မည့် ကုပစ္စည်းများစာရင်းတွင် ပါဝင်သည့် အချို့ကုမ္ပဏီများကမူ အစ္စရေးနှင့် ဆက်သွယ်မှုရှိသည်ဆိုသည့် စွပ်စွဲမှုများကို ငြင်းဆိုခဲ့သည်။ ထိုကုမ္ပဏီများထဲတွင် Diesel ကုမ္ပဏီလည်း တစ်ခုအပါဝင်ဖြစ်ပြီး မိမိတို့အနေဖြင့် အစ္စရေးနှင့် ဆက်သွယ်မှုမရှိကြောင်းကို လိုအပ်ပါက လူသိရှင်ကြား အသေးစိတ်ချပြမည်ဟု ပြောကြားခဲ့သည်။

    အစ္စရေးမှ ဂါဇာအား ကျူးကျော်တိုက်ခိုက်မှုများမှာ ယနေ့ဆိုလျှင် ၁၇ ရက်ရှိလာပြီဖြစ်ပြီး သေဆုံးသူ ၆၀၀ ကျော်လာကာ ဒဏ်ရာရရှိသူမှာ ၄၀၀၀ ကျော်ိနေသည်။

    Ref:Today’s Zaman

  • အစ္စရေးကို ဆန့်ကျင်သော BDS လှုပ်ရှားမှုကို တုံ့ပြန်ရန် လျိုဝှက် ဆွေးနွေးပွဲ လန်ဒန်တွင်ကျင်းပခဲ့

    ဧပြီ ၁၃၊ ၂၀၁၄
    M-Media

    – အစ္စရေး၏ ထုတ်ကုန်များကို သပိတ်မှောက်ရန် နိုင်ငံတကာမှ ဆော်သြတိုက်တွန်းမှုများကို တန်ပြန်တွန်းလှန်ရန်အတွက် ၂၅ နိုင်ငံပါဝင်သည့် လျှို့ဝှက်ဆွေးနွေးပွဲတစ်ခုကို လန်ဒန်တွင်ပြုလုပ်ခဲ့သည်ဟု သိရသည်။
    358327_pro-Israeli-meeting
    ပါလက်စတိုင်းပိုင်နက်အတွင်း ဆောက်လုပ်နေသော အစ္စရေး၏ တရားမ၀င်အိမ်ရာများကို ဆန့်ကျင်သောအနေဖြင့် ပြုလုပ်သော BDS (သပိတ်မှောက်၊ လုပ်ငန်းရပ်၊ ပိတ်ဆို့မှုလုပ်) လှုပ်ရှားမှုအား ရှောင်လွှဲရန် အစ္စရေး၏ ကြိုးပမ်းမှုအဖြစ်သော အဆိုပါဆွေးနွေးပွဲကို ယခုတစ်ပတ် အတွင်း ပြုလုပ်ခဲ့ခြင်းဖြစ်သည်။

    ထိုဆွေးနွေးပွဲသို့ နိုင်ငံခြားနှင့် ဓနသဟာယနိုင်ငံများရေးရာ ဗြိတိန်ပါလီမန် လက်ထောက် အတွင်းရေးမှူးဟောင်း အလစ်စတာ ဘာ့တ်နှင့် အစ္စရေးထောက်လှမ်းရေး ၀န်ကြီး ယူဗဲလ် စတီနစ်ဇ်တို့ အပါဝင် အမေရိကန်၊ ကနေဒါ၊ သြစတေးလျနှင့် ဥရောပနိုင်ငံများမှ တာဝန်ရှိသူများ တက်ရောက်ခဲ့ကြသည်။

    BDS လှုပ်ရှားမှုမှာ ပါလက်စတိုင်းနယ်မြေအတွင်း တရားမ၀င်အိမ်ရာများအား ဆောက်လုပ်ခြင်းအား ရပ်တန့်ရန် ဖိအားပေးသည့်အနေဖြင့် ကမ္ဘာတစ်ဝှမ်းတွင် ပြုလုပ်နေခြင်းဖြစ်သည်။ ထိုကဲ့သို့ တရားမ၀င်အိမ်ရာများ ဆောက်လုပ်နေခြင်းမှာ အစ္စရေး-ပါလက်စတိုင်း ငြိမ်းချမ်းရေးဆွေးနွေးပွဲ အတွက်လည်း အတားအဆီးတစ်ခုဖြစ်နေသည်။

    အမေရိကန်၊ နယ်သာလန်၊ တောင်အာဖရိကနှင့် ဥရောပနိုင်ငံအချို့မှ အသင်းအဖွဲ့များ၊ ဘဏ်များနှင့် စီးပွားရေးလုပ်ငန်းအချို့မှာ အစ္စရေးရှိ စီးပွားရေး လုပ်ငန်းများ ဘဏ်များနှင့် ပူးပေါင်းဆောင်ရွက်မှုများကို ရပ်ဆိုင်းခဲ့ပြီး၊ အဆိုပါအိမ်ရာများတွင် ပါဝင်နေသည့် စီးပွားရေးလုပ်ငန်းများနှင့် ဆက်သွယ်သော ဥရောပ ကုမ္ပဏီများအား အရေးယူမှုများပြုလုပ်ရန် ဥရောပသမဂ္ဂ နိုင်ငံခြားရေးပေါ်လစီ အကြီးအကဲ ကက်သရင်းအက်ရ်ှတန်က ဥရောပ ပါလီမန်သို့ မတ်လ ၂၈ ရက်နေ့က ပေးပို့သောစာတွင် တိုက်တွန်းထားသည်။

    ၁၉၆၇ ခုမှစ၍ ပါလက်စတိုင်းပိုင်နက်အတွင်း အစ္စရေးမှ ဆောက်လုပ်ခဲ့သည့် တရားမ၀င်အိမ်ရာများတွင် နေထိုင်သူဦးရေမှာ သန်းဝက်ခန့် ရှိနေသည်။ နိုင်ငံတကာမှ တားမြစ်မှုများ ရှိနေသော်လည်း အစ္စရေးကမူ တရားမ၀င် အိမ်ရာဆောက်လုပ်ခြင်းအား မစွန့်လွှတ်သေးပေ။

    NT/NN/AS

  • တရားမ၀င် အိမ်ယာကိစ္စ အစ္စရေးအား တစ်ကမ္ဘာလုံးက သပိတ်မှောက်ရန် ပါလက်စတိုင်း သံတမန်တိုက်တွန်း

    ဧပြီ ၉ ၊ ၂၀၁၄
    M-Media

    – ပါလက်စတိုင်းပိုင်နက်အတွင်း တရားမ၀င်အိမ်ရာ ဆောက်လုပ်မှုများအတွက် တစ်ကမ္ဘာလုံးက အစ္စရေးအား သပိတ်မှောက်ကြရန် ကုလသမဂ္ဂဆိုင်ရာ ပါလက်စတိုင်း သံအမတ်က ပြောကြားလိုက်သည်။

    357769_Israeli-settlement

    ပါလက်စတိုင်း နိုင်ငံသားများ၏ မပြောင်းလဲသော အခွင့်အရေးအတွက် ကြိုးပမ်းခြင်း ကုလသမဂ္ဂ ကော်မတီက ယမန်နေ့တွင် ပြုလုပ်သော အစည်းအဝေးတွင် ရီယဒ်မန်ဆူရ်က ယခုကဲ့သို့ ပြောကြားခဲ့ခြင်းဖြစ်သည်သည်။ ထိုကဲ့သို့ တရားမ၀င် အိမ်ယာများကြောင့် အစ္စရေးဘဏ်များနှင့် ပူးပေါင်းဆောင်ရွက်မှုများ ရပ်တန့်ခဲ့သည့် နယ်သာလန် ဘဏ်ငါးခုကို ရည်ညွှန်းခဲ့ပြီး၊ ဥရောပနှင့် တောင်အာဖရိကတို့ကလည်း အစ္စရေးလုပ်ငန်းများ အပေါ် သပိတ်မှောက်မှုများ ရှိသောကြောင့် အခြားနိုင်ငံများကလည်း ထိုနိုင်ငံများ၏ အပြုအမူ နောက်သို့လိုက်ရန် မန်ဆူရ်က တိုက်တွန်းခဲ့သည်။

    ပါလက်စတိုင်းပိုင်နက်အတွင်း တရားမ၀င် အိမ်ယာများ ဆောက်လုပ်ခြင်းတွင် ပါဝင်နေသည့် လုပ်ငန်းများနှင့် ပူးပေါင်းဆောင်ရွက်နေသော ဥရောပ ကုမ္ပဏီများအား အရေးယူမှုများပြုလုပ်ရန် ဥရောပသမဂ္ဂ နိုင်ငံခြားရေးပေါ်လစီ အကြီးအကဲ ကက်သရင်း အက်ရ်ှတန်က ဥရောပ ပါလီမန်အား မတ်လ ၂၈ ရက်နေ့တွင် တိုက်တွန်းခဲ့သည်။ ထို့ပြင် ပါလီမန်ရှိ လွှတ်တော်အမတ်များကလည်း တရားမ၀င်အိမ်ရာများဆောက်လုပ်ခြင်းအား အကူအညီပေးခြင်းမှာ အစ္စရေး၏ နိုင်ငံတကာ ဥပဒေချိုးဖောက်မှုကို ကူညီခြင်းဖြစ်သည်ဟု ပြောကြားခဲ့သည်။

    ပါလက်စတိုင်းပိုင်း အရှေ့ဂျေရုစလင်နှင့် အနောက်ဘက် ကမ်းခြေတို့အား ၁၉၆၇ ခုနှစ်တွင် အစ္စရေးက သိမ်းယူခဲ့ပြီးနောက်ပိုင်း ထိုဒေသများတွင် ဆောက်လုပ်ခဲ့သည့် တရားမ၀င် အိမ်ယာများမှာ ၁၂၀ ခန့်ရှိပြီး၊ ထိုအိမ်ရာများတွင် အစ္စရေးနိုင်ငံသား သန်းဝက်ခန့် နေထိုင်နေကြသည်။ ထို့ပြင် အနောက်ဘက် ကမ်းခြေရှိ အိမ်ယာ ၆ ခုတွင် လူ ၂၀၀၀ ကို ထပ်မံ၍ နေရာချထားပေးရန် အစ္စရေးက စီစဉ်နေသည်။

    MR/AS/MHB

  • အစ္စရေး၏ တက္ကသိုလ်များအား သပိတ်မှောက်မည် အစီအစဉ်တွင် တိုင်းရင်း အမေရိကန်လေ့လာမှု အသင်း NAISA ပူးပေါင်း

    ဒီဇင်ဘာ ၂၀၊ ၂၀၁၃
    M-Media

    ASA-logo
    – သောင်းချီပါဝင်သော အမေရိကန် အဆင့်မြင့် ပညာရှင်များ အဖွဲ့ တစ်ခုဖြစ်သည့် အမေရိကန်လေ့လာမှုအသင်း ASA က အစ္စရေး၏ တက္ကသိုလ်နှင့်ကောလိပ်များအား သပိတ်မှောက်မည့် အစီအစဉ်ကို  ပြီးခဲ့သည့် တနင်္ဂနွေနေ့က ကြေညာခဲ့ရာ  အခြားသော အမေရိကန် ပညာရှင် အဖွဲ့တစ်ခုလည်း ပူးပေါင်းပါဝင်လာခဲ့သည်ဟု သိရသည်။

    ထိုအဖွဲ့မှာ တိုင်းရင်း အမေရိကန်လေ့လာမှု အသင်း NAISA ဖြစ်ပြီး အစ္စရေး၏ နိုင်ငံတကာ ဥပဒေနှင့် ကုလ၏ ဆုံးဖြတ်ချက်များအား ချိုးဖောက်မှုအတွက် အစ္စရေးပညာရေး အသိုင်းအ၀ိုင်းအား သပိတ်မှောက်ရန် အသင်း၏ ၀ဘ်ဆိုဒ်တွင် ဥက္ကဌဖြစ်သူ အိုဟိုင်းယိုးပြည်နယ် အင်္ဂလိပ်စာ ပါမောက္ခ ချက်ဒ်ဝစ် အလန်က အသင်းဝင်များအား တိုက်တွန်းထားသည်။

    NAISA အမှုဆောင်ကောင်စီမှ ထုတ်ပြန်သော အစီရင်ခံစာတွင် အစရေးက မတရားသိမ်းပိုက်ထားသော ပါလက်စတိုင်းဒေသများရှိ တိုင်းရင်းသားများ၏ ပညာရေး ကဏ္ဍနှင့် ဥာဏ စွမ်းအားများ လွတ်မြောက်မှုအတွက် အသင်းအနေဖြင့် အစ္စရေး၏ ချိုးဖောက်မှုများကို ဆန့်ကျင်ကြောင်း၊ ကျွန်ုပ်တို့ အသိအမှတ်ပြုထားသည့် လွတ်လပ်စွာလုပ်ရှားမှု၊ ဖော်ပြမှုနှင့် စုဝေးမှုများကို အစ္စရေးက ငြင်းဆန်ကြောင်း စသဖြင့် အစ္စရေး၏ လူ့အခွင်အရေး ချိုးဖောက်မှုများအား ထည့်သွင်းဖော်ပြထားသည်။

    Ref: Press TV