News @ M-Media

Tag: CAR

  • အာဖရိကတွင် ကုလငြိမ်းချမ်းရေးတပ်ဖွဲ့ လိင်ပိုင်ဆိုင်ရာ စော်ကားမှုအသစ်များ ထွက်ပေါ်

    အာဖရိကတွင် ကုလငြိမ်းချမ်းရေးတပ်ဖွဲ့ လိင်ပိုင်ဆိုင်ရာ စော်ကားမှုအသစ်များ ထွက်ပေါ်

    ဇန်ဝါရီ ၇၊ ၂၀၁၆
    M-Media

    un

    – ဗဟိုအာဖရိကသမ္မတနိုင်ငံ (CAR) ၏ မြို့တော် ဘန်ဂွီတွင် ကုလသမဂ္ဂ၏ ငြိမ်းချမ်းရေးတပ်ဖွဲ့ဝင်များက အသက်မပြည့်သေးသော မိန်းကလေးငယ်များကို လိင်ပိုင်းဆိုင်ရာစော်ကားမှုများ ကျူးလွန်ခဲ့သည့်ဟု စွပ်စွဲချက် အသစ်များ ထွက်ပေါ်လာမှုနှင့်ပတ်သက်၍ ကုလက စုံစမ်းစစ်ဆေးမှုများ ပြုလုပ်နေသည်ဟု သိရသည်။

    MINUSCA ဟုခေါ်သည့် CAR ရှိ ကုလသမဂ္ဂကိုယ်စားအဖွဲ့မှ အင်္ဂါနေ့က ထုတ်ပြန်ခဲ့သော ကြေငြာချက်တွင် “ဘန်ဂွီရှိ ကုလငြိမ်းချမ်းရေးတပ်များနှင့် နိုင်ငံတကာတပ်ဖွဲ့ဝင်များ ကျူးလွန်ခဲ့ကြသည့် လိင်ပိုင်းဆိုင်ရာမတော်မတရားမှုများနှင့် အခြားအဓမ္မပြုမှုများကို စုံစမ်းရှာဖွေလျက်ရှိနေသည်” ဟု ဖော်ပြထားသည်။

    ကုလသမဂ္ဂသည် CAR တွင် ကလေးငယ်များ လိင်ပိုင်းဆိုင်ရာ ပြဿနာများအတွက် တာဝန်ပျက်ကွက်ခဲ့ကြောင်း ၀န်ခံခဲ့သည်။

    ကုလအထွေထွေအတွင်းရေးမှူး၏ ပြောရေးဆိုခွင့်ရှိသူ စတီဖင်ဒူဂျာရစ်က အနိုင်ကျင့်ခံရသည့် ကလေးငယ် လေးဦးကို ဆေးဝါးနှင့် စိတ်ပိုင်းဆိုင်ရာ စောင့်ရှောက်မှုများ ထောက်ပံ့ပေးထားကြောင်း ပြောကြားခဲ့သည်။ သို့သော် အခင်းဖြစ်ပွားခဲ့သည့် အချိန်နှင့် ကျူးလွန်ခဲ့သည့် တပ်ဖွဲ့ဝင် မည်မျှပါဝင်ကြောင်းကို အတိအကျ မသိရသေးပေ။

    ကုလသမဂ္ဂ၏ မူဝါဒအရ လိင်ပိုင်းဆိုင်ရာ စော်ကားမှု ပြုလုပ်ခဲ့သည်ဟု စွပ်စွဲခံရသည့် ငြိမ်းချမ်းရေးတပ်ဖွဲ့ဝင်များ၏ ဇာတိနိုင်ငံများကို ထုတ်ပြောခွင့်မရှိဟု ဒူဂျာရစ်က ဆိုသည်။

    ၂၀၁၅ အစောပိုင်းက ကုလသမဂ္ဂမှာ ငြိမ်းချမ်းရေးတပ်ဖွဲ့ဝင်များ တပ်စွဲထားသည့် နိုင်ငံများအနက် လိင်ပိုင်းဆိုင်ရာကျူးလွန်ခံရသည့် နိုင်ငံများစာရင်းကို ထုတ်ပြန်ခဲ့ပြီး အဆိုပါနိုင်ငံများတွင် ကွန်ဂိုသမ္မတနိုင်ငံ၊ လိုက်ဘေးရီးယား၊ ဟေတီနိုင်ငံနှင့် တောင်ဆူဒန်တို့ ပါဝင်သည်။

    CAR သို့ပို့ဆောင်ခဲ့သည့် ကုလ၏ ငြိမ်းချမ်းရေးတပ်ဖွဲ့တွင် အင်အား ၁၁၀၀၀ ခန့် ရှိနေသည်။ ထို့ပြင် အာဖရိကသမဂ္ဂ တပ်ဖွဲ့ဝင် ၅၆၀၀ ခန့်၊ ပြင်သစ်ခြေလျင်တပ်သား ၂၀၀၀ မှာလည်း CAR တွင် တပ်စွဲထားသည်။

    Source: Al-jazeera

  • ဘာသာပြောင်းမလား၊ အသေခံမလား ?

    ဘာသာပြောင်းမလား၊ အသေခံမလား ?

    အောက်တိုဘာ ၃၁ ၊ ၂၀၁၅
    M-Media


    သေနတ်ကိုင် မွတ်စ်လင်မ်သတင်းများကို မြိုင်မြိုင်ဆိုင်ဆိုင် ဖော်ပြနေကြသော်လည်း သေနတ်ချိန်ခံရသည့် မွတ်စ်လင်မ့်သတင်းများကိုမူ သတင်းအဖြစ်ဖော်ပြရန်ပင် မထိုက်တန်သလို။

    ခေတ်သစ် စာနယ်ဇင်းများက ဤမူဝါဒကို တစိုက်မတ်မတ်ကိုင်စွဲ၍ တင်ပြနေကြသည်မှာ ပြည်တွင်း ကပ်ဘေးများမှသည် နိုင်ငံတကာ လူ့အခွင့်အရေး ချိုးဖောက်မှု အနိဋ္ဌာရုံများအထိဟု ဆိုနိုင်ပေသည်။

    ၂၀၁၃ ခုနှစ် မတ်လကတည်းက ပဋိပက္ခများဖြင့် မတည်မငြိမ်ဖြစ်နေသော ဗဟိုအာဖရိက သမ္မတနိုင်ငံ Central African Republic – CAR ရှိ မွတ်စ်လင်မ်တို့အပေါ် စနစ်တကျ ပစ်မှတ်ထားတိုက်ခိုက်နေမှုမှာ ကျယ်ပြန့်နက်ရှိုင်းသည့် မျိုးနွယ်စု ရှင်းလင်းရေး အဆင့်သို့ ဆိုက်ရောက်လာချေပြီ။

    သို့ရာတွင် အာဖရိကနိုင်ငံပြင်ပနှင့် လူ့အခွင့်အရေးအသိုင်းအ၀ိုင်းမှ လက်တစ်ဆုပ်စာ လူတို့သည်ပင်လျှင် ဤလူသားချင်းစာနာရေးပြဿနာအား မဆိုစလောက်သာ သတိ ကရုပြုမိကြပါသည်။

    ၂၀၁၅ နှစ်လယ်ပိုင်းလောက်က လက်နက်ကိုင် စစ်သွေးကြွများသည် ၎င်းနိုင်ငံအနောက်ခြမ်း တစ်လျှောက်ရှိ မွတ်စ်လင်မ်များကို အဓမ္မခိုင်းစေခြိမ်းခြောက်မှုများ၊ နှိပ်စက်ညှင်းပန်းမှုများ ပြုလုပ်ခဲ့ကြ၏။

    သက်မဲ့သဘာဝ ကိုးကွယ်သူများနှင့် ခရစ်ယာန်များ ပါဝင်သည့် အဆိုပါတစ်ယူသန် စစ်သွေးကြွအုပ်စု Anti-Balaka သည် မွတ်စ်လင်မ်တို့အား သီးခြားဝတ်ပြုရန်၊ ဘာသာရေးဆိုင်ရာ ၀တ်စားဆင်ယင်မှုများ ဖယ်ရှားရန်။ ဘာသာပြောင်းရန် သေနတ်ထောက်၍ အဓမ္မခိုင်းစေလျက်ရှိသည်။

    ဘာသာရေးအရစိုးရိမ်မှုဟု ခေါင်းစဉ်တပ်ခြင်း
    ———————————————–
    အခြေခံဝါဒီ/တစ်ယူသန်ဝါဒီ ဟူသည့် ဝေါဟာရအသုံးကို မွတ်စ်လင်မ်များအတွက်သာ သီးသန့်ဖွင့်ဆိုလျက် ဗဟိုအာဖရိကရှိ သဘာ၀၀ါဒီနှင့်ခရစ်ယာန်များသည် တစ်ဖက်တွင် ဘာသာရေးအရစိုးရိမ်မှုဟု အလံထူထားသော်လည်း နောက် တစ်ဖက်တွင်မူ နိုင်ငံ့လူဦးရေ ၁၅ ရာခိုင်နှုန်းရှိ မွတ်စ်လင်မ် ခုနှစ်သိန်းခွဲတို့အပေါ် အကြမ်းဖက်ရန် အတောမသတ်နိုင်သည့် လက်နက်ရိက္ခာများ ပြင်ဆင်ခဲ့ကြသည်။

    Anti-Balaka ၏ ရည်ရွယ်ချက်သည် အလွန်ရိုးစင်းသည်၊ စက်ဆုပ်ရွံရှာဖွယ်ကောင်းသည်။ မည်သည့်နည်းနှင့် မဆို နိုင်ငံထဲရှိ မွတ်စ်လင်မ်များ ပပျောက်သွားရေးပင်ဖြစ်သည်။

    IS နှင့် ISIL တို့အကြောင်းကို ခေါင်းကြီးပိုင်းတွင် ဝေေ၀ဆာဆာဖော်ပြပြီး လူတိုင်းပါးစပ်ဖျား ရေပန်းစားနေသော်လည်း ဗဟိုအာဖရိကနိုင်ငံမှ မွတ်စ်လင်မ် ဆန့်ကျင်ရေး အကြမ်းဖက်မှုများကို ဖော်ပြခြင်းအား မတွေ့ရသလောက်ပင်။ ထိုအကြမ်းဖက်မှုများ အတွင်း လူ့အသက်ပေါင်း ၆၀၀၀ ဆုံးရှုံးခဲ့သည်၊ မွတ်စ်လင်မ်ပေါင်း သုံးသောင်းခန့်ကို ကုလစောင့်ရှောက်ခံနယ်မြေများထံ တွန်းပို့ခဲ့သည်၊ ဗလီဝတ်ကျောင်းတော် မြောက်များစွာ ဖျက်ဆီးခံရသည်။ ဤအမှုမှာ လူမသိသူမသိ မဟာအနိဋ္ဌာရုံအဖြစ် ရှိနေဆဲ။

    CAR မှ မွတ်စ်လင်မ်တို့သည် ဒုက္ခခံနေရသူများဆိုသည်ထက် လူ့အခွင့်အရေး ချိုးဖောက်သူများအဖြစ် ရုပ်လုံးဖော်ပြရေးက ပို၍ အရေးပါသည့်နှယ်ဖြစ်နေပေသည်။

    အများကြိုက် မီဒီယာလောကတွင် လူ့အခွင့်အရေး ချိုးဖောက်ခံရသည့် လူမည်းများအကြောင်း၊ အလားတူ အာဖရိကတိုက်နယ်မှ လူ့အခွင့်အရေး ချိုးဖောက်မှုများအကြောင်းကို ကာလအတန်ကြာ လျစ်လျူရှုထားခဲ့ကြသည်။ ၁၉၉၀ ခုနှစ်များအတွင်းက ရ၀မ်ဒါနှင့် ဘူရွန်ဒီမှ မျိုးဖြုတ်ရှင်းလင်းဖယ်ထုတ်မှု Genocide အကြီးအကျယ်ဖြစ်ခဲ့သည်။ သို့သော် အခါလွန်မှ လူထုရှေ့ချပြခဲ့ကြသည်။ ကမ္ဘာ့အသိုင်းအ၀ိုင်းကလည်း ဆယ်စုနှစ်တစ်ခုကြာပြီးမှ နာမည်ကြီး Hotel Rwanda ရုပ်ရှင်နှင့်အတူ  စာနာမှုကို ပြသနိုင်ခဲ့ကြသည်။

    CAR-NON-MUSULMANS

    လူမည်းဒုက္ခသည်သတင်းများ ထိမ်ချန်ခြင်းခံရ
    ————————————————-
    လူဖြူသူရဲကောင်းများ သို့တည်းမဟုတ် (နိုင်ဂျီးရီးယားမှ ပြန်ပေးဆွဲအဖွဲ့ ဘိုကိုဟရမ်ကဲ့သို့) မွတ်စ်လင်မ် ဗီလိန်များအကြောင်းကိုသာ ဗဟိုပြုထားသည့် အများကြိုက် မီဒီယာတို့က လူမည်းဒုက္ခသည်များဖြစ်စဉ်ကို မနှောင့်မနှေး ဖုံးကွယ်ပေးနေကြ၏။

    ဆူဒန်နိုင်ငံပြဿနာကိုလည်း ထိုနည်းအတိုင်းပင် ကျင့်သုံးခဲ့သည်။ အမေရိကန် နာမည်ကျော်များနှင့် အဖွဲ့အစည်းများက ၀င်ရောက် စွက်ဖက်ခဲ့ခြင်းကို မြောက်ပိုင်း အာရဗ်မွတ်စ်လင်မ်များလက်မှ တောင်ပိုင်း လူမည်းခရစ်ယာန်များအား ကယ်တင်ခြင်း ပုံဟန်ဖြင့် ဖော်ပြခဲ့ကြသည်။

    အလားတူစွာပင် မီဒီယာများကို မွတ်စ်လင်မ်များအား ဗီလိန်များအဖြစ် တစိုက်မတ်မတ် ကောက်ကြောင်းဆွဲပြနေသော်လည်း မွတ်စ်လင်မ်များ ဓားစားခံဒုက္ခသည်ဖြစ်ရသည့်အခါတွင်မူ ဖော်ပြပေးရန် နှောင့်နှေးကြသည် သို့မဟုတ် ပျက်ကွက်နေခဲ့ကြပေသည်။

    နိုင်ငံတကာသတင်းခေါင်းကြီးပိုင်း၌ ISIL ၏ လုပ်ရပ်ဆိုးများကို ပြဲပြဲစင် ဖော်ပြနေသော်လည်း ၎င်းတို့၏ဒဏ်ကို အကြီးအကျယ် ခံစားနေရသည်မှာ မွတ်စ်လင်မ်များသာလျှင် ဖြစ်နေသည့်အချက်ကိုတော့ ရှင်းလင်းတင်ပြဖို့ ထိမ်ချန်ထားပေသည်။

    အကြောင်းမလှစွာဖြင့် CAR ဒုက္ခသည်များမှာ လူမည်းလည်းဖြစ်၊ မွတ်စ်လင်မ်များလည်းဖြစ်နေရသည့်အပေါ် ဗီလိန်ပုံဖော်ချက်နှစ်ရပ် စလုံးထဲ ငြိစွန်းသွားပါတော့သည်။

    လူမည်းဆန့်ကျင်ရေးအငြိုးတရားနှင့် တစ်ဖက်သတ် အစ္စလာမ်ကြောက်ရောဂါအကြားရှိ မောဟအစွဲသည် မီဒီယာအရင်းခံဖြစ်၏။ ထိုအစွဲကို မီဒီယာ မျက်နှာစာသို့ တွန်းပို့လေ့ရှိကြ၏။

    CAR မွတ်စ်လင်မ်တို့၏ ကံဆိုးမိုးမှောင်ကျမှု သတင်းကို ဖျောက်ထားခြင်းမှာ လူမည်းမွတ်စ်လင်မ်တို့အပေါ် ညှင်းပန်းခံဒုက္ခသည်များအဖြစ် သဘောမထားသည့်ပုံ သက်ရောက်နေသည်။

    Muslims-CAR

    နိုင်ငံတကာမှ အရေးတယူပြုသင့်ပြီ
    ————————————-
    လူသိများထင်ရှားသောထုတ်ဝေချက်များအပါအ၀င် မီဒီယာခေါင်းကြီးပိုင်းဟူသည် ဖြစ်ရိုးဖြစ်စဉ်များကို သာမန်အသိပေးခြင်းထက် ပိုပါသည်။

    CAR မှဖြစ်ရပ်များကဲ့သို့ အပြည်ပြည်ဆိုင်ရာပြဿနာတစ်ရပ်အတွက် မျက်နှာဖုံးတင်ဖော်ပြချက်က နိုင်ငံရေးနိုးကြားမှု၊ ရံပုံငွေထူထောင်ခြင်း၊ အစိုးရကိုဖိအားပေးနိုင်ရေး စသည်တို့ဖြစ်ပေါ်ရန် ကမ္ဘာ့အသိုင်းအ၀ိုင်းအား တိုက်တွန်းလှုံ့ဆော်ပေးနိုင်သည်။

    မီဒီယာတို့သည် ဆိုင်ရာဆိုင်ရာ ဦးတည်ချက်အတွက် ဟစ်တိုင်မျှသာ ဖြစ်ကောင်းဖြစ်ပေမည်။ သို့သော် ပြဿနာများ ဖြည်ထုတ်ဖွင့်ပြခြင်း၌ အဓိကဇာတ်ကောင်များအဖြစ် ပတ်သက်လျက်ရှိပါသည်။

    ခိုင်မာအားကောင်းသော မီဒီယာ၏ကြားဝင်မှုက စွပ်စွဲခံတို့၏လုပ်ရပ်များ၊ လူသားချင်းစာနာမှုအရေးပေါ်ကယ်ဆယ်ရေးများအပေါ် သတိထားမိစေသလို၊
    ချောမွေ့သက်သာမှုကို လျစ်လျူရှုခြင်းနှင့် အကြမ်းဖက်ရည်ရွယ်ချက်များကို အားပေးအားမြှောက်ပြုခြင်းလည်း ဖြစ်စေနိုင်သည်။ CAR  ကိစ္စတွင်တော့ ဒုတိယအမျိုးအစားဖက် သိသာစွာ ယိမ်းနေ၏။

    ခေါင်းကြီးပိုင်းဖော်ပြချက်များမှ ကင်းလွတ်နေသဖြင့် Anti-Balaka အုပ်စုများသည် အလွန်တရာမျှ အကျိုးခံစားနေရသည်။ သူတို့၏အင်အား ကြီးထွားလာပြီး သူတို့၏အကြမ်းဖက်မှုများ ပိုမိုပြင်းထန်ကျယ်ပြန့်လာသည်။

    မွတ်စ်လင်မ်တို့အား အတင်းအဓမ္မ ဘာသာကူးပြောင်းခိုင်းခြင်း၊ ဗလီဝတ်ကျောင်းအများအပြားကို ထင်တိုင်းကြဲဖျက်ဆီးခြင်းတို့အပြင်၊ မိမိတို့အသက်ဘေးလွတ်ကင်းနိုင်ရန် Anti-Balaka စစ်သွေးကြွတို့အား မတန်တဆ ဆက်ကြေးပေးနေရခြင်း စသည့် သတင်းများထွက်ပေါ်လျက်ရှိသည်။

    မီဒီယာ၏အရေးတယူဖော်ပြချက်သည် အသက်များကို ကယ်တင်နိုင်၏
    ————————————————————————-
    ပြီးခဲ့သည့် ရမဿွာန် ဥပုသ်လအတွင်း Anti-Balaka စစ်သွေးကြွများ၏ သတ်ဖြတ်ခြင်း၊ အဓမ္မဘာသာပြောင်းခိုင်းခြင်းများက ပိုမိုဆိုးရွားပြင်းထန်လာခဲ့သည်။ ဤသည်မှာ ဗဟိုအာဖရိကနိုင်ငံမွတ်စ်လင်မ်များအဖို့ မည်မျှအထိ အန္တရာယ်ကြီးမားနေကြောင်း သိသာစေပါသည်။

    ရ၀မ်ဒါတွင် သတင်းထောက်များ၊ ကင်မရာများသည် အချိန်နှောင်းမှ ရောက်သွားလေသောကြောင့် မျိုးဖြုတ်အစီအမံများသည် လိုရာပန်းတိုင်ရောက်ကာ လက်ခမောင်းခတ်လိုက်ပြီဖြစ်ကြောင်း တွေခဲ့ကြရပေသည်။

    ထိုအချိန်မှစ၍ မီဒီယာကဏ္ဍမှ အချိန်နှင့်တစ်ပြေးညီဖော်ပြချက်များရှိခဲ့ပါလျှင် ဖိအားပေးမှု၊ လူသားချင်းစာနာမှု၊ ဖြေလျော့မှုတို့ဖြင့် ကြားဝင်နိုင်ပြီး၊ ထောင်ပေါင်းများစွာသော အသက်များနှင့် အနာဂတ်မျိုးဆက်များကို ကယ်တင်ခွင့်ရခဲ့ပေမည်ဟု ပညာရှင်များ၊ လူ့အခွင့်အရေးလှုပ်ရှားသူများ၊ တိုင်းပြည်ခေါင်းဆောင်များက အခိုင်အမာ ဆိုထားခဲ့ကြသည်။

    ရ၀မ်ဒါမှ သင်ခန်းစာ မရယူကြသေးပါလျှင် CAR ရှိ မွတ်စ်လင်မ်လူဦးရေကို အနိုင်ကျင့်၍ လုံးပါးပါးစေခြင်းမှ ဖော်ပြမစွမ်းသော အကြမ်းဖက်မှုများထံသို့လည်းကောင်း၊ မွတ်စ်လင်မ်ဆန့်ကျင်ရေးစစ်သွေးကြွများ အားကောင်းလာပြီး စုပြုံ လူသတ်ပွဲကျင်းပခြင်းထံသို့လည်းကောင်း ဦးတည်သွားနိုင်ပါသည်။

    သို့တစေလည်း မွတ်စ်လင်မ်တို့သည် တံဆိပ်တပ်ခံနေရခြင်း၌ ရှိနေဆဲဖြစ်၍ ဤဖြစ်စဉ်မှာ သတင်းမီဒီယာခေါင်းကြီးပိုင်းသို့ တက်လှမ်းနိုင်ပါမည်လောဟု တွေးတောလျက် ……….။

    Source : Al Jazeera
    Barry တက္ကသိုလ်၊ Dawyne O Andreas ဥပဒေသင်တန်းဋ္ဌာန၏ တွဲဖက်ပါမောက္ခ Khaled A Beydoun ရေးသားသော  Convert of Die : Ethnic Cleansing inf CAR ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။

  • ဗဟိုအာဖရိကတွင် ကုလတပ်များ လိင်ပိုင်းဆိုင်ရာ ကျူးလွန်မှုသတင်း ထွက်ပေါ်လာပြန်

    ဗဟိုအာဖရိကတွင် ကုလတပ်များ လိင်ပိုင်းဆိုင်ရာ ကျူးလွန်မှုသတင်း ထွက်ပေါ်လာပြန်

    ဇွန် ၂၅၊ ၂၀၁၅
    M-Media

    un

    – ဗဟိုအာဖရိကနိုင်ငံတွင် တာဝန်ထမ်းဆောင်နေသည့် ကုလသမဂ္ဂ၏ ငြိမ်းချမ်းရေးတပ်ဖွဲ့မှာ မြို့တော်ဘန်ဂွီရှိ လမ်းမပေါ်တွင် ကလေးငယ်တစ်ဦးအား လိင်ပိုင်းဆိုင်ရာ ကျူးလွန်ခဲ့သည်ဟု စွပ်စွဲခံရကြောင်း ကုလအတွင်းရေးမှူးချုပ်၏ ပြောရေးဆိုခွင့်ရှိသူ စတီဖိန်း ဒူဂျာရစ်က ပြောကြားလိုက်သည်။

    ထိုကိစ္စမှာ ဗဟိုအာဖရိကနိုင်ငံအတွင်း မကြာသေးမီလများတွင်း ငြိမ်းချမ်းရေးစစ်သားများ ပါဝင်သော ကလေးများအား လိင်ပိုင်းဆိုင်ရာ စော်ကားမှုအတွက် တတိယမြောက် ပြဿနာဖြစ်သည်ဟုလည်း ၎င်းကဆိုသည်။

    “တကယ်လို့ ဒီစွပ်စွဲချက်ဟာ အထောက်အထားခိုင်လုံတယ်ဆိုရင် ဒါဟာ ကုလရဲ့ စည်းမျဉ်းစည်းကမ်းတွေနဲ့ ငြိမ်းချမ်းရေးတပ်သားတွေရဲ့ ကျင့်ဝတ်တွေကို သိသိသာသာ ချိုးဖောက်တာပဲ ဖြစ်ပါလိမ့်မယ်” ဟု ဒူဂျာရစ်က အင်္ဂါနေ့တွင် ပြောကြားခဲ့သည်။

    ယခုစွပ်စွဲချက်အသစ်များအတွက် ဘန်ဂွီရှိ ကုလရုံးချုပ်က နိုင်ငံအတွင်း တပ်ဖြန့်ချထားသော နိုင်ငံများအား အသိပေးထားပြီး စုံစမ်းစစ်ဆေးမှုကိုလည်း ပြုလုပ်နေသည်ဟု ဆိုသည်။ ကျူးလွန်သူမှာ မည်သည့်နိုင်ငံမှဖြစ်သည်ကို ဖော်ပြခဲ့ခြင်းမရှိသော်လည်း အာဖရိကတပ်ဖွဲ့မှ ဖြစ်သည်ဟု ဒူဂျာရစ်က ထည့်သွင်းပြောကြားခဲ့သည်။

    ထို့ပြင် ကျူးလွန်သူ၏ နိုင်ငံအနေဖြင့် လျင်မြန်ပြီး သင့်လျော်သည့် အပြစ်ပေးအရေးယူမှုများ ပြုလုပ်ရန် တောင်းဆိုသွားမည်ဟု ဆိုသည်။

    ပြီးခဲ့သည့်နှစ်က ကုလ၏ လူ့အခွင့်အရေး စုံစမ်းစစ်ဆေးသူများ ထုတ်ပြန်သော အစီရင်ခံစာတွင် ဗဟိုအာဖရိကနိုင်ငံရှိ ပြင်သစ်၊ ချဒ်နှင့် ဂီနီနိုင်ငံတို့မှ တပ်ဖွဲ့များမှာ ကလေးများအပေါ် လိင်ပိုင်းဆိုင်ရာ ကျူးလွန်မှုများရှိခဲ့သည်ဟု ဖော်ပြခဲ့သည်။

    Ref: Aljazeera

  • ဗဟိုအာဖရိကနိုင်ငံရှိ ဗလီဝတ်ကျောင်းတော် အာလုံးနီးပါး ဖျက်ဆီးခံရ

    ဗဟိုအာဖရိကနိုင်ငံရှိ ဗလီဝတ်ကျောင်းတော် အာလုံးနီးပါး ဖျက်ဆီးခံရ

    မတ် ၂၁၊ ၂၀၁၅
    M-Media

    CAR-Mosques

    – ခရစ်ယာန်နှင့် မွတ်စလင်များအကြား လပေါင်းများစွာကြာ ပြင်းထန်သော တိုက်ခိုက်မှုများအတွင်း ဗဟိုအာဖရိကနိုင်ငံအတွင်းရှိ ဗလီဝတ်ကျောင်းတော် အားလုံးနီးပါး ဖျက်ဆီးခံလိုက်ရသည်ဟု ကုလသမဂ္ဂဆိုင်ရာ အမေရိကန်သံအမတ် စမန်သာပါဝါက အင်္ဂါနေ့တွင် ပြောကြားခဲ့ပြီး အဆိုပါ ထိခိုက်ပျက်ဆီးမှုများမှာ ရူးနှမ်းပြီး ကျောချမ်းစရာဖြစ်သည်ဟု ဆိုသည်။

    ပြီးခဲ့သည့်တစ်ပတ်တွင် လုံခြုံရေးကောင်စီမှ ဗဟိုအာဖရိကနိုင်ငံသို့ သွားရောက်ပြီးနောက် ပြုလုပ်သော သတင်းစာရှင်းလင်းပွဲတွင် ပါဝါက ထိုကဲ့သို့ ပြောကြားခဲ့ခြင်းဖြစ်ပြီး ဥရောပသမဂ္ဂနှင့် ပြင်သစ်တပ်များ ဗဟိုအာဖရိက နိုင်ငံမှ ထွက်ခွာကာ ကုလသမဂ္ဂ၏ ငြိမ်းချမ်းရေးတပ်များကလည်း ပြည့်ဝသော ထိန်းချုပ်မှုအင်အား မရှိသည့်အချိန်တွင် ဖြစ်ပေါ်လာနိုင်ဖွယ်ရှိသည့် လုံခြုံရေး လစ်ဟာမှုများနှင့် ပတ်သက်၍လည်း စိုးရိမ်မိသည်ဟု ဆိုသည်။

    ၂၀၁၃ ခုနှစ် ဒီဇင်ဘာလကတည်းက စတင်ခဲ့သည့် မကြုံစဖူး အကြမ်းဖက်တိုက်ခိုက်မှုများကြောင့် အနည်းဆုံး လူပေါင်း ၅၀၀၀ အသတ်ခံခဲ့ရပြီး လူဦးရေ ၄.၅ သန်းသာရှိသည့် ဗဟိုအာဖရိကနိုင်ငံတွင် လူ ၁ သန်းနီးပါးမှာ အိုးအိမ်စွန့်ခွာ ထွက်ပြေးခဲ့ရသည်။ ထိုအထဲမှ အများစုမှ ခရစ်ယာန် ပြည်သူ့စစ်များ၏ မျိုးဖြတ်သတ်ဖြတ်မှုကို ခံနေရသော မွတ်စလင်များ ဖြစ်ကြသည်။

    ပါဝါကမူ နိုင်ငံအတွင်းရှိ ဗလီဝတ်ကျောင်းတော် စုစုပေါင်း ၄၃၆ လုံးတွင် ၄၁၇ လုံးမှာ ဖျက်ဆီးခံခဲ့ရပြီး မြို့တော် ဘန်ဂွီတွင် ကျန်ရစ်နေသော မွတ်စလင်အသိုင်းအ၀ိုင်းသို့ သွားရောက်ကြည့်ရှုရာတွင် ၎င်းတို့မှာ ကြောက်ရွံ့နေကြသည်ဟု ဆိုသည်။

    အချို့သောမွတ်စလင်အမျိုးသမီးများမှာ ခေါင်းဆောင်းပ၀ါဖြင့် အပြင်သို့ထွက်ရမည်ကို ကြောက်ရွံ့နေကြပြီး ဆေးရုံသို့သွား၍ ကလေးမီးဖွားရမည့်အစား အိမ်၌ပင် မွေးဖွားနေကြသည်ဟု ပါဝါက ထပ်လောင်းပြောကြားခဲ့သည်။

    ဗဟိုအာဖရိကနိုင်ငံအတွင်း ဖြစ်ပွားနေသည့် အကြမ်းဖက်တိုက်ခိုက်မှုများကို ကုလငြိမ်းချမ်းရေးတပ်များ၊ ပြင်သစ်နှင့် ဥရောပသမဂ္ဂ တပ်များက တည်ငြိမ်ရန် ကြိုးစားနေကြသည်။ သို့သော်လည်း လုံခြုံရေးကောင်စီမှ သွားရောက်ကြည့်ခဲ့ပြီး သိပ်မကြာခင်မှာပင် ဥရောပတပ်များ၏ နောက်ဆုံးအသုတ်ဖြစ်သော စစ်သည် ၇၅၀ မှာ တိုင်းပြည်မှ ထွက်ခွာတော့မည်ဟု သူမက ဆိုသည်။

    ကုလသမဂ္ဂ၏ ငြိမ်းချမ်းရေးတပ်ဖွဲ့များမှာ တပ်သား ၁၀၀၀၀ ဖြင့် ထိန်းချုပ်ရန် ၎င်း၏ အစီအစဉ်မှ ၈၀ ရာခိုင်နှုန်းမှာ ဆက်လက်ရှိနေမည်ဖြစ်ပြီး ကုလအထွေထွေအတွင်းရေးမှူးကလည်း ထပ်မံ၍ တပ်အင်အား ၁၀၀၀ ကျော်ကို စေလွှတ်ပေးရန် တောင်းဆိုထားသည်။ ပါဝါကမူ လုံခြုံရေးကောင်စီမှာ အဆိုပါ တောင်းဆိုမှုကို အလွန်အမင်း ထောက်ခံကာ နေရာချထားပေးမည်ဟု ပြောကြားခဲ့သည်။

    ထို့ပြင် တပ်ပေါင်းစုများက ဆိုးရွားသော အခြေအနေမဖြစ်အောင် လမ်းလွှဲနိုင်မည် ဖြစ်သော်လည်း တိုင်းပြည်အတွင်းရှိ လက်နက်ကိုင်အဖွဲ့များမှာ ဆက်လက် လက်နက်တပ်ဆင်ထားကြကြောင်း၊ ၎င်းတို့၏ လက်နက်ဖျက်သိမ်းရေးမှာ ဦးစားပေးလုပ်ဆောင်ရမည့် အရာဖြစ်ကြောင်း ထည့်သွင်းပြောကြားခဲ့သည်။

    Ref: ciibroadcasting

  • ဘာသာတရားကို ခုတုံးလုပ်ပြီး အကြမ်းဖက်တာ မွတ်စလင်တွေပဲလား

    ဘာသာတရားကို ခုတုံးလုပ်ပြီး အကြမ်းဖက်တာ မွတ်စလင်တွေပဲလား

    မတ် ၄ ၊ ၂၀၁၅
    M-Media
    1424000719125.
    – “ဒီမှာ ခရစ်ယာန် ၉ ယောက်ရှိသေးတယ်။ ကျုပ်တို့ သူတို့ကိုဖမ်းမယ်။ သတ်ပစ်မယ်။ ဒီမှာ ပြီးသွားရန် နောက်ရွာတစ်ရွာကို သွားမယ်။ အေး အဲဒီမှာရှိတဲ့ ခရစ်ယာန်တွေကိုလည်း သတ်ပစ်အုံးမယ်”

    တကယ်လို့များ ISIS ခေါင်းဆောင်တစ်ယောက်က ဒီလိုကြေညာချက်မျိုး ထုတ်မယ်ဆိုရင်တော့ Fox News သတင်းဌာနက သူတို့ရဲ့ ပုံမှန်အစီအစဉ်ကိုဖျက်ပြီး “မွတ်စလင်တွေရဲ့ ခရစ်ယာန်အပေါ် ဘာသာရေးစစ်” ပုံစံမျိုး အထူးသတင်းအဖြစ် တင်ပြပါလိမ့်မယ်။ တခြားသော အဓိက မီဒီယာတွေကလည်း ဒါမျိုးကိုဖော်ပြဖို့ သိပ်ကို အလားအလာရှိပါတယ်။

    ဒီကြေညာချက်ဟာ ၂၀၁၄ ခုနှစ်မှာ တကယ်ပဲ ထွက်ခဲ့တာပါ။ ဒါပေမယ့် အပေါ်မှာ ဖော်ပြခဲ့သလိုမဟုတ်ဘဲ စကားလုံးအနည်းငယ် အပြောင်းအလဲဖြစ်ခဲ့ပါတယ်။ တစ်လုံးတည်းသော အဲဒီစကားလုံးက ‘မွတ်စလင်’ နေရာမှာ ‘ခရစ်ယာန်’ လို့ ပြောင်းလဲသွားခြင်းပါပဲ။

    ““ဒီမှာ မွတ်စလင် ၉ ယောက် ရှိသေးတယ်။ ကျုပ်တို့ သူတို့ကိုဖမ်းမယ်။ သတ်ပစ်မယ်။ ဒီမှာ ပြီးသွားရန် နောက်ရွာတစ်ရွာ ကိုသွားမယ်။ အေး အဲဒီမှာရှိတဲ့ မွတ်စလင်တွေကိုလည်း သတ်ပစ်အုံးမယ်”

    ဗဟို အာဖရိကနိုင်ငံက ရွာတစ်ရွာမှာ ကျန်နေတဲ့ မွတ်စလင် ရွာသား ၉ ဦးကိုသတ်ဖြတ်ဖို့ ခရစ်ယာန် မီလီရှာအဖွဲ့က အကြမ်းဖက်သမား တစ်ဦးက သူတို့ရဲ့ အစီအစဉ်ကို ပြောကြားခဲ့တာပဲ ဖြစ်ပါတယ်။ ဒါပေမယ့် ဒီလို ကိစ္စမျိုးကိုတော့ ကျွန်တော်တို့ တိုင်းပြည်မှာ သတင်းအဖြစ် ဖော်ပြမှာ မဟုတ်ဘူးဆိုတာ အသေအချာပါပဲ။

    ဒါမှမဟုတ် ခရစ်ယာန်စစ်သွေးကြွတစ်ယောက်က မွတ်စလင်ရွာသား တစ်ဦးကို ဗဟိုအာဖရိကနိုင်ငံရဲ့ လမ်းလယ်ခေါင်မှာ ခေါင်းဖြတ် သတ်ပစ်တဲ့ သတင်းမျိုးရော ခင်ဗျားတို့ ကြားဖူးကြပါသလား? အမေရိကန် မီဒီယာဖြစ်တဲ့ New York Times က AP သတင်းဌာနက သတင်းတစ်ပိုဒ်ကို ယူပြီး သတင်းတို အဖြစ်သာ ဖော်ပြခဲ့ပါတယ်။ တစ်ကယ်လို့များ မွတ်စလင် တစ်ယောက်ဟာ ခရစ်ယာန် တစ်ယောက်ကို ရင်ပြင် တစ်ခုမှာ ခေါင်းဖြတ်သတ်ခဲ့ရင် အမေရိကန် သတင်းတွေမှာ ဟိုးလေးတစ်ကျော်ကျော် ဖြစ်သွားမယ်ဆိုတာနဲ့ ပတ်သက်ပြီး တစ်ယောက်တစ်လေများ သံသယရှိနေပါသလား။

    ဗဟိုအာဖရိကမှာ ထောင်ပေါင်းများစွာသော မွတ်စလင်လူနည်းစုတွေကို တစ်ရွာဝင်တစ်ရွာထွက် လိုက်လံ မျိုးဖြုတ် သတ်ဖြတ်နေတဲ့ ခရစ်ယာန်တွေ အကြောင်း ဖော်ပြတဲ့ ရုပ်သံလိုင်း တစ်ခု တစ်လေကော ရှိပါသလား? ဒီခရစ်ယာန် စစ်သွေးကြွတွေဟာ ဓားတစ်ဝင့်ဝင့်နဲ့ ရက်စက်ကြမ်းကြုတ်တဲ့ တိုက်ခိုက်မှုတွေကို ပြုလုပ်နေတယ်။ အိမ်တွေ၊ ဗလီဝတ်ကျောင်းတွေကို မီးရှို့တယ်၊ လုယက်ကြပါတယ်။ ပြည်တွင်းစစ်ဆိုတာ မှန်ပေမယ့် ကိုယ့်ကိုယ်ကို လူသိရှင်ကြား ခရစ်ယာန်တိုက်ခိုက်ရေးသမားပါလို့ ကြေငြာထားတဲ့ စစ်သွေးကြွတွေက ဒီလိုအကြမ်းဖက်မှုမျိုးတွေကို ကျူးလွန်နေကြတာပါ။

    ဒါဟာ ခရစ်ယာန်တွေ အကြမ်းဖက်လုပ်ရပ် ကျူးလွန်မှုတွေရဲ့ တစ်စွန်းတစ်စပဲ ရှိပါသေးတယ်။

    တကယ်တော့ သမ္မတ အိုဘာမားဟာ ပြီးခဲ့တဲ့ သီတင်းပတ်မှာ ပြုလုပ်ခဲ့တဲ့ National Prayer Breakfast ဆုတောင်းပွဲမှာ ခရူးဆိတ်စစ်ပွဲအပါအ၀င် ခရစ်ယာန်တွေ ကျူးလွန်တဲ့ အကြမ်းဖက်မှုတွေကို မြင်ခဲ့ရတယ်လို့ ရဲရဲရင့်ရင့် ပြောခဲ့ပြီး တစ်ချို့တွေကတော့ ဒီအပြော အတွက် ထွန့်ထွန့်လူးခဲ့ပါတယ်။ အမေရိကန်ရဲ့ နာမည်ကြီး ရေဒီယို ရှိုးတစ်ခုဖြစ်တဲ့ Rush Limbaugh မှာ ဒါကိုဝေဖန်ခဲ့ပြီး အိုဘားမားရဲ့ ဒီစကားဟာ ခရစ်ယာန် သာသနာကို စော်ကားတာပဲလို့ ပြန်လည်တုန့်ပြန်ခဲ့ပါတယ်။

    ဒါနဲ့ပတ်သက်လို့ Fox News သတင်းဌာန သတင်းကြေညာသူတွေက ယမ်းပုံမီးကြဖြစ်ခဲ့ပြီး အဆိုးဆုံးကတော့ အဲရစ် ဘိုးလင်းဆိုတဲ့ သတင်းကြေညာသူ တစ်ယောက်ဖြစ်ပါတယ်။ သူက ခရစ်ယာန်ဆိုတဲ့ အမည်နာမနဲ့ အသတ်ခံခဲ့ရတဲ့လူ တစ်ယောက်မှမရှိဘူးလို့ ဆိုပါတယ်။

    ပွင့်ပွင့်လင်းလင်းဆိုရရင် ကျွန်တော်ဟာ တစ်ချို့ကိစ္စတွေနဲ့ပတ်သက်လို့ လက်ယာယိမ်း ဒီပညာရှိကြီးတွေနဲ့ သဘောထားချင်း တိုက်ဆိုင်ပါတယ်။ ပြီးတော့ ခရစ်ယာန်ဆိုတဲ့ နာမည်နဲ့ ကျူးလွန်ခဲ့တဲ့ အကြမ်းဖက်မှုတွေကို ထောက်ပြရာမှာ အိုဘားမားအနေနဲ့ ခရူးဆိတ်စစ်ပွဲကို ပမာအဖြစ်ဆွဲ မပြဖို့ ကျွန်တော် ဆန္ဒရှိပါတယ်။ နောက်ဆုံး ခရူးဆိတ် စစ်ပွဲဖြစ်ခဲ့တာဟာ နှစ်ပေါင်း ၇၀၀ ကြာခဲ့ပါပြီ။

    ဗဟိုအာဖရိကနိုင်ငံမှာ ခရစ်ယာန် စစ်သွေးကြွတွေ ဆောင်ရွက်နေတဲ့ တိုက်ခိုက်မှုတွေက ဘာသာတရား အားလုံးမှာ ဒီဘာသာတရား နာမည်ကိုကိုင်ပြီး အကြမ်းဖက်လုပ်ရပ်တွေကို လုပ်နေတဲ့သူတွေ ရှိနေပါလားဆိုတာနဲ့ ပတ်သက်လို့ နီးနီးနားနားနဲ့ ပိုကောင်းတဲ့ ဥပမာတစ်ခုပါပဲ။ အိုဘားမားအနေနဲ့ ယူဂန်ဒါက ဘုရားသခင် ကာကွယ်ရေးတပ်မတော် LRA ရဲ့ ကြောက်စရာကောင်းတဲ့ အကြမ်းဖက် လုပ်ရပ်တွေကို ဖော်ပြရမှာပါ။ ဒီအဖွဲ့ဟာ ခရစ်ယာန် သမ္မာကျမ်းလာ ပညတ်တော်ဆယ်ပါးကို ယူဂန်ဒါရဲ့ ဥပဒေအဖြစ် သတ်မှတ်ချင်ကြတာပါ။ နောက်ဆုံးမှာတော့ ၁၉၈၆ ခုနှစ်ကစလို့ ၂၅ နှစ်ကျော်အတွင်းမှာ LRA ဟာ အမျိုးသား၊ အမျိုးသမီးနဲ့ ကလေးတွေကို သတ်ပစ်ခဲ့တယ်။ အမျိုးသမီးတွေကို မုဒိမ်းကျင့်ခဲ့တယ်။ ပြီးတော့ လိင်ကျွန် အဖြစ် ပြည်သူတွေကို အတင်းအဓမ္မ ခိုင်းစေခဲ့ကြပါတယ်။

    article-2542662-1AD3B07700000578-833_634x420
    ဗဟိုအာဖရိကနိုင်ငံ မှ လူနည်းစု မွတ်စလင်များအပေါ် အကြမ်းဖက်မှု

    ဒါမှမဟုတ်ရင် အိုဘားမားအနေနဲ့ အမေရိကန်က ခရစ်ယာန် အကြမ်းဖက်သမားတွေရဲ့ အကြမ်းဖက်လုပ်ရပ်တွေကို ရိုးရိုးလေးပဲ ပမာပေးလို့ရပါတယ်။ ၁၉၇၇ ခုနှစ်ကစလို့ ဒီခရစ်ယာန် အကြမ်းဖက်သမားတွေဟာ လူသတ်မှု ၈ မှု၊ လူသတ်ရန်ကြိုးပမ်းမှု ၁၇မှု၊ ဗုံးခွဲမှု ၄၂ မှု၊ မီးရှို့မှု ၁၈၁မှုနဲ့ အမေရိကန်တစ်ဝှမ်း မျိုးပွားကျန်းမာရေး အဆောက်အဦးတွေကို ပစ်မှတ်ထားတဲ့ တိုက်ခိုက်မှု ထောင်ပေါင်း များစွာကို ကျူးလွန်ခဲ့ကြပါတယ်။ ဒီအမှုတွေကို ဘာသာရေး အကြောင်းပြချက်အတွက် ကိုယ်ဝန် ဖျက်ချမှုကို ဆန့်ကျင်တဲ့ ခရစ်ယာန်တွေက ကျူးလွန်ခဲ့ကြတာ ဖြစ်ပါတယ်။

    CFR_beheading_Whewell
    ဗဟိုအာဖရိကနိုင်ငံ မှ လူနည်းစု မွတ်စလင်များအပေါ် အကြမ်းဖက်မှု

    “ခရစ်ယာ အမှတ်သညာ” လှုပ်ရှားမှုကို ဆောင်ရွက်ခဲ့တဲ့ လူဖြူ  အဓိပတိကြီး အဲရစ် ရူဒေါ့လ်ဖ်ကိုလည်း မေ့ထားလို့ မရပါဘူး။ ဒီအဖွဲ့ဟာ ကိုယ်ဝန်ဖျက်ချတဲ့ ဆေးခန်းတွေ၊ လိင်တူချစ်သူ နိုက်ကလပ်တွေကို ဗုံးခွဲခဲ့ပြီး ၁၉၉၆ အတ္တလန်တာမှာပြုလုပ်ခဲ့တဲ့ အိုလံပစ်ပွဲတောင်မှာ ဒီအုပ်စုက ဗုံးခွဲခဲ့တာကြောင့် လူ ၂ ဦး သေဆုံးပြီး ၁၁၀ လောက် ဒဏ်ရာရခဲ့ကြပါတယ်။ ရူဒေါ့လ်ဖ်ကတော့ သူ့ရဲ့လှုပ်ရှားမှုတွေက ကလေးဖျက်ချမှုကို ရပ်တန့်ဖို့ဖြစ်တယ် ဆိုပြီး အစိုးရအနေနဲ့ ကလေးဖျက်ချမှုကို တရားဝင်ဖြစ်စေခဲ့တာကြောင့် အစိုးရရဲ့ တရားဝင်မှု၊ အုပ်ချုပ်ခွင့် အာဏာကလည်း ပျက်သုဉ်းသွားပြီလို့ သူက ဆိုပါတယ်။

    နောက်ပြီး ၂၀၀၉ ခုနှစ်မှာ ဒေါက်တာ ဂျော့ဂ်ျ တီလာကို လုပ်ကြံ သတ်ဖြတ်တာလည်း ရှိပါသေးတယ်။ ဒီဆရာဝန်ဟာ ကိုယ်ဝန့်ရင့်တဲ့အချိန် ဖျက်ချမှုနဲ့ ပတ်သက်လို့ လှုံ့ဆော်ပေးရာမှာ တစ်နိုင်ငံလုံးက သိကြတဲ့ လူတစ်ယောက်ပါပဲ။သူ့ကိုသတ်ဖြတ်ခဲ့တဲ့ စကော့ ရိုဒါဆိုသူကတော့ ခရစ်ယာန် တစ်ယောက်ဖြစ်ပြီး မမွေးသေးတဲ့ကလေးကို ကာကွယ်ဖို့ ဒေါက်တာ ဂျော့ဂ်ျကို သတ်ပစ်တာဟာ တရားဝင်တယ်လို့ ပြောခဲ့ပါတယ်။

    လူတစ်ချို့က သူတို့ရဲ့အယူဝါဒကလူတွေဟာ ရက်စက်ကြမ်းကြုတ်မှုတွေ လုပ်တယ်ဆိုတာကို မယုံချင်ကြဘူးဆိုတာ ကျွန်တော် ချွင်းချက်မရှိ နားလည်ပါတယ်။ ကျွန်တော်ဟာ မွတ်စလင်တစ်ယောက်ပါ။ ဘယ်လို မွတ်စလင်မျိုး မဆို အကြမ်းဖက်မှုကို ကျူးလွန်လိုက်တယ်လို့ ကျွန်တော်ကြားရင် ယမ်းပုံမီးကျ ဖြစ်တော့တာပါပဲ။ အကြမ်းဖက် လုပ်ရပ်တွေကို ကျူးလွန်နေကြတဲ့ မွတ်စလင်တွေ ရှိတယ်ဆိုတာကို ကျွန်တော်မငြင်းပါဘူး။

    247107_PhotoGalleryMain
    ဗဟိုအာဖရိကနိုင်ငံ မှ လူနည်းစု မွတ်စလင်များအပေါ် အကြမ်းဖက်မှု

    ဒီလိုပါပဲ – ISIS နဲ့ အပေါ်ကပြောခဲ့တဲ့ ခရစ်ယာန် အကြမ်းဖက်သမားတွေရဲ့လုပ်ရပ်ဟာ သူတို့ရဲ့ ကိုယ်ပိုင် နိုင်ငံရေး ခံယူချက်ကြောင့် ကလွဲလို့ သက်ဆိုင်ရာ အယူဝါဒက သင်ကြားမှုကို အခြေမခံဘူးဆိုတာ ကျွန်တော်သိပါတယ်။ ဒါ့ကြောင့် ကျွန်တော်ဟာ သူတို့ကို ခရစ်ယာန်သာသာကို လိုက်နာကြတဲ့ ခရစ်ယာန် အကြမ်းဖက်သမားတွေလို့ ခေါ်မှာ မဟုတ်ပါဘူး။ ဒီလိုမျိုးလည်း မရှိပါဘူး။ အဲဒီလိုပါပဲ အစွန်းရောက် အစ္စလာမ်သာသနာ ဆိုတာလည်း မရှိပါဘူး။ ဒါ့ပေမယ့် ဒီဘာသာတရားနှစ်ခုစလုံးရဲ့နောက်လိုက်တွေထဲမှာ ဘာသာတရားရဲ နာမည်ကို ခုတုံးလုပ်ပြီး ပြစ်မှုကျူးလွန်ကြတဲ့ အခြေခံဝါဒီတွေ၊ အကြမ်းဖက်သမားတွေတော့ ရှိနေပါတယ်။

    ရှင်းရှင်းလင်းလင်းဆိုရရင် သမ္မတ အိုဘားမားရော ကျွန်တော်ပါ ခရစ်ယာန်တွေကို မကောင်းဆိုးဝါးလို့ ပြောဖိုိ့ မရည်ရွယ်ပါဘူး။ ဘာသာရေးကို အသုံးချပြီး ဖြစ်လာတဲ့ အကြမ်းဖက်မှုတွေကို မြင်အောင် ချပြရုံပါပဲ။ တကယ်တော့ အိုဘားမားလိုပဲ ကျွန်တော့် အမေဟာ ခရစ်ယာန်ဖြစ်ပြီး အဖေက မွတ်စလင်ပါ။ ဒီဘာသာနှစ်ခုစလုံးကို လေးစားသမှုနဲ့ ကျွန်တော်ဟာ ကြီးပြင်းလာခဲ့ရပါတယ်။

    ဒါပေမယ့် ကျွန်တော်တို့ အဖြစ်မှန်ကိုတော့ ငြင်းပယ်လို့ မရပါဘူ။ ခရစ်ယာန်၊ ဂျူး၊ ဗုဒ္ဓဘာသာ၊ အစ္စလာမ် စသဖြင့် ဘာသာတိုင်းရဲ့အမည်နာမကိုအသုံးပြုပြီး အကြမ်းဖက်လုပ်ရပ်တွေကို ကျူးလွန်ကြသူတွေ ရှိနေတယ်။ ဒါပေမယ့် နောက်ဆုံးတော့ အစ္စလာမ်သာသနာက အကြမ်းဖက်သမားတွေရဲ့ လုပ်ရပ်တွေကိုပဲ မီဒီယာတွေက အာရုံစိုက်ဖော်ပြကြပါတယ်။

    The Daily Beast တွင်ဖော်ပြခဲ့သည့် ဆောင်းပါးရှင် Dean Obeidallah ၏ “Yes, There Are Christian Terrorists” ဆောင်ပါးကို မိုးဝေ ဆီလျော်အောင် ဘာသာပြန်ဆိုသည်။