News @ M-Media

Tag: Chelsea

  • သောကြာနေ့ ဘောလုံးသတင်းများ

    သောကြာနေ့ ဘောလုံးသတင်းများ

    ဇွန် ၁၊ ၂၀၁၈
    M-Media

    ကမ္ဘာ့ဖလားပြိုင်ပွဲဝင်မယ့် ရုရှားအသင်းတွင် တားမြစ်ဆေးသုံးသူ ပါဝင်နေ
    ===========
    ရုရှားက ထုတ်ပြန်ထားတဲ့ ကမ္ဘာ့ဖလား လူစာရင်း ၃၄ ဦးမှာ တားမြစ်ဆေးသုံးထားသူတစ်ဦး ပါဝင်နေတယ်လို့ ရုရှား တားမြစ်ဆေးဆန့်ကျင်ရေး အကြီးအကဲဟောင်း ဂရီဂိုရီ ရော့ဒ်ချန်ကော့ဗ်က ပြောကြားလိုက်ပါတယ်။ ရုရှားကစားသမားတွေ တားမြစ်ဆေးကိစ္စနဲ့ပတ်သက်ပြီး စုံစမ်းစစ်ဆေးမှုကို အထောက်အထား မလုံလောက်တဲ့အတွက် ဖီဖာက ပြီးခဲ့တဲ့တစ်ပတ်မှာ အဆုံးသတ်ခဲ့ပါတယ်။ ရော့ဒ်ချန်ကော့ဗ်ဟာ အစိုးရအစီအစဉ်နဲ့ ရုရှားအားကစားသမားတွေ တားမြစ်ဆေးသုံးစွဲမှုကိစ္စကို ဖော်ကောင်လုပ်ခဲ့သူလည်း ဖြစ်ပါတယ်။ ရုရှားဘောလုံးအဖွဲ့ချုပ် အကြီးအကဲ ဗီတာလီ မွတ်ကိုက ဘောလုံးကစားသမားတွေ တားမြစ်ဆေးသုံးစွဲမှုကိစ္စကို ထုတ်ပြမပြောဖို့ ပိတ်ထားတယ်လို့လည်း ရော့ဒ်ချန်ကော့ဗ်က ဆိုပါတယ်။

    ချယ်ဆီး၏ အန္တရာယ်များကို အကြီးအကဲဟောင်း သတိပေး
    ===========
    ချယ်ဆီးဟာ ကွင်းမဲ့၊ နည်းပြမဲ့၊ နာမည်ကြီးကစားသမားမဲ့ အသင်းမျိုး ဖြစ်မယ့်အန္တရာယ် ရှိနေတယ်လို့ အသင်း အကြီးအကဲဟောင်း ထရီဗာ ဘီရ်ခ်ျက သတိပေးလိုက်ပါတယ်။ အသင်းပိုင်ရှင် ရိုမန် အေဘရာမိုဗစ်ခ်ျဟာ ယူကေဗီဇာရရှိရေး မသေချာတာကြောင့် စတမ်းဖို့ဒ်ဘရစ်ခ်ျအဆင့်မြှင့်တင်ရေးကိစ္စ ရပ်ဆိုင်းထားရပါတယ်။ နည်းပြကွန်တီဟာ အသင်းကနေ ထွက်ခွာမယ်လို့ သတင်းတွေထွက်နေပြီး ကွင်းလယ်လူ ဟဇာ့ဒ်ကိုလည်း ရီးယဲလ်က ဆက်သွယ်နေတယ်လို့ မီဒီယာတွေက ဖော်ပြခဲ့ကြပါတယ်။ ချယ်ဆီးဟာ ရီးယဲလ်က ထွက်ခွာတော့မယ့် ဇီဒိန်းကို ချဉ်းကပ်နေတယ်လို့လည်း ဆိုပါတယ်။

    ရီးယဲလ်အသင်းတွင် နည်းပြရရလျှင် ပျော်ရွှင်မည်ဟု စပါးနည်းပြပြော
    ===============
    လက်ရှိ စပါးအသင်းမှာ ပျော်ရွှင်နေပေမယ့် ရီးယဲလ်ကို ပြောင်းရမယ်ဆိုလည်း ပြောင်းသွားမယ်လို့ နည်းပြ ပိုချက်တီနိုက ပြောကြားလိုက်ပါတယ်။ ရီးယဲလ်ဟာ ဇီဒိန်း ရုတ်တရက်ထွက်ခွာသွားပြီးနောက် နည်းပြသစ် ရှာဖွေနေပြီး အသင်းဥက္ကဌ ပီရက်ဇ်က ပိုချက်တီနိုကို မျက်စိကျနေတယ်လို့ သတင်းတွေ ထွက်နေပါတယ်။ ပို
    ချက်တီနိုကတော့ သူ့အနေနဲ့ ဘောလုံးခေါ်ဆောင်သွားရာနောက်ကို လိုက်မှာဖြစ်ပြီး ကံကြမ္မာကို မပြောင်းလဲချင်ဘူးလို့ ဆိုပါတယ်။

    တစ်ခုခုလုပ်ပြရန်ထက် ပွဲကိုသာ အာရုံစိုက်ရန် မက်ဆီကို မာရာဒိုနာ တိုက်တွန်း
    ===========
    မက်ဆီအနေဖြင့် ကမ္ဘာ့ဖလားတွင် မည်သည့်သက်သေမှ ပြစရာမလိုဟု အာဂျင်တီးနား ဂန္တ၀င်ကစားသမား မာရာဒိုနာက ပြောကြားလိုက်ပါတယ်။ လွန်ခဲ့တဲ့ ၄ နှစ် ဘရာဇီးလ်ကမ္ဘာ့ဖလားမှာ အာဂျင်တီးနားဟာ နောက်ဆုံးဗိုလ်လုပွဲကို ရောက်ခဲ့ပေမယ့် ဂျာမနီကိုရှုံးကာ ဒုတိယနဲ့သာ ကျေနပ်ခဲ့ရပါတယ်။ အခုကမ္ဘာ့ဖလားပွဲဟာ မက်ဆီအတွက် နောက်ဆုံးကမ္ဘာ့ဖလားပွဲ ဖြစ်နိုင်ပြီး မာရာဒိုနာကတော့ မက်ဆီအနေနဲ့ တစ်ခုခုလုပ်ပြဖို့ထက် ပွဲကို အာရုံစိုက်ကစားဖို့သာလိုကြောင်း၊ အာဂျင်တီးနားဟာ ပြိုင်ပွဲမှာ ဗိုလ်စွဲဖို့ ရေပန်းမစားကြောင်း၊ ရေပန်းစားတဲ့ အသင်းတွေဟာ ဗိုလ်မစွဲတတ်ကြောင်း ပြောဆိုခဲ့ပါတယ်။ မက်ဆီဟာ အာဂျင်တီးနားအသင်းနဲ့ အဓိကပြိုင်ပွဲတွေမှာ အမြင့်ဆုံး ဒုတိယနဲ့သာ ကျေနပ်ခဲ့ရတာ ဖြစ်ပါတယ်။

    Ref: BBC, Goal

  • စနေနေ့ ဘောလုံးသတင်းများ

    စနေနေ့ ဘောလုံးသတင်းများ

    မေ ၁၉၊ ၂၀၁၈
    M-Media

    ပြင်သစ်အသင်း ၉၈ ကမ္ဘာ့ဖလား ရခဲ့စဉ်က

    မော်ရင်ဟိုကို လက်ဆွဲနှုတ်ဆက်မည်ဟု ကွန်တီပြော
    =============
    မော်ရင်ဟိုနဲ့ သူ့ကြားမှာ ပုံမှန်ဆက်ဆံရေးရှိပြီး ဒီနေ့ည FA ဖလားဗိုလ်လုပွဲမှာ မော်ရင်ဟိုကို လက်ဆွဲနှုတ်ဆက်သွားမယ်လို့ ချယ်ဆီးနည်းပြ အန်တိုနီယို ကွန်တီက ပြောကြားလိုက်ပါတယ်။ ကွန်တီ ပရီးမီးယားလိဂ်ကို ရောက်လာပြီးတဲ့နောက် မော်ရင်ဟိုနဲ့ အပြန်အလှန် ဝေဖန်ပြစ်တင်မှုတွေ ပြုလုပ်ပြီး ဆက်ဆံရေး တင်းမာခဲ့တာပါ။ ကွန်တီကတော့ အရင်က ဖြစ်ပျက်ခဲ့တာတွေဟာ အရေးမပါတော့ဘူးလို့ ဆိုပါတယ်။ ကွန်တီဟာ ရာသီကုန်ရင် ချယ်ဆီးကနေ ထွက်ခွာမယ်ဆိုတဲ့ သတင်းတွေလည်း ထွက်နေပါတယ်။

    ၉၈ ကမ္ဘာ့ဖလားမဲခွဲမှုတွင် အကြံအဖန်လုပ်ခဲ့သည်ဟု ပလာတီနီပြော
    ==========
    ၁၉၉၈ ကမ္ဘာ့ဖလားပြိုင်ပွဲမှာ အိမ်ရှင်ပြင်သစ်နဲ့ ဘရာဇီးလ်တို့ ဗိုလ်လုပွဲမတိုင်ခင် ထိပ်တိုက်မတွေ့ဖို့အတွက် အုပ်စုမဲခွဲရာမှာ အကြံအဖန်လုပ်ခဲ့တယ်လို့ ယူအီးအက်ဖ်အေ ဥက္ကဌဟောင်း ပလာတီနီက ပြင်သစ်ရေဒီယိုတစ်ခုကို ပြောကြားလိုက်ပါတယ်။ အဲဒီကမ္ဘာ့ဖလားမှာ ပြင်သစ်ဟာ ဘရာဇီးလ်ကို ၃ ဂိုး ဂိုးမရှိနဲ့ အနိုင်ရပြီး ကမ္ဘာ့ဖလားကို ပထမဆုံးအကြိမ် ရခဲ့ပါတယ်။ ပလာတီနီက အခြား ကမ္ဘာ့ဖလားအိမ်ရှင်တွေလည်း ဒီလိုမလုပ်ဘဲ နေမှာမဟုတ်ဘူးလို့ ဆိုပါတယ်။ ဖီဖာက ထုတ်ပြန်ခဲ့တဲ့ ကြေငြာချက်မှာတော့ ပလာတီနီရဲ့ ဒီပြောကြားမှုအတွက် ဘာမှတ်ချက်မှ မပေးခဲ့ပါဘူး။ ပလာတီနီဟာ ခြစားမှုနဲ့ အပြစ်ရှိကြောင်း တွေ့ရတဲ့အတွက် ၂၀၁၅ ခုနှစ်မှာ ဘောလုံးနဲ့ဆက်စပ်တဲ့ လုပ်ငန်းအားလုံးကနေ ၈ နှစ် ပိတ်ပင်ခံခဲ့ရပါတယ်။

    မာရှယ်နှင့် ရက်ရ်ှဖို့ဒ်တို့ကို ကြိုးစားရန် ရွိုင်ယန်ဂစ် တိုက်တွန်း
    ==============
    လာမယ့်ရာသီမှာ အသင်းရဲ့ အဓိကကစားသမားတွေ ဖြစ်လာရေးအတွက် ကြိုးစားကြဖို့ မန်ယူတိုက်စစ်မှူးဟောင်း ရိုင်ယန်ဂစ်က အန်သိုနီ မာရှယ်နဲ့ မားကက်စ် ရက်ရ်ှဖို့ဒ်တို့ကို တိုက်တွန်းလိုက်ပါတယ်။ သူတို့နှစ်ယောက်ဟာ မော်ရင်ဟိုလက်အောက်မှာ ပုံမှန်နေရာမရဘဲ မာရှယ်ဟာ အသင်းကနေ ထွက်ခွာမယ်လို့ သတင်းတွေ ထွက်နေပါတယ်။ ဂစ်ကတော့ မာရှယ်နဲ့ ရက်ရ်ှဖို့ဒ်တို့ဟာ တက်ကြွတဲ့ကစားသမားတွေဖြစ်ပြီး လူကာကူနဲ့ ဆန်းချက်ဇ်တို့ကြောင့် သူတို့မှာ ဖိအားတွေ ရှိနေတာဖြစ်မယ်လို့ ပြောကြားခဲ့ပါတယ်။

    အီတလီထိပ်သီးအသင်းဟောင်း စီးရီးအေသို့ ပြန်တက်လာ
    ==================
    ၁၉၉၀ ပြည့်နှစ်တွေမှာ အီတလီရဲ့ ထိပ်တန်းအသင်းတစ်သင်း ဖြစ်ခဲ့ပြီး ယူအီးအက်ဖ်အေနဲ့ ကိုပါအီတာလီယာ ဖလားတွေကို နှစ်ကြိမ်တိုင်တိုင် ရရှိခဲ့တဲ့ ပါမားအသင်းဟာ စီးရီးအေကို တက်ရောက်ခွင့် ရခဲ့ပါတယ်။ ၂၀၁၅ ခုနှစ်မှာ ဒေ၀ါလီခံခဲ့ရပြီးနောက် စီးရီးဒီအထိ တန်းဆင်းခဲ့ရတဲ့ ပါးမားဟာ ပြီးခဲ့တဲ့ ၃ နှစ်အတွင်း နှစ်တိုင်း တန်းတက်နိုင်ခဲ့တာပါ။ သောကြာနေ့က ကစားခဲ့တဲ့ စီးရီးဘီ နောက်ဆုံးပွဲပြီးတဲ့နောက် ပါးမားဟာ ဒုတိယနေရာ ရရှိခဲ့တဲ့အတွက် စီးရီးအေကို ပြန်လည် တက်ရောက်နိုင်ခဲ့တာ ဖြစ်ပါတယ်။

    Ref: BBC, Goal

  • တနင်္ဂနွေနေ့ ဘောလုံးသတင်းများ

    တနင်္ဂနွေနေ့ ဘောလုံးသတင်းများ

    မေ ၁၃၊ ၂၀၁၈
    M-Media

    လီဗာပူးလ်တိုက်စစ်မှူးဆာလာဟ် ပရီးမီးယားလိဂ်တွင် သမိုင်းသစ်ရေးထိုး
    =============
    ဘရိုက်တန်ကို ၄ ဂိုး ဂိုးမရှိနဲ့နိုင်တဲ့ ဒီနေ့ ပရီးမီးယားလိဂ်နောက်ဆုံးပွဲမှာ ၁ ဂိုးသွင်းယူပေးခဲ့တဲ့ လီဗာပူးလ်တိုက်စစ်မှူး မိုဟာမက် ဆာလာဟ်ဟာ ၃၈ ပွဲကစားတဲ့ ပရီးမီးယားလိဂ် သမိုင်းတစ်လျှောက် ဂိုးအများဆုံးသွင်းနိုင်တဲ့ ကစားသမားအဖြစ် မှတ်တမ်းဝင်သွားခဲ့ပါတယ်။ ဒီဂိုးနဲ့ဆိုရင် ဆာလာဟ်ရဲ့ အခုရာသီ ပရီးမီးယားလိဂ်သွင်းဂိုးဟာ ၃၂ ဂိုး ရှိလာပြီး ရှီးယားရား၊ ရော်နယ်ဒိုနဲ့ ဆွာရက်ဇ်တို့တင်ထားတဲ့ ၃၁ ဂိုး စံချိန်ကို ကျော်နိုင်ခဲ့တာ ဖြစ်ပါတယ်။

    ပရီးမီးယားလိဂ် ဂိုးအများဆုံးသွင်းထားတဲ့ စာရင်းမှာလည်း စပါးတိုက်စစ်မှူး ဟယ်ရီကိန်းကို ၃ ဂိုးဖြတ်ကာ ဦဆောင်ထားတာကြောင့် ဆာလာဟ်ဟာ ရွှေဖိနပ်ဆုကိုလည်း ရရှိခဲ့ပါတယ်။ သူဟာ ပရီးမီးယားလိဂ် တစ်နှတာ အကောင်းဆုံးကစားသမားအဖြစ် ဒီကနေ့မှာ ပူပူနွေးနွေး ရွေးချယ်ခံထားရပါတယ်။

    ပရီးမီးယားလိဂ် ရာသီသိမ်းပြီ
    ==============
    ပရီးမီးယားလိဂ် ရာသီနောက်ဆုံးပွဲတွေကို ဒီနေ့မှာ ကစားခဲ့ပြီး ချယ်ဆီးအသင်းဟာ အဆင့် ၅ သာ ရရှိတာကြာင့် ချန်ပီယံလိဂ်ဝင်ခွင့်နဲ့ လွဲချော်ခဲ့ကာ ယူရိုပါလိဂ်သာ မျှော်လင့်နိုင်တော့မှာ ဖြစ်ပါတယ်။ ချယ်ဆီးတို့ အဝေးကွင်းမှာ နယူးကာဆယ်ကို ၃ ဂိုးပြတ်နဲ့ရှုံးတဲ့အချိန် လီဗာပူးလ်က နိုင်ပွဲရခဲ့တာကြောင့် မန်စီးတီး၊ မန်ယူ၊ စပါးနဲ့ လီဗာပူးလ်တို့ ချန်ပီယံလိဂ်ဝင်ခွင့် ရရှိခဲ့ပါတယ်။ ဆွမ်ဆီး၊ စတုတ်နဲ့ ၀က်စ်ဘရွန်းတို့ကတော့ တန်းဆင်းသွားပါတယ်။

    ဒဏ်ရာကြောင့် ဘရာဇီးလ်နောက်ခံလူ အဲလ်ဗက်စ် ကမ္ဘာ့ဖလား လွဲချော်မည်
    ===============
    လာမယ့်လ ကမ္ဘာ့ဖလားပြိုင်ပွဲကို လွဲချော်ရမယ်လို့ သိလိုက်ရတဲ့အချိန်မှာ ခန္ဓာကိုယ်ထဲက ၀ိဉာဉ်ထွက်သွားသလိုမျိုး ခံစားလိုက်ရတယ်လို့ ဘရာဇီးလ်နောက်ခံလူ ဒန်နီ အဲလ်ဗက်စ်က ပြောကြားလိုက်ပါတယ်။ အဲလက်စ်ဟာ ပီအက်စ်ဂျီက အနိုင်ရဗိုလ်စွဲခဲ့တဲ့ ပြင်သစ် ရှုံးထွက်ဖလား ဗိုလ်လုပွဲမှာ ဒူးဒဏ်ရာ ဆိုးဆိုးရွားရွား ရရှိခဲ့တာဖြစ်ပါတယ်။ သူကတော့ ပြိုင်ပွဲမှာ ၀င်မကစားရပေမယ့် ဘရာဇီးလ်ကို အားပေးသွားမှာဖြစ်ကြောင်း၊ ပါရမီရှင်တွေနဲ့ ဖွဲ့စည်းထားတဲ့ ဘရာဇီးလ်ဟာ ပြိုင်ပွဲမှာ ဗိုလ်စွဲနိုင်မှာဖြစ်ကြောင်း ထည့်သွင်းပြောဆိုခဲ့ပါတယ်။

    ဘွန်ဒစ်လီဂါမှ ဟမ်းဘတ်အသင်း သမိုင်းတစ်လျှောက် ပထမဆုံးအကြိမ် တန်းဆင်း
    ==========
    ဂျာမန်ဘွန်ဒစ်လီဂါက အသင်းတစ်သင်းဖြစ်တဲ့ ဟမ်းဘတ်ဟာ အသင်းသမိုင်းတစ်လျှောက် ပထမဆုံးအကြိမ် တန်းဆင်းခဲ့ရတဲ့အတွက် ပရိတ်သတ်တွေက ကွင်းအတွင်း ဆူပူမှုတွေ လုပ်ခဲ့ကြပါတယ်။ ဟမ်းဘတ်ဟာ ၁၉၆၃ ခုနှစ် ဂျာမန်ဘွန်ဒစ်လီဂါ စတင်ကတည်းက တန်းမဆင်းရဘဲ ရှိနေတဲ့ တစ်ခုတည်းသော အသင်းဖြစ်ပြီး ဒိုင်နိုဆောလို့တောင် ခေါ်ဆိုခံခဲ့ရကာ ဘွန်ဒစ်လီဂါဖလား ၆ ကြိမ်နဲ့ ၁၉၈၃ ခုနှစ်မှာ ဥရောပချန်ပီယံတစ်ကြိမ်ဖြစ်ခဲ့ပါတယ်။ စနေနေ့ပွဲအပြီးမှာ ပရိတ်သတ်တွေက အသင်းတန်းဆင်းရမှုကို မကျေနပ်တဲ့အတွက် မီးရှူးမီးပန်းတွေ ပစ်ဖောက်တာတွေ၊ ဆူပူတာတွေ လုပ်ခဲ့ကြပါတယ်။

    Ref: BBC, Goal

  • တနင်္လာနေ့ ဘောလုံးသတင်းများ

    တနင်္လာနေ့ ဘောလုံးသတင်းများ

    မေ ၇၊ ၂၀၁၈
    M-Media

    ယခုနှစ် ပရီးမီးယားလိဂ် အကောင်းဆုံး ၁၁ ယောက်

    ဖာဂူဆန်အတွက် ရွိင်ယန်ဂစ် ဆုတောင်းပေး
    ============
    ဆရာဟောင်း ဆာအဲလက်စ်ဖာဂူဆန် နေကောင်းပါစေကြောင်း ဆုမွန်ကောင်းတောင်းပေးတယ်လို့ ဝေးလ်နည်းပြ မန်ယူတိုက်စစ်မှူးဟောင်း ရွိုင်ယန်ဂစ်က ပြောကြားလိုက်ပါတယ်။ အသက် ၇၆ နှစ်အရွယ် ဖာဂူဆန်ဟာ ဦးနှောက် သွေးယိုစီးမှုကြောင် စနေနေ့မှာ ခွဲစိပ်ကုသမှု လုပ်ခဲ့ရပြီး ခွဲစိပ်မှုအောင်မြင်ပေမယ့် အထူးကြပ်မတ် ကုသနေ ရဆဲဖြစ်ပါတယ်။ ဂစ်က ဖာဂူဆန်ဟာ ဖိုက်တာတစ်ယောက်ဖြစ်ပြီး လက်ရှိ အခြေအနေကနေ ပြန်လည်သက်သာလာလိမ့်မယ်လို့ မျှော်လင့်ကြောင်း ထည့်သွင်းပြောဆိုခဲ့ပါတယ်။

    ရော်နယ်ဒိုဒဏ်ရာအတွက် စိတ်မပူဟု ဇီဒိန်းပြော
    ==============
    မန်နေ့က ဘာစီလိုနာနဲ့ပွဲမှာ ရော်နယ်ဒိုဒဏ်ရာရှိမှုအတွက် မစိုးရိမ်ဘဲ ချန်ပီယံလိဂ်ဗိုလ်လုပွဲအမီ ပြန်လည်သက်သာလာလိမ့်မယ်လို့ ရီးယဲလ်နည်းပြ ဇီဒိန်းက ပြောကြားလိုက်ပါတယ်။ ၂ ဂိုးစီသရေကျခဲ့တဲ့အဲဒီပွဲမှာ ပထမဂိုးသွင်းယူပြီးတဲ့နောက် ရော်နယ်ဒိုဟာ ဒဏ်ရာရခဲ့တာပါ။ လီဗာပူးလ်နဲ့ ချန်ပီယံလိဂ် ဗိုလ်လုပွဲကို မေလ ၂၆
    ရက်နေ့မှာ ကစားမှာ ဖြစ်ပြီး ၃ ကြိမ်ဆက် ချန်ပီယံဖြစ်နိုင်ဖို့ ကြိုးစားသွားမယ်လို့ ဇီဒိန်းက ဆိုပါတယ်။

    ပရီးမီးယားလိဂ် အကောင်းဆုံး ၁၁ ယောက်စာရင်းထွက်လာ
    ============
    ပရီးမီးယားလိဂ်ရဲ့ တစ်နှစ်တာ အကောင်းဆုံး ကစားသမား ၁၁ ယောက်စာရင်း ထွက်လာခဲ့ပြီး ချန်ပီယံ မန်စီးတီးအသင်းက စတာလင်၊ ဒီရူနီ၊ ဆေးလ်ဗားနဲ့ ဝေါလ်ကာတို့ ၄ ဦးအထိ ပါဝင်လာပါတယ်။ လီဗာပူးလ်က ၃ ယောက် ပါဝင်ခဲ့ပြီး ဆာလာဟ်၊ ဖာမီနိုနဲ့ ရောဘတ်ဆန်တို့ ဖြစ်ပါတယ်။ စပါးက ၂ ယောက်၊ မန်ယူနဲ့ ဘန်လေတို့က တစ်ယောက်စီ အသီးသီး ပါဝင်ခဲ့ပါတယ်။

    မန်ယူသို့မသွားဟု ဟဇာ့ဒ်ပြော
    =============
    မန်ယူကို ပြောင်းမယ်ဆိုတဲ့ သတင်းတွေကို ချယ်ဆီးတိုက်စစ်မှူး အေဒင် ဟဇာ့ဒ်က ငြင်းဆိုလိုက်ပါတယ်။ ဟာဇာ့ဒ်ဟာ ချယ်ဆီးရဲ့ ကိုယ်ပိုင်ကစားသမားလိုမျိုး ဖြစ်နေပေမယ့် ရီးယဲလ်က ခေါ်ယူမယ်လို့ အရင်က သတင်းထွက်ခဲ့ဖူးပါတယ်။ မန်ယူနည်းပြဖြစ်တဲ့ မော်ရင်ဟိုဟာ ချယ်ဆီးက တပည့်ဟောင်း ဟဇာ့ဒ်ကို ခေါ်ယူမယ်ဆိုတဲ့ သတင်းတွေ လတ်တလောမှာ ထွက်လာခဲ့တာ ဖြစ်ပါတယ်။

    Ref: BBC,Goal

  • ချယ်ဆီးက မိမိကို မလိုချင်တော့ဟု ဒီယေဂိုကော်စတာ ဖွင့်ဟ

    ချယ်ဆီးက မိမိကို မလိုချင်တော့ဟု ဒီယေဂိုကော်စတာ ဖွင့်ဟ

    ဇွန် ၈၊ ၂၀၁၇
    M-Media

    – အသင်း၏ အနာဂတ်အစီအစဉ်တွင် မိမိအား ထည့်သွင်းထားခြင်းမရှိဟု နည်းပြ အန်တိုနီယို ကွန်တီက အသိပေးထားပြီးဖြစ်ကြောင်း ချယ်ဆီးတိုက်စစ်မှူး ဒီယေဂိုကော်စတာက ပြောကြားလိုက်သည်။

    အသက် ၂၈ နှစ်အရွယ် ကော်စတာမှာ ပြီးခဲ့သည့် ပရီးမီးယားလိဂ်တွင် ၃၅ ပွဲကစားပြီး ဂိုး ၂၀ သွင်းယူနိုင်ခဲ့ကာ ချယ်ဆီးအသင်း ပရီးမီးယားလိဂ် ချန်ပီယံဖြစ်ရေးတွင် အဓိကအခန်းကဏ္ဍမှ ပါဝင်ခဲ့သူဖြစ်သည်။ သို့သော်လည်း လက်ရှိတွင် အသင်းမှ ထွက်ခွာရဖွယ် ရှိနေသည်။

    “ကျွန်တော် ချယ်ဆီးကစားသမားပါ။ ဒါပေမယ့် သူတို့က ကျွန်တော့်ကို မလိုချင်တော့ပါဘူး။ ချယ်ဆီးမှာ ဆက်မနေဖို့ ကွန်တီက ကျွန်တော့်ကို မက်ဆေ့ခ်ျပို့ပြီး ပြောပါတယ်။ ပြီးတော့ လာမယ့်နှစ်အတွက် ကျွန်တော့်ကို မရွေးထားဘူးလို့လည်း ပြောပါတယ်” ဟု ယမန်နေ့က စပိန်နှင့် ကိုလံဘီယာအသင်းတို့ ၂ ဂိုးစီ သရေကျခဲ့သည့်ပွဲပြီးနောက် ကော်စတာက ပြောကြားခဲ့သည်။

    ထို့ပြင် မိမိနှင့် နည်းပြအကြား ဆက်ဆံရေးမှာ ယခုနှစ်အတွင်း ဆိုးရွားနေနေပြီး ရှက်စရာဖြစ်ကြောင်း၊ မိမိကို အသင်းသစ်ရှာရန် ကွန်တီက ပြောကြားကြောင်း ကော်စတာက ထည့်သွင်းပြောဆိုခဲ့သည်။

    ဘရာဇီးလ်တွင်မွေးဖွားပြီး စပိန်နိုင်ငံသား ကော်စတာမှာ ၂၀၁၄ ခုနှစ်က ပေါင် ၃၂ သန်းဖြင့် အက်သလီကိုမက်ဒရစ်မှ ချယ်ဆီးသို့ ပြောင်းရွှေ့လာခဲ့သူဖြစ်သည်။

    Ref: BBC