News @ M-Media

Tag: Buddhism

  • သာသနာအရေခြုံ၍ လိင်ကျူးလွန်သူများ ယခင်ကတည်းကရှိခဲ့ဟု ဒလိုင်းလားမားပြော

    သာသနာအရေခြုံ၍ လိင်ကျူးလွန်သူများ ယခင်ကတည်းကရှိခဲ့ဟု ဒလိုင်းလားမားပြော

    စက်တင်ဘာ ၁၆၊ ၂၀၁၈
    M-Media

    နယ်သာလန်ရောက် ဗုဒ္ဓဘာသာဝင်များနှင့် တွေ့ဆုံနေသည့် ဘုန်းတော်ကြီး ဒလိုင်းလားမား

    – ဗုဒ္ဓဓမ္မကို သင်ကြားပို့ချပေးကြသူတွေထဲကတစ်ချို့ဟာ သူတို့ တပည့်တွေအပေါ် လိင်ပိုင်းဆိုင်ရာ စော်ကားမှုတွေ လုပ်ဆောင်လေ့ရှိတယ်ဆိုတာကို လွန်ခဲ့တဲ့ နှစ်ပေါင်း ၂၀ ကျော် ၁၉၉၀ ပြည့်နှစ်တွေကလည်းက မိမိ သိရှိခဲ့တယ်လို့ တိဘက်ဘုန်းတော်ကြီး ဒလိုင်းလားမားက ပြောကြားလိုက်ပါတယ်။

    နယ်သာလန်နိုင်ငံကို ၄ ရက်ကြာရောက်ရှိနေတဲ့ ဘုန်းတော်ကြီးက ဗုဒ္ဓဓမ္မဆရာတွေရဲ့ လိင်ပိုင်းဆိုင်ရာ ကျူးလွန်မှုကို ခံခဲ့ရသူတွေကို  မနေ့က တွေ့ဆုံနှစ်သိမ့်စဉ်မှာ ဒီလိုဝန်ခံခဲ့တာ ဖြစ်ပါတယ်။

    “ဘုန်းကြီးတို့ဟာ စိတ်နှလုံးဖြူစင်စွာနဲ့ ဗုဒ္ဓဘာသာရဲ့ မေတ္တာရိပ်ကို ခိုလှုံခဲ့တယ်။ ဒါပေမယ့် အဲဒီမေတ္တာရိပ်မှာပဲ ဘုန်းကြီးတို့ အဓမ္မကျင့်ခံလိုက်ရပါတယ်။ ဒါတွေကို ဘုန်းကြီးအနေနဲ့ သိရှိထားခဲ့ပြီး အသစ်အဆန်း မဟုတ်တော့ပါဘူး” လို့ ဒက်ခ်ျရုပ်သံ NOS နဲ့ တွေ့ဆုံစဉ်မှာ ဒလိုင်းလားမားက ပြောကြားခဲ့ပါတယ်။

    လွန်ခဲ့တဲ့ ၂၅ နှစ် အိန္ဒိယနိုင်ငံမှာ ကျင်းပတဲ့ ‘အနောက်ပိုင်း ဗုဒ္ဓဓမ္မဆရာများ ညီလာခံ’မှာ ဒီလိုကျူးလွန်မှုတွေအကြောင်း သိရှိခဲ့ရတာဖြစ်ကြောင်း၊ လိင်ပိုင်းဆိုင်ရာ ကျူးလွန်သူတွေဟာ ဗုဒ္ဓရဲ့ ဓမ္မတရားတွေကို မလိုက်နာသူတွေဖြစ်ပြီး၊ အခုလို လူသိရှင်ကြား ဖြစ်လာတဲ့အခါ ဗုဒ္ဓဘာသာဝင်တွေ အရှက်ရကြောင်း ဒလိုင်းလားမားက ထည့်သွင်းပြောဆိုခဲ့ပါတယ်။

    အသက် ၈၃ နှစ်အရွယ် ရှိပြီဖြစ်တဲ့ ဒလိုင်းလားမားဟာ တရုတ်ရန်ကြောင့် လက်ရှိ အိန္ဒိယနိုင်ငံမှာ နေထိုင်နေပါတယ်။

    ဥရောပဆိုင်ရာ တိဘက်ဗုဒ္ဓဘာသာခေါင်းဆောင် Tseten Samdup Chhoekyapa က ဒလိုင်းလားမာဟာ ဒီလို ကျင့်ဝတ်မဲ့တဲ့၊ တာဝန်မဲ့တဲ့ လုပ်ရပ်တွေကို ပြင်းပြင်းထန်ထန် ရှုတ်ချခဲ့တယ်လို့ ပြောကြားခဲ့ပါတယ်။

    တိဘက်ဗုဒ္ဓဘာသာဂိုဏ်းရဲ့ ကမ္ဘာတစ်ဝှမ်းက ခေါင်းဆောင်တွေဟာ လာမယ့်နိုဝင်ဘာမှာ အိန္ဒိယနိုင်ငံမှာ တွေ့ဆုံကာ ဒီကိစ္စကို ဆွေးနွေးဖို့ ရှိနေပါတယ်။

    Ref: CNA

  • မလေးရှား အုပ်ချုပ်ရေးမြို့တော်တွင် နိုင်ငံတော်ဗုဒ္ဓဘာသာစင်တာနှင့် အခြား ၀တ်ပြုရာနေရာများ တည်ဆောက်မည်

    မလေးရှား အုပ်ချုပ်ရေးမြို့တော်တွင် နိုင်ငံတော်ဗုဒ္ဓဘာသာစင်တာနှင့် အခြား ၀တ်ပြုရာနေရာများ တည်ဆောက်မည်

    မေ ၈၊ ၂၀၁၇
    M-Medaia

    အုတ်မြစ်ချပွဲ အခမ်းအနားကို တက်ရောက်လာကြသည့် ဆရာတော်၊ သံဃာတော်များနှင့် လူပုဂ္ဂိုလ်များ

     

    – နိုင်ငံ၏ အုပ်ချုပ်ရေးမြို့တော်တွင် ဘာသာပေါင်းစုံတည်ရှိရန် မလေးအစိုးရ၏ အစီအစဉ်တစ်ရပ်အဖြစ် ပူထရာဂျာယာမြို့တွင် နိုင်ငံတော် ဗုဒ္ဓဘာသာစင်တာနှင့် အခြား အဓိကဘာသာတရားများ၏ ၀တ်ပြုရာနေရာများ တည်ဆောက်သွားမည်ဟု သိရသည်။

    “ဒါဟာ ကျွန်တော်တို့ အခြေခံဥပဒေမှာ ပြဌာန်းထားတဲ့ ဘာသာရေးလွတ်လပ်ခွင့်အတွက် အစိုးရရဲ့ စိတ်နှစ်မြုပ်ဆောင်ရွက်မှုကို ထင်ဟပ်ကိုယ်စားပြုစေမှာ ဖြစ်ပါတယ်” ဟု မလေးရှား နိုင်ငံတကာ ကုန်သွယ်ရေးနှင့် စက်မှုဝန်ကြီး ဒါတွတ် အွန်ကာချွမ်က ပြောကြားခဲ့သည်။

    ၀န်ကြီးမှာ ယမန်နေ့က ပူထရာဂျာယာတွင် ပြုလုပ်ခဲ့သည် နိုင်ငံတော် ဗုဒ္ဓဘာသာစင်တာ Pusat Buddhis Dham­maduta Malaysia တည်ဆောက်ရေး အုတ်မြစ်ချမှု အခမ်းအနားသို့ တက်ရောက်ခဲ့သည်။

    အဆိုပါ စင်တာကို အစိုးရပိုင် ၀.၇၂ ဟက်တာရှိသည့် မြေပေါ်တွင် တည်ဆောက်သွားမည်ဖြစ်ပြီး၊ ဘေးတွင် ဆောက်လုပ်ဆဲ ဟိန္ဒူဘုရားကျောင်းတစ်ခု ရှိနေသည်။

    ထိုဟိန္ဒူဘုရားကျောင်းကို Devi Sri Lalithaambigai Alayam ဟု အမည်ပေးထားပြီး အိန္ဒိယနိုင်ငံ မြောက်ပိုင်းနှင့် တောင်ပိုင်းရှိ ဘုရားကျောင်းများမှ လက်ရာများ ထည့်သွင်းမည်ဖြစ်သည်။

    ၀န်ကြီးက ယမန်နေ့ အုတ်မြစ်ချပွဲ အခမ်းအနားမှာ မလေးရှားရှိ ဗုဒ္ဓဘာသာဝင်များအတွက် ‘ကြီးကျယ်သည့် အခမ်းအနား’ ဖြစ်ခဲ့ပြီး၊ စင်တာမှာ ၎င်းတို့အတွက် ‘ဗုဒ္ဓဘာသာဆိုင်ရာ အချက်အခြာနေရာ’ ဖြစ်လာမည်ဟုလည်း ပြောကြားခဲ့သည်။

    ထို့ပြင် ထိုပတ်ဝန်းကျင်၌ အစ္စလာမ်ဘာသာမဟုတ်သည့် အခြားဘာသာများဖြစ်သော ခရစ်ယာန်၊ တာအိုနှင့် ဆစ်ခ်ဘာသာတို့၏ ၀တ်ပြုရာအဆောက်အဦးများကို ဆောက်လုပ်ရန် မြေများ သတ်မှတ်ပေးထားသည်ဟုလည်း ဆိုသည်။

    ၂ ထပ်အဆောက်အဦးဖြစ်ပြီး အမိုးပေါ်တွင် ဥယျာဉ်တစ်ခု ပါဝင်မည့် ယခုစင်တာ ဆောက်လုပ်ရန်အတွက် မလေးရှား ဗုဒ္ဓဘာသာ သာသနာပြုအဖွဲ့ (BMSM) အဖွဲ့ ရင်းဂစ် ၈ သန်း မတည်ပေးမည်ဖြစ်သည်။

    BMSM ဥက္ကဌ လိုပိုင်လင်းက ထိုအဆောက်အဦးမှာ အရင်းအမြစ်စင်တာ၊ လေ့ကျင်ရေးကျောင်းနှင့် ပညာရေးစင်တာ ဖြစ်လာမည်ဟု ပြောကြားခဲ့သည်။

    “ခေတ်သစ်ကာလမှာ ဗုဒ္ဓရဲ့ ပညာဉာဏ်နဲ့ မေတ္တတရားတွေကို ထင်ဟပ်စေမယ့် ထူးခြားတဲ့ အထိမ်းအမှတ်လက်ရာတွေနဲ့ ခေတ်ပေါ်ဒီဇိုင်းကို ပေါင်းစပ် ပုံဖော်သွားမှာပါ”

    အဆိုပါ ဗုဒ္ဓဘာသာ စင်တာကို BMSM ၏ နိုင်ငံလုံးဆိုင်ရာ ဌာချုပ်အဖြစ် အသုံးပြုသွားမည်ဖြစ်ပြီး ၂၀၁၈ ခုနှစ် သြဂုတ်လတွင် ဆောက်လုပ်ပြီးစီးရန် ရည်မှန်းထားသည်။

    လိုကမူ ပူထရာဂျာယာတွင် နေထိုင်ကြသူများ၊ အလုပ်လုပ်သူများ စုစုပေါင်း ၂၀၀၀ ခန့်အတွက် သက်တောင့်သက်သာ ဘုရှားရှစ်ခိုးနိုင်မည့်နေရာ ဖြစ်လာမည်ဟု ထည့်သွင်း ပြောကြားခဲ့သည်။

    အုတ်မြစ်ချမှု မြင်ကွင်း

    ပူထရာဂျာယာရှိ BMSM ဌာနခွဲက ဘာသာပေါင်းစုံ သဟဇာတဖြစ်ရေး၊ မလေးရှားရှိ ဘာသာတရား များအကြား နားလည်းမှု ပိုမိုဖြစ်ထွန်းလာနိုင်ရေးကို အားပေးသော လှုပ်ရှားမှုများကို ပြုလုပ်သွားမည်ဖြစ်သည်။

    မလေးရှားတရုတ်အသင်း (MCA) ဥက္ကဌ ဒါတွတ် ဆရီ ဒေါက်တာ ၀ီ ကာ ဆွန်က ၎င်းတို့အဖွဲ့အနေဖြင့် စင်တာဆောက်လုပ်ရေးအတွက် ရင်းဂစ် ၁ သိန်း လှူဒါန်းသွားမည်ဟု ပြောကြားခဲ့သည်။

    BMSM ကို ၁၉၆၂ ခုနှစ်တွင် ဘုန်းတော်ကြီး ဒေါက်တာ ကေ ဆရီ ဓမ္မနန္ဒက ဗုဒ္ဓသာသနာ ပြန့်ပွားရေးအတွက် ဖွဲ့စည်းခဲ့ခြင်းဖြစ်ကာ လက်ရှိတွင် နိုင်ငံတစ်ဝှမ်း အသင်းဝင်ပေါင်း ၁၁၀၀၀ ခန့် ရှိနေသည်။

    ထိုအဖွဲ့မှာ မလေးရှား ဗုဒ္ဓဘာသာ၊ ခရစ်ယာန်၊ ဟိန္ဒူ၊ ဆစ်ခ်နှင့် တာအို ဘာသာများဆိုင်ရာ အကြံပေးကာင်စီကို ပူးတွဲတည်ထောင်အသည့် အဖွဲ့လည်းဖြစ်ပြီး အခြားသော ဘာသာပေါင်းစုံအဖွဲ့များတွင်လည်း ပါဝင်သည်။

    နိုင်ငံတော် ဗုဒ္ဓဘာသာစင်တာ အုတ်မြစ်ချပွဲ အခမ်းအနားသို့ BMSM မှ ဘာသာရေးဆိုင်ရာ အကြံပေးဘုန်းတော်ကြီး မာဟင်ဒါ၊ အဖွဲ့အကြံပေး ဒါတွတ် အန်ချိုဟွန်း၊ မလေးရှား သံဃမဟာနာယက ဆရာတော်ကြီး ဒါတွတ် ကေ ဆရီ ဓမ္မ ရတ္တနာ၊ မလေးရှားနိုင်ငံဆိုင်ရာ ထိုင်းနိုင်ငံသံအမတ်ကြီး၊ မလေးရှားနိုင်ငံဆိုင်ရာ သီရိလင်္ကာ သံအမတ်ကြီးတို့ တက်ရောက်ခဲ့ကြသည်။

    Ref: The Star

  • ဗုဒ္ဓဘာသာမှာ ယနေ့ခေတ်နှင့် သင့်လျော်သည့်ဘာသာဟု အိန္ဒိယသမ္မတ ပြော

    ဗုဒ္ဓဘာသာမှာ ယနေ့ခေတ်နှင့် သင့်လျော်သည့်ဘာသာဟု အိန္ဒိယသမ္မတ ပြော

    မတ် ၂၂၊ ၂၀၁၇
    M-Media

    – အကြမ်းဖက်မှုတွေ၊ တိုက်ခိုက်မှုတွေ ဖြစ်ပွားနေတဲ့ အခုအချိန်မှာ ဗုဒ္ဓဘာသာက လူသားတွေနဲ့ သင့်လျော်တဲ့ ဘာသာတစ်ခုဖြစ်တယ်လို့ အိန္ဒိယသမ္မတ မူခါဂျီက ပြောကြားလိုက်ပါတယ်။

    အိန္ဒိယနိုင်ငံ ဘီဟာရ်ပြည်နယ် နာလန်ဒါခရိုင် ရဂ်ျဂီးရ်မှာ ပြီးခဲ့တဲ့တစ်ပတ်က ပြုလုပ်ခဲ့တဲ့ ‘ဗုဒ္ဓဘာသာဆိုင်ရာ နိုင်ငံတကာ အစည်းအဝေး’ မှာ သမ္မတက ဒီလို ပြောကြားလိုက်တာဖြစ်ပြီး ဗုဒ္ဓဘာသာရဲ့ ဒဿနတွေဟာ အကြမ်းဖက်မှုတွေ အဆိုးဆုံးဖြစ်နေတဲ့ ဒီနေခေတ်ကာလ အထူးသဖြင့် ‘ဖြေရှင်းလို့ မရနိုင်တဲ့ ပြဿနာတွေနဲ့ လုံးပမ်
းနေရတဲ့ ကမ္ဘာကြီးအတွက်’ အံဝင်ခွင်ကျ ဖြစ်နေတယ်လို့လည်း ဆိုပါတယ်။

    အစည်းအဝေးကို “၂၁ ရာစု ဗုဒ္ဓ၀ါဒ – ကမ္ဘာလုံးဆိုင်ရာ စိန်ခေါ်မှုများနှင့် ပြဿနာအတွက် အမြင်များနှင့် တုန့်ပြန်မှုများ” ဆိုတဲ့ ခေါင်းစဉ်နဲ့ ကျင်းပပြုလုပ်ခဲ့တာဖြစ်ပြီး နိုင်ငံပေါင်း ၃၅ နိုင်ငံက ဗုဒ္ဓဘာသာပညာရှင်တွေ၊ ဘုန်းတော်ကြီးတွေနဲ့ ကိုယ်စားလှယ်အဖွဲ့တွေ တက်ရောက်ခဲ့ပါတယ်။

    Nava Nalanda Mahavihara တက္ကသိုလ်က ဦးစီးကျင်းပတဲ့ ဒီအစည်းဝေးကို သောကြာနေ့မှာ စတင်ခဲ့တာဖြစ်ပြီး စနေနေ့မှာတော့ တိဘက်ဘုန်းတော်ကြီး ဒလိုင်းလားမားက အထူးမိန့်ခွန်း ပြောကြားခဲ့ပါတယ်။

    “ကမ္ဘာ့ ဘယ်နေရာမှာမှ အကြမ်းဖက်မှုဒဏ်နဲ့ မလွတ်ပါဘူး။ ဒီပြဿနာဟာ အားလုံးမှာ ပြန့်နှံ့နေပါတယ်” လို့ သမ္မတ မူခါဂျီက ဆိုပြီး “ဗုဒ္ဓ၀ါဒဟာ လူ့အဖွဲ့အစည်းမှာ နက်နက်ရှိုင်းရှိုင်း လွှမ်းမိုးနေတယ်” လို့လည်း ပြောကြားခဲ့ပါတယ်။

    နောက်ပြီး နာလန်ဒါတက္ကသိုလ်ဟာ ရှေးခေတ်အိန္ဒိယမှာ အင်မတန်တော်တဲ့ ကျောင်းသားတွေ၊ ဆရာတွေကို စွဲဆောင်နိုင်ခဲ့တဲ့ ပညာရေးစနစ်ကို ရောင်ပြန်ဟပ်နေကြောင်း ပြောကြားခဲ့ပြီး၊ ဗုဒ္ဓဘုရားရှင်ရဲ့ ရိုးရှင်းတဲ့ အမှန်တရားနဲ့ ပြသခဲ့တဲ့ လမ်းကို လျှောက်လမ်းခြင်းအားဖြင့် နိုင်ငံသားကောင်းတွေဖြစ်နိုင်ပြီး မိမိတို့တိုင်းပြည်ကို နေထိုင်လို့ ပိုကောင်းတဲ့နေရာတစ်ခုအဖြစ် လုပ်ဆောင်ရာမှာ အကူအညီဖြစ်စေတယ်ဆိုတာကို တွေ့ရတဲ့အတွက် အစည်းအဝေးကို တက်ရောက်လာသူတွေအနေနဲ့ ဒီတရားတွေ ပြန့်နှံ့ဖို့အတွက် နှစ်ဆတိုး အားထုတ်ကြဖို့ တိုက်တွန်းခဲ့ပါတယ်။

    Nava Nalanda Mahavihara တက္ကသိုလ်မှာ ကမ္ဘာ့ ပထမဆုံး ဗုဒ္ဓဘာသာဆိုင်ရာ သိပ္ပံဌာနတစ်ခု ဖွင့်လှစ်နိုင်မှုကိုလည်း သမ္မတက ချီးကျူးခဲ့ပါတယ်။

    Ref: The Hindu

  • တရုတ်နိုင်ငံတွင် နှစ် ၆၀၀ သက်တမ်းရှိ ဗုဒ္ဓဆင်းတုတော်တစ်ဆူ တွေ့ရှိ

    တရုတ်နိုင်ငံတွင် နှစ် ၆၀၀ သက်တမ်းရှိ ဗုဒ္ဓဆင်းတုတော်တစ်ဆူ တွေ့ရှိ

    ဇန်န၀ါရီ ၁၆၊ ၂၀၁၇
    M-Media

    – တရုတ်နိုင်ငံတောင်ပိုင်း ရှန်းကျီ ပြည်နယ်ရှိ ရေလှောင်တမံတစ်ခုတွင် နှစ်ပေါင်း ၆၀၀ သက်တမ်းရှိ ကျောက်ထွင်း ဗုဒ္ဓရုပ်ပွားတော်တစ်ဆူကို တွေ့ရှိခဲ့ရသည်ဟု သိရသည်။

    အဆိုပါ ရေလှောင်ကန်အား ပြုပြင်ထိန်းသိန်းမှုများ ပြုလုပ်ရန်အတွက် ရေများ ၁၀ မီတာကျော်အထိ ကျသွားသည့်အချိန်တွင် ဒေသခံရွာသားတစ်ဦးက ရုပ်ပွားတော်၏ ဦးခေါင်းတော် ထိပ်ပိုင်းကို တွေ့ရှိခဲ့ခြင်းဖြစ်သည်ဟု Xinhua သတင်းဌာနက ဖော်ပြခဲ့သည်။

    ဉာဏ်တော် ၁၂.၅ ပေရှိသည့် အဆိုပါရုပ်ပွားတော်မှာ ချောက်ကမ်းပါးတစ်ခုတွင် ထွင်းထုထားခြင်းဖြစ်သည်။ ထိုကဲ့သို့ တွေ့ရှိမှုကို ကံကောင်းခြင်းနိမိတ်ဟု ယူဆကာ ဒေသတွင်းနှင့် ကမ္ဘာလှည့်ခရီးသွားများ တစ်ဖွဲဖွဲ လာရောက်ကြည့်ရှုနေကြသည်။

    ရှေးဟောင်းသုတေသနပညာရှင်များကမူ အဆိုပါ ရုပ်ပွားတော်မှာ မင်မင်းဆက် (၁၃၆၈-၁၆၄၄) ခန့်က ဖြစ်မည်ဟု ပြောကြားခဲ့ကြသည်။

    “ရုပ်ပွားတော်ကို ကနဦးလေ့လာမှုတွေအရ ဒါဟာ မင်မင်းဆက်အစောပိုင်းကာလတွေမှာ ထွင်းထုပူဇော်ခဲ့တာ ဖြစ်နိုင်ပါတယ်။ ဒီထက်စောပြီး ယန်မင်းဆက်လက်ထက်ကလည်း ဖြစ်ကောင်းဖြစ်နိုင်ပါတယ်” ဟု ရှန်းကျီပြည်နယ် ရှေးဟောင်းသုတေသနဆိုင်ရာအသင်းမှ ဒါရိုက်တာဖြစ်သူ ဇူချန်ကင်းက ပြောကြားခဲ့သည်။

    ထိုရုပ်ပွားတော်မှာ ရှေးဟောင်းသမိုင်းဝင်နေရာတစ်ခု၏ အစလည်း ဖြစ်ဖွယ်ရှိနေသည်။ ရေလှောင်ကန်၏ အောက်တွင်မူ ဘုရားကျောင်းခန်း၏ အခြေကိုလည်း တွေ့ရှိခဲ့သည်။ ဒေသခံမျာကမူ အဆိုပါ ရေလှောင်ကန်မှာ ရှေးဟောင်း ရှာရှီမြို့ပျက်တွင် တည်ရှိနေခြင်း ဖြစ်မည်ဟု ပြောကြားခဲ့သည်။

    ဇူချန်ကင်းကမူ လက်ရှိတွင် ရေအောက် ရှေဟောင်းသမိုင်းအဖွဲ့က အဆိုပါ မြို့ပျက်နှင့် ဆင်းတုတော်တို့အား ဆန်းစစ်မှုများနှင့် ပြုပြင်ထိန်းသိမ်းရေးအစီအစဉ်များကို ဆောင်ရွက်နေသည်ဟု ပြောကြားခဲ့သည်။ ထို့ပြင် ဆင်းတုတော် ထိုကဲ့သို့ ရေအောက်မြုပ်နေခြင်းကပင် ရုပ်ပွားတော်အား ပုံစံမပျက် ရှိစေခဲ့သည်ဟုလည်း ဆိုသည်။

    “ဆင်းတုတော်က ရေအောက်မှာ ရောက်မနေဘူးဆိုရင်၊ ရာသီဥတုဒဏ်၊ ဓာတ်တိုးမှုဒဏ်နဲ့ အခြားအန္တရာယ်တွေကို ခံစားရမယ်လို့ ကျွန်တော်တို့ ယူဆပါတယ်”

    တရုတ်နိုင်ငံမှာ ကျောက်တောင်များတွင် ထုဆစ်ပူဇော်ထားသည့် ဗုဒ္ဓရုပ်ပွားတော်များ၊ ဂူထွင်းအနုပညာလက်များကြောင့် ထင်ရှားပြီး Leshan Giant Buddha ရုပ်ပွားတော်မှာ ကမ္ဘာ့အကြီးဆုံး ရုပ်ပွားတော်လည်း ဖြစ်သည်။

    Ref: CNN

  • အိန္ဒိယတွင် ဟိန္ဒူများ ဗုဒ္ဓဘာသာသို့ အစုလိုက်အပြုံလိုက် ကူးပြောင်း

    အိန္ဒိယတွင် ဟိန္ဒူများ ဗုဒ္ဓဘာသာသို့ အစုလိုက်အပြုံလိုက် ကူးပြောင်း

    ဒီဇင်ဘာ ၇၊ ၂၀၁၆
    M-Media

    india-3

    – ဟိန္ဒူအမျိုးသားရေးဝါဒီများ ကြီးစိုးရာ ဂူဂျာရတ်ပြည်နယ်တွင် ဒါလစ် ဇာတ်နိမ့်မျိုးနွယ်မှ လူပေါင်း ၁၀၀ ကျော်မှာ ဗုဒ္ဓဘာသာကို ကူးပြောင်းလာကြပြီး၊ အဆိုပါ ဘာသာကူးပြောင်းပွဲ အစီအစဉ်ကို အာဏာပိုင်များက ခွင့်ပြုချက်မပေးခဲ့ဟု သိရသည်။

    အိန္ဒိယရှိ ဇာတ်နိမ့်များအတွက် လွတ်မြောက်ရေး ကြိုးပမ်းသူဖြစ်ပြီး ဇာတ်နိမ့်များ ဗုဒ္ဓဘာသာသို့ကူးပြောင်းရေး လှုပ်ရှားခဲ့သော ဒေါက်တာ ဘီ အာရ် အမ်ဘဒ်ကာရ် ကွယ်လွန်သည့် နှစ် ၆၀ ပြည့်အဖြစ် ယမန်နေ့က ပြုလုပ်ခဲ့သော အခမ်းအနားတွင် အဆိုပါ ဘာသာကူးပြောင်းမှု အစီအစဉ်ကို ဆောင်ရွက်ခဲ့ခြင်းဖြစ်သည်။

    ဇာတ်နိမ့်တစ်ဦးဖြစ်သူ အလ်ဘဒ်ကာရ်မှာ ဥပဒေ၊ နိုင်ငံရေးနှင့် စီးပွားရးပညာရှင်တစ်ဦး ဖြစ်ပြီး အိန္ဒိယ ဖွဲ့စည်းပုံအခြေခံဥပဒေ ရေးဆွဲရာတွင် ထဲထဲဝင်ဝင် ပါဝင်ခဲ့သူ ဖြစ်သည်။

    ဘာနက်စ်ကန်သာ ခရိုင်ရှိ ရာမာပီရ် ဘုန်းကြီးကျောင်းတွင် ပြုလုပ်သော အဆိုပါဘာသာကူးပြောင်းပွဲအခမ်းအနားကို ဒါလစ်ဇာတ်နိမ့်အဖွဲ့အစည်း Banaskantha District Dalit Sangathan က စီစဉ်ခြင်းဖြစ်ပြီး လူပေါင်း ၁၅၅ ဦး ဗုဒ္ဓဘာသာသို့ ကူးပြောင်းခဲ့သည်။

    “အူနာမြို့မှာ ဇာတ်နိမ့်တွေအပေါ် ရက်စက်ကြမ်းကြုတ်မှုတွေ ဖြစ်ပွားခဲ့ပြီးတဲ့နောက် ဗုဒ္ဓဘာသာကို ကူးပြောင်းဖို့ ဆုံးဖြတ်လိုက်တာပါ။ ဂူဂျာရတ်မှာ ဒါလစ်ဇာတ်နိမ့်တွေအပေါ် မြင့်တက်လာတဲ့ ခွဲခြားဆက်ဆံမှုတွေ၊ ရက်စက်ကြမ်းကြုတ်မှုတွေကို ကျွန်တော်တို့ လူ့အဖွဲ့အစည်းက ကာကွယ်ချင်ပါတယ်” ဟု အခမ်းအနားကို စီစဉ်သူ ဒါလ်ပတ်ဘိုင် ဘဟာတီယာက ပြောကြားခဲ့သည်။

    ယခုနှစ်အစောပိုင်းတွင် အူနာမြို့၌ ဇာတ်နိမ့်လူငယ်တစ်စုက နွားတစ်ကောင်အား သတ်ဖြတ်သည်ဟုဆိုကာ ဟိန္ဒူဇီဝိတဒါနအဖွဲ့မှ ရိုက်နှက်မှုဖြစ်ပွားခဲ့ပြီးနောက် ပြည်နယ်တစ်ခုလုံး ပြန့်နှံခဲ့ပြီး ဇာတ်နိမ့်များကလည်း ဆန္ဒပြမှုများ အကြီးအကျယ် ပြုလုပ်ခဲ့ကြသည်။

    “အူနာအဖြစ်အပျက် ဖြစ်ပွားပြီးတဲ့နောက်ပိုင်း ဒီနေ့ကျရင် ဇာတ်နိမ့် ၁၉၁ ဦး ဗုဒ္ဓဘာသာကို ကူးပြောင်းမယ်လို့ ကျွန်တော်တို့ ခရိုင်အုပ်ချုပ်ရေးအဖွဲ့ကို သွားပြောထားပြီးသာပါ။ အဲဒီအထဲက ၁၅၅ ဦးဟာ ပိုဘန်ဒါက ရဟန်းတစ်ပါးရဲ့ ဆုံးမသြ၀ါဒအောက်မှာ ဒီနေ့ ဘာသာကူးပြောင်းခဲ့တာပါ” ဟု ဘဟာတီယာက ထည့်သွင်း ပြောကြားခဲ့သည်။

    “ဟိန္ဒိူအချင်းချင်းဖြစ်တာတောင်မှ ကျွန်တေ်ာတို့က ဇာတ်နိမ့်ဖြစ်နေတာကြောင့် ဘုရားကျောင်းထဲ ၀င်ခွင့်မရဘူး။ နာဝါရာထရီဘုရားပွဲမှာ ကပြပူဇော်ခွင့် မရဘူး၊ ဘုံရေတွင်းကနေ ရေဆွဲပြီး အသုံးပြုခွင့် မရပါဘူး။ ဒါ့ကြောင့် ဟိန္ဒူဖြစ်နေစရာလည်း ဘာအကြောင်းမှ မရှိဘူးဗျ။ ဒါ့ကြောင့်ပဲ ဗုဒ္ဓဘာသာကို ကူးပြောင်းဖို့ ကျွန်တော်တို့ ဆုံးဖြတ်ခဲ့တာပါ” ဟု သာသမီး ၃ ဦးနှင့်အတူ ဘာသာပြောင်းလာခဲ့သည့် အမ်ရွတ် ဗာလ်မီကီက ပြောကြားခဲ့သည်။

    ဘာနက်စ်ကန်သာ ခရိုင်မှ တာဝန်ရှိသူ ဂျီနူ ဒီဝမ်က အုပ်ချုပ်ရေးအဖွဲ့မှာ အဆိုပါ ဘာသာကူးပြောင်းမှု အစီအစဉ်အတွက် ခွင့်ပြုချက် မပေးခဲ့ဟု ပြောကြားခဲ့သည်။

    “ဘာသာကူးပြောင်းခွင့်အတွက် ခွင့်ပြုချက်တောင်းတာကို စောစောကတည်းက ကျွန်တော်တို့ ပယ်ချခဲ့ပြီးသားပါ။ ဒီနေ့အခမ်းအနားအတွက် ကျွန်တော်တို့ ခွင့်ပြုချက် မပေးထားပါဘူး။ စုံစမ်းစစ်ဆေးမှုတွေ ပြုလုပ်သွားမှာပါ”

    အောက်တိုဘာလကလည်း ဂူဂျာရက်ပြည်နယ်နှင့် နဂ်ပူးရ်ပြည်နယ်များတွင် ဇာတ်နိမ့် ၃၀၀ ကျော်မှာ ဗုဒ္ဓဘာသာကို ကူးပြောင်းခဲ့ကြသည်။ ထိုကဲ့သို့ ကူးပြောင်းမှု၏ အဓိကအကြောင်းအရင်းမှာ အူနာမြို့တွင် ဒါလစ်များ အကြမ်းဖက်ခံရမှု ဖြစ်သည်။

    Ref : outlookindia.com