News @ M-Media

Tag: Fethullah Gülen

  • ဂူလန် လှုပ်ရှားမှု၊ အာဒိုဂန်နဲ့ တူရကီ ဒီမိုကရေစီ တခန်းရပ် ဇာတ်သိမ်းခန်း

    ဂူလန် လှုပ်ရှားမှု၊ အာဒိုဂန်နဲ့ တူရကီ ဒီမိုကရေစီ တခန်းရပ် ဇာတ်သိမ်းခန်း

    ဇူလိုင် ၂၁ ၊ ၂၀၁၆
    ဆောင်းပါးရှင်-မြင်သစ်
    .Trukey
    လတ်တလော သတင်းတွေ မြင်ထား ကြားထားတဲ့ စာဖတ်သူတွေအတွက် ဒီခေါင်းစဉ်က ဝေဝါးသွားစေမည်မှာ အသေအချာပင်။
    .
    လောလောဆယ် ကမ္ဘာကြီးက သိထားတဲ့ အာဒိုဂန်က စစ်တပ်အာဏာသိမ်းမှုကို မမှု မရွံ့ ပြည်သူ့အင်အားနဲ့ တန်ပြန်အောင်နိုင်ခဲ့သူ ဒီမို သူရဲကောင်းကြီး။
    .
ြဿနာတွေရဲ့ အစက တူရကီ ဒီမိုကရေစီ ဇာတ်သိမ်းခန်း နိဒါန်းလို့ပြောရမယ့် ၂၀၁၃က ဖြစ်ခဲ့တဲ့ အာဒိုဂန်နဲ့ ဝန်ကြီးအဖွဲ့ ခြေရှုပ်ခဲ့တဲ့ ချစားမှုကြီးပါ။
    .
    ဒီမိုကရေစီ စစ်စစ်ကို ကျင့်သုံးတဲ့ ယခင်တူရကီမှာ တရားရေးက အုပ်ချုပ်ရေးလက်အောက်မဟုတ်ဘဲ သီးသန့် ရပ်တည်နိုင်ခဲ့ပါတယ်။
    .
    အဲ့တော့ အဲ့ဒီ လာဘ်စားမှုကို တရားရေးဘက်က လိုက်လံဖော်ထုတ်အရေးယူရင်း မြို့ တော်ဝန်တစ်ယောက်၊နိုင်ငံတော် ဘဏ်ရဲ့ ဒါရိုက်တာ၊ စီးပွားရေးသမားတွေနဲ့ ဝန်ကြီးအချို့ရဲ့ မိသားစုဝင်တွေပါ ဖမ်းဆီးခံခဲ့ရပါတယ်။
    .
    ထိုချိန်က ဝန်ကြီးချုပ် အာဒိုဂန်နဲ့ မိသားစုဝင်တွေပါ ပါဝင်ပတ်သက်နေတဲ့ အသံတွေ ထွက်လာခဲ့ပြီး အမှုကို ဖိအားပေး ရပ်ဆိုင်းခြင်းခံလိုက်ရပါတယ်။
    .
    အာဒိုဂန်နဲ့ အစိုးရဖွဲ့က အာဏာသုံးပြီး အမှုဖော်ထုတ်ရေးမှာ ပါဝင်ခဲ့တဲ့ တရားရေးနဲ့ ပြည်ထဲရေး အရာရှိတွေကို ထုတ်ပယ် ဖမ်းဆီးတာတွေ တန်ပြန်လုပ်ခဲ့ပါတယ်။
    .
    ဖမ်းဆီးထားတဲ့ သူတွေကို ပြန်လွှတ်ပေးခဲ့ပြီး နိုင်ငံရေးနဲ့ အုပ်ချုပ်ရေး အာဏာသုံးပြီး တရားရေးကို အုပ်ချုပ်ရေးအောက်ပြန်ထည့်ခဲ့ပါတယ်။
    .
    အာဒိုဂန်က သူ့ဝန်ကြီး သုံးဦးကိုတော့ ထုတ်ပလိုက်တယ်။
    .
    အဲ့ဒီနောက် အာဒိုဂန်က ဖသုလ်လာဟ်ဂူလန်ကို စွပ်စွဲ တိုက်ခိုက်တော့တာပါပဲ၊ ရန်ငြိုးထားတော့ပါပဲ။
    .
    အဲ့ဒီမှာ ဖသုလ်လာဟ်ဂူလန် ဘယ်သူလဲပေါ့။ သူက တူရကီလူမျိုး ကမ္ဘာကျော် တွေးခေါ်ပညာရှင် စာရေးဆရာ ပညာရေး ငြိမ်းချမ်းရေးနဲ့ လူမှုရေးတက်ကြွလှုပ်ရှားသူ အစ္စလာမ့် ပညာရှင်။
    .
    တူရကီမှာရော နိုင်ငံတကာမှာပါ သူ့ကို လေးစားချစ်ခင်သူ သန်းချီရှိပြီး ကမ္ဘာက အလယ်အလတ်ကျ အစွန်းမရောက်တဲ့ အစ်စလာမ့် ပြယုဂ် အဖြစ် လက်ခံထားခံရသူ။
    .
    ကာ့ဒ်လူမျိုး တွေးခေါ်နဲ့ အစ္စလာမ့် ပညာရှင် စအီးဒ်နူစရီရဲ့ နူရ်လှုပ်ရှားမှု ခေါ် ဘာသာရေးနဲ့ ဥာဏ်သစ်လောင်း လှုပ်ရှားမှုကို ဆက်ခံခဲ့သူ။
    .
    စအီးဒ်နူစရီက ကမ္ဘာကြီးမှာ လူသားတွေ အတိဒုက္ခရောက်နေရတာဟာ အဓိကက ပညာမဲ့လို့၊ ဆင်းရဲလို့နဲ့ မညီညွတ်လို့ဆိုပြီး ဖွင့်ဆိုပြခဲ့တယ်။
    .
    အဲ့ဒီအတွက် အဖြေအဖြစ် ပညာရေးမှာ ရင်းနှီးမြှုပ်နှံဖို့၊ လူမှုဖွံ့ ဖြိုးရေးတွေ လုပ်ဖို့နဲ့ မတူကွဲပြားတဲ့ လူ့အသိုင်းအဝန်းတွေကြား ဆက်ဆံရေးတည်ဆောက်ဖို့ ချပြခဲ့တယ်။
    .
    ခေတ်ပြိုင်ဖြစ်ပေမယ့် ပညာရှင် စအီးဒ်ကို မဆုံဘူးလိုက်တဲ့ ဂူလန်လေးဟာ သူ့ ရဲ့ နာမည်ကျော် ရိစာအိလ်နူးရ် အလင်းရဲ့သတင်းစကားဆိုတဲ့ ကျမ်းတွဲကို လေ့လာမိပြီး သူ့ရဲ့အတွေးအခေါ်တွေကို လက်တွေ့ အကောင်အထည်ဖော်သူ ဖြစ်လာခဲ့တယ်။
    .
    ဘာသာရေးပညာရှင်နဲ့ ခေါင်းဆောင်တစ်ဦးဖြစ်လာသူ ဂူလန်ဟာ နိုင်ငံအနှံ့ သွားရောက်ပြီး လူငယ်တွေကို ဘာသာရေး၊ပညာရေး၊ အကျင့်စာရိတ်တနဲ့ ပရဟိတပိုင်းတွေ ဟောပြောစည်းရုံးပြီး လူသားကောင်းကျိုးပြုဖို့ တိုက်တွန်းနှိုးဆော်ခဲ့တယ်။
    .
    ဘာသာရေးနဲ့ ခေတ်ပညာရေးကို ချိတ်ဆက်အကောင်ထည်ဖော်ခဲ့တယ်။ ဘာသာရေးရော ပညာရည်ပါပြည့်လာတဲ့ လူငယ်တွေဟာ တိုင်းပြည်ရဲ့ ဦးဆောင်မှုပိုင်းမှာ ပါဝင်ခွင့်ရလာခဲ့တယ်။
    .
    အာဒိုဂန်နဲ့ သူ့  ယခင်ဝန်ကြီးအချို့ကိုယ်တိုင် အဲ့ဒီ ပထမမျိုးဆက်တွေပါ။
    .
    နောက်ပြီး ဂူလန်ဟာ လူငယ်တွေကို ကမ္ဘာကြီးကို အလှဆင်ဖို့ နေရာအနှံ့  ခြေဆန့်ပေးဆပ်ကြဖို့ ဟောပြောခဲ့တယ်။
    .
    ငြိမ်းချမ်းရေးနဲ့ ချစ်ကြည်ရေးကို လုပ်ဆောင်ကြဖို့ ဆော်သြခဲ့ပြီး မိမိကိုယ်တိုင်လည်း ဂျူးနဲ့ ခရစ်ယာန် ရဟန်းမင်းကြီးတွေနဲ့တွေ့ဆုံခဲ့တယ်။
    .
    သူက အကြမ်းမဖက်လမ်းစဉ်ကို စွဲကိုင်ထားပြီး ဒီမိုကရေစီကို အားပေးပြီး တရားနည်းလမ်းကြ စီးပွားရှာဖို့ မီဒီယာကို ဖွံ့ဖြိုးအောင်လုပ်ဖို့လည်း တိုက်တွန်းခဲ့တယ်။
    .
    ဂူလန်ဟာ သူ့ဘဝတစ်ခုလုံးကို လူမှုတိုးတက် ပြုပြင်ပြောင်းလဲရေးအတွက် စာရေးသားခြင်း ဟောပြောခြင်းနဲ့ ကုန်ဆုံးစေခဲ့တယ်။
    .
    အဲ့ဒီအကျိုးဆက်အနေနဲ့ တူရကီလူငယ်တွေကနိုင်ငံတွင်းရော နိုင်ငံတကာမှာပါ ကျောင်းတွေ ဖွံ့၊လူသားချင်းစာနာထောက်ထားရေးလုပ်ငန်းတွေ ဆောင်ရွက်၊ ဘာသာပေါင်းစုံချစ်ကြည်ရေးအသင်းအဖွဲ့တွေ တည်ထောင်၊ မီဒီယာနဲ့ ဘဏ်လုပ်ငန်းတွေ လုပ်လာကြတယ်။
    .
    အဲ့ဒီ အလုံးစုံဖွံ့ဖြိုးရေးလှုပ်ရှားမှုကို တူရကီလို Hizmet ပေးဆပ်ခြင်း အကျိုးဆောင်ခြင်းဆိုပြီး ခေါ်ကြတယ်၊ အချို့ကလည်း အစပျိုး နှိုးဆော်ခဲ့တဲ့ ဂူလန်ကို အစွဲပြုပြီး ဂူလန်လှုပ်ရှားမှုဆိုပြီးခေါ်ကြတယ်။
    .
    ဂူလန်ဟာ သူ့ရဲ့ ဟောပြောရေးသားမှုတွေကနေတဆင့် လူငယ်တွေကို တွေးတတ်မြင်တတ် ပေးဆပ်ရဲ ဖောက်ထွက်ရဲစေခဲ့တာဖြစ်ပြီး အဲ့ဒီ့လူငယ်တွေရဲ့ လုပ်ငန်းတွေမှာ အုပ်ချုပ်ရေး ငွေရေးကြေးရေးအရ လုံးဝပတ်သက်ခြင်းမရှိခဲ့ပါ။
    .
    ဂူလန် စေ့ဆော်တဲ့ လှုပ်ရှားမှုကြီးရဲ့ လက်ထွက် ပထမမျိုးဆက်တွေ ဖြစ်တဲ့ အာဒိုဂန်နဲ့ အစိုးရအဖွဲ့ဟာ အစောပိုင်းမှာ ဂူလန်နဲ့ မဟာမိတ်ရင်းတွေ ဖြစ်ခဲ့ပါတယ်။
    .
    ဒါပေမယ့် ဆရာတပည့်ကြားမှာ အက်ကြောင်းတွေ ဖြစ်လာခဲ့ပါတယ်။ တူရကီမှ ဂါဇာသို့ လူသားချင်းစာနာမှု ထောက်ပံ့ သင်္ဘောလွှတ်ရာမှာ အစ္စရေးက သံသယနဲ့ တိုက်ခိုက်ခဲ့တဲ့လကိစ္စမှာ ဂူလန်က တူရကီအနေနဲ့ အစ္စရေးကို တရားဝင် အကြောင်းကြားသင့်ကြောင်း တိုက်ခိုက်ခံရမှုကို ရှောင်ကာ ထောက်ပံ့မှု အောင်မြင်မည်ဖြစ်ကြောင်း မှတ်ချက်ပြုခဲ့ပြီး အာဒိုဂန်ကတော့ မွတ်စလင်မ် ကမ္ဘာနဲ့အတူ ပေါက်ကွဲပြခဲ့ပါတယ်။
    .
    နောက် ကာ့ဒ်ဒေသအရေးပါ။ ဂူလန်က ကာ့ဒ်ခွဲထွက်မှုကို ရပ်တန့် လိုလျှင် ကာ့ဒ်ဒေသကို ငြိမ်ချမ်းစေလိုလျှင် ဖွံ့ဖြိုးတိုးတက်ရေးလုပ်ဖို့လိုကြောင်း ခံယူပြီး ပညာရေးနဲ့ လူမှုရေးလုပ်ငန်းတွေမှာ မြှုပ်နှံဖို့ စပျိုးခဲ့တယ်။ တူရကီလူမျိုးကြီးဝါဒီ နိုင်ငံရေးနဲ့ စစ်တပ်အင်အားစုအတွက် ကာ့ဒ်အရေးဟာ နိုင်ငံရေးလက်နက်ကောင်းဖြစ်တာမို့လို့ Hizmet ရဲ့ ဖွံ့ဖြိုးရေးလုပ်ငန်းတွေ လက်ဝင်ခွင့်မရခဲ့ပါဘူး။
    .
    နောက်အက်ကွဲကြောင်းတစ်ခုကတော့ ဆီးရီးယားအရေးပါ။ အာဒိုဂန်က စစ်ရေးအရ ဝင်ပါလိုချိန်မှာ ဂူလန်က အကြမ်းမဖက် လူမှုပြောင်းလဲရေးကိုသာ ယုံကြည်ထားသူဖြစ်ပြီး စစ်ရေးစွက်ဖက်မှုကို လုံးဝဆန့်ကျင်ခဲ့ပါတယ်။
    .
    လုံးဝကို အက်ကွဲသွားစေတဲ့ အရာကတော့ လာဘ်စားချစား အပုပ်နံထွက်မှုမှာပါ။ အာဒိုဂန်က ဒီလုပ်ရပ်ဟာ ဂူလန်က သူ့အစိုးရကို ဖြုတ်ချဖို့လုပ်တာ၊ ဂူလန်က စင်ပြိုင်အစိုးရထောင်တာဆိုပြီး စွပ်စွဲတိုက်ခိုက်တော့တာပါပဲ။
    .
    အဲ့ဒီအချိန်မှာ ဂူလန်ဟာ သူ့  ကျန်းမာရေးအတွက်ဆိုပြီး အမေရိကန်မှာ သွားနေနေပါပြီ။ ကျန်းမာရေး အကြောင်းအပြင် secularist ဘာသာရေးမဖက်နိုင်ငံရေး ထောက်ခံသူတွေနဲ့ ဘာသာမဲ့ စစ်တပ်နဲ့ နိုင်ငံရေးအင်အားစုတွေရဲ့ ခြိမ်းခြောက်မှုကနေ ရှောင်တာလည်း ပါမှာပါ။
    .
    ဂူလန်ဟာ အသက် ၇၇နှစ်ရှိပြီး နာတာရှည် သွေးချိုနဲ့ နှလုံးရောဂါကို ခံစားနေရပါတယ်။
    .
    တခြားနိုင်ငံတွေနဲ့ မတူတာက တူရကီ စစ်တပ်က သမိုင်းကြောင်းအရ secularist နဲ့ atheist အင်အားစုပါ။
    .
    စောစောက အာဒိုဂန် စွပ်စွဲမှု ဘယ်လောက်မှန် သုံးသပ်ကြည့်ရင် တရားရေးက ခြေဥအရ သူ့အလုပ်သူလုပ်တာပါ။ အာဒိုဂန် ကိုယ်တိုင် ဂူလန်လှုပ်ရှားမှု မျိုးဆက်ဖြစ်ခဲ့သလို တရားရေူဘက်မှာ အဲ့ဒီ လှုပ်ရှားမှုကြောင့် ဥာဏ်ပွင့်ပညာရှာခဲ့တဲ့ ဘာသာရေးလေးစားသူ အရာရှိတွေ ရှိမှာပါ။ တရားရေးနဲ့ မိုင်ရာချီမှာ တပသီနေနေတဲ့ ဂူလန်ကို ဆွဲချိတ်တာကတော့ သူ့လုပ်ရပ်တွေကို ကြည့်ပြီး လာဘ်စားမှုမှာ ပါဝင်ခဲ့တယ်လို့ ယူဆလို့ရတဲ့ အာဒိုဂန်ရဲ့ နိုင်ငံရေး ရမယ်ရှာမှု နိုင်ငံရေး လှည့်စားမှုပါပဲ။
    .
    ဂူလန်ကို ပြန်ကြည့်ရင်လည်း Hizmet လှုပ်ရှားမှုနဲ့ နာမ်ပိုင်းရေးရာနဲ့ တွေးခေါ်ပိုင်းပဲ လွှမ်းမိုးပတ်သက်တယ်။ သူ့ရပ်တည်ချက်အတိုင်း ဒီမိုကရေစီကို ထောက်ခံတယ်။ အကျင့်ပျက် ခြစားတဲ့ အစိုးရကို လက်မခံဘူး။ ဒီမိုကရေစီနည်းမကျတာကို ဆန့်ကျင်တယ်။
    .
    လွှတ်တော်မှာ ထိုင်ခုံများတဲ့ အာဒိုဂန်ကတော့ ဒီမိုစံနှုန်းတွေကို အေကေပီ ပါတီအားနဲ့ပြောင်းတာနဲ့ တင်မရပ်ဘဲ ဂူလန်ကို အကြမ်းဖက်သမားလို့ စွပ်စွဲ လူသားကျိုးပြု Hizmet ကို အကြမ်းဖက်ဖွဲ့လို့ စွပ်စွဲတိုက်ခိုက်ခဲ့ပါတယ်။
    .
    ဂူလန်ရဲ့ ဂရင်းကတ် (ပါစ်ပို့တ်အစိမ်း)ကို ရုတ်သိမ်းပြီး သူ့ကို တူရကီကို ပြန်လွှဲဖို့ အမေရိကန်ကို တိုက်တွန်းခဲ့တယ်။
    .
    အမေရိကန်အစိုးရနဲ့ လူ့ခွင့်ရေးဖွဲ့စည်းတွေက အဲ့ဒီလုပ်ရပ်တွေနဲ့ပတ်သက်ပြီး အာဒိုဂန်ကို ဝေဖန်ခဲ့ပါတယ်။
    .
    နောက်ဆက်တွဲအနေနဲ့ ကြားဖြတ်ရွေးကောက်ပွဲကာလမှာ သူ့ အာဏာရပါတီဟာ သမိုင်းတလျှောက် အမတ်ဦးရေ နည်းဆုံးဖြစ်ခဲ့ရတယ်။
    .
    ကံကောင်းသွားတာက တူရကီမှာ သမိုင်းဝင် ပထမဆုံး လူထုက တိုက်ရိုက်ရွေးချယ်တဲ့ သမ္မတ ရွေးပွဲပါ။ ယခင်စနစ်ကနေ လူထုမဲပေးစနစ်ကိုဖြစ်လာအောင် ပြောင်းလဲရေးမှာ ဒီမိုကရေစီစနစ်ထောက်ခံသူ ဂူလန်လည်း အားတက်သရောပါခဲ့တတယ်။ အဲ့ဒီပွဲမှာ အာဒိုဂန် နိုင်ခဲ့ပါတယ်။
    .
    ကမ္ဘာသိ ချစားတဲ့ အာဒိုဂန် ဘာလို့နိုင်လဲပေါ့။ ပြိုင်ဘက်ပါတီတွေ မဲကွဲခဲ့တယ်၊ ပြိုင်ဘက်ပါတီကြီးက လူရွေးမှားခဲ့တယ်။ နိုင်ငံတကာမှာ နာမည်ကြီး ပေမယ့် ပြည်တွင်းမှာ ဘယ်သူမှ မသိတဲ့ အိုအိုင်စီ အတွင်းရေးမှူးချုပ်ဟောင်းကို ရွေးခဲ့တယ်။
    .
    အာဒိုဂန်က ဆယ်စုနှစ်အတွင်းမှာ နိုင်ငံကို တိုးတက်အောင်လုပ်ပြနိုင်ခဲ့တယ်။ တူရကီလူမျိးကြီး ဝါဒကျင့်သုံးတယ်။ နိုင်ငံတကာမှာ မွတ်စလင်မ် ဖိနှိပ်ခံတွေနဲ့ လူနည်းစုအရေးမှာသူရဲကောင်းဖြစ်နေတယ်။ တူရကီမှာ ဘာသာရေးကျင့်သုံးမှု ဖိနှိပ်ခံရချိန်မှာ သူနဲ့ မိသားစုက ဖိနှိပ်ခံပြီး ကျင့်သုံးခဲ့တယ်။ အဲ့တော့ ဘာသာရေးဟာ သူ့  အတွက် နိုင်ငံရေးလက်နက် အလိုလိုဖြစ်လာတယ်။ နောက်တစ်ချက်က နိုင်ငံရေး ကြွယ်တယ် ရဲတင်းပြတ်သားတယ် ရက်စက်တယ်။ အဲ့ဒီ အချက်တွေက်ကြောင့် တူရကီ နိုင်ငံသား ထက်ဝက်ကျော်နဲ့ နိုင်ငံတကာမှာပါ သည်းချေကြိုက်ဖြစ်နေဆဲပါ။
    .
    သမိုင်းဝင်သမ္မတဖြစ်ပြီး လူရင်း ယခင်နိုင်ငံခြားရေးဝန်ကြီး နိုင်ငံရေးပညာရှင် ဂလူကို ဝန်ကြီးချုပ်လွှဲပြီး စိတ်ကြိုက် အာဏာတည်ဆောက်ပြီး နိုင်ငံရေးပြိုင်ဘက်တွေကို ကောင်းကောင်း နှိပ်ကွက်တော့တာပါ။
    .
    သူ့လာဘ်စားမှုပုပ်နံ့ထွက်စေတယ် ဆိုတဲ့ အငြိုးနဲ့ ဂူလန်ကိုရော Hizmetရော ဂူလန်ကို ချစ်တဲ့သူတွေကိုပါ နည်းမျိုးစုံနဲ့နှိပ်ကွပ်တာပါ။
    .
    သူအဓိက ဖိနှိပ်တာက ဒီမိုကရေစီရဲ့ စံတွေဖြစ်တဲ့ Freedom of media နဲ့ Freedom of speech မီဒီယာလွတ်လပ်ခွင့်နဲ့ လွတ်လပ်စွာပြောဆိုခွင့်ကိုပါ။ အဲ့ဒီမှာ လူရင်းနဲ့ သဘောမတိုက်ဆိုင်ဖြစ်ပြီး ဝန်ကြီးချုပ်ဂလူ နှုတ်ထွက်ပြီး လက်စောင်းထက်တဲ့ သူ့ဆရာအကြောင်း သိသူပီပီ နိုင်ငံရေးလောကမလာပါဘူးဆိုသွားလေရဲ့။
    .
    အဲ့ဒီအတွက် နိုင်ငံတကာရဲ့ ဝေဖန်ခံနေရစဉ်အတွင်းပဲ ဗြုန်းဆို တူရကီစစ်တပ်တစ်စုရဲ့ အာဏာသိမ်းကြိုးပမ်းမှု ပေါ်တာပါပဲ။
    .
    ဖြစ်နေစဉ် နာရီပိုင်းအကြာမှာကို အာဒိုဂန်ရဲ့ တရားရေးဝန်က ဂူလန်ကြိုးကိုင်တာဆိုပြီး ယိုးစွပ်ခဲ့ပြီး ချက်ချင်း ဝန်ကြီးချုပ်နဲ့ အာဒိုဂန်က သံယောင်လိုက်ခဲ့တယ်။
    .
    ဂူလန်နဲ့ သူ့နောက်လိုက်တွေက ဒီစွပ်စွဲမှုကို ချက်ချင်း ငြင်းဆိုပြီး နိုင်ငံရေး ချောက်ချ ခြင်းဖြစ်ကြောင်း Hizmet ကို အကြောင်းရှာ ဖြိုခွဲလိုလို့ဖြစ်ကြောင်း၊ ဒီမိုကရေစီ စနစ်ကိုသာ ထောက်ခံကြောင်း အာဏာသိမ်းမှုကို ဆန့်ကျင်ကြောင်း၊ အာဒိုဂန် ကိုယ်တိုင်က လုပ်ဇာတ်လုပ်တာဖြစ်လိုကြောင်း တုံ့ပြန်ခဲ့ကြပါတယ်။
    .
    ခေတ်သမိုင်းမှာ တခြားအာဏာသိမ်းပွဲများနဲ့ ချိန်ထိုးလျှင်နည်းစနစ်ရော စီမံမှုပါ ညံ့ဖျင်းတဲ့ အာဏာသိမ်းကြိုးပမ်းမှုကို အာဒိုဂန်အစိုးရ ၄၈နာရီ မပြည့်ခင် အနိုင်ယူခဲ့ပြီး ဂူလန်ကို လုံးဝ ပုဒ်မတပ်ခဲ့တယ်။
    .
    အာဏာသိမ်းမှု အစမှာ အမေရိကန် အီးယူနှင့် တစ်ကမ္ဘာလုံး ဒီမိုကရေစီအတွက် အာဒိုဂန်နဲ့ ရပ်တည်ပေးခဲ့ကြတယ်။
    .
    နောက်ပိုင်းမှာတော့ အာဏာသိမ်းဖြစ်စဉ်နဲ့ အာဒိုဂန်ရဲ့ တုန့်ပြန်မှု အပေါ်မူတည်ပြီး ဂူလန်နည်းတူ တခြားသုတေသီနဲ့ ဝေဖန်ရေးဆရာများ နိုင်ငံတကာမီဒီယာများလည်း လုပ်ဇာတ်ဖြစ်နိုင်ကြောင်း စွပ်စွဲဝေဖန်မှုတွေ ရှိလာနေပြီဖြစ်ပါတယ်။
    .
    အာဒိုဂန်ကတော့ သူ့ရပ်တည်ချက်အတိုင်း ဂူလန်ကို ပုဒ်မတပ် အာဏာသိမ်းနှိမ်နင်းရေး ခေါင်းစဉ်အောက်ကနေ ဗိုလ်ချုပ် ၅ ယောက်နဲ့စစ်သားများမှစလို့ အစိုးရအဖွဲ့က ဝန်ထမ်းတွေ၊ တရားရေးဝန်ထမ်းတွေ၊ကျောင်းဆရာတွေသောင်းချီ ၊ကျောင်းအုပ်တွေထောင်ချီကို ဖြုတ် ဖမ်းဆီး လိုင်စင်သိမ်းတွေလုပ်နေပါပြီ။ဂူလန်ရဲ့ နှိုးကြားမှုနဲ့ လူငယ်တွေ တည်ထောင်ထားတဲ့ လူမှုရေးလုပ်ငန်းတွေ၊ နိုင်ငံတွင်းကျောင်းတွေသာမက တူရကီသြဇာလွှမ်းတဲ့ ပြည်ပနိုင်ငံအချို့က ကျောင်းတွေကိုပါ အတင်းပိတ်တာတွေ လုပ်နေပါပြီ။
    .
    ပြည့်သူတောင်းဆိုချက်ဆိုပြီး သေဒဏ်ကို ပြန်အသက်သွင်းဖို့ လုပ်နေပါပြီ။
    .
    အစောပိုင်းက ရပ်တည်ပေးခဲ့တဲ့ နိုင်ငံတကာအသိုက်အ၀န်းက အာဒိုဂန်အစိုးရကို အာဏာသိမ်းနဲ့ မဆိုင်သူတွေကို မဖမ်းဖို့၊ ဖမ်းဆီးထားသူတွေကိုလည်း ခြေဥနဲ့ အညီသာ အရေးယူဖို့၊ဒီမိုကရေစီစံနှုန်းတွေကို လိုက်နာဖို့ စောင့်ကြည့်သတိပေးနေရပါပြီ။
    .
    ဂူလန်ကို သူ့အစိုးရဆီ လွဲပြောင်းရုံးတင်ဖို့ကိုလည်း အာဒိုဂန်က အမေရိကန်ကို အတင်းအရေးဆိုနေပြီး အမေရိကန်ကလည်း တိကျတဲ့ အထောက်အထားတွေလိုကြောင်း၊ လောလောဆယ် ဂူလန်မှာ ဥပဒေနဲ့ အညီနေသူဖြစ်ကြောင်း ပြန်ထားပြီး နှစ်နိုင်ငံကြား သံတမန်ဖုထစ်ဖြစ်လာနိုင်ပါတယ်။
    .
    လက်ရှိအာဏာသိမ်းမှု ဖြစ်စဉ်ဟာ သူ့အတွက် ဘုရားသခင်ရဲ့ ဆုလာဘ်လို့ ကိုယ်တိုင် ခံယူထားတဲ့ အာဒိုဂန်အတွက် အာဏာ တည်ဆောက်ရေး ဖြုတ်ထုတ်သတ်ပွဲဆိုတာတော့ ဘယ်နိုင်ငံရေး သုသေတီမှ ငြင်းနိုင်မှာ မဟုတ်ပါဘူး။
    .
    လူမျိုးကြီးဝါဒနဲ့ ဘာသာရေး လက်နက်တွေနဲ့အတူ နိုင်ငံရေး သဘာရင့် အာဒိုဂန်ရဲ့ ဒီမိုအာဏာရှင် ဇာတ်ဝင်ခန်းကတော့ မလွဲမုချ တူရကီ ဒီမိုကရေစီရဲ့ ဇာတ်သိမ်းခန်း အစပါပဲ။
    .
    အာဒိုဂန်က အာဏာဆက် တည်ဆောက်မယ်၊ ဖသုလ်လာဟ်ဂူလန်ကလည်း လူငယ်တွေနဲ့အတူ ကမ္ဘာကြီးကို ဆက်တည်ဆောက်နေဦးမယ် ထင်ပါတယ်။
    .
    အာဏာသိမ်းတရားခံစစ်က ဘယ်သူလဲ။ တူရကီ ဒီမိုအာဏာရှင်ကြီး အာဒိုဂန်ကို ဘယ်သူကများ ရပ်တန့်နိုင်မလဲ။ စအီးဒ်နူစရီက ဂူလန်လေးကို လက်ဆင့်ကမ်းခဲ့သလို ဂူလန်ကို ဘယ်သူကများ ဆက်ခံမလဲ။
    .
    ဒီမိုကရေစီဆိုတာ မဲပေးရုံသက်သက်လား၊ လူကြိုက်များတာနဲ့ ဒီမိုကရေစီလားဆိုတဲ့ အတွေးများနဲ့ ဒီနေ့နဲ့ မနက်ဖြန်ရဲ့ ဒီမိုကရေစီအတွက် စိုးရွံ့ခြင်းများနဲ့…။

    ——————————-
    ** ဆောင်းပါးရှင်၏ အာဘော်သာဖြစ်သည်။

  • ဘာသာတရား ပြသနာ မဟုတ်သည့် လူသားဝါဒ နှင့် လူရိုင်းဝါဒတို့ကြား ထိပ်တိုက် ပဋိပက္ခ

    ဘာသာတရား ပြသနာ မဟုတ်သည့် လူသားဝါဒ နှင့် လူရိုင်းဝါဒတို့ကြား ထိပ်တိုက် ပဋိပက္ခ

    ဒီဇင်ဘာ ၂၂ ၊ ၂၀၁၅
    M-Media
    muslims1-1170x711
    အီရတ်နှင့် လက်ဘနွန်ရှိ အစ္စလာမ့် နိုင်ငံတော်(ISIL) ဟု  အမည်ပေးထားသူများအပါအဝင် အကြမ်းဖက်တို့၏ ရက်စက်ကြမ်းကြုတ်မှုများကို မယုံနိုင်စရာရင်ဆိုင်ကြုံတွေ့ရသည့်အတွက် စကားလုံးများဖြင့် မဖော်ပြနိုင်တော့အောင်ပင် ဝမ်းနည်းစိတ်မသက်မသာဖြစ်ရမိပါသည်။

    အဆိုပါအုပ်စုများသည် ယင်းတို့၏ ဖောက်လွဲဖောက်ပြန် အတွေးအခေါ်များကို ဘာသာရေးအသွင် အရောင်ဆိုးရင်း အကြမ်းဖက်နေကြသူများ သာဖြစ်ကြောင်း ကမ္ဘာတဝန်းရှိ သန်းပေါင်း၁၅၀၀ကျော်သော မွတ်စလင်မ်တို့အား လေးလေးနက်နက် ဝမ်းနည်းစွာ အသိပေးလိုပါသည်။ ကျွန်ုပ်တို့ မွတ်စလင်များ အနေဖြင့် ယင်း အစွန်းရောက်အကြမ်းဖက်တို့ရန်မှ ကမ္ဘာကိုကယ်တင်ရန် လူသားချင်းလက်တွဲဆောင်ရွက်ကြရုံမျှမက ယင်းသူတို့ကြောင့် မှေးမှိန်ပျက်ယွင်းနေရသည့် ကျွန်ုပ်တို့ယုံကြည်မှု ဘာသာတရား၏ ပုံရိပ်မှန်ကို ပြန်လည် တည်ဆောက်ပေးကြရန်လည်း တာဝန်ရှိနေပါပြီ။

    စာအားဖြင့်လည်းကောင်း ပုံသဏ္ဍန်အားဖြင့်လည်းကောင်း အသွင်ဆောင်ခြင်းဖြင့် မိမိတို့သည် ဤဤထိုထို လူ့အစုအဝေး တစ်ရပ်မှဖြစ်ကြောင်း ကြေညာရန် လွယ်လှပါသည်။  ယင်းသူတို့၏ အသွင်ဆောင်ကြေညာချက် အစစ်အမှန် ဟုတ်မဟုတ်ကိုမူကား သူတို့ မိမိကိုယ်ကို ကြေညာ ထားကြသော အစုအဖွဲ့၏ အခြေခံအနှစ်သာရများနှင့် ယင်းသူတို့၏လက်တွေ့လုပ်ရပ်များ ကိုက်ညီမှုရှိမရှိ နှိုင်းယှဉ် တိုင်းတာကြ ရပေမည်။ ယုံကြည်ချက်တစ်ရပ်၏ မှတ်ကျောက်သည် ပုံစံတစ်မျိုးမျိုးဖြင့် ဝတ်စားဆင်ယင်ကာ ကြွေးကြော်ကြေညာခြင်း အပေါ် အခြေမခံ။ မှတ်ကျောက်အစစ်သည်ကား သူတပါးအသက်ကို တန်ဖိုးထားခြင်း လူသားထုတစ်ရပ်လုံး၏ ဂုဏ် သိက္ခာကို လေးစားကြည်ညိုခြင်း စသည့် ကမ္ဘာ့ဘာသာတရားအသီးသီး၏ အခြေခံ အနှစ်သာရများကို လေးစား လိုက်နာကျင့်သုံးခြင်း ရှိမရှိပင်ဖြစ်သည်။

    ကျွန်ုပ်တို့အနေဖြင့် အကြမ်းဖက်သမားတို့ပုံဖော်လာသော အတွေးအခေါ်အယူအဆလွဲ မှန်သမျှအား ခြွင်းချက်မရှိ ဆန့်ကျင်ကာ အားလုံးတူညီ ငြိမ်းချမ်းစွာအတူလက်တွဲနေထိုင်တတ်သော အတွေးအခေါ်များကို ခိုင်ခိုင်မြဲမြဲ နှစ်နှစ်ကာကာ ယုံကြည် တည်ဆောက်ကြရန် လိုသည်။ စင်စစ်အားဖြင့် “လူမျိုး” “နိုင်ငံသား” “ဘာသာတရား” စသည့် သတ်မှတ်ချက်များထက်အရင် ပိုအရေးပါသည်က အကြမ်းဖက်မှုနှင့် ကြုံဆုံရတိုင်း နောက်ရောက်မှေးမှိန်သွားရစမြဲဖြစ်နေရသည့်  “လူသား” ဟူသည့် သတ်မှတ်ချက်ပင်။ ပဲရစ်မြို့တွင် အသက်ဆုံးရှုံးခဲ့ကြရသော ပြင်သစ်နိုင်ငံသားများသည်လည်းကောင်း ၊ ယင်းမတိုင်မီ တစ်ရက်က ဘေရွတ်မြို့တွင် သေဆုံးခဲ့ကြရသော လက်ဘနွန်နိုင်ငံသား ရှိအဟ် မွတ်စလင်မ်များသည်လည်းကောင်း၊ ယင်းအကြမ်းဖက်သမားတို့၏ လက်ချက်ကြောင့်ပင် အသက်ဆုံးရှုံးခဲ့ကြရသော အီရတ်နိုင်ငံသား စွန္နီ မွတ်စလင်မ် အမြောက်အများတို့သည်လည်းကောင်း အကယ်စင်စစ် “လူသား” များပင်။ လူသားများ ခံစားနေရသော ဘေးဒုက္ခများအား အမျိုးဘာသာမခွဲဘဲ ကိုယ်ချင်းစာစိတ်ဖြင့် တန်းတူ ဝမ်းနည်းကာ တန်းတူရည်တူ မတုန့်ပြန်တတ်ကြသေးသရွေ့တော့ ကျွန်ုပ်တို့လူ့ဘောင် တိုးတက်ကြမည်မဟုတ်ချေ။

    အခြားသူများက မိမိတို့အသွင်ယူ လုပ်ကြံကာ မိမိတို့ကို ပုံဖျက်နေကြသည်ဆိုသော conspiracy theories များကို ယုံကြည်နေခြင်းအားလည်း မွတ်စလင်မ်တို့အနေဖြင့် ငြင်းပယ်ရှောင်ရှားကြသင့်ပါပြီ။ ဤသို့ ယုံနေကြခြင်းကြောင့်လည်း ကျွန်ုပ်တို့ ကြုံတွေ့နေရသော လူမှုဘဝပြဿနာများကို ထိပ်တိုက် ရင်ဆိုင်ဖြေရှင်းရန်ကို ရှောင်ဖယ်မိနေကြခြင်း ဖြစ်သည်။ ထို့အစား ကျွန်ုပ်တို့အနေဖြင့် အောက်ပါ ပြဿနာတို့ကို အဖြေရှာကြရန်လိုနေပါသည်။  ကျွန်ုပ်တို့ လူ့အစုအဝေးများသည် မိမိတို့အတွင်း၌ မသိမသာ ကိန်းအောင်းလျက်ရှိနေကြသော အာဏာရှင်ဝါဒ၊ အိမ်တွင်း ကိုယ်ထိလက်ရောက် အကြမ်းဖက်မှု၊ လူငယ်များအား လစ်လျူရှုထားမှု၊ ဘက်စုံထူးချွန်သောပညာရေး အားနည်းမှုတို့ကြောင့် အာဏာရှင် အုပ်စုများအား မွေးထုတ်ပေးရာ ဖြစ်နေလေသလား။ ကျွန်ုပ်တို့အနေဖြင့် လူ့အခွင့်အရေးနှင့် လွတ်လပ်ခွင့်များအား စနစ်တကျ မပျိုးထောင်နိုင်ခဲ့မှု၊ ကျွန်ုပ်တို့လူ့အဖွဲ့အစည်းများအတွင်း တရားဥပဒေစိုးမိုးမှုနှင့် ငြိမ်းချမ်းစွာ စုပေါင်း အတူလက်တွဲနေထိုင်ရေးတို့ကို အောင်မြင်စွာ မဖော်ဆောင်နိုင်ခဲ့မှုများက ဒုက္ခတွေ့နေသူများအား အခြားလမ်းသို့ တွန်းပို့ခဲ့ရာ ရောက်နေရသည်လား။

    ပဲရစ်မြို့၏ဝမ်းနည်းဖွယ်ဖြစ်ရပ်သည် ဘာသာရေးအထူးပြုလေ့လာသူ ဓမ္မသတ်မှူးများ အတွက်သာ မက အများပြည်သူ မွတ်စလင်မ်တို့အတွက်လည်း ကျွန်ုပ်တို့၏သာသနာကို ခုတုံးလုပ်လီဆယ် ထားသော အဆိုပါအကြမ်းဖက်မှုတို့အား ပြင်းပြင်းထန်ထန် ဆန့်ကျင်ဝေဖန် ကန့်ကွက်ကြရန် လိုကြောင်း သတိပေးသံတစ်ရပ်ပင်။ သို့သော် ဤနေရာတွင် ဆန့်ကျင်ဝေဖန် ကန့်ကွက်ကြခြင်း သက်သက်က မလုံလောက်တော့ဘဲ တိုင်းပြည်အုပ်ချုပ်သူ တာဝန်ရှိသူများ ဘာသာရေး ခေါင်းဆောင်များနှင့် လူထုတို့ အခန်းကဏ္ဍစုံ ပူးပေါင်းလက်တွဲလျက် မွတ်စလင်မ် လူ့အစုအဝေးများ အတွင်း အကြမ်းဖက်ဝါဒ တိုးပွားမလာစေရေး အစွမ်းကုန် ကာကွယ် တွန်းလှန်ကြရန် လိုအပ်လျက် ရှိနေပါပြီ။ အစွန်းရောက် အကြမ်းဖက်ဝါဒ မွေးဖွားကြီးထွားစေရာ မှန်သမျှအား စိစစ်အဖြေရှာ အမြစ်ဖြတ်နိုင်ရန် လူ့အဖွဲ့အစည်းတစ်ရပ်လုံး ပါဝင်ကြိုးပမ်းကြရပေမည်။

    လူငယ်ထုအတွင်း လမ်းမှားရောက်သွားနိုင်ချေရှိနေသူများကို သိရှိရွေးချယ်နိုင်ကာ မိသားစုများကို နှစ်သိမ့်ဆွေးနွေး ပညာပေး နွေးထွေးကူညီမှုပေးခြင်းများဖြင့် ယင်းသူတို့ မိမိကိုကိုယ် ပျက်စီးရာပျက်စီးကြောင်း ကြံနိုင်ကြမည့် လမ်းစဉ်ကိုရွေးချယ်ကြခြင်းမှ ရှောင်ကျဉ်နိုင်စေရန် လူထုအားဖြင့် စနစ်တကျ စီစည်ဆောင်ရွက်ကြရပါမည်။ အကြမ်းဖက်ဝါဒ တိုက်ဖျက်ရေးအတွက် ဆွေးနွေးညှိနှိုင်း အကောင်အထည်ဖော်ဆောင်ရွက်ကြရာတွင် သက်ဆိုင်ရာ မွတ်စလင်မ်နိုင်ငံသားများ အနေဖြင့် တစ်စားပွဲထဲထိုင်ကာ ပူးပေါင်းပါဝင်ခွင့်ရစေရေးအတွက် အစိုးရတာဝန်ရှိသူများဘက်မှ ကြိုတင်စီစဉ်မှုများ လုပ်သင့်ပါသည်။ လူငယ်များအနေဖြင့် ထောက်ခံခြင်း ဆန့်ကျင်ခြင်းတို့ကို ဒီမိုကရေစီနည်းကျကျ မည်သို့မည်ပုံ ပါဝင်လုပ်ဆောင်နိုင်ကြကြောင်း သင်ကြားပေးခြင်း ခံထားကြသင့်ပါသည်။ ဒီမိုကရေစီ၏ အနှစ်သာရများကို ကျောင်းသင်ခန်းစာများတွင် ငယ်စဉ်ကတည်းက သင်ကြားပေးထားခြင်းသည် လူငယ်တို့အတွင်း ဒီမိုကရေစီယဉ်ကျေးမှု ထွန်းကားစေရေးအတွက် အလွန် အရေးပါလှပေသည်။

    အထက်ပါကဲ့သို့သော ဝမ်းနည်းဖွယ် အကြမ်းဖက်မှုများ ဖြစ်ပွားအပြီးတွင် သမိုင်းစဉ်ဆက် အခိုင်အမာရှိခဲ့သော တုန့်ပြန်မှုများ ရုပ်လုံးပေါ်လာပြန်သည်။ မွတ်စလင်မ်ဆန့်ကျင်ရေး  ဘာသာရေးအမုန်းပွားမှု အယူအဆများသည်လည်းကောင်း၊ အစိုးရများက အစ္စလာမ်ဘာသာဝင် နိုင်ငံသားများအား လုံခြုံရေးအကြောင်းပြချက်ဖြင့် ခွဲခြားဆက်ဆံမှုသည်လည်းကောင်း ထိရောက်သောရလဒ်ကောင်း မဖြစ်စေနိုင်ပါ။ ဥရောပနိုင်ငံသား မွတ်စလင်မ်များသည် ငြိမ်းချမ်းသာယာစွာ နေလိုကြ သူများ ဖြစ်ကြပါသည်။ မလိုလားမှုများ ရှိအံ့ငြားသော်လည်း သူတို့အနေဖြင့် မိမိတို့လူ့အဖွဲ့အစည်းနှင့် ပတ်ဝန်းကျင် လူ့ဘောင်အသိုင်းအဝိုင်း တစ်ပေါင်းတစ်စည်းတည်း ပိုမိုဖြစ်လာစေရေးအတွက် အတူတကွပါဝင်နိုင်စေရေး စီမံကိန်းများ အကောင်အထည်ဖော်စေနိုင်ရန် သက်ဆိုင်ရာ အစိုးရများကို ဆထက်ထမ်းပိုး ပူးပေါင်းကူညီကြရပါမည်။

    ကျွန်ုပ်တို့ မွတ်စလင်မ်များကလည်း အစ္စလာမ်ကို ကျွန်ုပ်တို့ နားလည်ကျင့်သုံး ဆောက်တည် နေကြပုံကို လက်ရှိ ခေတ်စနစ်၏ လိုအပ်ချက်၊ သမိုင်းကပေးခဲ့သော သင်ခန်းစာများကို အခြေခံလျက် သေချာ ပြန်လည်သုံးသပ်ချိန် တန်ပါပြီ။ ဤသို့ဆိုရာတွင် အစ္စလာမ့် ထုံးတမ်းစဉ်လာအမွေအနှစ် များကို ပြစ်ပယ်ဖို့ရာ ဆိုလိုခြင်းမဟုတ်ပါ။ ကျွန်ုပ်တို့၏ ဘိုးဘေးဘီဘင် မွတ်စလင်မ်တို့ အကောင်အထည်ဖော် ခဲ့ကြသော အစ္စလာမ့်သွန်သင်ချက်မှတ်ကျောက်များဖြစ်သည့် ကျမ်းမြတ်ကုရ်အာန် နှင့် မဟာတမန်တော်မြတ်၏ ဓလေ့တော်များအတိုင်း ဟုတ်မဟုတ် ပြန်လည် စမ်းစစ် မေးခွန်းထုတ် တိုက်ဆိုင်စစ်ဆေးကြကာ အတည်ပြုနိုင်ကြစေရန်ကို ဆိုလိုရင်း ဖြစ်ပါသည်။ မတော်မတရားဝါဒများအား သာသနာ့သွန်သင်ချက်အဖြစ် ပုံဖော် အသုံးချနေကြသော  အခြေအမြစ်မရှိသည့် မခိုင်မာသည့် သွန်သင်ချက်များအား ဂရုတစိုက်ဖြင့် လျစ်လျူရှု စွန့်ပယ် ကြရပါမည်။ မွတ်စလင်မ် ပညာရှင်များ အနေဖြင့်လည်း နိုင်ငံရေးနှင့် ဘာသာရေးကို ရောထွေး ကျင့်သုံးနေကြစဉ် အလယ်ပိုင်းခေတ်က ချမှတ်ထားခဲ့သော ဓမ္မသတ်ဖြတ်ထုံးများ ဥပဒေသများကို အဖက်ဖက်မှ သုံးသပ် ပြန်လည်စိစစ်ရန် လိုအပ်နေပါသည်။ အခြေခံအုတ်မြစ် သွန်သင်ချက်များနှင့် တရားသေမျက်ကန်း ယုံကြည်မှုအကြား ခွဲခြားနိုင်ကြရပါမည်။ သာသနာ၏ အုတ်မြစ် ပရမတ္တသစ္စာများကို မလွဲဦးသုန် လိုက်နာလျက်  အစ္စလာမ့် ဥာဏ်သစ်လောင်းတော်လှန်ရေး၏ အစပထမဖြစ်ခဲ့သော အသိဥာဏ်အမြော်အမြင်ကို အခြေခံ လွတ်လပ်စွာတွေးခေါ်ခွင့် ပြန်လည် ရှင်သန်လာစေရန်သည် ဖြစ်နိုင်ချေရှိသောအရာတစ်ခုဖြစ်ရုံမျှသာမကဘဲ အကယ်စင်စစ် မရှိမဖြစ် လိုအပ်ချက်တစ်ရပ်ပင် ဖြစ်တော့သည်။ ဤအခြေအနေတွင်ရှိမှသာ မွတ်စလင်မ်တို့အနေဖြင့် လူမဆန်သော ကြမ်းတမ်းသော အစွန်းရောက်မှုကို ထိထိရောက်ရောက် တွန်းလှန်နိုင်ပေမည်။

    မကြာသေးမီက အဖြစ်အပျက်များအပြီးတွင် ယဉ်ကျေးမှုများကြား ထိပ်တိုက်တွေ့သည့် ပဋိပက္ခ အယူအဆများကို တုန်လှုပ်ဝမ်းနည်းစွာ မျက်ဝါးထင်ထင် ကြုံတွေ့နေရပါပြီ။ ဤအယူအဆကို စတင်ဖော်ထုတ်ခဲ့သူ တို့က ကြိုတင်တွေဆ မြင်ယောင်ကာ လိုလိုလားလား ဆိုခဲ့ကြသည်လား ဆိုသည်ကိုတော့ ကျွန်ုပ် မသိ။ သေချာသည်ကတော့ ဤထိပ်တိုက်ပဋိပက္ခဝါဒ ယနေ့ခေတ်တွင် ပြန်လည် ဦးထောင်လာခြင်းသည် အကြမ်းဖက်သမားတို့၏ ကွန်ယက်ကို ပိုမိုအားကောင်းစေဖို့အတွက် အထောက်အပံ့ ဖြစ်စေသည် ဆိုသည့်အချက်ပင်။ ကျွန်ုပ် အခိုင်အမာ ဆိုချင်သည်ကတော့ ယနေ့ခေတ် ကြုံတွေ့နေရသည်တို့သည် ယဉ်ကျေးမှုခြင်း ထိပ်တိုက်တွေ့ ပဋိပက္ခဖြစ်ခြင်း မဟုတ်ဘဲ ဘုံယဉ်ကျေးမှုအသိုင်းအဝိုင်းအတွင်း လူသားဝါဒ နှင့် လူရိုင်းဝါဒတို့အကြား ထိပ်တိုက်တွေ့သည့် ပဋိပက္ခဆိုသည်ကိုပင်။

    ကျွန်ုပ်တို့ မွတ်စလင်မ်များ၏ တာဝန်သည်ကား ကျွန်ုပ်တို့ ဝမ်းနည်းအားငယ်ဖွယ် ကြုံနေရငြားသော်လည်း အဖြေထုတ်ကြနိုင်စေရေး တစ်စိတ်တစ်ပိုင်း ပါဝင်ကြရန်ပင်ဖြစ်သည်။ လူသားတို့၏ အသက်များကို ကယ်တင်ကာကွယ်လိုပါက၊ ကမ္ဘာတဝန်းရှိမွတ်စလင်မ်တို့၏ တရားမျှတ လွတ်လပ်မှုကို ကာကွယ်လိုပါက၊ မည်သည့်ဘာသာဝင်အတွက်မဆို လူသားတိုင်း၏ အေးချမ်းသာယာဝပြောရေးကို ကာကွယ်လိုပါက နိုင်ငံရေး စီးပွားရေး လူမှုရေး ဘာသာရေး ကဏ္ဍစုံတွင်ရှိနေနိုင်သည့် အစွန်းရောက် အကြမ်းဖက်မှု ပြဿနာများကို ယခုပင် အချိန်မဆိုင်းဘဲ စတင်ဖြေရှင်းသင့်ပါပြီ။

    ကျွန်ုပ်တို့၏ နေ့စဉ်ဘဝတွင် စံနမူနာပြ ကိုယ်ကျင့်သိက္ခာ ဆောက်တည်ပြခြင်း၊ ဘာသာရေး အဆုံးအမများကို အစွန်းရောက် ဖွင့်ဆိုထားသည်တို့အား လစ်လျူရှု စွန့်ပယ်ခြင်း၊ ထိုအစွန်းရောက်သွန်သင်ချက်များ လူငယ်ထုအပေါ်သက်ရောက်မှု မရှိစေရန် ဂရုစိုက် ကာကွယ်ပေးခြင်း၊ ငယ်စဉ်ကတည်းကပင် ပညာရေးတွင် ဒီမိုကရေစီ၏ အနှစ်သာရများ သွန်သင်ပေးခြင်း စသည့် နည်းလမ်းတို့ဖြင့် အကြမ်းဖက်မှု အစွန်းရောက်မှုများသာမက ထိုလမ်းစဉ်များသို့ ဦးတည်စေသည့် အာဏာရှင်စနစ်ကိုပါ တွန်းလှန်နိုင်ကြပါမည်။

    (တူရကီပညာရှင် ဖသ်ဟုလ္လာဟ် ဂုလန် ၏ Le Monde တွင် ဒီဇင်ဘာ ၁၇ရက် ၂၀၁၅တွင် ပထမဆုံးအကြိမ် ဖော်ပြခဲ့သည့် Muslims, we have to critically review our understanding of Islam ဆောင်းပါးကို “သဲတပွင့်” ဘာသာပြန်ပါသည်။ )

  • အစွန်းရောက် ကင်ဆာရောဂါနှင့် စစ်ခင်းရန် နည်းလမ်း ၆  ရပ်

    အစွန်းရောက် ကင်ဆာရောဂါနှင့် စစ်ခင်းရန် နည်းလမ်း ၆ ရပ်

    နိုဝင်ဘာ ၃၀ ၊ ၂၀၁၅
    M-Media
    banner-1
    – မိမိကိုယ်ကို အစ္စလာမ့်နိုင်ငံတော် Islamic State ဟု အမည်ပေးထားပြီး၊ ISIS အဖြစ် ကျော်ကြားသောအုပ်စုသည် အရှေ့အလယ်ပိုင်း၌ လူသတ်ပွဲကြီးကို ရှေ့ဆက်နေဆဲဖြစ်သည်။ မွတ်စ်လင်မ်တို့အနေဖြင့် အကြွင်းမဲ့အာဏာရှင်စနစ်၏ အဘိဓမ္မာများကို သက်ဝင်လှုပ်ရှားနေစေသည့် အဆိုပါအဖွဲ့နှင့်တစ်ကွ အခြားသောအကြမ်းဖက်အုပ်စုများကို ထိပ်တိုက်ရင်ဆိုင်ရပေမည်။ အကြမ်းဖက်သမားတိုင်း၏ စည်းမျဉ်းကား အစ္စလာမ်အမည်နှင့် ထွက်ပေါ်လာပြီး နိုင်ငံသား အချင်းချင်း သွေးကွဲစေခြင်း၊ အစ္စလာမ့် ယုံကြည်ချက် လက္ခဏာများကို အမြင်မှားစေခြင်းတို့ဖြင့်  မွတ်စ်လင်မ်အပေါင်းကို ပြင်းထန်လွန်းစွာ ထိခိုက်နစ်နာစေသည်ချည်းပင်။

    အစွန်းရောက် အကြမ်းဖက်သူတို့၏ ယုတ်မာရက်စက်ခြင်းများအတွက် အစ္စလာမ်သာသနာကို ပြစ်တင်ရှုတ်ချခြင်းမှာ တရားမျှတမှု မရှိပါ။ အကြမ်းဖက်သမားများက မွတ်စ်လင်မ်ဝတ်ရုံခြုံ၍ မွတ်စ်လင်မ်တို့၏လက္ခဏာကို ပြသကာ မွတ်စ်လင်မ်ဟု အမည်ခံကြွေးကြော်ခြင်း သက်သက်သာလျှင် ဖြစ်၏။ သို့ဖြစ်ရကား ကျွန်ုပ်တို့၏ လူ့အသိုင်းအ၀ိုင်း၌ ဤကင်ဆာရောဂါ နောက်တစ်ဆင့် တက်မလာအောင် ကာကွယ်ရန် အီမာန်ရှင်(သက်ဝင်ယုံကြည်သူ)များအဖို့ ရသည့်နည်းနှင့် တားဆီးကာကွယ်ရပါမည်။ အကယ်၍ ကျွန်ုပ်တို့မှ မပြုလုပ်ခဲ့ပါလျှင် ကျွန်ုပ်တို့ယုံကြည်ရာ ဘာသာတရားအပေါ် အမည်းစက်စွန်းထင်းလာမှုအတွက် ကျွန်ုပ်တို့လည်း တစ်စိတ်တစ်ပိုင်းအားဖြင့် တာဝန်ရှိသွားပေမည်။

    ပထမဆုံးအားဖြင့် ကျွန်ုပ်တို့မှ အကြမ်းဖက်ဖြစ်စဉ်များကို ကန့်ကွက်ရှုတ်ချရပါမည်။ အကြမ်းဖက်သမားဟူသော ထောင်ချောက်ထဲ ပါဝင်မသွားအောင် သတိထားရပါမည်။ အဖိနှိပ်ခံရခြင်းသည် အကြမ်းဖက်သမားဖြစ်လာအောင် လမ်းဖွင့်ပေးသည့် တံခါးပေါက် မဟုတ်၊ အကြမ်းဖက်ဝါဒကို ပြစ်တင် ရှုတ်ချရန်လည်း မပျက်ကွက်အပ်ပေ။ အကြမ်းဖက်သမားများမှာ အစ္စလာမ်အမည်ကို အသုံးချ၍ အကျည်းတန်ဒုစရိုက်များကျူးလွန်နေပါသည်ဟု ကျွန်ုပ်၏အတွေးသက်သက်မျှဖြင့် ဆိုနေခြင်း မဟုတ်ပါ။ သာသနာ၏ အခြေခံရင်းမြစ်ကြီးများဖြစ်သော ကျမ်းမြတ်ကုရ်အာန်နှင့် တမန်တော် မုဟမ္မဒ်(ငြိမ်းချမ်းပါစေသား)၏ ဘ၀ဖြစ်စဉ်ရေးရာများကို ဖြူစင် စိတ်အရင်းတည်၍ ဖတ်ရှုခြင်းဖြင့် ဤကောက်ချက်အား မလွဲမသွေ တွေ့ရမည်ဖြစ်ပါသည်။ တမန်တော့်သြ၀ါဒနှင့်ကျင့်ရပ်များအပေါ် ရာစုနှစ်ပေါင်းများစွာ တန်ဖိုးထား လက်ဆင့်ကမ်းလာခဲ့သည့် ဤအရင်းအမြစ်များ၏ ပင်မစည်းမျဉ်းများ (နှင့်) ကျမ်းမြတ်ကုရ်အာန် လက်ရာရှင်၏ အလိုသဘောများကို ကြည့်ရှုလျှင် အကြမ်းဖက်သမားများဖန်တီးနေသည့် ဘာသာရေးကျင့်ထုံးတို့နှင့် ဖီလာဆန့်ကျင်လျက်ရှိပါသည်။

    ဒုတိယအားဖြင့် အစ္စလာမ့်နောက်လိုက်များသည် မတူကွဲပြားသည့် နောက်ခံအကြောင်းခြင်းရာတို့ပေါ် မူတည်ပြီး လှုပ်သာလှည့်သာရှိသော အကြောင်းအလုံးစုံ သိနားလည်နိုင်ရေးအတွက် တိုးမြှင့်ဆောင်ရွက်ရပါမည်။ အစ္စလာမ်၏ ဗဟိုချက်ကျင့်ဝတ်များမှာ ဘာသာပြန် ဖွင့်ဆိုချက်များပေါ်၌သာ ကျန်နေရစ်ရမည့်အရာများ မဟုတ်။ “အပြစ်မဲ့ အသက်တစ်ချောင်းကို အကြောင်းမဲ့သတ်ဖြတ်ပါလျှင် လူသားမျိုးနွယ်တစ်ရပ်လုံးအား သတ်ဖြတ်ခြင်းမည်၏ (ကုရ်အာန် – ၅း၃၂)”  ဟူသည်မှာလည်း အလားတူကျင့်ဝတ်များအနက် အပါအ၀င်တစ်ခု ဖြစ်သည်။ မလွဲမရှောင်သာ ပြန်လည်ခုခံရသောစစ်ပွဲများမှာပင်လျှင် အမျိုးသမီး၊ ကလေးငယ်၊ ဘာသာရေးဆိုင်ရာကျောင်းဂန်နှင့်အကြီးအကဲများ စသော မသက်ဆိုင်သူများကို တိုက်ခိုက်ပိုင်ခွင့် အလျဉ်း မရှိကြောင်း တမန်တော်မြတ်(ငြိမ်းချမ်းစေသား)မှ အထူးအားဖြင့် သွန်သင်တော်မူခဲ့ပေသည်။

    ကျွန်ုပ်တို့သည် ဤသာသနာ့တန်ဖိုးများကို ကမ္ဘာတစ်ဝှန်းရှိ ငြိမ်းချမ်းရေးလိုလားသူများနှင့်လက်တွဲ၍ ညီညွတ်စွာ ခင်းကျင်းပြသပေးရပေမည်။ လူသားတို့၏စိတ္တဗေဒနှင့် ပေါ်ပင်သတင်းများကိုကြည့်လျှင် လူများကြိုက်မီဒီယာတို့သည် အစွန်းရောက်အကြောင်းများထက် အခြားအရာတို့ကို ထိပ်တန်းတင်လိုခြင်း မရှိကြောင်း သိသာထင်ရှားလှသည်။ သို့ပါသော်လည်း ကျွန်ုပ်တို့သည် မီဒီယာများကို ပြစ်တင်နေခြင်းအစား ကျွန်ုပ်တို့၏အသံများကို ကြားသိနိုင်စေမည့် နည်းလမ်းများကို ရှာကြံဆည်းပူးအပ်ပေသည်။

    တတိယအားဖြင့် မွတ်စ်လင်မ်တို့သည် ဂုဏ်သိက္ခာ၊ ရှင်သန်ရပ်တည်ခြင်းနှင့် လွတ်လပ်ခြင်းတည်းဟူသော လူ့အခွင့်အရေးများကို လူသိရှင်ကြား တိုးမြှင့်ဖော်ဆောင်ပေးရမည်ဖြစ်သည်။ ဤအချက်များမှာ အစ္စလာမ့်တန်ဖိုးများအနက် အခြေခံအကျဆုံးဖြစ်၏။ နိုင်ငံရေးခေါင်းဆောင်ဖြစ်စေ၊ ဘာသာရေးခေါင်းဆောင်ဖြစ်စေ၊ မည်သူပင်ဖြစ်စေကာမူ ထိုအရာတို့ကို ဖယ်ထုတ်နိုင်သော အခွင့်အာဏာ မရှိပါ။ ကျွန်ုပ်တို့၏ ယုံကြည်ချက်အနှစ်သာရသည် ယဉ်ကျေးမှု၊ လူမှုရေး၊ ဘာသာရေး၊ နိုင်ငံရေး အစရှိသော ရှုထောင့်ပေါင်းစုံ၌ တည်ရှိရှင်သန်လျက်ရှိပါသည်။ တစ်နည်းအားဖြင့် မတူကွဲပြားမှုတို့ကို လေးစားသမှု ရှိရပါမည်။ မတူကွဲပြားမှု၏ အခြေခံပန်းတိုင်မှာ တစ်ဦးနှင့်တစ်ဦး သိမြင်နားလည်နိုင်ရေး ဖြစ်သည်(ကြည့် – ကုရ်အာန် ၄၉း၁၃)။ လူသားတိုင်းကို အလ္လာဟ်အရှင်မြတ်၏ဖန်ဆင်းခံအဖြစ် တန်ဖိုးထားလေးစားခြင်းသည် အရှင်မြတ်အား လေးစားသမှုထားခြင်းပင် ဖြစ်ကြောင်း ကုရ်အာန်(၁၇း၇၀)၏ သဘောတရားတွင် လေ့လာနိုင်ပါသည်။

    စတုတ္ထအားဖြင့် မွတ်စ်လင်မ်လူ့အဖွဲ့အစည်းမှန်သမျှ မိမိတို့၏လူ့အဖွဲ့အစည်းဝင်တိုင်းကို ပညာရေးဆိုင်ရာ အခွင့်အလမ်းများ ဖော်ဆောင်ပေး ရပါမည်။ သိပ္ပံ၊ စာနာထောက်ထားခြင်းအသိအမြင်၊ အနုပညာ စသည်တို့အား လေ့လာသင်ယူခြင်းက သက်ရှိသတ္တ၀ါတိုင်းအပေါ် တန်ဖိုးထားတတ်သည့် ယဉ်ကျေးမှုကို စွဲမြဲစေပါသည်။ မွတ်စ်လင်မ်ကမ္ဘာအတွင်းရှိ အာဏာပိုင်အစိုးရများအနေဖြင့် ဒီမိုကရေစီစံနှုန်းကို ပျိုးထောင်ပေးသော သင်ရိုးညွှန်းတမ်းများအား စီမံပြဋ္ဌာန်းရပါမည်။ အပြန်အလှန်လေးစားလက်ခံမှုဖော်ဆောင်ခြင်းနှင့်စပ်လျဉ်း၍ အရပ်ဖက်လူ့အဖွဲ့အစည်းများမှာလည်း အရေးပါသောအခန်းကဏ္ဍ၌ ပါဝင်သည်။ ဤအကြောင်းရင်းကြောင့် “ဟိဇ်မသ် Hizmet လှုပ်ရှားမှု”၏အဖွဲ့သားတို့သည် နိုင်ငံပေါင်း ၁၅၀ ကျော်၌ စာသင်ကျောင်းများ၊ နည်းပြစင်တာများ၊ အပြန်အလှန်ဆွေးနွေးရေးအသင်းအဖွဲ့များကို တည်ထောင်ထားခဲ့ခြင်းဖြစ်သည်။

    ပဉ္စမအားဖြင့် မိမိတို့၏ ကလိန်ကကျစ် သဘောတရားရေးရာများကို လက်နက်တစ်ခုကဲ့သို့ ဖြန့်ဖြူးနေကြသည့် အစွန်းရောက်များ ဖယ်ရှားနိုင်ရန် မွတ်စ်လင်မ်တို့ထံ သာသနာ့ပညာရေးအား မှန်ကန်စွာ သင်ကြားပေးရန် အထူးအရေးကြီးပါသည်။ မွတ်စ်လင်မ်လောက အချို့၌ ဆယ်စုနှစ်များစွာ ဘာသာရေးလွတ်လပ်ခွင့် ငြင်းပယ်ခံရသဖြင့် အရည်အသွေးမပြည့်မှီသော၊ တစ်ယူသန်သော နာမည်ကြီးပုဂ္ဂိုလ်တို့၏ဖွင့်ဆိုတင်ပြချက်အောက်တွင် ဘာသာတရားမှာ လောင်းရိပ်မိသွားခဲ့ရသည်။

    နောက်ဆုံးအနေဖြင့် မွတ်စ်လင်မ်တို့သည် အမျိုးသားနှင့်အမျိုးသမီးအခွင့်အရေးများ တန်းတူရအောင် မဖြစ်မနေ ဆောင်ရွက်ပေးရပါမည်။ အမျိုးသမီးများ၏ တန်းတူအခွင့်အရေးများကို ငြင်းပယ်သော လူမှုဖိအားတို့မှ ကင်းလွတ်စေပြီး အခွင့်အလမ်းများ ဖော်ဆောင်ပေးရပါမည်။ မွတ်စ်လင်မ်တို့ထံ၌ အကောင်းဆုံး စံနမူနာတစ်ရပ် ရှိပါသည်။ ၎င်းမှာ တမန်တော်မြတ် မုဟမ္မဒ်(ငြိမ်းချမ်းစေသား)၏ ကြင်ယာတော် – အာအိရှဟ် သခင်မ (အလ္လာဟ်အရှင်မြတ်မှ သူမအား နှစ်သက်လက်ခံတော်မူပါစေ) သည် ထိပ်တန်းအဆင့်မြင့်ပညာရှင်ကြီးတစ်ပါး၊ ၎င်းအပြင် သင်ကြားလမ်းညွှန်သူ၊ ၎င်းအပြင် သူ့ခေတ်သူ့အခါ၏ ထင်ရှားသော လူထုခေါင်းဆောင် ဖြစ်နေခဲ့ခြင်းပင်။

    အကြမ်းဖက်ဝါဒသည် ဘက်ပေါင်းစုံမှ ရင်ဆိုင်ရမည့် ပြဿနာဖြစ်သည်။ ထို့ကြောင့် နိုင်ငံရေး၊ စီးပွားရေး၊ လူမှုရေး၊ ဘာသာရေး အလွှာပေါင်းစုံ၌ အဖြေရှာနိုင်ရပါမည်။ ဘာသာရေးပြဿနာလျှော့ချနိုင်ရေး နည်းလမ်းများကို လမ်းလွဲရောက်လုနီးသော လူငယ်တို့ထံ ကမ္ဘာ့အဆင့်ထိ ပြုလုပ်သွားဖို့ လိုအပ်သည်။ နိုင်ငံတကာအသိုင်းအ၀ိုင်းကလည်း မွတ်စ်လင်မ်များမှာ အကြမ်းဖက်မှု၏ပင်တိုင် ဓားစာခံဖြစ်နေရကြောင်း မြင်သာနားလည်လာအောင် စာပေအားဖြင့်ဖြစ်စေ၊ အမှတ်သညာဖော်ကျူးချက် အားဖြင့်ဖြစ်စေ ပြုလုပ်ဆောင်ရွက် သင့်ပေသည်။ အကြောင်းသော် ၎င်းတို့သည် အကြမ်းဖက်သမားများအား ဖယ်ရှားသန့်စင်ခြင်းနှင့် အင်အားစုဆောင်းမှုအား တားဆီးခြင်း တို့ကို ပြုလုပ်နိုင်၍ဖြစ်သည်။ သို့ဖြစ်ရာ အာဏာပိုင်အစိုးရတို့မှ မွတ်စ်လင်မ်တို့အပေါ် ဖယ်ကြဉ်မှုဖြစ်စေမည့် ပြောဆိုဆောင်ရွက်ချက်များကို ရှောင်ကြဉ်အပ်ပေသည်။

    အစွန်းရောက်အကြမ်းဖက်ဝါဒီများထံ၌ သာသနာ/ဘာသာတရား ဟူ၍ မရှိကြပါ။ ထိုသူတို့သည် ဘာသာတရား၏ အကြောင်းခြင်းရာများအား အခါခပ်သိမ်း ကြိုးကိုင်ခြယ်လှယ်နေသူများသာဖြစ်သည်။ ခရစ်ယာန်ဘာသာဝင်များသည် ကုရ်အာန်စာအုပ်မီးရှို့ခြင်း သို့မဟုတ် အစွန်းရောက်ကေသုံးလုံးဂိုဏ်း Ku Klux Klan ၏ လုပ်ရပ်များကို အားပေးထောက်ခံခြင်း မရှိကြ။ ကမ္ဘာ့ဗုဒ္ဓဘာသာဝင်များသည်လည်း ရိုဟင်ဂျာမွတ်စ်လင်မ်များအား ယုတ်မာရက်စက်ခြင်းတို့ကို အားပေးထောက်ခံခြင်း မရှိကြ။ အလားတူစွာပင် မွတ်စ်လင်မ် အများစုသည်လည်း အကြမ်းဖက်မှုကို အားပေးထောက်ခံခြင်း မပြုကြပါလေ။

    မွတ်စ်လင်မ်တို့သည် ကမ္ဘာ့လူ့ယဉ်ကျေးမှုထွန်းကားရေးအတွက် သမိုင်းနှင့်ချီ၍ ပေးဆပ်ခဲ့၊ ပေးဆပ်လျက် ရှိကြသည်။ ကျွန်ုပ်တို့၏ အကောင်းဆုံးစွမ်းဆောင်မှုများမှာ ဘာသာတရားအချင်းချင်း အပြန်အလှန်လေးစားမှု၊ လွတ်လပ်မှု၊ တရားမျှတမှုအပေါ် အားပေးခဲ့ကြသည့်ခေတ်ကာလများ၌ ပေါ်လွင်ခဲ့ကြသည်။ အစ္စလာမ့်ပုံရိပ်အပေါ် အမည်းစက်စွန်းထင်းသွားမှုကို ပြန်လည်သန့်စင်ရန် အတော်အတန် ခက်ခဲမည်ဖြစ်သော်လည်း – မွတ်စ်လင်မ်ဟူသည် မိမိတို့၏လူမှုအသိုင်းအ၀ိုင်းများအတွင်၌ ငြိမ်းချမ်းရေးနှင့်တည်ငြိမ်ရေး၏ မီးပြတိုက်များ ဖြစ်နိုင်ပါသေးသည် မဟုတ်လော။

    xxxxxxxxxxxxxxxxxxxxxxxxxxxx

    The Wall Street Journal တွင် ဖော်ပြခဲ့သော Muslims must combat the extremist cancer ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုသည်။
    ဆောင်းပါးရှင် တူရကီနိုင်ငံသား Fethullah Gulen သည် ၂၀ ရာစု မွတ်စ်လင်မ်ကမ္ဘာ၏ အထင်ရှားဆုံး တွေးခေါ်ရှင်၊ ကလောင်ရှင်၊ လူသားချင်းစာနာထောက်ထားမှုနှင့် တရားမျှတမှုအရေး လှုပ်ရှားသူများအနက် အပါအ၀င်ဖြစ်သည်။

  • ‘ပြန်ရိုက်ဖို့ လက်တွေမရှိပါ၊ ပြန်ကျိန်ဆဲဖို့ စကားလည်း မရှိပါ’

    ‘ပြန်ရိုက်ဖို့ လက်တွေမရှိပါ၊ ပြန်ကျိန်ဆဲဖို့ စကားလည်း မရှိပါ’

    နိုဝင်ဘာ ၁၃ ၊ ၂၀၁၅
    M-Media
    ခေတ်လူ တင်ဆက်သည်။

    without-hands-against-those-who-strike-you-without-speech-against-those-who-curse-you

    အခုဆိုလျှင် ကံကောင်းအကြောင်းလှစွာနဲ့ လူတိုင်းက သံစဉ်တူညီကို သီဆိုနေကြပါပြီ။ ဒီအတွက်ကြောင့် သည်းခံနိုင်စွမ်းဟာ အောက်ခြေအထိ ပိုပြီး မြန်မြန် ပြန့်သွားလိမ့်မယ်လို့ ကျွန်တော် ယုံကြည်ပါတယ်။ တိုင်းပြည်အနှံ့ စိမ့်ဝင်ပြန့်နှံ့သွားပြီး ကျွန်တော့် သူငယ်ချင်းပန်းချီဆရာတစ်ယောက်ပြောခဲ့သလို ကျွန်တော်တို့ ခေါင်း ခေါင်းချင်း၊ နှလုံးသား နှလုံးသားချင်းနဲ့ လက် လက်ချင်း တွဲပြီး “လှပတဲ့ မနက်ဖြန်”ဆီကို ကိုးကွယ်ရာအရှင်ရဲ့ အလိုတော်နဲ့ လျှောက်လှမ်းနိုင်ပါတော့မယ်။

    တမန်တော် မုဟမ္မဒ် (ငြိမ်းချမ်းသာယာမှုသက်ရောက်ပါစေ) ကွယ်လွန်ခါနီး နောက်ဘဝဆီ လှမ်းအံ့ဆဲဆဲမှာ တမန်တော်မြတ်က မိန့်တော်မူခဲ့ပါတယ်။

    “(ရှေးက လမ်းညွှန်)ကျမ်းရ လူတွေဖြစ်တဲ့ ဂျူးတွေ ခရစ်ယာန်တွေနဲ့ပတ်သက်ပြီး အသင်တို့အပေါ် ငါကိုယ်တော် ယုံပုံခဲ့မယ်။”

    တမန်တော်မြတ်ကို ဒုတိယမြောက်ဆက်ခံသူ ခလီဖာသမ္မတကြီး အုမရ် ဓားထိုးခံထားရပြီး သေခြင်းတရားကို ရင်ဆိုင်နေရချိန်မှာ ခလီဖာ သမ္မတကြီးက မွတ်စလင်မ်များကို သတိပေးခဲ့တယ်။

    “ငါတို့အနက်က (ရှေးက လမ်းညွှန်)ကျမ်းရ လူတွေ (ဂျူးနဲ့ ခရစ်ယာန်တို့)နဲ့ပတ်သက်ပြီး အသင်တို့ကို ယုံပုံခဲ့မယ်။ သူတို့နဲ့ပတ်သက်ပြီး ကိုးကွယ်ရာအရှင်ကို ကြောက်ကြပါ၊ သူတို့ကို တရားမျှတစွာ ဆက်ဆံကြပါ။”

    Malazgritမှာ ရန်သူကို အောင်နိုင်ပြီးနောက် တူရကီ စစ်ဦးစီးချုပ် စွလ်တန် Alparslan က ပြိုင်ဖက်နိုင်ငံက အုပ်ချုပ်သူနဲ့ စစ်ဦးစီးတွေကို သူရဲ့ ယာယီတဲနန်းမှာ ဖိတ်ခေါ်ဧည့်ဝတ်ပြုခဲ့တယ်။ ပြီးတဲ့နောက်မှာ သူတို့ရဲ့ မြို့တော် ကွန်စတန်တီနိုပယ်လ်ကို သူ့ရဲ့ အရာရှိအချို့ကို အစောင့်အရှောက်အဖြစ်ထည့်ပြီး လုံခြုံဘေးကင်းစွာ ပြန်ပို့ပေးခဲ့တယ်။ ဂျေရုစလင်မြို့တော်မှာလည်း ရစ်ချရတ်ဒ်ရဲ့ စစ်တပ်ဖွဲ့တွေက မွတ်စလင်မ်တွေထောင်ချီကို သတ်ဖြတ်ခဲ့ပေမယ့် မွတ်စလင်မ်တွေရဲ့ ဦးစီးချုပ်နဲ့ အုပ်ချုပ်သူ စွလ်တန် ဆာလာဟဒ်ဒင်န် အိုင်အ်ယုဘီက စစ်ပြိုင်ဖက်ခရုဆိတ် စစ်တပ်ရဲ့ ဗိုလ်ချုပ် ရစ်ချရတ်ဒ်ရဲ့ ဒဏ်ရာကို ကုပေးဖို့ ညအချိန်မှာ သူ့စစ်တဲကို သွားခဲ့တယ်။

    ကျွန်တော်တို့မွတ်စလင်မ်တွေဟာ အဲ့ဒီလိုလူတွေကို မွေးဖွားပေးခဲ့တဲ့ ယဉ်ကျေးမှုရဲ့ သားသမီးတွေ ဖြစ်ကြတယ်။ ကျွန်တော်တို့ဟာ ကမ္ဘာ့အကျယ်ပြော အပြည့်ဝဆုံး သည်းခံနိုင်ရည်စွမ်း ယဉ်ကျေးမှုရဲ့ အမွေစား အမွေခံတွေပါ။ ယနေ့ဆိုလျှင် ဒီသဘောတရားဟာ ပင်လယ်လှိုင်းတွေလိုပဲ ကမ္ဘာတစ်ခုလုံးအနှံ့ ရောက်ရှိနေပါပြီ။ လာမယ့်နှစ်များဟာ ချစ်ခြင်းမေတ္တာနဲ့ သည်းခံခြင်းတရားရဲ့ နှစ် သက္ကရာဇ်တွေဖြစ်မယ်လို့ ကျွန်တော် လုံးဝ ယုံကြည်ပါတယ်။ ဒီဘောင်ထဲမှာ ကျွန်တော်တို့က ကမ္ဘာကြီးကို အများကြီး ပေးကြမယ်၊ ကျွန်တော်တို့လည်း အများကြီး ရကြပါလိမ့်မယ်။ ကျွန်တော်တို့တတွေ အချင်းချင်းလည်း တိုက်ခိုက်ကြလိမ့်မှာ မဟုတ်သလို၊ အခြားယဉ်ကျေးမှုဓလေ့တွေ၊ လူ့ယဉ်ကျေးမှုအဆောက်အဦးတွေ ဒါမှာမဟုတ် အခြားဘာသာတရားတွေကို သက်ဝင် ယုံကြည်သူတွေနဲ့ လောက အမြင်ကွဲသူတွေနဲ့လည်း ကျွန်တော်တို့ တိုက်ခိုက်ရန်ဆောင်ကြလိမ့်မှာ မဟုတ်ဘူး။ အငြင်းပွားမှုနဲ့ ပဋိပက္ခကို ဦးတည်စေတဲ့ ကိစ္စတွေကို အပြည့်အဝဖြေရှင်းလိုက်ကြမယ်။ ချစ်ခြင်းမေတ္တာရဲ့ စွမ်းအားကို နားလည်ပြီး ကျွန်တော်တို့တတွေ ချစ်ခြင်းမေတ္တာ ကရုဏာတွေနဲ့ ကျွန်တော်တို့နှလုံးသားတွေကို အားလုံးအတွက် ဖွင့်ပေးနိုင်ကြပါလိမ့်မယ်။ ကိုးကွယ်ရာအရှင်ရဲ့ အကူအညီနဲ့ ဒီနေ့ကမ္ဘာကြီးက အရမ်းလိုအပ်နေတဲ့ ကိစ္စတွေ၊ အရေးကြီးတဲ့ ကိစ္စတွေဖြစ်တဲ့ အပြန်အလှန်တွေ့ဆုံ စကားပြောဆို အဖြေရှာခြင်းတွေနဲ့ သည်းခံနိုင်စွမ်းတွေမှာ ကျွန်တော်တို့ အာရုံစိုက်လာနိုင်ပါလိမ့်မယ်။

    ကျွန်တော် အာလီဝီလူမျိုးတစ်ယောက်ကို မြင်မိလိုက်တဲ့အခါ မွတ်စလင်မ့်သမိုင်းက အရေးကြီးတဲ့ ဖြစ်ရပ်တစ်ခုကို အမှတ်ရလိုက်မိပါတယ်။ တရားဝင်အစိုးရကို ပုန်ကန်သူ ခါရေဂျီတွေဟာ တမန်တော်မြတ်ကို ဆက်ခံသူ စတုတ္ထမြောက် ခလီဖာသမ္မတကြီး အလီကို တိုက်ခိုက်ဖို့ နဟ်ရဝန် အရပ်မှာ စုစည်းနေကြောင်း သမ္မတကြီးကို ပြောတဲ့အခါ သမ္မတကြီးအလီက “သူတို့က ငါတို့ကို မတိုက်ခိုက်ခင် သူတို့ကို သွားတိုက်ခိုက်တာဟာ မတရားဘူး”ဟု မိန့်ခဲ့ပါတယ်။

    ကျွန်တော်တို့ မွတ်စလင်မ်တွေဟာ အဲ့လို့ခေါင်းဆောင်တွေရဲ့ ယဉ်ကျေးမှုဓလေ့နဲ့ ပြုစုပျိုးထောင်ထားတဲ့ လူ့အသိုက်အဝန်းပါ။ ကျွန်တော်တို့ သည်းခံနိုင်ရည်စွမ်းကို အလွန်လိုအပ်နေတဲ့ အချိန် ကိုးကွယ်ရှာအရှင်ရဲ့ ကောင်းခြင်းမင်္ဂလာတော်နဲ့ လူ့အသိုင်းအဝန်းရဲ့ ကဏ္ဍတိုင်းဟာ သည်းခံခြင်းတရားနဲ့ အပြန်အလှန်တွေ့ဆုံစကားပြောဆိုအဖြေရှာခြင်းတို့အတွက် ရပ်တည်ကြပါလိမ့်မယ်။ ဒီအရာတွေရဲ့ ကောင်းခြင်းများဟာလည်း ကျွန်တော်တို့ မျှော်လင့်ခဲ့ဖူးထားတွေထက်ကို ပိုမြန်မြန် နေရာစုံကို ပြန့်နှံ့သွားပါလိမ့်မယ်။

    ကျွန်တော် စာဖတ်သူတို့ရဲ့ အချိန်ကို အများကြီး ယူလိုက်မိတာ ဖြစ်ကောင်းဖြစ်နိုင်ပါတယ်။ ဒါပေမယ့် ကျွန်တော်ခံစားနေရတဲ့ စိုးရိမ်သောကကို မပြောလိုက်ရဘဲ ရှေ့မဆက်နိုင်လို့ပါ။ အတွင်းပဋိပက္ခတွေနဲ့ လှုပ်မရအောင်ဖြစ်နေခဲ့ရတဲ့ ကျွန်တော်တို့နိုင်ငံလူ့ အသိုက်အဝန်းဟာ အခုအချိန်မှာ သည်းခံခြင်းတရားကို စောင့်ဆိုင်းလို့နေပါတယ်။ ဒါကို သိရှိသွားတဲ့အပေါ်မှာ တစ်လှမ်းလှမ်းရမယ့်အချိန်မှာ ကျွန်တော်တို့လူ့အသိုက်အဝန်းက ရှေ့ကို သုံးလှမ်းလောက် ခုန်လှမ်းခြင်းနဲ့ တုန့်ပြန်လိုက်ပါပြီ။ ဒါပေမယ့် စိတ်ဓာတ်ညံ့တဲ့ အရေးမပါတဲ့ သူတချို့ကလည်း အစွန်းရောက်ခြင်း ဒေါသတကြီးရန်လိုခြင်းတွေနဲ့ မိမိတို့ အားနည်းမှုကို ကိုယ့်ဖာသာကိုယ် ဖော်ထုတ်လိုက်မိပြီးဆိုတာကလည်း အထင်အရှားပါပဲ။ သူတို့တွေက သည်းခံခြင်းတရားပုံဖော် တည်ဆောက်မှုကို ချုံခို တိုက်ခိုက်ခြင်း ဖျက်လို့ဖျက်ဆီးလုပ်ခြင်းနဲ့ အပြန်အလှန်တွေ့ဆုံ စကားပြောဆို အဖြေရှာခြင်းများဆီသို့ ဦးတည်စေတဲ့ တံတားများကို ဖျက်ဆီးခြင်းအားဖြင့် သူတို့ကိုယ် သူတို့ ခွန်အားရှိကြောင်း ပြသဖို့ ကြိုးစားကြပါတယ်။ ကျွန်တော်တို့ အခု စမ်းစစ်မှုတွေကို ရင်ဆိုင်ရပါမယ်။ စမ်းသပ်မှုများစွာကို ဖြတ်ကျော်ပြီးဖြစ်တဲ့ ကျွန်တော်တို့ နိုင်ငံတော်ဟာ တစ်ဦးချင်းစီရဲ့ ညီညွတ်မှုနဲ့ ဒီအနာဂတ်စမ်းစစ်မှုတွေကို ရင်ဆိုင်ပါမယ်၊ ပြီးတော့ လူမှုသဟဇတဖြစ်မှု လမ်းကြောင်းပေါ်မှာ ကြုံလာမယ့် အခက်အခဲတိုင်းကို ဖြတ်ကျော်ပါမယ်။

    ကျွန်တော်တို့ ရှာဖွေနေတဲ့ အရာတွေက အလွန်မှ အဖိုးထိုက်ပါတယ်။ ကျွန်တော်တို့အရောက်သွားချင်တဲ့ သည်းခံနိုင်ရည်စွမ်းနဲ့ အပြန်အလှန်တွေ့ဆုံစကားပြောဆိုအဖြေရှာခြင်း ပန်းတိုင်ဟာ အလွန်ဈေးကြီးပါလိမ့်မယ်။ အဖိုးတန် ရှားပါးတဲ့ အရာကို ရဖို့ မလွယ်သလို အဲ့ဒီအရာတွေကို အောင်မြင်သွားရင်လည်း ကာကွယ်ဖို့ ခက်ခဲပါလိမ့်မယ်။ သည်းခံနိုင်ရည်စွမ်းနဲ့ အပြန်အလှန်တွေ့ဆုံစကားပြောဆိုအဖြေရှာခြင်းတို့မှ လူမှုသဟဇတဖြစ်မှု ရရှိအောင်မြင်ခြင်းဟာ တတိယအဖိုးတန်ကို သိနည်းလည်လာစေဖို့ အဖိုးတန်ပစ္စည်းနှစ်ခုကို ရရှိအောင်မြင်အောင်လုပ်ခြင်း ကိစ္စပါပဲ။ ကိုးကွယ်ရာအရှင်က ကျွန်တော်တို့ကို နည်းလမ်းအမျိုးမျိုးနဲ့ စမ်းစစ်ပါမယ်။ အဲ့ဒါမှ ကျွန်တော်တို့က ဒီအရာတွေရဲ့ တန်ဖိုးဘယ်လောက်ကြီးမားတယ်ဆိုတာကို သိရှိပြီး ဒီအရာတွေအတွက် ရပ်တည်ဖို့ ကျွန်တော်တို့ကို တွန်းအားဖြစ်စေပါမယ်။ ကျွန်တော်တို့တတွေ ဒီစမ်းသပ်မှုတွေအားလုံးကို ကြံ့ကြံ့ခံကြရပါမယ်။ Yunus Emre ပြောခဲ့သလို

    ကြမ်းတမ်းခက်ခဲမှုတွေ ကိုးကွယ်ရာအရှင်မြတ်ဆီက လာလျှင်
    ဒါမှမဟုတ် ရက်ရောမှုတွေ အရှင့်ကောင်းခြင်းမင်္ဂလာတော်မှ လာလျှင်
    နှစ်ခုစလုံးဟာ ဝိညာဉ်အတွက် ဝမ်းမြောက်ကြည်နူးစရာပါပဲ
    အရှင့်ရဲ့ ကောင်းခြင်းမင်္ဂလာတော်နဲ့ အရှင့်အမျက်တော် နှစ်ခုစလုံးဟာ နှစ်ထောင်းကျေနပ်ဖွယ်ပါ

    ကျွန်တော်တို့ဟာ ကျွန်တော့်တို့ကို ရိုက်တဲ့ သူတွေကို ပြန်ရိုက်ဖို့ လက်တွေမရှိသလို ကျွန်တော်တို့ကို ကျိန်ဆဲတဲ့ သူတွေကို ပြန်ဆဲဖို့ စကားမရှိသလိုကို ဖြစ်ရပါမယ်။ အကယ်၍ သူတို့ဟာ ကျွန်တော်တို့ကို အစိတ်စိတ် အမွှာမွှာဖြစ်သွားစေဖို့ အကြိမ် ငါးဆယ်တိုင်အောင် ကြိုးစားဖယ် ချိုးဖဲ့ခဲ့မယ်ဆိုရင် ကျွန်တော်တို့ မကျိုးမပျက်ဘဲ ကျန်ရှိနေပြီး အားလုံးကို ချစ်ခြင်းမေတ္တာနဲ့ ကရုဏာနဲ့ ဖက်သိုင်းထားရပါမယ်။ တစ်ယောက်ကို တစ်ယောက် ချစ်ခြင်းတွေနဲ့ ကျွန်တော်တို့ မနက်ဖြန်ဆီသို့ လျှောက်လှမ်းကြပါစို့လားခင်ဗျာ။ ။

    မုဟမ္မဒ်ဖသွလ္လာဟ်ဂူလာမ်၏ “Without Hands Against Those Who Strike You, Without Speech Against Those Who Curse You” ကို ခေတ်လူမှ မြန်မာမှုပြုထားသည်။

    မူရင်းဆောင်းပါး link http://www.fgulen.com/en/fethullah-gulens-works/toward-a-global-civilization-of-love-and-tolerance/forgiveness-tolerance-and-dialogue/25224-without-hands-against-those-who-strike-you-without-speech-against-those-who-curse-you

    မုဟမ္မဒ်ဖသွလ္လာဟ်ဂူလာမ်သည် တူရကီလူမျိုး ကမ္ဘာကျော် အတွေးအခေါ်ပညာရှင်၊ အစ္စလာမ့်ပညာရှင်၊ ငြိမ်းချမ်းရေးနှင့် လူမှုပြောင်းလဲတိုးတက်ရေးလှုပ်ရှားသူကြီး ဖြစ်သည်။

    သူ၏ တရားဝင် Website မှာ http://www.fgulen.com/en/ ဖြစ်သည်။

  • ခြစားမှု အရှိန်မြင့်တက်လာနေသော တူရကီနိုင်ငံ၏ ဥရောပသမဂ္ဂ အဖွဲ့ဝင် ဖြစ်နိုင်ချေ အလားအလာ

    ခြစားမှု အရှိန်မြင့်တက်လာနေသော တူရကီနိုင်ငံ၏ ဥရောပသမဂ္ဂ အဖွဲ့ဝင် ဖြစ်နိုင်ချေ အလားအလာ

    ဒီဇင်ဘာ ၃၀ ၊ ၂၀၁၄
    M-Media
    ကျော်မိုးသိန်း တင်ဆက်သည်။
    BBC_News_-_Turkey_arrests_Raids_target_Gulen-linked_critics_of_Erdogan_-_2014-12-30_23.50.14
    နိုင်ငံတစ်နိုင်ငံရဲ့တိုးတက်မှုဆိုတာ အဲ့ဒီနိုင်ငံရဲ့ ပညာရေး၊ တရားစီရင်ရေး၊ တရားဥပဒေစိုးမိုးရေး တည်ငြိမ်မှုနဲ့ မျှတမှု ရှိမရှိအပေါ် မူတည်နေပါတယ်။ အဂတိလိုက်စားမှု၊ ဘာသာရေးကို ခုတုံးလုပ်ပြီး နိုင်ငံရေးအမြတ်ထုတ်လိုမှု၊ လူမျိုးနဲ့ဘာသာသာသနာအပေါ် အခြေခံပြီး ခွဲခြားဆက်ဆံခြင်းတွေက နိုင်ငံ့တိုးတက်မှုကို နှောင့်နှေးစေရုံမက နိုင်ငံ့ဂုဏ်သိက္ခာကိုလည်း ကျဆင်းစေပါတယ်။ ဘာသာသာသနာအားလုံးက မကောင်းမှု၊ အဂတိလိုက်စားမှု၊ ခွဲခြားဆက်ဆံမှု၊ မတော်မတရားလုပ်မှုတို့ကို တားမြစ်ရှုတ်ချထားပါတယ်။ သို့သော် တချို့နိုင်ငံများမှာ နိုင်ငံရေးသမားအချို့က နိုင်ငံရေး အမြတ်ထုတ်လိုမှုအတွက် ဘာသာရေးကို အသုံးချခြင်းကြောင့် မလိုလားအပ်တဲ့ သွေးချောင်းစီးမှုတွေ ဖြစ်ပေါ်လာတတ်ပါတယ်။

    အမေရိကန်အခြေစိုက် ထင်ရှားတဲ့ စွန္နီပညာရှင် မွတ်စလင် ဘာသာရေးခေါင်းဆောင် ဖသ်ဟုလ္လာဟ် ဂူလန်း ဟာ ဘာသာပေါင်းစုံ ချစ်ကြည်ရေး၊ အတူ ယှဉ်တွဲနေထိုင်ရေးအတွက် ဦးစားပေးဟောပြောခြင်းအပြင် အကြမ်းဖက်မှု ဟူသမျှကိုလည်း ပြင်းပြင်းထန်ထန် ရှုတ်ချသူတစ်ဦး ဖြစ်ပါတယ်။ သူဟာ လူကောင်းလူတော်တွေ အများအပြား မွေးထုတ်ပေးနိုင်မှ ကမ္ဘာကြီးငြိမ်းချမ်းသာယာမယ်လို့ ယုံကြည်တာကြောင့် ဒီလိုအပ်ချက်ကို ဖြည်းဆည်းနိုင်အောင်  ကမ္ဘာ့နေရာအနှံ့မှာ  ကျောင်းများဖွင့်လှစ်ဖို့၊ Hizmet ခေါ် လူသားအကျိုးပြု လုပ်ငန်းများ လုပ်ဆောင်ကြဖို့ တိုက်တွန်းနှိုးဆော်နေသူ တစ်ဦးလည်း ဖြစ်ပါတယ်။

    တူရကီနိုင်ငံမှာ ယမန်နှစ် ဒီဇင်ဘာလ ၁၇ နဲ့ ၂၅ ရက်နေ့မှာ ဧရာမ အကျင့်ပျက်ခြစားမှု ထင်ရှားစွာဖြစ်ပေါ်နေတာကို ဖော်ထုတ်ဖို့ စုံစမ်းစစ်ဆေးမှု တစ်ခု ပြုလုပ်ခဲ့တယ်။ အဂတိ တိုက်ဖျက်မှုဆိုင်ရာ ပထမဦးဆုံးနှစ်ပတ်လည်နေ့  အထိမ်းအမှတ်ကျင်းပရာမှာ  တူရကီ အစိုးရက ပြည်သူတွေကို အာရုံပြောင်းစေတဲ့ အနေနဲ့ မီဒီယာအပေါ် ကန့်သတ်ချက်များ တိုးမြှင့်လိုက်တဲ့အတွက် တိုင်းပြည်ရဲ့ပုံရိပ် ဆိုးရွားလာခဲ့တယ်။  အထူးသဖြင့်  လွတ်လပ်ပွင့်လင်းတဲ့ စုံစမ်းစစ်ဆေးမှု မလုပ်ဆောင်တာကြောင့် အနောက်နိုင်ငံများက တူရကီအပေါ် အမြင်မကြည်လင်ခဲ့ကြဘူး။ ဒီဇင်ဘာလအတွင်း Transparency International (TI) ကထုတ်ပြန်တဲ့ ကြေညာချက်မှာ တူရကီနိုင်ငံက တရုတ်၊ မာလာဝီ၊ ရဝမ်ဒါ တို့ထက် အဂတိလိုက်စားမှု များပြားတဲ့နိုင်ငံ ဖြစ်နေကြောင်း ဖော်ပြပါရှိပါတယ်။

    အကျင့်ပျက်ခြစားမှု စွပ်စွဲချက်များကို စုံစမ်းစစ်ဆေးရေး အတွက် ကော်မရှင်ဖွဲ့နိုင်အောင် လွှတ်တော်မှာ လပေါင်းများစွာ ဆွေးနွေး ခဲ့ရတယ်၊ နောက်ဆုံး ဖွဲ့စည်းပြီးတဲ့အခါ အစိုးရက  အကြောင်းပြချက်တွေပေးပြီး မီဒီယာအပေါ်ကန့်သတ်ပိတ်ပင်မှုလုပ်ဖို့ ကော်မရှင်ကို အဆိုပြုတယ်။ “အကျင့်ပျက်ခြစားမှုနဲ့ပတ်သက်ပြီး မီဒီယာရဲ့လုပ်ရပ်တွေကို ပိတ်ပင်လိုက်ခြင်းဟာ  တိုးတက်မှုကို နောက်ပြန် ဆုတ်စေခြင်းသာ ဖြစ်တယ်”လို့ ဥရောပနဲ့တောင်အာရှဆိုင်ရာ ညှိနှိုင်းရေးတာဝန်ခံ အေဘလ်က ပြောပါတယ်။

    မိမိအစိုးရကို ဖြုတ်ချဖို့ကြိုးစားနေတယ်လို့စွပ်စွဲပြီး သမ္မတအာဒိုဂန်က မွတ်စလင်ဘာသာရေးခေါင်းဆောင် ဖသ်ဟုလ္လာဟ် ဂူလန်းရဲ့သြဇာကို ရိုက်ချိုးဖို့၊ သူ့နောက်လိုက်များကို သုတ်သင် ရှင်းလင်းနိုင်ဖို့ လှုပ်ရှားမှု အသစ်တစ်ခု ပြုလုပ်ခဲ့ပါတယ်။ အဲ့ဒီနောက် တနင်္ဂနွေနံနက်ပိုင်းမှာ အနည်းဆုံး ရဲအရာရှိ ၂၄ ဦး၊  သတင်းထောက်များနဲ့ မီဒီယာ ၀န်ထမ်းများစွာကို ဖမ်းဆီးထိန်းသိမ်းလိုက်တယ်။

    နောက်ထပ်လူ ၈ ဦး ကိုလည်း မသင်္ကာသူ စာရင်းသွင်းပြီး  အထောက်အထား လီဆည်မှု၊ တရားမဝင် စည်းရုံးမှု၊ နိုင်ငံ့အာဏာပိုင်များကို အဓမ္မ၀ါဒီအဖြစ် ကြွေးကြော်မှု စသဖြင့် အမျိုးမျိုး စွပ်စွဲလို့ ဖိအားပေး၊ ခြိမ်းခြောက်ချုပ်ခြယ်ခဲ့ကြောင်း semiofficial စာနယ်ဇင်းအေဂျင်စီမှ အာနဒိုလု Anadolu က သတင်းပို့ခဲ့တယ်။

    ဘာသာရေးခေါင်းဆောင် ဂူလန်းရဲ့အဖွဲ့ဝင်များဟာ ဂူလန်းရဲ့ရည်ရွယ်ချက်ဖြစ်တဲ့ စင်ပြိုင်အစိုးရဖွဲ့ခြင်း၊ မိမိကို ရာထူးမှ ဖြုတ်ပစ် ရန်ကြံစည်ခြင်းတို့ကို လုပ်နေကြောင်း မစ္စတာအာဒိုဂန် က စွပ်စွဲပြောဆိုခဲ့တယ်။

    သတင်းမီဒီယာအချို့ကိုလည်း အစွန်းရောက် အစ္စလာမ်ဝါဒီအုပ်စုလို့ စွပ်စွဲပြီး၊ ၂၀ဝ၉ စုံစမ်းရေးကော်မရှင် လုပ်ငန်းအောင်မြင်ရေးအတွက် အထောက်အထား အတုများ ဖန်တီးမှုနဲ့ တရားစွဲဆိုခဲ့ကြောင်း အစီရင်ခံစာက ဆိုပါတယ်။

    ဖသ်ဟုလ္လာဟ်ဂူလန်းက မိမိကိုယ်မိမိ ပြည်နှင်ဒဏ်ပေးပြီး အမေရိကန်နိုင်ငံ၊ ပဲန်စီဗေးနီးယား Pennsylvania မှာ သွားရောက် အခြေချခဲ့တယ်။ သူ့ကို ယုံကြည် အားကိုးတဲ့ ရဲအရာရှိတွေ၊ တရားသူကြီးတွေနဲ့ နောက်လိုက်တွေ တူရကီနိုင်ငံအတွင်း အမြောက်အများ  ရှိနေတယ်။

    ပြီးခဲ့တဲ့ တနင်္ဂနွေနေ့က ရုပ်မြင်သံကြားပြပွဲ စီစဉ်သူ ဒါရိုက်တာကို တူရကီနိုင်ငံ အနောက်မြောက်ပိုင်း Eskisehir မြို့မှာ ဖမ်းဆီး ထိန်းသိမ်းခဲ့တယ်။ ပြီးနောက် အရှေ့ပိုင်းပြည်နယ်ထဲမှာ ဇာတ်ညွှန်းရေးဆရာနဲ့ အခြားလူ ၃ ဦးကို  ဖမ်းဆီးပြီး ဗင်ကားနဲ့ ခေါ်ဆောင် သွားကြတယ်။ သူတို့ဟာ Samanyolu အသံလွှင့်ဌာနအတွက် အလုပ်လုပ်သူများ ဖြစ်ပြီး မစ္စတာဂူလန်းနဲ့ ဆက်နွှယ်နေတယ်လို့ အာနဒိုလု က ပြောပါတယ်။

    အီစတန်ဘူလ် လုံခြုံရေးအရာရှိတွေက မစ္စတာဂူလမ်းကို ထောက်ခံတဲ့ ဇမာန် သတင်းစာတိုက်သွားပြီး အယ်ဒီတာချုပ်ကို ဖမ်းဆီးဖို့ကြိုးစား ခဲ့တယ်။  ဖမ်းဝရမ်းအပေါ် လက်မှတ် မပါတာကို ရှေ့နေများကထောက်ပြတော့ ရဲတွေပြန်သွားကြတယ်။.

    ရုပ်မြင်သံကြားအစီရင်ခံချက်အရ ရဲတပ်သား အပြည့်တင်ဆောင်လာတဲ့ကားများဟာ သတင်းစာတိုက်အဆောက်အဦထဲ စီးနင်း ဝင်ရောက်လာပါတယ်။ ဝန်ထမ်းများက စာနယ်ဇင်းလွတ်လပ်ခွင့်ကို ထောက်ခံသောအားဖြင့် “လွတ်လပ်စွာပြောဆိုရေးသားခွင့်ကို  နှုတ်ပိတ်နိုင်မည် မဟုတ်”ဆိုတဲ့  နဖူးစည်းစာတမ်းတွေကိုင်ဆောင်ပြီး ကြွေးကြော်ဆန္ဒပြကြတယ်။ သတင်းစာတိုက်အပြင်ဖက်မှာ ဆန္ဒပြကြသူပေါင်း တစ်ထောင်ကျော် ရှိခဲ့တယ်။ လူတွေပြည့်ကြပ်လာတဲ့အချိန်မှာ သတင်းစာတိုက်ထဲ ရဲတွေက ရောက်နှင့်ပြီးဖြစ်တယ်။

    Samanyolu အသံလွှင့်ဌာနရဲ့ဥက္ကဌ  ဟီဒါယတ်ကို အီစတန်ဘူလ ရဲတပ်ဖွဲ့ဌာနချုပ်ဆီ ဆင့်ခေါ်၍ မီဒီယာအဖွဲ့အစည်းနဲ့ မစ္စတာဂိုလမ်း တို့ဟာ  မစ္စတာအာဒိုဂန်ရဲ့ “အစ္စလာမ့်တရားမျှတမှုနဲ့ဖွံ့ဖြိုးရေးပါတီ”ကို ဖြုတ်ချဖို့ကြံစည်နေကြတယ်ဆိုပြီး စွပ်စွဲခဲ့တယ်။ မကြာခင် ဟီဒါယတ် ကိုလည်း ဖမ်းဆီးချုပ်နှောင်လိုက်ပါတယ်။

    အဲ့ဒီအခါ ဒါဇင်နဲ့ချီတဲ့ နိုင်ငံတကာမီဒီယာတွေ၊ ရုပ်မြင်သံကြားဌာနနဲ့ ရေဒီယိုအသံလွင့်ဌာနတွေက မိမိတို့ရဲ့သဘောထားများကို ထုတ်ပြန်ကြေညာ ခဲ့ကြတယ်။ ပြည်ပရောက် Mr. Karaca ကလည်း မိမိရဲ့အိမ်ကို  ရဲဋ္ဌာနချုပ်အတွက် စွန့်ထားရစ်ခဲ့ရကြောင်း တိုက်ရိုက် အသံလွှင့်ပြောကြားခဲ့တယ်။ တူရကီအစိုးရရဲ့  လက်ရှိလုပ်ရပ်က ရှက်ဖွယ်လိလိဖြစ်ပြီး ကျွန်တော်တို့နိုင်ငံ့သမိုင်းမှာ အမည်းစက် စွန်းထင်းသွားပါပြီလို့လည်း သူက ပြောခဲ့တယ်။

    မစ္စတာအာဒိုဂန်ဟာ  စင်ပြိုင်အစိုးရဖွဲ့လိုသူများကို နှိမ်နင်းရမယ်လို့ သောကြာနေ့က ရုပ်မြင်သံကြား မိန့်ခွန်းမှာ ပြည်သူတွေ ကို ဆော်သြလိုက်တယ်။ ဒါက အကျင့်ပျက်ခြစားမှုစုံစမ်းရေးကို လျစ်လျူရှုခြင်း ဖြစ်ပါတယ်။

    “ကျုပ်တို့ကို အဂတိလိုက်စားတယ်လို့ စွပ်စွဲ သမှန်သမျှဟာ လူလိမ်တွေပါ၊ သူတို့နဲ့ ဆက်နွှယ်နေသူအားလုံးကို ကျုပ်တို့ ဖမ်းဆီး အရေးယူပါမယ်” ဆိုပြီး မစ္စတာအာဒိုဂန် က သတိပေးလိုက်တယ်။

    အဆိုပါစုံစမ်းရေးကော်မရှင်အမြင်ကတော့ အဂတိလိုက်စားမှုထဲ ဝန်ကြီးချုပ်အပြင် မစ္စတာအာဒိုဂန်နဲ့နီးစပ်တဲ့ ဝန်ကြီးတွေလည်း ပါဝင်နေတယ်လို့ သုံးသပ်ထားပါတယ်။  ဆယ်စုနှစ်တစ်ခုကျော် သက်တမ်းရှိ မစ္စတာ အာဒိုဂန့် အာဏာကို အန္တရာယ်ပြုနိုင်တယ်လို့ ယူဆရတ ဝန်ကြီး ၃ ဦးကို ရာထူးကနေ အဓမ္မနုတ်ထွက်စေခဲ့တယ်။ ဒါကို အကြီးမားဆုံး ခြိမ်းခြောက်မှုအဖြစ် လူအများက ထင်မြင်ကြပါတယ်။

    မစ္စတာအာဒိုဂန်ရဲ့မဟာမိတ်ဟောင်းဖြစ်သူ မစ္စတာဂိုလန်းက စုံစမ်းစစ်ဆေးရေးရဲ့ ဘယ်အခန်းကဏ္ဍမှာမှ မိမိ ပါဝင်ပတ်သက်မှု မရှိကြောင်း ငြင်းဆိုပါတယ်။

    ရဲအရာရှိများနဲ့အစိုးရရှေ့နေ ထောင်ပေါင်းများစွာကို သက်ဆိုင်ရာရာထူးကနေ ဖြုတ်ချပြီး တူရကီနိုင်ငံရှိ မစ္စတာဂိုလန်းရဲ့သြဇာကို အပြီးတိုင်ဖြိုလဲဖို့ မစ္စတာအာဒိုဂန် ကြိုးစားနေခြင်း ဖြစ်ပါတယ်။  အကြီးတန်းတရားစီရင်ရေး မဏ္ဌိုင်ကိုလည်း ပြန်လည်ဖွဲ့စည်းလိုက်ပြီး၊ စက်တင်ဘာလတုန်းက အဂတိလိုက်စားမှုနဲ့သံသယရှိသူ ၉၆ ဦးအပေါ် စွဲချက်မတင်နိုင်အောင် စီမံလိုက်တယ်။ အဲ့ဒီ ၉၆ ဦးဟာ  အာဒိုဂန်ရဲ့ ဘက်တော်သားတွေ ဖြစ်နေကြပါတယ်။

    “ဒီဆိုးဝါးတဲ့ဖြစ်ရပ်က အာဏာရှင်စနစ်ဆီ ဦးတည်နေတာပါ။ ဒါဟာ မီဒီယာလွတ်လပ်ခွင့်ကို အကြမ်းဖက်တိုက်ခိုက်တဲ့ လူထုချေမှုန်းမှု သက်သက်ပါပဲ” လို့  သတင်းစာဆရာ Cengiz Candar က မိမိရဲ့တွိစ်တာအကောင့်မှာ အစိုးရကို ဝေဖန်ရေးသားခဲ့တယ်။

    မီဒီယာလွတ်လပ်ခွင့်၊ လုပ်ထုံးလုပ်နည်းများနဲ့ တရားစီရင်ရေး လွတ်လပ်ခွင့်တို့က စစ်မှန်တဲ့ဒီမိုကရေစီစနစ်မှာ အခရာ အကျဆုံးဖြစ်ကြောင်း၊ တူရကီဖွဲ့စည်းပုံ အခြေခံဥပဒေထဲမှာလည်း ဖော်ပြပါရှိကြောင်း အမေရိကန်က Jen Psaki က မိမိရဲ့ကြေညာချက်တစ်ခုမှာ ထုတ်ပြန်ထားတယ်။ တူရကီရဲ့မိတ်ဆွေနဲ့မဟာမိတ် ဖြစ်တဲ့ အားလျော်စွာ အခြေခံတန်ဖိုးများနဲ့ တူရကီရဲ့ကိုယ်ပိုင် ဒီမိုကရေစီ အရင်းအမြစ်များကို မချိုးဖောက်ဖို့ တူရကီအာဏာပိုင်များကို ကျွန်တော်တို့ တိုက်တွန်းလိုက်ပါတယ် လို့လည်းပြောခဲ့တယ်။

    တူရကီက ဥရောပသမဂ္ဂအဖွဲ့ဝင်နိုင်ငံဖြစ်ဖို့ မျှော်မှန်းထားလို့ မီဒီယာသမားများကို မတရားဖမ်းဆီးခြင်းဟာ ဒီမိုကရေစီနည်းလမ်းနဲ့ မကိုက်ညီတဲ့အတွက် ပြင်းပြင်းထန်ထန် ကန့်ကွက်ပါတယ်။ ရိုးသားတဲ့ အခြေခံမူတွေ ချမှတ်နိုင်လိမ့်မယလို့ ကျွန်တော်တို့ မျှော်လင့် ထားခဲ့ပါတယ်။ စွပ်စွဲချက်များအတွက်  လွတ်လပ်ပွင့်လင်းမြင်သာတဲ့ စုံစမ်းစစ်ဆေးမှု ပြုလုပ်ပြီး ဘက်လိုက်မှုမရှိတဲ့ အခွင့်အရေးတွေကိုတောင်းဆို ပါကြောင်း အရာရှိများဖြစ်ကြတဲ့ Federica Mogherini နဲ့ ဂျိုဟန်ဟန်း ကပြောပါတယ်။ လူ့အခွင့်အရေးစောင့်ကြည့်ရေး အဖွဲ့ကလည်း စာနယ်ဇင်းသမားတွေအပေါ် စွဲချက်တင်ခြင်းကို ရှင်းလင်းချက်ပေးဖို့ တောင်း ဆိုထားပါတယ်။

    လူ့အခွင့်အရေးစောင့်ကြည့်ရေး အဖွဲ့ဝင် သုတေသီတစ်ဦးဖြစ်တဲ့ Emma Sinclair က “သတင်းထောက်နဲ့ အယ်ဒီတာများ ဖမ်းဆီးရေး အတွက် ဧရာမ စစ်ဆင်ရေးသစ် ဖန်တီးခြင်းဟာ  မီဒီယာနှိပ်ကွပ်ရေးနောက်က အရေးပါတဲ့ ထပ်မံကြိုးပမ်းမှုတစ်ခု ဖြစ်တယ်။ ဇမာန် သတင်းစာတိုက်နဲ့ Samanyolu ရုပ်မြင်သံကြားက အယ်ဒီတာများနဲ့ စာနယ်ဇင်းသမားများကို မတရားစွပ်စွဲပြီး အစ္စတန်ဘူလ် တရားသူကြီးရဲ့ဖမ်းဝရမ်းနဲ့ ဖမ်းဆီးခြင်းမှာ ခိုင်လုံတဲ့ သက်သေအထောက်အထားများပြသနိုင်ဖို့ အစိုးရအပေါ် တာဝန်ရှိပါတယ်” ဆိုပြီး သုံးသပ်ပါတယ်။

    မတ်လအတွင်း အစိုးရအရာရှိများနဲ့ စီးပွားရေးလုပ်ငန်းရှင်တွေအကြား အကျင့်ပျက်လာဘ်ပေးလာဘ်ယူမှုဆိုင်ရာ အသံဖိုင် ပြန့်နှံ့ သွားပြီးနောက် အစိုးရက တွိစ်တာနဲ့ ယူကျွပ် လူမှုကွန်ရက်များအသုံးပြုခြင်းတို့ကို ပိတ်ပစ်ခဲ့တယ်။ အစိုးရကိုဝေဖန်ရေးသားတဲ့  စာနယ်ဇင်းသမား များစွာတို့ဟာ လက်ရှိကာလများအတွင်း အလုပ်အကိုင်တွေ ဆုံးရှုံးသွားရုံမက တရားစွဲဆိုခြင်းကိုပါ ရင်ဆိုင်နေရတယ်။

    အစိုးရရဲ့ကြိုးပမ်းမှုမှန်သမျှဟာ  မစ္စတာဂူလမ်းနဲ့ သူ့ကိုထောက်ခံသူများကို အကြောင်းပြပြီး ပြည်သူကို အာရုံပြောင်းစေခြင်း ဖြစ်တယ်။  အစိုးရဲ့အမှားကို ထောက်ပြပြီး ဝေဖန်ရေးသားမယ့် မည်သည့်စာရေးဆရာ သို့မဟုတ် စာပေများကိုမဆို ဆက်လက်ဖိအားပေး ပိတ်ပင်ပါဦးမယ်” လို့ ဇမာန်သတင်းစာရဲ့အယ်ဒီတာ Ekrem Dumanli က အထိန်းသိမ်းမခံရခင် ဖုန်းအင်တာဗျူးတစ်ခု မှာ ပြောကြားခဲ့တယ်။  အဲ့ဒီအပြင် “အပြစ်ရှိသူတွေက ကြောက်ကြပါလိမ့်မယ်။ ကျွန်တော်တို့ကတော့ မကြောက်ဘူး” ဆိုပြီး မစ္စတာ Dumanli က ရဲတွေနဲ့အတူ ထွက်ခွာမသွားခင် မိမိကုတ်အင်္ကျီကိုတောင်းယူရင်း ရုပ်မြင်သံကြားကင်မရာများရှေ့မှောက်မှာ ထပ်မံပြောကြားခဲ့ပါတယ်။

    သတင်းဌာနအဆောက်အဦရှေ့ကို  ထွက်လာတဲ့ အယ်ဒီတာကို ရာနဲ့ချီတဲ့ ဝန်ထမ်းများက လက်ခုပ်တီးသြဘာပေးကြတယ်။ အပြင်ရောက်တဲ့အခါ တူရကီအလံများဝှေ့ယမ်းပြီး လက်ခုပ်တီးအားပေးနေတဲ့ လူတစ်ထောင်အကြား မစ္စတာ Dumanli မှ အနိုင်နိုင် ဖြတ်ကျော်သွားရတယ်။ “တူရကီက သင့်ကို ဂုဏ်ယူတယ်” လို့ လူအုပ်ကြီးက ကြွေးကြော်နေခဲ့ကြပါတယ်။

    နိုင်ငံအနှံ့သတင်းဌာနတွေကို လွန်ခဲ့တဲ့ တနင်္ဂနွေနေ့က တူရကီနိုင်ငံ အာဏာပိုင်တွေ ဝင်ရောက်စီးနင်းခဲ့ပြီး သမ္မတ ရီဆက် တွိုင်ယစ် အာဒိုဂန် (Recep Tayyip Erdogan) ရဲ့ပြိုင်ဖက်အပေါ်ထောက်ခံကြသူ အနည်းဆုံး ၂၄ ဦးကို ဖမ်းဆီးခဲ့ပါတယ်။

    ဒီလိုဖမ်းဆီးဖို့အတွက် သမ္မတက အမိန့်ပေးခဲ့တာဖြစ်ပြီး “သစ္စာဖောက်တွေရဲ့ကွန်ယက်အားလုံးကို ဖြိုခွင်းသွားမယ်၊ သူတို့လုပ်ရပ်အတွက် သူတို့ပေးဆပ်ရလိမ့်မယ်” လို့လည်း ပြောဆိုခဲ့ပါတယ်။

    ဖမ်းဆီးခံခဲ့ရသူတွေဟာ ၁၉၉၉ ခုနှစ်ကတည်းက အမေရိကန်ပြည်ထောင်စုမှာ တိမ်းရှောင်နေထိုင်နေတဲ့ မွတ်ဆလင် ဘာသာရေးခေါင်းဆောင် ဖသ်ဟုလ္လာဟ် ဂူလန်း(Fethullah Gulen) ကို ထောက်ခံကြသူများ ဖြစ်တယ်။ အဖမ်းခံရသူတွေထဲမှာ တူရကီနိုင်ငံက အရောင်းရဆုံးသတင်းစာ ဇမာန် (Zaman) သတင်းစာတိုက်ရဲ့ အယ်ဒီတာချုပ် အက်ခရမ် ဒူမာလီ (Ekrem Dumanli) လည်း ပါဝင်ပါတယ်။

    ဒူမာလီကတော့ တူရကီမီဒီယာတွေဟာ ဒီမိုကရေစီကို ပျက်သုဉ်းအောင် ရည်ရွယ်နေတဲ့ မကောင်း ဆိုးရွားတစ်ကောင်နဲ့ ရင်ဆိုင်နေရတယ်လို့ ပြောခဲ့တယ်။ မီဒီယာတွေကို အာဏာသိမ်းသလို ထိန်းချုပ်ဖို့ အစိုးရက ကြိုးပမ်းနေတယ်လို့လည်း သူက စွပ်စွဲခဲ့ပါတယ်။

    အတိုက်အခံ မီဒီယာတွေအပေါ် တူရကီ ရဲတပ်ဖွဲ့ရဲ့ကျူးလွန်နေမှုတွေဟာ ဥရောပက လက်ခံထားတဲ့ တန်ဖိုးတွေနဲ့ ဆန့်ကျင်နေတယ် ဆိုပြီး ဥရောပသမဂ္ဂ EU က တူရကီကို သတိပေးလိုက်ပါတယ်။

    တူရကီဟာ ဥရောပသမဂ္ဂအဖွဲ့ဝင် ဖြစ်ဖို့ ကြိုးစားနေတဲ့ နိုင်ငံတစ်ခုဖြစ်တယ်။ သတင်းစာနဲ့ရုပ်မြင်သံကြားပေါ်တွေ့ရတဲ့ စာနယ်ဇင်းသမားတွေကို  တူရကီရဲတပ်ဖွဲ့ရဲ့ လတ်တလောဝင်ရောက်စီးနင်းဖမ်းဆီးမှုများကို ဥရောပပြည်သူ့ ပါတီအဖွဲ့က  ပြစ်တင်ရှုတ်ချလိုက်ပါတယ်။ တူရကီနိုင်ငံမှာ တရားဥပဒေစိုးမိုးရေးနဲ့ စာနယ်ဇင်းလွတ်လပ်မှုကို မထီမဲ့မြင်လုပ်ပြတဲ့ အရိပ်လက္ခဏာများ ပိုမို ဆိုးရွားလာပါတယ် လို့ အဲ့ဒီအဖွဲ့က ဗုဒ္ဓဟူးနေ့ထုတ်ပြန်ချက်ထဲ ဖော်ပြထားပါတယ်။

    ဒီဖြစ်ရပ်ဟာ အမေရိကန်အခြေစိုက် တူရကီ အတိုက်အခံခေါင်းဆောင်တစ်ဦးဖြစ်တဲ့ Fethullah Gulen နဲ့ဆက်နွှယ်နေကြတဲ့ ရုပ်မြင်သံကြားနဲ့သတင်းစာ မီဒီယာပိုင်းကို တူရကီရဲတွေက ဒီဇင်ဘာ ၁၄ ရက်နေ့ ဝင်ရောက်စီးနင်းမှုဖြစ်ပါတယ်။ ဝန်ထမ်း ၂၀ ကျော် အဖမ်းခံခဲ့ရပါတယ်။ ဒီအပြုအမူဟာ မီဒီယာလွတ်လပ်ခွင့်ကို ချိုးဖောက်တာဖြစ်တယ် ဆိုပြီး  ဥရောပသမဂ္ဂနိုင်ငံခြားရေးဌာနရဲ့ ထုတ်ပြန်စာထဲမှာ ရေးသားထားပါတယ်။

    ဥရောပသမဂ္ဂအဖွဲ့ဝင်ဖြစ်ချင်လို့ လျှောက်ထားတဲ့ မည်သည့်နိုင်ငံမဆို  ဒီမိုကရေစီလူ့အဖွဲ့အစည်းဆိုင်ရာ စံချိန်စံညွှန်းများကို လက်ခံကျင့်သုံးရမှာဖြစ်တယ်။ တူရကီအာဏာပိုင်များရဲ့လုပ်ရပ်တွေက အဲ့ဒီစံချိန် စံညွှန်း ကနေ ဝေးသထက်ဝေးနေကြောင်းကို ပြသနေ ပါတယ်။ အခြေခံအခွင့်အရေးကို ဆက်လက် ဖိနှိပ်ချုပ်ခြယ်မယ့်ကြိုးပမ်းချက်တွေ ရပ်တန့်ပေးဖို့ တူရကီနိုင်ငံရဲ့ ဖွဲ့စည်းပုံအခြေခံ ဥပဒေဆိုင်ရာ တရားရုံးတော်ကို ကျွန်တော် တောင်းဆိုလိုက်ပါတယ် လို့ EPP အဖွဲ့မှ Sommer က ပြောလိုက်ပါတယ်။

    ကျော်မိုးသိန်း

    ကိုးကား – BBC Europe News: Turkey arrest: Raids target Gulen-linked critics of Erdogan
    – Today’s zaman : Global perception of  Turkey worsened by corruption
    – NY Times :  In push Against Muslim Cleric, Turkey Detains Police officers  and Journalists