အောက်တိုဘာ- ၂၈၊ ၂၀၁၃
M-Media
ဆော်ဒီအာရေဗျရှိ ဖုန်းခေါ်ဆိုပြောကြားမှုပေါင်း အကြိမ် သန်း(၇၈၀၀) ကို CIA မှ ကြားဖြတ် ထောက်လှမ်း နားထောင်ခဲ့သည်ဟု Cryptome မှ ထုတ်ဖော်ပြောကြားသဖြင့် အမေရိကန်ထောက်လှမ်းရေး အစီအစဉ် အပေါ် အငြင်းပွားဖွယ်ရာများ ဆက်လက်ဖြစ်ပေါ်နေသည်။ Cryptome သည် အမေရိကန်နိုင်ငံမှ ဖန်တီးထားသော လျှို့ဝှက်အချက်အလက်များ သိမ်းဆည်းသိုမှီးထားရာ ဒီဂျစ်တယ် ဘဏ်တိုက်ကြီးဖြစ်၏။
ပြည်တွင်းရေးကိစ္စများကို ဦးတည်ပစ်မှတ်ထားခဲ့သည်မှာ ဆော်ဒီအာရေဗျသာမဟုတ်၊ အရှေ့အလယ်ပိုင်းနှင့်အာရှ နိုင်ငံအများအပြားလည်း ပါဝင်သည်ဟု Cryptome မှဆိုသည်။
ဆော်ဒီအာရေဗျ၏ ဆက်သွယ်ရေးနှင့်သတင်းအချက်အလက်နည်းပညာကော်မရှင် CITC – Communications & Information Technology Commission of Saudi Arabia ကမူ ထိုအကြောင်းနှင့်စပ်လျဉ်း၍ တရားဝင်ပြောကြားခြင်း မရှိသေးချေ။
သို့သော် ဆက်သွယ်ရေးလုပ်ငန်း၌ အကြီးတန်း အိုင်တီပညာရှင်အဖြစ် ဆောင်ရွက်နေသူ R. K. Hussain က “ အဲ့ဒီလို ဖုန်းခေါ်ဆိုမှုကိုကြားဖြတ် နားထောင်စောင့်ကြည့်တာဟာ ကျင့်ဝတ်နဲ့ မညီသည့်တိုင် အမေရိကန်အပါအ၀င် နိုင်ငံတော်တော်များများရဲ့ ထောက်လှမ်းရေး အဖွဲ့တွေက ပုံမှန်ပြုလုပ်နေလေ့ ရှိပါတယ်။ အမေရိကန်ကိုဖြတ်သန်းတဲ့ နိုင်ငံတကာခေါ်ဆိုမှု လမ်းကြောင်းအများအပြား ဦးတည်ခံရတယ်။ ဘာကြောင့်လဲဆိုတော့ ဈေးနှုန်းချိုသာပြီး ဆက်သွယ်ရလွယ်ကူလို့ပါပဲ ” ဟု ပြောဆိုခဲ့သည်။
ဖုန်းခေါ်ဆိုမှုများ၊ အီးမေးလ်များနှင့် ၀င်းဒိုး ချက်တင်များမှာ ဈေးချိုသာလွန်းသည့် အတွက် အေဂျင်စီအတွက် ထောက်လှမ်းစောင့်ကြည့်ရန် လွယ်ကူနေစေသည်။ “ ဒါပေမယ့် ဖုန်းပြောဆိုမှုစောင့်ကြည့်တာ၊ ကြားဖြတ် နားထောင်တာကို ကာကွယ်ပေးနိုင်တဲ့ ကိရိယာတွေရှိပါတယ်။ အဲ့ဒါနဲ့ ပေါက်ကြားမှု မဖြစ်အောင် အသုံးချနိုင်ပါတယ် ” ဟုလည်း ၄င်က ပြောပြသည်။
ဆော်ဒီအာရေဗျ၊ ဂျော်ဒန်၊ အီရတ်၊ အီဂျစ်၊ အီရန်၊ အာဖဂန်နစ္စတန်၊ ပါကစ္စတန် အပါအ၀င် ကမ္ဘာတစ်ဝှန်းအတိုင်းအတာအရ ၂၀၁၃ ခုနှစ် ဇန္န၀ါလအတွင်း အမေရိကန်မှဖောက်ထွင်းထောက်လှမ်းမှုမှာ ၁၂၄.၉ ဘီလီယံဝန်းကျင် ရှိခဲ့ကြောင်း Cryptome ၀က်ဘ်ဆိုက်မှ ဆိုသည်။
သတင်းများအရ အီဂျစ်ကိုဦးတည်သည့်အကြိမ်ရေပေါင်း ၁.၉ ဘီလီယံ၊ ဂျော်ဒန်ကို ၁.၆ ဘီလီယံ၊ အီရတ်ကို ၇.၈ ဘီလီယံ၊ အီရန်ကို ၁.၇၃ ဘီလီယံ၊ ပါကစ္စတန်ကို ၁၂.၇၆ ဘီလီယံ အသီးသီးရှိပြီး အကြီးမားဆုံးမှာ အာဖဂန်နစ္စတန် ဖြစ်ပြီး ၂၁.၉၈ ဘီလီယံ ရှိခဲ့သည်။
ဖုန်းဆက်သွယ်မှုပေါင်း တစ်ဘီလီယံအထက် စောင့်ကြည့်ခံရသည့်နောက်ထပ်နိုင်ငံမှာ အိန္ဒိယဖြစ်ကြောင်း မှတ်တမ်းများကဖော်ပြနေသည်။
CIA အမေရိကန်မှ အထူးမူဝါဒချမှတ်သူများအတွက် နိုင်ငံတော်လုံခြုံရေးကိုတာဝန်ယူထားရသည့် သီးခြားအဖွဲ့အစည်း တစ်ခုဖြစ်သည်။
Ref:Arab News
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြလိုသူများ M-Media ၏ ခွင့်ပြုချက်လိုအပ်မည်ဖြစ်သည်။
ဆက်သွယ်ရန် [email protected]
