News @ M-Media

Tag: Buddhist nationalism

  • သွေးကြွသူတစ်စုကြောင့် ထေရ၀ါဒသာသနာ ညှိုးနွမ်းတော့မှာလား

    သွေးကြွသူတစ်စုကြောင့် ထေရ၀ါဒသာသနာ ညှိုးနွမ်းတော့မှာလား

    ဇူလိုင် ၁၄၊ ၂၀၁၉
    M-Media

    သီရိလင်္ကာရောက် သီတဂူဆရာတော်

    -ဗုဒ္ဓဘာသာဘုန်းကြီးတစ်ပါး တပျင်ခွေထိုင်ကာ အစ္စလာမ်သာသနာအကြောင်း မကောင်းပြောနေစဉ်မှာပဲ အနီးအနား နေရာတစ်ခုက မီးလောင်ဗုံးပစ်သံ ပေါ်ထွက်လာပါတယ်။

    ဒါပေမယ့် ဘုန်းတော်ကြီး Ambalangoda Sumedhananda Thero တစ်ယောက် ဒီအသံကို မသိလိုက် မသိဖာသာပဲ နေလိုက်ပါတယ်။ ညဘက်တိုက်ခတ်လာတဲ့ လေအေးအေးနဲ့အတူ ပါလာတဲ့ ခြင်တစ်အုပ်ကို လက်နဲ့ ဝှေ့ယမ်းဖယ်ရှားပြီး မွတ်စလင်မုန်းတီးရေး တရားကို သူက ဆက်ဟောနေပါတယ်။ သီရိလင်္ကာနိုင်ငံ တောင်ပိုင်း Gontota မြို့မှာဖြစ်ပြီး မွတ်စလင်တွေဟာ အကြမ်းဖက်သမားတွေ၊ ကျူးကျော်သိမ်းပိုက်သူတွေလို့ သူက ပြောနေတာပါ။

    “မွတ်စလင်တွေရဲ့ ရည်ရွယ်ချက်က ငါတို့တိုင်းပြည်ကို သိမ်းဖို့နဲ့ ငါတို့တန်ဖိုးထားတဲ့အရာတွေ အားလုံးကို လုယူဖို့ပဲ။ တစ်ချိန်က ဗုဒ္ဓဘာသာနိုင်ငံတွေဖြစ်ခဲ့တဲ့ အာဖဂန်နစ္စတန်၊ ပါကစ္စတန်၊ ကက်ရ်ှမီးယား၊ အင်ဒိုနီးရှားတို့ ဘာဖြစ်သွားလဲဆိုတာကို ကြည့်လိုက်။ အစ္စလာမ်က အဲဒီနိုင်ငံတွေအားလုံးကို ဖျက်ဆီးခဲ့တာ”

    မိနစ်အနည်းငယ်အကြားမှာ ကပ္ပိယတစ်ဦးက ဘုန်းတော်ကြီးအနားကို ကပျာကယာ ၀င်ရောက်လာပြီး အနီးအနားက ဗလီတစ်လုံး မီးလောင်ဗုံးနဲ့ မီးရှို့ခံလိုက်ရတဲ့သတင်းကို ပြောပြခဲ့ပါတယ်။ ဘုန်းတော်ကြီးကတော့ လက်ကိုခါပြကာ ပခုံးတွန့်ပြလိုက်တာပါပဲ။

    သူဟာ လူများစု ဗုဒ္ဓဘာသာဝင်တွေအတွက်ပဲ တာဝန်ရှိပြီး တိုင်းပြည်လူဦးရေရဲ့ ၁၀ ရာခိုင်နှုန်းသာရှိတဲ့ မွတ်စလင်တွေကတော့ သူနဲ့မဆိုင်ဘူးလို့ ယူဆပုံပါ။

    Sumedhananda Thero လို့ သြဇာကြီးတဲ့ ဘုန်းကြီးအုပ်စုတွေရဲ့ လှုံ့ဆော်မှုနဲ့အတူ ဗုဒ္ဓဘာသာဝင်တစ်ချို့ သွေးကြွတဲ့ခေတ်ကို ၀င်ရောက်လာခဲ့ပြီး သူတို့ကတော့ ပြင်ပ ပရောဂါတွေကနေ ဘာသာတရားကို ကာကွယ်နေတဲ့ ဘာသာရေးသူရဲကောင်းကြီးတွေအဖြစ် ကိုယ့်ကိုယ်ကို မှတ်ယူနေကြပါတယ်။

    သူတို့ရဲ့ ဒီအတွေးအခေါ်တွေဟာ တကယ်တော့ သမ္မာဒိဌိ မကျသလို၊ ဖြစ်နိုင်ချေလည်း မရှိပါဘူး။ အစွန်းရောက် ဘာသာရေး-လူမျိုးရေး လှုပ်ရှားမှုတွေ လုပ်ဆောင်ရာမှာ ရှေ့တန်းကိုရောက်လာတဲ့ သီရိလင်္ကာနဲ့ မြန်မာနိုင်ငံတို့မှာ ဗုဒ္ဓဘာသာဝင်တွေက လူများစု ဖြစ်ပါတယ်။

    ဒါပေမယ့် အချို့ ဗုဒ္ဓဘာသာဝင်တွေ – အထူးသဖြင့် ထေရ၀ါဒသန့်သန့်ကိုမှ လိုက်နာကြတဲ့ ဗုဒ္ဓဘာသာဝင်တွေကတော့ သူတို့ဟာ အစ္စလာမ်ဘာသာရဲ့ ခြိမ်းခြောက်မှုကို ခံနေရပြီလို့ ယုံကြည်နေကြပါတယ်။ တကယ်တော့ အစ္စလာမ်သာသနာ ကိုယ်တိုင်က အစွန်းရောက်နောက်လိုက်တွေရဲ့ဒဏ်ကို အလူးအလဲ ခံစားနေရတာ ဖြစ်ပါတယ်။

    အမည်ခံ ဗုဒ္ဓဘာသာနဲ့ အမည်ခံအစ္စလာမ်တို့ ထိပ်တိုက်တွေကြတဲ့အခါမှာတော့ ဗုဒ္ဓဘာသာဝင်အချို့ဟာ သူတို့ ဘာသာသာသနာရဲ့ ငြိမ်းချမ်းတဲ့ အဆုံးအမတွေကို စွန့်လွှတ်လိုက်ကြပါတယ်။ ပြီးခဲ့တဲ့နှစ်အနည်းငယ်အတွင်း ဗုဒ္ဓဘာသာဝင်တွေဟာ လူနည်းစု မွတ်စလင်တွေအပေါ် ဆိုးဆိုးဝါးဝါး တိုက်ခိုက်မှုတွေ လုပ်ဆောင်လာကြပါတယ်။

    ဗုဒ္ဓဘာသာ အမျိုးသားရေး ၀ါဒီတွေကလည်း အစွန်းရောက် ဘုန်းကြီးတွေရဲ့ သြဇာကို အသုံးချပြီး လူထုရဲ့ ထောက်ခံမှုကို ရယူလာကြပါတယ်။

    “အရင်တုန်းက ဗုဒ္ဓဘာသာဝင်တွေဟာ ကျွန်တော်တို့ကို အခုလို မမုန်းပါဘူး။ အခုတော့ ဘုန်းကြီးတွေက ကျွန်တော်တို့ဟာ ဒီနိုင်ငံနဲ့မဆိုင်ဘူး၊ ကျွန်တော်တို့ကို မောင်းထုတ်သင့်တယ်လို့ ၀ါဒဖြန့်ကြတယ်။ ဒါပေမယ့် ကျွန်တော်တို့ ဘယ်သွားရမလဲ။ ဒါက ကျွန်တော်တို့အိမ်ပဲ” လို့ Gintota မြို့ Hillur ဗလီက ရှေ့ဆောင်အီမာမ် မိုဟာမက် နာဆီရ်က ပြောကြားခဲ့ပါတယ်။ Hillur ဗလီကို ဗုဒ္ဓဘာသာလူအုပ်က ၂၀၁၇ ခုနှစ်မှာ တိုက်ခိုက်ခဲ့ပါတယ်။

    ပြီးခဲ့တဲ့လတုန်းကလည်း သြဇာကြီးတဲ့ ဘုန်းကြီးတစ်ပါး အစာငတ်ခံ ဆန္ဒပြတဲ့အတွက် သီရိလင်္ကာအစိုးရအဖွဲ့ဝင် မွတ်စလင်ဝန်ကြီး ၅ ဦး ရာထူးကနေ နှုတ်ထွက်ပေးခဲ့ရပါတယ်။ ဧပြီလက အီစတာနေ့မှာ ခရစ်ယာန်ဘုရားကျောင်းတွေနဲ့ ဟိုတယ်တွေကို IS အကြမ်းဖက်အဖွဲ့က တိုက်ခိုက်မှုမှာ မွတ်စလင်နိုင်ငံရေးသမားတွေ ပူးပေါင်းပါဝင်ခဲ့တယ်လို့ အဲဒီဘုန်းကြီးက ပြောကြားခဲ့ပါတယ်။ တိုက်ခိုက်မှုအတွင်း လူ ၂၅၀ ကျော် သေဆုံးခဲ့ပါတယ်။

    မြန်မာနိုင်ငံမှာလည်း လူမျိုးစုလိုက် ရှင်းလင်းရေး လှုပ်ရှားမှုကြောင့် နိုင်ငံအတွင်းက မွတ်စလင်တော်တော်များများ အစုလိုက်အပြုံလိုက် ထွက်ပြေးခဲ့ရပါတယ်။ မွတ်စလင်တွေဟာ နိုင်ငံလူဦးရေရဲ့ ၅ ရာခိုင်နှုန်းအောက်သာ ရှိပေမယ့် ဘုန်းကြီးတွေကတော့ အစ္စလာမ့်မစ် ကျူးကျော်မှုကို သတိထားရမယ်လို့ လှုံ့ဆော်နေပါတယ်။

    မေလက ရမ်ဇာန်ဥပုသ်လမှာလည်း ဗုဒ္ဓဘာသာလူအုပ်က ၀တ်ပြုဆောင်တွေကို လာဝိုင်းလို့ မွတ်စလင်ဝတ်ပြုသူတွေ ထွက်ပြေးခဲ့ရပါတယ်။

    ခန္တီစ သည်းခံခြင်းတရားတွေ၊ မေတ္တာတရားတွေနဲ့ ထုံးမွှမ်းထားတဲ့ သွန်သင်မှုတွေကြောင့် ဗုဒ္ဓဘာသာရဲ့ ပုံရိပ်ဟာ အရင်က ရန်လို သွေးကြွမှုတွေနဲ့ ဆက်နွယ်တာမျိုး မရှိခဲ့ပါဘူး။ ဒါပေမယ့် ‘ငြိမ်းချမ်းရေး’ ဆိုတာကို ဘယ်ဘာသာကမှ အကြာကြီး မောင်ပိုင်စီးထားလို့ မရပါဘူး။ ဗုဒ္ဓဘာသာဝင်တစ်ချို့လည်း စစ်ဆာလာနေကြပါပြီ။

    “သူတို့ဟာ အကြမ်းဖက်မှုတွေနဲ့ ဘယ်တုန်းကမှ မပတ်သက်ဘူးလို့ ဗုဒ္ဓဘာသာဘုန်းကြီးတွေက ပြောကြလိမ့်မယ်။ ဒါပေမယ့် ဗုဒ္ဓဘာသာနဲ့ ဗုဒ္ဓဘာသာနိုင်ငံတွေကို ဘယ်လိုနည်းနဲ့မဆို ကာကွယ်ရမယ်လို့ ပြောတာလည်း သူတို့ပါပဲ” လို့ ဒိန်းမတ်နိုင်ငံ Aarhus တက္ကသိုလ်က မနုဿဗေဒပညာရှင် ဒေါက်တာ မီကေးလ် ဂရာဗားစ်က ပြောကြားခဲ့ပါတယ်။ သူဟာ ဗုဒ္ဓဘာသာနဲ့ အမျိုးသားရေးဝါဒတို့ရဲ့ ဆုံမှတ်ကို လေ့လာနေသူတစ်ဦး ဖြစ်ပါတယ်။

    တစ်ကျိပ်တည်း တစ်ဉာဏ်တည်း

    ပြီးခဲ့တဲ့မေလ ရန်ကုန်မြို့မှာ လူထောင်ချီပါဝင်တဲ့ ဆန္ဒပြမှုအတွင်း အရှင်ဝီရသူက စစ်တပ်ကို ချီးကျူးပြောဆိုခဲ့ပါတယ်။ အရှင်ဝီရသူဟာ တစ်ချိန်က အမုန်းစကားပြောကြားမှုကြောင့် ထောင်ကျခဲ့ဖူးသူ ဖြစ်ပါတယ်။

    ၂၀၁၇ ခုနှစ် သြဂုတ်လကစလို့ မြန်မာနိုင်ငံက ရိုဟင်ဂျာ ၇ သိန်းကျော်လောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။ စစ်တပ်နဲ့ သူ့ကိုထောက်ခံတဲ့အုပ်စုတွေရဲ့ လူမျိုးစုလိုက် သုတ်သင်ရှင်းလင်းမှု အစီအစဉ်ကြောင့် ဒီလို ထွက်ပြေးခဲ့ရတာဖြစ်ပါတယ်။ ဗုဒ္ဓဘာသာလူအုပ်စုတွေနဲ့ လုံခြုံရေးတပ်ဖွဲ့တွေက ရိုဟင်ဂျာတွေကို သတ်ဖြတ်တာ၊ အဓမ္မကျင့်တာ၊ ရာနဲ့ချီတဲ့ ရွာတွေကို
    ပြောင်ရှင်းနေအောင် မီးရှို့ဖျက်ဆီးတာတွေ လုပ်ဆောင်ခဲ့တယ်လို့ သတင်းတွေလည်း ထွက်ခဲ့ပါတယ်။

    အရှင်ဝီရသူဟာ ဗုဒ္ဓဘာသာရဲ့ အကြမ်းမဖက်တဲ့ သင်ကြားမှုတွေကို ဆန့်ကျင်သူပါ။ လွှတ်တော်ထဲက စစ်တပ်ကိုယ်စားလှယ်တွေကို ဘုရားလို ကိုးကွယ်ရမယ်လို့လည်း သူက ချီတက်ပွဲမှာ ပြောကြားခဲ့ပါတယ်။

    “အမျိုး၊ ဘာသာ၊ သာသနာကို ကာကွယ်တာ စစ်တပ်တစ်ခုပဲရှိတယ်”

    ရိုဟင်ဂျာတွေကို ဖိနှိပ်ချုပ်ချယ်မှုနဲ့ပတ်သက်ပြီး စစ်တပ်ကို တရားစွဲဆိုဖို့ တိုက်တွန်းတဲ့ နိုင်ငံတကာ ရာဇ၀တ်ခုံရုံး (ICC) ရဲ့ ဆုံးဖြတ်ချက်ကို ပြီးခဲ့တဲ့နှစ် အောက်တိုဘာလကပြုလုပ်ခဲ့တဲ့ ဆန္ဒပြပွဲတစ်ခုမှာ အရှင်ဝီရသူက ရှုတ်ချခဲ့ပါတယ်။

    ဒီဘုန်းကြီးဟာ လက်နက်ကိုင်မယ်လို့တောင် ကြုံးဝါးခဲ့သူပါ။

    “ICC လာတဲ့နေ့ဟာ ၀ီရသူ သေနတ်ကိုင်တဲ့နေ့ပဲ” လို့ New York Times သတင်းစာနဲ့ အင်တာဗျူးမှာ ပြောကြားခဲ့ပါတယ်။

    အရှင်ဝီရသူလို ဘုန်းကြီးတွေဟာ အစွန်းရောက် ဗုဒ္ဓဘာသာ အမျိုးသားရေးဝါဒရဲ့ ကိုင်းဖျားကိုင်းနားလောက်သာ ဖြစ်ပြီး လူအများ လေးစားကြည်ညိုခြင်းခံရတဲ့ ဘုန်းကြီးတွေလည်း ဒီကိစ္စမှာ ပါဝင်နေပါတယ်။

    အဲဒီအထဲမှာ သက်တော် ၈၂ နှစ်ရှိပြီး မြန်မာနိုင်ငံက သြဇာအကြီးဆုံး ဘုန်းတော်ကြီးဖြစ်တဲ့ အရှင်ညာဏိဿရလည်း ပါဝင်ပါတယ်။ သူ့ကို သီတဂူဆရာတော်လို့ သိကြပါတယ်။

    ရွာတွေမီးရှို့ခံရလို့ သိန်းချီတဲ့ ရိုဟင်ဂျာမွတ်စလင်တွေ ထွက်ပြေးနေရချိန် သီတဂူဆရာတော်က စစ်တပ်အကြီးအကဲတွေကို “မွတ်စလင်တွေက ကုလသမဂ္ဂကို ၀ယ်လိုက်ပြီ” ဆိုတဲ့ တရားမျိုး ဟောသူပါ။

    စစ်တပ်နဲ့ ဘုန်းကြီးတွေရဲ့ တစ်ကျိပ်တည်း တစ်ဉာဏ်တည်းဇာတ်လမ်းဟာ ဆက်ရှိနေအုံးမှာ ဖြစ်ပါတယ်။

    ပြီးခဲ့တဲ့နှစ်မေလက စစ်တပ်နဲ့ ဆက်နွယ်နေတဲ့ Facebook ပေ့ခ်ျမှာ စစ်သားတွေကြား ရယ်မောနေတဲ့ သီတဂူဆရာတော်ရဲ့ပုံ ပေါ်လာပါတယ်။ အမျိုးသားရေးအတွက် ဘာသာရေးစစ်သားမျိုး ဖန်တီးပေးမယ်လို့တောင် သူက ကမ်းလှမ်းခဲ့ဖူးပြီး ဘာသာရေးအတွက် အကြီးမားဆုံး ပေးဆပ်မှုလို့ သူက ယူဆနေပုံပါ။

    “မြန်မာနိုင်ငံမှာ သံဃာ ၄ သိန်းရှိတယ်။ မင်းတို့လိုအပ်ရင် သူတို့ကိုထည့်ပေးလိုက်မယ်။ လွယ်ပါတယ်” လို့ ကာကွယ်ရေးဦးစီးချုပ်ကို ဆရာတော်က ပြောကြားဖူးပါတယ်။

    “သီတဂူဆရာတော်လို ကြည်ညိုခံရတဲ့ ဘုန်းကြီးတွေက ပြောမယ်ဆိုရင် လူတစ်စုကို နှိမ့်ချစော်ကားတဲ့စကားမျိုး ဖြစ်ပေမယ့်လည်း လူတွေက လက်ခံကြတယ်။ သူ့ရဲ့စကားတွေက အမုန်းတရားကို တရားဝင်အောင် လုပ်တာမျိုးပါ” လို့ အောက်စဖို့ဒ်တက္ကသိုလ်က မြန်မာနိုင်ငံဖွား လူမှုမနုဿဗေဒပညာရှင် ဒေါက်တာ ခင်မာမာကြည်က ပြောကြားခဲ့ပါတယ်။

    ဗုဒ္ဓဘာသာများ၏ အခွင့်အရေး

    သီရိလင်္ကာနိုင်ငံက ခရစ်ယာန်ဘုရားကျောင်းတွေ ဟိုတယ်တွေကို IS အကြမ်းဖက်သမားတွေက အီစတာနေ့မှာ ဗုံးခွဲတိုက်ခိုက်လိုက်တဲ့အခါ ဗုဒ္ဓဘာသာ အမျိုးသားရေးဝါဒီတွေက သူတို့မလွန်ဘူးဆိုတဲ့ အသံမျိုး ထွက်လာပါတယ်။

    “မွတ်စလင်အစွန်းရောက်တွေဟာ အမျိုးသားလုံခြုံရေးရဲ့ အန္တရာယ်ဖြစ်တယ်လို့ ကျုပ်တို့ နှစ်ပေါင်းများစွာ သတိပေးလာတယ်။ အစွန်းရောက်အစ္စလာမ်ဝါဒကို လစ်လျူရှုလိုက်တဲ့အတွက် အစိုးရလက်မှာ သွေးစွန်းသွားပါပြီ” လို့ သီရိလင်္ကာက အကြီးဆုံး အမျိုးသားရေးအဖွဲ့ Bodu Bala Sena (BBS) က အကြီးတန်း တာဝန်ရှိသူ Dilanthe Withanage က ပြောပါတယ်။

    နှစ်အနည်းငယ်လောက် အလယ်အလတ်ကျတဲ့ မဟာမိတ်အုပ်စိုးမှု ရှိလာခဲ့ပြီးတဲ့နောက်မှာတော့ ဘာသာရေးနဲ့ ထကြွလိုတဲ့ဝါဒ ပေါင်းစပ်ထားတဲ့ လှုပ်ရှားမှုတစ်ခု သီရိလင်္ကာနိုင်ငံမှာ မြင့်တက်လာခဲ့ပါတယ်။ ဒီလှုပ်ရှားမှုကို ဦးဆောင်သူက ကာကွယ်ရေးဝန်ကြီးဟောင်း Gotabaya Rajapaksa ဖြစ်ပါတယ်။ သူဟာ အခုနှစ်အတွင်းပြုလုပ်မယ့် သမ္မတရွေးကောက်ပွဲမှာ ၀င်ရောက် ယှဉ်ပြိုင်ဖို့လည်း ရှိနေပါတယ်။

    တိုင်းပြည်မှာ သမိုင်းတစ်လျှောက် တည်တံ့ခဲ့တဲ့ ဗုဒ္ဓဘာသာပုံရိပ်ကို ကာကွယ်သွားမယ်လို့ Gotabaya က ကတိပြုထားပါတယ်။ လူနည်းစု တမီလ်တွေနဲ့ နှစ်ပေါင်း ၃၀ ကြာ ပြည်တွင်းစစ်အတွင်း ပုံဖော်ခဲ့တဲ့ ‘လုံခြုံရေးနိုင်ငံ’ ကို ပြန်လည်တည်ဆောက်သွားဖို့ သူက စိတ်ပိုင်းဖြတ်ထားပါတယ်။

    ၂၀၀၅ ခုနှစ်ကနေ ၂၀၁၅ ခုနှစ်အတွင်း သီရိလင်္ကာနိုင်ငံကို Gotabaya ရဲ့ အစ်ကို Mahinda Rajapaksa က တိုင်းပြည်ကို ဦးဆောင်ခဲ့တာပါ။ Mahinda ဟာ မျက်နှောင်ပြောင်တိုက်တတ်တဲ့ အမျိုးသားရေးသမားတစ်ဦးဖြစ်ပြီး ပြည်တွင်းစစ်မှာ ရက်ရက်စက်စက် ဆောင်ရွက်ခဲ့မှုတွေကို တရားသယောင်ယောင်ပြောကာ မိမိသာလျှင် ဘာသာရေးကို ကယ်တင်ခဲ့သူလို့ ၀ါဒဖြန့်ခဲ့သူလည်း ဖြစ်ပါတယ်။

    ဘုန်းကြီးကျောင်းတွေမှာ သူတို့ညီအစ်ကိုနှစ်ယောက်ရဲ့ ပုံတွေကို နံရံပြည့် ပုံဖော်ထားကြပါတယ်။ မွတ်စလ်တွေ အသတ်ခံရတဲ့ ဘာသာရေးအဓိကရုဏ်းတွေမှာ အောင်ပွဲခံလေ့ရှိတဲ့ အစွန်းရောက် ဗုဒ္ဓဘာသာအုပ်စုတွေကိုလည်း သူတို့ညီအစ်ကိုက ငွေကြေးတွေ ထောက်ပံ့ခဲ့ပါတယ်။
    မြို့တော်ကိုလံဘိုက အထပ်မြင့် ဗုဒ္ဓယဉ်ကျေးမှုစင်တာကို ‘ဗုဒ္ဓဘာသာတပ်ဖွဲ့’ လို့ အဓိပ္ပါယ်ရတဲ့ Bodu Bala Sena ကို တည်ထောင်သူတစ်ဦးက ဆောက်လုပ်ထားတာပါ။ တန်ဖိုးကြီးတဲ့ အဲဒီမြေကွက်ကို Rajapaksa ညီအစ်ကိုနှစ်ဦးက လှူဒါန်းထားတာ ဖြစ်ပါတယ်။

    အစိုးရပိုင် ဆက်သွယ်ရေးလုပ်ငန်းကလည်း သူတို့ရဲ့ ဖုန်း ringtones တွေထဲမှာ BBS ရဲ့ သီချင်းကို ထည့်သွင်းပေးခဲ့ပါတယ်။

    ပြီးခဲ့တဲ့နှစ်က BBS ခေါင်းဆောင် Galagoda Aththe Gnanasara Thero ကို အစိုးရက ထောင်ဒဏ် ၆ နှစ် ချခဲ့ပေမယ့် အခုနှစ်မေလအတွင်း သမ္မတရဲ့လွတ်ငြိမ်းချမ်းသာခွင့်နဲ့ ပြန်လွှတ်ပေးခဲ့ပါတယ်။ ဇူလိုင်လ ၇ ရက်နေ့မှာ ဒီဘုန်းကြီးက သံဃာ ထောင်ချီပါဝင်တဲ့ ချီတက်ပွဲတစ်ခုကို ပြုလုပ်ခဲ့ပြီး မကြာခင်ပြုလုပ်တော့မယ့် ရွေးကောက်ပွဲမှာ ပါဝင်မယ့် သူတို့ရဲ့ နိုင်ငံရေးအင်အားကို ထုတ်ပြလိုက်တာလည်း ဖြစ်ပါတယ်။

    ထောင်မကျခင်လေးမှာပဲ Gnanasara Thero က သူတို့သာလျှင် သမိုင်းတစ်လျှောက် ဗုဒ္ဓဘာသာကို ကာကွယ်စောင့်ရှောက်သူဖြစ်ကြောင်း ကြုံးဝါးခဲ့ပါတယ်။

    “ဗုဒ္ဓဘာသာကို ကျုပ်တို့စောင့်ရှောက်လာတာ နှစ်ပေါင်း ၂၅၀၀ လောက်ရှိပြီ။ ကျုပ်တို့ရဲ့ ငြိမ်းချမ်းတဲ့ ကျွန်းလေးကို အစ္စလာမ်ရန်ကနေ ကာကွယ်ဖို့အတွက် တိုက်ပွဲဝင်ရမယ့်တာဝန်ဟာ ကျုပ်တို့ရဲ့တာဝန် ဖြစ်သလို မြန်မာနိုင်ငံက ဘုန်းကြီးတွေရဲ့ တာဝန်လည်း ဖြစ်ပါတယ်” လို့ Times သတင်းဌာနနဲ့ အင်တာဗျူးမှာ သူက ထည့်သွင်းပြောကြားခဲ့ပါတယ်။

    Ref: NEW YORK TIMES

    (NEW YORK TIMES သတင်းဌာနတွင် ဖော်ပြထားသည့် ‘Our duty to fight’: The rise of militant Buddhism’ ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်။ ဆောင်းပါးပါအချက်များသည် မူရင်းဆောင်းပါးရှင်၏ အတွေးအမြင်များသာဖြစ်ပြီး M-Media ၏ အာဘော်မဟုတ်ပါ)

  • ၂၀၂၀ ရွေးကောက်ပွဲကို ခြိမ်းခြောက်လာနိုင်တဲ့ အမုန်းဝါဒဖြန့်မှုကို အာဏာရပါတီ ဘယ်လိုရင်ဆိုင်မလဲ

    ၂၀၂၀ ရွေးကောက်ပွဲကို ခြိမ်းခြောက်လာနိုင်တဲ့ အမုန်းဝါဒဖြန့်မှုကို အာဏာရပါတီ ဘယ်လိုရင်ဆိုင်မလဲ

    ဧပြီ ၇၊ ၂၀၁၉

    M-Media

    Photo Credit – Frontier Myanmar

    – မြန်မာနိုင်ငံက ၂၀၂၀ အထွေထွေရွေးကောက်ပွဲ ကျင်းပဖို့အတွက် ၁၈ လသာ လိုတော့တဲ့အချိန် ရွေးကောက်ပွဲမှာ အဓိကပါဝင်ယှဉ်ပြိုင်မယ့် သူတွေကတော့ စတင်ပြင်ဆင်နေကြပါပြီ။ လာမယ့်ရွေးကောက်ပွဲဟာ ၂၀၁၅ ခုနှစ် ရွေးကောက်ပွဲကထက် ပြိုင်ဆိုင်မှု ပိုမို ပြင်းထန်လာနိုင်သလို အမျိုးသား ဒီမိုကရေစီအဖွဲ့ချုပ် NLD ကလည်း ဆိုရှယ်မီဒီယာနဲ့ အမျိုးသားရေးဝါဒကို ရောသမမွှေထားတဲ့ တို့မီးရှို့မီးတွေကို ရင်ဆိုင်ဖို့ ပြင်ဆင်ထားရပါလိမ့်မယ်။ Facebook နဲ့ Viber လို ဖုန်းမက်ဆေ့ခ်ျပို့တဲ့ ဆော့ဖ်ဝဲတွေကနေ သတင်းမှားတွေ၊ အမုန်းစကာတွေ ပြန့်နှံ့မှုဟာ နိုင်ငံရေးအခြေအနေကို မတည်မငြိမ် ဖြစ်လာစေနိုင်သလို၊ လာမယ့်နှစ် ရွေးကောက်ပွဲအတွက် ပြင်ဆင်မှုကိုလည်း ထိခိုက်စေနိုင်ပါတယ်။

    မြန်မာနိုင်ငံမှာ လူမျိုး၊ ဘာသာ အမှတ်သညာကိစ္စဟာ အားကောင်းကာ သဘောထားကွဲစေတဲ့ကိစ္စအဖြစ် ဆက်လက်ရှိနေပြီး၊ ဒါကို ဆိုရှယ်မီဒီယာမှာ လက်နက်အဖြစ် အသုံးချလိုက်တဲ့ အခါမှာတော့ အကြမ်းဖက် ပဋိပက္ခတွေ ဖြစ်လာပါတော့တယ်။ ၂၀၁၄ ခုနှစ် မန္တလေးမှာ ဗုဒ္ဓဘာသာဝင်တွေနဲ့ အစ္စလာမ်ဘာသာဝင်တွေအကြား ဖြစ်ပွားခဲ့တဲ့ အကြမ်းဖက်မှုကိုကြည့်ရင် ၉၆၉ လှုပ်ရှားမှုနဲ့ ဆက်နွယ်နေတဲ့ သဘောထားတင်းမာသူ ဘုန်းကြီးတွေရဲ့ သွေးထိုးလှုံ့ဆော်မှုက အဓိကကျတဲ့ အခန်းကဏ္ဍကနေ ပါဝင်ခဲ့ပါတယ်။ မြန်မာ့နိုင်ငံရေးကို ဒီလိုပဋိပက္ခတွေက ပုံဖော်နေတာဖြစ်ပြီး ဒါမျိုး နောက်ထပ်ဖြစ်လာမယ်ဆိုရင် NLD အပေါ် လူကြိုက်များမှုကို ထိခိုက်လာနိုင်ပါတယ်။

    မန္တလေးတိုင်းဒေသကြီး မိတ္ထီလာမြို့က နမူနာယူရမယ့် ဒေသတစ်ခုပါ။ ၂၀၁၃ ခုနှစ်မှာ လူမျိုးစု အကြမ်းဖက်မှု ဖြစ်ခဲ့တဲ့ မိတ္ထီလာမြို့ဟာ ၂၀၁၅ ခုနှစ် ရွေးကောက်ပွဲမတိုင်ခင် ဘာသာရေးလူ့အဖွဲ့အစည်းတွေအကြား အမြင်မကြည်မှု တစ်ကျော့ပြန် ပေါ်ပေါက်လာခဲ့ပြီး အဲဒီတင်းမာမှုကြောင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ USDP အပေါ် လူကြိုက်များမှု မြင့်တက်လာကာ မိတ္ထီလာမြို့က အမတ်တစ်နေရာကို NLD ထံကနေ USDP က ရယူနိုင်ခဲ့ပါတယ်။ ၂၀၂၀ ရွေးကောက်ပွဲမှာလည်း NLD မဲတွေကို ရရှိဖို့ အမျိုး၊ ဘာသာ၊ သာသနာဆိုတာကို USDP က အသုံးချကာ မဲပေးသူတွေကို သွေးဆောင်တာမျိုး လုပ်လာနိုင်တယ်လို့ နိုင်ငံရေး လေ့လာဆန်းစစ်သူတွေက သုံးသပ်ပါတယ်။

    Myanmar Institute for Peace and Security အဖွဲ့က နိုင်ငံရေး လေ့လာသုံးသပ်သူ ကိုအမရာသီဟက မြန်မာနိုင်ငံရဲ့ နိုင်သူစား ရွေးကောက်ပွဲစနစ်ကြောင့်  ပြိုင်ဘက်တွေ မဲမရဖို့နဲ့ ခရိုင်အဆင့်မှာ လူများများ ထောက်ခံမဲပေးဖို့ လိုအပ်တဲ့အတွက် ပါတီတွေဟာ မဲပေးပိုင်ခွင့်ရှိသူ အသစ်တွေကို စွဲဆောင်ပြီး နိုင်ငံရေးသြဇာ ချဲ့ထွင်တာမျိုးထက် သူတို့ကို ထောက်ခံသူတွေကို ဦးနှောက်ကျင်းတာမျိး လုပ်ကြတယ်လို့ ရှင်းပြခဲ့ပါတယ်။ ဒါ့ကြောင့် နိုင်ငံရေးပါတီတွေဟာ ရွေးကောက်ပွဲနေ့မှာ အမှန်အကန်မဲထည့်မယ့်သူတွေ ရရှိနိုင်မယ့် ဗျူဟာမျိုးကိုသာ ပိုမိုအာရုံစိုက်ကြပါတယ်။

    အကယ်၍ အမျိုးသားရေးဝါဒကို အခြေခံတဲ့ စစ်တပ်ရဲ့ ၀ါဒအတိုင်း USDP က လိုက်မယ်ဆိုရင် နိုင်ငံတော်အတိုင်ပင်ခံ ဒေါ်အောင်ဆန်းစုကြည်ဟာ မွတ်စလင်တွေအပေါ်မှာ သိပ်ကို ပ,စားပေးလွန်းတယ် ဒါမှမဟုတ် ငြိမ်းချမ်းရေးလုပ်ငန်းစဉ်မှာ လူများစု ဗမာတွေကို လုံလုံလောက်လောက် ကာကွယ်မပေးဘူးဆိုတဲ့ ၀ါဒဖြန်မှုမျိုး လုပ်လာနိုင်ပါတယ်။

    ဂုဏ်သိက္ခာ ကျဆင်းစေဖို့ ဒါမှမဟုတ် တစ်ဖက်ပိတ်အမြင်တွေ ဖြစ်လာစေဖို့ သတင်းတုတွေကို လျင်လျင်မြန်မြန် ဖြန့်ဝေတာဟာ ရွေးကောက်ပွဲတစ်ခုမှာ ကြုံရတတတ်တဲ့ တင်းမာမှုမျိုးကို ပိုမို ဆိုးဝါးစေနိုင်ပါတယ်။ လွတ်လပ်စွာ ထုတ်ဖော်ပြောဆိုခွင့်ကို မြှင့်တင်ပေးပြီး ဆိုရှယ်မီဒီယာကို စောင့်ကြည့်နေတဲ့ ရန်ကုန်အခြေစိုက် ‘အသံ’ အဖွဲ့ကို တည်ထောင်သူတွေထဲက တစ်ဦးဖြစ်သူ ကိုရဲဝေဖြိုးအောင်က ၂၀၁၈ ခုနှစ် နိုဝင်ဘာ ကြားဖြတ်ရွေးကောက်ပွဲကာလမှာ ရိုဟင်ဂျာတွေကို ပစ်မှတ်ထားတဲ့ အမုန်းစကားတွေ ဆိုရှယ်မီဒီယာမှာ ပလူပျံခဲ့တယ်လို့ Frontier Myanmar သတင်းဌာနကို ပြောကြားခဲ့ပါတယ်။

    နိုင်ငံတကာမီဒီယာတွေအပေါ် မယုံကြည်မှု တိုးလာတာ၊ နိုင်ငံရပ်ခြားက ၀င်ရောက်စွက်ဖက်မှုအပေါ် မနှစ်မြို့တာတွေကြောင့် မြန်မာနိုင်ငံဟာ သတင်းအချက်အလက် ပိတ်မိတဲ့ပုံစံ ဖြစ်လာခဲ့ပါတယ်။ ဒါ့ကြောင့် အတွင်းမှာပဲ ပတ်ခွေနေကြပြီး ကြောက်ရွံ့မှု၊ အမျိုးသားရေးဝါဒတို့ အခြေခိုင်လာကာ ရွေးကောက်ပွဲဝင် ကိုယ်စားလှယ်လောင်းတွေရဲ့ အမြတ်ထုတ်မှုကို အလွယ်တကူ ခံစားလာရပါတယ်။ ဒါဟာ ၂၀၂၀ ရွေးကောက်ပွဲအတွက် မဲဆွယ်ရေးလှုပ်ရှားမှုမှာ ကြောက်စရာကောင်းတဲ့ အကြောင်းအရင်းတစ်ချက် ဖြစ်ပါတယ်။

    ၂၀၁၅ ရွေးကောက်ပွဲပြီးနောက် မိုဘိုင်းဖုန်းနဲ့ အင်တာနက်အသုံးပြုနိုင်မှု မြင့်တက်လာတာဟာ မြန်မာနိုင်ငံက ပြည်သူတွေရဲ့ ဆက်သွယ်ရေး၊ နိုင်ငံရေးပါဝင်မှု သဘောသဘာဝနဲ့ အနေအထားကို သိသိသာသာ ပြောင်းလဲစေခဲ့ပါတယ်။ အမည်မဖော်လိုတဲ့ ဆိုရှယ်မီဒီယာအရေး တက်ကြွလှုပ်ရှားသူတစ်ဦးက ၂၀၁၅ ခုနှစ် မြန်မာနိုင်ငံမှာ Facebook အသုံးပြုသူ ၆.၅ သန်းကနေ ၈ သန်းလောက်သာ ရှိရာကနေ လက်ရှိမှာ ၁၈ သန်းကနေ သန်း ၂၀ ကြားရှိတယ်လို့ Frontier Myanmar သတင်းဌာနကို ပြောကြားခဲ့ပါတယ်။ ဒီလို မြင့်တက်လာတာကြောင့် ၂၀၂၀ ခုနှစ်ရွေးကောက်ပွဲမှာ သတင်းတုနဲ့ အမုန်းစကားပမာဏဟာ ပိုမို ကြီးထွားလာနိုင်ပါတယ်။

    အခြားနိုင်ငံတွေလိုပဲ မြန်မာနိုင်ငံမှာလည်း နိုင်ငံရေးသမားတွေရဲ့ Facebook စာမျက်နှာ၊ ဖုန်းမက်ဆေ့ခ်ျ ဆော့ဖ်ဝဲတွေကနေ သတင်းတုတွေနဲ့ အမုန်းစကားတွေဟာ အထက်ကနေ အောက်ကို ပြန့်နှံ့ပြီး၊ အဲဒီကနေဆင့် သူတို့ရဲ့ လက်ဝေခံတွေ ဒါမှမဟုတ် ဆိုရှယ်မီဒီယာမှာ ပရိတ်သတ် အခိုင်အမာရရှိထားသူတွေကနေတဆင့် တောမီးလို ပြန့်နှံ့သွားတတ်ပါတယ်။

    မြန်မာစစ်တပ်ရဲ့ ထောက်လှမ်းရေးဌာနဟာ ရုရှားပုံစံ ၀ါဒဖြန့်လုပ်ငန်းတွေနဲ့ အကြမ်းဖက်မှုဖြစ်အောင် သတင်းမှားတွေ ဖြန့်ဝေနေတယ်ဆိုတဲ့ ခိုင်လုံတဲ့ စွပ်စွဲချက်တွေလည်း ရှိနေပါတယ်။ အမေရိကန်ပြည်ထောင်စု ၉/၁၁ အကြမ်းဖက်တိုက်ခိုက်မှု နှစ်ပတ်လည်နေ့မှာ အစ္စလာမ့်မစ်အစွန်းရောက်တွေဟာ တိုက်ခိုက်မှုတွေ လုပ်တော့မယ်ဆိုတဲ့ လုပ်ကြံသတင်းတွေကို ၂၀၁၇ ခုနှစ်တုန်းက အကောင့်တွေဖွင့်ပြီး ၀ါဖြန့်ကြတယ်လို့ Facebook က ထုတ်ပြန်ခဲ့ပါတယ်။ အမုန်းစကားတွေကို စောင့်ကြည့် သတိပေးနေတဲ့ အရပ်ဖက်အဖွဲ့တွေက အန္တရာယ်ရှိတဲ့အရေးအသားတွေ ဖြန့်ဝေနေတဲ့ အကောင့်တွေကို ဖြုတ်ချပေးဖို့ Facebook ကို
    တိုက်တွန်းခဲ့ပြီး ထိထိရောက်ရောက် ဆောင်ရွက်မှု မရှိတဲ့အတွက် ဒီအဖွဲ့တွေက စိတ်ပျက်ခဲ့ကြပါတယ်။

    မြန်မာနုိုင်ငံမှာ အွန်လိုင်းအလွဲသုံးစားမှုတွေ ထုနဲ့ထည်နဲ့ မြင့်တက်လာမှုကို အလိုက်သင့်တုန့်ပြန်နိုင်ဖို့အတွက် Facebook က ရုန်းကန်နေရပါတယ်။ လိုက်နာရမယ့် စည်းမျဉ်းတွေကို ချိုးဖောက်တယ်လို့ဆိုကာ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အပါအ၀င် တပ်မတော်နဲ့ သက်ဆိုင်တဲ့ အကောင့်တစ်ချို့ကို Facebook က ဖယ်ရှားခဲ့ပေမယ့် ခြုံငုံသုံးသပ်မယ်ဆိုရင် တုန့်ပြန်မှုတွေဟာ သိပ်ကိုအားနည်းပြီး၊ အရမ်း နောက်ကျနေပါသေးတယ်။

    ဆိုရှယ်မီဒီယာ အထူးသဖြင့် Facebook ရဲ့ အမုန်းစကားစောင့်ကြည့်ဆန်းစစ်ရေးလုပ်ငန်းက ဒီကွက်လပ်ကို ဖြည့်ဖိုအတွက် အရပ်ဖက်အဖွဲ့အစည်းတွေက ပါဝင်ကူညီပေးနေကြပါတယ်။ အဲဒီအထဲမှာ Myanmar Institute for Peace and Security အဖွဲ့လည်း ပါဝင်ပါတယ်။ ဒီအဖွဲ့က ကွန်ပျူတာကုဒ်ရေးသူ ၃ ဦးဟာ  Facebook မှာရေးသားတဲ့ မုန်းတီးရေးပို့စ်တွေ၊ အမုန်းစကားလုံးတွေကို သတ်မှတ်ချက် ၇၅ ခုကို အသုံးပြုကာ ရှာဖွေဖော်ထုတ်၊ အမျိုးအစားခွဲတဲ့ ဆိုရှယ်မီဒီယာ ဒေတာဘေ့စ်တစ်ခုကို ကိုင်တွယ် စီမံနေပါတယ်။

    ဒီသတ်မှတ်ချက်တွေကို အသုံးပြုပြီး MIPS ဟာ အမုန်းစကားတွေရဲ့ အဓိကအချက်တွေနဲ့ ဒါတွေဟာ ဘယ်လောက်အထိ တာသွားလည်းဆိုတာကို ဆန်းစစ်လာနိုင်ပါတယ်။ ဥပမာအားဖြင့် အကောင့်တစ်ခုမှာ followers ဘယ်လောက်များများ ရှိနေလဲ၊ အမုန်းကားတွေကို ဘယ်လို ဖြန့်ဝေလဲ၊ ဘယ်သူက အကောင့်တစ်ခုထက်ပိုပြီး ရှိနေလဲဆိုတာတွေနဲ့  သူတို့တွေဟာ ဘယ်နေရာ၊ ဘယ်ဒေသကနေပြီး ဒီအကောင့်တွေ ကိုင်တွယ်အသုံးပြုလဲဆိုတာတွေကိုပါ ဒီအချက်အလက်တွေကိုကြည့်ပြီး သုံးသပ်နိုင်ပါတယ်။

    ရန်ကုန်အခြေစိုက် နည်းပညာဆိုင်ရာအဖွဲ့ဖြစ်တဲ့ ‘ဖန်တီးရာ’ လို့ အဖွဲ့မျိုးတွေကလည်း ဒစ်ဂျစ်တယ်အခွင့်အရေးကို မြှင့်တင်တာမျိုး၊ အန္တရာယ်ကင်းတဲ့ အင်တာနက်အသိုင်းအ၀ိုင်းတစ်ခု ဖြစ်လာဖို့ ဆောင်ရွက်နေတဲ့ တက်ကြွလှုပ်ရှားသူတွေကို နည်းလမ်းမျှဝေပေးတာမျိုး လုပ်ဆောင်နေကြပါတယ်။

    အရပ်ဖက်အဖွဲ့အစည်းတွေ ပေါင်းထားတဲ့ ‘ပန်းစကား’ အဖွဲ့ကလည်း အမုန်းစကား တိုက်ဖျက်ဖို့၊ လူ့အဖွဲ့အစည်းအကြား ပေါင်းကူးဖို့ ကြိုးစားဆောင်ရွက်နေကြပါတယ်။ ဒီအဖွဲ့ကို ဘလော့ဂါဟောင်းနဲ့ နိုင်ငံရေးအကျဉ်းသားဟောင်းဖြစ်ပြီး လက်ရှိမှာ ရန်ကုန်တိုင်းဒေသကြီး လွှတ်တော်အမတ်ဖြစ်နေတဲ့ ဦးနေဘုန်းလတ်က ၂၀၁၄ ခုနှစ်မှာ တည်ထောင်ထားတာ ဖြစ်ပါတယ်။

    ဒီအဖွဲ့တွေဟာ အမုန်းစကားတိုက်ဖျက်ရေးအတွက် နည်းသစ်လမ်းသစ်တွေကို ရှာဖွေလုပ်ဆောင်နေပေမယ့် အမျိုးသားရေးဝါဒနဲ့ ဆိုရှယ်မီဒီယာကနေ ထွက်လာတဲ့ ကြီးမားတဲ့ အဆိပ်အတောက်ကို တုန့်ပြန်နိုင်လောက်တဲ့ စွမ်းအားမျိုး မရှိပါဘူး။ “လာမယ့်ရွေးကောက်ပွဲက တော်တော်လေးကို အတွန်းအတိုက်များပါလိမ့်မယ်။ နိုင်ငံရေးနွယ်တဲ့ အကြမ်းဖက်မှုတွေလည်း ပိုဖြစ်လာပါလိမ့်မယ်” လို့ Fortify Rights အဖွဲ့က လူ့အခွင့်အရေး တက်ကြွလှုပ်ရှားသူ နစ်ကီဒိုင်းမွန်းက ပြောကြားခဲ့ပါတယ်။

    ဟန်ဂေရီကနေ အမေရိကန်အထိ ကမ္ဘာတစ်ဝှမ်း ဒီမိုကရေစီ နိုင်ငံကြီးတွေက မဲဆွယ်ပွဲတွေမှာ လူပြိန်းကြိုက် နိုင်ငံရေးသမားတွေဟာ နိုင်ငံခြားသားကြောက်ရောဂါနဲ့ အမျိုးသားရေးသဘောထားတွေကို လှုံ့ဆော်ပေးတာ၊ လူနည်းစုတွေ မလုံခြုံတော့ဘူးဆိုတဲ့ အမြင်တွေ သွင်းပေးတာတွေနဲ့ အောင်မြင်မှုရခဲ့တာကို တွေ့ရပါတယ်။ USDP ကလည်း ခြောက်လုံး၊ လှန့်လုံးတွေနဲ့ ဒီနည်းလမ်းအတိုင်း လိုက်နေတယ်ဆိုတာ အများပြည်သူကို ထုတ်ပြန်ချက်တွေမှာ တွေ့ရပြီး၊ ၂၀၂၀ ရွေးကောက်ပွဲအတွက် မဲဆွယ်မှုမှာ အမျိုး၊ ဘာသာ၊ သာသနာ အမှတ်သညာတွေက ဦးစားပေးအကြောင်းအရာတွေ ဖြစ်မယ်ဆိုတာကို ရှင်းရှင်းလင်းလင်း ပြောကြားထားပါတယ်။ “ပြည်သူတွေဟာ တည်ငြိမ်အေးချမ်းရေးနဲ့ အမျိုး၊ ဘာသာ၊ သာသနာ အမှတ်သညာတွေအတွက် စိုးရိမ်လာကြပါတယ်။ ဒါ့ကြောင့် USDP ဟာ ဒီပြဿနာကို ဖြေရှင်းပေးမှာ ဖြစ်ပါတယ်” လို့ ပါတီပြောရေးဆိုခွင့်ရှိသူ နန္ဒာလှမြင့်က ပြီးခဲ့တဲ့နှစ် ဒီဇင်ဘာတုန်းက ပြောကြားခဲ့ဖူးပါတယ်။

    ဗုဒ္ဓဘာသာ အမျိုးသားရေးဝါဒကို ဆွပေးဖို့ တိုက်တွန်းမှုကို အခြားပါတီတွေက လက်ခံတာ၊ လက်မခံတာထက်၊ လူ့အဖွဲ့အစည်းအတွင်း အထူးသဖြင့် မွတ်စလင်တွေအပေါ် သည်းမခံနိုင်မှုကို လူသိရှင်ကြား ဝေဖန်ထောက်ပြဖို့ NLD ပါတီက တွန့်ဆုတ်နေမှုဟာ အစွန်းရောက်လုပ်ရပ်တွေကို လက်မခံသော်ငြား၊ ဒါတွေ နေရာရလာအောင် လမ်းဖွင့်ပေးသလို ဖြစ်နေပါတယ်။

    USDP ပါတီဟာ NLD ရဲ့ အမျိုးသားရေးနဲ့ အုပ်ချုပ်မှုပိုင်းဆိုင်ရာ ယုံကြည်စိတ်ချရမှုကို ဝေဖန်ရုံသာမက ပြည်ထောင်စု ရွေးကောက်ပွဲကော်မရှင် UEC ဟာ ဘက်လိုက်တယ်လို့ စွပ်စွဲထားပြီး ၂၀၂၀ မှာ NLD က ထပ်ပြီးအနိုင်ရရင် စောဒကတက်ဖို့အတွက် ကြိုတင် လမ်းကြောင်းထာတာမျိုး ဖြစ်ပုံရပါတယ်။ UEC ရဲ့ အဖွဲ့ဝင်တွေကို NLD အစိုးရက ရွေးချယ် ခန့်အပ်တာကြောင့် သူတို့ဟာ ပါတီကို သစ္စာခံသူတွေသာဖြစ်ပြီး မျှတမယ်လို့ မယုံရကြောင်း ပြောကြပါတယ်။ UEC ရဲ့ လွတ်လပ်စွာ ဆောင်ရွက်နိုင်မှုအပေါ် မေးခွန်းထုတ်လာတာဟာ ရွေးကောက်ပွဲမှာပါဝင်မယ့် ပြည်သူလူထုရဲ့ ယုံကြည်မှုကို ထိခိုက်စေပြီး ဒီထက်ပိုကာ ဒီမိုကရေစီ နိုင်ငံရေးစနစ်ကိုပါ ယုံကြည်မှု လျော့လာနိုင်ပါတယ်။ UEC ဟာ ပိုမိုလွတ်လပ်ကာ ယုံကြည်စိတ်ချရတဲ့ အဖွဲ့အစည်းအမျိုး ဖြစ်တယ်ဆိုတာကို အာမခံနိုင်ဖို့ လိုအပ်နေတဲ့ ပြုပြင်ပြောင်းလဲမှုတွေကို ရွေးကောက်ပွဲမတိုင်ခင် လုပ်ဆောင်ရေး NLD မှာ အချိန်ရှိနေပါသေးတယ်။

    သတင်းမှားတွေကို တန်ပြန်တိုက်ဖျက်ဖို့၊ ရွေးကောက်ပွဲဆိုင်ရာ ပွင့်လင်းမြင်သာမှုကို ပိုမိုတိုးတက်စေဖို့အတွက် International Institute for Democracy and Electoral Assistance၊ Carter Center၊ National Democratic Institute နဲ့ International Republican Institute တို့လို အစိုးရနဲ့ နိုင်ငံတကာ အဖွဲ့အစည်းတွေဟာ ကိုယ်စားလှယ်လောင်းတွေရဲ့ ကိုယ်ရေးအချက်အလက်၊ နိုင်ငံရေးပါတီတွေရဲ့ သွားမယ့်လမ်းကြောင်း၊ မဲရုံနဲ့ပတ်သက်တဲ့ သတင်းအချက်အလက်တွေ အပါအ၀င် တရားဝင် ခိုင်မာရှိတဲ့ အချက်အလက်တွေကို မဲပေးပိုင်ခွင့်ရှိသူတွေထံ ဖြန့်ဝေပေးတဲ့ အချက်အလက် ဆန်းစစ်ရေး လှုပ်ရှားမှုတွေမှာ ပူးပေါင်း ဆောင်ရွက်နိုင်ပါတယ်။ မှန်ကန်တဲ့ သတင်းအချက်အလက်တွေကို ပြည်သူလူထံ ပိုမို ပေးအပ်နိုင်မယ်ဆိုရင် ဆိုရှယ်မီဒီယာမှာ ကောလဟာလလွှင့်တာမျိုးတွေ၊ ရည်ရွယ်ချက်ရှိရှိ သတင်းမှား ဖြန့်တာမျိုးတွေကို ကာကွယ်တာဆီးနိုင်မှာ ဖြစ်ပါတယ်။

    သတင်းမှားတွေကို ယုံလွယ်ပြီး ပြန်လည်မျှဝေကြတဲ့ ပြည်သူတွေအတွက် ရွေးကောက်ပွဲဆိုင်ရာ အသိပညာပေးလုပ်ငန်း ထိထိရောက်ရောက် ကျယ်ကျယ်ပြန့်ပြန့်လုပ်ဆောင်ပေးရာမှာလည်း အထက်ကဖော်ပြခဲ့တဲ့ အသင်းအဖွဲ့တွေက အဓိကကျတဲ့ အခန်းကဏ္ဍမှာ ပါဝင်ပါတယ်။ နိုင်ငံတကာ အဖွဲ့အစည်း တော်တော်များများဟာ ပြည်တွင်းမှာ ၀န်ထမ်းခန့်ကာ ရွေးကောက်ပွဲ စောင့်ကြည့်သူတွေ၊ ရွေးကောက်ပွဲဆိုင်ရာ အသိပညာပေးသူတွေအဖြစ် လေ့ကျင့်ပေးကြပါတယ်။ ဒီလိုဆောင်ရွက်မှုကြောင့် ဒီမိုရေကစီစနစ်မှာ ပါဝင်လာဖို့ ပြည်သူတွေရဲ့ယုံကြည်မှုကို အားကောင်းစေပြီး အခြားသော အကျိုးသက်ရောက်မှုတွေလည်း အများအပြား ရှိနေပါတယ်။

    မတူညီတဲ့ လူ့အဖွဲ့အစည်းတွေအကြား ရှိပြီးသား စိတ်ဒဏ်ရာတွေကို ဆွပေးထားထက် သူတို့တွေ ပိုမို ဆက်သွယ်ပူးပေါင်းနိုင်မယ့် ဖုန်းအက်ပလီကေးရှင်းတွေ ပေါ်ပေါက်လာအောင် စွန့်ဦးတီထွင်သူတွေကို စပွန်ဆာပေးတာမျိုး၊ ဆိုရှယ်မီဒီယာမှာ အပြုသဘောဆောင်တဲ့ ပေါင်းကူးမှုတွေကို မြှင့်တင်ပေးတာမျိုးအတွက် ‘ဖန်တီးရာ’ လို့ ပြည်တွင်း နည်းပညာ ကုမ္ပဏီတွေ၊ ‘ပန်းစကား’ လို့ အရပ်ဖက်မဟာမိတ်အဖွဲ့တွေက ပူးပေါင်းဆောင်ရွက်နိုင်ပါတယ်။ ဥပမာအားဖြင့် နိုင်ငံရေးပါတီတွေရဲ့ မူဝါဒတွေ၊ မဲရုံတည်နေရာနဲ့ အခြား အရေးပါတဲ့ အချက်အလက်တွေ မိုဘိုင်းဖုန်းကနေတစ်ဆင့် အလွယ်တကူ ကြည့်ရှုနိုင်မယ့် အက်ပလီကေးရှင်းတွေကို Asia Foundation က ဖန်တီးထားတာမျိုးပါ။ အဲဒီလို အက်ပလီကေးရှင်းတွေကို အသုံးပြုမှု ကျယ်ပြန့်လာတာတာဟာ နိုင်ငံရေးသမားတွေ ဂုဏ်သိက္ခာကျဆင်းအောင် ရည်ရွယ်တဲ့ လုပ်ကြံသတင်းတွေ၊ ဒီမိုကရေစီလုပ်ငန်းစဉ်မှာ မပါဝင်ဖို့ အချက်အလက်အမှားတွေနဲ့ မဲပေးပိုင်ခွင့်ရှိသူတွေကို သွေးဆောင်ဖျားယောင်းမှုကို တိုက်ဖျက်ရာမှာ အကူအညီဖြစ်စေမှာ ဖြစ်ပါတယ်။

    အနှစ်ချုပ်ရရင် ပြည်ထောင်စုရွေးကောက်ပွဲကော်မရှင် UEC ဟာ အာဏာရပါတီရဲ့ လောင်းရိပ်အောက်ကနေ ပိုမိုလွတ်လွတ်လပ်လပ်ဖြစ်ရေးအတွက် နိုင်ငံရေးဆိုင်ရာ ပြုပြင်ပြောင်းလဲမှုတွေလုပ်ဖို့ အချိန်တန်နေပြီ ဖြစ်ပါတယ်။ ကော်မရှင်အဖွဲ့ဝင်အဖြစ် အမည်စာရင်းတင်သွင်းမှုနဲ့ ခန့်အပ်မှုလုပ်ငန်းစဉ်ကို လေ့လာသုံးသပ်ပေးဖို့ ကြားနေ တတိယလူတစ်ဦး ဒါမှမဟုတ် အဖွဲ့ဝင်နည်းနည်းပါတဲ့ အဖွဲ့တစ်ခုကို အစိုးရက ဖွဲ့စည်း တာဝန်ပေးနိုင်ပါတယ်။ ဒါဟာ NLD အစိုးရကို USDP က
    အပြစ်တင်နိုင်မယ့် အကြောင်းအရင်းတစ်ခု လျော့သွားမှာဖြစ်သလို NLD အတွက်လည်း ပိုကောင်းသွားမှာ ဖြစ်ပါတယ်။ ဒါ့အပြင် ပွင့်လင်းမြင်သာမှု ပိုရှိလာပြီး NLD ဟာ ရွေးကောက်ပွဲလုပ်ငန်းစဉ်မှာ တိတိကျကျ ပါဝင်ဆောင်ရွက်တယ်လို့ မဲပေးပိုင်ခွင့်ရှိသူတွေက ရှုမြင်လာမှာပါ။

    အရေးအကြီးဆုံးကတော့ ဆိုရှယ်မီဒီယာကို အလွဲသုံးစားလုပ်ကာ ပဋိပက္ခတွေဖြစ်ပွားစေဖို့ သတင်းအမှားတွေ၊ အမုန်းစကား ဖြန့်ဖြူးတာမျိုးကို
    မြန်မာပြည်သူလူထုက သတိထားဖို့ လိုအပ်နေတာ ဖြစ်ပါတယ်။ ဒါ့အပြင် မဲပေးပိုင်ခွင့်ရှိသူတွေကလည်း စည်းလုံးညီညွတ်မှု၊ ငြိမ်းချမ်းရေးနဲ့ ဒီမိုကရေစီ နိုင်ငံရေးကို မြှင့်တင်ပေးတဲ့ ကိုယ်စားလှယ်လောင်းတွေကို အားပေးထောက်ခံရမှာ ဖြစ်ပါတယ်။

    Ref: Frontier Myanmar

    (Frontier Myanmar သတင်းဌာနတွင် ဖော်ပြထားသည့် The hate speech threat to the 2020 election ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်။)

  • မြန်မာနဲ့ ဇာတ်ညွှန်းတူ၊ ဒါရိုက်တာကွဲတဲ့ သီရိလင်္ကာက မွတ်စလင်ဆန့်ကျင်ရေး လုပ်ဇာတ်များ

    မြန်မာနဲ့ ဇာတ်ညွှန်းတူ၊ ဒါရိုက်တာကွဲတဲ့ သီရိလင်္ကာက မွတ်စလင်ဆန့်ကျင်ရေး လုပ်ဇာတ်များ

    မတ် ၁၁၊ ၂၀၁၈
    M-Media

    အကြမ်းဖက်တိုက်ခိုက်ခံရသည့် ဗလီဝတ်ကျောင်းတော်တစ်ခု

    – သီရိလင်္ကာနိုင်ငံအလယ်ပိုင်း တောင်ပေါ်မြို့လေးမှာ မွတ်စလင်ဆန့်ကျင်ရေးလူအုပ်ကြီးက တိုက်ခိုက်မှုတွေ မလုပ်ခင် တစ်ရပ်အလိုမှာ ဆင်ဟာလီအမျိုးသားရေးအုပ်စုရဲ့ ခေါင်းဆောင်တစ်ယောက်ဟာ မြို့လယ်ကောင်မှာ ခေါက်တုန့်ခေါက်ပြန်လျှောက်ပြီး လှုံ့ဆော်မှုတွေ လုပ်ခဲ့ပါတယ်။

    “ငါတို့ဟာ လက်ကမ်းစာစောင်တွေ ဝေနေတာပါ။ အခုဆိုရင် ဒီဂါနာကိုရောက်ပါပြီ။ ဒါပေမယ့် ပြဿနာက ငါတို့တွေ့တဲ့ ဆင်ဟာလီဆိုင်အရေအတွက်ဟာ ၂၀ တောင်မကျော်ပါဘူး” လို့ အေမစ် ၀ီရဆင်းဂီဟာ ဖုန်းကင်မရာနဲ့ သူ့ကိုယ်သူရိုက်ပြီး ပြောကြားခဲ့ပါတယ်။

    စိုးရိမ်စရာအသံနဲ့ သူက “ဒီမြို့ကို မွတ်စလင်တွေ ပိုင်သွားပါပြီ။ ဒီကိစ္စကို အရင်ကတည်းက ငါတို့ ဖြေရှင်းသင့်တာပါ။ ငါတို့ဆင်ဟာလီလူမျိုးတွေကိုပဲ အပြစ်တင်ရမယ်။ ဒီဂါနာနဲ့ အနီးတစ်ဝိုက်မှာ ဆင်ဟာလီတွေရှိရင် လာပူးပေါင်းပါ” လို့ ဆက်ပြောပါတယ်။

    Facebook၊ YouTube နဲ့ Twitter စာမျက်နှာတွေမှာ လွှင့်တင်ခဲ့တဲ့ အဲဒီဗီဒီယိုကို ကျယ်ကျယ်ပြန့်ပြန့် ပြန်လည်မျှဝေခဲ့ကြပါတယ်။

    ဒီဂါနာမြို့ရှိတဲ့ ကန်ဒီခရိုင်မှာ မွတ်စလင်တွေကို ပစ်မှတ်ထားတဲ့ တိုက်ခိုက်ဖျက်ဆီးမှုတွေ၊ မီးရှို့မှုတွေ မလုပ်ခင်အရင် ဒီဗီဒီယို ပြန့်နှံ့ခဲ့တာ ဖြစ်ပါတယ်။ တိုက်ခိုက်မှုတွေကြောင့် စစ်တပ်ကို ချထားခဲ့ရပြီး အရေးပေါ်အခြေအနေကြေငြာတာ၊ အင်တာနက် ပိတ်ပစ်တာတွေကိုလည်း အစိုးရက ဆောင်ရွက်ခဲ့ပါတယ်။

    ကားလမ်းကြောင်းကိစ္စ စကားများမှုအတွင်း ဆင်ဟာလီတစ်ယောက်ကို မွတ်စလင်အမျိုးသားတစ်စုက ရိုက်နှက်မှုကနေ ဒီအကြမ်းဖက်တိုက်ခိုက်မှု ဖြစ်ခဲ့တာဖြစ်ပြီး အနည်းဆုံး လူ ၂ ဦးသေဆုံးကာ၊ ဗလီဝတ်ကျောင်းတော်တွေ၊ နေအိမ်နဲ့ စီးပွားရေးလုပ်ငန်း ဒါဇင်နဲ့ချီ ဖျက်ဆီး၊ မီးရှို့ခံခဲ့ရပါတယ်။

    ဒီကိစ္စဟာ ဆယ်စုနှစ်နဲ့ချီ ပြည်တွင်းစစ်ဒဏ်ကို အလူးအလဲခံစားခဲ့ရတဲ့ သီရိလင်္ကာနိုင်ငံမှာ မတည်ငြိမ်မှု ထပ်ဖြစ်မလားဆိုတဲ့ စိုးရိမ်မှုတွေကို ဖြစ်စေခဲ့ပါတယ်။

    တမီလ်ခွဲထွက်ရေးသမားတွေနဲ့ ဖြစ်ပွားခဲ့တဲ့ စစ်ပွဲဟာ ၂၀၀၉ ခုနှစ်မှာ အဆုံးသတ်သွားပေမယ့် သီရိလင်္ကာမှာ နောက်ထပ်ပြဿနာတစ်ခု ထပ်ပေါ်လာပါတယ်။ ဒီတစ်ကြိမ်မှာတော့ တိုင်းပြည်ရဲ့ လူဦးရေ ၂၁ သန်းမှာ ၇၅ ရာခိုင်နှုန်းရှိတဲ့ ဆင်ဟာလီ ဗုဒ္ဓဘာသာဝင်တွေနဲ့ ၉ ရာခိုင်နှုန်းသာရှိတဲ့ မွတ်စလင်တွေအကြား ဘာသာရေးသွေးကွဲမှု ဖြစ်ပါတယ်။

    ခြိမ်းခြောက်နေတဲ့ လူနည်းစုတွေ

    ပြီးခဲ့သည့်ရက်ပိုင်းအတွင်း အကြမ်းဖက်တိုက်ခိုက်မှုဖြစ်ခဲ့သည့် ကန်ဒီမြို့

    တိုင်းပြည်သက်တမ်းတစ်လျှောက်လုံးနီးပါးမှာ ဒီလူ့အဖွဲ့အစည်းနှစ်ခုဟာ သဟဇာတဖြစ်စွာ နေထိုင်လာခဲ့တာပါ။ ဒါပေမယ့် မလုံခြုံဘူးဆိုတဲ့ ခံစားချက်က ဆင်ဟာလီလူ့အဖွဲ့အစည်းမှာ မြင့်တက်လာပါတယ်။ လူထုအတွင်း မကြာသေးခင်က ဖြစ်ခဲ့တဲ့ စီးပွားရေးနဲ့ လူမှုရေး အပြောင်းအလဲတွေကလည်း အမုန်းအခြေခံ ဆင်ဟာလီ ဗုဒ္ဓဘာသာ အမျိုးသားရေးဝါဒကို မြင့်တက်လာစေတယ်လို့ လေ့လာဆန်းစစ်သူတွေက ပြောပါတယ်။

    ကိုလံဘိုအခြေစိုက် အမျိုးသားငြိမ်းချမ်းရေးကောင်စီရဲ့ အမှုဆောင်ဒါရိုက်တာဖြစ်သူ ဂျီဟန် ပီရီရာက ‘မွတ်စလင်တွေဟာ ခြိမ်းခြောက်နေတဲ့ လူနည်းစုဆိုပြီး ဆင်ဟာလီတွေမှာ သမိုင်းနဲ့ချီ ကိန်းအောင်းခဲ့တဲ့ မလုံခြုံဘူးဆိုတဲ့ စိတ်တွေ’ နဲ့ မွတ်စလင်ဆန့်ကျင်ရေး သဘောထားတွေဟာ အများကြီး ဆက်စပ်ပတ်သက်နေတယ်လို့ ပြောကြားခဲ့ပါတယ်။

    တမီလ်ခွဲထွက်ရေးသမားတွေကို အိမ်နီးချင်း အိန္ဒိယက တမီလ်နာဒူးပြည်နုယ်နဲ့ သွားပေါင်းမယ့်သူတွေအဖြစ် မြင်ခဲ့ပြီး မွတ်စလင်တွေကိုတော့ ‘ကမ္ဘာ့ မွတ်စလင်လူ့အဖွဲ့အစည်းနဲ့ ပူးပေါင်းကာ တစ်နေ့ကျရင် သီရိလင်္ကာနိုင်ငံကို သိမ်းမယ်’ ဆိုပြီး ရှုမြင်နေကြတယ်လို့လည်း ပီရီရာက ပြောပါတယ်။

    မွတ်စလင်လူဦးရေတိုးလာမယ်၊ သန္ဓေတားဆေးကျွေးတာပါအ၀င် ဆင်ဟာလီတွေရဲ့မွေးနှုန်းလျော့အောင် မွတ်စလင်တွေက စီစဉ်တယ်ဆိုတဲ့ စွပ်စွဲပြောဆိုမှုတွေကလည်း အပေါ်ကစိုးရိမ်မှုတွေကို မြင့်တက်စေပါတယ်။

    အဲဒီ သွားပုပ်လေလွင့်ပြောကြားမှုကြောင့် ဖေဖော်ဝါရီလအတွင်းမှာ နိုင်ငံအရှေ့ပိုင်းက မွတ်စလင်လုပ်ငန်းတွေ မီးရှို့ဖျက်ဆီးခံခဲ့ရပါတယ်။ မွတ်စလင်စားဖိုမှူးက ဆင်ဟာလီတွေလာရင် အစားအစာတွေထဲမှာ ‘သန္ဓေတားဆေးတွေ’ ထည့်တယ်ဆိုတဲ့ စွပ်စွဲချက်ရဲ့ နောက်ဆက်တွဲပါ။

    “ဒါတွေက လုံးဝ လုပ်ကြံဖန်တီးထားတဲ့ ဇာတ်လမ်းတွေပါ” လို့ ပီရီရာက ပြောပါတယ်။

    မွတ်စလင်ဆန့်ကျင်ရေးသဘောထားကို လှုံ့ဆော်ပေးတဲ့ နောက်ထပ် အကြောင်းအရင်းတစ်ခုက မွတ်စလင်တွေဟာ စီးပွားရေးကို လက်ဝါးကြီးအုပ်သွားမယ်ဆိုတဲ့ မနာလိုဝန်တိုမှုဖြစ်တယ်လို့ သီရိလင်္ကာ မွတ်စလင်ကောင်စီဥက္ကဌ နီဇာမွတ်ဒင် မိုဟာမဒ် အေမင်က ပြောပါတယ်။

    “ဒါကလည်း လုပ်ကြံပြောဆိုမှုဗျ။ မြို့တော်တော်များများမှာ ဆိုင်သေးသေးလေးတွေကို မွတ်စလင်တွေက ပိုင်တယ်။ သူတိုတွေဟာ မျိုးနဲ့ရိုးနဲ့ စီးပွားရေးလုပ်လာတဲ့သူတွေ။ ဒါမေယ့် လုပ်ငန်းသေးသေးလေးတွေဖြစ်ပြီး နေ့စဉ်လိုအပ်တဲ့ပစ္စည်းတွေကို ရောင်းတာပါ”

    နောက်ထပ် ယုံကြည်မှုပျက်သုဉ်းရတဲ့ အကြောင်းအရင်းတွေထဲမှာ ပြီးခဲ့တဲ့နှစ်တွေအတွင်း သီရိလင်္ကာမွတ်စလင်တွေအပေါ် အာရပ်ယဉ်ကျေးမှု ပိုမိုလွှမ်းမိုးလာတယ်ဆိုတဲ့ အမြင်လည်း ပါဝင်တယ်လို့ အေမင်နဲ့ ပီရီရာတို့က ပြောကြားခဲ့ပါတယ်။

    နိုင်ငံခြား- အထူးသဖြင့် အရှေ့အလယ်ပိုင်းနိုင်ငံတွေကို – ထွက်ပြီး အလုပ်လုပ်တဲ့ သီရိလင်္ကာနိုင်ငံသား တစ်သန်းကျော်မှာ မွတ်စလင်အရေအတွက်ဟာ မပြောပလောက်တဲ့ အနေအထားပါ။ သူတို့ပြန်လာတဲ့အခါကျရင် ရှာထားဖွေထားတဲ့ ငွေတွေအပြင်၊ ထွက်သွားတုန်းကထက်ပိုတဲ့ အာရပ်အတွေးအခေါ်တွေ ယူဆောင်လာကြ တယ်’ လို့ ပီရီရာက ပြောပါတယ်။

    “တစ်ခုက အာရပ်နိုင်ငံတွေကငွတွေဟာ သီရိလင်္ကာထဲဝင်လာတယ်။ ဗလီတွေဆောက်ကြတယ်။ မွတ်စလင်အမျိုးသမီး တော်တော်များများကလည်း အရင်တုန်းကနဲ့မတူဘဲ နီကဘ်တွေဝတ်လာကြပါတယ်” လို့ မွတ်စလင်အမျိုးသမီးတွေ မျက်နှာအပါအ၀င် တစ်ကိုယ်လုံးဖုံးထားတဲ့ ၀တ်ရုံတွေကိုရည်ညွှန်းပြီး ပီရီရာက ထပ်လောင်းပြောကြားခဲ့ပါတယ်။

    အေမင်ကလည်း “ကျွန်တော်တို့အမေတွေလက်ထက်က ပုဝါဆောင်းတာလောက်ပဲရှိပြီး နီကဘ်မ၀တ်ပါဘူး။ အခုဆိုရင် မွတ်စလင်တွေရဲ့ အ၀တ်အစားတွေဟာ ပြောင်းလဲသွားပြီး ဆင်ဟာလီတွေက မွတ်စလင်တွေဟာ ဆော်ဒီနဲ့ အခြားအာရပ်နိုင်ငံတွေရဲ့ ပုံစံကို လိုက်နေတယ်လို့ ထင်လာကြပါတယ်” လို့ ပြောကြားခဲ့ပါတယ်။

    အဖမ်းပြလိုက်၊ လွှတ်လိုက်

    ဒီလို အမြင်တွေ၊ သွားပုပ်လေလွင့်စကားတွေကို ဆိုရှယ်မီဒီယာမှာ ဖြတ်ညှပ်ကပ်ပုံတွေ၊ ဗီဒီယိုတွေနဲ့ ချဲ့ကားပြောဆိုလာကြပြီး အထူးသဖြင့် ဆင်ဟာလီ အမျိုးသားရေးအုပ်စုတွေကိုင်တဲ့ Facebook စာမျက်နှာတွေမှာဖြစ်တယ်လို့ လေ့လာသူတွေက ပြောကြားခဲ့ပါတယ်။

    အဲဒီထဲမှာ ၀ီရဆင်ဆင်းဟီ ဦးဆောင်တဲ့ Mahason Balakaya နဲ့ ဗုဒ္ဓဘာသာဘုန်းကြီး ဂါလာဂိုဒါ အတ္တီ ဂနာဆရ ဦးဆောင်တဲ့ Bodu Bala Sen (BBS) အဖွဲ့တို့က ထင်ရှားပါတယ်။ BBS ဟာ မြန်မာနိုင်ငံက သဘောထားတင်းမာတဲ့ ဗုဒ္ဓဘာသာအဖွဲ့ မဘသနဲ့ အချိတ်အဆက်ရှိပါတယ်။

    ပီရီရာက BBS နဲ့ Mahason Balakaya အဖွဲ့တို့ဟာ နိုင်ငံအတွင်းမှာ လူထုထောက်ခံမှု သိပ်မရပေမယ့် သူတို့ရဲ့ မွတ်စလင်ဆန့်ကျင်ရေး လှုံ့ဆော်မှုကိုတော့ လူများစုဆင်ဟာလီတွေက ဖြန့်ဝေကြတယ်လို့ ပြောပါတယ်။

    လှုံ့ဆော်မှုတွေ၊ အမုန်းစကားတွေ ပြောနေတာကို သမ္မတဟောင်း မိုင်သရီပါလာ ဆရီဆီနာ အစိုးရက ထိရောက်တဲ့ အရေးယူဆောင်ရွက်မှုတွေ မလုပ်တာကြောင့် ဒီအုပ်စုတွေဟာ အတင့်ရဲလာတယ်လို့ အခြား တက်ကြွလှုပ်ရှားသူတွေက ပြောပါတယ်။

    ဥပမာအားဖြင့် ၂၀၁၄ ခုနှစ် အလုသ်ဂမာမှာ လူ ၄ ဦးသေဆုံးပြီး အနည်းဆုံး ၈၀ လောက် ဒဏ်ရာရခဲ့တဲ့ မွတ်စလင်ဆန့်ကျင်ရေး တိုက်ခိုက်မှုဟာ ဂနာဆရရဲ့ လှုံ့ဆော်မှုကြောင့်ဖြစ်တယ်လို့ ကျယ်ကျယ်ပြန့်ပြန့် ပြောဆိုခဲ့ကြပေမယ့် အဲဒီတုန်းက ဖမ်းဆီးမှုတွေ မလုပ်ခဲ့ပါဘူး။

    အမုန်းစကားအတွက် တရားရုံးမှာ လာရောက်ဖြေကြားဖို့ ဆင့်ခေါ်မှုကို မလာရောက်တာကြောင့် ၂၀၁၇ ခုနှစ်နှောင်းပိုင်းမှာ ရဲတပ်ဖွဲ့က သူ့ကို ၀ရမ်းပြေးအဖြစ် ကြေငြာခဲ့ပါတယ်။

    နောက်ပိုင်း ဒီဘုန်းကြီးဟာ သူ့ဟာသူ လာအဖမ်းခံခဲ့ပေမယ့် အမာခံနဲ့ ပြန်လွတ်သွားပါတယ်။ အမှုက ဆက်သွားနေတုန်းပါ။

    ကန်ဒီက တိုက်ခိုက်မှုတွေမှာ သီရိလင်္ကာ အာဏာပိုင်တွေဟာ ၀ီရဆင်းဟီနဲ့ သူ့တပည့် ၉ ဦးကို ဖမ်းခဲ့ပေမယ့် ကျွမ်းကျင်သူတွေကတော့ ဒီအရေးယူမှုဟာ သိပ်မထိရောက်ဘဲ နောက်လည်းနောက်ကျတယ်လို့ ပြောကြားခဲ့ပါတယ်။

    သီရိလင်္ကာ လူ့အခွင့်အရေး တက်ကြွလှုပ်ရှားသူ သာဂျီ ရူဝမ်ပသီရာက ၀ီရဆင်းဟီကို ဖမ်းဆီးတာဟာ မလုံလောက်ဘူးလို့ ဆိုပါတယ်။

    အရင်ကတိုက်ခိုက်မှုတွေမှာ ဖမ်းဆီးတာတွေ လုပ်ခဲ့ပေမယ့် ပြစ်ဒဏ်ချတာမျိုး သိပ်မတွေ့တာကိုလည်း သူမက ထောက်ပြပါတယ်။

    “အစိုးရ၊ ဥပဒေစိုးမိုးရေး အာဏာပိုင်တွေအနေနဲ့ ဒီလို အဖမ်းပြလိုက် လွှတ်လိုက်နဲ့ သံသရာလည်နေတာကို အဆုံးသတ်တာ၊ တိုင်းရင်းသားနဲ့ ဘာသာရေးလူနည်းစုတွေအပေါ် အကြမ်းဖက်မှုကို ထိုင်ကြည့်နေတာတွေ မရှိခဲ့ဘူးဆိုရင် နောက်ကွယ်က လက်မဲတွေဟာ ဒီလောက်အတင့်ရဲမှာ မဟုတ်ပါဘူး”

    လူနည်းစုတွေအပေါ် အကြမ်းဖက်မှုကို သည်းခံမှာမဟုတ်ဘူး၊ တိုင်းပြည်အတွင်းမှာ ဘယ်လူမျိုး၊ ဘယ်ဘာသာကမှ တစ်ခြားလူတွေအပေါ် အနိုင်ကျင့်ဗိုလ်ကျလို့မရဘူးဆိုတာ လူထုသိအောင် ဘာသာရေးနဲ့ နိုင်ငံခေါင်းဆောင်တွေက မဖြစ်မနေ ချပြဖို့ လိုအပ်တယ်လို့လည်း ရူဝမ်ပသီရာက ပြောကြားခဲ့ပါတယ်။

    Ref: Aljazeera

    (Aljazeera သတင်းဌာနတွင် ဖော်ပြထားသည့် In Sri Lanka, hate speech and impunity fuel anti-Muslim violence ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • အစွန်းရောက် အမျိုးသားရေး၊ ဘာသာရေး အစွဲများကို လက်မခံကြောင်း ရွေးကောက်ပွဲက တစ်ဆင့် ပြသလိုက်သော မြန်မာလူထု

    အစွန်းရောက် အမျိုးသားရေး၊ ဘာသာရေး အစွဲများကို လက်မခံကြောင်း ရွေးကောက်ပွဲက တစ်ဆင့် ပြသလိုက်သော မြန်မာလူထု

    Untitled-1

    ဆောင်းပါးရှင်- ဆွေဝင်း (Myanmar Now)

    ရန်ကုန် (Myanmar Now) – နိုဝင်ဘာ ၈ ရက် ရွေးကောက်ပွဲကြီးတွင် အတိုက်အခံ အမျိုးသားဒီမိုကရေစီအဖွဲ့ချုပ် (NLD)  အပြတ်အသတ် အနိုင်ရခြင်းသည်  စစ်တပ်နှင့် ၄င်း၏ ကျောထောက်နောက်ခံပြုထားသည့် နိုင်ငံရေး အင်အားစုတို့ကို ပြည်သူတို့ကအောင်ပွဲခံလိုက်ခြင်းဖြစ်သည်ဟု ပြည်တွင်းပြည်ပတွင် ပြောဆိုမှုများရှိနေသည်။

    ဆယ်စုနှစ်များစွာ လူထုကို ဖိနှိပ်အုပ်ချုပ်ခဲ့ခြင်းကို မဲတစ်ပြားစီဖြင့် ကလဲ့စားချေလိုက်ကြခြင်းဖြစ်သည်ဟု ဆိုနိုင်သကဲ့သို့၊  မဲမသမာမှုတို့ အကြီးအကျယ် ဖြစ်ပွားခဲ့သော၂ဝ၁ဝ ရွေးကောက်ပွဲမှ တက်လာခဲ့သည့် သမ္မတဦးသိန်းစိန် ဦးဆောင်သော အရပ်သားတစ်ပိုင်းအစိုးရ အာဏာလက်လွှတ်ရန် ပြည်သူတို့က “သင်တို့ သွားကြလော့၊ ဆင်းကြလော့” ဟု တစ်ခဲနက်ကြွေးကြော်လိုက်သည်ဟုလည်း ဆိုနိုင်သည်။

    သေချာသည်ကတော့ စစ်မှန်သည့် ဒီမိုကရေစီ အကူးအပြောင်းများဖြစ်ပေါ်ရန် ပြည်သူလူထုက NLD ခေါင်းဆောင် ဒေါ်အောင်ဆန်းစုကြည်ကို ပြည်သူ့ အာဏာ အပ်နှင်းလိုက်ခြင်းဖြစ်သည်။

    ဤရွေးကောက်ပွဲတွင် အရှုံးကြီးရှုံးနိမ့်သွားသော စစ်တပ်ကျောထောက်နောက်ခံပြု ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီကိုသာ  ပြည်သူများက အလဲ ထိုးအနိုင်ယူခဲ့ခြင်းမဟုတ်ချေ။

    နိုင်ငံတကာအလယ်တွင် မြန်မာနိုင်ငံကို ဂုဏ်သိက္ခာညှိးနွမ်းစေခဲ့သော ဗုဒ္ဓဝါဒအမည်ခံ အစွန်းရောက် မျိုးချစ်အင်အားစုတို့ကို  ပြည်သူများက အနိုင်ယူခဲ့ခြင်းဖြစ်သည်ဟုလည်း  ကောက်ချက်ပြုနိုင်သည်။

    ဗုဒ္ဓဟောကြားသည့် တရားဓမ္မများနှင့် ကိုက်ညီမှုမရှိသော၊ ကျဉ်းမြောင်းသည့် အစွန်းရောက်တရားများဖြစ်သော “အမျိုး” ၊ “ဘာသာ” စသည့် အယူအဆများအား ကာကွယ်မည်ဟု ကြွေးကြော်နေသော ဘုန်းတော်ကြီးအချို့ဦးစီးသည့် အမျိုးဘာသာ သာသနာစောင့်ရှောက်ရေးအသင်း (မဘသ) က ရွေးကောက်ပွဲမတိုင်မီ လအနည်းငယ်တွင် ဒေါ်အောင်ဆန်းစုကြည်နှင့် NLD ပါတီ အာဏာရလာပါက မြန်မာပြည်ကြီး အစ္စလမ်ဘာသာလွှမ်းမိုး လတ္တံ့ဟု ပြည်သူလူထုကို မုသာဝါဒ၊ ပိသုဏာဝါစာ စသည့် ဝစီဒုစရိုက်မျိုးစုံဖြင့် မှိုင်းတိုက်ရန် ကြိုးပမ်းခဲ့သည်။

    ဒေါ်အောင်ဆန်းစုကြည်မှာ နိုင်ငံခြားသားကိုအိမ်ထောင်ပြုခဲ့၍ အမျိုးမစောင့်သည့် ပုဂ္ဂိုလ်ဟူ၍လည်းကောင်း၊  NLD ပါတီသည် မဘသအဖွဲ့ကအကြံပြုတင်သွင်းပြီး နောက်ဆုံး သမ္မတ အတည်ပြုသည့် မျိုးစောင့်ဥပဒေလေးရပ်ကို လွှတ်တော်တွင် ကန့်ကွက်ခဲ့သဖြင့် ထိုပါတီအာဏာရလာပါက ထိုဥပဒေများအားပြင်ဆင်နိုင်သဖြင့် ဘာသာ သာသနာဆုတ်ယုတ်ကုန်တော့မည်ဟူ၍လည်းကောင်း စသဖြင့် မဘသ ဆရာတော်များက နိုင်ငံအနှံ့လှည့်လည်၍ ဟောပြောခဲ့ကြသည်။

    ဘယ်ပါတီ၊ ဘယ်ပုဂ္ဂိုလ်ကို မိမိတို့က မထောက်ခံဟု ဟစ်ကြွေးခဲ့သော်လည်း ပြည်ခိုင်ဖြိုးပါတီ၏ ဥက္ကဋ္ဌဖြစ်သူ သမ္မတကြီးဦးသိန်းစိန်မှာ တိုင်းပြည်အပေါ် အထူးကျေးဇူးဥပကာရရှိသူ ပုဂ္ဂိုလ်၊ ကျေးဇူးရှိသူအပေါ် ကျေးဇူးတုံ့ပြန်ခြင်းမှာ ဗုဒ္ဓတရားတော်နှင့်ညီသည် စသဖြင့် ချီးမွမ်းခန်းများဖွင့်ကာ  ပြည်ခိုင်ဖြိုးပါတီအတွက် တစ်ဖက်လှည့်ဖြင့် မဲဆွယ်ခဲ့ကြသည်။

    ထို့ပြင် မဘသအဖွဲ့က ရွေးကောက်ပွဲမတိုင်မီ ထုတ်ဝေခဲ့သော သာကီသွေး၊ အတုမရှိ စသည့် ဂျာနယ် မဂ္ဂဇင်းများတွင်လည်း မဘသ၏ ဥက္ကဋ္ဌ ဆရာတော် ဦးတိလောကဘိဝံသ အပါအဝင် မဘသ ဦးဆောင်ဆရာတော်များ၊ လူပုဂ္ဂိုလ်များက ဒေါ်အောင်ဆန်းစုကြည်နှင့် NLD ကို တိုက်ရိုက်တစ်မျိုး၊ သွယ်ဝိုက်၍ တစ်ဖုံ ထိုးနှက်တိုက်ခိုက်ခဲ့ကြသည်ကိုလည်း တွေ့ရသည်။

    သမ္မတဦးသိန်းစိန်ကို ဒုတိယသက်တမ်း ဆက်လက်ထမ်းဆောင်စေလိုတယ်ဟု မဘသ၏ အထွေအထွေအတွင်းရေးမှုးဖြစ်သူ ဆရာတော်ဦးဝိမလဗုဒ္ဓိက ဇွန်လတွင်ကျင်းပခဲ့သည့် မဘသ ညီလာခံတွင် အတိအလင်း ထုတ်ဖော်ပြောကြားခဲ့သည်။

    မဘသဆရာတော်များ ထိုကဲ့သို့လှုပ်ရှားနေချိန်တွင် ပြည်ခိုင်ဖြိုးပါတီ ကိုယ်စားပြုပြီး ရွေးကောက်ပွဲဝင်သူ အစိုးရဝန်ကြီးတချို့ကလည်း အမျိုးဘာသာ သာသနာကို ထမ်းရွက်မည်ဟု အသံကောင်းဟစ်ခဲ့လေသည်။ ပြည်ခိုင်ဖြိုး ပါတီဝင်တချို့ကလည်း မဘသအဖွဲ့ကရေးသားသည်ဟု သံသယဖြစ်ဖွယ်ရာရှိသော ဒေါ်အောင်ဆန်းစုကြည်ကို တိုက်ခိုက်သည့် စာရွက်စာတမ်းများကို ဧရာဝတီတိုင်းရှိ မြို့နယ်များတွင် ဝေငှခဲ့သည်။

    ဘာသာရေးနှင့် နိုင်ငံရေး ဒွေးရောယှက်တင် မပြုရန် တားမြစ်ထားသည့် ဖွဲ့စည်းပုံအခြေခံဥပဒေကို ပြောင်ပြောင်တင်းတင်း ချိုးဖောက်နေခဲ့ကြသော်လည်း အာဏာပိုင်တို့က မသိကျိုးကျွံပြုခဲ့ကြသည်။

    12088003_733607360116108_4583512116009096811_n

    စစ်ခေါင်းဆောင်များကို မနှစ်မြို့သော၊  ပြည်ခိုင်ဖြိုးပါတီကို မထောက်ခံသောသူတို့၏ မဲများကို ရရှိရန် သမ္မတဦးသိန်းစိန်၏ နိုင်ငံရေး အကြံပေးတစ်ဦးဖြစ်သူ ဦးနေဇင်လတ်ကလည်း ရာထူးမှ ထွက်ကာ အမျိုးသားတိုးတက်ရေးပါတီ (NDP) ကို ထူထောင်ပြီး၊ မဘသအဖွဲ့တွင် တက်ကြွစွာလှုပ်ရှားနေသည့် လူပုဂ္ဂိုလ်တို့ကို အမတ်လောင်းများအဖြစ် ထမ်းဆောင်ရန် ကမ်းလှမ်းခဲ့သည်။ NDP ၏ ပါတီကြေညာ စာတမ်းတွင်လည်း အမျိုးဘာသာ သာသနာစောင့်ရှောက်မည်ဟု ထည့်သွင်းထားသည်။

    ထိုအမျိုးသားရေးလှုပ်ရှားမှုများကိုထောက်ရှု၍ ၁၉၉ဝ ရွေးကောက်ပွဲတွင်ကဲ့သို့  NLD အပြတ်အသတ် အနိုင် မရနိုင်ဟု တွက်ဆမှုများ ထွက်ပေါ်လာသည်။

    သို့သော် ထိုတွက်ဆချက်များ အလုံးစုံမှားယွင်းကြောင်း NLD ၏ အောင်ပွဲရလဒ်များက သက်သေခံလိုက်သည်။

    WNK_4249

    ပြည်ခိုင်ဖြိုးက လွှတ်တော်နေရာ အနည်းငယ်မျှသာ ရရှိပြီး ဦးနေဇင်လတ်၏ ပါတီမှာ ဘဲဥပင် မကွဲခဲ့ပေ။ ထိုနည်းတူ အမျိုးသားရေး၊ ဘာသာရေး အသံများ ဟစ်ထားသော၊ NLD မှ ခွဲထွက် ဖြစ်ပေါ်လာသည့် အမျိုးသားဒီမိုကရေစီ အင်အားစု (NDF)၊ မွတ်စလင် မုန်းတီးရေးများပြုလုပ်နေသည့် ဦးနေမျိုးဝေ၏ မတူကွဲပြားခြင်းနှင့် ငြိမ်းချမ်းရေး ပါတီတို့မှာလည်း ရွေးကောက်ပွဲတွင် နေရာ တစ်နေရာမှ မရရှိခဲ့ပေ။

    မဘသ အားအကောင်းဆုံးဟူ ဆိုစမှတ်ပြုထားသည့် ဧရာဝတီတိုင်းတွင်ပင် NLD ပါတီက လွှတ်တော်နေရာ အားလုံးနီးပါး ရရှိခဲ့သည်။

    စစ်တပ်ခေါင်းဆောင်များလွှမ်းမိုးထားသော အုပ်ချုပ်ရေးကို ပြည်သူတို့ စက်ဆုပ်ရွံရှာမှုသည် မွတ်စလင် ဆန့်ကျင်သည့် လှုပ်ရှားမှုများထက် ပိုမိုအား ကောင်းနေခြင်း၊ လူမျိုးရေး ဘာသာရေးအမည်ခံ အစွန်းရောက် လှုပ်ရှားမှုများကို ပြည်သူအများစုက လက်မခံခြင်းတို့ကို ဤရွေးကောက်ပွဲတွင် ထင်ထင်ရှားရှားပြသလိုက်ခြင်းဟု ကောက်ယူနိုင်သည်။

    ၂ဝ၁၂ ရခိုင်ပြည်နယ်အဓိကရုဏ်းများဖြစ်ပွားပြီး၊ ထိုမီးပွားများ အရှိန်အဟုန်ဖြင့် မြန်မာနိုင်ငံ တစ်ဝှမ်းရိုက်ခတ်လာသည်တွင် မွတ်စလင်မုန်းတီးရေး ခံစားချက်များ တိုးပွားလာသည်ဟု ယူဆခဲ့ကြသော်လည်း နောက်ပိုင်းတွင် ထိုအခြေအနေများသည် နိုင်ငံရေးနှင့် ဆက်နွယ်ကြောင်း ပြည်သူတို့က သံသယဖြစ်လာသည်။

    မွတ်စလင်မုန်းခြင်းသည် NLD ကို မုန်းခြင်း၊ ဒေါ်အောင်ဆန်းစုကြည်ကို မုန်းတီးခြင်းအဖြစ်သို့ ဆွဲခေါ်ခံသွားရသည်၊ ထိုထိုအမုန်းစကား တရားပွဲများ၊ အင်တာနက်စာမျက်နှာများ၊ ဂျာနယ်များတွင် တသွင်သွင်ပြောဆို ထုတ်လွှင့်နေသူများကိုလည်း အာဏာပိုင်တို့က အရေးမယူ လျစ်လျူပြုနေသည်ကိုလည်း ပြည်သူတို့ သတိမူမိလာသည်။

    နောက်ဆုံး ပြည်သူတို့ကို အမျိုးမျိုးဖိနှိပ်ခဲ့သော ဗိုလ်ချုပ်ကြီးဟောင်းများကို အမျိုးဘာသာ သာသနာစောင့်ရှောင့်မည့် သူများအဖြင့် ပုံဖော် မဲဆွယ်နေခြင်းဖြစ်ကြောင်း  ပြည်သူတို့ တွေ့ရသော အခါ သူတို့၏မကျေနပ်ချက်များ အထွဋ်အထိပ်ရောက်လာခဲ့သည်။

    သို့သော် သံဃာတော်များကို အလွန်ကြည်ညိုကိုင်းရှိုင်းသည့် ဤထေရဝါဒနိုင်ငံတွင်ရှိသော ပြည်သူတို့သည် ထိုမကျေနပ်ချက်များကို မြိုသိပ်ခဲ့သည်။ ဆန့်ကျင်ဖက် ပြောဆိုပါကလည်း မွတ်စလင်ဘက်က ရပ်သူအဖြစ် စွပ်စွဲခံရမည်ကို စိုးကြောက်ခဲ့သည်။ ထို့ပြင် အကြောင်းမသင့်ပါက စာရေးဆရာ၊ ကျူရှင်ဆရာ ဦးထင်လင်းဦးကဲ့သို့ ဘာသာ သာသနာညှိးနွမ်းစေမှုဖြင့် ဖမ်းဆီးထောင်ချခံရမည်ကိုလည်း သတိထားခဲ့ကြရသည်။

    သို့သော် ရွေးကောက်ပွဲနေ့တွင်ကား မျိုးစောင့်ဥပဒေ ကန့်ကွက်တဲ့ပါတီကို မဲမထည့်ကြနဲ့ ဟူသောစကားများကို ရဲရဲတင်းတင်းဥပက္ခောပြု၍ NLD ပါတီ သောင်ပြိုကမ်းပြို အနိုင်ရစေရန် မဲပေးလိုက်ကြသည်။

    ရခိုင်ပြည်ရှိ အစိုးရအခေါ် ဘင်္ဂါလီ၊ ၎င်းတို့ကိုယ် ၎င်းတို့ ရိုဟင်ဂျာဟုခေါ်သောသူများ နိုင်ငံသားပြုခွင့်ရမရ ဆိုသော အကြောင်းအရာသည် ပြည်သူလူထုကြားတွင် အင်မတန် ထိလွယ်ရှလွယ်ကိစ္စအဖြစ် ဆက်လက် တည်ရှိနေမည်ဖြစ်သော်လည်း၊ အစွန်းရောက် အမျိုးသားရေး၊ ဘာသာရေး အမည်ခံဟောပြောမှုများကို ပြည်သူတို့ လက်မခံကြောင်း ရွေးကောက်ပွဲရလဒ်များက ထင်ထင်ရှားရှားဖော်ပြလိုက်သည်။

    ပြည်ခိုင်ဖြိုးရှုံးသွားသည်ကို မည်သို့သဘောရပါသနည်းဟု မိမိက မေးမြန်းသောအခါ ရန်ကုန်ရှိ မဘသ ထိပ်တန်းတာဝန်ရှိသူတစ်ဦးက   “သေခါနီးဆဲဆဲလူကို ကယ်ဖို့ဆိုတာ မလွယ်ဘူးဗျ” ဟု မှတ်ချက်ပြုသည်။

    လက်ရှိအချိန်တွင်တော့ မဘသဆရာတော်များက NLD ပါတီ၏ အနိုင်ရမှုကို ကြိုဆိုသည်ဟူ၍လည်းကောင်း၊ မျိုးစောင့်ဥပဒေများနှင့် ၁၉၈၂ နိုင်ငံသားပြုခွင့်ဥပဒေအား ပြင်ဆင်ရန်ကြိုးစားပါက ငြိမ်နေလိမ့်မဟုတ်ဟု ထုတ်ဖော် မိန့်ကြားထားသည်။

    မည်သို့ပင်ဆိုစေကာမူ  မြန်မာနိုင်ငံရှိလူထုသည် ဘာသာရေးအစွဲ၊ လူမျိုးရေးအစွဲ ပြင်းထန်သူများ မဟုတ်ကြောင်း ရွေးကောက်ပွဲမှ တစ်ဆင့်ပြသလိုက်သည်ကို မဘသ ဆရာတော်များသည် လည်းကောင်း၊ နိုင်ငံတကာမှ စောင့်ကြည့် လေ့လာနေသူများသည် လည်းကောင်း အတန်အသင့် သဘောပေါက်နိုင်ပြီဖြစ်သည်။     ။

  • “Burmanization နှင့် အသီးအပွင့်များ”

    “Burmanization နှင့် အသီးအပွင့်များ”

    စက်တင်ဘာ ၅ ၊ ၂၀၁၅
    M-Media
    .ကျော်ဇေယျာဝင်းရေးသည်။
    11949546_1748344955393225_1365009777307196351_n
    မြန်မာနိုင်ငံမှာ ကောက်ယူခဲ့တဲ့ Asian Barometer Survey ရဲ့ အပိုင်း(C)Political Identity: Role of Religions ဆိုတဲ့အပိုင်းမှာ “ဥပဒေတွေပြုတဲ့အခါ ဘာသာရေးခေါင်းဆောင်တွေကို တိုင်ပင်သင့်တယ်၊ သူတို့ဆီက အကြံပြုချက် တွေ တောင်းခံသင့်တယ်”ဆိုတဲ့ အချက်ကို ထောက်ခံသူပေါင်း ၆၉% ရှိပြီး၊ ဒါကို လက်မခံဘူးဆိုသူ ၁၄% ပဲ ရှိပါတယ်။ နောက်တစ်ချက်က “လူမျိုးစုံ၊ ယဉ်ကျေးမှုစုံ၊ အယူဝါဒပေါင်းစုံပါဝင်တဲ့ ဗဟုလူ့အဖွဲ့အစည်း(Pluralistic Society)ကို လက်မခံဘူး”လို့ ဖြေဆိုသူဟာ ၉၅% တောင်ရှိနေပါတယ်။ လက်တွေ့မှာ မြန်မာပြည်က မတူကွဲပြားတဲ့ လူမျိုးစုံ၊ အယူဝါဒစုံနေထိုင်နေတဲ့ တိုင်းပြည်တစ်ခုဖြစ်နေတာကြောင့် ဒီအဖြေဟာ တော်တော်လေး စိုးရိမ်စရာ ကောင်းပါတယ်။ ဒါ့အပြင် `Citizenship and Religion´ဆိုတဲ့အပိုင်းမှာ ဗုဒ္ဓဘာသာဝင် ၈၄% က “မြန်မာနိုင်ငံသား ဖြစ်မှုကို သတ်မှတ်ရာမှာ ကိုးကွယ်တဲ့ဘာသာကို အခြေခံရမယ်”လို့ ဖြေကြတယ်။ ခုလို မြန်မာနိုင်ငံသားဖြစ်မှုကို ဗုဒ္ဓဘာသာကိုးကွယ်မှုနဲ့ ချိတ်ဆက်စဉ်းစားပုံကိုကြည့်ရင် နိုင်ငံသားသတ်မှတ်မှုပြဿနာတွေမှာ အစိုးရနဲ့ပြည်သူ တသဘောတည်းပဲလို့ ယူဆစရာရှိနေတယ်။ တနည်းအားဖြင့် ဒီအချက်အလက်တွေက မြန်မာပြည်မှာ religious nationalism အားကောင်းနေမှုကို ဖေါ်ညွှန်းနေတယ်လို့ ကျနော်မြင်တယ်။ တခါ `မြန်မာပြည်မှာ ဘာသာရေး လွတ်လပ်ခွင့် ရှိ၊မရှိ´ဆိုတဲ့ မေးခွန်းနဲ့ပက်သက်ပြီး ဗုဒ္ဓဘာသာဝင် ၈၈% က ဘာသာရေး လွတ်လပ်ခွင့် အပြည့်အ၀ ရှိကြောင်း ဖြေဆိုကြပြီး၊ ဗုဒ္ဓဘာသာဝင် ၆၆% က `ဘာသာတရားအသီးသီးကို တန်းတူညီမျှ ဆက်ဆံခံရတယ်´လို့ ဖြေဆိုတာတွေ့ရတယ်။ ဒါပေမယ့် အခြားဘာသာဝင် ၅၆%က အဲဒီအချက်ကို သဘောမတူ ကြပါဘူး။ ဒါကိုကြည့်ရင် ဗုဒ္ဓဘာသာဝင်အများစုက တခြားလူနည်းစုဘာသာဝင်တွေရဲ့ အခက်အခဲ၊ ခံစားချက်တွေကို နားလည်ခံစားပေးဖို့ နေနေသာသာ၊ သိတောင် မသိကြဘူးဆိုတာ ပေါ်လွင်နေတယ်။ ဒါကြောင့်လဲ အစိုးရက ဘာသာရေး၊ လူမျိုးရေးနဲ့ ပက်သက်တဲ့ မူဝါဒတွေချမှတ်ရာမှာ ကြီးကြီးမားမား အဟန့်အတားမရှိတာလို့ ယူဆမိတယ်။

    မြင်သာအောင် ဥပမာတစ်ခုလောက်ပြောရရင် မြန်မာ့ဒီမိုကရေစီရေး လှုပ်ရှားနေသူတွေက စစ်အစိုးရတွေရဲ့ မတရားမှုဥပဒေတွေနဲ့ ပတ်သက်လို့ ဘယ်လိုအချက်တွေကို ဝေဖန်ကြသလဲဆိုတာ လေ့လာကြည့်ရင် ပုဒ်မ(၁၈)တို့၊ ၅၀၅(ခ)တို့က စလို့ ၅၉(စ)နဲ့(၄၃၆)အဆုံး အားလုံးပါဝင်ပေမယ့်၊ (၁၉၈၂)နိုင်ငံသားဥပဒေရဲ့ အားနည်းချက်တွေ ကိုတော့ အလေးအနက်ထား ထောက်ပြဝေဖန်တာ တစ်ကြိမ်တစ်ခါမှ မတွေ့ဖူးသေးပါဘူး။ အဲဒီအစား (၁၉၈၂) နိုင်ငံသားဥပဒေက မြန်မာပြည်ရဲ့တံတိုင်းသဖွယ်ပါလို့ လက်သီးလက်မောင်းတန်း အော်နေတဲ့ `ဒီမို´ဆိုသူတွေရယ်၊ `အဲဒီဥပဒေမှာ ပြင်စရာဆိုလို့ ငွေဒဏ်ကို ခေတ်နဲ့အညီ တိုးမြှင့်သတ်မှတ်ဖို့ပဲရှိတယ်´လို့ပြောတဲ့ လွှတ်တော်အမတ် မျိုးပဲ တွေ့ဖူးတယ်။ ဒါလည်း စဉ်းစားသင့်တဲ့ အချက်တစ်ချက်ပါ။

    ဒီထက်ပို မြင်သာတဲ့အချက်က ဒီရက်ပိုင်း ကရင်ပြည်နယ်မှာ ခရစ်ယာန် ချာ့ခ်ျကျောင်းတစ်ခုနားမှာ မြိုင်ကြီးငူဘုန်းကြီး အိပ်မက်အရဆိုပြီး စေတီတစ်ဆူ သွားတည်တယ်။ အဲဒီချာ့ခ်ျကျောင်းတော့ သိပ်မကြာခင် ပျောက်သွားလိမ့်မယ်လို့ ယုံကြည်ရတယ်။ အရင်ကလည်း ဗလီအောက်မှာ ဘုရားဆင်းတုတော်ရှိတယ်လို့ အဲဒီဘုန်းကြီးက အိပ်မက်မက်တယ်ဆိုပြီး ဗလီတွေကို ဖျက်ဆီးပစ် ခဲ့တဲ့ဖြစ်ရပ်တွေ ရှိဖူးတယ်။ ပြီးခဲ့တဲ့နှစ်ကလည်း ရမည်းသင်းက နှစ်ပေါင်း ၃၀၀ သက်တမ်းရှိတဲ့ ရှေးဟောင်းဗလီ တစ်လုံးနားမှာ ခုလိုပဲ စေတီတစ်ဆူလာတည်ပြီး သိပ်မကြာပါဘူး၊ စေတီဝင်းထဲမှာ ဗလီခိုးဆောက်ထားတယ်ဆိုတဲ့ စွပ်စွဲချက်နဲ့ ရှေးဟောင်း အမွေအနှစ်တစ်ခုကို ဖျက်ဆီးပစ်ခဲ့ကြတယ်။ အဲဒီဖြစ်ရပ်တွေနဲ့ပက်သက်ပြီး ဘယ်နိုင်ငံရေး သမား၊ ဘယ်မီဒီယာ၊ ဘယ် majority ဆီကမှ ကန့်ကွက်သံ မကြားမိခဲ့ဘူး။ ဒါဟာ အပေါ်မှာပြောခဲ့တဲ့ စစ်တမ်းရဲ့ အဖြေကို ထင်ဟပ်စေတယ်။

    အခုဆိုခဲ့တဲ့ စစ်တမ်း ရလဒ်တွေအရ မြန်မာ့လူ့အဖွဲ့အစည်းက အလွန်ရှေးရိုးဆန်ပြီး အတွေးအခေါ် အယူအဆတွေမှာ ဘာသာရေး ကဲလွန်းတယ်ဆိုတဲ့ တွေ့ရှိချက်ဟာ နိုင်ငံရေးသမားတွေအနေနဲ့ လူထုကို မဲဆွယ်စည်းရုံးတဲ့အခါ အသုံးပြုသင့်တဲ့ နည်းဗျူဟာတွေကို တနည်းတဖုံ အကြံပြုနေသလိုပဲ။ ပိုပြီးတိတိကျကျဆိုရရင် မြန်မာအစိုးရနဲ့ လွှတ်တော်က တကယ်ဖြေရှင်းသင့်တဲ့ ပြဿနာပေါင်း သောင်းခြောက်ထောင်ကို အပ ထားပြီး မျိုးစောင့်ဥပဒေ ပြဌါန်းလိုက်တာတွေ၊ သမ္မတ ကိုယ်တိုင်က ရေဘေး ဒုက္ခသည်တွေကို ရေ၊အစားအစာ လှုရမယ့်အစား ဘုရား ဆင်းတုတော်တွေ လှုဒါန်းတာ(ဒါက ပြည်သူ့ ဘဏ္ဍာတွေကို အလွဲသုံးစားလုပ်တာ)၊ သမ္မတအကြံပေးဟောင်း လက်ရှိ အမျိုးသားတိုးတက်ရေးပါတီ ဥက္ကဌ ဦးနေဇင်လတ်လို ပုဂ္ဂိုလ်တွေ၊ ဗိုလ်မှူးဇော်ဌေး (မှူးဇော်) တို့လို သမ္မတရုံးက၀န်ထမ်းတွေရဲ့ ဘာသာရေး၊လူမျိုးရေးအခြေခံ မုန်းတီးရေးဝါဒကို လက်နက်တစ်ခုအနေနဲ့ ကိုင်စွဲထားတာ၊ နေမျိုးဝေတို့လို fake party တွေ ထောင်ခိုင်းပြီး လူထုအာရုံမှောက်မှားသွားအောင် တရစပ် ဟောင်ခိုင်းနေတာ… စတဲ့ နိုင်ငံရေး ရည်ရွယ်ချက်နဲ့ ဘာသာရေးကို အသုံးချတဲ့ လုပ်ရပ်တွေနဲ့ပက်သက်ပြီး အဖြေပေးနေတာလို့ မြင်တယ်။ ဒါဟာ မတော်တဆ တိုက်ဆိုင်မှုသက်သက်တော့ မဟုတ်ဘူး။ စနစ်တကျစီစဉ်ထားတဲ့ ကာလရှည်စီမံကိန်းတွေရဲ့ အသီးအပွင့်တွေပါပဲ။

    တကယ်တမ်း မြန်မာ့လူ့အဖွဲ့အစည်းကို ပြန်ကြည့်ရင် ကိုလိုနီခေတ်မှာ အင်္ဂလိပ်အစိုးရကို ဆန့်ကျင်မှု အားကောင်း လာစေဖို့ဆိုတဲ့ ရည်ရွယ်ချက်နဲ့ စတင်လာရာက ဖဆပလခေတ်၊ အာဏာရှင်ခေတ်စတဲ့ ခေတ်တိုင်းမှာ အစိုးရ အဆက်ဆက်ဟာ သူတို့ကို လူထုကြည်ညိုလာစေဖို့၊ သူတို့အာဏာ ဆက်လက်တည်မြဲစေဖို့ဆိုတဲ့ ရည်ရွယ်ချက် တွေကို အခြေခံပြီး ဘာသာရေးကို နည်းလမ်းမျိုးစုံနဲ့ အသုံးချခဲ့ကြတယ်။ ဒီထဲမှာ ပညာရေးစနစ်ကို အသုံးချခဲ့တာ ကတော့ အဆိုးဆုံးပဲ။ ဒါကြောင့်လည်း ဒီနေ့ခေတ်မှာ ဆိုရင် ပြည်သူလူထုအများစုက ဖြစ်ရပ်တိုင်းကို ကျိုးကြောင်း ဆင်ခြင်မှုရှိရှိ တွေးတောရမယ့်အစား ဘာသာရေးအခြေခံ ဘောင်ထဲကနေ တန်ဖိုးဖြတ်လာကြတယ်။ အဲဒီလိုမျိုး နိုင်ငံတစ်နိုင်ငံဟာ ဘာသာရေးအတွေးအခေါ်ရဲ့ လွမ်းမိုးမှုအောက် လုံးလုံးလျားလျား ရောက်နေခြင်းဟာ ဘာသာရေးအခြေခံ အမျိုးသားရေးဝါဒ(Religious Nationalism) အချိန်မရွေးခေါင်းထောင် လာစေဖို့ရာ အခြေအနေ တွေ ဖန်တီးပေးပြီးသား ဖြစ်နေတယ်။ ဒီအကြောင်းကိုပြောဖို့ဆိုရင် မြန်မာပြည်မှာ အမျိုးသားရေးဝါဒ (Nationalism) သူငယ်နာမစင်သေးတဲ့ အကြောင်းကနေ စပြောဖို့လိုမယ်။

    လူမျိုး(Nation)ဆိုတဲ့ အယူအဆနဲ့ပက်သက်ပြီး ယေဘုယျချဉ်းကပ်ပုံ နှစ်မျိုးရှိတယ်။ တစ်မျိုးက Nation ဆိုတာ လူသားတွေ ရွေးချယ်ခွင့်မရှိဘဲ မွေးရာပါ သတ်မှတ်ပြဌာန်းပြီးသား(primordial)ဆိုတဲ့ ရှုထောင့်ကနေချဉ်းကပ်ပြီး လူမျိုးစု(ethnic)တွေကို အခြေခံတဲ့ Ethno-Cultural groups တွေအဖြစ် သတ်မှတ်တဲ့ပုံစံဖြစ်တယ်။ (မြန်မာပြည်မှာ ဒီအယူအဆကနေ ချဉ်းကပ်တယ်)။ နောက် တစ်မျိုးက Nation ဆိုတာ လူမှုဘောင်ထဲက တည်ဆောက်ထားတာ (social construction)ဆိုတဲ့ ရှုထောင့်ကနေချဉ်းကပ်ပြီး State သို့မဟုတ် political membership ဖြစ်ခြင်းကို အခြေခံတဲ့ Politico-Cultural entity အဖြစ် သတ်မှတ်တဲ့ပုံစံဖြစ်တယ် (ဥပမာ- US)။ လူမျိုး(Nation)နဲ့ ပက်သက်ပြီး ဒီလိုမတူညီတဲ့ ရှုမြင်ပုံတွေပေါ်အခြေခံပြီး ဖြစ်ပေါ်လာတဲ့ အမျိုးသားရေးဝါဒ (Nationalism)ဟာလည်း သဏ္ဍာန် အမျိုးမျိုး ကွဲပြားပါတယ်။ မြန်မာ့သမိုင်းကို လေ့လာကြည့်ရင် အမျိုးသားရေးဝါဒဟာ အောက်ပါ အတိုင်း ပုံစံအမျိုးမျိုးနဲ့ ရှင်သန်ခဲ့ကြောင်း တွေ့ရတယ်။

    (၁) ကိုလိုနီစနစ်ဆန့်ကျင်ရေး အမျိုးသားရေးဝါဒ (Anti-Colonial nationalism)
    ———————————————
    လွတ်လပ်ရေးမရခင်က မြန်မာလူမျိုးက တခြားလူမျိုးစုတွေထက် ပိုပြီး အောက်ကျနောက်ကျတဲ့ လူမျိုး (ethnic underclass) ဖြစ်ခဲ့တယ်။ ကိုလိုနီအစိုးရရဲ့ စစ်တပ်နဲ့ တခြားအုပ်ချုပ်ရေးဝန်ထမ်းတွေမှာ များသောအားဖြင့် ကချင်တွေ၊ ကရင်တွေ နေရာပိုရတယ်။ မြန်မာတွေက ကျွန်ဘာသာစကားဆိုပြီး အင်္ဂလိပ်စကားကို အားမပေးဘူး။ ဒီတော့ အင်္ဂလိပ်စကား(language of power)တတ်တဲ့ တခြားလူမျိုးတွေက ရှေ့ရောက်သွားတယ်။ ဒီလိုဖြစ်လာတဲ့ အခါကျတော့ မြန်မာတွေရဲ့အမြင်မှာ တခြားတိုင်းရင်းသားတွေက ကိုလိုနီအစိုးရနဲ့ပူးပေါင်းသူ (colonial collaborators)လို့ သတ်မှတ်ပြီး အမြင်မကြည်ကြဘူး။ အင်္ဂလိပ်ရဲ့ စနစ်တကျသွေးခွဲမှု လို့လည်း ပြောလို့ရပါတယ်။ အဲဒီလို မြန်မာတွေက ငါတို့လူမျိုးတွေ ဖိနှိပ်ခံနေပါလားဆိုတဲ့ လူမျိုးရေးအသိ(Ethnic Consciousness)တွေက တဆင့် Anti-Colonial nationalism ကို မွေးဖွားလာစေပါတယ်။

    ဒီနေရာမှာ ထူးခြားတာတစ်ခုက မြန်မာတွေက အင်္ဂလိပ်ကိုမောင်းထုတ်ပြီး ကိုလိုနီမတိုင်ခင်ရှိခဲ့တဲ့ အခြေအနေကို ပြန်သွားချင်ကြတာပါ။ အဲဒါကြောင့်လည်း မင်းလောင်းမျှော် စိတ်ခံစားချက်တွေနဲ့ လူတချို့ စုစည်းခဲ့ကြတယ်။ ဆရာစံတောင်မှ အင်္ဂလိပ်ကို တိုက်လို့ အောင်မြင်ရင် အရင်ကရှိခဲ့တဲ့ သက်ဦးဆံပိုင် အာဏာရှင်တွေလိုမျိုး သူကိုယ်တိုင် ဘုရင်တက်လုပ်မယ်ဆိုတဲ့ ရည်ရွယ်ချက်ပဲရှိခဲ့တာပဲ။ အင်္ဂလိပ် ကျွန်ဘ၀က လွတ်မြောက်ပြီး ဗမာကျွန်ပြန်ဖြစ်အောင် လုပ်ပေးမယ်ဆိုတဲ့ အတွေးအခေါ်ထက် မပိုပါဘူး။

    (၂) ဘာသာရေးအခြေခံ အမျိုးသားရေးဝါဒ (Religious Nationalism)
    —————————————————–
    နောက်တစ်ခုက Anti-Colonial nationalism အားကောင်းလာစေတဲ့ အချက်တွေထဲမှာ Religious Nationalism လည်းပါတယ်။ Religious Nationalism မှာ ထူးခြားတာက လူမျိုးဖြစ်မှုကို ကိုးကွယ်မှုနဲ့ တွဲပြီးစဉ်းစားတာဖြစ်တယ်။ ဥပမာ – ဗုဒ္ဓဘာသာ မြန်မာလူမျိုး´ဆိုတဲ့ အယူအဆမျိုးပေါ့။ အဲဒီလို လူမျိုးနဲ့ဘာသာကိုတွဲပြီး အခြေခံ တည်ဆောက်တဲ့အတွက် ကိုလိုနီနယ်ချဲ့တွေကို ဆန့်ကျင်ရာမှာ ကိုယ့်နိုင်ငံကို ကျူးကျော်သိမ်းပိုက်ထားသူတွေဆိုတဲ့ ရှုထောင့်အပြင် `မိမိတို့ ဘာသာသာသနာကို ဖျက်ဆီးနေတဲ့လူတွေ´ဆိုတဲ့ အမြင်ပါ တွဲပါလာတယ်။ အဲဒီလို ဘာသာရေးကို ရှေ့တန်းတင်လှုံ့ဆော်တဲ့အတွက် ကိုလိုနီဆန့်ကျင်ရေး စိတ်ဓါတ်က ပိုပြီးအားကောင်းလာသလို၊ လူထုရင်ထဲ လွယ်လွယ်ကူကူ ၀င်ရောက်သွားစေတယ်။ YMBA ကစလို့ ဒီနေ့ခေတ် မဘသ နဲ့ ၉၆၉ လှုပ်ရှားမှုတွေထိ အားလုံးက ကမ္ဘာကျော် Muslim Brotherhood တို့ Taliban တို့လို Religious Nationalism ရဲ့ ပြယုဂ်တွေပဲ ဖြစ်ပါတယ်။ ကိုလိုနီ ဆန့်ကျင်ရေးလှုပ်ရှားနေတဲ့ အချိန်အခါတုန်းကတော့ ဒါတွေက အကျိုးရှိနိုင်ပေမဲ့ ဒီလို အတွေးအခေါ်တွေကို ယနေ့ခေတ်ထိ လက်ဆင့်ကမ်း ကိုင်စွဲလာတဲ့ အတွက် ရေရှည်မှာ ပြဿနာတွေမီးမွှေးပေးသလို ဖြစ်စေတယ်။ အစိုးရအဆက်ဆက်ကလည်း သူတို့ အုပ်ချုပ်မှုနဲ့ပက်သက်ပြီး တရား မျှတမှုရှိကြောင်းပြဖို့ရာ လူထုကို ဘာသာတရားနဲ့နွယ်တဲ့ အယူအဆတွေ သွပ်သွင်းပြီး Religious Nationalism ကို လက်ဆင့်ကမ်း ပျိုးထောင်လာခဲ့တယ်။ ဒါထက် ပိုဆိုးတာက မြန်မာဘုရင်တွေက စလို့ အာဏာရှင် အဆက်ဆက်က သူတို့ကိုယ်သူတို့ စကြ၀တေးမင်း၊ ဘိုးတော်ဘုရား၊ အလောင်းဘုရား စတဲ့ Embryo Buddha ဖြစ်လေဟန် ရာဇ၀င်တွေ ဖန်တီးတာမျိုး၊ ဒါမှမဟုတ် လူအများစု ကိုးကွယ်ဆည်းကပ်ရာ ဘုရားရှင်နဲ့ သွေးသားတော်စပ်လေဟန် ဇါတ်လမ်းတွေဖန်တီးပြီး ၀ါဒဖြန့်ချိတာမျိုး၊ သာသနာပြုမင်းဖြစ်သယောင် ရွှေတိဂုံထီးတော် တင်တာပြတာမျိုး၊ ဘာသာ သာသနာကို ကာကွယ်စောင့်ရှောက်တဲ့ အစိုးရဖြစ်လေဟန် မျိုးစောင့်ဥပပဒေတွေ ပြဌါန်းတာမျိုး စတဲ့လုပ်ရပ်များဖြင့် လူထုရဲ့ legitimacy ရဖို့ လူပြိန်းကြိုက်ဖြတ်လမ်းနည်းနဲ့ ကြံဆောင်ခဲ့တယ်။ ခုနောက်ဆုံးတွေ့ရတဲ့ သတင်းအရဆိုရင် စစ်အာဏာရှင်ဟောင်း ဦးသန်းရွှေ အာဏာရခဲ့တာနဲ့ ပတ်သက်ပြီးတောင် ဘုရားဗျာဒိတ်တော် ရှိခဲ့တယ်ဆိုပဲ။ တတ်လည်းတတ်နိုင်တဲ့ လူတွေ။

    (၃) လူမျိုးရေးအခြေခံ အမျိုးသားရေးဝါဒ (Ethnic Nationalism)
    ——————————————————-
    ဘာသာစကား တူရမယ်.. ကိုးကွယ်ရာဘာသာတရား တူရမယ်.. ဆင်းသက်လာတဲ့မျိုးဆက်သွေး တူရမယ်.. ဆိုတဲ့ သတ်မှတ်ချက်တွေကို အခြေခံပြီး ကိုယ်နဲ့မတူတဲ့တန်ဖိုးစံတွေကို ဖယ်ထုတ်လေ့ရှိတဲ့ အမျိုးသားရေးဝါဒကတော့ လူမျိုးစုအခြေခံ အမျိုးသားရေးဝါဒ(Ethnic Nationalism) ဖြစ်တယ်။ သူတို့အယူအဆအရ နိုင်ငံသားအဖြစ် သတ်မှတ်မှုမှာတောင်မှ ယုတ္တိမတန်တဲ့ သွေးသတ်မှတ်ချက်ကို အခြေခံတယ်။ လူတိုင်းဟာ တူညီတဲ့ မျိုးရိုးစဉ်ဆက် ကနေ ဆင်းသက်လာတယ်ဆိုတဲ့ အယူအဆပေါ်မှာ အခြေခံထားတဲ့အတွက် လူမျိုး(Nation)ဆိုတာဟာ သမိုင်းရဲ့ ထုတ်ကုန် တစ်ခုလို့ ယူဆတယ်။ ဒါကြောင့် Nation ဆိုတာ သဘာဝဆိုင်ရာ ကြိုတင်ပေးအပ်ခံထားရတဲ့ ကံကြမ္မာကို ပိုင်ဆိုင် ထားကြသူတွေသာ ဖြစ်ပြီး၊ နိုင်ငံသားဖြစ်ဖို့ဆိုတာကလည်း ဒီမြေ၊ဒီရေပေါ်မှာ မွေးဖွားမှု၊ မျိုးဆက်သွေးတူညီမှု ဆိုတာတွေကနေ ဆုံးဖြတ်ခံရတယ်။ ဒါဟာ သမိုင်းအစဉ်ဆက်ကတည်းက ဒီမြေ၊ဒီရေပေါ်မှာ နေထိုင်လာခဲ့တယ်လို့ အသိအမှတ်ပြုခံရတဲ့ လူတစ်စုတစ်ဖွဲ့ကလွဲရင် ကျန်တဲ့လူတွေအားလုံးကို နိုင်ငံသား (political membership) အဖြစ်လက်မခံဘဲ ဖယ်ထုတ်ပစ်တဲ့ဝါဒ ဖြစ်တယ်။ ဒီလိုလူမျိုးတစ်မျိုးတည်းကို အခြေခံတဲ့ အမျိုးသားရေးဝါဒ အစွန်းရောက်သွားတဲ့အခါ `ဖက်ဆစ်ဇင်´ဖြစ်သွားနိုင်ပါတယ်။ ကမ္ဘာ့သမိုင်းမှာ နာမည်ဆိုးခဲ့တဲ့ နာဇီဝါဒ၊ ဖက်ဆစ်ဝါဒဆိုတာ Ethnic Nationalism ကနေဖြစ်လာတာပါ။

    နိုင်ငံသားဖြစ်၊မဖြစ် သွေးဖြင့် ဆုံးဖြတ်တဲ့နိုင်ငံတွေ ကမ္ဘာပေါ်မှာ မရှိမဟုတ်၊ ရှိပါတယ်။ သို့ပေမယ့် နိုင်ငံတကာမှာ ကျင့်သုံးနေတဲ့ (jus sanguinis) ဆိုတဲ့ သွေးဖြင့် ဆုံးဖြတ်တဲ့ ပုံစံဟာ မြန်မာပြည်မှာ ကျင့်သုံးနေတဲ့ ပုံစံနဲ့ လုံးဝမတူပါဘူး။ နိုင်ငံတကာမှာ သွေးအရ ဆုံးဖြတ်တယ်ဆိုတာ `နိုင်ငံသားသွေး´ကို ပြောတာပါ။ နိုင်ငံသားဖြစ်နေတဲ့ မိဘကမွေးဖွားလာတဲ့ သားသမီးတွေ (နိုင်ငံသားရဲ့သွေး)ကလည်း နိုင်ငံသားဖြစ်တယ်လို့ ဆိုလိုပါတယ်။ မြန်မာပြည်မှာ လက်ရှိကျင့်သုံး နေတာကတော့ ဘယ်သူတွေက ဘယ်လိုအချက်တွေပေါ် အခြေခံပြီး သတ်မှတ်ထားတယ်ဆိုတာ မသိရတဲ့၊ ရေရာသေချာမှုမရှိတဲ့ `တိုင်းရင်းသား´ဆိုတဲ့ သတ်မှတ်ချက်အရ သွေး၊ ဗုဒ္ဓဘာသာဝင်သွေး … ဒါတွေပေါ်မှာအခြေခံပြီး ဆုံးဖြတ်တာပါ။ ဒီအကြောင်းတွေကတော့ လူတိုင်းသိပြီးဖြစ်တဲ့အတွက် အရှည် မရေး တော့ဘူး။

    (၄) အစွန်းရောက် အမျိုးသားရေးဝါဒ (Aggressive Nationalism)
    ——————————————–
    Religious and Ethnic Nationalism တို့ကနေ ပိုပြီးအစွန်းရောက်သွားတဲ့အခါ Aggressive Nationalism အဖြစ် သတ်မှတ်ပါတယ်။ ကိုယ့်လူမျိုးသီးသန့် ဖွံ့ဖြိုးတိုးတက်ဖို့ ဘယ်နည်းလမ်းကို မဆိုသုံးမယ်၊ ရန်လိုမယ်၊ သိမ်းပိုက်မယ်၊ နယ်မြေတွေ ကျယ်ပြန့်အောင် ချဲ့ထွင်ခြင်းဟာ တရားတယ်ဆိုတဲ့ အစွန်းရောက်အတွေးအခေါ်ပေါ် အခြေခံထားတဲ့ ၀ါဒတစ်မျိုးပါ (ဥပမာ- နာဇီဝါဒ၊ ဇီယွန်ဝါဒ)။ ဒီဝါဒရဲ့ ထူးခြားချက်က သူတို့ရဲ့တန်းဖိုးစံတွေနဲ့ မတူကွဲပြားတဲ့ တခြားသောတန်ဖိုးစံတွေကို တုန့်ပြန်တိုက်ခိုက်ခြင်းပဲဖြစ်တယ်။ သူတို့ဆီမှာ အဓိကတွေ့ရမှာက သူတို့လူမျိုး(Nation) နဲ့ သူတို့ ယဉ်ကျေးမှုတန်ဖိုးတွေရဲ့ လုံခြုံမှု၊ ရှင်သန်မှုအတွက် ကြီးကြီးမားမား စိုးရိမ်သောကတွေ ရှိနေကြောင်း ထုတ်ဖေါ်ပြီး အခြားသောအရာတွေကို တုန့်ပြန်နိုင်ဖို့၊ စည်းရုံးလှုံ့ဆော်မှုတွေ၊ အကြမ်းဖက်မှုတွေကို ပုံစံအမျိုးမျိုးနဲ့ လုပ်ဆောင်ကြတယ်။ ဒီလိုစိုးရိမ်သောကတွေ ဖေါ်ထုတ်ပြခြင်းဟာ တခြားသောအရာတွေကို တန်ပြန်တိုက်ခိုက်ဖို့ အတွက် တရားမျှတကြောင်း ရှာဖွေမှုသာလျှင်ဖြစ်တယ်။ မြန်မာပြည်က မဘသတွေနဲ့ သူတို့နောက်လိုက်တွေရဲ့ လုပ်ဆောင်ချက် မှန်သမျှကို ပြန်ကြည့်ရင်လည်း နာဇီဖက်ဆစ် အတွေးအခေါ်တွေနဲ့ မခြားတာတွေ့ရတယ်။

    ဂျာမန် နာဇီတွေရဲ့ အစွန်းရောက် အမျိုးသားရေး ၀ါဒဆိုးကို ကိုယ်တိုင်တွေ့ကြုံခဲ့ဖူးတဲ့ `အဲလ်ဘတ် အိုင်းစတိုင်း´ က “Nationalism (အမျိုးသားရေးဝါဒ) ဆိုတာ သူငယ်နာမစင်တဲ့ ရောဂါ တစ်မျိုးပဲ.. ကြီးမှ ၀က်သက်ပေါက်သလို မျိုးပေါ့..” လို့ ဆိုခဲ့တယ်။

    မြန်မာပြည်မှာ အာဏာရှင်တွေက ဘာကြောင့် အမျိုးသားရေးဝါဒကို အားကောင်းအောင် မီးမွှေးပေးနေတာလဲလို့ မေးလာရင် (ဖြေစရာရှုထောင့်တွေ အများကြီးရှိတဲ့ထဲက) `Nation-State´ပေါ်လစီကလည်း တစိတ်တပိုင်း ပါဝင်တယ်လို့ ကျနော်ဖြေချင်တယ်။ Nation-State Policies ဆိုတာကို “Crafting State Nation”ဆိုတဲ့ စာအုပ်ထဲက အတိုင်းပြောရရင် “တိုင်းပြည်တစ်ခုရဲ့ နိုင်ငံရေး နယ်နိမိတ်နှင့် လူမျိုးတစ်မျိုးရဲ့ ယဉ်ကျေးမှု နယ်နိမိတ်တွေ လိုက်ဖက်ညီအောင် နိုင်ငံရေး အင်စတီကျူးရှင်းနည်းလမ်းတွေနဲ့ လုပ်ဆောင်ခြင်း”ကို ဆိုလိုတယ်။ တိုင်းပြည်တခုမှာ လူမျိုးတမျိုးတည်းက ထင်ရှားလွှမ်းမိုးထားပြီး တိုင်းပြည်နဲ့လူမျိုးက တထပ်တည်း ဖြစ်သွားအောင် လုပ်တာပါ။ တနည်းအားဖြင့် တိုင်းပြည်မှာ နဂိုမူလကတည်းက ရှိနေတဲ့ ကွဲပြားစုံလင်သော ယဉ်ကျေးမှု အထိမ်းအမှတ် လက္ခဏာတွေကို မှေးမှိန်အောင်လုပ်ပြီး လူမျိုးတစ်မျိုးတည်းရဲ့ အမှတ်လက္ခဏာ(socio-cultural identity)တွေကိုပဲ အထူးအခွင့်အရေးပေးကာ နိုင်ငံတော်ရဲ့ အမျိုးသားရေး အမှတ်လက္ခဏာအဖြစ် ပုံဖေါ်ဖန်တီးခြင်း ဖြစ်တယ်။ မြန်မာပြည် မှာပြောလေ့ရှိကြတဲ့ Burmanization ဆိုတာ Nation-State policies ကို ဆိုလိုတာ။ အဲဒီလို လူမျိုးတစ်မျိုးတည်းကို အခြေပြုတည်ထောင်တဲ့ Nation-State ဆိုင်ရာမူဝါဒတချို့ကို ဖေါ်ပြရမယ်ဆိုရင် –

    (၁) နိုင်ငံတွင်းမှာရှိနေတဲ့ လူမျိုးစုအားလုံးကို အထူးသစ္စာခံမှု ပုံစံတစ်မျိုးမျိုးနဲ့ ဘုံယဉ်ကျေးမှု အမှတ်လက္ခဏာ တစ်မျိုးမျိုး ပေါ်ပေါက်လာအောင် ဖန်တီးခြင်း၊
    (၂) အဲဒီလို ဖန်တီးလိုက်တဲ့ ယဉ်ကျေးမှု အမှတ်လက္ခဏာကို အစပိုင်းမှာ မထောက်ခံသူတွေအနေနဲ့ နောက်ပိုင်းမှာ Nation-state ရဲ့ အမှတ်လက္ခဏာကို မိမိတို့ ဆန္ဒအလျောက် ပူးပေါင်းပါဝင်လာအောင် တွန်းအားပေးခြင်း၊
    (၃) ထိုသို့ဖြစ်လာအောင်လည်း လူမှုရေးအရ လူမှုရေးအရ ဖိအားတွေပေးခြင်း၊ အကျပ်ကိုင်ခြင်း (Social Pressures and Coercion) နည်းလမ်းပေါင်းစုံကျင့်သုံးပြီး အခြား ယဉ်ကျေးမှုအမှတ်လက္ခဏာများ မပေါ်ပေါက်စေရန် ထိန်းချုပ်တားမြစ်ခြင်း (သို့မဟုတ်) ရှိနေသော ယဉ်ကျေးမှုတန်ဖိုးစံများကို ပျောက်ကွယ်သွားအောင်ပြုခြင်း၊
    (၄) တချို့ဖြစ်ရပ်တွေမှာတော့ အတင်းအကျပ် ဖိအားပေးရာကနေ လူမျိုးသုဉ်း သုတ်သင်မှုပုံစံ(Ethnic Cleansing) အထိ အင်အားသုံးကျူးလွန်ခြင်းတို့အထိ ပါဝင်ပါတယ်။

    သမိုင်းမှာ Nation-State ပေါ်လစီတွေလုပ်ဆောင်ခဲ့တဲ့ ဥပမာအနေနဲ့ ပြင်သစ်ပြည်ကို ကြည့်လို့ရတယ်။ (၁၉)ရာစုအချိန်ထိ ပြင်သစ်နိုင်ငံ ပါရီမြို့ရဲ့ (၇)မိုင်ဝန်းကျင်လောက်ထိသာ ပြင်သစ်စကားပြောသူများရှိကြပြီး၊ တစ်နိုင်ငံလုံး အတိုင်းအတာနဲ့ဆိုရင် များပြားလှတဲ့ ဘာသာစကား၊ စုံလင်တဲ့ယဉ်ကျေးမှု၊ ကွဲပြားတဲ့ကိုးကွယ်မှုများ ရှိခဲ့တယ်။ သို့သော် စစ်ဘုရင်နပိုလီယံ လက်ထက်လောက်ကစလို့ ယဉ်ကျေးမှုအရရော၊ နိုင်ငံရေးအရပါ အမှတ်လက္ခဏာတခုတည်းရှိစေဖို့ မူဝါဒတွေချမှတ်ပြီး နိုင်ငံအတွင်းမှာရှိတဲ့ တခြားသော ဘာသာစကား၊ ယဉ်ကျေးမှု၊ ထုံးတမ်းအစဉ်အလာတွေ အားလုံးကို ဖိအားပေးပိတ်ပင်ခဲ့တယ်။ ပြင်သစ်ဘာသာစကား တခုတည်းကိုပဲ အားလုံးက တဖြည်းဖြည်းနဲ့ လက်ခံလာအောင် မက်လုံးတွေနဲ့ရော၊ ဖိအားပေးမှုဖြင့်ပါ လုပ်ဆောင်ခဲ့တယ်။ ပြင်သစ်နိုင်ငံ တ၀ှမ်းလုံးမှာရှိတဲ့ စာသင်ကျောင်းတွေမှာ သင်ရိုးညွှန်းတမ်းတစ်မျိုးတည်းကိုပဲ သင်ကြားစေတယ်။

    အစိုးရပေါ်လစီ တွေကို ပိုမိုထိရောက်စေဖို့အတွက် ဆရာတွေအားလုံးကို ပညာရေးဝန်ကြီးဌာနကနေ လေ့ကျင့်သင်ကြားပေးပြီး အသိအမှတ်ပြုလက်မှတ်တွေ ထုတ်ပေးပါတယ်။ ယဉ်ကျေးမှုပေါင်းစုံ ပေါင်းစည်းပျော်ဝင်ပြီး ပြင်သစ်အမျိုးသားရေး အမှတ်လက္ခဏာ တခုတည်းဖြစ်လာစေဖို့ အရွယ်ရောက်သူတိုင်း စစ်မှုမထမ်းမနေရဥပဒေကို ပြဌာန်းခဲ့တယ်။ ဖက်ဒရယ် စနစ်ကိုဖေါ်ဆောင်ပေးဖို့ တောင်းဆိုတာမျိုးကို သေဒဏ် ထိပေးနိုင်တဲ့ နိုင်ငံတော်ပြစ်မှုကြီး အဖြစ် သတ်မှတ် ခဲ့တယ်။ တချို့နေရာတွေမှာ လူအစုလိုက်အပြုံလိုက် သတ်ဖြတ်မှုတွေလည်း ဖြစ်ခဲ့တယ်လို့ သိရပါတယ်။ ဒီလို Nation-State ပေါ်လစီတွေ ချမှတ်ပြီး ပြင်သစ် ဘာသာစကားနဲ့ ယဉ်ကျေးမှုသရုပ်သကန်တွေကို အတင်းအကျပ် သွပ်သွင်းခဲ့တဲ့အတွက် ဒီနေ့ခေတ်ပြင်သစ်နိုင်ငံ ဆိုတာ ပြင်သစ်လူမျိုး ဆိုတဲ့ အမျိုးသားရေး အမှတ်လက္ခဏာ တစ်မျိုး တည်းကိုသာ ကိုယ်စားပြုဖေါ်ကျူးနေတဲ့ နိုင်ငံဖြစ်လာခဲ့ပါတယ်။ အဲဒါကို French Style Nation Building model လို့ ခေါ်ပါတယ်။ Nation-State တည်ဆောက်ရာမှာ အဟန့်အတားဖြစ်စေတယ်လို့ယူဆပြီး လူမျိုးစုငယ်တွေရဲ့ ယဉ်ကျေးမှုတန်ဖိုးတွေ၊ ရိုးရာထုံးတမ်းအစဉ်အလာတွေကို နှိပ်ကွပ်ဖျောက်ဖျက်တာဟာ ကိုယ်ထိလက်ရောက် သဘောဆောင်တဲ့ ရုပ်ပိုင်းဆိုင်ရာမျိုးသုဉ်းသတ်ဖြတ်မှု မဟုတ်ရင်တောင် ယဉ်ကျေးမှုအရ စိတ်ပိုင်းဆိုင်ရာ မျိုးသုဉ်းသတ်ဖြတ်မှု သဘောပဲလို့ ဆိုနိုင်တယ်။ ပညာရှင်တွေကတော့ ယနေ့ခေတ်(၂၁)ရာစုမှာ French Style Nation Building  ပုံစံမျိုး အတင်းအဓမ္မ Unitary Nation-State တည်ဆောက်ရင် အောင်မြင်နိုင်ချေမရှိဘူးလို့ တညီတညွှတ်တည်း ဆိုထားကြပါတယ်။ ဥပမာ-စပိန်နိုင်ငံလို သမိုင်းကြောင်းကြီးပြီး အတွေ့အကြုံ ရင့်ကျက်ပြည့်ဝ ပြီးသား နိုင်ငံမျိုးမှာတောင် အောင်မြင်ဖို့မလွယ်တာ တွေ့ရတာပဲ။
    မြန်မာနိုင်ငံမှာဆိုရင်လည်း French Style Nation Building model လိုမျိုး မဟာဗမာလူမျိုးကြီးဝါဒ သွတ်သွင်းခြင်း (Burmanization)ဟာ လွန်ခဲ့တဲ့ နှစ်ပေါင်း(၆၀)လုံးလုံး ပုန်းလျှိုးကွယ်လျှိုးတခါ၊ ဗြောင်ကျကျတစ်မျိုးနဲ့ နိုင်ငံတော်ရဲ့ လုပ်ကိုင်ဆောင်ရွက်ပုံ (Modus operandi) အဖြစ် ရှိနေခဲ့တယ်။ ဒါပေမယ့် ပြင်သစ်လိုမျိုး Nation-State ဖြစ်လာရမယ့်အစား တကယ့် ရလဒ်ကတော့ မငြိမ်းနိုင်သေးတဲ့ ပြည်တွင်းစစ်မီးတွေပဲ ဖြစ်တယ်။ အစိုးရက သူတို့ကို Burmanize လုပ်နေတယ်လို့ခံစားရတဲ့ တိုင်းရင်းသား လူမျိုးစုတွေကလည်း ကိုယ့် identity ကို ကိုယ်ကာကွယ်ဖို့ အတွက် ကြိုးစားရင်း အပြန်အလှန်အားဖြင့် တိုင်းပြည်တွင်းမှာရှိတဲ့ မြန်မာ အပါအ၀င် လူမျိုးစုတိုင်းမှာ Nationalism အားကောင်းမောင်းသန် ဖြစ်လာကြတယ်။ တနည်းအားဖြင့် လူတစ်ဦးချင်းစီနဲ့ လူနည်းစုတွေရဲ့ အခွင့်အရေးတွေကို ငဲ့ကွက်စရာ မလိုဘူးဆိုတဲ့ အတွင်းစိတ် သဏ္ဍာန်တွေ ကိန်းအောင်လာစေတယ်။ ဒါကလည်း ဒီမိုကရက်တစ် လူ့အဖွဲ့အစည်း ဖြစ်လာဖို့ အတွက်ဆို ကြီးမားတဲ့ အဟန့်အတားပါပဲ။

    ကိုလိုနီလက်အောက်က လွတ်မြောက်ဖို့အတွက် ကြိုးပမ်းစဉ် အချိန်အခါမှာတော့ `အမျိုးသားရေးဝါဒ´ ဆိုတာ အသုံးတည့်ကောင်းတည့်နိုင်ပေမဲ့ ရေရှည် တိုင်းပြည်တည်ဆောက်ရာမှာတော့ ဒီမိုကရက်တစ်တန်ဖိုးစံတွေကို အခြေခံထားတဲ့ နိုင်ငံသားဖြစ်မှု၊ တသီးပုဂ္ဂလ လွတ်လပ်မှု၊ ညီမျှမှု နဲ့ မတူကွဲပြားမှုတွေအပေါ် နားလည်လက်ခံနိုင်မှု၊ ဖွဲ့စည်းပုံအခြေခံဥပဒေနဲ့ အလုပ်လုပ်တတ်တဲ့ အလေ့အကျင့် ထွန်းကားမှု စတဲ့ ရေခံမြေခံကောင်းတွေမရှိဘူး ဆိုလျှင်တော့ `အမျိုးသားရေးဝါဒ´ ဆိုတာ သင့်တော်ကောင်းမွန်တဲ့ အိုင်ဒီယိုလော်ဂျီ တစ်ရပ် ဖြစ်မလာနိုင်ပါဘူး။ ဒါကြောင့်မို့ သေချာရေရာမှုမရှိတဲ့ အနေအထားဆီကို ဦးတည်နေတဲ့ လက်ရှိ အချိန်အခါမျိုးမှာ နိုင်ငံရေးပါတီတွေကလည်း နိုင်ငံရေးအိုင်ဒီယိုလော်ဂျီ ကင်းမဲ့နေတဲ့အတွက် အစွန်းရောက် အမျိုးသားရေးဝါဒ ခေါင်းထောင်လာတာ ဖြစ်တယ်။ ဒါဟာ ရေသာခိုအချောင်လိုက်ဖို့ အခွင့်ကောင်း ချောင်းနေသူတွေ အတွက် နိုင်ငံရေး စင်မြှင့်ပေါ်တက်နိုင်မယ့် လှေကားထစ်တွေ ဖြစ်နေတယ်။ နိဂုံးချုပ်ရရင်တော့ မြန်မာပြည်မှာ ကိုလိုနီခေတ်တည်းကရှိခဲ့တဲ့ `အမျိုးသားရေးဝါဒ´ဟာ လက်ရှိ(၂၀၁၅)ခုနှစ်ရောက်တဲ့ထိ အမျိုးသားရေး သူငယ်နာ မစင်သေးတဲ့ အတွက် သက်တမ်းအရှည်ကြာဆုံး ပြည်တွင်းစစ်တွေ၊ လူမျိုးရေးမုန်းတီးမှုတွေ၊ ဘာသာရေး အခြေခံ အကြမ်းဖက်မှုတွေနဲ့ တိုင်းပြည်လည်း လုံးပါးပါးနေပြီး၊ ပြည်သူတွေ လိုလားတောင့်တနေတဲ့ `ဒီမိုကရေစနစ်´ တည်ဆောက်ရေး အိပ်မက်တွေလည်း သန္ဓေသားဘ၀မှာတင် အကြိမ်ကြိမ် သားလျှောကာ တိုင်းပြည်အနာဂတ်ေ၀၀ါးလျက်သာ ရှိနေပါသေးတယ်။ ။

    ကျော်ဇေယျာဝင်း
    (၅- ၉- ၂၀၁၅)

    ကိုးကား-
    (1) 2015 Asian Barometer Survey – Myanmar Political Aspirations
    (2) Alfred Stepan, Juan J. Linz and Yogandra Yadaw: Crafting State-Nation
    (3) Andrew Heywood: Political Ideologies – An Introduction
    (4) From Nation-Building To The Construction Of Europe: The Lessons And Limitations Of The French Example (Brain Jenkins: University of Portsmouth)
    (5) Renan, E., 1882, “What is Nation?” in Nation and Narration, H. Bhabha (ed.) London: Rotledge; reprinted in Nationalism, J Hutchinson and A. Smith (ed.), Oxford: Oxford University Press.