News @ M-Media

Tag: Buddhist Violence

  • မွတ်စလင်များကို အကြမ်းဖက်တိုက်ခိုက်ရန် သီရိလင်္ကာ ထိပ်တန်းဘုန်းကြီး တိုက်တွန်း

    မွတ်စလင်များကို အကြမ်းဖက်တိုက်ခိုက်ရန် သီရိလင်္ကာ ထိပ်တန်းဘုန်းကြီး တိုက်တွန်း

    ဇွန် ၂၃၊ ၂၀၁၉
    M-Media

    မွတ်စလင်များအပေါ် အကြမ်းဖက်တိုက်ခိုက်ရန် တိုက်တွန်းခဲ့သည့် ဘုန်းတော်ကြီး
    Warakagoda Sri Gnanarathana Thero

    -နိုင်ငံအတွင်းက အစ္စလာမ်ဘာသာဝင် ဆရာဝန်တွေဟာ ဗုဒ္ဓဘာသာဝင် အမျိုးသမီးတွေ မြုံအောင် လုပ်ဆောင်နေတယ်လို့ စွပ်စွဲကာ သီရိလင်္ကာနိုင်ငံရဲ့ ထိပ်တန်းဘုန်းကြီးတစ်ပါးက အစ္စလာမ်ဘာသာဝင်တွေအပေါ် အကြမ်းဖက်တိုက်ခိုက်ဖို့ တိုက်တွန်း ဆော်သြလိုက်ပါတယ်။

    ဧပြီလအတွင်းက ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုတို့ကို IS အဖွဲ့က အသေခံဗုံးခွဲတိုက်ခိုက်မှုနောက်ပိုင်း သီရိလင်္ကာနိုင်ငံအတွင်း မွတ်စလင်တွေအပေါ် ပစ်မှတ်ထားတိုက်ခိုက်မှုတွေ မြင့်တက်လာတဲ့အချိန် ထိပ်တန်းဘုန်းကြီးတစ်ပါးရဲ့ ဒီအမုန်းစကား ပေါ်ထွက်လာ ဖြစ်ပါတယ်။

    သီရိလင်္ကာရဲ့ သက်တမ်းအရင့်ဆုံးနဲ့ အကြီးဆုံး ဗုဒ္ဓဘာသာဂိုဏ်းတစ်ခုဖြစ်တဲ့ Asgiriya ကို ဦးဆောင်နေသူ ဘုန်းတော်ကြီး Warakagoda Sri Gnanarathana Thero က ပြီးခဲ့တဲ့တစ်ပတ် နိုင်ငံအလယ်ပိုင်း ကန်ဒီမြို့ တရားပွဲမှာ မွတ်စလင်မုန်းတီးရေးစကားတွေကို ပြောကြားခဲ့ပါတယ်။ အလယ်ပိုင်း ကူရူနီဂါလာခရိုင်မှာ မွတ်စလင်ဆရာဝန်တွေက ဗုဒ္ဓဘာသာဝင်အမျိုးသမီး ၄၀၀၀ လောက်ကို မြုံအောင် လုပ်ခဲ့တယ်လို့ သူက စွပ်စွဲခဲ့ပါတယ်။

    “ဒကာမတစ်ချို့က (ဆရာဝန်တွေလိုလူတွေကို) ခဲနဲ့ပေါက်သတ်ရမယ်လို့ ပြောကြတယ်။ ကျုပ်ကတော့ ဒီလိုမပြောပါဘူး။ ဒါပေမယ့် ဒါမျိုးကတော့ လုပ်ရမယ်”

    အစ္စလာမ်ဘာသာဝင်တွေ ဖွင့်လှစ်ထားတဲ့ စားသောက်ဆိုင်တွေဟာ ဗုဒ္ဓဘာသာဝင် စားသုံးသူတွေလာစာရင်း မြုံဆေးတွေ ထည့်ပြီးကျွေးတယ်ဆိုတဲ့ ကောလဟာလတွေဟာ သီရိလင်္ကာနိုင်ငံတစ်ဝှမ်း အချိန်အတော်ကြာကတည်းက ပြန့်နှံနေပြီး ဒါတွေကို ယုံကြည်နေသူလည်း ရှိနေပါတယ်။ ဘုန်းတော်ကြီး Gnanarathana က ပြီးခဲ့တဲ့တစ်ပတ် တရားမှာ မွတ်စလင်စားသောက်ဆိုင်တွေကို သပိတ်မှောက်ဖို့ ထပ်မံ တိုက်တွန်းခဲ့ပါတယ်။

    “မွတ်စလင်ဆိုင်တွေမှာ မစားကြနဲ့။ အဲဒီဆိုင်တွေမှာစားတဲ့သူတွေဟာ နောက်ပိုင်းမှာ ကလေးရမှာ မဟုတ်တော့ဘူး”

    Gnanarathana ရဲ့ ဒီတရားပွဲကို နိုင်ငံပိုင် ရုပ်သံကနေ ထုတ်လွှင့်ပြသခဲ့ပါတယ်။ သူတရားဟောခဲ့တဲ့ ကန်ဒီမြို့မှာ ပြီးခဲ့တဲ့နှစ်က ဒီကောလဟာလကြောင့် အစ္စလာမ်ဘာသာဝင်တွေအပေါ် အကြမ်းဖက်တိုက်ခိုက်မှုတွေ ရက်ဆက် ဖြစ်ပွားခဲ့ပါတယ်။

    ဘုန်းတော်ကြီး Gnanarathana က လူထုထင်မြင်ယူဆနေတဲ့ သဘောထားနဲ့အညီ ဒီလို ပြောတာဖြစ်တယ်လို့ စနေနေ့မှာ ကာကွယ်ပြောကြားခဲ့ပါတယ်။

    သီရိလင်္ကာနိုင်ငံရဲ့ လူဦးရေ ၂၁ သန်းမှာ ဗုဒ္ဓဘာသာဝင်ဦးရေက ၇၀ ရာခိုင်နှုန်းကျော်ရှိပြီး အစ္စလာမ်ဘာသာဝင်အရေအတွက်က ၁၀ ရာခိုင်နှုန်းသာ ရှိပါတယ်။

    စိုးရိမ်မှု မြင့်တက်

    တက်ကြွလှုပ်ရှားသူတွေက ဘုန်းကြီး Gnanarathana ရဲ့ ဒီစကားဟာ အမုန်းစကားဖြစ်ပြီး၊ အရေးယူဆောင်ရွက်ဖို့ သမ္မတ မိုင်သရီပါလာ ဆရီစီနာကို တိုက်တွန်းခဲ့ပါတယ်။ သီရိလင်္ကာက အစ္စလာမ်ဘာသာဝင်အသိုင်းအဝိုင်းကတော့ သူ့အပေါ် အကြမ်းဖက်တိုက်ခိုက်မှုတွေ မြင့်တက်လာမလားဆိုပြီး စိုးရိမ်နေကြပါတယ်။

    ဧပြီလ ၂၁ ရက်နေ့က နေရာ ၈ ခုမှာ ဗုံးခွဲမှုအတွင်း လူ ၂၅၀ သေဆုံးခဲ့ပြီး ၅၀၀ လောက် ဒဏ်ရာရခဲ့ပါတယ်။ ဒီတိုက်ခိုက်မှုဟာ နိုင်ငံအတွင်း လူသိနည်းတဲ့ မွတ်စလင်အဖွဲ့နှစ်ခု ပူးပေါင်းလုပ်ဆောင်တာဖြစ်တယ်လို့ သီရိလင်္ကာအစိုးရက ထုတ်ပြန်ခဲ့ပြီး၊ IS ကတော့ ဆီးရီးယားမှာ နယ်မြေဆုံးရှုံးမှုကို လက်တုန့်ပြန်တဲ့အနေနဲ့ တိုက်ခိုက်မှုကို သူတို့ လုပ်ဆောင်ခဲ့တာဖြစ်တယ်လို့
    ပြောကြားခဲ့ပါတယ်။

    တိုက်ခိုက်မှုအသေးစိတ်ကို အိန္ဒိယထောက်လှမ်းရေးက သီရိလင်္ကာ အာဏာပိုင်တွေထံ ကြိုတင်သတင်းပေးပို့ခဲ့ပေမယ့် တားဆီးကာကွယ်မှုတွေ မလုပ်ခဲ့ပါဘူး။ သမ္မတ ဆရီဆီနာက ဒီကိစ္စအတွက် ရဲတပ်ဖွဲ့ကို အပြစ်တင်ခဲ့ပေမယ့် သီရိလင်္ကာ ရဲတပ်ဖွဲ့ တာဝန်ရှိသူတွေက သူတို့ အချိန်မီ သတင်းပေးပို့ခဲ့ပေမယ့် သမ္မတက လစ်လျူရှုခဲ့တာဖြစ်တယ်လို့ တရားရုံးချုပ်ရဲ့ စုံစမ်းစစ်ဆေးမှုမှာ ထွက်ဆိုထားပါတယ်။

    ဒီကိစ္စရဲ့ နောက်ဆက်တွဲအဖြစ် သီရိလင်္ကာနိုင်ငံ မြောက်ပိုင်းမှာ မေလအတွင်းက မွတ်စလင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေ ဖြစ်ပွားခဲ့ပြီး လူတစ်ချို့သေဆုံးကာ မွတ်စလင်ပိုင် အိမ်တွေ၊ ဆိုင်တွေ၊ ဗလီဝတ်တွေနဲ့ အစီးအနင်းတွေ ဖျက်ဆီးခံခဲ့ရပါတယ်။

    Ref: Aljazeera

  • အစွန်းရောက်အုပ်စုတွေကြောင့် ညှိုးနွမ်းလာတဲ့ ဗုဒ္ဓသာသနာ

    အစွန်းရောက်အုပ်စုတွေကြောင့် ညှိုးနွမ်းလာတဲ့ ဗုဒ္ဓသာသနာ

    ဇွန် ၂၅၊ ၂၀၁၈
    M-Media

    သီရိလင်္ကာမှ အစွန်းရောက်ဘုန်းကြီးများနှင့်အတူ တွေ့ရသည့် ဦးဝီရသူ

    ခန္တီစ သည်းခံခြင်းတရား၊ မေတ္တာဂရုဏာတို့ဆိုတာ ဗုဒ္ဓဘာသာနဲ့ မကြာခနဆိုသလို ယှဉ်တွဲတွေ့မြင်ရတဲ့ အရည်အချင်းကောင်းတွေ ဖြစ်ပါတယ်။ ဒါပေမယ့် ဘာသာတရားဟာ ခြိမ်းခြောက်ခံနေရပြီး၊ ကာကွယ်စောင့်ရှောက်ဖို့ လိုအပ်လာပြီဆိုတဲ့ အယူအဆကို အခြေခံကာ ဗုဒ္ဓဘာသာရေးရာ လှုပ်ရှားမှုအသစ်တွေ အာရှဒေသတစ်ဝှမ်း ပေါ်ထွက်လာပြီးနောက်ပိုင်း အကြမ်းဖက်တိုက်ခိုက်မှုတွေကို ဆက်တိုက် မြင်လာရပါတယ်။ ဗုဒ္ဓဘာသာရဲ့ အမှတ်သညာ ခိုင်မာရေးဆိုတဲ့ အယူအဆကို အမျိုးသားရေးနဲ့ လူမျိုးရေး စိုးရိမ်ကြောင့်ကြမှုတွေ ထပ်ပိုးထားတဲ့ ဒေသမှုပြု ဒီ ဗုဒ္ဓဘာသာပုံစံဟာ ငြိမ်းချမ်းမှု၊ ဉာဏ်အလင်းပေါက်မြောက်မှုဆိုတဲ့ ဗုဒ္ဓသာသနာရဲ့ မူလဘူတ သဘောတရားနဲ့ လုံးလုံးဆန့်ကျင်တဲ့ သည်းမခံနိုင်မှု၊ ခွဲခြားဆက်ဆံမှု သဘောထားတွေကို ဖြစ်ပေါ်စေပါတယ်။

    ပြီးခဲ့တဲ့နှစ်မှာ ရိုဟင်ဂျာမွတ်စလင်တွေ ထောင်နဲ့ချီ အသတ်ခံရ၊ ထွက်ပြေးခဲ့ရတဲ့ မြန်မာနိုင်ငံမှာ ဗုဒ္ဓဘာသာဝင်အုပ်စုတွေဟာ သူတို့ရဲ့ အမှတ်သညာဆိုင်ရာ ပြဿနာတွေအတွက် အစွန်းရောက်နည်းလမ်းတွေနဲ့ တုန့်ပြန်လာကြပါတယ်။ အဲဒီအထဲက အထင်ရှားဆုံးတစ်ခုက ‘အမျိုးဘာသာသာသနာ စောင့်ရှောက်ရေးအသင်း’ လို့ခေါ်တဲ့ ‘မဘသ’ အဖွဲ့ကို ဖွဲ့စည်းမှု ဖြစ်ပါတယ်။ ထင်ရှားတဲ့ဘုန်းကြီး အရှင်ဝီရသူ ဦးဆောင်တဲ့ အဲဒီအဖွဲ့ဟာ “ဗုဒ္ဓ ဓမ္မ ပရဟိတ ဖောင်ဒေးရှင်း” အဖြစ် အမည်ပြောင်းခဲ့ကာ ထောက်ခံမှုကိုလည်း ကျယ်ကျယ်ပြန့်ပြန် ရရှိထားပါတယ်။

    “၉၆၉ လှုပ်ရှားမှု” အပါအ၀င် စောစောပိုင်းက ရှိခဲ့တဲ့ အဖွဲ့အမျိုးအမျိုးကနေ သန္ဓေတည်ပြီး မဘသအဖွဲ့ ပေါ်ပေါက်လာတာဖြစ်ပါတယ်။

    “၉၆၉ လှုပ်ရှားမှု” က ဗုဒ္ဓဘာသာဝင်တွေအနေနဲ့ ဗုဒ္ဓဘာသာဝင်တွေ ပိုင်ဆိုင်တဲ့ စီးပွားရေးလုပ်ငန်းတွေကို အားပေးဖို့၊ ဗုဒ္ဓဘာသာဝင်ပိုင်ဆိုင်တယ်လို့ ဖော်ပြနေတဲ့ ၉၆၉ အမှတ်တံဆိပ်ကပ် ဆိုင်တွေက ကုန်ပစ္စည်းတွေကို ၀ယ်ယူဖို့အတွက် တိုက်တွန်းအားပေးပါတယ်။ ဒီလှုပ်ရှားမှုရဲ့ သင်္ကေတဟာ သာသနာ့အလံပေါ်မှာ ၉၆၉
    တံဆိပ် ရိုက်နှိပ်ထားတာ ဖြစ်ပါတယ်။

    “မဘသ” လို အုပ်စုတွေ၊ ၉၆၉ လှုပ်ရှားမှုတွေဟာ လူမျိုးရေးနဲ့ အမျိုးသားရေးအမှတ်သညာကို အဓိကအခြေတည်ပြီး ထေရ၀ါဒဗုဒ္ဓဘာသာကို အယူဝါဒရေးရာ မောင်းနှင်အားတစ်ခုအဖြစ် အသုံးပြုတဲ့ ထူခြားတဲ့အခြေအနေတစ်ရပ်ရဲ့ အစိတ်အပိုင်းတွေ ဖြစ်ပါတယ်။ ဒီကနေတစ်ဆင့် လူမျိုးရေးနဲ့ ဘာသာရေး ပေါင်းစပ်ထားတဲ့ြ
    ဖစ်တည်မှုအပေါ် အခြေခံကာ ပဋိပက္ခတွေ၊ သည်းမခံနိုင်တဲ့၊ ခွဲခြားဆက်ဆံတဲ့ သဘောထားတွေ၊ တစ်ခါတစ်ရံမှာ သိသာတဲ့ အစ္စလာမ်ကြောက်ရောဂါတွေအထိ ဦးတည်သွားပါတယ်။ ဒါဟာ ‘ပိဋကတ်တော်’ လို့ခေါ်တဲ့ ဗုဒ္ဓဘာသာဝင်အများစု လက်ခံထားတဲ့ ဗုဒ္ဓဒေသနာ မဟုတ်ပါဘူး။ ဉာဏ်ပညာနဲ့ စိတ်ငြိမ်းချမ်းမှုရရှိေ
    အာင် ကြိုးပမ်းဖို့၊ မေတ္တာတရားပွားများဖို့ထက် ဗုဒ္ဓဘာသာ (သာသနာ) ကို ထိန်းသိမ်းကာကွယ်ဖို့ကို ပိုမိုအလေးပေးတဲ့ ၀ါဒမျိုး ဖြစ်ပါတယ်။ (ထေရ၀ါဒဆိုတာ တောင်အာရှနဲ့ အရှေ့တောင်အာရှနိုင်ငံတွေမှာ ကျင့်သုံးတဲ့ ဗုဒ္ဓဘာသာ ကျောင်းတော်ဝါဒတစ်ခု ဖြစ်ပါတယ်။)

    ဒါဟာ လူအများ မြတ်နိုးတန်ဖိုးထားတဲ့ ဗုဒ္ဓသာသနာရဲ့ အယူအဆနဲ့လည်း ကိုက်ညီမှု မရှိပါဘူး။ တကယ်လို့ ဗုဒ္ဓသာသနာရဲ့ အင်မတန်နှစ်လိုဖွယ်ကောင်းတဲ့ အယူအဆကို ပစ်ပယ်လိုက်ရင် ဗုဒ္ဓဘာသာထဲက အခုမှပေါ်ပေါက်လာတဲ့ အယူအဆတွေဟာ ကျွန်တော်တို့အတွက် ဘယ်လောက် အံ့အားသင့်စရာကောင်းသလဲ ကြည့် ရအောင်။ အခုပေါ်ထွက်လာတဲ့ ဗုဒ္ဓဘာသာပုံစံသစ်ကို ထည့်မတွက်ဘူးဆိုရင်လည်း သမိုင်းတစ်လျှောက် ဗုဒ္ဓဘာသာ အသိုင်းအ၀ိုင်းတွေမှာ လူသားအားလုံး တန်းတူညီမျှရေးဝါဒ၊ လစ်ဘရယ်ဝါဒ၊ လူမျိုးစုံဘာသာစုံဝါဒ၊ ဘာသာရေးမနွယ်တဲ့ဝါဒတွေ ထွန်းကားတယ်ဆိုတဲ့ အထောက်အထားဟာ မရှိသလောက်ပါပဲ။ ဒါဟာ ဗုဒ္ဓဘာသာယဉ်ကျေးမှုမှာ မဘသလို အစွန်းရောက် လှုပ်ရှားမှုတွေ ပုံမှန်ရှိခဲ့တယ်ဆိုတာမျိုး ညွှန်းဆိုတာ မဟုတ်ပေမယ့် ဗုဒ္ဓဘာသာအသိုင်းအ၀ိုင်းမှာ လူမျိုးရေးနဲ့ ဘာသာရေးဆိုင်ရာ အမှတ်သညာတွေကို ဦးစားပေးတဲ့ သဘောထားမျိုး မရှိဘူးလို့လည်း ငြင်းမရပါဘူး။ အချိန်ကာလ ကြာလာတဲ့အမျှ ဒီသဘောထားတွေဟာ ကျွန် တော်တို့ လက်ခံထားတဲ့ ဗုဒ္ဓဘာသာရဲ့ ရိုးရှင်းလွယ်ကူတဲ့ အယူအဆတွေနဲ့ မကိုက်ညီတဲ့ ရှုပ်ထွေးတဲ့ သဘောထားတွေ ဖြစ်လာစေပါတယ်။

    ဗုဒ္ဓဘာသာဝင်တွေဟာ အကြမ်းဖက်လာပြီ၊ ဒါမှမဟုတ် လူမျိုးကြီးဝါဒကို ထောက်ခံလာပြီဆိုရင် “စစ်မှန်တဲ့ ဗုဒ္ဓသာသနာ” ကနေ သွေဖီသွားပြီလို့ မှတ်ယူလို့ ရပါတယ်။ မြန်မာနိုင်ငံမှာ ဗုဒ္ဓစ်အစွန်းရောက်ဝါဒ မြင့်တက်လာတာက စစ်မှန်တဲ့ ဗုဒ္ဓသာသနာကို ထိခိုက်လာပြီး၊ ဒီအခြေအနေကို နားလည်အောင် ဖော်ပြဖို့အတွက် ဗုဒ္ဓသာသနာနဲ့ ဘယ်လိုမှ သက်ဆိုင်ခြင်းမရှိတဲ့ အသုံးအနှုန်းအသစ်တွေကို သုံးလာရတဲ့အထိ ဖြစ်လာပါတယ်။ ဗုဒ္ဓစ်အကြမ်းဖက်မှု၊ ဗုဒ္ဓစ်အမျိုးသားရေးဝါဒ၊ မတရားမှု၊ ခွဲခြားဆက်ဆံမှု ဒါတွေဟာလုံးဟာ ဗုဒ္ဓစ်အစွန်းရောက်ဝါဒကို ဖြစ်တည်စေတဲ့ အစိတ်အပိုင်းတွေ ဖြစ်ပါတယ်။ ခေတ်သစ်အာရှက ဗုဒ္ဓသာသနာကို နားလည်ဖို့ဆိုရင် ကျွန်တော်တို့ဟာ ဒီအယူအဆတွေကို လက်ခံဖို့ အခုအချိန်မှာ လိုအပ်လာပါပြီ။

    မြန်မာနိုင်ငံနဲ့ အာရှက ဗုဒ္ဓဘာသာထွန်းကားတဲ့ အခြားဒေသတွေမှာ ဗုဒ္ဓဘာသာဝင်တွေနဲ့ အခြားဘာသာဝင်တွေကို ခွဲခြားဖော်ပြတဲ့ လူမျိုးရေးနဲ့ အမျိုးသားရေး အမှတ်သညာတွေ၊ ယဉ်ကျေးမှုနဲ့ လူမျိုးရေးဆိုင်ရာ ၀ိသေသလက္ခဏာတွေကို နည်းလမ်းမျိုးစုံနဲ့ အသုံးချကြပါတယ်။ ဥပမာအားဖြင့် ထိုင်းနိုင်ငံမှာ “အမျိုး၊ သာသနာ၊
    တော်ဝင်မိသားစု” ဆိုတဲ့ အယူအဆရှိပြီး မြန်မာနိုင်ငံမှာ “အမျိုး၊ ဘာသာ၊ သာသနာ” ဆိုတဲ့ အယူအဆ ဖြစ်ပါတယ်။ ဒီအခြေအနေ နှစ်ခုစလုံးကိုကြည့်ရင် အမှတ်သညာဖြစ်တည်လာဖို့ အကြောင်းအချက်တွေထဲမှာ ဗုဒ္ဓဘာသာကို လိုက်နာဖို့၊ သစ္စာရှိဖို့အဆိုတဲ့ အယူအဆလည်း ပါဝင်ပါတယ်။ ဘာသာတရားကို ကာကွယ်တာဟာ အမျိုးသားရေးနဲ့ လူမျိုးရေးဆိုင်ရာ အမှတ်သညာရဲ့ အခြားအကြောင်းအရာတွေကို ကာကွယ်တာနဲ့ ဆက်စပ်နေပါတယ်။ တစ်ခုကို ကာကွယ်တာဟာ နောက်တစ်ခုကို ကာကွယ်တာမျိုးပါ။

    အာရှက ဗုဒ္ဓဘာသာနိုင်ငံတွေမှာ အများစုဟာ သူတို့ဘာသာကို အစ္စလာမ်ဘာသာက ခြိမ်းခြောက်နေတယ်လို့ မှတ်ယူကြပါတယ်။ အရှင်ဝီရသူလို ဗုဒ္ဓဘာသာခေါင်းဆောင်တွေဟာ သူတို့ကိုယ်သူတို့ ဗုဒ္ဓဘာသာကို ကာကွယ်စောင့်ရှောက်သူတွေအဖြစ် အမွှမ်းတင်ကြပါတယ်။ ဗုဒ္ဓဘာသာကို ကာကွယ်မယ်လို့ ကျွေးကျော်ကြတဲ့ ဒီပုဂ္ဂိုလ်တွေဟာ ဗုဒ္ဓဘာသာ အသင်းအဖွဲ့တွေကို ကာကွယ်ဖို့အတွက် ရန်လိုတဲ့နည်းလမ်းတွေကို အသုံးပြုတာ တရားကြောင်း အကြောင်းပြချက်တွေ ပေးကြပါတယ်။ ဗုဒ္ဓဘာသာနဲ့ အမျိုးသားရေးအမှတ်သညာအကြား ဆက်နွယ်မှုလို့ မြန်မာနိုင်ငံမှာ လတ်တလော ကျယ်ကျယ်လောင်လောင် ပြောကြားမှုမှာ ဗုဒ္ဓဘာသာကို ကာ ကွယ်ရေးဆိုတာ အဓိကသော့ချက်တစ်ခု ဖြစ်နေပါတယ်။ နောက်ပြီး ဗမာဗုဒ္ဓ အမျိုးသားရေးဝါဒီတွေရဲ့ အဆက်မပြတ် တိုက်တွန်းဆော်သြမှုတွေကို ဖြစ်စေသလို၊ မြန်မာပီသရေးကို ရည်ရွယ်ရာမှာလည်း ဒါက အဓိက ဖြစ်နေပါတယ်။

    ဗုဒ္ဓဘာသာဝင်မဟုတ်သူတွေအပေါ် အကြမ်းဖက်တာဟာ တရားကြောင်း တစ်ချို့သော ဗုဒ္ဓဘာသာခေါင်းဆောင်တွေက အကြောင်းပြချက် ပေးကြပါတယ်။ သီတဂူဆရာတော်ဟာ မြန်မာနိုင်ငံမှာ လေစားကြည်ညိုခံရဆုံး ဆရာတော်တွေထဲက တစ်ပါးဖြစ်ပြီး သူ့ရဲ့တရားတွေ၊ ပရဟိတလုပ်ငန်းတွေကြောင့် ကျော်ကြားပါတယ်။ မကြာသေးခင်က ဟောကြားခဲ့တဲ့ တရားမှာ သူက ဗုဒ္ဓဘာသာမဟုတ်သူတွေဟာ ဗုဒ္ဓဘာသာရဲ့ အယူအဆတွေကို လက်မခံ၊ ဗုဒ္ဓမြတ်စွာဘုရားရဲ့ အရိပ်အာဝသအောက်၊ ဗုဒ္ဓရဲ့ သင်ကြားမှုအောက်၊ ရဟန်းသံဃာတွေရဲ့ သွန်သင်ဆုံးမမှုအောက်မှာ မခိုလှုံသူတွေ ဖြစ်တာကြောင့် လူသားမမည်ဘဲ သူတို့ကို သတ်ဖြတ်တာဟာ တရားကြောင်း ရှင်းရှင်းလင်းလင်းကို ရည်ညွှန်းပြောကြားခဲ့ပါတယ်။ ဗုဒ္ဓဘာသာဝင်မဟုတ်ရင် သူတို့အပေါ် အကြမ်းဖက်တာဟာ တရားတယ် ဆိုတာမျိုးပါ။

    ဒီလို အကြမ်းဖက်မှုဖြစ်လာဖို့ မျိုးစေ့တွေဟာ ဗုဒ္ဓဘာသာ စာပေကျမ်းဂန်တွေမှာ ခိုင်ခိုင်မာမာ ပါဝင်နေပါတယ်။ ဥပမာအားဖြင့် ဗုဒ္ဓမြတ်စွာဘုရားရဲ့ တရားဒေသနာတွေ ဆုတ်ယုတ်ကျဆင်းကာ၊ တစ်ဖြည်းဖြည်းနဲ့ တစ်ချိန်ကျရင် ပျောက်ကွယ်သွားမယ် ဆိုတာမျိုးပါ။ ဒီအချက်ကို အသုံးချကာ မျိုးဆက်သစ်တွေအတွက် ဗုဒ္ဓဘာ
    သာကို ထိန်းသိမ်းရမယ်၊ တိုက်ခိုက်မှုတွေကနေ ဗုဒ္ဓဘာသာကို ကာကွယ်ရမယ်ဆိုတာမျိုး ဖြစ်လာတာပါ။ ဒေသတစ်ခုမှာသာ ကျန်ရှိတော့မယ့် စစ်မှန်တဲ့ ဗုဒ္ဓဘာသာကို ထိန်းသိမ်းရမယ်ဆိုတဲ့ ကျမ်းဂန်လာ အယူအဆတစ်ရပ်လည်း ရှိပြီး အဲဒီအယူအဆမှာ ဗုဒ္ဓဘာသာကို စော်ကားမှု၊ မလေးမစားလုပ်မှုကနေ ကာကွယ်ဖို့ ပါဝ
    င်ပါတယ်။ ဒီအချက်တွေဟာ ဗုဒ္ဓဘာသာကို အလျင်အမြန်ကာကွယ်စောင့်ရှောက်ရေး၊ ဗုဒ္ဓစ်အကြမ်းဖက်မှု ဖြစ်လာရေးတွေအထိ ဦးတည်သွားပါတယ်။ လက်ရှိအချိန်အထိ ဗုဒ္ဓဘာသာဝင်တွေရဲ့ တိုက်ခိုက်မှုမှာ အဓိကပစ်မှတ်ဟာ အစ္စလာမ်ဘာသာ ဖြစ်နေပေမယ့် အခြား လူနည်းစုတွေအတွက်လည်း အာမခံချက် မရှိပါဘူး။ြ
    မန်မာနိုင်ငံမှာ ရိုဟင်ဂျာတွေတင်မကဘဲ ခရစ်ယာန်ဘာသာဝင် ကချင်တွေအပေါ်မှာ လူမျိုးတုန်း တိုက်ခိုက်မှုတွေ ရှိနေတယ်ဆိုတဲ့ သတင်းတွေလည်း ထွက်နေပါတယ်။

    ဗုဒ္ဓစ်အစွန်းရောက် လှုပ်ရှားမှုတွေဟာ မြန်မာနိုင်ငံမှာ ဆက်လက်ကြီးထွားလာမယ့် အလားအလာ ရှိနေပါတယ်။ အဲဒီလှုပ်ရှားမှုက အကြောင်းပြချက်တွေကို အမျိုးသားရေးအုပ်စုတွေက အသုံးချပြီး မျိုးချစ်စိတ်၊ ဘာသာတရားအပေါ် သစ္စာရှိမှုဆိုတာတွေနဲ့ ရောနှောကာ လူပြိန်းကြိုက်ဝါဒတစ်ခုကို ဖန်တီးကြပါတယ်။ မြန်မာ့နိုင်ငံရေးစင်မြင့်မှာ သူတို့ဟာ တကယ်ကို အသုံးချလို့ကောင်းတဲ့သူတွေဖြစ်ပြီး ၂၀၂၀ ရွေးကောက်ပွဲမှာ အဓိကနေရာကနေ ပါဝင်လာမယ့် အလားအလာလည်း ရှိနေပါတယ်။

    လတ်တလော ကျွန်တော်တို့ လက်တွေ့မျက်မြင် ကြုံနေရတဲ့ မြန်မာနိုင်ငံက သွေးချောင်းစီးမှုတွေ၊ သီရိလင်္ကာမှာ လူနည်းစုတွေအပေါ် ဟိုတစ်စ ဒီတစ်စ တိုက်ခိုက်မှုတွေ၊ ထိုင်းနိုင်ငံမှာ ဗုဒ္ဓဘာသာဆိုတဲ့ အမှတ်သညာကို ခိုင်မာအောင် လုပ်ဆောင်လာမှုတွေဟာ အာရှတိုက်အနေနဲ့ ရှေ့လျှောက် ရင်ဆိုင်ကြုံတွေ့လာရမယ့် ဗုဒ္ဓဘာသာရဲ့ ပိုမိုဆိုးရွားတဲ့ပုံစံက နမိတ်လက္ခဏာတွေဖြစ်ပြီး ကမ္ဘာကြီးကလည်း ဗုဒ္ဓဘာသာ အယူအဆသစ်တစ်ရပ်ကို မျက်ဝါးထင်ထင် မြင်တွေ့လာရတော့မှာ ဖြစ်ပါတယ်။

    Ref: South China Morning Post

    (South China Morning Post တွင် ဆောင်းပါးရှင် Paul Fuller ရေးသားထားသည့် BLOOD SUTRA: WHATEVER HAPPENED TO BUDDHISM, RELIGION OF PEACE AND COMPASSION? ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။ ဆောင်းပါးပါ ရေးသားချက်များသည့် ဆောင်းပါးရှင်၏ အာဘော်သာ ဖြစ်ပါသည်။)

  • သီရိလင်္ကာ သမ္မတသစ် အစွန်းရောက် BBS အဖွဲ့ ၏ အကြမ်းဖက် လှုံ့ဆော်မှုများ အဆုံးသတ် နိုင်မလား

    သီရိလင်္ကာ သမ္မတသစ် အစွန်းရောက် BBS အဖွဲ့ ၏ အကြမ်းဖက် လှုံ့ဆော်မှုများ အဆုံးသတ် နိုင်မလား

    မတ် ၁၉ ၊ ၂၀၁၅
    M-Media
    မြင့်မိုရ်မောင်မောင် ဘာသာပြန်သည်။

    SRILANKA-superJumbo

    မြန်မာနှင့် သီရိလင်္ကာနိုင်ငံရှိ လက်ျာစွန်းရောက် ဗုဒ္ဓဘာသာဝင် အမျိုးသားရေးဝါဒီတို့၏ လက်ရှိမွတ်စ်လင်မ် ဆန့်ကျင်ရေးအကြမ်းဖက်မှုများအပေါ် နိုင်ငံတကာဗုဒ္ဓဘာသာအသိုင်းအ၀ိုင်းမှ ဆန့်ကျင်စကားများ ပေါ်ထွက်လျက်ရှိချိန်မှာပင် အဆိုပါနိုင်ငံအသီးသီးရှိ ယင်း အမာခံအုပ်စုကြီးထွားနေခြင်းကို ရပ်တန့်အောင် ကျယ်ပြန့်စွာ မစွမ်းဆောင်နိုင်သေးချေ။

    ပြီးခဲ့သည့်နိုဝင်ဘာလတွင် Jack Kornfield ၊ Tara Brach ၊ Joseph Goldstein ကဲ့သို့ အကျော်အမော်များအပါအ၀င် အမေရိကန်ဗုဒ္ဓဘာသာဝင်ဆရာများ ၃၈၁ ဦးသည ဗုဒ္ဓဘာသာဝင်တို့၏ ရန်စ အကြမ်းဖက်မှုနှင့် ပတ်သက်ပြီး အသံမြှင့်တင်ရန် တိုက်တွန်းသည့် စာတစ်စောင်ကို မြန်မာနိုင်ငံ သံတမန်ရေး ခရီးစဉ်၌ သမ္မတအိုဘားမားထံ ပို့ခဲ့ကြသည်။ ဒရိုင်းလားမားမှ “အလားတူဒုစရိုက်မျိုး မကျူးလွန်မီ ဗုဒ္ဓရှင်တော်မြတ်၏ပုံရိပ်ကို မြင်ယောင်တွေးဆအပ်သည်” ဟုဆိုလျက် မြန်မာနှင့် သီရိလင်္ကာနိုင်ငံတွင်းရှိ အစွန်းရောက်သမားတို့အား ပြတ်ပြတ်သားသား ရှုတ်ချသော တရားဝင်ကြေငြာချက်တစ်ရပ် ထုတ်ပြန်ပြီး လအနည်းငယ်အကြာတွင် အဆိုပါတိုက်တွန်းစာ ရေးပို့ခြင်းဖြစ်သည်။

    ယင်းနှစ်နိုင်ငံစလုံး၌ သံဃာ ဦးဆောင်လှုံဆော် နေသော ဘာသာရေး စော်ကားချက်အမြင်ပေါ် မူတည်နေကြသော်လည်း ပင်မအခြေခံအားဖြင့် နိုင်ငံရေးကိစ္စသာဖြစ်နေသည်။ Human Rights Watch နှင့် Amnesty International ကဲ့သို့ အစိုးရမဟုတ်သည့်အဖွဲ့အစည်းများက ရက်စက်မှုများအဆုံးသတ်ဖို့အတွက် လောဆော်ထားပြီးဖြစ်၏။ သို့သော်လည်း သက်ဆိုင်ရာအာဏာပိုင်အစိုးရမှ ကိုယ်ပိုင်ဆုံးဖြတ်ချက် အခိုင်အမာဖြင့် အရေးမယူသေးသမျှ သက်ဆိုင်ရာနိုင်ငံမှ လှုံ့ဆော်သည့် သံဃာများကမူ သူတို့၏လုပ်ရပ်များကို ရပ်တန့်လိမ့်မည်မဟုတ်ချေ။

    မြန်မာနိုင်ငံသည် နှစ်ပေါင်းငါးဆယ် စစ်အုပ်ချုပ်ရေးအဆုံးသတ်ပြီး လစ်ဘရယ်လမ်းကြောင်းသို့ ရွေ့လှမ်းလာပြီးနောက် မြန်မာ မွတ်စ်လင်မ်တို့  အပေါ် အုပ်စုဖွဲ့အကြမ်းဖက်မှုသည် ရခိုင်ပြည်နယ်တွင် ၂၀၁၂ ခုနှစ်က ပွင့်ထွက်ဖြစ်ပွားခဲ့သည်။ သို့တစေ ရှေ့ဆက်နေသော ရက်စက်ကြမ်းကြတ်မှုများကို ဖြတ်တောက်ရပ်တန့်ရမည့်အစား ရဲတပ်ဖွဲ့ဝင်တို့က လူမိုက်အားပေးအလုပ် လုပ်ဆောင်ခဲ့ကြ၏။ လက်ရှိအစိုးရလက်အောက်တွင် (အကြမ်းဖက်မှုများကို) ဖြိုခွဲရေးမှာ တွေးမြင်၍ မရနိုင်သေး။

    SirisenaImageTwo
    ရွေးချယ်တင်မြှောက်ခံရသည့် သီရိလင်္ကာနိုင်ငံ၏ သမ္မတသစ် Maithripala Sirisena (ပုံ)

    အလားတူစွာ သီရိလင်္ကာနိုင်ငံ၏ ဗုဒ္ဓအစွန်းရောက်အုပ်စု BBS – Bodu Bala Sena အား ကိုင်တွယ်အရေးယူမှုအတွက် အခွင့်အလမ်းဟူ၍ ပါးလျနေဆဲပင်။ ၂၀၁၂ ခုနှစ်ကတည်းက တည်ထောင်သော BBS သည် အငြင်းပွားဖွယ်ရာစစ်သွေးကြွအုပ်စုအဖြစ် လူထုမှ ဝေဖန်ခဲ့ကြပြီး သမ္မတဟောင်း Mahinda Rajapaksa ၏ ပုဂ္ဂလထောက်ခံမှု ရှိနေခဲ့၏။ ထိုသူတို့မှ တိုက်ခိုက်မှု ပြုလုပ်စဉ် Mahinda Rajapaksa ၏ ရဲတပ်ဖွဲ့များက ဘေးထွက်ရပ်ကြည့်နေကြသလို သူကိုယ်တိုင်ကလည်း လူထုမိန့်ခွန်း၌ ယင်းအဖွဲ့အစည်းအပေါ်လက်မခံနိုင်ခြင်းအား ခပ်ပျော့ပျော့လေးသာ ထည့်သွင်းပြောကြားခဲ့သည်။

    သာဓကအားဖြင့် သူ၏ ၂၀၁၃ ခုနှစ် ဖေဖော်ဝါရီ ၄ ရက် သီရိလင်္ကာလွတ်လပ်ရေးနေ့မိန့်ခွန်းတွင် ဘာသာရေးအသွင်ပြုအကြမ်းဖက်မှုကို သတိထားကြရန် BBS အား သွယ်ဝိုက်သတိပေးပြောဆိုခဲ့၏။

    “သီရိလင်္ကာမှာ ဘာသာရေးအကြောင်းပြု ပုန်ကန်ထကြွမှုလုပ်ဖို့ ကြိုးစားတဲ့သူ ဘယ်သူပဲဖြစ်ဖြစ် (အဲ့ဒီလုပ်ရပ်တွေဟာ) ဘာသာရေးကိုကိုယ်စားပြုတာ မဟုတ်ပါဘူး။ ခွဲထွက်ရေးရည်မှန်းချက်သာ ဖြစ်ပါတယ်” ဟု ဆိုသည်။

    “Fashion Bug နဲ့ No Limit တို့က ခင်ဗျားတို့ရဲ့ (ဗုဒ္ဓဘာသာဝင်) သမီးမိန်းကလေးတွေကို ဘာလုပ်နေကြသလဲဆိုတဲ့ အပုပ်သတင်းအချက်အလက်နဲ့ အထောက်အထားအားလုံး ကျွန်တော်တို့ဆီမှာရှိတယ်။ မွတ်စ်လင်မ်တွေကို ကျွန်တော်တို့ ပြန်လုပ်တာ ဘာအပြစ်ရှိလို့လဲ” ဟုဆိုကာ BBS အုပ်စု၏ အထွေထွေအတွင်းရေးမှူး Gnanasara Thera က ၀န်ထမ်းအမျိုးသမီးတို့အား အစ္စလာမ်သို့ အဓမ္မကူးပြောင်းစေသည်ဟု မွတ်စ်လင်မ်ပိုင် Fashion Bug နှင့် No Limit အထည် ကုမ္ပဏီနှစ်ခုကို မတရားစွပ်စွဲခဲ့ပြီး ထိုအဖွဲ့သည်  Kandy မြို့လယ်၌ တစ်လခွဲမျှ လှုံ့ဆော် ထကြွခဲ့ကြသည်။ ၎င်းကို တရားဝင် တားဆီးထိန်းသိမ်းမှု မပြုခဲ့။

    နှစ်ပတ်အကြာ စီးပွားရေးမြို့တော် ကိုလံဘိုတွင် ဗုဒ္ဓဘာသာဝင် သံဃာများသည် လူ ၅၀၀ ၀န်းကျင်ကို ဦးဆောင်၍ Fashion Bug ပိုင် အရောင်းဆိုင်တစ်ဆိုင်အား တိုက်ခိုက်ကြသည်။ လူအုပ်ကြီး၏ အဆောက်အဦဖျက်ဆီးခြင်း၊ တံခါးချိုးဖျက်ခြင်း၊ အတွင်းရှိ မွတ်စ်လင်မ် လုပ်သားများအပေါ် မဖွယ်မရာဆက်ဆံခြင်းများကို ရဲများက ရပ်ကြည့်နေခဲ့သည်။ တစ်နာရီကျော်ကြာမြင့်ပြီးနောက်မှာမှ ယင်းသောင်းကျန်းမှုကို ရဲတပ်ဖွဲ့က လူစုခွဲခဲ့သည်။ ဥပဒေစိုးမိုးရေးအရာရှိများက သံဃာ ၃ ဦးအပါအ၀င် သံသယရှိသူ ၁၇ ယောက်ကို ထိန်းသိမ်းခဲ့သည်။ သို့သော် ဒဏ်ငွေပေးဆောင်မည်ဆိုသည်နှင့် ထိုသူတို့အားလုံးကို မဆိုင်းမတွ လွှတ်ပေးလိုက်ကြသည်။

    ထိုလထဲမှာပင် သမ္မတ Rajapaksa ၏ညီဖြစ်သူ ကာကွယ်ရေးဝန်ကြီး Gotabhaya Rajapaksa က BBS လေ့ကျင့်ရေး စင်တာဖွင့်ပွဲအခမ်းအနားသို့တက်ရောက်ပြီး ထိုအဖွဲ့၏လုပ်ရပ်လမ်းစဉ်ကို အားပါးတရ ဂုဏ်ယူစကားဆိုခဲ့သည်။

    “ငါတို့ရဲ့နိုင်ငံ၊ အမျိုး၊ ဘာသာသာသနာကိုကာကွယ်နေတာ ဒီရဟန်းသံဃာတွေဖြစ်တယ်။ ဒီဘုန်းတော်ကြီးတွေအပေါ် ဘယ်သူမှ သံသယအမြင်တွေ မထားအပ်ဘူး။ သူတို့ကို အားပေးရပ်တည်ဖို့ ငါတို့ ဒီကိုရောက်လာခြင်းဖြစ်တယ်”။

    ထိုအကြမ်းဖက်အုပ်စုသည် Rajapaksa အစိုးရအဖွဲ့ထံမှ ထိရောက်သည့်အရေးယူမှု ကျရောက်ဖွယ်မရှိကြောင်း သိရှိပြီး စိုးရိမ်ကြောက်လန့်မှု မဖြစ်ကြောင်း ထိုစကားရပ်အားဖြင့် လုံလောက်နေသည်ဟု ဆိုနိုင်ပါ၏။

    သို့သော် မိမိကိုယ်ကို မရှိမဖြစ်ဟုအထင်ရောက်နေသော နှစ်ဖက်ခွသမ္မတ Rajapaksa သည် ဇန္န၀ါရီ ၈ ရက်၌ ပြန်လည်အရွေးခံသည့်အခါ မဲအပြတ်အသတ်ဖြင့် ရှုံးနိမ့်သွားပါသည်။ ကျန်းမာရေးဝန်ကြီးဟောင်း Maithripala Sirisena သည် လူနည်းစုဝင်များဖြစ်သော တမီလ်နှင့် မွတ်စ်လင်မ်တို့၏ ဧရာမ မဲအင်အားဖြင့် အာဏာရယူနိုင်ခဲ့ပြီး သီရိလင်္ကာနိုင်ငံ၏ သမ္မတသစ် ဖြစ်လာပေသည်။

    Maithripala Sirisena က ကာလရှည်ညှင်းဆဲခံ အုပ်စုများကို ကာကွယ်၍ အခွင့်အလမ်းတံခါးဖွင့်ပေးမည့် ဒီမိုကရက်တစ်ပြုပြင်ပြောင်းလဲမှု ဆောင်ရွက်ရန် ကတိပြုထားသည်။ သူ့ဆိုစကားအရ BBS အား ဖြိုလှဲရေး လုပ်ငန်းစဉ် ပါဝင်နေကြောင်း သိရပေသည်။

    ဇန္န၀ါရီရွေးကောက်ပွဲ၌ Rajapaksa ၏ ကျော်ကြားမှုအား ယှဉ်ပြိုင်လှဲချနိုင်သည့် အခွင့်အရေးတစ်ရပ်ကို Sirisena မှ လက်ကိုင်ပြုလိုက်ခြင်းကလည်း အကြောင်းတစ်ရပ်ဖြစ်သည်။ BBS ၏အကြမ်းဖက်မှုများကို ထိရောက်စွာ ကိုယ်တွယ်တုန့်ပြန်နိုင်စွမ်းမရှိမှုက Rajapaksa ပြုတ်ကျသွားစေသည့် အဓိကထောက်ကွက်လမ်းကြောင်းပင်။ ယမန်နှစ်ဇွန်လအတွင်း အနောက်တောင်ပိုင်းရှိ Aluthgama မြို့၌ မွတ်စ်လင်မ်တို့ကို တိုက်ခိုက်မှုတစ်ရပ်ဖြစ်ပွားရာ လူ ၃ ဦးသေဆုံးပြီး ၈၀ ဒဏ်ရာရခဲ့သည်။ ယာယီကာဖျူးအမိန့်ထုတ်ခြင်းမှအပ ချက်ခြင်းတုန့်ပြန်မှုဟူ၍ လောက်လောက်လားလား မရှိခဲ့။

    ထိုစော်ကားတိုက်ခိုက်မှု၏နောက်ပိုင်း အချိန်အတန်ကြာပြီးမှ လူ ၄၁ ဦးသာ ဖမ်းဆီးခဲ့သည်။ အကြမ်းဖက်တွင်ပါဝင်သူ အနည်းငယ်သာပါဝင်ပြီး ကျန်သူများက ကာဖျူးအမိန့်ချိုးဖောက်သူများဖြစ်နေသည်။ သို့ရာတွင် တိုက်ခိုက်မှုမတိုင်မီ Aluthgama နယ်တစ်ဝိုက်တွင် အမုန်းတရားအခြေတည်အကြမ်းဖက်ရန် BBS မှ အပြင်းအထန်သွေးထိုးလှုံ့ဆော်သည့် ဗီဒီယိုမှတ်တမ်း ထင်ထင်ရှားရှားရှိနေလင့်ကစား BBS ခေါင်းဆောင်ပိုင်းတစ်ဦးမျှ ဖမ်းဆီးခံရခြင်း မရှိခဲ့ချေ။

    အကြမ်းဖက်မှု၌ပါဝင်အားပေးသူ စင်ဟာလာဗုဒ္ဓဘာသာဝင်များအား တရားစီရင်ရန် အကြိမ်ကြိမ် ရှောင်လွှဲပျက်ကွက်နေခြင်း၊ မဆိုင်သည့်အကြောင်းဖြင့် မဆိုင်သူအား စီရင်ခြင်းက Rajapaksa ၏ (မိမိ၏ဘက်တော်သားလူတစ်စုသာကောင်းစားရေး) ခရိုနီသင်္ကေတအား ဖော်ကျူးလိုက်ပေသည်။ ထို့ပြင် သီရိလင်္ကာနိုင်ငံလူဦးရေပမာဏ ၁၀ ရာခိုင်နှုန်းအထိရှိနေသော မွတ်စ်လင်မ်လူထုအကြား သူ့အမည်နာမ သုံးစားမရတော့ပေ။

    Rajapaksa အား လူကြိုက်နည်းသွားရခြင်း၏အဓိကရင်းမြစ်မှာ BBS နှင့်စပ်လျဉ်းသော သူ့အနေအထားကြောင့် မဟုတ်။ မိမိ၏ရာထူးနေရာအတွက် အမြင်ကျဉ်းမြောင်းစွာဖြင့် အာဏာတည်ဆောက်မှု ကြီးထွားလာသောကြောင့်သာဖြစ်သည်။ သီရိလင်္ကာနိုင်ငံသားအများအပြားက အခြေခံကုန်စည်များတွက်ပင်လျှင် ရုန်းကန်နေရသော ဖွံ့ဖြိုးမှုမဲ့စီးပွားရေးအခြေအနေ ထပ်ဆင့်လာသောအခါ Rajapaksa ၏ ဒီမိုကရေစီအံတုလမ်းစဉ်သည် သူ၏အတွင်းပိုင်း မိသားစု၊ မိတ်ဆွေ၊ ဘက်တော်သားအုပ်စုပြင်ပရှိ လူပေါင်းများစွာတို့အား စိတ်ပျက်လက်ပျက်ဖြင့် ယုံကြည်မှုကင်းမဲ့သွားစေသည်။

    ယင်းသို့တစ်ဖက်သတ်ဆန်ဆန် စီမံထားမှုလမ်းကြောင်းများက Rajapaksa ၏ ကိုယ်ပိုင်နိုင်ငံရေးပါတီဝင်များ၊ သူ့အတွင်းစည်းမှ အခရာအင်အားစုဖြစ်သည့် သီရိလင်္ကာသား စင်ဟာလာဗုဒ္ဓဘာသာဝင် ၇၀ ရာခိုင်နှုန်းကိုပင် သူစိမ်းဆန်သွားစေခဲ့သည်။ အချုပ်ဆိုရလျှင် Rajapaksa ကဲ့သို့ အမျိုးသားနိုင်ငံရေးဝါဒီအများစုသည် လူမျိုးရေးအကြောင်းပြ ခေါင်းစဉ်အောက်စုစည်းခြင်းအပေါ် မှီခိုနေခြင်းဖြစ်သည်။ ကနဦးပိုင်းက အားထားခဲ့သည့် မဲအင်အားစု ပြိုကွဲပြီး ညွှန့်ပေါင်းအဖွဲ့၏လားရာ ပြောင်းလဲသွားသည်၌ ခေါင်းမာသူကြီးအဖို့ ကယ်ကူရာမဲ့ဖြစ်သွားလေသည်။

    ရွေးကောက်ပွဲနေ့မတိုင်မှီ ငါးနှစ်ခွဲအလို ဆင်ဟာလာဗုဒ္ဓဘာသာဝင်လူများစုနှင့် ဟိန္ဒူတမီလ်လူနည်းတို့အကြားဖြစ်ပွားသော ၂၅ နှစ်ကြာ ပြည်တွင်းစစ်ကို အဆုံးသတ်ပေးနိုင်ခြင်းက Rajapaksa ၏ အထွဋ်အထိပ်နိုင်ငံရေးအောင်မြင်မှု ဖြစ်ခဲ့သည်။ မဝေးကွာလှသေးသည့် အတိတ်အောင်မြင်မှုလည်း ရေစုန်မျောရချေပြီ။ သီရိလင်္ကာသားတို့အဖို့ စစ်မက်ကင်းဝေးရုံမျှဖြင့် မလုံလောက်နိုင်သေးသောကြောင့်ဖြစ်သည်။

    Rajapaksa အဖတ်ဆည်မရအောင် ထိုးကျသွားရသည့် အထင်ရှားဆုံးဖြစ်နေချေအကြောင်းရင်းမှာ ပြည်တွင်းစစ်ကာလအတွင်း ကျူးလွန်သော စစ်ရာဇ၀တ်အတွက် ဆင့်ခေါ်စစ်ဆေးခြင်းကို ငြင်းပယ်မှုဟု ဆိုရပါမည်။ Rajapaksa သည် ထိုအတိတ်ကိုပြန်မဖော်ဘဲ ပြည်ဖုံးကားချလိုခြင်းမှာ သူနှင့် ညီဖြစ်သူ ကာကွယ်ရေးဦးစီးတို့၏ ထဲထဲဝင်ပါဝင်ပတ်သက်မှုရှိနေနိုင်ကြောင်း မည်သူမဆို တွေးဆကြည့်နိုင်မည်ဖြစ်သည်။ သို့သော် ထိုငြင်းပယ်သည့်ဆုံးဖြတ်ချက်က ပြည်တွင်းစစ်နောက်ဆုံးကာလများအတွင်း သတ်ဖြတ်ခံလိုက်ရသည့် တမီလ်အရပ်သား လေးသောင်းဝန်းကျင်တို့၏ မိသားစုဝင်များ၊ မိတ်ဆွေများကို ဒေါသနှိုးဆွလိုက်ပေသည်။

    ထိုတွန်းအားပေးမှုသည် နှစ်ဖက်စလုံးမှ ရာဇ၀တ်မှုကျူးလွန်သူတို့အား စုံစမ်းစစ်ဆေးရန် ကုလလူ့အခွင့်အရေးကောင်စီမှ ခြေလှမ်းစတင်စေခဲ့သည်။ သို့သော် New York Review of Books တွင် ဂျာနယ်လစ် Joshua Hammer က Rajapaksa အစိုးရအဖွဲ့သည် စုံစမ်းစစ်ဆေးရေးအရာရှိများကို ပြည်ဝင်ခွင့် မပေးခဲ့ကြောင်း၊ Skype မှတဆင့် ၀န်ခံထွက်ဆိုသူ မျက်မြင်သက်သေများကို ခြိမ်းခြောက်ပြီး ဂျီနီဗာရှိ လူ့အခွင့်အရေးကောင်စီဋ္ဌာနချုပ်မှ စွဲချက်တင်မှု ပယ်ဖျက်ရန် ပြောဆိုလိုက်ကြောင်း ဖော်ပြခဲ့သည်။

    ယင်းသို့ အသည်းအမည်းငြင်းဆန်မှုသည် သီရိလင်္ကာကို နိုင်ငံတကာအလယ် ဂုဏ်သိက္ခာကျဆင်းသွားစေသည့်အပြင် နိုင်ငံမြောက်ပိုင်း တမီလ်ဒေသနှင့် ရင်ကြားစေ့ရေးခြေလှမ်းများအား ကြိုပိတ်တားဆီးလိုက်ခြင်းဖြစ်သည်။ ရင်ကြားစေ့ရေးလုပ်ငန်းစဉ်၌ အစိုးရသိမ်းပိုက်နယ်မြေများ ပြန်ပေးရေး၊ သတင်းစာလွတ်လပ်ခွင့်၊ အတိုင်းအတာတစ်ရပ်အထိ ကိုယ်ပိုင်စီမံအုပ်ချုပ်မှုအခွင့်အာဏာ စသည်တို့ ပါဝင်နေ၏။

    sri-lanka_1

    အထက်ပါအကြောင်းအချက်များက သမ္မတ Rajapaksa စီစဉ်သည့် လျှပ်တစ်ပြက်ရွေးကောက်ပွဲမတိုင်မီ သုံးလအလိုတွင် သူ၏ ရေရှည်နိုင်ငံရေးလက်တွဲဖော်ဖြစ်သော Maithripala Sirisena အား ဆန့်ကျင်ဖက်လမ်းလျှောက်ရန် ဆုံးဖြတ်သွားစေသည်။ သို့ဖြင့် Rajapaksa ၏သစ္စာခံ ဆင်ဟာလာအင်အားစုအကြား ခံစားခဲ့ရသည့် ဆုံးရှုံးနစ်နာမှုများကို ပြန်လည်အောင်နိုင်ရန် Sirisena မှ တမီလ်နှင့်မွတ်စ်လင်မ်များအကြားရှိ လုံလောက်သော အားပေးထောက်ခံမှုပေါ်မူတည်လျက် လောင်းကြေးထပ်လိုက်ပေသည်။

    သို့သော် ဖြစ်စဉ်ရလဒ် ထူးခြားခဲ့သည်။ ဆင်ဟာလာနိုင်ငံရေးသမားတို့က ဆွယ်လုံးများပေးနေလင့်ကစား တမီလ်နှင့်မွတ်စ်လင်မ်တို့သည် Sirisena ၀င်ပြိုင်အရွေးခံခြင်းဖက်မှ ရပ်တည်အားပေးခဲ့ကြသည်။ Rajapaksa ၏ လူတစ်စုကောင်းစားရေးဝါဒကြောင့် သီရိလင်္ကာ၏ အကြီးမားဆုံး မွတ်စ်လင်မ်ပါတီ၏ခေါင်းဆောင် ရာအူးဖ်ဟကီးမ် Rauf Hakeem သည် တရားရေးဝန်ကြီးရာထူးမှနှုတ်ထွက်ပြီး Sirisena ဖက်သို့ ဘက်ပြောင်းလိုက်ပါသည်။ အချိန်တိုလေးအတွင်း ပင်မ တမီလ်နိုင်ငံရေးပါတီသည် သူနှင့် တစ်သွေးတစ်သံတည်း ဖြစ်သွားခဲ့၏။

    ညွှန့်ပေါင်းအင်အားစု
    ———————-
    Sirisena ၏ မွတ်စ်လင်မ်နှင့်တမီလ် ပြန်လည်ပေါင်းစည်းမှု ထင်ရှားလာခြင်းမှာ အံ့သြစရာ အလျဉ်းမရှိချေ။ “ရန်သူ၏ရန်သူသည် မိတ်ဆွေဖြစ်သည်” ဟူသော အဆိုရှိနေသည်မဟုတ်လော။ အမှန်တကယ် ပါးစပ်အဟောင်းဖြစ်သွားစေသည့်ပုံဟန်သည်ကား အလယ်အလတ်လမ်းစဉ်လိုက် ဗုဒ္ဓဘာသာဝင်များ၏ပါတီ National Heritage Party (JHU) သည်လည်း Sirisena အား ထောက်ခံလိုက်ခြင်းပင်တည်း။ သီရိလင်္ကာပါလီမန်အမတ်နေရာ ၂၂၅ အနက် သုံးနေရာသာရထားသော်လည်း ၎င်းပါတီသည် နိုင်ငံအတွင်းဗုဒ္ဓဘာသာအသိုင်းအ၀ိုင်း၏ နိုင်ငံရေးအသံအား ကိုယ်စားပြုထားပေသည်။

    JHU ခေါင်းဆောင် Omalpe Sobitha သည် Rajapaksa အားထောက်ခံမှုမှ နှုတ်ထွက်ကျောခိုင်းရခြင်းအကြောင်းကို ဤသို့ရင်ဖွင့်ပြောကြားသည်။

    “ဒီလိုနှုတ်ထွက်ခြင်းဟာ ရန်သူအင်အားစုဆီကလာတဲ့ စိန်ခေါ်ချက်တစ်ရပ်ကြောင့် မဟုတ်ပါဘူး။ မိမိလမ်းကြောင်းတွေကို ပြန်လည်တည့်မတ်ဖို့ သမ္မတကိုပေးတဲ့ မွေးနေ့လက်ဆောင်တစ်ခုပါ။ ဒါဟာ ဗုဒ္ဓအဆုံးအမအရ မိတ်ဆွေတစ်ကို သွန်သင်လမ်းပြခြင်း ဖြစ်ပါတယ်”။

    သို့သော် ခြားနားစွာတည်ရှိသော ဗုဒ္ဓဘာသာနိုင်ငံရေးအုပ်စု BBS ၏ထောက်ခံမှုကို Rajapaksa မှ ကိုင်ဆွဲထားဆဲပင်။ BBS အဖွဲ့မှ Rajapaksa အား ပြန်လည်တင်မြှောက်ရေးဆုံးဖြတ်ချက်ကို ကြေငြာရာတွင် ထိုအုပ်စု၏ စီအီးအို Dr. Dilanthe Withananage က အတိုက်အခံအင်အားစုတို့ကို အပြင်းအထန်ဝေဖန်ခဲ့သည်။

    “အမည်ခံအုပ်ချုပ်ရေးစနစ်ကောင်း၊ ဒီမိုကရေစီနဲ့တရားဥပဒေစိုးမိုးရေး၊ အစိုးရမဟုတ်တဲ့အဖွဲ့အစည်းတွေရဲ့ ကြွေးကြော်သံအပေါင်း၊ ကမ္ဘာ့ဘဏ်၊ ကုလသမဂ္ဂတို့ဟာ သာမန်ယှဉ်ဖက် Maithripala Sirisena ကို အပေါ်ယံလျှပ်ပြီး အကဲဖြတ်နေကြတာပါ”။

    BBS ၏ မဟာဗျူဟာမှာ Maithripala Sirisena အား “သီရိလင်္ကာဗဟိုချက်မ လူ့အဖွဲ့အစည်းဖြစ်သော ဆင်ဟာလာဗုဒ္ဓဘာသာဝင်တို့အား မျက်ရည်ချောင်းစီးအောင် လျှို့ဝှက်ရည်ရွယ်ထားသည့် နိုင်ငံတကာပြည်ပအားကိုးသူ” အဖြစ် ပုံဖော်လိုခြင်းဖြစ်သည်။

    Rajapaska မှ ယင်းကဲ့သို့ ၀ါဒမှိုင်းတိုက်ခြင်းကို လက်ခံကြိုဆိုခဲ့ခြင်းက လွဲချက်နာရပေသည်။ အဆုံးသတ်သော် သူ၏အမာခံထောက်ခံသူများက အင်အားသာသော်လည်းအမြင်ကျဉ်းအယူသည်းလှသည့် လူများစုအပေါ် သူ၏မှီခိုနေမှု (နှင့်) ဘာသာခြားတိုင်းရင်းအုပ်စုငယ်တအုံတကျင်း၏ Sirisena အပေါ် ရပ်တည်ချက်တို့အကြား ကွဲပြားခြားနားမှုကို ပုံကြီးချဲ့ခဲ့ကြသည်။ သို့ဖြင့် လက်တစ်ဆုပ်စာမျိုးတူအုပ်စုမှထိန်းချုပ်ထားသော အစိုးရနှင့် မျိုးကွဲညွှန့်ပေါင်းအုပ်စုကြီးအကြား ရွေးချယ်မှုတစ်ခုအဖြစ် ရွေးကောက်ပွဲက အသွင်ပြောင်းသွားလေသည်။ သို့သော် ထိုသူတို့မှာ Rajapaksa အတွက် အလုပ်ဖြစ်အောင် မစွမ်းဆောင်နိုင်ခဲ့ချေ။ ရွေးကောက်ပွဲရောက်ရန် သုံးရက်မျှသာလိုသောအခါကျမှ  “ဆင်ဟာလာဖြစ်စေ၊ တမီလ်ဖြစ်စေ၊ မွတ်စ်လင်မ်ဖြစ်စေ ဒီနိုင်ငံကမည်သူ့ကိုမဆို ကျွန်တော် အကာအကွယ်ပေးပါမယ်” ဟု Rajapaksa က အမြင်ယှဉ်ပြိုင်နိုင်ဖို့ ကြိုးစားပမ်းစား ပြောကြားခဲ့သည်။ ဤကတိအား အပြည့်အ၀သက်သေပြနိုင်ခြင်း ရှိမည်မဟုတ်သလို အခါလွန်မိုး ဖြစ်ခဲ့ပြီတည့်။

    သီရိလင်္ကာသမိုင်း၌ မဲဝင်ပေးသူပမာဏအများဆုံးဖြစ်စဉ်သည် ဇန္န၀ါရီ ၈ ရက်တွင် ပေါ်ပေါက်ခဲ့သည်။ တရားဝင်မဲပေးခွင့်ရှိသူများ၏ ၈၁.၅ ရာခိုင်နှုန်းအထိ မဲပေးခဲ့ကြသည်။ အမေရိကန်သမ္မတရွေးကောက်ပွဲ၌ (နောက်ဆုံးနှစ်ကြိမ်ဖြစ်သော) ၂၀၀၈ နှင့် ၂၀၁၂ ခုနှစ်တွင် မဲထည့်သူဦးရေ ၅၇ နှင့် ၅၄ ရာခိုင်နှုန်း အသီးသီးသာ ရှိခဲ့ခြင်နှင့် နှိုင်းယှဉ်ကြည့်နိုင်ပါသည်။ မဲပမာဏအားလုံး၏ ၅၁ ရာခိုင်နှုန်းဖြင့် Sirisena မှ နှာတစ်ဖျားအသာ အနိုင်ရသွားခဲ့သည်။ မွတ်စ်လင်မ်နှင့်တမီလ်တို့၏ ၇၀ ရာခိုင်နှုန်းသော မဲဝေစုက ဆင်ဟာလာဗုဒ္ဓဘာသာဝင်များအကြား ရှိနေခြင်းကြောင့်ဟု ဆိုရပေမည်။

    သို့သော် နိုင်ငံရေးအဆောက်အဦ၌ အုပ်ချုပ်ရေးစနစ်ကောင်းချမှတ်ခြင်းထက် မှိုင်းတိုက်ခြင်းက ပိုမို တာသွားတတ်လေ့ရှိရာ ထိုရွေးကောက်ပွဲမှ အဓိကမေးခွန်းတစ်ရပ် ထွက်ပေါ်လာပါသည်။ Sirisena ၏ မတည်ငြိမ်သေးသော မဲဆန္ဒရှင်အုပ်စုများသည် နောက်ကွယ်မူဝါဒများဖြင့် မည်သို့ စခန်းသွားကြမည်နည်း ? ထို့ပြင် ဤစည်းဝိုင်းအတွင်းကစားကွက်သည် BBS အပေါ်ထားရှိသော အစိုးရပေါ်လစီအား မည်သို့သက်ရောက်စေမည်နည်း ?

    ရွေးကောက်ပွဲဝင်စဉ် နှစ်လတာအတောအတွင်းမှစပြီး Sirisena က သိသာထင်ရှားသော ပြန်လည်ပြုပြင်မှုအချို့အား စီမံထားပြီးဖြစ်သည်။ ၎င်း၌ BBS အားအရေးယူရန် ဆန္ဒရှိနေကြောင်း အရိပ်အမြွက်ပါဝင်နေသည်။ သို့သော် ရွေးကောက်ပွဲမတိုင်မီ သုံးလအလိုအထိ Sirisena သည် Rajapaksa လက်အောက်မှ ကျန်းမာရေးဝန်ကြီးတာဝန်ထမ်းဆောင်နေခဲ့သော သူ့ပါတီဝင်ဖြစ်ခဲ့ခြင်းကြောင့် ယင်းအလားအလာများကို စောင့်ကြည့်ရပေဦးမည်။

    ရွေးကောက်ပွဲအပြီး ပျော်ရွှင်အောင်ပွဲခံနေခြင်းကြားမှ International Crisis Group အဖွဲ့ဝင် Brian Keenan သည် တက်ကြွလှုပ်ရှားနေကြသူများအား “Sirisena မှာ Rajapaksa ထက်ပင် နားလည်ရခက်သူဖြစ်၏။ သို့သော် မည်သို့ပင်ဖြစ်စေ ဆင်ဟာလာအမျိုးသားရေးဝါဒ၏အရောင်စွန်းထင်းမှု မဆိုစလောက်တော့ ရှိပါသည်” ဟု သတိပေးခဲ့သည်။ Guardian သတင်းစာအယ်ဒီတာအဖွဲ့က “သီရိလင်္ကာဖြစ်စဉ်ဟာ တော်လှန်ရေးတစ်ရပ် မဟုတ်ခဲ့ပါဘူး။ အတိတ်ကာလရဲ့ ဒီမိုကရေစီချိန်ခွင်လျှာကို ပြန်လည်ညှိနှိုင်းထိန်းသိမ်းလိုက်တာမျိုးလည်း မဟုတ်ပါဘူး။ Rajapaksas ရဲ့ အထိန်းအကွပ်မဲ့ အာဏာအလွဲသုံးစားပုံဟန်ကိုဆန့်ကျင်ပြီး အာဏာရပါတီအတွင်းထဲကနေ ဦးချိုးလိုက်ခြင်းသာ ဖြစ်တယ်” ဟု ဆိုကြသည်။  Sirisena သည် BBS ၏ထောက်ခံမှုရရန် ကြိုးစားခဲ့ကြောင်း ထိုအုပ်စုခေါင်းဆောင်တို့၏အဆိုအရ သိရသည်။

    Sirisena သည် စတင်တာဝန်ထမ်းဆောင်သည့် လအနည်းငယ်အတွင်း သူ့အပေါ်ရှိသောသံသယအားလုံး ချေဖျက်ရန် တတ်နိုင်သမျှ ကြိုးစားခဲ့သည်။ ဒီမိုကရေစီလမ်းကြောင်းနှင့်စပ်လျဉ်း၍ ဇွန်လ၌ လွှတ်တော်အတွင်း ရွေးကောက်ပွဲလုပ်ရန် မဲဆွယ်ကတိပေးထားပြီးဖြစ်ရာ သူ၏တစစအားကောင်းလာသော ညွှန့်ပေါင်းအဖွဲ့မှာ အတိုက်အခံတို့၏စိန်ခေါ်ချက်ဒဏ် ခံရဖွယ်ရှိနေသည်။

    အုပ်ချုပ်ရေးစနစ်ကောင်းနှင့်စပ်လျဉ်း၍ Rajapaksa အုပ်ချုပ်ရေးကာလအကျင့်ပျက်မှုများမှ လာဘ်စားမှုတစ်ရပ်ကို သူက ကြေငြာခဲ့သည်။ တရားစီရင်ရေးနှင့် အလွတ်တန်းကော်မရှင်အဖွဲ့များအတွက် လွတ်လပ်စွာကျင့်သုံးနိုင်ရန်အလို့ငှာ ၁၉ ကြိမ်မြောက် သီရိလင်္ကာဖွဲ့စည်းအုပ်ချုပ်ပုံစည်းမျဉ်းပြင်ဆင်ရေးဖြစ်မြောက်ဖို့လည်း အားထုတ်ထားသည်။ ပြန်လည်ပြုပြင်တည်ဆောက်မှုမှာ တစ်ခုတည်းသာ ရှိ၏။ လောင်စာအခွန်အခကို အစိုးရဖက်မှ ၂၂ ရာခိုင်နှုန်းအထိ ဖြတ်တောက်လိုက်ခြင်းဖြစ်သည်။ ၎င်းက လူထုသယ်ယူပို့ဆောင်ရေးစားရိတ်၌ ၈ ရာခိုင်နှုန်းမှ ၁၀ ရာခိုင်နှုန်းအထိ လျော့ကျသွားစေပြီး သီရိလင်္ကာပြည်သူတို့၏ နေ့တစ်ဓူဝဘ၀များအပေါ် အကြီးမားဆုံး အကျိုးသက်ရောက်စေခဲ့သည်။ ဤလုပ်ဆောင်ချက်က အလယ်အလတ်နှင့် အောက်ခြေအဆင့်ဝင်ငွေရှိ သီရိလင်္ကာနိုင်ငံသားတို့ ခါးစည်းခံနေရသော စီးပွားရေးဝန်ထုပ်အား လျော့ပေါ့သွားစေပါသည်။

    တမီလ်ရင်ကြားစေ့ရေးကိစ္စတွင် Sirisena က ကျန်ရှိနိုင်ငံရေးအကျဉ်းသားများကိုလွတ်ရန်၊ ပြည်တွင်းစစ်အတွင်း စစ်တပ်မှသိမ်းယူခဲ့သည့် မြေယာများ ပြန်ပေးရန် သဘောတူခဲ့သည်။
    စိုးရိမ်စရာရှိနေသေးသည့်ကိစ္စတစ်ရပ်မှာ စစ်အတွင်း လူ့အခွင့်အရေးချိုးဖောက်မှုများဆိုင်ရာ ကုလသမဂ္ဂအစီရင်ခံစာထုတ်ပြန်ချက်အပေါ် ခြောက်လတာမျှ ဆုတ်ဆိုင်းထားချက်ဖြစ်သည်။ သို့သော်လည်း လူ့အခွင့်အရေးဆိုင်ရာ ကုလအထူးကော်မရှင်နာမင်းကြီး Zeid Raad Al-Hussein ၏အဆိုအရ ထိုကြားကာလလွန်လျှင် စစ်ရာဇ၀တ်မှုများအား စုံစမ်းစစ်ဆေးဆောင်ရွက်သွားရန် သမ္မတမှ ရှင်းရှင်းလင်းလင်း ကတိပြုခဲ့ကြောင်း သိရသည်။

    ဤပြန်လည်ပြုပြင်မှုများနှင့်လျာထားချက်များက Sirisena ၏အားထုတ်မှုကဏ္ဍအပေါ် ယုံကြည်နိုင်စရာအဖြစ် ထောက်ပြနေပေသည်။ သို့သော် BBS အား စုံညီအရေးယူရန်အတွက်မှု ၎င်းတို့က အာမ မခံသေးပေ။ ဤအရေးဆိုင်ရာတွင် Sirisena အဖို့ ပြသစရာလက္ခဏာ တစ်ရပ်သာ ဆောင်ရွက်ထားသေး၏။ ဗလီဝတ်ကျောင်းတော်တစ်ခုသို့သွားရောက်ကာ “အစိုးရသစ်ရဲ့တာဝန်ဟာ ပြည်သူတေအကြောက်တရားနဲ့သံသယမရှိဘဲ ငြိမ်းချမ်းစွာ၊ သဟဇာတဖြစ်စွာ ညီနောင်ရင်းချာပမာ အတူယှဉ်တွဲနေထိုင်သွားမယ့် တိုင်းပြည်ဖြစ်အောင် ဖန်တီးရေးပဲဖြစ်တယ်” ဟူ၍ အခိုင်အမာပြောဆိုခဲ့ခြင်းဖြစ်သည်။ BBS အဖွဲ့၏ လှုံ့ဆော်အကြမ်းဖက်မှုအား ရည်ညွှန်းသည့်သဘောဖြင့် “ကလေးငယ်တွေရဲ့အနာဂတ်အပေါ် အမှောင်ဖုံးသွားစေမယ့် အတိတ်ကအရိပ်မည်းတွေကို ခွင့်ပြုမှာ မဟုတ်တော့ဘူး” ဟုလည်း ကတိပေးခဲ့သည်။ ဤစကားလုံးများက Rajapaksa ၏ လျစ်လျူရှုခံရမှုကို မွတ်စ်လင်မ်တို့ထံမှ ထွက်ခွာသွားစေသော်လည်း အခြေအနေက ယခင်အတိုင်းပင်။

    ဤအတည်ပြုချက်များအရ ဗုဒ္ဓဘာသာဝင်များ၏ရန်စအကြမ်းဖက်ဖြစ်စဉ်များ အထူးသဖြင့် ယမန်နှစ်ဇွန်လ Aluthgama တွင်ဖြစ်ပွားသော တုန်လှုပ်ဖွယ် စုပြုံသတ်ဖြတ်မှုများအတွင်း ကျူးလွန်ခဲ့သည့်ဒုစရိုက်များအပေါ် အာဏာပိုင်များမှ စုံစမ်းစစ်ဆေးမှုတစ်ရပ် ပြုလုပ်ရန် အကြောင်းရှိနေသည်။ ယင်းသို့အရေးယူမှုများက Sirisena ၏ သက်တမ်းနု ထိလွယ်ရှလွယ် လက်ျာစွန်းရောက်အဖွဲ့ဝင်အချို့ကို အမျက်သိုစေမည်မှာ မလွဲပေ။ သို့သော် Sirisena ၏ အောင်မြင်မှုသည် သီရိလင်္ကာရှိလူနည်းစုများအပေါ် ကာကွယ်ရေးအပါအ၀င် ဒီမိုကရေစီလမ်းကြောင်းဖော်ခြင်းအတွက် ထင်ရှားသည့်အခွင့်အာဏာတစ်ရပ်အား ကိုယ်စားပြုနေပါသည်။ သီရိလင်္ကာနိုင်ငံသည် ဒီမိုကရက်တစ်ပြုပြင်ရေးကိုဖော်ဆောင်လျှင် လူနည်းစုဝင်အုပ်စုများအဖို့ ကိုယ်စားလှယ်နေရာများစွာ ရရှိမည်ဖြစ်သည်။ ယင်းအုပ်စုများ အာဏာရလာပါက BBS အပေါ်စုံစမ်းစစ်ဆေးရေးကဲ့သို့သော ကြိုတင်ကာကွယ်ရေးအစီအမံများအတွက် ပိုမိုတွန်းအားပေးနိုင်မည်ဖြစ်သည်။ ဤအကြောင်းနှစ်ရပ်က အပြန်အလှန်ဆက်နွှယ်နေပေသည်။

    သို့သော် BBS အား အမြန်ဖြိုခွင်းရေးအတွက် သီရိလင်္ကာမွတ်စ်လင်မ်များမှ တောင်းဆိုနိုင်သည်။ သူတို့သည် ညွှန့်ပေါင်းအဖွဲ့၏အဓိကအစိတ်အပိုင်းဖြစ်နေခြင်းကြောင့် Sirisena ရွေးချယ်တင်မြှောက်ခံရခြင်းဖြစ်သည်။

    သူ၏အနိုင်ရရှိမှုက နိုင်ငံတကာဗုဒ္ဓဘာသာဝင်များအတွက် BBS ကို အားထုတ်ယှဉ်ပြိုင်ရန် ဗျူဟာသစ်တစ်ရပ်ကိုလည်း အချက်ပြလျက်ရှိသည်။ ဗုဒ္ဓဘာသာဝင်များက မွတ်စ်လင်မ်အုပ်စုများကို ၎င်း၏ညွှန့်ပေါင်းစည်းဝိုင်းအတွင်းမှ မြှင့်တင်ကူညီပေးခြင်းသည် အွန်လိုင်းပေါ်တွင် လက်မှတ်ထိုးတောင်းဆိုတင်ပြချက်များထက် ပိုမိုလက်တွေ့ကျပေသည်။ ဤသို့သော ရပ်တည်တွန်းအားပေးမှုဥပမာတစ်ရပ် လွန်ခဲ့ရက်သတ္တပတ်အနည်းငယ်၌ ဖြစ်ပေါ်ခဲ့၏။ ၎င်းမှာ တောင်အာရှနှင့်အရှေ့တောင်အာရှနိုင်ငံပေါင်း ၁၅ ခုမှ မွတ်စ်လင်မ်နှင့်ဗုဒ္ဓဘာသာဝင် ခေါင်းဆောင်တို့သည် အကြမ်းဖက်မှုကိုရှုတ်ချသည့်၊ ၎င်းပြင် လူနည်းစုဝင်ဘာသာရေးအုပ်စုများ ဘေးကင်းလုံခြုံမှုရှိအောင် အစိုးရအရေးယူမှုကိုတောင်းဆိုသည့် ပူးပေါင်းကြေငြာချက်တစ်ရပ် ထုတ်ပြန်နိုင်ခဲ့သည်။

    Rajapaksa ၏ ဆင်ဟာလာဗုဒ္ဓဘာသာအမျိုးသားရေးဝါဒနှင့် ၎င်း၏လက်ပွား BBS အား ပြတ်ပြတ်သားသား ပယ်လှန်ကြသော (သာသနာညှိုးနွမ်းစေမှုအား ကာကွယ်လိုက်ကြသော) သီရိလင်္ကာနိုင်ငံသားများကို ကမ္ဘာတစ်ဝှမ်း ဗုဒ္ဓဘာသာဝင်များအနေနှင့် ကျေးဇူးတင်ရပေမည်။ သီရိလင်္ကာ၌ အစွန်းရောက်ဗုဒ္ဓ၀ါဒအား အမြစ်ဖြတ်မည့် အခွင့်အလမ်းမှာ ကျွန်ုပ်တို့အပေါ် မူတည်နေပါသည်။ Sirisena အာဏာရခြင်းမရခြင်း၊ သီရိလင်္ကာတွင်းရှိ BBS ဆန့်ကျင်ရေးအင်အားစုနှင့်ပြည်ပနေများမှ သူ့ကို အင်အားသုံးစေခြင်းမသုံးစေခြင်းသည် ပြဿနာတစ်ရပ် မဟုတ်တော့ပါလေ။

    xxxxxxxxxxxxxxxxxxxxx

    Tricycle ၏ လက်ထောက်အယ်ဒီတာ Max Zahn ၏ The Jig Is Up ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုသည်။

    ဆက်စပ်ပိုစ်များ ဖတ်ရန်
    ————————
    မြန်မာပြည်က လူမျိုးရေး အကြမ်းဖက်မှုများအပေါ် ကမ္ဘာ ဗုဒ္ဓဘာသာ ခေါင်းဆောင်များရဲ့ တုံ့ပြန်မှု့
    http://www.m-mediagroup.com/news/8838

    မြန်မာနဲ့ သီရိလင်္ကာက ဗုဒ္ဓဘာသာတွေ အကြမ်းဖက်မှု ရပ်ကြဖို့ ဒလိုင်းလားမား တိုက်တွန်း
    http://www.m-mediagroup.com/news/29572