News @ M-Media

Tag: DuCharYarTan

  • မောင်းတော အကြမ်းဖက်မှုနှင့် ပတ်သက်၍ BMA ကြေညာချက်ထုတ်

    ဇန်နဝါရီ ၃၀၊ ၂၀၁၄
    M-Media

    မောင်းတော ဒုချီရာတန်း မှ ရိုဟင်ဂျာ မွတ်စလင်များ အသတ်ခံရမှု နှင့် ပတ်သက်၍  မြန်မာမွတ်စလင် အစည်းအရုံး မှ သဘောထားကြေညာချက် တစ်စောင်ကို ဒီဇင်ဘာလ ၂၈ ရက်နေ့ နေစွဲဖြင့် ထုတ်ပြန်ကြေညာလိုက်ပါသည်။ ကြေညာချက်အပြည့်အစုံမှာ အောက်ပါအတိုင်းဖြစ်ပါသည်။

    BMA

    မောင်းတော အစုအပြုံလိုက် လူသတ်မှုနဲ့ပတ်သက်၍ မြန်မာမွတ်စလင်အစည်းအရုံး၏ သဘောထားထုတ်ပြန်ချက်

    ၂၀၁၄ ခုနှစ် ဇန္န၀ါရီလ ဒုတိယပတ် အတွင်း ရခိုင်ပြည်နယ်မြောက်ပိုင်း ဒုချီရာတန်းကျေးရွာတွင် ရိုဟင်ဂျာများအပေါ် အကြမ်းဖက်လူသတ်မှုကြီး ထပ်မံဖြစ်ပွားခဲ့သည့်အတွက် မြန်မာမွတ်စလင်အစည်းအရုံးမှ လွန်စွာပင် စိုးရိမ်မကင်းဖြစ်ရပါသည်။ ဒေသခံများမှတဆင့်ရရှိသော သတင်းများအရ ရိုဟင်ဂျာပြည်သူများ၏ အသက်အန္တရာယ်မှာ အင်မတန်မှစိုးရိမ်ဖွယ်ရာများဖြင့် ကြုံတွေ့နေသည်ဟု သုံးသပ်ရပါသည်။

    ယင်းအကြမ်းဖက်မှုကြီးမှာ ၂၀၁၂ ခုနှစ်အတွင်း ရိုဟင်ဂျာများအား လူမျိုးတုန်းသန့်စင်ရေးအခြေအနေသို့ တွန်းပို့ပေးခဲ့သည့် ဖြစ်ရပ်ကဲ့သို့ပင် ရဲအရာရှိ တစ်ဦးအား ရိုဟင်ဂျာများ သတ်ဖြတ်ရာမှ စတင်ခဲ့သည်ဟု မြန်မာအစိုးရမှ တုန့်ပြန်စွပ်စွဲကာ ဖြစ်ရပ်မှန်အား ဖုံးကွယ်ရန် ကြိုးပမ်းနေသည်ကိုလည်း သတိပြုမိပါသည်။

    ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးမှ ဒုချီရာတန်း အကြမ်းဖက်မှုတွင် အမျိုးသမီးများနှင့် ကလေးသူငယ်များအပါအဝင် ရိုဟင်ဂျာ ၄၀ ကျော် အသတ်ခံရသည်ဟု ထုတ်ဖော်ပြောဆိုနေသော်လည်း မြန်မာအစိုးရမှာ ဖုံးကွယ်နေဆဲဖြစ်သည်။

    ဒီဇင်ဘာလ ၂၀၁၃ ခုနှစ်တွင် မောင်တောမြို့နယ်အတွင်း ၉၆၉ ဘာသာရေးအစွန်းရောက် ဘုန်းကြီးများ၏ သွေးထိုးလှုပ်ဆော်မှု လုပ်ငန်းစဉ်အား အစိုးရအာဏာပိုင်များမှ တရားဝင်ခွင့်ပြုခဲ့ပါသည်။ လူမျိုးရေး-ဘာသာရေး တင်းမာနေသည့် နေရာဒေသအတွင်း ယင်းကဲ့သို့သော လူမျိုးရေး အစွန်းရောက်သည့် သွေးထိုးလှုံ့ဆော်မှုများ ပြုလုပ်ခွင့်ပြုခဲ့ခြင်းကို ပြန်လည်သုံးသပ်ကြည့်လျင် အစိုးရ အာဏာပိုင်များ၏ လုပ်ရပ်မှာ သံသယရှိဖွယ်ရာဖြစ်ပါသည်။

    ဒုချီရာတန်း ကျေးရွာတွင် ဖြစ်ပွားခဲ့သော အကြမ်းဖက်မှုအား စုံစမ်းစစ်ဆေးပေးရန် အမေရိကန်နှင့် အင်္ဂလန်အစိုးရတို့၏ ပူးတွဲ ထုတ်ပြန်ကြေညာချက်အား မြန်မာမွတ်စလင် အစည်းအရုံးမှ ကြိုဆိုပါသည်။ သို့သော်လည်း ရိုဟင်ဂျာများအား တဖက်သတ် ဖိနှိပ်နေသည့် မြန်မာ အစိုးရ၏ စုံစမ်းစစ်ဆေးရေး ရလဒ်မှာလည်း အဖြေရှိရာသို့ ဦးတည်နေမည်မဟုတ်ပေ။

    မြန်မာနိုင်ငံတော်အစိုးရမှ ပြည်တွင်းတရားဥပဒေစိုးမိုးမှုရှိစေရန်နှင့် အပြစ်မဲ့ပြည်သူများ၏ အသက်အိုးအိမ် စည်းစိမ်းများအား အကာအကွယ်ပေးရန် အကြိမ်ကြိမ်ပျက်ကွက်ခဲ့ကြောင်း ဒုချီရာတန်း ဖြစ်ရပ်အား သက်သေအဖြစ်မြင်တွေ့ရပါသည်။ ထို့ကြောင့် ယင်းသို့စုံစမ်းစစ်ဆေးမှုများပြုလုပ်ရာတွင် ယုံကြည့်စိတ်ချရသည့် အပြည်ပြည်ဆိုင်ရာ အဖွဲ့အစည်းများမှ တိုက်ရိုက်ကိုင်တွယ်ဆောင်ရွက်သင့်သည်ဟု ယုံကြည်ပါသည်။

    ၂၀၁၂ တွင် ရိုဟင်ဂျာများအား လူမျိုးတုန်းသုတ်သင်ရှင်းလင်းမှုကြီးစတင်ပြုလုပ်ခဲ့ချိန်မှ၍ ၎င်းတို့၏ အခြေနေမှာ ပိုမိုဆိုးရွားလာပါသည်။ ရိုဟင်ဂျာပြည်သူများအပေါ် ပိတ်ပင်တားမြစ်မှုများ၊ ညင်းပန်းနှိပ်စက်မှုများနှင့် ဖိနှိပ်ချုပ်ချယ်ခြင်းများလည်း ပိုမိုကျယ်ပြန့်စွာလုပ်ဆောင်လာပါသည်။

    ဤကဲ့သို့သောအကြမ်းဖက်မှုများအား မြန်မာအစိုးရမှ ထိရောက်စွာကိုင်တွယ်ဖြေရှင်းခြင်း မပြုနိုင်ခဲ့သောကြောင့် ဘာသာရေး အသွင်ဆောင် အကြမ်းဖက်မှုကြီးမှာ မြန်မာနိုင်ငံအနှံ့သို့ လည်းကောင်း၊ အိမ်နီးချင်းနိုင်ငံများသို့လည်းကောင်း၊ အရှေ့တောင်အာရှနိုင်ငံများသို့လည်းကောင်း ပျံ့နှံ့ကူးစက်သွားခဲ့သည်ကိုလည်း တွေ့မြင်ခဲ့ရပြီးဖြစ်ပါသည်။

    ထို့ကြောင့် ကမ္ဘာ့ကုလသမဂ္ဂနှင့် အပြည်ပြည်ဆိုင်ရာ အသိုင်းအဝိုင်းကြီးနေဖြင့် ရိုဟင်ဂျာများအပါအဝင် မြန်မာနိုင်ငံအတွင်းနေထိုင်ကြသည့် လူနည်းစု အစ္စလာမ်ဘာသာဝင်များ၏ အသက်အန္တရာယ်အား အကာအကွယ်ပြုပေးရန်၊ နှင့် အခြားသော လူမျိုးစုများနည်းတူ လူ့အခွင့်အရေးအာမခံချက်ရရှိစေရန် လက်တွေ့ကျကျ ကိုင်တွယ်ဆောင်ရွက်ပေးရန်လိုအပ်ပါသည်။

    မြန်မာမွတ်စလင် အစည်းအရုံး                                ဇန္နဝါရီ ၂၈၊ ၂၀၁၄

    Media Contact; –
    ကိုကျော်စွာ +44 782 842 6801(UK) [email protected]; ကိုမျိုးဝင်း 0950 70304 (မြန်မာ) [email protected]; ကိုကျော်ဝင်း +44-740-345-2378(UK) [email protected]; ဒေါ်မော်လီ +1 416 516 7383 Canada [email protected]; Ma Yasmin +1 408 250 6227(USA) [email protected];

    BMA - Statement (Burmese) 28th Jan 2014.pdf-page-001 BMA - Statement (Burmese) 28th Jan 2014.pdf-page-002

  • မောင်တောမှ ရိုဟင်ဂျာများအား သတ်ဖြတ်မှု စုံစမ်းစစ်ဆေးဖို့ မြန်မာ အစိုးရကို ကမ္ဘာဘဏ် ဥက္ကဋ္ဌ တောင်းဆို

    ဇန်နဝါရီ ၂၈၊ ၂၀၁၄

    jim-yong-kim-world-bank

    ကမ္ဘာ့ဘဏ် ဥက္ကဋ္ဌက မြန်မာအစိုးရအနေနဲ့ ရခိုင်ပြည်နယ်၊ မောင်တောမြို့နယ်၊ ဒုချီးရားတန်း ကျေးရွာက သတ်ဖြတ်ခံ ရတယ်ဆိုတဲ့ ကိစ္စတွေကို စုံစမ်းစစ်ဆေး သင့်တယ်လို့ ပြောခဲ့ပါတယ်။ ဒီလအတွင်းမှာပဲ ရခိုင်ပြည်နယ်၊ ဒုချီးရားတန်းကျေးရွာမှာ ရိုဟင်ဂျာမွတ်ဆလင် အနည်းဆုံး (၄၀) လောက် သတ်ဖြတ် ခံရတယ်ဆိုတဲ့ သတင်းတွေ ထွက်ပေါ်ခဲ့တဲ့အပေါ် မြန်မာအစိုးရ အနေနဲ့ စုံစမ်းစစ်ဆေးရေးလုပ်ဖို့ ကမ္ဘာ့ဘဏ်ဥက္ကဋ္ဌ Jim Yong Kim က တနင်္လာနေ့မှာ တောင်းဆိုပါတယ်။

    “အကြမ်းဖက်မှုတွေကို ကျနော်တို့ လျစ်လျှူရှုထားမှာ မဟုတ်ပါဘူး၊ နောက် အစိုးရအနေနဲ့လည်း ဒီကိစ္စ စုံစမ်းစစ်ဆေးရေးအတွက် အတတ်နိုင်ဆုံး နည်းလမ်းပေါင်းစုံ အသုံးပြုဆောင်ရွက်ပြီး သင့်လျော်တဲ့နည်းလမ်းနဲ့ တုံ့ပြန်ဆောင်ရွက်လိမ့်မယ်လို့ ကျနော်တို့မျှော်လင့်တဲ့အကြောင်း” – ကမ္ဘာ့ဘဏ် ဥက္ကဋ္ဌ Jim Yong Kim က ဒီကနေ့ နေပြည်တော်မှာပြုလုပ်တဲ့ သတင်းစာရှင်းလင်းပွဲမှာ ပြောဆိုသွားတာ ဖြစ်ပါတယ်။ ဒီလ အစောပိုင်းတုန်းကပဲ ရခိုင်ပြည်နယ်၊ မောင်တောမြို့နယ်၊ ဒုချီးရားတန်းကျေးရွာက ဒေသခံ ရိုဟင်ဂျာ မွတ်ဆလင်အနည်းဆုံး (၄၀) လောက် သတ်ဖြတ်ခံရတယ်ဆိုပြီး ကုလသမဂ္ဂနဲ့ လူ့အခွင့်အရေး အဖွဲ့တွေက ပြောဆိုခဲ့ကြတာပါ။

    ကမ္ဘာ့ဘဏ်ဥက္ကဋ္ဌ ဂျင်ယုံကမ်ဟာ နေပြည်တော်မှာ ပြုလုပ်သွားတဲ့ ဒုတိယအကြိမ် ဖွံ့ဖြိုးတိုးတက်ရေး ပူးပေါင်းဆောင်ရွက်မှု ဖော်ရမ်မှာလည်း မိန့်ခွန်းပြောခဲ့ပြီး မနေ့က ညနေပိုင်းမှာတော့ နေပြည်တော် နိုင်ငံတကာ လေဆိပ်က တဆင့် မြန်မာနိုင်ငံကနေ ထွက်ခွာသွားပြီဖြစ်ပါတယ်။ မြန်မာပြည်ခရီးစဉ် အတွင်းမှာ ကမ္ဘာ့ဘဏ်ဥက္ကဋ္ဌ ဂျင်ယုံကမ်ဟာ သမ္မတ ဦးသိန်းစိန်၊ ပြည်ထောင်စု လွှတ်တော် နာယက သူရဦးရွှေမန်းတုိ့အပြင် အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ပါ သီးခြားစီ တွေ့ဆုံခဲ့ပါတယ်။

    မြန်မာနိုင်ငံတွင်း ၂၀၃၀ ခုနှစ်မှာ ပြည်သူအားလုံး လျှပ်စစ်မီးရရှိရေးနဲ့ အရည်အသွေးပြည့်မီတဲ့ ကျန်းမာရေးစောင့်ရှောက်မှု ရရှိရေးဆိုတဲ့ မြန်မာအစိုးရရဲ့ ရည်မှန်းချက်အတွက် ကမ္ဘာ့ဘဏ်အနေနဲ့ အမေရိကန်ဒေါ်လာ သန်း (၂,၀၀၀) ပမာဏရှိတဲ့ နှစ်ရှည်ဖွံ့ဖြိုးရေး အစီအစဉ် ဆောင်ရွက်သွားမယ်လို့ နေပြည်တော်မှာ ပြုလုပ်သွားတဲ့ သတင်းစာရှင်းလင်းပွဲမှာ ကမ္ဘာဘဏ် ဥက္ကဋ္ဌ ပြောကြားခဲ့ကြောင်းကို ဗီအိုအေရဲ့ သတင်းမှာ ဖော်ပြထားပါတယ်။

    ဗီအိုအေ မြန်မာပိုင်းတွင်ဖော်ပြထားသည့် သတင်းမှ ကောက်နှုတ်ဖော်ပြပါသည်။

    Link =>http://burmese.voanews.com/content/world-bank-will-support-2-millions-dollars-for-myanmar-health-and-electrics-/1838313.html

  • Irrawaddy: မောင်တော အကြမ်းဖက်ခံရမှု စုံစမ်းရန် ICG တိုက်တွန်း

    ဇန်နဝါရီ ၂၇၊ ၂၀၁၄
    ဧရာဝတီ

    12.-Photo-Rohingya
    ရခိုင်ပြည်နယ်၊ ဒုက္ခသည်စခန်းတခုအတွင်းမှ အမျိုးသမီးနှင့် ကလေးတဦး (ဓာတ်ပုံ – ဂျေပိုင် / ဧရာဝတီ)

    ရခိုင်ပြည်နယ်၊ မောင်တောမြို့ ဒုချီးရားတန်းရွာတွင် ဖြစ်ပေါ်ခဲ့သည့် အကြမ်းဖက်မှုနှင့် ပတ်သက်ပြီး အငြင်းပွားဖွယ် ဖြစ်နေချိန်၌ မြန်မာအစိုးရနှင့် လက်တွဲ ဆောင်ရွက်နေသည့် ဘယ်ဂျီယံနိုင်ငံ ဘရပ်ဆဲလ်မြို့ အခြေစိုက် နိုင်ငံတကာ ပဋိပက္ခများ လေ့လာစောင့်ကြည့်ရေး အဖွဲ့ (ICG) က ပွင့်လင်းမြင်သာသည့် စုံစမ်းမှု တခု အမြန်ဆုံး လုပ်ဆောင်ရန် တိုက်တွန်းလိုက်သည်။

    ဒုချီးရားတန်းရွာ၌ ရဲတပ်ကြပ်ကြီး တဦး သေဆုံးမှု အပါအ၀င် မွတ်စလင် ၄၀ ဦးကျော် သေဆုံးမှုတွင် ရာဇ၀တ်မှု ကျူးလွန်သူ အားလုံးကို မြန်မာ အစိုးရ အနေဖြင့် ထိထိရောက်ရောက် စုံစမ်း အရေးယူပေးရန် ICG က တိုက်တွန်းခြင်း ဖြစ်သည်။

    ICG ၏ ယခု သတင်းထုတ်ပြန်ချက်သည် အကြမ်းဖက်မှု ဖြစ်ပွားခဲ့ရာ ဒေသသို့ သွားရောက်ခဲ့သူများ အပါအ၀င် ယင်းအဖြစ်အပျက်နှင့် ပတ်သက်ပြီး မျက်မြင်သက်သေများနှင့် မေးမြန်း ပြောဆိုမှုပြီးနောက် မှတ်တမ်းဓာတ်ပုံ တချို့ပါ ရရှိခဲ့သောကြောင့် ဇန်န၀ါရီလ ၉ ရက်က ၁၃ ရက်အတွင်း အကြမ်းဖက်မှု ဖြစ်ရပ်တွင် လူပေါင်း ၄၉ ဦး ၀န်းကျင် အသတ်ခံခဲ့သည်ကို ယုံကြည်ရကြောင်းကို ယမန်နေ့ ရက်စွဲဖြင့် ထပ်မံ ထုတ်ဖော် ပြောဆိုခြင်း ဖြစ်သည်။

    ICG ၏ စုံစမ်းမှုများ အရ သေဆုံးသူများထဲတွင် အမျိုးသမီးနှင့် ကလေးငယ်များ ပါဝင်ပြီး ရဲတပ်ဖွဲ့က အဆိုပါ လူသတ်မှု တချို့ကို ကျူးလွန်ခဲ့ကြောင်း သတင်းထုတ်ပြန်ချက်တွင် ထည့်သွင်း ဖော်ပြထားသည်။

    ကုလသမဂ္ဂ အပါအ၀င် နိုင်ငံတကာ အဖွဲ့အစည်းများက အဆိုပါ အကြမ်းဖက်မှု အပေါ် အမှုမှန် ပေါ်လာရေး အမြန်ဆုံး ဆောင်ရွက်မှု ပြုရန် တိုက်တွန်းထားသော်လည်း မြန်မာ အစိုးရက ယင်းဖြစ်ရပ်သည် ဟုတ်မှန်ခြင်း မရှိကြောင်း ငြင်းဆိုဆဲ ဖြစ်သည်။

    ဒုချီးရားတန်းရွာ ကိစ္စနှင့် ပတ်သက်ပြီး မြန်မာ နိုင်ငံခြားရေး ၀န်ကြီးဌာနက ဇန်န၀ါရီလ ၂၄ ရက် နေ့စွဲဖြင့် ထုတ်ပြန် ကြေညာချက်မှာ အောက်ပါ အတိုင်း ဖြစ်သည်။

    “၂၀၁၄ ခုနှစ်၊ ဇန်နဝါရီလ ၁၃ ရက်၊ ညပိုင်းတွင် အဖွဲ့ဝင် ၅ ဦးပါသည့် ရဲလှည့်ကင်း အဖွဲ့သည် ပုံမှန်လှည့်ကင်း တာဝန် ထမ်းဆောင်စဉ် မောင်တောမြို့နယ်၊ ဒုချီးရားတန်း (အလယ်) ရွာအရောက်၌ တုတ်၊ ဓါး ကိုင်ဆောင်ထားသည့် ဘင်္ဂါလီအုပ်စုအင်အား (၁၀၀) ခန့်မှ ဝိုင်းဝန်းရန်မူ မှုကို ခံရသဖြင့် လူစုခွဲ ရှောင်ပေးခဲ့သည်။”

    “ယင်းသို့ လူစုခွဲ တိမ်းရှောင်စဉ် ရဲလှည့်ကင်း အဖွဲ့ခေါင်းဆောင်မှာ လူစုကွဲ၍ ကျန်ရစ်ခဲ့ပြီး ၎င်းကိုင်ဆောင်သော လက် နက်နှင့်အတူ ယနေ့တိုင် ပျောက်ဆုံးလျက် ရှိပါသည်။

    နယ်မြေခံ ရဲတပ်ဖွဲ့နှင့် လုံခြုံရေး တပ်ဖွဲ့ဝင်များသည် အင်အားစု စည်းပြီး ယင်းလူစုကွဲ ပျောက်ဆုံး ကျန်ရစ်ခဲ့သူအား ပြန်လည် ရှာဖွေရန် ၎င်းကျေးရွာသို့ ထပ်မံ သွားရောက်ခဲ့ရာတွင် တုတ်၊ ဓါး ကိုင်ဆောင်ထားသည့် ဘင်္ဂါလီ အုပ်စု အင်အား ၅၀၀ ကျော်၏ ဝိုင်းဝန်းရန်မူ မှုကို ခံခဲ့ရသည်။ အကြမ်းဖက် အုပ်စုသည် အန္တရာယ်ပြုရန် ချန်းကပ်လာသည့် အတွက် မိမိဘက်မှ သေနတ် ၈ ချက်ဖောက်၍ သတိပေးခဲ့သည်”

    “ယင်းသို့ သတိပေး ပစ်ဖောက်ခဲ့ခြင်းကြောင့် အရပ်ဘက် ပြည်သူ တစုံတဦး တယောက်မျှ ထိခိုက် သေဆုံးခြင်း မရှိခဲ့ ပါ” ဟု မြန်မာအစိုးရက ကြေညာခဲ့သည်။

    မြန်မာအစိုးရ၏ ယင်းကြေညာချက် ထွက်ပေါ်လာပြီး ၂ ရက် အကြာတွင် ICG က ဒုချီးရားတန်းရွာ ဖြစ်စဉ်နှင့် ပတ်သက်ပြီး ယခုကဲ့သို့ ထပ်မံ ဖော်ပြလာခြင်း ဖြစ်သည်။

    ICG ၏ သတင်းထုတ်ပြန်ချက်တွင် ပထမဆုံး ပြဿနာ ဖြစ်ပွားခဲ့သည့် ဇန်န၀ါရီလ ၉ ရက်တွင် ဘင်္ဂလားဒေ့ရှ် နယ်စပ်ကို ဖြတ်ကူးရန် ကြိုးစားနေသည့် မွတ်ဆလင် ၈ ဦး အုပ်စု တစုကို ရခိုင်ဗုဒ္ဓဘာသာ ရွာလူကြီးက ဖမ်းဆီး သတ်ပစ်ပြီး ကျင်းတူး မြှုပ်နှံခဲ့သည်မှာ အထင်အရှား ဖြစ်သော်လည်း မည်သည့်အတွက် ယင်းသို့ သတ်ဖြတ်ရသည်ကို ရှင်းလင်း သဲကွဲမှု မရှိကြောင်း ICG က ဆိုသည်။

    ဒုချီးရားတန်းရွာရှိ မွတ်ဆလင်တဦးက သေဆုံးသူတွေကို မြှုပ်နှံထားသည့် သင်္ချိုင်းကို ဖြတ်သွားစဉ် အလောင်းများကို စမတ်ဖုန်းနှင့် ဓာတ်ပုံရိုက်ခဲ့သည်ဟု ICG က ရေးသားထားသည်။ အဆိုပါ ဓာတ်ပုံ အထောက်အထားရှိနေသည့် အတွက် ရဲတပ်ဖွဲ့က သတင်းမပေါက်ကြားအောင် ကာကွယ် ကြိုးစားခဲ့သည်ဟု ICG က ဆိုသည်။

    ၎င်းကြိုးပမ်းမှုတွင် ရဲတပ်ကြပ်ကြီး တဦးအား မွတ်ဆလင် ရွာသားများက ဖမ်းဆီး သတ်ဖြတ်လိုက်သောကြောင့် ပြဿနာ မီးပွား စတင် ဖြစ်ပွားကာ လူသတ်မှုများကို လုပ်ဆောင်ခဲ့ခြင်း ဖြစ်သည်ဟု ICG ၏ ထုတ်ပြန်ချက်တွင် ဖော်ပြထားသည်။

    ICG ၏ ထုတ်ပြန်ချက် အရ အဆိုဒေသရှိ ရဲဝန်ထမ်းများသည် ရခိုင်လူမျိုးများ ဖြစ်ပြီး ပြီးခဲ့သည့် သတ်ဖြတ်မှုတွင် ပါဝင်ကျူးလွန်ခဲ့သည်ဟု ယုံကြည်ရသဖြင့် ယင်းဒေသခံ ရခိုင်လူမျိုး ရဲတပ်ဖွဲ့ဝင်များကို ရုပ်သိမ်းသင့်ကြောင်း ထောက်ပြ ထားသည်။

    အခင်းဖြစ်ရပ်အပေါ် စုံစမ်းမှုနှင့် နယ်မြေ လုံခြုံရေး ကိစ္စများ အတွက် ရခိုင်ပြည်နယ် ပြင်ပက ရဲတပ်ဖွဲ့များဖြင့်သာ ဖော်ဆောင် သင့်ကြောင်း ဖြစ်နိုင်ပါက စစ်တပ်က အကူအညီပေးသင့်ကြောင်း ICG က ထောက်ပြသည်။

    မြန်မာနိုင်ငံ အစိုးရ အနေဖြင့် ဆက်တိုက်ဖြစ်ပေါ်ခဲ့သည့် မွတ်ဆလင် ဆန့်ကျင်ရေး အကြမ်းဖက် ရာဇ၀တ်မှုများကို ကျူးလွန်နေသူများ အပေါ် အပြစ်ပေး အရေးယူမှု လုပ်မည် ဆိုပါလျှင် အစွန်းရောက် လှုပ်ရှားမှုများ အဆုံးသတ်သွားနိုင်ကြောင်း ICG က ဆက်လက် ဖော်ပြထားသည်။

    ICG က မကြာသေးခင်က ထုတ်ပြန်ခဲ့သည့် The Dark Side of Transition: Violence against Muslims in Myanmar “အသွင်ကူး ပြောင်းရေး၏ အမှောင်ဘက်ခြမ်း- မြန်မာနိုင်ငံတွင် မွတ်စလင်များအပေါ် အကြမ်းဖက်မှု” အစီရင်ခံစာတွင် မြန်မာနိုင်ငံ ပြုပြင်ပြောင်းလဲရေး ပွင့်လင်းလာသည့် ဖြစ်စဉ်တွင် ရဲတပ်ဖွဲ့ ပြုပြင်ပြောင်းလဲမှုများ ပြုလုပ်ရန် အကြံပြုထားသည်။

    ICG ၏ စာမျက်နှာ ၃၆ မျက်နှာရှိပါ ယင်းအစီရင်ခံစာတွင် ဖြစ်ပွားခဲ့သော ပဋိပက္ခများ အတွင်း အစိုးရ၏ ထိရောက်သော ဖြေရှင်းမှု မရှိခြင်း၊ လူ့အဖွဲ့အစည်း အတွင်း ခံယူချက် သဘောထားများ ပြောင်းလဲ မပစ်နိုင်ခြင်း များသည် ဒေသတွင်းနှင့် ပြင်ပ ကမ္ဘာအထိပါ သက်ရောက်နိုင်ကြောင်း ICG က ထောက်ပြ ထားသည်။

    ယင်းအပြင် ရဲတပ်ဖွဲ့ဝင်များအား တရားဥပဒေ စိုးမိုးရေးကို လေးစားရန်၊ လူစုလူဝေးဖြင့် ဖြစ်ပေါ်လာသည့် ကိစ္စများကို နိုင်ငံတကာ စံချိန်စံနှုန်းမီ ကိုင်တွယ် ဖြေရှင်းရန်နှင့် လူနည်းစုများကို အကာအကွယ် ပေးနိုင်ရေး စသည့် ကိစ္စရပ်များကို လေ့ကျင့် သင်ကြားပေးရန် လိုအပ်ကြောင်း အကြံပြု ထားသည်။

    Link=> http://burma.irrawaddy.org/news/2014/01/27/53966.html

  • မောင်တောမှ အကြမ်းဖက်မှု ရိုဟင်ဂျာ မွတ်စလင် ၄၀ ကျော် သေဆုံးခဲ့ဟု ကုလ သတင်းထုတ်ပြန်

    ဇန်နဝါရီ ၂၄၊ ၂၀၁၄
    M-Media

    2014123172049831580_20
    ရခိုင်ပြည်နယ်မှ ရိုဟင်ဂျာ မွတ်စလင်အမျိုးသမီး ၂ ဦး Photo- [Reuters]
    – ရခိုင်ပြည်နယ် မောင်တောမြို့ ဒူချီရာတန်း (အလယ်တန်းရွာ)မှ ရိုဟင်ဂျာများအား ရခိုင်-ဗုဒ္ဓဘာသာ လူအုပ်စုကြီးက ဓားရှည်များ၊ တောခုတ်ဓားများဖြင့် အကြမ်းဖက်တိုက်ခိုက်ခဲ့မှုကြောင့် လူ ၄၀ ကျော်သေဆုံးခဲ့သည်ဟု ကုလသမဂ္ဂမှ ယမန်နေ့တွင် သတင်းထုတ်ပြန်ခဲ့သည်။

    ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး Navi Pillay က ပြောကြားခဲ့ရာတွင် မောင်တော်မြို့ ဒူချီရာတန်း (အလယ်တန်းရွာ) ရွာတွင် ဇန်န၀ါရီ ၉ ရက်နေ့က ရိုဟင်ဂျာအမျိုးသား ၈ ဦးမှာ တိုက်ခိုက်သတ်ဖြတ်ခြင်းခံခဲ့ရသည်ဟု သတင်းများ ရရှိခဲ့ပြီးနောက်ပိုင်း သီတင်းပတ် တစ်ပါတ်ကြာတွင် အဆိုပါရွာ၌ပင် အကြမ်းဖက်မှုများ ဆက်လက်ဖြစ်ပွားခဲ့ကာ အမျိုးသမီးနှင့် ကလေးငယ်များအပါအ၀င် အနည်းဆုံး ရိုဟင်ဂျာ ၄၈ ဦးသေဆုံးခဲ့သည့် သတင်းကိုလည်း ခိုင်လုံသော သတင်းရင်းမြစ်များမှ ရရှိခဲ့သည်ဟု ပြောကြားခဲ့သည်။

    ” ဒူချီရာတန်း ရွာမှာ ဖြစ်ပွားခဲ့တဲ့ အသက်ဆုံးရှုံးမှုတွေအတွက် ၀မ်းနည်းမိပါတယ်။ ပြီးတော့ အာဏာပိုင်တွေအနေနဲ့ သမာသမတ်ကျပြီး၊ ထိရောက်တဲ့ စုံစမ်းစစ်ဆေးမှုတွေ ပြုလုပ်ပေးဖို့နဲ့၊ သေဆုံးသွားသူတွေနဲ့ သူတို့ရဲ့ မိသားစုတွေအပေါ် တရားမျှတမှုတွေ ဆောင်ကျဉ်းပေးဖို့ ကျွန်မ တိုက်တွန်းပါတယ်” ဟု ပီလေးက ပြောကြားခဲ့သည်။

    အဆိုပါရွာရှိ ရိုဟင်ဂျာများက ရဲတပ်ကြပ်တစ်ဦးအား ပြန်ပေးဆွဲခဲ့ပြီး သတ်ဖြတ်ခဲ့သည်ဟု သတင်းများ ထွက်ပေါ်လာပြီးနောက် ဇန်န၀ါရီ ၁၃ ရက်နေ့တွင် ဒုတိယအကြိမ် အကြမ်းဖက်မှု ဖြစ်ပွားခဲ့ခြင်းဖြစ်သည်ဟု မျက်မြင်သက်သေများနှင့် လူ့အခွင့်အရေး အဖွဲ့များက ပြောကြားခဲ့သည်။

    သို့သော်လည်း ရခိုင်ပြည်နယ် အစိုးရနှင့် မြန်မာအစိုးရကမူ ထိုကဲ့သို့ အစုလိုက်အပြုံလိုက် သတ်ဖြတ်ခံရမှု သတင်းအား ငြင်းဆန်ခဲ့ပြီး၊ ကုလ၏ သတင်းထုတ်ပြန်မှုမှာ လုံးဝ မှားယွင်းသည်ဟု ပြည်ထောင်စု အစိုးရ၏ ပြန်ကြားရေး-ဒုဝန်ကြီး သမ္မတ ပြောခွင့်ရ ပုဂ္ဂိုလ် ဦးရဲထွဋ်က ပြောကြားခဲ့သည်။

     

    Source: AP

  • မောင်တောမှ အကြမ်းဖက်မှု စုံစမ်းစစ်ဆေးပေးရန် ကုလသမဂ္ဂ တောင်းဆို

    ဇန်နဝါရီ ၂၄၊ ၂၀၁၄
    M-Media
    USG Amos Statement on Myanmar 23 January 2014-page-001
    – ရခိုင်ပြည်နယ် မောင်တောမြို့နယ် ရွာတစ်ရွာတွင် ပြီးခဲ့သည့် သီတင်းပါတ်က ဖြစ်ပွားခဲ့သော ရိုဟင်ဂျာများအား အစုလိုက် သတ်ဖြတ်မှုနှင့် ပတ်သက်၍ ကုလသမဂ္ဂ လူသားချင်းစာနာထောက်ထားမှုဆိုင်ရာ အကြီးအကဲ Valerie Amos က ဇန်န၀ါရီ ၂၃ ရက်နေ့(ယမန်နေ့) ရက်စွဲဖြင့် ကြေညာချက်တစ်စောင် ထုတ်ပြန်ခဲ့သည်ဟု သိရသည်။

    ထိုကြေညာချက်တွင် ဒူချီရာတန်း (အလယ်တန်းရွာ) ရွာတွင် ဖြစ်ပွားခဲ့သည့် အကြမ်းဖက်တိုက်ခိုက်မှုများနှင့် ရဲတပ်သားတစ်ဦးသေဆုံးမှု၊ အရပ်သား အများအပြား သေဆုံးမှုတို့အား မိမိတို့ဘက်မှ အလွန်အမင်းစိုးရိမ် ပူပန်မိကြောင်းဖော်ပြခဲ့ပြီး၊ အရပ်သားများကို ကာကွယ်မှု အပြည့်အ၀ပေးရေးနှင့် ထိုဒေသများတွင် ရှိနေသည့် အကြမ်းဖက်ခံပြည်သူများကို လူသားချင်းစာနာသည့် အကူအညီများပေးနေသော နိုင်ငံတကာမှ ၀န်ထမ်းများအား ၀င်ရောက်ခွင့်ပေးရန် မြန်မာအစိုးရအား တိုက်တွန်းခဲ့သည်။

    ထို့ပြင် အကြမ်းဖက်သတ်ဖြတ်မှုများနှင့် ပတ်သက်၍ သမာသမတ်ကျသော စုံစမ်း စစ်ဆေးမှုများပြုလုပ်ရန်၊ ထိုကိစ္စနှင့် ဆက်စပ်၍ ဖမ်းဆီး ထားသူများ၏ လူ့အခွင့်အရေးများကို လေးစားရန် စသည်တို့ကိုလည်း Valerie Amos က တောင်းဆိုခဲ့သည်။

    မြန်မာအစိုးရကမူ ပျောက်ဆုံးနေသော ရဲတပ်ကြပ်ကြီး တစ်ဦး ပျောက်ဆုံးမှုတွင် လူ ၁၉ဦးပါဝင်ပြီး ခေါင်းဆောင်ဖြစ်သူမှာ ဘင်္ဂလားဒေ့ရ်ှတွင် သင်တန်းတက်ခဲ့သူဖြစ်သည်ဟု အစိုးရသတင်းစာများတွင်ဖော်ပြခဲ့ပြီး  အရပ်သားများ အများအပြား သတ်ခံရမှုသတင်းများကို လုံးဝငြင်းဆိုထားဆဲဖြစ်သည်။