News @ M-Media

Tag: england

  • ရုရှားကမ္ဘာဖလားပြီးပါက နိုင်ငံတကာကစားသမားဘ၀မှ ရူနီ အနားယူမည်

    ရုရှားကမ္ဘာဖလားပြီးပါက နိုင်ငံတကာကစားသမားဘ၀မှ ရူနီ အနားယူမည်

    သြဂုတ် ၃၀၊ ၂၀၁၆
    M-Media

    England

    – ၂၀၁၈ ခုနှစ်တွင် ရုရှား၌ပြုလုပ်မည့် ကမ္ဘာ့ဖလားပြိုင်ပွဲ ပြီးပါက နိုင်ငံတကာ ဘောလုံးသမားဘ၀မှ အနားယူရန် အစီအစဉ်ရှိနေသည်ဟု မန်ယူတိုက်စစ်မှူး ၀ိန်းရူနီက ပြောကြားလိုက်သည်။

    ရူနီမှာ အင်္ဂလန်နည်းပြသစ် ဆမ်အလာဒိုက်စ် လက်ထက်တွင်လည်း လက်ရွေးစင်နေရာကို ဆက်လက်ထိန်းသိမ်းထားနိုင်ပြီး လာမည့် တနင်္ဂနွေနေ့ ကမ္ဘာဖလားခြေစစ်ပွဲ ဆလိုဗက်ကီးယားနှင့်ပွဲတွင် အင်္ဂလန်အသင်းအား ဦးဆောင်သွားမည်ဖြစ်သည်။

    သို့သော်လည်း လာမည့် ၂၀၁၈ ကမ္ဘာဖလားပွဲမှာ မိမိအတွက် နောက်ဆုံး ဖြစ်မည်ဖြစ်ပြီး နိုင်ငံတကာ ကစားသမားဘ၀မှ အနားယူချိန်တန်ပြီဖြစ်ကြောင်း စိတ်ပိုင်းဖြတ်ထားသည်ဟု ဆိုသည်။

    “ကျွန်တော့်ရဲ့ နိုင်ငံတကာ ကစားသမားဘ၀ဟာ အခုအချိန်အထိ တော်တော်လေး ကျေနပ်စရာကောင်းတယ်။ ပွဲတွေအများကြီး ကစားခဲ့ရပြီး မိနစ်တိုင်းအတွက်လည်း ကျွန်တော် ကျေနပ်ပါတယ်။ ဒါပေမယ့် အဆုံးသတ်ချိန်က ရောက်လာမှာပါ။ ကျွန်တော် မအိုသေးပါဘူး။ အသက် ၃၀ ပဲ ရှိပါသေးတယ်။ ရုရှားပြိုင်ပွဲဟာ နိုင်ငံတာကာ ကစားသမားဘ၀ကို နှုတ်ဆက်ဖို့ ကျွန်တော့်အတွက် အချိန်ကောင်းပါပဲ။ ကျွန်တော်ကတော့ ဆုံးဖြတ်ပြီးပါပြီ။ ဒါပေမယ့် ဆမ်အလာဒိုက်စ်အပေါ်မှာ မူတည်ပါတယ်။ ကျွန်တော် နိုင်ငံအသင်းအတွက် ရွေးချယ်ခံရမယ်ဆိုရင် အဲဒီပြိုင်ပွဲဟာ နောက်ဆုံးပွဲ ဖြစ်မှာပါ။ အတက်အကျတွေရှိခဲ့ပေမယ့် ကျွန်တော် ဂုဏ်ယူပါတယ်” ဟု ရူနီက ပြောကြားခဲ့သည်။

    ရူနီမှာ အင်္ဂလန်ဘောလုံသမိုင်းတွင် ၅၃ ဂိုးဖြင့် ဂိုးအများဆုံး သွင်းယူထားသည့် ကစားသမားတစ်ဦးဖြစ်ပြီး ပွဲပေါင်း ၁၁၅ ပွဲ ကစားထားပြီးဖြစ်သည်။

    Ref: Goal

  • ယူရိုတွင်အောင်မြင်ရေး လက်စတာကို အတုယူရန် အင်္ဂလန်အား နည်းပြ တိုက်တွန်း

    ယူရိုတွင်အောင်မြင်ရေး လက်စတာကို အတုယူရန် အင်္ဂလန်အား နည်းပြ တိုက်တွန်း

    မေ ၁၇၊ ၂၀၁၆
    M-Media

    england

    – လက်စတာအသင်း၏ အောင်မြင်မှုကို အတုယူ၍ လာမည့်လတွင် ပြင်သစ်၌ ပြုလုပ်မည့် ယူရို ၂၀၁၆ ဘောလုံးပြိုင်ပွဲတွင် အောင်မြင်အောင် ဆောင်ရွက်ရန် အင်္ဂလန်အသင်းနည်းပြ ရွိုင်ဟဒ်ဆန်က အသင်းအား တိုက်တွန်းပြောကြားလိုက်သည်။

    ဟဒ်ဆန်မှာ ယူရိုပြိုင်ပွဲဝင်မည့် ကစားသမား ၂၆ ဦးစာရင်းကို ယမန်နေ့က ထုတ်ပြန်ခဲ့ပြီး ပူပူနွေးနွေး ပရီးမီးယားလိဂ်ချန်ပီယံ လက်စတာမှ တိုက်စစ်မှူး ဂျာမီဗာဒီနှင့် ကွင်းလယ်ကစားသမား ဒရင့်ဝါးတားတို့ ပါဝင်ခဲ့သည်။

    ယူရို ၉၆ နောက်ပိုင်း ဆီးမီးဖိုင်နယ်သို့ပင် တက်ရောက်နိုင်ခြင်းမရှိသည့် အင်္ဂလန်မှာ ယခုပြိုင်ပွဲတွင် ဗိုလ်စွဲရန် ရေပန်းစားသည့် အသင်းများစာရင်း၌ မပါဝင်ဘဲ အင်္ဂလန်ဘောလုံးအဖွဲ့ချုပ် FA က ထိုမှတ်တမ်းကို ကျော်ဖြတ်ရန် ဟဒ်ဆန်အား တောင်းဆိုထားသည်။

    အသက် ၆၈ နှစ်အရွယ် ဟဒ်ဆန်က ၁၉၉၂၊ ၂၀၀၄ တို့တွင် ဒိန်းမတ်နှင့် ဂရိတို့၏ ယူရိုအောင်ပွဲနှင့် ယခုနှစ် လက်စတာတို့၏ ပရီးမီးယားလိဂ်အောင်ပွဲကို အတုယူရန် တိုက်တွန်းခဲ့သည်။

    “အတိတ်ဖြစ်ရပ်တွေကို ကြည့်ရင် ၉၂ မှာ ဘယ်သူမှ ဒိန်းမတ်ကို ဖလားရမယ်လို့ မထင်ခဲ့သလို၊ ဂရိကိုလည်း ယူရိုမှာ ဗိုလ်စွဲလိမ့်မယ်လို့ မထင်ခဲ့ပါဘူး။ ပြီးတော့ လက်စတာကိုလည်း ပရီးမီးယားလိဂ်ချန်ပီယံဖြစ်မယ်လို့ ဘယ်သူမှ မမျှော်လင့်ခဲ့ပါဘူး။ လူတိုင်းမှာ ဒီလိုမျှော်လင့်ချက်မျိုးရှိတယ်။ ဒီလိုအိပ်မက်မျိုးရှိတယ်။ လူတိုင်းမှာ “ဘာဖြစ်မလဲဆိုတာ ဘယ်သူက သိနိုင်မှာလဲ” ဆိုတဲ့အတွေးမျိုး ရှိကြပါတယ်။ တကယ်လို့ ကျွန်တော်တို့ ကစားပုံကောင်းမယ်၊ အကောင်းဆုံးကို ဆောင်ရွက်နိုင်မယ်၊ မကြာသေးခင်ကပွဲတွေမှာ ကျွန်တော်တို့ လုပ်နိုင်တဲ့ ကစားပုံမျိုးကို ပြနိုင်မယ်ဆိုရင် ကျွန်တော်တို့ ဘယ်အဆင့်ရောက်မလဲဆိုတာ ဘယ်သူက သိနိုင်မှာလဲ” ဟု ဟဒ်ဆန်က ပြောကြားခဲ့သည်။

    Ref: Goal

  • အင်္ဂလန်မှာ ထူးထူးခြားခြားဆောင်ရွက်နိုင်မည့် အခြေအနေ ရှိနေသည်ဟု နည်းပြ ဟဒ်ဆန်ပြော

    အင်္ဂလန်မှာ ထူးထူးခြားခြားဆောင်ရွက်နိုင်မည့် အခြေအနေ ရှိနေသည်ဟု နည်းပြ ဟဒ်ဆန်ပြော

    မတ် ၂၇၊ ၂၀၁၆
    M-Media

    eng

    – ကမ္ဘာ့ချန်ပီယံ ဂျာမနီအသင်းအား နောက်မှလိုက်ကစားကာ အနိုင်ယူပြီးနောက် မိမိတို့ အင်္ဂလန်အသင်းမှာ ထူးထူးခြားခြား ဆောင်ရွက်နိုင်မည့် အနေအထားသို့ ရောက်ရှိနေပြီဟု အင်္ဂလန်လက်ရွေးစင်အသင်းနည်းပြ ရွိုင်ဟဒ်ဆန်က ပြောကြားလိုက်သည်။

    ယမန်နေ့က ကစားခဲ့သည့် အဆိုပါခြေစမ်းပွဲတွင် ဂျာမနီမှာ တိုနီ ကရုစ်နှင့် မာရီယို ဂိုမက်ဇ်တို့၏ ဂိုးများဖြင့် ၂ ဂိုးပြတ် ဦးဆောင်နိုင်ခဲ့သော်လည်း၊ အင်္ဂလန်အသင်းက ဟယ်ရီကိန်း၊ ဗာဒီနှင့် အဲရစ် ဒီယရ်တို့က ချေပဂိုးများနှင့် အနိုင်ဂိုးများသွင်းကာ အနိုင်ရရှိခဲ့သည်။

    ဟဒ်ဆန်ကမူ ယူရို ၂၀၁၆ ပြိုင်ပွဲရှိနေသည့် ယခုနှစ်တွင် မိမိတို့ကစားသမားများမှာ ပိုမိုကောင်းမွန်အောင် ဆောင်ရွက်နိုင်မည်ဟု ယုံကြည်နေသည်။

    “အကောင်းဆုံးနေ့ရက်တွေ ကျွန်တော့်ရှေ့မှာ ရှိတယ်လို့ အမြဲတမ်း ကျွန်တော် တွေးချင်ပါတယ်။ ဒီညက အကောင်းဆုံးညလားဆိုရင်တော့ – ဟုတ်ပါလို့ ကျွန်တော်ပြောချင်ပါတယ်” ဟု ဟဒ်ဆန်က ပြောကြားခဲ့သည်။

    အင်္ဂလန်အသင်းမှာ ကြီးကျယ်သည့်အခြေအနေသို့ ရောက်ရှိနိုင်မည့်အနေအထားတွင် ရှိနေသလားဟု မေးမြန်းရာတွင် “ရိုရိုးသားသားသားပြောရရင် အခုအချိန်ဟာ ဒီလိုအခြေအနေမျိုး ဖြစ်နေတယ်လို့ ထင်ပါတယ်” ဟု ပြန်လည်ဖြေကြားခဲ့သည်။

    Ref: Goal

  • အစ္စလာမ်နဲ့ပတ်သက်တဲ့ အထင်မှားမှုတွေကို ရှင်းလင်းပေးမယ့် အင်္ဂလန်က Visit My Mosque လှုပ်ရှားမှု

    အစ္စလာမ်နဲ့ပတ်သက်တဲ့ အထင်မှားမှုတွေကို ရှင်းလင်းပေးမယ့် အင်္ဂလန်က Visit My Mosque လှုပ်ရှားမှု

    ဖေဖော်ဝါရီ ၁၀၊ ၂၀၁၆
    M-Media

    eng 1

    – နိုင်ငံတစ်ဝှမ်း မြင့်တက်လာတဲ့ အစ္စလာမ်ကြောက်ရောဂါကို တိုက်ဖျက်ဖို့နဲ့ မွတ်စလင်အမည်ခံ အကြမ်းဖက်သမားတွေကြောင့် အစ္စလာမ်သာသနာအပေါ် အထင်မှားအမြင်မှား ဖြစ်မှုတွေကို ဖြေရှင်းဖို့အတွက် ဗြိတိန်မွတ်စလင်တွေက ဗလီဝတ်ကျောင်းတော်တွေ တံခါးဖွင့်လှုပ်ရှားမှုကို ပြီးခဲ့တဲ့ စနေ၊ တနင်္ဂနွေနေ့မှာ ပြုလုပ်ခဲ့ပါတယ်။

    Visit My Mosque လို့ အမည်ပေးထားတဲ့ အဲဒီလှုပ်ရှားမှုကို ဗြိတိန်ရဲ့ ရှေးအကျဆုံး ဗလီနှစ်ခုဖြစ်တဲ့ ဝေါ့ကင်းတောင်းဒေသက ရှားဂျဟန်ဗလီနဲ့ လီဗာပူးလ်မြို့က အဗ္ဗဒူလာ ကျူလီယမ်ဗလီတို့ အပါအ၀င် နိုင်ငံတစ်ဝှမ်းက ဗလီဝတ်ကျောင်းတော်ပေါင်း ၈၀ ကျော်လောက် ပါဝင်ခဲ့ကြတာ ဖြစ်ပါတယ်။

    လန်ဒန်၊ ဘာမင်ဂမ်၊ မန်ချက်စတာ၊ လီဒ်စ်၊ ဂလက်စဂို၊ ကာဒစ်ဖ်၊ ဘဲလ်ဖက်စ်၊ ပလိုင်းမောက်၊ ကန်တာဘာရီကျွန်း စတဲ့မြို့တွေမှာရှိတဲ့ ဗလီဝတ်ကျောင်းတော်တွေလည်း ဒီလှုပ်ရှားမှုမှာ ပါဝင်ခဲ့ပြီး မွတ်စလင်မဟုတ်သူတွေ ဗလီဝတ်ကျောင်းတော်ကို ၀င်ထွက်လေ့လာနိုင်ခွင့်၊ အစ္စလာမ်နဲ့ပတ်သက်တဲ့ မရှင်းလင်းမှုတွေကို မေးမြန်းနိုင်ခွင့် စတာတွေကို ဖန်တီးပေးတဲ့ ဒီလှုပ်ရှားမှုကို နိုင်ငံတစ်ဝှမ်းက အစ္စလာမ့်အဖွဲ့အစည်း၊ ဗလီဝတ်ကျောင်းတော်နဲ့ ပရဟိတများအဖွဲ့ စုစုပေါင်း ၅၀၀ ကျော် ပါဝင်ဖွဲ့စည်းထားတဲ့ ဗြိတိန်မွတ်စလင်ကောင်စီ (MCB) က ဒီလှုပ်ရှားမှုကို ဦးဆောင်ကျင်းပတာ ဖြစ်ပါတယ်။

    “ဒီနေ့ဟာ မွတ်စလင်တွေ သူတို့ရဲ့ ဗြိတိန်ပြည်သူတွေနဲ့ ထိတွေ့ဖို့၊ သူတို့ရဲ့ ယုံကြည်ကိုးကွယ်မှုတွေကို ရှင်းပြပြီး၊ ရန်လိုတဲ့ သတင်းတွေကို ကျော်လွှားနိုင်ဖို့ လမ်းဖွင့်ပေးလိုက်တာ ဖြစ်ပါတယ်။ ဒေသတွင်းက ဗလီဝတ်ကျောင်းတော်တွေကို ဘာသာပေါင်းစုံက ခေါင်းဆောင်တွေ ဖိတ်ကြားပြီး ဘာသာရေးလူ့အဖွဲ့အစည်းတွေအတွက် တင်းမာမှုတွေဖြစ်နေတဲ့ ဒီလိုအချိန်မှာ စည်းလုံးညီညွတ်မှုကို ပြသသွားမှာပါ” လို့ MCB က သတင်းစာရှင်းလင်းပွဲမှာ ပြောကြားခဲ့ပါတယ်။

    Visit My Mosque လှုပ်ရှားမှု ဖွင့်ပွဲအခမ်းအနားကိုတော့ လန်ဒန်၊ လိစ်ဒ်၊ ကာဒစ်ဖ်နဲ့ ဂလက်စ်ဂိုတို့မှာ ပြုလုပ်ခဲ့ကြပြီး ဘာသာစုံ၊ လူမျိုးစုံက ဗြိတိန်ပြည်သူတွေလည်း ပါဝင်ခဲ့ကြပါတယ်။ အဲဒီနောက်ပိုင်းမှာတော့ အစ္စလာမ်နဲ့ ပတ်သက်ပြီး မိတ်ဆက်တာ၊ မွတ်စလင်တွေရဲ့ ၀တ်ပြုမှုကို ရှင်းလင်းပြတာနဲ့ ဗလီဝတ်ကျောင်းတော်တွေကို လှည့်လည်ပြသတာတွေကို ပြုလုပ်ခဲ့ပါတယ်။

    Manchester Road ဗလီ

    manchester

     

    အစ္စလာမ်သာသနာအပေါ် နားလည်မှုတိုးမြှင့်ရေးအတွက် ဆောင်ရွက်တဲ့ အဲဒီလှုပ်ရှားမှုမှာ Manchester Road ဗလီဝတ်ကျောင်းတော်လည်း ပါဝင်ခဲ့ပြီး လူပေါင်း ၁၀၀ ကျော် လာရောက်လေ့လာခဲ့ကြကာ ဗလီဝတ်ကျောင်းတော်သို့ လှည့်လည်ကြည့်ရှုခြင်း၊ ၀တ်ပြုမှုများအား ကြည့်ရှုခြင်းတို့ကိုလည်း ဆောင်ရွက်ခဲ့ကြပါတယ်။

    “ဒီလှုပ်ရှားမှုရဲ့ ရည်ရွယ်ချက်ကတော့ မြို့သူမြို့သားတွေကို ဗလီထဲ ဘာရှိလဲဆိုတာတွေ၊ ဘာတွေလုပ်နေကြလဲဆိုတာတွေကို သိစေချင်လို့ပါပဲ၊ အခုလို လူအများကြီး လာရောက်တဲ့အတွက်လည်း ပီတိဖြစ်ရပါတယ်။ ကျွန်တော်တို့ အရင်ကလည်း မကြာခဏ ကျောင်းတွေနဲ့ အဖွဲ့အစည်းတွေကို ဖိတ်ခေါ်ခဲ့ပါတယ်။ ဒါပေမယ့် ဒီလလောက်ပမာဏမျိုးတော့ မဟုတ်ပါဘူး။ အဓိကရည်ရွယ်ချက်ကတော့ လူ့အဖွဲ့အစည်းတွေကြား အပြန်အလှန် သဟဇာတ ဖြစ်ရေးပါပဲ” လို့ မွတ်စလင်ရပ်မိရပ်ဖဖြစ်သူ အီနမ် ချောင်ဒရီက ပြောကြားခဲ့ပါတယ်။

    မကြာသေးခင်က ကမ္ဘာမှာဖြစ်ခဲ့တဲ့ ကိစ္စတွေအရ မွတ်စလင်လူ့အဖွဲ့အစည်းအပေါ်မှာ ရန်လိုမှုတွေ မြင့်တက်လာခဲ့ပြီး အီနမ်ကတော့ ဗလီဝတ်ကျောင်းတော်တွေကို လာရောက်လည်ပတ်ခြင်းဟာ အစ္စလာမ်နဲ့ပတ်သက်တဲ့ ယုံတမ်းစကားတွေကို ရှင်းလင်းသွားစေဖို့ အကူအညီဖြစ်စေမယ်လို့ ပြောကြားခဲ့ပါတယ်။

    “စစ်မှန်တဲ့ အစ္စလာမ်သာသနာဟာ ဘာလဲဆိုတာ ပြသခွင့်ရမှာပါ၊ အစ္စလာမ်ကို အမည်ခံပြီး ဆိုးဆိုးရွားရွားတွေ လုပ်ခဲ့တာတွေ ရှိပေမယ့်လည်း အဲဒီသူတွေဟာ မွတ်စလင် သန်း ၁၆၀၀ ထဲက အလွန်နည်းပါးတဲ့ အုပ်စုတစ်ခုသာ ဖြစ်ပါတယ်”

    Manchester Road ဗလီဝတ်ကျောင်းတော်က ဒေသတွင်း ပြည်သူတွေ၊ ရပ်မိရပ်ဖတွေနဲ့ အခြားသော ဂုဏ်သရေရှိ လူကြီးလူကောင်းတွေကိုလည်း ဖိတ်ကြားခဲ့ပါတယ်။ ဗလီဝတ်ကျောင်းတော်တည်ရှိရာ ဆွင်ဒန်မြို့တောင်ပိုင်း ကိုယ်စားပြု လွှတ်တော်အမတ် ရောဘတ် ဘက်လန်လည်း တက်ရောက်ခဲ့ပြီး မတူညီတဲ့အဖွဲ့အစည်းတွေကြား အတူ လက်တွဲဆောင်ရွက်နိုင်ဖို့ အလေးထား ပြောကြားခဲ့ပါတယ်။

    “အခုလိုဖိတ်ကြားခံရတဲ့အတွက် ၀မ်းသာပါတယ်။ သူ့တို့ ဘာတွေလုပ်နေသလဲဆိုတာ လူထုကို ပြသဖို့ တံခါးတွေဖွင့်လိုက်နိုင်တာ တကယ်ကို ကောင်းမွန်တဲ့ ခြေလှမ်းတစ်ရပ်ပါပဲ။ လူမှုသဟဇာတဖြစ်ဖို့အတွက် လုပ်သမျှအရာတိုင်းဟာ ကောင်းမွန်တဲ့ကိစ္စရပ်ပဲ ဖြစ်ပါတယ်၊ မတူညီတဲ့ နောက်ခံအမျိုးမျိုးကနေ ရောက်လာတဲ့သူတွေကို ဆွင်ဒန်ကနေ လမ်းဖွင့်ပေးဖို့ ကျွန်တော် အမြဲတမ်း တွေးနေခဲ့တာပါ” လို့ ရောဘတ် ဘက်လန်က ပြောကြားခဲ့ပါတယ်။

    Ref: IINA

  • အလုပ်အကိုင်အခြေအနေများကို မကျေနပ်၍ အင်္ဂလိပ်ဆရာဝန်များ သပိတ်မှောက်

    အလုပ်အကိုင်အခြေအနေများကို မကျေနပ်၍ အင်္ဂလိပ်ဆရာဝန်များ သပိတ်မှောက်

    ဇန်န၀ါရီ ၁၃၊ ၂၀၁၆
    M-Media

    – အလုပ်ချိန်မဟုတ်သော အချိန်များ၌ အလုပ်လုပ်ရာတွင် လစာနှင့်ခံစားခွင့်များကို ပြုပြင်ပြောင်းလဲရန် အစိုးရ၏ အစီအစဉ်ကို မကျေနပ်သဖြင့် အင်္ဂလန်ရှိ ဆရာဝန်များမှာ အနှစ်လေးဆယ်အတွင်း ပထမအဆုံးအကြိမ်အဖြစ် ယမန်နေ့တွင် သပိတ်မှောက်ခဲ့ကြသည်။

    အစိုးရထောက်ပံ့သော အမျိုးသားကျန်းမာရေးဝန်ဆောင်မှု (NHS) ဌာနရှိ ဆရာဝန်အရေအတွက်၏ ထက်ဝက်ခန့်ရှိသော အလုပ်သင်ဆရာဝန်များ၊ ဆရာဝန်ငယ်များက ၎င်းတို့မှာ ၂၄ နာရီ သပိတ်မှောက်သွားမည်ဖြစ်ပြီး ထိုကာလအတွင်း အရေးပေါ်လူနာများမှလွဲ၍ အခြားမည်သူ့ကိုမှ ကြည့်ရှုကုသပေးမည်မဟုတ်ဟု ပြောကြားခဲ့သည်။

    ၁၉၇၅ ခုနှစ်နောက်ပိုင်း ပထမဆုံးဖြစ်လာခဲ့သည့် ဆရာဝန်များ၏ အဆိုပါသပိမှောက်မှုအတွင်း အရေးပေါ်မဟုတ်သော ခွဲစိတ်မှု ၄၀၀၀ ခန့်ကို ဖျက်သိမ်းရဖွယ်ရှိသည်ဟု အစိုးရဘက်က ခန့်မှန်းခဲ့သည်။ ကျန်းမာရေးအကြီးအကဲကမူ ထိုလုပ်ရပ်မှာ လူနာများအား အသက်အန္တရာယ် စိုးရိမ်ရသည်အထိ ဖြစ်စေမည်ဟု သတိပေးခဲ့သည်။

    ဆရာဝန်များမှာ ယခုလကုန်ပိုင်းတွင် ၄၈ နာရီကြာ သပိတ်မှောက်ရန် စီစဉ်နေပြီး ဖေဖော်ဝါရီ ၁၀ ရက်နေ့တွင် အရေးပေါ်ကုသမှုအပါအ၀င် ကုသမှုအားလုံးကို ၉ နာရီကြာ ရပ်ဆိုင်းရန် အစီအစဉ်ရှိနေသည်။

    “အခုလိုသပိတ်မှောက်တာဟာ အပိုအလုပ်တွေပါ၊ အန္တာရာယ်ဖြစ်စေတာပဲ အဖတ်တင်ပါမယ်” လို့ ၀န်ကြီးချုပ်ဒေးဗစ်ကင်မရွန်းက တနင်္လာနေ့တွင် ဝေဖန်ပြောဆိုခဲ့သည်။

    အင်္ဂလန်ရှိ အလုပ်သင်ဆရာဝန် ၃၇၀၀၀ ကျော်၏ ၉၈ ရာခိုင်နှုန်းကျော်မှာ ကျန်းမာရေးဝန်ကြီး ဂျယ်ရီမီတင်သွင်းခဲ့သည့် အလုပ်အကိုင်ဥပဒေအသစ်ကို ဆန္ဒပြသပိတ်မှောက်ရန် ထောက်ခံခဲ့ကြသည်။ အခြားကျန်ရှိသော ဆရာဝန်များကမူ ပါဝင်ခြင်းမရှိကြချေ။

    Ref: Channelnewsasia