News @ M-Media

Tag: EDL

  • မွတ်စလင်မ် ဆန့်ကျင်ရေး လုပ်ဆောင်ခဲ့မှု့အပေါ် အင်္ဂလိပ် မျိုးစောင့်အဖွဲ့ EDL တည်ထောင်သူ ခေါင်းဆောင်ဟောင်းမှ တောင်းပန်

    အောက်တိုဘာ၊ ၁၃
    M-Media

    Tommy Robinson

    လက်ျာစွန်းရောက်အုပ်စုတွင်းရှိ လူမျိုးကြီးဝါဒီတို့၏အန္တရာယ်များနှင့်စပ်လျဉ်း၍ စုံစမ်းစစ်ဆေးပေးရန် ရဲဌာနသို့ တင်ပြပြောဆိုသွားမည်ဟု ဂါးဒီးယန်းအင်တာဗျူးတွင် EDL ခေါင်းဆောင်ဟောင်း တွန်မီ ရော်ဘင်ဆင်မှ ပြောကြားလိုက်သည်။

    ယင်းအင်တာဗျူး၌ ရော်ဘင်ဆင်က မိမိသည် EDL – English Defence League အဖွဲ့၌ရှိနေခဲ့စဉ်အတွင်း “ငါနှင့်မတူငါ့ရန်သူ” ၊ “မင်းတို့နှင့်ငါတို့” ကဲ့သို့သော မွတ်စ်လင်မ်ဆန့်ကျင်ရေးစကားလုံးများအသုံးပြု၍ ဗြိတိန်မွတ်စ်လင်မ်နှင့်လူ့အဖွဲ့အစည်းတို့အား ဒုက္ခပေးခဲ့မိခြင်းအပေါ် တောင်းပန်လိုက်သည်။

    ရော်ဘင်ဆင် (၃၀ နှစ်)၏အမည်မှန်မှာ Stephen Yaxley-Lennon ဖြစ်၍ ဇူလိုင်လ ၇ ရက်ဗုံးကွဲမှုနှင့်ပတ်သက်ပြီး မိမိယုံကြည်စွာလှုံ့ဆော်ခဲ့သော “မွတ်စ်လင်မ်မှန်သမျှဖယ်ရှားရေး”၊ အစ္စလာမ်သာသနာကို “ဖက်ဆစ်ဝါဒနှင့်အကြမ်းဖက်ဘာသာ” အဖြစ် ရှုတ်ချရေးတို့မှာ မှားယွင်းခဲ့ကြောင်း သိရပြီဟု ဆိုသည်။

    “ အဲ့လိုပြဿနာကိုဖန်တီးမိလို့ ကျွန်တော် စိတ်မကောင်းခြင်းများစွာနဲ့တောင်းပန်ပါတယ်။ ကျွန်တော့်အိမ်ထဲမှာလည်း ပြဿနာဝင်နေပါပြီ။ ကျွန်တော့်ဇာတိမြို့ Luton နဲ့ EDL က ကျွန်တော်ကိုယ်စားပြုခဲ့တဲ့လူတွေအကြားမှာ အစ္စလာမ့်အစွန်းရောက်တွေကြီးထွားလာတော့မယ်ဆိုပြီး စိုးရိမ်ကြောက်ရွံ့နေခဲ့ကြကုန်တယ်။ Lee Rigby သတ်ဖြတ်ခံရမှုအပေါ် ဒေါသအုံကြွပြီး ဥရောပရဲ့အကြီးမားဆုံးကန့်ကွက် ဆန္ဒပြမှုဖြစ်လာအောင် မီးမွှေးမှိုင်းတိုက်ပြောဆိုခဲ့စဉ်မှာ အရက်နဲ့စိတ်ကြွဆေးတွေကို သုံးစွဲလေ့ရှိခဲ့ပါတယ် ” ဟု ၄င်းမှ မချိတင်ကဲ ပြောဆိုရှင်းပြခဲ့သည်။

    အစ္စလာမ်အစွန်းရောက်အုပ်စု ဟိဇ်ဗုသ် သွာဟီးရ် ၏ ထင်ရှားသောအဖွဲ့ဝင်ဟောင်းတစ်ဦးဖြစ်သူ မဂျစ်ဒ် န၀ါ့ဇ်၏အနီးတွင်ထိုင်လျက် ရော်ဘင်ဆင်က မိမိသည် အကျဉ်းကျစဉ်၌ ယင်းသို့ကြံစည်စေခြင်းခံရကြောင်း၊ ယခုသော် ယင်းကဲ့သို့သော တစ်ဖက်စောင်းနင်းပေါက်ကွဲမှုနှင့်အမျက်တို့ကို ရပ်တန့်အောင်တားဆီးတော့မည်ဖြစ်ကြောင်း ပြောဆိုလိုက်၏။

    အစွန်းရောက်အတွေးအမြင်များကိုဆန့်ကျင်သည့် Quilliam Foundation ၏ ဦးဆောင်သူ န၀ါ့ဇ်သည် ကနဦးပိုင်းက ရော်ဘင်ဆင်သည် EDL အား စွန့်ခွာပြီဖြစ်ကြောင်း ထုတ်ဖော်မပြောမချင်း မိမိနှင့်အတူ ယှဉ်တွဲထိုင်ရန် လက်မခံခဲ့ချေ။

    မိမိတို့သည် လွန်ခဲ့သည့် ရက်သတ္တပတ်အတွင်း ဖုန်းဖြင့် အကျယ်တ၀င့်ပြောဆိုဆွေးနွေးခဲ့ကြကြောင်း၊ ၄င်းနောက် သူသည် ပြီးခဲ့သည့် တနင်္လာနှင့်အင်္ဂါ နှစ်ရက်လုံး Quilliam သို့ ရောက်ရှိလာပြီး တစ်နေကုန်ရှိနေခဲ့ကြောင်း၊ အင်္ဂါနေ့ညဥ့်ရောက်လေလျှင် Quilliam မှ သတင်းစာရှင်းလင်းပွဲတစ်ရပ် အရေးပေါ်စီစဉ်ကြောင်း၊ ၄င်း၌ ရော်ဘင်ဆင်က မိမိသည် EDL မှ စွန့်ခွာကျောခိုင်းမှုကိုကြေငြာခဲ့ကြောင်း န၀ါ့ဇ်မှ ပြောပြခဲ့သည်။ ဂါးဒီးယန်းနှင့် အင်တာဗျူးလုပ်သည့် ကြာသပတေးနေ့အထိ ရော်ဘင်ဆင်သည် မိမိ၏တစ်ချိန်ကလုပ်ရပ်အတွက် နောင်တစကား မဆိုခဲ့ပါ။ ယခုသော် အထက်ပါအတိုင်း ၀န်ခံတောင်းပန်လိုက်ပြီဖြစ်သည်။ သူ၏ အင်္ဂလိပ်(လူမျိုးကြီး)၀ါဒနှင့်စပ်လျဉ်း၍ မေးမြန်းသောအခါ ပြည်သူ၊ လူမျိုး၊ နိုင်ငံသည်တွဲလျက်ရှိနေသောကြောင့် မိမိ၏တိုင်းပြည်အပေါ်ရှိသည့်ခံစားချက်ဖြစ်သည်ဟု ၀န်ခံခဲ့သည်။ န၀ါ့ဇ်နှင့်ဆွေးနွေးပြီးနောက် လူမျိုးဘာသာယဉ်ကျေးမှုစုံ အတူတစ်ကွယှဉ်တွဲနေထိုင်ရေးအမြင်ကို ရော်ဘင်ဆင်မှ လက်ခံခဲ့၏။ သို့သော် အချို့သော အခွင့်ထူးခံအုပ်စုများကိုမူ မမြင်လိုပါဟု ဆိုသည်။

    ရော်ဘင်ဆင်ကို အစိုးရနှင့်ပြည်ထဲရေးရှိ မိမိအဆက်အသွယ်များနှင့် ချိတ်ဆက်ပေးပြီး ၄င်း၏ပြန်လည်ကုစားမှုလုပ်ဆောင်ချက်များအတွက် အစိုးရထောက်ပံ့မှုရရှိစေအောင် ဆောင်ရွက်သွားမည်ဟု အမြင်ကျယ်သည့် လစ်ဘရယ်လွှတ်တော်အမတ်တစ်ဦးလည်းဖြစ်သူ န၀ါ့ဇ်မှ ဆိုသည်။ ရော်ဘင်ဆင်ကလည်း မိမိ၏အနာဂတ်လုပ်ငန်းစဉ်၌ အစွန်းရောက်မှုမှန်သမျှ အတိုက်အခံပြုသွားမည်၊ ဖက်ဆစ်ဆန့်ကျင်ရေးအုပ်စုများကိုမူ ထောက်ခံသွားမည်မဟုတ်၊ အကြောင်းမှာ ၄င်းတို့သည် ကွန်မြူနစ်ဝါဒီနှင့်မင်းမဲ့ဝါဒီတို့အား ထောက်ပံ့နေခြင်းဖြစ်ကြောင်း ပြောဆိုခဲ့သည်။ လွန်ခဲ့သော ၄ နှစ်က သူဖွဲ့စည်းခဲ့သော အုပ်စုထဲမှ လူမျိုးကြီးဝါဒီဒုစရိုက်သမားတို့ကို ဖယ်ရှားရှင်းလင်းပစ်ရန် ရဲဌာနနှင့်ပူးပေါင်းဆောင်ရွက်ရေးအတွက် အာဏာပိုင်များထံတင်ပြသွားတော့မည်ဟုဆိုလျက် ဤသို့ ပြောပြခဲ့သည်။

    “ ဖက်ဆစ်ဝါဒီ နှင့် အစ္စလာမ်အစွန်းရောက်တွေဟာ ဒင်္ဂါးပြားတစ်ခုထဲက ခေါင်းနဲ့ပန်းသာ ဖြစ်ပါတယ် ”။

    Ref: theguardian

  • English Defense League အား တည်ထောင်သူ ယင်းအဖွဲ့မှ နုတ်ထွက်၊ အဖွဲ့ဝင်များ လက်ယာ စွန်းရောက် လွန်း၍ နုတ်ထွက်ခြင်း ဖြစ်ကြောင်းဖွင့်ဟ၀န်ခံ

    M-Media
    အောက်တိုဘာလ ၈ ရက်၊ ၂၀၁၃
    www.reuters.com

    Woolwich တိုက်ခိုက်မှု၌ မွတ်စလင်တဦးနှင့်အတူ ဆန္ဒပြနေသည့် ရော်ဘင်ဆင်
    Woolwich တိုက်ခိုက်မှု၌ မွတ်စလင်တဦးနှင့်အတူ ဆန္ဒပြနေသည့် ရော်ဘင်ဆင်

    အငြင်းပွားဖွယ် မြန်မာဗုဒ္ဓဘာသာ ဘုန်းကြီး ဦးဝီရသူမှ မိမိကိုယ်တိုင် အတုယူကူးချနေပါသည်ဟု ပြောဆိုခဲ့ဖူးသည့် အင်္ဂလိပ်ကာကွယ်ရေးအဖွဲ့ချုပ် (English Defense League) မှ ခေါင်းဆောင်ဖြစ်သူ တော်မီရော်ဘင်ဆင်နုတ်ထွက်သွားခဲ့ကြောင်း ရိုက်တာ သတင်းတစ်ရပ်က ယနေ့ ဖော်ပြသည်။

    English Defense League (EDL) မှာ မွတ်စလင်ဆန့်ကျင်ရေး ဆန္ဒပြပွဲများကို ဦးဆောင်သည့်အဖွဲ့ဖြစ်ပြီး ထိုအဖွဲ့ကြောင့် လူမျိုးကွဲများအကြား တင်းမာမှုမြင့်မားလာခဲ့ရသည်။ EDL ၏ ခေါင်းဆောင်ဖြစ်သူ ရော်ဘင်ဆင်က မိမိအနေဖြင့် အသင်းဝင်များ၏ လက်ယာစွန်းရောက်မှုကို မထိန်းသိမ်းနိုင်တော့သဖြင့် ဤသို့ နုတ်ထွက်လိုက်ရခြင်းဖြစ်သည်ဟု အင်္ဂါနေ့တွင်(ယနေ့) ပြောကြားခဲ့သည်။

    ရော်ဘင်ဆင်နုတ်ထွက်မှုအား အစွန်းရောက်မှုများတိုက်ဖျက်ရေးအဖွဲ့အစည်းတစ်ခုဖြစ်သည့် The Quilliam Foundation မှ အကူအညီပေးခဲ့ကြောင်း၊ သို့သော် ကျွမ်းကျင်သူတစ်ဦးကမူ ၄င်းနုတ်ထွက်သွားမှုသည် လက်ယာစွန်းရောက်လွန်းမက ရောက်သွားပြီး အစွန်းရောက်အကြမ်းဖက်မှုများ အဖြစ်သို့ ဦးတည်သွားနိုင်ကြောင်း ရိုက်တာသတင်းက ဖော်ပြသည်။

    Quilliam Foundation ၏ ဥက္ကဌမှာ မွတ်စလင်တစ်ဦးဖြစ်သူ မာဂျစ်န၀ါးဇ်ဆိုသူဖြစ်ပြီး ၄င်းမှာလည်း အစ္စလာမ်မစ်အစွန်းရောက် အဖြစ်မှ အသွင်ပြောင်း ခဲ့ပြီး အစွန်းရောက်တိုက်ဖျက်ရေးများကို ဦးဆောင်လှုပ်ရှားနေသူဖြစ်သည်။

    EDL သည် ၂၀၀၉ ခုနှစ်မှစတင်၍ အင်္ဂလန်နိုင်ငံ၌ မွတ်စလင်အနေများသည့် ဧရိယာများတွင် လမ်းဘေးဆန္ဒပြပွဲများ ပြုလုပ်ခဲ့ပြီး ထိုဆန္ဒပြပွဲ အများစုမှာ အကြမ်းဖက်မှုဆီသို့သာ ဦးတည်ခဲ့သည်ချည်းဖြစ်သည်။

    “ကျွန်တော်နုတ်ထွက်ဖို့ အချိန်အတော်ကြာယူပြီးစဉ်းစားခဲ့တယ်။ ဒီလို လမ်းဘေးဆန္ဒပြပွဲတွေကနေ သူတို့ (EDL အဖွဲ့ဝင်များ) တွေ အလုပ် သိပ်မဖြစ်တော့ ဘူးဆိုတာ တွေ့လိုက်ရတယ်” ဟု ရော်ဘင်ဆင်က မိမိနုတ်ထွက်ရခြင်းအကြောင်းရင်းကို ရှင်းပြသည်။

    တဆက်တည်း ရော်ဘင်ဆင်က – “လက်ယာစွန်းရောက်မှုရဲ့ အန္တရာယ်ကို ကျွန်တော်သိနားလည်ပါတယ်။ ဒါ့ပြင် အစ္စလာမ်မစ် (အစွန်းရောက်) အတွေးအခေါ်တွေကိုလည်း အကြမ်းမဖက်တော့ဘဲ ဒီမိုကရေစီနည်းလမ်းကျ တုန့်ပြန်ရမယ်ဆိုတာလည်း နားလည်ပါတယ်။” ဟု ပြောပြသည်။

    Quilliam ၏အဆိုအရမူ EDL မှ ရော်ဘင်ဆင်သာမက ၄င်း၏လက်ထောက်ဖြစ်သူ ကဲဗင်ကာရိုးပါ ထွက်သွားခဲ့ခြင်းဖြစ်သည်။ EDL သည် နော်ဝေ အကြမ်း ဖက်လူသတ်သမား ဗရိုင်ဗစ်နှင့် အဆက်အသွယ်ရှိသည့် အသင်းအဖွဲ့လည်း ဖြစ်သည်။

    EDL ကို ရော်ဘင်ဆင် လန်ဒန်မြောက်ဘက် ၃၅ မိုင်အကွာ မြို့တစ်မြို့တွင် စတင်ဖွဲ့စည်းခဲ့ခြင်းဖြစ်သည်။

  • ဗြိတိန်တွင် ဗလီရှေ့၌ ဆန့်ကျင်ဆန္ဒပြမည့် EDL ပါတီဝင်များကို ဗလီဝတ်ကျောင်းမှ အစားအသောက်များဖြင့် ဧည့်ခံ

    မေ-၂၇၊၂၀၁၃
    M-Media

    ယော့ရှိုင်းယားမြို့မှ ဗလီဝတ်ကျောင်းတော်တစ်ခုမှ တာဝန်ရှိသူများသည် ၎င်းတို့ဗလီဝတ် ကျောင်းတော်ရှေ့၌ လက်ယာစွန်းရောက် အဖွဲ့မှ ဦးစီးကျင်းပသည့် ဆန္ဒပြပွဲတွင် ပါဝင်ဆန္ဒပြမည့် သူများအားဖိတ်ခေါ်ကာ လက်ဖက်ရည်၊ ဘီစကစ်မုန့်များဖြင့် ဧည့်ခံကျွေးမွေးခဲ့သည်။

    York mosque - tea protest

    UK မှ လက်ယာအစွန်းရောက် EDL ပါတီဝင်များ အင်တာနက်မှ တဆင့် လှုံဆော်မှုကြောင့် လူနှစ်ဒါဇင် ၀န်းကျင်ခန့်မှာ  ယော့ရှိုင်းယားမြို့ ဗလီဝတ်ကျောင်းတော်ရှေ့၌ ပြုလုပ်မည့် ဆန္ဒပြပွဲသို့ ပါဝင်ရန် ရောက်ရှိလာခဲ့ပြီး ဗလီဝတ်ကျောင်းတော်ရှေ့ရှိ သစ်သားခြံစည်းရိုးတွင် ဂျော့ဂ်ျဘုရင့် အလံကို ချိတ်ဆွဲထားသည်။

    သို့သော်လည်း ထိုအုပ်စုရှိအဖွဲ့ဝင်များအား ဗလီဝတ်ကျောင်းတော်မှဖိတ်ခေါ်ကာ လက်ဖက်ရည်များ၊ ဘီစကစ်များဖြင့်ဧည့်ခံခဲ့ပြီး ဘောလုံးပွဲစဉ်ငယ်တစ်ခု ကစားပြီးနောက်တွင် တင်းမာမှုများမှာ လျင်မြန်စွာလျော့ကျသွားခဲ့သည်။

    အဆိုပါဆန္ဒပြပွဲသို့ပါဝင်ရန် လာရောက်သည့် လီန်း စတာဗင်(Leanne Staven)က သူမသည် ဗလီဝတ်ကျောင်းတော်အား ပြဿနာပြုလုပ်ရန် လာရောက်ခြင်းမဟုတ်ဟုပြောဆိုခဲ့သည်။

    “ကျမထင်တာက စိုးရိမ်ပူပန်မှုရှိနေတဲ့ လူဖြူဗြိတိန်တွေဟာ ကျမတို့အနေနဲ့ လွတ်လပ်စွာပြောဆိုခွင့်မရှိဘူးလို့ ခံစားနေရတယ်။
    ပြောင်းလဲမှုတွေဖြစ်လာနေတာ တော်တော်ကြာပါပြီ။ ၀ူးလ်ဝစ်ခ်ျမှာ စစ်သားတစ်ယောက် အသတ်ခံရတဲ့အတွက်ကြောင့် အစွန်းရောက် အပြုအမူတွေကို သင်ယူနေတဲ့ လူတွေအပေါ်မှာ ကန့်သတ်မှုတွေလုပ်ရမယ်။ ပြီးတော့ သူတို့ကို ရပ်တန့်ရမယ်။” ဟု သူမကဆိုသည်။

    “(ကျနော်တို့ကြားထဲမှာ)တွေ့ဆုံဆွေးနွေးဖို့ ဖြစ်နိုင်ခြေတွေရှိပါတယ်။ ဆန္ဒပြပွဲတွေ ပြုလုပ်နေတဲ့ EDL ပါတီက စပြီးပြောလာတယ်။ ကျနော်တို့ကလည်း မျှဝေခံစားရမယ်၊ ပြီးတော့ ဒီလို အစွန်းရောက် အကြမ်းဖက်ဝါဒဟာ မှားယွင်းတယ်ဆိုတာ လက်ခံဖို့ ပြင်ဆင်ရမယ်ဆိုတာ ကျနော်တို့ သတိပြုမိပါတယ်။ ကျနော်တို့ စတင်လုပ်ဆောင်ရမယ်။ EDL ပါတီက ဆန္ဒပြပွဲတွေမှာ ကျနော်တို့ကို ဖိတ်ခေါ်ကောင်းဖိတ်ခေါ်မယ်။ ပြီးတော့ မွတ်စလင်လူ့အဖွဲ့အစည်းကလည်း ကြည်ကြည်ဖြူဖြူနဲ့ သူတို့ရဲ့ ဖိတ်ခေါ်မှုကို လက်ခံမယ်ဆိုတာ ဘယ်သူသိနိုင်မလဲ။” ဟု ယောက်တက္ကသိုလ်မှ ဆရာတစ်ဦးဖြစ်သူ မိုဟာမက် အလ် ဂိုမက်တီ(Mohammed el-Gomati) က ဆိုသည်။

    ယော့ရှိုင်းယားမြို့ ဗလီဝတ်ကျောင်းတော်၏ ဥက္ကဌဖြစ်သူ အစ္စမေးလ် မီအာ(Ismail Miah)က “အစ္စလာမ်ဆိုတဲ့ ခေါင်းစဉ်အောက်မှာ မတူညီတဲ့ နိုင်ငံရေး အယူအဆတွေ၊ ဒီမိုကရက်တစ် အယူအဆတွေ၊ လက်ယာယိမ်းတွေ၊ လက်ဝဲယိမ်းတွေ၊ အလယ်အလတ်ဝါဒီတွေ ဒါတွေအားလုံး ရှိကြပါတယ်။ လူတစ်ယောက် ဒါမှဟုတ် နှစ်ယောက်လောက်က လုပ်တဲ့ကိစ္စတစ်ခုအတွက် မွတ်စလင်လူ့အဖွဲ့အစည်းအားလုံးကို ပစ်မှတ်ထားလို့ မရပါဘူး။ လန်ဒန်မှာ သူတို့လုပ်ခဲ့တာတွေက သူတို့ရဲ့ ပုဂ္ဂိုလ်ရေး အကြောင်းအရင်းတွေကြောင့်ပါ။ အဲဒီကိစ္စရဲ့နောက်ကွယ်မှာ အစ္စလာမ်သာသနာ့ ရှုထောင့်နဲ့ ဆက်စပ်နေတဲ့ အကြောင်းအရင်း ဘာမှမရှိပါဘူး။” ဟု သူကပြောဆိုခဲ့သည်။

ှSource: Guardian