News @ M-Media

Tag: Christian in Myanmar

  • မြန်မာနိုင်ငံတွင် ခရစ်ယာန်များ ဖိနှိပ်ခံရမှုအကြောင်း ကာဒီနယ် ချားလ်စ်မောင်ဘိုက အိန္ဒိယတွင် ထုတ်ပြော

    မြန်မာနိုင်ငံတွင် ခရစ်ယာန်များ ဖိနှိပ်ခံရမှုအကြောင်း ကာဒီနယ် ချားလ်စ်မောင်ဘိုက အိန္ဒိယတွင် ထုတ်ပြော

    ဖေဖော်ဝါရီ ၃၊ ၂၀၁၈
    M-Media

    အိန္ဒိယ ကက်သလစ်ဘုန်တော်ကြီးများညီလာခံတွင် ဆရာတော်ဘို မိန့်ခွန်းပြောနေစဉ်

    – မြန်မာနိုင်ငံမှာ ကက်သလစ် ခရစ်ယာန်တွေဟာ ဖိနှိပ်မှုခံရပေမယ့် ကျရှုံးမသွားတဲ့အပြင် ပိုတောင်အားကောင်းလာတယ်လို့ ကာဒီနယ် ဆရာတော် ချားလ်စ်မောင်ဘိုက ပြောကြားလိုက်ပါတယ်။

    အိန္ဒိယနိုင်ငံမှာ ၂ နှစ်တစ်ကြိမ် ကျင်းပလေ့ရှိတဲ့ ကက်သလစ်ဘုန်းတော်ကြီးများညီလာခံမှာ ဆရာတော်ချားလ်စ်က ဒီလိုပြောကြားလိုက်တာဖြစ်ပြီး စစ်အာဏာရှင် လက်ချက်ကြောင့် အသင်းတော် ချွတ်ခြုံ ကျသွားမှုကိုလည်း ထည့်သွင်းပြောဆိုခဲ့ပါတယ်။

    “သိပ်မကြာခင်ကာလအထိ မြန်မာကက်သလစ်အသင်းတော်ဟာ ဖိနှိပ်ခံအသင်းတော်တစ်ခု ဖြစ်ခဲ့တာပါ။ ၁၉၆၅ ခုနှစ် ဧပြီ ၁ ရက်နေ့မှာ ကျွန်ုပ်တို့ရဲ့ စာသင်ကျောင်းတွေအားလုံး ပြည်သူပိုင်အသိမ်းခံလိုက်ရပါတယ်။ ပိုင်ဆိုင်မှုတွေ လုယက်ခံရပြီး သာသနာပြုအဖွဲ့တွေလည်း မောင်းထုတ်ခံခဲ့ရပါတယ်။ တစ်ရက်အတွင်းမှာပဲ အသင်းတော်ဟာ လက်ရှိကနေ လက်မဲ့ဖြစ်သွားပါတယ်။ ကျွန်ုပ်တို့ ရှင်သန်နိုင်တော့မှာမဟုတ်ဘူးလို့ မကာင်းဆိုးဝါးတွေက ထင်ခဲ့ကြတာပါ”

    လွတ်လပ်ရေးအပြီး တက်လာတဲ့ ရွေးကောက်ခံအစိုးရရော အဲဒီနောက်ပိုင်း စစ်အာဏာရှင်တွေပါ ‘လူမျိုးတစ်မျိုး၊ ဘာသာတစ်ခု၊ ဘာသာစကားတစ်ခု’ ပေါ်လစီကို အားပေးအားမြှောက်ပြုခဲ့တယ်လို့ ကာဒီနယ်က ဆိုပါတယ်။

    “ကျွန်ုပ်တို့တိုင်းပြည်နယ်မှာ လူများစုကိုးကွယ်တဲ့ ဘာသာတရားကသာ အစိုးရရဲ့ ကာကွယ်မှုရပြီး လူနည်းစုတွေကတော့ ပညာရေး၊ အစိုးရအလုပ်အကိုင်တွေမှာ ခွဲခြားဆက်ဆံခံရပါတယ်။ ခရစ်ယာန်တွေဟာသူတို့မြေမှာ သူတို့နေပြီး ဒုတိယတန်းစားနိုင်ငံသားဘ၀ ရောက်နေတယ်လို့ ခံစားနေရပါတယ်”

    ဒါပေမယ့် ကက်သလစ်ခရစ်ယာန်တွေဟာ ဒီအခြေအနေကို ခုခံတွန်းလှန်ကာ ရှင်သန်အောင် ကြိုးစားခဲ့ပြီး လက်ရှိမှာတော့ ပိုလို့တောင် ‘ထွန်းကားတိုးတက်လာကြောင်း’၊ ဒီလို ရှင်သန်လာမှုမှာ နိုင်ငံတကာက ကက်သလစ်အသင်းတော်တွေရဲ့ အဆက်အသွယ်တွေ၊ စွမ်းဆောင်ရည်မြှင့်တင်ပေးမှုတွေက အရေးပါေ
    ကြာင်း ဆရာတော်ဘိုက ပြောပါတယ်။

    မြန်မာနိုင်ငံအတွင်းက ကက်သလစ်အသင်းတော် အဖွဲ့ခွဲတွေကြား ညီညွတ်အောင်၊ ပြဿနာတွေကို စုပေါင်းပြီး အဖြေရှာနိုင်အောင် ကြိုးစားဆောင်ရွက်နေပြီး လက်ရှိမှာ ခရစ်ယာန်အသင်းတော်တွေဟာ အစွန်းရောက်အုပ်စုတွေအပါအ၀င် ပြဿနာအများအပြားကို ရင်ဆိုင်နေရတယ်လို့လည်း ထည့်သွင်းပြော
    ကြားခဲ့ပါတယ်။

    “ဘုန်းကြီးတွေကိုယ်တိုင် အမုန်းစကားပြောတာတွေ၊ အကြမ်းဖက်မှုမှာ ပါဝင်တာတွေ ရှိပါတယ်။ ရိုဟင်ဂျာပြဿနာအကြောင်းကို ခင်ဗျားတို့ ကြားရမယ်။ အစွန်းရောက်အုပ်စုတွေဟာ လူ့အဖွဲ့အစည်တွေကြားမှာ သပ်လျှိုနေပြီး လူနည်းစုတွေအပေါ် မတော်မတရား ဥပဒေတွေ ပြဌာန်းလာအောင် အစိုးရကို တွန်းအားပေးနေပါတယ်”

    ဒါပေမယ့် ဗုဒ္ဓဘာသာဘုန်းကြီးတွေထဲမှာ အစွန်းရောက်တဲ့ဘုန်းကြီးတွေက လူနည်းစုပဲလို့လည်း ဆရာတော် ချားလ်စ်က ထည့်သွင်းပြောဆိုခဲ့ပါတယ်။

    မြန်မာနိုင်ငံက ကက်သလစ်အသင်းတော်ဟာ အလယ်အလတ်ကျတဲ့ ဘာသာရေးခေါင်းဆောင်တွေ၊ သံတမန်တွေ၊ နိုင်ငံတကာအသိုင်းအ၀ိုင်းတွေနဲ့ ဆက်ဆံရေးကောင်းတစ်ခုကို ဖော်ဆောင်ကာ ဒီကိစ္စတွေကို တုန့်ပြန်နေကြောင်း၊ ဒေသတွင်း အကြီးမားဆုံး ‘အကြမ်းဖက်ဝါဒ’ ဟာ ဆင်းရဲမွဲနေမှုဖြစ်ပြီး မိမိတို့အသင်းတော်က တိုက်ဖျက်ဖို့ လိုအပ်တဲ့အရာဖြစ်ကြောင်း၊ နှစ်ပေါင်း ၃၀ ကြာမြင့်ခဲ့တဲ့ ခရိုနီစီးပွားရေးဟာ မြန်မာနိုင်ငံက သယံဇာတတွေကို လုယူ သိမ်းပိုက်သွားတာကြောင့် ပြည်သူတွေဟာ ဆင်းရဲတွင်းကနေ ရုန်းမထွက်နိုင် ဖြစ်နေကြောင်း ကာဒီနယ်က ထပ်လောင်းပြောကြားခဲ့ပါတယ်။

    မြန်မာနိုင်ငံကို ကက်သလစ်ခရစ်ယာန်ဘာသာ ရောက်ရှိအောင် စွမ်းဆောင်ပေးနိုင်ခဲ့တဲ့ အိန္ဒိယက ကက်သလစ်အသင်းတော်တွေကို ကျေးဇူးတင်တယ်လို့လည်း ဆရာတော်ဘိုက ထည့်သွင်းပြောကြားခဲ့ပါတယ်။

    Ref: Cruxnow

  • စစ်တပ်၏လုပ်ရပ်အား မီဒီယာကိုဖွင့်ချသည့် ကချင်ခရစ်ယာန်ခေါင်းဆောင်နှစ်ဦး ထောင်ဒဏ်ချမှတ်ခံရ

    စစ်တပ်၏လုပ်ရပ်အား မီဒီယာကိုဖွင့်ချသည့် ကချင်ခရစ်ယာန်ခေါင်းဆောင်နှစ်ဦး ထောင်ဒဏ်ချမှတ်ခံရ

    အောက်တိုဘာ ၂၉၊ ၂၀၁၇
    M-Media

    – ကချင်ပြည်နယ်မှာ မြန်မာစစ်တပ်ရဲ့ ဖမ်းဆီးခြင်းကို ခံခဲ့ရတဲ့ ခရစ်ယာန် နှစ်ချင်းအသင်းတော်က အကြီးအကဲနှစ်ဦးကို သူပုန်အဖွဲ့ကူညီမှုနဲ့ သောကြောနေ့မှာ ထောင်ဒဏ်တွေ ချမှတ်လိုက်တယ်လို့ သိရပါတယ်။

    အသက် ၆၇ နှစ်အရွယ် Dumdaw Nawng Lat နဲ့ ၃၅ နှစ်အရွယ် Langjaw Gam Seng တို့ဟာ စစ်တပ်ရဲ့ လေကြောင်းတိုက်ခိုက်မှုအတွင်း ဗုံးကြဲခံလိုက်ရတယ်လို့ဆိုတဲ့ ခရစ်ယာန်ဘုရားကျောင်းကိစ္စကို ဂျာနယ်လစ် တွေဆီ သတင်းပေးခဲ့ပြီးနောက်ပိုင်း ၂၀၁၆ ခုနှစ် ဒီဇင်ဘာလမှာ မြန်မာစစ်တပ်ရဲ့ ဖမ်းဆီးခြင်းကို ခံခဲ့ရတာဖြ စ်ပြီး နောက်ပိုင်းမှာ ရဲတပ်ဖွဲ့ကို လွှဲပြောင်းပေးခဲ့ပါတယ်။

    လူ့အခွင့်အရေးအဖွဲ့တွေက ဒီအဖြစ်အပျက်ကို ရှုတ်ချခဲ့ပြီး အစိုးရစစ်တပ်ရဲ့ ကျူးလွန်မှုတွေကို ဖုံးဖိလိုတဲ့ လုပ်ရပ်ဖြစ်တယ်လို့ ပြောကြားခဲ့ပါတယ်။

    အဲဒီနှစ်ယောက်ဟာ ကချင်လွတ်မြောက်ရေးတပ်အတွက် ‘လူသစ်စုဆောင်းသူတွေ၊ သတင်းပေးသူတွေနဲ့ ၀ါဒဖြန့်သူတွေ’ ဖြစ်တယ်လို့ စစ်တပ်က စွပ်စွဲခဲ့ပြီး သောကြာနေ့မှာတော့ လာရှိုးတရားရုံးက လက်ထောင်သင်း အုပ်ဆရာ Dumdaw Nawng Lat ကို ထောင်ဒဏ် ၄ နှစ်နဲ့ ၃ လ၊ နှစ်ခြင်းအသင်းတော် လူငယ်အဖွဲ့ခေါင်း ဆောင် Langjaw Gam Seng ကို ထောင်ဒဏ် ၂ နှစ်နဲ့ ၃ လ အသီးသီး ချမှတ်ခဲ့တယ်လို့ Fortify Rights အဖွဲ့က ပြောပါတယ်။

    စစ်အစိုးရလက်ထက် ညှင်းပမ်းနှိပ်စက်မှုတွေ၊ ကျူးလွန်မှုတွေကို ဖော်ထုတ်တဲ့ ဂျာနယ်လစ်တွေ၊ တက်ကြွ လှုပ်ရှားသူတွေကို နှိပ်ကွပ်ရေးမှာ ပုံမှန်လိုလို အသုံးပြုခဲ့တဲ့ တရားမ၀င်အဖွဲ့အစည်းများ အက်ဥပဒေနဲ့ သူတို့နှစ်ယောက်ကို ပြစ်ဒဏ်ချမှတ်ခဲ့တာဖြစ်ပါတယ်။

    အစိုးရစစ်တပ်ရဲ့ လေကြောင်းတိုက်ခိုက်မှုတွေအကြောင်း မီဒီယာတွေကို ဖြေကြားခဲ့တဲ့ Dumdaw Nawng Lat ကို ထောင်ချမှုမှာ အသရေဖျက်မှုဆိုတဲ့ စွဲချက်လည်း ပါဝင်ပါတယ်။

    Human Rights Watch အဖွဲ့ကတော့ အထူးသဖြင့် တိုင်းရင်းသားလူနည်းစုအပေါ် ညှမ်းပမ်းနှိပ်စက်မှုတွေရှိ ခဲ့တဲ့ သမိုင်းမကောင်းတဲ့ စစ်တပ်အပေါ် တရားစွဲဆိုနိုင်ရေး အစိုးရအနေနဲ့ အာရုံစိုက်သင့်တယ်လို့ ပြောကြားခဲ့ပါတယ်။

    အခုနှစ်အစောပိုင်းတုန်းကလည်း ရှမ်းပြည်နယ်က တစ်ခြား တိုင်းရင်းသားလက်နက်ကိုင်အဖွဲ့တစ်ခုအကြောင်း ရေးသားခဲ့တဲ့ သတင်းထောက် ၃ ဦးဟာ သူပုန်တွေကို ကူညီမှုနဲ့ တရားစွဲခံခဲ့ရပါတယ်။

    Ref: Coconuts Yangon