မေ ၂၇၊ ၂၀၁၇
M-Media
– တိုင်းပြည်အတွင်းမှာ ရှိနေတဲ့ လက်မထပ်ရသေးတဲ့ စုံတွဲတွေအနေနဲ့ နှစ်ကုန်နောက်ဆုံးထားပြီး လက်ထပ်ကြဖို့ အာဖရိက နိုင်ငံတစ်ခုဖြစ်တဲ့ ဘူရန်ဒီနိုင်ငံ အစိုးရက ဖိအားပေးလိုက်ပြီး နိုင်ငံအတွင်း ကိုယ်ကျင့်တရား ပြုပြင်ပြောင်းလဲရေး ကြိုးပမ်းအားထုတ်မှုရဲ့ တစ်စိတ်တစ်ပိုင်းဖြစ်တယ်လို့ ပြောကြားလိုက်ပါတယ်။
သမ္မတ ပီယာရီ အန်ကူရွန်ဇီဇာက ‘ကိုယ်ကျင့်တရားပြည့်ဝတဲ့ လူ့အဖွဲ့အစည်း’ ဖြစ်ပေါ်လာရေး လှုပ်ရှားမှုတစ်ခုကို အခုလအတွင်းမှာစတင်ပြီး နောက်ပိုင်းမှာ ဒီကြေငြာချက် ထွက်ပေါ်လာခဲ့တာပါ။ သမ္မတကတော့ ဘူရန်ဒီနိုင်ငံသားတွေအနေနဲ့ တစ်ယောက်နဲ့တစ်ယောက် ချစ်ခင်မှု၊ တိုင်းပြည်ကို ချစ်ခင်မှုတွေကို ပြသဖို့ အတွက် လက်ထပ်ကြဖို့ တိုက်တွန်းခဲ့ပါတယ်။
ဒီလှုပ်ရှားမှု စတင်ပြီးနောက်ပိုင်း ဘူရန်ဒီအစိုးရက နိုင်ငံအတွင်း လက်မထပ်ရသေးတဲ့ စုံတွဲတွေ မြန်မြန်လက်ထပ်ရေး ဖိအားပေးလာကြပါတယ်။
ပြည်ထဲရေးဝန်ကြီးဌာနရဲ့ ပြောရေးဆိုခွင့်ရှိသူ တီရန်စ် တာဟီရာဂျာက တိုင်းပြည်မှာ လူဦးရေပေါက်ကွဲမှုနဲ့ ရင်ဆိုင်နေရပြီး ဒါဟာ လက်မထပ်ဘဲ အတူနေထိုင်မှု၊ မယားအများအပြားရယူမှု၊ နှစ်ယောက်ယူမှုနဲ့ ကျောင်းသူလေးတွေ ကိုယ်ဝန်ရှိမှုတွေကြောင့်ဖြစ်ကြောင်း၊ ခရစ်ယာန်အသင်းတော်နဲ့ အစိုးရက စီစဉ်ပေးတဲ့ လက်ထပ်ပွဲတွေဟာ ဒီပြဿနာအတွက် အဖြေဖြစ်ပြီး တိုင်းပြည်ကိုချစ်မြတ်နိုးမှု တာဝန်လည်းဖြစ်ကြောင်း ပြောကြားခဲ့ပါတယ်။
နိုင်ငံတောင်ပိုင်း ရူတာနာပြည်နယ် အာဏာပိုင်တွေက လက်မထပ်ဘဲ အတူနေသူတွေကို နောက်ဆုံးထား အထူးစာရင်းပြုစုထားဖို့ အမိန့်ပေးထားပြီး၊ အနောက်မြောက်ပိုင်းပြည်နယ် ဘူဘန်ဖာပြည်နယ်မှာတော့ အစိုးရရဲ့ လက်ထပ်ရေးကြေငြာချက်နဲ့ပတ်သက်ပြီး လှည့်စားကြသူတွေကို အပြစ်ပေးဖို့ အစိုးရကို တောင်းဆု
ိထားပါတယ်။
တက်ကြွလှုပ်ရှားသူတွေက အစိုးရအနေနဲ့ ဒီလိုအတင်းအကြပ် ပြုလုပ်တာဟာ ‘ဘာသာရေး ခရူးဆိတ်စစ်ပွဲ’ ဆင်နွှဲတာဖြစ်တယ်လို့ ဝေဖန်ခဲ့ပြီး၊ အစိုးရကတော့ ဒါဟာ ဥပဒေဘောင်၊ တိုင်းပြည်ချစ်ရေး လေ့ကျင့်မှုအစီအစဉ် မူဘောင်အတွင်းက လုပ်ဆောင်တာဖြစ်ကြောင်း ကာကွယ်ပြောကြားခဲ့ပါတယ်။
သမ္မတ ပီယာရီ အန်ကူရွန်ဇီဇာဟာ ၂၀၁၅ ခုနှစ်မှာ အခြေခံဥပဒေကိုကျော်ကာ တတိယအကြိမ် သမ္မတတာဝန် ထမ်းဆောင်ခဲ့ပြီး သူ့လက်ထက်မှာ နိုင်ငံရေး အကြမ်းဖက်မှုတွေကြောင့် လူပေါင်း အနည်းဆုံး ၅၀၀ လောက် သေဆုံးခဲ့ကာ ၄ သိန်းလောက် အိမ်နီးချင်းနိုင်ငံတွေကို ထွက်ပြေးခဲ့ရပါတယ်။
Ref : Aljazeera
