News @ M-Media

Tag: FA Cup

  • လီဗာပူးလ်၏ အဆုံးအဖြတ်ဂိုးအတွက် ကော်တင်ဟိုအား ဟန်ဒါဆန်ချီးကျူး

    လီဗာပူးလ်၏ အဆုံးအဖြတ်ဂိုးအတွက် ကော်တင်ဟိုအား ဟန်ဒါဆန်ချီးကျူး

    ဧပြီ ၉၊ ၂၀၁၅
    M-Media

    handderson

    – FA ဖလား ကွာတားဖိုင်နယ်တွင် အသင်းအတွက် အရေးပါသည့် အနိုင်ဂိုး သွင်းပေးခဲ့သော လီဗာပူးလ်ကစားသမား ဖိလစ်ပီ ကော်တင်ဟိုအား အသင်းဖော် ဂျော်ဒန်ဟန်ဒါဆန်က ချီးကျူးပြောဆိုလိုက်သည်။

    ယနေ့နံနက်က ကစားခဲ့သော FA ဖလား ကွာတားဖိုင်နယ် ပြန်ကန်ပွဲစဉ်တွင် လီဗာပူးလ်းမှာ ဘလက်ဘန်းအသင်းအား ကော်တင်ဟို၏ တစ်လုံးတည်းသော အနိုင်ဂိုးဖြင့် အနိုင်ရရှိကာ နောက်တစ်ဆင့်သို့ တက်ရောက်နိုင်ခဲ့သည်။ ကော်တင်ဟို၏ ထိုဂိုးမှာ ဟန်ဒါဆန်နှင့် ၀မ်းတူးရိုက်၍ သွင်းယူခဲ့ခြင်းဖြစ်သည်။

    ထိုပွဲအနိုင်ကြောင့် လီဗာပူးလ်မှာ ဆီးမီးဖိုင်နယ်တွင် အက်စတွန်ဗီလာအသင်းနှင့် တွေ့ဆုံရမည်ဖြစ်ပြီး နည်းပြ ဘရန်ဒန်ရော်ဂျာ၏ လီဗာပူးလ်အသင်းနှင့် ပထမဆုံး ဖလားကိုင်မြှောက်ရေး မျှော်လင့်ချက်မှာလည်း ရှင်သန်လာခဲ့သည်။

    “ဖိလစ်ပီ(ကော်တင်ဟို) ဟာ ဘောလုံးမှာ ဦးနှောက်ကောင်းကောင်း သုံးတတ်ပါတယ်။ သူ့ရဲ့ ဒီညင်ကလေးက ကျွန်တော်တို့ကို နိုင်စေခဲ့တာပါ” ဟု ဟန်ဒါဆန်က BT Sport သို့ ပြောကြားခဲ့သည်။

    လီဗာပူးလ်အသင်း ပရီးမီးယားလိဂ်တွင် မန်ယူနှင့် အာဆင်နယ်တို့အား ရှုံးနိမ့်ခဲ့ပြီး ချန်ပီယံလိဂ် ၀င်ခွင့်နေရာ မှေးမှိန်ခဲ့ခြင်းက FA ဖလားအတွက် ပို၍ အရေးပါသွားခဲ့သည်ဟုလည်း ၎င်းက ၀န်ခံခဲ့သည်။

    လီဗာပူးလ်နည်းပြ ရော်ဂျာကလည်း ပြီးခဲ့သည့်တစ်ပတ် အာဆင်နယ်အား ၄ ဂိုး ၁ ဂိုးဖြင့် ရှုံးနိမ့်ခဲ့ခြင်းက ဘလက်ဘန်းအသင်းအား အနိုင်ရရှိရေးအတွက် အကူအညီဖြစ်စေခဲ့သည်ဟု ပြောကြားခဲ့သည်။

    ဆီးမီးဖိုင်နယ်နှင့်ပတ်သက်၍ ဟန်ဒါဆန်က “ကျွန်တော်တို့ ၀င်ဘလေမှာ ဗီလာနဲ့ ကစားရမှာပါ။ ဒီပွဲဟာ ခက်ခဲမယ်ဆိုတာ သေချာပါတယ်။ ဘာ့ကြောင့်လည်းဆိုတော့ သူတို့ဟာ အသင်းကောင်းတစ်သင်း ဖြစ်လို့ပါ” ဟု ပြောကြားခဲ့သည်။

    Ref: Goal.com

  • FA နိုင်ပွဲက စိတ်ဓာတ်မြှင့်တင်ပေးသည်ဟု အာဆင်နယ်နည်းပြ ၀င်းဂါးဆို

    FA နိုင်ပွဲက စိတ်ဓာတ်မြှင့်တင်ပေးသည်ဟု အာဆင်နယ်နည်းပြ ၀င်းဂါးဆို

    မတ် ၁၀၊ ၂၀၁၅
    M-Media

    ase

    – FA ဖလား ကွာတားဖိုင်နယ်တွင် မန်ယူအား အနိုင်ရရှိခဲ့ခြင်းမှာ အရှေ့တွင်ရှိနေသည့် အရေးပါသည့် ပွဲများအတွက် မိမိတို့အသင်း၏ စိတ်ဓာတ်အား မြှင့်တင်ပေးလိုက်ခြင်းဖြစ်သည်ဟု အာဆင်နယ်နည်းပြ အာဆင်ဝင်းဂါးက ပြောကြားလိုက်သည်။

    ယနေ့နံနက်က ကစားခဲ့သည့် အဆိုပါပွဲတွင် အာဆင်နယ်မှာ နာချို မွန်ရီယဲလ်နှင့် ဒန်နီယဲလ်ဝဲလ်ဘတ်တို့၏ ဂိုးများဖြင့် အနိုင်ရခဲ့ပြီး ဆီးမီးဖိုင်နယ်သို့ တက်ရောက်နိုင်ခဲ့ပြီဖြစ်သည်။ ၀င်းဂါးကမူ အိုးထရက်ဖို့ဒ်တွင် ရှားရှားပါးပါး အနိုင်ရခဲ့ခြင်းက နောက်တစ်ဆင့်တက်ရေး ခက်ခက်ခဲခဲရုန်းကန်ရမည့် ချန်ပီယံလိဂ် ဒုတိယအကျော့်အတွက် ယုံကြည်မှုများ ပိုလာခဲ့သည်ဟု ပြောကြားခဲ့သည်။

    “ကျွန်တော်တို့ ပြိုင်ပွဲတိုင်းမှာ ယှဉ်ပြိုင်ချင်ပါတယ်။ ပြီးတော့ ဒီကနေ့ရလဒ်ဟာ FA ဖလားအတွက်၊ ပရီးမီးယားလိဂ်အတွက်၊ အရမ်းအရေးပါတဲ့ ချန်ပီယံလိဂ် အဝေးကွင်းပွဲစဉ်အတွက် ကောင်းမွန်တဲ့ စိတ်ဓာတ်ပိုင်းဆိုင်ရာကို ဖြစ်စေပါတယ်။ အဓိကအရေးအကြီးဆုံးက အသင်းဟာ ကောင်းမွန်တဲ့အဆင့်မျိုးမှာ ကစားနိုင်တာဖြစ်ပြီး ဒါကိုလည်း ကျွန်တော်တို့ လုပ်နိုင်ခဲ့ပါတယ်” ဟု ပွဲအပြီးတွင် ၀င်းဂါးက BBC သတင်းဌာနသို့ ပြောကြားခဲ့သည်။

    ထို့ပြင် ၀င်းဂါးမှာ အသင်းဟောင်းနှင့် ပထမဆုံး ပြန်တွေ့သည့်ပွဲတွင် ဂိုးသွင်းနိုင်ခဲ့သည့် တိုက်စစ်မှူး ၀ဲလ်ဘတ်ကိုလည်း ချီးကျူးခဲ့သည်။ FA ဖလား ဆီးမီးဖိုင်နယ် တက်ရောက်သွားခဲ့သည့် အာဆင်နယ်မှာ ရီးဒင်းနှင့် ဘရက်ဖို့ဒ်တို့ပွဲမှ အနိုင်ရသည့်အသင်းနှင့် ကစားရမည်ဖြစ်ပြီး ၀င်းဂါးကမူ သတိထားနေသည်။

    “ပြီးခဲ့တဲ့နှစ်က ကျွန်တော်တို့ဟာ ၀င်ဘလေကွင်းမှာ ခန့်မှန်းလို့မရတဲ့ ဆီမီးဖိုင်နယ်ပွဲကို ကစားခဲ့ရပါတယ်”

    ချန်ပီယံလိဂ် ၁၆ သင်းအဆင့် ပထမအကျော့ အိမ်ကွင်းတွင် မိုနာကိုအသင်းအား ၃ ဂိုး ၁ ဂိုးဖြင့် ရှုံးနိမ့်ခဲ့သည့် အာဆင်နယ်မှာ ဒုတိယအကျော့အဖြစ် ယခုတစ်ပတ်တွင် ကစားရမည်ဖြစ်သည်။

    Ref: Goal.com

  • FA ဖလားပွဲ အပြုအမူအတွက် ဒီမာရီယာအား ဗန်ဂါးလ်ဝေဖန်

    FA ဖလားပွဲ အပြုအမူအတွက် ဒီမာရီယာအား ဗန်ဂါးလ်ဝေဖန်

    မတ် ၁၀၊ ၂၀၁၅
    M-Media

    van gal

    – ယနေ့နံနက်က ကစားခဲ့သည့် FA ဖလားကွာတားဖိုင်နယ်ပွဲတွင် အထုတ်ခံခဲ့ရသော ကွင်းလယ်လူ ဒီမာရီယာ၏ အပြုအမူအတွက် မန်ယူနည်းပြ ဗန်ဂါးလ်က ဝေဖန်လိုက်ပြီး ဒီမာရီမှာ ပါးနပ်မှုမရှိဟု ပြောကြားလိုက်သည်။

    အာဆင်နယ်အား ၂ ဂိုး ၁ ဂိုးဖြင့် ရှုံးနိမ့်ခဲ့သည့် အဆိုပါပွဲတွင် ဒီမာရီယာမှာ အာရွန်ရမ်ဆေးနှင့် ဘောလုံးယှဉ်လုစဉ် ဟန်ဆောင်လှဲချခဲ့သောကြောင့် ဒိုင်လူကြီးက အ၀ါကဒ်ပြ သတိပေးခဲ့ပြီး ထိုသတိပေးမှုကို မကျေနပ်သောကြောင့် ကွင်းလယ်ဒိုင်အား စောင့်တွန်းခဲ့သည့်အတွက် နောက်ထပ်အ၀ါကဒ် ထပ်မံပြသခြင်း ခံခဲ့ရာကာ နှစ်ဝါတစ်နီဖြင့် အထုတ်ခံခဲ့ရသည်။

    ဗန်ဂါးလ်ကမူ ဒီမာရီယာအနေဖြင့် အခြေအနေကို ပိုကောင်းအောင် ကိုင်တွယ်ခဲ့သင့်သည်ဟု ယုံကြည်နေသည်။

    “ဒီအခြေအနေတွေမှာ ဒိုင်လူကြီးရဲ့ ဆုံးဖြတ်ချက်ကို ကျွန်တော်တို့ ကြည့်ရမှာပါ။ သူဘယ်လိုလုပ် ဆုံးဖြတ်ချက် ချခဲ့သလဲ၊ ဘယ်လိုနည်းနဲ့ ဆုံးဖြတ်ချက် ချခဲ့သလဲဆိုတာ ကျွန်တော် ဗီဒီယိုခွေ ကြည့်ချင်ပါတယ်။ ဒါပေမယ့် ဒိုင်လူကြီးကို သွားတွန်းတာမျိုး မလုပ်ရဘူးဆိုတာ ကျွန်တော်နဲ့ ဒီမာရီယာ နှစ်ယောက်စလုံးလည်း သိပါတယ်။ ဒါဟာ သူ လိမ္မာပါးနပ်မှု မရှိတာပါပဲ။ ဒီလိုပွဲမျိုးမှာ စိတ်ခံစားမှု သိပ်မလွယ်ရပါဘူး။ ဒါကို ပွဲမတိုင်ခင်မှာလည်း ကျွန်တော်ပြောခဲ့ပါတယ်။ ဒီလိုမျိုးပွဲမှာ အနီကဒ်ဟာ လွယ်လွယ်ထွက်လာမယ်ဆိုတာလည်း ကျွန်တော်သိပါတယ်” ဟု ဗန်ဂါးလ်က ပွဲအပြီးတွင် ပြောကြားခဲ့သည်။

    ထို့ပြင် ဒီမာရီယာအား ပြသခဲ့သည့် အနီကဒ်မှာ မျှတသည့်အနီကဒ် ဟုတ်၊ မဟုတ်ကို မှတ်ချက်မပေးချင်ကြောင်း၊ ဒိုင်လူကြီးအား ကိုယ်ထိလက်ရောက် ပြု၍မရဟု ဒီမာရီယာလည်းသိပြီး ကစားသမားတိုင်းလည်း သိရှိကြောင်း၊ အသင်း၏ ကစားပုံအတွက်လည်း စိတ်ပျက်မိကြောင်း ဗန်ဂါးလ်က ထပ်လောင်းပြောကြားခဲ့သည်။

    ယခုပွဲအရှုံးကြောင့် မန်ယူမှာ FA ဖလားမှ ထွက်ခဲ့ရကာ ဖလားမျှော်လင့်ချက် အဆုံးသတ်ခဲ့ရပြီး လာမည့်နှစ် ချန်ပီယံလိဂ် ၀င်ရောက်ယှဉ်ပြိုင်ခွင့်ရရေးသာ ကြိုးစားရတော့မည်ဖြစ်သည်။

    Ref: Goal.com

  • လီဗာပူးလ်နောက်ခံလူဟောင်းက ဘာလော့တယ်လီကို ပြင်းပြင်းထန်ထန် ဝေဖန်

    လီဗာပူးလ်နောက်ခံလူဟောင်းက ဘာလော့တယ်လီကို ပြင်းပြင်းထန်ထန် ဝေဖန်

    မတ် ၉၊ ၂၀၁၅
    M-Media

    lawrenson

    – တိုက်စစ်မှူး ဘာလော့တယ်လီမှာ နေရာလွတ်များကို ဖြုန်းတီးသူဖြစ်ပြီး လီဗာပူးလ်အသင်းအား ကောင်းကျိုးပေးမည့်သူ မဟုတ်ဟု နောက်ခံလူဟောင်း မာ့က်လော်ရန်ဆန်က ဝေဖန်ပြောကြားလိုက်သည်။

    ယမန်နေ့က ဘလက်ဘန်းအသင်းနှင့် ကစားခဲ့ပြီး ဂိုးမရှိသရေကျခဲ့သည့် FA ဖလား ကွာတားဖိုင်နယ်ပွဲတွင် ဘာလော့တယ်လီမှာ ၅၉ မိနစ်၌ လူစားထိုး ၀င်ရောက်ကစားခဲ့သော်လည်း ခြေစွမ်းကောင်းများ ပြသနိုင်ခြင်း မရှိခဲ့ချေ။

    ယခုနှစ်နွေရာသီတွင် လီဗာပူးလ်သို့ ပေါင် ၁၆ သန်းဖြင့် ရောက်လာခဲ့သည့် ဘာလော့တယ်လီမှာ အသင်းအတွက် ယခုအချိန်အထိ ၄ ဂိုးသာ သွင်းထားပေးနိုင်ပြီး ဝေဖန်မှုများနှင့် ရင်ဆိုင်နေရသူဖြစ်သည်။ လော်ရန်ဆန်ကမူ BBC Radiao 5 Live သို့ပြောကြားမှုတွင် ဘာလော့တယ်လီအား ပြင်းပြင်းထန်ထန် ဝေဖန်ခဲ့သည်။

    “မာရီယိုဘာလော့တယ်လီကို မေ့လိုက်ပါ။ သူက တကယ့်ကို အချိန်ဖြုန်းသမားပါပဲ။ ဒီအသင်းမှာ ဘယ်လိုနေရာမျိုးမှာမှ သူ မရှိသင့်ပါဘူး။ တစ်ခုခုများ ဖန်တီးနိုင်မလားဆိုတဲ့အတွေးနဲ့ ဘရန်ဒန်ရော်ဂျာက သူတို့ ထည့်ကစားတယ်ဆိုတာ ကျွန်တော်သိပါတယ်။ ဒါပေမယ့် အကြိမ် ၁၀၀ မှာ ၉၉ ကြိမ်လောက်ကို သူက ဒုက္ခပေးမှာပါ” ဟု လော်ရန်ဆန်က ထည့်သွင်းပြောကြားခဲ့သည်။

    ထိုပွဲတွင် ပွဲအခြေအနေ မှတ်တမ်းများအရ ဘာလော့တယ်လီမှာ ကွင်းအတွင်းသို့ ၀င်ရောက်လာပြီးနောက်ပိုင်း ဂိုးပေါက်ကို တစ်ကြိမ်သာ ကန်သွင်းနိုင်ခဲ့သည်ကို တွေ့ခဲ့ရသည်။

    ဘာလော့တယ်လီမှာ လီဗာပူးလ်သို့ ရောက်ရှိလာပြီးနောက်ပိုင်း ပြဿနာအချို့နှင့်လည်း ရင်ဆိုင်ခဲ့ရပြီး မကြာသေးမီက ဘက်ခီတက်နှင့် ကစားခဲ့သည့် ယူရိုပါလိဂ်ပွဲတွင် ဟန်ဒါဆန်၏ ပင်နယ်တီကန်သွင်းခွင့်ကို လုယူခဲ့သည့်အတွက် အသင်းဖော်များနှင့် မကျေမလည် ဖြစ်ခဲ့ရသည်။

ုထို့ပြင် အသင်းတွင် ၎င်းအား မကြိုက်သူတစ်ဦး ရှိနေသည်ဟု မတ်လ ၄ ရက်နေ့က ၎င်း၏ ဆိုရှယ်စာမျက်နှာတွင် ဘာလော့တယ်လီက လွှင့်တင်ခဲ့သည်။

    Ref: Dailymail