News @ M-Media

Tag: Constitution

  • သမ္မတ အထက်မှာ

    သမ္မတ အထက်မှာ


    ပြည်ထောင်စုတရားသူကြီးတဦးက ဆိုင်းငံ့ထားဖို့ အမိန့်ထုတ်လိုက်တဲ့အတွက် သမ္မတရဲ့အမိန့်က ချက်ချင်း လက်ငင်းအသက်မဝင်တော့တဲ့ကိစ္စဟာ အမေရိကန်သမ္မတရဲ့အထက်မှာ ဘယ်သူတွေရှိမလဲလို့ သိချင်စိတ် ပြင်းပြစွာ စောင့်ကြည့်နေကြသူတွေအကြား ဂယက်ရိုက်ခဲ့ပါတယ်။

    အမေရိကန်နိုင်ငံကို အကြမ်းဖက်သမားတွေ ဝင်မလာနိုင်အောင်လို့ဆိုတဲ့ အကြောင်းပြချက်နဲ့ ဒုက္ခသည်တွေ နဲ့မွတ်စလင်အများစုနေထိုင်တဲ့ နိုင်ငံပေါင်း ၇ နိုင်ငံက နိုင်ငံသားတွေကို ပြည်ဝင်ခွင့်ယာယီပိတ်ပင်လိုက်တဲ့ သမ္မတဒေါ်နယ်ထရမ့်ရဲ့အမိန့်ဟာ ဒီမိုကရေစီရေးနဲ့လူ့အခွင့်အရေးအတွက် ကမ္ဘာ့မျက်နှာစာမှာ မားမားမတ် မတ်ရပ်ပြီး လုပ်ဆောင်နေကြတဲ့ အမေရိကန်လူမျိုးတွေရဲ့မျက်နှာကို အိုးမည်းသုတ်လိုက်တာပါပဲ။

    ရီပတ်ဘလစ်ကင်အများစုပါဝင်တဲ့ လွှတ်တော်က သမ္မတရဲ့အမိန့်ကို မလွန်ဆန်နိုင်ခဲ့ပါဘူး။
    ဒါပေမယ့် အမိန့်ထုတ်ပြီး တပတ်ကျော်အကြာမှာပဲ ပြည်ထောင်စုတရားသူကြီးတဦးဖြစ်တဲ့ James Robart က သမ္မတအမိန့်ကို ဆိုင်းငံ့ထားဖို့ အမိန့်ထုတ်ပြန်လိုက်ပါတယ်

    အဲဒီကိစ္စနဲ့ ပတ်သက်လို့  ပြည်ထောင်စု အယူခံ တရားရုံးမှာ ထရမ့်အစိုးရရဲ့ တရားရေးဝန်ကြီးဌာနက အယူခံတင်တာကို ကြားနာခဲ့ပြီး ပြည်ဝင်ခွင့်ပိတ်လိုက်တဲ့ မွတ်စလင်နိုင်ငံ ၇ နိုင်ငံနဲ့ အကြမ်းဖက်မှုတွေအကြား ဆက်စပ်မှုရှိမရှိ သက်သေပြဖို့ ပြည်ထောင်စုတရားသူကြီး သုံးယောက် က အစိုးရရှေ့နေတွေကို မေးခွန်းထုတ်ခဲ့ပြီး နောက်ဆုံး ဒီကိစ္စဟာ မွတ်စလင်တွေကို ခွဲခြားဆက်ဆံဖို့ အစိုးရက ရည်ရွယ်ချက်ရှိရှိနဲ့ ပြုလုပ်ခဲ့တာဖြစ်တယ်လို့ ဆုံးဖြတ်ခဲ့ပါတယ်။ ထရမ့်အစိုးရက ပြည်ထောင်စုတရားရုံးချုပ်ထိ ဆက်တက်ဖို့ လုပ်ပါတယ်။

    ပြည်ထောင်စုတရားသူကြီးတွေ၊ လွတ်လပ်တဲ့သတင်းမီဒီယာတွေနဲ့ အချို့သောပြည်နယ်အစိုးရတွေဟာ ထရမ့်က အာဏာရှင်ဆန်ဆန် လက်မှတ်ရေးထိုး ထုတ်ပြန်လိုက်တဲ့အမိန့်တွေကို ပြတ်ပြတ်သားသား ဆန့်ကျင် ကြမယ့်ခံတပ်တွေဖြစ်တယ်လို့ ကယ်လီဖိုးနီးယားတက္ကသိုလ်က ပါမောက္ခချုပ် Robert Reich က Newsweek က ဆောင်းပါးတပုဒ်မှာ ရေးသားခဲ့ပါတယ်။
    အဲဒီဆောင်းပါးမှာပဲ Robert Reich က သမ္မတထရမ့်ကို အာဏာရှင်ပါလို့ ပြောင်ပြောင်တင်းတင်း တံဆိပ်ကပ်ပေးလိုက်ပြီး ဘယ်လိုဖီဆန်မှုမျိုးကိုမှ မလိုလားတဲ့ ထရမ့်အတွက်တော့ သူတို့လိုလူတွေဟာ ရန်သူ တော်တွေပါပဲလို့ ရေးသားခဲ့ပါတယ်။

    AFP သတင်းဋ္ဌာနက လောလောလတ်လတ်ထုတ်ပြန်လိုက်တဲ့ အမေရိကန်နိုင်ငံရဲ့ဥပဒေပြုရေး၊ အုပ်ချုပ်ရေး နဲ့တရားစီရင်ရေးမဏ္ဍိုင်သုံးရပ်အကြား အာဏာခွဲဝေမှုပုံစံ ရုပ်ပုံကားချပ်လေးဟာ ထရမ့်တက်လာပြီးနောက် ပိုင်း အမေရိကန်နိုင်ငံရေးကို စိတ်ဝင်စားလာကြသူတွေအတွက် အထောက်အကူပြုပါတယ်။

    ဒီ Diagram မှာ ဖော်ပြထားတာအရ အခြေခံဥပဒေနဲ့ ဆန့်ကျင်ပြီး ပြဋ္ဌာန်းခဲ့မယ်ဆိုရင် သမ္မတရဲ့အမိန့်ကို တောင်မှ ပယ်ချနိုင်တဲ့အာဏာ အမေရိကန်ရဲ့ တရားစီရင်ရေးမဏ္ဍိုင်မှာ ရှိပါတယ်။ လက်ရှိ ပြည်ဝင်ခွင့်ယာယီ ပိတ်ပင်တဲ့ကိစ္စမှာဆိုရင် တရားစီရင်ရေးမဏ္ဍိုင်က ပြည်ထောင်စုတရားသူကြီးတွေက အဲဒီအခြေခံဥပဒေကို ကိုင်တွယ်ပြီး သမ္မတထရမ့်ရဲ့ အုပ်ချုပ်ရေးအာဏာကို စိန်ခေါ်လိုက်တာပါပဲ။

    အဲဒီလိုပဲ အမေရိကန်ကွန်ဂရက်လွှတ်တော်မှာလည်း သမ္မတကရွေးချယ်ခန့်အပ်လိုက်တဲ့ တရားသူကြီးတွေ ကို လွှတ်တော်က သဘောမတူရင် ငြင်းပယ်ခွင့်ရှိသလို၊ ခြွင်းချက်ရှိတဲ့အခြေအနေတခုမှာ သမ္မတကိုတောင် ရာထူး က ဖယ်ရှားပစ်နိုင်တဲ့ အခွင့်အာဏာ ကွန်ဂရက်မှာ ရှိနေပါတယ်။

    ဒီကိစ္စမှာတော့ အမေရိကန်ရဲ့အခြေခံဥပဒေမှာ ပေးအပ်ပြဋ္ဌာန်းထားတဲ့ အာဏာခွဲဝေမှုစနစ်က ဘယ်လောက်ထိ အလုပ်ဖြစ်သလဲဆိုတာနဲ့ အမေရိကန်သမ္မတရဲ့အထက်မှာ ဘယ်သူတွေရှိသလဲဆိုတာကို အနှေးနဲ့အမြန် သိရတော့မှာပါပဲ။

    ထရမ့်ကတော့ သူ့ကိုဆန့်ကျင်တဲ့ တရားသူကြီးတွေနဲ့ မီဒီယာတွေကို ငါနဲ့မတူငါ့ရန်သူလို့ သဘောထားပါတယ်။ “ဒီတရားသူကြီးလို့ဆိုတဲ့ လူတယောက်က ကျုပ်တို့တိုင်းပြည်ကို ချောက်ထဲကျအောင် လုပ်နေ တယ်ဆိုတာ မယုံနိုင်စရာဘဲ၊ တခုခု ဆိုးဆိုးရွားရွား ဖြစ်လာရင်တော့ သူ့အပြစ် ဒါမှမဟုတ် တရားစီရင်ရေး စနစ်ရဲ့အပြစ်ကြောင့်ပဲ” လို့ သူ့ရဲ့ တွစ်တာလူမှုကွန်ရက်ပေါ်ကတဆင့် ကြိမ်းဝါးခဲ့ပါတယ်။

    မြန်မာပြည်မှာလည်း နိုင်ငံချောက်ထဲကျဖို့ လက်တလုံးအလိုအနေအထားကြောင့် အာဏာသိမ်းခဲ့ရပါတယ် ဆိုတဲ့ အလားတူအကြောင်းပြချက်မျိုးနဲ့ ၁၉၈၈ခု နောက်ပိုင်းမှာ စစ်အာဏာရှင်စနစ် သက်ဆိုးရှည်ခဲ့ဖူးပါတယ်။

    နအဖအစိုးရ လက်ထက်မှာ အမျိုးသားညီလာခံကျင်းပရေးဆွဲခဲ့ပြီး၂၀၀၈ခုနှစ်မှာ အတည်ပြုလိုက်တဲ့ မြန်မာ နိုင်ငံရဲ့ဖွဲ့စည်းပုံအခြေခံဥပဒေမှာတော့ “နိုင်ငံတော်၏ အမျိုးသားနိုင်ငံရေးဦးဆောင်မှု အခန်းကဏ္ဍတွင် တပ် မတော်က ပါဝင်ထမ်းဆောင်နိုင်ရေးကို အစဉ်တစိုက် ဦးတည်သည်” လို့ ပုဒ်မ ၆ (စ)နဲ့ ပြဋ္ဌာန်းထားတာကို တွေ့ရပါတယ်။

    အမေရိကန်နိုင်ငံမှာ ထရမ့်လို အမျိုးသားရေးဝါဒီတယောက် သမ္မတဖြစ်လာတာရဲ့ အကျိုးဆက်ကြောင့် ကျဉ်းမြောင်းတဲ့အမျိုးသားရေးဝါဒ ခေါင်းထောင်ထလာပြီး အာဏာရှင်စနစ် တကျော့ပြန်အသက်ဝင်လာမလားရယ် လို့ တကမ္ဘာလုံးက စိုးရိမ်မကင်းဖြစ်နေကြပါတယ်။

    တကယ်တော့ အာဏာရှင်စနစ်နဲ့ အမျိုးသားရေးဝါဒ ဆိုတာဟာ ဘုန်းကြီးရူးနဲ့လှေလူးလိုပါပဲ။ ဘုန်းကြီးရူးနဲ့ တူတဲ့ ထရမ့်တစ်ယောက် ကမ္ဘာ့ထိပ်တန်းနိုင်ငံကြီးတစ်ခုရဲ့ ရာဇပလ္လင်ပေါ်ရောက်နေတာဟာ ကမ္ဘာ့နိုင်ငံရေး အတွက် ရင်လေးစရာပါပဲ။

    အမေရိကန်နိုင်ငံရဲ့ ဖွဲ့စည်းပုံအခြေခံဥပဒေဟာ သူ့နိုင်ငံသားတွေရဲ့လွတ်လပ်စွာပြောဆိုခွင့်၊ စာနယ်ဇင်းလွတ် လပ်ခွင့်၊ လွတ်လပ်စွာကိုးကွယ်ခွင့်နဲ့ အခြားအခြေခံရပိုင်ခွင့်တွေကို အပြည့်အဝ အကာအကွယ် ပေးထားပါတယ်။

    အမေရိကန်အခြေခံဥပဒေရဲ့ နောက်ထပ်အားသာချက်တခုက စစ်တပ်ကို အရပ်သားအစိုးရလက်အောက်မှာ ထားရှိတာပါပဲ။ အမေရိကန်စစ်တပ်ဟာ အရွယ်အစားအရ ကမ္ဘာမှာ အင်အားအကြီးဆုံးထဲမှာပါပေမယ့် နိုင်ငံတော်အာဏာကို ထိန်းညှိနေတဲ့ မဏ္ဍိုင်ကြီးသုံးရပ်ထဲက ဘယ်မဏ္ဍိုင်မှာမှ ဝင်ရောက်စွက်ဖက်ခွင့် မရှိပါဘူး။

    မကြာသေးခင်ကမှ လုပ်ကြံခံရတဲ့ NLD ပါတီရဲ့ ဥပဒေအကြံပေး ဦးကိုနီက မီဒီယာစကားဝိုင်းတခုမှာ “နိုင်ငံရေးမှာ စစ်တပ်ဝင်ပါခြင်း မပါခြင်းသည် စစ်တပ်ရဲ့ အင်အားနဲ့မသက်ဆိုင်ပဲ စစ်တပ်ရဲ့ အတွေးအခေါ် အယူအဆ အသိဉာဏ်နဲ့သာ အဓိကသက်ဆိုင်တယ်” လို့ အတိအလင်း ပြောဆိုဖူးပါတယ်။

    အမေရိကန်နိုင်ငံရဲ့ အခြေခံဥပဒေနဲ့ မြန်မာနိုင်ငံရဲ့ ၂၀၀၈ အခြေခံဥပဒေဟာ အဲဒီအခြေခံမူတွေမှာတင် လုံးလုံးလျား လျားကွဲပြားနေခဲ့ပါတယ်။

    အမေရိကန်က James Robart လို ပြည်ထောင်စုတရားသူကြီးတယောက်က၊ လွန်ခဲ့တဲ့ နှစ်၂၀၀ ကျော်ကတည်းက အမေရိကန်နိုင်ငံသားတွေ ခံစားရရှိလာခဲ့တဲ့ အခြေခံနိုင်ငံသားအခွင့်အရေးတခုဖြစ်တဲ့ လွတ်လပ် စွာ ကိုးကွယ်ခွင့်ကို ကိုင်စွဲပြီး၊ ထရမ့်အစိုးရက လူမျိုးရေး၊ ဘာသာရေးခွဲခြားဆက်ဆံမှုတွေ ပြုလုပ်ဖို့ ရည်ရွယ် ချက်ရှိရှိ ထုတ်ပြန်လိုက်တဲ့အမိန့်တခုကို ဟန့်တားဖို့ ကြိုးစားခဲ့တာဖြစ်တယ်။

    “အမျိုးသားလုံခြုံရေး”ကြောင့် ပြည်ဝင်ခွင့်ယာယီပိတ်တဲ့အမိန့်ကို ထုတ်ခဲ့ရတာပါဆိုတဲ့ ထရမ့်အစိုးရရဲ့ရှေ့နေ တွေဆီက အကြောင်းပြချက်က မြန်မာပြည်မှာ ကြားရလွန်းလို့ ရိုးအီနေတဲ့ ဆင်ခြေဆင်လက်တခုနဲ့ အတူတူ ပါပဲ။

    တရားသူကြီး William Canby ကတော့ သမ္မတထရမ့်ကို “မွတ်စလင်တွေကို အမေရိကန်နိုင်ငံထဲ ဝင်ခွင့်မပြု နိုင်ဘူးလို့ ရှင်းရှင်းလင်းလင်းပြောရဲသလား” ဆိုတဲ့ မေးခွန်းနဲ့ စိန်ခေါ်ခဲ့တယ်။

    အမေရိကန်မှာ James Robart တို့ Willim Canby တို့လို တရားသူကြီးတွေ၊ Robert Reich လို ပညာတတ် ပါမောက္ခတွေ၊ Michel More လို သတင်းမီဒီယာသမားတွေ အများကြီးရှိသလို သူတို့ရဲ့ အခြေခံနိုင်ငံသား အခွင့်အရေးတွေကို တံတိုင်းကြီးလို အကာအကွယ်ပေးထားတဲ့ အခြေခံဥပေဒေလည်း အခိုင်အမာရှိပါတယ်။ ဒါကြောင့်လည်း အမေရိကန်နိုင်ငံသားတွေဟာ ဒီမိုကရေစီနဲ့လူ့အခွင့်အရေးအတွက် သတ္တိရှိရှိနဲ့ မားမားမတ်မတ် ရပ်နိုင်ကြတာပါ။

    အခြေခံဥပဒေရဲ့အကာအကွယ်ကို ခံစားဖို့မပြောနဲ့ နိုင်ငံသားအခွင့်အရေးကိုတောင်မှ ပြည့်ပြည့်၀၀ မရရှိခဲ့တဲ့ မြန်မာနိုင်ငံက ကျဆုံးသူ ရှေ့နေကြီးဦးကိုနီရဲ့သတ္တိကတော့ အမေရိကန်နိုင်ငံသားတွေထက် အများကြီးသာ လွန်ပါတယ်။

    “ကျနော်တို့ဟာ အရှေ့တောင်အာရှမှာ အချမ်းသာဆုံးနိုင်ငံကနေ ကမ္ဘာပေါ်မှာ အဆင်းရဲဆုံးနိုင်ငံဖြစ်သွားတာ စစ်တပ်အာဏာ သိမ်းလိုက်လို့ ဖြစ်သွားတာပဲ။ ဒီထက်ရှင်းတာတော့ မရှိတော့ဘူး။ ဒါ ကိုယ့်သမိုင်းကိုယ် ပြောတာပဲ” လို့ ဦးကိုနီ သက်ရှိထင်ရှားရှိတုန်းက ပွင့်ပွင့်လင်းလင်း ပြောဆိုခဲ့ဖူးပါတယ်။

    မြန်မာနိုင်ငံရဲ့ လက်ရှိဖွဲ့စည်းပုံအခြေခံဥပဒေကို အရေးတကြီးပြင်ဆင်ဖို့ အလိုအပ်ဆုံးအချက်ကိုလည်း သူက “ဖွဲ့စည်းပုံအခြေခံဥပဒေမှာ အခုဖြစ်နေတဲ့ ပြဿနာက သမ္မတကို အကြီးအကဲလို့ ရုပ်ပြနေရာမှာထားပြီး တ ကယ်တိုင်းပြည်ကို စစ်တပ်က အုပ်ချုပ်နေတဲ့အချက်ဟာ အရေးအကြီးဆုံးနဲ့ ပြင်ရမယ့် အချက်ပဲ” လို့  သတ္တိပြောင်မြောက်စွာ ထောက်ပြခဲ့တယ်။

    အမေရိကန်နိုင်ငံမှာ James Robart တွေ၊ Robert Reich တွေ၊ Michel More တွေ အများကြီးလိုသလို မြန်မာနိုင်ငံမှာလည်း ဦးကိုနီတွေ အများကြီးလိုပါတယ်။

    အမေရိကန် အခြေခံဥပဒေက ထရမ့်လို ဘုန်းကြီးရူးတယောက်ကို ဟန့်တားနိုင်မလား၊ ဒါမှမဟုတ် အမေရိကန်အမျိုးသားရေးဝါဒီ လှေလူးတွေကြောင့်ပဲ လှိုင်းကြီးလေထန် အမေရိကန်ဖြစ်လာမလား ဆိုတာကတော့ ငွေရောင်ပိတ်ကားပေါ်မှာ စောင့်ကြည့်ရမှာပါပဲ။

    မြန်မာပြည်အခြေခံဥပဒေပြင်ဆင်ရေးကိစ္စကတော့ ထပ်တလဲလဲ ဂျာအေးသူ့မေရိုက် မုန့်လုံးစက္ကူကပ်တွေ ဖြစ်နေတုန်း၊ ပလ္လင်ပေါ်က မျောက်ကလေးကလည်း မဆင်းသေးဘဲ လှည့်ပတ်ပြေးနေတုန်း။

    (မွန်မွန်မြတ်သည် ရန်ကုန်အခြေစိုက် အမျိုးသမီး စာရေးဆရာ၊ သတင်းစာဆရာ တဦးဖြစ်သည်)

    ဧရာဝတီမှ ကူးယူဖော်ပြပါသည်။

     

     

  • ကျွန်တော်သာ မြန်မာနိုင်ငံ၏ သမ္မတဖြစ်မည်ဆိုလျှင် (၂)

    ကျွန်တော်သာ မြန်မာနိုင်ငံ၏ သမ္မတဖြစ်မည်ဆိုလျှင် (၂)

    စက်တင်ဘာ၊ ၁၉၊ ၂၀၁၂

    M-Media

    Dr.Aung Maw

     

    ၁။ ပြည်ထောင်စု သာသနာပိုင် များ ခန့်အပ်ရန်  ဥပဒေမူကြမ်း (Draft of Union Religious Chiefs) ကို အမြန်ဆုံး ရေးဆွဲပြီး လွတ်တော်သို့တင်သွင်းမည်။

            အမေရိကန် နိုင်ငံသား ခရစ်ယာန်အစွန်းရောက်အုပ်စု၏ YouTube တွင်တင်ထားသော အငြင်းပွားဖွယ် Video Clip ကြောင့် လတ်တလော မွတ်ဆလင်ကမ္ဘာရဲ့အခြေအနေဟာ မငြိမ်မသက်ဖြစ်နေချိန်မှာဘဲ၊ မြန်မာနိုင်ငံ သင်္ဃန်းကျွန်းရှိ စည်ပင်မှမြှပ်နှံခွင့် ပိတ်ပင်ထားတဲ့ မွတ်ဆလင် သုသာန်မှာ မြှပ်နှံထားမိတဲ့ ဟာဗစ်ဆူလိုင်မန်ရဲ့ရုပ်ကြွင်းကို ပြန်လည် တူးဖေါ်နေရာရွှေ့ဖို့ အကြောင်းပေါ်လာပါတယ်။ စည်ပင်ဥပဒေကို ချိုးဖေါက်မိလို့ ရုံးဖွင့်ရက် ဒဏ်ငွေ တစ်သောင်း ဆောင်လာရတဲ့အတွက် စုစုပေါင်း သိန်း ၃၀ ကျော်လာသောကြောင့် မတတ်သာတဲ့အဆုံး ကျန်ရစ်သူ မိသားစုက ရုပ်ကြွင်းကို နေရာရွေ့ဖို့ သဘောတူကြောင်း လက်မှတ်ထိုးပေးခဲ့ပေမဲ့ ရပ်ကွက်သား မွတ်ဆလင်တစ်ချို့က ဘာသာရေးအရ ခွင့်မပြုတဲ့ ကိစ္စဖြစ်ကြောင်း ဝိုင်းဝန်းကန့်ကွက်ကြစဉ် လွှတ်တော်ကိုယ်စားလှယ်များဖြစ်ကြတဲ့ ကော့ကရိတ် ဦးသိန်းညွန့်နဲ့ ဒေါ်ဖြူဖြူသင်းတို့ရောက်လာကြကာ  ဒီကိစ္စကို ခေတ္တ ဆိုင်းငံထားဖို့ အကြံပြုလိုက်ကြတယ်လို့ ကြားသိရပါသည်။

    မြန်မာနိုင်ငံအနောက်ဖက် ရခိုင်ပြည်နယ်က လူမျိုးရေး အပြန်အလှန် အကြမ်းဖက်မှုတွေကလည်း အရှိန်မသေသေးတော့ ဒီလိုသိမ်မွေ့တဲ့ ကိစ္စတွေကို အများလက်ခံအောင် ပြည်ထောင်စု သာသနာပိုင် (ဓမ္မသတ်မှူးချုပ်) တွေခန့်အပ်ပြီး၊ ပွင့်လင်းမြင်သာစွာ ဖြေရှင်းဖို့ ကျွန်ုပ်အနေဖြင့် အကြံရပါသည်။

    မြန်မာ့သမိုင်းမှာလည်း ဘိုးတော်ဘုရားက ရခိုင်ပြည်ကို သိမ်းပိုက်အောင်နိုင်ပြီးနောက် နိုင်ငံတော်တစ်ဝှမ်းရှိ တိုင်းရင်းသား အစ္စလာမ်ဘာသာဝင် (ပသီ) လူမျိုးတို့အတွက် သာသနာရေးရာ ပြဿနာများ ကို ဖြေရှင်းပေးရန် အာဗိဒ်ရှဟ် ဟူစိုင်နီ သခင်ကြီး (အာဗျစ်သ ဟိုသိန္နီ သခင်ကြီး)ကို သာသနာပိုင် (ဓမ္မသတ်မှူးချုပ်) ခန့်အပ်ကြောင်း နိုင်ငံတော် ပြန်တမ်းကို သက္ကရာဇ် ၁၁၆၉ တန်ဆောင်းမုန်း လပြည့်ကျော် ၃ ရက်နေ့တွင် ထုတ်ပြန်ခဲ့ဘူးပါသည်။

    မြန်မာနိုင်ငံသည် ၂၀၀၈ ဖွဲ့စည်းပုံအရ ဗုဒ္ဓဘာသာ၊ အစ္စလာမ်ဘာသာ၊ ခရစ်ယာန်ဘာသာနှင့် နတ်ကိုးကွယ်သည့်ဘာသာတို့ကို လွတ်လပ်စွာကိုးကွယ်ခွင့်ပြုထားသည့်အပြင်၊ သာသနာရေးဝန်ကြီးဌာနမှ တာဝန်ယူ၍ သံဃာ့မဟာ နာယကအဖွဲ့အဆင့်ဆင့်နှင့် သက်ဆိုင်ရာ တိုင်းနှင့် မြို့နယ် သံဃာ့မဟာ နာယက ဥက္ကဌများကို တရားဝင် ခန့်အပ်ံထားပြီးဖြစ်သောကြောင့် ကျန်သက်ဆိုင်ရာ ဘာသာများအလိုက်  ပြည်ထောင်စုအဆင့် သာသနာပိုင် (ဓမ္မသတ်မှူးချုပ်)နှင့် ပြည်နယ်နှင့်တိုင်းဒေသကြီး သနာပိုင်များ ခန့်အပ်ရန် သာသနာရေးဝန်ကြီးနှင့် ညှိနှိုင်းလျှာထားခံရသူများ၏ ကိုယ်ရေးရာဇဝင်နှင့် ထောက်လှမ်းရေး အစီရင်ခံစာများနှင့် တိုက်ဆိုင်စစ်ဆေးမည့်အပြင်၊ သက်ဆိုင်ရာဘာသာဝင်များ၏ မဲဖြင့် ဒီမိုကရေစီနည်းကျစွာရွေးချယ်ပြီး ၂၀၀၈ ဖွဲ့စည်းပုံက ပေးအပ်ထားသော အခွင့်အာဏာကိုကျင့်သုံး၍ သက်ဆိုင်ရာဘာသာအလိုက် ဓမ္မသတ် ကော်မတီများကို ယာယီ စတင်ဖွဲ့စည်းပါမည်။

    ထို့နောက် ပြည်ထောင်စု သာသနာပိုင်များနှင့် ပြည်နယ်နှင့် တိုင်းဒေသကြီး သာသနာပိုင်များတွင် ရှိရမည့် အရည်အချင်း၊ တာဝန်၊ လုပ်ပိုင်ခွင့်၊ ထုတ်ပယ်ခြင်းနှင့် အစားထိုးရွေးချယ် တင်မြှောက်ခြင်း ဥပဒေမူကြမ်းကို လွှတ်တော်သို့တင်သွင်းကာ မဲခွဲအတည်ပြုပါမည်။

    သို့မှသာ မည်သည့်ဘာသာရေး၊ သာသနာရေး ပြဿနာမဆို ပေါ်ပေါက်လာလျှင် ကျွန်ုပ်၏ ဦးနှောက် အစားသက်သာမည်ဖြစ်၏။

    ၂။ မြန်မာနိုင်ငံ ပြည်ထောင်စု သမားတော်ချုပ် (Union Physician General) ခန့်အပ်ရန်   ဥပဒေကြမ်းတင်သွင်းမည်။

    ၂၀၀၈ ဖွဲ့စည်းပုံတွင် ပြည်ထောင်စု တရားသူကြီးချုပ်၊ ပြည်ထောင်စု ရှေ့နေချုပ်နှင့် ပြည်ထောင်စု စာရင်းစစ်ချုပ် ရာထူးများပါဝင်သော်လည်း အရေးကြီးသည့် ပြည်ထောင်စု သမားတော်ချုပ် ရာထူးမှာ ကျန်ရစ်နေပါသည်။

    မြန်မာနိုင်ငံမှ လူချမ်းသာများသည် ထိုင်း၊ စင်္ကာံပူနှင့် မလေးရှား နိုင်ငံများသို့ သွားရောက်ခါ ဆေးကုသမှုခံယူနေကြခြင်းသည် မြန်မာနိုင်ငံ၏ ကျန်းမာရေးစောင့်ရှောက်မှုတွင် အားနည်းချက်များရှိနေပြီး ကမ္ဘာ့အဆင့်ကိုအသာထားလို့ အိမ်နီးချင်း အာရှအဆင့်ကိုပင် မမှီကြောင်း ပြသနေသည့် သက်သေဖြစ်လို့် နေပါသည်။

    မြန်မာနိုင်ငံတဝှမ်းရှိ ဆေးရုံများတွင် အိမ်နီးနားချင်းနိုင်ငံသားများ ယုံကြည်စိတ်ချစွာ လာရောက်၍ဆေးကုသမှု ခံယူလာမည့် အဆင့်အထိ ပန်းတိုင်ထားကာ ကျွန်ုပ် ကြိုးစားပါမည်။

    ကျန်းမာရေးဝန်ကြီးကို ဆေးရုံများအသစ်တည်ဆောက်ခြင်း၊ ပြုပြင်ထိန်းသိမ်းခြင်း၊ မွမ်းမံခြင်း၊ ဆေးပစ္စည်းကရိယာအပြည့်အစုံ ထောက်ပံ့ရေး၊ ကုသရေးနှင့် စီမံခန့်ခွဲရေး၊ ကျန်းမာရေးဝန်ထမ်းများခန့်ထားရေး ရာထူးအပြောင်းအရွေ့များ၊ ကူးစက်ရောဂါများကာကွယ်တားဆီးရေးနှင့် ဆေးသုတေသနလုပ်ငန်းများ  အတွက် တာဝန်ယူစေပါမည်။

    သင့်လျှော်သော ကျန်းမာရေးစောင့်ရှောက်မှုစံနစ် (Health Care System) တစ်ခုရေးဆွဲရန်၊ မြန်မာ့ဆေးပညာ ကမ္ဘာ့အဆင့်မှီ တိုးတက်ရေးအတွက် နိုင်ငံတကာ သင်ရိုးညွန်းတမ်းများနှင့် အမြဲ ညီမျှနေအောင် ရေးဆွဲရေး၊ ဆေးကျောင်းများတွင် သင်ထောက်ကူပစ္စည်းပြည့်စုံရေး၊ သင်ကြားရေးနည်းစနစ် (Teaching Methodology) ပြောင်းလဲရေး၊ International Teacher Exchange Program ရေးဆွဲရေး၊ ကမ္ဘာ့အဆင့်မှီ ဆရာဝန်များထွက်ပေါ်လာစေရေးအတွက် (တကယ်တော့ အခြေခံပညာမှ စတင်ကာ အဆင့်မြှင့်ဖို့လိုပါသည်) သင်ကြားမှု အရည်အသွေးထိန်းသိမ်းခြင်း (Quality Control of Teaching) ၊ ဆရာဝန်နှင့်သူနာပြု များကျွမ်းကျင်မှုမြင့်မားစေရန် (Accreditation) အတွက် စဉ်ဆက်မပြတ် ဆေးပညာသင်ကြားရေး (Continuous Medical Education) လုပ်ငန်းများ၊ ပုဂ္ဂလိကနှင့် အစိုးရဆေးရုံများ၏ ကျန်မာရေး  စောင့်ရှောက်မှု များသည် စံမှီ၊ မမှီ စစ်ဆေးရန် (Quality Control) အတွက် သမားတော်ချုပ်ကို တာဝန်ပေးပါမည်။

    တနည်းအားဖြင့် မြန်မာနိုင်ငံဆေးတက္ကသိုလ်များမှ ဘွဲ့ရသော ဆရာဝန်များကို နိုင်ငံတကာမှ အသိအမှတ်ပြုသည်အထိနှင့် နိုင်ငံတကာ ကျောင်းသားများကိုပါ လက်ခံသင်ကြားပေးနိုင်မည့် ဆေးတက္ကသိုလ်များဖွင့်လှစ်နိုင်ရေး၊ အပူပိုင်းဒေသ ဆေးပညာ (Tropical Medicine) ဘွဲ့လွန်သင်တန်းများ မြန်မာနိုင်ငံတွင် ဖွင့်နိုင်ရေးနှင့် မြန်မာပြည်တွင် အထွေထွေကု ဆေးကောလိပ် (General Practitioner College) ဖွင့်နိုင်သည်အထိ ပြုလုပ်ရန် သမားတော်ချုပ် (Physician General) တွင် တာဝန်ရှိပါမည်။

    ထို့အတွက် မြန်မာနိုင်ငံ ဆရာဝန်အသင်းသားများ အပါအဝင် ဆေးပညာလောကသားများမှ ဒီမိုကရေစီနည်းနှင့်အညီ သမား တော်ချုပ်တစ်ဦး ရွေးချယ် တင်မြှောက်နိုင်ခွင့်ရရန် ပြည်ထောင်စု သမားတော်ချုပ် ဥပဒေမူကြမ်းကို အမြန်ဆုံးရေးဆွဲပြီး ပြည်ထောင်စုလွှတ်တော်သို့ တင်သွင်းမဲခွဲ အတည်ပြုချက်ရယူပါမည်။

    ၃။ ကုလသမဂ္ဂ အထွေထွေညီလာခံ၊ အမေရိကန် သမ္မတ အိုဘားမား၊ တရုတ်အစိုးရနှင့်၊ ကျွန်ုပ် ရင်ဆိုင်တွေ့သော အခါ…….

            အိုဘားမားနှင့် တွေ့ဆုံချိန်တွင်၎င်း၊ ကုလသမဂ္ဂ အထွေထွေညီလာခံတွင်၎င်း မဖြစ်မနေ ပြောရမည့်အချက်မှာ ရိုဟင်ဂျာအရေးကို မည်ကဲ့သို့ဖြေရှင်းမလဲ ဆိုသည့် အချက်ပင်ဖြစ်ကြောင်း ကျွန်ုပ်အနေဖြင့် ကြိုတင် ခန့်မှန်းထားပါသည်။

    ထိုအခါ မြန်မာနိုင်ငံတွင် နောက်ထပ် လူမျိုးရေး၊ ဘာသာရေးအထိကရုံးများ မဖြစ်ပွားစေရန် သက်ဆိုင်ရာ ဘာသာများအလိုက် သာသနာပိုင်များ ခန့်အပ်ထားပြီး သိမ်မွေ့သည့် ဘာသာရေးပြဿနာများကို ပွင့်လင်းမြင်သာစွာ ဖြေရှင်းစေမည့် အစီအစဉ်ကို ပြောပြလိုက်လျှင် အိုဘားမားအစိုးရနှင့် အမေရိကန် လွှတ်တော်နှစ်ရပ် အနေဖြင့် စီးပွားရေးပိတ်ဆို့မှုများကို အမြန်ဆုံးရုပ်သိမ်းပြီး အနာဂတ်တွင် ကျိန်းသေတည်ငြိမ်နေမည့် မြန်မာနိုင်ငံတွင် အမေရိကန်ရင်းနှီးမြှုပ်နှံမှုများကို ဒလဟောခွင့်ပြုမည်ဖြစ်သကဲ့သို့ ကုလသမဂ္ဂအဖွဲ့ဝင်နိုင်ငံများ အနေဖြင့်လည်း ကျေနပ်လိမ့်မည်ဟု ယုံကြည်ပါသည်။

    ယခု တရုတ်ပြည် ခရီးစဉ်မှာတော့ အလားတူ ဝိဂါ မွတ်ဆလင် လူမျိုးစု ပြဿနာနဲ့ ခေါင်းခြောက်နေတဲ့ တရုတ်အစိုးရက ရိုဟင်ဂျာပြဿနာ မေးခွန်းကို စတင်မေးလိမ့်မယ်လို့ မထင်ဘူး။ ကျွန်ုပ်ကသာ ဝီဂါ မွတ်ဆလင် လူမျိုးစု ပြဿနာကို တရုတ်အစိုးရ အနေဖြင့် မည်သို့ကိုင်တွယ်ဖြေရှင်းပုံကို မေးမြန်းပြီး အတွေ့အကြုံရှာရပါမည်။

    ထို့ပြင် အမေရိကန် နိုင်ငံ၏ သမားတော်ချုပ်နှင့် ကျွန်ုပ်၏ ဝန်ကြီးအဖွဲ့ကို တွေ့ဆုံစေပြီး၊ ၄င်း၏ တာဝန်နှင့်လုပ်ပိုင်ခွင့်များကိုလေ့လာခိုင်းပါမည်။

    ၄။ အမေရိကန်ရောက်မြန်မာပြည်သူများနှင့် တွေ့သောအခါ အရင်းအနှီးများ အတွက် ဖိတ်ခေါ်မည်။

            ဗီယက်နမ်နိုင်ငံဘွား အမေရိကန်နိုင်ငံသားများကို ဗီယက်နမ်နိုင်ငံသားနိုင်ငံသား ကဒ်များထုတ်ပေးပြီး ဗီယက်နမ်နိုင်ငံတွင် လာရောက်ရင်းနှီးမြှပ်နှံစေပါသည်။ (ယ္ခင်အခါက ခွင့်မပြုခဲ့သော နိုင်ငံနှစ်ခု၏ နိုင်ငံသားလက်မှတ်များကို ကိုင်ဆောင်ခွင့်ကို ပေးပါသည်။)

    ထိုင်းနိုင်ငံတွင် မည်သူမဆို တရားဝင် (၅)  နှစ်နေထိုင်ပြီး၊ ထိုင်းဘဏ်တွင် ဘတ်ငွေ ၈၀,၀၀၀ (မြန်မာငွေကျပ် ၂၄ သိန်းခန့်) Show Money ပြနိုင်လျင် ထိုင်းနိုင်ငံသား ပေးပါသည်။

    ဖိလစ်ပိုင်နိုင်ငံတွင် မည်သူမဆို စီးပွားရေးလုပ်ငန်း တစ်ခုထူထောင်ပြီး၊ ဖိလစ်ပိုင်နိုင်ငံသား ၂၅ ယောက်ကိုအလုပ်အကိုင် ပေးနိုင်လျှင် ဖိလစ်ပိုင်နိုင်ငံသား ပေးပါသည်။

    အထက်ပါနိုင်ငံများအတိုင်း ပြုလုပ်မည်ဆိုပါက မြန်မာနိုင်ငံတွင်နှစ်ပေါင်းများစွာ တရားဝင်နေထိုင် လာသော်လည်း နိုင်ငံသားအဖြစ် ယနေ့တိုင် အသိအမှတ်ပြုခြင်းမခံသေးသော ရိုဟင်ဂျာကိစ္စကို ထောက်ပြစရာ ဖြစ်လာမည်ကို စိုးရိမ်ပါသည်။

    မြန်မာနိုင်ငံတွင် ၁၉၆၄ ခုနှစ်က    ဗိုလ်ချုပ်ကြီး နေဝင်း ပြည်သူပိုင်သိမ်းသောကြောင့် အရင်းအနှီးများ၊ တန်ဘိုးမဖြတ်နိုင်သော လုပ်ငန်းကျွှမ်းကျင်မှုနှင့် အတွေ့အကြုံများ ပြည်ပသို့ နည်းအမျိုးမျိုးနှင့် ထွက်ခွာသွားကြသည့် အဖြစ်ကိုလည်းသင်ခဏ်းစာယူပါသည်။

    အမေရိကန်ခရီးစဉ်မှာတော့ မြန်မာနိုင်ငံ၏ လက်ငင်းနိုင်ငံရေးခြေအနေများနှင့် ပြုပြင်ပြောင်းလဲရေး လုပ်မည့် အစီအစဉ်များကို တင်ပြပြီး အမေရိကန်ရောက်မြန်မာများအနေဖြင့် မြန်မာနိုင်ငံမှာ လာရောက်ရင်းနှီး မြှပ်နှံရန်နှင့် အရင်းအနှီးများကို အကာအကွယ်ပေးမည့် အကြောင်း ကတိပြုပါမည်။ အကယ်၍ အမေရိကန်နိုင်ငံသားကို စွန့်လွှတ်မည်ဆိုလျှင် အမေရိကန်နိုင်ငံသား မြန်မာများကို မြန်မာနိုင်ငံသား စိစစ်ရေးကဒ် ထုတ်ပေးမည့် အကြောင်းပြောပြပါမည်။

    ကျွန်ုပ်အတွက် ချောင်ပိတ်မိနိုင်သော မေးခွန်းတစ်ခုရှိ၏။ နိုင်ငံတကာရောက် မြန်မာပြည်ဘွား ရိုဟင်ဂျာများကို မြန်မာနိုင်ငံတွင် လာရောက် ရင်းနှီးမြှပ်နှံစေ၍ နိုင်ငံသား အခွင့်အရေးပေးမည်လား ဆိုသည့် မေးခွန်းပင်ဖြစ်သည်။ ဝနှင့် ကိုးကန့်တရုတ်လူမျိုးများကို နိုင်ငံသားအခွင့်အရေးသာမက ရင်းနှီးမြှပ်နှံခွင့်နှင့် ကိုယ်ပိုင်အုပ်ချုပ်ရေး ပေးထားသည်ကိုလည်း နှိုင်းယှဉ်ပြီး ထောက်ပြနိုင်သည်။ ဒီမေးခွန်းများ အတွက် ကျွန်ုပ် အဖြေကောင်းကောင်း တစ်ခုကိုရှာ ထားရပါမည်။

    ထို့အပြင် ပြည်ထောင်စု သမားတော်ချုပ်နှင့် ပြည်ထောင်စုသာသနာပိုင်များ ခန့်ထားမည့်ကိစ္စကို အမေရိကန်ရောက်မြန် မာပြည်သူများကို တင်ပြပြီး၊ သူတို့၏ အသံကိုနားထောင်ပြီး အကြံဥာဏ်ကို ရယူပါမည်။

    Disclaimer

           ကျွန်ုပ်သည် တည်ဆဲ ၂၀၀၈ ဖွဲ့စည်းပုံ အခြေခံ ဥပဒေနှင့် ရွေးကောက်ပွဲ ကော်မရှင် ဥပဒေအရ ရပ်ကွက် အုပ်ချုပ်ရေးမှူး အဖြစ်ပင် ဆောင်ရွက်ပိုင်ခွင့် မရှိသော၊ မြန်မာစစ်စစ် မိခင်မှ မြန်မာ့မြေပေါ်တွင် မွေးဖွားသည့် မဲပေးခွင့် သာရပြီး ရွေးကောက်ခံပိုင်ခွင့် မရှိသော်လည်း မြန်မာနိုင်ငံ စစ်မှုထမ်းမှုဥပဒေအရ စစ်မှုထမ်းရန် တာဝန်ရှိသော မြန်မာနိုင်ငံသား တစ်ဦးသာ ဖြစ်ပါသည်။

     

    ကျွန်တော်သာ မြန်မာနိုင်ငံ၏ သမ္မတ ဖြစ်မည်ဆိုလျှင် (၁) ဖတ်ရန်။

  • ကျွန်တော်သာ မြန်မာနိုင်ငံ၏ သမ္မတ ဖြစ်မည်ဆိုလျှင် (၁)

    ကျွန်တော်သာ မြန်မာနိုင်ငံ၏ သမ္မတ ဖြစ်မည်ဆိုလျှင် (၁)

    စက်တင်ဘာ၊ ၇ ၊ ၂၀၁၂

    M-Media

    Dr.Aung Maw

    ၁။ အပြန်အလှန် ထိန်းကျောင်းမှု ရှိနေသော ဒီမိုကရေစီ အခွင့်အရေးများ၊

    မဆလ နောက်ဆုံး သမ္မတ ဒေါက်တာမောင်မောင် ရေးသားသော စာအုပ်တွင် ဒီမိုကရေစီ အခွင့် အရေးများ ဖြစ်သော လွတ်လပ်စွာ ဟောပြောစည်းရုံးခွင့်နှင့် လွတ်လပ်စွာ ရေးသားမှုတို့သည် အခြား ဒီမိုကရေစီ အခွင့်အရေးတစ်ခု ဖြစ်သော လွတ်လပ်စွာ ကိုးကွယ်ခွင့်ဟူသောဘောင်ကို မကျော်ရပါဟု ဥပမာ ပေးကာ ရေးသားထားပါသည်။

    ဥပမာ။ ။ အင်ဒိုနီးရှား နိုင်ငံရှိ ဟိန္ဒူဘုရားကျောင်းရှေ့ နွားခေါင်းပြတ်တစ်ခု ချထားကာ ဆန္ဒပြခဲ့သော အစ္စလာမ် အစွန်းရောက်များကို အစိုးရက ထောင်ဒဏ် အပြစ်ပေးခဲ့ဘူးပါသည်။

    ထို့အတူ ဒီမိုကရေစီ စနစ်ကျင့်သုံးသော နိုင်ငံတစ်ခုတွင် ဘာသာတစ်ခု၏ လွတ်လပ်စွာ ကိုးကွယ်ခွင့်သည် အခြားဘာသာတစ်ခု၏ လွတ်လပ်စွာ ကိုးကွယ်ခွင့်ကို မထိပါးစေသင့်ပါ။ အပြန်အလှန် လေးစားကြရပါမည်။

    ယခုအခါ ရိုဟင်ဂျာနှင့် ပတ်သက်၍ သမ္မတကြီး၏ ရပ်တည်ချက်ကို ထောက်ခံပွဲဟု အကြောင်းပြကာ လွတ်လပ်စွာ ကိုးကွယ်ခွင့်ဟူသော ဒီမိုကရေစီ အခွင့်အရေးများ သာမက ၂၀၀၈ ဖွဲ့စည်းပုံ အခန်း (၈) ပါ နိုင်ငံသားများ၏ မူလအခွင့်အရေးများ ပုဒ်မ ၃၄၇၊ ၃၄၈၊ ၃၅၃၊ ၃၅၅၃၆၂၊ ၃၆၃ နှင့် ပုဒ်မ ၃၆၄ ကို ချိုးဖေါက်ကာ ဟောပြော စည်းရုံးမှုများ မန္တလေးမြို့တွင် ပြုလုပ်ခဲ့ပါသည်။

    ထို့ကြောင့် ဒီမိုကရေစီနိုင်ငံ တစ်ခု၏ သမ္မတ တစ်ဦးအနေဖြင့် ကျွန်ုပ်သည် ဒီမိုကရေစီ အခွင့်အရေး (Democracy Rights) များ အချင်းချင်း အပြန်အလှန် ထိန်းကျောင်းနေမှုများနှင့် ဒီမိုကရေစီစံနစ်၏ ဆောင်ရန်၊ ရှောင်ရန် (Dos & Don’ts) များကို နိုင်ငံရေးပါတီများ နှင့် အများပြည်သူအား မီဒီယာများမှ တဆင့် ပညာပေး ဟောပြော စည်းရုံးပါမည်။ ဒီမိုကရေစီ အခွင့်အရေးများကို ဥပဒေနှင့်အညီ စနစ်တကျ ပြုမူတတ်အောင် လေ့ကျင့် ပျိုးထောင်ပေးပါမည်။

    သို့သော် ဆက်လက်၍ ဥပဒေကို ချိုးဖေါက်နေပါက စံပြ ပညာပေးအဖြစ် ကျူးလွန်သူများကို ရုံးတင် တရားဆွဲဆို၊ အပြစ်ဒဏ်ချမှတ်ပြီးနောက် သမ္မတ၏ အခွင့်အာဏာကို ကျင့်သုံးကာ ပထမနှင့် နောက်ဆုံး လွတ်ငြိမ်းချမ်းသာခွင့် ပေးလိုက်ပါမည်။

    ၂။ ဖွဲ့စည်းပုံအခြေခံ ဥပဒေ ပြင်ဆင်ခြင်း (အခန်း ၁၂) နှင့် ကျွန်ုပ်၏ အမြင်

    (က) လိုအပ်ပါက အစိုးရအနေဖြင့် လက်ရှိစီမံခန့်ခွဲမှုကို အဟန့်အတားဖြစ်နေသော ဖွဲ့စည်းပုံ အခြေခံဥပဒေတစ်ခု (သို့မဟုတ်) အချို့ကို ပြောင်းလဲရေးဆွဲရန် အဆိုကို ပြည်ထောင်စု လွတ်တော်သို့ တိုက်ရိုက် တင်သွင်းပြီး မဲခွဲခွင့်ရရန်နှင့် အစိုးရအဖွဲ့မှ အရေးပေါ်လိုအပ်နေသော ဖွဲ့စည်းပုံဆိုင်ရာ ဥပဒေမူကြမ်းများကို ပြည်ထောင်စု လွတ်တော်သို့ တိုက်ရိုက် တင်သွင်းပြီး မဲခွဲ၊ အတည်ပြု ခွင့်ရရန် ကြိုးစားပါမည်။ တစ်နည်းအားဖြင့် အစိုးရ၏ တာဝန်နှင့် လုပ်ပိုင်ခွင့်ကို တိုးချဲ့ရပါမည်။

    ဥပမာ။ ။ လွှတ်တော်ကိုယ်စားလှယ် ၂၀% ၏ ထောက်ခံချက်မလိုဘဲ ဖွဲ့စည်းပုံအခြေခံ ဥပဒေ ပြင်ဆင်ရန် အချက်အလက်များ (သို့မဟုတ်) ဖွဲ့စည်းပုံ ဥပဒေမူကြမ်းများကို အစိုးတစ်ရပ်မှ ပြည်ထောင်စု လွှတ်တော်သို့ တိုက်ရိုက် တင်သွင်းပြီး မဲခွဲ အတည်ပြု ခွင့်ရရန် ကြိုးစားပါမည်။

    (ခ) တိုင်းဒေသကြီးနှင့် ပြည်နယ်အစိုးရအဖွဲ့တွင် လူများစုကိုယ်စားလှယ်မှ ဝန်ကြီးချုပ်ဖြစ်လျှင် အပြန်အလှန်ထိန်းကျောင်း (Counter check & balance) နိုင်ရန် လူနည်းစုကို်ယ်စားလှယ် သို့မဟုတ် လူဦးရေ အချိုးအစားအရ လူနည်းစု အရပ်သား ရပ်မိရပ်ဖ အချို့ကို အစိုးရ အဖွဲ့ဝင် ဝန်ကြီးအဖြစ် မဖြစ်မနေ ထဲ့သွင်းနိုင်အောင် ဖွဲ့စည်းပုံကို ပြင်ဆင်ရန် ကြိုးစားပါမည်။

    ဥပမာ။ ။ ရခိုင်လူမျိုး ဦးလှမောင်တင် ဝန်ကြီးချုပ်လုပ်သော ရခိုင်ပြည်နယ်အစိုးရအဖွဲ့တွင် ၂၀၀၈ ဖွဲ့စည်းပုံအရ ဘင်္ဂါံလီ မွတ်ဆလင် ရပ်မိရပ်ဖ တစ်ဦးစ နှစ်ဦးစ ဝန်ကြီးအဖြစ် ပါဝင်မည်ဆိုလျှင် ယ္ခုလို အရုပ်ဆိုးအကြည်းတန်မှုများ လှပသော ရခိုင်ပြည်နယ်တွင် နောက်ထပ် ဖြစ်ရန်အကြောင်းမရှိပါ။

    ၃။ တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ၏ တိုက်တွန်းမူကို မျှော်လင့်ပါသည်၊

    ဒီမိုကရေစီနိုင်ငံများမှ ခေါင်းဆောင်များသည် လူနည်းစုအခွင့်အရေးများကို ကာကွယ်ခြင်း၊ တောင်းဆိုပေးခြင်းများ ပြုလုပ်ပါက ရွေးကောက်ပွဲများတွင် လူများစု၏ ထောက်ခံမဲများ ဆုံးရှုံးမှာကို တွေးပြီး ပူလေ့ ရှိကြပါသည်။

    ထို့ကြောင့် မန္တလေးဆန္ဒုပြပွဲများတွင် မြန်မာပြည်မှအစ္စလာမ်ဘာသာဝင်များကို နှင်ထုတ်ရန် ဟောပြော နေခြင်းသည် ဒီမိုကရေစီ အခွင့်အရေးများသာမက ၂၀၀၈ ဖွဲ့စည်းပုံကိုပါ ချိုးဖေါက်ခြင်းဖြစ်၍ တရားဥပဒေ စိုးမိုးမှုကို ထိခိုက်ရန် အကြောင်းရှိပါသဖြင့် သမ္မတကြီး အနေဖြင့် အမြန်ဆုံး ဟန့်တား၊ အရေးယူသင့်ကြောင်း တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ၏ ထုတ်ပြန်ကြေငြာချက်ကို ကျွန်ုပ် သမ္မတကြီး အနေဖြင့် လိုလားစွာ မျှော်လင့် တောင်းတ နေပါသည်။

    References

    ၂၀၀၈ ဖွဲ့စည်းပုံ၊ နိုင်ငံသားများ၏ မူလ အခွင့်အရေး ပုဒ်မ (၃၅၅)

    နိုင်ငံသားတိုင်းသည် ပြည်ထောင်စုသမ္မတမြန်မာနိုင်ငံတော် အတွင်း မည်သည့်အရပ်ဒေသ၌မဆို ဥပဒေနှင့်အညီ အခြေစိုက်နေထိုင်ခွင့်ရှိသည်။

    ၂၀၀၈ ဖွဲ့စည်းပုံ၊ နိုင်ငံသားများ၏ မူလ အခွင့်အရေး ပုဒ်မ (၃၆၂)

    နိုင်ငံတော်သည် ခရစ်ယာန်၊ အစ္စလာမ်၊ ဟိန္ဒူနှင့် နတ်ကိုးကွယ်သော ဘာသာတို့ကို ဤဖွဲ့စည်းပုံ အာဏာတည်သောနေ့၌ နိုင်ငံတော်တွင်ရှိနေကြသော ကိုးကွယ်ရာဘာသာများဟူ၍ အသိအမှတ်ပြုသည်။

    ၂၀၀၈ ဖွဲ့စည်းပုံ၊ နိုင်ငံသားများ၏ မူလ အခွင့်အရေး ပုဒ်မ (၃၆၄)

    နိုင်ငံရေးကိစ္စအလို့ငှာ ဘာသာ၊ သာသနာကို အလွဲသုံးစားမပြုရ။ ထို့အပြင် လူမျိုးရေးကြောင့် လည်းကောင်း၊ ဘာသာရေးကြောင့်လည်းကောင်း၊ တစ်ဖက်နှင့် တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန် ကြောင်းရှိသော အပြုအမူသည် ဤဖွဲ့စည်းပုံအခြေခံဥပဒေနှင့် ဆန့်ကျင်သည်။ ထိုအပြုအမူမျိုးအတွက် ပြစ်ဒဏ် ပေးနိုင်ရန် ဥပဒေ ပြဌာန်းနိုင်သည်။

    Disclaimer

    ကျွန်ုပ်သည် တည်ဆဲ ၂၀၀၈ ဖွဲ့စည်းပုံ အခြေခံ ဥပဒေနှင့် ရွေးကောက်ပွဲ ကော်မရှင် ဥပဒေအရ ရပ်ကွက် အုပ်ချုပ်ရေးမှူး အဖြစ်ပင် ဆောင်ရွက်ပိုင်ခွင့် မရှိသော၊ မြန်မာစစ်စစ် မိခင်မှ မြန်မာ့မြေပေါ်တွင် မွေးဖွားသည့် မဲပေးခွင့် သာရပြီး ရွေးကောက်ခံပိုင်ခွင့် မရှိသော်လည်း မြန်မာနိုင်ငံ စစ်မှုထမ်းမှုဥပဒေအရ စစ်မှုထမ်းရန် တာဝန်ရှိသော မြန်မာနိုင်ငံသား တစ်ဦးသာ ဖြစ်ပါသည်။

     

    ကျွန်တော်သာ မြန်မာနိုင်ငံ၏ သမ္မတဖြစ်မည်ဆိုလျှင် (၂) ဖတ်ရန်။