News @ M-Media

Tag: christians-in-chin-state

  • တောင်ဖီလာ သင်္ချိုင်းအား သိမ်းယူခြင်းကို မကျေနပ်၍ ချင်းခရစ်ယာန် ဂိုဏ်းပေါင်းစုံမှ ဆန္ဒထုတ်ဖော်

    တောင်ဖီလာ သင်္ချိုင်းအား သိမ်းယူခြင်းကို မကျေနပ်၍ ချင်းခရစ်ယာန် ဂိုဏ်းပေါင်းစုံမှ ဆန္ဒထုတ်ဖော်

    ဇူလိုင် ၁ ၊ ၂၀၁၅
    မြစ်မခမှ ကူးယူဖော်ပြသည်။
    .11703044_886562858095998_5348240789724400330_n-660x330
    ကလေးမြို့ တောင်ဖီလာရပ်ကွက် နယ်မြေ(၈)ရှိ ဘာသာရေးပိုင် သင်္ချိုင်းမြေနေရာအား တိုင်းရင်းဆေးရုံ ဖွင့်လှစ် ရန်အတွက် စည်ပင် နယ်မြေအဖြစ်သိမ်းယူခြင်းကို မကျေနပ်သဖြင့် ကလေးမြို့ရှိ ချင်းခရစ်ယာန် ဂိုဏ်းပေါင်းစုံ က ဇွန်လ(၂၉)ရက်နေ့က ဆန္ဒထုတ်ဖော်ခဲ့ကြောင်း သိရှိရသည်။
    .
    အဆိုပါ သင်္ချိုင်းသည် ၁၉၁၄ ခုနှစ်ကတည်းကရှိခဲ့သော နှစ်တစ်ရာပြည့် သင်္ချိုင်းမြေဖြစ်ကြောင်း၊ အုပ်ချုပ်ရေး နှင့် စည်ပင်ဌာနသည် ၎င်းသင်္ချိုင်းမြေပေါ်မှ အုတ်ဂူများကို ဇွန်(၃)ရက်နေ့ နံနက်(၃း၀၀)နာရီတွင် စက်ယန္တရားဖြင့် ဖြိုဖျက်ခဲ့ကြောင်း သိရသည်။
    .
    “ဘိုးဘွားများပိုင်ခဲ့တဲ့ LAND RECORDS 105-A ပိုင်တဲ့ ဂရမ်ရှိတဲ့ သင်္ချိုင်းမြေဖြစ်ပါတယ်။ လွှတ်တော်မှာ ကျွန်မတို့ တင်ထားတဲ့စာရှိတယ်။ လွှတ်တော်က အဆုံးအဖြတ်မပေးခင်၊ တိုင်းဒေသကြီးကလည်း အမိန့်စာ မရှိခင်မှာ ဇွန်(၃)ရက်နေ့၊နံနက်(၃)နာရီမှာ ရဲအင်အားသုံးပြီး သင်္ချိုင်းကို ဖျက်ဆီးပျက်ခဲ့တဲ့ အတွက် ဆန္ဒ ဖော်ထုတ်ရခြင်းဖြစ်ပါတယ်။ ဘိုးဘွားပိုင်မြေဖြစ်တဲ့ အတွက် ပြန်ပြီးလိုချင်တယ်။”ဟု ဆန္ဒဖော်ထုတ်ရာတွင် ပါဝင်သည့် ဒေါ်သန်းသန်းဌေးကပြောသည်။
    .
    အဆိုပါ သင်္ချိုင်းမြေနေရာတွင် (၂၅)ကုတင်ဆံ့ တိုင်းရင်းဆေးရုံ တည်ဆောက်ရန် စည်ပင်ပိုင်မြေအဖြစ် သိမ်းယူခဲ့ခြင်းဖြစ်သည်။
    .
    “တိုင်းဒေသကြီးအစိုးရအစည်းအဝေးဆုံးဖြတ်ချက်နဲ့ ဒီသင်္ချိုင်းမြေနေရာကို ၂၀၁၃ ခုနှစ်၊ နိုဝင်ဘာလကတည်းက ဖျက်သိမ်းထားပြီးသားဖြစ်တယ်။ ဒါကြောင့် ခရိုင်စီမံခန့်ခွဲမှု ကော်မတီ၊မြို့ အထောက်အကူပြု ကော်မတီနှင့် စည်ပင်သာယာရေး ကော်မတီတို့ စည်းဝေးတိုင်ပင်ပြီး ဒီသုဿာန်မြေနေရာမှာ (၂၅) ကုတင်ဆံ့တိုင်းရင်းဆေးရုံ ဆောက်ဖို့ ရွေးချယ်ခဲ့ကြတာပါ။ အုတ်ဂူတွေကိုလည်း ရှင်းလင်းပြီးသွားပါပြီ။ ဆန္ဒဖော်ထုတ်တာနဲ့ ပတ်သက် ပြီးတော့ သူတို့က တရားဝင်ခွင့်ပြုချက်ယူပြီး လုပ်ကြတာဖြစ်တဲ့အတွက် ကျွန်တော့်အနေနဲ့  ဘာမှ မပြောလို ပါဘူး။”ဟု ကလေးမြို့နယ် စည်ပင်သာယာရေး ကော်မတီ ဥက္ကဌ ဦးခိုင်က ပြောသည်။
    .
    ၎င်းသင်္ချိုင်းမြေနေရာကို ပိုင်ဆိုင်သည့် ခရစ်ယာန်ဘာသာပေါင်းစုံ အသင်းတော်များမှာ မူလအသင်းတော် ဖြစ်သည့် နှစ်ခြင်း အသင်းတော်၊ အေဂျီအသင်းတော်၊ ပြည့်စုံသော သတင်းကောင်း အသင်းတော်နှင့် အာရ်စီအသင်းတော်တို့ဖြစ်ကြောင်း သိရသည်။
    .
    ဆန္ဒဖော်ထုတ်ခြင်းကို ကလေးမြို့နယ်ရဲတပ်ဖွဲ့မှူးရုံးမှ ခွင့်ပြုချက် ရယူဆောင်ရွက် ခဲ့ကြောင်း၊ တောင်ဖီလာရာပြည့် ခန်းမမှ စတင်စုဝေး ထွက်ခွာကာ ဂေါက်ကွင်းလမ်း-ဗိုလ်ချုပ်လမ်း-ရာဇဂြိုဟ်လမ်း-ကျန်းစစ်သားလမ်းအတိုင်း စီတန်း လှည့်လည်ကာ သုဿာန်မြေနေရာအထိ လမ်းလျှောက် ဆန္ဒဖော်ထုတ်ခဲ့ခြင်းဖြစ်ပြီး ချင်းခရစ်ယာန်ဂိုဏ်း ပေါင်းစုံမှ ချင်းတိုင်းရင်းသား အင်အား(၂၀၀)ခန့် ပါဝင်ခဲ့ကြောင်း သိရသည်။
    .
    “ပထမခြေလှမ်းအနေနဲ့ ငြိမ်းချမ်းစွာ ဆန္ဒထုတ်ဖော်တယ်။ ဒီသင်္ချိုင်းမြေကို ပြန်ရဖို့ အစွမ်းကုန် ကြိုးစားနေတယ်။ ဒီမြေနေရာကို အသင်းတော်ပေါင်းစုံကပူးပေါင်းပြီး ရပ်ရွာဖွံ့ဖြိုးရေးအတွက် တတ်အားသရွေ့ ဆောင်ရွက်ဖို့ ရှိပါတယ်။ သူတို့ဘက်က လိုက်ရောမှုမရှိဘူးဆိုရင်တော့ ကျွန်တော်တို့ပြန်စည်းဝေးပြီး ဘာဆက်လုပ်မယ် ဆိုတာကို ပြောနိုင်မှာပါ။”ဟု ခရစ်ယာန် ဂိုဏ်းပေါင်းစုံကော်မတီဝင် တစ်ဦးကပြောသည်။
    .
    ဘာသာပေါင်းစုံ သုသာန်မြေကော်မတီနှင့် ခရိုင်စီမံခန့်ခွဲမှုကော်မတီတို့ ညှိနှိုင်းဆွေးနွေးနိုင်စေရန် ဆောင်ရွက် ခဲ့သော်လည်း တစ်ဖက်နှင့်တစ်ဖက် တင်းမာမှုများ ရှိခဲ့သဖြင့် သုသာန်မြေကိစ္စသည် ဆန္ဒဖော်ထုတ်ရသည် အထိ ဖြစ်လာကြောင်း ကလေးမြို့နယ်၊ မဲဆန္ဒနယ်(၁)မှ တိုင်းဒေသကြီး လွှတ်တော် ကိုယ်စားလှယ် ဦးခင်မောင်သန်းက ပြောသည်။
    .
    ကျော်သူစိုး (မြစ်မခ)
    http://myitmakhamediagroup.com/news/public-news/4375/

  • ရခိုင်မှလူတစု ချင်းပြည်နယ် ဆမိမြို့၌ စေတီတည်ဆောက်မှု အစီအစဉ်ပေါ် ဒေသခံတို့၏ မေးခွန်းများ

    မတ်- ၁၊ ၂၀၁၄
    M-Media
    ဘာသာပြန်ဆိုသူ- ကိုလေး

    15ae14ebcd7eba1d2512eb81d0ed4784_L
    ချင်းပြည်နယ်မှ စေတီတစ်ဆူ

    ၂၀၁၄ ခုနှစ် ဖေဖော်ဝါရီလ ၂၇ ရက်နေ့တွင် ချင်းပြည်နယ် ပလက်ဝမြို့နယ် ဆမိမြို့၌ စေတီတစ်ဆူ လာရောက်တည်ဆောက်မည့် သတင်းကို ပြည်နယ်ခေါင်းဆောင်များမှ ရုတ်ခြည်း ကြား သိခဲ့ရသည်။

    ဆမိမြို့ စည်းရုံးရေးကော်မတီ တစ်ရပ်က အမှတ် ၂ ရပ်ကွက်တိုးချဲ့ရန် လျာထားသော ခြောက်ဧကရှိ မြေနေရာပေါ်၌ ရခိုင်ပြည်နယ်မှ လူတစ်စုသည် စေတီဆောက်လုပ်ခြင်း လုပ်ငန်းများ စတင်နေပြီဖြစ်ကြောင်း ဆိုသည်။

    ခိုနူးမ်သန်း သတင်းဌာနသို့ပေးပို့လာသော စာတစ်စောင်တွင် – ပြည်နယ်ခေါင်းဆောင်များကို တိုင်ပင်ဆွေးနွေးခြင်းမရှိဘဲ အလုပ်သမားများသည် မြေတူးစက်များကို အသုံးပြု၍ အဆောက်အဦဆောက် လုပ်ရန် ပြင်ဆင်နေပြီဟု ရေးသား ပါရှိလေသည်။

    “ လုပ်ကိုင်နေတဲ့လုပ်ငန်းတွေနဲ့ပတ်သက်ပြီး ကျွန်တော်တို့က အလုပ်သမားများကို မေးမြန်းတဲ့အခါ သူတို့က ဘာမှပြန်မပြောဘူး။ ဆောက်လုပ်နေ တဲ့နေရာကလည်း မြို့ကို အပေါ်စီး ကနေမြင်နိုင်တဲ့ တောင်ကုန်းထိပ်ပေါ်မှာ တည်ရှိနေပါတယ် ” ဟု ဆမိမြို့ ကော်မီတီက ဆိုသည်။

    စာအတွင်းတွင် သူတို့သည် မည်သို့ လုပ်ဆောင် ရမည်ကို မသိကြောင်း နှင့် ချင်းပြည်နယ်အစိုးရအား အကြောင်းကြားသင့်မသင့်ကိုလည်း မဆုံးဖြတ်တတ်ကြောင်း ဖြည့်စွက် ထည့်သွင်း ရေးသားထားသည်။

    လွန်ခဲ့သောနှစ် ဇွန်လက ၀န်ကြီး ဟွန်ငိုင်း (Chief Minister Hung Ngai) မှ ဧက ၃,၁၂၇.၀၄ စတုရန်းမိုင် ကျယ်ဝန်းသော ဆမိအား မြို့နယ်ခွဲ အငယ်စားအဖြစ် သတ်မှတ်ကြောင်း တရားဝင် အခမ်းအနား အတွင်း ကြေညာခဲ့သည်။

    ဆမိမြို့သည် အစိုးရအဆောက်အဦများနှင့်ရုံးဌာန တည်ဆောက်ခြင်းများ ပါဝင်သော မြို့ပြစီမံကိန်း နှင့် ဖွံ့ဖြိုးမှုလုပ်ငန်းစဉ်၌ အရှိန်ယူနေဆဲအဆင့်သာရှိသေးသည်။

    လက်ရှိ ချာ့ခ်ျ အဆောက်အဦများသည် လူနေအိမ်ခြေများအဖြစ်သာ စာရင်းသွင်းခံထားရပြီး၊ ဘာသာရေးအဆောက်အဦများ အဖြစ် လက်ခံထားခြင်း မရှိကြောင်း၊ ထို့အတူ ကျောင်းဆောင်များကို ဤသို့မှ မထားလျှင်လည်း ဆောက်ခွင့်ရတော့မှာ မဟုတ်ကြောင်း၊ ဤသည်မှာ အစိုးရအနေနှင့် စိတ်ကြိုက်အချိန်တွင် လိုသလို အရေးယူနိုင်သည်ဟု အဓိပ္ပာယ်သက်ရောက်ကြောင်း ပြောဆိုခဲ့သည်။

    ဒေသခံကော်မတီနှင့်ပြည်နယ် အစိုးရအကြား တရားဝင် သဘောတူညီချက်၌ ထိုနယ်မြေသစ်အတွင်း ဗုဒ္ဓသာသနိက အဆောက်အဦ ဆောက်လုပ်ခြင်းနှင့်စပ်လျဉ်းသော အကြောင်းအရာများ ထည့်သွင်းထားခြင်း မရှိပါဟု အဆိုပါစာထဲတွင် ဆိုထားသည်။

    ဆမိမြို့တွင်နေထိုင်သူ အများစုမှာ ချင်းလူမျိုးများ ခရစ်ယာန် ဘာသာဝင်များသာဖြစ်ကြကြောင်း ပလက်ဝမြို့နယ် ခေါင်းဆောင်တစ်ဦးက Chinland Guardian သို့ ပြောကြားသည်။

    ကော်မတီအဖွဲ့ဝင်တစ်ဦးက “ ဆမိနယ်ဖွံ့ဖြိုးရေးလုပ်ဆောင်မှုအသစ်များအပေါ် ကျွန်တော်တို့အဖို့ စိတ်လှုပ်ရှားစရာ၊ ကျေနပ် ၀မ်းမြောက်စရာ ဖြစ်ပါတယ်။ ကျွန်တော်တို့ သားသမီးများ အတွက် အနာဂတ်မျှော်လင့်ချက်တစ်ခုပါပဲ။ ဒါပေမယ့် ဒီလိုဖြစ်နေတဲ့ အခြေနေတွေကို မြင်ရတော့ စစ်အုပ်ချုပ်ရေး ကာလအတွင်း အတိတ်က အကြောက်တရားတွေ ပြန်လည် စိုးမိုးလာသလို ခံစားမိတတယ် ” ဟု ဆိုခဲ့သည်။

    ချင်းပြည်နယ်တွင် ခရစ်ယာန် ဘာသာဝင်များသည် ယခုတိုင် သူတို့၏ ဘာသာရေးဆိုင်ရာ အဆောက်အဦများ တည်ဆောက်ခွင့်ရရှိရေးအတွက် အခက်အခဲများ ကြုံတွေ့ရင်ဆိုင်နေရဆဲဖြစ်သည်။

    သန့်လန်မှ ခရစ်ယာန်ဘုန်းတော်ကြီးက သူတို့၏ လက်ရှိ ချာ့ခ်ျ အဆောက်အဦများသည် လူနေအိမ်ခြေများအဖြစ်သာ စာရင်းသွင်းခံထားရပြီး၊ ဘာသာရေးအဆောက်အဦများ အဖြစ် လက်ခံထားခြင်း မရှိကြောင်း၊ ထို့အတူ ကျောင်းဆောင်များကို ဤသို့မှ မထားလျှင်လည်း ဆောက်ခွင့်ရတော့မှာ မဟုတ်ကြောင်း၊ ဤသည်မှာ အစိုးရအနေနှင့် စိတ်ကြိုက်အချိန်တွင် လိုသလို အရေးယူနိုင်သည်ဟု အဓိပ္ပာယ်သက်ရောက်ကြောင်း ပြောဆိုခဲ့သည်။

    ချင်းပြည်နယ်လူ့အခွင့်အရေးအဖွဲ့(Chin Human Rights Organization) မှ ထုတ်ပြန်ခဲ့သော ၂၀၁၂ ခုနှစ် အစီရင်ခံစာအရ ချင်းပြည်နယ်တစ်ဝှမ်းတွင် ဗုဒ္ဓဘာသာဆိုင်ရာဆောက်လုပ်မှုများ ပိုမိုများပြား ပျံနှံ့လာလျက်ရှိသလို၊ ချင်းခရစ်ယာန်များ အဖို့ တားမြစ်ကန့်သတ်မှုများဖြင့် ရင်ဆိုင်နေ ရကြောင်း ဖော်ပြထားသည်။

    ပြည်နယ်အာဏာပိုင်များထံမှ တစ်စုံတစ်ရာပြန်လည်ပြောကြားချက်များကို Chinland Guardian မှ မရရှိရသေးချေ။

    Chinland Guardian တွင် ဖော်ပြထားသည့် ” Questions over plan to construct pagoda in Sami ” သတင်းအား ‘ကိုလေး’ ဘာသာပြန်ဆို ဖော်ပြပါသည်။

  • မွေးရပ်ဌာနီ မြန်မာပြည် ပြန်ဖို့ ကြောက်ရွံ့နေသော ခရစ်ယာန် ဘာသာဝင် တိုင်းရင်းသား ချင်းမျိုးနွယ်စုများ

    ဖေဖော်ဝါရီ ၁၈ ၊ ၂၀၁၄
    M-Media
    ဘာသာပြန်ဆိုသူ- ETZ
    530-BURMA-MYANMAR_ethnicMinorityChristians_CHIN_ImgIRINFloraBagenal
    အိုင်ဇွာလ်ရှိ လူစည်ကားရာ လမ်းဘေး ဈေးနေရာ တစ်ခုတွင် မြန်မာ့ရိုးရာ အစားအစာကို ချက်ပြုတ်နေသော ချင်းဒုက္ခသည် မိန်းမရွယ်တစ်ဦး (ဓာတ်ပုံ – Flora Bagenal/IRIN)

    လက်ရှိနိုင်ငံရေးပြုပြင် ပြောင်းလဲမှုက အရှေ့တောင်အာရှ၊ မြန်မာနိုင်ငံ အနောက်မြောက်ပိုင်းရှိ ချင်းပြည်နယ်၏ အခြေအနေကို တိုးတက်အောင် မပြုလုပ်ပေး နိုင်သေးချေ။ သို့သော် အိမ်နီးချင်း အိန္ဒိယနိုင်ငံတွင် ချင်းလူမျိုး အများအပြားသည် အသက်မွေးဝမ်းကျောင်း နှင့် ခိုလှုံခွင့်ရရေး အတွက် ဆက်လက် ရှာဖွေနေရသည်။ ၎င်းတို့၏ဘဝမှာ ဥပဒေကြောင်းအရ အကာအကွယ်မရှိဘဲ ရုန်းကန် ရှင်သန်နေရပြီး၊ ဒေသခံ လူ့အဖွဲ့အစည်း၏ တင်းမာမှုတို့ကို ရင်ဆိုင်နေရသည် ဟု ကျွမ်းကျင်သူများက ဆိုသည်။

    ၁၉၈၈ ခုနှစ် စစ်အစိုးရ ဆန့်ကျင်ရေး လှုပ်ရှားမှုသည် နိုင်ငံသား ထောင်ပေါင်းများစွာကို အသက် ဆုံးရှုံးစေခဲ့သည်သာမက ချင်းပြည်နယ် အပါအဝင် နိုင်ငံ အစိတ်အပိုင်း အတော်များများမှာ စစ်ဇုံအဖြစ် သွတ်သွင်းခံခဲ့ရသည်။ မြန်မာနိုင်ငံရှိ အခြား တိုင်းရင်းသား မျိုးနွယ်စုများနည်းတူ ချင်း လူမျိုးများသည်လည်း ပြင်းထန်ကြမ်းတမ်းသော ဆင်းရဲခြင်း ဒုက္ခ နှင့် စစ်အုပ်ချူပ်ရေး၏ ဒဏ်ကို ခံစားကြရလေသဖြင့် အများအပြားမှာ နိုင်ငံနယ်စပ်နှင့် ၁၄၆၃ ကီလိုမီတာ အရှည်ရှိသည့် နယ်စပ်ကို ဖြတ်ကျော်၍ အိန္ဒိယနိုင်ငံ၊ မီဇိုရမ်ပြည်နယ်တွင်းသို့ ထွက်ပြေးခဲ့ကြသည်။ ထိုဒေသတွင် ချင်းလူမျိုး တစ်သိန်း ၀န်းကျင်ခန့် နေထိုင်နေကြသည်ဟု လူ့အခွင့်အရေး ကျွမ်းကျင်ပညာရှင်များ၏ ၂၀၁၁ ခုနှစ် အစီရင်ခံစာက ဆိုပါသည်။

    “ ကျွန်တော်က ၈၈ အရေးအခင်းမှာ ပါဝင်ခဲ့တဲ့ ဆန့်ကျင်ဆန္ဒပြ ကျောင်းသား တစ်ယောက်ပါ။ ကျောင်းသားခေါင်းဆောင် တစ်ယောက်က မင်းတို့ ကိုယ့်အသက်ကို ကာကွယ်ချင်ရင်တော့ မီဇိုရမ်ကိုပြေးဆိုလို့ အဲဒီအချိန်တည်းက ကျွန်တော် ဒီကိုရောက်နေတာပါ။ မြန်မာနိုင်ငံကိုပြန်ရင် လုံခြုံမှုရှိမယ်လို့ တစ်ခါမှ မခံစားခဲ့ရတဲ့ အတွက် မပြန်ဖြစ်ခဲ့တာပါ ” ဟု အသက်၄၈ နှစ်အရွယ် ရိုဘီခ ချင်းဂရွန် က ပြောပြခဲ့ပါသည်။

    လူ့အခွင့်အရေး စောင့်ကြည့်လေ့လာသူများ အဖွဲ့ HRW ၏ ၂၀၀၉ ခုနှစ်မှတ်တမ်းများအရ လူနည်းစုခရစ်ယာန်ဘာသာဝင် ချင်းလူမျိုးများစွာမှ တိမ်းရှောင်ထွက်ပြေးရခြင်း၏ အဓိကအကြောင်းရင်းတစ်ခုသည် အဓမ္မဖမ်းဆီးမှု၊ ထိန်းသိမ်းမှု၊ ညှင်းပမ်းနှိပ်စက်မှုများ နှင့် အလုပ်သမားအဖြစ် အင်အား သုံးစေခိုင်းမှုများကြောင့် ဖြစ်သည်ဟု ဖော်ပြထားသည်။

    အိန္ဒိယနိုင်ငံ၊ ဒေလီအခြေစိုက် ငြိမ်းချမ်းရေးနှင့်ပဋိပက္ခများ လေ့လာရေးအဖွဲ့ IPCS ၏သုတေသန အဆိုပြုချက်များက ချင်းလူမျိုး အများစုသည် မိမိတို့၏စီးပွားရေး အခွင့်အလမ်း ရှာဖွေရန်အတွက်သာ မီဇိုရမ်သို့ လာရောက်နေထိုင်ခြင်းဖြစ်သည်ဟု ရည်ညွန်းပြောဆိုသော်လည်း၊ အခြားသော အဖွဲ့အစည်းများက ထိုကဲ့သို့ဖြစ်ရခြင်းမှာ မြန်မာနိုင်ငံအတွင်း လူမှုရေး၊ နိုင်ငံရေး၊ ဘာသာရေးနှင့် လူမျိုးရေးဆိုင်ရာ မပြတ်တမ်း ဖိနှိပ်ညှင်းပန်းမှုများ၏ သရုပ်သကန်ဖြစ်သည်ဟု ဆိုကြပေသည်။

    ကမ္ဘာ့ကုလသမဂ္ဂအဖွဲ့၏ စာရင်းဇယားများအရ ချင်းပြည်နယ်သည် မြန်မာနိုင်ငံ၏ အဆင်းရဲဆုံး ဒေသပြည်နယ်ဖြစ်ပြီး ၅၀၀,၀၀၀ ခန့် ရှိသည့်လူဦးရေ အနက် အနည်းဆုံး ၇၃% မှာ ဆင်းရဲမှု အခြေပြမျဉ်း၏ အောက်သို့ ရောက်ရှိနေသည်ဟု ဖော်ပြထားရာ ၂၅% သာလျှင် သာမန် အခြေအနေတွင်  နေထိုင်နိုင်ကြောင်း သိရပါသည်။ အစာရေစာ မလောက်ငမှုသည်လည်း ကာလရှည်ပြဿနာ တစ်ရပ်ဖြစ်ပြီး ချင်းပြည်နယ်၏ မြို့နယ် ကိုးခုက ယင်းပြဿနာကို တွေ့ကြုံခံစားနေကြရပါသည်။

    အိန္ဒိယနိုင်ငံသို့ ၎င်းတို့ ဝင်ရောက် ခိုလှုံရသည့်အကြောင်းအရင်းကို အသာထားဦး။ ထိုဒေသများတွင်လည်း ၄င်းတို့၏ နေ့စဉ်ဘဝမှာ မကြာခဏ ဆိုသလို စော်ကားမှုများ နှင့် ခွဲခြားဆက်ဆံမှုများကို ခံစားနေကြရသည်ဟု တက်ကြွလှုပ်ရှားသူများ နှင့် ကျွမ်းကျင်သူများက ဆိုပါသည်။

    တရားဝင်နေထိုင်ခွင့် မရှိသောကြောင့် အလုပ်အကိုင်ရှာဖွေခြင်း၌လည်း ဒုက္ခရောက်လျက်ရှိရာ ချင်းလူမျိုးများ အတွက် မိမိတို့ ဌာနီတွင်ကြုံခဲ့ရသော ဆင်းရဲနွမ်းပါးခြင်းကိုသာ နောက်ထပ် မိတ္တူတစ်စုံ လက်ဝယ်ရနေသကဲ့သို့ ဖြစ်နေပါတော့သည်။

    ခိုလှုံမှုအရေအတွက် ကျဆင်းလာခြင်း

    IPCS အဖွဲ့၏သုတေသနပြုချက်များအရ အိန္ဒိယနယ်စပ်အာဏာပိုင်များသည် နယ်စပ်ဖြတ်ကျော်ခြင်းကို စောင့်ကြပ်လေ့လာမှု မပြုကြကြောင်း၊ ယာယီဝင်ခွင့်ပြုချက်ပြဿနာဖြစ်ပွားမှုပေါ်မူတည်ပြီး မီဇိုရမ်ပြည်နယ်၏မြို့တော် အိုင်ဇွာလ်၌ မြန်မာလူမျိုးများကို  ရေတွက် သိရှိရေး စံနစ် တစ်ခုပြုလုပ်ရေး အတွက် မကြာခဏ ဖိအားပေးခဲ့သော်လည်း ရှောင်ကွင်းမှုများရှိနေဆဲပင်ဖြစ်ကြောင်း ယင်းအဖွဲ့ကဆိုပါသည်။

    ဒေလီအခြေစိုက် ကုလသမဂ္ဂ ဒုက္ခသည်များဆိုင်ရာအဖွဲ့( UNHCR)၏ လက်ထောက်တာဝန်ခံ ဟန်စ် ဖရက်ဒရစ် စကော့ဒါ က “ ဒေလီမြို့တွင် ချင်းနိုင်ငံရေးခိုလှုံခွင့်တောင်းသူများမှ UNHCR သို့ လျှောက်ထားမှုအရေအတွက်မှာ ယခင်နှစ်များထက် သိသိသာသာလျော့ကျသွားသည် ”

    ဟုမှတ်ချက်ပေးခဲ့သည်။ သို့သော် မီဇိုရမ် နယ်စပ်လုံခြုံရေး အာဏာပိုင်များ၏ပြောပြချက်အရ ချင်းပြည်နယ်မှ မီဇိုရမ်သို့ ဝင်ရောက်နေသော လူဦးရေပမာဏမှာ ဆက်လက်မြင့်တက်လျက်ရှိနေပြီး ရောက်ရှိလာသူအများစုမှာ အလုပ်အကိုင်ရှာဖွေရန် အတွက် ရွှေ့ပြောင်း ၀င်ရောက်လာခြင်းဖြစ်သည် ဟုဆိုပါသည်။

    လောင်းရိပ်များအောက်မှ ရုန်းထရှင်သန်ခြင်း

    ချင်းဂရွန် သည် အိုင်ဇွာလ်မြို့တွင်နေထိုင်ပြီး ဇနီးနှင့် သားသမီးသုံးယောက်ကို လမ်းဘေးတွင် ဈေးရောင်း၍ ရှာဖွေကျွေးမွေးနေရသူဖြစ်သည်။ အိန္ဒိယနိုင်ငံတွင် နေထိုင်ခဲ့သော နှစ်နှစ်ဆယ်ကာလအတွင်း တည်မြဲဖူလုံသော အလုပ်ကိုတခါမှ မရခဲ့ပါ။ “ အလုပ်ရှင်တွေက ကျွန်တော်  မြန်မာနိုင်ငံလာတဲ့ လူမှန်း သိတာနဲ့ အလုပ်ဖြုတ်ပစ်ကြတယ် ” ဟု သူက ပြောပြပါသည်။ မိမိမိသားစုဝမ်းရေး အတွက် မစို့မပို့ငွေကြေး ရရှိအောင် ၎င်း၏ လမ်းဘေးဈေးသည် ဘ၀ဖြင့် နေ့စဉ် လှုပ်ရှားရုန်းကန် ဖြေရှင်းနေရပေသည်။

    အိန္ဒိယနိုင်ငံ၊ ဒေလီအခြေစိုက် လူ့အခွင့်အရေး ဥပဒေပြုမှုကွန်ယက်၏ ၂၀၀၅ ခုနှစ်သုတေသန စာတမ်းပါတွေ့ရှိချက်များအရ မီဇိုရမ်ရှိ ချင်းလူမျိုး အများစုသည် အိမ်ဖော်၊ လမ်းဖောက်လုပ်သား၊ စိုက်ပျိုးရေး အလုပ်အကိုင်များ၌ အောက်ဈေးဝင် လုပ်သားများအဖြစ် အဆုံးသတ်နေရသည်။

    သစ်တောများ၌ သစ်ဖြတ်ခြင်း၊ ဟင်းရွက်ရောင်း လမ်းဘေးပျံကျဈေးသည်များ၊ လမ်းသန့်ရှင်းရေး လုပ်သားများနှင့် အချို့မှာ တောတွင်းဝင်၍ သစ်ဥသစ်ဖုများ ရှာဖွေခြင်းဖြင့် အသက်မွေးနေရခြင်းလည်း အပါအဝင် ဖြစ်ကြောင်းဟု သိရသည်။

    အသက် ၂၀ အရွယ် ချင်းအမျိုးသမီးလေး ဒီဒင်းမ် သည် ၂၀၀၇ ခုနှစ်တွင် မီဇိုရမ်သို့လာရောက်ခဲ့ပြီး မီဇိုတိုင်းရင်းသားမျိုးနွယ်တစ်စု၏အိမ်တွင် အိမ်စေအဖြစ် အလုပ်ရခဲ့ပါသည်။ မီဇိုရမ်ရှိ အခြားသော ချင်းလူမျိုး အိမ်အကူလုပ်သားများကဲ့သို့ပင် သူမသည် တစ်ပတ်လျှင် ၇ ရက်လုံး ချက်ပြုတ်ရေးနှင့် သန့်ရှင်းရေးကို လုပ်ဆောင်ပြီး ကျဉ်းမြောင်းလှသော အခန်းငယ်လေးအတွင်း၌ အိပ်စက်ရပါသည်။ ရက်သတ္တတစ်ပတ်တွင် တနင်္ဂနွေတစ်ရက်သာ ဘုရားကျောင်းတက်ရန်အတွက် အိမ်အပြင်ထွက်ခွင့်ရပါသည်။ ရံဖန်ရံခါ အိမ်ရှင်မိသားစုဝင်များက လုပ်အားခငွေကို  မပေးခြင်းသော်လည်းကောင်း၊ ကိုယ်ထိလက်ရောက်စော်ကားမှုများသော်လည်းကောင်း ရှိသည်ဟု ဒီဒင်းမ် က သူမ၏အတွေ့အကြုံကို ပြောပြခဲ့ပါသည်။ “ ရဲကိုသွားတိုင်ရင်လဲ သူတို့က ကိုယ်ချင်းစာစိတ် မရှိကြဘူး ” ဟု သူမက ဆိုသည်။ အိန္ဒိယတွင် တရားဝင်နေထိုင်ခွင့် မရှိသဖြင့် အာဏာပိုင်များမှတွေ့ရှိသော် မြန်မာပြည်သို့ ပြန်ပို့ လိုက်မည်ကိုလည်း ချင်းလူမျိုးအများစုက စိုးရိမ်နေကြသည်။

    အပြည်ပြည်ဆိုင်ရာအသင်းအဖွဲ့များသမဂ္ဂကလည်း “ ချင်းအမျိုးသမီးတွေဟာ အာဏာပိုင်တွေဆီမှာ အကူအညီတောင်းခံလိုခြင်း လုံးဝမရှိသလောက်ပါပဲ ” ဟူ၍ ၂၀၁၁ ခုနှစ်အစီရင်ခံစာတွင် မှတ်တမ်းတင်ခဲ့သည်။

    အိန္ဒိယနှင့် မြန်မာနိုင်ငံတွင် လှုပ်ရှားဆောင်ရွက်နေသော အသင်းတစ်ခုဖြစ်သည့် ချင်းပြည်နယ်အမျိုးသမီးများအဖွဲ့ချူပ်၏ ဥက္ကဌဖြစ်သူ ဇိုဆန်ဘွီး ကသူမသည် ချင်းလူမျိုး အိမ်ဖော်များ နှင့် မီဇို အလုပ်ရှင်များကြား အငြင်းပွားမှုကို ပုံမှန်ကြားဝင်စေ့စပ်ပေးနေရကြောင်းကို “ ကျွန်မတို့ဟာ လုပ်အားခနဲ့ အလုပ်ချိန်ပြဿနာတွေကို ဆွေးနွေးဖြေရှင်းပေးရပါတယ်။ ဘာလို့လဲဆိုတော့ အမျိုးသမီးအများစုက ရဲကိုတိုင်ပြီး ဖြေရှင်းတာမျိုး မဖြစ်ချင်ကြဘူးလေ ” ဟု ပြောသွားပါသည်။

    သစ်တောများ သို့မဟုတ် စက်ရုံများရှိ လုပ်သားများအဖို့ ထိခိုက်ဒဏ်ရာရသွားပါက ဝင်ငွေရပ်ဆိုင်းသွားရ၏။ အသက် ၁၉နှစ် အရွယ် ဇီ က သစ်တောထဲမှ လေးပင်သည့်သစ်လုံးကြီးတွေကိုသယ်ထုတ်ရသော သူမ၏အကိုဖြစ်သူသည် ခါးဒဏ်ရာရခဲ့သော်လည်း အလုပ်ရှင်က သူမ၏မိသားစုအား လျော်ကြေးငွေပေးခြင်း မရှိကြောင်း IRIN ထံပြောပြခဲ့သည်မှာ – “ ကျွန်မအစ်ကိုက သူ့အတွက် အလုပ်ဆက်မလုပ်ပေးနိုင်တော့လို့ လုပ်အားခတွေကို ကျွန်မတို့ တောင်းခွင့်မရှိတော့ဘူး လို့ဆိုပြီး သူဋ္ဌေးက လုပ်ခလစာများကို ထုတ်မပေးခဲ့ဘူးလေ ” ဟူ၍ ဖြစ်ပါသည်။

    တရားဝင်နေထိုင်ခွင့်ဖြင့် ရှောင်နေသူများ

    မီဇိုရမ်ရှိ အချို့သောချင်းများသည် နယ်စပ်ဂိတ်ကပေးသည့် တံဆိပ်တုံးပါတစ်လတာနေထိုင်ခွင့်လက်မှတ် ရရှိသော်လည်း အများစုသည် အချိန်သတ်မှတ်မှုကို လျစ်လျူရှုပြီး တာဝန်ရှိသူများနှင့်မဆုံအောင် ရှောင်ရှားကြပါသည်။ ၎င်းတို့ကို IPCS သုတေသီများက “တရားဝင်နေထိုင်ခွင့်ဖြင့်  ရှောင်နေသူများ” ဟု ခေါ်ဆိုကြသည်။

    အမေရိကန်နိုင်ငံအခြေစိုက် အပြည်ပြည်ဆိုင်ရာ ဒုက္ခသည်များဆိုင်ရာ အစိုးရ မဟုတ်သောအဖွဲ့အစည်း၏အဆိုအရ “ အိန္ဒိယနိုင်ငံသည် မြန်မာ ဒုက္ခသည်များရှိနေကြခြင်းကို ယေဘူယျအားဖြင့် လိုက်လျောထားပါသည်။ သို့သော် အလုပ်သမားများကို တရားဝင် အကာအကွယ် မပေးကြသည့်အပြင် ဖိနှိပ်ခြင်း၊ ခွဲခြားဆက်ဆံခြင်း နှင့် မောင်းထုတ် ဖယ်ရှားခြင်းထဲမှာ ပစ်ထားကြပါသည် ” ဟု ဆိုထားသည်။

    နိုင်ငံရေးခိုလှုံခွင့်လျှောက်ထားလိုသူများသည်လည်း ၂၂၀၀ ကီလိုမီတာအထိ ကွာဝေးသော ဒေလီမြို့ရှိ UNHCR ရုံးသို့ သွားရောက်ကြရသည်။ ၂၀၁၃ ခုနှစ်အတွက် ဒုက္ခသည်များအဖြစ် မှတ်ပုံတင်ထားသော ချင်းလူမျိုးပေါင်း ၇၀၀၀ ခန့် ရှိသည်ဟု UNHCR က ဆိုသည်။

    ဆက်ဆံရေးတင်းမာမှုသည် ဆူပူမှုကိုဖြစ်စေ

    ချင်းလူမျိုးးများ နှင့် မီဇို လူ့အဖွဲ့အစည်းအကြား ဆက်ဆံရေးတင်းမာမှုသည် ယမန်နှစ်က မြင့်တက်လာခဲ့ပြီး တခါတရံတွင် ဆူပူသောင်းကျန်းသည် အထိ ဖြစ်ပွားရာ အိန္ဒိယရှိ ချင်းလူမျိုးတို့ကို ဆက်လက်ရပ်တည်ရန် မသေချာမရေရာသော အနေအထားသို့ တွန်းပို့လိုက်သလို ဖြစ်နေပေသည်။ “

    မြန်မာနိုင်ငံမှာ ဒီမိုကရေစီရပြီ၊ ကျွန်တော်တို့ ပြန်သင့်ပြီလို့ လူတွေက ထင်မြင်ယူဆတာကြောင့် ပြည်တော်ပြန်ဖို့ ကျွန်တော်တို့ ဖိအားပေးခံနေရပါတယ် ” ဟု ဒေလီရှိ ချင်းဒုက္ခသည်များကော်မတီ NGO အဖွဲ့ဥက္ကဌ ဒေးဗစ် ငွန်လျန်း က ပြောပြခဲ့ပါသည်။

    အိုင်ဇွာရှိ မီဇိုများက မြန်မာနိုင်ငံရေး တိုးတက်ပြောင်းလဲလာသည်ဆိုသော ရေပန်းစားသည့် အမြင်သစ်ကြောင့် ရွှေ့ပြောင်းလာသူ ချင်းလူမျိုးများ အိမ်ပြန်ရန်သင့်ပြီဖြစ်ကြောင်း ပြတ်သားစွာ ပြောဆိုမှုများထွက်ပေါ်လာခဲ့ပါသည်။

    ၂၀၁၃ ခုနှစ် ဧပြီလ ၂၉ရက်နေ့တွင် မြန်မာနယ်စပ်နှင့် ၄ ကီလိုမီတာအကွာရှိ ချင်းလူမျိုးတို့၏ ဆိုက်ဟွမ်ဖိုင်းရွာကို လူတစ်စုမှ အကြမ်းဖက်မီးရှို့ခဲ့ရာ နေအိမ် ၅၀ခန့်ပျက်စီး၍ လူ ၂၀၀ ခန့်ထွက်ပြေးခဲ့ရပါသည်။

    ဒေသတွင်းမီဒီယာသတင်းများနှင့် လူ့အခွင့်အရေးလှုပ်ရှားသူများ၏အဆိုအရ အစိုးရအနေဖြင့် ရွာထဲရှိချင်းများကို နှင်ထုတ်မှုအားရပ်တန့်ရန် တရားရုံးတစ်ခု၏ အမိန့်ချမှတ်မှုက အကြမ်းဖက်မှုကို ဖြစ်ပေါ်လာစေသည်။ မျက်မြင်သက်သေများနှင့် သတင်းများကလည်း ကပ်လျက်ရှိနေသော

    မီဇိုရွာ၏ဒေသခံများက တိုက်ခိုက်မှုကို လုပ်ဆောင်ခဲ့သည်ဟု အခိုင်အမာဆိုနေပါသည်။

    “ မီဇိုရမ်ကလူတွေဟာ ကျွန်တော်တို့အပေါ် မလိုမုန်းထားဖြစ်နေကြတယ်။ သူတို့က ဒုက္ခသည်တွေ လွှမ်းမိုးလာမှာကို မလိုလားကြဘူး။ ကျွန်တော်တို့ကိုလည်း ထွက်သွားစေချင်ကြတယ် ” ဟု ဆိုက်ဟွမ်ဖိုင်းရွာ၏ သင်းအုပ်ဆရာ အသက် ၅၄နှစ် အရွယ် စာတင်ခါးမား ကပြောပြခဲ့ပါသည်။

    “ ဒေသတွင်းထဲမှာ မြန်မာနိုင်ငံကရွေ့ပြောင်းလာသူတွေက လူဦးရေရဲ့ ၁၀% လောက် ရှိနေပြီး နိုင်ငံရေးအရ လွမ်းမိုးသွားမှာကို မီဇိုတွေက စိုးရိမ်နေကြတယ်။ ဒီအကြောင်းက စိုးရိမ်ခံစားစိတ်ကို ပွင့်ထွက်လာစေတာဖြစ်တယ် ” ဟု IPCS အစီရင်ခံစာ တွဲဖက်ရေးသားသူ မီရ်ဇာ ဇူလ်ဖီကုရ် ရဟ်မာန်းက ဆိုသည်။ “ ဆက်ဆံရေးတင်းမာခြင်းက ဆူပူအကြမ်းဖက်ခြင်းကို ဖြစ်ပွားစေနိုင်တယ်။ ဒေသခံခေါင်းဆောင်နဲ့နိုင်ငံရေးသမားတွေက သူတို့ရဲ့ ဒုစရိုက်လုပ်ရပ်တွေအတွက် ရွှေ့ပြောင်းလာသူများကို ဓားစာခံအဖြစ် အသုံးချနေတာဖြစ်တယ် ” ဟု ဆိုပြီး ချင်းလူမျိုးများမှာ မီဇိုရမ်၌ တရားမ၀င် အရက်ချက်လုပ်သူ နှင့် မူးယစ်ဆေးဝါးသုံးစွဲရောင်းချသူများဖြစ်သည် ဟူသည့် စွပ်စွဲထားချက်ကို ထောက်ပြထားပါသည်။ ချင်းလူမျိုးများ၏အဆိုအရ ၎င်းးတို့သည် နေ့တဓူဝ ပင်ပန်းစွာလုပ်ကိုင်ရသော်လည်း ဖိနှိပ်စော်ကားမှုများမြင့်မားလာခြင်း၊ စာသင်ကျောင်းတွင် ကလေး သူငယ်များအား ရန်ရှာခြင်း၊ ကုန်သည်များအား ဈေးအတွင်း ရောင်းဝယ်ဖောက်ကားမှုကိုပိတ်ပင်ခြင်းတို့ရှိနေကြာင်း သိရသည်။

    အိန္ဒိယရောက် ချင်းလူမျိုးများအား ဆန့်ကျင်ရေးစကားဆိုနေခဲ့သော မီဇိုကျောင်းသားများ အသင်း ဥက္ကဌ လဲဟ်မက်ချွမ်း က ဒုက္ခသည်များအား မြန်မာပြည်သို့ပြန်ရန် ဖိအားပေးခြင်းကို ငြင်းဆိုသော်လည်း “ ဒုက္ခသည်တော်တော် များများဟာ မှောင်ခိုကုန်ကူးမှုများမှာ ပါဝင်နေကြပါတယ်။

    ထိုအရာများကိုကောင်းစွာကိုင်တွယ်နိုင်ဖို့ ဥပဒေများကိုရေးဆွဲပြဋ္ဌာန်းပြီး နယ်စပ်ကိုလည်း အကောင်းဆုံးကိုင်တွယ်ထိန်းချူပ်သင့်ပါတယ် ” ဟု ပြောကြားခဲ့ပါသည်။

    အိုင်ဇွာလ်ခရိုင်ရဲမင်းကြီး အယ်လ် အာ ဒင်းလျာနာ ဆိုင်လို L.R. Dingliana Sailo ကတော့ “ မြန်မာနှင့် အိန္ဒိယ နှစ်နိုင်ငံကြားက မီဇိုရမ်နယ်စပ်တလျှောက် တရားမဝင်မူးယစ်ဆေးဝါးရောင်းဝယ်ဖောက်ကားမှုမြင့်တက်လာခြင်းအတွက် နယ်ခံများ နဲ့ ရွှေ့ပြောင်းလာသူများ နှစ်ဖက်စလုံး တာဝန် မကင်းပါဘူး။ ဒုက္ခသည်များရော ဒေသခံများပါ တရားမဝင်အလုပ်တွေကို စိတ်မ၀င်စား မချဉ်းကပ်နိုင်အောင် ဆင်းရဲမှုတိုက်ဖျက်ရေးလုပ်ငန်းကို တိုးမြှင့်ဆောင်ရွက်ဖို့ လိုအပ်နေပါတယ် ” ဟု ဆိုပါသည်။

    ဒဏ်ရာကုစားနေရသော လူ့အစုအဝေး

    ဆိုက်ဟွမ်ဖိုင်းရွာတွင် ဧပြီလဆူပူမှုပြီးကတည်းက ချာ့ခ်ျဘုရားကျောင်းများနှင့် အစိုးရမဟုတ်သောအဖွဲ့အစည်းများသည် မီဇိုနှင့်ချင်းများအကြား ၎င်းတို့၏တူညီသော မျိုးရိုးနွယ်စဉ်ဆင်းသက်မှုကို ပြန်လည်ဖော်ဆောင်ပေးပြီး ချစ်ကြည်ရေးရရန် ကြိုးပမ်းနေပါသည်။ မီဇိုရမ် နှင့် ချင်းပြည်နယ်တို့မှာ

    ကိုလိုနီခေတ်မတိုင်မီတစ်ချိန်က ချင်းတောင်တန်းဒေသ Chin Land ဟူသောအမည်ဖြင့် စုဖွဲ့တည်ရှိခဲ့သောနယ်မြေဖြစ်ခဲ့ပြီး၊ ၎င်းနှစ်ဖက်မျိုးနွယ်ဝင်အများစုမှာ ခရစ်ယာန်ဘာသာဝင်များဖြစ်ကြသည်။

    “ သိမ်မွေ့တဲ့နည်းလမ်းနဲ့ ကျွန်တော်တို့ ဆောင်ရွက်ထားပြီးဖြစ်ပါတယ် ” ဟု မီဇိုရမ်ရှိ ချင်းလူ့အခွင့်အရေးဆိုင်ရာအဖွဲ့ ဒါရိုက်တာ တီရာသန့်လွမ် ကပြောကြားခဲ့ပါသည်။ ယင်းအဖွဲ့သည် ပြည်တွင်းသတင်းစာများ၌ ချင်းလူမျိုးများဖက်မှ အကောင်းမြင်ဇောင်းပေးသည့် ပင်တိုင်ဆောင်းပါးတစ်ကန့်အား ပုံမှန်ဖော်ပြလျက်ရှိသည်။

    ချင်းနှင့်မီဇိုရမ် ကျောင်းသားများတွေ့ဆုံဆွေးနွေးပွဲများက စည်းလုံးညီညွတ်မှုကို ပိုမိုဖြစ်ပေါ်လာစေသော်လည်း ထိရှလွယ်သော ငြိမ်းချမ်းရေးအခြေအနေများအတွက် အချို့က စိုးရိမ်နေဆဲဖြစ်၏။

    “ ဒီအခြေအနေဟာ အချိန်မရွေး ပြဿနာထဖြစ်နိုင်စေတဲ့ မီးပွားလိုပါပဲ ” ဟု၍ သန့်လွမ် ကပြောကြားခဲ့ပါသည်။

    Women News Network တွင် ဖော်ပြခဲ့သည့် “Ethnic indigenous Chin christians afraid to return home” ဆောင်းပါးကို ETZ (M-Media) မှ ဆီလျော်အောင် ဘာသာပြန်ဆိုပါသည်။

  • Chin: ခရစ်ယာန်များကို ဘာသာရေး ခွဲခြားမှုများ ရပ်တန့်ရန် ချင်းလူ့အခွင့်အရေး အဖွဲ့မှ အစိုးရအား တိုက်တွန်း

    ဇန်နဝါရီ ၂၃၊ ၂၀၁၄
    M-Media
    5098e75e57e36807c173cb7490b1b0d2_L
    – မြန်မာနိုင်ငံရှိ ဘာသာရေး လူနည်းစု အသိုင်းအ၀ိုင်းမှ ပြည်သူများအား ခွဲခြားဆက်ဆံမှုများကို ရပ်တန့်ရန်အတွက် လိုအပ်သောဆောင်ရွက်မှုများ ပြုလုပ်ရန် ချင်း လူ့အခွင့်အရေး လှုပ်ရှားမှုအဖွဲ့ CHRO က မြန်မာအစိုးရအား တိုက်တွန်းပြောဆိုခဲ့သည်ဟု သိရသည်။

    ထိုအဖွဲ့အစည်းမှ  ၂၁ ရက်နေ့(အင်္ဂါနေ့)က ထုတ်ပြန်ခဲ့သော အစီရင်ခံစာတွင် ၂၀၁၃ ခုနှစ် တစ်လျှောက်လုံး မြန်မာနိုင်ငံရှိ ချင်းလူမျိုး ခရစ်ယာန် ဘာသာဝင်များ၏ ဘာသာရေး လွတ်လပ်မှုကို ချိုးဖောက်မှုများကို ဖော်ပြထားပြီး သမ္မတ ဦးသိန်းစိန် အစိုးရအနေဖြင့် နိုင်ငံ၏ ပြုပြင်ပြောင်းလဲရေး လုပ်ငန်းစဉ်များတွင် ထိုကိစ္စအား ဦးစားပေးဆောင်ရွက်ရန်ကိုလည်း တိုက်တွန်းခဲ့သည်။

    “တိုင်းပြည်အတွင်းမှာ ဗုဒ္ဓဘာသာကို နိုင်ငံတော်ဘာသာ ပုံစံမျိုးဖြစ်အောင် အစိုးရက ဆောင်ရွက်နေပါတယ်။ ဒါဟာ ချင်းလူမျိုး ခရစ်ယာန် ဘာသာဝင်တွေရဲ့ လွတ်လပ်စွာ ကိုးကွယ်ခွင့်ကို ဆိုးဆိုးဝါးဝါး ယုတ်လျော့စေပါတယ်” ဟု CHRO ၏ အကြီးအကဲ ဆလိုင်းဘွယ်ပိက ပြောကြားခဲ့သည်။

    အစိုးရက တိုင်းပြည်၏ အရင်းအမြစ်များအား အသုံးပြု၍ စေတီပုထိုးများ တည်ထားခြင်း၊ ဘုန်းကြီးကျောင်းများ ဆောက် လုပ်လျက် ရှိနေချိန်တွင် ခရစ်ယာန် ဘာသာရေး အဆောက်အအုံများ ဆောက်လုပ်မှုများအား ကန့်သတ် ထားကြောင်းဖော်ပြခဲ့ပြီး၊ သမ္မတ ဦးသိန်းစိန်၊ လွှတ်တော် ဥက္ကဌ သူရရွှေမန်း တို့ ချင်းပြည်နယ်သို့ လာရောက် လည်ပတ်ခဲ့အချိန် ပြုလုပ်ခဲ့သည့် အစည်းအဝေးများ၊ ချင်းပြည်နယ် အစိုးရ ထိပ်ပိုင်း အရာရှိများပြုလုပ်လေ့ရှိသော အစည်းအဝေးများကို ခရစ်ယာန်များ၏ တနင်္ဂနွေ ၀တ်ပြုမှု အစီအစဉ်နှင့် တိုက်ဆိုင်ကာ  ပြုလုပ်မှုများ ကိုလည်း ဝေဖန်ထောက်ပြခဲ့သည်။

    ထို့ပြင် ထိုကဲ့သို့ ဘာသာရေးလွတ်လပ်ခွင့်ဆိုင်ရာ ကိစ္စရပ်များအား လစ်လျူရှုထားမှုမှာ ဆယ်ဆုနှစ်များစွာ ကြာမြင့်နေပြီး၊ ခရစ်ယာန်ဘာသာရေးဆိုင်ရာ ၀တ်ပြုစည်းဝေးမှု အခွင့်အရေးများအား ချိုးဖောက်မှုများ ရှိနေသည်ဟုလည်းဆိုသည်။

    ထိုအစီရင်ခံစာ၏ နောက်ဆုံးပိုင်းတွင် အစိုးရအနေဖြင့် လွတ်လပ်စွာကိုးကွယ်မှုကို အာမခံပေးရန်၊ ဘာသာတရားအားလုံး အတွက် လွတ်လပ်စွာ စည်းဝေး ၀တ်ပြုခွင့်ပေးရန်နှင့် ယခုလက်ရှိ ရှိနေသော သာသနာရေးဝန်ကြီးဌာနအား လူအများထောက်ခံပြီး ဘာသာရေး ဆိုင်ရာ ခွဲခြားမှုများအား ကိုင်တွယ်ဖြေရှင်းနိုင်သော လွတ်လပ်၍ သမာသမတ်ကျသည့် သာသနာရေး အဖွဲ့နှင့် အစားထိုးရန် စသည်တို့ကို ဆောင်ရွက်ပေးရန်  CHRO က အစိုးရအား တိုက်တွန်းခဲ့သည်။

    CHRO  ထုတ်ပြန်ခဲ့သော အစီရင်ခံစာ PDF ဖိုင် ယူရန်

    Ref: Chinland Guardian

  • ချင်းပြည်နယ်ရှိ ခရစ်ယာန်တို့အား ခွဲခြားဆက်ဆံမှု မပြုရန် အာဏာပိုင်မှ ညွှန်ကြားဖို့လို

    အောက်တိုဘာ-၂၅
    M-Media

    burma_na_ta_laschool.jpeg.size.xxlarge.letterbox

    မြန်မာအစိုးရသည် ချင်းပြည်နယ်ရှိ ခရစ်ယာန်တို့အား တမင်ချိုးနှိမ်ခွဲခြားဆက်ဆံမှုများနှင့်စပ်လျဉ်း၍ လမ်းညွှန်အပ်သည်ဟု ကုလသမဂ္ဂ၏လူ့အခွင့်အရေးဆိုင်ရာအထူးကိုယ်စားလှယ် မစ္စတာကင်တားနား မှ ဆိုသည်။

    ၂၀၁၃ ခုနှစ်၊ အောက်တိုဘာ ၂၄ ရက်တွင် ကုလသမဂ္ဂအထွေထွေ ညီလာခံသို့တင်သွင်းသည့် သူ့အစီရင်ခံစာ၌ အာဏာပိုင်အစိုးရနှင့် အုပ်ချုပ်ရေး အဖွဲ့အစည်းများမှ ခရစ်ယာန်များအပေါ် ခွဲခြားဆက်ဆံမှုမြှင့်တက်လာခြင်းအပေါ် စိုးရိမ်မိသည်ဟု ဖော်ပြထားသည်။

    ၂၀၁၃ ခုနှစ် သြဂုတ်လ၌ ချင်းပြည်နယ်သို့ ပထမဆုံးအကြိမ် သွားရောက်ခဲ့သော မစ္စတာကင်တားနားက  “ ၀န်ထမ်းလောကထဲမှာ အလုပ်အကိုင် ရရှိဖို့ အထူးသဖြင့် ရာထူးမြင့်နေရာအတွက် ခွဲခြားဆက်ဆံခံရမှုလည်း ပါဝင်တယ် ” ဟု ပြောဆိုသည်။

    ချင်းပြည်နယ်တွင် ခရစ်ယာန်ဦးရေသည် ၉၀ ရာခိုင်နှုန်းနီးပါး၊ ဗုဒ္ဓဘာသာဝင်များမှာ ၁၁ ရာခိုင်နှုန်းနီးပါး ရှိနေသည်။ ပြည်နယ် အဆင့်ဌာနဆိုင်ရာ၌ ၁၄ ရာခိုင်နှုန်း၊ မြို့နယ်အဆင့်ဝန်ထမ်း၌ ၂၅ ရာခိုင်နှုန်းသာ ခရစ်ယာန်များ ပါဝင်နေ၏။

    မြန်မာပြည်၏တိုးတက်မှု အနိမ့်ကျဆုံး ချင်းပြည်နယ်ရှိ ခရစ်ယာန်များမှာ သာသနိက အဆောက်အဦများကို တည်ဆောက်ရန်၊ မွမ်းမံပြင်ဆင်ရန် သက်ဆိုင်ရာ ၀န်ကြီးဌာနခွင့်ပြုချက် ရယူရေး၌ အခက်အခဲများ ရင်ဆိုင်နေရဆဲဖြစ်ကြောင်း၊ မင်းတပ်မြို့သို့ရောက်စဉ်က အစိုးရကျောထောက်နောက်ခံ နတလကျောင်းများသို့ သွားရောက်ခဲ့ကြောင်း၊ ၄င်းတွင် ခရစ်ယာန်ကျောင်းသားများမှာ ဗုဒ္ဓဘာသာသို့ အဓမ္မသွတ်သွင်းခြင်းကို ခံရသည့်အချက်အား ချင်းလူ့အခွင့်အရေးအဖွဲ့ထုတ် Threats to Our Existence အစီရင်ခံစာ၌ တွေ့ရကြောင်း ကင်တားနားက ဆိုသည်။ ထိုကျောင်းများသည် နယ်စပ်ရေးရာ နှင့် သာသနာရေးဝန်ကြီးဌာန လက်အောက်တွင် ရှိကြသည်။

    မြန်မာနိုင်ငံသည် ကုလသမဂ္ဂအဖွဲ့ဝင်နိုင်ငံဖြစ်သည်နှင့်အညီ ကလေးသူငယ်များ အခွင့်အရေးဆိုင်ရာ ကုလပဋိညာဉ်အရ ကျောင်းသူကျောင်းသားတို့၏ ဘာသာရေးနှင့် ယဉ်ကျေးမှုအခွင့်အရေးကို လေးစားလိုက်နာရန်၊ ကာကွယ်စောင့်ရှောက်ပေးရန် လိုကြောင်း မိမိမှ အာဏာပိုင်တို့အား တိုက်တွန်းခဲ့သည်ဟု ဆို၏။

    ချင်းပြည်နယ်၊ လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဇော်မင်းဦးက ကျောင်းများတွင် ခရစ်ယာန်ကျောင်းသားများကို ခွဲခြားနှိမ့်ချ ဆက်ဆံခြင်းမရှိကြောင်း၊ ၄င်းမှာ ဆင်းရဲသားကလေးငယ်နှင့် မိဘမဲ့ကလေးများကို ပညာရေးအကူအညီပေးသည့် အစီအစဉ်သာဖြစ်သည်ဟု ကနဦးငြင်းဆို ထားချက်နှင့် ဤအဖြစ်မှာ ဆန့်ကျင်လျက်ရှိကြောင်းတွေ့ခဲ့ရသည်။

    ချင်းဒေသတွင်း ပြည်နယ်လွှတ်တော်အစည်းအဝေး၌ ချင်းလူမျိုးလွှတ်တော်အမတ် Ki Thang Lon က နတလကျောင်းသားများကို အမျိုးသားရေးဝါဒီများဖြစ်အောင် သင်ကြားလေ့ကျင့်နေခြင်း အပေါ် ပြန်လှန်မေးခွန်း ထုတ်ခဲ့သည်ဟု Chinland Post မှ ဖော်ပြထားသည်။

    ချင်းပြည်နယ်အစိုးရ၏စာရင်းအင်းများအရ ချင်းပြည်နယ်တစ်ဝှန်းမှ နတလကျောင်း ၉ ကျောင်းတွင် ဗုဒ္ဓဘာသာဝင် ကျောင်းသူကျောင်းသား ၄၈၄ ဦး နှင့် ဆရာ ၁၁၄ ဦး ရှိသော်လည်း၊ ခရစ်ယာန် ဘာသာဝင်ကျောင်းသူကျောင်းသား ၂၉၀ ဦး နှင့် ဆရာ ၁၈ ဦးသာရှိနေကြောင်း သိရသည်။

    “ မစ္စတာကင်တားနားဟာ ကုလအထွေထွေညီလာခံမှာ ချင်းအရေးနဲ့ပတ်သက်ပြီး အလွန်ကျိုးကြောင်းသင့်စွာ အလေးပေး အစီရင်ခံ တင်ပြနိုင်တဲ့ အတွက် ကျွန်တော်တို့ နှစ်ထောင်း အားရဖြစ်မိပါတယ်။ သူက အခြေခံအဆောက်အဦ ပြဿနာကို ကွက်ကွက်ကွင်းကွင်းဖော်ပြလို့ တိုးတက်ဖွံ့ဖြိုးရေး ကဏ္ဍ လိုအပ်နေသေးကြောင်း၊ ပြည်သူရဲ့လူနေမှုဘ၀အပေါ် ခွဲခြားဆက်ဆံမှု အလျဉ်း မပြုအပ်ကြောင်း အထူးပြုဖော်ပြခဲ့ပါတယ်။ ကျွန်တော်တို့ လက်မခံနိုင်စရာ အချက်ကို မတွေ့ရပါဘူး ” ဟု CHRO ၏ Advocacy Director ဖြစ်သူ Rachel Fleming က Mr.Tomás Ojea Quintana ၏ အစီရင်ခံစာကို ချီးကျူးပြောဆိုလိုက်သည်။

    Ref:chinlandguardian

    Photo-The Star