ဧပြီ ၁၉၊ ၂၀၁၈
M-Media
– မောင်းသူမဲ့ကား ထုတ်လုပ်နိုင်ဖို့အတွက် စမ်းသပ်မှုတွေ တော်တော်များများလုပ်နေတယ်လို့ Alibaba ပိုင်ရှင် ဂျက်မာက ဒီကနေ့မှာ အတည်ပြုလိုက်ပါတယ်။
ပြီးခဲ့တဲ့လ အမေရိကန်မှာ အမျိုးသမီးတစ်ဦးဟာ Uber ရဲ့ မောင်းသူမဲ့ကားတစ်စီး တိုက်မိမှုကြောင့် သေဆုံးခဲ့ပြီးတဲ့နောက် မောင်းသူမဲ့ကားတွေနဲ့ပတ်သက်လို့ စိုးရိမ်မှုတွေ ရှိနေပေမယ့် Google လို နည်းပညာ ထိပ်တန်းကုမ္ပဏီကြီးတွေဟာ ဒီလုပ်ငန်းမှာ ဒေါ်လာဘီလီယံချီ ရင်းနှီးမြှုပ်နှံမှုတွေ ရရှိဖို့အတွက် စွဲဆောင်မှုတွေ လုပ်နေပါတယ်။
ကမ္ဘာ့အကြီးဆုံး ကားဈေးကွက်ရှိတဲ့ တရုတ်နိုင်ငံမှာလည်း မောင်းသူမဲ့ကားတွေကို အပြိုင်အဆိုင်ထုတ်လုပ်နေကြပါတယ်။ အလီဘာဘာရဲ့ ပြိုင်ဘက်ဖြစ်ပြီး အင်တာနက်ကုမ္ပဏီလည်းဖြစ်တဲ့ Baidu က နောက်ထပ် ၃ နှစ်ကနေ ၅ နှစ်အတွင်း တရုတ်နိုင်ငံမှာ မောင်းသူမဲ့ကားတွေ အသုံးပြုနိုင်အောင် ဆောင်ရွက်သွားမယ်လို့ မကြာသေးခင်က ကြေငြာခဲ့ပါတယ်။
Baidu နဲ့ တရုတ်နည်းပညာ ကုမ္ပဏီကြီး Tencent တို့ဟာ မောင်းသူမဲ့ကားနယ်ပယ်မှာ အလီဘာဘာရဲ့ပြိုင်ဘက် ဖြစ်ပါတယ်။
“ကျွန်တော်တို့ဟာ မောင်းသူမဲ့ပစ္စည်းတွေနဲ့ပတ်သက်ပြီး သုတေသနတွေ အများကြီး လုပ်နေပါတယ်။ ကျွန်တော်တို့လုပ်ချင်တာက ကားတွေ ပိုပြီး အော်တိုမက်တစ်ဖြစ်ဖို့၊ အသုံးပြုရလွယ်ကူဖို့၊ မောင်းနှင်စရာထက် လူသားတွေရဲ့ မိတ်ဖက်တစ်မျိုးဖြစ်ဖို့ ဘယ်လိုလုပ်လို့ရမလဲ ဆိုတာပါ” လို့ ဂျက်မာက ဒီနေ့ ဘန်ကောက်ခရီးစဉ်မှာ သတင်းထောက်တွေကို ပြောကြားခဲ့ပါတယ်။
ဂျက်မာဟာ ထိုင်းအစိုးရနဲ့ ကန်ဒေါ်လာ သန်း ၃၀၀ ကျော် တန်ကြေးရှိတဲ့ စာချုပ်တစ်ခုကို ချုပ်ဆိုခဲ့ပြီး ထိုင်းနိုင်ငံအရှေ့ပိုင်းမှာ ဒေသတွင်းဈေးကွက်တွေကို ဆက်စပ်ပေးမယ့် ဒစ်ဂျစ်တယ်ဌာနကြီးတစ်ခု တည်ထောင်ဖို့ ဖြစ်ပါတယ်။
“ကျွန်တော်တို့ရဲ့ သားမြေးတွေဟာ တစ်ရက်ကို ၄ နာရီ၊ တစ်ပတ်ကို ၄ ရက်၊ ဒါမှမဟုတ် ၃ ရက်သာ အလုပ်လုပ်ရမယ်လို့ ကျွန်တော် ယုံကြည်ပါတယ်။ ဒါပေမယ့် သူတို့က အရမ်းအလုပ်များနေပြီလို့ ပြောကြလိမ့်မယ့် ဘာ့ကြောင့်အလုပ်များနေတာလဲလို့မေးရင် သူတို့ ကားထဲမှာ ထိုင်နေရတာကို အလုပ်များတယ်လို့ ပြောကြမှာ”
အလီဘာဘာရဲ့ မောင်းသူမဲ့ကားနဲ့ပတ်သက်တဲ့ အစီအစဉ်အကြောင်း ဂျက်မာက အသေးစိတ်မပြောပြခဲ့ပေမယ့် Tencent၊ Baidu တိုနဲ့ ပြိုင်ဆိုင်ဖို့မဟုတ်ဘူးလို့ ပြောကြားခဲ့ပါတယ်။
Ref: CNA