ဧပြီ ၁၀၊ ၂၀၁၄
M-Media
– အစ္စလာမ်သာသနာအကြောင်းနှင့် ဥရောပနိုင်ငံများမှ မွတ်စလင်များ၏ ဘ၀နေထိုင်မှုများကို ကျောင်းသူကျောင်းသားများအား သိရှိစေမည့် အခမဲ့သင်ကြားမှုများ ဟောပြောပွဲများပြုလုပ်ရန် ချက်ပညာရေး ၀န်ကြီးဌာနမှ ခွင့်ပြုလိုက်ပြီဟု သိရသည်။
“ကျောင်းသင်ခန်းစာတွေက အစ္စလာမ်သာသနာနဲ့ ပတ်သက်ပြီး လုံလောက်တဲ့ သင်ကြားမှုမျိုး မလုပ်ကြပါဘူး။ ကျောင်းသားတွေက အစ္စလာမ်နဲ့ ပတ်သက်ပြီး ပိုသင်ယူချင်ကြပါတယ်” ဟု အဆိုပါ သင်ကြားရေအစီအစဉ်ကို ပူတွဲဖော်ဆောင်သူ ရှာဒီ ရှန်နာ၏ ပြောကြားမှုကို မြို့တော် ပရက်ဂ်တွင် ထုတ်ဝေသည့် Lidove Noviny(LN) သတင်းစာ က ဧပြီလ ၇ က်နေ့တွင် ဖော်ပြခဲ့သည်။
ထိုသင်ကြားမှု အစီအစဉ်အားပြုလုပ်ရန် Muslims In Czech Schoolchildren’s Eyes အဖွဲ့ စတင်အကြံပေးခဲ့ခြင်းဖြစ်သည်။
အဆိုပါ သင်ကြားမှုများတွင် အစ္စလာမ်ဘာသာဝင်အမျိုးသမီးများ ၀င်ဆင်သည့် ဟိဂျဘ်၊ ဘုရ်ခါတို့အရေးပါပုံများနှင့် မည့်သည့်အကြောင်းကြောင့် အစ္စလာမ်ဘာသာဝင်အမျိုးသမီးများက ထိုအရာများကို ၀တ်ဆင်သည်ဆိုခြင်းကို ရှင်းပြခြင်း၊ ဂျီဟတ်နှင့် ပတ်သက်၍ ကုန်အာန်ကျမ်းတော်မြတ်က မည်ကဲ့သို့ ပြောထားသည်ကို ရှင်းပြခြင်း စသည်တို့ ပါဝင်မည်ဖြစ်သည်။
ထိုအစီအစဉ်အား အမေရိကန်သံရုံးနှင့် အစိုးရချင်းဆက်သွယ်ဆောင်ရွက်သည့် Anna Lindh ဖောင်ဒေးရှင်းတို့က စပွန်စာပေးထားပြီး ပရက်ဂ်မြို့ရှိ ဥရောပမစ်ရှင်နှင် ပရက်ဂ်မြို့ မြူနီစီပယ်စာကြည့်တိုက်တို့ကလည်း ပူးပေါင်းဆောင်ရွက်မည်ဖြစ်သည်။
ဂျီဟတ်ဆိုသည့်စကားလုံးကို အနောက်တိုင်းမီဒီယာများက ဘာသာရေးစစ်ပွဲအဖြစ် မကြာခဏဖော်ပြကြသည်။ မွတ်စလင်ပညာရှင်များကမူ ကုရ်အန်ကျမ်းတော်မြတ်ထဲတွင် ဖော်ပြထားသည့် ဂျီဟတ်၏ အဓိပ္ပါယ်မှာ ကောင်းမှုများဆောင်ရွက်ရန်၊ မတရားမှုများ၊ ဖိနှိပ်မှုများနှင့် လူ့အဖွဲ့အစည်းအတွင်းမှ ဆိုးရွားမှုများအား ဖယ်ရှားရန် ရုန်းကန်ကြိုးစားခြင်းသာဖြစ်သည်ဟု အကြိမ်ကြိမ်ရှင်းလင်းထားပြီးဖြစ်သည်။
ထာဝရဘုရားတစ်ဆူတည်းအခြေပြုသည့် ဘာသာတရားသုံးခုနှင့် ပတ်သက်၍ စာအုပ်များကို ရေးသားသည့် ဗြိတိသျှ နာမည်ကြီးစာရေးဆရာ ကရန် အမ်းစထရောင်းကမူ “ဂျီဟတ်”ဟူသည့် စကားလုံးအား ဘာသာရေးစစ်ပွဲအဖြစ် ဖော်ပြနေမှုများကို ဝေဖန်ခဲ့သည်။
ကျောင်းသားများ၏ တောင်းဆိုမှု
၂၀၁၃ ခုနှစ် စစ်တမ်းကောက်ယူမှုများအရ အစ္စလာမ်သာသနာအကြောင်းကို သင်ကြားရန် ကျောင်းသားများက ပိုမိုစိတ်ဝင်စားသည်ဟု သိခဲ့ရပြီးနောက် ယခုကဲ့သို့ အခမဲ့သင်ကြားမည့် အစီအစဉ်ပေါ်ပေါက်လာရခြင်းဖြစ်သည်။
“ကျောင်းသားအများစုက (အစ္စလာမ်အကြောင်း) သူတို့ပိုသင်ချင်တယ်လို့ ပြောပါတယ်။ ဘာာတရားကို မီဒီယာကနေတစ်ဆင့် အဓိကသိရပြီး၊ အဲဒီမီဒီယာတွေက အစ္စလာမ်ကို မကြာခဏ ဝေဖန်ပြစ်တင်ကြတယ်လို့ သူတို့က ဆိုပါတယ်” ဟု ထိုအစီအစဉ်ဖြစ်မြောက်ရန် ပူးတွဲဖော်ဆောင်သူ အမျိုးသမီး ကလာရာ ပိုပိုဗိုဗာက ပြေကြေားကြောင်း LN သတင်းစာတွင် ဖော်ပြထားသည်။
ပညာရေးဝန်ကြီးဌာနက အဆိုပါအစီအစဉ်ကို ခွင့်ပြုခဲ့သော်လည်း “ချက်နိုင်ငံတွင်အစ္စလာမ်ကိုမလိုလားသူများ” အဖွဲ့၏ ဆန့်ကျင်မှုများကိုလည်း ရင်ဆိုင်နေရသည်ဟု ဆိုသည်။
“ကျောင်းတွေမှာ အစ္စလာမ်ကို သင်ကြားတာတွေ မလုပ်ဖို တောင်းဆိုတာနဲ့အတူ စော်ကားထားတဲ့ အီးမေးလ်း အနည်းငယ်ကို သူတို့က ကျွန်မတို့ဆီပို့ပါတယ်။ ဒါပေမယ့် ကျွန်မတို့ရဲ့ အစီအစဉ်က ၀ါဒဖြန့်တာ မဟုတ်ပါဘူး။ အဓိကရည်ရွယ်ချက်က ဆွေးနွေးမှုတွေဖြစ်လာအောင် လှုံ့ဆော်ဖို့နဲ့ မီဒီယာရဲ့ မှားယွင်းဖော်ပြမှုတွေကို ချေပဖို့ပါပဲ” ဟု ပိုပိုဗိုဗာက ထပ်လောင်းပြောကြားခဲ့သည်။
လူဦးရေ ၁၀ သန်းကျော်ရှိသည့် ချက်နိုင်ငံတွင် အစ္စလာမ့်ဘာသာဝင်ဦးရေမှာ ၁၅၀၀၀ ၀န်းကျင်ခန့်ရှိပြီး၊ ၁၉၉၀ ပြည့်နှစ်များမှစ၍ အစ္စလာမ်ကို လက်ခံခဲ့ကြသည့် သစ်လွင်မွတ်စလင်အရေအတွက်မှာ ၁၅၀၀ မှ ၂၀၀၀ အကြားရှိသည်။
၂၀၀၄ ခုနှစ်မှစ၍ အစ္စလာမ်သာသနာအား ချက်နိုင်ငံ၏ တရားဝင် ဘာသာတရားတစ်ခုအဖြစ် သတ်မှတ်ခဲ့ပြီး ခရစ်ယာန်များ၊ ဂျူးများနည်းသူ ဘာသာရေးလွတ်လပ်ခွင့်များကို အစိုးရက ပေးအပ်ခဲ့သည်။
Ref: OnIslam & Newspapers
