သြဂုတ် ၉ ၊ ၂၀၁၅
M-Media
ဂျေရုဆလင်။ ။ သဟဇာတဖြစ်မှု ဆန့်ကျင်ရေး အစွန်းရောက်အုပ်စု Lehava ၏ ခေါင်းဆောင် ဘင်ဇီ ဂေါ့ဗ်စတိန်း(Benzi Gopstein) သည် ဂျူးဘာသာရေး ကျောင်းသားများနှင့် တွေ့ဆုံမှု တစ်ရပ်၌ ခရစ်ယာန်ဝတ်ပြုကျောင်းများကို ဖျက်ဆီးပစ်ရမည်ဟု ပြောကြားခဲ့သည်။
ယင်းဟောပြောပွဲသို့ တက်ရောက်လာသည့် ဂျူး ဘုန်းတော်ကြီး မိုရှေးကလိန်း Moshe Klein က ဂေါ့ဗ်စတိန်း၏ ရပ်တည်ချက်ကို မေးခွန်း ထုတ်လိုက်ပြီး အဆိုပါခြေလှမ်းမျိုးအား လက်ရှိ ကမ္ဘာက ဆန့်ကျင်ဖို့လိုအပ်ကြောင်း အချေအတင် ပြောဆိုလိုက်သလို၊ ဘင်ဇီဂေါ့ဗ်စတိန်း၏ပြောကြားမှုအပေါ် တုန်လှုပ်မိကြောင်း ဂျာနယ်လစ် ဘင်နီ ရာဗင်နိုဗိခ်ျ Beny Ravinovich ကလည်း ဆိုခဲ့သည်။
စကားအချေအတင်လွန်ဆွဲမှုပြီးသည့်နောက်ဝယ် ဂေါ့ဗ်စတိန်းက မိမိသည် အကြမ်းဖက်မှုလှုံ့ဆော်ရန် ပြောဆိုခြင်းမဟုတ်၊ စပိန်နွယ် ဂျူးလူမျိုးဖြစ်သော ဘုန်းတော်ကြီး Rambam Maimonides ၏ အတွေးအမြင်ကို ရှင်းလင်းတင်ပြခြင်းသာဖြစ်သည်ဟု ဆိုသည်။
လီဟာဗာ Lehava သည် ဂျူးနှင့် ဂျူး မဟုတ်သူများအကြား သဟဇာတဖြစ်ရေးအပေါ် ဆန့်ကျင်သည့် အတွေးအမြင်များကို ဖြန့်ဖြူးနေပြီး၊ လိင်တူဆက်ဆံမှုကို ပြစ်တင်ရှုတ်ချနေသော အဖွဲ့အစည်းတစ်ခုဖြစ်သည်။
ထိုအချက်နှင့်ပတ်သက်၍ ခေတ်သစ် ဂျူးဝါဒနှင့်ပြန်လည်ပြုပြင်ရေးဆိုင်ရာ တရားဝင် အဖွဲ့အစည်းဖြစ်သော အစ္စရေး ဘာသာရေးစင်တာ IRAC – Israel Movement for Reform and Progressive Judaism မှ ဂေါ့ဗ်စတိန်း၏ မှတ်ချက်များအပေါ် စိုးရိမ်မိကြောင်း ထုတ်ဖော်ပြောကြားသည်။ IRAC သည် သူ၏အငြင်းပွားဖွယ် အမြင်ရှုထောင့်များအား အာဏာပိုင်များ၏ခေါ်ယူမေးမြန်းမှုခံယူရန် ကနဦးကပင် တောင်းဆိုထားခဲ့သည်။
ဂေါ့ဗ်စတိန်း၏ စကားရပ်များအတွက် ချက်ခြင်း အရေးယူမှု မပြုပါက ဥပဒေစနစ်မှာ သွေးထိုးလှုံ့ဆော်မှု၊ လူမျိုးခွဲခြားမှုနှင့် အကြမ်းဖက်မှုများကို ခွင့်ပြုထားသည်ဟု အစ္စရေး လူ့အဖွဲ့အစည်းအပေါ် အများမှ သတ်မှတ်လိမ့်မည်ဖြစ်ကြောင်း IRAC ခေါင်းဆောင် ဘုန်းတော်ကြီး ဂီလာ့ဒ် ကာရိဗ် Gilad Kariv က ပြောဆိုလိုက်သည်ဟု ကြာသပတေးနေ့ထုတ် Haaretz နေ့စဉ် သတင်းစာ၌ ရေးသားဖော်ပြခဲ့သည်။
–IANS/EFE
ဓါတ်ပုံအညွှန်း- ၂၀၁၄ ခုနှစ် ဒီဇင်ဘာလ အတွင်း တရားရုံမှာ အမှုရင်ဆိုင်နေရသည့် ဘင်ဇီ ဂေါ့ဗ်စတိန်း
