News @ M-Media

Tag: Ethnic Kachin

  • မြန်မာပြည်သူတွေကို စည်းလုံးစေချင်ပြီး မြန်မာနိုင်ငံမှာပဲ ခေါင်းချဖို့ရှိနေတဲ့ အောင်လအန်ဆန်း

    မြန်မာပြည်သူတွေကို စည်းလုံးစေချင်ပြီး မြန်မာနိုင်ငံမှာပဲ ခေါင်းချဖို့ရှိနေတဲ့ အောင်လအန်ဆန်း

    ဇူလိုင် ၁၁၊ ၂၀၁၇
    M-Media

    – ဘက်စုံကိုယ်ခံပညာသုံး အားကစား MMA ပထမဆုံး မြန်မာချန်ပီယံတစ်ယောက်ဖြစ်ခဲ့ပြီး အချိန်တစ်ပတ်လောက် ကြာသွားပေမယ့် အောင်လအန်ဆန်းတစ်ယောက် နှလုံးပီတိ ဂွမ်းဆီထိနေဆဲပါ။

    ဇွန်လ ၃ ရက်နေ့ ရန်ကုန်က ကြက်သီးထစရာ ဌာနေပရိတ်ရှေ့မှာ အသက် ၂၃ နှစ်အရွယ် အောင်လအန်ဆန်းဟာ ရှုံးပွဲမရှိတဲ့ သူ့ရဲ့ပြိုင်ကို အံ့သြဖွယ် အနိုင်ယူခဲ့ပြီး အာရှရဲ့ အကြီးဆုံး MMA ပြိုင်ပွဲဖြစ်တဲ့ ONE Championship မစ်ဒယ်ဝိတ်တန်းမှာ ချန်ပီယံခါးပတ်ကို ရရှိခဲ့ပါတယ်။

    ဒီသမိုင်းဝင် စွမ်းဆောင်မှုဟာ နိုင်ငံရဲ့ အအောင်မြင်ဆုံး အားကစားသမားဆိုတဲ့ အဆင့်ကို ရရှိခဲ့ပြီး သူ့ရဲ့ နိုင်ငံရေးသဘောထားတွေအပေါ် လူထုရဲ့ စိတ်ဝင်စားမှုကလည်း မြင့်တက်လာခဲ့ပါတယ်။

    အန်ဆန်းဟာ မြန်မာစစ်တပ်နဲ့ တိုင်းရင်းသားလက်နက်ကိုင်တွေအကြား ၂၀၁၁ ခုနှစ်ကတည်းက တိုက်ပွဲတွေဖြစ်ပွားပြီး လူထောင်နဲ့ချီသေဆုံးကာ ၁ သိန်းခွဲလောက် အိုးအိမ်စွန့်ခွာထွက်ပြေးခဲ့ရတဲ့ ကချင်ပြည်နယ် ဇာတိဖြစ်ပါတယ်။

    “ဒီကိစ္စတွေအတွက် ကျွန်တော် ၀မ်းနည်းမိပါတယ်။ ကျွန်တော်ဟာ အမြဲတမ်း စစ်ပွဲကို ဆန့်ကျင်သူဖြစ်ပြီး ကြားနေမဟုတ်ပါဘူး။ ဒါပေမယ့် ကျွန်တော်ဟာ နိုင်ငံရေးပါတီတစ်ခုကို ဝေဖန်သွားမှာမဟုတ်ဘဲ ဒီလိုလုပ်ရင် နိုင်ငံရေးရပ်တည်ချက်ကို ဖော်ပြလိုက်သလို ဖြစ်သွားမှာပါ။ ကျွန်တော် နိုင်ငံရေးသမားတစ်ယောက် မဖြစ်ချင်ပါဘူး။ နိုင်ငံရေးသမားလည်း မဟုတ်ပါဘူး။ ကျွန်တော်ဟာ အားကစားသမား တစ်ယောက်ပါ”

    “တစ်ချိန်တည်းမှာပဲ ပြည်သူတွေနဲ့ နိုင်ငံကို စည်းလုံးအောင်လုပ်ဖို့ ကျွန်တော် မျှော်လင့်ထားပါတယ်။ ကျွန်တော့် အလုပ်တာဝန်မှာ ဒါမပါပါဘူး။ ဒါပေမယ့် မြန်မာပြည်သူတွေအပေါ် ကျွန်တော့်ရဲ့ လွှမ်းမိုးမှုကို ကျွန်တော်နားလည်တယ်။ ကျွန်တော် ပိုပြီး ကြိုးစားလာအောင် ဒီအရာက ကျွန်တော့်ကို လှုံ့ဆော်ပေးပါတယ်” လို့ သူက CNA သတင်းဌာနကို ပြောကြားခဲ့ပါတယ်။

    စိတ်နှစ်မြှုပ်ကစားခြင်း

    ဖိလစ်ပိုင်မှာ မန်နီပက်ကွီအိုကို အားပေးသလို မြန်မာနိုင်ငံက သန်းနဲ့ချီတဲ့ ပြည်သူတွေဟာ အသက်တောင်မရှုနိုင်ဘဲ ၀က်ဝက်ကွဲ အားပေးတဲ့ အခြေအနေမျိုး မရောက်ခင် အန်ဆန်းဟာ ကချင်ပြည်နယ် မြစ်ကြီးနားမြို့မှာ ကြီးပြင်းခဲ့တဲ့ သာမန်လူတစ်ယောက် ဖြစ်ပါတယ်။

    “ကျွန်တော်က ထူးထူးခြားခြားတော်တာမျိုး၊ အားကစားမှာ ပါရမီပါတာမျိုး မရှိပါဘူး။ ဒါပေမယ့် ဘ၀ကတော့ သက်တောင့်သက်သာ ရှိခဲ့ပါတယ်။ နိုင်ငံတကာကျောင်းတက်ရတယ်။ အဖေက လူတော်တစ်ယောက်ဖြစ်ပြီး ကျွန်တော့်ကို အကောင်းဆုံး ပညာရေးကို ပေးနိုင်တယ်၊ နိုင်ငံခြားမှာ ပညာသင်ဖို့ အခွင့်အလမ်း ဖန်တီးပေးတာကြောင့် ကျွန်တော် ကံကောင်းခဲ့ပါတယ်”

    အသက် ၁၈ နှစ်အရွယ်မှာ အန်ဆန်းတစ်ယောက် မီချီဂန်က အန်ဒရူးတက္ကသိုလ်တက်ဖို့ တစ်ယောက်တည်း သွားခဲ့ပြီး စိုက်ပျိုရေးသိပ္ပံအထူးပြုနဲ့ ကျောင်းတက်ခဲ့ပါတယ်။ ကျောက်စိမ်းကုန်သည်တစ်ယောက်ဖြစ်တဲ့ သူ့ရဲ့ ဖခင်ဟာ ကျောင်းစားရိတ်ပေးပြီး ဘာဟီယ ကုန်ကျစားရိတ်အတွက်တော့ အန်ဆန်းဟာ မွေးမြူရေးခြံမှာ အလုပ်လုပ်ခဲ့ပါတယ်။

    အဲဒီမှာ သူဟာ လုပ်ငန်းကျင့်ဝတ်တွေကို သင်ယူနိုင်ခဲ့ပြီး ၂၀၀၄ ခုနှစ် MMA နယ်ပယ်ထဲ ၀င်ရောက်တဲ့အခါမှာတော့ ဒါတွေက သူ့အတွက် အသုံးဝင်တဲ့ ကျွမ်းကျင်မှုတွေ ဖြစ်ခဲ့ပါတယ်။ ၂၀၀၅ ခုနှစ်မှာ ပထမဆုံး ပရော်ဖက်ရှင်နယ်ပွဲ စနွှဲရပေမယ့် ခေတ်သစ် အားကစားသမားအများစု ဆောင်ရွက်ကြတဲ့ ပြင်ဆင်မှုမျိုး သူ့မှာ မရှိပါဘူး။

    ပြိုင်ပွဲတွေကို ဆက်လက်ယှဉ်ပြိုင်ခဲ့ပြီး နောက်ဆုံးမှာ ဘွဲ့ရသွားတဲ့သူဟာ ၂၀၀၇ ခုနှစ်မှာ ပျားမွေးတဲ့လုပ်ငန်းကို စတင်ခဲ့ပါတယ်။ ဟိုဘက်ဒီဘက် အချိန်မျှပေးနေရမှုဟာ သိပ်မကြာလိုက်ဘဲ နောက်ထပ် တစ်နှစ်ခွဲအကြာမှာတော့ အချိန်ပြည့် MMA ကစားသမားအဖြစ် ခြေစုံပစ်ဝင်ခဲ့ပါတယ်။

    အန်ဆန်းဟာ အမေရိကန် နာမည်ကြီးပွဲတွေဖြစ်တဲ့ King of the Cage, Ring of Combat နဲ့ Bellator တို့မှာ ၀င်ရောက်ယှဉ်ပြိုင်ခဲ့ပြီး လက်ရှိ ပွဲ ၂၀ နိုင် ၁၀ ပွဲ ရှုံးမှတ်တမ်းကို ရရှိထားပါတယ်။

    ၂၀၁၄ ခုနှစ်မှာ ONE Championship ပြိုင်ပွဲ ၀င်ရောက်ယှဉ်ပြိုင်ခဲ့ပြီး ပထမဆုံးပွဲမှာပဲ အလဲထိုးနဲ့ နိုင်ခဲ့ကာ နောက်ထပ် ၅ ပွဲထိုပြီးမှာတော့ ချန်ပီယံ ဖြစ်ခဲ့ပါတယ်။

    “မြန်မာနိုင်ငံမှာ စိုက်ပျိုးရေးလာလုပ်မယ်လို့ ကနဦးက ရည်မှန်းထားပေမယ့် ကျွန်တော်ဟာ MMA ကို ပြောင်းခဲ့ပါတယ်။ ဒီနယ်ပယ်မှာ ကျွန်တော် ပိုပြီး ပျော်ပါတယ်”

    ပရိတ်သတ်များကို လစ်လျူရှုမထား

    အမေရိကန်မှာ အန်ဆန်းဟာ အိမ်ထောင်ကျခဲ့ပြီး အသက် ၂ နှစ်အရွယ် သားလေးတစ်ယောက် ရနေပါပြီ။ အဲဒီသမီးလေးကို ကချင်မျိုးရိုးကို ထိန်းသိမ်းတဲ့အနေနဲ့ အောင်ဒီလို့ အမည်ပေးထားတယ်လို့ အန်ဆန်းက ဂုဏ်ယူစွာ ပြောကြားခဲ့ပါတယ်။

    အန်ဆန်းရဲ့ မိခင်နဲ့ မွေးချင်း ၂ ယောက်ပါဝင်တဲ့ သူတို့မိသားစုဟာ မေရီလန်းက ကချင်လူ့အဖွဲ့အစည်းရဲ့ အစိတ်အပိုင်းတစ်ခု ဖြစ်နေပြီး ကချင် နှစ်ခြင်းဘုရားကျောင်းကို သွားတက်လေ့ရှိပါတယ်။ သူတို့ မိသားစု ၄ ဦးစလုံးဟာ ၂၀၀၅ ခုနှစ်မှာ နိုင်ငံရေးခိုလှုံခွင့် ရရှိခဲ့ပါတယ်။

    အမေရိကန်က သံယောဇဉ်တွေ၊ မြန်မာနိုင်ငံက ပရိတ်သတ်တွေရဲ့ အားပေးမှု စတာတွေကို သူ့အတွက် အားသာချက်အဖြစ် အန်ဆန်းက ယုံကြည်စွာ ပြောင်းလဲခဲ့ပါတယ်။

    “ဒီလို ထောက်ခံအားပေးမှုကို ရရှိတယ်ဆိုတဲ့အသိက လေ့ကျင့်မှုမှာ ကျွန်တော့်ကို အာရုံစူးစိုက်မှု ဖြစ်စေပါတယ်။ ပြီးတော့ ကျွန်တော့ဘ၀မှာ မလိုအပ်တဲ့အရာအားလုံးကို သံယောဇဉ်ဖြတ်ရာမှာလည်း အကူအညီဖြစ်စေပါတယ်”

    အန်ဆန်းဟာ သူ့ကို အားပေးကြတဲ့ မြန်မာပြည်သူတွေကို ပြန်လည်ပေးဆပ်နေသူ တစ်ဦးပါ။ ဒီနှစ်အစောပိုင်းမှာ သူဟာ ရန်ကုန်မှာ ပရဟိတ လေလံပွဲတစ်ခုကို ကျင်းပခဲ့ပြီး ရရှိတဲ့ ကန်ဒေါ်လာ ၆၀၀၀ ကို ကချင်ပြည်နယ်က အိုးအိမ်စွန့်ခွာထွက်ပြေးရသူတွေ နေထိုင်တဲ့စခန်းကို လှူဒါန်းခဲ့ပါတယ်။

    “လိုအပ်ချက်တွေ ရှိနေတဲ့သူတွေအတွက် ငွေကြေးဟာ အဖြေပါပဲ။ ဆာလောင်နေသူတွေ၊ ငတ်မွတ်နေသူတွေကို ပညာပေးလို့ကတော့ ဘာမှဖြစ်လာမှာ မဟုတ်ပါဘူး။ သူတို့အတွက် အစားအသောက်ဝယ်ပေးတာက ပိုမိုကောင်းမွန်တဲ့ နည်းလမ်းတစ်ခု ဖြစ်ပါတယ်” လို့ အန်ဆန်းက ပြောကြားခဲ့ပါတယ်။ သူ့ရဲ့ ဘိုးဘွားတွေနဲ့ ၀မ်းကွဲ ညီအစ်ကို မောင်နှမတွေဟာ ကချင်ပြည်နယ်မှာ ဘေးအန္တရာယ်ကင်းစွာ နေထိုင်နေကြပါတယ်။

    ပြီးခဲ့တဲ့လ သူ့ရဲ့ အောင်မြင်မှုအတွက် ကာကွယ်ရေးဝန်ကြီးဌာနက ငွေသားချီးမြှင့်မှုကိုလည်း ရရှိခဲ့ပါတယ်။ အဲဒီငွေအားလုံးကိုလည်း အရင်သူလှူခဲ့တဲ့ ကချင်ပြည်နယ်က ဒုက္ခသည်စခန်းကိုပဲ ထပ်လှူခဲ့ပါတယ်။

    “အစိုးရက ဒီလို ချီးမြှင့်တဲ့အတွက် ကျွန်တော် ကျေးဇူးတင်သလို၊ ဂုဏ်လည်းယူပါတယ်။ ဒါပေမယ့် သူတို့ပေးတဲ့ ငွေကို ကျွန်တော် မလိုပါဘူး။ အမှန်တကယ်လိုအပ်နေသူတွေ၊ မိသားစုတွေ အကူအညီဖြစ်စေဖို့ ကျွန်တော် ပြန်လည်ပေးအပ်ခဲ့ပါတယ်”

    တိုင်းပြည်ကို စုစည်းစေမည်

    မြစ်ကြီးနားမှာ MMA လေ့ကျင်ရေးစင်တာ ဖွင့်တဲ့အချိန်တုန်းက အန်ဆန်းဟာ ဒီအကြောင်းတွေအားလုံးကို ပြောကြားခဲ့ပြီး စံနမူနာယူစရာ လူပုဂ္ဂိုလ်တစ်ဦးဖြစ်ဖို့ မျှော်လင့်နေပါတယ်။

    “ကျွန်တော်ရရှိနေတဲ့ အောင်မြင်မှုအတွက် မာန်မတက်ပါဘူး ဒါပေမယ့် ကျွန်တော်ဟာ စံနမူနာကောင်းတစ်ခု ဖြစ်ချင်ပါတယ်။ ပြောရမယ်ဆိုရင် အမေရိကန်တွေလို မြန်မာပြည်သူတွေမှာ အခွင့်အလမ်းတွေမရှိဘူး။ သူတို့အခြေအနေနဲ့ အောင်မြင်နိုင်မှာမဟုတ်ဘူးလို့ တော်တော်များများက ထင်နေကြပါတယ်။ သူတို့ဟာ မလူးသာမလွန့်သာဖြစ်နေတယ်လို့ ခံစားနေကြတယ်။ တစ်ချို့တွေကြတော့ နိုင်ငံရေးအခြေအနေတွေကို အားမရတာလည်း ရှိပါတယ်။ နောက်ပြီး မူးယစ်ဆေးဝါး၊ အရက်တွေမှာ ဘ၀ကို ပုံထားပြီး ဒါကိုကျော်လွှားဖို့ အကူအညီတွေလည်း သူတို့မှာ လိုနေပါတယ်”

    “ကိုယ့်ရဲ့ နှလုံးသားစေရာ ဘယ်လိုနယ်ပယ်မျိုးမှာမဆို ကြိုးကြိုးစားစားလုပ်ရင် အောင်မြင်နိုင်တယ်ဆိုတာ ကျွန်တော် ပြည်သူတွေကို တိုက်တွန်းအားပေးဖို့ မျှော်လင့်ပါတယ်။ အတိတ်ကို ပစ္စုပ္ပန်က ကျော်ဖြတ်နိုင်တယ်။ အဲဒီစိတ်ဓာတ်နဲ့ပဲ ကျွန်တော်ဟာ ကျွန်တော့် ပြည်သူတွေအတွက် တိုက်ပွဲဝင်နေတယ်လို့ ခံစားရပါတယ်”

    သူ့ရဲ့အောင်မြင်မှုဟာ ဇာတိပြည်နယ်တစ်ခုတည်းအတွက် မဟုတ်ဘဲ၊ တစ်နိုင်ငံလုံးအတွက် ဖြစ်ပါတယ်။၂၀၁၂ ခုနှစ်မှာ အနိုင်ရတုန်းက သူဟာ ကချင်အလံနဲ့ အောင်ပွဲခံခဲ့ပေမယ့် ၂၀၁၇ ခုနှစ် ချန်ပီယံအဖြစ် အောင်ပွဲခံမှုမှာ သူဟာ မြန်မာနိုင်ငံတော်အလံကို လွှမ်းခြုံခဲ့ပါတယ်။

    “ကျွန်တော့်ကို အားပေးနေတဲ့ တစ်နိုင်ငံလုံး၊ ကျွန်တော့်ကို အာပေးနေသူတိုင်း ဒီအလံကြောင့် တစ်သားတည်းဖြစ်မှု တွေ့မြင်နိုင်မှာဖြစ်ပြီး၊ စည်းလုံးမှု ညီညွတ်မှုကိုလည်း ပေးနိုင်မယ်လို့ ကျွန်တော် မျှော်လင့်ပါတယ်။ ပြည်သူတွေကို စည်းလုံးအောင် ကျွန်တော် ဆောင်ရွက်နိုင်မှာပါ” လို့ အောင်လအန်ဆန်းက ပြောကြားခဲ့ပါတယ်။

    အနာဂတ်မှာ ဘာဖြစ်မလဲဆိုတာ မသေချာပေမယ့် အန်ဆန်းတစ်ယောက် ရှေ့ဆက်လျှာက်ရမယ့်လမ်းကြောင်းကို တိတိကျကျ ယုံယုံကြည်ကြည် သတ်မှတ်ထားပြီး ဒီလမ်းကြောင်းကလည်း ၂၀၁၅ ခုနှစ်က သူရရှိခဲ့တဲ့ အမေရိကန်နိုင်ငံသားနဲ့ မပတ်သက်ပါဘူး။

    “အခုအချိန်မှာ ကျွန်တော်ဟာ မြန်မာနိုင်ငံသား မဟုတ်တော့ပေမယ့် ကျွန်တော့်ဇာတိကို ကျွန်တော် မမေ့ပါဘူး။ ကျွန်တော် ဘယ်ကလာလဲဆိုတာ သိပါတယ်။ အမေရိကန်ကို ပြန်သွားပေမယ့် နောက်ဆုံးမှာ ပြန်လာပြီး ရသလောက်အခွင့်အလမ်းနဲ့ ကျွန်တော့်တိုင်းပြည် ပြုပြင်ပြောင်းလဲရေးကို ကူညီသွားမှာပါ။ ကျွန်တော့်ရဲ့ အားကစားသမားဘ၀ အဆုံးသတ်သွားတဲ့အချိန်မှာ မြန်မာနိုင်ငံမှာပဲ ကျွန်တော့်ဘ၀ကို ကုန်ဆုံးသွားနိုင်ပါတယ်”

    Ref: CNA

    (CNA သတင်းဌာနတွင် ဖော်ပြထားသည့် Myanmar’s 1st MMA champ Aung La N Sang: ‘I’m no politician, but I fight for my people’ ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။)

  • မြန်မာနိုင်ငံတစ်ဝှမ်း အစိုးရစစ်တပ်၏ လုပ်ရပ်များကို ကုလအထူးကိုယ်စားလှယ် ရှုတ်ချ

    မြန်မာနိုင်ငံတစ်ဝှမ်း အစိုးရစစ်တပ်၏ လုပ်ရပ်များကို ကုလအထူးကိုယ်စားလှယ် ရှုတ်ချ

    ဇန်န၀ါရီ ၂၁၊ ၂၀၁၇
    M-Media

    – နိုင်ငံမြောက်ပိုင်းရှိ ကချင်ပြည်နယ်တွင် တိုက်ခိုက်နေမှုများ၊ နိုင်ငံမြောက်ပိုင်းမှ ရိုဟင်ဂျာမွတ်စလင်များအပေါ် ညှင်းပမ်းမှုများ အပါအ၀င် နိုင်ငံ၏ ပြဿနာများတွင် အစိုးရက လွန်လွန်ကျူးကျူးတုန့်ပြန်မှုများအတွက် မြန်မာနိုင်ငံ၏ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ် ယန်ဟီးလီက ရှုတ်ချလိုက်သည်။

    “ဒီပြဿနာအားလုံးကို အစိုးရရဲ့ လက်ရှိတုန့်ပြန်မှုက ကာကွယ်မယ်၊ ပယ်ချမယ်၊ ခံငြင်းမယ် ဆိုတဲ့ ပုံစံပါပဲ။ ဒီလို တုန့်ပြန်မှုဟာ ဆန့်ကျင်ဖက်ရလဒ် ထွက်စေတာသာမက မြန်မာနိုင်ငံက ရရှိထားတဲ့ မျှော်လင့်ချက်ကိုလည်း ပျောက်ကွယ်သွားစေမှာပါ” ဟု ယန်ဟီးလီက ပြောကြားခဲ့ပြီး အဆိုပါလားရာကို ပြန်လည်တည့်မတ်ရန် အလွန်နောက်မကျသေးဟုလည်း ဆိုသည်။

    ယန်းဟီးလီ၏ ၁၂ ရက်ကြာ မြန်မာနိုင်ငံခရီးစဉ်မှာ သောကြာနေ့က အဆုံးသတ်ခဲ့ပြီး ထိုခရီးစဉ်အတွင်း ရခိုင်ပြည်နယ်သို့ သွားရောက်ခဲ့သော်လည်း တိုက်ပွဲများဖြစ်ပွားရာ ကချင်ပြည်နယ်သို့ သွားရောက်ခွင့် မရခဲ့ပေ။ လီကမူ ကချင်ပြည်နယ်တွင် အခြေအနေ ဆိုးရွားလာသည်ကို ထင်ထင်ရှားရှား မြင်နေရပြီး ထိုဒေသတွင် နေထိုင်သည့် ပြည်သူများကလည်း အခြေအနေမှာ ပြီးခဲ့သည့်နှစ်များကထက် ပိုမိုဆိုးရွားလာခဲ့ကြောင်း ပြောကြားမှုရှိခဲ့သည်ဟု ဆိုသည်။

    သူမမှာ ရခိုင်ပြည်နယ်တွင် အစိုးရစစ်တပ်၏ လုပ်ရပ်များကိုလည်း ဝေဖန်ခဲ့ပြီး၊ စစ်တပ်က ဆောင်ရွက်နေသည့် စစ်ဆင်ရေးများတွင် ရိုဟင်ဂျာများ၏ အခွင့်အရေးများနှင့် ဂုဏ်သိက္ခာတို့ကို အလေးထားပုံမရဟုလည်း ပြောကြားခဲ့သည်။ ရခိုင်မြောက်ပိုင်းတွင် အစိုးရစစ်တပ်က ပြုလုပ်နေသော စစ်ဆင်ရေးများကြောင့် ရိုဟင်ဂျာပြည်သူ ၆၅၀၀၀ ခန့်မှာ ဘင်္ဂလားဒေ့ရ်ှနိုင်ငံသို့ ဖြတ်ကျော်ထွက်ပြေးရသည်ဟု သတင်းများက ဖော်ပြကြသည်။

    လူ့အခွင့်အရေးအဖွဲ့များနှင့် ရိုဟင်ဂျာအရေး တက်ကြွလှုပ်ရှားသူများက ရိုဟင်ဂျာများ၏ နေအိမ်ပေါင်း ၁၀၀၀ ကျော်မှာ မီးရှို့ ဖျက်ဆီးခြင်း ခံခဲ့ရသည်ဟု စွပ်စွဲပြောကြားထားသည်။ ထိုကဲ့သို့ မီးလောင်မှုမှာ ယိုင်နဲ့နဲ့အိမ်များနေရာတွင် ပိုမိုကောင်းမွန်သည့်အိမ်များ ဆောက်လုပ်ရန် နိုင်ငံတကာ၏ အကူအညီကို မျှော်ကိုး၍ ရိုဟင်ဂျာဒေသခံများမှာ ၎င်းတို့၏ အိမ်ကို ၎င်းတို့ကိုယ်တိုင် မီးရှို့ခြင်းဖြစ်သည်ဟု အစိုးရက မိမိကို ပြောကြားခဲ့ကြောင်း လီက ဖွင့်ဟခဲ့သည်။

    “ဒီပြောကြားမှုအတွက် အာဏာပိုင်တွေက အထောက်အထား ဘာမှ မပေးပါဘူး။ ဒီစောဒကဟာ ယုံကြည်လောက်စရာ မရှိဘူးဆိုတာကို ကျွန်မ တွေ့ခဲ့ရပါတယ်” ဟု ကုလအထူးကိုယ်စားလှယ်က ပြောကြားခဲ့သည်။

    အစိုးရအနေဖြင့် ရခိုင်ပြည်နယ်အတွင်းရှိ လုံခြုံရေးတပ်ဖွဲ့များအား တိုက်ခိုက်မှုများကို အကြောင်းပြ၍မရဘဲ ထိုတိုက်ခိုက်မှုများမှာ ‘ရိုဟင်ဂျာလူ့အဖွဲ့အစည်းအပေါ် ဆယ်စုနှစ်များစွာ စနစ်ကျနှင့် အခြေခံကျကျ ခွဲခြားဆက်ဆံမှု အကြောင်းအရင်းကြောင့် ဖြစ်ပေါ်လာခြင်းဖြစ်ကြောင်း၊ မျှော်လင့်ချက်ကင်းမဲ့နေသူများအနေဖြင့် မျှော်လင့်ချက်မဲ့သော အလုပ်များကို လုပ်ခြင်းဖြစ်ကြောင်း’ လီက ထပ်လောင်း ပြောကြားခဲ့သည်။

    ယန်းဟီးလီမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ အခြားသော ၀န်ကြီးများနှင့် တွေ့ဆုံခဲ့ပြီး၊ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တွေ့ဆုံရန် ငြင်းဆန်ခဲ့သည်။

    ၎င်းနှင့် စကားပြောခဲ့သူ၊ ပြောချင်သူ အရပ်သားများ လက်တုန့်ပြန်ခြင်းခံရနိုင်သည်ဆိုသည့် စိုးရိမ်မှုများ မိမိတွင်ရှိနေပြီး၊ ရိုးရိုးသားသား၊ မှန်မှန်ကန်ကန် ပြောခဲ့သူများ လက်တုန့်ပြန်မခံရစေရန် ဆောင်ရွက်ရေး အာဏာပိုင်းများအား တိုက်တွန်းခဲ့သည်ဟု ကုလအထူးကိုယ်စားလှယ်က ပြောကြားခဲ့သည်။

    “စိတ်ပူတာက ‘ဒီတွေ့ဆုံမှုပြီးရင် ကျွန်တော် ဘာဖြစ်မလဲမသိဘူး’ လို့ ကျွန်မနဲ့ တွေ့တဲ့သူတွေ တော်တော်များများက ပြောကြတာပါ။ တစ်ကြိမ်မှာ လူတစ်ယောက်က ဒီစကားပြောဆိုမှုပြီးရင် သူတို့ အဖမ်းခံရမယ်လို့ထင်တယ်လို့ ကျွန်မကို ဒဲ့ပဲပြောပါတယ်။ လူ့အဖွဲ့အစည်းနှစ်ခု တစ်ဖက်စီ သီးခြားနေထိုင်တဲ့ နောက်တစ်ရွာမှာဆိုရင် ကျွန်မက ကျွန်မနဲ့စကားပြောတဲ့သူတွေအဆင်ပြေပါ့မလားလို့ မေးခဲ့ပါတယ်။ အဲဒီအချိန်မှာ ‘ကျွန်တော်ကြောက်တယ်။ အမှန်ပြောလို့ရမှာမဟုတ်ဘူး’ လို့ ပြန်ဖြေတာ ကြားခဲ့ရပါတယ်”

    Ref: New York Times

  • ကချင်ကျောင်းဆရာမနှစ်ဦး အသတ်ခံရမှု ၂ နှစ်ကြာသည်အထိ အမှုမှန် မပေါ်သေး

    ကချင်ကျောင်းဆရာမနှစ်ဦး အသတ်ခံရမှု ၂ နှစ်ကြာသည်အထိ အမှုမှန် မပေါ်သေး

    ဇန်န၀ါရီ ၂၁၊ ၂၀၁၇
    M-Media

    – ၂၀၁၅ ခုနှစ် ဇန်န၀ါရီလက အဓမ္မပြုကျင့် အသတ်ခံခဲ့ရသည့် ကချင် စေတနာ့ဝန်ထမ်း ကျောင်းဆရာမနှစ်ဦး၏ အမှုမှာ ၂ နှစ်တာကြာမြင့်ခဲ့သော်လည်း အမှုမှန် မပေါ်ပေါက်သေးသည့်အတွက် စိတ်ပျက်ရသည်ဟု တက်ကြွလှုပ်ရှားသူများက ပြောကြားလိုက်သည်။

    ၂ နှစ်ပြည့် ၀တ်ပြုဆုတောင်းမှုမျာကို ရန်ကုန်၊ မူဆယ်နှင့် မြစ်ကြီးနားတို့တွင် ဇန်န၀ါရီ ၁၉ ရက်နေ့က ပြုလုပ်ခဲ့ကြပြီး အရပ်ဖက်အဖွဲ့အစည်းများ၊ လူ့အဖွဲ့အစည်းခေါင်းဆောင်များက ထိုကဲ့သို့ ပြောကြားခဲ့ခြင်းဖြစ်သည်။

    “NLD အစိုးရအနေနဲ့ အခြေအနေကို တိုးတက်အောင် မဆောင်ရွက်နိုင်မှုကြောင့် ကျွန်တော်တို့အနေနဲ့ ယုံကြည်မှု ပျောက်ဆုံးသွားပါပြီ။ လူသတ်သမားတွေကို ဖော်ထုတ်ဖို့အတွက် အာဏာပိုင်တွေက ဘာ့ကြောင့် ကြောက်ရွံ့နေလဲဆိုတာ ကျွန်တော် နားမလည်ပါဘူး။ ဘယ်သူတွေ ကျူးလွန်တယ်ဆိုတာ လူတိုင်းက သိနေပါတယ်” ဟု ကချင်နှစ်ခြင်း ခရစ်ယာန်အဖွဲ့ချုပ် (KBC) မှ အထွေထွေအတွင်းရေးမှူး သိက္ခာတော်ရဆရာတော် Samson Hkalam က ပြောကြားခဲ့သည်။

    သေဆုံးသွားခဲ့သည့် အသက် ၂၀ အရွယ် Maran Lu Ra နှင့် အသက် ၂၁ နှစ်အရွယ် Tangbau Hkwan Nan Tsin တို့မှာ KBC မှ စေတနာ့ဝန်ထမ်း ကျောင်းဆရာမနှစ်ဦးဖြစ်ပြီး ရှမ်းပြည်နယ်မြောက်ပိုင်းရှိ ကောင်းခါးကျေးရွာတွင် တာဝန်ထမ်းဆောင်နေစဉ် ဇန်န၀ါရီ ၁၉ ရက်နေ့က အဓမ္မပြုကျင့် သတ်ဖြတ်ခံခဲ့ရခြင်းဖြစ်သည်။

    အခင်းဖြစ်ပွားသည့်အချိန်တွင် အဆိုပါဒေသမှာ မြန်မာအစိုးရစစ်တပ်၏ ထိန်းချုပ်မှုအောင်တွင် ရှိနေသည်ဟု ဒေသခံများက ပြောကြားခဲ့ကြသည်။ ထိုအမှုအတွက် တရားဝင်စုံစမ်းစစ်ဆးမှုများမှာ လက်ရှိတွင် ရပ်တန့်နေပြီး အာဏာပိုင်များကလည်း စိတ်ဝင်စားမှုမရှိချေ။

    ပြီးခဲ့သည့်နှစ်အတွင်း KBC က သမ္မတဦးထင်ကျော်၊ မြန်မာနိုင်ငံမှ လူ့အခွင့်အရေးဆိုင်ရာ ကုလအထူးကိုယ်စားလှယ် ယန်ဟီးလီတို့အား ထိုကိစ္စနှင့်ပတ်သက်၍ တင်ပြခဲ့သော်လည်း မည်သည့်တုန့်ပြန်မှုမှ မရခဲ့ပေ။

    မူဆယ်မြို့နယ် ရဲတပ်ဖွဲ့က ပြုလုပ်ခဲ့သည့် စုံစမ်းစစ်ဆေးမှုတွင် မျိုးတင့်နှင့် မပါဆိုသည့် ဒေသခံဇနီးမောင်နှံနှစ်ဦးအား အဓိက သံသယရှိသူအဖြစ် သတ်မှတ်ခဲ့သော်လည်း ဒေသတွင်း အန်ဂျီအိုအဖွဲ့များက ၎င်းတို့နှစ်ဦးမှာ ဓားစားခံများသာဖြစ်သည်ဟု ယုံကြည်နေကြသည်။

    အခင်းဖြစ်ပွားသည့်ရွာနှင့် ကီလိုမီတာ ၁၀၀ (ပေ ၃၃၀) အကွာတွင် အရှေ့မြောက်ပိုင်းတိုင်း စစ်ဌာနချုပ်အောက်ရှိ အမှတ် ၅၀၃ ခြေမြန်တပ်ရင်းတစ်ခုက ယာယီစခန်းချ တပ်စွဲထားပြီး၊ အခင်းမဖြစ်ပွားခင် ၂ ရက်အရင်က အခင်းဖြစ်ပွားရာနေရာတွင် စစ်တပ်သုံး ခါးပတ်တစ်ခုနှင့် စစ်ဖိနပ်ရာများ တွေ့ခဲ့ရသည်ဟု သတင်းများ ထွက်ပေါ်ခဲ့သည်။

    အခင်းဖြစ်ရာနေရာမှ ရရှိခဲ့သည့် ပစ္စည်းများ၏ DNA စစ်ချက်မှာ စစ်သား ၂၈ ဦးနှင့် ရွာသား ၃၈ ဦးတို့ထံမှ ရယူထားသည့် DNA နမူနာများနှင့် တူညီမှုရှိ၊ မရှိကိုလည်း လူသိရှင်ကြား ကြေငြာခြင်း မရှိပေ။ အမှုမှန်ပေါ်ပေါက်ရေးအတွက် ဆောင်ရွက်သွားမည်ဟု NLD နှင့် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့က ပြောကြားခဲ့သော်လည်း ရလဒ်ကို မမြင်ရသေးပေ။

    Ref: mmtimes