News @ M-Media

Tag: ethnic

  • `တိုင်းရင်းသားတိုင်း နိုင်​ငံသားလား´

    `တိုင်းရင်းသားတိုင်း နိုင်​ငံသားလား´

    ဧပြီ ၁၆ ၊ ၂၀၁၆
    M-Media
    မောင်​သာ.K ရေးသည်။
    cht-tribes
    ၂၀၀၈ ခုနှစ်​၊ ဖွဲ့စည်းပုံအ​ခြေခံဥပ​ဒေပုဒ်​မ-၃၄၅(က)တွင် `ပြည်ထောင်စုသမ္မတမြန်မာနိုင်​ငံ​တော်​၏ တိုင်းရင်းသားမိဘနှစ်​ပါးမှ ​မွေးဖွားသူများသည်​ နိုင်​ငံသားများ ဖြစ်​သည်´ဟု ဆိုထားပါသည်။ တိုင်းရင်းသားဆိုသည့်​ စကားရပ်​မှာ လက်​ရှိတည်​ဆဲ ၁၉၈၂ ခုနှစ်​၊ မြန်မာနိုင်ငံသားဥပဒေနှင့်​ လုပ်ထုံးလုပ်နည်းပါ ပြဌာန်းချက်များအရ တိကျစွာ ခွဲခြားဆုံးဖြတ်​သတ်​မှတ်​ရန်​ အလွန်​ခက်​ခဲပါသည်​။

    မြန်​မာနိုင်​ငံသားဥပ​ဒေပုဒ်​မ-၅တွင် `တိုင်းရင်းသားတိုင်းသည်လည်း​ကောင်း၊ တိုင်းရင်းသားမိဘနှစ်ပါးမှ ​မွေးဖွားသူတိုင်းသည်​လည်း​ကောင်း မွေးရာပါနိုင်ငံသားဖြစ်​သည်​´ဟု ပြဌာန်းထားပြီး၊ ပုဒ်​မ-၃တွင် `နိုင်ငံတော်တွင် ပါဝင်သော နယ်​​မြေတစ်​ခုခု၌ မြန်​မာသက္ကရာဇ်​ ၁၁၈၅ ခုနှစ်​၊ ခရစ်​သက္ကရာဇ်​ ၁၈၂၃ ခုနှစ်​ မတိုင်​မီကာလမှစ၍ ပင်​ရင်းနိုင်​ငံအဖြစ်​ အမြဲ​နေထိုင်​ခဲ့​သော ကချင်​၊ ကယား၊ ကရင်​၊ ချင်း၊ ဗမာ၊ မွန်​၊ ရခိုင်​၊ ရှမ်း စသည့် တိုင်းရင်းသားမျိုးနွယ်စုများသည် မြန်မာနိုင်ငံသားများဖြစ်သည်´ဟု ပြဌာန်းထားပါသည်​။

    နဝတအစိုးရအဖွဲ့သည်​ နိုင်​ငံ​တော်​​ကောင်​စီ၏ အာဏာကိုကျင့်သုံးပြီး ထင်ရှားသော တိုင်းရင်းသား(၈)မျိုးအပါအဝင်​ တိုင်းရင်းသားမျိုးနွယ်​စု (၁၃၅)မျိုးစာရင်းကို ထုတ်​ပြန်​ပြီး မြန်​မာနိုင်​ငံ၏ တိုင်းရင်းသားများဖြစ်​​ကြောင်း အသိအမှတ်​ပြုခဲ့ပါသည်​။ နောင်​အစိုးရအဆက်​ဆက်​ကလည်း အသိအမှတ်ပြုထားပါသည်​။ ထူးခြားချက်​တစ်​ရပ်​မှာ နဝတအစိုးရက တိုင်းရင်းသား(၁၃၅)မျိုးကို သတ်မှတ်စဉ်က ရှမ်းလူမျိုးတွင်​ `လွယ်​လ´မျိုးနွယ်​စု ပါရှိ​သော်​လည်း နအဖအစိုးရက ထိုမျိုးနွယ်​စုကို ဖြုတ်​ပြီး `၀´မျိုးနွယ်​စုကို အစားထိုးထားသည်​ကို ​တွေ့ရှိရသည်​။

    ၂၀၁၅ ခုနှစ်​၊ ပြည်​​ထောင်​စုလွှတ်​​တော်​ဥပ​ဒေအမှတ်​-၈ ဖြစ်​သည့်​ တိုင်းရင်းသားလူမျိုးများ၏ အခွင့်အရေး ကာကွယ်​​စောင့်​​ရှောက်​သည့်​ဥပ​ဒေပုဒ်​မ-၂(က)တွင်​ `တိုင်းရင်းသားလူမျိုးများ ဆိုသည်​မှာ ပြည်ထောင်​စုသမ္မတမြန်​မာနိုင်​ငံ​တော်​ကို ပင်​ရင်းနိုင်​ငံအဖြစ်​ သတ်​မှတ်​၍ စဉ်​ဆက်​မပြတ်​​နေထိုင်​ခဲ့ကြ​သော လူမျိုးများကိုဆိုသည်​။ ယင်းစကားရပ်​တွင်​ နိုင်​ငံသားပြုခွင့်​ရသူများနှင့်​ ဧည့်​နိုင်​ငံသားများ မပါဝင်​´ဟု ပြဌာန်းထားသည်​ကို ​တွေ့ရပါသည်​။

    နိုင်​ငံသားဆိုင်​ရာ လုပ်​ထုံးလုပ်​နည်းများ အပိုဒ်​-၅ အရဆိုပါလျှင်​ ကချင်​၊ ကယား၊ ကရင်​၊ ချင်း၊ ဗမာ၊ မွန်​၊ ရခိုင်​၊ ရှမ်း စသည့်​လူမျိုးများပင်​ ဖြစ်​​စေကာမူ နိုင်ငံတော်တွင် ပင်​ရင်းနိုင်​ငံအဖြစ်​ အမြဲ​နေထိုင်​ခြင်းမရှိဘဲ အခြားနိုင်ငံတွင် ပင်ရင်းနိုင်​ငံအဖြစ်​ အမြဲ​နေထိုင်​ကြသူများသည်​ တိုင်းရင်းသားများမဟုတ်​ပါ။ AD ၁၈၂၃ ခုနှစ်​နောက်​ပိုင်း မြန်​မာနိုင်​ငံအတွင်းသို့ ပြန်​လည်​ဝင်​​ရောက်​​နေထိုင်​ကြ​သော အမည်​တူမျိုးနွယ်​စုများသည်​လည်း တိုင်းရင်းသား မဟုတ်​သည့်​အပြင်​ ​မွေးရာပါနိုင်ငံသားများလည်း မဟုတ်​ပါ။ အခြားနိုင်​ငံတစ်​ခု၏ နိုင်ငံသားအဖြစ်ကို ခံယူထား​သော တိုင်းရင်းသားသည်​လည်း​ကောင်း၊ ထိုသို့ တိုင်းရင်းသားမိဘနှစ်​ပါးမှ ​မွေးဖွားသူများသည်​လည်း​ကောင်း မြန်​မာနိုင်​ငံသားများမဟုတ်​ပါဟု ​ဖော်ပြထားသည်​ကို ​တွေ့ရှိရပါသည်​။

    ဤသို့ဆိုလျှင်​ ဗမာလူမျိုးဖြစ်​သည်​ဆိုရုံမျှနှင့်​ မြန်​မာနိုင်​ငံ၏ နိုင်​ငံသား တိုင်းရင်းသားဟု တထစ်​ချ မ​ပြောနိုင်​ပါ။ ဘိုးတော်ဘုရားလက်​ထက်​မှစ၍ ထိုင်းနိုင်​ငံတွင်​ အစဉ်​တစိုက်​ ​နေထိုင်သော ဗမာလူမျိုး၊ ရှမ်းလူမျိုး၊ မွန်​လူမျိုး စသည်​တို့သည်​ ထိုနိုင်​ငံ၏ နိုင်ငံသားများသာ ဖြစ်​ကြပြီး မြန်​မာနိုင်​ငံ၏ နိုင်​ငံသား တိုင်းရင်းသားများ မဟုတ်နိုင်ပါ။

    အလားတူ အိန္ဒိယနိုင်​ငံ မီဇိုရမ်​ပြည်​နယ်​ရှိ မီဇိုလူမျိုးများ၊ ဘင်္ဂလား​ဒေ့ရှ်​နိုင်​ငံ စစ်တကောင်း ​တောင်​တန်း​ဒေသရှိ ရခိုင်​မျိုးနွယ်​စုဝင်​ ချက်​မနှင့်​ ​မောက်တိုင်းရင်းသားများသည်​ ​ရှေးဘုရင်​များလက်​ထက်​ကလည်း ၎င်းတို့အစဉ်တစိုက်​ ​နေထိုင်​​သော ယခု အိန္ဒိယနှင့်​ ဘင်္ဂလား​ဒေ့ရှ်​နိုင်​ငံတို့၏ ​ကျေးဇူးသစ္စာကိုသာ ခံယူနေကြသူများဖြစ်​၍ မြန်မာနိုင်ငံသားဆိုင်ရာ လုပ်ထုံးလုပ်နည်းများအရ မြန်​မာနိုင်​ငံ၏ တိုင်းရင်းသား နိုင်ငံသားများဟု သတ်မှတ်၍ မရနိုင်​ပါ။

    လွတ်​လပ်​​ရေးရရှိပြီး​နောက်​ အသက်​​ဘေး အန္တရာယ်​အရ​သော်​လည်း​ကောင်း၊ စီးပွားရေးအရသော်လည်းကောင်း၊ နိုင်​ငံ​ရေးအရ​သော်​လည်း​ကောင်း နည်းအမျိုးမျိုးဖြင့်​ အမိနိုင်​ငံကို စွန့်လွှတ်ထွက်​ခွာသွားပြီး နိုင်​ငံသားဖြစ်​​နေသူများကိုလည်း ၁၉၈၂ ခုနှစ်​၊ မြန်မာနိုင်​ငံသား ဥပ​ဒေပုဒ်​မ-၇၂ (ဤဥပ​ဒေအာဏာတည်​သည့်​နေ့မှစ၍ ဤဥပ​ဒေပါ ပြဌာန်းချက်​တစ်​ရပ်​ရပ်​ အရမှအပ မည်​သည့်နိုင်​ငံခြာသားမျှ နိုင်​ငံသားပြုခွင့်​ရရန်​ ​လျှောက်​ထားခွင့်​မရှိ​စေရ)အရ မြန်​မာနိုင်​ငံသား တိုင်းရင်းသားများဟု သတ်​မှတ်​၍မရနိုင်​ပါ။ ၁၉၈၂ ခုနှစ်​၊ မြန်မာနိုင်​ငံသားဥပ​ဒေအရ ပြုနိုင်​ငံသား အဆင့်​ကိုပင်​ ​လျှောက်​ထားနိုင်​ခွင့်​မရှိပါ။

    ၁၉၈၂ ခုနှစ်​၊ မြန်မာနိုင်​ငံသားဥပ​ဒေပါ အဓိပ္ပါယ်​ဖွင့်​ဆိုချက်​နှင့်​ ထိုဥပ​ဒေဆိုင်​ရာ လုပ်​ထုံးလုပ်​နည်းအပိုဒ်​-၅ တို့အရ မြန်မာနိုင်ငံအတွင်း ​နေထိုင်​သူတစ်​ဦးကို သမ္မတဖြစ်​ခွင့် အရည်အချင်းတစ်​ရပ်​ဖြစ်​သည့်​ တိုင်းရင်းသား ဟုတ်​/မဟုတ်​ စစ်​​ဆေးမည်​ဆိုပါက တိုင်းရင်းသား(၁၃၅)မျိုးတွင်​ အပါအဝင်​ဖြစ်​သည်​ဟု အကြောင်းပြချက်​ကို အ​ခြေပြု၍ တိုင်းရင်းသားဟု သတ်​မှတ်​ခြင်း မပြုနိုင်​ဘဲ ထိုပုဂ္ဂိုလ်​၏ ​ဆွေစဉ်​မျိုးဆက်​များမှာ AD ၁၈၂၃ ခုနှစ်​ မတိုင်​မီက မြန်​မာနိုင်​ငံအတွင်း တစ်ဆက်တည်း ​နေထိုင်​လာခဲ့ခြင်း ဟုတ်​/မဟုတ်​ စစ်ဆေးပြီးမှသာ တိုင်းရင်းသား ဟုတ်​/မဟုတ်​ ဆုံးဖြတ်​ရမည်​ဖြစ်​ပါသည်​။

    မြန်​မာနိုင်​ငံသားဥပ​ဒေကို ပြဌာန်းရန်​နှင့် မည်သည့်အကြောင်းအရာများကို ဥပ​ဒေတွင် တရားဝင် ထည့်သွင်းပြဌာန်းပါဟု အ​သေးစိတ်​ ညွှန်​ကြားခဲ့သည့်​ ဆိုရှယ်​လစ်​လမ်းစဉ်​ပါတီ ဥက္ကဋ္ဌ ဦး​နေဝင်းနှင့် မြန်မာနိုင်ငံသား ဥပ​ဒေကို လက်​မှတ်​​ရေးထိုးထုတ်​ပြန်​ခဲ့သည့်​ နိုင်​ငံ​တော်​​ကောင်​စီ ဥက္ကဋ္ဌ ဦးစန်းယုတို့၏ ကိုယ်ရေးသမိုင်းကိုပင်​ တိုင်းသူပြည်​သားများ မသိရှိနိုင်​​သော အ​ခြေ​အ​နေတွင်​ ၎င်းတို့၏ ဘိုး​ဘေးဘီဘင်​တို့ကို သိရှိနိုင်​​အောင်​ စုံစမ်း​မေးမြန်းရန်ဆိုသည်​မှာ မဖြစ်​နိုင်​သည်​ကို လဝကဝန်​ထမ်းများအား ​ဆောင်​ရွက်​​စေရန် ဥပဒေတွင်​ ထည့်​သွင်းပြဌာန်း တာဝန်​​ပေးရာကျ​ရောက်​​နေပါသည်​။

    AD ၁၈၂၃ ခုနှစ်​မတိုင်​မီကပင်​ မြန်​မာနိုင်​ငံတွင်​ အစဉ်​တစိုက်​ ​နေထိုင်​​သော တိုင်းရင်းသား ၁၃၅မျိုးအနက်​မှ ​မွေးဖွားလာသူဖြစ်​ကြောင်း သက်​​သေထင်​ရှားပြသနိုင်​သူသာလျှင်​ ၂၀၀၈ ခုနှစ်​၊ ဖွဲ့စည်းပုံအ​ခြေခံဥပ​ဒေပုဒ်​မ-၅၉(ခ)နှင့်​ညီညွတ်​​သော တိုင်းရင်းသားမိဘနှစ်​ပါးမှ ​မွေးဖွား​သော တိုင်းရင်းသားဟု သတ်​မှတ်​နိုင်​မည် ဖြစ်ပါသည်​။

    အစိုးရမှ အသိအမှတ်​ပြုခဲ့ပြီးဖြစ်​​သော တိုင်းရင်းသား(၁၃၅)မျိုးမှာ လူမျိုးနွယ်​စုအမည်​ကိုသာ အသိအမှတ်​ပြုခဲ့ခြင်းဖြစ်​ပြီး၊ မည်​သူမည်​ဝါသည်​ AD ၁၈၂၃ ခုနှစ်​မှစ၍ နိုင်​ငံ​တော်​အတွင်း အစဉ်​တစိုက်​ ​နေထိုင်​ခဲ့​သော တိုင်းရင်းသားမျိုးနွယ်​စုမှ ​ပေါက်​ဖွားလာသူဖြစ်​​ကြောင်း သတ်​မှတ်​ထားခြင်း မဟုတ်​ပါ။

    သို့ရာတွင်​ ထင်​ရှား​သော တိုင်းရင်းသားလူမျိုး(၈)မျိုးတွင်​ အကျုံးဝင်​သက်​ဆိုင်​​သော မျိုးနွယ်​စုငယ်​များအနက်​ အချို့မျိုးနွယ်​စုများမှာ ပြည်​ပတွင်​ ​နေထိုင်​ခြင်းမရှိဘဲ ပြည်​တွင်းတွင်​သာ အစဉ်​တစိုက်​​နေထိုင်​ခြင်းဖြစ်​​ကြောင်း၊ ပြည်​ပတွင်​ အလားတူ မျိုးနွယ်​စု လုံးဝမရှိ​ကြောင်း၊ ပြည်​ပတွင်​​နေထိုင်​​သော နိုင်​ငံသား​ဆွေမျိုးမရှိ​ကြောင်း သက်သေထင်​ရှားပါက ထိုလူတစ်​ဦး၊ လူတစ်​စုတို့ကို တိုင်းရင်းသားမိဘနှစ်​ပါးမှ ​မွေးဖွားလာခဲ့​သော နိုင်ငံသားအဖြစ်​ အသိအမှတ်​ပြုမည်​ဆိုပါကလည်း ထိုလူနည်းစုအတွက်​ပင်​ တိကျ​သော လုပ်​ထုံးလုပ်​နည်းကို အ​သေးစိတ်​​ရေးဆွဲပြီးမှ ​ဆောင်​ရွက်​နိုင်​မည်​ ဖြစ်​ပါသည်​။

    အကယ်​၍ AD ၁၈၂၃ ခုနှစ်​မှစ၍ စဉ်​ဆက်​မပြတ်​​သော ​ဆွေစဉ်​မျိုးဆက်​စာရင်းကို မည်​သူကမျှ တင်​ပြရန် မဖြစ်နိုင်​ပါဟုဆိုလျှင်​ မည်​သူ့အား တိုင်းရင်းသား(​မွေးရာပါနိုင်​ငံသား)ဟု အသိအမှတ်​ပြုမည်​နည်း၊ မည်သူတို့အား တိုင်းရင်းသားမိဘနှစ်​ပါးမှ ​မွေးဖွားသူ(​မွေးရာပါနိုင်​ငံသား)များဟု ဆိုမည်​နည်း။ အ​ဖြေမရှိပါက… ​ဖြေရှင်းစရာ နည်းလမ်းကား အလွယ်​ပင်​၊ မည်​သူမဆို စဉ်းစားနိုင်​ကြ​ပေလိမ့်​မည်​။   ။

  • မအ,အောင် သမိုင်းသိရသကဲ့သို့ နင်းပြား မဖြစ်ရအောင် ဥပဒေကိုသိရမည်

    နိုဝင်ဘာ-၁၅ ၂၀၁၃
    M-Media
    စုစည်းတင်ဆက်သူ- မြင့်မိုရ်မောင်မောင်

    အပြည်ပြည်ဆိုင်ရာ နိုင်ငံသား နှင့် နိုင်ငံရေး အခွင့်အရေးဆိုင်ရာ သဘောတူစာချုပ် ( International Covenant on Civil and Political Rights – ICCPR )

    International Convenant on Civil and Political Rights

    အပိုဒ် ၁၈

    ၁။ လူတိုင်းတွင် လွတ်လပ်စွာ တွေးခေါ်နိုင်ခွင့်၊ လွတ်လပ်စွာယူဆနိုင်ခွင့်၊ လွတ်လပ်စွာ သက်ဝင်ယုံကြည်ကိုးကွယ်နိုင်ခွင့် ရှိသည်။ အဆိုပါအခွင့်အရေးများ၌ မိမိကိုးကွယ်သည့်ဘာသာ သို့မဟုတ် သက်ဝင်ယုံကြည်မှုကို လွတ်လပ်စွာ ပြောင်းလဲနိုင်ခွင့် ပါဝင်သည့်အပြင် မိမိ တစ်ယောက်ချင်းဖြစ်စေ၊ အခြားသူများနှင့်စုပေါင်း၍ဖြစ်စေ၊ ပြည်သူလူထု အများရှေ့မှောက်တွင် မဟုတ်ဘဲဖြစ်စေ မိမိတို့ကိုးကွယ်သောဘာသာ သို့မဟုတ် သက်ဝင်ယုံကြည်မှုကို လွတ်လပ်စွာ တင်ပြနိုင်ခွင့်၊ ကျင့်သုံးနိုင်ခွင့်၊ ဘုရားကျောင်းကန်သွားလာဝတ်ပြုနိုင်ခွင့် နှင့် ဆောက်တည်နိုင်ခွင့်တို့လည်း ပါဝင်သည်။

    ၂။ မည်သူတစ်ဦးတစ်ယောက်ကိုမျှ မိမိရွေးချယ် ကိုးကွယ်သောဘာသာ သို့တည်းမဟုတ် ယုံကြည်မှု ပျက်စီးစေရန် တိုက်တွန်းခြင်း မပြုနိုင်။

    ၃။ ပြည်သူ့လုံခြုံမှု သို့မဟုတ် ပြည်သူ့လုပ်ငန်း၊ ပြည်သူ့ကျန်းမာရေး သို့မဟုတ် ကျင့်ဝတ်တရား သို့မဟုတ် လူအများ၏ လွတ်လပ်မှုနှင့် အခွင့်အရေးတို့ကို ဥပဒေပြဋ္ဌာန်းချက်မှအပ ကာကွယ်ရန်မှတစ်ပါး ဘာသာ သို့မဟုတ် ယုံကြည်မှုကို သွန်သင်ပြသရန် လွတ်လပ်ခွင့်အား ချုပ်ခြယ်ခြင်း မပြုရ။

    ၄။ လက်ရှိသဘောတူစာချုပ်အဖွဲ့ဝင်နိုင်ငံတို့၏အာဏာပိုင်တို့သည် မိဘတို့လွတ်လပ်ခွင့်ဖြစ်သော ကျင့်ဝတ် အရသော် လည်းကောင်း၊ ဘာသာရေးအရသော် လည်းကောင်း မိမိတို့၏သားသမီးများအား တညီတညွတ်တည်း ပညာပေးဆုံးမမှု အားလုံးတို့ကို တတ်နိုင်သရွေ့ စောင့်ရှောက် ကာကွယ်အာမခံပေးရန် တာဝန်ရှိသည်။

    လူတိုင်းတွင် မိမိသဘောအရ လွတ်လပ်စွာတွေးခေါ်ယုံကြည်ခွင့်ရှိသည်။ ၄င်းသည် မရုပ်သိမ်းနိုင်သော အခွင့်အရေးတစ်ခုဖြစ်ပြီး၊ မည်သည့်အကြောင်းကြောင့်မျှ ဆိုင်းငံြ့ခင်း မပြုနိုင်။
    ———————————————————————-
    ဘာသာရေး သို့မဟုတ် ယုံကြည်မှု စသည်တို့အပေါ်အခြေခံ၍ ပုံသဏ္ဍာန်အမျိုးမျိုးဖြင့် သည်းမခံမှုများ၊ ဖိနှိပ် ခွဲခြားမှုများနှင့် ပတ်သက်သော ကြေညာစာတမ်း (The Declaration on the Elimination of All Forms of Intolerance and of Discrimination Based on Religion or Belief)

    — လွတ်လပ်စွာတွေးခေါ်မှု၊ လွတ်လပ်စွာခံယူကြံဆမှု သို့မဟုတ် လွတ်လပ်စွာယုံကြည်မှုနှင့်ကိုးကွယ်မှု စသည်တို့ကို ကျူးလွန်ဖောက်ဖျက်စော်ကားခြင်းသည် လူသားများကို ဒုက္ခ များစွာပေးသော စစ်မက်ဖြစ်ပွားမှုကို တိုက်ရိုက်သော် လည်းကောင်း၊ သွယ်ဝိုက်၍သော် လည်းကောင်း ဖြစ်ပေါ်စေသည်။ ယင်းသည် ခွင့်ပြု လက်ခံနိုင်သောအရာ မဟုတ်။

    — လွတ်လပ်စွာ ကိုးကွယ်မှု ၊ယုံကြည်မှု စသည့်အခွင့်အရေးတို့ကို လေးစားရန်၊ သည်းခံရန် နှင့် နားလည်မှုတို့ကို တိုးမြှင့်ရန်လိုပြီး  ကုလသမဂ္ဂ ချာတာ စာချုပ်ကြီးပါ မူတို့နှင့် မကိုက်ညီမှုများကို အဆုံးသတ်ရန် သေချာစေရမည်ဖြစ်သည်။ [ အဖွင့်စကားချီး ]

    ကြေညာစာတမ်း၏အပိုဒ် ၁၈ ပါအခွင့်အရေးများထံတွင် အောက်ပါအခွင့်အရေးများ ပါဝင်သည်။

    * ပြည်သူအများစုပေါင်းဝတ်ပြုခွင့် နှင့် ယင်းဝတ်ပြုရန်နေရာများ သတ်မှတ်စေရန်
    * ကုသိုလ်ပြုအသင်းအဖွဲ့များကို တည်ထောင်နိုင်ရန်
    * စေတနာအရအလှူများကို လက်ခံခြင်းနှင့်ရှာဖွေနိုင်ရန်
    * ဆီလျော်သင့်တော်သောစာပေများကို ထုတ်ဝေဖြန့်ချိနိုင်ရန်
    * သင့်လျော်ရာနေရာဒေသတို့တွင် ဘာသာရေးနှင့် ယုံကြည်မှုဆိုင်ရာ ပညာပေး၊ ပညာပြန့်ပွားရေးအစီအစဉ်များကို လုပ်ဆောင်နိုင်ရန်
    * ယုံကြည်မှုနှင့် ပတ်သက်သည့် နေ့ထူးနေ့မြတ်များကို ဆင်နွှဲကျင်းပနိုင်ရန်
    * ဘာသာရေးနှင့်ယုံကြည်မှုအတွက်၊ လိုအပ်သောပြည်တွင်းပြည်ပဆက်သွယ်ရေးအတွက် ဆောင်ရွက်မှုများကို လုပ်ဆောင်နိုင်ရန်

    ကန့်သတ်ချက်များကို အောက်ပါအတိုင်း ပြဋ္ဌာန်းရမည်။

    * ဥပဒေဖြင့် ပြဋ္ဌာန်းရန်
    * ပြည်သူ့လုံခြုံမှု၊ လုပ်ငန်း၊ ကျန်းမာရေး သို့မဟုတ် ကျင့်ဝတ်သိက္ခာ သို့မဟုတ် အခြားသူများ၏အခွင့်အရေးတို့ကို ကာကွယ်ပေးရန်
    * သည်းမခံနိုင်မှုနှင့်ဖိနှိပ်ခွဲခြားမှုတို့ကို အားပေးအားမြှောက်ပြုသော အတန်းအစားခွဲခြားခြင်း၊ ဖယ်ရှားခြင်း၊ ကန့်သတ်ချုပ်ခြယ်ခြင်း နှင့် မျက်နှာသာပေးမှုများ မပါဝင်စေရန်တို့ဖြစ်သည်။

    နိုင်ငံအစိ်ုးရများသည် သည်းမခံနိုင်ဖွယ်ရာများကိုလည်းကောင်း၊ ခွဲခြားမှုများကိုလည်းကောင်း ရပ်တန့်စေရန်အတွက် (နှင့်) ဥပဒေများပြဋ္ဌာန်းရာတွင် ထိရောက်သောဆောင်ရွက်မှုများ လုပ်ဆောင်ရမည်။ ကလေးသူငယ်များကို မိမိတို့၏မိဘများနှင့် အုပ်ထိန်းသူတို့ ကိုးကွယ်နှစ်သက်သော ဘာသာတရား၏ သွန်သင်ဆုံးမချက်များတွင်သာ ပျော်မွေ့စေရမည်။ မိဘသားသမီး အားလုံးနှင့် လူသားအားလုံးတွင် နားလည်မှု နှင့် ခန္တီပါရမီ စသည့် မွန်မြတ်သော စိတ်ထား ပွားများပြီး သူတစ်ပါး၏ သာသနာနှင့် ယုံကြည်မှုတို့၏ လွတ်လပ်မှုများကို လေးစားကာ မိဿဟာရ ဆက်ဆံရေး ကောင်းမွန်စေရမည်။

    အပိုဒ် ၂၆

    လူတိုင်းသည် ဥပဒေရှေ့မှောက်တွင် အညီအမျှဖြစ်ပြီး မည်သည့်နည်းနှင့်မျှ ခွဲခြားဆက်ဆံမှုမရှိဘဲ ဥပဒေ၏အကာအကွယ်ကို ခံစားပိုင်ခွင့်ရှိသည်။
    ဤကဲ့သို့ပင် အသားအရောင်၊ လိင်၊ ဘာသာစကား၊ ဘာသာရေး သို့မဟုတ် အခြားအယူအဆ၊ အမျိုးသားဇာစ်မြစ် သို့မဟုတ် လူမှုရေးဇာစ်မြစ်၊ ဥစ္စာဓန၊ မျိုးရိုးဇာတိ နှင့် အခြားအဆင့်အတန်းခြားနားခြင်းရှိသော လူတို့ကို အစိုးရက တူညီစွာ နှင့် ထိရောက်စွာ အာမခံပေးလျက် ကာကွယ်ပေးရသည်။

    လူတိုင်းသည် ခွဲခြားမှုများတို့မှ အကာအကွယ်ရပိုင်ခွင့် ရှိသည်
    —————————————————————–
    ရှင်းလင်းဖော်ပြချက်

    ဤအပိုဒ်တွင် မည်သည့်လူတန်းစားကိုမဆို အထူးမျက်နှာသာပေးမှုကို တားမြစ်သည်။ အပိုဒ် ၂ အရ တရားဝင်အာမခံချက်များအပေါ် ထပ်ဆင့် ကတိပေးရေးသားထားသည်။

    “ အသားအရောင်၊ လိင်၊ လူတိုင်း၊ လူမျိုး၊ မျိုးနွယ် စသည်ဖြင့် သူ့ထက်ငါ ကောင်း၊ဆိုးသည်ဟူသော အတွေးအမြင် ထင်မြင်ယူဆမှုများမှ တဆင့် အုပ်စု၊ အတန်းအစား၊ အလွှာအသီးသီးတို့ကြောင့် ခွဲခြားခြင်း ပေါ်ပေါက်လာရပေသည် ” [ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ကြီး ]

    ၁၉၇၈ ခုနှစ် လူမျိုး နှင့် မျိုးနွယ်စွဲလန်းမှု အပေါ်ပတ်သက်သည့် ကြေညာစာတမ်း

    လူတစ်မျုိုးကို တစ်မျိုးထက်တစ်မျိုး နိမ့်မြင့်သည်ဟူ၍ ခွဲခြားရန်အတွက် လူမျိုးကွဲပြားမှုအပေါ် အကြောင်းပြ၍ မရနိုင်။

    — လူမျိုး သို့မဟုတ် မျိုးစု မျိုးနွယ်တစ်မျိုးနှင့်တစ်မျိုး မွေးရာပါဂုဏ်သိက္ခာအားဖြင့် နိမ့်မြင့်၊ ကြီးငယ်၊ ယုတ်ညံ့သည်၊ မွန်မြတ်သည် ဟူသောအဆိုတွင် ပါဝင်သက်ဆိုင်နေသည့် မည်သည့်ဝါဒသဘောတရားမျှမဆို အခြေခံသိပ္ပံပညာနှင့်လည်းကောင်း၊ လူ့ကျင့်ဝတ်တရားနှင့် လူသားဝါဒဥပဒေမူနှင့် လည်းကောင်း ဖြောင့်ဖြောင့်ကြီး ဆန့်ကျင်လျက်ရှိသည်။

    -သမိုင်းကြောင်းတစ်လျှောက်တွင် မတူညီသော အာဏာ၏နောက်ဆက်တွဲ အားပေးမှုအဖြစ် စီးပွားရေး၊ လူမှုရေး၊ အမျိုး၊ အလွှာ စသည့် ကွာခြားခြင်းနှင့် ကွာဟမှုတို့ကြောင့် ဖြစ်ပေါ်လာရသော လူမျိုးရေးစွဲလန်းမှု(ဘက်လိုက်လိုမှု) တို့သည် လုံးလုံးလျားလျား မှားယွင်းလေပြီ။ [ အပိုဒ် ၂ ]

    လူမျိုး သို့မဟုတ် မျိုးနွယ်တစ်စုသည် အခြားသောလူမျိုး သို့မဟုတ် မျိုးနွယ်တစ်စုထက် ပို၍မြင့်မြတ်သည်ဟူသော အဆိုသည် အခြေအမြစ်မရှိသလို လူမျိုးရေးစွဲလန်းမှုသည်လည်း မှန်ကန်သော သဘောမရှိ။

    အပိုဒ် ၂၇

    လူမျုိုးစု၊ ဘာသာအယူအဆ သို့မဟုတ် ဘာသာစကားအားဖြင့် ကွဲပြားကြပြီး လူနည်းစုများနေထိုင်သောတိုင်းပြည်များတွင် အခြားလူနည်းစု သို့မဟုတ် မျုိုးနွယ်စုတစ်ခုနှင့်အတူ လူနည်းစုတစ်စုက မိမိတို့၏ ယဉ်ကျေးမှုအရဖြစ်စေ၊ ဘာသာ စကားဖြစ်စေ၊ ဘာသာ အယူအဆဖြစ်စေ လွတ်လပ်စွာ ကျင့်သုံးဟောပြော သွန်သင်ခြင်းကို တားမြစ်ပိတ်ပင်ကန့်သတ်ခြင်း မပြုနိုင်။

    * လူနည်းစုများတွင် မိမိတို့၏လူမျိုးစုတစ်စုတည်းအဖြစ်ရှိနေရန် အခွင့်အရေးရှိသည်။

    ရှင်းလင်းဖော်ပြချက်

    လူ့အသိုင်းအ၀ိုင်းတွင် လူနည်းစုများသည် လုံခြုံရာမဲ့သောအုပ်စုတစ်စုဖြစ်ပြီး အထူးစောင့်ရှောက်မှုနှင့်ကာကွယ်မှုကို လိုအပ်သည်။ ထို့အတွက် လူနည်းစုကိုအထူး ရည်ရွယ်သော သဘောတူညီချက်များစွာတို့ ပေါ်ပေါက်အသက်ဝင်လာခဲ့ရသည်။

    အခြားဆီလျော်သောအချက်အလက်များ

    ၁။ မျိုးပြုန်းသတ်ဖြတ်မှုဆိုင်ရာသဘောတူညီချက် –  Convention of the Prevention and Punishment of the Crime of Genocide (GC)

    “ ပြဿနာအားလုံးလိုလိုတွင် လူနည်းစုများသည် သဘာဝအားဖြင့် မျိုးပြုန်းသတ်ဖြတ်မှု၏ဓားစာခံများ ဖြစ်ရသည် ”
    [ လူနည်းစုအခွင့်အရေးအုပ်စု ]

    မျိုးပြုန်းသတ်ဖြတ်မှုဆိုင်ရာသဘောတူညီချက်စာချုပ် GC တွင် မျိုးပြုန်းသတ်ဖြတ်မှုကို

    – ပြည်သူလူထုကို သတ်ဖြတ်ခြင်း
    – ပြည်သူလူထုကို ကိုယ်ကာယအားဖြင့်လည်းကောင်း၊ စိတ်ပိုင်းဆိုင်ရာအားဖြင့်လည်းကောင်း အနာတရာထိခိုက်စေခြင်း
    – ပြည်သူလူထုတစ်ရပ်လုံး သို့မဟုတ် တစ်စိတ်တစ်ပိုင်းတို့အား ကိုယ်ကာယ(ရုပ်ပိုင်းဆိုင်ရာ)ပျက်စီးစေရန် တမင်သက်သက် စီမံဆောင်ရွက်ခြင်း
    – မွေးဖွားမှုကို တားမြစ်ခြင်း နှင့်
    – ကလေးသူငယ်များကို ရွှေ့ပြောင်းပစ်ခြင်း
    စသည်ဖြင့် လူမျိုးတစ်မျိုး၊ လူမျိုးစုတစ်စု၊ ဘာသာရေးအုပ်စုတစ်စုတို့ကို ရည်ရွယ်ချက်ရှိရှိဖြင့် ဖျက်ဆိးခြင်း သို့မဟုတ် ဖျက်ဆီးရန်ရည်ရွယ်ခြင်း ဟူ၍ အဓိပ္ပာယ်ဖွင့်ဆိုထားပါသည်။

    မျိုးဖြုတ်သတ်ဖြတ်မှုနှင့်စပ်လျဉ်းသော ထိုပြဿနာမျိုးအတွက် သင့်လျော်သည့်အတိုင်းအတာဖြင့် အရေးယူဆောင်ရွက်စေရန် နိုင်ငံတော်အာဏာပိုင်များသည် ကုလသမဂ္ဂကို အကူအညီတောင်းဆိုနိုင်ပါသည်။

    ၂။ ပညာရေးအပေါ် ခွဲခြားမှုဆိုင်ရာ ပဋိညာဉ် – Convention against Discrimination in Education

    ပညာရေးအပေါ်ခွဲခြားမှုဆိုင်ရာပဋိညာဉ်သည် လူနည်းစုတို့အနေဖြင့် မိမိတို့ဘာသာစကားဖြင့် မိမိတို့၏ပညာရေး ရယူသင်ကြားနိုင်ရေးအတွက် ကူညီဆောင်ရွက်သည်။

    ၃။ အပြည်ပြည်ဆိုင်ရာလူမျိုးရေးခွဲခြားမှုနည်းမျိုးစုံအား ဖျက်သိမ်းရေးဆိုင်ရာ ပဋိညာဉ်စာချုပ် – International Convention on the Elimination of all Forms of Racial Discrimination (CERD)

    အပြည်ပြည်ဆိုင်ရာ လူမျိုးရေးခွဲခြားမှု နည်းမျိုးစုံအား ဖျက်သိမ်းရေးဆိုင်ရာ ပဋိညာဉ်စာချုပ်သည် မျိုးနွယ်အုပ်စုများတို့၏ တိုးတက်မှုကို အာမခံချက်ပေးနိုင်သော ပြုလုပ်ဆောင်ရွက်ချက်များ အပေါ် ကူညီအားပေးသည်။

    ၄။ လွတ်လပ်ရေးရသော တိုင်းပြည်များရှိ ဒေသခံနှင့် တောင်တန်းဒေသ လူမျိုးများနှင့် ဆိုင်သော ပဋိညာဉ် – Convention concerning Indigenous and Tribal Peoples in Independent Countries (IL0 169)

    တောင်တန်းဒေသရှိလူမျိုး ဆိုသည်မှာ နိုင်ငံတစ်နိုင်ငံ၏အသိုင်းအ၀ိုင်းနှင့်သက်ဆိုင်သော်လည်း မိမိတို့၏ဥပဒေ၊ ဓလေ့ထုံးစံ နှင့် ဘာသာစကားတို့မှာ နိုင်ငံတော်၏ အခြားသော တိုင်းရင်းသားများနှင့် ကွာခြားသည်။ သို့ရာတွင် အပြည်ပြည်ဆိုင်ရာ ဥပဒေ၏မူအရ ၄င်းတို့၌ ကိုယ်ပိုင်ပြဋ္ဌာန်း ခွင့်မရှိဟု ဤစာချုပ်တွင် ပြဋ္ဌာန်းထားသည်။

    မူရင်းဌာနေလူမျိုးစု ဆိုသည်မှာ တိုင်းရင်းသား အသိုင်းအ၀ိုင်းရှိ လူတစ်စုဖြစ်ပြီး

    – ယင်းနိုင်ငံ၏နယ်ပယ်သို့ ကျူးကျော်သူများ မရောက်လာခင်ကတည်းက ထိုဒေသတွင် နေထိုင်လျက်ရှိသူ
    – မိမိကိုယ်ကိုမိမိ ကျူးကျော်မှုမတိုင်မီလူမျိုး သို့မဟုတ် ကိုလိုနီမတိုင်မီလူမျိုးအနေဖြင့်သာ ခံယူသူ
    – မည်သူ၏ကြီးစိုးမှုမျှမခံသော လူမျိုးများဟုခံယူသူ
    – မိမိယဉ်ကျေးမှုပုံစံ၊ မိမိ၏လူမှုရေးရာဥပဒေ၊ တရားဥပဒေကျင့်ထုံးများကို ထိန်းသိမ်းပြီး အနာဂတ်၌ ထိုကဲ့သို့ပင် လူမျိုးစုတစ်မျိုးအနေနှင့် ဆက်လက်၍ သီးသန့်ပိုင်နက်အတွင်း နေထိုင်သွားနိုင်ရန် လက်ဆင့်ကမ်းဖြန့်ဖြူးပေးနိုင်သူ ဟူ၍ အဓိပ္ပာယ်ဖွင့်ဆိုထားသည်။

    မြေယာပြဿနာ

    ကမ္ဘာတစ်ဝှမ်းရှိ ဌာနေဒေသခံလူမျိုးတို့ ရင်ဆိုင်နေရသော ပြဿနာများသည် မြေယာပဋိပက္ခကို အခြေခံသည်။ ဘိုးဘွားအမွေမြေယာများ လက်မဲ့ဖြစ်မှု၊ အစဉ်အလာပိုင်ဖြစ်သော သယံဇာတများ ဆုံးရှုံးမှုတို့ကြောင့် ဒေသခံလူမျိုးတို့သည် စီးပွားရေးပျက်သုဉ်းခြင်း၊ ၄င်းတို့ကိုယ်ပိုင်အုပ်ချုပ်ရေးနယ်မြေ၏ အနာဂတ်ရေးအား ကိုယ်ပိုင်ဆုံးဖြတ်ပိုင်ခွင့်တို့ ဆုံးရှုံးခြင်း၊ ယဉ်ကျေးမှုတိမ်ကောပျောက်ကွယ်သွားခြင်း စသည့် မလွှဲမရှောင်နိုင်သော အကျိုးဆက်များနှင့်ကြုံတွေ့လာရတော့သည်။ [ အပြည်ပြည်ဆိုင်ရာအသက်ရှင်ရေးအဖွဲ့ ]

    IL0 169  သည်

    – တောင်တန်းဒေသလူမျိုးများ မြေယာပိုင်ဆိုင်ခွင့်ရှိရန်
    – မိမိတို့၏သဘာဝသယံဇာတပစ္စည်း ကာကွယ်ရန်
    – ပြည်သူများကို အဓမ္မပြောင်းရွှေ့စေခြင်းမှ တားမြစ်ရန်
    – ဆွေးနွေးတိုင်ပင်ရေးကိစ္စအတွက် လိုအပ်ချက်များပေးရန်
    – ကျူးကျော်ဝင်ရောက်တိုက်ခိုက်မှုအပေါ် အပြစ်ဒဏ်ပေးရန်တို့ကို ကူညီဆောင်ရွက်ပေးသည်။

    ၅။ တိုင်းရင်းသား သို့မဟုတ် လူမျုိုးစု၊ ကိုးကွယ်သည့်ဘာသာ နှင့် ဘာသာစကားကွဲပြားသော လူနည်းစုများ အခွင့်အရေးဆိုင်ရာ ကြေညာစာတမ်း – Declaration on the Rights of Persons Belonging to National or Ethnic, Religious and Linguistic Minorities. 1992

    ဤစာချုပ်သည်
    – မိမိတို့၏ယဉ်ကျေးမှုကို ကျေနပ်စွာခံစားရန်
    – မိမိတို့၏ဘာသာယုံကြည်မှုကို ကျင့်သုံးသွန်သင်ဆုံးမရန်
    – မိမိတို့ဘာသာစကားကို အသုံးပြုရန်
    – မိမိဖာသာအနေနှင့်လည်းကောင်း၊ လူထုအနေနှင့်လည်းကောင်း လွတ်လပ်စွာနေပြီး ၄င်းအပေါ် အနှောင့်အယှက်ဖြစ်စေမည့် ခွဲခြားမှုပုံသဏ္ဍာန်အမျိုးမျိုးမှ ကင်းဝေးစေရန်
    – မိမိတို့၏လူနည်းစုအရေးနှင့်ဆိုင်သော ဆုံးဖြတ်ချက်ချမှတ်ရာတွင် နိုင်ငံတော်အဆင့်အနေနှင့်ဖြစ်စေ၊ ဒေသအနေနှင်ဖြစ်စေ ပါဝင်ရန် စသည့်အခွင့်အရေးများကို ပဓာနပြုသည်။

    နိုင်ငံအစိုးရများသည်
    – ဥပဒေရှေ့မှောက်တွင် ခွဲခြားမှု မရှိ၊ တူညီသောအခွင့်အရေးဖြင့် ၄င်းတို့၏လူ့အခွင့်အရေးများကို ကျင့်သုံးနိုင်သော အခွင့်အရေးကို အာမခံချက်ပေးရန်
    – နိုင်ငံတော်ဥပဒေနှင့် အပြည်ပြည်ဆိုင်ရာ စံချိန်စံညွှန်းကို ချိုးဖောက်ရသော လုပ်ရပ်များမှလွဲ၍ လူနည်းစုတို့၏ အခြားသော ယဉ်ကျေးမှုများကို မြှင့်တင်ပေးရန်
    – ၄င်းတို့၏တိုင်းရင်းသား ဘာသာစကားကို ကောင်းမွန်သော အခွင့်အရေးရရှိရေး အတွက် ဆောင်ရွက်မှုများချမှတ်ရန်
    – နိုင်ငံတစ်နိုင်ငံ အတွင်းရှိသော လူနည်းစုတို့၏ သမိုင်း၊ ဓလေ့ထုံးတမ်း နှင့် ယဉ်ကျေးမှုဆိုင်ရာ အတတ်ပညာများကို ဆည်းပူးလေ့လာရန် အတွက် ဆောင်ရွက်မှုများကို အားပေးရန်
    – နိုင်ငံတော်၏ကြီးပွား တိုးတက်မှုဆိုင်ရာ စီမံကိန်းများတွင် ၄င်းလူနည်းစုတို့ပါဝင်နိုင်ရေးအတွက် စဉ်းစားရန်
    စသည့် အချက်များပေါ်တွင် တာဝန်ရှိသည်။

    ၆။ ဗီယင်နာ ကြေညာစာတမ်း

    အစိုးရတို့သည် အပြည်ပြည်ဆိုင်ရာဥပဒေအရ တူညီသောအခြေခံမူ နှင့် ဒေသခံပြည်သူတို့၏ လူ့အခွင့်အရေးများ အားလုံးနှင့်အခြေခံ လွတ်လပ်မှုများကို  ခွဲခြားမှုမရှိဘဲ လေးစားရန်အတွက် ဟန်ချက်ညီညီ အပြုသဘောဆောင်သည့် လုပ်ဆောင်ချက်များကို စီစဉ်ချမှတ်ပြီး၊ ၄င်းတို့၏ ကွဲပြားခြားနား၍သီးခြားဖြစ်လျက်ရှိသော ယဉ်ကျေးမှုနှင့် လူမှုအဖွဲ့အစည်းများ တန်ဖိုးကို လေးစားရမည်။ [ အပိုဒ် ၂၀ ]

    ၇။ နိုင်ငံတကာရွှေ့ပြောင်းလုပ်သားများနှင့် ၄င်းတို့၏မိသားစုများအခွင့်အရေး ကာကွယ်မှုဆိုင်ရာ သဘောတူညီချက် စာချုပ် – International Convention on the Protection of the Rights of All Migrant Workers and Members of their Families. 1990

    ဤစာချုပ်သည် အပြည်ပြည်ဆိုင်ရာ နိုင်ငံသားနှင့်နိုင်ငံရေးအခွင့်အရေးဆိုင်ရာသဘောတူစာချုပ် ICCPR တွင် ပါဝင်သော အခွင့်အရေးများအနက် အောက်ပါ အခွင့်အရေးများကို ထပ်မံ ဖွင့်ဆိုခြင်းဖြစ်သည်။ ၄င်းတို့မှာ

    – ပြည်သူများကို တိုင်းပြည်မှနှင်ထုတ်ခြင်းအား ကာကွယ်မှု
    – လူမျိုးစုခွဲခြားခြင်း မရှိဘဲ တန်းတူညီမျှ ရှိစေမှု၊ အထူးသဖြင့် လစာနှင့် လုပ်ငန်းခွင် အခြေအနေများတွင် တန်းတူညီတူရှိမှု၊
    – ၀င်ငွေနှင့်စုငွေများကို မိမိတို့ကိုယ်တိုင် ပေးပို့လွှဲပြောင်းပေးပို့နိုင်မှု
    – ရွှေ့ပြောင်းအလုပ်သမားများတို့၏ ယဉ်ကျေးမှုသီးခြားရှိနေရေးကိုလေးစားမှု
    စသည်တို့ဖြစ်သည်။

    ဤသဘောတူစာချုပ်သည် လုံလောက်သောတိုင်းပြည်များ၏အတည်ပြုမှု မရရှိသေးသောကြောင့် လောလောဆယ်အားဖြင့် အာဏာသက်ရောက်ခြင်း မရှိသေးပေ။ (ယခုအခါ အတည်ပြုအင်အားများပြားလာပြီး အာဏာသက်ရောက်လုပြီဖြစ်သည်)

    The Human Rights Handbook (Kathryn English & Adam Stapleton)အား မြန်မာပြန်ဆိုထားသော ဒေါ်အောင်ဆန်းစုကြည်၏ လူ့အခွင့်အရေး လက်စွဲစာအုပ်(စက်တင်ဘာ၊ ၂၀၀၀) မှ ကောက်နှုတ်တင်ပြသည်။

  • တိုင်းရင်းသားတွေကို ဖုတ်စား၊ ပြုတ်စား၊ သုတ်စားကြသူများ

    စက်တင်ဘာ၊ ၂၁
    ဆောင်းပါးရှင်- အောင်တင်

    ခုတလော တိုင်းရင်းသားလူမျိုး (၁၃၅)မျိုးဆိုပြီး ဝန်ကြီးဦးခင်ရီခမျာ ထပ်တလဲလဲ ပြောနေလိုက်ရတာ တတွေး(တံတွေး)တောင် သီးလောက်ပေပြီ။ မကြာသေးခင်က တိုင်းရင်းသားလူမျိုး (၁၀၁)မျိုးဆိုပြီး သူဘဲ အခုလို ထပ်တလဲလဲ မြည်ခဲ့တာကို မေ့သွားရှာပြီနဲ့ တူပါတယ်။ မှတ်ညာဏ်က တိုသကိုး။

    ဒီတော့ တိုင်းရင်းသား (၁၃၅)မျိုး ဘယ်ကရသလဲ ဆိုတာကို ဆန်းစစ်ဖို့လိုပါတယ်။ တစ်ကယ်တော့ စစ်အစိုးရတွေက တိုင်းရင်းသားတွေ ဘယ်လို ပြန့်နှံ့နေထိုင် ဝတ်စားကြတယ်၊ အသက်မွေးကြတယ်။ ဘယ်လို ယဉ်ကျေးမှုတွေ၊ ဓလေ့တွေ ရှိကြတယ်။ ဘာကြောင့် တိုင်းရင်းသား (၁၃၅)မျိုးဆိုတဲ့ အရေအတွက်ကို ရခဲ့တယ်ဆိုပြီး တိုင်းရင်းသား ပြည်သူလူထုကို တင်ပြတာမျိုး၊ ညှိနှိုင်းတိုင်ပင်တာမျိုး၊ ဘယ်တုန်းကမှ မရှိခဲ့ဘူး။ ဒါ့အပြင် ဘာကြောင့် ၁၃၅ဆိုတဲ့ ဂဏန်းကိုမှ ရွေးခဲ့တာလဲ ဆိုတာက မေးခွန်းထုတ်စရာ ဖြစ်တယ်။

    ဒေါ်စုက မြန်မာပြည်မှာ တိုင်းရင်းသားဆိုပြီး တိတိကျကျ သတ်မှတ်ထားတဲ့ အဓိပ္ပါယ်ဖွင့်ဆိုချက်တွေ မရှိတဲ့အတွက် ရှုပ်ထွေးမှုတွေဖြစ်နေတယ်။ တိကျရှင်းလင်းစွာ သတ်မှတ်မှုတွေ လိုအပ်နေပြီလို့ ဆိုခဲ့တာ ကြာပါပြီ။

    တိုင်းရင်းသားပါတီ ခုနစ်ပါတီဖြင့် စုဖွဲ့ထားတဲ့ “ညီနောင် တိုင်းရင်းသားများ ဖက်ဒရေးရှင်း”ကလည်း မြန်မာနိုင်ငံမှာ အဓိက လူမျိူးကြီး ရှစ်မျိုးရှိပြီး မျိုးနွယ်စုပေါင်း (၁၃၅)မျိုးရှိတယ်လို့ အစိုးရက ပြောဆိုနေမှုကို ကန့်ကွက်ကြောင်း၊ ၂၀၁၃ခု မတ်လ(၂-၃)ရက်နေ့က ပြုလုပ်သော နှစ်လတကြိမ် လွှတ်တော် အစည်းအဝေးအပြီးမှာ ကြေညာချက် ထုတ်ပြန်ခဲ့တယ်။

    “လွှတ်တော်မှာ လဝကဒုတိယဝန်ကြီး ဦးဝင်းမြင့်က တိုင်းရင်းသား ၁၃၅မျိုး နာမည်တွေ ချပြတယ်၊ နာမည်ထပ်နေတာ တွေ့ရတယ်။ ရှမ်းမှာဆိုလျှင် ရှမ်း၊ရှမ်းကြီး၊ တိုင်းလျမ်တို့ဆို တမျိုးတည်းပဲ၊ တိုင်းရင်းသားမျိုးနွယ်စု ၁၃၅ မျိုးရှိသည်ဟု သုံးနှုန်းခြင်းသည် မျိုးနွယ်စုများလွန်း၍ တစ်မျိုးစီ၏ အခွင့်အရေးအား သီးခြား ဆောင်ရွက်ပေးရန် ခက်ခဲသည်ဟု နိုင်ငံရေးအရ အကြောင်းပြရန် ဖြစ်နိုင်တယ်လို့ ရှမ်းတိုင်းရင်းသားများ ဒီမိုကရက်တစ်ပါတီမှ ပြည်သူ့လွှတ်တော် ကိုယ်စားလှယ် ဦးစိုင်းမိုးအောင်ကလည်း ကန့်ကွက် ထောက်ပြခဲ့ပြီးဖြစ်တယ်။

    တိုင်းရင်းသား(၁၃၅)မျိုးကို လက်မခံနိုင်ဘူးဆိုရင် အဲဒီ(၁၃၅)မျိုးကို ရယူခဲ့တဲ့ မူလအခြေခံ တိုင်းရင်းသား (၁၄၄)မျိုးကိုကော ဘယ်လိုသတ်မှတ်ထားခဲ့သလဲ။ ဘာကြောင့် (၁၄၄)ဆိုတဲ့ ဂဏန်းကို ရခဲ့ပြန်တာလဲ။ ဒါကလည်း စိတ်ဝင်စားစရာပါ။

    တလောတုန်းက ဝန်ကြီးဦးခင်ရီနှင့် ရွေးကောက်ပွဲကော်မရှင် ဥက္ကဌ ဦးတင်အေးတို့ ထပ်တလဲလဲ ရွတ်ခဲ့တဲ့ တိုင်းရင်းသားလူမျိုး (၁၀၁)မျိုးကိုကော အခု ဘယ်နေရာမှာ ချောင်ထိုးလိုက်ပြန်ပလဲလို့ မေးလိုပါတယ်။ ဇိုမီးအမျိုးသား ကွန်ဂရက်ပါတီက ပါတီမှတ်ပုံတင်တော့ ဇိုမီးလူမျိုးဆိုတာ တိုင်းရင်းသားလူမျိုး (၁၀၁)မျိုးထဲမှာ မပါဘူးဆိုပြီး ရွေးကောက်ပွဲ ကော်မရှင်က ပယ်ချတယ်။ ဦးသိန်းစိန်အစိုးရလက်ထက်မှာမှ ကြားဖူးရတဲ့ တိုင်းရင်းသားလူမျိုး(၁၀၁)မျိုးကို ဘယ်သူက ဘယ်တုန်းက ပြည်ထောင်စုလွှတ်တော်ကို ဘေးချိတ်ပြီး တိတ်တိတ်ကြိတ် သတ်မှတ်ခဲ့တာလဲ။ ပြည်သူကို တာဝန်ခံမဲ့ ပွင့်လင်းမြင်သာသော ပြည်သူ့အစိုးရဖြစ်တယ်လို့ ဦးသိန်းစိန် အကြိမ်ကြိမ်ဆိုခဲ့တာနဲ့ မဆန့်ကျင်နေဘူးလား။ ဒါဆို တိုင်းရင်းသားလူမျိုး (၁၃၅)မျိုးထဲက (၁၀၁)မျိုးဘဲကျန်အောင် တိုင်းရင်းသား(၃၄)မျိုးကို ဘယ်ချောင်မှာ ဘယ်သူ့အမိန့်နဲ့ လူမသိ သူမသိ သွားသတ်(GENOCIDE)လိုက်ပြီလဲလို့ မေးရပါမယ်။

    ဇိုမီးတွေက တင်းခံတော့ ဇိုမီးကို တိုင်းရင်းသားအဖြစ် လကံ္ခလိုက်ရတယ်။ ဒါဆို တိုင်းရင်းသား (၁၀၂)မျိုးဖြစ်ရမှာပေါ့။ မဟုတ်ရပါဗျာ။ ဇိုမီးကို တိုင်းရင်းသားအဖြစ် လက္ခံပြီးနောက်ပိုင်းလည်း တိုင်းရင်းသားလူမျိုးက (၁၀၁)မျိုးပါဘဲ။ တိုင်းရင်းသား(၁၀၁)မျိုးထဲက ကံဆိုးသူမောင်ရှင် ဘယ်တိုင်းရင်းသားကို ဖြုတ်ထုတ်သတ် လုပ်လိုက်လဲ မသိပြန်ဘူး။

    တော်တော် လက်ယဉ်ကြတယ်နော်။ မူလတိုင်းရင်းသား (၁၄၄)က ထင်ရာမြင်ရာ ခုတ်ဖြတ်ပြီး (၁၃၅) လုပ်တယ်။ နောက် (၁၃၅)ကနေ ဖြုတ်ချင်ရာ ဖြုတ်ပြီး (၁၀၁)မျိုး လုပ်ချလိုက်ပြန်တယ်။ နောက်တစ်ခါ မဖြစ်ချေဘူး ပြန်ထဲ့ပြန်ထဲ့ဆိုပြီး (၁၃၅)ပြန်တိုး လိုက်ပြန်တယ်။ တိုင်းရင်းသားတွေ ရှိစေ၊ ပျောက်စေ၊ ရှင်စေ၊ သေစေ၊ ပြန်ရှင်စေဆိုတဲ့ အခွင့်အာဏာ သူတို့ကို ဘယ်တိုင်းရင်းသား ပြည်သူက အပ်နှင်းထားသလဲ။

    ဒီနေရာမှာ ဘာကြောင့် (၁၃၅)ဆိုတဲ့ ဂဏန်းက (၁၀၁)ဆိုတဲ့ ဂဏန်းကို ဗိုလ်ချုပ်တွေ တန်းတန်းစွဲ ကြိုက်သွားပြန်ရတာလဲဆိုတာ မေးခွန်းထုတ်စရာ ဖြစ်ပါတယ်။ ဒါကလည်း တစ်မျိုး စိတ်ဝင်စားစရာပါ။

    တစ်ကယ်တော့ သူတို့တွေဟာ တိုင်းရင်းသားတွေ တစ်ကယ်ရှိတာ၊ မရှိတာ၊ တိုင်းရင်းသားဘဝ တိုးတက်တာ မတိုးတက်တာ၊ တရားတာ၊ မတရားတာတွေကို ဘယ်တုန်းကမှ ဂရုမစိုက်ခဲ့ကြဘူး။ သူတို့နားလည်တဲ့ တိုင်းရင်းသားဆိုတာ တစ်နှစ်တစ်ခါ ပြည်ထောင်စုနေ့တွေမှာ တိုင်းရင်းသူချောချောလေးတွေက သူတို့ကို ကပြဖျော်ဖြေတာရယ်၊ ခေါ်ရင်လာ၊ ခိုင်းတာလုပ်၊ ပေးတာယူ၊ ပြန်မပြောနဲ့ရယ်နဲ့၊ သူတို့ရဲ့ တန်းတူညီမျှမှုဆိုတာက ကရင်တစ်ကျပ် ဗမာတစ်ကျပ်၊ ချင်းတစ်ကျပ် ဗမာတစ်ကျပ်၊ မွန်တစ်ကျပ် ဗမာတစ်ကျပ်နဲ့ နောက်ဆုံး တိုင်းရင်းသား အသီးသီးက တစ်ကျပ်စီ ရသွားတဲ့အခါမှာ သူတို့က ခုနှစ်ကျပ်တိတိကို သပိတ်ဝင် အိတ်ဝင် ရသွားတာဘဲဖြစ်တယ်။ ဒါ့ထက် ဘယ်တုန်းကမှ ပို မသိဘူး။

    မြန်မာ့သမိုင်းမှာ တိုင်းရင်းသားလူမျိုးစာရင်း မှတ်တမ်းမှတ်ရာ ဘယ်လိုရှိခဲ့သလဲဆိုတာကို လေ့လာကြရအောင်။

    ကုန်းဘောင်ခေတ်က ပုဂံခေတ်အထိ အဓိကကျတဲ့ လူမျိုးအုပ်စုကြီးတွေဖြစ်တဲ့ မြန်မာ၊ ကရင်၊ ချင်း၊ ရှမ်း၊ ရခိုင်၊ မွန်၊ ကချင်စတဲ့ အမည်တွေသာ မှတ်တမ်းတင်ခံရတာ များပါတယ်။ ဂျွန်း၊ တောင်သူ၊ ပျူ၊ ကဒူး၊ သက်၊ တရုတ်(စိန့်)၊ တရက်(မွန်ဂို)၊ ကုလား၊ ပသီ၊ ပန်းသေး(ပန်းသီ)တို့ကိုလည်း ရံဖန်ရံခါ ဖေါ်ပြခဲ့တယ်။ ဒါလောက်ဘဲ။ ဘယ်တုန်းကမှ တိုင်းရင်းသား (၁၃၅)မျိုးဆိုတာ မရှိခဲ့ဘူး။

    အင်္ဂလိပ်ခေတ်မှာ လူမျိုးအမည်အချို့ကို ဖေါ်ပြခဲ့သော်လည်း တိုင်းရင်းသား (၁၃၅)မျိုး ရှိကြောင်းမှတ်တမ်း မရှိဖူးဘူး။ ဒေသိယဘာသာစကားအပါအဝင် ဘာသာစကားပေါင်း (၆၅)မျိုးရှိကြောင်းကို ၁၉၁၁သန်းခေါင်စာရင်းနှင့် တရုပ်နှင့် အိန္ဒိယစကားအပါအဝင် ဘာသာစကား (၁၃၅)မျိုးရှိကြောင်းကို ၁၉၃၁သန်းခေါင်စာရင်းမှာ ဖေါ်ပြခဲ့ဘူးတယ်။

    လွတ်လပ်ရေးရပြီး ဖဆပလ၊ ပထစ၊ အိမ်စောင့်အစိုးရ ဘယ်ကာလမှာမှ တိုင်းရင်းသား (၁၃၅)မျိုးဆိုတာ နတ္ထိ မရှိ။ မဆလခေတ်ဦးမှာလည်း ကြားတောင် မကြားဖူးဘူး။

    ပထမဆုံး တိုင်းရင်းသားစာရင်းကို မှတ်တမ်းမှတ်ရာနဲ့ တွေ့မိတာက ၁၉၇၂ခု ဒီဇင်္ဘာ(၉)ရက်နေ့ ပြည်ထောင်စု မြန်မာနိုင်ငံတော်၊ ပြည်ထဲရေးနှင့် သာသနာရေး ဦးစီးဌာနက ထုတ်ပြန်တဲ့ တိုင်းရင်းသား (၁၄၄)မျိုး စာရင်းဖြစ်တယ်။ (၁၄၄)ထဲမှာ မြန်မာမွတ်စလင်(ပသီ)၊ ရိုဟင်ဂျာ၊ မြေဒူး၊ ပသျှူး(မလေး)၊ ပန်းသေးတို့ ပါဝင်တယ်။ စဉ်းစားစရာ ကောင်းတာက လူမျိုး(၁၄၄)ကို ၁+၄+၄လုပ်ကြည့်ရင် ၉ ဂဏန်းကို ရခြင်းဘဲ။ လူမျိုး (၁၄၄)မျိုးရှိလို့ ၁၄၄လို့ သတ်မှတ်တာလား။ ကိုးဂဏန်းရအောင် (၁၄၄)မျိုးလို့ သတ်မှတ်ခဲ့တာလား။

    နောက်တိုင်းရင်းသား (၁၃၅)မျိုးဆိုတာကို မူလ(၁၄၄)မျိုးထဲမှာ ပါဝင်တဲ့ အစ္စလာမ်သာသနာဝင် တိုင်းရင်းသား အများအပြားကို ဖြုတ်၊ ဖဆပလ၊ မဆလ ခေတ်အဆက်ဆက်က တရုပ်တွေဖြစ်တယ်ဆိုပြီး ဖယ်ထားခဲ့တဲ့ ကိုးကန့်ကို တိုင်းရင်းသားလုပ် အသစ်ဖြည့်ထဲ့ပြီး ဗိုလ်ချုပ်မှူးကြီးစောမောင်က ၁၉၈၉ ဇူလိုင် (၅) သုံးနာရီကြာ မိန့်ခွန်းမှာ မာရှယ်လောနဲ့ ကြေငြာသွားခဲ့တာဖြစ်တယ်။ တိုင်းရင်းသားလူမျိုး (၁၃၅)မျိုးထက် မာရှယ်လောလူမျိုး(၁၃၅)မျိုးလို့သာ ခေါ်သင့်တယ်။ စဉ်းစားစရာ ဖြစ်ရပြန်တာက လူမျိုး(၁၃၅)ကို ၁+၃+၅ ဆိုရင် ၉ ဂဏန်းကို ရနေပြန်ခြင်းဘဲ။

    နောက်တခါ တိုင်းရင်းသား (၁၀၁)မျိုးဆိုတာက ဘယ်လိုဂဏန်းမျိုးဖြစ်လို့ တန်းတန်းစွဲ နေကြပြန်သလဲ။

    ကမ္ဘာ့နိုင်ငံတွေမှာ ကိုယ့်ပြည်သူတွေ ရေတွက်ရလွယ်အောင် ၁၀တန်၊ ၂၀တန်၊ ၁၀၀တန် ငွေစက္ကူတွေ ထုတ်နေကြပေမဲ့ လူထုဒုက္ခရောက်တာကို ဂရုမစိုက်တဲ့ မြန်မာစစ်အစိုးရ ဗေဒင်ရူး၊ ယတြာရူးတွေက ထူးထူးဆန်းဆန်း ၁၅ကျပ်တန်၊ ၄၅ကျပ်တန်၊ ၉၀ကျပ်တန် ငွေစက္ကူတွေ ထုတ်ခဲ့ကြတယ်။ အခုလည်း တိုင်းရင်းသား တစ်ကယ်ရှိတာ၊ မရှိတာထက် သူတို့ အာဏာသက်ရှည်ရေးအတွက် ကိန်းဂဏန်းကောင်းကောင်းရပြီး ယတြာချေဖို့လောက်သာ အာရုံရှိတဲ့ လူတစ်စုပါ။

    ဇိုမီးတွေကို တိုင်းရင်းသား လူမျိုး(၁၀၁)မျိုးထဲမှာ မပါဘူးလို့ လူသိရှင်ကြား ငြင်းခဲ့တယ်။ ဇိုမီးတွေကို တိုင်းရင်းသားအဖြစ် ပြန်လက်ခံပြီးတော့လည်း (၁၀၁)မျိုးဘဲဆိုခဲ့တာကို ကြည့်ခြင်းဖြင့် လူမျိုး (၁၀၁)ပါး ခစားရတဲ့ ထီးဖြူဆောင်း မြန်မာစကြာဝတေးမင်းရူး ရူးနေကြပြန်ပြီ တူပါရဲ့ဗျာ။ တခြား ဘာရောဂါ ရှိအုံးမှာလဲ။

    ဦးခင်ရီတို့ အခု ပြောနေတဲ့ ဒီတိုင်းရင်းသား (၁၃၅)မျိုးကိုဘဲ ဘယ်လောက် မှန်သလဲဆိုတာ ဆန်းစစ် ကြည့်ရအောင်။

    လူမျိုးအုပ်စုကြီး ရှစ်စု(ဗမာ၊ ကရင်၊ ကချင်၊ ချင်း၊ ရှမ်း၊ ကယား၊ မွန်၊ ရခိုင်)ဆိုတဲ့ အုပ်စုကြီး ရှစ်အုပ်စုလုံး တစ်အုပ်စုမကျန် အကုန်လွဲပါ။ မဆီမဆိုင်တဲ့ လူမျိုးငယ်တွေကို ဗရမ်းဗတာ ပေါင်းထဲ့ ချဲ့ကားထားတာက မြင်မကောင်း ရှုမကောင်းပါဘဲ။

    ကချင်အုပ်စုမှာ ကချင်နဲ့ ဂျိန်းဖော အတူတူဘဲကို နှစ်မျိုးခွဲလိုက်တယ်။ ဂေါ်ရီ၊ ခခူ၊ ဒူးလန်းတို့ဟာ ဂျိန်းဖော(ကချင်)ဖြစ်လျှက်နဲ့ ထပ်ခွဲထုတ်ပြန်တယ်။ တစ်ကယ်ဖြစ်သင့်တာက (၆)မျိုးကို (၁၂)မျိုးလုပ်ထားတယ်။

    ကယားလူမျိုး (၉)မျိုးမှာ ဇယိမ်း၊ ကယန်း၊ ပဒေါင်၊ ကဲ့ခို၊ ယင်းဘော်ဆိုတာ မျိုးတူ အမည်ကွဲတွေဖြစ်တယ်။ ကယားလူမျိုး (၅)မျိုးရှိမဲ့နေရာမှာ (၉)မျိုးလုပ်ပစ်တယ်။

    ကရင်ကိုလည်း ကရင်၊ စကော၊ ပိုး၊ ဘွဲဆိုပြီး ကရင်ကို ကရင်အဖြစ်က ခွဲထုတ်ပြီး (၃)မျိုးဖြစ်ရမှာကို (၁၁)မျိုး လုပ်ပြန်တယ်။

    ချင်းလူမျိုးကွဲတွေ သတ်မှတ်ပုံက တာဝန်အမဲ့ဆုံးနှင့်၊ အကျည်းတန်ဆုံးဖြစ်တယ်။ ချင်းလူမျိုး(၅၃၀) မလုပ်ဘဲ (၅၃)မျိုးဘဲလုပ်ခဲ့လို့ သူတို့ကို ကျေးဇူးပြန်တင်ရမလိုပါဘဲ။ ကာယကံရှင် ချင်းတိုင်းရင်းသားတွေကို အချင်းချင်း ပွင့်လင်းစွာ တိုင်ပင်ခွင့်ပြုမယ်ဆိုရင် ချင်းလူမျိုး (၈)မျိုးမှ (၁၀)မျိုးကျော်ကျော်လောက် ဖြစ်သွားနိုင်ပါတယ်။

    ဗမာအုပ်စုကို ဗမာဖြစ်တဲ့ ယော၊ ထားဝယ်၊ ဘိတ်ကို အတင်းခွဲထုတ်ပြီး ကိုးနဝင်းကြေတဲ့လူမျိုး ကိုးမျိုး လုပ်ချလိုက်ပြန်ရော။ ငါရှင်ဘုရင် ဘယ်နှစ်ပတ် လှည့် လှည့်ပေါ့။

    မွန်ကျတော့ မွန်ခမာအနွယ်ဝင် ဝ၊ ပလောင်တွေကို ရှမ်းအုပ်စုမှာ ထဲ့လိုက်ပြီး မွန်ကို တစ်မျိုးတည်းဖြစ်အောင် လုပ်တယ်။ ကျန်တဲ့လူမျိုးတွေကို မတရားဖောင်းပွခိုင်းပြီး မွန်ကျမှ အထီးကျန်ဖြစ်အောင် ထားချင်ဟန်တူပါရဲ့။

    ရခိုင်အုပ်စုထဲမှာ ချင်းတွေဖြစ်တဲ့ ခမွီးနဲ့ မြိုကို နှစ်မျိုးခွဲပြီး ထဲ့ထားတယ်။ ခမွီးနဲ့ မြိုက လူမျိုးတစ်မျိုးတည်းက မျိုးနွယ်ကွဲတွေဖြစ်တယ်။ ရခိုင်အုပ်စုနဲ့ မဆိုင်ပါ။

    ရှမ်းတွေကိုလည်း အစိပ်စိပ်အမွှာမွှာ ခွဲခြားဖြစ်တဲ့အပြင် တိဗက်မြန်မာ၊ မွန် ခမာတွေကို ထဲ့ထားတယ်။ ရှမ်းလူမျိုး (၃၃)က (၂၁)မျိုးလောက်ဘဲ တစ်ကယ်ရှိနေနိုင်တယ်။

    အသေအချာစိစစ်ရင် တိုင်းရင်းသား (၁၃၅)က လူမျိုး (၆၀)လောက်ဘဲရှိမယ်။ ပါသင့်လျှက် ချန်ထားတဲ့ ဂေါ်ရခါး၊ ပန်းသေး၊ ပသီ(မြန်မာမွတ်စလင်)၊ ရိုဟင်ဂျာ၊ ပသျှူး(မလေး)၊ မြေဒူး စသည်တို့ကို ပေါင်းထဲ့ရင် (၇၀)တောင် ပြည့်မယ် မထင်ပါ။

    တိုင်းရင်းသားအဖြစ် သတ်မှတ်ခြင်းနှင့် ရပိုင်ခွင့်ပြသနာတွေကို ဖြေရှင်းဖို့ ပထမခြေလှမ်းအဖြစ် ဦးသိန်းစိန်အစိုးရ အခုကိုင်စွဲကျင့်သုံးနေတဲ့ တိုင်းရင်းသားအဖြစ် သတ်မှတ်ခြင်းနှင့် ပယ်ဖျက်ခြင်း အာဏာကို ပြည်ထောင်စု လွှတ်တော်ကို ချက်ချင်းလွှဲအပ်သင့်ပါတယ်။ ဒီအာဏာမျိုးကို အစိုးရထက် လွှတ်တော်ကသာ ကိုင်တွယ်ကျင့်သုံးသင့်တယ်။

    နောက်တဆင့်အနေနဲ့ ဦးသိန်းစိန်အစိုးရက ပါတီစွဲ မရှိဘဲ၊ သမိုင်းအချက်အလက်နှင့် တိုင်းပြည်တည်ငြိမ်၊ တိုးတက်ရေးကို အာရုံထားပြီး ဒီမိုကရေစီနှင့် ကိုယ်ပိုင်ပြဌာန်းခွင့်ကို လက်တွေ့ကျကျ ပေါင်းစပ်နိုင်တဲ့ တိုင်းရင်းသားရေးရာ ညီလာခံတစ်ရပ်ကို စနစ်တကျ အလျှင်အမြန် ကျင်းပပေးခြင်းဖြင့် လမ်းကြောင်းမှန်ပေါ် တက်သင့်တယ်။

    ဒီလိုညီလာခံမျိုးကို အဆင့်နှစ်ဆင့်ခွဲပြီး ဖြတ်သန်းဖို့ ပြင်ဆင်ထားသင့်တယ်။ ကာလရှည်ကြာ အဖိနှိပ်ခံနေရတဲ့ တိုင်းရင်းသားတွေရဲ့ မိမိကိုယ်ကို တန်ဖိုးပြန်မြှင့်လိုမှုတွေ (Identity Protection or Reassertion)နှင့် မိမိကိုယ်ကို လုံခြုံမှု၊ ကိုယ်ပိုင်ပြဌာန်းခွင့်တွေ (Security and Self-determination)ကို အဆင့်တစ်ခုထားရှိ ဖြတ်သန်းရေးက ပထမအဆင့်ဖြစ်တယ်။ အဲဒီ ပထမအဆင့်ကို တပ်မတော်နှင့် ဦးသိန်းစိန်အစိုးရက အမျှော်အမြင်ကြီးမှု၊ သဘောထားကြီးမှု၊ သတ္တိရှိမှုဖြင့်သာ ဖြတ်သန်းနိုင်မယ်။ နို့မဟုတ်ရင် တိုင်းပြည်က ဒုံရင်းပြန်ဖြစ်သွားမယ်။ ဘယ်အဆင့်တွေနှင့် ဘယ်လိုဖြတ်ကျော်ရမယ်ဆိုတဲ့ အသေးစိပ်ကို တစ်ဖွဲ့ကောင်း၊ တစ်ဦးတစ်ကောင်း မည်သူမျှ စွမ်းဆောင်နိုင်မှာ မဟုတ်ဘူး။ တိုင်းရင်းသားများ၊ နိုင်ငံရေးအင်အားစုများ၊ တပ်မတော်အားလုံး တန်းတူရည်တူ ပါဝင်ဆွေးနွေး ဆုံးဖြတ်ကြရမှာဖြစ်တယ်။

    ပထမအဆင့်ကို ကာလတစ်ခုဖြတ်ကျော်နေစဉ် လုံခြုံမှုတွေ၊ စိတ်ချမှုတွေ၊ ယုံကြည်မှုတွေ ရရှိလာအောင် အားလုံးဝိုင်း ကြိုးစားကြရမယ်။ တရားဥပဒေကလည်း စိုးမိုးလာမယ်ဆိုရင် တိုင်းရင်းသားအခွင့်အရေးနှင့် နိုင်ငံသားအခွင့်အရေးနှစ်ခု တူညီတဲ့ ကာလတစ်ခုကို ရောက်လာမှသာ ခြံစည်းရိုး ခတ်ထားတာတွေ၊ တံခါးတပ်ထားတာတွေ၊ သံသယကြောင့် ဖန်တီးထားတဲ့ အတားအဆီးတွေကို အားလုံးသဘောတူ ဖယ်ထုတ်နိုင်မှာ ဖြစ်တယ်။

    တစ်ကယ်တော့ တိုင်းပြည်တပြည်မှာ တိုင်းရင်းသား (၁၄၄)မျိုးဖြစ်ဖြစ်၊ (၁၃၅)မျိုးဖြစ်ဖြစ်၊ (၁၀၁)မျိုးဖြစ်ဖြစ်က အရေးမကြီးပါဘူး။ အရေးကြီးတာက တိုင်းရင်းသား၊ နိုင်ငံသားအချင်းချင်း ခွဲခြားဆက်ဆံမှုတွေ မရှိကြဖို့ဖြစ်တယ်။

    တိုင်းပြည်တပြည်မှာ အဆင့်နှိမ့်ခံထားရတဲ့ ကြီးမားသော လူအုပ်စုကြီးတစ်စု တည်ရှိနေခြင်းကို ခွင့်ပြုထားခြင်းကိုက တရားမျှတမှု၊ လွတ်လပ်မှုအတွက် စိန်ခေါ်မှုကြီးဖြစ်နေပါပြီ။ အဖိနှိပ်ခံရသူတွေက ဖိနှိပ်မှုမှ လွတ်မြောက်အောင် ကြိုးစားကြမယ်။ ဖိနှိပ်သူတွေက ဖိနှိပ်ရေးယန္တရား ရှင်သန်နေအောင် မောင်းနှင်နေကြမယ် ဆိုကတည်းက တိုင်းပြည်ရဲ့ အရင်းအမြစ်တွေ၊ အချိန်တွေကို ဖြုံးတီးရာလည်း ကျနေတယ်။ တိုင်းပြည် မတည်ငြိမ်အောင် တမင်ဖန်တီးထားသလိုလည်း ဖြစ်တယ်။ တဖန် အနှိမ်ခံထားရသူတွေက သဘာဝအရ ပိုကြိုးစားဖို့လိုလို့ ပိုကြိုးစားကြတော့ ပိုတော်လာကြတယ်။ အလိုအလျှောက် အပေါ်စီးရနေသူတွေက အခွင့်ထူးခံဖြစ်လာပြီး ကြိုးစားမှု လျှော့လျှဲလာမယ်ဆိုရင် ပိုညံ့လာကြမယ်။ ကျနော်တို့လို ဖူးသစ်စ နိုင်ငံတစ်ခုရဲ့ နိုင်ငံသားတွေအတွက် ဘယ်လိုမှ မကောင်းနိုင်တဲ့ ရေခံမြေခံတွေလည်းဖြစ်တယ်။

    လူဦးရေ ထူထပ်တဲ့ နိုင်ငံကြီးတွေကြား ညှပ်နေတဲ့ မြန်မာပြည်ရဲ့ လုံခြုံရေးက အရေးကြီးတယ်ဆိုတာနဲ့ နိုင်ငံခြားသားတွေကို အလွယ်တကူ နိုင်ငံသား မပေးသင့်ဘူး ဆိုတာကို ထောက်ခံပါတယ်။ နယ်စပ်လုံခြုံရေးကို တင်းကြပ်ထားရပါမယ်။ သို့သော် ဒါကြောင့် တရားဝင်ရှိနေတဲ့ နိုင်ငံသားတွေကို မတရား ဖိနှိပ်တာက ဘာမှ မဆိုင်ပါဘူး။

    ရိုဟင်ဂျာတွေ မြန်မာပြည်က အခွင့်သင့်တိုင်း ခိုးထွက်နေလို့ ရိုဟင်ဂျာ လှေစီးဒုက္ခသည်(Boat People) ပြသနာက ဒေသဆိုင်ရာ ပြသနာ(Regional Issue)မက သြစတေလျအထိတောင် ရိုက်ခတ်နေလို့ ကမ္ဘာ့ပြသနာ ဖြစ်နေတာလည်း ကြာပါပြီ။ သမ္မတဦးသိန်းစိန်နှင့် လူဝင်မှုဝန်ကြီး ဦးခင်ရီတို့က ခိုးဝင်လာသူဆိုတာ မရှိသလောက် ဖြစ်ပါတယ်လို့ လူသိရှင်ကြား ပြောကြားခဲ့သော်လည်း ခိုးဝင် ဘင်္ဂါလီဆိုပြီး ကျားကျား မီးယပ် မလုပ်ကောင်းပါဘူး။ ဆင်ခြင်သင့်ပြီ။

    Muzaw
    Ref: Link 1 Click Here

    Ref: Link 2 Click Here

    သမ္မတရုံးညွန်ကြားရေးမှူး ဗိုလ်မှူးဇော်ဌေးက ဘင်္ဂါလီ အကြမ်းဖက် လက်နက်ကိုင်တွေ ကျူးကျော်လာလို့ ကာကွယ်ရမယ် ဆိုပါတယ်။ နယ်စပ်ရေးရာ ပြည်ထောင်စုဝန်ကြီး ဒုဗိုလ်ချုပ်ကြီးသိန်းဌေးက ဘင်္ဂလားဒေ့ရ်ှက ဘယ်လက်နက်ကိုင်မှ မဝင်လာဘူးဆိုခဲ့တဲ့ သာဓကကိုလည်း သင်္ခန်းစာ ယူဖို့လိုပါတယ်။

    ၂၁ရာစုလို ခေတ်မျိုးမှာ ရခိုင်ပြည်နယ်ရဲ့ ဒုတိယ လူဦးရေအများဆုံးဖြစ်တဲ့ ရိုဟင်ဂျာတွေကို အဆင့်နိမ့်ထားပြီး ရခိုင်ပြည်နယ် လုံခြုံရေး၊ တိုးတက်အေး၊ အေးချမ်းရေးကို လုံးဝ မဖေါ်ဆောင်နိုင်ဘူးဆိုတာလောက်ကို ရခိုင်အမျိုးသားတွေ မြင်သင့်ပြီ။ တိုင်းရင်းသားပြသနာကို နောက်မှာခဏထားပြီး နိုင်ငံသားချင်း တန်းတူထား မဆက်ဆံနိုင်ရင် အဖြေ မရှိပါဘူး။

    နိဂုံးချုပ်အနေနှင့် ဘာသာရေးကို အခြေခံပြီး လူမျိုးရေးတရား လုပ်နေတာမျိုးကို ချက်ချင်း ရပ်ပစ်ဖို့ တောင်းဆိုပါတယ်။

    ဒီနေရာမှာ ဝန်မင်းဦးခင်ရီ ကိုယ်တိုင်က အင်မတန်လိုက်ဖက်တဲ့ ပုံစံ(Perfect Candidate) ဖြစ်နေလို့ ဥပမာဆောင်ချင်ပါတယ်။ နားနဲ့ မနာ၊ ဖဝါးနဲ့ နာပါ ဝန်မင်း။

    နာမည်ကိုက ဦးစန်းယု၊ ဦးရှုမောင်ကဲ့သို့ အမည်မျိုးရှိသော ဦးခင်ရီမှာ ကုလားကဲ့သို့သော မဲမှောင်သော အသားအရေနှင့် တရုပ်ကဲ့သို့သော ဗန်ဒါစေ့ မျက်လုံးရှိပါတယ်။ တစ်ကယ်လို့ ဦးခင်ရီသာ အစ္စလာမ်ဘာသာ ကိုးကွယ်ရင် ဦးခင်ရီရဲ့ ဘိုးဘေးတွေက မြန်မာပြည်မှာ ၁၈၂၃ခုနှစ် မတိုင်မီကတည်းက နေထိုင်ခဲ့ကြောင်း အထောက်အထား ပြရမှာဖြစ်တယ်။ သန်း(၆၀)သော မြန်မာပြည်သူတွေ ဘယ်သူမှ သက်သေမထူနိုင်တာကို မြန်မာမွတ်စလင်တွေကိုမှ ကွက်ပြီး မရှက်မကြောက် သက်သေထူခိုင်းတာဖြစ်တဲ့အတွက် ဦးခင်ရီလည်း သက်သေထူနိုင်မယ် မဟုတ်ပါဘူး။ ဒါဆို ဦးခင်ရီဟာ ဘင်္ဂါလီ+တရုပ်+မြန်မာလူမျိုး ဖြစ်သွားပြီး ဝန်ကြီးရာထူးလည်း ပြုတ်၊ ဗိုလ်ချုပ်လည်း ဘယ်တော့မှ မဖြစ်တော့ဘဲ၊ နေရာတကာမှာ လူတကာ အထင်သေးခံ၊ အစော်ကားခံနေရမှာကို မြင်ယောင်မိပါရဲ့။ မြန်မာပြည်က အစ္စလာမ်ဘာသာဝင်တွေ ခံစားနေရတဲ့ နေ့တဓူဝ ဒုက္ခတွေကို ကိုယ်ချင်းစာနိုင်ဖို့ ခဏလောက်ဖြစ်ဖြစ်၊ စိတ်ကူးထဲမှာဘဲဖြစ်ဖြစ် မွတ်စလင်ဖြစ်ကြည့်ပါလား ဝန်မင်းရယ်။

     

    **ဆောင်းပါးရှင် ၏ အမြင်နှင့် အာဘော်သာဖြစ်ပါသည်။

  • “တိုင်း” “ရင်း” “သား”၊ Social Construction နှင့် Critical လူမှုရေး သိပ္ပံ သုတေသန

    စက်တင်ဘာ ၁၀ ၊ ၂၀၁၃

    ခေတ်မောင်း ဂျာနယ် Vol 2 No 4 မှ ကူးယူဖော်ပြသည်။

    စိုင်းလတ်
    PhD Candidate – Geography (Human Geography), Simon Fraser University
    MA Geography (Human Geography), York University
    BA (Hon) International Development Studies, York University

    မှတ်ချက်။ Human Geography ရှုထောင့်အခြေခံဖြင့် concept များကို အကြမ်းဖျဉ်းတင်ပြထားခြင်းဖြစ်သည်။ လူမှုရေး သိပ္ပံသုတေသနပြုစုလိုသူများ၊ စိတ်ဝင်စားသူများ၊ ဘွဲ့ လွန်ကျောင်းသူကျောင်းသားများ အတွက် အရေးကြီးသည့် အချက်များကိုထောက်ပြထားသည်။ သမရိုးကျ သမားများအတွက် ဤစာတမ်း သည် အကျုံးမ၀င်ပါ။ ဖတ်ပါက အချိန်ကုန်သည်သာ အဖတ်တင်မည်။ သမိုင်းပါမောက္ခ ဒေါက်တာသန်းထွန်း စကားလုံးဖြင့်ပြောရလျှင် ဖတ်ကောင်းမည်ဟု အာမ,မခံပါ။ Critical social science နှင့် progressive change ကို လိုလားသည့် သုတေသနပြုသူများ၊ ကျောင်းသူကျောင်းသားများ အတွက်သာ ရည်ရွယ်သည်။ အင်္ဂလိပ်စကားလုံးများကို မြန်မာသို့  အဓိပ္ဗါယ်ပြန်လျှင် မူရင်း အဓိပ္ဗါယ်လွဲသွားနိုင်သဖြင့် အချို့ စကားလုံးများကို အင်္ဂလိပ်စာလုံး (သို့ ) အသံထွက်ဖြင့်သာ တင်ပြထားသည်။ Convention နှင့် rule တိုင်းကို လိုက်နာစရာ မလို ဟုခံယူသည့် အတွက် နိဂုံးဖြင့် ဤစာတမ်းကိုစသည်။

    World_location_map_burma

    နိဂုံး

    လူမှုရေးသိပ္ပံ သုတေသနပြုသူများ၊ သုတေသနလုပ်ရန် စိတ်ဝင်စားသူများ၊ ဘွဲ့ လွန် ကျောင်းသူ ကျောင်းသားများ သည် တိုင်းရင်းသားနှင့် လူဦးရေးဆိုင်ရာ စာတမ်းရေးရန် သုတေသနပြုရာတွင် အစိုးရစံနှုန်းများ၊ မှတ်တမ်းများ၊ စာရင်းဇယားများကို ပေတံသဖွယ် အသုံးပြုပြီး သုတေသနလုပ် စာတမ်းရေးရမည် မဟုတ်။ ရှိပြီးသားစာရင်းများ၊ နံပတ်များ၊ အိုင်ဒီယာများကို Framework (သို့ ) baseline အနေဖြင့်သုံးပြီး နေရာဒေသတခုခုမှ ဒေတာ ကောက် ခြင်း၊ မိမိတွေ့ ရှိချက်ကို မှန်သည်ဟု သက်သေပြရန် ယခင်တွေ့ ရှိ သိပြီးသားများနှင့် ကိုက်ညီနှိုင်းယှဉ်ပြရမည် မဟုတ်။ ဤသို့ သော စာတမ်းများသည် သုတေသန မဟုတ်ပါ။ အပေါစား သန်းခေါင်စာရင်းသာဖြစ်ပေတော့မည်။ သုတေသနဆိုသည်မှာ ဖြစ်စဉ်များ၊ သိနှင့်ပြီးသားဖြစ်စဉ်များ၊ အိုင်ဒီယာများ၊ အချက်အလက်များကို စုံထောက်သ ဖွယ် ပြန်လည်ဆန်းစစ် ဝေဖန်ခြင်းဖြစ်သည်။ စုံထောက်ဆိုသော လူမျိုးမှာ ညစ်ပတ်တတ်သဖြင့် နှိုင်းယှဉ်ကောင်း သော ဥပမာမဟုတ်သော်လည်း သုတေသီများ၏ အလုပ်မှာ စုံထောက်အလုပ်ပင်ဖြစ်သည်။ ပညာရေး စုံထောက်ဟု ဆိုလျှင် မှားမည်မထင်ပါ။ သို့ သော် အုပ်စုတစု အကျိုးအတွက် မဟုတ်ပဲ လူတိုင်းအတွက် လူမှုရေး တရားမျှတမှု (Social Justice) ကို အလေးထား မှတ်ယူပြီး ဓမ္မဒိဌာန်ကျစွာ အရာရာတိုင်းကို ပြန်လည် ဆန်းစစ်သူများဖြစ်သင့်သည်။ သို့ ရှိရာ သုတေသနပြုသူများသည် အစိုးရ မလိမ့်တပတ်လုပ်ထားသည့် အချက်များ၊ ယခင် သုတေသီ များ ရေးသားတင်ပြ ရှာဖွေ တွေ့ ရှိထားမှုများ၊ အိုင်ဒီယာများ စသည်တို့ ကို ပြန်လည် စမ်းစစ်ရန်ဖြစ်သည်။ ဗဟုသု တအသစ်များ၊ ရှင်းပြချက်အသစ်များကို ထုတ်ပြရန်ဖြစ်သည်။ ဤသည်ကိုသာလျှင် သုတေသနဟုဆိုနိုင်သည်။

    နိဒါန်း

    ၂၀၁၄ ခုနှစ်တွင် မြန်မာတ၀ှမ်း လူဦးရေစစ်တမ်း ကောက်ခံရန်ရှိရာ မည်သည့် စနစ်ဖြင့်ကောက်ခံမည်၊ တိုင်းရင်း သားများကို မည်သို့ မည်ပုံ သတ်မှတ်မည်၊ စာရင်းသွင်းကောက်ခံမည် စသည့်မေးခွန်းများမှာ အရေးကြီးသော မေးခွန်းများဖြစ်သည်။

    မြန်မာနိုင်ငံတွင် တိုင်းရင်းသား ၁၃၅ မျိုးရှိသည်ဟု အင်တာနက် စာမျက်နှာများ၊ ဂျာနယ်ဆောင်းပါးများ၊ စာအုပ်စာ ပေများတွင် ဖော်ပြကြသည်။ မဟာဝိဇ္ဇာ စာတမ်းများပင်လျှင် တိုင်းရင်းသား၊ လူဦးရေ စသည့် အကြောင်းအရာများကို တင်ပြပါက မြန်မာပြည်တွင် တိုင်းရင်းသား ၁၃၅ မျိုးရှိသည် ဆိုသည့်အချက်ကို အခြေခံ baseline ယူပြီး တင်ပြကြသည်။ “တိုင်းရင်းသား”ဆိုသည့် အခေါ်အဝေါ်ကို Concept အရ မဆွေးနွေးခင် အချက်တချို့  ထောက်ပြချင်သည်။

    (၁) Academic research များသည် သိပြီးသား အချက်များ၊ ဖြစ်စဉ်များ၊ အိုင်ဒီယာများ၊ တွေ့ ရှိချက်များကို သိရှိနားလည်ရုံမျှမဟုတ်။ စာတမ်းတစောင်ပြီး တစောင်မှတဆင့် လက်ဆင့်ကမ်းသွားရုံ မဟုတ်။ Academic research (အထူးသဖြင့် critical social science research) ၏ ရည်ရွယ်ချက်သည် သိရှိပြီးသားများကို ပြန်လည် ဆန်းစစ်ရန်ဖြစ်သည်။ အရိုးစွဲနေသော အယူအဆများ၊ အချက်အလက်များ၊ စနစ်များ၊ ဖြစ်စဉ်များကို ပြန်လည် လှုပ်ခါကာ နောက်ထပ်တဖန် ဆန်းစစ်လေ့လာရန် (အင်္ဂလိပ် အခေါ်အဝေါ်ဖြင့် ပြောဆိုလျက်ရှိသော Unsettle၊ destabilize၊ problematize စသဖြင့်) ဖြစ်သင့်သည်။

    မိမိလေ့လာဖြစ်သော မဟာဝိဇ္ဇာ စာတမ်းအချို့ တွင် “တိုင်းရင်းသား ၁၃၅ မျိုးရှိသည်” ဆိုသည့်အချက်ကို problematize ခြင်း၊ unsettle ပြီး တဖန်ပြန်လည် လေ့လာခြင်းမဟုတ်ပဲ ၁၃၅ ဆိုသည်ကို ပေတံသဖွယ်သုံးကာ ဒေသတစ်ခုတွင် မည်သည့် တိုင်းရင်းသား အရေအတွက် မည်မျှရှိသည်၊ မည်သည့်အုပ်စုများ ရှိသည်၊ ဤအုပ်စု အောက်တွင် ဤတိုင်းရင်းသားများရှိသည်၊ စသဖြင့်တင်ပြထားသည်ကို သတိပြုမိသည်။

    ထိုသုတေသနစာတမ်းများတွင် စာတမ်း၏ အဓိကအခြေခံအကြောင်းအရာဖြစ်သည့် “တိုင်းရင်းသား” ဆိုသည့် “ဝေါဟာရ” ကို အခြေခံကျကျပြန်လည်ဆန်းစစ်ခြင်းမရှိ၊ ၁၃၅ မျိုးမည်သို့ မည်ပုံဖြစ်လာသည်ဆိုသည့် “ဖြစ်စဉ်” ကိုပြန်လည် ဆန်းစစ် ခြင်းမရှိ။ သိနှင့်ပြီးသား အုပ်စု ၁၃၅ မျိုးဆိုသည့်အချက်ပေါ်အခြေခံပြီး ဤတိုင်းရင်းသားတွင် မည်သည့်အုပ်စုများပါသည်၊ လူဦးရေးမည်မျှရှိ သည် စသည့် အချက်အလက်များကို ကောက်ထားသည်ကိုတွေ့ ရသည်။

    သို့ ရှိရာ ၁၃၅ မျိုးရှိသည်ဟူသည့်အချက်ကို ဘုရားပေး ကျမ်းပေးအလား ရှေးပဝေဏသီကတည်းက ရှိခဲ့သကဲ့သို့ မှတ်ယူကြသည်။ အမှန်မှာ ထို ၁၃၅ မျိုး သတ်မှတ်ချက်သည် social construction ဖြစ်သည်။ အကြမ်းဖျင်း ရှင်းရလျှင် social construction ဆိုသည်မှာ ပါဝါ၊ လူ့ အဖွဲ့ အစည်းအနေအထား၊ ရည်ရွယ်ချက် တခုခု စသည်တို့ ကို အခြေခံပြီး လူတွေက ဖန်တီးထားခြင်းဖြစ်သည်။ ၁၃၅ မျိုး သတ်မှတ်ချက်မှာ အစိုးရက သူ့ ရည်ရွယ်ချက်နှင့်သူ၊ သူ့ နည်းသူ့ စနစ်ဖြင့်သူ သတ်မှတ်ထားခြင်းဖြစ်သည်။ သို့ ရှိရာ သုတေသန စာတမ်းများသည် အစိုးရ သတ်မှတ်ချက်ကို ဘုရားပေးကျမ်းပေး အမှန်တရားကဲ့သို့  မှတ်ယူရမည်မဟုတ်ပါ။ မည်သည့်ရည်ရွယ်ချက်၊ မည်သည့် နည်းနာများဖြင့်၊ မည်သို့ သတ်မှတ်ခဲ့သည်၊ မည်သို့ စာရင်းသွင်းခဲ့သည်၊ မည်သူ့ အကျိုးအမြတ် အတွက် လုပ်ခဲ့သည်၊ မည်သူတွေနစ်နာခဲ့သည်၊ မည်မျှမှန်ကန်ပြီး၊ မည်မျှတရား မတရားခဲ့သည်၊ မရည်ရွယ်ထားသော ကြိုမတွက်ထားသော ဆိုးကျိုးမည်သို့ ရှိသည်၊ စသဖြင့် လေ့လာဆန်းစစ်ရမည်ဖြစ်သည်။

    (၂) Social construction နှင့် ပတ်သက်သည့် နောက်ထပ်အချက်တစ်ချက်မှာ ဗိုလ်ချုပ်အောင်ဆန်းနှင့် လွတ်လပ်ရေးခေါင်းဆောင်များ ရေးဆွဲခဲ့သည့် ၁၉၄၇ ဖွဲ့ စည်းအုပ်ချုပ်ပုံ အခြေခံဥပဒေအရ တိုင်းရင်းသား ၁၄၄ မျိုးရှိသည်ဟုဆိုသည်။ ၁၉၇၃ ခုနှစ် လူဦးရေ စစ်တမ်းကောက်ယူရန် လူဝန်မှုကြီး ကြပ်ရေးမှ ကောက်ယူသော စာရင်းတွင် တိုင်းရင်းသား ၁၄၃ မျိုးဟုဆိုသည်။ ဗိုလ်ချုပ်စောမောင်လက်ထက်တွင် ၁၃၅ မျိုးဟု တဖန်လုပ်ပြီး ယခုဦးသိန်းစိန်လက်ထက်တွင် လူဝင်မှုကြီးကြပ်ရေးအသစ်ပြန်ကောက်သည့် စာရင်းအရ တိုင်းရင်းသားလူမျိုး ၁၀၁ (သို့ ) ၁၀၀ ဟု ဆိုသည်။ တိုင်းရင်းသား စာရင်းများအား ပြန်လည် ဆန်းစစ် လေ့လာသည့် ဂါမဏိ ရေးသားသော ဆောင်းပါးတွင်မူ တိုင်းရင်းသား ၅၀ ကျော်သာရှိသည်ဟုဆိုသည်။ ၁၉၅၀ ခုနှစ်များအတွင်း တက္ကသိုလ်များအကူ အညီဖြင့် အစိုးရမှ ကောက်ခံခဲ့သော စာရင်းများတွင် တိုင်းရင်းသားလူမျိုး ၅၀ ကျော်ဟုသာဆိုပြန်သည်။ သေချာ သည်မှာ အလွဲကြီး လွဲနေသည်။

    သုတေသနပြုစုသူများအနေဖြင့် ပြန်လည် အဖြေရှာရမည့်အချက်များမှာ – (က) လိုတိုးပိုလျော့ ဘာကြောင့်ဖြစ်နေ ရတာလဲ၊ (ခ) စံ၊ မူ၊ လူ၊ ရည်ရွယ်ချက်၊ စစ်တမ်းစနစ် မှားယွင်းမှု စတဲ့ အချက်တွေ ဘယ်လိုဖြစ်ခဲ့လို့ လဲ၊ စသဖြင့် ဖြစ်သည်။

    ကောက်ခံ ပြုစုရာတွင် မှားယွင်းစွာ စာရင်းသွင်းကောက်ခံခြင်း၊ အုပ်စုတူသော်လည်း အမည်ကွဲများဖြင့် စာရင်းကောက်ခံခဲ့ခြင်း၊ ကွင်းဆင်းမှတ်တမ်း ကောက်ခံ သူများသည် ဖြေ ဆိုသူများပြောသည့်အတိုင်း မှတ်တမ်းတင်ခဲ့ခြင်းဖြစ်ကြောင်း အချို့ ကထောက်ပြသည်။ တိုင်းရင်းသား အဖွဲ့ အစည်းနှင့် ခေါင်းဆောင်အချို့  ကလည်း အစိုးရအဆက်ဆက်မှ တိုင်းရင်းသားများအား သွေးခွဲရန် အမျိုးတူအုပ်စုကို လူမျိုးခြားများအဖြစ် ခွဲထုတ်စာရင်းသွင်း ထားခြင်းဖြစ်သည်ဟုဆိုသည်။ မှားသည်မှန်သည် မဆုံးဖြတ်လိုပါ။ ယခုအချိန်တွင် စင်ပြိုင် အိုင်ဒီယာများ (competing ideas) နှင့်ပတ်သက်၍ critical လူမှုရေးသပ္ပံသုတေသနများ လိုအပ်နေသည်မှာတော့ သေချာ သည်။

    – “တိုင်း” “ရင်း” “သား”

    “တိုင်းရင်းသား” ဆိုသည့် ဝေါဟာရကို သီအိုရီအရ အတိုချုံး ဆက်လက်တင်ပြပါမည်။

    မြန်မာနိုင်ငံတွင် တိုင်းရင်းသားကို အင်္ဂလိပ်လို national races ဟု သုံးနှုန်းသည်။ ထိုအသုံးအနှုန်းသည် ကိုလို နီခေတ်ကအသုံးအနှုန်းဖြစ်ပြီး concept အရ မှားသည်။ ယခုခေတ် လူမှုရေးသပ္ပံ concept များနှင့် ယှဉ်စဉ်း စားပါကလည်း မကိုက်ညီတော့ပေ။ Race သည် biological difference (အသားအရောင်၊ ကော်ကေးရှန်း၊ အာဖရိကန် စသဖြင့် ဇီဝဗေဒခြားနားမှု) ကို ရည်ညွန်းသည်။ Nationalities ဆိုသည့် ဝေါဟာရသည်လည်း နိုင်ငံတကာ စံနှုန်းများနှင့် မကိုက်ညီတော့ပေ။ နိုင်ငံတကာတွင် Nationality ဆိုသည့် ဝေါ်ဟာရကို နိုင်ငံသားဟု ယေ ဘုယျ သုံးလျက်ရှိသည် (ဥပမာ ပြည်ဝင်ခွင့်ဗီဇာဖောင်များ)။

    မြန်မာပြည်ရှိလူမျိုးစုများ၏ ခြားနားချက်မှာ biology ထက် ယဉ်ကျေးမှု (ဓလေ့ထုံးစံ၊ ဘာသာစကား၊ အလေ့အထ၊ နေ့ တဓူဝ အပြုအမူစသဖြင့်) ကွဲပြားကြခြင်းဖြစ်သည်။ နိုင်ငံတကာတွင် “Ethnic” ဟုခေါ်သည်။ သို့ ရှိရာ race နှင့် အက်သနစ်ကွာခြားချက်မှာ race သည် ဇီဝဗေဒနှင့်ဆိုင်ပြီး အပြောင်းအလဲခက်သည်။ အက်သနစ်မှာ အစဉ်ပြောင်းလဲလျက်ရှိပြီး အက်သနစ် ကွာခြားမှု (Ethnic difference) ကို အင်္ဂလိပ်လို “socially constructed differences” ဟုအဓိပ္ဗါယ်ဖွင့်ကြသည်။

    မြန်မာနိုင်ငံတွင် အက်သနစ် (Ethnic) နှင့် မူရင်းဌာနေလူမျိုး (Indigenous or Native) ကိုရောထွေးကာ တိုင်း ရင်းသား (“တိုင်း” “ရင်း” “သား”) ဟု ခေါ်ဝေါ်သုံးစွဲကြသည်။ သို့ ရှိရာ ရောထွေးကုန်ပြီး အုပ်စုတစ်စုသည် “တိုင်း” ရဲ့ လား၊ ဘယ် “တိုင်း” လဲ၊  အ“ရင်း”အခြာရဲ့ လား၊ “သား” ရဲ့ လား စသဖြင့် လုံးထွေးကုန်သည်။

    အက်သနစ်ဆိုသည်မှာ လူစု (cultural group) ပင်ဖြစ်သည်။ အက်သနစ်ကို မဆက်ခင် culture ဆိုသည့် စ ကားလုံးကို ရှင်းဖို့ လိုသည်။ မြန်မာစကားတွင် culture ကို လူအုပ်စုတစ်စု၏ ယဉ်ကျေးမှု (သို့ ) ထုံးတမ်းစဉ်လာ ဟု ဘာသာပြန်သဖြင့် ဒုက္ခရောက်တော့သည်။ ထုံးတမ်းစဉ်လာကို မပြောင်းရဟု သတ်မှတ်သဖြင့် Culture ကို လည်း မပြောင်းရဟု ဖြစ်လာသည်။ အမှန်မှာ culture ဆိုသည်မှာ မပြောင်းမလဲရမဲ့ လူတွေရဲ့  နှစ်ပေါင်း ထောင် ချီ ဓလေ့ထုံးတမ်းစဉ်လာကို ဆိုလိုခြင်းထက် လူအုပ်စု၏ နေ့ တဓူဝ လုပ်ကိုင်နေထိုင်နှင့် အပြုအမူ အယူအဆ သာဖြစ်သည်။ အရှင်းဆုံးဆိုရလျှင် Culture ဆိုသည့်အသုံးအနှုန်းမှာ လူမျိုးစုတွေအတွက်သာ သက်ဆိုင်သည်မ ဟုတ် လူစုလူဝေးတိုင်းမှာ သူ့  culture နှင့် သူရှိသည်။ အမူအကျင့်ဟုသာ ဆိုပါစို့ ။ ဥပမာ ဆိုင်ရာဆိုင်ရာ ကျောင်းသားများမှာလည်း သူ့ ကျောင်း၊ မေဂျာ၊ နေရာ သဖြင့် အပေါ်လိုက်ပြီး သူ့ culture နှင့် သူရှိသည်။ ဥပမာ တချို့ ကျောင်းသား အုပ်စုများတွင် လူမှုရေးဖက်အလေးထားပြီး တချို့ ကျောင်းသားများတွင် ပညာရေး (အတန်း စာ) ကိုပိုအရေးပေးသည်။ လူမှုရေး (သို့ ) အတန်းစာ ကို အလေးပေးတာသည်ပင် ထိုကျောင်းသားအုပ်စုများ၏ culture ဖြစ်သည်။ အခြေအနေနှင့် လူအပေါ်မူတည်ပြီး ထို အမူအကျင့်များမှာလည်း ပြောင်းလဲသွားတတ်သည်။

    အက်သနစ်သည်လည်း ထိုနည်းတူပင်။ အပြုအမူ အယူအဆ သတ်သတ်မှတ်မှတ် ရှိတဲ့ လူစုလူဝေးကို ခေါ်ခြင်း ဖြစ်သည်။ လူတစုတွင်ဘာသာ၊စကား၊ လူအများပြုကျင့်သည့် ဓလေ့ထုံးတမ်း စသဖြင့်အုပ်စုတစ်ခု၏ သွင်ပြင် လက္ခဏာများရှိပြီး လူအစုအဝေးပြ စရာရှိပါက ထိုအုပ်စုသည် အက်သနစ်ဖြစ်သည်။ လူစုလူဝေးတစ်ခုဖြစ်သည်။ ထိုအုပ်စု၏ characteristics (သို့ ) identity ခေါ် ၀ိသေသလက္ခဏာများသည် ရာသက်ပန် တည်ငြိမ်မှုမရှိနိုင်ပါ။ ထိုဝိသေသ လက္ခဏာများသည် culture ပေါ်အခြေခံထားခြင်းကြောင်းဖြစ်သည်။

    အုပ်စုဝင်များ ကိုယ်တိုင်လည်း ယဉ်ကျေးမှု၊ ဓလေ့ထုံးစံစသည်တို့ ကို လှေနံဓားထစ်ဆုတ်ကိုင်မထားပါ။ သူ့သဘောသဘာဝအရ စီးပွားရေး၊နိုင်ငံရေး စသဖြင့် လိုအပ်ချက်ပေါ် မူတည်ပြီးပြောင်းလဲခြင်း၊ပြင်ခြင်း၊ အသစ်သွင်းခြင်း၊ ထုတ်ပြစ်ခြင်းစသဖြင့် လုပ်လေ့ရှိသည်။ ဥပမာ ဘာသာစကားဆိုပါစို့ ။ မြန်မာပြည်တွင် ဗမာ တိုင်းရင်းသားများနှင့် အထိ စပ်များသည့် ရှမ်းဒေသများတွင် ရှမ်းစကားပြောရာတွင် ဗမာစကားလုံးများကို တွဲပြောတတ်ပြီး ထိုင်းမြောက်ပိုင်းသို့ ပြောင်းရွေ့ လာသော အခါ ထိုင်း စာလုံးများနှင့်တွဲပြောကြသည်။ ရှမ်းလူမျိုးများ အလေးထားသည့် ကျားဓာတ်ပုံ ပန်းချီကားများကို ထိုင်းဘုရင်မိသားစုပုံနှင့်အတူအိမ်တွင် ချိတ်ဆွဲကြသည်။ အမေကျော် ဒွေးတော်လွမ်းကာ ထိုင်းဘုရင်မိသားစုပုံချိတ်ခြင်းမဟုတ်။ ဘုရင်ပုံရှိလျှင် ရဲမဖမ်းသဖြင့် နိုင်ငံကူး လက်မှတ် မရှိသော ရှမ်းအလုပ်သမားများက သူတို့ လုံခြုံရေးအတွက် လက်တွေ့ ကျသော ရည်ရွယ်ချက်ဖြင့် ချိတ်ဆွဲခြင်းဖြစ်သည် (အမှန်တကယ် လေးစားတာလည်းဖြစ်နိုင်သည်)။

    ထို့ အတူ ရှမ်းလူမျိုးများ၏ ထုံးစံတခုဖြစ်သည်ဟုယူဆထားသည့် ဆေးမင်ကြောင်ကို ထိုင်းတွင် အလုပ်လုပ်နေသော ရှမ်းအလုပ်သမားများ အနေဖြင့် ရဲဖမ်းခံရခြင်းမှ ရှောင်ရှားရန် ၀ှက်ထားတတ်၊ ဖျက်ထား တတ်ကြသည်။ ရှမ်းစကားထက် ထိုင်းစကား သာပြောကြသည် (ရှမ်းနှင့် ထိုင်းစကား ဆင်တူသည်)။ အ၀တ်အစားများကို ထိုင်းများနှင့်တူအောင် ၀တ်စားဆင်ယင်ကြသည်။ အားလုံးသည် အမေကျော်ဒွေးတော် လွမ်းခြင်းမဟုတ်၊ ရဲဖမ်းခြင်းမှ ရှောင်ကြဉ်ရန်၊ အလုပ်ရှင်နှင့် ဈေးဝယ်သူများ ခွဲခြားနှိမ်ချခြင်းမှာ ရှောင်ကြဉ်ရန်ဖြစ်သည်။ (ethnic identity၊ ယဉ်ကျေးမှု၊ ဘုရင်မိသားစုဓာတ်ပုံ၊ ဆေးမင်ကြောင်နှင့် အ၀တ်အစားဝတ်တာ ဘာမှမဆိုင်ဟု ငြင်းခုန်လိုသူများ ရှိချင်ရှိလိမ့်မည်။ ဤအချက်ကို အခြားစာတမ်းတွင် အလျဉ်းသင့်ပါက ဆွေးနွေးပါမည်)။ ထိုင်းနိုင်ငံရောက် ရှမ်းများနေထိုင်ပုံနှင့် အိုင်တန်တတီ (၀ီသေသလက္ခဏာ) ကို University of California (Berkeley) မှ လူမှုရေးသီ အိုရီပညာရှင် Judith Butler ၏ ဝေါဟာရဖြင့် performative identity ဟု ခေါ်ဆိုနိုင်သည်။ အခြေအနေအရ အိုင်ဒန်တတီကို performing (ဖျော်ဖျေထုတ်ဖော်ပြသ) လုပ်သည်ဟုနားလည်နိုင်သည်။ ဤအချက်သည် အိုင်ဒန်တတီ၏ အရေးကြီးသော သဘောသဘာဝတခုပင်ဖြစ်သည်။ (culture ဆိုသည့် concept နှင့် ယှဉ်စဉ်းစား ပါ)။

    ဆိုလိုရင်းမှာ အက်သနစ် လူအုပ်စုတစ်စု၏ အပြုအမူ၊ အလေ့အထများသည် အမြဲထာဝရ တည်မြဲနေသည်မ ဟုတ်။ လူမှုရေးပညာရှင် Stuart Hall အရဆိုရလျှင် Ethnic identity ဆိုသည်မှာ ဖြစ်တည်ခြင်း “being” သာမဟုတ်၊ ဖြစ်လာခြင်း “becoming” လည်းဖြစ်သည်။ အိုင်တန်တတီများသည် အမြဲတရားသေမဟုတ်ကြောင်း၊ အုပ်စုတစ်စုကိုသတ်မှတ်သည့် သတ်မှတ်ချက်များသည် အမြဲပြောင်းလဲနေကြောင်း၊ အုပ်စုတွင်းရှိလူများကလည်း ဓလေ့များ အပြုအမူများပြောင်းလဲကြောင်း ကချင်လူမျိုးအကြောင်းလေ့လာသည့် Edmond Leach က၁၉၅၀ကတည်းကထောက်ပြပြီးဖြစ်သည်။ ချင်းနှင့်ကယားလူမျိုးအကြောင်းလေ့လာသည့် Dr. FK Lehman (aka) Chit Hlaing ကလည်း၁၉၇၀အတွင်းက အလားတူထောက်ပြပြီးဖြစ်သည် (FK Lehman နှင့် Edmond Leach ရာနှုန်းပြည့်သဘောမတူကြသော်လည်း ဓလေ့များ လက္ခဏာများပြောင်းလဲသည့်အချက်ကို နှစ်ယောက်လုံးထောက်ပြသည်)။

    ထို့ ကြောင့် အခြေအနေအရ ပြောင်းလဲသွားရသည်ကို လိမ်သည် ညာသည်လည်းကောင်း၊ မစစ်တော့ဟုလည်း ကောင်း သတ်မှတ်၍မရပါ။ ထိုင်းရောက်နေသည့်ရှမ်းများအား ရှမ်းအစစ်မဟုတ်တော့၍ မြန်မာနိုင်ငံမှရှမ်း ဟုမသတ်မှတ်တော့ပဲ မြန်မာနိုင်ငံသားမပေးတော့ဟု ခွဲခြားမရပါ။အခြေအနေနှင့် အချိန်ပြောင်းလဲလာခြင်းအရ နေ့ စဉ်ပြုမှုလိုက်စားမှုများလည်း ပြောင်းလဲလျက်ရှိရာ အုပ်စုတစ်စုအား ဤသို့ ဖြစ်သည်၊ ဤသို့ ရှိရမည်ဆိုကာ တရားသေသတ်မှတ်ခြင်းသည် မှားယွင်းသည်။ ဖြစ်လာခြင်း (သို့ ) “ဖြစ်စဉ်” ကို လျစ်လျူရှုပြီး ဤတိုင်းရင်းသား သည် ဤသို့  ဤမည်ဖြစ်သည်ဟု တရားသေမှတ်ယူထောက်ပြသော သုတေသနသည် ခေတ်ပညာရှင်များလက်မခံနိုင်တော့သည့် Essentialist study ဖြစ်သည်။

    – Social Construction

    အက်သနစ်သည် Social construction ဖြစ်သည့်အတွက် အုပ်စုတစ်စု၏ အမည်မှအစ အစစ အရာရာတိုင်း သည် ကံယာကံရှင်များ ကိုယ်တိုင်ဖန်တီးထားခြင်း (နှင့်/သို့ ) ပြင်ပမှ အဓမ္မညွန်းခြင်း (နှင့်/သို့ ) ကံယာကံရှင်များကိုယ်တိုင်ဆန့် ကျင်ခြင်း၊ ပြင်ဆင်ခြင်းဖြစ်သည်။ ဥပမာအက်သနစ်အမည်ဖြစ်သည့် ရှမ်း (သို့) သျှမ်းမှာ ယခင့်ယခင်ကမရှိခဲ့ပါ။ရှမ်းများက ယခုထက်ထိသူတို့ကိုယ်သူတို့တိုင်း (Tai) ဟုခေါ်သည်။ ရှမ်းပြည်ကိုမုံးတိုင်းဟုခေါ်သည်။ ကိုလိုနီခေတ်ပတ်ဝန်းကျင်တွင် ရှမ်းများနှင့် လူမျိုးချင်းနီးစပ်သည့် တိုင်းလူမျိုးများနေထိုင်သည့် စယမ် (Siam) – ယခုထိုင်းနိုင်ငံ – ကိုအခြေပြုပြီးစယမ် – စယမ်ဆိုရာမှ တဖြည်းဖြည်းပြောင်းလဲလာကာ Shan (သျှမ်း)ဆိုပြီးဖြစ်လာသည်။ ပတ်ကညောမှ ကရင်၊ကယားလီမှ ကယားမှ ယခု ကရင်နီ (Karenni)၊ ဂျိမ်းဖော် အုပ်စုတစုမှ အစချီပြီး ကချင်စသည့် အမည်များဖြစ်လာသည်။ ဘာသာစကား ဆိုလျှင်လည်း ယခင်က ကရင်နီ စာပေမရှိခဲ့သော်လည်း ယခုကရင်နီ ဘာသာစာပေ အသစ်ကို၂၀၁၁ တွင် ကွယ်လွန်သွားသည့် ကရင်နီခေါင်းဆောင်ဟောင်း ထယ်ဗူးဖဲက တီထွင်ခဲ့သည်။ သို့ ရှိရာ အုပ်စုနာမည် အပါအ၀င် အခြားအရာများ ပြောင်းလဲခြင်း ပတ်သက်ပြီး အမှားအမှန်၊ ယခင်ရှိမရှိစသည့် အငြင်းပွားချက်များသည် social construction သဘော သဘောဝကို သတိမမူပဲ ငြင်းခုန်နေခြင်းဖြစ်သည်။

    တိုင်းရင်းသားအုပ်စုများ ခွဲရာတွင်လည်း နာမည်တစ်မျိုးဖြင့် လူမျိုးငယ်တခုသည် လူမျိုးကြီး တစ်ခုအောက်တွင် ပါသည် စသဖြင့် ရေးသားကြသည် (ဥပမာ ဓနုနှင့် ရှမ်းကို ရှမ်း လူမျိုးအောက်တွင် ထည့်ထားသည်ကို ဘုရားပေး အမှန်တရားကဲ့သို့  ယူဆကြသည်)။ အမှန်မှာ ရှမ်းနှင့် ဓနုသည် လူမျိုးမတူသကဲ့သို့  ဘာသာစကားလည်းမတူပါ။ သို့ သော် ဓနုများသည် “ရှမ်းလူမျိုး” အောက်ရောက်နေသည်။ ထိုသို့  ထည့်ထားခြင်းသည် တရားသေ အမှန်တရား အရှိတရား မဟုတ်ပါ။ စစ်တမ်းကောက်သူများ၊ အစိုရများက စစ်တမ်းကောက်ချိန်က သူ့ ရည်ရွယ်ချက်၊ သူ့ စနစ်၊ သူ့ နားလည်မှုအရ  မှတ်တမ်းတင်ထားခြင်း၊ သတ်မှတ်ထားခြင်း၊ စစ်တမ်းကောက် ထားခြင်းဖြစ်ရာ မှားချင်မှားနေပေမည်။

    မြန်မာနိုင်ငံရှိတိုင်းရင်းသားများအုပ်စုခွဲခြင်းကို မြန်မာအစိုးရချည်း စိတ်ထင်ရာခွဲထားသည်မဟုတ်။ ကိုလိုနီခေတ် ကပင် ကိုလိုနီအရာရှိများ၊ ခရီးသွား မနုသဗေဒ ပညာရှင်ဆိုသူများက သူတို့ နားလည်သည့် အတိုင်း၊ အင်္ဂလိပ်အစိုး ရအတွက် လေ့လာအုပ်စု ခွဲသွားခြင်းဖြစ်ပြီး ဦးနေ၀င်း လက်ထက်မှ ပြန်လည် အုပ်စုထပ် ခွဲခြင်းဖြစ်သည်။ အုပ်စုခွဲမှု နှစ်မျိုးလုံးတွင် လေ့လာသူများက သူတို့ စိတ်တိုင်းကျလေ့လာ ဆုံးဖြတ်ခဲ့ခြင်းဖြစ်သည်။ ဒေသခံလူမျိုးစုများကို တိုင်ပင်ခြင်း၊ ဆွေးနွေးခြင်း၊ ဆန္ဒကောက်ခံခြင်း အလျဉ်းမရှိခဲ့။ သူတို့ အမြင်အတိုင်း “သွပ်သွင်း” ခဲ့ကြခြင်းဖြစ် သည်။

    ထိုစစ်တမ်းများတွင် လူမျိုးကြီးတခု အောက်ရောက်နေသော လူမျိုးတခုသည် ထိုလူမျိုးကြီးနှင့် အုပ်စုချင်း လူမျိုးချင်း ဘာသာ စကားချင်း တူချင်မှတူမည်။ စစ်တမ်းတွင် နာမည် တမျိုးမျိုးဖြင့်ရေးထားသော လူမျိုးသည် အမှန်တကယ် ဟုတ်ချင်မှဟုတ်မည်။ စစ်တမ်းတွင် ကျန်ခဲ့သော (သို့ ) ချန်ခဲ့သော လူမျိုးသည်လည်း တိုင်းပြည်နှင့် မသက်ဆိုင်ဟု အော်တိုမစ်တစ် ယူဆ၍မရ။

    ဆိုလိုရင်းမှာ တိုင်းရင်းသားသည် social construction ဖြစ်သကဲ့သို့  အုပ်စုခွဲခြင်းသည်လည်း social construction ဖြစ်သည်။ ဘုရားပေး ကျမ်းပေး ပဝေဏသီ သမိုင်းပေး အမှန်တရား အရှိတရားမဟုတ်။ လူမှုရေး သပ္ပံသုတေသနများသည် ဤကဲ့သို့ သော ဖြစ်စဉ်များကို စမ်းစစ်ရမည် ဖြစ်သည်။

    – Ethnic Vs. Indigenous

    အက်သနစ်သည် Indigenous (မူရင်းဌာနေလူမျိုး) နှင့်ကွာသည်။ ကနေဒါနိုင်ငံတွင် Red Indian (သို့ ) Native Canadian (သို့ ) First Nations ဟုခေါ်သော လူမျိုးများသည် Native (သို့ ) Indigenous (မူရင်းဌာနေလူမျိုး) များဖြစ်သည်။ “ဖြစ်သည်”ဟုဆိုခြင်းထက် “သတ်မှတ်သည်”ဟုဆိုပါက ပိုမှန်မည်။ နှစ်ထောင်ပေါင်း များစွာ ကတည်းက ကနေဒါတွင်နေထိုင်နေသူများဖြစ်သည့်အတွက် မူရင်းဌာနေ လူမျိုးဟု သတ်မှတ်ထားခြင်းဖြစ်သည်။ နောက်ပိုင်းမှ ၀င်ရောက်လာသည့် ဗီယက်နမ်၊မြန်မာ၊ အာရဗ်၊ တရုတ်၊ ကိုးရီးယား၊ အီသီယိုးပီးယန်း စသဖြင့်တို့ကို အက်သနစ်ဟုခေါ်သည်။ ဘာသာ၊ စကား၊ ဓလေ့နှင့် လူစုလူဝေး ဖြင့် ရှိ နေခြင်းကြောင့် အက်စနစ် ဟုသတ်မှတ်ထားသည်။ Ethnic Communities of Canada ခေါင်းစဉ်အောက်တွင် အိုင်းရစ်၊တရုတ် ၊ဗီယက်နမ်စသဖြင့် ပါဝင်သည်။ (ဥပမာ ကနေဒါအစိုးရ အင်တာနက်စာမျက်နှာကို ကြည့်နိုင်သည်။ http://www.statcan.gc.ca/bsolc/olc-cel/olc-cel?catno=89-621-X&CHROPG=1&lang=eng)။ ထိုလင့်ခ်တွင်ဖော်ပြထားသော ကိုးရီးယား၊ ဗီယက်နမ် စသည့် လူစုများမှာ မူရင်းဌာနေလူမျိုးများ မဟုတ်ပဲ၊ အက်သနစ်တွေဖြစ်ပြီး နိုင်ငံသား စည်းကမ်းနှင့့်ညီပါက နိုင်ငံသားဖြစ်ခွင့်ရှိပြီး နိုင်ငံသားအခွင့်အရေး အပြည့်အ၀ရကြသည်။

    အင်တီးဂျီးနက်စ်ဟု သတ်မှတ်ခြင်းသည်လည်း ဘုရားပေး ကျမ်းပေး မဟုတ်။ ပြသနာမရှိမဟုတ်။ ငြင်းခုန်နိုင်သော ကိစ္စဖြစ်သည်။ လူအုပ်စု တစ်စုသည် နေရာဒေသ တစ်ခုတွင် အချိန်ကြာရှည်စွာနေထိုင်လာပြီး သူတို့ သည် အင် တီးဂျီးနက်စ်ဖြစ်ပြီး အခြားအုပ်စုတစ်စု၏ အင်တီးဂျီးနက်စ်ဖြစ်မှုကို ဆန့် ကျင်ကောင်း ဆန့် ကျင်လိမ့်မည်။ သို့ ရှိ ရာ အုပ်စုတစု အင်တီးဂျီးနက်စ် ဟုတ်သည် မဟုတ်သည်ဆိုသည်မှာ စင်ပြိုင်တောင်းဆို ရုန်းကန်မှု ဖြစ်သည်။ သို့ သော် လူမှုရေးသိပ္ပံ သုတေသနပြုသူများ သတိပြုရမည်မှာ အာဒမ်နှင့် ဧ၀မှ လူသားများ ဆင်းသက်လာသည်ဟူသည့် ဘာသာရေးအယူဝါဒကို လက်ခံသည်ဖြစ်စေ၊ ဒါဝင်၏ Evaluation theory ကို လက်ခံသည်ဖြစ်စေ လူသားများသည် တနေနေရာမှ လက်ရှိနေရာသို့  ရွေ့ ပြောင်း လာကြခြင်းဖြစ်သည်။ မြေအောက်မှ ထိုးထွက်လာခြင်း မဟုတ်၊ ကောင်းကင်မှ ဆင်းလာခြင်း မဟုတ်။ အုပ်စုတိုင်းသည် သမိုင်း တချိန်ချိန်တွင် ဒေသ တခုခုသို့  ရွေ့ ပြောင်းလာသည့် migrant group များဖြစ်ရာ အင်တီးဂျီးနက်စ်ဖြစ် မဖြစ်ဆိုသည့်အချက်မှာလည်း အုပ်စုပေါ်မူတည်ပြီး၊ အချိန်အခါပေါ် မူတည်ပြီး ငြင်းခုန်ရနိုင်သည်။ သို့ ရှိရာ သုတေသနပြုသူများ အနေဖြင့် အုပ်စုတစ်စုအား ထောက်ခံပြီး အခြားအုပ်စုအားဆန့် ကျင်ခြင်းမျိုးကို ရှောင်ရန် အရေးကြီးသည်။ သုတေသနပြုစုရာတွင် အုပ်စုတစ်စုစုဖက်မှ ရပ်တည်ခြင်းထက် ထိုအုပ်စုများ မူရင်းဌာနေ လူမျိုးအဖြစ် အသိအမှတ်ပြုရန် မည်သို့ မည်ပုံ လှုပ်ရှားတောင်းဆိုသည်၊ စဉ်းစားသည်၊ သက်သေထူသည် စသည့်ကိစ္စရပ်နှင့် ဖြစ်စဉ်တို့ ကို ဓမ္မဒိဌာန်ကျစွာ မျှမျှတတ လေ့လာတင်ပြရန် လိုသည်။

    အထူးသဖြင့် Critical social science သုတေသနပြုလိုသူများအနေဖြင့် သိပြီးသား ဗဟုသုတများ၊ နားလည်မှု များ၊ အချက်အလက်များကို problematize (or) unsettle ပြီး လူတိုင်းအတွက် လူမှုရေးတရားမျှတမှု (social justice) နှင့် progressive change ကို ရှေးရှုပြီး နားလည်မှု အသစ်၊ ရှင်းလင်းချက်အသစ်များကို ရှာဖွေဖော် ထုတ် တင်ပြနိုင်ရမည်။

  • ၁၉၈၃-ခုနှစ်က ထုတ်ပြန်ခဲ့တဲ့ တိုင်းရင်းသား ၁၃၅-မျိုး ပြန်လည် စိစစ်ရန် တိုင်းရင်းသားခေါင်းဆောင်များ ပြောကြားပြီ

    စက်တင်ဘာ ၁၀၊ ၂၀၁၃
    M-Media
    သုတ

    IMG_20130908_170010

    ရန်ကုန် ။         ။          မြန်မာနိုင်ငံမှာ ၁၉၈၃-ခုနှစ်က ထုတ်ပြန်ခဲ့တဲ့ တိုင်းရင်းသား ၁၃၅-မျိုး ဆိုသည်မှာ ပြန်လည် စိစစ်ရန် လိုအပ်ပြီဖြစ်ကြောင်း တိုင်းရင်းသားခေါင်းဆောင်များက ပြောကြားခဲ့ကြောင်း သိရသည်။

    တိုင်းလိုင်(ရှမ်းနီ)အမျိုးသားများ ဖွံ့ဖြိုးတိုးတက်ရေးပါတီ ဥက္ကဋ္ဌ ဦးစိုင်းဋ္ဌေးအောင်မှ ရှမ်းတိုင်းရင်းသားတွင်လည်း ရှမ်းကြီး၊ တိုင်းလုံ၊ တိုင်းခန္တီး၊ ခန္တီးရှမ်း၊ ရှမ်းကလေး၊ တိုင်းလျန်၊ ရှမ်းဗမာ၊ ရှမ်းနီ ဆိုပြီး အမျိုးမျိုးရှိနေတာကြောင့် တိုင်းရင်းသားစာရင်းကို ပြန်လည်စိစစ်သင့်ကြောင်း ရှမ်းနီပါတီအနေဖြင့် ရွေးကောက်ပွဲကော်မရှင်ထံ တင်ပြထားကြောင်း ပြောကြားသည်။’

    လီဆူတိုင်းရင်းသားများ၏ အမည်မှာလည်း အမျိုးမျိုးဖြစနေသဖြင့် ပြန်လည် ဆောင်ရွက်ရာ၌ အခက်အခဲများ ကြုံတွေ့လျက်ရှိကြောင်း ရှမ်းပြည်နယ် လီဆူတိုင်းရင်းသားရေးရာဝန်ကြီး၏ ကိုယ်ရေးအရာရှိ ဦးထွန်းရွှေမှလည်း ပြောကြားခဲ့သည်။

    တိုင်းရင်းသားမျိုးနွယ်စု ၁၃၅-စုဆိုတာဟာ ၁၉၈၃-ခုနှစ်က အစိုးရက ထုတ်ပြန်ထားတာ နှစ်ပေါင်း ၃၀ ကျော်ပြီဖြစ်ဖြစ်သည့်အတွက် ကိန်းဂဏန်းများလည်း ပြောင်းလဲနေကြောင်း၊ တချို့အမည်တွေ ထပ်နေတာ၊ တချို့လူမျိုးမတူတာတွေ ပါနေတဲ့အတွက် တိုင်းရင်းသားလူမျိုးများရဲ့ အခွင့်အရေး ကာကွယ်စောင့်ရှောက်တဲ့ ဥပဒေကြမ်း မပေါ်လာမီ မြန်မာနိုင်ငံမှာ တိုင်းရင်းသား မျိုးနွယ်စု ဦးရေကို ပထမဦးဆုံး တိကျစွာ ကောက်ယူ သင့်ကြောင်း ရှမ်းပြည်နယ် အင်း တိုင်းရင်းသားရေးရာ ၀န်ကြီး ဦးဝင်းမြင့်က ပြောကြားသည်။

    တိုင်းရင်းသားများ၏ လူမျိုးမှန်ကို ဆောင်ရွက်ရန် လိုအပ်သကဲ့သို့ ပျောက်ကွယ်လု မတတ်ဖြစ်နေသော မျိုးနွယ်စုများ အရေးလည်း ဥပဒေကြမ်းကို မစောင့်ဆိုင်းဘဲ ဆောင်ရွက်သင့်ကြောင်း ဥပဒေကြမ်းကော်မတီသို့ ဦးဝင်းမြင့်မှ တင်ပြခဲ့ကြောင်း တို့ကို ယူနတီဂျာနယ်သို့ ပြောကြားခဲ့သည်။

    ယခု အမိမြန်မာနိုင်ငံမှာ လူမျိုး ၁၃၅ မျိုးဆိုတာဟာ ၁၉၇၃-ခုနှစ်စာရင်းမှာ တိုင်းရင်းသားလူမျိုး ၁၄၄-မျိုးရှိတယ်။ ၁၉၈၂-ခုနှစ် နိုင်ငံသားဥပဒေ အာဏာပြင်ဆင်တဲ့အခါမှာ ၉-န၀င်းချေတဲ့အနေနဲ့ တိုင်းရင်းသား ၉-မျိုးကို မည်သူ့သဘောထားဆန္ဒမျှ မပါပဲ ဖြုတ်ပြစ်ခဲ့တာကြောင့် ၁၃၅-မျိုးပဲ ကျန်တော့တာ ဟု ဒေါက်တာမြင့်သိန်းကလည်း သင့်မြတ်သူများ ပွဲတော်တွင် ထည့်သွင်း ပြောကြားထားပါတယ်။

    အခု တိုင်းရင်းသား ၁၃၅-မျိုးစာရင်းဆိုတာ ၁၉၈၃-ခုနှစ်ကမှ လုပ်လိုက်တာ။ ဟိုးယခင်က ၁၄၄ မျိုးရှိတယ်။ ဒါပေမယ့် ၁၄၄ မျိုးကနေ ၁၃၅ မျိုးလုပ်လိုက်တော့ ၉-မျိုးကို ဖြုတ်ချလိုက်တယ်။ ဖြုတ်လိုက်တဲ့အထဲမှာ ကျွန်တော်တို့ ပသီ (ခ) မြန်မာမွတ်စလင်မ် ဆိုတာလည်း ပါတယ်။ စာရင်းမှာ ကျန်တဲ့ ၁၃၅-မျိုးဆိုတာမှာလည်း တချို့စာရင်းတွေက ထပ်နေတယ်။ တချို့စာရင်းက လူမျိုးမရှိတော့တာတွေ ပါနေတယ်။ ၁၉၆၂-ခုနှစ်ကနေစပြီး ကျွန်တော်တို့တွေ လှိမ့်ပိန့် ခံခဲ့ရတာ။ ကျွန်တော်တို့တင် မဟုတ်ပါဘူး။ တခြားတိုင်းရင်းသားတွေလည်း အတူတူပါပဲ။ ဒါနဲ့ ပတ်သက်ပြီး သြဂုတ်လတုန်းက ပြုလုပ်ခဲ့တဲ့ ရှစ်လေးလုံးငွေရတု ဆွေးနွေးပွဲမှာ ကျွန်တော်တို့ အမျိုးသားညီညွတ်ရေးကွန်ဂရက်အနေနဲ့ တိုင်းရင်းသားအရေးနဲ့ အနာဂတ်ပြည်ထောင်စု ခေါင်းစဉ်နဲ့ စာတမ်းတင်ပြီး ဆွေးနွေးခဲ့တယ်။ အဲ့ဒီမှာ ပြည်ထောင်စု ၀န်ကြီး ဦးအောင်မင်းလည်း ရောက်လာတယ်။ အဲ့ဒီမှာ ဆွေးနွေးတာက လူမျိုး ၁၃၅-မျိုးကိုလည်း နိုင်ငံတော်က ကျင်းပတဲ့ ဒီလို ဆွေးနွေးပွဲတွေမှာ ဖိတ်ကြားမယ်လို့ ပြောပြီး ပြန်သွားခဲ့တယ်။ ကျွန်တော်တို့ အဲ့ဒီမှာ လူမျိုး ၁၃၅-မျိုးရှိတာမဟုတ်ပဲ ၁၄၄-မျိုး ရှိတာကို ဆွေးနွေးခဲ့တယ်။ ၁၉၇၃-ခုနှစ်မှာ သတင်းမှာ လူမျိုး ၁၄၄ မျိုးရှိတယ်ဆိုတာ ကြေငြာပြီးသားပါဆိုတဲ့ အထောက်အထားတွေ ပြောပြခဲ့တယ်။ ဆွေးနွေးပွဲအပြီးမှာ ပေါ်လာတဲ့ ခေါင်းစဉ်တစ်ခုက ညီလာခံမှာ ဘယ်သူတွေကို ဖိတ်ရမလဲဆိုတာ ပေါ်လာတယ်။   သဘောတူညီချက်က လူမျိုး ၁၃၅-မျိုးမှာ မပါတဲ့ လူမျိုးစုငယ်တွေကိုလည်း ဒီလို ညီလာခံကို တက်ရောက်ခွင့်ပြုဖို့ဆိုတဲ့ သဘောတူညီချက်ပါ။ တိုင်းနဲ့ ပြည်နယ်အတွင်းမှာရှိတဲ့ လူမျိုး ၁၃၅ မျိုးမှာ မပါသေးတဲ့ ကျန်တဲ့ တိုင်းရင်းသား လူမျိုးစုငယ်တွေကိုလည်း တိုင်ပင် ဆွေးနွေးခွင့်ပြုရန်ဆိုတဲ့ အကြံပြုချက် ရှစ်လေးလုံး ဆွေးနွေးပွဲက အသံတွေမှာ ပါလာတယ်။ ဒီ ၁၃၅-မျိုးနဲ့ ရပ်ထားလို့ မရဘူး။ ဒီ ၁၃၅ မျိုးမှာ ခြွင်းချန်ပြီး ကျန်ရစ်ခဲ့တဲ့ လူမျိုးစုတွေရှိတယ်ဆိုတာ ဆက်ပြီး ပြောရမယ် လို့ မနေ့ကပြုလုပ်ခဲ့တဲ့ အမျိုးသားညီညွတ်ရေးကွန်ဂရက်ပါတီမှ ဦးခင်မောင်ချို(တရားလွှတ်တော်ရှေ့နေ)က ပြောကြားခဲ့ပါတယ်။”

    ယခုကဲ့သို့ တိုင်းရင်းသားများကိုယ်တိုင် ဖော်ထုတ်ပြောလာကြတဲ့ ၁၉၈၃-ခုက သတ်မှတ်လိုက်တဲ့ တိုင်းရင်းသား ၁၃၅ မျိုးစာရင်းကို ပြန်လည် စိစစ်ပြီး ရှေးယခင် ကတည်းက ရှိခဲ့သည့် အမိမြန်မာပြည်မှ တိုင်းရင်းသားများကို ဖယ်ထုတ်ခံထားရခြင်း၊ ဖယ်ဖျောက် ခံထားရခြင်း၊ ပျောက်ကွယ်နေခြင်းတို့မှ ပြန်လည်ဖော် ထုတ်ရန် လိုအပ်ကြောင်း သုံးသပ်လိုက်ရပါတယ်။

    Photo credit >>   စက်တင်ဘာ ၇၊ ၂၀၁၃ စနေနေ့ ထုတ် ယူနတီ တိုင်းရင်းသားသတင်း ဂျာနယ်၊ အတွဲ ၂၊ အမှတ် ၃၅၊ မှ