News @ M-Media

Tag: DawWinMyaMya

  • နောက်ကျပေမယ့် ပျောက်မသွားတဲ့ အမှန်တရား

    နောက်ကျပေမယ့် ပျောက်မသွားတဲ့ အမှန်တရား

    ဝင်းနိုင်ဦး

    ”နိုင်ငံရေးသမားကနေ ဝန်ကြီးချုပ် ဖြစ်လာလို့ ပြန်ရတယ်လို့လည်း ပြောလို့ရ တယ်။ နိုင်ငံရေးသမားက ပြည်သူ့အတွက် ပဲ ကြည့်တာ” အံ့သြမှု၊ ဝမ်းသာမှု၊ ပျော်ရွှင်မှု များ၏အငွေ့အသက်က သူ့စကားသံများ တွင် ပါဝင်နေသည်။

    သြဂုတ်လ ၂၁ရက် ညနေ ၄နာရီတွင် ဆိုင်ခန်းအစားထိုးပြန်ပေးကြောင်း မြို့တော် စည်ပင် တာဝန်ရှိသူတစ်ဦးက ဒေါ်ဝင်းမြမြ ထံ ဖုန်းဖြင့် အကြောင်းကြားခဲ့သည့်အတွက် အံ့သြဝမ်းသာမှုများစွာဖြင့် ပျော်ရွှင်နေခဲ့ သည်။

    သူ့နာမည်က ဒေါ်ဝင်းမြမြ။ ယခင် စစ်အစိုးရလက်ထက် ကြမ်းတမ်းတဲ့ခေတ် ကစပြီး နိုင်ငံရေးလုပ်လာသူ။ သူသာမက သူ့မိသားစုဝင် မောင်နှစ်မ ၅ ဦးလုံး နိုင်ငံရေး လုပ်ခဲ့ကြ ခြင်းဖြစ်သည်။

    ထို့ကြောင့်လည်း ဈေးချိုစီရုံ၊ မြေညီ ထပ် အလယ်လမ်းမကြီး၊ ဆိုင်အမှတ် (၉) စန်းရောင်ရှင် အထည်ဆိုင်ကို အကြောင်းပြ ချက်များစွာဖြင့် ဆိုင်ခန်းအသုံးပြုခွင့်ကို ရုပ် သိမ်းလိုက်တယ်ဆိုပြီး စည်ပင်သာယာရေး ကော်မတီ ဈေးနှင့်သားသတ်ဌာနက ၂ဝဝ၇ ခုနှစ်၊ ဇွန် ၁ ရက်နေ့တွင် ၄င်းတို့ထံ စာတစ် စောင် ပေးပို့လာခဲ့သည်။

    ယင်းစာထဲတွင် ”နိုင်ငံတော်အစိုးရ မှ တားမြစ်ထားသော စာရွက်စာတမ်း၊ အလံ များ ထားသိုခြင်း၊ နံရံတွင်ကပ်ထားခြင်းတို့ ပြုလုပ်သည်ကို စစ်ဆေးတွေ့ရှိရသည်။ ဈေး ဆိုင်ခန်းငှားရမ်းအသုံးပြုခြင်း စည်းကမ်းချက် များကို ဦးဘစိုးက လိုက်နာခြင်းမရှိသဖြင့် ဆိုင်ခန်းအသုံးပြုခွင့်ကို ရုပ်သိမ်းလိုက်သည်”ဟု ဖော်ပြထားခဲ့သည်။

    စန်းရောင်ရှင် အထည်ဆိုင်ပိုင်ရှင် ဦးဘစိုးသည် ဒေါ်ဝင်းမြမြ၏ အစ်ကိုဖြစ် သည်။

    ဒေါ်ဝင်းမြမြတို့ မောင်နှမများသည် ၁၉၈၈ ခုနှစ် အမျိုးသားဒီမိုကရေစီအဖွဲ့ချုပ်ပါတီ မှ လျှောက်လွှာများ စတင်ဝေချိန် တွင် မောင်နှမ ၅ ဦးလုံး တစ်ပတ်အတွင်း ပါတီဝင်များ ဖြစ်ခဲ့ကြသည်။ ထိုအချိန်မှ စတင်ကာ ကြမ်းတမ်းရက်စက်သော စစ်အစိုး ရ၏ဖိနှိပ်မှုများကို သူတို့မိသားစု လှိမ့်နေ အောင် ခံခဲ့ကြရသည်ဟု ဒေါ်ဝင်းမြမြက ပြော သည်။ ၄င်းတို့ မိသားစုကို အကြိမ်ကြိမ် ဖိနှိပ် ခဲ့ခြင်းတွင် ယခုအကြိမ်မှာ အပြင်းထန်ဆုံး ပင် ဖြစ်လေသည်။

    ၁၉၈၈ ခုနှစ် စက်တင်ဘာလတွင် စစ်အုပ်ချုပ်ရေးကို အလိုမရှိသည့်အတွက် ဒေါ်ဝင်းမြမြ၏ အစ်ကိုဖြစ်သူက နိုင်ငံတော် အလံကို ဇောက်ထိုးထားခဲ့သည်။ ဒါကြောင့် လည်း အစ်ကိုကြီးမှာ အဖမ်းခံခဲ့ရသည်။ သို့ သော် သူတို့၏ နိုင်ငံရေးလမ်းကြောင်းသည် မှေးမှိန်မသွားခဲ့၊ ဆက်လက်လျှောက်လှမ်းမြဲ ပင်။

    အကြောင်းအမျိုးမျိုးဖြင့် မိသားစု ဝင်များမှာ အကြိမ်ကြိမ် ဖမ်းဆီးထိန်းသိမ်းခံ ခဲ့ရပြီး ထောင်နန်းစံခဲ့ကြရသည်။ ၁၉၉၉ ခုနှစ် အထိ တပ်မတော်ဧည့်ရိပ်သာများတွင် တစ် လ၊ နှစ်လခန့် ခေါ်ယူထိန်းသိန်းမှုများ အကြိမ် ကြိမ်ခံခဲ့ရပြီး ၁၉၉၉ နောက်ပိုင်းတွင် အကျဉ်း ထောင်များတွင် ခေါ်ယူထိန်းသိမ်းခံခဲ့ရခြင်း ဖြစ်သည်။

    အမျိုးသားနိုင်ငံရေးကိုသာ တစိုက် မတ်မတ် လုပ်ဆောင်လာခဲ့တဲ့ ဒေါ်ဝင်းမြမြ အပါအဝင် မောင်နှမများသည် အကျဉ်း ထောင်မှ ပြန်လည် လွတ်မြောက်လာချိန်တွင် လည်း နိုင်ငံရေးကို ဆက်လက်လုပ်ဆောင်ခဲ့ ကြသဖြင့် ဈေးအတွင်း မည်သည့်နေရာတွင် မှ ဆိုင်ခန်းဝယ်ထွက်ခွင့်၊ ဆိုင်ခန်းငှားထွက် ခွင့်မပြုနိုင်အောင် အဆုံးတိုင်ထိ ဖိနှိပ်ခဲ့ ကြသည်။

    ”အိမ်မှာလာပြီး စာရွက်အလွတ်ကို လက်မှတ်ထိုးခိုင်းတယ်။ မိသားစုတစ်ခုလုံး ရဲ့ဘဝနဲ့ သက်ဆိုင်နေပါတယ်။ စဉ်းစားပေး ပါဆိုတာကို မရဘူး။ မထိုးရင် အခြားနည်း သုံးမယ်ပြောတယ် ”ဟု ဒေါ်ဝင်းမြမြက ပြော သည်။

    ဈေးချိုမှ ဈေးဆိုင်ခန်းသိမ်းပြီး နောက် ပိုင်းတွင်လည်း နေအိမ်တွင် အထည်ရောင်းချ ခြင်း မရှိစေရန် စည်ပင်ဝန်ထမ်းများက ရပ် ကွက်အတွင်း လာရောက် စုံစမ်းခဲ့သည်။ နေ အိမ်အတွင်းလည်း ဝင်ရောက် ရှာဖွေစစ်ဆေး ခဲ့သည်။

    ”ဘေးကတိုက်မှာ အသံဖမ်းစက်ကို တွဲလောင်းလေး လာချထားကြတယ်။ ဘဘ ဦးအောင်ရွှေ (ဥက္ကဋ္ဌ) က ဗိုလ်ချုပ်မှူး ကြီးသန်းရွှေဆီ စာရေးပြီး မလုပ်ပါနဲ့ဆိုပြီး ပြောရတယ်။ ဆိုင်ခန်းလည်း ပြန်ပေးပါပြော တယ်။ မရခဲ့ဘူး”ဟု ဒေါ်ဝင်းမြမြက ပြော သည်။ သိမ်းထားသော ဈေးဆိုင်ခန်းကိုလည်း အမြဲစောင့်ကြည့်နေသူများရှိပြီး ဓာတ်ပုံရိုက် မှတ်တမ်းယူကာ သတင်းပေးပို့သူများလည်း ရှိခဲ့သည်။

    ဆိုင်ခန်းသိမ်းဆည်းပြီးနောက် သုံး လအကြာ စက်တင်ဘာလတွင် ဒေါ်ဝင်းမြမြ အား အမေရိကန်သံအမတ်နှင့်တွေ့ဆုံကာ နိုင်ငံရေးအခြေအနေများ ပြောကြားခဲ့သော ကြောင့် ဖမ်းဆီးခံခဲ့ရသည်။

    ပြန်လည်လွတ်မြောက်လာသော အခါ မိသားစုစားဝတ်နေရေးအတွက် ဆိုင် ဖွင့်မရောင်းချနိုင်တော့ဘဲ မန္တလေးမြို့အနီး အနားရှိ မြို့လေးများသို့ သွားရောက်ကာ အထည်ဆိုင်များနှင့် ချိတ်ဆက်ရောင်းချခဲ့ ရသည်မှာ ယနေ့အထိ ဖြစ်လေသည်။

    ဆိုင်ခန်း အသိမ်းခံရပြီးချိန်မှ စတင် ကာ ၂ဝ၁၅ခုနှစ် ရွေးကောက်ပွဲမှ အရပ်သား အစိုးရမဖြစ်ခင်အထိ စည်ပင်သို့တစ်လ တစ် ကြိမ်စာတင်ခဲ့သော်လည်း ဆိုင်ခန်းကို ပြန် လည်မရရှိခဲ့။

    ၂ဝ၁၅ ခုနှစ် ရွေးကောက်ပွဲကြီး မှ အရပ်သားအစိုးရ တက်လာချိန်တွင် နိုင်ငံတော်သမ္မတ ဦးထင်ကျော်နှင့် မန္တလေး တိုင်းဒေသကြီးအစိုးရအဖွဲ့ ဝန်ကြီးချုပ် ဒေါက်တာ ဇော်မြင့်မောင်တို့ထံ ထပ်မံတင် ပြရာ ဈေးချိုမှ စန်းရောင်ရှင်အထည်ဆိုင်ခန်း လေးကို မန်းမြန်မာပလာဇာတွင် အစားပြန် လည်ရရှိတော့မည် ဖြစ်သည်။

    ဝန်ကြီးချုပ် ဒေါက်တာဇော်မြင့် မောင်က နိုင်ငံရေးလုပ်ကိုင်သောကြောင့် အသိမ်းခံခဲ့ရသော စန်းရောင်ရှင်အထည်ဆိုင် ခန်းအမှုကို ဈေးအကျိုးတော်ဆောင်များ လက်ရှိဆိုင်ခန်းပိုင်ရှင်များ ယခင်စည်ပင် ဝန် ထမ်းဟောင်းနှင့် ယခုစည်ပင်ဝန်ထမ်းများ လွှတ်တော်ကိုယ်စားလှယ်များဖြင့် ကော်မတီ ရှင်ဖွဲ့ကာ စစ်ဆေးစေခဲ့သည်။

    ကော်မရှင်၏စစ်ဆေးချက်အရ နိုင်ငံရေးလုပ်ကိုင်သောကြောင့် ဖိနှိပ်ရန် သိမ်းဆည်းခဲ့ခြင်း ဖြစ်ကြောင်း ပေါ်ပေါက် ခဲ့သည်။

    ”ရွေးကောက်ပွဲမတိုင်ခင် ဆိုင်ခန်း သိမ်းတာက ဒီမိသားစု စီးပွားရေးမပြေလည် ရင် နိုင်ငံရေးမလုပ်နိုင်ဘူးဆိုပြီး သိမ်းခဲ့တာ”ဟု ဒေါ်ဝင်းမြမြက ပြောသည်။

    ယခုအခါတွင် စန်းရောင်ရှင်အထည် ဆိုင်၏မူလဆိုင်ခန်းနေရာမှာ လေလံတင် ရောင်းချထားပြီးသောကြောင့် တခြားနေရာ တစ်ခုဖြစ်သည့် မန်းမြန်မာပလာဇာ အောက် ထပ် ဆိုင်ခန်းနံပါတ်ြ၁၇ကို ပြန်လည်အစား ထိုးပေးအပ်ခြင်း ဖြစ်သည်။

    ဒေါ်ဝင်းမြမြသည် ၁၉၈၈ခုနှစ်မှ စတင်ကာ အမျိုးသားဒီမိုကရေစီအဖွဲ့ချုပ် မန္တလေးမြို့ အရှေ့မြောက်မြို့နယ် ဘဏ္ဍာရေးမှူး တာဝန်ထမ်းဆောင်ခဲ့ပြီး ၁၉၉၆ခုနှစ်တွင် မန္တလေးတိုင်းဒေသကြီး စည်းရုံးရေးကော်မတီ (ယာယီ) အဖွဲ့ဝင် တာဝန်ထမ်းဆောင်ခဲ့ကာ လက်ရှိတွင် မန္တလေးတိုင်းဒေသကြီးအမျိုးသား ဒီမိုကရေစီအဖွဲ့ချုပ်တွင် ဒုတိယဥက္ကဋ္ဌအဖြစ် တာဝန်ယူထားကြောင်း သိရသည်။

    အခြားသိမ်းဆည်းခံနေရသူများ အနေဖြင့်လည်း အစိုးရထံ မှန်ကန်သောလမ်း ကြောင်းဖြင့် ချဉ်းကပ်တွေ့ဆုံပြီး မှန်ကန်စွာ တင်ပြပါက ပြန်လည်ရရှိရန် တိုင်းဒေသကြီး အစိုးရက ဆောင်ရွက်ပေးနေသည်ဟုလည်း ဆိုသည်။

    ယခင်အစိုးရအဆက်ဆက်တွင် နိုင်ငံရေးလုပ်ကိုင်နေသူများသာမက ပြည်သူ များထံကလည်း လယ်ယာမြေများ ခြံဝိုင်းများ နေအိမ်အဆောက်အဦးများ သိမ်းယူမှုများ ရှိခဲ့ပြီး ယခုအစိုးရက သိမ်းဆည်းခံထားရမှု များကို အဓိက ဖြေရှင်းလျက်ရှိသည်။

    အမှန်တရားပေါ်ပေါက်လာဖို့ အ နည်းငယ် နောက်ကျနေတတ်သည်။ သို့သော် လည်း ယင်းအမှန်တရားသည် ပျောက်ကွယ် သွားခြင်းမရှိသည်မှာ ဒေါ်ဝင်းမြမြတို့၏ ဖြစ် ရပ်ကို ကြည့်လျှင်သိနိုင်သည်။

    နိုင်ငံရေးလုပ်ကိုင်သောကြောင့် ဈေးချိုတွင် သိမ်းဆည်းခံခဲ့ရသော စန်းရောင် ရှင် ဆိုင်ခန်းလေးမှာ မန်းမြန်မာပလာဇာ တွင် ပြန်လည်ပေါ်ထွက်လာတော့မည် ဖြစ်သည်။

    ဝင်းနိုင်ဦး
    မန္တလေးခေတ် မှကူးယူဖော်ပြပါသည်။

  • မဲပေးခွင့်နှင့် ကိုယ်စားပြုခွင့် ဆုံးရှုံး နစ်နာနေရသော မြန်မာနိုင်ငံမှ မွတ်စ်လင်မ်များ

    မဲပေးခွင့်နှင့် ကိုယ်စားပြုခွင့် ဆုံးရှုံး နစ်နာနေရသော မြန်မာနိုင်ငံမှ မွတ်စ်လင်မ်များ

    နိုဝင်ဘာ ၅ ၊ ၂၀၁၅
    M-Media

    4000
    (ဓာတ်ပုံ) မိမိ၏ နိုင်ငံသားစိစစ်ရေးကဒ်ပြားတွင် မြန်မာ+ အိန္ဒိယလူမျိုးဟု ဖော်ပြ ခံထား ရသည်ကို ပြသနေသော မွတ်စ်လင်မ် အမျိုးသမီးငယ် တစ်ဦး (ဓာတ်ပုံ – Thomas Cristofoletti ၊ The Guardian)

    မြန်မာ့ရွေးကောက်ပွဲအချိန်နီးကပ်လာသည်နှင့်အမျှ မွတ်စ်လင်မ်တို့သည် မိမိနှစ်သက်ရာကို ရွေးချယ်မဲပေးခွင့် ငြင်းပယ်ခံနေရသည်။

    ဒေါ်ဝင်းမြမြသည် ဒေါ်အောင်ဆန်းစုကြည်နှင့်  NLD အတွက်၊ ၎င်းပြင် သူမ၏ လက်ဝဲရံအဖြစ် အရာအားလုံးကို ပေးဆပ်ခဲ့သူဖြစ်သည်။ ၂၀၀၃ ခုနှစ် စစ်အစိုးရဟောင်း ကျောထောက်နောက်ခံပြု လူအုပ်စု၏ တိုက်ခိုက်မှုကို ခံရသူထဲတွင် သူမလည်း ပါဝင်ခဲ့၏။ အဆိုပါ ဒီပဲယင်းလုပ်ကြံမှု၌ လူအများအပြား သေကြေခဲ့ပြီး၊ သူမလည်း နှစ်များစွာ အကျဉ်းစံခဲ့ရကာ သူမ၏မိသားစုပိုင် ဈေးဆိုင်သည်လည်း ပိတ်သိမ်းခံလိုက်ရသည်။ ထိုစဉ်ကရရှိခဲ့သော ဒဏ်ရာသည် သူမကို ယခုတိုင် ဒုက္ခပေးနေဆဲ။ “(အဲ့ဒီဒဏ်ရာကြောင့်) ရေအိမ်ကောင်းကောင်း မသွားနိုင်သေးပါဘူး” ဟု သူမ၏ညီမဖြစ်သူက ဆိုသည်။ ဒေါ်ဝင်းမြမြကမူ “NLD အတွက် အသက်ပေးသွားပါမယ်” ဟု ပြောပါသည်။

    ဤမျှအထိ ပေးဆပ်မှုရှိလင့်ကစား ဒေါ်ဝင်းမြမြသည် ရွေးကောက်ပွဲ၌ NLD အတွက် ရှေ့ထွက်ခွင့် မရရှိခဲ့။ လာမည့် နိုဝင်ဘာ ၈ ရက် ရွေးကောက်ပွဲမှာ ဤဆယ်စုနှစ်များအတွင်း လွတ်လပ်ပွင့်လင်းမျှတမှု အရှိဆုံး ဖြစ်ရမည်ဟု ဆိုထားသည့်တိုင် မြန်မာနိုင်ငံထဲတွင် ဘာသာရေးနှင့်ပတ်သက်၍ ထိလွယ်ရှလွယ် အခြေအနေ၌ ရှိနေဆဲဖြစ်သည်။ မွတ်စ်လင်မ်တို့အနေနှင့် သာမန်မဲဆန္ဒရှင်မှသည် အတွေ့ကြုံ ရင့်ကျက်သော နိုင်ငံရေးသမားများ အထိ ရွေးကောက်ပွဲထဲ ပါဝင်ခွင့်ကို အဟန့်အတားပြုခြင်း ခံနေရသည်။

    ထို ဘာသာရေး တင်းမာမှု၏ မဖြစ်သင့်သော အနေအထားထဲပါဝင်နေသူ မန္တလေးတိုင်း NLD ဒုဥက္ကဋ္ဌ ဒေါ်ဝင်းမြမြသည်လည်း လွှတ်တော် အမတ်လောင်း အဖြစ် ရွေးကောက်ပွဲဝင်ရန် လျှောက်ထားသူ မွတ်စ်လင်မ်များ အနက် အပါအ၀င် တစ်ဦးဖြစ်သည်။ သို့သော် ကိုးကွယ်ယုံကြည်မှုအပေါ် အကြောင်းပြု၍ ပယ်ချခံခဲ့ရသည်။

    “ကျွန်မဟာ နိုင်ငံအနှံ့သွားပြီး ရွေးကောက်ပွဲအတွက် (NLD ကို မဲပေးကြဖို့) အစ္စလာမ်ဘာသာဝင်များကို တိုက်တွန်းပေးရမယ်လို့ ကျွန်မတို့ရဲ့ခေါင်းဆောင် ဒေါ်အောင်ဆန်းစုကြည်က ပြောကြားခဲ့ဖူးပါတယ်။ ဒါပေမယ့် (ခုချိန်မှာတော့) ကျွန်မကို ကိုယ်စားလှယ်လောင်း အဖြစ် ဝင်မပြိုင်စေချင်ဘူး ” ဟု ဒေါ်ဝင်းမြမြက ပြောပြသည်။

     

    daw win mya mya
    ဓာတ်ပုံ – မွတ်စ်လင်မ်ဖြစ်နေခြင်းကြောင့် လာမည့်ရွေးကောက်ပွဲ အတွက် ကိုယ်စားလှယ်လောင်း မဖြစ်ခဲ့ရသည့် မန္တလေးတိုင်း NLD ပါတီဒုဥက္ကဋ္ဌ ဒေါ်ဝင်းမြမြ (ဓာတ်ပုံ – Thomas Cristofoletti ၊ The Guardian)

    မွတ်စ်လင်မ်တို့သည် နိုင်ငံ့လူဦးရေ ၅၁ သန်းအနက် အနိမ့်ဆုံး ၅ ရာခိုင်နှုန်းထိ ရှိနေပါသည်။ သို့ရာတွင် အာဏာရပါတီ သို့မဟုတ် အတိုက်အခံပါတီဖက်မှ မွတ်စ်လင်မ် ကိုယ်စားလှယ်လောင်း တစ်ဦးကိုမျှ မတွေ့ကြရချေ။ အစွန်းရောက် အမျိုးသားရေး လှုပ်ရှားမှု ကြီးထွားလာခြင်း၏ ဖိအားက မိမိတို့အပေါ် ရိုက်ခတ်နေကြောင်း NLD မှ ၀န်ခံထားသည်။

    တစ်ချိန်တည်း၌ မြန်မာနိုင်ငံ အနောက်ပိုင်းရှိ နှိပ်စက်ညှင်းပန်းခံ လူနည်းစုဝင် ရိုဟင်ဂျာ မွတ်စ်လင်မ်တစ်သန်းကျော် တို့မှာ နိုင်ငံမဲ့များအဖြစ် တွန်းပို့ခံရပြီး မဲပေးခွင့်လည်း မရရှိချေ။

    မြန်မာနိုင်ငံတွင်း မွတ်စ်လင်မ် လူ့အဖွဲ့အစည်းများ အကြား၌လည်း နိုင်ငံသားဝိသေသ အထောက်အထားအပေါ် အငြင်းပွားဖွယ်ဖြစ်အောင် ခွဲခြားခံ ရမှုနှင့် လူ့အခွင့်အရေးချိုးဖောက်ခံရမှုများ ရှိနေသည်။

    “သူတို့ဟာ မိမိကိုယ်ကို မြန်မာ(နိုင်ငံသား)တွေ အဖြစ် ခံယူထားကြပါတယ်။ ဒါပေမယ့် ရုတ်တရက်ဆိုသလို သူတို့အပေါ် နိုင်ငံခြားသားလို ဆက်ဆံလာကြတယ်ဆိုပြီး မြန်မာမွတ်စ်လင်မ်တွေက ကျွန်တော့်ကို ပြောပြပါတယ်။ ဒါတွေဟာ သူစိမ်းဆန်တဲ့ ခံစားချက် ၀င်အောင် ဖန်တီးနေတဲ့အပြင် သင့်မြတ်မှုကို ဖယ်ထုတ်နေတယ်ဆိုတာ သိပ်ကိုရှင်းလင်းလွန်းနေတယ်။ မွတ်စ်လင်မ်ဦးရေ များပြားတဲ့ မြို့ရွာတွေမှာ ပိုပြီး ဇောက်ချဦးတည် လုပ်ဆောင်လာနိုင်ပါတယ် ” ဟု Burma Campaign UK ၏ ဒါရိုက်တာ Mark Farmaner က The Guardian သို့ ပြောသည်။

    လက်ရှိကာလများတွင် နိုင်ငံသား စိစစ်ရေး ကဒ်ပြားရလိုလျှင် (မိမိတို့၏သားချင်းများ၊ ဆက်နွှယ်မှုများ မရှိပါဘဲလျက်) မိမိတို့၏လူမျိုးကို အိန္ဒိယ သို့မဟုတ် ပါကစ္စတန် အဖြစ် မှတ်ပုံတင်ရန် မွတ်စ်လင်မ်တို့အား ခိုင်းစေနေကြသည်။

    မဲပေးရန်အတွက်ဖြစ်စေ၊ ပြည်ပထွက်ရန်အတွက်ဖြစ်စေ နိုင်ငံသားစိစစ်ရေးကဒ်ပြားမှာ မရှိမဖြစ်လိုအပ်ပါသည်။

    မန္တလေး လ၀ကဦးစီးမှူး ဦးသောင်းဇော်က “ဘယ်သူဘယ်ဝါဖြစ်ဖြစ် မွတ်စ်လင်မ်ဆိုတာနဲ့ ကျွန်တော်တို့က အိန္ဒိယလို့ ရေးသွင်း မှာဖြစ်တယ်” ဟုဆိုသည်။

    အိန္ဒိယ သို့မဟုတ် ပါကစ္စတန် အဖြစ် လူမျိုးအမည်ကို စာရင်းမသွင်းရန် ငြင်းဆန်ခဲ့ကြောင်း၊ မိမိတင်ပြသော အထောက်အထားတို့ အား ငြင်းပယ်ခဲ့ကြောင်း မန္တလေးတွင် မိသားစုလိုက် မျိုးဆက်နှင့်ချီ၍နေထိုင် လာခဲ့သည့် ဈေးဆိုင်ပိုင်ရှင်ဖြစ်သူ ဟာဂျီဦးရန်အောင် မှ ပြောပြသည်။ ယခုသော် မဲပေးခွင့် မရတော့။

    “ကျွန်တော်က ဗမာလူမျိုး ဖြစ်တာကို သူတို့ ငြင်းပယ်ခဲ့ကြတယ်။ လူမျိုးနဲ့ဘာသာ ဘာမျှ မသက်ဆိုင်ကြောင်း (ရောထွေးလို့မရကြောင်း) ကျွန်တော် သူတို့ကို ပြောပါတယ်။ ခင်ဗျားရဲ့ဘာသာက အစ္စလာမ်ဖြစ်နေရင် ခင်ဗျားက အလိုအလျောက် သွေးနှောဖြစ်ပြီးသားပါပဲလို့  သူတို့က သူတို့ရဲ့ လ၀ကပေါ်လစီသစ် အရ ပြန်ပြောပါတယ်” ဟု သူက မျက်ရည်ဝဲလျက် ဆိုရှာသည်။

    “ရူးနေကြပြီလားမသိပါဘူးဗျာ။ မန္တလေးက ဗလီဝတ်ကျောင်းတွေ နှစ်ပေါင်းဘယ်လောက် သက်တမ်းရှိနေပြီဆိုတာ ခင်ဗျားတို့ သိကြပါသလား။ တချို့ဆိုရင် နှစ်ပေါင်း ၂၀၀ အထက်မှာ၊ သက်တမ်း အနုဆုံးပင်လျှင် နှစ်ပေါင်း ၁၅၀ ကျော်နေပါပြီ။ ကျွန်တော်တို့ ဒီမြေမှာ ရာစုချီပြီး နေထိုင်လာကြတာပါ။ ကျွန်တော့်လူမျိုးအမည်ကို အိန္ဒိယလို့ ရေးရမယ်ဆိုရင် အဲ့ဒီ(နိုင်ငံသားစိစစ်ရေး)ကဒ်ကို မယူဘူး”။

    မြန်မာလူမျိုးအဖြစ် စာရင်းသွင်းပေးရန် အချို့က အာဏာပိုင်များကို လာဘ်ထိုးရကြောင်း၊ ယခင်က ဒေါ်လာ ၄၀ သို့မဟုတ် ၅၀ ပေးရသော်လည်း ယခုဈေးမှာ ဒေါ်လာ ၁၅၀ ဖြစ်ကြောင်း သူက ဆက်လက်ပြောပြပါသည်။

    Hj Yan Aung
    ဓာတ်ပုံ – ဟာဂျီဦးရန်အောင်သည် USDP ပါတီဝင်ဟောင်း မွတ်စ်လင်မ်တစ်ဦးဖြစ်သည်။ လွန်ခဲ့သောနှစ်အနည်းငယ်က မှတ်ပုံတင်ပျောက်သွားသဖြင့် အသစ်ပြန်လည်လျှောက်ရာ၌ သူ၏လူမျိုးအမည်ကို အိန္ဒိယ သို့မဟုတ် ပါကစ္စတန်အဖြစ် ရေးသွင်းရန် အဓမ္မစေခိုင်းခံရသည်။ သူမှ ငြင်းပယ်ခဲ့သည်။ (ဓာတ်ပုံ – Thomas Cristofoletti ၊ The Guardian)

    မြန်မာ့နန်းမြို့တော်ဟောင်း မန္တလေးတွင် ဗုဒ္ဓဘာသာဝင်နှင့် မွတ်စ်လင်မ်တို့သည် ရာစုနှစ်ပေါင်းစွာ အေးအတူပူ အမျှ ချစ်ကြည်ရင်းနှီးစွာ ယှဉ်တွဲနေထိုင် လာကြသော်လည်း၊ နိုင်ငံတစ်ဝှမ်း တင်းမာမှုများဖြစ်လာပြီး ယမန်နှစ် ဇူလိုင်လအတွင်း မွတ်စ်လင်မ်ဆန့်ကျင်ရေး အဓိကရုဏ်း၌ လူနှစ်ဦးသေဆုံး သွားခဲ့ရသည်။ မန္တလေးဒေသခံ မွတ်စ်လင်မ်များစွာတို့၏ အိမ်များသည် ယခုအခါ ရှောင်တခင် တိုက်ခိုက်မှုမှ အကာအကွယ်ရရန် သံတံခါးများ တပ်ဆင်၍ ညပိုင်းတွင် သော့ခတ်ထားကြရသည်။

    “ရှေးကာလကတည်းက ကျွန်တော်တို့ အတူတစ်ကွ အေးချမ်းစွာ နေထိုင်လာခဲ့ကြတာပါ။ ဘာပြဿနာမှ မဖြစ်ခဲ့ကြဘူး။ မွတ်စ်လင်မ် ဆန့်ကျင်ရေး လှုပ်ရှားမှုတွေက နိုင်ငံအ၀ှန်း ပြန့်နှံ့နေပါတယ်။ အာဏာရ USDP ပါတီနဲ့ သာမန်လူထုထဲမှာ တင်မဟုတ်ဘူး – NLD ပါတီဝင်တွေထဲမှာပင်လျှင် ရှိနေကြပါတယ်။ ရွေးကောက်ပွဲကို ကျွန်တော် စိတ်မ၀င်စားဘူး၊ ကျွန်တော့်အနေနဲ့ ဘယ်သူ့ကိုမဲပေးရမယ် ဆိုတာ မပြောနိုင်သေးပါဘူး” ဟူ၍  ဦးစမားညီညီက ဆိုသည်။ သူသည် စစ်အုပ်ချုပ်ရေးခေတ် တက်ကြွလှုပ်ရှားသူ မွတ်စ်လင်မ်ကျောင်းသားဟောင်း တစ်ဦးဖြစ်ကာ၊ မွတ်စ်လင်မ်တို့အားဖိနှိပ်ခြင်းအပေါ် အသံထုတ်ရန် ပျက်ကွက်ခဲ့သည့် NLD အား သူမှ အယုံအကြည် ကင်းမဲ့လျက်ရှိသည်။ သူ၏ အိမ်ခေါင်မိုးထိပ်တစ်ဖက်မှကြည့်လျှင် မန္တလေးမြို့လေးဖက်လေးတန်ရှိ မွတ်စ်လင်မ် အသိုင်းအ၀ိုင်းများကို မြင်ရသလို နောက်တစ်ဖက်မှကြည့်ပါက တင်းမာမှုကြီးမားအောင် တို့မီးရှို့မီးလုပ်နေသူ အရှင်ဝီရသူ၏ ဘုန်းကြီးကျောင်းကိုလည်း တွေ့မြင်နေရသည်။

    Samar Nyi Nyi
    ဓာတ်ပုံ – မွတ်စလင်မ်လူ့အဖွဲ့အစည်းမှ တက်ကြွလှုပ်ရှားသူ စီးပွားရေးလုပ်ငန်းရှင် ဦးစမားညီညီအား သူ့အိမ်ခေါ်မိုးထိပ်ပေါ်၌ တွေ့ရစဉ် (ဓာတ်ပုံ – Thomas Cristofoletti ၊ The Guardian)

    မွတ်စ်လင်မ်တို့ကို ခွေးရူးများအဖြစ် သူ၏ အတို့အထောင်တရားများထဲ ရည်ညွှန်းလေ့ရှိပြီး ဗုဒ္ဓဘာသာဝင် ဘင်လာဒင်ဟု အမည်တွင်သူ အရှင်ဝီရသူက မွတ်စ်လင်မ်တို့မှာ မြန်မာပြည်ကိုသိမ်းရန် ကြံစည်နေသည်ဟု ဆို၏။

    တစ်ချိန်က အတိုက်အခံဖက် ရပ်တည်ပြီး ယခုတိုင် ဒေါ်အောင်ဆန်းစုကြည်ပုံ တက်တူးရှိနေသေးသော ဦးဝီရသူက ၎င်းကို “ရှက်လို့” ဟုဆိုလျက် ဖုံးကွယ်ထား၏။ ယခုအခါ သူသည် အစွန်းရောက် အမျိုးသားရေးအုပ်စု မဘသ၏ ခေါင်းဆောင် တစ်ဦးဖြစ်လျက်ရှိသည်။ မဘသသည် နိုင်ငံတွင်းရှိ အမျိုးသမီးများနှင့် မွတ်စ်လင်မ်များကို ပစ်မှတ်ထားသည့် မျိုးစောင့်ဥပဒေ ထွက်ပေါ်ပြဋ္ဌာန်းနိုင်ရန် လှည့်လည်ဦးဆောင်ကြိုးပမ်းခဲ့သည့်အဖွဲ့ဖြစ်သည်။

    “ဗုဒ္ဓဘာသာဝင်တွေကို မွတ်စ်လင်မ်တွေရဲ့အန္တရာယ်ကနေ ကာကွယ်လို စိတ်သက်သက်သာ ဖြစ်တယ်။ အမှန်တကယ်တော့ ဗုဒ္ဓဘာသာဝင် အမျိုးသမီးတွေကို ထိမ်းမြားပြီး မွတ်စ်လင်မ်ဖြစ်အောင်လုပ်ခြင်းအားဖြင့် မွတ်စ်လင်မ်တွေဖက်က အကြမ်းဖက်မှုကို စတင်ခဲ့တာပါ။ မွတ်စ်လင်မ် အမျိုးသားအားလုံးလိုလို ဒီပုတ်ထဲကဒီပဲပါပဲ” ဟု သူက The Guardian သို့ ပြောဆိုသည်။

    ဦးဝီရသူနှင့် မဘသအဖွဲ့သည် မြန်မာအစိုးရ၊ စစ်တပ်နှင့် ပတ်သက်ချိတ်ဆက်နေကြောင်း၊ ၂၀၁၂ ခုနှစ်တွင် အရပ်သားတစ်ပိုင်း အစိုးရဖြင့် စတင်သော ဒီမိုကရေစီအကူးအပြောင်းအား ဖြိုလှဲရန် အကြမ်းဖက်ဇာတ်လမ်းကို ခင်းကျင်းတင်ဆက်ခဲ့ခြင်းဖြစ်ကြောင်း အလ်ဂျဇီးယား သတင်းဋ္ဌာန၏ စုံစမ်းဖော်ထုတ်ချက်တစ်ရပ် ပြီးခဲ့သည့်လ၌ ထွက်ပေါ်ခဲ့သည်။

    “အစွန်းရောက် အမျိုးသားရေးဝါဒီ(ဘုန်းတော်ကြီး)တွေဟာ နိုင်ငံရေး အမြတ်ထုတ်ဖို့အတွက် သူတို့ရဲ့သြဇာကို အသုံးချပြီး အများပြည်သူတွေ မွတ်စ်လင်မ်တွေအပေါ် အကြောင်းမဲ့ အကြောက်တရားဖြစ်လာအောင် တွန်းထိုး မှိုင်းတိုက်ခဲ့ကြတယ်။ ၂၀၀၇ ခုနှစ်က စစ်တပ်အာဏာကို တံတိုင်းကြီး အဖြစ် ရင်ဆိုင်အံတုခဲ့ကြတဲ့ သံဃာထုက အခုဆိုရင် စစ်တပ်ရဲ့လက်ကိုင်တုတ်ဖြစ်ကုန်ပြီလို့ အများက ပြောဆိုနေကြရပါပြီ။ (အဲ့ဒီ) မြန်မာနိုင်ငံရဲ့အစစ်မှန် အကူးအပြောင်းမှာ  ငြိမ်းချမ်းစွာနဲ့ ရှေ့ထွက်ခဲ့ကြတဲ့ ဒီမိုကရေစီထောက်ခံသူသံဃာများအနက် အချို့ဟာ အခုကျတော့ အမုန်းတရားကို ဟောပြောနေကြတယ်” ဟု အကျိုးအမြတ်မကြည့် လူ့အခွင့်အရေးအဖွဲ့ Forty Rights အဖွဲ့၏ အမှုဆောင်ဒါရိုက်တာ မက်သယူး စမစ်က ဆိုသည်။

    အစိုးရနှင့်စစ်တပ်ရော မဘသပါ ပတ်သက် ဆက်နွှယ်မှု မရှိကြောင်း နှစ်ဖက်စလုံးမှ ငြင်းဆန်ထားကြသည်။ သို့သော် မွတ်စ်လင်မ်ပြစ်မှုများကို စွပ်စွဲဖော်ပြလေ့ရှိသော သူ၏ဖေ့စ်ဘွတ် စာမျက်နှာမှတဆင့် အပြောင်းအလဲ အပေါ် သူ့သြဇာသက်ရောက်ကြောင်း ဦးဝီရသူက ကိုယ်ရည်သွေးပြောဆိုနေဆဲပင်။

    Wira thu
    ဓာတ်ပုံ – ရွေးကောက်ပွဲမတိုင်မီ မွတ်စ်လင်မ်ဆန့်ကျင်ရေးလှုပ်ရှားမှုဖြင့် အရှိန်အဟုန်ပြင်းစွာ ပြုလုပ်ခဲ့သော မဘသအဖွဲ့၏ ဦးဆောင်ဆရာတော် တစ်ဦးဖြစ်သူ ဦးဝီရသူအား မစိုးရိမ်ကျောင်းတိုက်ရှိ သူ့ရုံးခန်း၌ တွေ့ရစဉ် (ဓာတ်ပုံ – Thomas Cristofoletti ၊ The Guardian)

    “ဆိုးသွမ်းတဲ့ ရဲတွေ၊ တရားသူကြီးတွေ၊ မွတ်စ်လင်မ်တွေကို အစိုးရက အရေးယူလျက်ရှိပါတယ်။ ဘာမှ သွားပြီး အကြံပေးလမ်းညွှန်နေစရာ မလိုပါဘူး။ ဦးဇင်းရဲ့ ဖေ့စ်ဘွတ်ပေါ် ရေးတင်လိုက်ယုံနဲ့ လုံလောက်ပါတယ်” ဟု သူက ဆိုသည်။

    သူ၏အမြင်နှင့် အခန်းကဏ္ဍကို သက်သေထူနိုင်ရန်လား(စီမံထားလေသလား) မသိ။ မိနစ်အနည်းငယ်အကြာတွင် လင်မယားနှစ်ဦး ရောက် ရှိလာပြီး  ၎င်းတို့သမီး၏ချစ်သူမှာ မွတ်စ်လင်မ်လူငယ် တစ်ဦးဖြစ်နေကြောင်း၊ ထိုသူငယ်အား ဖမ်းဆီးပေးပါမည့် အကြောင်း သူ့ရှေ့တွင် ဒူးထောက်၍ အသနားခံတင်ပြလေသည်။ မကြာသေးမီက ပြဋ္ဌာန်းလိုက်သော ဥပဒေတွင် ဘာသာ မတူထိမ်းမြားမှုကို ပြင်းထန်စွာ တားမြစ်တား၏။

    “ဘာသာတရားနှစ်ခုဟာ ဆန့်ကျင်ဖက် ဖြစ်တာကြောင့် ထိမ်းမြားပေါင်းစပ်ဖို့ မဖြစ်နိုင်ပါဘူး။ တပည့်တော်တို့ ဗုဒ္ဓဘာသာဝင်တွေဆီမှာ ခွင့်လွှတ်ခြင်းနဲ့ မေတ္တာတရား စိတ်သဘောထားရှိတဲ့အတွက် သူတစ်ပါးကို ထိခိုက်နစ်နာအောင် ဘယ်တော့မှ မလုပ်ပါဘူး။ ဒါ့ကြောင့် ဗုဒ္ဓရဲ့သားတော်ထံမှာ လာရောက် အကူညီတောင်းတင်လျှောက်ရခြင်းဖြစ်ပါတယ်” ဟု ဖခင်ဖြစ်သူ ဦးထွန်းလှအောင်က ဆိုသည်။

    ဦးဝီရသူသည် ဖြေးဖြေးချင်း ကိုယ်ကိုကိုင်းညွှတ် နားထောင်နေလျက် သူ၏ စမတ်ဖုန်းအား ကိုင်တွယ် ပွတ်သပ်နေခဲ့၏။ ၎င်းတို့၏တိုင်တန်းချက် အပေါ် မိမိမှ စုံစမ်းစစ်ဆေးပေးမည့်အကြောင်း၊ အကယ်၍ အမှန်ဖြစ်ပါက ဖေ့စ်ဘွတ် စာမျက်နှာပေါ် ရေးတင်လိုက်မည်ဖြစ်ကြောင်း ကတိပြုပြောကြားသည်ကို တွေ့လိုက်ရပေသည်။

    wirathu and couple
    ဓာတ်ပုံ – မိမိ၏သမီးကို အစ္စလာမ်ဇာတ်သွင်းရန်ကြိုးစားနေသည့် သမီး၏ ချစ်သူအား ဖမ်းချုပ်ပေးရန် အရှင်ဝီရသူထံ လာရောက် အရေးဆိုနေသော ဗုဒ္ဓဘာသာဝင်လင်မယားကို တွေ့ရစဉ် (ဓာတ်ပုံ – Thomas Cristofoletti ၊ The Guardian)

    မန္တလေးရှိ အချို့မွတ်စ်လင်မ်များအကြား ရွေးကောက်ပွဲနှင့်ဆက်နွှယ်၍ အကြမ်းဖက်မှုများ ထပ်မံဖြစ်ပွားမည်ကို စိုးရိမ်နေကြကြောင်း သိရသည်။

    ရွေးကောက်ပွဲပြီးသည့်နောက် မည်သည့်အရာဖြစ်လာပါစေ မြန်မာနိုင်ငံ သမိုင်း၌ မွတ်စ်လင်မ်အမတ်များ ကင်းစင်သော ပထမဆုံး ပါလီမန်တစ်ရပ် ပေါ်ပေါက်လာဖွယ် ရှိနေ၏။ မည်သို့ပင်ရှိစေကာမူ မွတ်စ်လင်မ် အရေး၌ ဒေါ်အောင်ဆန်းစုကြည် နှုတ်ဆိတ်နေသော်ငြား မွတ်စ်လင်မ်မဲဆန္ဒရှင်များစွာကမူ – အကယ်၍ သူမ၏ပါတီ အာဏာရလာလျှင် ဘာသာရေး တင်းမာမှုများ လျော့ကျအောင် လုပ်ဆောင်သွားလိမ့်မည်ဟူသော သူတို့၏မျှော်လင့်ချက်ကို ဒေါ်အောင်ဆန်းစုကြည် အပေါ် ခိုင်မတ်စွာ ရပ်တည်ထားရှိဆဲသာ။

    ကိုယ်စားလှယ်လောင်းများထက် ပါတီကိုသာကြည့်၍ မဲပေးကြပါဟု ဒေါ်စုကြည်က မဲဆန္ဒရှင်များကို တိုက်တွန်းထားသည်။

    “တကယ်လို့ NLD က ရွေးကောက်ပွဲမှာ အနိုင်ရခဲ့ရင် ကျွန်မတို့ရဲ့ခေါင်းဆောင် ဒေါ်အောင်ဆန်းစုကြည်ဟာ အခြားဘာသာတရားများ အပေါ် ဘယ်တော့မှ ခွဲခြားချိုးနှိမ်ဆက်ဆံသွားမှာ မဟုတ်ဘူးလို့ ကျွန်မ ပြောလိုပါတယ်” ဟု ဒေါ်ဝင်းမြမြက ဆိုသည်။

    ဟာဂျီဦးရန်အောင်သည်လည်း ထိုသဘောထားအတိုင်းပင်။ အကယ်၍ သူသည် မဲပေးခွင့်ရခဲ့ပါက ဒေါ်အောင်ဆန်းစုကြည်နှင့် သူမ၏ပါတီကိုသာ မဲပေးမည်ဖြစ်ကြောင်း ပြောခဲ့ပေသည်။

    လက်ရှိကြားကာလတွင်တော့ ကျွန်တော်တို့သည် ထိုင်(ကြည့်)ပြီး စိုးရိမ်ပူပန်နေယုံသာ ရှိပါတော့၏။

    xxxxxxxxxxxxxxxxxxxxxxxxxxxxxxxxxxx
    Ref : The Guardian
    Poppy McPherson ရေးသားသော No vote, no candidates: Myanmar’s Muslims barred from their own election ဆောင်းပါးကို မြင့်မိုရ်မောင်မောင်မှ ဆီလျော်အောင် ပြန်ဆိုရေးသားသည်။

  • ထောင်မှလွတ်မြောက်လာသူ NLD တိုင်းစည်း တာဝန်ခံဟောင်း ဒေါ်ဝင်းမြမြနှင့် အင်တာဗျူး

    မင်းမင်းလတ်(ရွှေမြစ်မခ)

    ဇန်န၀ါ၇ီလ ၁၃၊ မန္တလေးမြို့။

    ၂၀၁၂ ဇန်န၀ါရီလ ၁၃ရက်နေ့တွင် လွတ်ငြိမ်းချမ်းသာခွင့်ကြောင့် ပူတာအို အကျဉ်းထောင်မှလွတ်မြောက်လာ သူ  ဒေါ်ဝင်းမြမြကို ၎င်း၏နေအိမ်တွင် သွားရောက်တွေ့ဆုံမေးမြန်းခဲ့ပါတယ် အဆိုပါမေးမြန်းမှုကို တင်ပြပေး လိုက်ပါတယ်။

    မေး။              ။ လွတ်ငြိမ်းချမ်းသာခွင့်ရခဲ့တဲ့အပေါ် ဒေါ်ဝင်းမြမြအနေနဲ့ ဘယ်လိုမြင်ပါသလဲ။

    ဖြေ။              ။ ဒီနေ့လွတ်ငြိမ်းချမ်းသာခွင့်ပေးတယ်ဆိုတာ ကိုယ်တင်မကပါဘူး တစ်နိုင်ငံလုံးပေါ်မှာ လွတ်ငြိမ်းချမ်းသာခွင့်ပေးတယ်ဆိုတာ ဒါက လုပ်သင့်လုပ်ထိုက်တဲ့အလုပ်ကို လုပ်ရမဲ့အလုပ်ကို သမ္မတကြီး အနေနဲ့ ခေါင်းထဲမှာထည့်ပြီး စဉ်းစားပြီးတော့မှ ရဲရဲဝင့်ဝင့်နဲ့ ပီပီပြင်ပြင် ပေါ်ပေါ်လွင်လွင် ထင်ထင်ရှားရှား မြင်သာထင်သာလုပ်ပေးလိုက်တယ်။ ဒါကိုကျေနပ်တယ် ရှေ့လဲပဲနောက်ထပ်ပြီးတော့ ၀န်ထမ်းတွေကျန်ပါသေး တယ် အင်မီဂရေးရှင်းတွေ ၊ ကာစတန်တွေ ၊ ထောက်လှမ်းရေးတွေ သူတို့ကိုလဲ လွှတ်ပေးဖို့လိုပါတယ်။ ဒီနေ့လွှတ်ပေးတာကိုလဲ လုပ်သင့်လုပ်ထိုက်တဲ့အလုပ် လုပ်ကိုလုပ်ရမဲ့အလုပ်ကို လုပ်တယ်လို့မြင်ပါတယ်။ ကျေနပ်မိတယ် ၊ ကျေးဇူးလဲတင်ပါတယ်။

    မေး။              ။ လက်ရှိအစိုးရအဖွဲ့အပေါ်ရော ဘယ်လိုမြင်ပါသလဲ။

    ဖြေ။              ။ ကုန်ခဲ့သော နှစ်ပေါင်း(၂၀)အတွင်းကတော့ မြန်မာနိုင်ငံရေးဟာ တော်တော်ကို အကျည်း တန်ခဲ့တာပါ။ ဒီအကျည်းတန်ခဲ့တဲ့ ကုန်ခဲ့တဲ့ကိစ္စတွေကို ပြည်ဖုံးကားချပြီးတော့မှ လက်ရှိအစိုးရအနေနဲ့က တိုင်းပြည်အတွက်ကို သူတို့လုပ်သင့်လုပ်ထိုက်တာကိုလုပ်မယ် လုပ်ကိုလုပ်ရမဲ့အလုပ်တွေကို လုပ်မယ် ၊ ပြည်တွင်းငြိမ်းချမ်းရေး ၊ နိုင်ငံရေးသမားတွေနဲ့ ပူးပေါင်းဆောင်ရွက်မှုတွေကို စေတနာနဲ့ လုပ်တယ်လို့ မြင်ပါ တယ်။ လက်ရှိအစိုးရအနေနဲ့လဲ ဒီကိစ္စတွေကို ပိုပြီး မြန်မြန်ဆန်ဆန် ထက်ထက်မြက်မြက် ပိုပြီး လုပ်သွားဖို့ လိုပါတယ်။ (၁)နှစ်လောက်အတွင်းမှာ အခြေအနေတွေပြောင်းလဲသွားတယ် ၊ မြင်သာထင်သာပြောင်းလဲသွား တယ်ဆိုတော့ ပိုကောင်းတာပေါ့။ ပြည်သူတွေရဲ့ရင်ထဲမှာလဲ ယုံကြည်မှု ပိုရှိသွားမယ် ၊ ခုနကတိုင်းရင်းသား ခေါင်းဆောင်တွေ ဒီလက်နက်ကိုင်တွေပေါ့နော်  ဒီတိုင်းရင်းသားခေါင်းဆောင်တွေကလဲ နိုင်ငံရေးသမားတွေ ပါပဲ။ ကိုယ့်အမျိုးသားရေးအတွက် ကိုယ်လုပ်ကြတာပါ။ အလွန်ကိုလေးစားပါတယ်။ ဒီနေ့ တိုင်းရင်းသားခေါင်း ဆောင်တွေနဲ့ ငြိမ်းချမ်းရေးဆွေးနွေးတယ် နိုင်ငံရေးသမားတွေလွှတ်ပေးနေတယ် ၊ ဒီမိုကရေစီကိုလဲ တရွေ့ရွေ့ ပိုပြီးထင်သာမြင်သာဖြစ်အောင်ပေးနေတယ်ဆိုတာတွေကို တွေ့ရတဲ့အခါ ကျေနပ်ပါတယ်။ ဒါကို ပိုပြီးတော့ သွက်သွက်လက်လက်လေး ဖြစ်စေချင်ပါတယ်။

    မေး။              ။ ခုပြန်လွတ်လာတော့ရော နိုင်ငံရေးကိုဆက်လုပ်ဖို့ အစီစဉ်ရှိပါလား။

    ဖြေ။              ။ နိုင်ငံရေးကတော့ မသေ မခြင်းလုပ်မယ်။ အဖွဲ့ချုပ်အလုပ်ကိုလဲ မသေမခြင်းလုပ်မယ်။ သို့သော် အဖွဲ့ချုပ်ရဲ့တာဝန်တွေကိုတော့ လူလတ်ပိုင်းတွေ လူငယ်တွေကို တာဝန်ပေးခြင်တယ်။ ကိုယ်က ဘယ်လိုနေရာမှာရှိရှိ ကိုယ်ကဒီအလုပ်ကို တာဝန်ကျေနေမှာပဲ။ နောက်ထပ် လူငယ်တွေ လူလတ်ပိုင်းတွေ ဒီအနှစ်(၂၀)ကျော်အတွင်းမှာ အဖွဲ့ချုပ်ရဲ့အလုပ်လုပ်ပေးချင်သူတွေ အနောက်ထဲမှာရှိတယ်။ သူတို့လေးတွေကို နေရာပေးချင်တယ်။ အဲဒီအပေါ်မှာ အဖွဲ့ချုပ်တာဝန်ကိုတော့ မယူတော့ဘူး အဖွဲ့ချုပ်အလုပ်ကိုတော့ တောက်လျှောက်စဉ်ဆက်မပြတ်လုပ်နေမယ်။ နိုင်ငံရေးကိုလဲ စဉ်ဆက်မပြတ်လုပ်သွားမယ်။ နေရာမယူပဲနဲ့ လုပ်မယ်။ နေရာကိုတော့ လူငယ်တွေနဲ့ လူလတ်ပိုင်းတွေကို တာဝန်ပေးခြင်တယ်။

    မေး။              ။ နေရာမယူပဲလုပ်မယ်ဆိုတာက NLD ပါတီကို ပြန်ဝင်မှာလား မ၀င်ဘူးလား။

    ဖြေ               ။ ပါတီကိုပြန်ဝင်မယ် ပါတီရဲ့တာဝန်ပေါ့နော် တိုင်းစည်းတာဝန် မြို့နယ်စည်းတာဝန်ကိုတော့ မယူတော့ဘူး၊ အဖွဲ့ဝင်တစ်ယောက်အနေနဲ့ အဖွဲ့ချုပ်ကို သိုင်းမယ် ၀ိုင်းမယ်၊ အလုပ်လုပ်လို့ရတယ်။ နေရာက တော့ လူငယ်တွေ လူလတ်ပိုင်းတွေကိုပေးခြင်တယ်။ ကိုယ်ကတော့ ဘယ်လိုမဆို ပါမှဖြစ်မယ်ဆိုတာသိတယ်၊ ကိုယ့်ကိုလဲပဲ မပါလို့မဖြစ်ဘူးဆိုတာ လူတိုင်းသိတယ်။ သို့သော်နေရာလေးတွေကိုတော့ ကျန်တဲ့သူတွေကို ပေးခြင်တယ်။ အဲဒီဆန္ဒရှိတယ်။

    မေး။              ။ နိုင်ငံရေးသမားတော်တော်များများမှာ နိုင်ငံရေးကြောင့်ကျတယ်ဆိုပေမဲ့ အခြားပုဒ်မတွေ တပ်တာမျိုးရှိတယ်၊ ဥပမာပုံနှိပ်အက်ဥပဒေတို့ ဆက်သွယ်ရေးဥပဒေတို့ ဆိုပြီး ပုဒ်မတွေ အမျိုးစုံတပ်ပြီး ချခဲ့တာပေါ့ ။ ဒေါ်ဝင်းမြမြကိုရော ဘယ်ပုဒ်မနဲ့ချပါသလဲ။

    ဖြေ။              ။ (၅ည) နဲ့ပါပဲ။ နိုင်ငံရေးပုဒ်မနဲ့ ချပါတယ်။ အမှန်တော့ ဘာအပြစ်မှ မရှိပါဘူး။ ရွေးကောက်ပွဲ မတိုင်ခင်မှာ အပြင်မှာမထားခြင်လို့ ထည့်တယ်လို့ပဲ ခံယူတယ်။ ဘာလို့လဲဆိုတော့ အမေရိကန် သံတမန်တွေ သံအရာရှိတွေနဲ့ တွေ့တယ် ၊ တွေ့တဲ့အခါမှာ သံအရာရှိတွေက အဖွဲ့ချုပ်ဗဟိုကို ခွင့်တောင်းပြီးမှ တွေ့တာ။ တရားဝင်တွေ့တာပဲ တိတ်တိတ်ပုံးခိုးတွေ့တာမဟုတ်ဘူး။ ဒါပေမဲ့ ဒီသံတမန်တွေနဲ့တွေ့တဲ့အခါမှာ သူက ဘာတုန်းဆိုတော့ NLD မှာ ခုလိုမီဒီယာတွေက ပွင့်ပွင့်လင်းလင်းလုပ်လို့ မရဘူး မီဒီယာအခွင့်အရေးတွေ မရသေးဘူးဆိုတော့ လုပ်လို့မရဘူးဖြစ်နေတယ် ၊ သတင်းစာထဲမှာပါတဲ့ကိစ္စတွေ ဥပမာ စဥ့်ကူးမြို့နယ် ရွှေပြည်ရွာက NLD ( ၆၈ ) ဦးနှုတ်ထွက်တယ်။ ရွှေပြည်ရွာမှာ (၆၈)ဦးနှုတ်ထွက်တာ မဟုတ်ဘူး အဖွဲ့ချုပ်ဝင်မှ (၈)ဦးပဲရှိတယ်။ အဲဒါမျိုးကို သံတမန်နဲ့တွေ့တဲ့အခါ သူတို့ကမေးတယ် သတင်းစာထဲမှာ NLD က (၆၈)ဦးနှုတ် ထွက်တယ်မေးတော့ အမှန်အတိုင်းပြောရတယ်လေ။

    ကျွန်မရွှေပြည်ရွာကို သွားခဲ့တယ်။ သွားပြီးတော့ ချက်ချင်းမေးတယ်။ မေးတော့ အဖွဲ့ချုပ်ဝင် (၈)ဦးပဲရှိတယ် (၆၈)ဦးနှုတ်ထွက်တယ်ဆိုတာ သတင်းမှားတယ် လို့ပြောတယ်။ နောက်ပြီးကျတော့ အနောက်မြောက်မြို့နယ် ဆိုင်းဘုတ်တွေဖြုတ်ခံရတယ်။ ကျွန်မတို့ NLD ဆိုင်းဘုတ်တွေ ညသန်းခေါင်မှာ လိုက်ပြီး အဖြုတ်ခံရပါတယ် ၊ ဒါတွေပြောတယ် ၊ ( ၁၇ )နှစ်နှစ်အတွင်း နိုင်ငံရေးအခြေအနေတွေကိုပြောပြတယ်။ ဒါက နိုင်ငံခြားသံတမန်တွေက ပြည်တွင်းထဲမှာဖြစ်နေတဲ့ အခြေအနေတွေကိုသုံးသပ်ချင်တဲ့အခါမှာ တာဝန်ရှိတဲ့  NLD ကိုမေးတယ် ၊ ပြောရမှာပဲ။

    နိုင်ငံရေးအဖွဲ့အစည်း ဆိုတာ သံတမန်ဆက်ဆံရေးတွေရှိတယ်။ ဒါအပြစ်မရှိပါဘူး။ ပြောတာလဲပဲ ဒါတွေပဲပြောတာပါ အဲဒီဟာက တစ်ခု။ နောက်တစ်ခုက မြို့နယ် (၃၀)အစည်းအဝေးတက်ရောက်မှုတဲ့။ မြို့နယ်(၃၀) အစည်းအဝေးဆိုတာ စက်တင်ဘာဆို အဖွဲ့ချုပ်ထူထောင်တာ နှစ်ပတ်လည်နေ့ ၊ အဲဒီမတိုင်ခင်ကြရင် ဗဟိုရုံးချုပ်က စာထွက်တယ်မြို့နယ်မြို့နယ်တွေမှာ ၊ နိုင်ငံရေးစီးပွားရေးကျန်းမာရေး အစစအရာရာတွေကို တင်ပါဆိုတော့ ဒါမြို့နယ်တွေ ကိုအစည်းအဝေးခေါ်ရတယ်။ မြို့နယ်တိုင်းမှာရှိတဲ့ နိုင်ငံရေး ၊ ကျန်းမာရေး ၊ စီးပွားရေး အဲဒါတွေကို တင်ပြတယ်။ ဒါတွေကို ဗဟိုကို ပြန်တင်ပေးရတယ်။ ဒါပဲ အစည်းအဝေးဆိုတာက။ ဒါကြောင့်မို့လို့ စစ်ကြောရေး မှာပြောတယ်။ ဒီမြို့နယ်(၃၀) အစည်းအဝေးကို ကျွန်မတို့သွားတက်တာမဟုတ်ဘူး ၊

    ကျွန်မတို့တိုင်းစည်းတွေ က ဒီမြို့နယ်(၃၀)အစည်းအဝေးကို ခေါ်လိုက်တာ။ ကျွန်မတို့တိုင်းစည်းတွေက ဦးဆောင်ပြီးခေါ်လိုက်တာ။ ကျွန်မတို့ရဲ့ စက်တင်ဘာ ၂၇ရက်နေ့မှာ မြို့နယ်တိုင်းရဲ့ အခြေခံကျန်းမာရေး နိုင်ငံရေး စီးပွားရေးတွေကို ဗဟိုကို တင်တာ။ ဒါပဲ ။ အဲဒါနဲ့ဖမ်းခံရတာ။

    မေး။              ။ထောင်ဒဏ်ဘယ်နှစ်နှစ် ချခံရပါလဲ။

    ဖြေ။              ။ချခံရတာတော့ (၁၂)နှစ် ၊ အယူခံ(၄)နှစ်နိုင်တယ် (၈)နှစ်ကျတယ်။ ၂၀၀၇ခုနှစ် စက်တင်ဘာ (၂၇)ရက်နေ့မှာ စပြီးထိန်းသိန်းလိုက်တယ်။ စစ်ဆေးရေးစခန်းမှာ (၈)ရက် နေ့ညမအိပ်ရပါဘူး။ စစ်ကြောပါ တယ်။ အောက်တိုဘာ (၅)ရက်နေ့မှာ ထောင်ကိုပို့လိုက်တယ်။ ထောင်ကိုပို့လိုက်ပြီးတော့ နောက်နှစ် စက်တင်ဘာကြတော့မှ ရုံးတင်တယ် တစ်လတိတိနေပြီးအောက်တိုဘာကျတော့မှ ပြစ်ဒဏ်တွေချလိုက်တယ်။ ပြစ်ဒဏ်တွေချပြီး မတ်လ(၂၃)ရက်နေ့ကျမှ မြစ်ကြီးနားပို့လိုက်တယ် (၂၈)ရက်နေ့ကျတော့ ပူတာအိုကိုဆက်ပို့ လိုက်တာပါ။ အဲဒီတော့ လေးနှစ်ကျော်ကျော်နေခဲ့ရပါတယ်။ သို့သော်လဲပဲ သူတို့တစ်နှစ်ကျော်ကျော်ချုပ်ထား တာကို လျှော့ရက်မပေးဘူး ၊ ပေးတာမပေးတာတော့ ထားလိုက်တော့လေ။ သူတို့ လွှတ်ချင်လွှတ်မှာပဲ ထားခြင် ထားမှာပဲ အဲဒါကိုတော့ ဘယ်လိုမှ မအောင့်မေ့ပါဘူး။ လွတ်ငြိမ်းချမ်းသာခွင့်ထဲမှာအကြုံးဝင်ပြီးလွတ်လာတာပါ။

    မေး။              ။ နေခဲ့ရတဲ့အတွေ့အကြုံကိုရော ပြောပြပေးနိုင်မလား။

    ဖြေ။              ။ နေရတဲ့အတွေ့အကြုံဆိုတာကတော့ ထောင်တိုင်းထောင်တိုင်းမှာက မနက်မုန့် ၊ နေ့လည်ထမင်း ၊ ရေ ၊ မီး ပေးနိုင်ရင်ကတော့ ဒါထောင်တာဝန်ကကျေပြီလေ။ ကျန်တဲ့ပြည့်စုံမှု ဆိုတာကတော့ အိမ်ကလာရင် လာသလောက် အစဉ်ပြေကြရတာပါပဲ။ အထဲထဲမှာကတော့ ကျန်းမာရေးကို ဂရုစိုက်တယ် ၊ ကိုယ့်အိမ်မှာနေသလိုပဲ ကျန်းမာရေးဂရုစိုက်တယ်။ ရောက်တဲ့ထောင်မှာတော့ ကိုယ့်အိမ်မှာနေသလိုပဲ ရောက်တဲ့အရပ်မှာပဲ ဘုရားဝတ်ပြုချိန်ဝတ်ပြုတယ်။ ကျန်းစာဖတ်ချိန်ဖတ်တယ် ။ စားချိန်စား သောက်ချိန်သောက် ဒီလိုပဲနေလိုက်တယ်။ သောကသိပ်မထားဘူး ။ မန္တလေးထောင်ရောက်တော့လဲ သြော်ငါဒီမှာနေရမှာပဲ ဆိုပြီး ကိုယ့်ကိုကိုယ်အောက်မေ့တယ်။ မြစ်ကြီးနားထောင်ရောက်တော့လဲ ဒီမှာနေရမှာပဲ ဒါပဲ ၊ အေးအေးလေးပဲ နေလိုက်တယ်။ ပူတာအိုရောက်တော့လဲ ဒီမှာနေရမှာပဲ ဒီလိုပဲနေလိုက်တယ်။ ဘာကြောင့်မို့လို့လဲဆိုတော့ အကျင့်သီလကောင်းပြီး ကောင်းတဲ့အလုပ်လုပ် လုပ်တာပဲလေ။ အိမ်မှာနေတာနဲ့ ဟိုထဲမှာနေတာနဲ့ ဒီလိုပဲနေလိုက်တယ်။ တစ်ခြားခေါင်းထဲမှာ ဘာမှ မထားဘူး။ ထောင်ကျနေတယ်လို့လဲ မထားဘူး ဘာလို့လဲဆိုတော့ ကောင်းတဲ့အလုပ်ကိုလုပ်ပြီး ထောင်ထဲ ထည့်ထားတာပဲလေ ဟုတ်တယ်မလား။ အဲဒီအခါကျတော့ ဘယ်အရပ်မှမဆို ကိုယ်ရောက်တဲ့နေရာမှာ ကိုယ်အကျိုးရှိအောင်နေမှာပဲ။ အဲဒါပဲ။

    မေး။              ။ ဒီလေးနှစ်အတွင်းမှာ ဘယ်နှစ်နေရာပြောင်းခဲ့ရသေးလဲ။

    ဖြေ။              ။ ဘယ်နှစ်နေရာလဲဆိုတော့ မန္တလေးကနေ ပူတာအိုကိုပြောင်းတဲ့အခါကျတော့ မြစ်ကြီးနားမှာ ခဏ၀င်ရတယ်။ ထရန်စစ်ပေါ့။ မန္တလေးကနေမှ လေယဉ်နဲ့ မြစ်ကြီးနားကိုပို့တယ်။ မြစ်ကြီးနားကနေမှ လေယဉ်နဲ့ ပူတာအိုသွားတယ်။

    မေး။              ။ ဒီနေ့ပြန်လွှတ်မယ်ဆိုတာရော ကြိုတင်ပြီးအကြောင်းကြားထားတာရှိလား။

    ဖြေ။              မနက်က (၈)နာရီလောက်မှာ ထောင်မှူးမလေးက လာပြောပါတယ်။ ထောင်မှူးတစ်ပွင် လေးက။ အဘွားတဲ့ အဘွားလွတ်မယ်ထင်တယ်တဲ့။ အဖွားပစ္စည်းလေးတွေသိမ်းထားပေးပါလားတဲ့။ အဖွားကတော့ လွတ်ပြီဆိုမှသိမ်းမယ် ။ မဟုတ်လဲ ကိုယ့်ပစ္စည်းက စံနစ်တကျထားထားတာလေ။ သို့သော်လည်း ကိုယ့်ရှိတဲ့ပစ္စည်းတွေက ဟိုမှာရှိတဲ့ အကျဉ်းသူတွေကို ပေးခဲ့ဖို့စီမံဖို့လိုတယ်လေ။လွတ်ပြီ ဆိုမှပဲသိမ်းမယ်ဆိုတော့ ။ ခဏနေကြတော့ အဖွား အဖွားနာမည်ပါတယ်ဆိုတော့မှ ပေးစရာရှိတာတွေ ပေးလိုက်တယ်။ အဲဒီမှာတင် ရုံးကလာခေါ်တယ်။ ရုံးမှာ ၆၁ယောက် ရောက်နေပြီ။ ထောင်မှူးလဲ ရောက်နေပြီ။ သူတို့လဲ မြန်မြန်ဆန်ဆန်လုပ်တာပါ။ လေယဉ်ကွင်းရောက်တော့ လေယဉ်ကရောက်နေပြီ။ အဲဒီလေယဉ်စင်းလုံးနဲ့ ရန်ကုန်ကလူရန်ကုန်။ မန္တလေးကလူ မန္တလေးပေါ့။ နိုင်ငံရေးသမားတော့ တိုက်ထဲမှာရှိတဲ့သူ အကုန်ကုန်သွားပါပြီး ကျန်တာကတော့ အင်မီဂရေးရှင်း ၊ ကာစတန်ပါမယ် ၊ ရဲပါမယ် ၊ ထောက်လှန်းရေးပါမယ်။ အကုန်လုံး လူကြီးလူကောင်းပါပဲ (၁၀၅)ကိစ္စတုန်းကပေါ့ နိုင်ငံရေးသမားကတော့ (၃၀) ၀န်းကျင်ဖြစ်ပါလိမ့်မယ်။ အားလုံး (၆၁)ယောက်ပါ။

    မေး။              ။ ဗိုလ်ချုပ်ခင်ညွန့်ပြန်လွတ်လာတဲ့အပေါ်မှာရော ဘယ်လိုမြင်လဲ။

    ဖြေ။              ။ ကောင်းပါတယ်။ အကုန်လုံးကိုလွှတ်တယ်ဆိုတာ ဒီနေ့လက်ရှိအစိုးရအပေါ် လူတွေရဲ့ရင်ထဲ မှာယုံလာမယ်လေ။ ကောင်းတာတွေလုပ်တယ်ဆိုပြီး ။ လူတွေက အစကတည်းက နိုင်ငံရေးလုပ်တယ်ဆိုတာ လူပုဂ္ဂိုလ်စွဲနဲ့ လုပ်နေတာမဟုတ်ဘူး ဒေါ်အောင်ဆန်းစုကြည်ကိုလွှတ်တယ်။ ဒေါ်အောင်ဆန်းစုကြည်နဲ့တွဲပြီး လုပ်တယ်ဆိုတော့ အလုပ်လုပ်နိုင်တဲ့ပုဂ္ဂိုလ်ကို လက်ခံတယ်ဆိုတာ ချီးကျူးတယ် ။ လုပ်နိုင်တဲ့ပုဂ္ဂိုလ်ကို ခုလို လက်ခံတယ်ဆိုတော့ တိုင်းပြည်တိုးတက်တယ်လေ။ လုပ်နိုင်တဲ့ပုဂ္ဂိုလ်ကိုဘေးဖယ်ထားရင်တော့ မတိုးတက်ဘူး။ ဒီကိစ္စက လွန်ခဲ့တဲ့အနှစ်(၂၀)က စပြီးတော့ ဒီလိုအစိုးရမျိုးနဲ့လုပ်ခဲ့ရင် ဒီနေ့မြန်မာနိုင်ငံဟာ အများကြီးတိုးတက်နေပြီ။ ခုဟာ နိုင်ငံရေးသမားတွေ နိုင်ငံရေး ဒီမိုကရေစီရေးဆိုတာပြောခွင့် မရှိဘူး ။ ပြောရင် အကုန်ဆွဲထည့်လိုက်တာ အဲဒါတွေက ဆုတ်ယုတ်ကုန်တာ။

     

    မေး။              ။ ရှေ့လုပ်ငန်းစဉ်တွေမှာရော ဗိုလ်ချုပ်ခင်ညွန့်ကို အလုပ်လုပ်ဖို့ ပြန်လည် လက်တွေခေါ်ယူမယ်ဆိုရင် ဘယ်လိုများ ဖြစ်နိုင်ပါလဲ။

    ဖြေ။              ။ အဲဒါကတော့ အာဏာပိုင်တွေရဲ့အပိုင်း ဗိုလ်ချုပ်ခင်ညွန့်ရဲ့အပိုင်းဖြစ်နေတော့ ကိုကိုယ်တိုင် မဟုတ်တဲ့အတွက်မဖြေနိုင်ပါဘူး။

     

    မေး။              ။ နောက်ထပ် ဘာများဖြည့်စွက်ပြောခြင်ပါသေးလဲ။

    ဖြေ။              ။ ဒီနေ့အစိုးရဟာ လုပ်သင့်လုပ်ထိုက်တာကို လုပ်တယ်။ ဒီအလုပ်ကိုပဲ ဒီ့ထက်ပိုပြီး ပေါ်လွင်ထင်ရှားအောင် သွက်သွက်လက်လက်လေးနဲ့ လုပ်ပေးဖို့လိုပါတယ်။ ဒီနိုင်ငံဟာ အနှစ်(၂၀) ကျော်ကြီး ဆုတ်ယုတ်လာခဲ့တဲ့ နိုင်ငံဖြစ်ပါတယ်။ ပြည်သူရော အာဏာပိုင်ရော တိုင်းရင်းသားခေါင်းဆောင်တွေရော နိုင်ငံရေး အင်အားစုတွေရော အားလုံးဟာ တော်တော် ပင်ပန်းလာကြပါပြီ။ ဒီအစိုးရအသစ်အနေနဲ့ကတော့ အရင်တုန်းကကိစ္စတွေကို လက်ခံပါတယ် ။ ရွေးကောက်ပွဲဆိုလဲ ဘယ်လိုရွေးကောက်ပွဲဖြစ်ခဲ့တယ်။ ဘယ်လိုအရေးယူခဲ့လဲ။ ဒါကိုသမိုင်းကောင်းခြင်လို့ လက်ရှိအစိုးရကလုပ်တယ်လို့မြင်ပါတယ်။ သမိုင်းကောင်းအောင် လုပ်ဖို့ လူတိုင်းမှာ တာဝန်ရှိပါတယ်။ ဒါပေမဲ့ ဒီထက်ကပိုပြီးသွက်သွက်လေး လုပ်ဖို့ လိုပါတတယ်။ ကြိုလဲ ကြိုဆိုပါတယ်။ ခုလိုလွှတ်ပေးတာကိုလဲ ကျေနပ်ပါတယ်။ ဒါကြောင့်မို့လို့ သမ္မတကြီး ဦးသိန်းစိန်ကို ရဲရဲဝံ့ဝံ့နဲ့ ပြတ်ပြတ်သားသားနဲ့ ဆက်ပြီးလုပ်ပါလို့ တိုက်တွန်းခြင်ပါတယ်။

    ခုလိုဖြေကြားပေးခဲ့တဲ့အတွက်ကျေးဇူးတင်ပါတယ်။

     

    Shwe Myitmakha Media Group   မှ တဆင့် ကူးယူဖော်ပြပါသည်။