Tag: dubai

ကမ္ဘာ့ပထမဆုံး စမတ် ကားနံပါတ်ပြားစနစ်ကို ဒူဘိုင်းတွင် စတင်အသုံးပြုမည်

ဧပြီ ၁၂၊ ၂၀၁၈
M-Media

– အာရပ်စော်ဘွားများပြည်ထောင်စု (ယူအေအီး) နိုင်ငံ ဒူဘိုင်းမြို့မှာ လာမယ့်လအတွင်း ကားတွေအတွက် စမတ်နံပါတ်ပြား ရှေ့ပြေးစီမံကိန်းကို စတင်အကောင်အထည်ဖော်ဖို့ ရှိနေပြီး ကမ္ဘာ့ပထမဆုံး စမတ်နံပါတ်ပြား စီမံကိန်းလည်း ဖြစ်ပါတယ်။

စမတ်နံပါတ်ပြားဆိုတာ ဒစ်ဂျစ်တယ်စခရင်နဲ့ ကားနံပါတ်ကို ဖော်ပြတာဖြစ်ပြီး ဂျီပီအက်စ်စနစ်၊ ထရန်စမစ်တာ၊ မိုကခရိုပရောဆက်ဆာ ချစ်ပ်တွေလည်း ဒီစရင်မှာ တွဲဖက်တပ်ဆင်ထားမှာ ဖြစ်ပါတယ်။

ဒူဘိုင်း လမ်းပန်းဆက်သွယ်ရေးနှင့် ပို့ဆောင်ရေး အာဏာပိုင်အဖွဲ့ RTA အကြီးအကဲ အဘ်ဒူလာ ယူစွဖ် အလ် အလီက ဒီစနစ်ဟာ ဒူဘိုင်းရဲ့ ၁၀ နှစ်စာ ခုန်ပျံကျော်လွှားရေးစီမံကိန်း 10X ရဲ့ တစ်စိတ်တစ်ပိုင်းဖြစ်ပြီး ကမ္ဘာ့ပထမဆုံး ဖြစ်တယ်လို့ ဆိုပါတယ်။

အဲဒီ စမတ်နံပါတ်ပြားဟာ ကားရဲ့အမှုမှတ်တမ်း၊ ကားမောင်းသူရဲ့ အီလက်ထရောနစ် ပိုက်ဆံအိတ် (e-purse) တို့နဲ့ ချိတ်ဆက်ထားမှာဖြစ်ပြီး လိုင်စင်သက်တမ်းတိုးတာ၊ ယာဉ်အမှုစစ်တာ၊ ဒဏ်ငွေပေးဆောင်တာတွေကို ထိုင်ရာမထ လုပ်နိုင်မှာ ဖြစ်ပါတယ်။

ဒါ့အပြင် ယာဉ်မောင်းအနေနဲ့ ဗဟိုထိန်းချုပ်ရေးစင်တာက အာဏာပိုင်တွေနဲ့ တိုက်ရိုက် ဆက်သွယ်နိုင်မှာလည်း ဖြစ်ပါတယ်။

ရှေ့ပြေးစီမံကိန်းအတွင်း သတ်မှတ်ထားတဲ့ လမ်းကြောင်းတွေမှာ စမ်းသပ်မှာဖြစ်ပြီး နောက်ပိုင်းမှာ အစမ်းကာလ၊ အဲဒီနောက်မှာမှ တစ်နိုင်ငံလုံးသုံးနိုင်အောင် စီစဉ်သွားမှာ ဖြစ်ပါတယ်။

ဒူဘိုင်းဟာ အခုနှစ်အနှောင်းပိုင်းမှာ မောင်းသူမဲ့ ကားရထားတွဲတွေကိုလည်း စမ်းသပ်ဖို့ ရှိနေပါတယ်။ အဲဒီ ကားရထား တစ်တွဲကို လူ ၁၀ ယောက်လောက် စီးနိုင်မှာဖြစ်ပါတယ်။

Ref: Alarabiya

April 12, 2018
ဘဏ်အကောင့်များဖောက်သည့် ထိုင်းသူခိုးဂိုဏ်းကို ဒူဘိုင်းရဲတပ်ဖွဲ့ ဖမ်းဆီး

မတ် ၂၅၊ ၂၀၁၈
M-Media

– အာရှနိုင်ငံများတွင် ဘဏ်အကောင့်များမှာ ကန်ဒေါ်လာ ၃.၂ သန်း ခိုးယူခဲ့သည့် ထိုင်းသူခိုးဂိုဏ်းကို ဒူဘိုင်းရဲတပ်ဖွဲ့က ဖမ်းဆီးလိုက်သည်ဟု သိရသည်။

အမျိုးသားများနှင့် အမျိုးသမီး စုစုပေါင်း ၂၅ ဦးပါဝင်သော အဆိုပါသူခိုးဂိုဏ်းကို ထိုင်းအာဏာပိုင်များ၏ သတင်းပေးမှုဖြင့် ဖမ်းဆီးခဲ့ခြင်းဖြစ်သည်ဟု ဒူဘိုင်းရဲတပ်ဖွဲ့မှ ဗိုလ်ချုပ် ခါလီလ် အီဘရာဟင် အလ်-မန်ဆူရီက ပြောကြားခဲ့သည်။

၎င်းတို့ထဲတွင် ၂၄ ဦးမှာ ထိုင်းနိုင်ငံသားများဖြစ်ပြီး ၁ ဦးမှာ ထိုင်ဝမ်မှ ဖြစ်သည်။

“လူနေရပ်ကွက်က သူတို့ပုန်းနေတဲ့နေရာကို ရှာဖွေပြီးတဲ့နောက် ကျွန်တော်တို့အဖွဲ့ဟာ အဲဒီနေရာကို စီးနင်းကာ အမျိုးသမီးတွေ အမျိုးသားတွေပါဝင်တဲ့ သူတို့အဖွဲ့နဲ့ စမတ်ဖုန်း အလုံး ၁၅၀၊ လက်တော့ အလုံး ၄၀၊ ရာဇ၀တ်မှု တွေကျူးလွန်ဖို့ အထောက်အကူဖြစ်စေတဲ့ အခြား နည်းပညာပိုင်းဆိုင်ရာ ပစ္စည်းတွေကို ဖမ်းဆီးခဲ့ပါတယ်” ဟု အလ်-မန်ဆူရီက ပြောကြားခဲ့သည်။

ဖမ်းဆီးမှုဗီဒီယိုကိုလည်း ဒူဘိုင်းရဲတပ်ဖွဲ့က Twitter စာမျက်နှာတွင် ဖော်ပြခဲ့သည်။

အဆိုပါ သူခိုးဂုဏ်းမှာ အွန်လိုင်းအသုံးပြုကာ အခြားသူများထံမှ ငွေကြးများ လိမ်လည်မှု ပြုလုပ်နေပြီး ထိုင်းနိုင်ငံတွင်လည်း လိမ်လည်မှုများ ပြုလုပ်ခဲ့သည်ဟု သတင်းများ ထွက်ပေါ်ထားသည်။

အလ်-မန်ဆူရီက ယခုကဲ့သို့ ဖမ်းဆီးနိုင်မှုမှာ ဒေသတွင်းနှင့် နိုင်ငံတကာ ရာဇ၀တ်မှုတိုက်ဖျက်ရေး နယ်ပယ်၌ ယူအေအီးနှင့် အခြားနိုင်ငံများအကြား ကောင်းမွန်သော ဆက်ဆံရေးကို ဖော်ကျူးနေခြင်းဖြစ်သည်ဟု ထည့်သွင်း ပြောဆိုခဲ့သည်။

Ref: Alarabiya

March 25, 2018
ကမ္ဘာ့အကြီးဆုံး နေစွမ်းအင်သုံး ဓာတ်အားပေးစီမံကိန်း ဒူဘိုင်းတွင်စတင်

မတ် ၂၁၊ ၂၀၁၈
M-Media

စီမံကိန်းပုံစံ

– နေအိမ်ပေါင်း ၂၇၀၀၀၀ လောက်ကို ဓာတ်အားပေးနိုင်ပြီး ကမ္ဘာပေါ်မှာ အကြီးဆုံး ပြည့်ဖြိုးမြဲစွမ်းအင်ရင်းမြစ်ဖြစ်လာမယ့် နေစွမ်းအင်သုံး ဓာတ်အားပေးစီမံကိန်းကို ဒူဘိုင်းက စတင်တော့မယ်လို့ သိရပါတယ်။

‘မိုဟာမက် ဘင် ရာရှစ် ဆိုလာပန်းခြံ’ လို့ အမည်ပေးထားတဲ့ အဲဒီစီမံကိန်းကို မကြာခင် တည်ဆောက်တော့မှာဖြစ်ပြီး ပထမဆင့် မီဂါဝပ် ၇၀၀၊ ၂၀၂၀ ခုနှစ်မှာ ဓာတ်အား မီဂါဝပ် ၁၀၀၀၊ ၂၀၃၀ ပြည့်နှစ်မှာ မီဂါဝပ် ၅၀၀၀ အထိ ထုတ်လုပ်သွားနိုင်ဖို့ ရည်ရွယ်တာ ဖြစ်ပါတယ်။

ယူအေအီး ဒုတိယသမ္မတဖြစ်ပြီး ဒူဘိုင်းအုပ်ချုပ်ရေးမှူးဖြစ်တဲ့ ရှိခ်မိုဟာမက် အလ် မခ်သွမ်က “ဒူဘိုင်းဟာ ကမ္ဘာပေါ်မှာ ဈေးအချိုဆုံး နေစွမ်းအင်ထုတ်လုပ်တဲ့နေရာပါ။ ကျွန်တော်တို့ရဲ့ ရည်မှန်းချက်က ၂၀၅၀ ပြည့်နှစ်ရောက်ရင် စွမ်းအင်ထုတ်လုပ်မှု စုစုပေါင်းရဲ့ ၇၅ ရာခိုင်နှုန်းကို ပြည့်ဖြိုးမြဲရင်းမြစ်တွေကနေ ရရှိဖို့ပါ” လို့ Twitter စာမျက်နှာမှာ ရေးသားခဲ့ပါတယ်။

စီမံကိန်းကို ဒူဘိုင်း ရေနှင့် လျှပ်စစ်ဆိုင်ရာ အာဏာပိုင်အဖွဲ့ (Dewa)၊ ဆော်ဒီက Acwa Power တို့ ပူးပေါင်းက ဆောင်ရွက်တာဖြစ်ပြီး နောက်ထပ် ၄ နှစ်အတွင်း
ကာဘွန်ထုတ်လွှတ်မှု တန်ပေါင်း ၁.၄ သန်းလောက် လျော့ချဖို့ ရည်ရွယ်ထားပါတယ်။

စီမံကိန်းအတွက် ဒီရဟမ် ၁၄ ဘီလီယံလောက် ကုန်ကျမှာဖြစ်ပြီး ကမ္ဘာ့အကြီးဆုံး နေရောင်ခြည်သုံး စွမ်းအင်သိုလှောင်ရာနေရာ ဖြစ်လာမှာဖြစ်သလို၊ မီတာ ၂၆၀ မြင့်တဲ့ ကမ္ဘာ့အမြင့်ဆုံး ဆိုလာဝါတစ်ခုလည်း ပါဝင်မှာ ဖြစ်ပါတယ်။

Ref: Khaleejtimes

March 21, 2018
လူမလိုသည့် ရဲတပ်ဖွဲ့စီမံကိန်း ဒူဘိုင်းစတင်

မတ် ၁၃၊ ၂၀၁၈
M-Media

– ဒူဘိုင်းရဲတပ်ဖွဲ့ ကမ္ဘာ့ အစွမ်းထက်ဆုံး နည်းပညာတွေကိုသုံးပြီး ရဲလုပ်ငန်းစဉ်တွေ ဆောင်ရွက်မယ့် စီမံကိန်းတစ်ခုကို စတင်နေတယ်လို့ ဒူဘိုင်းအနာဂတ်ဖောင်ဒေးရှင်း DFF က မနေ့မှာ ကြေငြာလိုက်ပါတယ်။

‘ရဲသားမရှိသော ရဲတပ်ဖွဲ့’ လို့ နာမည်ပေးထားပြီး ဒူဘိုင်းရဲ့ ရည်မှန်းချက်ကြီးတဲ့ ၁၀ စုနှစ်တစ်ခု ခုန်ကျော်ရေး အစီစဉ် Dubai 10X ရဲ့ တစ်စိတ်တစ်ပိုင်းလည်း ဖြစ်ပါတယ်။

အဆင့်မြင့်နည်းပညာတွေကိုသုံးပြီး ရဲလုပ်ငန်းစဉ်ဆောင်ရွက်မယ့် ဒီစီမံကိန်းမှာ အဆင့် ၃ ဆင့် ပါဝင်မှာဖြစ်ပြီး ပထမအဆင့်က နိုင်ငံတစ်ဝှမ်း အိမ်တိုင်း၊ ခြံတိုင်းမှာ ကင်မရာတွေ တပ်ဆင်တာ၊ crowdsourcing စနစ်၊ အဆင့်မြင့်နည်းပညာများ ဖြန့်ကျက် ချထားတာတွေနဲ့ ပြည်သူ့လုံခြုံရေး၊ ဘေးအန္တရာယ်ကင်းရှင်းရေးကို ဆောင်ရွက်မှု ဖြစ်ပါတယ်။

ဒုတိယအဆင့် ဆောင်ရွက်မှုက surveillance blimp လို့ခေါ်တဲ့ လေကြောင်းအခြေပြု သတိပေးစနစ် တပ်ဆင်အသုံးပြုတာဖြစ်ပြီး နိုင်ငံရဲ့ ဝေဟင်ပိုင်နက်နဲ့ မြေပြင်က ကိစ္စတွေကိုပါ ထောက်လှမ်း စောင့်ကြည့်နိုင်မှာဖြစ်ပါတယ်။

တတိယအဆင့်ကတော့ ရဲစခန်းတွေ တိုးချဲ့စရာမလိုမယ့် Station on Patrol စနစ် အကောင်အထည်ဖော်ရေးဖြစ်ပြီး အရေးပေါ်အခြေအနေတွေကို အမြန်ဆုံးတုန့်ပြန်နိုင်ဖို့ ရည်ရွယ်တာဖြစ်ပါတယ်။

ဒူဘိုင်းရဲချုပ် အဘ်ဒူလာ အလ်-မာရီက ဒီလို နည်းပညာသစ်တွေဟာ လုံခြုံရေးနဲ့ ဘေးအန္တရာယ်ကင်းရှင်းရေးအဆင့်ကို မြင့်မားစေလိမ့်မယ်လို့ ပြောကြားခဲ့ပါတယ်။

“ဒီစီမံကိန်းတွေနဲ့ ကျွန်တော်တို့ဟာ လူမလိုတဲ့ ရဲလုပ်ငန်းစဉ်ကို အမှန်တကယ် အကောင်အထည်ဖော်နိုင်မှာ ဖြစ်ပါတယ်။ ဘေးအန္တရာယ်ကင်းရှင်းရေးနဲ့ လုံခြုံရေး အဆင့်အတန်းမြင့်စေဖို့၊ စိန်ခေါ်မှုတွေကို အမြန်ဆုံး တုန့်ပြန်နိုင်ဖို့၊ ကျွန်တော်တို့နိုင်ငံသားတွေ၊ ကျွန်တော်တို့တိုင်းပြည်မှာ နေထိုင်တဲ့သူတွေ ပျော်ရွှင်ချမ်းမြေ့စေဖို့အတွက် ပြည်သူလူထုနဲ့ပူးပေါင်းကာ ဒီစီမံကိန်းတွေကို ဆောင်ရွက်ဖို့ ရည်ရွယ်ထားပါတယ်”

ရာဇ၀တ်ကောင်တွေကို အတည်ပြုရတာ၊ ဖမ်းဆီးရတာတွေမှာ ပုံမှန်ရဲလုပ်ငန်းစဉ်တွေက အချိန်ကြာမြင့်ကြောင်း၊ နောက်ဆုံးပေါ် နည်းပညာတွေနဲ့ ဆောင်ရွက်မယ့် အခုစီမံကိန်းက လုပ်ငန်းစဉ်ကို လွယ်ကူချောမွေ့ မြန်ဆန်စေမှာ ဖြစ်ကြောင်းလည်း ရဲချုပ်က ထည့်သွင်းပြောဆိုခဲ့ပါတယ်။

Ref: Alarabiya

March 13, 2018
ယူအေအီးအမျိုးသမီးများ၏ စွမ်းဆောင်ရည်ကို ခေါင်းဆောင်များ ချီးကျူး

မတ် ၉၊ ၂၀၁၈
M-Media

ဒူဘိုင်းအစိုးရ၀န်ထမ်း အမျိုးသမီးများနှင့်အတူ တွေ့ရသည့် ရှိခ် မိုဟာမက် ဘင် ရာရှစ် အလ် မခ်တွန်

– အာရပ်စော်ဘွားများပြည်ထောင်စု ယူအေအီးရဲ့ ဒူဘိုင်းပြည်နယ် အုပ်ချုပ်ရေးမှူးက သူ့အစိုးရမှာ ၇၀ ရာခိုင်နှုန်းဟာ အမျိုးသမီးတွေဖြစ်ကြပြီး၊ သူတို့တွေရဲ့ စွမ်းဆောင်ရည်အတွက် ဂုဏ်ယူရတယ်လို့ ပြောကြားလိုက်ပါတယ်။

မနေ့ကကျရောက်တဲ့ နိုင်ငံတကာ အမျိုးသမီးများကို ဂုဏ်ပြုတဲ့အနေနဲ့ Twitter စာမျက်နှာမှာ ရေးသားရာမှာ ရှိခ် မိုဟာမက် ဘင် ရာရှစ် အလ် မခ်တွန်က ဒီလို ပြောဆိုခဲ့တာပါ။

“ကျွန်တော့်အစိုးရရဲ့ ၇၀ ရာခိုင်နှုန်းဟာ အမျိုးသမီးတွေပါ။ ဒီအတွက်၊ သူတို့ရဲ့ နေ့စဉ် ကြိုးပမ်းအားထုတ်မှုတွေအတွက် ကျေးဇူးတင်ပါတယ်။ သူတို့သာမရှိဘူးဆိုရင် ဒီကနေ့ ကျွန်တော်တို့ရှိနေတဲ့အဆင့်မျိုးကို ရောက်လာမှာ မဟုတ်ပါဘူး။ ၀န်ကြီးတိုင်း၊ အစိုးရတာဝန်ရှိသူတိုင်းဟာ ဒီအမျိုးသမီးတွေရဲ့ ကြိုးပမ်းအားထုတ်မှုတွေကို ဂုဏ်ယူမယ်လို့ ကျွန်တော် မျှော်လင့်ပါတယ်။ ခင်ဗျားတို့ကြောင့် ယူအေအီးဟာ ကြီးကျယ်ခမ်းနားတဲ့နိုင်ငံ ဖြစ်လာတာပါ” လို့ ရေးသားခဲ့ပါတယ်။

ယူအေအီးက အမျိုးသမီးတွေဟာ မျိုးဆက်သစ်တွေရဲ့ ဗိသုကာ၊ ဖွံ့ဖြိုးတိုးတက်မှု မိတ်ဖက်၊ တိုင်းပြည်ကို ပြောင်းလဲနိုင်စွမ်းရှိသူတွေဖြစ်ပြီး သူတို့ရဲ့ စွမ်းအား၊ အိနြေ္ဒသိက္ခာနဲ့ သဒ္ဓါတရား ထက်သန်မှုတွေဟာ နှစ်စဉ်နဲ့အမျှ တိုးတက်နေမယ်လို့ မျှော်လင့်ကြောင်းလည်း အလ် မခ်တွန်က ပြောကြားခဲ့ပါတယ်။

ယူအေအီး ဒုတိယကာကွယ်ရေးဦးစီးချုပ် အဘူဒါဘီအိမ်ရှေ့မင်းသား မိုဟာမက် ဘင် ဇာယဒ် အလ် နဟ်ယန်ကလည်း အမျိုးသမီးတွေဟာ နိုင်ငံရဲ့ နှလုံးသည်းပွတ်တွေဖြစ်တယ်လို့ ပြောကြားခဲ့ပါတယ်။

“အမျိုးသမီးများနေ့ဟာ ကျွန်တော်တို့အမိမြေက အမျိုးသမီးတွေရဲ့ ထူးခြားတဲ့အဆင့်အတန်းကို ထပ်မံမှတ်ကျောက်တင်ရမယ့် ကမ္ဘာလုံးဆိုင်ရာ အခမ်းအနားတစ်ခုပါ။ အမျိုးသမီးတွေဟာ ကျွန်တော်တို့တိုင်းပြည်ရဲ့ နှလုံးသား၊ အာဇာနည်တွေရဲ့ မိခင်၊ ဖွံ့ဖြိုးတိုးတက်မှုရဲ့ မိတ်ဖက်တွေ ဖြစ်ပါတယ်။ သူတို့ရဲ့ တည်ရှိမှုက ကျွန်တော်တို့ရဲ့ ဖွံ့ဖြိုးတိုးတက်မှု၊ သာယာဝပြောတဲ့အနာဂတ်ကို ချီတက်ရာမှာ အင်အားတွေဖြစ်ပါတယ်”

Ref: Khaleej Times

March 9, 2018