News @ M-Media

Tag: British Muslim

  • အောက်စဖို့ဒ်တွင် ၁၁ ကြိမ်မြောက် မွတ်စလင်လူငယ်ဖိုရမ် ကျင်းပ

    အောက်စဖို့ဒ်တွင် ၁၁ ကြိမ်မြောက် မွတ်စလင်လူငယ်ဖိုရမ် ကျင်းပ

    စက်တင်ဘာ ၁၁၊ ၂၀၁၆
    M-Media

    oxford

    – အောက်စဖို့ဒ်တက္ကသိုလ်၏ အစ္စလာမ့်ရေးရာ လေ့လာရေးစင်တာ (OCIS) မှာ အောက်စဖို့ဒ်မြို့တွင် ၁၁ကြိမ်မြောက် ဗြိတိန် မွတ်စလင်လူငယ်ခေါင်းဆောင်မှုဆိုင်ရာ ဖိုရမ်ကို သြဂုတ်လ ၃၁ ရက်နေ့မှ စက်တင်ဘာ ၉ ရက်နေ့အထိ ကျင်းပခဲ့သည်ဟု သိရသည်။

    အဆိုပါ ဖိုရမ်မှာ ဗြိတိန်မွတ်စလင်လူငယ်များ ၎င်းတို့၏ စွမ်းဆောင်ရည် တိုးတက်စေရန်၊ ၎င်းတို့ထိခိုက်ခံရသည့် ကိစ္စရပ်များအပေါ် ၎င်းတို့၏သဘောဆန္ဒများ ထုတ်ဖော်နိုင်ရန်နှင့် လူ့အဖွဲ့အစည်း ဖွံ့ဖြိုးရေးတွင် မိမိတို့၏ စွမ်းရည်များနှင့် အလားအလာကို ပြသခွင့်ရှိစေရန် ရည်ရွယ်ခြင်းဖြစ်ပြီး အစ္စလာမ့်ပညာရေး၊ သိပ္ပံနှင့် ယဉ်ကျေးမှုဆိုင်ရာ အဖွဲ့အစည်း (ISESCO) ၏ အထွေထွေညွှန်ကြာရေးမှူးဖြစ်သူ ဒေါက်တာ အဗ္ဗဒူလ် အဇစ် အွတ်စ်မန် အလ်တာဝေ့ဂ်ျရီ တက်ရောက်ခဲ့သည်။

    ဒေါက်တာ အလ်တာဝေ့ဂ်ျရီက အမှာစကားပြောကြားရာတွင် လူ့အဖွဲ့အစည်းမှ ကိစ္စရပ်များကို ကိုင်တွယ်ဖြေရှင်းရေး၊ ယဉ်ကျေးမှုနှီးနှောဖလှယ်ရေးနှင့် အတူယှဉ်တွဲနေထိုင်ရေးတို့ကို မြှင့်တင်ရာတွင် လူငယ်များ၏ အခန်းဏ္ဍမှာ အလွန် အရေးကြီးကြောင်း၊ မိမိတို့၏ ISESCO အဖွဲ့မှာ လူငယ်များ၏ အရေးကိစ္စတွင် အာရုံစိုက်ထားပြီး သုံးနှစ်လုပ်ငန်းဆောင်ရွက်မှု စီမံကိန်း (၂၀၁၆-၂၀၁၈) တွင် လူငယ်များ၏ ပြဿနာများ အထူးသဖြင့် ပညာရေး၊ သိပ္ပံ၊ ယဉ်ကျေးမှုနှင့် ဆက်သွယ်ရေးဆိုင်ရာများကို တွန်းအားပေး ဆောင်ရွက်သွားမည်ဖြစ်ကြောင်း ပြောကြားခဲ့သည်။

    တစ်ပတ်တာ ကြာမြင့်ခဲ့သည့် အဆိုပါဖိုရမ်ကို ၀န်ကြီးများ၊ နိုင်ငံရေးသမားများ၊ လွှတ်တော်အမတ်များ၊ ဥပဒေနှင့် စီးပွားရေးအထူးပြုများ၊ ကျွမ်းကျင်သူများ၊ ပညာရှင်များ၊ အင်န်ဂျီအိုကိုယ်စားပြုများနှင့် ဗြိတိန်မီဒီယာများ တက်ရောက်ခဲ့ကြသည်။

    Ref : IINA

  • ဗြိတိန်အတွက် အသက်စွန့်ခဲ့သည့် အိန္ဒိယမွတ်စလင်များအတွက် အမှတ်တရဗိမာန် တည်ဆောက်မည်

    ဗြိတိန်အတွက် အသက်စွန့်ခဲ့သည့် အိန္ဒိယမွတ်စလင်များအတွက် အမှတ်တရဗိမာန် တည်ဆောက်မည်

    စက်တင်ဘာ ၂၊ ၂၀၁၆
    M-Media

    britain

    – ပထမကမ္ဘာစစ်တွင် ဗြိတိသျှအင်ပါယာအတွက် စွမ်းစွမ်းတမံ ပါဝင်တိုက်ခိုက်ပေးခဲ့သော်လည်း အမေ့ခံထားရသည့် အိန္ဒိယမွတ်စလင်စစ်သားများအား ဂုဏ်ပြုသောအနေဖြင့် အောက်မေ့ဖွယ် ဗိမာန်တစ်ခုကို အင်္ဂလန်နိုင်ငံတွင် ဆောက်လုပ်ရန် စီစဉ်နေသည်ဟု သိရသည်။

    အင်္ဂလိပ်အုပ်ချုပ်မှုလက်အောက်တွင် အိန္ဒိယတိုက်ငယ် (အိန္ဒိယ၊ ပါကစ္စတန်၊ ဘင်္ဂလားဒေ့ရ်ှတို့ ပါဝင်သည်) မှ မွတ်စလင်စစ်သား ၄ သိန်းကျော်မှာ ဗြိတိန်စစ်တပ်အတွင်း ပါဝင်အမှုထမ်းကာ တိုက်ခိုက်ပေးခဲ့ကြသော်လည်း ၎င်း၏ ထို စွန့်လွှတ်စတေးမှုမှာ အသိအမှတ်ပြုခံရခြင်း မရှိဟု ထောက်ပြမှုများ ရှိနေသည်။

    “ဒီအကြောင်းအရာကို ခင်ဗျားတို့ ကျောင်းပြဌာန်းစာအုပ်တွေ၊ ရုပ်ရှင်တွေမှာ မြင်ရ တွေ့ရမှာ မဟုတ်ပါဘူး” ဟု ဒေါက်တာ အစ်ရဖန် မာလစ်က ပြောကြားခဲ့သည်။

    နော်တင်ဟမ်မြို့ ရှားဝုဒ်ဒေသအနီးတွင် နေထိုင်သည့် ဒေါက်တာမာလစ်မှာ ၎င်း၏ ဘိုးဘေးများ နေထိုင်ရာ ပါကစ္စတန်နိုင်ငံ ပန်ဂျပ်ပြည်နယ်တွင် သုတေသန ပြုလုပ်ခဲ့ပြီးနောက် ၎င်း၏ နှစ်ဖက်အဖိုးအဖွားများမှာ ဗြိတိသျှအင်ပါယာအတွက် စွန့်လွှတ်စတေး တိုက်ပွဲဝင်ခဲ့သည်ကို တွေ့ရှိခဲ့ရခြင်းဖြစ်သည်။

    “ကျွန်တော်တို့ ရွာတစ်ရွာတည်းကပဲ အမျိုးသား ၈၆၀ မှာ ၄၆၀ က ဗြိတိသျှအင်ပါယာအတွက် အကူအညီပေးခဲ့ပါတယ်။ သူတို့အားလုံးဟာ ကိုယ့်ထမင်းကိုယ်စားပြီး ပါဝင်ခဲ့ကြတာပါ။ ဒီလိုပါဝင်ရတာကိုလည်း သူတို့ ဂုဏ်ယူခဲ့ကြပါတယ်။ အဲဒီလို ပါဝင်ခဲ့တဲ့အတွက်ကြောင့် ရွာထဲမှာ နှစ်ပေါင်းတော်တော်များများ အမျိုးသား ရှားပါးခဲ့ပါတယ်” ဟု ဒေါက်တာက ထည့်သွင်းပြောကြားခဲ့သည်။

    ထို့ပြင် ၎င်းမှာ ‘ကမ္ဘာစစ်တွင် ပါဝင်သည့် မွတ်စလင်များအတွက် အမှတ်တရဗိမာန် ဖြစ်ပေါ်လာရေး ကော်မတီ’ ကို ဖွဲ့စည်းခဲ့ပြီး စစ်အတွင်း မဟာမိတ်တပ်များအတွက် ကူညီပေးခဲ့ကြသည့် မွတ်စလင်စစ်သားများ၏ ‘သစ္စာစောင့်သိမှုနှင့် စွန့်လွှတ်စတေးမှု’ တို့ကို ဂုဏ်ပြုရေး ဗိမာန်တစ်ခု တည်ဆောက်ရန် စီစဉ်ခဲ့သည်။

    Great War Muslim Memorial ဟု အမည်ပေးမည့် အဆိုပါ ဗိမာန်အတွက် ပေါင် ၂၅၀၀၀ ရန်ပုံငွေရှာဖွေရန်လည်း စီစဉ်ထားပြီး ဒေါက်တာမာလစ်ကမူ ထိုစီမံကိန်းမှာ အစီအစဉ်ရေးဆွဲသည့် အဆင့်တွင်သာ ရှိနေသေးပြီး၊ ကမ္ဘာစစ်အတွင်း သိမ်းပိုက်ခံထားရသည့် ဥရောပတိုက်အစိတ်အပိုင်းများတွင် ခုခံကာကွယ်ရေး လှုပ်ရှားမှုများ ဆောင်ရွက်ရင်း အသက်ပေးခဲ့ရသည့် အမျိုးသမီးအေးဂျင့် ၇၅ ဦးအတွက် အမှတ်တရဗိမာန်တစ်ခု ပေါ်ထွက်လာရေး ဦးဆောင်လှုပ်ရှားခဲ့သူ တာဇီ ဟူစိန်၏ ထောက်ခံမှုကိုလည်း ရရှိထားသည်ဟု ဆိုသည်။

    အဆိုပါဗိမာန်ကို ဘဒ်ဖို့ဒ်ရှိုင်းယားရှိ တမ့်စ်ဖို့ဒ်မြို့တွင် တည်ဆောက်ထားပြီး ၂၀၁၃ ခုနှစ်ဖွင့်ပွဲအခမ်းအနားသို့ ချားလ်စ် မင်းသားကိုယ်တိုင် တက်ရောက်ခဲ့သည်။

    “အခုဗိမာန်ကို အစ္စလာမ်အငွေ့အသက်ပါအောင် လုပ်ချင်ပါတယ်။ ဘာ့ကြောင့်လည်းဆိုတော့ မွတ်စလင်တွေဟာ ပထမကမ္ဘာစစ်နဲ့ ဒုတိယကမ္ဘာစစ်တွေမှာ ဗြိတိန်အတွက် သစ္စာစောင့်သိခဲ့ပါတယ်။ ကျွန်တော်တို့ အဲဒီမှာ ပါဝင်ခဲ့ပြီး၊ အဲဒီတွန်းလှန်မှုရဲ့ အစိတ်အပိုင်းတစ်ခု ဖြစ်ခဲ့ပါတယ်” ဟု မာလစ်က ဆိုသည်။

    ထို့ပြင် ထိုကဲ့သို့ အမှတ်တရဗိမာန် တည်ဆောက်ခြင်းမှာ မိမိတို့၏ ဘိုးဘေးများက လွတ်မြောက်ရေး တိုက်ပွဲများတွင် ပါဝင်ကူညီခဲ့မှုကို လူငယ်များအား သိရှိစေကာ၊ လူ့အဖွဲ့အစည်းအတွင်း အစေးကပ်မှုကို ပိုမိုဖြစ်ပေါ်လာစေမည်ဟု မျှော်လင့်နေသည်။

    စစ်ပွဲဆိုင်ရာ သမိုင်းပညာရှင်တစ်ဦးဖြစ်ပြီး ပြည်ထဲရေးဝန်ကြီးဌာန၏ အကြမ်းဖက်ဝါဒဆိုင်ရာ အကြံပေးဟောင်းတစ်ဦးဖြစ်သူ ဂျာဟန် မဟ်မူးဒ်ကလည်း ထိုအစီအစဉ်ကို ကြိုဆိုခဲ့သည်။

    “ဒီသမိုင်းကြောင်းတွေကို မွတ်စလင်လူ့အဖွဲ့အစည်းမှာ တော်တော်များများက မသိကြပါဘူး။ ဒါဟာလည်း အစိုးရရဲ့ အားနည်းချက်ကြောင့်ပါ”

    Great War Muslim Memorial ဗိမာန်မှာ မွတ်စလင်များအကြား လူ့အဖွဲ့အစည်းအတွင်း ပိုမိုပါဝင်လိုမှု စိတ်ဓာတ်ကို ဖြစ်ထွန်းလာစေနိုင်ပြီး ဗြိတိန်နိုင်ငံသားတစ်ဦး ဖြစ်မှုအတွက် ပိုမိုဂုဏ်ယူလာစေမည်ဟု မဟ်မူးဒ်က ယုံကြည်နေသည်။

    “လူ့အဖွဲ့အစည်းမှာ ပါဝင်လို့မရပါဘူးကွာဆိုတဲ့ အတွေးဟာ မွတ်စလင်တွေကို ပိုပြီး အစွန်းရောက်စေပါတယ်။ ဒီအမှတ်တရဗိမာန်ဟာ ဒီနေ့ခေတ် ဗြိတိန်မှာ ငါတို့ဟာလည်း တစ်တပ်တစ်အား ပါဝင်နေတယ်လို့ မွတ်စလင်တွေကို ခံစားလာစေနိုင်ပါတယ်”

    Ref: independent

  • ရမ်ဇာန်ဥပုသ်လအတွင်း ဗြိတိန်မွတ်စလင်များ၏လှူဒါန်းမှု ပေါင် သန်း ၁၀၀ နီးပါးရှိ

    ရမ်ဇာန်ဥပုသ်လအတွင်း ဗြိတိန်မွတ်စလင်များ၏လှူဒါန်းမှု ပေါင် သန်း ၁၀၀ နီးပါးရှိ

    ဇွန် ၂၂၊ ၂၀၁၆
    M-Media

    – ပြီးခဲ့သည့် ရမ်ဇာန်ဥပုသ်လအတွင်း ဗြိတိန်မွတ်စလင်များမှာ ပရဟိတအဖွဲ့များသို့ စတာလင်ပေါင်း သန်း ၁၀၀ ၀န်းကျင်ခန့် လှူဒါန်းခဲ့ကြသည်ဟု မွတ်စလင်ပရဟိတအဖွဲ့တစ်ခုဖြစ်သော Muslim Charities Forum (MCF) က ပြောကြားလိုက်သည်။

    “ဒီနှစ် ရမ်ဇာန်လမြတ်မှာ ကျွန်တော်တို့ အဖွဲ့ဝင်တွေဟာ အလှူငွေ ပေါင် ၄၅ သန်း ရရှိအောင် ကောက်ခံနိုင်ခဲ့ပြီး ဒါတွေကို ကမ္ဘာတစ်ဝှမ်းက ထိခိုက်ခံစားရဆုံးသူတွေကို လူသားချင်းစာနာထောက်ထားမှု အကူအညီအဖြစ် ပေးအပ်သွားမှာ ဖြစ်ပါတယ်။ ဗြိတိန်တစ်ခုလုံး တွက်ကြည့်မယ်ဆိုရင်တော့ စုစုပေါင်း ပေါင် သန်း ၁၀၀ လောက် ရခဲ့ပြီး တစ်စက္ကန့်ကို အလှူငွေ ၃၈ ပေါင်နှုန်းနဲ့ မယုံနိုင်စရာ လှူဒါန်းမှုပါပဲ” ဟု MCF မှ ပြောရေးဆိုခွင့်ရှိသူတစ်ဦးက ပြောကြားခဲ့သည်။

    ဗြိတိန်မွတ်စလင်များ၏ ထိုကဲ့သို့ ရက်ရောစွာလှူဒါန်းမှုက မိမိတို့အဖွဲ့နှင့် မွတ်စလင်ပရဟိတကဏ္ဍအနေဖြင့် ပဋိပက္ခဖြစ်ပွားရာ ဒေသများ၊ စားနပ်ရိက္ခာရှားပါးရာ ဒေသများနှင့် အကူအညီများကို အလွန်အမင်းလိုအပ်နေသော အခြားနေရာများတွင် နေထိုင်နေသူများအား လူသားချင်းစာနာထောက်ထားမှုဆိုင်ရာ အကူအညီများကို ပေးအပ်နိုင်မည်ဖြစ်သောကြာင့် မိမိတို့ MCF က ထိုကဲ့သို့ လှူဒါန်းမှုအတွက် အလွန်အမင်း ဂုဏ်ယူမိကြောင်း ၎င်းက ထပ်လောင်း ပြောကြားခဲ့သည်။

    ပြီးခဲ့သည့်နှစ်က MCF မှာ ဗြိတိန်မွတ်စလင်များထံမှ လှူဒါန်းငွေ ပေါင် သန်း ၆၀ ရခဲ့သော်လည်း ယခုနှစ်တွင် လိုအပ်နေသည့် နေရာများကို ကူညီရန် ရည်ရွယ်တည်ထောင်သည့် မွတ်စလင်ပရဟိတအဖွဲ့များ များလာသောကြောင့် လှူဒါန်မှုများမှာ ပြန့်သွားခြင်းဖြစ်သည်ဟု ဆိုသည်။

    ယူကေ ပရဟိတရေးရာ ကော်မရှင်မှ မန်နေဂျာဖြစ်သူ နစ်က် ဒေါ်နယ်ဆန်ကမူ ပါလက်စတိုင်း၊ ပါကစ္စတန်၊ ဟေတီနှင့် ကမ္ဘာတစ်ဝှမ်း အခြားဒေသများမှ အတိဒုက္ခရောက်နေသူများကို ထောက်ပံ့ပေးသည့် စီမံကိန်းများအပါအ၀င် ထိုလှူဒါန်းမှုများကြောင့် အထောက်အကူဖြစ်မည့် စီမံကိန်းများမှာ အလွန်များပြားသည်ဟု ပြောကြားခဲ့သည်။

    ယခင်လေ့လာမှုများအရ ဗြိတိန်မွတ်စလင်များမှာ ဗြိတိန်ရှိ လူ့အဖွဲ့အစည်းများတွက် ရက်ရောက်မှုအရှိဆုံး လူ့အဖွဲအစည်းဖြစ်သည်ကို တွေ့ရှိခဲ့ရပြီး ဗြိတိန်မွတ်စလင်တစ်ဦးလျှင် ပျမ်းမှ ၃၇၁ ပေါင် လှူဒါန်းသည်ဟု စာရင်းဇယားများက ဖော်ပြနေသည်။

    Ref: buzzfeed

  • ရမ်ဇာန်ဥပုသ်လ၏ ရည်ရွယ်ချက်ကို ရောင်ပြန်ဟပ်သည့် လန်ဒန်မှ စားသောက်ဆိုင်

    ရမ်ဇာန်ဥပုသ်လ၏ ရည်ရွယ်ချက်ကို ရောင်ပြန်ဟပ်သည့် လန်ဒန်မှ စားသောက်ဆိုင်

    ဇူလိုင် ၃၊ ၂၀၁၆
    M-Media

    london

    – ဆင်းရဲချို့တဲ့သူတွေကို ညှာတာထောက်ထားဖို့ဆိုတဲ့ ရမ်ဇာန်ဥပုသ်လရဲ့ ရည်ရွယ်ချက်ကို အကောင်အထည်ဖော်တဲ့အနေနဲ့ လန်ဒန်မြို့က မွတ်စလင်စားသောက်ဆိုင်တစ်ခုဟာ ချို့တဲ့သူတွေကို ကျွေးမွေးလှူဒါန်းခဲ့တယ်လို့ သိရပါတယ်။

    အခုသီတင်းပတ်အတွင်းမှာ ပြုလုပ်ခဲ့တဲ့ အဲဒီလှုပ်ရှားမှုမှာ ပူပူနွေးနွေး ထမင်းဟင်းလျာ ၂၀၀ ကို ဝေငှခဲ့တာ ဖြစ်ပါတယ်။

    “အစ္စလာမ်ဘာလဲဆိုတာ လူတွေကို သိစေချင်တာပါ” လို့ လှူဒါန်းမှုပြုလုပ်ခဲ့တဲ့ Shelby’s Food Express စားသောက်ဆိုင်ပိုင်ရှင် ယာဇန် အလ် ရှာလာဘီက ပြောကြားခဲ့ပါတယ်။ အလ် ရှာလာဘီရဲ့ ဒီဆိုင်ဟာ လန်ဒန်မြို့လယ်ခေါင်မှာ တည်ရှိပြီး အရှေ့အလယ်ပိုင်း အစားအသောက်တွေ ရောင်းချတာဖြစ်ပါတယ်။

    အလ်ရှာလာဘီဟာ လန်ဒန်က လူမှုရေးအသင်းအဖွဲ့တွေနဲ့ ဆက်သွယ်ပြီး ဆင်းရဲချို့တဲ့သူတွေကို ဖိတ်မန္တက ပြုကာ လှူဒါန်းကျွေးမွေးခဲ့တာပါ။

    လာရောက်စားသုံးသူတစ်ဦးဖြစ်တဲ့ ၁၂ တန်းကျောင်းသူ ခရစ်စတင်း ဖီရွန်က ” အစ္စလာမ်သာသနာနဲ့ပက်သက်လို့ မသိ
    နားမလည်တဲ့သူတွေဟာ မီဒီယာရဲ့ ၀ါဒဖြန့်မှုနောက်ကို ပါသွားတတ်ပါတယ်။ ပြီးတော့ သူတို့ဟာ တစ်ယောက်မကောင်းတာနဲ့ အားလုံးကို သိမ်းကျုံးပြီး မကောင်းမြင်တတ်ကြပါတယ်။ ဒီလိုလှုပ်ရှားမှုက သူတို့ရဲ့ အထင်အမြင်မှားယွင်းမှုကို ချေဖျက်ပြီး ပိုမိုကောင်းမွန်တဲ့ နားလည်မှုကို ရရှိစေပါတယ်” လို့ ပြောကြားခဲ့ပါတယ်။

    အလ်ရှာလာဘီရဲ့ ဒီစားသောက်ဆိုင်ဟာ လွန်ခဲ့တဲ့ ၂ နှစ်လောက်က စတင်ဖွင့်လှစ်ခဲ့တာဖြစ်ပြီး အဲဒီလိုလှူဒါန်းပေါင်း ၅ ကြိမ် ပြုလုပ်ခဲ့ပြီး ဖြစ်ပါတယ်။

    Ref : IINA

  • မွတ်စလင်တို့၏ ရမ်ဇာန်ဥပုသ်လအတွက် ဗြိတိန်ဝန်ကြီးချုပ် ဆုမွန်ကောင်းတောင်း

    မွတ်စလင်တို့၏ ရမ်ဇာန်ဥပုသ်လအတွက် ဗြိတိန်ဝန်ကြီးချုပ် ဆုမွန်ကောင်းတောင်း

    ဇွန် ၆၊ ၂၀၁၆
    M-Media

    britain

    – ဇွန်လ ၆ ရက်နေ့မှာ ကျရောက်တဲ့ အစ္စလာမ်ဘာသာဝင်တို့ရဲ့ ရမ်ဇာန်ဥပုသ်လအတွင်း ဗြိတိန်မွတ်စလင်တွေနဲ့ ကမ္ဘာတစ်ဝှမ်းက မွတ်စလင်တွေအတွက် ဗြိတိန်ဝန်ကြီးချုပ် ဒေးဗစ်ကင်မရွန်းက ဆုမွန်ကောင်းတောင်းလိုက်ပါတယ်။

    “ရမ်ဇာန်လမြတ်ဟာ ဗလီဝတ်ကျောင်းတွေက သူတို့ရဲ့ တံခါးတွေကိုဖွင့်ထားပြီး၊ မွတ်စလင် ပရဟိတစင်တာတွေကလည်း သူတို့ရဲ့ အိမ်နီးချင်းတွေကို ကြိုဆိုတဲ့လ ဖြစ်ပါတယ်။ မွတ်စလင်တွေ ၀ါဖြေချိန်မှာ ခရစ်ယာန်ဘုရားကျောင်းတွေ၊ ဂျူးဘုရားကျောင်းတွေကလည်း နေရာထိုင်ခင်းတွေ ပေးကြပါတယ်။ အဲဒီဝါဖြေပွဲတွေကို ဘာသာအားလုံးက လူတွေနဲ့ ဘာသာမဲ့တွေကို ဖိတ်ကြားကြပါတယ်” လို့ ကင်မရွန်းက ၂ မိနစ်တာကြာမြင့်တဲ့ ဗီဒီယိုမှာ ပြောကြားခဲ့ပါတယ်။

    နောက်ပြီး Coventry Cathedral ဘုရားကျောင်းက ဘာသာပေါင်းစုံ အစ်ဖ်တာရ်ဝါဖြေပွဲကို ပြုလုပ်မှာဖြစ်ကြောင်း၊ မန်ချက်စတာမြို့မှာလည်း အင်္ဂလန်အသင်းရဲ့ ယူရိုပြိုင်ပွဲ ယှဉ်ပြိုင်ကစားမှုနှင့်အတူ အစ်ဖ်တာရ်ဝါဖြေပွဲကို ပြုလုပ်ဖို့ရှိနေကြောင်း၊ နိုင်ငံတစ်ဝှမ်းလုံးက အိမ်ယာမဲ့တွေဟာ သူတို့နဲ့ဘ၀တူ အိမ်ယာမဲ့တွေနဲ့အတူ ၀ါဖြေပွဲတွေ ပြုလုပ်ကြမှာဖြစ်ကြောင်း ဗြိတိန်ဝန်ကြီးချုပ်က ထည့်သွင်းပြောကြားခဲ့ပါတယ်။

    “တကယ်တော့ ရမ်ဇာန်ရောက်ပြီဟေ့လို့ဆိုရင် ဥပုသ်သီလဆောက်တည်ရမယ်ဆိုတာကို ကျွန်တော်တို့ တစ်ပါတည်း တွဲသိကြပါတယ်။ ပြီးတော့ ဒီလဟာ မွတ်စလင်တွေရဲ့ ယုံကြည်မှုကို စမ်းသပ်တဲ့ ကာလလည်းဖြစ်ပါတယ်။ အထူးသဖြင့် အခုလို ပူပြင်းရှည်လျားတဲ့နေ့တွေမှာပေါ့။ ဒါပေမယ့် ဒီထက်ပိုတာတွေလည်း ရှိပါတယ်။ မွတ်စလင်တွေဟာ သူတို့ရဲ့ ငွေကြး၊ ဥစ္စာပစ္စည်းတွေကို ကံမကောင်းအကြောင်းမလှကြတဲ့ သူတွေကို လှူဒါန်းကြတယ်။ သူတို့ရဲ့အားလပ်တဲ့ အချိန်ကိုလည်း ၀တ်ပြုဆုတောင်းမှုတွေ၊ တရားဘ၀နာစီးဖြန်းမှုတွေမှာ ကုန်ဆုံးကြပါတယ်”

    ဆီးရီးယားစစ်ပွဲကြောင့် ထိခိုက်ခံစားနေရပြီး ရမ်ဇာန်လမြတ်ကို ဒုက္ခသည်စခန်းများမှာ ကုန်ဆုံးရမယ့် မိသားစုတွေကို စာနာမိကာ ဆီးရီးယားပြည်သူတွေကို ဆက်လက်အားပေးထောက်ပံ့သွားမှာဖြစ်တယ်လို့လည်း ကင်မရွန်းက အဲဒီ ဗီဒီယိုမှာ ထည့်သွင်းပြောကြားခဲ့ပါတယ်။

    နောက်ဆုံးမှာတော့ ၀န်ကြီးချုပ်က ရမ်ဇာန်မူဘာရက်ပါလို့ ဆုမွန်ကောင်းတောင်းပေးခဲ့ပါတယ်။

    “အစ်ဖ်တာရ်ဝါဖြေပွဲတွေ၊ လူမှုရေးအခမ်းအနားတွေမှာ အတူတကွ ဆက်လက်ပါဝင်ကြပါစို့။ ကျွန်တော်တို့ နေထိုင်တဲ့ ဒီတိုင်းပြည်မှာ ဂုဏ်ယူစရာကောင်းပြီး၊ လူမျိုးစုံ၊ ဘာသာစုံပါဝင်တဲ့ ဒီမိုကရေစီထွန်းကားမှုကို ရရှိခံစားကြပါစို့။ ဗြိတိန်နဲ့ ကမ္ဘာတစ်ဝှမ်းက လူတိုင်းအတွက် ‘ရမ်ဇာန်မူဘာရက်’ ပါလို့ ဆုမွန်ကောင်းတောင်းလိုက်ပါတယ်”

    Ref : 10 Downing Street’s Facebook