စက်တင်ဘာ ၂၀၊ ၂၀၁၉
M-Media
-ဖွံ့ဖြိုးရေးဆိုင်ရာ စိန်ခေါ်မှုတွေနဲ့ ကြုံတွေ့နေရတဲ့ မြန်မာနိုင်ငံမှာ ရာသီဥတုဖောက်ပြန်မှုက ကြီးမားတဲ့ စိန်ခေါ်မှုကြီးတစ်ခု ဖြစ်နေပြီး တိုင်းပြည်ရဲ့ အနာဂတ်တိုးတက်မှု အပေါ်မှာပါ ခြိမ်းခြောက်နေတယ်လို့ ပြည်တွင်း၊ ပြည်ပ ပညာရှင်နှစ်ဦးက သတိပေးလိုက်ပါတယ်။
သယံဇာတနဲ့ သဘာဝပတ်ဝန်းကျင်ထိန်းသိမ်းရေး ၀န်ကြီးဌာန ၀န်ကြီး ဦးအုန်းဝင်းနဲ့ UNDP ရဲ့ မြန်မာနိုင်ငံ ဌာနေကိုယ်စားလှယ် ပီတာ ဘက်ချလာတို့ ပူးပေါင်းရေးသားထားပြီး Myanmar Times သတင်းဌာနမှာ ဖော်ပြထားတဲ့ ဆောင်းပါးမှာ ဆွေးနွေးရေးသားထားတာပါ။
ခြောက်သွေ့ဒေသတွေမှာ အပူချိန် မြင့်တက်လာတာ၊ မိုးခေါင်တဲ့ဒေသတွေ ပိုမို များပြားလာတာ၊ ကမ်းရိုးတန်း ဒေသတွေမှာ မုန်တိုင်းဒဏ်ကို ပိုမိုခံစားရဖို့ရှိနေတာတွေကို ပညာရှင်တွေက ထောက်ပြခဲ့ပါတယ်။
ပြီးခဲ့တဲ့နှစ်တွေအတွင်း မြန်မာနိုင်ငံဟာ ရာသီဥတုဖောက်ပြန်မှုဒဏ်ကို မကြာခဏ ခံစားလာခဲ့ရပြီး ရာသီဥတုဆိုးရွားမှုဒဏ်ကို ခံစားရနိုင်ချေအများဆုံးစာရင်းထဲမှာလည်း ပါဝင်လာခဲ့ပါတယ်။ ၂၀၀၈ ခုနှစ်က ကြုံတွေ့ခဲ့ရတဲ့ နာဂစ်မုန်တိုင်းဒဏ်ဟာ အခုအချိန်အထိ အရိပ်မည်းကြီးအဖြစ်ရှိနေသေးပြီး နောက်ထပ် ဒီလိုအန္တရာယ်မျိုး ကြုံတွေ့ရနိုင်တယ်လို့လည်း အဲဒီဆောင်းပါးမှာ ထည့်သွင်းရေးသားထားပါတယ်။
ဒီလို သဘာဝဘေးအန္တရာယ်တွေကို ရင်ဆိုင်ဖို့ ကြိုတင်ပြင်ဆင်တာ၊ ဖြစ်ပေါ်လာရင် တုန့်ပြန်တာ၊ ထိခိုက်ခံစားရမှုတွေကနေ ပြန်လည်ထူထောင်တာတွေဟာ အချိန်ပေးရပြီး၊ အရင်းမြစ်များစွာ အသုံးပြုရတာကြောင့် ဖွံ့ဖြိုးရေးလုပ်ငန်းမှာ အဓိက ဦစားပေးအဖြစ် ထည့်သွင်းဖို့၊ နိုင်ငံတကာအသိုင်းအဝိုင်းနဲ့ ပူးပေါင်းဆောင်ရွက်ဖို့လည်း ပညာရှင်တွေက အကြံပြုထားပါတယ်။
မြန်မာနိုင်ငံရဲ့ ရေရှည်ဖွံ့ဖြိုးရေးစီမံချက် (၂၀၁၈-၂၀၃၀) မှာ ရာသီဥတုနဲ့ ဆက်စပ်တဲ့ ဖွံ့ဖြိုးရေးလုပ်ငန်းတွေ လုပ်ဆောင်နိုင်ဖို့ လမ်းဖွင့်ပေးထားသလို လက်ရှိသမ္မတ ဦးဝင်းမြင့် လက်ထက်မှာလည်း အမျိုးသား သဘာဝပတ်ဝန်းကျင် မူဝါဒ၊ မြန်မာနိုင်ငံ ရာသီဥတု ပြုပြင်ပြောင်းလဲရေး မူဝါဒတွေကို ချမှတ် အကောင်အထည် ဖော်နေပါတယ်။ ဒီမူဝါဒတွေကြောင့် UNDP လို နိုင်ငံတကာ အဖွဲ့အစည်းတွေရဲ့ နည်းပညာဆိုင်ရာ အထောက်အပံ့တွေ ရရှိလာပြီး မြန်မာနိုင်ငံတစ်ဝှမ်း ပြည်သူ့အသိပညာရေး လုပ်ငန်းတွေကို တိုးချဲ့လုပ်ဆောင်လာနိုင်ပါတယ်။
မြန်မာနိုင်ငံဟာ ပဲရစ်ရာသီဥတု သဘောတူညီချက်ကို အကောင်အထည်ဖော်နေသလို၊ ဖန်လုံအိမ်ဓာတ်ငွေ့ လျှော့ချရေး၊ သစ်တောပြုန်းတီးမှု တားဆီးရေး၊ ကမ်းရိုးတန်း လမုတောများ ထိန်းသိမ်းရေး စတဲ့ ရာသီဥတု ထိန်းသိမ်းရေး လုပ်ငန်းတွေကိုလည်း လုပ်ဆောင်နေပါတယ်။
အာရှ ပစိတ်ဖိတ်ဒေသမှာ စွမ်းအင်ကဏ္ဍက ဖန်လုံအိမ်ဓာတ်ငွေ့ ထုတ်လွှတ်မှုရဲ့ ၃ ပုံ ၂ ပုံလောက် ရှိနေတာကြောင့် မြန်မာနိုင်ငံက စွမ်းအင်ကဏ္ဍ ဖွံ့ဖြိုးတိုးတက်မှုတွေဟာ ရာသီတုနဲ့ ကိုက်ညီတဲ့ပုံစံမျိုး ဖြစ်ဖို့လိုတယ်လို့လည်း ပညာရှင်တွေက ထောက်ပြခဲ့ပါတယ်။
ရာသီဥတု ဖောက်ပြန်မှုကို တုန့်ပြန်ရာမှာ မြန်မာနိုင်ငံရဲ့ ပုဂ္ဂလိက ကဏ္ဍတွေလည်း အရေးပါပြီးသဘာဝပတ်ဝန်းကျင် ထိန်းသိမ်းတဲ့ နည်းပညာ၊ တီထွင်ဖန်တီးမှု အခြေခံတဲ့ စီးပွားရေး လုပ်ငန်းတွေကို အစိုးရက အားပေးဖို့ ဆောင်းပါးမှာ တိုက်တွန်းထားပါတယ်။
စီမံကိန်းတွေကို မြေပြင်မှာ အကောင်အထည်ဖော်နိုင်ဖို့အတွက် နည်းပညာတွေ လိုအပ်သလို၊ လူ့စွမ်းအား အရင်းအမြစ်၊ တီထွင်ဖန်တီးမှု နည်းလမ်းတွေအတွက် ရင်းနှီးမြှုပ်နှံမှုတွေ၊ အစိုးရ၊ လူ့အဖွဲ့အစည်းနဲ့ ပုဂ္ဂလိကကဏ္ဍမှာ ရှိနေတဲ့ သက်ဆိုင်သူတွေအားလုံးရဲ့ လုပ်ဆောင်နိုင်စွမ်း ကောင်းမွန်လာစေဖို့အတွက် လေ့ကျင့်မှုနဲ့ နည်းပညာအထောက်အပံ့တွေ လိုအပ်တယ်လို့လည်း ပညာရှင်တွေက အကြံပြုခဲ့ပါတယ်။
Ref: mmtimes
(Myanmar Times အင်္ဂလိပ်ပိုင်းတွင် ဖော်ပြထားသည့် Climate change matters to Myanmar ဆောင်းပါးမှ ကောက်နှုတ် ဘာသာပြန်ဆိုပါသည်)