News @ M-Media

Tag: featrued

  • “ ရခိုင်ပြသနာ ဘယ်သူတွေမှာ တာဝန်ရှိသလဲ”

    “ ရခိုင်ပြသနာ ဘယ်သူတွေမှာ တာဝန်ရှိသလဲ”

    စည်သူအောင်မြင့်
    မြန်မာတိုင်းမ် ဂျာနယ်၊ ၃-၄-၁၄။

    တည်ငြိမ်မှု မရှိသေးတဲ့ ရခိုင်ပြည်နယ်မှာ မီးတစ်စ တောက်လောင်ခဲ့ပြန်ပါပြီ။ အဲဒါကတော့ နိုင်ငံတကာ အကူအညီပေးရေးအဖွဲ့က အမျိုးသမီး တစ်ယောက် သာသနာ့အလံ ကို ဖြုတ်ချပြီး မဖွယ်မရာပြုတယ် ဆိုတဲ့ သတင်းထွက်ပေါ်လာပြီးနောက် မတ်လ ၂၆ ရက်နဲ့ ၂၇ ရက်နေ့ တွေမှာ စစ်တွေက နိုင်ငံတကာအကူအညီပေးရေး အဖွဲ့အစည်းတွေ ရုံးစိုက်ရာ၊ တည်းခိုရာ၊ အထောက်အကူ ပစ္စည်း သိုလှောင်ရာ နေအိမ်တွေ၊ ရုံးခန်းတွေ၊ ဂိုဒေါင်တွေ တိုက်ခိုက်ဖျက်ဆီး ခံရခြင်းပါ။ နိုင်ငံတကာ အကူအညီပေးရေး အဖွဲ့ဝင် နိုင်ငံခြားသားတွေနဲ့ နိုင်ငံသားတွေကိုတော့ သက်ဆိုင်ရာက ဘေးလွတ်ရာ ရွှေ့ပြောင်းပြီး အကာအကွယ်ပေးကြရပါတယ်။ တစ်ချို့ ရန်ကုန်ကို လေယာဉ်နဲ့ အသုတ်လိုက် ပြန်ပို့တာမျိုး လုပ်ကြရပါတယ်။ နောက်ဆုံး ဒီ ကိစ္စ ကုလသမဂ္ဂ အထွေထွေ အတွင်းရေးမှူးချုပ်က သမ္မတ ဦးသိန်းစိန်ကို တယ်လီဖုန်းဆက် ပြောဆိုရသည်အထိ အရှက်ရစရာ ကိစ္စတစ်ခု ဖြစ်ခဲ့ပါတယ်။

    ဒီ ပြသနာ ဖြစ်ပွားခဲ့ပြီးနောက် သမ္မတ ဦးသိန်းစိန် လက်မှတ်ရေးထိုးပြီး စုံစမ်းစစ်ဆေးရေး အဖွဲ့ ဖွဲ့စည်းတာဝန်ပေးအပ်ခဲ့ပါတယ်။ အဲဒီ အမိန့်ကြော်ငြာစာထဲမှာ စုံစမ်းမှုတွေ မလုပ်ရသေးခင်မှာပဲ ရခိုင်ပြည်နယ် အစိုးရအဖွဲ့ကို အပစ်တင်ထားတာ တွေ့ကြရပါတယ်။ အမိန့်ကြော်ငြာစာ နံပါတ်(၂) (ခ) မှာ “ အထက်ပါဖြစ်စဉ် ဖြစ်ပွားရခြင်းနှင့် စပ်လျဉ်း၍ ပြည်နယ် အုပ်ချုပ်ရေးအပိုင်းမှ အဓိက တာဝန်ရှိသူများကို စုံစမ်း စစ်ဆေး ဖော်ထုတ်ရန်” ဆိုပြီး ဖော်ပြထားပါတယ်။ တကယ်ပဲ ဒီ ဖြစ်စဉ်မှာ အဓိက လက်သည် တရားခံဟာ ပြည်နယ် အုပ်ချုပ်ရေးပိုင်းကပဲလား၊ အခြား ဘယ်သူတွေရော ဖြစ်နိုင်ဦးမလဲ ဆိုတာ ဒီတစ်ပါတ် ဆွေးနွေးတင်ပြသွားပါ့မယ်။

    ပထမတော့ ဘင်္ဂလီဆန့်ကျင်ရေး၊ နောက်တော့ ကိုယ့်နိုင်ငံသား ကမန်တွေအပါအ၀င် အစ္စလာမ်ဘာသာ ဆန့်ကျင်ရေး၊ နောက် နိုင်ငံတကာ အကူအညီပေးရေး အဖွဲ့ ဆန့်ကျင်ရေး တစ်ခုပြီးတစ်ခု ခြေလှမ်းလာတဲ့၊ ရခိုင်ပြည်နယ်ကို ဖျက်ဆီးနေတဲ့ အစွန်းရောက် အုပ်စုတွေရဲ့ လှုပ်ရှားမှုတွေကို ပြစ်တင်ရှုတ်ချ တားဆီးဖို့နေနေသာသာ အားပေးအားမြှောက်ဖြစ်စေတဲ့ စကားတွေကိုတောင် ပြောလိုက်ကြပါသေးတယ်။

    လက်ရှိ ရခိုင်ပြည်နယ်ထဲက နိုင်ငံတကာ အကူအညီပေးရေး အဖွဲ့တွေကို အကြမ်းဖက်မှု ဖြစ်စဉ်အကြောင်းပြောရင် သိပ်မကြာလှသေးတဲ့ ရှေ့မှာ ဖြစ်ထားခဲ့တဲ့ အဖြစ်အပျက်တွေ၊ ကိုင်တွယ်ဖြေရှင်းပုံတွေကို ပြန်ဆန်းစစ်ဖို့ လိုပါလိမ့်မယ်။ အားလုံးသိကြတဲ့ အတိုင်းပါပဲ။ ၂၀၁၂ ခုနှစ်မှာ ရခိုင်တိုင်းရင်းသူ မသီတာထွေး အသတ်ခံရမှု နဲ့ တောင်ကုတ်မှာ အစ္စလာမ် ဘာသာဝင်တွေ အစုလိုက် အပြုံလိုက် အသတ်ခံရမှု ဖြစ်ပေါ်ခဲ့ပါတယ်။ ဒီ သတင်းတွေကို အစိုးရပိုင် သတင်းစာတွေမှာ ကျူးလွန်သူတွေရဲ့ လူမျိုး ဘာသာ ကိုပါ ထည့်သွင်းပြီး ဖော်ပြခဲ့ပါတယ်။ အရင်က လုပ်လေ့လုပ်ထ မရှိတဲ့ အစဉ်အလာ နဲ့ ဖော်ပြခဲ့တာပါ။ နောက်ပိုင်း ရခိုင်တိုင်းရင်းသားတွေနဲ့ ဘင်္ဂလီတွေ တိုက်ကြ ခိုက်ကြ၊ သတ်ကြ၊ ဖြတ်ကြ၊ ခုခံကြ၊ မီးတွေရှို့ကြ၊ ရွာတွေ ဖျက်ဆီးကြရင်း နှစ်ဖက် လူ ၁၀၀ ကျော် သေဆုံးခဲ့ပါတယ်။ အများအပြား ဒါဏ်ရာရခဲ့ပါတယ်။ အကျိုးဆက်အဖြစ် ရခိုင် ဒုက္ခသည် ၄၀၀၀ ကျော်နဲ့ ဘင်္ဂလီ ဒုက္ခသည် တစ်သိန်းကျော် ဒုက္ခသည်စခန်း ရောက်ကုန်ပါတယ်။

    ဒီ အဖြစ်အပျက်တွေ ဖြစ်ပွားပြီးနောက် သက်ဆိုင်ရာ အစိုးရအာဏာပိုင်တွေရဲ့ ထိထိရောက်ရောက် အရေးယူမှု မရှိဘူးဆိုတဲ့ ဝေဖန်မှုတွေလည်း ထွက်လာပါတယ်။ ဥပမာအားဖြင့် အစ္စလာမ်ဘာသာဝင်တွေ အစုလိုက် အပြုံလိုက် တောင်ကုတ်မှာ အသတ်ခံရတဲ့ ကိစ္စ နှစ်ပေါက်သည်အထိ တရားခံ ဖမ်းမမိနိုင်ဖြစ်ခဲ့ပါတယ်။ ပဋိပက္ခ ဖြစ်ပွားတဲ့ လူမျိုးစုနှစ်ခု၊ ဘာသာနှစ်ခု အမုန်းတရား လျော့နည်းပပျောက်ရေး၊ အတူတကွ ပြန်လည်နေထိုင်နိုင်ရေး၊ တည်ငြိမ်အေးချမ်းလာရေး ဘယ်သူမှ ဦးဆောင် လုပ်ကိုင်ပေးတာ မတွေ့ကြရပါဘူး။ အစိုးရပိုင်းက လုပ်မပေးသလို ရခိုင် နိုင်ငံရေးခေါင်းဆောင်တွေကလည်း လုပ်မပေးကြပါဘူး။ ပိုပြီးဖြစ်ပွားလာတာက အစ္စလာမ် ဘာသာဝင်တွေနဲ့ ရခိုင်တွေကို သီးခြားစီ ခွဲထုတ်တဲ့ လှုပ်ရှားမှုတွေ၊ မဆက်ဆံရေး လှုပ်ရှားမှုတွေ၊ အမုန်းတရား လှုံ့ဆော်မှုတွေပဲ ပို ပိုပြီး ပျံ့နှံ့လာတာ တွေ့ရပါတယ်။

    ဒီလိုနဲ့ နောက်တစ်ကြိမ် ရခိုင်တိုင်းရင်းသားတွေနဲ့ အစ္စလာမ် ဘာသာဝင် ကမန်တိုင်းရင်းသားတွေ အကြမ်းဖက်မှု ဖြစ်ပွားပြန်ပါတယ်။ လူတစ်ချို့သေ၊ ဒုက္ခရောက်သူရောက် ဖြစ်ကြပါတယ်။ ဖြစ်စဉ်ကလည်း လတ်တလော စစ်တွေမှာ ဖြစ်ခဲ့တုန်းကလိုပါပဲ။ အစ္စလာမ် ဘာသာဝင် တစ်ယောက် ပြုမူပြောဆိုပုံကို လူအုပ်စုနဲ့ အပြစ်ပေးဖို့ ကြိုးစားရာကနေ နောက်ပိုင်း အကြမ်းဖက်မှုတွေ ဖြစ်ပွားလာခဲ့တာ ဖြစ်ပါတယ်။ သမ္မတ ဦးသိန်းစိန်ကိုယ်တိုင် ရခိုင်ပြည်နယ်ကို ရောက်နေချိန်ဖြစ်တော့ ထိထိရောက်ရောက် အရေးယူမယ် ဆိုပြီး ဖြစ်ခဲ့ပါသေးတယ်။ ရခိုင်တိုင်းရင်းသားတွေကို ဖမ်းဆီးစစ်ဆေးရင် လူအုပ်ကြီးက အဲဒီ လူတွေကို ပြန်ထုတ်ပေးဖို့ တောင်းဆိုကြပါတယ်။ ဒီလိုနည်းနဲ့ အဲဒီလို ပြစ်မှုကျူးလွန်သူတွေကို ထိထိရောက်ရောက် အရေးယူမယ် ဆိုတဲ့ ကိစ္စ အဖျားရှူးသွားပါတယ်။ ဒီ နောက်ပိုင်းမှာလည်း အမုန်းတရား ဖြန့်ဖြူးနေသူတွေ၊ လှုပ်ရှားမှု လုပ်နေသူတွေကို ထိထိရောက်ရောက် အရေးယူတာ မရှိသလို လူမျိုးစုနှစ်စု ဘာသာနှစ်ခု အမုန်းတရားလျော့နည်း ပပျောက်အောင်၊ အတူတကွ အဆင်ပြေပြေနေနိုင်အောင် စီမံလုပ်ကိုင်ဆောင်ရွက်ပေးတာမျိုး မတွေ့ကြရပါဘူး။ ရခိုင်နိုင်ငံရေး ခေါင်းဆောင်တွေဆိုရင် အကြမ်းဖက်သူတွေကပဲ မှန်သယောင် ပြောဆိုခဲ့ပြီး အစွန်းရောက်တွေရဲ့ ရေစီးကြောင်းထဲ မျောပြီး လိုက်ပါခဲ့ကြပါတယ်။

    နောက်ပိုင်း အစွန်းရောက်တွေ ပစ်မှတ် MSF ခေါ် နယ်စည်းမခြား ဆရာဝန်များ အဖွဲ့ ဘက်လှည့်လာပါတယ်။ တစ်ပြိုင်နက်တည်း အခြား နိုင်ငံတကာ အကူအညီပေးရေး အဖွဲ့အစည်းတွေ ထွက်သွားအောင် တောင်းဆိုတာတွေ လုပ်လာပါတယ်။ မြောက်ဦးမှာဆို အင်န်ဂျီအို အဖွဲ့တွေကို လက်ခံထားသူဒေသခံ ရခိုင်တွေကိုပါ လက်မခံဖို့ အကြပ်ကိုင်တာတွေ လုပ်ခဲ့ပါတယ်။ နောက်ဆုံး အစိုးရက MSF ကို ရခိုင်ပြည်နယ်ထဲမှာ ဆက်လုပ်ကိုင်ခွင့် မပြုတော့ ရခိုင်ပြည်နယ်ထဲက ထွက်သွားကြရပါတယ်။ ဒါကို အစွန်းရောက်တွေက အောင်ပွဲခံကြပါတယ်။ နောက်ထပ် ပစ်မှတ်အဖြစ် ကျန်နေသေးတဲ့ နိုင်ငံတကာ အကူအညီပေးရေး အဖွဲ့တွေဆီဘက် လှည့်ကြပါတယ်။ ရခိုင်နိုင်ငံရေး ခေါင်းဆောင်တွေကလည်း MSF ဟာလွန်တယ်၊ နိုင်ငံတကာ အကူအညီပေးရေး အဖွဲ့တွေကလည်း ဘင်္ဂလီဘက် လိုက်တယ် စသဖြင့် ပြောဆိုပြီး အစွန်းရောက် လှုပ်ရှားမှုကို စိတ်ဓာတ်အားဖြင့် ထောက်ခံခဲ့ကြပါတယ်။

    အခုနောက်ဆုံး ကိစ္စမှာလည်း ဒီ အတိုင်းပါပဲ။ အလံဖြုတ်ချတဲ့ နိုင်ငံခြားသူကို ပြစ်မှုကျူးလွန်တယ် ဆိုရင် တည်ဆဲဥပဒေအရ အရေးယူဖို့ပါပဲ။ ဒါပေမယ့် လူစုလူဝေးနည်းနဲ့ အပြစ်ပေးဖို့၊ မရရင် အကြမ်းဖက်ဖို့ ယဉ်ပါးနေပြီဖြစ်တဲ့ အစွန်းရောက်တွေဟာ နိုင်ငံခြားသူကို လူအုပ်စုနဲ့ အပစ်မပေးနိုင်တဲ့ အခါ နေအိမ်ကို ကျောက်ခဲတွေနဲ့ ပစ်ပေါက် ဖျက်ဆီးပစ်ကြပါတယ်။ နောက်ပိုင်း အံ့သြစရာကောင်းလောက်အောင် နိုင်ငံတကာ အကူအညီပေးရေး အဖွဲ့တွေ နေထိုင်၊ ရုံးဖွင့်တဲ့ နေအိမ်တွေကို တိတိကျကျ လိုက်လံ အကြမ်းဖက် ဖျက်ဆီးနိုင်ခဲ့ကြပါတယ်။ ဒီ ပြသနာနဲ့ ပါတ်သက်ပြီး အစိုးရက ပြည်နယ် အစိုးရကို အပစ်တင်ပါတယ်။ ရခိုင်အမျိုးသားပါတီခေါင်းဆောင် ဦးအေးသာအောင်ကတော့ မတ်လ ၃၀ သမ္မတ နဲ့ တွေ့ဆုံပွဲမှာ ရခိုင်ပြည်နယ်မှာ ပြသနာပေါ်ခဲ့တဲ့ နိုင်ငံခြားသူကို ရည်ရွယ်ပြီး “ ကိုယ်နဲ့ မဆိုင်ပဲနဲ့ ဒီအလံကိုဖြုတ်ပြီး မဖွယ်မရာလုပ်တယ်၊ ရခိုင်ပြည်နယ်မှာ ထိလွယ်ရှလွယ် ဖြစ်နေတဲ့ အချိန်မှာ ဒီလို လုပ်လိုက်တော့ ပြသနာတက်တယ်။ ဒီလိုပြသနာဖြစ်တိုင်း ရခိုင်ပြည်နယ်မှာရှိတဲ့ အမျိုးသားတွေရဲ့ ပုံရိပ်ကို ထိခိုက်စေတယ်။” ဆိုပြီး ပြောဆိုခဲ့ပါတယ်။ ဥပဒေ ချိုးဖေါက်ပြီး လူစုလူဝေးနဲ့ အကြမ်းဖက်သူတွေကို အပစ်တင်စကား လုံးဝ မပြောခဲ့ပါဘူး။ နိုင်ငံခြားသူကြောင့် ဒီလို အကြမ်းဖက်မှု ဖြစ်ပွားခဲ့တာဟာ သဘာဝ ကျသယောင် ပြောဆိုခဲ့တာ ဖြစ်ပါတယ်။

    ဖြစ်စဉ်တစ်ခုလုံးကို ခြုံငုံ သုံးသပ်လိုက်ရင် လက်ရှိ ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက်မှုကြီးရဲ့ အစမှာ အစိုးရ သတင်းစာ ပါတ်သက်နေတာ တွေ့နိုင်ပါတယ်။ ဦးသိန်းစိန် အစိုးရဟာ ပဋိပက္ခတွေ ဖြစ်ပွားပြီးနောက် လူအုပ်စု နှစ်စု ပြန်ပြီး သင့်မြတ်အောင်၊ ရခိုင်ပြည်နယ် အေးချမ်းအောင် လုပ်ဆောင်တာလည်း ဘာတစ်ခုမှ မတွေ့ရပါဘူး။ ပြသနာတိုင်းမှာ စ ပြီး အကြမ်းဖက်သူတွေ၊ နောက်ပိုင်း အကြမ်းဖက်မှု ကျူးလွန်သူတွေကိုလည်း ထိထိရောက်ရောက် အရေးယူတာ မတွေ့ရပါဘူး။ ပြည်နယ် အစိုးရလည်း ထိုနည်း၎င်းပါပဲ။ အလားတူ ရခိုင်နိုင်ငံရေးခေါင်းဆောင်တွေ ကလည်း ရခိုင်ပြည်နယ်မှာ လူမျိုးစုနှစ်ခု၊ ဘာသာနှစ်ခု အေးအေးချမ်းချမ်း အတူယှဉ်တွဲနေနိုင်အောင် ဘာတစ်ခုမှ အားထုတ်တာ မတွေ့ရပါဘူး။ ပထမတော့ ဘင်္ဂလီဆန့်ကျင်ရေး၊ နောက်တော့ ကိုယ့်နိုင်ငံသား ကမန်တွေအပါအ၀င် အစ္စလာမ်ဘာသာ ဆန့်ကျင်ရေး၊ နောက် နိုင်ငံတကာ အကူအညီပေးရေး အဖွဲ့ ဆန့်ကျင်ရေး တစ်ခုပြီးတစ်ခု ခြေလှမ်းလာတဲ့၊ ရခိုင်ပြည်နယ်ကို ဖျက်ဆီးနေတဲ့ အစွန်းရောက် အုပ်စုတွေရဲ့ လှုပ်ရှားမှုတွေကို ပြစ်တင်ရှုတ်ချ တားဆီးဖို့နေနေသာသာ အားပေးအားမြှောက်ဖြစ်စေတဲ့ စကားတွေကိုတောင် ပြောလိုက်ကြပါသေးတယ်။ ဒီအတွက် အားလုံးတာဝန်ရှိကြပါတယ်။ ဒီထဲမှာ အပြစ်တင်ခံရခြင်းကနေ ကင်းလွတ်နေတဲ့ အကြမ်းဖက်သမားတွေလည်း အပြစ်ရှိကြပါတယ်။ တာဝန်ရှိသူတွေ အပြစ်ရှိသူတွေကို မမြင်ပဲ ရခိုင်ပြည်နယ် အစိုးရလောက်ကိုပဲ တရားခံ ရှာနေရင်တော့ ပြသနာတွေ ပြေလည် ပြီးငြိမ်းသွားဖို့ လမ်းစ မမြင်နိုင်သေးပါကြောင်း သုံးသပ်တင်ပြလိုက်ရပါတယ်။

    စည်သူအောင်မြင့်။

    Link =>https://www.facebook.com/sithu.aungmyint/posts/269147206601420?stream_ref=10

  • ဒေါသူပုန် ထနေတဲ့ ဗုဒ္ဓဘာသာဝင်များ သီရိလင်္ကာပြည်ကြီးကို မွတ်စလင်များ အတွက် ငရဲဘုံအဖြစ် ဖန်တီးနေ

    သဂုတ်လ- ၂၇ ရက်၊ ၂၀၁၃
    ဘာသာပြန်ဆို – မြင့်မိုရ်မောင်မောင်
    မူရင်းဆောင်းပါးရှင်- Joseph Cox

    သီရိလင်္ကာတွင် မွတ်စ်လင်မ်တို့ တိုက်ခိုက်ခံနေရသည်။  ဗုဒ္ဓဘာသာဝင် လူရမ်းကားအုပ်စုများသည် လမ်းမများပေါ်ထွက်၍ မွတ်စ်လင်မ်တို့၏လုပ်ငန်းဌာနများ၊ ၀တ်ပြုနေရာများကို တိုက်ခိုက်ဖျက်ဆီးပြီး သွေးထွက်သံယိုများလည်းရှိခဲ့သည်ဟု လက်ရှိသတင်းများက ညွှန်ပြနေသည်။ မချက်ပြုတ်ရသေးသည့် ၀က်သားကို ဗလီဝတ်ကျောင်းများထဲ ပစ်သွင်းခြင်း၊ ဟလာလ်တံဆိပ်များကို တားမြစ်ပိတ်ပင်ခြင်း၊ အစိုးရဝေဖန်ရေး၌ထင်ရှားသူ အာဇဒ် စာလီအား ဖမ်းဆီးလိုက်ခြင်းတို့ ဖြစ်ပွားခဲ့သည်။ ထိုဖြစ်ရပ်များအနက် ထိထိရောက်ရောက်ကိုင်တွယ်လိုက်သည့် ကိစ္စမှာ သီရိလင်္ကာ၏အကြီးမားဆုံးမြို့ ကိုလံဘိုရှိ ဗလီဝတ်ကျောင်းတစ်ခုကို ဗုဒ္ဓဘာသာလူရမ်းကားတစ်စုမှ အဓမ္မပိတ်ပင်စေမှုအပေါ် အစိုးရကွန်မန်ဒိုများက တရားဥပဒေစိုးမိုးရေးအတွက် ဖြိုခွင်းခဲ့သည်။ လူရမ်းကား ၄ ဦး ဒဏ်ရာရခဲ့ပြီး ထိုနေရာတစ်ဝိုက်ကို နေ၀င်မီးငြိမ်း ကာဖျူးအမိန့်ထုတ်ပြန်လိုက်သည်။

    သီရိလင်္ကာတွင် မွတ်စ်လင်မ်တို့၏ ဘာသာရေးနှင့်ဟောပြောမှုလွတ်လပ်ခွင့်များမှာ ခြိမ်းခြောက်ခံနေရကြောင်း အစ္စလာမ့်နိုင်ငံရေးအဖွဲ့တစ်ဖွဲ့ဖြစ်သည့် All Ceylon Jamiyyathul Ulama မှ မော်လ၀ီ ဖဇိလ် ဖာရူးက် က (ဆောင်းပါးရှင်သို့) ပြောကြားသည်။ ၄င်းပြင် အကြမ်းဖက်တိုက်ခိုက်သည့်အဖွဲ့အဖြစ် ကျော်ကြားနေသော (ဗုဒ္ဓဘာသာအင်အားစုတပ်ဖွဲ့ဟု အကြမ်းဖျင်းဘာသာပြန်ရမည့်) Bodu Bala Sena ဂိုဏ်းတည်ရှိရာအား ညွှန်ပြခဲ့သည်။ မွတ်စ်လင်မ်နှင့်ခရစ်ယာန်အုပ်စုများ၏ အန္တရာယ်အောက်သို့ရောက်နေသော ဗုဒ္ဓဘာသာယဉ်ကျေးမှုကို ကာကွယ်ရန် ရည်ရွယ်ဖွဲ့စည်းထားခြင်းဖြစ်သည်ဟု ၄င်းတို့က ဆိုကြသည်။ သီရိလင်္ကာနိုင်ငံရှိလူဦးရေပမာဏအားလုံး၏ ၇၀ % မှာ ဗုဒ္ဓဘာသာဝင်များဖြစ်၍ မွတ်စ်လင်မ်နှင့်ခရစ်ယာန်တို့မှာကား ၁၀ % အောက်မှာသာရှိနေကြသည်။ သို့သော်လည်း မိမိ၏အဖွဲ့အစည်းသည် မည်သည့်အကြမ်းဖက်မှုတွင် ပါဝင်ပတ်သက်ခြင်းမရှိဟု Bodu Bala Sena ၏ CEO    ဖြစ်သူ ဒီလန်သေး ၀ီသီနေ့ဂ်ျ (Dilanthe Withinage) က ဗြောင်ငြင်းခဲ့သည်။ ၄င်းနောက်တွင်တော့ အတိုင်းထက်အလွန် ကျယ်ပြန့်သွားရသည့်ဖြစ်အင်အပေါ်ကာကွယ်သည့်အားဖြင့် ၄င်းမှ ကျွန်ုပ်(ဆောင်းပါးရှင်)အား ဤသို့ ဖုန်းဖြင့် ပြောကြားသည်။

    “ မနေ့ညက ကျွန်တော် ကိုလံဘိုမြို့ပြင် တစ်နေရာမှာ ရှိနေခဲ့တယ်။ အဲ့ဒီ(အခင်းဖြစ်ပွားတဲ့) နေရာမှာရှိတဲ့ ၈၀ % နှုန်းသောလူတွေက မွတ်စ်လင်မ်တွေပါ။ သူတို့တွေ သွားလာစားသောက်မပျက်ကြပါဘူး။ ဒါက ပြဿနာကြီးတစ်ခုလို့ ကျွန်တော် မထင်ပါဘူး ”။

    လက်တွေ့အခြေအနေတွင်မူ မွတ်စ်လင်မ်တို့မှာကား သီရိလင်္ကာ၌ စိုးတထိတ်ထိတ်ဖြင့် နေထိုင်စားသောက်နေကြရ၏။ သူတို့၏မျက်နှာထံ ၀က်သားဖတ်များဖြင့် တမင်သက်သက် ပစ်ပေါက်ခံရခြင်း စသည်တို့ကိုပင်လျှင် ပြန်လည်တုန့်ပြန်ခွင့် မရကြချေ။

    1d2ca9b3f5e979dc45c7554175833140
    Bodu Bala Sena ဂိုဏ်း၏ အကြီးအကဲတစ်ဦး Dilanthe Withinage (၀ဲဖက်လူ)

    နိုင်ငံတွင်းမွတ်စ်လင်မ်တို့၏ ဘာသာရေးလွတ်လပ်ခွင့်ကို ပြောင်ပြောင်တင်းတင်း ဒုက္ခပေးချက်တစ်ရပ်ဖြစ်သော ဟလာလ်တံဆိပ် ဟန့်တား ပိတ်ပင်မှုနှင့်စပ်လျဉ်း၍ Withinage က “ အဲ့ဒါက မွတ်စ်လင်မ်တွေ နှစ်သက်ခွင့် ရှိပါတယ် ” ဟု ဆိုသော်ငြား “ ဟလာလ်တံဆိပ်ဟာ အစ္စလာမ် နဲ့ မွတ်စ်လင်မ် အခြေခံမူတွေကို အားပေးအားမြှောက်ပြုဖို့ မွတ်စ်လင်မ်အဖွဲ့အစည်းတွေက အသုံးချတဲ့ အရာသာဖြစ်တယ်။ မီဒီယာတွေက အကြမ်းဖက်မှုလို့ ခေါင်းစဉ်တပ်ပါလိမ့်မယ်။ ဖြစ်ပျက်မှုအချို့ကတော့ ရှိပါတယ်။ ဒါပေမယ့် သီရိလင်္ကာမှာ မွတ်စ်လင်မ်တွေနဲ့ဗုဒ္ဓဘာသာဝင် လူ့အသိုင်းအ၀ိုင်းအကြားမှာ ကြီးကြီးမားမား ပဋိပက္ခဖြစ်နေတယ်လို့ မထင်မိပါဘူး ” ဟုလည်း တစ်ဖက်လှည့်ထောက်ပြခဲ့ပြန်သည်။

    ကိုယ်တိုင်ကိုယ်ကျကြုံဆုံမှု မရှိပါလျှင် ဘာသာရေးစော်ကား နှိပ်ကွက်မှု မဟုတ်လောက်ပါဟု အလွယ်တကူ ကောက်ချက်ချမိပေလိမ့်မည်။ ကျွန်ုပ်သည် အစ္စလာမ်အပေါ် တစ်ဖက်သတ် အမုန်းပွားရွံကြောက်မှုဆိုင်ရာ ဖြစ်ရပ်ပေါင်း ၁၃၀ ထက်မနည်း မှတ်တမ်းတင် သုတေသနပြုပြီးမှ ဤဆောင်းပါးကို ရေးသားခြင်း ဖြစ်သည်။  ယင်းမှတ်တမ်းတင်ချက်များ၌ မွတ်စ်လင်မ် လုပ်ငန်းရှင်များကို ပြန်ပေးဆွဲရန် ကြိုးပမ်းခြင်း၊ မွတ်စ်လင်မ်အိမ်များရှေ့တွင် ၀က်ခေါင်းများကို ချိတ်ဆွဲပြသခြင်း စသည်တို့လည်းပါဝင်သည်။ ထိုလုပ်ရပ်များက Bodu Bala Sena ဂိုဏ်း၏ လှုံ့ဆော်မှုများနှင့် တိုက်ရိုက် ပတ်သက်လျက်ရှိပေသည်။

    သီရိလင်္ကာရှိ မွတ်စ်လင်မ်နှင့် ဗုဒ္ဓဘာသာဝင်တို့အကြား တင်းမာမှုနှင့်စပ်လျဉ်း၍ Bodu Bala Sena ဂိုဏ်းခေါင်းဆောင်တစ်ဦးဖြစ်သော Withinage ၏ အဆိုမှာ အဖြစ်မှန်နှင့်များစွာ ကွာဟနေသည်။
    “ ဗုဒ္ဓဘာသာဝင်တွေရဲ့နောက်ထပ် ပစ်မှတ်ဟာ မိမိတို့ဘဲ ဖြစ်တော့မလား (လူတွေကိုတိုက်ခိုက်မှုဖြစ်လာမလား) ဆိုပြီး မွတ်စ်လင်မ်တွေ ကြောက်ရွံ့ထိတ်လန့်နေကြပါတယ်။ ဒီကိစ္စဟာ အနှေးနဲ့အမြန်ဆိုသလို ပွင့်အံတော့မယ်လို့ သူတို့ထင်မြင်နေကြပါတယ် ” ဟု ဆိုသူကဆိုကြသည်။ ဤအနေအထားက တစ်သမတ်တည်းတော့ မဟုတ်ပေ။ ဗလီဝတ်ကျောင်းတစ်လုံးအား တိုက်ခိုက်ခံရစဉ်က ထိုဒေသရှိ မွတ်စ်လင်မ်တို့သည် အင်အားအလုံးအရင်းဖြင့် ပြန်လည် ခုခံတိုက်ခိုက်ခဲ့ကြောင်း Perera ဆိုသူမှ ကျွန်ုပ်အား ပြောပြခဲ့သည်။

    သို့ဖြစ်လျှင် အကြမ်းဖက်မှုအား အမှန်တကယ် ဖြစ်ပွားစေသည်မှာ အဘယ်အရာပါနည်း ? ဒေသတွင်း  မတည်ငြိမ်မှု လှိုင်းထခြင်း ထပ်မံဖြစ်ပွားခြင်း နောက်ကွယ်အကြောင်းရင်းမှန်က အဘယ်အရာပါနည်း ?
    ဗုဒ္ဓတရားနှင့်ဆန့်ကျင်၍ (အထက်ဖော်ပြပါအတိုင်း) နှိပ်စက်စော်ကားကြသည့် လုပ်ရပ်များကြောင့်ဖြစ်ကြောင်း သိသာထင်ရှားနေပါ၏။

    ၄င်းမှာ စီးပွားရေးဆိုင်ရာ မကြေနပ်မှုကြောင့်ဖြစ်ရသည်ဟု အချို့က ဆိုသည်။ မိမိရှာဖွေသလောက် အကျိုးမခံစားရသူတို့က ဖောဖောသီသီသုံးစွဲတတ်သည့် မွတ်စ်လင်မ်တို့အား အလွယ်တကူ ဓားစာခံပြုလုပ်လိုက်ခြင်း ဖြစ်ကြောင်း ဖော်ပြကြသည်။

    သို့သော် ၂၀၀၃ ခုနှစ်တွင် တမီလ်ကျားအဖွဲ့အား အပြီးသတ်ဖြိုခွင်းသည့် သွေးချောင်းစီးပြည်တွင်းစစ်ကြီးဖြစ်ပွားခဲ့ရာ လူပေါင်းတစ်သိန်းမျှ သေကြေပျက်စီးခဲ့သည်။ ထိုအချိန်မှစ၍ လူများစုဖြစ်သော ဆင်ဟာလီလူမျိုးတို့အတွင်း အစွန်းရောက်အမျိုးသားရေးအမြင်က စိမ့်ဝင်ကြီးထွားလာသည်။

    b9b52cbb35f54768009b037e0e4fb6f4
    ( ယခုနှစ်အစောပိုင်းတွင် မွတ်စ်လင်မ်ဆန့်ကျင်ရေးသမားတစ်ဦးက ဗလီတစ်ခုကို ဆေးမှုတ်ရေးခြစ်ရမ်းကားနေစဉ်)

    “ ကိုလံဘိုက မွတ်စ်လင်မ်ဝတ်ကျောင်း တစ်ခုအပေါ် တိုက်ခိုက်ခဲ့တဲ့ နောက်ဆုံးဖြစ်ရပ်ဟာ  လွန်ခဲ့တဲ့အချိန်ကာလထက်စာယင် ဗုဒ္ဓဘာသာဝင် အစွန်းရောက်အမျိုးသားဝါဒီတွေ အဆမတန်ကြီးထွားလာတဲ့ လက္ခဏာာကို ပြသနေတာပါဘဲ။ ဗုဒ္ဓဘာသာဝင်တွေရဲ့ အတွေးထဲမှာ သီရိလင်္ကာကို ဗုဒ္ဓဘာသာတိုင်းပြည်လို့ ထင်နေကြတယ်။ (ပြီးခဲ့တဲ့) စစ်ပွဲကို အနိုင်ရဖို့အတွက် အစိုးရက ဒီအမျိုးသားရေးဝါဒကို အသုံးချခဲ့တာဖြစ်တယ်။ အစိုးရက သူတို့ကိုယ်ကျိုးအတွက် ပျက်လို ဖျက်ဆီးဖြစ်ပွားစေတာမျိုးပါ ” ဟု Perera မှ ရှင်းလင်းသုံးသပ်ပြ၏။

    အကြမ်းဖက်မှုများ ကျယ်ပြန့်လာလင့်ကစား ရဲတပ်ဖွဲ့ဝင်တို့မှ မဆိုစလောက်မျှသာ ဟန့်တားနေခြင်းက ဤအချက်ကြောင့် ဖြစ်ပေလိမ့်မည်။

    “ ဗုဒ္ဓဘာသာဝင်တွေက မွတ်စ်လမ်မ်တွေကို ဆန့်ကျင်ပြီး ဘာသာရေး တင်းမာမှုဖြစ်ပွားလာယင် အစိုးရအတွက် လွတ်လမ်းတစ်ခု တိုးတာပေါ့။ အစိုးရက သူတို့နောက်ကွယ်မှာ ဗုဒ္ဓဘာသာဝင်တွေကို အင်အားစုအဖြစ်အသုံးချမှာဖြစ်လို့ ဟုတ်တိပတ်တိ တုန့်ပြန်အရေးယူမှာ မဟုတ်ဘူး ” ဟု ထိုသူကပင် ထပ်မံပြောပြလေသည်။

    သီရိလင်္ကာဖြစ်ရပ်များသည် မြန်မာနိုင်ငံမှပုံ ရိပ်များ၏ ရောင်ပြန်ဟပ်မှုဖြစ်လာပြီလောဟု စိုးရိမ်စရာ ရှိပါသည်။ မြန်မာနိုင်ငံတွင် ရိုဟင်ဂျာမွတ်စ်လင်မ်များအပေါ် ဗုဒ္ဓဘာသာဝင်တို့၏အကြမ်းဖက်မှုမှာ (တစ်နိုင်ငံလုံးရှိ အခြား မွတ်စ်လင်မ်များအထိ) ကြီးထွားကျယ်ပြန့်လာသည်နှင့်အမျှ ရိုဟင်ဂျာအချို့သည် လှေငယ်များဖြင့် ပင်လယ်ဖြတ်စွန့်စားခဲ့ကြကုန်သည်။ “ မြန်မာအစိုးရကဖြစ်စေ ဗုဒ္ဓဘာသာဝင်မြန်မာတွေကဖြစ်စေ ဒီလိုရှေ့ဆက်မှုကို မရပ်တန့်ဘူးဆိုယင် အလ်ကိုင်ဒါရဲ့မိတ်ဖက် အစ္စလာမ်အစွန်းရောက်တွေကို ဒီဒေသတွင်းထဲရောက်လာအောင် လက်ယပ်ဖိတ်ခေါ် နေရာရောက်ပါတယ် ” ဟု သမိုင်းပညာရှင်နှင့်စာရေးဆရာ ဂျပ်စ်တင် ၀င်းထဲလ်(Justin Wintle) မှ ပြောဆိုသည်။

    “ မြန်မာနိုင်ငံမှာ ရိုဟင်ဂျာတွေရဲ့နိုင်ငံသားဖြစ်တည်မှုအရေးနဲ့ပတ်သက်ပြီး အငြင်းပွားနေဆဲဖြစ်တယ်။ သူတို့ဟာ တိုင်းတစ်ပါးသားတွေအဖြစ် သတ်မှတ်ခံနေရတယ် ” ဟု HRW မှ Meenakshi Ganguly ကလည်း ကျွန်ုပ်အား ပြောပြသည်။

    သီရိလင်္ကာမွတ်စ်လင်မ်များသည် မြန်မာမွတ်စ်လင်မ်များထက်တော့ လုံခြုံမှုများစွာ ရှိနေပါသေးသည်။ ၄င်းတို့အဖို့ နိုင်ငံသားကိစ္စနှင့် ပတ်သက်၍ ပြဿနာဖြစ်လာရန်လည်း အကြောင်းမမြင်ပါ။ သို့ရာတွင် သီရိလင်္ကာ၌ မွတ်စ်လင်မ်ဆန့်ကျင်ရေး မှိုင်းတိုက်မှု ပိုမိုအားကောင်းလာလျှင် ရှေ့ဆက်ဘာဖြစ်မည်ကို မဆိုနိုင်သေးချေ။ Jehan Perera ထံမှရရှိသော အထောက်အထားများအရ အချို့က မွတ်စ်လင်မ်တို့အား နိုင်ငံ၏အရပ်ဒေသတစ်ခုသို့ တစ်ဦးမကျန် ထွက်ခွာသွားစေရန် လှုံ့ဆော်နေကြလေသည်။

    “ သီရိလင်္ကာနိုင်ငံဟာ ကြောက်ခမန်းလိလိ ထိခိုက်သေကြေမှုတွေနဲ့အတူ ဆယ်စုနှစ်များစွာ အကြမ်းဖက်မှုဒဏ်ကို ခံစားခဲ့ရပြီးပါပြီ ” ဟု Ganguly မှ ထပ်မံဆိုလိုက်သည်။

    ၂၀ ရာစုနှောင်းပိုင်းအတွင်း သွေးမြေအကျဆုံးနိုင်ငံ တစ်နိုင်ငံဖြစ်သည့် သီရိလင်္ကာရှိ စော်ကားမှုအခံရဆုံးမွတ်စ်လင်မ်တို့မှ ကြုံနေရသည့် အကြမ်းဖက်မှုများအပေါ် လက်တုန့်ပြန်လာခဲ့မည် ဆိုပါက အဖြစ်ဆိုးကြီးတစ်ရပ် ကြုံဆုံရပေတော့မည်။ သီရိလင်္ကာအစိုးရအနေနှင့် ဤပဋိပက္ခများကို ပြတ်သားစွာဖြင့် ကိုင်တွယ်ခြင်း မစတင်ပါလျှင် နှစ်အနည်းငယ် သက်တမ်းမျှသာရှိသေးသော ငြိမ်းချမ်းရေးနှင့်တည်ငြိမ်မှုမှာ နောက်ကြောင်းပြန်လှည့် ပျက်သုဉ်းရခြင်းကို ကျွန်ုပ်တို့မှ တွေ့မြင်ရတော့မည်ဖြစ်ပါ၏။

    Joseph Cox ၏ Furious Buddhists Are Making Life Hell for Sri Lanka’s Muslims ဆောင်းပါးကို  မြင့်မိုရ်မောင်မောင် မှ ဆီလျော်အောင် မြန်မာပြန်ဆိုရေးသားသည်။

    Ref: http://www.vice.com/