Tag: Education In Myanmar

ကလေးသူငယ် ပညာရေး(သို့) မြန်မာနိုင်ငံ၏ အနာဂတ်

စက်တင်ဘာ ၂၉ ၊ ၂၀၁၅
M-Media

သဲချောင်းဒုက္ခသည်စခန်းရှိ စာသင်ခန်း၌ သူငယ်ချင်းတစ်ဦးနှင့်အတူ စာသင်ကြားနေသော မသူဇာမိုး (ယာဖက်)။ (ဓာတ်ပုံ – UNICEF Myanmar)

(၁) မှုန်ရီ အိပ်မက်
———————
မြန်မာနိုင်ငံအတွင်း သီးခြားဆန်ပြီး အဆင်းရဲဆုံးဒေသများအနက် လူသားချင်းစာနာမှုအကူအညီများ နှင့် ရည်ညွှန်းရန်ခက်ခဲသည့် ဖွံ့ဖြိုးရေးအကူအညီများ လိုအပ်နေသော ရခိုင်ပြည်နယ်လည်း ပါဝင်သည်။ ဆင်းရဲနိမ့်ကျမှုနှုန်း မြင့်မားနေလျက်မှပင် ၂၀၁၂ ခုနှစ် လူမျိုးရေးဘာသာရေးအကြမ်းဖက်မှု ဖြစ်ပွားပြီးနောက် ရခိုင်ပြည်နယ်ရှိ လူမှုစီးပွားအခြေအနေမှာ ဆင့်ကဲဆိုးရွားသွားပြန်သည်။

ယခုနှစ် ဇူလိုင်နှင့်သြဂုတ်လ မြန်မာနိုင်ငံ၏ရေကြီးမှုများက ဤပြဿနာများကို ပိုမို ယိမ်းထိုးသွားစေ၏။ မြွေပူရာကင်းမှောင့်ဆိုသလို ကာလရှည် ခွဲခြားခံလူ့အဖွဲ့အစည်းများရှိ ကလေးသူငယ်တို့၏ ပညာရေးမှာလည်း ပြင်းထန်သောထိခိုက်မှု ဖြစ်လာခဲ့သည်။
သူတို့သည် ခိုင်မာသော ကျောထောက်နောက်ခံစီးပွားရေး မရှိကြ၊ ကမ္ဘာ့စားနပ်ရိက္ခာအဖွဲ့ WFP ၏ ထောက်ပံ့မှုအပေါ် မှီခိုနေခြင်းဖြင့် ဘ၀ဆက်နေကြရ၏။

သူဇာသည် သူမ၏ အတန်း၌ အထူးချွန်ဆုံး မိန်းကလေးဖြစ်၏။ သို့သော် ကျန်းမာရေး စောင့်ရှောက်မှု မရခဲ့ရှာသောသူမ၏မိခင် ဆုံးပါးသွားသဖြင့် ကျောင်းဆက် မတက်နိုင်တော့။ ယခုသော် သူမ၏ဖခင် ဦးလှကျော်နှင့်အတူ UNHCR ၏ ရွက်ဖျင်တဲဟောင်း၊ ၀ါး၊ သစ်တို့ဖြင့် ဆောက်လုပ်ထားသော အိမ်ငယ်လေးရှိ ဆင်ဝင်လေးပေါ်ထိုင်နေကြရ၏။ ထိုကဲ့သို့ ဖြစ်သလိုဆောက်လုပ်ထားသည့် အိမ်ငယ်များ မနည်းလှချေ။ မိုးလည်းရွာနေသလို အိမ်များအကြား မြေပြင်မှာလည်း စိုစွတ်ထိုင်းမှိုင်းသည့် ရွှံ့ဗွက်ပြင် ဖြစ်လျက်ရှိသည်။

“ ကျွန်မ ရွာထဲမှာ ပိုနေချင်တာပေါ့။ ကျောင်းနဲ့နီးတော့ နေ့စဉ် ကျောင်းတက်နိုင်ခဲ့ပါတယ်။ အဖေက စက်ပြင် ၀ပ်ရှော့ဆိုင်ဖွင့်ထားပြီး ၀င်ငွေကောင်းခဲ့တယ်။ အမေလည်း အသက်ရှင်နေခဲ့တော့ ကျွန်မတို့ဘ၀ သာသာယာယာ ရှိခဲ့ကြပါတယ် ” ဟု သူဇာက ပြောပြသည်။
သူမ၏ဖခင်ကလည်း “ ဒီနေရာမှာ ကျွန်တော် စက်ပြင် အလုပ်လုပ်နေဆဲပါ။ တစ်ရက်ကို ၃-၄ ထောင် ၀င်ငွေရှိပါတယ်။ ဒါပေမယ့် နေထိုင်ရပ်တည်ရေးနဲ့ ကျန်းမာရေးစားရိတ် အတွက် မလောက်ငပါဘူး။ ဆန်၊ ဆီ၊ ပဲတွေကို WFP ကနေ မဆိုစလောက်တော့ ရနေပါတယ်။ ကျွန်တော်တို့ ဒီမှာ လုံခြုံပေမယ့် ဈေးကိုကျော်ပြီး သွားလာခွင့် မရကြဘူး။ နေရာဟောင်းကို ပြန်ရောက်နေထိုင်ဖို့ မဖြစ်နိုင်တော့ဘူးလို့ ကျွန်တော် ထင်ပါတယ် ” ဟူ၍ ရင်ဖွင့်ပါသည်။

ကံကောင်းထောက်မစွာဖြင့် သူဇာမှာ သူမ၏ပညာရေး လမ်းတစ်စ ပွင့်လာသည်။ UNICEF မှ ပံ့ပိုးပြီး Lutherian World Federation မှ စီစဉ်သော ဒုက္ခသည်စခန်းတွင်း ယာယီ စာသင်ဆောင်၌ တက်ရောက် သင်ကြားရသည်။

ပြင်ပတွင် မိုးသည်းနေသော်ငြား စာသင်ဆောင်လေးအတွင်း၌ ယောက်ျားလေးများက တစ်ဖက် မိန်းကလေးများ တစ်ခြမ်းစီထိုင်လျက် အာရုံစိုက်ပြီး ကလေးငယ်များ စာသင်ကြားနိုင်ကြသည်။ သင်ပုန်းပေါ်တွင် ဆရာမ ရေးသားထားသည့်စာကို သူဇာနှင့် ကလေးငယ်များက စာသင်ဆောင် အပြင်ဖက်မှ ကြားရသည် အထိ သံပြိုင်ရွတ်ဆိုနေကြသည်။

ဒုက္ခသည်စခန်းနှင့်မလှမ်းမကမ်းမှ မင်းကန်ကျောင်း၊ သတ္တမတန်း၌ စာသင်ကြားနေသော မလှိုင်လှိုင်ဦး (၀ဲဖက်)။ (ဓာတ်ပုံ – UNICEF Myanmar)

ထိုစာသင်ဆောင်၌ စာသင်ကြားနေသူ ကလေးငယ် ၁၁၅ ယောက်ရှိသည်။ ယမန်နှစ်က အထူးချွန်ဆုံးကျောင်းသူကျောင်းသားများသည် ထိုစခန်းအနီးရှိ အစိုးရ အလယ်တန်းကျောင်းသစ်သို့ တက်ရောက်ခွင့် ရခဲ့ကြသည်။ သူဇာသည်လည်း ထိုသို့ သွားခွင့်ရနိုင်မည့်သူဟု သူမ၏ ဆရာက ပြောသည်။

“ ကလေးမလေးက စာကောင်းကောင်းလိုက်နိုင်တယ်။ ဒီကိုရောက်လာပြီးကတည်းက သူမရဲ့ တိုးတက်မှုကို ကျွန်တော် မြင်ခဲ့ရတယ်။ သူမဟာ မိခင်ဘာသာစကား အပြင် ရခိုင်စကားကိုလည်း ပြောဆိုနိုင်တယ်။ အခု မြန်မာနဲ့ အင်္ဂလိပ်စာကို သင်ယူနေပါတယ် ”။
စာသင်ကြားခွင့်ကို လက်လွှတ် မခံသော သူဇာက “ မနက်ပိုင်းမှာ ကျွန်မ စာသွားသင်တယ်။ နေ့လည်ခင်းမှာ စာတွေပြန်ဖတ်မှတ်ပြီး အိမ်မှုကိစ္စတွေကို ကူလုပ်ပါတယ်။ ဘာသာစကား သင်ကြားမှုကို နှစ်သက်ပါတယ်။ အင်္ဂလိပ်စာကို ကောင်းကောင်း ရေးနိုင်ဖတ်နိုင်ခဲ့ရင် ဘ၀အတွက် အလွန်အသုံးဝင်လာမှာပါ။ ကျွန်မ ကြီးပြင်းလာတဲ့အခါ WFP အတွက် အလုပ်လုပ်ပါမယ်။ ဘာဖြစ်လို့လဲဆိုတော့ သူတို့က လူတွေအတွက် စားနပ်ရိက္ခာ စီစဉ်ပေးကမ်းကြလို့ပါပဲ ” ဟု ပြောပြပြီး အနာဂတ် ရည်မှန်းချက်ထားရှိသော်လည်း မိမိမှာ စခန်းထဲမှာပင် နေထိုင်သွား ရဖွယ်ရှိနေကြောင်း အားငယ်စွာ တွေးထင်နေပါ၏။

စစ်တွေမြို့အနီး သဲချောင်းဒုက္ခသည်စခန်း၌ ၂၀၁၅ စက်တင်ဘာ ၄ ရက်နေ့က ဖခင်၊ မွေးချင်း လေးဦးနှင့် အတူတွေ့ရသည့် မသူဇာမိုး (၁၂ နှစ်)။ သူတို့မိသားစုသည် ၂၀၁၂ ခုနှစ် အကြမ်းဖက် တိုက်ခိုက်မှုကြောင့် အနောက်စံပြကျေးရွာမှ ထွက်ခွာခဲ့ရသည်။ (ဓာတ်ပုံ – UNICEF Myanmar)

(၂) ခြေဦးလှည့်ခွင့်
———————–
ဒုက္ခသည်စခန်းနှင့် မဝေးကွာလှသော ရွာတစ်ရွာတွင် လှိုင်လှိုင်ဦး(၁၁ နှစ်)၏မိသားစုမှာ ဆင်းဆင်းရဲရဲ ရုန်းကန်နေထိုင်လျက်ရှိသည်။ သူတို့အသိုင်းအ၀ိုင်း၏ အခြေအနေသည် နွမ်းပါးပြီး ကလေးများပြား၏။ မိသားစုများမှာ လုပ်ကိုင်စားသောက် ခွင့်ကန့်သတ်ခံထားရ၍ အခြေခံလိုအပ်ချက် များ မပြည့်စုံနိုင်ကြ။

လွန်ခဲ့သောနှစ်အနည်းငယ်က သူမ၏မိဘများသည် အိမ်နီးချင်း ထိုင်းနိုင်ငံသို့ ရွှေ့ပြောင်းလုပ်သားများ အဖြစ် သွားရောက် လုပ်ကိုင်ခဲ့ကြသည်။ သူမနှင့်မောင်လေးဖြစ်သူအား ရန်ကုန်ရှိ ဆွေမျိုးများထံထားရစ်ခဲ့သည်။ စစ်တွေမြို့သို့ ပြန်လာကြသောအခါ သူမကို ကျောင်းအပ်ရန် စာရွက်စာတမ်း အထောက်အထား မပြသနိုင် ခဲ့ကြပါ။

“ ထိုင်းနိုင်ငံမှာ ကျွန်တော်က လျှပ်စစ်မီးသမား၊ ကျွန်တော့်အမျိုးသမီးက ထရန်စဖော်မာပုံး/ဘူး ဆေးသုတ်တဲ့ အလုပ်လုပ်ကြပါတယ်။ ၀င်ငွေကောင်းကြပေမယ့် ကလေးတွေကို မခွဲနိုင်လို့ စစ်တွေကို ပြန်လာခဲ့ကြတာပါ။ အခုတော့ ကျွန်တော် ဆိုင်ကယ်တက္ကစီ ဆွဲပါတယ်။ နွေဖက်ဆိုရင် တစ်နေ့ တစ်သောင်းလောက် ရှာဖွေနိုင်ပြီး မိုးတွင်းကာလမှာ ငါးထောင်လောက်တော့ ရပါတယ် ” ဟု သူမ၏ဖခင် ဦးကျော်နိုင်စိုးက ဆိုသည်။

မင်းကန်ကျောင်း၊ လသာဆောင်မှ လက်ဝှေ့ရမ်းပြနေသည့် ကျောင်းသားတစ်ဦး။ (ဓာတ်ပုံ – UNICEF Myanmar)

ပုံမှန်အတန်းကျောင်း မတက်ရောက်နိုင်သဖြင့် UNICEF ၏ပံ့ပိုးမှုဖြင့် Myanmar Literacy Resource Centres မှစီစဉ် ဖွင့်လှစ်သော ပြင်ပသင် အခြေခံပညာရေးအစီအစဉ် မင်းကန်ကျောင်း၌ အပ်နှံသင်ကြားရသည်။ နေအိမ်ထဲတွင် ကလေးငယ်များကို ထိန်းကျောင်းနေရသူများနှင့် မိသားစုဝမ်းရေး အတွက် နေ့ခင်းအလုပ်လုပ်ကိုင်နေသူများ အပါအ၀င် ကျောင်းမတက်နိုင်သော ကလေးသူငယ်များအတွက် ၎င်း၌ ညနေခင်း သင်တန်းများ ဖွင့်လှစ်ပေးထားသည်။ လှိုင်လှိုင်ဦးသည် ထိုသင်ကြားရေး အစီအစဉ်ပြီးမြောက် ခဲ့ပြီ။ ယခုစာသင်နှစ်တွင် ပုံမှန်အတန်းကျောင်း၌ သတ္တမတန်းသို့ တက်ရောက်သင်ကြားနိုင်ခဲ့သည်။

ပထမဆုံးကျောင်းဖွင့်ရက်များတွင် ကလေးသူငယ်များမှာ အဖြူအစိမ်းကျောင်းဝတ်စုံကိုယ်စီဖြင့် စိတ်လှုပ်ရှားစွာ ပျော်ရွှင် ဆူညံလျက် ရှိကြသည်။ မိုးကြီးချိန် စာသင်ကြားမှု ခေတ္တရပ်နားလျှင် ယောက်ျားလေး များက မြက်ခင်းကွင်းပြင်ထဲ ပြေးလွှားလျက်၊ မိန်းကလေးများက အုပ်စုလိုက် ကြိုးခုန်လျက် ဆော့ကစားကြသည်။

“ ကျောင်းပြန်တက်ရတာ ကျွန်မ သိပ်ပျော်တာပါပဲ။ ကျွန်မ အနှစ်သက်ဆုံးဘာသာရပ်က မြန်မာစာပါ။ တခြားကလေးတွေနဲ့ အတူ ကျောင်းကိုလာရတာ စိတ်ချမ်းသာတယ်။ ကျွန်မ သူငယ်ချင်း စိန်စိန်လည်း ကျွန်မနဲ့ တစ်ခန်းတည်းပဲ။ ကျွန်မ ကြီးပြင်းလာတဲ့အခါ အင်ဂျင်နီယာဖြစ်ချင်တယ်၊ အဆောက်အဦတွေ ဆောက်လုပ်ချင်ပါတယ် ” ဟု လှိုင်လှိုင်ဦးက ဆိုသည်။

(၃) ထပ်တူကျ မျှော်လင့်ခြင်းနှင့်အိပ်မက်များ
———————————————–
မတူကွဲပြားသည့် လူ့အဖွဲ့အစည်းနှင့် ပတ်ဝန်းကျင် အကြား နေထိုင်ရှင်သန်နေကြသော်လည်း သူဇာနှင့် လှိုင်လှိုင်ဦး နှစ်ဦး စလုံး၏ မျှော်လင့်ချက်နှင့် အိပ်မက်များမှာ ထပ်တူကျနေ၏။ သူတို့၏အနာဂတ်အတွက် ပညာရေးသည် အရေးကြီးလှကြောင်း နှစ်ဦးစလုံး အမြင်တူကြ၏။ ဤထပ်တူကျ အိပ်မက်များကို တည်ဆောက်ပေးမည့်၊ ရခိုင်ပြည်နယ် အတွက် ကလေးငယ်များ၏ ပူးပေါင်း အနာဂတ်ကို ဖော်ဆောင်ပေးမည့် စွမ်းအားစုသည် ပညာရေးထံ၌ တည်ရှိနေပါသည်။

သြစတေးလျ၊ ဒိန်းမတ်၊ ဥရောပသမဂ္ဂ၊ ဂျပန်၊ နယ်သာလန်၊ နော်ဝေး၊ ဆွစ်ဇာလန်၊ တူရကီ၊ ဗြိတိန်၊ အမေရိကန်တို့၏ပံ့ပိုးကူညီမှုဖြင့် UNICEF သည် ရခိုင်ပြည်နယ်ရှိ ကလေးငယ်အားလုံး၏ အလားအလာကောင်း တို့ကို လမ်းကြောင်းမှန်ပေါ်ရောက်စေရန် လုပ်ကိုင် သွားမည်ဖြစ်ပါသည်။ ထိုသို့ဆောင်ရွက်ရန်ကား ကလေးငယ်တို့၏ လိုအပ်လစ်ဟာချက်များအား ကိုင်တွယ်ဖြေရှင်းရန်၊ ကလေးငယ် သူငယ် အခွင့်အရေးများနှင့် ဖွံ့ဖြိုးတိုးတက်မှုကို မြှင့်တင်ပေးရန်၊ အကြမ်းဖက်ခံ ရွှေ့ပြောင်းနေထိုင်ရသူတို့၏ လူသားချင်းစာနာမှု အကူအညီအား ဖြည့်ဆည်းပေးရန် ဆောင်ရွက်သွားရပေမည်။ ငြိမ်းချမ်းသောအသိုင်းအ၀ိုင်းကို တည်ဆောက်ဖို့ နေရာဒေသတိုင်းရှိ လူအဖွဲ့အစည်းတိုင်းမှ မိသားစုနှင့်ကလေးသူငယ်မှန်သမျှ ၀န်ဆောင်မှုခံစားခွင့်၊ တူညီသောသိက္ခာနှင့် အခွင့်အရေးအတိုင်း နေထိုင်ရှင်သန်ခွင့် ရရှိရန် လိုအပ်ပေသည်။

သူဇာနှင့် လှိုင်လှိုင်ဦးတို့ ခံစားခဲ့ရသည့် ပြင်ပသင် ပညာရေးကဲ့သို့ပင် ဆယ်ကျော်သက်လူငယ်များ အတွက် သက်မွေးဝမ်းကြောင်း အတတ်ပညာများအလို့ငှာ ပံ့ပိုးကူညီခြင်း၊ ရခိုင်ပြည်နယ်ရှိ မြို့နယ် ၈ ခုတွင် ပထမတန်းကျောင်းသူကျောင်းသား အားလုံးအတွက် ကျောပိုးအိတ်မျာ အပြင် ပထမတန်းမှ ဆဋ္ဌမတန်းအထိ စာရေးကိရိယာများ ထောက်ပံ့ခြင်းတို့ကို UNICEF မှ ဆောင်ရွက်ပေးနေပါသည်။ ယခုနှစ်မှာတော့ ကျောင်းမွမ်းမံရေးအစီအစဉ်တစ်ရပ်နှင့် နွေးထွေးစွာသင်ကြားပေးရေးစနစ်များကို စတင်ပါမည်။

“ မြန်မာနိုင်ငံထဲ UNICEF ၀င်ရောက်လုပ်ကိုင်နေတဲ့ သက်တမ်း နှစ် ၆၀ ရှိနေပါပြီ။ ကျွန်တော်တို့ဟာ နိုင်ငံတော်အစိုးရ၊ အရပ်ဖက် လူ့အဖွဲ့အစည်းတွေနဲ့ အတူ လူမျိုး ဘာသာ အဆင့်အတန်း အခြေအနေမရွေး ရခိုင်ပြည်နယ်ကလေးငယ်များအားလုံးအတွက် ပညာရေးခိုင်မာနိုင်ဖို့ လက်တွဲဆောင်ရွက်လျက်ရှိပါတယ် ” ဟု UNICEF Myanmar ၏ ပညာရေးအဖွဲ့ခေါင်းဆောင် Cliff Meyers မှ ပြောကြားသည်။

ရခိုင်ပြည်နယ်၏ အနာဂတ်သည် သူဇာနှင့်လှိုင်တို့၏ ထပ်တူကျအိပ်မက်များ၌လည်းကောင်း၊ သူတို့အား ကျားကန် ရပ်တည်ပေးနေကြသော ဖခင်တို့၏ရည်မျှော်ချက်များ၌လည်းကောင်း မူတည်နေပါသည်။

“ ကျွန်တော့်သမီးကို ပညာတတ်ကြီး အမှန်တကယ် ဖြစ်စေချင်ပါတယ်။ သူက တော်တော်ထက်တာ။ သူမအတွက် ကျွန်တော် ဂုဏ်ယူပါတယ် ” ဟု ပြောကြားရင်း သူဇာ၏ဖခင်မှာ သမီးဖြစ်သူ ပညာရေး ရှေ့ဆက်နိုင်မှုအပေါ် ကြည်နှူးမဆုံး ……………… ။

“ ကျွန်တော့်သမီးရဲ့အနာဂတ်မှာ ပညာရေးစနစ်ကောင်းကောင်း ရရှိဖို့က ကျွန်တော့်ရဲ့ အဓိက မျှော်လင့်မှုပါပဲဗျာ ” ဟု လှိုင်၏ဖခင်မှာလည်း ထပ်တူကျသဘောထားကို တင်ပြပြောဆိုရင်း ……………… ။

+++++++++
** Andy Brown ၏ In Myanmar, the power of education to build a joint future ကို မြင့်မိုရ်မောင်မောင်မှ ဆီလျော်အောင်ပြန်ဆိုရေးသားသည်။
Ref : UNICEF Myanmar

September 29, 2015
ကလေးငယ်တွေ ကျောင်းနေပျော်ကြရဲ့လား

ဇွန် ၃၀ ၊ ၂၀၁၅
M-Media
ဆောင်းပါးရှင်- ထက်မြတ်

၂၀၁၅-၂၀၁၆ ပညာသင်နှစ်ကာလကို ရောက်ရှိလာသည်မှာ တစ်လထဲသို့ ရောက်ရှိလာခဲ့ပြီ။ ထို တစ်လ အတွင်း အခြေခံပညာ မူလတန်း၊ အလယ်တန်း၊ အထက်တန်း အစရှိသည့် ပညာများကို ဆည်းပူးနေသော ကလေးငယ်များ ကျောင်းနေပျော်ကြရဲ့လား။ မိဘများကရော ကလေးတွေကျောင်းနေပျော်အောင် ဘယ်လိုအရာတွေကို လုပ်ဆောင်ပေးနေကြသလဲ။ စဉ်းစားကြည့်ရအောင်။

ယနေ့ခေတ် ကျောင်းသား/ ကျောင်းသူတစ်ဦးဆီကိုကြည့်လိုက်လျှင် မနက် အိပ်ယာနိုး ကျောင်းသွား၊ ကျောင်းမှာ တစ်နေ့ကို ၄၅မိနစ်ဆီ (၆) ကြိမ် (သို့မဟုတ်) (၇) ကြိမ် အတန်းချိန်ရှိသည်။ အတန်းချိန်အားလုံး စာသင်ကြားပြီးနောက် အိမ်သို့ပြန်ရောက်လာသည့် အခါတွင်လည်း ကျူရှင်ဆက်တက်၊ ကျူရှင်ကပြန်လာ Guide ဆရာ/ဆရာမနှင့် စာဆက်သင်၊ ပြီးတော့ ညအိပ်ချိန်ရောက်ရော။ ကလေးတစ်ယောက်ရဲ့ (၂၄) နာရီအချိန်က အိပ်ချိန်ကလွဲပြီး ကျန်သည့်အချိန်များက စာလုပ်ချိန်များနှင့် ကုန်ဆုံးနေသည်။

ကျောင်းသား/ ကျောင်းသူမှန်လျှင် စာကျက်ရမည်၊ စာဖတ်ရမည်ဖြစ်သည်ကို မငြင်းပါ။ ဟုတ်ပါသည် ကျောင်းသားအရွယ်မှာတော့ စာကျက်မှတ်ရမှာပေါ့။ ဒါမှကြီးလာရင် ပညာတတ်မှာလေ။ သို့သော် တစ်နေ့လုံးကြီး ကလေးတွေက စာနဲ့ထိတွေ့နေဖို့မှ မလိုတာ။ နားချိန်၊ ဆော့ချိန် ဆိုတာတွေတော့ သီးသန့်ရှိရဦးမှပေါ့လေ။ ယနေ့ခေတ်ကျောင်းသား/ ကျောင်းသူများကို ပန်းခြံများတွင် ပိတ်ရက်များတွင်သာ ဆော့ကစားခြင်းကို တွေ့ရတတ်တော့သည်။

မိုးလင်းကမိုးချုပ် စာတောထဲမှာ စိတ်ဖိစီးမှုအပြည့်နှင့် နေနေရသည်မှာ မလွဲပါ။ အစိုးရကျောင်းများမှာလည်း စာသင်ချိန်များတွင် ကာယချိန်၊ သက်မွေးချိန်၊ စာရိတ္တချိန်များ ပါဝင်သော်လည်း ယင်းအချိန်များတွင်လည်း သက်ဆိုင်ရာ ဆရာ/ဆရာမများက ဘာသာရပ်ပညာများကိုသာ သင်ကြားနေကြသည်။ ကျောင်းတွင်လည်း ကလေးတွေမှာ အနားယူချိန်မရ၊ မဆော့ရ။ အိမ်ရောက်တော့လည်း ကျူရှင်နဲ့ Guide က ဆက်နေတော့ ဆော့ချိန်၊ ကစားချိန်၊ တီဗီကြည့်ချိန်များက အဘယ်မှာနည်း။ ဒီလိုစာတွေပဲ အချိန်တိုင်း ဆက်တိုက် သင်နေရတဲ့ ကလေးတွေကရော ကျောင်းစာတွေမှာ ပျော်ရွှင်စွာ သင်ကြားနိုင်ပါ့မလား မေးခွန်းထုတ်စရာပင်။

အိမ်နားက ကလေးက ဗိုလ်တထောင်ကျောင်း တစ်ကျောင်းမှာ Grade (9) ကို တက်ရောက်နေတယ်။ ဟိုနေ့ကသူနဲ့တွေ့လို့ သူကို့မေးကြည့်တယ်။ “သား ကျောင်းတက် ရတာပျော်လားလို့” ဆိုတော့ “အရမ်းတော့ မပျော်ပါဘူးဗျာ၊ သားတို့ကို ရှစ်တန်းက အစိုးရစစ် အရေးကြီးတယ်ဆိုပြီး ကျောင်းမှာ စာတွေပဲဆက်တိုက်သင်နေတာ၊ အရင်က ကာယချိန်ဆို သားတို့လေ့ကျင့်ခန်း လုပ်ရတာ၊ ဒီနှစ်တော့ ခုထိတစ်ချိန်မှ မလုပ်ရသေးဘူး၊ ကျောင်းကပြန်တော့လည်း ရေချိုးပြီး ကျူရှင်တန်းသွား၊ ကျူရှင်တွေကလည်း တစ်ခုနဲ့တစ်ခုဆက်နေတာ အိမ်ပြန်ရောက်တော့ အိပ်ရရော။ သား ညီမလေးနဲ့တောင် တစ်ပတ်တစ်ခါလောက်ပဲ ဆော့ရတာ” ဟုစိတ်ညစ်နေတဲ့ မျက်နှာဖြင့် ဖိုးသားလေးကပြောဆိုခဲ့သည်။

ဖိုးသားလေးလိုကလေးတွေ မြန်မာနိုင်ငံမှာ ဘယ်လောက် များပြားနေပြီလဲ။ ကျောင်းတွေမှာလည်း ဆောင်ပုဒ်တွေတွေ့ရတတ်ပါတယ်။ “ကျောင်းနေပျော်၍ စာတော်ရမည်တဲ့”။ ဆောင်ပုဒ်ကတော့ အလွန်ကောင်းပါတယ်။ ဆောင်ပုဒ်အတိုင်း လက်တွေ့ကျင့်သုံးဖို့တော့ လိုအပ်နေပါပြီ။

ကလေးငယ်တွေဆိုတာ ဦးနှောက်ကလည်း သိပ်မတွေး တတ်သေးဘူး။ နှလုံးသားတွေကလည်း နုနယ်သေးပါတယ်။ ဒီအရွယ်မှာ သူတို့ကို စိတ်ဒဏ်ရာတွေ ပေးလို့မရသေးပါဘူး။ စာတွေကိုတက်မြောက်စေချင်တဲ့ မိဘတွေရဲ့ဆန္ဒ၊ ထူးချွန်စေချင်တဲ့ ဆရာ/ဆရာမတွေရဲ့ စေတနာ များကို ကိုယ်ချင်းစာမိပါတယ်။ သို့သော် ကလေးတွေအတွက်ကို ကြည့်ပေးစေလိုသည်။ မိမိရင်သွေးက ကျောင်းမှာပျော်ရဲ့လား။ ဘာတွေလိုအပ်နေသလဲကို ကြည့်စေချင်သည်။

တချို့ (၁၀) တန်းကျောင်းသားမိဘများဆိုရင်လည်း (၁၀) တန်းပဲ အရေးကြီးတယ်ဆိုပြီး စာတွေကိုပဲ နင်းကန် လုပ်ခိုင်းတာတွေ့ရတတ်တယ်။ (၁၀) တန်းမှာလည်း ကိုယ်ပိုင် အချိန်ရှိရပါ့မယ်။ ကျောင်းစာများ ကျက်မှတ်ပြီးတစ်ခဏတွင် အနားယူ၊ အပန်းဖြေ အစရှိသည့် အလုပ်များကိုပေါ့ပါးစွာ လုပ်ဆောင်ရမှာ ဖြစ်ပါတယ်။ သို့မှသာ စိတ်အပြောင်းအလဲဖြစ်ပြီး တစ်ဖန်ပြန်လည်လန်းဆန်းစွာ စာကိုပြန်လည် ကျက်မှတ်နိုင်မှာဖြစ်ပါတယ်။ စာမေးပွဲနီးရင် တစ်အိမ်လုံး တီဗီမကြည့်ရဘူး။ ဖုန်းတွေသိမ်း အစရှိသည့်လုပ်ရပ်များသည် လွန်စွာမှားယွင်းနေသည်။ အပန်းဖြေချိန်၊ အနားယူချိန်ဆိုတာ အမြဲတမ်းရှိရမည်ဖြစ်သည်။

တချို့အနည်းငယ်မိဘများကိုတော့ တွေ့ရတတ်ပါသည်။ ကလေးတွေကို စနစ်တကျ ကိုင်တွယ်ထိန်းကြောင်းနေတာကို တွေ့ရတယ်။ ကလေးတွေကို စာသင်ချိန်ဆိုသင်၊ ဆော့ချိန်ဆိုဆော့ မရရတဲ့အချိန်ထဲက သေချာကိုဖယ်ထုတ်ပြီး ကလေးတွေအတွက် အနားယူချိန်ကို သီးသန့်ထားပေးတာမျိုးလည်း ရှိပါတယ်။

သူတို့စိတ်ကလေးတွေလည်း အပြောင်းအလဲဖြစ်အောင်၊ လန်းဆန်းမှု၊ တက်ကြွမှုများလည်းရရှိအောင် ခန္ဓာကိုယ်အနားပေးမှုများ၊ စိတ်အပန်းဖြေစေမည့် အရာများကို လုပ်ဆောင်ပေးသင့်ပါသည်။ စိတ်အပြောင်းအလဲလေး အနည်းငယ်ဖြစ်သွားသည့်အခါတွင် စာကိုယခင်ကထက်ပိုမိုပြီး လေ့လာ ကျက်မှတ်နိုင်သည်မှာ မလွဲဧကန်ပင်ဖြစ်ပါသည်။ စာထဲမှာပဲ တစ်နေ့လုံး မနစ်မွန်းနေအောင် အထူးဂရုစိုက်သင့်ပါသည်။ လိုအပ်တာထက်ပိုပြီး ကျူရှင်တွေထားမှုကိုလည်း လျော့ရပါက လျော့သင့်ပါသည်။ ကလေးတွေအတွက် ကိုယ်ပိုင်အချိန်တွေလည်း ထွက်လာတာပေါ့။ သူတို့ကိုယ်ပိုင် အချိန်တွေကိုတော့ လွတ်လပ်ခွင့်များကို ပေးသင့်ပါတယ်။ ဒါမှသူတို့လည်း ပျော်ပြီး ကျောင်းမှာပျော်ပျော်ရွှင်ရွှင် စာသင်ကြားနိုင်မှာ ဖြစ်ပါတယ်။

ကျောင်းနေပျော်သည့်ကလေးများဖြစ်မှသာ ဆောင်ပုဒ်နှင့်အညီ ကျောင်းနေပျော်ပြီးစာတော်လာမည် ဖြစ်ပါသည်။ ထို့ကြောင့် မိမိတို့ရင်သွေးငယ်များ ပညာများတိုးပွားလာစေရန် ကျောင်းနေပျော်အောင် အရင်ဆုံးလုပ်ဆောင်ရမည်ဖြစ်ပါသည်ကြောင်း သုံးသပ်ပြောကြားလိုပါတယ်။

ထက်မြတ်

Credit- သရုပ်ဖော်ပုံ ကာတွန်းအာကာ

June 30, 2015
မှားယွင်းနေသော ပညာရေးစနစ်၏ ဆိုးကျိုးများ

မေ ၂၁ ၊ ၂၀၁၅
M-Media
ထက်မြတ်ရေးသည်။

Image- Internet

.
ယနေ့ခေတ် နိုင်ငံတစ်နိုင်ငံ ဖွံ့ဖြိုးတိုးတက်ဖို့ရန် အလို့ငှာ ပညာရှိ၊ ပညာတတ် ဆိုသူများသည် မရှိမဖြစ် လိုအပ်လှသော လူပုဂ္ဂိုလ်များ ဖြစ်ပါသည်။ ထိုကဲ့သို့ ပညာရှိ ၊ ပညာတတ်များ ထွက်ပေါ်လာစေရန် ကောင်းမွန်သောပညာရေးစနစ်၊ စနစ်ကျသော ပညာသင်ကြားမှုများရှိရန် လိုအပ်လှပါပေသည်။ ယနေ့ခေတ် မြန်မာနိုင်ငံ၏ ပညာရေးစနစ်ကို ကျွန်တော်မြင်သလောက် သုံးသပ်ပြပါမည်။
.
မြန်မာနိုင်ငံပညာရေးစနစ်သည် Teacher Center (ဆရာဗဟိုပြု သင်ကြားရေး) စနစ်ဖြစ်နေတယ် ဆိုတာကို ပြည်သူအားလုံး သိကြမှာပါ။ ကျောင်းသား ကျောင်းသူအများစုက ဆရာထုတ်ပေးတဲ့ မှတ်စုလောက်ကိုပဲ အလွတ်ကျက်ပြီး စာမေးပွဲအောင်ကြတာ များနေကြပါတယ်။ စာမေးပွဲနီးမှ စာကပ်လုပ်မယ်။ စာမေးပွဲနီးလို့ မေးခွန်းလိုက်ရင် အောင်မှတ် ဖိုးလောက် မေးခွန်းရမယ်။ မေးခွန်းနှစ်စုံ ထဲက တစ်စုံမေးမယ်ဆိုတာ မြန်မာနိုင်ငံထဲက အစိုးရကျောင်းတွေရဲ့ ထုံးစံဖြစ်နေတယ်။
.
ကလေးတွေကို ငယ်ငယ်ကတည်းက သီအိုရီတွေပဲ သင်ပေးတယ်။ Critical Thinking လို့ခေါ်တဲ့ ဖြန့်ကျက်တွေးခေါ်နည်းစနစ်တွေကို ကလေးတွေခေါင်းထဲကို သွင်းမပေးဘူး။ ပုံနှိပ်စာအုပ်ထဲမှာ ပြဌာန်းထားတဲ့စာတွေကိုပဲ အမှား တစ်ပြားဖိုးမှ မပါတဲ့ အမှန်တွေလို့ မှတ်ယူခိုင်းတယ်။ ဒါတွေကိုပဲ အလွတ်ကျက်ခိုင်းတယ်။ ပြဌာန်းစာအုပ်ထဲက အကြောင်းအရာတွေက မှန်မမှန်ဆိုတာကို စာအုပ်တွေထဲမှာ ရှာဖွေဖတ်ရှုဖို့လည်း မသင်ပေးကြဘူး။ အဲတော့ ကလေးတွေကလည်း ရှာဖွေ ဖတ်ရှုရကောင်းမှန်း မသိတော့ဘူး။
.
ပြဌာန်းစာအုပ်နဲ့ အပြင်က သုတ၊ ရသ စာအုပ်တွေနဲ့ နှိုင်းယှဉ်တတ်အောင် ကလေးတွေကို လေ့ကျင့် သင်ကြားပေး သင့်တယ်။ လေ့လာပြီး သင်ခန်းစာတွေကို ကလေးတွေကိုယ်တိုင် သေချာစိစစ်၊ စိတ်ဖြာလေ့လာပိုင်းခြားပြီး ဒီသင်ခန်းစာက အမှန်လား အမှားလား ငါတို့ကို လိမ်ထားတာတွေများ ရှိလားဆိုတာ အပြစ်ရှာတတ်အောင် စနစ်တကျ လေ့ကျင့်သင်ကြားပေး ရမယ်။ နိုင်ငံတကာက ကျောင်းတွေမှာလည်း ပညာရေးကို ဒီနည်းလမ်းအတိုင်းပဲ သွားနေကြပါတယ်။ မြန်မာနိုင်ငံရဲ့ အစိုးရကျောင်းတွေမှာတော့ ဒီလိုသင်ပြတာတွေက မရှိသလောက်ကို ရှားနေပါတယ်။
.
မူလတန်းကျောင်းတွေကအစ တက္ကသိုလ်တွေအဆုံး ကျောင်းစာကြည့်တိုက်တွေ ရှိရဲ့သားနဲ့ ကလေးတွေကို စာကြည့်တိုက်သွားဖို့ စာတွေရှာဖတ်ဖို့ တိုက်တွန်းတဲ့ ဆရာ/ဆရာမတွေ မရှိသလောက်ပါပဲ။ တချို့လည်း တိုက်တွန်းကောင်း တိုက်တွန်းမှာပါ။ ကလေးတွေက ဖတ်ချင်စိတ်ရှိရင်တောင် စာကြည့်တိုက်ထဲမှာ စာအုပ်မစုံရတာနဲ့ စာကြည့်တိုက်ကို အချိန်နဲ့ဖွင့်ရတာနဲ့။ ကျောင်းသားတွေ အားနေတဲ့အချိန်ကျတော့ စာကြည့်တိုက်က ပိတ်သွားပြီ။ ကြာလာတော့ ကျောင်းသားတွေလည်း စာကြည့်တိုက်ဘက်ကို ဦးမတည်တော့ဘူး။ အဲလိုနဲ့ပဲ ကျောင်းသားတွေ စာဖတ်တဲ့အလေ့အထ၊ စာရှာတဲ့အလေ့အထ နည်းသွားတယ်။ ယနေ့ခေတ်ကျောင်းသားတွေတော့ အဆင်ပြေမယ်ထင်ပါတယ်။ ကိုယ်လိုချင်တဲ့ စာအုပ်ကို အင်တာနက်မှာ အလွယ်တကူ ရှာဖွေတွေ့ရှိနိုင်မှာပါ။
.
စာမဖတ် ဗဟုသုတွေ မရှိလာတာနဲ့အမျှ တဖြည်းဖြည်း ကျောင်းသားတွေရဲ့ ခေါင်းထဲမှာ ဒီစာအုပ်ထဲကဟာ အမှန်ပဲ။ ငါဒါကိုသေချာကျက်နိုင်ရင်၊ တစ်လုံးမှ မလွဲအောင်ကျက်နိုင်ရင် ငါစာမေးပွဲအောင်မယ်။ အမှတ်တွေ အများကြီးရမယ်။ ဒီလိုပဲထင်နေကြတော့တယ်။ သူတို့ပညာသင်တဲ့ ရည်ရွယ်ချက်ကလည်း စာမေးပွဲအောင်ဖို့လောက်ပဲ ရှိကြတယ်။ ဒီထက်မပိုပါဘူး။ တကယ်က ပညာသင်တယ်ဆိုတာ ပိုက်ဆံရှာဖို့လောက်မဟုတ်ပါဘူး။ သိဖို့ဖြစ်တယ်။ ကိုယ်သင်ခဲ့တဲ့ ပညာရပ်တွေကို သိဖို့၊ လောကိုသိဖို့၊ လူတွေကို သိဖို့ ဖြစ်ပါတယ်။
.
သိပြီးရင် ဘာလုပ်မှာလဲ။ ဟုတ်ပြီ။ ပညာရပ်၊ လောက ၊ လူတွေအကြောင်းကိုသိမှ လူ့လောကမှာ စိတ်နှလုံး ချမ်းမြေ့စွာ နေထိုင်နိုင်မှာ ဖြစ်ပါတယ်။ လူ့လောကမှာနေထိုင်ပြီး ဒုက္ခ သုခတွေနဲ့ချည်း နပန်းလုံးနေရပြီး ကိုယ်စိတ်နှလုံးအမြဲတမ်း ပူပန်ညှိုးချုံးနေရရင် ဘယ်မှာလာ လူဖြစ်ရကျိုးနပ်တော့မှာလဲ။ ပညာသင်တယ်ဆိုတာ လူဖြစ်ရကျိုးနပ်အောင် နေတယ်လို့လည်း မှတ်ယူနိုင်ပါတယ်။ ခေတ်မီတဲ့ ပညာရပ်တွေ၊ ပျိုမျစ်နုနယ်တဲ့ ပညာရပ်၊ အတွေးအခေါ်တွေကို တတ်သိနေဖို့ လိုအပ်တယ်။ အမြဲလည်း စူးစမ်းရှာဖွေနေသင့်တယ်။
.
ပျိုမျစ်နုနယ်တဲ့ခန္ဓာကိုယ်မှာ ကျောက်ခတ်ကခေါင်းတပ်ထားတဲ့ လူငယ်တွေရှိသလို အိုမင်းရင့်ရော်တဲ့ ခန္ဓာကိုယ်မှာ နုပျိုတဲ့ ခေါင်းတပ် ထားတဲ့ လူငယ်များလည်း ရှိတယ်လို့ စာအုပ်တစ်အုပ်မှာ ဖတ်ဖူးပါတယ်။ အဲ့စကားလေးက အရမ်းကိုမှန်ပါတယ်။ တချို့ လူကြီးတွေက အသက်တွေကြီးနေပေမယ့်လည်း တချို့အတွေးအခေါ်တွေက လူငယ်တွေထက် လတ်ဆတ်နေတုန်းပါပဲ။ အမြင်တွေ ပြတ်သား စူးရှနေတုန်းကို တွေ့နေရပါတယ်။
.
ယနေ့ခေတ်လူငယ်တော်တော်များများကလည်း မြန်မာနိုင်ငံ၏ ပညာရေး ကောင်းသလား မကောင်းသလား ဆိုတာကို သိသင့်သလောက် သိနေကြပါပြီ။ ဒါကြောင့် လူငယ်တွေ ကိုယ့်စွမ်းရည်မြင့်တက်လာအောင် မိမိဘာသာလုပ်ဆောင်သင့်ပါပြီ။ အဆုံးအဖြတ် မမှားစေဖို့ လေ့လာမှုတွေ များများလုပ်ရပါမယ်။ စာများများဖတ်ရမယ်။ ယနေ့လို အင်တာနက်ခေတ်ကြီးမှာ ပိုတောင်လွယ်ကူနေပါပြီ။ သူများနိုင်ငံတွေရဲ့ ပညာရေးစနစ်တွေကိုလေ့လာ သုံးသပ်ပြီး အတုယူသင့်တာတွေ ယူသင့်ပါတယ်။ အင်တာနက်ပေါ်မှာလည်း ကိုယ်လေ့လာချင်တဲ့ ပညာရပ် ပညာတွေကို အချိန်မရွေးလေ့လာနိုင်နေပါပြီ။ မိမိတို့ တွေ့ကြုံလာတဲ့ အတွေ့အကြုံတွေအရ ပြောင်းလဲပစ်သင့်တာတွေ ပြောင်းလဲပစ်ရပါမယ်။
.
မြန်မာနိုင်ငံရဲ့ မှားယွင်းနေတဲ့ ပညာရေးစနစ်ကြီးကို နောင်လာမယ့် ကလေးငယ်တွေကို ဆက်လက်မခံစားစေလိုပါ။ ကလေးငယ်များ အတွက် ယနေ့ခေတ်နဲ့လျော်ညီတဲ့ အတွေးအခေါ်တွေ ပညာရပ်တွေ မရရှိခဲ့လျှင် တိုင်းပြည်ပဲ နစ်နာမှာဖြစ်သည်။ မြန်မာနိုင်ငံ ကို နိုင်ငံခြားသား ပညာရှိများကသာ စိုးမိုးသွားနိုင်ဖွယ်ရှိသည်။ ကလေးငယ်များကို မှားယွင်းပျက်ဆီးနေတဲ့ ပညာရေးစနစ်ကြီးထဲမှာ ဆက်လက်မရှင်သန်စေလိုတော့ပါ။
.
ယနေ့ ကျောင်းသားများတောင်းဆိုနေတဲ့ အမျိုးသားရေး ဥပဒေမူကြမ်းကိုသာ အတည်ပြုလိုက်မယ်ဆိုရင် မြန်မာနိုင်ငံရဲ့ ပညာရေးစနစ်ဟာ ကောင်းသထက်ကောင်း၊ နိုင်ငံမှာလည်း ကမ္ဘာနဲ့ရင်ဘောင်တန်းနိုင်တဲ့ ပညာရှိများ ပေါ်ထွန်းလာမည်မှာ အသေအချာပင်။ အရင်ကလူတွေအပေါ်မှာ လုပ်ချင်သလိုလုပ်ခဲ့ပြီးပီပဲ နောင်ပွင့်လာမယ့်အသီးအပွင့် မျိုးဆက်လေးတွေကို ကောင်းမွန်စွာ ရှင်သန်ခွင့်ပေးသင့်ပါတယ် ဟုထင်မြင်သုံးသပ်လိုက်ပါရစေ။
.
ထက်မြတ်

May 21, 2015
ကျူရှင် ….
ဆောင်းပါးရှင်- ကျော်မိုးအောင်

ကျူရှင် ….

မြန်မာနိုင်ငံမှာ မူကြိုကလေးကစ … ဆေးကျောင်းသားမကျန် .. ယုတ်စွအဆုံး ပါရဂူဘွဲ့အတွက် ပြင်ဆင်နေသူအထိ မကင်းတဲ့ စကားလုံး ဖြစ်စဉ်တစ်ခု။

“မြန်မာပြည်က ကျောင်းသားမှန်ရင် ကျူရှင် တက်ဖူးကြသည်” ဆိုရင် မှားမယ်မထင်။ ပုံစံအမျိုးမျိုးသော ကျူရှင်များ … ကျူရှင်ဆရာများလည်း အလုပ်ဖြစ်ကြတယ်လေ။

ကျွန်တော်ကိုယ်တိုင်လည်း ဆယ်တန်းအောင်ပြီးစ လွန်ခဲ့တဲ့ ၁၅နှစ်လောက်ကစလို့ သင်ကြားရေးနဲ့ နွယ်တဲ့အလုပ်နဲ့ အသက်မွေးဝမ်းကြောင်းနေသူတစ်ဦးပါ။

အထက်တန်းကျောင်းသားများအတွက် study guide လုပ်ခဲ့ရာကအစ … နောက်ပိုင်း ကျူရှင်ဆရာအဖြစ် ပြောင်းလဲသင်ကြားရင်း ခုချိန်မှာ ကျောင်းတစ်ကျောင်းမှာ စာသင်နေသူဆိုတော့ ဒီဖြစ်စဉ်တွေနဲ့ မစိမ်းသလို ကိုယ်တိုင် မိဘတစ်ဦးအနေနဲ့ပါ ဒီကိစ္စကို သုံးသပ်မိတော့ ရှုထောင့်စုံကနေလည်း မြင်နေခွင့် ရနေပါတယ်။

ကျူရှင် အလွဲ

ကျူရှင်ကိစ္စ လွဲတာကို ပြောရရင် ပထမဆုံး အသံထွက် စာလုံးပေါင်း နဲ့ အဓိပ္ပါယ်ကနေပဲ စရမယ် ထင်ပါတယ်။

မူလဘူတအားဖြင့် ကာကွယ်စောင့်ရှောက် တာဝန်ယူခြင်း “protection, care, custody” လို့အဓိပ္ပါယ်ရတဲ့ tuycioun ဆိုတဲ့ ပြင်သစ်စကားလုံး ဝေါဟာရကနေ ဆင်းသက်လာတဲ့ စကားလုံးကို မြန်မာသံနဲ့ ကျူရှင်လို့ ခေါ်လေသည်ပေါ့လေ။ အင်္ဂလိပ် အသံထွက် အမှန်က ဗြိတိန် အသံထွက်နဲ့ဆို /tjuːˈɪʃ(ə)n/ … အမေရိကန် အသံထွက်နဲ့ဆို /tuːˈɪʃ(ə)n/ အနည်းစပ်ဆုံး အသံထွက် ရေးပြရရင် /ထယူး အစ်ရှန်/ ဒါမှမဟုတ် /ထူး အစ်ရှန်/ ရယ်လို့ အစ်ကို ဖိပြီး အသံထွက်ရပါတယ်။ မြန်မာလိုက ကျူရှင်ရယ်လို့ ပြောနေလေတော့ အင်္ဂလိပ်လို စာလုံးပေါင်းကြရမှာ “tution” ဆိုပြီး i တစ်လုံး ကျန်နေတတ်ကြပါတယ်။

အမှန်က “tuition” ပါ။

“tuition” ဆိုတဲ့ ဝေါဟာရရဲ့ အဓိပ္ပါယ်ကို Cambridge Advanced Learners’ Dictionary ကတာ့ ဒီလို ဆိုလေရဲ့။

“tuition – noun [U]
1. (MAINLY UK) teaching, especially when given to a small group or one person, such as in a college or university
2. (MAINLY US) the money paid for this type of teaching”
“၁။ ကောလိပ် တက္ကသိုလ် စသည်တို့တွင် ကျောင်းသားအုပ်စုလိုက်ဖြစ်စေ တစ်ဦးချင်းဖြစ်စေ သင်ကြားပေးခြင်း၊

၂။ ထိုသို့ သင်ကြားပေးရန်အတွက် ပေးရသော အခကြေးငွေ။”

မူရင်း အဓိပ္ပါယ်အားဖြင့်ကတော့ စာသင်ကြားပေးခြင်းပါ။ တက္ကသိုလ်မှာ အုပ်စုအလိုက် ကျောင်းသား ခပ်နည်းနည်းနဲ့ သင်တာကိုလည်း ကျူရှင်လို့ပဲ ခေါ်ပါတယ်။ (အသံထွက်အားဖြင့် ကျူရှင်ဆိုတာ မှားကြောင်း ပြောထားပေမယ့် အများသုံး ဒီစာလုံးကိုပဲ ဆက်သုံးပါရစေ။) အပြင်မှာ သပ်သပ် ဆရာတစ်ဦးဦးနဲ့ သင်တာကိုမှ ကျူရှင်ခေါ်တာ မဟုတ်ပါ။ ကျောင်းမှာ၊ ကောလိပ်မှာ၊ တက္ကသိုလ်မှာ သင်တာလည်း ကျူရှင်ပါ။

နောက်ထပ် အဓိပ္ပါယ် (၂) က ငွေကြေးနဲ့ ဆိုင်ပါတယ်။ တော်ရုံတန်ရုံ အင်္ဂလိပ်လို နားလည်သူတွေတောင် tuition fee ရယ်လို့ ကျွန်တော်က ပြောတော့ ကျောင်းတက်မှာကို ကျူရှင်ပါ ထပ်တက်ရမှာလား … ကျူရှင်အတွက်ပါ ပေးရမှာလား ဆိုတာမျိုး ပြန်မေးတာ ကြုံခဲ့ဖူးပါရဲ့။ ကျောင်းလခဆိုဆို သင်တန်းကြေးပြောပြော … အဲဒါကိုလည်း ကျူရှင်လို့ ခေါ်ပါတယ်။ တက္ကသိုလ်တက်ဖို့ သွင်းရတဲ့ အခကြေးငွေကလည်း tuition ပါ။

ကျူရှင်ဆရာ

အဲလို ကျူရှင် (tuition) သင်တဲ့ဆရာကို တကယ်တော့ ကျူတာ (tutor) လို့ ခေါ်ပါတယ်။ ဒီစာလုံးမှာတော့ u နဲ့ t ကြား i မပါတော့ပါဘူး။ သူ့ရဲ့ အသံထွက် အမှန်ကလည်း /ˈtju: tə(r) / သို့မဟုတ် /ˈtu: tə(r) / (ထယူးထာ သို့မဟုတ် ထူးထာ) ပါ။

ကျူရှင်ဆရာဆိုတာကို (ကျွန်တော်ကိုယ်တိုင်အပါအဝင်) တိုက်ရိုက် ဘာသာပြန်ပြီး tuition teacher ရယ်လို့ အလွယ်ပြောနေမိပေမယ့် တကယ့် အခေါ်အဝေါ်မှန်က tutor ပါ။ tutor ရဲ့ အဓိပ္ပါယ်က “a teacher who works with one student or a small group, either at a college or university or in the home of a child” ကောလိပ်၊ တက္ကသိုလ် သို့မဟုတ် ကျောင်းသားအိမ်တွင် တစ်ဦးချင်းဖြစ်စေ အုပ်စုလိုက်ဖြစ်စေ သင်သောဆရာ ပါ။ တစ်ချို့ကလည်း home tutor/ private tutor ရယ်လို့ ကွဲပြားအောင် သုံးနှုန်းကြလေရဲ့။

ကျူရှင်ခေတ် ဘယ်ကစ

လက်ရှိ မြန်မာနိုင်ငံမှာ ခေတ်စားနေသော ကျူရှင် ဘယ်ကစတယ် သေချာမသိပေမယ့် အမြစ်တွယ် တွင်ကျယ်လာတာကတော့ ဆယ်စုနှစ် အတန်ကြာနေပါပြီ။

အလွတ်သင် ကိုယ်ပိုင်ကျောင်းများ မရှိတော့တဲ့နောက်မှာ … ကျောင်းသားများ အထက်တန်းစာမေးပွဲ (တက္ကသိုလ်ဝင်တန်း၊ ဆယ်တန်း) ပြင်ပဖြေခွင့်မရှိဘဲ အစိုးးရကျောင်းတက်မှသာ ဖြေခွင့်ရှိခဲ့တဲ့ကာလမှာ ကျူရှင်တွေ အထူး ခေတ်ကောင်းခဲ့ပါတယ်။

အဲဒီခေတ်က ကျူရှင် နှစ်မျိုးတွေ့ရမယ် ထင်ပါတယ်။

၁။ အစိုးရကျောင်းများမှ ဆရာဆရာမများ (ဝမ်းရေးအတွက် တစ်တပ်တစ်အား အထောက်အကူ ပြုစေဖို့) အပြန်အလှန် နားလည်မှုနဲ့ သင်ကြားတဲ့ … တရားဥပဒေအရ အရေးယူနိုင်တဲ့၊ ခွင့်မပြုတဲ့ private tuition တွေ home tuition တွေ ဝိုင်းကျူရှင်တွေ

ဒီလိုကျူရှင်တွေမှာလည်း ကျောင်းမှာသင်လိုက်တဲ့စာကို နောက်တစ်ကြိမ် ကြေညက်အောင် အမှန်တကယ် ပြန်သင်တဲ့ စေတနာ ဆရာဆရာမတွေ အများအပြား ပါပါတယ်။ စုန်းပြူးတွေ နေရာတကာ ရှိတဲ့အတွက် ငွေအဿပြာအတွက်သက်သက် ကျူရှင်ဖွင့် … စာမေးပွဲမှာ မေးမယ့် မေးခွန်းနဲ့အဖြေကိုသာ သင်တဲ့ဆရာဆရာမလည်း ရှိတာပါပဲ။ ပြောရရင် နှစ်မျိုးလုံးသော ဆရာဆရာမတွေ ကိုယ်တွေ့ ကြုံခဲ့ရဖူးပါတယ်။ ဒီကျူရှင်မျိုးတက်တဲ့ကျောင်းသားတွေမှာလည်း လိုလိုလားလား ပညာလိုချင်လို့ … စာကျေညက်ချင်လို့ တက်တာမျိုးလည်း ရှိသလို အတန်းပိုင်ဆရာမ မငြိုငြင်ရေး၊ အမှတ်ကောင်းရရေး၊ မပင်မပန်း တစ်နှစ်တစ်တန်းအောင်ရေး အလွယ်လိုက်ချင်လို့ တက်ခဲ့ကြသူတွေလည်း ရှိတာပဲပေါ့လေ။

၂။ ပြင်ပ ပညာရှင်များ မှတ်ပုံတင် ဖွင့်လှစ်တဲ့ တရားဝင် ကျူရှင်များ

အကြောင်းကြောင်းသော အကြောင်းများကြောင့် အစိုးရကျောင်းများမှ ဆရာဆရာမများ သင်ကြားပေးတာ မလုံလောက်လို့ ယူဆတဲ့အတွက် ကျောင်းချိန် ပြင်ပမှာ ကျောင်းသားများ အပြင်ကျူရှင် တက်ကြပါတယ်။ အရင်ကတော့ ဒီလို ကျူရှင်တွေကို အထက်တန်းရောက်မှသာ (ဆယ်တန်းစာမေးပွဲ အမှတ်ကောင်းစေဖို့) တက်ကြတာမျိုးပါ။

ကျူရှင် ပြီးရင်း ကျူရှင်

ဘာကြောင့် စခဲ့စခဲ့ … ကျူရှင်ကတော့ မြန်မာ့ကျောင်းသား အသိုင်းအဝိုင်းမှာ အမြစ်တွယ်နေပါပြီ။

ကျောင်းမှာသင်တာ မလုံလောက်လို့ ကျူရှင်ယူတယ်ဆိုရာကနေ … အကောင်းဆုံး ကျူရှင်ယူသူများသည်ပင်လျင် ကျူရှင်ပြီးတော့ မပြီးသေးဘဲ နောက်ထပ် study guide ဂိုက်ဆိုတဲ့ အသွင်သစ်ကျူရှင်တစ်မျိုးမှာ ထပ် အသင်ခံကြပြန်ရော။

ပြောခဲ့ပါတယ် … ကျွန်တော်လည်း study guide လုပ်ရင်း သင်ကြားရေးလောက ရောက်ခဲ့တာဆိုတာ။

ဂိုက် စလုပ်တဲ့အချိန်မှာ … (မြန်မာပေတံနဲ့ တိုင်းလို့) စာတော်ပါတယ်ဆိုသူတွေတောင် …. အကောင်းဆုံးကျောင်းဆိုတာမှာ တက်ပါလျက် … နာမည်အကြီးဆုံး ကျူရှင်တွေမှာ ရွေးတက်ပါလျက် … စာကို သေချာ နားမလည်သေးလို့ ကိုယ်က ပြန်သင်ပေး ပြန်ရှင်းပြရတာ အကြိမ်ကြိမ်။

အဲဒီတုန်းကတော့ သူတို့ ဘာလို့ သေချာနားမလည် မကြေညက်တာလဲဆိုတာ ကိုယ်တိုင်လည်း သေချာရေရာ မသိခဲ့။ ကိုယ်ရှင်းပြလိုက်တော့မှ သူတို့ နားလည်သွား … ပုစ္ဆာ တွက်နိုင်သွား … မေးခွန်းဖြေနိုင်သွားတာဆိုပြီး ကိုယ့်ကိုကိုယ်လည်း အဟုတ်ကြီးထင်၊ ကျောင်းသားတွေကလည်း ကိုယ့်ကို ပိုအားကိုးပေါ့။

စဉ်းစားကြည့်တော့ကလေးတွေခမျာ ကျောင်းကသင်၊ ကျူရှင်ကပြန်သင်၊ ဂိုက်ကထပ်သင်နဲ့ မနက် ၆နာရီကနေ ည၁၀နာရီ ၁၁နာရီထိ တစ်ပတ် ၇ရက် အသင်ခံရတဲ့ passive အနေအထားသက်သက်။ ဘယ်မှာလဲ ကိုယ်တိုင်ကိုယ်ကျ လေ့လာတဲ့ active learning။ နတ္ထိ။ လွဲချက်ကနာ။

မဆုံးနိုင်တဲ့ ကျူရှင်သံသရာ

အစိုးရကျောင်းမှာ ကျောင်းသားအများအပြားနဲ့ သင်ပေးနေလို့ … ကျောင်းမှာ ကိုယ့်စိတ်ကြိုက် ရွေးချယ်ခွင့် မရှိလို့ ထပ်ဆောင်း တက်ကြပါတယ်ဆိုတဲ့ ကျူရှင်သံသရာက အဲဒီမှာတင် မရပ်ပါဘူး။

ပုဂ္ဂလိကကျောင်းတွေ ဖွင့်ခွင့်ရလာတော့ အောင်မြင်ကျော်ကြားတဲ့ ကျူရှင်ဆရာများ ဦးစီးပြီး ကျောင်းတွေဖွင့် ကြပ်ကြပ်မတ်မတ် သင်ပါတယ်ဆိုလည်း အဲဒီကကျောင်းသားတွေ ကျူရှင် ယူနေရသေးတာပဲ။

အင်္ဂလိပ်ဘာသာစကားသုံးပြီးသင်တဲ့ … နိုင်ငံတကာသင်ရိုးတွေသင်တဲ့ … (အတန်းပိုင်ဆရာဆီမှာ အအောင်အရှုံး သတ်မှတ်ခွင့် မရှိနိုင်တဲ့) ကျောင်းမှာ တက်သူတွေလည်း အများစု ကျူရှင် ယူနေကြရတာပါပဲ။

မိဘတိုင်းလိုလို ပြောကြတာတစ်ခု ရှိပါတယ်။ ပိုက်ဆံတွေ အများကြီး ပေးထားရတဲ့ ကျောင်းမှာ တက်နေကြရပြီး ကျူရှင်တွေ ထပ်ယူနေရတာ အပိုတွေ သိပ်ကုန်တယ် … မထားလို့မရရင် မထားချင်ဘူး … မတတ်သာလို့တဲ့။

ကျောင်းတွေကည်း ပြောတယ် … ကျူရှင် မလိုဘူး အပိုတွေတဲ့။

ဒါဆို … ကျောင်းတွေက ဘာလို့ ကျူရှင် မလိုဘူး ပြောလဲ … တကယ်မလိုတာ သေချာရဲ့လား။

မိဘတွေကရော မထားလို့ရရင် မထားချင်ဘူး … မတတ်သာလို့ဆိုရင် တကယ်ပဲ မဖြစ်မနေ မတတ်သာလို့လား။

ကျွန်တော်က မိဘလည်း ဟုတ်သူ … ကျောင်းတစ်ကျောင်းမှာလည်း ကိုယ်စားပြုနေသူ။

နှစ်ဖက်လုံးကနေ ကြည့်ကြည့်မိတယ်။

မိဘ ပံ့ပိုးမှု နှင့် ကလေးပညာရေး

မိဘများထံက ကြားရလေ့ရှိတဲ့ အချက်တစ်ချက်က “တို့ဘက်က ပိုက်ဆံတွေ ဒီလောက် အကုန်ခံ ကျောင်းထားပေးထားတာ … နောက်ထပ် ဦးနှောက်ခြောက် မခံချင်ဘူး။ ကျောင်းကပဲ အားလုံးကို ကိစ္စပြီးအောင် တာဝန်ယူ လုပ်ပေးသင့်တယ်။ မလုပ်ပေးတော့ ပိုက်ဆံအကုန်ခံ ကျူရှင် ထပ် စီစဉ်ရတာပေါ့” ဆိုတာပါ။

တီဗီကြော်ငြာမှာ တွေ့ဖူးသလို “မိဘများ စီးပွားရေးကို စိတ်အေးချမ်းသာစွာ လုပ်ပါ … သားသမီးတို့ပညာရေး ကျွန်ုပ် တာဝန်ယူမည်” ရယ်လို့ ပြောနိုင်ဖို့ရာက ကျောင်းသားရေးရာ မှန်သမျှအတွက်၂၄နာရီပတ်လုံး ကျောင်းကသာ တာဝန်ယူတဲ့ Boarding School လို့ခေါ်တဲ့ ကျောင်းအိပ်ကျောင်းစား ဘော်ဒါကျောင်းမျိုးပဲ ရပါမယ်။ ဒါတောင် ဘယ်လောက် ဘယ်လို စီစဉ်ပေးတယ်ပြောပြော လူသားဆိုတာ စက်ရုပ်မဟုတ်တဲ့ … အလွန်သိမ်မွေ့နက်နဲရှုပ်ထွေးတဲ့ စနစ်ဇယား complex system တစ်ခု ဖြစ်တာကြောင့် ရာနှုန်းပြည့် မဖြစ်နိုင်ပါ။ မိဘဆီကသာရမယ့် အနှိုင်းမဲ့ ချစ်ခြင်းမေတ္တာနဲ့ နွေးထွေးလုံခြုံမှု … ဆွေမျိုးသားချင်း ဦးလေးအဒေါ်များ ဘိုးဘွားများ ညီအစ်ကိုမောင်နှမ ဝမ်းကွဲများနဲ့အတူနေခြင်းကြောင့်ရမယ့် “ကြီးသူရိုသေ … ရွယ်တူလေးစား … ငယ်သူသနား” ရကောင်းမှန်းတွေ၊ အသိုင်းအဝိုင်းထဲမှာ ဘယ်လို နေထိုင်တတ်ရမယ်ဆိုတာတွေ … ဒါတွေကတော့ လိုအပ်နေဦးမှာပါ။

အနောက်တိုင်းက လုပ်ထားတဲ့ သုတေသန research အချို့ ဖတ်ဖူးတာအရကတော့ “ပံ့ပိုးမှု” ကောင်းတဲ့ အခြေအနေမှာ ကလေးတစ်ယောက်ရဲ့ အမှတ် Grade 1.5 (+/ – 0.5) တက်နိုင်ပါသတဲ့။ ဆိုလိုတာက (A*, A, B, B, C*, C, D*, D, E*, E စတဲ့ အမှတ်ပေးစနစ်မှာ) ကျောင်းသားတစ်ယောက် လက်ရှိ ရမှတ်က E ရနေတယ် ဆိုပါစုိ့။ သူ့ကို “ပံ့ပိုးမှု” ကောင်းကောင်း ပေးနိုင်ရင် D* ထိ တက်လာနိုင်တာမျိုးပါ။ လက်ရှိ D* ဆိုရင် B အထိ ရနိုင်တာမျိုးပေါ့။ (+/ – 0.5) ဆိုတဲ့အတွက် အနေအထားအလိုက် အနည်းဆုံး 1 ကနေ အများဆုံး 2 ထိလောက် တက်နိုင်ပါတယ်။

အမှတ် ၁၀၀ ကို အခြေခံတဲ့ စနစ်ဆိုရင် ၁၀မှတ်ကနေ ၂၀မှတ်လောက် တက်လာနိုင်တယ် ဆိုပါစို့။

ကောင်းပြီ … ပံ့ပိုးမှုက အမှန်တကယ် အကျိုးရှိတယ်ဆိုတာလဲ ငြင်းမရဘူး …

“မိဘ ဆရာ ပူးပေါင်း ကလေးပညာကောင်း” လို့ ဆိုရိုးစကား ရှိတာပဲလေ။

ပညာရေးမှာ ကျောင်းချိန်ပြင်ပ မိဘတို့ရဲ့ ပံ့ပိုးမှု အခန်ကဏ္ဍကလည်း အင်မတန် အရေးပါလှတာပေါ့။ ကျောင်း သက်သက်နဲ့ မပြည့်စုံပါဘူး။

ပံ့ပိုးမှု ဟူသည်

မိဘရဲ့ ပံ့ပိုးမှုကတော့ ဟုတ်ပါပြီ။ ဘယ်လို ပံ့ပိုးကြမှာလဲ။

ကလေးတွေ ဘယ်လို လမ်းလျှောက်တတ်လာကြသလဲ စဉ်းစားကြည့်ရအောင်။

အရွယ်အလိုက် တိုးတက်လာရာကနေ မတ်တပ်စမ်းစ လမ်းလျှောက်စမှာ ကလေးတိုင်း ချော်လဲတတ်ပါတယ်။ ချော်မလဲဘဲ လမ်းလျှောက်တတ်လာတဲ့ကလေးရယ်လို့ မရှိပါ။

ကိုယ့်ကလေး ချော်လဲမှာစိုးလို့ မလွှတ်တမ်း ချီထားခြင်းကလည်း ကလေးကို ပံ့ပိုးပေးတာ မဟုတ်သလို … ကားတွေ ဥဒဟို သွားနေတဲ့လမ်းမှာ … ခဲတွေချိုင့်တွေပေါတဲ့လမ်းမှာ … ကားလမ်းဘေးမှာ ဖြစ်ချင်ရာဖြစ် လက်လွတ်စပယ် လွှတ်ထားတာကလည်း ပံ့ပိုးမှု မဟုတ်ပါ။

ကလေး လမ်းလျှောက်သာမယ့် .. အန္တရာယ်မရှိမယ့် လမ်းမျိုးဖြစ်အောင် အတတ်နိုင်ဆုံး စီစဉ်ပေးပြီးနောက် ကလေး လဲတဲ့အခါ လဲပါစေ … နည်းနည်း နာတဲ့အခါ နာမှာပေါ့။ ဆိုးဆိုးရွားရွား မဖြစ်အောင် မိဘက မလှမ်းမကမ်းက စောင့်ရှောက်ပေးရင်း … လမ်း စမ်းလျှောက်ကြည့်ခိုင်းရမယ် မဟုတ်လား။

ဒီလိုပါပဲလေ။

နောက်ထပ် ဥပမာ ပေးလိုပါသေးတယ်။ ဘယ်မှာ ဖတ်ဖူးမှန်း မမှတ်မိတဲ့ ကြားဘူးးနားဝ ပုံပြင် ဆိုပါစို့။

ပိုးတုံးလုံးလေး အဆင့်ကနေ … caterpillar … pupa အဆင့်ကနေ လိပ်ပြာ ဖြစ်လာဖို့ အကောင်ငယ်လေးက အခွံထဲကနေ သူ့ဟာသူ ခွဲထွက် ရုန်းထွက်ရပါတယ်။ အဲလို ရုန်းထွက်တဲ့အခိုက် အပြင်ကနေ သနားလို့ဆိုပြီး ဆွဲထုတ်ပေးလိုက်တာ အဲဒီကောင်လေး လိပ်ပြာအဖြစ် မပျံနိုင်တော့ပဲ ချည့်နဲ့ သေသွားရပါတယ်တဲ့။

ကျောင်းသားတွေလည်း အခွံထဲကနေ ထွက်နေတာပါ။ သူဟာသူ ရုန်းရတဲ့အခါ ရုန်းပါစေ။ အပြင်ကနေ လိုသလောက်ပဲ လိုတာထက် ပိုပြီး မပံ့ပိုးမိအောင် သတိထားပေးပါလား။ ချည့်နဲ့ မသွားစေချင်လို့ပါ။

“ပံ့ပိုးမှု” အတွက် ပံ့ပိုးပေးခြင်း

နိုင်ငံတကာသင်ရိုး တစ်ချို့မှာကတော့ မိဘများ အိမ်ကနေ ဘယ်လို ကူညီပံ့ပိုးပေးပါဆိုတဲ့ လမ်းညွှန် Parent Handbook/ Guidebook လိုမျိုး တွဲလျက် ပါတတ်ပါတယ်။ ဥပမာ စင်္ကာပူ မူလတန်းကျောင်းသားများ ဖြေရတဲ့ Primary School Leaving Examination (PSLE) အတွက် မိဘလမ်းညွှန် စာအုပ်လိုမျိုးပါ။ ကျောင်းက ဒီအကြောင်းအရာသင်ရင် မိဘဘက်က အိမ်မှာ ဒီလို ကူညီပေးပါ ဆိုတာမျိုး။ ကျောင်းက အပင်အစိတ်အပိုင်းအကြောင်းသင်နေရင် အိမ်က မီးဖိုဆောင်မှာ ဒီလို ဟင်းသီးဟင်းရွက် ဝယ်ချက်ပြီး သားသမီးကို ဘယ်လို ကူပေးခိုင်း .. ဘယ်လိုမေးခွန်းလေးတွေ မေးပေး အစရှိသည်ဖြင့် ဒီစာအုပ်မျိုးထဲမှာ လမ်းညွှန်ပေးတတ်ပါတယ်။

ကျွန်တော့်သား မူကြိုကျောင်းသားအတွက်လည်း ကျောင်းကပေးတဲ့စာ အပတ်စဉ် ပါလာပါတယ်။ ဒီစာထဲမှာ လာမည့်သီတင်းပတ် အတွင်း ကျောင်းက သင်မယ့် အကြောင်းအရာအလိုက် မိဘတို့ဘက်က ဘယ်လို ပံ့ပိုးမှု ပေးပေးပါ ဆိုတဲ့ လမ်းညွှန်နဲ့ပါ။

မူလတန်းကနေ အလယ်တန်းအဆင့်ထိလည်း ဒီလို လမ်းညွှန် စာအုပ်တွေ အင်္ဂလိပ်လိုနဲ့တော့ ရှိနေပါတယ်။ ကျောင်းများဘက်ကလည်း မိမိတို့သုံးတဲ့ သင်ရိုးအလိုက် ဒါမျိုးလမ်းညွှန် ဘာသာပြန်ပေး ပြုစုပေးနိုင်မယ်ဆိုရင် အတိုင်းထက်အလွန်ပါ။ အားလုံးအတွက် အကျိုးရှိပါမယ်။ အစိုးရကျောင်း သင်ရိုးအတွက်လည်း ခေါင်းစဉ်အလိုက် ဒါမျိုး ပြုစုပေးဖို့ အခက်ကြီးတော့ မဟုတ်ပါ။ ဝါယမတစ်ခု စိုက်ထုတ်ကြဖို့ လိုနေတာပါ။

ဒါမျိုး လမ်းညွှန်တွေ မရှိသေးခင်စပ်ကြား ခုလိုကာလမျိုးမှာ မိဘဘက်က အိမ်မှာ ပံ့ပိုးမှုပေးကြဖို့ရာကို စဉ်းစားကြည့်တော့ မဖြစ်နိုင်အောင် ခက်ခဲတယ် မဟုတ်ပေမယ့် အတားအဆီး အချို့ ရှိနေတာကတော့ လက်တွေ့ ကိုယ်တွေ့ပါ။ စဉ်းစားမိသလောက် ကြုံရသလောက် တစ်ချက်ချင်း ဆွေးနွေးကြည့်ရအောင်။

မိဘများဘက်က အခက်အခဲ အတားအဆီးများ

၁။ ကလေးအတွက် သီးသီးသန့်သန့် အချိန်ပေးနိုင်မှု

အိမ်ရှိလူကုန် အလုပ်လုပ်နေရတဲ့ … အလုပ်ရှုပ်နေရတဲ့ လူနေမှုစနစ်ကြားက ကျွန်တော်တို့ မိဘတွေအနေနဲ့ သားသမီးအပေါ် အချိန်တစ်ခု ပေးနိုင်ဖို့ ခက်ကြပါတယ်။ တခါတလေ ကိုယ် အိမ်ပြန်ရောက်ရင် ကလေး အိပ်ချိန် ဖြစ်နေပြီ … တခါတလေ သူတို့ မနိုးသေးခင် ကိုယ်က အလုပ်သွားရပါပြီ။

နောက်တစ်ချက်က ရင်ခွင်ပိုက် လက်မလွှတ်သေးတဲ့ ကလေးငယ် ရှိနေတဲ့ မိဘတို့အတွက်ကလည်း ဒီကလေးငယ် ဝေရာဝစ္စကို လုပ်ကိုင်ပေးနေရသေးတော့ … တခြား အိမ်မှုကိစ္စတွေလည်း ရှိသေးတော့ … ပံ့ပိုးမှု လိုအပ်မှန်း … ရှိရင်ကောင်းမှန်း သိပေမယ့် ကလေးရောမိဘပါ အဆင်ပြေမယ့်အချိန် ရှာလို့မရ ဖြစ်တတ်ပါတယ်။

၂။ နေရာထိုင်ခင်း အပြင်အဆင် သီးသန့် ပေးနိုင်မှု

မိဘအနေနဲ့ အိမ်မှာ ကလေးအိမ်စာလုပ်ရာမှာ … စာပြန်ကြည့်ရာမှာ နိုင်သလောက် ကူဖို့ အိမ်မှာတော့ ရှိပါပြီ … ဒါပေမယ့် ကလေးအတွက် သီးသန့် စာကြည့်စားပွဲလိုမျိုး ပြင်ဆင်ထားနိုင်ပြီလား။ အဲဒီနေရာဟာ တခြားအတွက် မသုံးဘဲ … အနှောက်အယှက် မရှိဘဲ တိတ်တိတ်ဆိတ်ဆိတ် စာကြည့်နိုင်မယ့် နေရာလား … ဒါမှမဟုတ် တီဗီရှေ့လား။ လူကြီးတွေက သူ့အနားမှာ ဝိုင်းဖွဲ့ စကားပြောဖြစ်ကြမှာလား။ ကိုရီးယားကား ကြည့်ရင်း သူ့ကို စာလုပ်ခိုင်းမှာလား။ ကလေးနဲ့အတူ သူ့ကို စာကူပေးနေတုန်း ဧည့်သည်လာရင် အားလုံး ပျက်သွားမှာလား။ ကလေးငယ်လေးတွေကရော သူ့တို့ကိုကို မမ အနားမှာ ဝင်ရှုပ်နေမှာလား။

ဒါမျိုးဆိုလည်း မအောင်မြင်နိုင်ပါ။

နိုင်ငံတကာမှာ ကျောင်းတောင်မထားဘဲ home schooling ဆိုတာမျိုး အိမ်ကပဲ ကလေး ကျောင်းစာ လေ့လာနိုင်အောင် ပြင်ဆင်ပေးတာမျိုး ရှိပေမယ့် ဒီအချက်တွေ ပြင်ဆင်ပေးထားတာပါ။

၃။ ကလေးရဲ့ စိတ်ပါဝင်စားနိုင်မှု

ကလေးဆိုတာ စက်ရုပ်မဟုတ်ပါ။

မူလတန်းအရွယ် ကလေးငယ် မနက် ငါးနာရီလောက် အိပ်ရာထ (ဘာသာရေးအရဖြစ်စေ … လူမျိုးစုတစ်ခုခုရဲ့ လိုအပ်ချက်အရဖြစ်စေ … ဘာသာရေးကျောင်း နှင့် ဘာသာစာပေကျောင်း) မနက် ၆နာရီကနေ ၈နာရီတက် …. အဲဒီနောက် အစိုးရကျောင်း/ ပုဂ္ဂလိက မြန်မာကျောင်း/ အင်္ဂလိပ်ကျော်ငးလို့ အလွယ်ခေါ်တဲ့ နိုင်ငံတကာ သင်ရိုးနဲ့သင်တဲ့ကျောင်း တစ်ခုခုမှာ တစ်နေကုန် ညနေ သုံးနာရီ လေးနာရီထိ ကျောင်းတက် အိမ်ပြန်ရောက် ခဏနေတော့ မိဘက သူ့ရှေ့မှာ စာအုပ်ဖွင့် စာကျက်ခိုင်းတော့ ကျောင်းသားက ဘယ် စိတ်ပါပါ့မလဲ။ “တယ် … ငါရိုက်လိုက်ရ … စိတ်က ဘယ်ရောက်နေတာလဲ … စာကို စိတ်မဝင်စားဘူး” ဆိုပြီးဆူ … ကလေးက ကြောက်တော့ငို။ နောက်ဆုံးတော့ မဖြစ်ပါဘူး … မင်း … ကြောက်ရမယ့် ဆရာမတစ်ယောက်ယောက်ဆီသာ ကျူရှင်သွားတက်တော့ ဖြစ်ရော။

ဒါမှမဟုတ်လည်း ကိုယ့်ကလေးကိုယ် အမြဲတမ်း အလိုလိုက် အလျှော့ပေးတဲ့ မိဘနဲ့ ဆိုပြန်တော့လည်း ကလေးက ဂျီကျ … မိဘက မနိုင် … ကဲ … သွားလေရော့ ကျူရှင်။

၎။ မိဘရဲ့ ပညာရေး အခြေခံ

တချို့မိဘတွေက ကိုယ်တိုင် ပညာရေး အခြေခံ မကောင်းလှတော့ … အထူးသဖြင့် နိုင်ငံတကာ သင်ရိုးနဲ့ အင်္ဂလိပ်လို သင်တဲ့ကျောင်းမှာ ကိုယ့်သားသမီးကို ပို့ထား … ကိုယ်တိုင်က ပံ့ပိုးပေးဖို့ စိတ်ပါပေမယ့် ကလေးစာကို ကိုယ်က နားမလည်။ ကျောင်းတွေသင်တဲ့ ချဉ်းကပ်နည်းတွေကို မိဘက မသိ။

ဒီတော့လည်း ကျူရှင် ပို့ရင်ပို့ … မပို့ရင် ကျူရှင်ဆရာ အိမ်ခေါ်ရလေသတည်း ပေါ့လေ။

စဉ်းစားမိသမျှ

မိဘကိုယ်တိုင် ပံ့ပိုးရာမှာ ကြုံနိုင်တဲ့ အခက်အခဲတွေကြားကနေ မဖြစ် ဖြစ်အောင် အကောင်းဆုံးဖြစ်အောင် ဘယ်လို စီစဉ်လို့ ရမလဲ မေးရင် ကျွန်တော့်မှာ တိကျ ရေရာလှသော … ရာသက်ပန် မှန်နိုင်သော … တစ်ခုတည်းသော အဖြေ မရှိပါ။ နောက်ခံအနေ အထားပေါ်လိုက်လို့ အပြောင်းအလဲ ရျှိနိုင်ပါမယ်။

ဘယ်လောက်ကောင်းတဲ့ ကျူရှင်ပြောပြော ဘယ်လိုနည်းနဲ့မှတော့ ကျူရှင်က မိဘတို့ရဲ့ နည်းစနစ်မှန်သော ပံ့ပိုးမှုကို မမီနိုင်ပါ။

ဥပမာပဲ ပေးလိုပါတယ်။

ရင်သွေးငယ်တို့ရဲ့ မိဘတိုင်း ကလေးတွေ ဝမ်းပျက်ဝမ်းလျှောဖြစ်တာ ကြုံဖူးကြမှာပါ။ ဆရာဝန်ဆီသွားရင် ဆရာဝန်ကလည်း ရေဓာတ် ခန်းခြောက်မှု အဆိုးရွားကြီး မဟုတ်ရင် လမ်းညွှန်မှာက ဓာတ်ဆားရည် တိုက်ဖို့ပါ။ (ကလေး ငယ်သေးပါက မိခင်နို့ပါပေါ့လေ။) မိဘတိုင်း ပြန်ပြောမှာကလည်း တိုက်ရခက်တယ် … ကလေးက မသောက်ဘူး ဆိုတာပါ။ ဒီလိုအချိန်မှာ ကလေးဆရာဝန်တိုင်း ဖြေမှာကလည်း “မဝင် ဝင်အောင်တိုက် … တခြား ဘာအရည်မှ မတိုက်နဲ့ … ရေလည်း မတိုက်နဲ့ … နောက်ဆုံး မနေနိုင်ရင် ဓာတ်ဆားကိုပဲ သူကိုယ်တိုင် သောက်လာလိမ့်မယ်။ အဲလိုမှ လုံးဝ မရရင်တော့ ဆေးရုံမှာ IV Drip သွင်းရမယ်” ဆိုတဲ့ အဖြေပါ။ ခုလည်းပဲ ထိုနည်းလည်းကောင်းပါပဲလို့ ဆိုပါရစေ။ အထူးသဖြင့် ငယ်သေးတဲ့ မူလတန်းအရွယ်မှာ ကျူရှင်မပါဘဲ မဖြစ်ဖြစ်အောင် နည်းမျိုးစုံ စီစဉ်ကြည့်ပါ … မဖြစ်နိုင်လွန်းတာ သေချာပြီဆိုမှသာ နောက်ဆုံးအဆင့် ကျူရှင်လမ်းကြောင်းကို ရွေးသင့်ပါတယ်။

ကျူရှင် မယူရစေဖို့

ကျူရှင် မယူရစေဖို့ ဘာလုပ်ရမလဲ စဉ်းစားမိသလောက်

၁။ ကျူရှင် ယူဖို့ရာ လိုအပ်ချက်တစ်ခု မဟုတ်နိုင်တဲ့ ကျောင်းမျိုးမှာ ထားပါ။

ပြောတာ လွယ်လိုက်တာ မဆိုစေချင်ပါ။ တကယ် ဖြစ်နိုင်ပါတယ်။

အချို့အချို့သော ကျောင်းတွေက ဆရာဆရာမတွေကိုယ်တိုင် ကျူရှင်အတွက် ဆွယ်တာ .. ခေါ်တာ ရှိနိုင်ပါတယ်။ တစ်ချိန်တည်းမှာပဲ စာကောင်းကောင်းသင်နေသော ကျောင်းတွေလည်း အများကြီးပါ။ အာမခံပြီး ပြောပါမယ်။ ဆရာ ဆရာမတိုင်း အသပြာဆရာ မဟုတ်ပါ။ ကျောင်းကောင်း သေချာ ရွေးပါ။ အစိုးရကျောင်း၊ မြန်မာသင်ရိုးသင် ပုဂ္ဂလိကကျောင်း၊ နိုင်ငံတကာ သင်ရိုးသင် ပုဂ္ဂလိကကျောင်း … ဘယ်ကျောင်းမှာတက်တက် အမှန်တကယ် စာသင်တဲ့ကျောင်းကို သေချာ ရွေးပေးပါ။

(လက်ရှိ ကျွန်တော် ရေးတဲ့စာကို ဖတ်နေသူတွေက online သုံးနိုင်တဲ့ အဆင့်ဆိုတော့ အောက်ဆုံးအလွှာ လူတန်းစားကို မရည်ရွယ်ပါ။ အတိုင်းအတာ တစ်ခုအထိ ပံ့ပိုးမှု ပေးနိုင်သော သူများကို ရည်ရွယ်တာပါ။ ဆင်းရဲသူများ တက်သော ကျောင်းတွေမှာကတော့ ဆရာဆရာမက ကျူရှင် ဆွယ်တာ အတော် နည်းပါလိမ့်မယ် … ဘယ်လာက်ပဲ အဆင့် နိမ့်ပါတယ်ပြောပြော ဘာမှ မသင်ပေးတာထက်စာရင် အများကြီး သာပါတယ်။ ရွေးခွင့် မရှိသူအတွက်ဆိုလည်း ရရာ နေရာမှာ အကောင်းဆုံး ကြိုးစားလို့ ရပါသေးတယ်။ ကျွန်တော် ပြောနေတာက မိဘ အိမ်ကနေ အပံ့ပိုးလွန်ပြီး ကျူရှင်ပြီးရင်း ကျူရှင်နေသူများကို ဆိုလိုတာပါ။)

၂။ ကျောင်းက ဆရာဆရာမများအပေါ်သာ အပြည့်အဝ အားကိုးပါ။

ကျွန်တော့်ကို နိုင်ငံတကာကျောင်းမှာ ကျောင်းဆရာတစ်ယောက်ဖြစ်လာစေဖို့ လက်တွဲခေါ်ယူ လေ့ကျင့် သင်ကြားပေးခဲ့တဲ့ သင်ဆရာ မြင်ဆရာ ကြားဆရာ … ကျွန်တော့် ပထမဆုံး ဆုံခဲ့ဖူးတဲ့ နိုင်ငံခြားသား ကျောင်းအုပ်ဆရာကြီးရဲ့ ကိုယ်တွေ့ကို မျှဝေလိုပါတယ်။

သူက မြန်မာနိုင်ငံသူ အမျိုးသမီးနဲ့ အိမ်ထောင်ကျကာ မြန်မာစကားကို လေ့လာ လိုက်စားသူပါ။ မြန်မာစကား အတော်အသင့် ပြောတတ်ပြီး မြန်မာစာ အရေးအဖတ်အတွက် ဆရာမတစ်ယေက်ဆီမှာ သင်ယူနေစဉ်ကပေါ့။ ဆရာမက အင်္ဂလိပ်လို မပြောတတ် … သူကလည်း မြန်မာလိုကို သိပ် များများကြီး နက်နက်နဲနဲ နားမလည်။

တစ်ရက် … ဆရာမက မြန်မာ ဝေါဟာရ တစ်ခုကို မြန်မာလိုနဲ့ ရှင်းပြနေတာ … သူကြိုးစား နားောင်ကြည့်ပေမယ့် နာ.မလည်နိုင် ဖြစ်နေပါတယ်။ ဆရမကလည်း နှစ်ခါပြန် သုံးခါပြန် ပြောပြ … သူကလည်း သေချား နားထောင်ပေမယ့် နားမလည်။ သူစိတ်ထဲမှာ ကဲ … ထားလိုက်တော့ … အိမ်ရောက်မှ သူ့အမျိုးသမီးကို မေးလိုက်တော့မယ်ဆိုပြီး ဆရာမကို ထပ် မမေးတော့ဘူး။

ငါးမိနစ်လောက် ကြာသွားတော့မှ သူ့ဟာသူ သတိပြုမိတယ်။ ကျောင်းသားတွေကို ကျူရှင် မလိုကြောင်းပြောပြီး သူ့အနေနဲလည့်း “ပြင်ပ” အားကိုး တစ်ခုကို ရှာလိုက်မိပါလားဆိုပြီး။

ချက်ချင်းပဲ ဆရာမကို အဲဒီအပိုင်း နားမလည်သေးလို့ ပြန်ရှင်းပြပါဆိုပြီး မေး … သေချာ နားထောင်လိုက်တာ ၁၀ မိနစ်လောက် အချိန် ပိုပေးလိုက်ရပေမယ့် သူ့အတွက်လည်း သင်ခန်းစာကောင်း ရလိုက်ပါတယ်တဲ့။

ယုံကြည်လို့ တက်နေတဲ့ကျောင်းက ဆရာဆရာမကို အပြည့်အဝ လုံးလုံးလျားလျား အားကိုး ကြည့်ပါ။

ကိုယ်တွေကိုလည်း ပြောပါရစေ။

ကျွန်တော် ဆယ်တန်းနှစ်တုန်းက နွေရာသီကတည်းကစလို့ ကျူရှင်တွေ တက်ပါတယ်။

(၅တန်းတုန်းက ခြေထောက်ကျိုးလို့ ကျောင်း တစ်လကျော် နားလိုက်ရတဲ့အတွက် ဆရာမတစ်ယောက်အိမ်မှာ လွတ်တဲ့စာတွေ ပြန်သင်ခဲ့တာအပြင် ၈တန်းထိ ကျူရှင် မယူခဲ့ပါ။ ကျောင်းက သင်တာကိုပဲ အားကိုးခဲ့တာပါ။)

ကျူရှင် တက်ပြီဆိုတော့ ကျောင်းက ဆရာမအပေါ် အပြည့်အဝ အားမကိုးမိတော့တာကတော့ လက်တွေ့ပါပဲ။

ကျူရှင်မှာ မသင်သေးခင် ကျောင်းက သင်္ချာ ဆရာမက SEQUENCES AND SERIES သင်ပါတယ်။ စိတ်ထဲမှာ ကျူရှင်က သင်တော့မှပဲ သေချာ လိုက်လုပ်မယ်ဆိုပြီး အတန်းထဲမှာ သေချာ နားမထောင်ဖြစ်ခဲ့ပါဘူး။

ကျူရှင်မှာ အဲဒီအကြောင်းအရာ သင်တော့ စသင်တဲ့ ၃ရက်လောက် ကျွန်တော် ကျူရှင် ပျက်ပါတယ်။ တဝက်တပျက် လိုက်နားထောင်တော့ ကျောင်းတုန်းက စာသင်ခန်းထဲမှာ သင်ဖူးတာနဲ့ မှတ်မိသလိုလို … ရှင်းလှချည်ရဲ့ မဟုတ်ပေမယ့် ဒီလိုပဲ ပြီးသွားခဲ့ပါတယ်။ ဆရာ သင်နေတုန်း မေးတာတော့ ဖြေနိုင်လိုက်သလိုပဲ။

တကယ်တမ်း မေးခွန်းဟောင်းတွေကို ကိုယ့်ဟာကိုယ် မဖြေနိုင်ပါ။ အခက်တွေ့ပါတယ်။

အကြောင်းကြောင်းသော အကြောင်းများကြောင့် နှစ် ဆုံးသည်အထိ ကျူရှင် မတက်ဖြစ်တော့ပါ။ အဲဒီ ခေါင်းစဉ် ကျွန်တော် ဝိုးတဝါးနဲ့ အခက်တွေ့တဲ့ ခေါင်းစဉ်ပါ။

ဒါနဲ့ပဲ ကျောင်းက ဆရာမဆီ ပြန်သွား … ပွင့်ပွင့်လင်းလင်း ကိုယ့်အမှားကိုပြော … ကိုယ်ကအရင် စာကြည့် .. တွက်ကြည့် … မရှင်းတာရှိရင် ဆရာမကို တစ်ချက်ချင်း ပြန်မေးနဲ့ လုပ်လိုက်တာ နှစ်ပတ်လောက်အတွင်း အဲဒီ TOPIC ကို ကြေကြေညက်ညက် သိသွားပါတော့တယ်။

သင်ခန်းစာ ရလိုက်တာက လက်ရှိ သင်နေတဲ့ ဆရာဆရာမအပေါ် ယုံကြည် အားကိုးဖို့ပါ။

ကျူရှင်ရော ကျောင်းရော ရှိတဲ့ ကျောင်းသားများက ဟိုကို အားကိုးမှာလိုလို ဒီကို အားကိုးမှာလိုလိုနဲ့ ကြားကနေ လွတ်တတ်ပါတယ်။ ကျောင်းအပေါ်မှာ ယုံကြည် အားကိုးကြည့်ပါ။

ယုံကြည် အားကိုးတယ်ဆိုတာက resource person အနေနဲ့သက်သက်ကို ပြောချင်တာပါ။ အစစအရာရာ မှီခှိုမှုကို မဆိုလိုပါ။

၃။ အိမ်စာ နားမလည်ရင် … ကိုယ်တိုင် ကြိုးစားကြည့်လို့ မရခဲ့ရင် သင်တဲ့ဆရာကိုသာ မေးပါ။

အိမ်စာ ပေးကြရခြင်း ရည်ရွယ်ချက်ကို သေချာ သဘောပေါက်စေလိုပါတယ်။

သင်ခန်းစာ မသင်ခင် ကြိုတင် လေ့လာဖို့ ပေးတဲ့ pre-task assignment တွေဖြစ်စေ … သင်ခန်းစာတစ်ခု ကျောင်းမှာ သင်ပေးပြီးနောက် ပေးတဲ့ follow-up assignment တွေဖြစ်စေ အိမ်စာ လုပ်ခိုင်းရခြင်းရဲ့ ရည်ရွယ်ချက်က ကျောင်းသားများ သင်ပေးတာ ခံရပြီးနောက် ကိုယ်တိုင် (consolidate) ကျွမ်းကျင်တတ်မြောက်အောင် လေ့ကျင့်စေဖို့ပါ။

ပေးလိုက်တဲ့ အိမ်စာမှာ ဆရာတွေ အတန်းထဲမှာ လက်တွေ့ သင်ထားတာထက် အနည်းငယ် ပိုခက်မယ့် … အချိန်ယူ စဉ်းစားရမယ့် … ဦးနှောက်ကို အလုပ်ပေးရမယ့် အခန်းကဏ္ဍလည်း ပါပါမယ်။

ကျောင်းသားတိုင်းအနေနဲ့ ပေးလိုက်သမျှ အိမ်စာကို တစ်ခုမကျန် အကုန် တတ်သိနားလည် ဖြေနိုင် တွက်နိုင်စာလုပ်နိုင်မယ်ဆိုတာ ဘယ်လိုမှ မဖြစ်နိုင်တဲ့ ကိစ္စပါ။ အထူးချွန်ဆုံး ကျောင်းသားအတွက်တောင် အမြဲ မမှန်နိုင်ပါ။

ကျောင်းသားအနေနဲ့ ဘယ်သူ့အားကိုးမှ မပါဘဲ မိမိ ကိုယ်စွမ်းဥာဏ်စွမ်း ရှိသမျှ အစွမ်းကုန် အဖြေရှာကြည့်လို့ မရခဲ့ရင် သူ တိုင်ပင်ဖို့က သူ့ဆရာပါ။ ကျောင်းသားရဲ့ လိုအပ်ချက်ကို အသိဆုံး ဖြစ်ရမှာက သူ့ဆရာပါ။ အိမ်စာ နားမလည်ရင် ဆရာဖြစ်သူကို ပေးသိပါ။ ဆရာက လိုအပ်တာ စီစဉ်ပါစေ။

ဆရာနဲ့ ကျောင်းသား အကြားမှာ ကြားပွဲစား မရှိစေသင့်ပါ။

တကယ်လို့ အိမ်စာကို (grade) အမှတ်ပေးရင်တောင် အမှတ်ပြည့် ရရေးထက် အရေးကြီးတာက ကလေး တကယ် တတ်မတတ်ပါ။ အမှတ်မရမှာစိုးလို့ ကလေးအိမ်စာကို ကျူရှင်အားကိုးနဲ့ မဖြေရှင်းသင့်ပါ။

ဆရာအနေနဲ့ သူ့ကျောင်းသားက ပေးထားတဲ့အိမ်စာကို အပြည့်အဝ မလုပ်နိုင်မှန်းသိရင် လိုအပ်သလို (differentiated instruction) ကျောင်းသားအရည်အချင်း လုပ်နိုင်စွမ်းအလိုက် လမ်းညွှန်မှု လုပ်ပေးပါလိမ့်မယ်။

ဘယ်ဆရာကမှ ကိုယ့်ကျောင်းသား နားမလည်လို့ အိမ်စာမလုပ်ရတာ ဆိုတာကို အပြစ်တင်မှာ အပြစ်ပေးမှာ မဟုတ်ပါ။

Tongue Twister လျှာ ခလုတ်တိုက်စရာ ဆိုရိုးစကားလေး မျှဝေပါရစေ။

“If you understand, say “Understand”. If you don’t understand, say “Don’t understand”. If you don’t understand and say “Understand”, how can I understand that you understand, understand?”

“နားလည်ရင် နားလည်တယ်ပြော၊ နားမလည်ရင် နားမလည်ဘူးပြော၊ နားမလည်ဘဲ နားလည်တယ်ပြောရင် နားလည်မလည် ဘယ်လိုလုပ် နားလည်ရပါ့မလဲ၊ နားလည်လား” တဲ့။

၎။ မိဘရဲ့ မတော်လောဘ ပြိုင်ဆိုင်လိုမှု အတ္တ လျှော့ပေးပါ။

“ပြောလည်း ပြောချင်တယ် ပြောလည်း မပြောရဲဘူး” ရယ်လို့ နိဒါန်းချီပြီး တောင်းပန်ပါရစေ။

ကျွန်တော်ကိုယ်တိုင်လည်း ကျောင်းသားမိဘ တစ်ဦးပါ။

မြင်တဲ့အတိုင်း တည့်တည့် ပြောရရင် မိဘများဘက်ကလည်း နည်းနည်း လျှော့စေချင်ပါတယ်။

ကိုယ့် သားသမီးအပေါ် ညှာတာ နားလည်ပေးပါ။

ကိုယ်တိုင်ကရော ဘယ်အတိုင်းအတာထိ ပညာရေးမှာ ပေါက်မြောက်ခဲ့ပါသလဲ။ ကိုယ်တိုင်တုန်းကရော နေ့မအား ညမနား ကျူရှင်တွေ ကျောင်းတွေနဲ့ စာပြီးရင်းစာ ထိပ်ဆုံးမှာ အမြဲရှိခဲ့ … ဘာသင်သင် နားလည်တတ်သိခဲ့သူ ဟုတ်ပါသလား။

ဟုတ်နေခဲ့ရင်တောင် ကိုယ့်သားသမီးကို ကိုယ်နဲ့ထပ်တူ ဖြစ်ရမယ် တွက်ထားလို့ မရပါ။

လိုတာထက် ပိုတဲ့ ဖိအား တွန်းအား ပေးမှု မဖြစ်စေသင့်ပါ။

ဘယ်တော့မှ မမေ့နိုင်မယ့် ကိုယ်တွေ့ စာလေးတစ်စောင်အကြောင်း ပြောပြပါရစေ။

သုံးတန်းကျောင်းသားလေး တစ်ယောက်က စာမေးပွဲခန်းထဲမှာ စာမေးပွဲ ဖြေအပြီး စာရွက်တိုစာရွက်စ တစ်ခုမှာ ရေးနေတာ ဖတ်လိုက်ဖူးလို့ပါ။

စကားလုံး အတိအကျ မမှတ်မိပေမယ့် သူ အင်္ဂလိပ်လို ရေးလိုက်တဲ့ စာတိုလေးရဲ့ ဆိုလိုရင်းက “မေမေရေ … သား သိသလောက်တော့ ဖြေလိုက်တာပဲ။ အမှတ်လျော့ရင် သားကို မဆူပါနဲ့နော်” ဆိုတာမျိုးပါ။

အဲဒီ ကျောင်းသားက အတန်းထဲမှာ ထူးချွန်သူပါ။ စာမေးပွဲလေးတွေမှာ အမှတ် လျော့ခဲ့ရင် သူ့ မေမေက ကျောင်းမှာ လိုက်ပြီး ဘာလို့ အမှတ်လျော့သလဲ .. ဘာတွေ မှားသလဲ … သူများတွေရော မှားသလား … စတဲ့ မေးခွန်းပေါင်းများစွာနဲ့ ဆူတတ် … ကျူရှင်မှာ ပို ဖိတတ်လို့ပါ။

ဆရာတွေ စာသင်ဖို့ သင်ခန်းစာ ပြင်ဆင်တဲ့ အချိန်မှာ ထည့်စဉ်းစားရတဲ့ ABCD ရှိ်ပါတယ်။ A ဆိုတာက audience … ကိုယ်သင်တဲ့ ကျောင်းသားရဲ့ အနေအထား၊ B ဆိုတာက Behavioral Change … ကိုယ်က သင်ပေးလိုက်ပြီးရင် ဘယ်လို အပြောင်းအလဲ ဖြစ်သွားစေချင်တယ် ဆိုတဲ့ အချက်၊ C ဆိုတာက Condition … အဲလို ဖြစ်စေဖို့ ဘယ်လို အခြေအနေတွေ ဆရာက ပံ့ပိုးပေးမလဲဆိုတဲ့အပိုင်း၊ D ကတော့ Degree … ဘယ်လောက် အတိုင်းအတာအထိ ဆရာက အဲလို အပြောင်းအလဲကို မျှော်မှန်းထားသလဲဆိုတာပါ။

ကိုယ်သင်ရတဲ့ ကျောင်းသားကို သင်ခန်းစာတစ်ခု သင်ပေးအပြီး ဘယ်လောက်အထိ တတ်စေချင်တယ် ဆိုတာက ကျောင်းသင်ရိုးများကို သိနားလည်တဲ့ ဆရာရဲ့ သတ်မှတ်ချက်ပါ။

အတန်းထဲမှာ ရှိသမျှ ကျောင်းသားတိုင်းက ဆရာ သင်သမျှကို ရာနှုန်းပြည် မှတ်မိ နားလည် ပြန်လည် အသုံးချတတ်ဖို့ဆိုတာ သိကြားမင်း ဆင်းသင်တောင် မရနိုင်တာပါ။

သင်ထားသမျှရဲ့ ၄၀% ကနေ ၇၀% ကို မှတ်မိ သိနားလည်ရင် အဲဒီစာကို အဲဒီကာလအတွက် အခြေခံအဆင့် တတ်ပြီလို့ သတ်မှတ်တာက ပညာရှင်လက်ခံထားတဲ့ အချက်ပါ။ (မြန်မာပြည် ပညာရေးရဲ့ အတန်းတင် အောင်မှတ်က ၄၀%ပါ။)

ဆိုပါစို့ … မူလတန်း အတန်းငယ်အဆင့်မှာ ရာဂဏန်းအဆင့် ကိန်းဂဏန်းတွေ အပေါင်းအနှုတ် လုပ်တတ်ရပါမယ်။ ပုစ္ဆာ ဆယ်ပုဒ်မှာ ၅ပုဒ် ၆ပုဒ် ၇ပုဒ် လောက်အထိ အမှားအယွင်းကင်းကင်း တွက်တတ်တဲ့အဆင့်ဆို အခြေခံအဆင့် တတ်ပါပြီ။ ကျန်တဲ့ နောက်တဆင့်မှာ ထောင်ဂဏန်းအထိ ပေါင်းရင်းနှုတ်ရင်းနဲ့ ရာဂဏန်းတွေလည်း ပြန် တွေ့ရဦးမှာ ဖြစ်တော့ အဲဒီကာလရောက်ရင် ရာဂဏန်းကိန်းတွေကို အမှားကင်းကင်း တွက်နိုင်သွားပါလိမ့်မယ်။

Education is repetition ပညာရေး ဆိုတာ ထပ်ဖန်တလဲလဲ လေ့ကျင့်ခြင်းပါတဲ့။

အတန်းအလိုက် သင်ရိုးပြဋ္ဌာန်းချက် ညှိုနှိုင်းဆက်နွယ်မှု (Horizontal and Vertical) Curriculum Alignment ကို ကျောင်းတွေက စာသင်နေတဲ့ ဆရာတွေက မိဘထက် အများကြီး ပို နားလည်ပါတယ်။

ဘယ်အဆင့်မှာ ဘယ်ကျောင်းသား ဘယ်လောက်ထိ တတ်ရင် လုံလောက်ပြီ ဆိုတာလည်း ဆရာတွေက အသိဆုံးပါ။

ကိုယ့်သားသမီးရဲ့ အခြေအနေအလိုက် ဘယ်အဆင့်အထိ တတ်သင့်တယ်ဆိုတာ ဆရာက ပို ဆုံးဖြတ်ပေးနိုင်မှာပါ။

လိုတာထက်ပိုတဲ့ … ပြိုင်ဆိုင်လိုတဲ့ … အတ္တနဲ့ ယှဉ်တဲ့ မတော်လောဘ သားသမီးပညာရေးအပေါ် မထားစေချင်ပါ။

ကိုယ် ဖြစ်စေချင်တာကို သားသမီးကို အသိပေး အကြံပေးလို့ ရပေမယ့် … မမေ့သင့်တာက သူတို့သည်လည်း (မိဘတို့ ငယ်စဉ်ကလိုပဲ) အကန့်အသတ်ရှိတဲ့ လူသားတွေဆိုတာ နားလည် လက်ခံပေးစေလိုပါတယ်။ ဝန်မပိစေလိုပါ … မနိုင်ဝန် မထမ်းစေချင်ပါ။

တိုက်တွန်း နှိုးဆော်မှု motivation က အရေးကြီးပေမယ့် အတွန်းခံရလွန်းရင်လည်း ပညာရေး ကျဆုံးရတတ်ပါတယ်။

နိဂုံးချုပ်ပါမယ်။

(လက်ရှိ မြန်မာနိုင်ငံသားများ တလွဲနားလည် လက်ခံကျင့်သုံးနေသော) ကျူရှင်ဆိုတာ မရှိမကောင်း ရှိမကောင်းပါ။ ရှိခြင်းအားဖြင့် ရေတို အကျိုးကျေးဇူး ရတာတွေ အဟုတ်အမှန် ရှိသလို မလိုလားအပ်တဲ့ ဆိုးကျိုးတွေလည်း အများကြီးပါ။ သေချာတာကတော့ ကျူရှင်ဟူသည် ဘယ်သောအခါမှ မရှိမဖြစ် essential မဟုတ်ပါ။

မိဘများနဲ့ ကျောင်းသားများ ကြိုက်သည်ဖြစ်စေ မကြိုက်သည်ဖြစ်စေ သေချာတာကတော့ ကျူရှင်ကြောင့် ကလေးများ ကိုယ့်အားကိုယ်ကိုးတတ်သောအကျင့် လျော့လာကြပြီး အရာရာမှာ သူတပါးအပေါ် မှီခိုလွန်းသူ ဖြစ်မှန်းမသိ ဖြစ်လာကြခြင်းပါ။

လက်တလော ရေတိုပြေလည်ရေး ဆေးမီးတိုနဲ့ ကုစားနေကြတာ သက်သာအဆင်ပြေသလို ရှိပေမယ့် တစ်ချိန်ချိန် နိုင်ငံရပ်ခြားမှာ အဆင့်မြင့်ပညာအတွက် ကျောင်းဆက်တက်ပြီဆိုမှ မရှူနိုင်မကယ်နိုင် ကိုယ့်ခြေထောက်ပေါ်ကိုယ် မရပ်နိုင် မဖြစ်စေရေး စဉ်းစားချင့်ချိန်ကြရမယ့် ကိစ္စရပ် တစ်ခုပါ။

ဒီနေ့ စပြင်ကြရင် တစ်ရက် သက်သာပါမယ်။
March 24, 2015
၁၀ တန်းအောင်သူများ တက္ကသိုလ်ဝင်ခွင့် မညီမျှမှုများရှိနေ

နိုဝင်ဘာ ၂၂ ၊ ၂၀၁၄
M-Media
သူရိန်

၂၀၁၄ခုနှစ် တက္ကသိုလ်ဝင်တန်း အောင်မြင်ခဲ့သူများ တက္ကသိုလ်ဝင်ခွင့် လျှောက်ထားရာတွင် မလိုလားအပ်သော နစ်နာမှုများရှိနေကြောင်း သိရသည်။ သိပ္ပံနှင့် နည်းပညာဝန်ကြီးဌာန လက်အောက်ရှိ နည်းပညာတက္ကသိုလ် များသို့ လျှောက်ထားရာတွင် ကျောင်းတစ်ကျောင်းနှင့်တစ်ကျောင်း ရမှတ် အနည်းအများပေါ် မူတည်၍ ခွဲခြားနစ်နာမှုများ ရှိနေကြောင်း ကျောင်းသားမိဘများထံမှ သိရသည်။

လက်ရှိတွင် နည်းပညာကျောင်းများကို Center of Excellence(COE)ကျောင်းများနှင့် နည်းပညာ တက္ကသိုလ် ဟူ၍ခွဲခြားသတ်မှတ်ထားပြီး တစ်နိုင်ငံလုံး အတိုင်းအတာအနေဖြင့် နည်းပညာတက္ကသိုလ် ၂၉ ကျောင်းရှိကြောင်းသိရသည်။

ထိုနည်းပညာတက္ကသိုလ် ဝင်ခွင့်လျှောက်ထားမှုကိုသတ်မှတ်ရာတွင် ယခင်က အနိမ့်ဆုံးအမှတ် ၃၂၀ နှင့် အထက်ရှိသော ကျောင်းသားကျောင်းသူများ တက်ရောက်ခွင့်ရရှိခဲ့ပြီး ယခုနှစ်မှစ၍ ပုံမှန် မဟုတ်သော မူဝါဒများ ပြောင်းလဲ ကျင့်သုံးလာသောကြောင့် ၁၀တန်း အောင်မြင်သူများ ထိခိုက်နစ်နာခဲ့ရခြင်းလည်းဖြစ်သည်။

၂၀၁၄ခုနှစ် တက္ကသိုလ် ဝင်ခွင့်လမ်းညွှန်တွင် ရမှတ် ၃၈၀နှင့်အထက် ရရှိသူများသည် နည်းပညာ တက္ကသိုလ်ကျောင်းများသို့ တက်ရောက်ခွင့်ရရှိမည် ဟုဖော်ပြထားသော်လည်း သိပ္ပံနှင့်နည်းပညာ ဝန်ကြီးဌာန၏ ဝင်ခွင့်ကြော်ငြာသင်ပုန်းတွင် တက္ကသိုလ်ဝင်တန်းအောင် အမျိုးသားများအတွက် ၄၁၂မှတ်နှင့် အမျိုးသမီးများအတွက် ၄၁၈မှတ် ကြေညာထားကြောင်းသိရသည်။

ရန်ကုန်အနောက်ပိုင်း နည်းပညာတက္ကသိုလ် ( လှိုင်သာယာ)တွင် အနိမ့်ဆုံးဝင်ခွင့် ရမှတ် ၄၄၅မှတ် TU( သန်လျင်)တွင် ၄၃၈မှတ် မှော်ဘီကျောင်းတွင် ၄၃၁မှတ်ဟူ၍ အမျိုးမျိုးကွဲပြားနေခြင်းကြောင့် ဝင်ခွင့်လျှောက်ထားသူကျောင်းသားများနှင့် ၄င်းတို့၏ မိဘများ များစွာနစ်နာကြောင်းတွေ့ရသည်။

တဖက်တွင် အဆိုပါကျောင်းများသို့ ဝင်ခွင့်လျှောက်ထားမှုကို ၂၀၁၂မှစ၍ လျှော့ချခေါ်ယူမှုများ ရှိနေခဲ့ပြီး ယခုအခါ အမှတ်စာရင်းများခွဲခြား သတ်မှတ်ခေါ်ယူမှုများကြောင့် မြန်မာနိုင်ငံ တဝှမ်းလုံးရှိ ကျောင်းသားလူငယ်များ ပညာသင်ကြားရာတွင် အခက်အခဲများကြုံတွေရခြင်းဖြစ်သည်။

ပွင့်လင်းမြင်သာမှုမရှိသော အမှတ်ကန့်သတ်ချက်များအပေါ် ခံစားခဲ့ရသော ကျောင်းသားမိဘများက နိုင်ငံတော်သမ္မတအပါအဝင် သက်ဆိုင်ရာတာဝန်ရှိသူများထံ စာများလိပ်မူပေးပို့ခဲ့ပြီးဖြစ်သလို တက္ကသိုလ် ဝင်ခွင့်လမ်းညွှန်တွင် ဖော်ပြပါရှိသည့်အတိုင်း ဝင်ခွင့်အရည်အချင်းများ သတ်မှတ်အမှတ်စာရင်းအတိုင်း ဖြစ်စေလိုသော ဆန္ဒများရှိနေကြသည်။

နိုင်ငံတော် ဖွဲ့စည်းပုံ အခြေခံဥပဒေ အခန်း (၈)တွင် ဝိဇ္ဇာပညာ သိပ္ပံပညာနှင့် နည်းပညာရပ်များကို ရှာဖွေဖော်ထုတ်ရာတွင် နိုင်ငံသားများ တူညီသောအခွင့်အလမ်းများ ရရှိစေရမည်ဟု ဖော်ပြပါရှိသည်။

November 22, 2014