News @ M-Media

Tag: cancer

  • လူလတ်ပိုင်းများတွင် အူမကြီး ကင်ဆာ ဖြစ်ပွားနှုန်း လာမည့် ၁၀ စုနှစ်အတွင်း ၂ ဆခန့် တိုးလာနိုင်

    လူလတ်ပိုင်းများတွင် အူမကြီး ကင်ဆာ ဖြစ်ပွားနှုန်း လာမည့် ၁၀ စုနှစ်အတွင်း ၂ ဆခန့် တိုးလာနိုင်

    နိုဝင်ဘာ ၁၀၊ ၂၀၁၄
    M-Media
    skynews.img.600.372.jpeg;pvf795d9f09f03654e
    – အသက် ၃၄ နှစ်အောက် လူများတွင် အူမကြီးကင်ဆာ ဖြစ်ပွားမှုနှုန်းမှာ လာမည့် ၁၅ နှစ်အတွင်း ၂ ဆခန့် တက်လာမည်ဖြစ်ပြီး အဆိုပါ ရောဂါအား မည်ကဲ့သို့ တွန်းလှန်ရမည် ဆိုခြင်းအတွက် စိုးရိမ်မှုများ တိုးလာစေသည်ဟု သုတေသန ပညာရှင်များက ပြောကြားလိုက်သည်။

    ကျန်းမာရေးနှင့် မညီညွတ်သော အစားအသောက်များ စားခြင်းနှင့် လူနေမှုဘ၀ ပြောင်းလဲခြင်း စသည့် အချက်များမှာ အူမကြီးကင်ဆာဖြစ်ပွားမှု တိုးပွားလာခြင်း၏ အကြောင်းအရင်းများ ဖြစ်သည်။ အသက် ၅၀ ကျော်အရွယ်များတွင် အဆိုပါ ရောဂါ ဖြစ်ပွားမှုမှာ စနစ်တကျ စောင့်ကြည့်ခြင်းနှင့် ပုံမှန် မှန်ပြောင်းသွင်း စစ်ဆေးမှုတို့ကြောင့် လျော့ကျလာခဲ့သည်ဟု အမေရိကန် ခွဲစိတ်ကုသမှုဆိုင်ရာ ဆေးပညာဂျာနယ်တွင် ဖော်ပြထားသည်။

    ၂၀၃၀ ခုနှစ်သို့ ရောက်ရှိလာသည့်အချိန်တွင် အူမကြီးကင်ဆာဖြစ်ပွားသူ ၁၀ ဦးလျှင် ၁ ဦးနှင့်အထက်၊ စအို ကင်ဆာ ဖြစ်ပွားသူ လေးဦးတွင် ၁ ဦးခန့်မှာ အသက် ၅၀ အောက် အရွယ် ဖြစ်လာမည်ဟု တက္ကဆက်တက္ကသိုလ် MD Anderson ကင်ဆာ စင်တာမှ ပြုလုပ်ခဲ့သည့် သုတေသနများအရ သိရှိရသည်။

    အဆိုပါရောဂါ ဖြစ်ပွားမှု တိုးပွားလာခြင်းမှာ အ၀လွန်ခြင်း၊ ကိုယ်လက်လေ့ကျင့်ခန်း လှုပ်ရှားမှု နည်းပါးခြင်းတို့ကြောင့်ဖြစ်ပြီး အနောက်တိုင်း အစားအစာ များကလည်း အူမကြီးကင်ဆာ ဖြစ်ပွားစေနိုင်သည့် အကြောင်းအရင်းများထဲမှ တစ်ခုဖြစ်သည်ဟု ဆိုသည်။

    အမေရိကန်နိုင်ငံတွင် ယခုနှစ်အတွင်း အူမကြီးကင်ဆာဖြစ်ပွားသူ အရေအတွက်မှာ ၁၃၇၀၀၀ ရှိပြီး ၅၀၀၀၀ ကျော်မှာ အဆိုပါရောဂါကြောင့် သေဆုံးရမည်ဟု တွက်ချက်မှုများအရ သိရသည်။ အူမကြီးကင်ဆာမှာ ကမ္ဘာပေါ်တွင် တတိယ အဖြစ်များဆုံး ကင်ဆာရောဂါ တစ်ခုဖြစ်ပြီး ကင်ဆာကြောင့် သေဆုံးမှုတွင်လည်း တတိယ သေဆုံးမှု အများဆုံး ရောဂါဖြစ်သည်။

     

    ref_ – AFP/nd

  • အာရှတိုက်က ကြောက်စရာ ကွမ်းစွဲလမ်းမှု ပြဿနာ (ဘာသာပြန်-သတင်းဆောင်းပါး)

    နိုဝင်ဘာ-၇ ၂၀၁၃
    M-Media
    မြင့်မိုရ်မောင်မောင် ဘာသာပြန်သည်။

    CNN ၏ နိုင်ငံအသီးသီးမှ ရင်ဆိုင်နေရသည့် စိန်ခေါ်မှုနှင့်အခွင့်အလမ်းများဆိုင်ရာ On the Road အစီအစဉ် အယ်ဒီတာ မှတ်စု ဖြစ်သည်။ ၄င်းအဖွဲ့သားတို့သည် နိုင်ငံ၏တိုးတက်မှု နှင့် အသွင်းပြောင်းမှုများကို လေ့လာရန် အောက်တိုဘာလအတွင်း မြန်မာနိုင်ငံသို့ လာရောက်ခဲ့ကြသည်။

    131025001452-betel-nut-12-horizontal-gallery

    ရန်ကုန်၊ မြန်မာ၊။        ။ ကွမ်းစားကြမ်းသူများဟာ ရယ်မောလိုက်တဲ့အခါတိုင်း သူတို့ရဲ့ကွမ်းစွဲမှုကို မြင်သာစေပါတယ်။ ထုံးသုတ်ထားတဲ့ကွမ်းရွက်ထဲ ကွမ်းသီးစိတ်နဲ့ဆေးရွက်ကြီးတွေထည့်ယာပြီး နှစ်ပေါင်းများစွာ ကွမ်းဝါးနေသူတို့ရဲ့သွားများက နီစွေးစွေးအရောင်ထွက်နေတယ်လေ။

    “ လူတစ်ချို့က လက်ဖက်ရည်၊ ကော်ဖိသောက်ပြီးတဲ့နောက် ကွမ်းဝါးကြတယ်။ ကျွန်တော်ကတော့ အစာစာပြီးတိုင်း ကွမ်းယာကိုဝါးလေ့ရှိပါတယ်။ ကျွန်တော် ကွမ်းယာကို နှစ်သက်လို့ပါ ” ဆိုပြီး ရန်ကုန်မြို့ဈေးကြီးတစ်ခုက အသက် ၂၈ နှစ်အရွယ် ခေါက်ဆွဲရောင်းသူ မောင်မျိုးမင်းသန်းက ဆိုပါတယ်။

    ကွမ်းသီး သို့မဟုတ် ကွမ်းယာဟာ လက်ဖက်ရည် ကော်ဖီများအတိုင်း အရှိန်တက်လာစေလေ့ရှိတယ်။ ဒါပေမယ့် လက်ဖက်ရည်ကော်ဖီတို့နဲ့ မတူတာက ကွမ်းယာဟာ ခံတွင်းကင်ဆာရောဂါကိုလည်း ဖြစ်ပွားစေတတ်ပါတယ်။

    “ ကွမ်းတစ်ယာစားမိလို့ကတော့ ပြဿနာ မရှိသေးဘူး။ နောက်ထပ် ဒုတိယတစ်ယာ စ၀ါးတဲ့အခါ အန္တရာယ် ကြီးလာတော့တာပါပဲ။ အတိုင်းအတာတစ်ခုရောက်ယင်တော့ အဲ့ဒီလူတွေ ကင်ဆာရောဂါ ရရှိသွားနိုင်ပါတယ် ” လို့ ထိုင်ဝမ်က ကောင်းရှုံဆေးတက္ကသိုလ် ဒုပါမောက္ခ ပရော်ဖက်ဆာ ယင်ချင်းကိုက ပြောကြားပါတယ်။ သူဟာ ၁၉၉၀ ခုနှစ်များအတွင်း ကွမ်းသီးနဲ့ခံတွင်း ဆက်နွှယ်မှုအပေါ် ပထမဆုံးလေ့လာသုတေသနပြုခဲ့သူဖြစ်တယ်။

    ကွမ်းယာဆိုတာကတော့ သာမန်အားဖြင့် ထုံးရည်သုတ်ထားတဲ့ ကွမ်းရွက်ထဲ ကွမ်းသီးစိတ်တွေကို ထည့်ပြီး ထုပ်ပိုးပြင်ဆင်ထားတဲ့ စားစရာတစ်မျိုးပါ။ တချို့ကတော့ ဆေးရွက်ကြီး ထည့်ဝါးကြတယ်။ အာရှဒေသအသီးသီးမှာ ကွမ်းယာထဲ ဖာလာ၊ လေးညှင်း၊ အချို(ယို) စတာတွေကို အရသာထူးကဲဖို့အတွက်လည်း ထည့်သွင်းအသုံးပြုလေ့ရှိပါတယ်။ ၂၀၀၄ ခုနှစ်၊ အပြည်ပြည်ဆိုင်ရာကင်ဆာရောဂါသုတေသနအဖွဲ့ရဲ့ “ကွမ်းယာနှင့်ကွမ်းသီးဝါးခြင်း” စာတမ်းမှာ ဒီအကြောင်းတွေကို ဖော်ပြထားပါတယ်။

    ကမ္ဘာတစ်ဝှန်းမှာ ကွမ်းဝါးသူပေါင်း သန်း ၆၀၀ ၀န်းကျင်ရှိတယ်လို့ ခန့်မှန်းထားကြတယ်။ ဆေးရွက်ကြီး(ဆေးလိပ်)၊ အရက် နဲ့ ကဖိန်းဓာတ်ပါ အချိုရည် သုံးစွဲသူများရဲ့နောက် စတုတ္ထနေရာ ရောက်နေပါတယ်။ အာရှဒေသမှာတော့ ကွမ်းဝါးခြင်းဓလေ့ အများဆုံး နဲ့ အရွယ်မရွေးတာကို တွေ့ရတယ်။ စူးစမ်းမှုတွေမှာ ကလေးငယ်တချို့ရဲ့သွားတွေမှာ ပေါ်လွင်နေပါတယ်။

    မြန်မာနိုင်ငံအတွင်း ကားမောင်းသူတွေအကြား လမ်းခရီးမှာနိုးကြားနေဖို့ ကွမ်းဝါးခြင်းက အလွန် ခေတ်စားပါတယ်။

    အငှားယာဉ်မောင်း ဦးစိန်က တစ်နေ့ကို ကွမ်း ၁၀ ယာဝန်းကျင်ဝါးလေ့ရှိပြီး ရန်ကုန်မြို့လယ်လမ်းဘေးဆိုင်များကနေ ၀ယ်ယူတတ်သူပါ။ သူက “ ဆေးရွက်ကြီးက မူးယစ်ဆေးဆန်ဆန်ပါပဲ။ အဲ့ဒါကို ကျွန်တော်ထည့်ဝါးယင် ရီဝေေ၀ ဖြစ်နေတတ်ပါတယ် ” လို့ ပြောပြတယ်။ သူ့အဆိုအရ သူက ဆေးလိပ်မသောက်ဘူး၊ ကွမ်းယာကတော့ မိမိအတွက် အကောင်းဆုံးပါလို့ ဆိုပါတယ်။ သူ့ကျန်းမာရေးအရလား ကုန်ကျစားရိတ်ကြောင့်လားဆိုတာတော့ သဲကွဲစွာ မသိရပါဘူး။

    131025001427-betel-nut-11-horizontal-gallery

    ကွမ်းသုံးယာပါ ကွမ်းတစ်ထုတ်ကို မြန်မာငွေ ၁၀၀ ကျပ်( အမေရိကန်ဒေါ်လာ ၁၀ ဆင့်) ပေးရတယ်။ ရန်ကုန်မြို့လယ်က ကွမ်းရောင်းသူ ကျော်သက်(၂၆ နှစ်)ရဲ့ ရောင်းဈေးဖြစ်ပြီး ဦးစိန်စောင့်ယူနေစဉ်မှာ သူက သွက်လက် လျင်မြန်စွာနဲ့ ကွမ်းယာထုပ်ပိုးပေးနေတာကို တွေ့ရတယ်။

    ကျော်သက်က တစ်နေ့ကို ဘယ်နှစ်ထုပ်အထိ ယာပေးနိုင်တာကို မပြောနိုင်ပေမယ့် ၂ မိနစ်အတွင်း ကွမ်း ၆ ထုပ်ကို စံနစ်တကျ သေသေသပ်သပ် လုပ်ကိုင်သွားခဲ့တယ်။ ကွမ်းယာအပေါ် မထုပ်ပိုးခင် ထုံးထပ်ဖြန်းယုံမကဘူး၊ အထားခံအောင်လို့ ဆေးရွက်ကြီးမှုန့်တွေကိုလည်း ဖြူးလိုက်ပါသေးတယ်။

    ငွေပေးချေရင်း ရီပြုံးလိုက်တဲ့ ဦးစိန်ရဲ့သွားများမှာ ကွမ်းဂျိုးကပ်လို့ အနီရောင်သန်းနေပါတယ်။

    ကြေးခေတ်ကာလကတည်းက ကွမ်းဝါးတဲ့အစဉ်အလာ စတင်နေခဲ့ကြောင်း ၂၀၀၁ ခုနှစ် ဗီယက်နမ်နိုင်ငံ၊ Thanh Hoa ခရိုင်၊ Nui Nap ဒေသမှာ တူးဖော်ရရှိတဲ့ ရုပ်ကြွင်းများကို လေ့လာမှုအရ သိရတယ်။ သွားတွေမှာ ကွမ်းဂျိုးကပ်နေတာကို သုတေသီများက တွေ့မြင်ခဲ့ရတယ်။

    ဒီအစဉ်အလာဟာ ဘာသာရေးနဲ့ယဉ်ကျေးမှုဓလေ့ကနေ ကာလကြာမြင့်စွာကတည်းက ဆက်နွှယ်ဖြစ်တည်လာခဲ့တာပါ။ အာရှဒေသအချို့မှာ ကွမ်းယာကို သွားကိုက်သွားနာ၊ ၀က်ခြံ စတဲ့ကိစ္စတွေအတွက် ဆေးမြီးတိုအဖြစ် အသုံးပြုကြတယ်။ တချို့သူတွေကျပြန်တော့ ကာမစွမ်းအင်တိုးပွားစေတယ်လို့ ယုံကြည်ကြတယ်။

    ဆေးရွက်ကြီးပါဝင်သည်ဖြစ်စေ မပါသည်ဖြစ်စေ ကွမ်းဝါးခြင်းကြောင့် ကင်ဆာရောဂါဖြစ်ပွားနိုင်ခြေများပြားတယ်ဆိုပြီး သိပ္ပံနည်းကျသုတေသနပြုချက်မှာ တွေ့ရပါတယ်။

    ကွမ်းသီးနဲ့ဆေးရွက်ကြီးကတဆင့် ထွက်လာတဲ့ ကင်ဆာဖြစ်ပွားစေနိုင်တဲ့ဓာတ်သဘာဝကို ကွမ်းဝါးသူရဲ့တံတွေးများမှာ တွေ့ရလေ့ရှိတယ်။ ဆေးရွက်ကြီးကတဆင့် စိမ့်ထွက်လာမှုလား၊ ရောထွေးဝါးစားရာက ထွက်ရှိလာတာလား ဆိုတာကိုတော့ ရှင်းရှင်းလင်းလင်း မသိရသေးပါဘူး။

    ပါမောက္ခကို က ဒုတိယနည်းလမ်းကနေ ဖြစ်ရတယ်လို့ ယူဆပါတယ်။ “ ကွမ်းရွက်က ကင်ဆာဖြစ်စေတဲ့ပြဿနာ မရှိပါဘူး။ ထုံး(ရည်) ကလည်း မဖြစ်စေတာ မှန်ပေမယ့် အဲ့ဒီဓာတ်ကိုထွက်လာအောင်တော့ အထောက်အကူပြုနေတယ်။ ငုပ်လျှိုးနေတဲ့ အန္တရာယ်လို့ ပြောယင်မမှားပေဘူး ” လို့ သူက ဆိုပါတယ်။

    131025000829-betel-nut-5-horizontal-gallery

    နိုင်ငံတစ်ချို့က အာဏာပိုင်တွေဟာ သတိပေးနှိုးဆော်မှုတွေ လုပ်ပေမယ့်လည်း ကျန်းမာရေးဝန်ထမ်းတွေအနေနဲ့ ကွမ်းစွဲနေသူတွေကို နားလည်အောင် ရှင်းပြဖို့ မလွယ်လှဘူး။ “ လူတွေက သိတော့သိကြတယ်။ ဒါပေမယ့် စွဲလန်းမှုကို ဖြတ်တောက်ဖို့က တော်တော်ခဲယဉ်းတယ်လေ ” လို့ ပါမောက္ခကိုက ပြောပြတယ်။

    ပါပူးဝါး နယူးဂီနီရဲ့မြို့တော် Port Moresby မှာ မကြာသေးမီကပဲ ကွမ်းရောင်းချခြင်းနဲ့ကွမ်းဝါးခြင်းကို တားမြစ်ပိတ်ပင်ခဲ့တယ်။ ဒါပေမယ့် အဲ့ဒါက ကွမ်းဝါးသူတွေအနေနဲ့ စည်းကမ်းမဲ့ကွမ်းထွေးခြင်း ပပျောက်အောင်ကိုသာ အဓိက ရည်ရွယ်ခဲ့တာပါ။

    မြန်မာနိုင်ငံက အရပ်ဖက်အဖွဲ့အစည်းတစ်ခုဖြစ်တဲ့ စားသုံးသူအကျိုးကာကွယ်ရေးအဖွဲ့ဟာ ကွမ်းဝါးခြင်းရဲ့အန္တရာယ်နဲ့ ပတ်သက်ပြီး လူထုပညာပေးလုပ်ငန်းတွေကို စတင်ကြိုးပမ်းဆောင်ရွက်နေပါတယ်။ သို့တစေလည်း ကွမ်းရွက်ပေါ်က ပိုးသတ်ဆေးအန္တရာယ်များအကြောင်းသာ ဖြစ်နေပါတယ်။

    “ ရှေးပဝေသဏီကတည်းက ကွမ်းရွက်ကို ဆေးဝါးအဖြစ် အသုံးပြုလာကြတယ်။ ဒါပေမယ့် ခုအခါမှာ ကွမ်းရွက်တွေကလည်း ကင်ဆာဖြစ်စေနိုင်ပါတယ်။ ဘာကြောင့်လဲဆိုတော့ ပိုးသတ်ဆေးကို အလွန်အကျွံအသုံးပြုလာကြလို့ပါပဲ ” လို့ အဖွဲ့ဥက္ကဌဖြစ်သူက CNN ကို ပြောပြခဲ့တယ်။

    သိပ္ပံအထောက်အထား မဟုတ်တဲ့ သီအိုရီတစ်ရပ်ကို ပါမောက္ခကို က ဒီလိုတင်ပြထားပါတယ်။
    “ ကွမ်းရွက်နဲ့ကွမ်းသီးအကြားက ဆက်သွယ်ချက်ကို အတိအကျ မသိရပါဘူး။ ကွမ်းသီးနဲ့ကွမ်းရွက် နှစ်မျိုးလုံးက ပိုးမွှားလေးတွေကို ကိုယ်ခံအား ပိုကောင်းစေပါတယ်။ အစောပိုင်းလေ့လာမှုတွေမှာ ပိုးသတ်ဆေးတွေက သွေးကင်ဆာ သို့မဟုတ် Lymph ကင်ဆာနဲ့ ဆက်စပ်မှုရှိနိုင်တာကိုပြသထားခဲ့ပေမယ့် ခံတွင်းကင်ဆာနဲ့ဆက်စပ်မှုကိုတော့ လုံးဝ မတွေ့ရပါဘူး ”။

    မည်သည့်ခိုင်လုံသောအကြောင်းအချက်ရှိစေကာမူ ခေါက်ဆွဲရောင်းသူ မျိုးမင်းသန်းကတော့ ကွမ်းဖြတ်ဖို့ အစီအစဉ် မရှိဘူးလို့ဆိုပါတယ်။ နံနက် ၃ နာရီကနေ ည ၈ နာရီအထိ ငြီးငွေ့စရာအရောင်းကာလရှည်ကြီးကိုကျော်ဖြတ်ဖို့ သူ့အတွက် ကွမ်း ၁၀ ထုပ်လောက် လိုအပ်ပါတယ်တဲ့။

    “ ကျွန်တော် တစ်နေကုန်အလုပ်လုပ်နေရတာပါ။ တစ်နေ့ဆိုတဲ့အချိန်က ရှည်လျားကြာညောင်းလှတော့ ကွမ်းဝါးနေယင် မအိပ်ချင်တော့ဘူးလေ ” ဆိုပြီး သူက ပြောပြခဲ့ပါတယ်။

    CNN မှာ ဖော်ပြခဲ့တဲ့ ဆောင်းပါးရှင် Hilary Whiteman ၏ Nothing to smile about: Asia’s deadly addiction to betel quids ဆောင်းပါးကို မြင့်မိုရ်မောင်မောင် စီလျော်အောင် မြန်မာပြန်ဆိုပါသည်။

    ————————————————-
    ** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
    စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
    ဆက်သွယ်ရန် [email protected]

  • ဥပုသ်ဆောက်တည်ခြင်းက ကင်ဆာရောဂါကို တိုက်ဖျက်မည့် အကောင်းဆုံး နည်းလမ်းဖြစ်နိုင်

    ဇူလိုင်-၂၆၊၂၀၁၃
    M-Media

    Fasting may be the best way to combat cancer

    လေ့လာချက်အသစ်တွေအရ အချိန်ကာလအနည်းငယ် ဥပုသ်ဆောက်တည်ခြင်းက ကင်ဆာရောဂါကို တိုက်ဖျက်ရာမှာ ကူညီနိုင်ပြီး ကုသမှုတွေရဲ့ အစွမ်းထက်မှုနဲ့ အကျိုးသက်ရောက်မှုတွေကို ပိုမြှင့်တင်ပေးနိုင်တယ်လို့ဆိုပါတယ်။

    အမေရိကန် ကယ်လီဖိုးနီးပြည်နယ် တောင်ဘက်ခြမ်းတက္ကသိုလ် ဆေးပညာဆိုင်ရာ သုတေသီတွေက ဥပုသ်ဆောက်ခြင်းကြောင့် ခန္ဓာကိုယ်ထဲက အသားပိုအကြိတ်တွေကြီးထွားမှုနဲ့ ပျံ့နှံ့မှုကို လျှော့ချပေးနိုင်ပြီး အချို့သောကင်ဆာအမျိုးအစားတွေအတွက် ဆေးသွင်းကုသခြင်းနဲ့ ဥပုသ်ဆောက်(အစာရှောင်)ခြင်းကို ပေါင်းစပ်လိုက်တဲ့အခါ ပိုမိုထိရောက်တဲ့ ကုသခြင်းကို ဖြစ်စေနိုင်တယ်လို့ တွေ့ရှိခဲ့ကြပါတယ်။ စမ်းသပ်ခန်းက ကြွက်တွေမှာ စမ်းသပ်ကြည့်တဲ့ ကင်ဆာအမျိုးအစား (၈) မျိုးအနက် (၅) မျိုးလောက်ဟာ အစာရှောင်ခြင်းပြုလုပ်ထားတဲ့ ကြွက်တွေမှာမှ ကင်ဆာဆဲလ်တွေ တုံ့ပြန်မှုပြသကြောင်းတွေ့ရပါတယ်။

    ” ဆေးသွင်းကုသခြင်း တစ်ခုတည်းထက် ဥပုသ်ဆောက်တဲ့ ပုံမှန်အလှည့် စနစ်ပါကူမယ်ဆိုရင် ဆေးသွင်းကုသခြင်း တစ်ခုတည်းထက် အများကြီး ပိုထိရောက်တယ် ” လို့ ကယ်လီဖိုးနီးယား တက္ကသိုလ် ဇီဝသိပ္ပံ၊ အိုမင်းရင့်ရော်ခြင်းနှင့် လူကြီးရောဂါဗေဒဆိုင်ရာ ပါမောက္ခ ဗောလ်တာ လွန်ဂိုက ဆိုပါတယ်။

    ကင်ဆာ အမျိုးအစားတိုင်းမှာလိုလို ဥပုသ်စောင့်ခြင်းက အသားလုံး အကြိတ်တွေရဲ့ ကြီးထွားပျံ့နှံ့မှုကို ကာကွယ်ပေးနိုင်ပေမယ့် အချို့ပြင်းထန်တဲ့ ကင်ဆာတွေမှာတော့ အကန့်အသတ်တွေရှိပါတယ်။ ဥပမာအားဖြင့် အကြိတ်(သို့) အသားလုံးအကြီးကြီးတွေထဲက ကင်ဆာတွေကတော့ ပြင်ပမှာရှိတဲ့ ကင်ဆာ အမျိုးအစားတွေထက် ဆေးသွင်းကုသတဲ့နည်းနဲ့ ကုသရခက်ခဲပါတယ်။ အကြောင်းက အဲ့ဒီကင်ဆာအမျိုးအစားတွေဟာ အသားစိုင်အတွင်းထဲမှာ အကာအကွယ်ရနေပြီး၊ အဲဒီအထဲမှာပဲ သူတို့ပျံ့ပွားကြီးထွားဖို့ သဟဇာတဖြစ်နေလို့ပါပဲ။ ဒါပေမယ့် ကင်ဆာရောဂါရဲ့ သဘောဟာ စောစီးစွာကြိုသိရှိမယ်ဆိုရင် ဆိုးရွားတဲ့ အဆင့်ထိမရောက်ခင် ကင်ဆာဆရာဝန်တွေ ကုသနိုင်တဲ့အတွက် ဥပုသ်ဆောက်ခြင်းက အနည်းဆုံး အခွင့်အရေးတစ်ခုရရှိသွားစေနိုင်ပါတယ်။

    အစာရှောင်ထားချိန်မှာ သာမန်အားဖြင့် ပုံမှန်ဆဲလ်တွေဟာ အနားယူသလို ရပ်တံ့နေတဲ့ အနေအထားတစ်ခုကို ရောက်သွားပါတယ်။ ဒါပေမယ့် ကင်ဆာဆဲလ်တွေက ပုံမှန်ဆဲလ်တွေလို ရပ်တံ့ရမယ့်အစား ဆက်လက်ကြီးထွားမှုနဲ့ ပွားများဖို့ ဆဲလ်ကွဲထွက်မှုတွေကို ဆက်လုပ်မြဲလုပ်နေပါတယ်။ ဒီလိုနဲ့ ဒီဆက်တိုက်ဖြစ်စဉ်တွေမှာ ကင်ဆာဆဲလ်တွေဟာ သူ့ ဒီအန်အေ ကို သူကိုယ်တိုင်ဖျက်စီးပစ်လိုက်ပြီး ပျက်စီးကုန်ပါတော့တယ်။

    “တကယ်တော့ ကင်ဆာဆဲလ်တွေဟာ ကိုယ့်ကိုကိုယ် ဖျက်စီးပစ်သလိုဖြစ်နေတာပါ။ ကျွန်တော်တို့တွေ့ရတာက ဥပုသ်ဆောက်တဲ့နောက် သွေးထဲမှာလျော့သွားတဲ့ ပရိုတိန်းနဲ့ တခြားအရာတွေကို ကင်ဆာဆဲလ်တွေက ပြန်အစားထိုးဖြည့်ဖို့ ကြိုးစားပါတယ်။ ဒါပေမယ့် အဲ့ဒါကို မလုပ်နိုင်တဲ့နောက် သူတို့ကိုယ်တိုင်ပဲ ပျက်စီးသွားတာပါ” လို့ ပါမောက္ခ လွန်ဂိုက ရှင်းပြပါတယ်။

    ” ကင်ဆာဆဲလ်တွေကို တိုက်ဖျက်မယ့် နည်းလမ်းက သူတို့ကို တိုက်ရိုက်သုတ်သင်သတ်ဖြတ်မယ့် ဆေးဝါးရှာဖို့တစ်ခုတည်း ဟုတ်ချင်မှဟုတ်မယ်။ ဘယ်လိုလဲဆိုတော့ ပတ်ဝန်းကျင်ကို သူတို့နဲ့မအပ်စပ်တဲ့ ကြမ်းတမ်းတဲ့ အနေအထားတစ်ခုဖြစ်အောင် ဖန်တီးမယ့် နည်းလမ်းပါပဲ။ ဥပမာအားဖြင့် ဥပုသ်ဆောက်ထားတဲ့အခါ ပုံမှန်ဆဲလ်တွေက ဘယ်လိုတုံ့ပြန်ရမယ်ဆိုတာ သိပေမယ့် ကင်ဆာဆဲလ်တွေအတွက် ပုံမှန်မဟုတ်တဲ့ အနေအထားကို ကြုံတွေ့သွားစေနိုင်တယ်” လို့ ပါမောက်္ခ လွန်ဂိုက ဆိုပါတယ်။

    ပါမောက္ခ လွန်ဂိုနဲ့ သူ့ရဲ့အဖွဲ့သားတွေဟာ အစာရှောင်ခိုင်းထားတဲ့ ကြွက်တွေမှာ ရင်သားကင်ဆာ၊ ဆီးလမ်းကြောင်း ကင်ဆာနဲ့ မျိုးပွားအင်္ဂါတွေမှာ ဖြစ်တတ်တဲ့ ကင်ဆာတွေရဲ့ အကျိုးသက်ရောက်မှုတွေကို လေ့လာခဲ့ကြပါတယ်။ ဆေးသွင်းကုသခြင်း မပြုလုပ်မီ ဥပုသ်စောင့် အစာရှောင်ခြင်းက ရင်သားကင်ဆာ၊ အရေပြားကင်ဆာ(Melanoma)၊ ဦးနှောက်အကြိတ်ကင်ဆာ (Glioma) နဲ့ ကလေးငယ်တွေမှာ အဖြစ်များတဲ့ အာရုံကြော တစ်ရှုးတွေမှာဖြစ်တတ်တဲ့ (Neuroblastoma) ကင်ဆာတွေရဲ့ ကြီးထွားပျံ့နှံ့မှုကို လျော့နည်းစေခဲ့ကြောင်းတွေ့ရှိခဲ့ရပါတယ်။

    ယခုအချိန်ဟာ ကမ္ဘာတစ်ဝန်းမှာရှိတဲ့ ကုဋေနဲ့ချီတဲ့ အစ္စလာမ်ဘာသာဝင်တွေ ဥပုသ်သီလဆောက်တည်နေကြတဲ့ ရမဒါန် ဥပုသ်လကာလပဲဖြစ်ပါတယ်။

    ကိုးကား

    http://www.sciencedaily.com/releases/2012/02/120208152254.htm
    http://articles.timesofindia.indiatimes.com/2012-02-10/science/31045495_1_fasting-cancer-treatment-growth-of-breast-cancer