News @ M-Media

Tag: CrimeaMuslim

  • ဆိုဗီယက်က တာတာမွတ်စလင်များအား ခရိုင်းမီးယားမှ မောင်းထုတ်မှုကို “လူမျိုးတုန်း သတ်ဖြတ်မှု” အဖြစ် ယူကရိန်းသတ်မှတ်

    ဆိုဗီယက်က တာတာမွတ်စလင်များအား ခရိုင်းမီးယားမှ မောင်းထုတ်မှုကို “လူမျိုးတုန်း သတ်ဖြတ်မှု” အဖြစ် ယူကရိန်းသတ်မှတ်

    နိုဝင်ဘာ ၁၃၊ ၂၀၁၅
    M-Media

    tartar

    – ဒုတိယကမ္ဘာစစ်အတွင်းက ခရိုင်းမီးယားကျွန်းဆွယ်ရှိ တာတာမွတ်စလင်များကို ဆိုဗီယက်က မောင်းထုတ်သည့်လုပ်ရပ်အား “လူမျိုးတုန်းသတ်ဖြတ်မှု” အဖြစ် သတ်မှတ်သည့် ဥပဒေတစ်ခုကို ခရိုင်းမီးယား ပါလီမန်က ယမန်နေ့တွင် အတည်ပြုခဲ့သည်ဟု သိရသည်။

    ၁၉၄၄ ခုနှစ်တွင် ဆိုဗီယက်ခေါင်းဆောင် ဂျိုးဆက်ဖ်စတာလင်မှာ ခရိုင်းမီးယားမှ ဌာနေ တာတာမွတ်စလင် ၁၈၀၀၀၀ ကို နာဇီဂျာမနီတပ်ဖွဲ့များနှင့် ပူးပေါင်းသည်ဟု စွပ်စွဲကာ မောင်းထုတ်ရန် အမိန့်ပေးခဲ့သည်။

    လမ်းတွင် အစာရေစာပြတ်လတ်ခြင်းနှင့် ခက်ခဲကြမ်းတမ်းခြင်းတို့ကြောင့် သေဆုံးခြင်းနှင့် ဆိုဗီယက်ပိုင် အလယ်အာရှသို့ရောက်ပြီး လအနည်းငယ်ကြာတွင် သေဆုံးခဲ့သည့် စုစုပေါင်း တာတာမွတ်စလင် အရေအတွက်မှာ ထိုပမာဏ၏ ထက်ဝက်နီးပါးခန့်ရှိသည်ဟု ယူကရိန်းပါလီမန်က ယမန်နေ့တွင်ထုတ်ပြန်သည့် ကြေငြာချက်တွင် ဖော်ပြထားသည်။

    တာတာမွတ်စလင်များကို ၁၉၈၀ ပြည့်နှစ်များတွင် ၎င်းတို့၏ ဌာနေဖြစ်သော ခရိုင်းမီးယားသို့ ပြန်လည် လာရောက်ခွင့် ပေးသော်လည်း ၎င်းတို့၏ ဆုံးရှုံးမှုများအတွက် မည်သည့်နစ်နာကြေးမှ မပေးခဲ့ပေ။ ထို့ပြင် ၎င်းတို့အား ပြန်လည်နေရာချထားမှုတွင်လည်း ၎င်းတို့ မောင်းထုတ်ခံရပြီးနောက် ခရိုင်းမီးယားသို့ ရောက်ရှိလာခဲ့သည့် ရုရှား၊ ယူကရိန်းလူမျိုးများ၏ မကျေနပ်မှုကို တာတာများက ခံစားခဲ့ကြရသည်။

    တာတာခေါင်းဆောင်များကမူ ယူကရိန်းအာဏာပိုင်များမှာ ၎င်းတို့အား အစိုးရအလုပ် လုပ်ကိုင်ခွင့်မှ တားဆီးထားသည်ဟု စွပ်စွဲခဲ့သည်။

    ရုရှားက ကျူးကျော်သိမ်းပိုက်

    ပြီးခဲ့သည့် နှစ်ကုန်ပိုင်းမှစ၍ ယူကရိန်းတွင် ရုရှားလိုလားသူ အစိုးရနှင့် ပြည်သူများအကြား ပဋိပက္ခများ ဖြစ်ပွားခဲ့ပြီးနောက် ဥရောပလိုလားသည့် အစိုးရ တက်လာသည့်အခါ ခရိုင်းမီးယားရှိ ရုရှားလိုလားသူများမှာ ကျွန်းဆွယ်အား ရုရှားပိုင်နက်အတွင်းသို့ သွတ်သွင်းရေး ပြည်သူ့ဆန္ဒ ခံယူခဲ့ပြီး အနိုင်ရရှိခဲ့သည်။ ရုရှားကလည်း ခရိုင်းမီးယားရှိ ၎င်းတို့အား လိုလားသူများကို ထောက်ပံ့ပေးခဲ့ပြီး မတ်လတွင် ကျွန်းဆွယ်အား သိမ်းပိုက်ခဲ့သည်။

    အဆိုပါ ပြည်သူ့ဆန္ဒခံယူပွဲကိုမူ အနောက်နိုင်ငံများက ဝေဖန်ခဲ့ပြီး ရုရှားအပေါ်လည်း ပိတ်ဆို့မှုများ ပြုလုပ်ခဲ့သည်။

    ခရိုင်းမီးယားရှိ တာတာမွတ်စလင်များကမူ ရုရှား၏ ကျူးကျော်သိမ်းပိုက်မှုကို ဆန့်ကျင်ခဲ့ပြီး ထိုကဲ့သို့ ဆန့်ကျင်မှုကြောင့် တာတာတက်ကြွလှုပ်ရှားသူ တစ်ဦးကို ရုရှားလိုလားသူများက မတ်လတွင် ပြန်ပေးဆွဲခဲ့ပြီး နောက်ပိုင်းတွင် နှိပ်စက်ငြှင်းပမ်းခံရသည့် ဒဏ်ရာအပြည့်ဖြင့် အလောင်းကို ပြန်တွေ့ခဲ့သည်။

    ထို့ပြင် ခရိုင်းမီးယားရှိ တာတာမွတ်စလင် တက်ကြွလှုပ်ရှားသူများနှင့် ယူကရိန်းလိုလားသူ တက်ကြွလှုပ်ရှားသူ အများအပြားမှာလည်း ပျောက်ဆုံးခြင်း၊ ပြန်ပေးဆွဲခံရခြင်းများ ရှိခဲ့သည်။ ယခုထက်တိုင် ပြန်တွေ့ခြင်းမရှိသောကြောင့် ဆွေမျိုးများက သေဆုံးပြီဟု မှတ်ယူခဲ့ကြသည်။

    ပြည်သူ့ဆန္ဒခံယူပွဲပြီးနောက် ရုရှားသမ္မတ ဗလာဒီမီရ်ပူတင်နှင့် ၎င်း၏ အစိုးရမှာ တာတာများကို နှစ်သိမ့်ရန် ကြိုးစားခဲ့ပြီး ရုရှား၏ အုပ်ချုပ်မှုအောက်တွင် မျှတစွာ ဆက်ဆံမည်ဟု ပြောကြားခဲ့သည်။

    သို့သော်လည်း မော်စကိုမှ ခန့်အပ်ထားသည့် အာဏာပိုင်များမှာ ခရိုင်းမီးယားရှိ ဗလီဝတ်ကျောင်းတော်များ၊ ဘာသာရေးကျောင်းများနှင့် တာတာမွတ်စလင်များ၏ အိမ်များကို ၀င်ရောက်ရှာဖွေရန် အမိန့်ပေးခဲ့ပြီး ဆိုဗီယက်လက်ထက်က မောင်းထုတ်ခံခဲ့ရသည့် အောက်မေ့ဖွယ်အခမ်းအနား ပြုလုပ်ခြင်းကိုလည်း တားမြစ်ခဲ့သည်။

    ပိုလမ်းမကြီး၏ မြောက်ဖက်စွန်းပိုင်းဖြစ်သော ခရိုင်းမီးယားကျွန်းဆွယ်မှာ မွန်ဂိုဘုရင် ဂျင်ဂျစ်ခန်မင်းဆက် အုပ်ချုပ်သည့်ဒေသ ဖြစ်ခဲ့သည်။ ရက်စက်ကြမ်းကြုတ်မှုကြောင့် ကျော်ကြားသည့် ဂျင်ဂျစ်ခန်မှာ နောက်ပိုင်းတွင် အစ္စလာမ်သို့ ပြောင်းလဲသက်ဝင်ကာ ၎င်း၏ ဆိုးသွမ်းသည့် လုပ်ရပ်များကို စွန့်လွှတ်ခဲ့သည်။

    ၁၇၈၈ ခုနှစ်တွင် ဆီဇာရစ်ရုရှားများမှာ ခရိုင်းမီးယားအား သိမ်းပိုက်ခဲ့ပြီး ထိုနောက်ပိုင်းတွင် ၎င်းတို့၏ ငြှင်းပမ်းနှိပ်စက်မှုများကြောင့် တာတာမွတ်စလင်များမှာ တူရကီသို့ အစုလိုက်အပြုံလိုက် ပြောင်းရွှေ့ခဲ့ရသည်။

    Ref: Aljazeera

  • ခရိုင်းမီးယားတွင် ဗလီဝတ်ကျောင်းတော်တစ်လုံး စတင်ဆောက်လုပ်

    ခရိုင်းမီးယားတွင် ဗလီဝတ်ကျောင်းတော်တစ်လုံး စတင်ဆောက်လုပ်

    စက်တင်ဘာ ၂၆၊ ၂၀၁၅
    M-Media

    mos
    ဆောက်လုပ်မည့် ဗလီဝတ်ကျောင်းတော် ဒီဇိုင်း

    – ရုရှား၏ အုပ်ချုပ်မှုအောက် ရောက်နေသည့် ခရိုင်းမီးယားကျွန်းဆွယ် မြို့တော် ဆင်ဖီရိုပိုလ်တွင် ဗလီဝတ်ကျောင်းတော် တစ်လုံးကို ယမန်နေ့က စတင် အုတ်မြစ်ချ ဆောက်လုပ်ခဲ့သည်ဟု ကျွန်းဆွယ် အုပ်ချုပ်ရေး အကြီးအကဲ ဆာဂျီ အက်စ်ယိုနော့ဗ်က ပြောကြားခဲ့သည်။

    ထိုဗလီဝတ်ကျောင်းတော်ကို အကျယ်အ၀န်း ၂.၇ ဟက်တာရှိသည့် မြေနေရာတွင် ဆောက်လုပ်မည်ဖြစ်ကာ ၄၉ မီတာရှိသည့် မင်နာရတ် ၄ ခု ပါဝင်ဖြစ်သည်။ ထို့ပြင် ၁၈ မီတာအချင်းရှိမည့် အမိုးခုံးတစ်ခုလည်း ထည့်သွင်းမည်ဖြစ်ပြီး တန်ဖိုးရှိ ကျောက်တုံးများဖြင့် ဆင်ယင် ချယ်သသွားရန် ရှိနေသည်။

    ထိုကဲ့သို့ ဆောက်လုပ်မှုကို “ခရိုင်းမီးယားဒေသ တည်ငြိမ်မှု၊ တိုင်းရင်းသားလူမျိုးများအတွင်း ငြိမ်းချမ်းမှုနှင့် ညီညွတ်မှုကို ပြသသည့် ပြယုဂ်တစ်ခုဖြစ်သည်ဟု အက်စ်ယိုနော့ဗ်က ပြောကြားခဲ့သည်။

    “ကျွန်တော်တို့ရဲ့ အဓိက အလုပ်က ဒေသတွင်းမှာရှိတဲ့ ဘာသာရေးနဲ့ ယဉ်ကျေးမှု ဓလေ့ထုံးတမ်းတွေအတွက် လေစားသမှုကို ဆက်လက်ထိန်းသိမ်းဖို့ပါပဲ”

    ခရိုင်းမီးယားဒေသတွင်း အစ္စလာမ်ဘာသာဝင်များမှာ အဆိုပါ ဗလီဝတ်ကျောင်းတော်အတွက် ၁၂ နှစ်ကြာ ဆောက်လုပ်ခွင့် တောင်းခံခဲ့ခြင်းဖြစ်သည်။ ဆောက်လုပ်မှု လုပ်ငန်းများမှာ ရုရှားရူဘယ် ၂ ဘီလီယံ ကုန်ကျမည်ဖြစ်ပြီး ရုရှားနှင့် တူရကီအစိုးရတို့က ရန်ပုံငွေထောက်ပံ့ပေးသည်။ ဆောက်လုပ်ပြီးပါက ၀တ်ပြုသူပေါင်း ၄၀၀၀ ၀န်းကျင် ၀င်ဆန့်နိုင်မည်ဖြစ်သည်။

    အက်စ်ယိုနော့ဗ်ကမူ ထိုဗလီဝတ်ကျောင်းတော်မှာ ဆင်ဖီရိုပိုလ်နှင့် ခရိုင်းမီးယားကျွန်းဆွယ် တစ်ခုလုံးကို ပိုမို လှပသွားစေမည်ဟု ထည့်သွင်းပြောကြားခဲ့သည်။

    ခရိုင်းမီးယားဒေသတွင် အစ္စလာမ်ဘာသာကို သက်ဝင်ယုံကြည်သူ အများစုမှာ ကျွန်းဆွယ်အား ၁၃ ရာစုတွင် ထူထောင်ခဲ့ကြသည့် တူရကီအနွယ်ဝင် တာတာလူမျိုးများ ဖြစ်ကြပြီး ၂၀၀၁ ခုနှစ် သန်းခေါင်စာရင်း ကောက်ယူမှုအရ တာတာလူမျိုးများမှာ ခရိုင်းမီးယားလူဦးရေ၏ ၁၂.၁ ရာခိုင်နှုန်း ရှိသည်။

    Ref: RT, Interfax

  • ခရိုင်းမီးယားမွတ်စလင်များ ဟဂ်ျခရီးစဉ်အတွက် ထွက်ခွာ

    ခရိုင်းမီးယားမွတ်စလင်များ ဟဂ်ျခရီးစဉ်အတွက် ထွက်ခွာ

    စက်တင်ဘာ ၉၊ ၂၀၁၅
    M-Meida

    crimea

    – ယခုနှစ်တွင် ဟဂ်ျဘုရားဖူးခရီး သွားရောက်ရန် ခွဲတမ်း နှစ်ဆရခဲ့သည့် ခရိုင်းမီးယားမွတ်စလင်များမှာ ၎င်းတို့၏ ဘာသာရေးဆိုင်ရာ တာဝန်ကို ထမ်းဆောင်ရန်အတွက် ဆော်ဒီအာရေဗျသို့ ထွက်ခွာသွားပြီဟု သိရသည်။

    “ခရိုင်းမီးယားက ဟဂ်ျခွဲတမ်းဟာ ၃၀၀ ရှိပါတယ်။ ဒါပေမယ့် ခရိုင်းမီးယားမွတ်စလင်တွေရဲ့ အခြေအနေကို ထည့်တွက်ပြီး ၃၂၂ ဦးအထိ တိုးလာပါတယ်။ မနှစ်က စံချိန်ကို ချိုးခဲ့တာဖြစ်ပြီး မနှစ်တုန်းက လူ ၁၅၀ ပဲ သွားခွင့်ရခဲ့ပါတယ်။ ခရိုင်းမီးယားဟာ ယူကရိန်းရဲ့ အစိတ်အပိုင်းဖြစ်နေတုန်းက ကျွန်တော်တို့ဟာ လူ ၁၀၀ ပဲ စေလွှတ်ရပါတယ်” ဟု ခရိုင်းမီးယားဒေသ ဒုတိယ၀န်ကြီးချုပ် ဘဲလ်ဘက်က ပြောကြားခဲ့သည်။

    ရုရှား ဟဂ်ျစေလွှတ်ရေးအဖွဲ့နှင့် ဆော်ဒီအာရေဗျ ဟဂ်ျဝန်ကြီးဌာနတို့အကြား သဘောတူညီချက်တစ်ခုကို လက်မှတ်ရေးထိုးခဲ့ပြီးနောက် ခရိုင်းမီးယား၏ ဟဂ်ျခွဲတမ်း ၂ ဆ ရခဲ့သည့်အတွက် ဘဲလ်ဘက်က ချီးကျူးပြောဆိုခဲ့သည်။

    ခရိုင်းမီးယားဒေသအတွက် အဆိုပါ ဟဂ်ျခွဲတမ်းမှာ ၂၀၁၆ ခုနှစ်တွင် ၄၀၀ သို့မဟုတ် ၆၀၀ အထိ မြင့်တက်သွားမည်ဟု မျှော်လင့်ထားသည်။

    “သဘောတူညီချက်အရ ၂၀၁၆ ခုနှစ်မှာ ခွဲတမ်းဟာ ၄၀၀ ဖြစ်သွားမှာပါ။ မြင့်မြတ်တဲ့နေရာကို သွားချင်ကြတဲ့ ခရိုးမီးယားမွတ်စလင်တွေရဲ့ အခြေအနေကိုကြည့်ပြီး ကျွန်တော်တို့ဟာ ခွဲတမ်း ၆၀၀ လောက်ရဖို့ ရုရှား ဟဂ်ျစေလွှတ်ရေးအဖွဲ့ကို တောင်းဆိုသွားမှာပါ” ဟု ဘဲလ်ဘက်က ပြောကြားခဲ့သည်။

    စက်တင်ဘာ ၇ ရက်၊ တနင်္လာနေ့တွင် ပထမအသုတ်အဖြစ် ခရိုင်းမီးယားမွတ်စလင် ၁၅၅ ဦးမှာ ဆင်ဖီရိုပိုလ်မှ လေယာဉ်ဖြင့် ဆော်ဒီသို့ ထွက်ခွာခဲ့ပြီး၊ အင်္ဂါနေ့တွင် နောက်ဆုံးအသုတ် ၁၇၂ ဦး ထပ်မံ ထွက်ခွာသွားခဲ့သည်။

    ဟဂ်ျပြုခြင်းမှာ အစ္စလာမ်၏ အဓိကမဏ္ဍိုင်ကြီး ၅ ခုမှ ပဉ္စမမြောက် မဏ္ဍိုင်ဖြစ်ပြီး မက္ကာဟ်မြို့သို့ သွားရောက်ရန် တတ်နိုင်သည့် မည်သည့် အစ္စလာမ်ဘာသာဝင်မဆို တစ်သက်လျှင် တစ်ကြိမ် သွားရောက်ဟဂ်ျပြုရန်မှာ မလုပ်မနေရ တာဝန်ဖြစ်သည်။

    Ref: Onislam

  • နေရပ်ကို မစွန့်ခွာရန် ခရိုင်းမီးယားမှ တာတာမွတ်စလင်များကို အစ္စလာမ် ဘာသာရေးခေါင်းဆောင် တိုက်တွန်း

    ဧပြီ ၅၊ ၂၀၁၄
    M-Media

    – ရုရှားပိုင်နက်အတွင်းသို့ သွတ်သွင်းခြင်းခံရပြီးနောက် မတည်မငြိမ်ဖြစ်နေသော်လည်း ခရိုင်းမီးယားဒေသအား စွန့်ခွာသွားခြင်းမပြုရန် တာတာမွတ်စလင်များက အစ္စလာမ်ဘာသာရေး ခေါင်းဆောင် မွဖ်သီ အီမီရာလီ အဘ်လေယဗ်က ပြောကြားခဲ့သည်။

    crimea-tatars-referendum-history-1_77660_990x742

    ပြီးခဲ့သည့် သီတင်းပတ်ကပြုလုပ်ခဲ့သော စည်းဝေးပွဲတွင် ထိုကဲ့သို့ပြောကြားခဲ့ခြင်းဖြစ်ပြီး မတူညီသော နိုင်ငံသားများနှင့် ဘာသာတရားများအတွက် ခရိုင်းမီးယားဒေသအား ကောင်းမွန်သောဒေသတစ်ခုအဖြစ်ပြုလုပ်ရန် မွတ်စလင်များအား တိုက်တွန်းပြောကြားခဲ့သည်။

    ထို့ပြင် ခရိုင်းမီးယားဒေသမှာ ခက်ခဲသောအခြေအနေတွင်ရှိနေသော်လည်း အစ္စလာမ်ဘာသာဝင် တာတာလူမျိုးများ အနေဖြင့် မိမိတို့ မွေးဖွားရာ ထိုဒေသအား စွန်ခွာ မသွားရန်လည်း မွဖ်သီက ဆော်သြခဲ့သည်။

    “အမိမြေက ကျွန်တော်တို့အတွက် ဘယ်လောက်အရေးကြီးတယ်ဆိုတာ ယနေ့ ကျွန်တော်တို့ သဘောပေါက်ခဲ့ပါပြီ။ ဒီမှာ တွေ့ကြုံခံစားနေရတာတွေကို အကြောင်းပြပြီး တာတာ လူမျိုးတွေ နေရပ်ကို စွန့်ခွာသွားဖို့ ခွင့်မပြုပါဘူး။ နက်ဖြန် ဂျပန်တွေ ဒီရောက်လာတယ်ဆိုရင်တောင်မှ ကျွန်တော်တို့ဟာ ဒီမှာပဲ ဆက်ရှိသွားမှာပါ။ အလုပ်တွေကိုလည်း ဆက်လက် လုပ်ဆောင်သွားမှာပါ” ဟု မွဖ်သီက ဆိုသည်။

    မိမိတို့၏ခေါင်းဆောင်နှင့်အတူ ခရိုင်းမီးယားတာတာ လူမျိုးများမှာ ဆက်လက်ရှိနေမည်ဖြစ်ပြီး အခြေချနေတိုင်သူ အားလုံး ကောင်းမွန်မှုအတွက် ဆက်လက်၍ ကြိုးပမ်း အားထုတ် သွားမည်ဟုလည်း ထည့်သွင်းပြောကြားခဲ့သည်။ အဆိုပါ အထူး အစည်းဝေးကို မတ်လ ၂၉ ရက်နေ့တွင် Bakchisaray မြို့၌ ပြုလုပ်ခဲ့ခြင်းဖြစ်သည်။

    အစ္စလာမ်ဘာသာကို သက်ဝင် ယုံကြည်ကြသည့် တာတာလူမျိုးများမှာ ခရိုင်းမီးယားဒေသ လူဦးရေ ၂.၃ သန်း၏ ၁၂ ရာခိုင်နှုန်းရှိသည်။

    Ref: QHA
    ဓါတ်ပုံအညွှန်း- ယူကရိန်း လက်အောက်ခံ ကိုယ်ပိုင်အုပ်ချူပ်ခွင့်ရဒေသ ခရိုင်းမီးယားဒေသကို ရုရှနှင့် ပူးပေါင်းရန် ခရိုင်းမီယား ပါလီမန်တွေ မဲခွဲ ဆုံးဖြတ်စဉ်က ဆန္ဒပြခဲ့ကြသည့် ခရိုင်းမီးယား တာတာများ
    Photograph by Baz Ratner, Reuters

  • ခရိုင်မီးယားက တာတာ မွတ်စလင်တွေ ရုရှ လက်အောက် ခက်ထန်ကြမ်းတမ်းမယ့် ကာလတွေ အတွက် စိုးရိမ် ထိတ်လန့်နေကြ

    M-Media
    မတ်လ ၂၃ ရက်၊ ၂၀၁၄

    ဘာသာပြန်ဆောင်းပါး

    ခရိုင်းမီးယားကို ရုရှတို့မှ ကျူးကျော်ပြီး ၎င်းတို့ပိုင်နက်အဖြစ် အောင်ပွဲခံသောအခါ ပင်လယ်နက်ကျွန်းဆွယ်ရှိ တာတာမွတ်စ်လင်မ်များ သည် ရုရှစိုးမိုးမှုအောက်တွင် မိမိတို့၏ ကိုယ်ပိုင်လက္ခဏာနှင့်လွတ်လပ်မှု ပျောက်ဆုံးသွားမည်ကို စိုးရိမ်သည့်အသံများ ပွင့်အံထွက်လာသည်။

    “ ရုရှရဲ့အစိတ်အပိုင်းတစ်ရပ်အဖြစ် ဘာကြောင့် မဖြစ်စေချင်သလဲဆိုတာ သိကြပါသလား။  ရုရှအစိုးရရဲ့ ခေါင်းပိုင်းမှာ အာဏာရှင်တစ်ဦး တက်ထိုင်နေတာကြောင့် မခန့်မှန်းနိုင်အောင် အပြောင်းအလဲမြန်တတ်လို့ပဲ ဖြစ်ပါတယ် ” ဟူ၍ ခရိုင်းမီးယားနယ်သား ဒေသခံတာတာခေါင်းဆောင် မွတ်စ်သွဖာ အဆ်ွဗာက ရိုက်တာသို့ မတ်လ ၁၈ ရက် အင်္ဂါနေ့တွင် ပြောကြားခဲ့သည်။

    ခရိုင်းမီးယားကို ယူကရိန်းမှ ဖယ်ထုတ်ခြင်းကို လိုလားသော ထောက်ခံမဲ ၉၆ ရာခိုင်နှုန်းရရှိပြီးသည့်နောက် လူထုဆန္ဒခံယူပွဲရလဒ်ကို ခရိုင်းမီးယားရွေးကောက်ပွဲတာဝန်ရှိသူတို့မှ တနင်္လာနေ့အစောပိုင်း၌ အတည်ပြုခဲ့သည်။

    မော်စကိုထောက်ခံသော ခရိုင်းမီးယားပါလီမန်မှ အငြင်းပွားကျွန်းဆွယ်ဒေသအား ရုရှ၏၀င်ရောက်ကျူးကျော်မှုကိုခွင့်ပြုသည့် ဥပဒေတစ်ရပ်ကို ထုတ်ပြန်ခဲ့သည်။ ယင်းအဖွဲ့၏အဆင့်ဆင့်သော ခြေလှမ်းဖြင့် ဆန္ဒခံယူပွဲ ဆောင်ရွက်ခဲ့ခြင်းဖြစ်သည်။

    အင်္ဂါနေ့တွင် ရုရှသမ္မတ ပလာဒီမာ ပူတင်မှ “ ဒီကျွန်းဆွယ်ဒေသဟာ ရုရှရဲ့အစိတ်အပိုင်းအဖြစ် ရှိနေခဲ့ပြီးသားပါ ” ဟုဆိုလျက် ခရိုင်းမီးယားကို ရုရှလက်အောက်သို့ သွတ်သွင်းရေး သဘောတူစာချုပ်အား လက်မှတ်ရေးထိုးလိုက်သည်။

    ခရိုင်းမီးယားသို့ ရုရှကျူးကျော်သိမ်းပိုက်မှုနောက်ဝယ် တာတာမွတ်စ်လင်မ်တို့၏စိုးရိမ်သောကမှာ နှစ်ဆတိုးသွားပါ၏။ ၁၉၉၄ ခုနှစ်က သူတို့ရင်ဆိုင်ခဲ့ရသည့် ဖိနှိပ်မှုနှင့် နယ်နှင်မှုကို ပြန်လည်တွေးမိသည်ဖြစ်၍ လွတ်လပ်မှုပျောက်ဆုံးမှုအရေးအပေါ် စိုးရိမ်ခြင်းအသံများ ထွက်ပေါ်လာကြသည်။

    သစ်တွေ ခြံထဲမှာ စုပုံနေတဲ့ တာတာမွတ်စလင်တစ်ဦး
    သစ်တွေ ခြံထဲမှာ စုပုံနေတဲ့ တာတာမွတ်စလင်တစ်ဦး

    “ ကျွန်တော်တို့ဟာ လွတ်လပ်စွာထုတ်ဖော်ခွင့်ကို ထာဝစဉ်မြတ်နိုးသူများ ဖြစ်ကြတယ်။ တကယ်လို့ သူတို့ (ရုရှ)တွေ ဖိနှိပ်ညှင်းပန်းမှုပြုလာမယ်ဆိုရင် ကျွန်တော်တို့ကတော့ ခုခံတွန်းလှန်ရပါလိမ့်မယ်။ ကျွန်တော်တို့အဖို့ ရွေးချယ်စရာမရှိတော့ ထောင်အပြင် တန်းမရှိတော့ပါဘူး ” ဟု တာတာခေါင်းဆောင် အဆ်ွဗာမှ အတည်ပြုပြောဆိုသည်။

    ခရိုင်းမီးယား၏လူဦးရေ ၂ သန်းအနက် ၁၃ ရာခိုင်နှုန်း(နှစ်သိန်းခွဲကျော်) မှာ တာတာလူမျိုးများ ဖြစ်ကြသည်။

    ၁၉၄၄ ပုံရိပ်
    ========
    ရုရှတို့၏ ခရိုင်းမီးယားကျူးကျော်စီးနင်းမှုက မွတ်စ်လင်မ်များအဖို့  ၁၉၄၄ ခုနှစ်က ဂျိုးဇက် စတာလင်၏ အဓမ္မမောင်း ထုတ်နယ်နှင်ခြင်း ပုံရိပ်များကို ပြန်လည်မြင်ယောင်သွားစေခဲ့သည်။

    “ လူတွေဟာ တကယ့်ကို စိုးရိမ်ပူပန်နေကြပါတယ်။ ကျွန်မမှာ ရင်သွေးတစ်ဦးရှိနေလို့ ကျွန်မကိုယ်တိုင်က ကြောက်ရွံ့နေပါတယ်ရှင်။ ကျွန်မတို့ရဲ့အိမ်ခြေအများအပြားကို စာရင်းမသွင်းထားကြပါဘူး။ ရုရှတွေရဲ့ အဲ့လိုစည်းမျဉ်းများက အင်မတန် တင်းကြပ်လွန်းနေပါတယ် ” ဟု  Belgorsk မြို့ရှိ ဈေးဆိုင်မန်နေဂျာ နီယာရာက ပြောပြပါသည်။

    Belgorsk မြို့က တုန်လှုပ်နေရှာသည့် လူနည်းစုဝင်တို့သည် အဆိုးဆုံးအခြေအနေအတွက် ပြင်ဆင်လျက်ရှိကြသည်။ ရိက္ခာများကို စုဆောင်းသိုလှောင်ခြင်း၊ လက်နက်ကိုင်ဆောင်မထားသော ပတ္တရောင်များမှ နယ်မြေအတွင်း မပြတ်ကင်းလှည့်ခြင်း တို့ကို ဆောင်ရွက်နေသည်။

    တင်းမာမှုမြင့်မားနေပါသော်လည်း တာတာလူမျိုးအများစုမှာ မိမိတို့ဇာတိမြေမှ စွန့်ခွာရန် စိတ်ကူးပင် မရှိကြချေ။

    “ ကျွန်တော်ထင်ပါတယ်။ တာတာ ၉၅ ရာခိုင်နှုန်းက ဘယ်လိုအနေအထားပဲကြုံကြုံ ဒီမှာဘဲ ရှိနေကြပါလိမ့်မယ်။ ဘာဖြစ်လို့လဲဆိုတော့ ခရိုင်းမီးယားဟာ ကျွန်တော်တို့ရဲ့ ဇာတိချက်ကြွေမွေးရပ်မြေ ဖြစ်နေလို့ပါဘဲ။ ဒါကလွဲလို့ ကျွန်တော်တို့ ရွေးချယ်စရာ မရှိပါဘူး ” ဟု အဆ်ွဗာက ဆိုသည်။

    တာတာလူမျိုးတို့သည် ခရိုင်းမီးယားတွင် နေထိုင်လာသည်မှာ ရာစုနှစ်များစွာ ကြာညောင်းပြီဖြစ်၏။ ၎င်းတို့သည် နာဇီများနှင့် ပူးပေါင်းသူများဟု စွပ်စွဲကာ ၁၉၄၄ ခုနှစ်တွင် စတာလင်မှ နယ်နှင်ခဲ့ဖူးသည်။

    လူဦးရေ နှစ်သိန်းကျော် တာတာလူမျိုးအားလုံးတို့မှာ လူမဆန်သောဆက်ဆံမှုအတွင်းမှ မိုင်ထောင်ချီဝေးကွာသည့် ဥဇဘက်ကစ္စတန် နှင့် အခြားဒေသများထံသို့ ပို့ဆောင်ခံခဲ့ရသည်။  လမ်းခုလပ်၌လည်းကောင်း၊ သတ်မှတ်နယ်ပယ်သို့ရောက်ရှိပြီး များမကြာမီ၌လည်းကောင်း လူပေါင်းများစွာ သေကြေပျက်စီးခဲ့ရသည်။

    ဆိုဗီယက်များသည် သူတို့၏အိမ်ရာများကို သိမ်းယူကြသည်။ ဗလီဝတ်ကျောင်းတော်များကို ဖျက်ဆီး၍ ကုန်သိုလှောင်ရုံများ အဖြစ် ပြုလုပ်ကြသည်။ ဗလီတစ်လုံးကိုမူ ဘာသာမဲ့တိတ္ထိပြခန်းအဖြစ် အသွင်ပြောင်းလိုက်ကြသည်။

    ၁၉၈၀ ခုနှစ်များနှောင်းပိုင်း အပြောင်းအလဲကာလမရောက်မချင်း တာတာအများစုမှာ ပြန်လာခွင့် မရခဲ့ချေ။ ၁၉၉၁ ခုနှစ် ဆိုဗီယက်ပြည်ထောင်စုပြိုကွဲ၍ ယူကရိန်းလွတ်လပ်ရေးရပြီးသည့်နောက်မှ တဖွဲဖွဲ ပြန်လည်ပြောင်းရွှေ့ဝင်ရောက်လာကြသည်။

    တာတာတို့ပြန်လည်ဝင်ရောက်လာရာ၌လည်း မူလပိုင်ဆိုင်မှုနှင့်မြေယာများကို ပြန်လည်ရယူခြင်းနှင့်စပ်လျဉ်း၍ ပဋိပက္ခများ ကြိမ်ဖန်များစွာ ကြုံတွေခဲ့ရသည်။ အများစုမှာ ရုရှလူမျိုးတို့၏ ပိုင်ဆိုင်မှုများအဖြစ် အသွင်ပြောင်းသွားခဲ့ခြင်းကြောင့် ဖြစ်ပေသည်။

    တရားဥပဒေစိုးမိုးမှု ကင်းမဲ့သောအနေအထား
    ===============================
    ခရိုင်းမီးယားကို ရုရှမှချုပ်ကိုင်လိုက်မှုကြေငြာပြီးနောက်တစ်နေ့တွင် ပင်လယ်နက်ကျွန်းဆွယ်၏လမ်းမများ၌ ပူုဆွေးမှု နှင့် အားရကျေနပ်မှုမြင်ကွင်းများကို တစ်ပြိုင်နက် ဖြစ်ပေါ်ရောထွေးသွားပါသည်။

    ရာနှင့်ချီသော ပရိသတ်တက်ရောက်ကြသည့် တာတာလူမျိုးရေးလှုပ်ရှားသူတစ်ဦး၏ဈာပနအခမ်းအနားတွင် တရားဥပဒေစိုးမိုးမှုကင်း မဲ့သော အခြေအနေတစ်ရပ် ပွင့်အံကြီးစိုးခဲ့ပါသည်။

    “ လွန်ခဲ့တဲ့အပတ်က Reshat Ametov ပျောက်ကွယ်ခြင်း နဲ့ သတ်ဖြတ်ခံရခြင်းဟာ ခရိုင်းမီးယားနယ်အတွင်း တရားဥပဒေစိုးမိုးမှုကင်းမဲ့နေကြောင်း အလွန်ရှင်းလင်းထင်ရှားစွာ ပုံဖော်ပြသွားပါတယ်။ ခရိုင်းမီးယားအာဏာပိုင်တွေအနေနဲ့ ဒီအမှုအပေါ် စေ့စပ်သေချာစွာ စုံစမ်းစစ်ဆေးပြီး တာဝန်ရှိသူဟာ မည်သူပင်ဖြစ်စေ အရေးယူအပြစ်ပေးဖို့ လိုအပ်ပါတယ် ” ဟု ဥရောပနှင့်ဗဟိုအာရှ လူ့အခွင့်အရေးစောင့်ကြည့်လေ့လာရေးအဖွဲ့ လက်ထောက်ညွှန်ကြားရေးမှူး Rachel Denber မှ ပြောဆိုကြောင်း  OnIslam.net က ဖော်ပြခဲ့သည်။

    တာတာလူမျိုးရေးလှုပ်ရှားသူ Reshat Ametov(၃၉ နှစ်) သည် လွန်ခဲ့သည့်နှစ်ပတ်က ကန့်ကွက်ဆန္ဒပြမှုတစ်ခုအတွင်း စစ်တပ်ပုံဟန် ဂျာ ကင်ဝတ်လူများ၏ တွန်းထုတ်ခံရပြီးနောက် ပျောက်ဆုံးသွားသည်။ သူ၏ရုပ်အလောင်းကို အကြမ်းဖက်ဒဏ်ရာများစွာဖြင့် တနင်္ဂနွေနေ့က တောအုပ်တစ်ခုအနီး ရှာတွေ့ခဲ့ကြသည်။

    ဆောက်လုပ်ရေးလုပ်သားနှင့် ရင်သွေးသုံးဦးဖခင်ဖြစ်သော Reshat Ametov သည် ထင်ရှားသည့် လူမှုလှုပ်ရှားသူတစ်ဦးဖြစ်သည်။ သူသည် ဒေသအာဏာပိုင်များကို ဆန့်ကျင်ဝေဖန်လေ့ရှိပြီး၊ လတ်တစ်လော တစ်ဖက်သတ်ဆန်ဆန် ဆန္ဒခံယူမှုအား ကန့်ကွက်အရေး ဆို သူလည်း ဖြစ်သည်။

    “ ကမ္ဘာစစ်တုန်းက ကျွန်မတို့ရဲ့လွတ်လပ်ရေးအတွက် တိုက်ပွဲဝင်ခဲ့တဲ့ သူ့အဖိုးလိုပဲ သူဟာ အမှန်တရားအတွက် တိုက်ပွဲဝင်ခဲ့သူဖြစ်တယ်။ သူက ဂုဏ်ထူးဆောင်ဘွဲ့နဲ့ ထိုက်တန်သူပါ။ လူယုတ်မာတွေလက်ထဲမှာ မသေသင့်ပါဘူး ” ဟု ၎င်း၏ဈာပနအခမ်းအနားတက်ရောက်လာသော သူ၏အဒေါ်ဖြစ်သူမှ Washington Post သို့ ပြောကြားသည်။
    Reshat Ametov ပျောက်ဆုံးပြီးသတ်ဖြတ်ခံရခြင်းက တာတာတို့အဖို့ ရုရှထိန်းချုပ်မှုအောက်မှ မရေရာသောအနာဂတ်အပေါ် စိုးရိမ်စိတ် ပိုမိုမြင့်မားလာစေသည်။ ထိုဖြစ်ရပ်က လူနည်းစုဝင်မွတ်စ်လင်မ်တို့အပေါ် ဖြိုခွဲခြင်းကို ထင်ရှားနေစေ၍ဖြစ်ပေသည်။

    ခရိုင်းမီးယား၏ မတည်ငြိမ်မှုက ဒေသတွင်း ခုခံကာကွယ်ရေးအင်အားစုများ ပေါ်ထွက်လာအောင် ဦးတည်စေကြောင်း၊ ၎င်းတို့၏တည်ရှိမှုအား အာဏာပိုင်တို့မှ အမြစ်ပြတ်သုတ်သင်ခဲ့သော အနာဟောင်းကို ပြန်ဆွရာရောက်ကြောင်း လူ့အခွင့်အရေးစောင့်ကြည့်လေ့လာမှုအဖွဲ့က ဆိုသည်။

    “ ဘယ်သူဘယ်ဝါမှန်း မသိရဘဲ လက်နက်ကိုင်ပြီး မျက်နှာဖုံးစွပ်ထားသူများက လူတွေကို ရက်သတ္တပတ်များစွာ အနှောင့်အယှက်ပေး ခြောက်လှန့်ခဲ့ကြတယ်။ ဒီလိုစော်ကားမှုကို ရပ်တန့်ဖို့ နဲ့ စုံစမ်းစစ်ဆေးဖို့ ပျက်ကွက်ခြင်း ဟာ စော်ကားသောင်းကျန်းသူတွေကို ရဲဆေးတင်ပေးရာရောက်နေပါတယ် ” ဟု HRW မှ Denber က ပြောကြားသည်။

    ကျွန်းဆွယ်ကို ကျူးကျော်သိမ်းပိုက်မှုသည် လိုရာပန်းတိုင်သို့ရောက်မည်မဟုတ်ပဲ အကြီးစားတုန့်ပြန်မှု ခံစားရလိမ့်မည်ဖြစ်ကြောင်း ခရိုင်းမီးယားမွတ်စ်လင်မ်များက ပူတင်အား သတိပေးစာထုတ်ပြန်ခဲ့သည်။

    Belogorsk ရှိ ခရိုင်းမီးယားတာတာတို့၏ ခေါင်းဆောင် အဆ်ွဗာက “ ငါးနှစ်တာကာလအတွင်း ရုရှမှာ ဒီလိုအဖြစ်မျိုး ပြန်ကြုံရ ပါလိမ့်မယ်။ အကြောင်းရင်းကတော့ သူဟာ ငကြောက်ဖြစ်လို့ပါပဲ။ လွန်ခဲ့တဲ့တစ်နှစ်တုန်းက Viktor Yanukovich ကို ဖယ်ရှားနိုင်သူ မရှိဘူးလို့ ဘယ်သူတစ်ဦးကမှ မထင်မှတ်ထားခဲ့ကြဘူး မဟုတ်လားဗျာ ” ဟု ပြောကြားလိုက်ပါသည်။