မေ ၁၃၊ ၂၀၁၇
M-Media
– ‘လက်ဗွေရာစနစ်’ ဆိုတာ တစ်ကိုယ်ရေသုံး ဖုန်းတွေကနေတစ်ဆင့်၊ အသင်းအဖွဲ့တွေ၊ အစိုးရဌာနတွေ၊ ဘဏ်တွေ၊ လုံခြုံရေးဌာနတွေအထိ ဒီနေ့ခေတ် လုံခြုံရေးကဏ္ဍမှာ ကျယ်ကျယ်ပြန့်ပြန့်အသုံးပြုနေကြတဲ့ စနစ်တစ်ခု ဖြစ်ပါတယ်။
ရဲတပ်ဖွဲ့အတွက်တော့ ဒီနစ်ဟာ ရာဇ၀တ်မှု နှိမ်နှင်းရေး၊ ဖော်ထုတ်ဖမ်းဆီးရေးမှာ မရှိမဖြစ် အရေးပါတဲ့ စနစ်တစ်ခုပါ။
ဒီနစ်ကို ဗြိတိသျှအုပ်စိုးတဲ့ အိန္ဒိယ၊ ဘန်ဂေါလ်ပြည်နယ် ရဲတပ်ဖွဲ့ရဲ့ စုံစမ်းစစ်ဆေးရေးမှူးချုပ် ဆာ အဒ်ဝပ် ရစ်ချက် ဟင်နရီက ၁၈ ရာစုနှောင်းပိုင်းလောက်မှာ စတင် ဖော်ထုတ်အသုံးပြုခဲ့ပြီး သူ့ရဲ့အမည်ကို အစွဲပြုကာ Henry Classification System လို့ ခေါ်တွင်ပါတယ်။
ဒါပေမယ့် ဒီ လက်ဗွေရာစနစ် ပေါ်ပေါက်လာဖို့ ကြိုးပမ်းပေးခဲ့တာက အာရှသားနှစ်ဦးဖြစ်တဲ့ ဘင်္ဂါလီလူမျိုး ခန်း ဘဟာဒူးရ် ကွာဇီ အဇီဇွလ် ဟက်နဲ့ ဟမ် ချန်ဒရာ ဘူးဇ်တို့ ဖြစ်ပါတယ်။ ဒီထဲမှာ ခန်း ဘဟာဒူးရ် ကွာဇီ အဇီဇွလ် ဟက်ရဲ့ ဘ၀ဖြတ်သန်းမှုဟာ စိတ်ဝင်စားဖို့ကောင်းပြီး ယနေ့ခေတ် လူငယ်လူရွယ်တွေအတွက် အတုယူစရာ ဖြစ်ပါတယ်။
အဇီဇွလ် ဟက်ကို အခု ဘင်္ဂလားဒေ့ရ်ှလို့ခေါ်ဆိုပြီး ဗြိတိသျှ အုပ်ချုပ်တုန်းက ဘန်ဂေါလ်ပြည်နယ်လို့ ခေါ်ဆိုတဲ့ဒေသ ခူလ်နာ ခရိုင်၊ ဖူလ်တာလာမြို့က ပိုက်ဂမ် ကက်စ်ဘာဆိုတဲ့ ရွာလေးမှာ ၁၈၇၂ ခုနှစ်က မွေးဖွားခဲ့ပါတယ်။
မိဘနှစ်ပါးကတော့ ဟက် ငယ်ရွယ်စဉ်အချိန်မှာပဲ လှေမတော်တဆဖြစ်မှုတစ်ခုမှာ အသက်ဆုံးရှုံးသွားခဲ့ရကာ မိသားစုအတွင်းမှာ စားဝတ်နေရေး အကြပ်အတည်း ဖြစ်လာတာကြောင့် ဟက်ရဲ့ အစ်ကိုက အလုပ်ထွက်လုပ်ကာ မိသားစုကို ထိန်းကြောင်းခဲ့ရပါတယ်။
ဟက်ဟာ အစာအသောက်ကို ခုံမင်သူဖြစ်ပြီး အသက် ၁၂ နှစ်အရွယ် တစ်နေ့ အစ်ကိုဖြစ်သူအတွက် ဖယ်ထားတဲ့ ထမင်းတစ်ဝက်ကို စားမှုကြောင့် ကြိမ်းမောင်း ငေါက်ငမ်းခံခဲ့ရပါတယ်။ ဒီအဖြစ်အပျက်ကြောင့် အရှက်ကြီးရှက်ပြီး ကြေကွဲဝမ်းနည်းသွားတဲ့ ဟက်ဟာ အိမ်က တိတ်တဆိတ်ခိုးထွက်ကာ ရထားနဲ့ အဲဒီအချိန်က အိန္ဒိယမြို့တော် ကလ်ကတားကို ရောက်ရှိခဲ့ပါတယ်။
ဒါဟာ သူ့ဘ၀ရဲ့ အစလည်းဖြစ်ပါတယ်။
အသက် ၁၂ နှစ်အရွယ်ကောင်လေးတစ်ယောက် ကြက်ပျံမကျစည်ကားတဲ့ မြို့တော်ကြီးကို ယောင်လည်လည်နဲ့ ရောက်လာခဲ့ပေမယ့် ဟက်ဟာ ခြေသလုံးအိမ်တိုင် အပေအတေတစ်ယောက်ဘ၀ မရောက်ခဲ့ပါဘူး။ ဒါဟာ သူ့ရဲ့ ကံကြမ္မာကြောင့်လို့လည်း ပြောလို့ရပါတယ်။
ချမ်းသာပြီး နာမည်ကြီးတဲ့ ဘင်္ဂါလီဘာဘူတစ်ယောက်က သူ့ရဲ့အိမ်ရှေ့မှာ အိပ်ပျော်နေတဲ့ ဟက်ကို တွေ့တဲ့အခါ သနားသွားပြီး အိမ်မှာ တောက်တိုမယ်ရခိုင်းဖို့ ခေါ်ထားခဲ့ပါတယ်။ အဲဒီ ဘင်္ဂါလီဘာဘူဟာ ဟိန္ဒူဘာသာဝင်ပါ။ ဟိန္ဒူဘာသာဝင်တွေဟာ အရမ်း ကွန်ဆာဗေးတစ်ဆန်ပြီး၊ ဇာတ်အဆင့်အတန်းခွဲမှု ကြီးမားတာကြောင့် ဟိန္ဒူအိမ်တစ်အိမ်မှာ မွတ်စလင်ကောင်လေးတစ်ယောက်ကို ခေါ်ထားဖို့ဆိုတာ အဲဒီအချိန်တုန်းက ရှားပါးတဲ့ ဇာတ်လမ်းမျိုးလည်း ဖြစ်ပါတယ်။ ဒါပေမယ့် ဟက်ကတော့ ကံကောင်းခဲ့ပြီး စိတ်နှလုံးသားပြည့်ဝတဲ့ လူတစ်ယောက်နဲ့ တွေ့ဆုံခဲ့တာ ဖြစ်ပါတယ်။
ဒီ သူဌေးကြီးအိမ်မှာ နေထိုင်ရင်း အိမ်က ကလေးတွေကို ဆရာတစ်ယောက်က စာလာသင်ပေးတဲ့ အချိန်တွေမှာဆိုရင် ဟက်ဟာ ဘေးနားမှာ သွားထိုင်ကာ သင်ခန်းစာတွေကို စိတ်ဝင်တစား နားထောင်လေ့ရှိပါတယ်။
ကိန်းဂဏန်းတွေနဲ့ ပတ်သက်ပြီး ပါရမီပါတာကြောင့် အခြားကျောင်းသားတွေ မတွက်နိုင်တဲ့ သင်္ချာပုစ္ဆာတွေကို ဟက်က တွက်ချက်ပြနိုင်ခဲ့ပါတယ်။ ကျူရှင်ဆရာက ဟက်ကို အမျိုးမျိုး စမ်းသပ်ပြီးတဲ့နောက်ပိုင်းမှာ သူ့ရဲ့ စွမ်းရည်ကို အသိမှတ်ပြုခဲ့ပြီး သူဌေးကြီးကို အသိပေးလိုက်ပါတော့တယ်။
သူဌေးကြီးကလည်း ခြေအနေကို စောင့်ကြည့်ခဲ့ပြီး ပါရမီရှိတဲ့ လူငယ်လေးတစ်ယောက်အဖြစ် ယုံကြည်သွားတဲ့နောက်မှာ ဟက်ကို ကျောင်းထားပေးခဲ့ပါတယ်။
ထူးချွန်သူ
ဟက်ဟာ ကျောင်းကို အမှတ်ကောင်းကောင်းနဲ့ အောင်မြင်ခဲ့ပြီး ကလ်ကတားက ဘုရင်ခံကောလိပ်မှာ တက်ရောက်သင်ယူခွင့် ရခဲ့ကာ သင်္ချာနဲ့ သိပ္ပံဘာသာရပ်တွေမှာ ထူးချွန်ခဲ့ပါတယ်။
၁၈၉၂ ခုနှစ်မှာ ဘန်ဂေါလ်ရဲတပ်ဖွဲ့က စုံစမ်းစစ်ဆေးရေးမှူးချုပ် ဆာ အဒ်ဝပ် ရစ်ချက် ဟင်နရီက ကောလိပ်ကျောင်းအုပ်ထံကို စာတစ်စောင်ရေးပြီး သူ့လက်အောက်မှာ အလုပ်ခန့်ဖို့အတွက် သင်္ချာကျွမ်းတဲ့သူတွေကို ရွေးပေးဖို့ တောင်းဆိုခဲ့ပါတယ်။ ဟက်ရဲ့ အရည်အချင်းကိုသိနေတဲ့ ကျောင်းအုပ်ကြီးက ချက်ခြင်းဆိုသလိုပဲ ဟက်ကို ရွေပေးပါတယ်။ ဒါ့ကြောင့် ဟက်ဟာ အခြား ဘင်္ဂါလီလူငယ် ဟမ်ချန်ဒရာ ဘူးဇ်နဲ့အတူ ဆာ ဟင်နရီရဲ့လက်အောက်မှာ အမှုထမ်းခဲ့ပါတယ်။
သူတို့ဟာ ဟင်နရီရဲ့ လက်ဗွေရာစနစ် Henry Classification System ပေါ်ပေါက်လာရေးအတွက် ကြိုးပမ်းပေးခဲ့ရပြီး ဟက်က စနစ်အတွက် သင်္ချာပိုင်းကို တာဝန်ယူကာ၊ ဘူးဇ်က တယ်လီဂရမ် ကုဒ်စနစ် ပေါ်ထွက်လာရေး တာဝန်ယူခဲ့ရပါတယ်။
ဟင်နရီ-ဟက်-ဘူးဇ်တို့ရဲ့ ဒီ သုတေသနဟာ ရာဇ၀တ်မှုဗေဒကို တောင်လှန်ပြောင်းလဲပေးလိုက်ပြီး ကမ္ဘာတစ်ဝှမ်း အသုံးပြုကြတဲ့ Henry Classification System လို့ခေါ်တဲ့ လက်ဗွေရာစနစ်တစ်ခုကို ပေါ်ပေါက်လာစေခဲ့ပါတယ်။
တကယ်တော့ ဒီစနစ်ဟာ လက်ရှိအသုံးပြုနေတဲ့ ဘိုင်အိုမက်ထရစ် စနစ်တွေနဲ့ AFIS နည်းပညာ ပေါ်ပေါက်လာရေးမှာ တော်တော်လေး လွှမ်းမိုးမှု ရှိခဲ့ပါတယ်။
ကော်ပြားတွေပေါ်မှာ ရယူထားတဲ့ လက်ဗွေရာတွေကို တစ်ခုချင်း တိုက်စစ်ရတာကြောင့် အချိန်ကြာမြင့်မှုကို လျှော့ချဖို့ ပေါ်ပေါက်လာတဲ့ AFIS စနစ်ဟာ ဟင်နရီရဲ့ လုပ်ငန်းစဉ်တွေကို အခြေခံထားတာဖြစ်ကာ နောက်ပိုင်းမှာတော့ AFIS ကြောင့် လက်ဗွေရာ တိုက်စစ်တဲ့အလုပ်ဟာ နာရီပိုင်းသာ ကြာမြင့်ပါတယ်။
၁၈၉၆ ခှုစ်မှာ ဆာ ဟင်နရီဟာ အကျဉ်းကျနေတဲ့သူတွေရဲ့ ခန္ဓာကိုယ်ပုံစံအပြင် လက်ဗွေရာမှတ်တမ်းကို ယူထားဖို့ ဘန်ဂေါလ်ရဲတပ်ဖွဲ့ကို အမိန့်ပေးခဲ့ပါတယ်။ ၁၈၉၆ ခုနှစ်နဲ့ ၁၉၂၅ ခုနှစ်တွေကြားထဲမှာ ဟင်နရီဟာ ဒီလက်ဗွေရာစနစ် အကောင်အထည်ပေါ်လာဖို့အတွက် ကြိုးပမ်းခဲ့ပြီး ဟက်က လက်ဗွေရာအ
မျိုးစားခွဲနိုင်ဖို့အတွက် သင်္ချာဖော်မြူလာတွေ ထုတ်ပေးခဲ့ရပါတယ်။ ဘူးစ်ကတော့ အထက်မှာပြောခဲ့သလို တယ်လီဂရက်ဖ်စနစ်ကို ဖန်တီးပေးခဲ့ရပါတယ်။
နောက်ပိုင်းမှာ ဗြိတိသျှအစိုးရက သူတို့ ၃ ဦးစလုံးကို ဂုဏ်ပြုခဲ့ပါတယ်။
ဘ၀နိဂုံးပိုင်း
ဟက်ဟာ နောက်ပိုင်းမှာ အစ်ကိုရှိရာ ဇာတိရွာကို ပြန်သွားခဲ့ပြီး အစ်ကိုကလည်း ညီဖြစ်သူရဲ့ အောင်မြင်မှုတွေကို ကြည့်ကာ အံ့သြ၀မ်းသာ ဖြစ်ခဲ့ပါတယ်။
နာမည်ကျော် ရဲတပ်ဖွဲ့ဝင်တစ်ဦးဖြစ်လာခဲ့ပြီးနောက် ၁၉၁၂ ခုနှစ် ဘန်ဂေါလ်အုပ်ချုပ်မှုအောက်ကနေ ဘီဟာရ်ပြည်နယ် ခွဲထွက်သွားတဲ့အခါမှာ ဟက်ဟာ ဘီဟာရ်ရဲတပ်ဖွဲ့မှာ ပြောင်းပြီး တာဝန်ထမ်းခဲ့ကာ ဘီဟာရ်မှာပဲ အခြေချခဲ့ပြီး ၁၉၃၅ ခုနှစ်မှာ ကွယ်လွန်ခဲ့ပါတယ်။
သူကွယ်လွန်ချိန်မှာ ဇနီးနဲ့အတူ သားသမီး ၈ ဦး ကျန်ရစ်ခဲ့ပြီး ၁၉၄၇ ခုနှစ် လွတ်လပ်ရေးရတဲ့အခါ ဟက်ရဲ့ ကျန်ရစ်သူမိသားစုဟာ ပါကစ္စတန်ကို ပြောင်းရွှေ့သွားခဲ့ပါတယ်။ လက်ရှိမှာတော့ ဟက်ရဲ့မျိုး ဆက်တွေဟာ ဘင်္ဂလားဒေ့ရှ်၊ ပါကစ္စတန်၊ ယူကေ၊ သြစတေးလျ၊ အမေရိကန်နဲ့ ကနေဒါတွေမှာ နေထိုင်နေကြပါတယ်။
ဘွဲ့ထူးဂုဏ်ထူးများ
Henry Classification System လက်ဗွေရာစနစ် ပေါ်ထွက်လာမှုမှာ အဇီဇွလ် ဟက်က အများဆုံး ကူညီပံ့ပိုးပေးခဲ့တယ်လို့ အိန္ဒိယနဲ့ ကမ္ဘာတစ်ဝှမ်းက သမိုင်းပညာရှင်တွေ သုတေသန ပညာရှင်တွေက တစ်ညီတစ်ညွတ်တည်း လက်ခံထားကြပါတယ်။
ဒီလို စွမ်းစွမ်းတမံဆောင်ရွက်နိုင်မှုကြောင့်ပဲ ဟက်ကို ၁၉၁၃ ခုနှစ်မှာ Khan Sahib ဘွဲ့၊ ၁၉၂၄ ခုနှစ်မှာ Khan Bahadur ဘွဲ့တွေကို ဗြိတိသျှအစိုးရက ချီးမြှင့်ခဲ့ပြီး ဘီဟာရ်ပြည်နယ် မိုတီဟာရီဒေသကို အပိုင်စားရတဲ့ Jaigir တစ်ယောက်လည်း ဖြစ်လာပါတယ်။
သူ့ရဲ လုပ်ဖော်ကိုင်ဖက်ဖြစ်တဲ့ ဘူးဇ်ကတာ့ Rai Sahib နဲ့ Rai Bahadur ဘွဲ့တွေကို ရရှိခဲ့ပြီး နှစ်ယောက်စလုံးဟာ တစ်ယောက်ကို ဆုကြေးငွေ ရူပီး ၅၀၀၀ စီ ရရှိခဲ့ပါတယ်။
ဆရာဖြစ်သူ ဆာ အဒ်ဝပ် ရစ်ချက် ဟင်နရီက ဟက်ရဲ့ ထူးချွန်မှုနဲ့ ပတ်သက်ပြီး “ခန်း ဘဟာဒူးရ် အဇီ ဇွလ် ဟက်ဟာ လက်ဗွေရာအသုံးပြု ဖော်ထုတ်တဲ့ စနစ်သစ်အတွက် အဓိကသက်ဆိုင်သူ ဖြစ်ပါတယ်” လို့ ထုတ်ဖော်ချီးကျူးခဲ့ပါတယ်။
Ref: The Daily Star
