Tag: FRANCIS WADE

ဇာတ်တိုက်ထားသည့် အင်န်ဂျီအို ဆန့်ကျင်ရေး တိုက်ခိုက်မှုများ

ဧပြီ ၂ ၊ ၂၀၁၄
M-Media
ဘာသာပြန်ဆိုသူ- မင်းထွဋ်ခေါင်

မြန်မာနိုင်ငံအနောက်ပိုင်း စစ်တွေမြို့တွင် လွန်ခဲ့သည့်ရက်သတ္တပတ်က ကူညီကယ်ဆယ်ရေး နိုင်ငံတကာ ၀န်ထမ်းတစ်ဦးသည် ၎င်းရုံးရှေ့မှ ဗုဒ္ဓဘာသာ သာသနာ့ အလံအား ဖယ်ရှားလိုက်သည့်နောက် အစိုးရမဟုတ်သော အဖွဲ့အစည်း NGO ရုံးနှင့် ၎င်းတို့၏ လုပ်သားများကို တိုက်ခိုက်မှု တစ်ရပ် ဖြစ်ပွားခဲ့သည်။ ထိုဒေသ၌ တင်းမာမှုများက ပေါက်ကွဲလုမတတ် ဖြစ်နေသည်။

ထိုအခြေအနေ၏နောက်ဆုံးရ သတင်းကို သိရှိနိုင်အောင် နိုင်ငံတကာ ကယ်ဆယ်ရေးအဖွဲ့တစ်ခု၏ အမည် မဖော်လိုသူ ထိပ်တန်းအရာရှိ တစ်ဦးနှင့် စကားစမြည်ဆိုခဲ့သည်။ ပြည်ပနှင့် ရခိုင် မဟုတ်သော ပြည်တွင်း ၀န်ထမ်းများ စစ်တွေမြို့မှ ဘေးကင်းရာသို့ ထွက်ခွာခြင်းသည် ပြဿနာအစိုင်အခဲ၏ အပေါ်ယံလွှာမျှသာ ဖြစ်ကြောင်း ရှင်းပြ၏။

ယခုသော် နိုင်ငံတကာ အသိုင်းအ၀ိုင်းအဖို့ ရခိုင်ပြည်နယ်၌ အထောက်အပံ့ ပစ္စည်းများ ဆက်လက်ဖြန့်ဝေရန် ဖြစ်နိုင်ချေ မရှိတော့ကြောင်း၊ ခြိမ်းခြောက်မှု (နှင့်) အစွန်အဖျားဒေသများထံဖြန့်ဝေရာ၌ အသုံးပြုသော လှေများ ယာဉ်များကို ဖျက်ဆီးမှုအားဖြင့် လုပ်ငန်းများ ဆက်လက် မလည်ပတ်နိုင်အောင် စံနစ်တကျ ဖန်တီးခဲ့ကြောင်း သူက ဆိုသည်။

ရိုဟင်ဂျာမွတ်စ်လင်မ် နှစ်သိန်းနီးပါး အပါအ၀င် ဗုဒ္ဓဘာသာဝင် ရခိုင်လူမျိုးတို့နေထိုင်လျက် ရှိသော ရခိုင်ပြည်နယ် ဒုက္ခသည် စခန်းများသို့ ကျယ်ပြန့်စွာ အဓိကထောက်ပံ့ ကူညီနေသည်မှာ အပြည်ပြည်ဆိုင်ရာ အဖွဲ့များ ဖြစ်ကြသည်။ ထိုတိုက်ခိုက်မှုများသည် ကယ်ဆယ်ရေး ပစ္စည်းများကိုသာ အားထားနေရသော အိုးအိမ်မဲ့ အပယ်ခံ ရိုဟင်ဂျာများအား ဦးတည်တိုက်ခိုက်ရာ ပင်မခြေလှမ်းတစ်ရပ်အဖြစ် ပေါ်လွင်လျက်ရှိသည်။

ဒေသတွင်း ကယ်ဆယ်ကူညီရေး ပစ္စည်းဖြန့်ဝေခြင်း၌ နိုင်ငံခြား လုပ်သားများက အဓိကအခန်း ကဏ္ဍတွင် ရှိနေသော်လည်း နေ့တစ်ဓူဝ ကွင်းဆင်းဆောင်ရွက်မှု အများအပြားကို ဒေသခံ မြန်မာ လုပ်သားများက ဆောင်ရွက်နေကြသည်။ ရခိုင်လူမျိုး ၀န်ထမ်းများအား ကူညီကယ်ဆယ်ရေး လုပ်ငန်းတွင် မပါဝင်ရန်၊ အခြေခံ ၀န်ဆောင်မှုများကိုလည်း ငြင်းဆိုရန် ၎င်းတို့၏ လူ့အဖွဲ့အစည်းက သတိပေးထားသည်။ ဤသည်ကို မလိုက်နာပါက အကြမ်းဖက်ခံရမည်ဟူ၍ပင် ခြိမ်းခြောက်ခံထားကြရသည်။ ထိုရခိုင်လူ့အဖွဲ့အစည်းသည် ကူညီကယ်ဆယ်ရေး အဖွဲ့အစည်းများနှင့် လုပ်ကိုင်နေသူတို့ကို သစ္စာဖောက်များအဖြစ် သတ်မှတ်လျက် ပြောင်ပြောင်တင်းတင်း စာရင်းထုတ်ပြန်ထားသည် အထိပင်။ အင်န်ဂျီအိုရုံးများအား တိုက်ခိုက်မှုတို့မှာ ထွက်ပေါ်ခဲ့သည့် သတင်းများထက်ပင် ပြင်းထန်ခဲ့သည်။

အနုစိပ်ကြိုတင်ကြံစည်ထားသည့် တိုက်ခိုက်မှုဖြစ်ကြောင်း သုံးသပ်ချက်များ ရှိနေကြသည်။ ထိုဖြစ်စဉ်အတွင်း ပိုင်ဆိုင်မှု(နေရာ) ၃၀ ထက်မနည်း တိုက်ခိုက်ခံခဲ့ရရာ လူ့အသိုင်းအ၀ိုင်းနှစ်ရပ် စလုံးအတွက် စီစဉ်ပေးနေသော ကမ္ဘာ့စားနပ်ရိက္ခာအဖွဲ့၏ ရိက္ခာ သိုလှောင်ရုံသည်လည်း အဖျက်ဆီးခံ သိုလှောင်ရုံ ၇ ခုအနက် အပါအ၀င် ဖြစ်သည်။

မြန်မာအစိုးရ၏ တုန့်ပြန်မှုမှာ စစ်တွေသို့ စစ်တပ်ကိုစေလွှတ်ပြီး ထိန်းချုပ်စေသည့် လှုပ်ရှားမှုသာ ဖြစ်၏၊ ကူညီကယ်ဆယ်ဖြန့်ချိရေး လုပ်ငန်းကို ပြန်လည်သက်ဝင်လာအောင် မည်သည်ကိုမျှ ဆောင်ရွက်ပေးခြင်း မရှိချေ။

မြန်မာနိုင်ငံအနောက်ပိုင်းဒေသ၌ ကူညီကယ်ဆယ်ရေးလုပ်ငန်း ဖြတ်တောက်ခံရခြင်း၏ နောက်ကွယ်၌ရှိ သူများသည် လုပ်သားများနှင့် ပစ္စည်းပစ္စယများကိုသာ ပစ်မှတ်ထားခြင်းမဟုတ်၊ ကူညီဖြန့်ချိရေး လမ်းကြောင်းများကိုပါ ဖျက်ဆီးပစ်လိုက်ရန် ရည်ရွယ်ထားခြင်းဖြစ်သည်။ မိုးရာသီဝင်ရောက်သည်နှင့် ဒုက္ခသည်စခန်း များစွာသို့ အရောက်သွားနိုင်သည့် (တစ်ခုတည်းသော နည်းလမ်း)လှေငယ်များအား ပစ်မှတ်ထားခဲ့ခြင်းက ဤသည်ကို လွယ်လင့်တကူ သိနားလည်နိုင်ပေသည်။

လက်တစ်ဆုပ်စာမျှ ကုလ ၀န်ထမ်းများသာ မြို့ပေါ်၌ တင်းကြပ်သောလုံခြုံရေးဖြင့် ထားရှိခံရသည်။ မြန်မာအစိုးရ၏ တုန့်ပြန်မှုမှာ စစ်တွေသို့ စစ်တပ်ကိုစေလွှတ်ပြီး ထိန်းချုပ်စေသည့် လှုပ်ရှားမှုသာ ဖြစ်၏၊ ကူညီကယ်ဆယ်ဖြန့်ချိရေး လုပ်ငန်းကို ပြန်လည်သက်ဝင်လာအောင် မည်သည်ကိုမျှ ဆောင်ရွက်ပေးခြင်း မရှိချေ။

ယင်းဖြစ်စဉ်သည် အကြမ်းဖက်မှုဖြစ်ကြောင်း အလွန်ရှင်းလင်း ထင်ရှားသည့် အကြောင်းတစ်ရပ်လည်း ရှိနေပါသည်။ နိုင်ငံခြားသူဝန်ထမ်းတစ်ဦးသည် ရုံးပြင်ဖက်မှ ဗုဒ္ဓဘာသာသာသနာ့အလံအား ဖယ်ရှားပြီး နေရာတကျ ပြန် မထားမီ ၅ မိနစ်အတွင်း ဖြစ်ပွားသွားခြင်းဖြစ်သည်။ အလံကိုင်ပြီး ကခုန်ခြင်း၊ သူမ၏ခါး၌ (မဖွယ်မရာပြု) ပတ်ထားခြင်း ဟူသော သတင်းများမှာ မမှန်ကန်ချေ။ မည်သို့ပင်ဆိုစေကာမူ သူမက အလံကို ဖယ်ရှား လိုက်သည်နှင့် ဒေါထွက်နေသည့် လူအုပ်ကြီးက ရုတ်တရက် လျင်မြန်စွာ ထွက်ပေါ်စုရုံးလာခဲ့သည်။

၎င်းမှာ ရခိုင်ပြည်နယ်အတွင်း လူသားချင်းစာနာထောက်ထားရေး လုပ်ငန်းများကို တစ်ချက်တည်းနှင့် ရပ်တန့် သွားအောင် ကြိုတင် ဇာတ်တိုက်ထားသော စင်တင်ပြကွက် တစ်ခုအဖြစ် ပေါ်လွင်နေပါသည်။

လွန်ခဲ့သည့် မတ်လအစောပိုင်းက MSF (နယ်စည်းမထား ဆရာဝန်များအဖွဲ့)အား နှင်ထုတ်ကြချိန် – အစိုးရ၏ ဆုံးဖြတ်ချက်သည် ရိုဟင်ဂျာများအပေါ် လူမျိုးကြီးဝါဒဖြင့် ခွဲခြားဖယ်ကြဉ်မှု သာမက ညှင်းပန်းနှိပ်စက်ရေးနှင့်ကျ န်းမာရေး ၀န်ဆောင်ချက်ဖြတ်တောက်မှုကို အတိအကျကြံစည်တော့မည့် မဟာဗျူဟာ အစိတ်အပိုင်း တစ်ခု ဖြစ်နိုင်ကြောင်း ကုလ လူ့အခွင့်အရေး အထူးကိုယ်စားလှယ် သောမတ်စ် အိုယေး ကင်တားနားမှ ပြောဆိုခဲ့သည်။ ယခုသော် အမှန်ဖြစ်ကြောင်း ဤဖြစ်စဉ်က ထုတ်ပြနေပေသည်။ ၎င်းတို့၏ ပျက်လို ဖျက်ဆီးပြုမှုချက်များမှာ ပြင်ပမှ ၀င်လာသည့် ထောက်ပံ့ကူညီမှုများအား အပြီးတိုင်ဖြတ်တောက်ရန် သီးသီးသန့်သန့် လုပ်ဆောင်ခြင်းမှ တစ်ပါး မည်သည့်အရာမျှ မဟုတ်ခဲ့သည်ကို လွယ်လင့်တကူ သုံးသပ်၍ ရနေပေသည်။

Asian Correspondent တွင် Francis Wade ရေးသားသည့် Full extent of anti-NGO attacks in western Burma emerging ဆောင်းပါးကို မင်းထွဋ်ခေါင် (M-Media) မှ ဆီလျောက်အောင် ဘာသာပြန်ဆိုပါသည်။

April 2, 2014
ကျဉ်းကြပ်စွာ ပိတ်လှောင်စောင့်ကြည့်ခံရနေသည့် ဓားစာခံသားကောင်များ (By Francis Wade)

ဖေဖော်ဝါရီ ၇ ၊ ၂၀၁၄
M-Media
ဘာသာပြန်- မြင့်မိုရ်မောင်မောင်

ရိုဟင်ဂျာအများစုအတွက် ပြည်တွင်းမှလွတ်မြောက်ရန်ကိုသာ တစ်ခုတည်းသောအဖြေအဖြစ် မှတ်ယူသူ တိုးတက်များပြားလာသည်။

ဓါတ်ပုံ အညွန်း- မြို့ဆင်ခြေဖုံး၌ပင်သွားလာခွင့်မရအောင် ကာဆီးထားသည့် သံဆူးခတ်စည်းရိုးနောက်မှ ရိုဟင်ဂျာအမျိုးသားနှစ်ဦး

စစ်တွေမြို့၊ ဘူမိရပ်ကွက်ဝင်ရောက်ရာ ဆူးကြိုးခတ်အကာအရံကို နေရာချနေသော ရဲတပ်သားမှ စည်းမျဉ်းစည်းကမ်းများကို နှုတ်တိုက်ရွတ်နေပါသည်။ ရိုဟင်ဂျာတို့သည် ခွင့်ပြုချက်မရရှိဘဲ ထွက်ခွာရန်ကြိုးစားခဲ့သော် ဖမ်းဆီးချုပ်နှောင်၍ နေရပ်သို့ပြန်ပို့မည် ဟူ၍။ အကယ်၍ ရခိုင်လူမျိုးတစ်ဦးကို အလားတူကဲ့သို့ ဆက်ဆံမည်လောဟု မေးလာသည် ရှိလျှင် ထိုသူသည် မအီမသာပြုံးရွှင်၍ ခေါင်းခါရမ်း လိုက်မည်ဖြစ်အံ့။ ဤရပ်ဝန်းမှာ မြန်မာနိုင်ငံ အနောက်ပိုင်း ရခိုင်ပြည်နယ်မြို့တော်၏ မွတ်စ်လင်မ် အများစု နေထိုင်ရာအရပ် တစ်ခုဖြစ်သည်။ သို့သော် မယုံနိုင်စရာကောင်းလောက်အောင် လဟာပြင်အကျဉ်း စခန်းသို့ အသွင်ပြောင်းသွားသည် သာမက လက်နက်ကို င်အစောင့်များသည် ရပ်ကွက်နေများ၏ သွားလာခွင့်ကိုပင် တင်းကြပ်ထားပေသည်။

စစ်တွေမြို့ရှိ ထိုသို့သော ညစ်ပတ် ကျဉ်းကြပ်သည့် ရပ်ဝန်းများမှာ ၂၀၁၂ ခုနှစ် ဇွန်လအတွင်း ဗုဒ္ဓဘာသာဝင် ရခိုင်လူမျိုး နှင့် ရိုဟင်ဂျာမွတ်စ်လင်မ် လူ့အဖွဲ့အစည်းအကြား အကြမ်းဖက်မှုပွင့်အံချိန်မှ စတင်ပြီး အလျှိုလျှို ပေါ်ထွက်လာ ခဲ့ခြင်းဖြစ်၏။ သူတို့၏လူဦးရေ ပမာဏသည် တစ်စထက် တစ်စ လျော့ပါးလာနေသည်။ ဇန္န၀ါရီလဆန်းက ရခိုင်ပြည်နယ်မြောက်ပိုင်း မောင်းတောမြို့တွင် ရခိုင် လူရမ်းကားများနှင့် စစ်သားများမှ ရိုဟင်ဂျာတို့အား အစုလိုက်အပြုံလိုက် သတ်ဖြတ်ခြင်း သတင်းသည် တောင်ပိုင်းဒေသသို့ လျင်မြန်စွာ ကူးစက်ပြန့်ပွားလာရာ ဘူမိရပ်ကွက်သားများ၊ အနီးရှိ လျော့တိလျော့ရဲစောင့်ရှောက်ခံ ဒုက္ခသည် စခန်းမှလူများ အကြား သွေးပျက်ချောက်ခြားစေခဲ့သည်။ ၎င်းအပြင် ကမ်းခြေဖက်နှင့် ပိုမိုနီးကပ်သော စခန်းများသို့ ရွှေပြောင်းအောင် တွန်းပို့သလို ဖြစ်သွားခဲ့သည်။

ရပ်ကွက်အတွင်း ကျန်နေရစ်သူများမှာကား အိမ်တံခါးဝများမှ မျှော်လင့်ချက်ကင်းစွာ ငေးမှိုင်လျက်သော် လည်းကောင်း၊ တစ်စပြင်လိုငြိမ်သက်နေသော လမ်းများပေါ် ဆောက်တည်ရာမဲ့ သွားလာလျက်သော် လည်းကောင်း ရှိနေကြပေသည်။ လွန်ခဲ့သည့် တစ်နှစ်ခွဲခန့်တွင် သူတို့သည် မြို့လယ်သို့ ကူးသန်းသွားလာရောင်းဝယ်ဖောက်ကားနိုင်ခဲ့သည်၊ ဆိုင်ခင်းဈေးရောင်းနိုင်ခဲ့ကြသည်၊ ဆရာဝန်ထံ သွားရောက်ဆေးဝါး ကုသနိုင်ကြသည်၊ ကလေးငယ်များကို စာသင်ကျောင်းသို့ ပို့နိုင်ခဲ့ကြသည်။ ယခုအခါတွင်မူ အကန့်အသတ်နှင့်သာ ပြုလုပ်ဆောင်ရွက်ရသော အခြေအနေဖြစ်နေ၏။ ၂ ကီလိုမီတာပတ်လည် ခြေရာခွက် ဘ၀လေးထဲအတွင်း ပိတ်လှောင်ခံထားရပါသည်။

၂၀၁၂ ခုနှစ် ဇွန်လ၌ ပထမဆုံးပိတ်ဆို့မှု စတင်ချိန်ကပင် ရပ်ကွက် စွန့်ခွာသူများထဲလည်း မပါဝင်၊ အနီးအနားဆိုင် တစ်ဆိုင်တွင် အလုပ်ဝင်နေသော သားဖြစ်သူ၏ မစို့မပို့ လုပ်ခဖြင့် ရပ်တည်နေရသည့် အသက် ၆၅ နှစ်အရွယ် အဗ်ဒုလ် ရဟီးမ်က “ တစ်ချိန်က ကျွန်တော်ဟာ ကြက်ဥရောင်းဖို့ ဈေးကို နေ့စဉ်သွားခဲ့သူပါ။ အခုတော့ တစ်နေကုန် စိတ် မချမ်းသာစွာနဲ့ ထိုင်မှိုင်တွေဝေနေရသူ ဖြစ်နေပါတယ် ” ဟု ပြောဆိုပါသည်။

ဆေးရုံတင်ရန် လိုအပ်လာသောအခါ ရပ်ကွက်သားများက အာဏာပိုင်များထံ ထွက်ခွင့်တောင်းခံရသည်။ သေရေးရှင်ရေး အနေအထားရောက်မှ သာလျှင် ခွင့်ပြုပေးလေ့ရှိကြသည်။ အသက် ၈၇ နှစ်အရွယ်ရှိ ဦးကာစင်သည် သွေးတိုးရောဂါ ခံစားရပြီး ခြေထောက်၌ ရေနာစွဲကပ်နေသော်လည်း ဘူမိရပ်ကွက်ကျောဖက် သဲချောင်းဒုက္ခသည် စခန်းအစွန်ပိုင်းရှိ မွတ်စ်လင်မ်များ ရှိရာဆေးခန်းသို့ပင် သွားရောက်ပြသရန် အခွင့် မသာခဲ့ချေ။

တားဆီးဂိတ်မှ ရဲတပ်သားသည် အနီးသို့ ကပျာကယာလျှောက်လာပြီး – အကယ်၍ ရိုဟင်ဂျာတို့သည် စစ်တွေမြို့တွင်းသို့ ၀င်ပါက ရခိုင်လူမျိုးတို့၏ တိုက်ခိုက်မှုကို ကြုံတွေ့ရလိမ့်မည်ဟု စိတ်လက်မပါစွာဖြင့် နားချခဲ့လေသည်။

မြန်မာနိုင်ငံ၌ ရိုဟင်ဂျာတို့သည် မျိုးဆက် အလီလီ မှီတင်းနေထိုင်လာကြသော်လည်း အိမ်နီးချင်း ဘင်္ဂလားဒေ့ရ်ှနိုင်ငံမှ ခိုးဝင်လာသူများ ဟူသော မခိုင်မာသည့်စွဲချက်ဖြင့် နိုင်ငံတော်၏ တရားဝင်တိုင်းရင်းသား ၁၃၅ အုပ်စုစာရင်း၌ ထည့်သွင်းခြင်း မခံကြရပေ။ နိုင်ငံသားအဖြစ်မှ ငြင်းပယ်ခံရသည့် အပြင် ထိမ်းမြားမှု၊ အလုပ်အကိုင်၊ ဆေးဝါးကုသခံယူမှု၊ ပညာရေး နှင့် နိစ္စဓူဝလုပ်ငန်းများအပေါ် ပြင်းထန်စွာ တင်းကြပ်ခံထားရသည်။ ဤလူ့အဖွဲ့အစည်းကို ကုလသမဂ္ဂမှ “အကြွင်းမဲ့ အပစ်ပယ်ခံများ” ဟု ခေါ်ဆိုသတ်မှတ်လိုက်ပြီဖြစ်၏။

နှစ်ဖက်လူ့အဖွဲ့အစည်းအပြန်အလှန် သဟဇာတဖြစ်ရေးကို ပြန်လည်တည်ဆောက်ရန် နိုင်ငံတော် အစိုးရ၏ ဦးဆောင်ကြိုးပမ်းချက် မရှိခြင်းနှင့်အတူ အာဃာတ တရားများမှာလည်း ပိုမိုကြီးမား မာကျောလာလျက် ရှိနေသည်။

ရခိုင်အမျိုးသားတိုးတက်ရေး ပါတီ Rakhine Nationalities Development Party (RNDP) ၏ အမာခံအဖွဲ့သားဖြစ်သူ ခိုင်ကျော်မိုးက မိမိ၏ အမျိုးသားများမှာ ကာလရှည် ဒုက္ခခံခဲ့ရသည့် ပါလက်စတိုင်း လူမျိုးများနှင့် မဆီလျော်စွာ နှိုင်းယှဉ်ပြခဲ့သည်။ ရိုဟင်ဂျာများမှာ ပါလက်စတိုင်း ပိုင်နက်အတွင်း အိမ်ယာတိုးချဲ့ တည်ဆောက်နေသည့် အစ္စရေးများကဲ့သို့ဖြစ်ကြောင်း၊ အကယ်၍ မိမိတို့၏ အာဏာပိုင်က ပျော့ညံ့နေပြီး နိုင်ငံတကာ အသိုင်းအ၀ိုင်းမှ နားလည်မှုမပေးနိုင်ပါလျှင် ရခိုင်ပြည်နယ်သည် အနောက်ဖက်ကမ်းခြေဒေသအလား ရှင်းမရနိုင်သော ပဋိပက္ခများ ဖြစ်ပေါ်လာမည်ဖြစ်ကြောင်း သူက ဆိုသည်။ ဖယ်ထုတ်ခံရပြီး အကြောက်လွန်နေရှာသည့် ရိုဟင်ဂျာတို့အား အင်အားကောင်းလှသော အစ္စရေးတို့နှင့် နှိုင်းယှဉ်ပြလိုက်ခြင်းက ယုတ္တိမဲ့ ဟာသတစ်ရပ် ဖြစ်သွားပါသည်။ စင်စစ်မှာမူ အငြိုးကြီးစွာ ပုံဖော်မှုသာ ဖြစ်ပါ၏။

ရိုဟင်ဂျာများမှာ အခြား ဘာသာတရားများကို နားလည်မှုပေးနိုင်သည်အထိ ဒုက္ခသည်စခန်းများ အတွင်း၌သာ နေထိုင်သင့်ကြောင်း စစ်တွေမြို့ကျောင်းအုပ် တစ်ဦးက ပြောလေသည် (ရိုဟင်ဂျာများသည် အစ္စလာမ့် အစွန်းရောက် လမ်းစဉ်ဖက် ယိမ်းနေသူများ အဖြစ် ရခိုင်လူမျိုးတို့မှ ယိုးမှတ်ကြောက်ရွံ့နေကြသည်)။ အကယ်၍ မွတ်စ်လင်မ်တို့နှင့် အဆက်အသွယ် ရှိနေသေးကြောင်း သူ့ကျောင်းသားများ၏ မိဘတို့မှ တွေ့မြင် သိရှိသွားသော် သူတို့၏ ကလေးငယ်များအား ကျောင်းမှ ထုတ်ယူသွားမည်ကို အကြီးအကျယ်စိုးရိမ်သဖြင့် ထိုသူသည် မိမိ၏ မွတ်စ်လင်မ် မိတ်ဆွေဟောင်းတို့နှင့် အဆက်အသွယ်ဖြတ်လိုက်ရပါသည်။

ရိုဟင်ဂျာများအဖို့ လူမှုဖယ်ကြဉ်မှု နှင့် ချိုးနှိမ်ခွဲခြားမှုကို ခါးစည်းခံနေကြရသည်။ သဲချောင်းစခန်းတွင် အကာအရံမဲ့ မစင်တွင်းများ၊ မြောင်းများနံဘေးဝယ် ကလေးငယ်များက အ၀တ်မပါဗလာကိုယ်ဖြင့် သွားလာနေကြ၏။ သူတို့၏ ဗိုက်ပူနံကားအသွင်များက အာဟာရချို့တဲ့ခြင်း၏လက္ခဏာကို ထင်ရှားစွာ ပြသနေသည်။ ကူညီကယ်ဆယ်ရေးလုပ်သားများ၊ ဂျာနယ်လစ်များ၊ သံတမန်များသည် တစ်နှစ်ခွဲတာကာလအတွင်း ဒုက္ခသည် စခန်းများသို့ ရောက်ဖူးကြပြီး ဖြစ်သည့် တိုင်အောင် စိုးစဉ်မျှပင် အပြောင်းအလဲ မရှိသေး။ ၎င်းတို့၏ တာပေါ်လင် မိုးကာတဲများသည် ပင်လျှင် လျော့တိလျော့ရဲဖြစ်ကာ တွန့်ကြေဆွေးမြေ့လာပေပြီ။

များမကြာသေးမီက ယင်းအမိုးများအောက်သို့ မိသားစု အချို့သည် ဒုက္ခသည်များ အဖြစ် ရောက်ရှိလာကြသည်။ ရောက်ရှိလာသူများ အနက် အချို့မှာ အကြမ်းဖက်မှုကို တိုက်ရိုက်ခံစားရသည့် သားကောင်များ မဟုတ်ကြ။ ဇန္န၀ါရီလဆန်းပိုင်း မောင်းတောမြို့တွင်ဖြစ်ပျက်ခဲ့သကဲ့သို့ မိမိတို့ခံစားရမှာ စိုးကြောက်နေသူများဖြစ်ကြသည်။ သူတို့အနေနှင့် မလေးရှားသို့သော် လည်းကောင်း၊ အခြားဒေသများသို့သော် လည်းကောင်း ခိုလှုံသူများအဖြစ် ၀င်ရောက်နိုင်ရေးအတွက် ပင်လယ်ပြင်ဖက်ရှေ့ရှုကာ ကိုယ်ပိုင် စွန့်စားခန်း ဖွင့်လှစ်ကြပေတော့မည်။ ဤသည်မှာ ရခိုင်လူမျိုးတို့၏ လိုလားချက်အတိုင်း အကြိုက်ဆောင်ရာ ဖြစ်နေပါတော့သတည်း။

မူရင်းဆောင်းပါး – Burma’s Rohingya Are Now Being Forced to Live in Squalid Ghettos Watched by Guards
ဘာသာပြန် – မြင့်မိုရ်မောင်မောင်
Paula Bronstein / Getty Image

February 7, 2014
မြန်မာပြည်၏ မွတ်စ်လင်မ် ဆန့်ကျင်ရေး အကြမ်းဖက်မှု နှင့် လူမြင်မခံ အင်အားစုများ (By Francis Wade)

အောက်တိုဘာ၊ ၁၁
M-Media
မြင့်မိုရ်မောင်မောင် ဘာသာပြန်ဆိုသည်။

( ရိုဟင်ဂျာမွတ်စ်လင်မ်အား ဘင်္ဂါလီအဖြစ် သတ်မှတ်ပြီး လူမျိုးရေးသွေးချောင်းစီးမှုကို ဦးတည်နေကြသော ဗုဒ္ဓဘာသာဝင်ရခိုင်များ)

စစ်တပ်သည် ဒီမိုကရေစီပြုပြင်ပြောင်းလဲရေးလမ်းကြောင်းမှ လက်လွှတ်ဆုတ်ခွာမည့် အနေအထား ရှိနေ၏။ ပြန်လည် ချုပ်ကိုင်ရေး အတွက် သွေးချောင်း စီးလမ်းကြောင်း ခင်းကျင်းခြင်းလည်း ဖြစ်နိုင်ပေသည်။

ပြီးခဲ့သည့် ရက်သတ္တပတ်အတွင်း အသက် ၉၄ နှစ်အရွယ် မွတ်စ်လင်မ်အမယ်အိုကြီးတစ်ဦးကို ဗုဒ္ဓဘာသာဝင်များမှ ရက်စက်စွာသတ်ဖြတ်ပြီးနောက်တွင် မြန်မာနိုင်ငံသမ္မတသည် အကြမ်းဖက်ခံဒေသထံသွားသော ပထမဆုံး ခရီးစဉ်အဖြစ် သံတွဲမြို့သို့ ရောက်ရှိခဲ့သည်။ ၄င်းအလျင် ၂ ရက်က မွတ်စ်လင်မ် နိုင်ငံရေး ခေါင်းဆောင်တစ်ဦး နှင့် ဆိုင်ကယ်တက္ကစီသမားတစ်ဦးအကြား အချင်းများကြခြင်းကို ခုတုံးလုပ်၍ အောက်တိုဘာ ၁ ရက်နေ့တွင် သံတွဲအနီးရှိ ယင်းအမယ်အို၏ရွာသို့ လူရမ်းကားအုပ်စု တစ်စု ရောက်လာ၏။ သူမ၏သမီးဖြစ်သူသည် လွတ်မြောက်သွားသော်လည်း ပြန်လာကြည့်ရှုသောအခါ ဦးခေါင်း၊ လည်ပင်း၊ ၀မ်းဗိုက်တွင် ဓားခုတ်ခံထားရသည့် မိခင်အိုနှင့်တစ်ကွ မီးကျွမ်းနေသော နေအိမ်ကိုသာ တွေ့လိုက်ရလေသည်။

အိမ်ခြေ ၁၀၀ နီးပါး မီးရှို့ခံရသည့် သံတွဲတိုက်ခိုက်မှုဖြစ်စဉ်၌ သံသယဖြစ်ဖွယ်ရာများရှိနေကြောင်း သမ္မတဦးသိန်းစိန်၏ ပြောကြားချက်ကို နိုင်ငံပိုင်မြန်မာ့အလင်း သတင်းစာတွင် ဖော်ပြခဲ့သည်။ “ (ဗုဒ္ဓဘာသာဝင်) ရခိုင်တိုင်းရင်းသား နဲ့ ကမန်တိုင်းရင်းသား(မွတ်စ်လင်မ်) တို့ဟာ နှစ်များစွာကတည်းက ငြိမ်းချမ်းစွာ အတူယှဉ်တွဲနေထိုင်လာကြတာပါ။ ပြင်ပ ပယောဂကြောင့် အကြမ်းဖက်မှုနဲ့ ပဋိပက္ခတွေ ဖြစ်ပွားခဲ့ရတယ်။ လက်ဝယ်ရှိ အထောက်အထားအရ ရွာတွေကို မီးရှို့အကြမ်းဖက်သူများဟာ ပြင်ပကလာ သူများဖြစ်ကြောင်းတွေ့ရတယ် ” ဟု ပြောဆိုခဲ့၏။

လွန်ခဲ့သော ၁၆ လတစ်လျှောက်ဖြစ်ပွားခဲ့သော မွတ်စ်လင်မ်ဆန့်ကျင်ရေး အကြမ်းဖက်မှုများနှင့်ပတ်သက်၍ အကျွမ်းတ၀င်မရှိသူ တစ်ဦးအတွက်တော့ ယင်းပြောဆိုချက်မှာ ထူးခြား ဆန်းကြယ်နေပေလိမ့်မည်။ ၄င်း၌ အစွန်းရောက် ဗုဒ္ဓဘာသာဝင်တို့၏ စံနစ်တကျ ဖွဲ့စည်းထားသော ကွန်ရက်များက မြန်မာပြည်အတွင်း စီမံလှုပ်ရှားလျက်ရှိကြောင်း အဆုံးသတ်သော် ၄င်းအနေနှင့် သဘောပေါက်သိမြင်သွားစမြဲသာ။

စောင့်ကြည့်လေ့လာသူများထံတွင် သံသယဖြစ်ဖွယ်အချက်များ ရှိနေသည်မှာ ကြာမြင့်နေပြီဖြစ်၏။ ရခိုင်ပြည်နယ်၊ မန္တလေးတိုင်း၊ ရှမ်းပြည်နယ်နှင့်အခြားဒေသများတွင် ဖြစ်ပွားသော တိုက်ခိုက်ခြင်းနည်းလမ်းနှင့်ပုံဟန်မှာ ထပ်တူထပ်မျှ နီးပါးဖြစ်နေသည်။ အသေးအဖွဲပြဿနာလေးများမှ စတင်သည်။ ရုတ်တရက် ချက်ခြင်း လူအုပ်ကြီး ပေါ်ပေါက်လာပြီး မြို့တွင်းသို့ ၀င်ရောက်လာကြသည်။ လက်နက်များကလည်း အရံသင့်။ ဖြစ်ရပ်အများစု၌ ရဲတပ်ဖွဲ့ဝင်များက ငုတ်တုတ် ရပ်ကြည့်ရှုစားနေစမြဲ။ မြင်ကွင်းများဝယ် ဒေသခံတို့ကိုတွေ့မြင်ရပါသော်လည်း အကြမ်းဖက်အုပ်စုမှာ ပြင်ပမှ စုရုံးဝင်ရောက်လာသည်ဟု ကြိမ်ဖန်များစွာ ဆိုပြန်၏။ ဤတစ်ပတ် သံတွဲဖြစ်ရပ်မှတ်တမ်း ဓာတ်ပုံတစ်ခု၌ ခေါင်းစည်းနီများပတ်၍ လက်နက်ကိုင်ဆောင်ပြီး ဆူပွက်သွေးကြွနေသည့် ဒေသခံများကိုပင် ထရပ်ကားအပြည့်ဖြင့် တွေ့လိုက်ရခြင်းက ယင်းအဆိုမှာ ဆန့်ကျင်ဖက်ဖြစ်နေကြောင်း ပေါ်လွင်သွားပါတော့သည်။

ဖြစ်စဉ်သစ်တစ်ရပ် မဟုတ်
——————————
အကယ်၍ ဤဖြစ်စဉ်များ၌ စံနစ်တကျ ကြိုတင်ကြံစည်သူရှိသည်ဟုဆိုလျှင် ထိုသူသည် မည်သူနည်း၊ မည်သည့်အတွက် လုပ်ရသနည်းဟူသော မေးခွန်းထုတ်ရပါမည်။ ရှင်းလင်းသောအဖြေ မရှိသေး။ သို့သော် မြန်မာပြည်ရှိ စစ်တပ် နှင့် အာဏာပိုင်များအဖို့ ဤမတည်ငြိမ်မှုများမှ အမြတ်ထွက်မည်ကား သေချာနေသည်။ လွန်ခဲ့သော ဆယ်စုနှစ်များအတွင်း ဖြစ်ပွား ခဲ့သော ပြဿနာ များစွာကိုကြည့်လျှင် ပြည်တွင်းနိုင်ငံရေးကို လူနည်းစုဝင် လူမျိုးတစ်စုစုနှင့် တိုက်ဆိုင်ရောထွေး၍ အကြမ်းဖက်တိုက်ခိုက်မှုထံ ဦးတည်လေ့ရှိကြောင်း တွေ့ရ၏။ တိုင်းပြည်စီးပွားရေး စံနစ်အပေါ် ဗိုလ်ချုပ်နေ၀င်း၏ တလွဲတချော် စီမံခန့်ခွဲမှုအား အာရုံလွှဲရန် တရုတ်လူမျိုးတို့၏ ပိုင်ဆိုင်မှုများကို တိုက်ခိုက်စေခြင်းဖြင့် ၁၉၆၇ တရုတ်ဆန့်ကျင်ရေး အဓိကရုဏ်း ဖြစ်ပွားခဲ့သည်။ ၄င်းနောက် ၁၉၈၈ ခုနှစ် တောင်ကြီးမြို့ နှင့် ပြည်မြို့များတွင် မွတ်စ်လင်မ်များအပေါ် တိုက်ခိုက်ခြင်းဖြင့် အာဏာရှင်ဆန့်ကျင်ရေး ကိစ္စကို လွှဲဖယ်ခဲ့သည်။ ထိုစဉ်ကတည်းပင် စစ်တပ်သည် စစ်အာဏာရှင်ဆန့်ကျင်ရေး ရှေ့ပြေးလက္ခဏာများအား ဖြိုခွဲရေးအတွက် လူမျိုးရေးတင်းမာမှုများကို ဖန်တီး သွတ်သွင်းနိုင်ရန် ကြိုးပမ်းခြင်းဖြစ်ကြောင်း လူပေါင်းများစွာမှ ယုံကြည်ထားခဲ့ကြ၏။

ယနေ့မြန်မာပြည်တွင် ဤသီအိုရီအား အသုံးချနေခြင်း မဖြစ်နိုင်သလော ? ဦးသိန်းစိန်၏ ဒီမိုကရေစီပြုပြင်ပြောင်းလဲမှုများက နိုင်ငံ့ဘဏ္ဍာ အားလုံး၏ ငါးပုံ တစ်ပုံကျော် ခံစားရရှိနေသည့် စစ်တပ်ကို တုန်လှုပ်သွားစေနိုင်သည်။ ဒီမိုကရေစီ အုပ်ချုပ်ရေးရှေ့ဆက်နေခြင်းနှင့်အတူ စစ်တပ်နှင့် ဆက်စပ်နေသည့် အင်အားစုကြီးအပေါ် မေးခွန်းထုတ်စရာများ ရှိလာသည်။ မြန်မာလူ့အဖွဲ့အစည်း၏ သာသနာပိုင်ကဲ့သို့ဖြစ်နေသော ၄င်း၏အနေအထားက တန်ခိုးထွားနေဆဲဖြစ်၏။ နိုင်ငံတော်ဖွဲ့စည်းပုံအခြေခံဥပဒေအား ပြင်ဆင်ပြောင်းလဲပါက ဆိုးဝါးပြင်းထန်သည့် အန္တရာယ် နှင့် မမှန်းနိုင်သည့်အကျိုးဆက်ကို ခံစားရမည်ဖြစ်ကြောင်း စစ်တပ်ကျောထောက်နောက်ခံ အာဏာရ ပါတီဖြစ်သော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ယခုအပတ်တွင် သတိပေးပြောကြားလိုက်သည်။ ယင်းသို့ အတိုက်အခံ ဆန့်ကျင်ရသည့် အကြောင်းတစ်ရပ်မှာ စစ်အာဏာရှင်အကြိုက် ၂၀၀၈ ဖွဲ့စည်းပုံစည်းမျဉ်းအား ပြန်လည်ဆန်းသစ်ပါက စစ်တပ်၏သြဇာ မှေးမှိန်သွားမည်ဖြစ်သောကြောင့်တည်း။

လူမျိုးစုတင်းမာမှုများကြောင့်လည်းကောင်း၊ တိုင်းရင်းသား လက်နက်ကိုင်တပ်များနှင့် ပဋိပက္ခ ရှေ့ဆက်မှုကြောင့် လည်းကောင်း ဖြစ်ပေါ်လာသည့် လူ့အဖွဲ့အစည်းအတွင်း မတည်ငြိမ်မှုက မည်သည့်စစ်တပ်ကိုမဆို ၄င်း၏သြဇာပြန်လည် လွှမ်းမိုးရေးအတွက် အဓိက အခွင့်အလမ်းတစ်ရပ် ရရှိစေသည်။ လူမျိုးရေးနှင့်နိုင်ငံရေးခွဲခြားမှု အရိုးစွဲပြင်းထန်လှသည့်နိုင်ငံတစ်ခုတွင် ယင်းသို့ ဖြစ်ပွားသွားရ စမြဲကို တွေ့မြင်နိုင်ပေသည်။ မိမိတို့၏နယ်မြေ၌ စစ်တပ်များ တပ်စွဲထားမှုကို ရေရှည်ဆန့်ကျင်လာကြသည့် ရခိုင်တို့က ယခုအခါ ၄င်းတို့အား (၄င်းတို့အမြင်အရ) အစ္စလာမ့်လွှမ်းမိုးမှုမှ တားဆီးကာကွယ်ရန် စစ်တပ်ကိုပင် တောင်းဆိုနေသည်။ “ကျူးကျော်ဝင်ရောက်လာသူများ” အဖြစ် အမည်ပေးထားသော လူနည်းစုရိုဟင်ဂျာ မွတ်စ်လင်မ်တို့ကို စစ်တပ်နှင့်ပူးပေါင်း၍ တိုက်ထုတ်မည့် အကြောင်း ဒီမိုကရေစီထောက်ခံသည်ဟုဆိုသူများက ပြောဆိုနေကြ၏။ မွတ်စ်လင်မ် ဆန့်ကျင်ရေး အကြမ်းဖက်မှုဖြစ်စေခြင်း၌ ဗုဒ္ဓဘာသာဝင် ရဟန်းသံဃာများ၏ တွန်းအားပေးနေခြင်းအပေါ် လူများစွာမှ အံ့အားသင့်နေကြ၏။ သို့တစေလည်း ၁၉၉၇ ခုနှစ် မွတ်စ်လင်မ်ဆန့်ကျင်ရေး အကြမ်းဖက်မှုဖြစ်စဉ်အတွင်း ဗလီများအားတိုက်ခိုက်ခြင်း၌ သံဃာများလည်း ပါဝင်ပတ်သက်ထားခဲ့ပြီးဖြစ်သည်။

ရိုဟင်ဂျာများ တည်ရှိမှုက အန္တရာယ်လော ?
———————————————
ရခိုင်နှင့်ရိုဟင်ဂျာလူမျိုးတို့အကြား လွန်ခဲ့သည့်သြဂုတ်လ စစ်တွေမြို့တွင် စတင်ခဲ့သော ပဋိပက္ခအဆင့်ဆင့်ဖြစ်ပေါ်မှုသည် လူမျိုး သို့မဟုတ် ဘာသာရေး ကွဲလွဲမှုမှာ တစ်နေရာတည်း၌ တန့်မသွားကြောင်း ဖော်ပြနေပေသည်။ အထင်ရှားဆုံးအချက်တစ်ချက်မှာ ယမန်နှစ် ဇွန်လကတည်းက ရခိုင်ပြည်နယ်ရှိ အကြမ်းဖက်မှုအများစုသည် ရိုဟင်ဂျာလူမျိုးတို့ကို ဦးတည်ခဲ့သော်လည်း ယခုနောက်ဆုံး သံတွဲမြို့တွင်ဖြစ်ခဲ့သောတိုက်ခိုက်မှုမှာ ကမန် မွတ်စ်လင်မ်များကို တိုက်ရိုက်ပစ်မှတ်ထားခဲ့ခြင်းဖြစ်သည်။ ရိုဟင်ဂျာ နှင့် ကမန် တို့မှာ ခြားနားကွဲပြားလှ၏။ ရိုဟင်ဂျာတို့၏တည်ရှိနေမှုသည် ဗုဒ္ဓဘာသာဝင်များအဖို့ အန္တရာယ်ရှိသည်ဟု သတ်မှတ်၍ ရခိုင်တို့မှ ရိုဟင်ဂျာများကို ခိုးဝင်ဘင်္ဂါလီများအဖြစ် အမြင်ထားရှိနေသည်မှာ ကြာမြင့်ပြီသော်လည်း၊ ကမန်များမှာမူ ငြိမ်းချမ်းစွာ နေထိုင်ခဲ့ကြရကုန်၏။ ထို့ကြောင့် ရိုဟင်ဂျာတို့အပေါ် အကြမ်းဖက်ရေးအစီအစဉ်များသည် နယ်မြေကာကွယ်ရေးနှင့် ဗုဒ္ဓဘာသာထိန်းသိမ်း စောင့်ရှောက်ရေး အသွင်အဖြစ် ရခိုင်များစွာက ရှုမြင်ထားခဲ့ကြသည်။

ဤနှစ် မတ်လအတွင်း မြန်မာနိုင်ငံအလယ်ပိုင်း မိတ္ထီလာ၌ အကြမ်းဖက်မှု ပွင့်အံသောအခါ ယင်းဖြစ်စဉ်အနေအထားက အပြောင်းအလဲဖြစ်သွားလေသည်။ မိတ္ထီလာ၌ မွတ်စ်လင်မ်ဦးရေ အတန်ပင်ရှိသော်လည်း ရိုဟင်ဂျာများ မဟုတ်ကြ။ အလားတူစွာ ရှမ်းပြည်နယ်မှ လားရှိုးမြို့၊ ရန်ကုန်တိုင်းမှ ဥက္ကံ၊ ကချင်ပြည်နယ်မှ ဖားကန့်တို့တွင် မွတ်စ်လင်မ်တို့ အပေါ် ပြင်းထန်သည့်တိုက်ခိုက်မှု ဆက်တိုက်ဖြစ်ပွားလာခဲ့သည်။ မြန်မာနိုင်ငံအနောက်ပိုင်းရှိ လူနည်းစုဝင် တစ်အုပ်စုတည်းနှင့်သာ သက်ဆိုင်ခြင်း မဟုတ်တော့ပဲ မွတ်စ်လင်မ်အားလုံးအပေါ် အဆင့်ဆင့် ဆန့်ကျင်လာသည့် ပြဿနာ ဖြစ်နေပေသည်။

လူမျိုးစုအကြားဖြစ်ပွားရသောအကြမ်းဖက်မှုမှန်သမျှမှာ အချိန်တိုတစ်ခုအတွင်း ပြီးဆုံးသွားလေ့ မရှိကြောင်း၊ ယင်းသို့ ဖြစ်ခြင်းမှာ နိုင်ငံတော်၏ ပါဝင် ပတ်သက်မှုကြောင့်ဖြစ်ကြောင်း မြန်မာလူမျိုးပညာရှင် မောင်ဇာနည်မှ လတ်တစ်လော ထောက်ပြခဲ့သည်။ သို့သော် ဗြိတိသျှခေတ်ကပင် မြန်မာပြည်အနေအထားအတွင်း အာရုံလွှဲရန် လူမျိုးရေး၊ ဘာသာရေး ပြဿနာဖန်တီးမှုသမိုင်းကို တွေ့ရကြောင်း၊ ထိုအချက်နှင့်စပ်လျဉ်းပြီး လွတ်လပ်ရေးဖခင် ဗိုလ်ချုပ်အောင်ဆန်းက ကိုလိုနီလက်အောက်မှ လွတ်လျှင် လွတ်ချင်း သတိပေးခဲ့ပြီးဖြစ်ကြောင်း သူက ဆိုပါသည်။

လက်ရှိဖြစ်ပွားနေသော မွတ်စ်လင်မ်ဆန့်ကျင်ရေး အရှိန်မြှင့်တက်လာမှုအပေါ် သုတေသီအသီးသီးမှ ယူဂိုဆလားဗီးယား မြင်ကွင်း ပုံဟန်ဖြင့် ချိန်ထိုးကာ အဖြေရှာထုတ်နိုင်ဖို့ ကြိုးစားနေကြသည်။ ယူဂိုဆလားဗီးယားတွင် လူမျိုးရေးတင်းမာမှုသည် ဆယ်စုနှစ်များစွာ တအုံနွေးနွေးရှိခဲ့ရာမှ ပွင့်အံထွက်ခဲ့ပြီးနောက် အုပ်ချုပ်ရေး အသွင်သဏ္ဍာန် ပြောင်းလဲသွားခဲ့၏။ ၄င်းမှာ မြန်မာပြည်တွင်းဖြစ်ရပ်နှင့် ခပ်ဆင်ဆင်ဖြစ်နေသည်။ မွတ်စ်လင်မ်တို့၏ နိုင်ငံသားစစ်စစ်ဖြစ်ခြင်းကို အစဖျောက်ရန်အလို့ငှာ လွတ်လပ်ရေးရချိန်မှစ၍ အုပ်ချုပ်သူအဆက်ဆက်က နည်းလမ်းဖော် ဖန်တီးခဲ့ကြ၏။ အရှိန်ရအားကောင်းနေသောဆိုရှယ်မီဒီယာများ၊ ၀ါဒဖြန့်အစီအမံ နှင့် လှုံ့ဆော်ရေးတို့၌ မီးဝင်မွှေးသောအခါ တောမီးလောင်သကဲ့သို့ ကျယ်ပြန့်သွားစေ၏။ သို့ဖြစ်ရာ မိတ္ထီလာ နှင့် စစ်တွေ အဖြစ်ချင်း မကွာခြားပါတော့ချေ။

နိုင်ငံတစ်ဝှန်းဖြစ်ပွားခဲ့သော ဆင်တူရိုးမှားတိုက်ခိုက်မှုများ၌ အထူးသံသယဖြစ်ဖွယ် အချက်တစ်ချို့ရှိသေး၏။ ပြီးခဲ့သည့် စနေနေ့က ရန်ကုန်အနီး ကျောင်းကုန်းရှိ ရဲစခန်းပြင်ပတွင် လူတစ်စုမှ ၀န်းရံရောက်ရှိကာ ဗုဒ္ဓဘာသာမိန်းကလေးတစ်ဦးကို မုဒိန်းကျင့်သည်ဟု စွဲချက်တင်ခံရသူ မွတ်စ်လင်မ်အမျိုးသားတစ်ဦးအား ၄င်းတို့ထံ လက်လွှဲပေးရန် တောင်းဆိုခဲ့ကြသည်။ ရဲစခန်းမှငြင်းဆိုလိုက်ရာတွင် ၄င်းတို့က မွတ်စ်လင်မ်တို့၏နေအိမ် ငါးလုံးကို မီးတင်ရှို့ခဲ့ကြသည်။ ၄င်းမှာ သံတွဲ အကြမ်းဖက်မှုဖြစ်လာပုံနှင့် တစ်ထေရာတည်း တူညီနေ၏။ ၄င်း၌ အငြင်းပွားမှုတစ်ခုကြောင့် ထိန်းသိမ်းထားသော ကမန်မွတ်စ်လင်မ်ခေါင်းဆောင် တစ်ဦးကို လက်ပြောင်းပေးရန်တောင်းဆိုချက်အား ရဲစခန်းမှ ငြင်းဆန်လိုက်သဖြင့် အလားတူအတိုင်း ဖြစ်ပွားခဲ့ရသည်။

စစ်အုပ်ချုပ်ရေး၏ ဓာတ်ပြားဟောင်းနည်းဗျူဟာ
————————————————
ရှမ်း၊ ကချင်၊ ရခိုင် ကဲ့သို့ သီးခြားရှိတည်ရှိနေသော တိုင်းရင်းသားပြည်နယ်ဒေသများ တခွင်၌ တစ်ပုံစံတည်း ဖြစ်ပျက်နေ၏။ ကချင်ပြည်နယ်အဖို့ ဖြစ်စဉ်သစ်တစ်ရပ်ဟု ဆိုရပေမည်။ ဤပြည်နယ်တွင်း တိုင်းရင်းသားအုပ်စုတို့၏ အမျိုးသားရေးဝါဒ၌ အခြေခံအားဖြင့် ဗမာလူမျိုးနှင့်၎င်းတို့၏ ပုံဟန်တို့ကို မလိုလားခြင်းဖြစ်၏၊ မွတ်စ်လင်မ်တို့ကို မဟုတ်ချေ။ ဤသို့ ကျယ်ပြန့်စွာ ကွဲပြားနေသည့် အမြင်နှင့် ပထ၀ီအနေအထားအရ မွတ်စ်လင်မ်ဆန့်ကျင်ရေးလှုပ်ရှားမှုမှာ အရှိန်အဟုန်ဖြင့်ဖြတ်ဝင်လာနိုင်ချေ နည်းပါးလွန်း၏။ သို့ဆိုလျှင် မွတ်စ်လင်မ်တို့တည်ရှိခြင်းအပေါ် အကြမ်းဖက်ခြင်းက အဘယ်ကဲ့သို့တုန့်ပြန်မှု ဖြစ်လာမည်နည်း ? ၁၉၆၀-၇၀ ခုနှစ်များအတွင်း မြန်မာပြည်တွင်းသို့ တရုတ်လူမျိုးများ အလုံးအရင်းဝင်ရောက်လာပြီးနောက်ပိုင်း တရုတ်ဆန့်ကျင်ရေးအရေးအခင်းများ ဖြစ်ခဲ့သည်။ ပြောင်းရွှေ့ဝင်ရောက်လာသူများထံ အလုပ်အကိုင်များ ရောက်ရှိသွားမည်ကို ပြည်တွင်းနေများ စိုးကြောက်မှုက တုန့်ပြန်ခြင်းအကြောင်း၌ ပါဝင်ခဲ့၏။

မြန်မာနိုင်ငံ၌ အနည်းငယ်မျှသာရှိသည့်အုပ်စုက တစ်နိုင်ငံလုံးအတိုင်းအတာကို လွှမ်းမိုးနိုင်သည်ဟူသော အမြင်မှာ မည်သို့မျှ ကြောင်းကျိုးမညီညွတ်ပါလေ။ လက်ရှိဖြစ်ရပ်များ၌ လက်လျှိုမှုတစ်ရပ် ရှိနေပေလိမ့်မည်။ ဤအနေအထားကို ကိုင်တွယ်ထားနိုင်သော အုပ်စု ၂ စုသာရှိသည်။ စစ်တပ်နှင့်သံဃာများ ဖြစ်ကြသည်။ ၄င်းတို့ထံတွင် မွတ်စ်လင်မ်ဦးရေတိုးပွားလာမှုကို ရပ်တန့်စေလိုသည့် အတ္တစွဲများ ရှိနေကြ၏။ သံတွဲကဲ့သို့ မွတ်စ်လင်မ်ဆန့်ကျင်ရေး အကြမ်းဖက်ခံရသည့်နေရာတိုင်းမှ ဒုက္ခသည်တို့ပြောဆိုထားသည့်အတိုင်း ဤတိုက်ခိုက်မှုများသည် ကနဦးကပင် လူမြင်မခံသောနောက်ကွယ် အင်အားစုတစ်ရပ်မှ စီမံခင်းကျင်းထားကြောင်း ဦးသိန်းစိန်က သံယောင်လိုက်ပြောကြားနေခဲ့၏။

၉၆၉ အမှတ်တံဆိပ်ကို စတင်ဖန်တီးခဲ့သူ နှစ်ဘက်လှ ဦးကျော်လွင် မှာ ၁၉၉၈ ခုနှစ်တွင် သာသနာတော် ပြန့်ပွားရေးဌာနမှ ညွှန်ကြားရေးမှူး ချုပ်အဖြစ် တာဝန်ထမ်းဆောင်ခဲ့ဖူးသူ ဖြစ်ကြောင်းသိရှိရသည်။ (M-Media)

မည်သူတို့နည်း ? တိကျရှင်းလင်းစွာ မသိကြသေး။ လူပြောများလှသည့် မွတ်စ်လင်မ်ဆန့်ကျင်ရေး ၉၆၉ အဖွဲ့ကို ပြန်လည်ခြေရာ ခံကြည့်သောအခါ စစ်အစိုးရဟောင်းလက်အောက်ရှိ သာသနာရေးဝန်ကြီးဌာနမှအစပြုခဲ့ကြောင်း တွေ့ရသည်။ သို့သော် ယခုအခါ အစိုးရပိုင်းအတွင်း ၉၆၉ လှုပ်ရှားမှုသည် ပိုမို အားကောင်းရှင်သန်နေပေသည်။ အလယ်အလတ်လမ်းကြောင်းလျှောက်သူဟု သတ်မှတ်ခံထားရသည့် ဦးသိန်းစိန်သည်ပင်လျှင် ရိုဟင်ဂျာဖယ်ရှားရေးစကားကို လူသိရှင်ကြား ပြောဆိုသည်သာမက၊ ၉၆၉ လမ်းစဉ်မှာ အကြမ်းဖက်မှုများနှင့် အတွင်းကျကျဆက်နွှယ်နေသည့်တိုင် “ ငြိမ်းချမ်းရေး၏သင်္ကေတ” ဟုပင် ဖွင့်ဟခဲ့ပေသည်။ ယခင်အပတ်က အောက်လွှတ်တော်၏အထူးပြောခွင့်ရသူ ဦးရွှေမန်းက “ မြန်မာပြည်ကာကွယ်ရေးအတွက် ရခိုင်လူမျိုးတွေရဲ့ စွမ်းဆောင်ချက်ကို ကျွန်တော် အသိအမှတ်ပြု ချီးမွမ်းပါတယ် ” ဟု ပြောခဲ့၏။ နိုင်ငံ့အနောက်ခြမ်းပြည်နယ်အား သိမ်းရန်ကြိုးစားနေသည့် ဘင်္ဂါလီတို့ကို တိုက်ထုတ်ရမည်ဟူသည့် အဆိုအား ထောက်ခံရာရောက်နေ၏။

သို့အားဖြင့် မွတ်စ်လင်မ်ရပ်ဝန်းများအား မီးလောင်တိုက်သွင်းရန် ကြံဆောင်နေသည့် မည်သည့်အင်အားစုကိုမဆို အစိုးရမှ စီစဉ်ပေးနေပါသည်ဟု အနီးစပ်ဆုံးယူဆစရာ ဖြစ်နေသည်မဟုတ်ပါလော ? သို့သော် အကယ်၍ ဤကိစ္စမျိုး ရှိနေပါကလည်း ဦးသိန်းစိန်ကိုယ်တိုင်မှ အဘယ်ကြောင့် ရိပ်ဖမ်းသံဖမ်း ပြောထုတ်ပါမည်နည်း ? တဖန် ရှင်းလင်းပြတ်သားသည့် အဖြေမရှိသော်လည်း အစိုးရတွင်း၌ အကွဲအပြဲရှိနေသည်ဟု လေ့လာသူများစွာ၏သုံးသပ်ချက်က တမူထူးခြားနေပြန်သည်။ စစ်တပ်မှခန့်အပ်ထားသော လွှတ်တော်အမတ်များသည်ပင်လျှင် ဆန္ဒမဲပေးရာ၌ သဘောထား တစ်မျိုးတည်း ဖြစ်မနေကြပေ။ ဦးသိန်းစိန်သည် တိုင်းပြည်ကို ရှေ့ဆက်တိုးသွားစေလိုသည့်သဘော၌ ရှိ၏။ သို့တစေ သူ့အစိုးရအဖွဲ့ထဲမှ အခြားသူတို့မှာ စစ်အုပ်ချုပ်ရေးအောက်မှ ၄င်းတို့၏ခြယ်လှယ်မှုကို ဆက်လက် ထိန်းသိမ်းထားလိုခြင်းက သိသာထင်ရှားနေသည်။

မွတ်စ်လင်မ်ဆန့်ကျင်ရေးအကြမ်းဖက်မှုများ၌ တွေ့မြင်နေရသော နည်းဗျူဟာအချို့သည် စစ်အာဏာရှင်တို့ အသုံးချခဲ့သည်များနှင့် တူညီလျက်ရှိ၏။ ပြင်ပမှရောက်လာသောလူအုပ်ကြီး ဟုဆိုခြင်းက အလားတူအဖွဲ့တစ်ခုကို ပြန်လည်အမှတ်ရသွားစေပါသည်။ ၄င်းမှာ ငြိမ်းချမ်းစွာဆန္ဒပြမှုများအတွင်း သစ္စာဘက်တော်သားတို့အား ရှုပ်ထွေးသွားစေရန် (နှင့်) အကြမ်းဖက်မှုဖြစ်အောင်ကြံဆောင်စေရန် စစ်ဗိုလ်ချုပ်များမှ ထိထိရောက်ရောက် အသုံးချခဲ့သော “ စွမ်းအားရှင် ” ကဲ့သို့ အရပ်ဝတ် စစ်သွေးကြွများ ဖြစ်ပေသည်။ မိတ္ထီလာအကြမ်းဖက်မှု ဒုတိယနေ့ရောက်လာသည့်တိုင်အောင် ရဲတပ်ဖွဲ့ဝင်များမှ မည်သည့် အရေးယူဆောင်ရွက်မှု မရှိခြင်း၊ ၀င်ရောက်တားဆီးရန် အမိန့်ရောက်မလာခြင်းတို့ကို မှတ်တမ်းတင်ထားသည့် သတင်းများတွင် ထုတ်နှုတ် သုံးသပ်နိုင်ကြမည်ဖြစ်၏။ ပုံရိပ်မှာ အကျည်းတန်ဆိုးဝါးလှပါဘိခြင်း။

အင်အားစုကြီးနှစ်ရပ်အကြားမှ ထွက်ပေါ်လာသော မွှေနှောက် ဖန်တီးချက်လည်း ဖြစ်ကောင်းပေမည်။ ယင်း အင်အားစုနှစ်ရပ် ဟူသည် – သံဃာများနှင့် ရခိုင်နိုင်ငံရေး ပါတီများအတွင်း အလိုတူ ပူးပေါင်းလုပ်ဆောင်ချက်များဖြင့် ပြဿနာ လုံးထွေးနေသည့် စစ်ရေးနိုင်ငံရေးဆိုင်ရာ လူကုံထံများ (နှင့်) မွတ်စ်လင်မ်တို့သည် ရွံမုန်းစရာကောင်းသူ သို့မဟုတ် နိုင်ငံသားမဟုတ်သူဟု မှိုင်းသွင်းခံရသည့် ပြည်သူများ တို့ဖြစ်၏။

တစ်ဖက်နှင့်တစ်ဖက်က အချိတ်အဆက်ညီစွာ ပူးပေါင်း လုပ်ဆောင်သွားကြသည်။ အဆင့်အတန်း ခွဲခြားအုပ်ချုပ်နိုင်သည့် အခွင့်အလမ်းအားဖြင့် မြန်မာ လူ့အဖွဲ့အစည်းအတွင်း မွတ်စ်လင်မ် ဆန့်ကျင်ရေး သဘောဆိုးများ စိမ့်ဝင်သက်ရောက်စေခြင်းက ရုတ်ခြည်း တိုးတက်လာတော့မည့်နိုင်ငံအတွက် အန္တရာယ်ရှိသည်ဟုဆိုကာ ခုန်ဆင်းကယ်တင်၍ ကိုင်တွယ်ထိန်းချုပ်လိုသော အတုအယောင် အကြောင်းပြချက် တစ်ရပ်ကို စစ်တပ် သို့မဟုတ် နိုင်ငံရေးခေါင်းဆောင်များက ရှာဖွေနေခြင်းဖြစ်သည်။ ပြည်တွင်း လုံခြုံရေးအကြောင်းဖြင့် အာဏာခွဲဝေရရှိမှု – PR အတွက် ဤအချက်က များစွာအထောက်အကူပြုသည့်အပြင် လူ့အဖွဲ့အစည်းသည်လည်း ချည့်နဲ့ပြိုကွဲသွားမည်ဖြစ်သည်။ စစ်တပ်အတွက် ထပ်မံသက်ဆိုးရှည်စေရာအကြောင်းတည်း။ စင်စစ်၌ ဤနည်းဗျူဟာမှာ မြန်မာနိုင်ငံ၏ သမိုင်း အစဉ်အဆက်၌ ရှိနေပြီးဖြစ်ပါ၏။ စစ်အုပ်ချုပ်ရေးကို ပြန်လည်ရှင်သန်ခေါင်းထောင်လာစေမည့် နည်းလမ်းသာ ဖြစ်လေရာ ဒီမိုကရေစီတည်ဆောက်ရေးလမ်းကြောင်းမှ အတန်ပင် ဖယ်ခွာလျက်ရှိနေတော့သည်။

Francis Wade ၏ Are invisible forces orchestrating Myanmar’s anti-Muslim violence ? ဆောင်းပါးကို “ မြင့်မိုရ်မောင်မောင် ” မှ ဆီလျော်အောင် ပြန်ဆိုရေးသားသည်။

ဆောင်းပါးရှင် ဖရန်စစ် ၀ိတ် ( Francis Wade ) သည် ထိုင်းနိုင်ငံအခြေစိုက် အလွတ်တန်းဂျာနယ်လစ်၊ ၄င်းပြင် မြန်မာနှင့် အရှေ့တောင် အာရှရေးရာသုတေသီတစ်ဦးလည်း ဖြစ်ပါသည်။ ဤဖော်ပြချက်များမှာ ဆောင်းပါးရှင်၏အမြင်သာ ဖြစ်ပြီး အလ်ဂျဇီးရားအယ်ဒီတာ့အာဘော် မဟုတ်ပါ။

October 11, 2013
သံဃာများထဲမှ အဆိပ်တစ်ခွက် (By Francis Wade)

မေ-၃၁-၊၂၀၁၃
M-Media
ဘာသာပြန်- သာကီထက်ကောင်း

မန္တလေးမြို့၊ သစ်ရွက်များဝေဆာသော လမ်းတစ်လမ်း၏ နောက်ဝယ် မွတ်စ်လင်မ်ဆန့်ကျင်ရေးလှုပ်ရှားမှု နှင့် မြန်မာနိုင်ငံအား ဦးဏှောက်ဆေးကြောနေသော ဘူမိနက်သန်ဗဟိုဌာနတစ်ခု တည်ရှိနေသည်။ ၄င်း၏ခေါင်းဆောင် သည်ကား အမူအယာကောင်း၍ သင်္ကန်းရုံထားကာ၊ မြန်မာနိုင်ငံကို အစ္စလာမ်က အန္တရာယ်ပေးခြိမ်းခြောက်နေကြောင်း ဖော်ပြထားသော လက်ကမ်းစာရွက်/စာစောင်များ ဝေငှလျက်ရှိသည်။ တစ်ဖက်မှာတော့ နေအိမ်အဆောက်အဦများကို ဓမ္မတေးများ ထွင်းဖောက်လွှမ်းမိုးနေပေသည်။

နားလည်ရခက်သော ပန်းချီကားတစ်ချပ်တည်း။ နိုင်ငံတွင်းရှိ မွတ်စ်လင်မ်လူ့အဖွဲ့အစည်းကို အကြောင်းရှာ အပုပ်ချရေး လှုပ်ရှားမှုခေါင်းဆောင်၊ ၄င်းပြင် သူ၏နောက်လိုက်များက ထောင်ပေါင်းများစွာသော မွတ်စ်လင်မ်တို့ကို ဒုက္ခသည်စခန်းသို့ တွန်းပို့ထားသူမှာ ဦးဝီရသူ ဖြစ်၏။ သူသည် ကျော်စော စာရင်းဝင် သံဃာတစ်ဦးဖြစ်ကာ သူအုပ်ချုပ်နေသည့် မစိုးရိမ်ကျောင်းတိုက်သည်လည်း တစ်ခါတုန်းက အစိုးဆန့်ကျင်ရေး ဗဟိုစုရပ်တစ်ခု ဖြစ်ခဲ့သည်။ ဗုဒ္ဓ၀ါဒကို ငြိမ်းချမ်းရေး အမြုတေအဖြစ် လက်ခံကြသူများအဖို့ ဦးဝီရသူမှာ အစွန်းရောက်အောင် လှုံ့ဆော်နေသူတစ်ဦး အဖြစ် ရှုမြင်ကြသည်။

ဧပြီလအတွင်း မစိုးရိမ်ကျောင်းတိုက်တွင် သူနှင့်တွေ့ဆုံမေးမြန်းစဉ်က “ မိမိ၏ ဆန်းစစ်လေ့လာမှုအရ မြန်မာနိုင်ငံတွင်ဖြစ်ပွားသော မုဒိန်းမှု၏ ၁၀၀ ရာခိုင်နှုန်းသည် မွတ်စ်လင်မ်တို့၏ လက်ချက်ဖြစ်ပြီး ဗုဒ္ဓဘာသာဝင် တစ်ဦးတစ်လေမျှ ယင်းကဲ့သို့မပြု ”ဟူ၍ သူက ကျွန်ုပ်အား ပြောပြခဲ့သည်။ သူ၏ မှတ်ချက်ပေးမှုများမှာ မွတ်စ်လင်မ်များအပေါ်အကြမ်းဖက်မှုအမျိုးမျိုး အတွက် ဆက်လက်မီးမွှေးနေသည့်နှယ် ဖြစ်နေ၏။ ထိုအချိန်က မွတ်စ်လင်မ် ဆန့်ကျင်ရေးအကြမ်းဖက်မှုသည် မြန်မာနိုင်ငံအ လယ်ပိုင်းမိတ္တီလာမြို့၌ နောက်ဆုံးဖြစ်ပွားခဲ့သည်။ မတ်လ လနှောင်းပိုင်းက မွတ်စ်လင်မ်ပိုင်ရွှေဆိုင် တစ်ဆိုင်နှင့် ဗုဒ္ဓဘာသာဝင် လင်မယားနှစ်ဦးအကြား ဖြစ်ပွားပြီးသည့်နောက် ဘုန်းတော်ကြီးတစ်ပါးကို မွတ်စ်လင်မ်အုပ်စုတစ်စုမှ သတ်ဖြတ်ခဲ့သည်ဟု ဆိုသည်။ ထိုအချိန်မှစ၍ မိတ္ထီလာမြို့မှာ ကပ်ဆိုက်တော့၏။ နှစ်ရက်တာ အကြမ်းဖက်မှုများကြောင့် အနည်းဆုံး လူ ၄၀ သေဆုံးပြီး လူပေါင်း ၁၂၀၀၀ ခန့် အိုးမဲ့အိမ်မဲ့ဖြစ်ခဲ့ရသည်။ ယမန်နှစ် ရိုဟင်ဂျာမွတ်စ်လင်မ် ၁၂၅၀၀၀ ဦးကို မွေးရပ်မြေမှနှင်ထုတ်ခဲ့သည့် ရခိုင်ပြည်နယ် အကြမ်းဖက်မှုနှင့်တူညီနေသည်။ ရခိုင်ပြည်နယ်မြို့တော် စစ်တွေရှိ မွတ်စ်လင်မ်ရပ်ကွက်များအားလုံး ပြာပုံ ဘ၀ရောက်ခဲ့ပုံနှင့်လည်း သဏ္ဍာန်တူဖြစ်နေသည်။ မကြာသေးမီက ထုတ်ပြန်လိုက်သော လူ့အခွင့်အရေးစောင့်ကြည့်လေ့လာမှုအဖွဲ့ HRW ၏ မြန်မာနိုင်ငံ လူမျိုးစုသုတ်သင်ရေး အစီရင်ခံစာကြောင့် လက်ရှိ ဒုက္ခသည်စခန်းများ၌ ရောက်နေသော မိတ္ထီလာ မွတ်စ်လင်မ်တို့အတွက် ပို၍စိုးရိမ်စရာဖြစ်လာသည်။

၁၉၄၈ ခုနှစ် မြန်မာနိုင်ငံ လွတ်လပ်ရေးရကာစ သမိုင်းဟောင်းတစ်ခုကို ရည်ညွှန်းလျက် မြန်မာနိုင်ငံတွင် မွတ်စ်လင်မ် ဆန့်ကျင်ရေးလှုပ်ရှားမှုကြီး ပွင့်ထွက်လာမှုအပေါ် ဦးဝီရသူမှ ဂုဏ်ယူဝံ့ကြွားစွာ စကားဆိုနေဆဲဖြစ်သည်။ ဗြိတိသျှများထွက်ခွာသွားပြီး ကိုလိုနီခေတ်လွန် အမျိုးသားရေးလှုပ်ရှားမှုသည် အိန္ဒိယလူမျိုးများအပေါ် မြှားဦးလှည့်ခဲ့သည်။ ဗြိတိသျှတို့သည် လုပ်သားများအဖြစ်လည်းကောင်း၊ ဌာနဆိုင်ရာဝန်ထမ်းများအဖြစ်လည်းကောင်း အိန္ဒိယလူမျိုးများကို မြန်မာနိုင်ငံသို့ သိန်းဂဏန်းအထိ ခေါ်သွင်းလာခဲ့သည်။ ယင်း အိန္ဒိယသားအများစုမှာ မွတ်စ်လင်မ်များဖြစ်ကြသည်။ ထိုစဉ်က ၀န်ကြီးချုပ်ဦးနုသည် ဗမာမွတ်စ်လင်မ် ကွန်ကရက်အား ဖျက်သိမ်းစေခြင်းဖြင့် မုန်းတီးမှုကို ကြီးထွားလာစေခဲ့သည်။ ၁၉၆၂ ခုနှစ်တွင် ဦးနုထံမှ အာဏာလွှဲပြောင်းရယူလိုက်သော ဗိုလ်ချုပ်နေ၀င်းသည် မြန်မာနိုင်ငံ၏ပထမဦးဆုံး အာဏာရှင်ဖြစ်လာသည်။ ၄င်းနောက် မွတ်စ်လင်မ်တို့အား အစိုးရပိုင်းနေရာများတွင် ထည့်သွင်းရန် တားမြစ်ပိတ်ပင်ခဲ့သည်။

ဦးဝီရသူသည် လှုံ့ဆော်မှု လမ်းကြောင်း၏ထွက်ကုန်များကို ကောင်းစွာ ကြိုမြင်ထားသူဖြစ်၏။ မွတ်စ်လင်မ်တို့အား ဗုဒ္ဓဘာသာဝင်တို့ကိုတိုက်ခိုက်နေသည့် ခြသေ့င်္ဆိုးကြီးများ သဖွယ် ရုပ်လုံးဖော်လိုက်သည်။ ရိုဟင်ဂျာတို့သည် ဗြိတိသျှတို့နှင့်ပူးပေါင်း၍ ဂျပန်တို့အား တိုက်ထုတ်ခြင်းမှာ အပြည်ပြည်ဆိုင်ရာ မွတ်စ်လင်မ်အုပ်စုများ၏ အထောက်အပံ့ဖြင့် မြန်မာနိုင်ငံအား အစ္စလာမ်နိုင်ငံအဖြစ်ပုံသွင်းရန် ၁၉၄၂ ခုနှစ်ကတည်းက လျှို့ဝှက်ကြံစည်ချက် ဖြစ်ကြောင်း ဟောပြောလျက်ရှိသည်။ ယင်းဟောပြောချက်များကို ထောင်ပေါင်းများစွာသော DVD များဖြင့် ထုတ်လုပ်ဖြန့်ချိလျက်ရှိသည်။ ယမန်နှစ်က ရိုဟင်ဂျာ ၈ သိန်းခန့်ကို ပြန်လည်နေရာချထားရန် ကုလသမဂ္ဂ၏ တောင်းဆိုချက်ကို တုန့်ပြန်သောအားဖြင့် သံဃာတော် ရာပေါင်းများစွာကို ၄င်းဦးဝီရသူမှ ဦးဆောင်ကာ သမ္မတဦးသိန်းစိန်အား ထောက်ခံဆန္ဒပြပွဲပြုလုပ်ခဲ့သည်။ မရှေးမနှောင်းမှာပင် မွတ်စ်လင်မ်များနှင့် ထိမ်းမြားလက်ထပ်ခြင်း၊ ရောင်းဝယ်ဖောက်ကားခြင်းမပြုရဟူသည့် တားမြစ်ချက်ဖြင့် မွတ်စ်လင်မ်တို့အပေါ် ထိထိရောက်ရောက်သပိတ်မှောက်ရန် ၄င်းမှ ဗုဒ္ဓဘာသာဝင်များကို စေခိုင်းသည်။

သူသည် စစ်အုပ်ချုပ်ရေးကိုဆန့်ကျင်သော ၂၀၀၇ ခုနှစ် ရွှေဝါရောင်တော်လှန်ရေး၌ ငြိမ်းချမ်းစွာဆန္ဒပြခဲ့ကြသည့် သံဃာတော် ထောင်ပေါင်းများစွာအနက် ပါဝင်ခဲ့သူမဟုတ်။ မြန်မာ့ ဘုန်းတော်ကြီး အသိုင်းအ၀ိုင်းကိုလည်း ကိုယ်စားပြုခဲ့သူ မဟုတ်။ ယင်းတော်လှန်ရေးတွင် သံဃာများစွာ သတ်ဖြတ်ခံရသည်။ ရက်စက်စွာနှိမ်နှင်းခံလိုက်ရသည့် ၄င်းတို့၏ အနစ်နာခံထုတ်ဖော်ချက်များက ယနေ့ကမ္ဘာ့သူရဲကောင်းလုပ်ရပ်များအဖြစ် သတ်မှတ်ခံရသည်။ ထိုစဉ်က ထောင်နန်းစံနေသော ဦးဝီရသူမှာ ၄င်းတို့နှင့် ပူးပေါင်းပါဝင်နိုင်ခြင်းမရှိခဲ့။ သူသည် ဘာသာရေးအဓိကရုဏ်း ဖန်တီးမှုကြောင့် ၂၀၀၃ ခုနှစ်တွင် ဖမ်းဆီးထိန်းသိမ်းခံရပြီး ၂၀၁၀ ခုနှစ်တွင် လွတ်ငြိမ်းချမ်းသာခွင့်ဖြင့် ပြန်ထွက်လာ၏။

သူ၏ ပစ်မှတ်ကား မြန်မာနိုင်ငံ၏ မွတ်စ်လင်မ်များသာ ဖြစ်၏။

ဦးဝီရသူသည် ၁၁ ရာစု မြန်မာနိုင်ငံ၏ ဘာသာရေးသန့်စင်ရှင်းလင်းမှုဖက်သို့ ဆွဲခေါ်သောနည်းလမ်းကို အသုံးပြုထားသည်။ ယင်းကာလ၌ အနော်ရထာဘုရင်သည် ထေရ၀ါဒဗုဒ္ဓဘာသာကို ဗမာလူမျိုးတို့၏ဘာသာတရား အဖြစ် ပြောင်းလဲကျင့်သုံးစေခဲ့သည်။ စေတီပုထိုးနှင့် ဘုန်းတော်ကြီးကျောင်း ရာပေါင်းများစွာ တည်ဆောက်ခဲ့သည်။ သို့နှင့် ဗုဒ္ဓ၀ါဒသည် ဗမာလူမျိုးအသိုင်းအ၀ိုင်းနှင့် ခွဲခြားမရအောင်ဖြစ်လာပြီး ကချင်၊ မွန် နှင့် အိန္ဒိယလူမျိုးတို့နှင့် ထိပ်တိုက်တိုးခဲ့သည်။ ဘုန်းတော်ကြီး ကျောင်းပညာရေးစံနစ်သည် ဗုဒ္ဓ၀ါဒအား ထိန်းသိမ်းဖော်ဆောင်ရန်ဖြစ်ပြီး၊ ရဟန်းသံဃာများမှာ မြန်မာဘုန်းကြီးကျောင်းများကို အထွဋ်အမြတ်ထားအောင် လူငယ်များကို ညွှန်ကြားသည့် လူမှုကိုယ်စားလှယ်များ ဖြစ်လာကြသည်။ တစ်စစဖြင့် ထေရ၀ါဒဗုဒ္ဓဘာသာသည် အခြားလူမျိုးနွယ်များအပေါ် သြဇာလွှမ်းမိုးလာသည်။ ဥပမာ ရှမ်းဘုရင်တို့သည် ဘုန်းတော်ကြီးကျောင်းတိုးပွားမှုအတွက် ပံ့ပိုးကူညီရာ၌ အထူး ရေပန်းစားခဲ့သည်။

ယင်းသို့ အာဏာနှင့်ဘာသာပေါင်းစပ်ထားသော အမျိုးသားရေးဝါဒသည် ရာစုနှစ်များစွာ အခြေတည်လာခဲ့သည်။ ဗြိတိသျှအုပ်ချုပ်ရေးကိုအဆုံးသတ်စေမည့် ၁၉၂၀ ခုနှစ်များကာလ ရှေ့ပြေးလှုပ်ရှားမှုများတွင်လည်း သံဃာများ ပါဝင်ခဲ့ကြသည်။ ယနေ့မှာတော့ ယင်းဝါဒကို မွတ်စ်လင်မ်ဆန့်ကျင်ရေးလှုပ်ရှားမှုအဖြစ် အစွန်းရောက်သံဃာများက ပုံသွင်းလိုက်ကြသည်။ ၉/၁၁ အကြမ်းဖက်မှုသည် ကမ္ဘာ့မွတ်စ်လင်မ်တို့၏ ဆိုးသွမ်းမှုဖြစ်ကြောင်း ရုပ်လုံးဖော်သည်။ အစ္စလာမ့်လမ်းစဉ်သည် အဓမ္မဘာသာ သွတ်သွင်းမှုဖြစ်ကြောင်း ကြောက်လန့်ရွံရှာသွားအောင် မှိုင်းတိုက်ကြသည်။ စင်စစ်၌ မြန်မာစစ်စစ်ဖြစ်ရန် ဗုဒ္ဓဘာသာဝင်ဖြစ်ရမည် ဟူသော အဓမ္မစံနစ်ကို ၄င်းတို့ကိုယ်တိုင်မှ ကျင့်သုံးနေကြသည်။ မြန်မာနိုင်ငံမြောက်ပိုင်းနှင့်အရှေ့ပိုင်းရှိ ခရစ်ယာန်ဘာသာဝင်လူနည်းစုများကို ဖိနှိပ်ညှင်းပန်းခြင်းက ဤ၀ါဒ၏ အနှစ်သာရကို ထုတ်ပြနေခြင်းဖြစ်သည်။ အစိုးရအနေနှင့် ဗုဒ္ဓဘာသာဝင်မဟုတ်သူများကို မြန်မာနိုင်ငံမှ ရှင်းထုတ်၍ (ဗုဒ္ဓဘာသာဟူသည့်) အလံတစ်ခုတည်းအောက်၌ စုစည်းရန် ကြိုးပမ်းနေခြင်းတည်း။

ယင်းလူမျိုးကြီးဝါဒအတွေးအခေါ်များသည် မြန်မာရဟန်းသံဃာများအကြား ကျယ်ကျယ်ပြန့်ပြန့်ခေတ်စားသွားသည်။

“ ကျွန်တော့်ကို မွတ်စ်လင်မ်ဆန့်ကျင်ရေးအတွက် မကြာခဏ မှိုင်းလာတိုက်ကြပါတယ် ” ဟု ၂၀၀၇ ရွှေဝါရောင်အရေးအခင်းဦးဆောင်၍အကျဉ်းကျခဲ့သူ ဘုန်းတော်ကြီးဟောင်း ဦးဂမ္ဘီရက မတ်လနှောင်းပိုင်း တစ်ညနေခင်း၌ မိတ္ထီလာမြို့တွင် ကျွန်ုပ်အား ပြောပြခဲ့ပါသည်။ ကျွန်ုပ်တို့ဆုံတွေ့သောနေရာနှင့်ကပ်လျက် ဘုန်းကြီးကျောင်း၌ ဦးဝီရသူသည် ယမန်နှစ် ဒီဇင်ဘာလက လာရောက်ခဲ့သည်ဟုသိရသည်။ ထိုအချိန်မှစတင်၍ မြို့တစ်မြို့လုံးမှာ ၉၆၉ နံပါတ်ပါ စတေကာများ ပလူပျံသွားခဲ့သည်။ ဗုဒ္ဓဂုဏ်တော်ကိုးပါး၊ ဓမ္မဂုဏ်တော်ခြောက်ပါး၊ သံဃာ့ဂုဏ်တော် ကိုးပါးကို ထင်ဟပ်စေသည် ဟုဆိုကာ သာသနာရေးဝန်ကြီးဌာနမှ ဗုဒ္ဓဘာသာဝင်ဝန်ကြီးများက ယင်းနံပါတ်အား မြန်မာနိုင်ငံတွင် သွတ်သွင်းလိုက်ခြင်းဖြစ်သည်။ ၄င်းနောက်တွင်တော့ မွတ်စ်လင်မ်ဆန့်ကျင်ရေး လှုပ်ရှားမှုများကို လုပ်ဆောင်လာကြတော့သည်။ ဗုဒ္ဓကျမ်းဂန်များကိုလေ့လာခြင်း၊ ဖခင်ဖြစ်သူနှင့်ဆွေးနွေးခြင်းတို့မှ တဆင့် မွတ်စ်လင်မ်ဆန့်ကျင်ရေးလှုပ်ရှားမှုမှာ မှားယွင်းသောလမ်းစဉ်ဟု သိရှိလာပြီးနောက် မိမိမှ စွန့်လွှတ်ကျောခိုင်းလိုက်ပါကြောင်း ဦးဂမ္ဘီရက ဆိုသည်။ သူ့အား အဓမ္မလူဝတ်လဲစေ၍ ဘုန်းတော်ကြီးကျောင်းများသို့ ၀င်ရောက်ခြင်းကို ပိတ်ပင်ထားစေကာမူ မွတ်စ်လင်များကိုအကြမ်းဖက်မှုကဏ္ဍ၌ သံဃာတော်များ၏ ပါဝင် ပတ်သက်မှုအပေါ် ဝေဖန်ပြောဆိုသူများ အနက် ထင်ရှားနေဆဲဖြစ်သည်။

သို့သော် ဦးဝီရသူမှာကား လှုံ့ဆော်နေဆဲပင်။ သူ၏ဟောပြောမှု DVDများ၊ ၉၆၉ စတစ်ကာများနှင့်တစ်ကွ ဗုဒ္ဓ၀ါဒကို ကာကွယ်ရန်ညွှန်ကြားချက်ပေးထားသည့်စာအုပ်များကို သူ့နောက်လိုက်တို့က မန္တလေးမြို့၏ လူစည်ကားရာဈေးများ တွင် လိုက်လံဝေငှနေကြသည်။ သို့ပါသော်လည်း ဦးဝီရသူကိုယ်တိုင်ကမူ သူ၏အမုန်းပွားဟောပြောမှုများကို ဖုံးကွယ်ထား၏။ “ တကယ်လို့များ (မိတ္ထီလာမှာ မွတ်စ်လင်မ်တွေကိုတိုက်ခိုက်တဲ့) သံဃာတွေဟာ ဦးဇင်းရဲ့စကားကို နားထောင်ခဲ့ယင် အကြမ်းဖက်မှုဖြစ်လာမှာမဟုတ်ဘူး ” ဟု သူက ပြောဆိုတတ်၏။ သို့သော် အင်တာဗျူးတိုင်း၌ သူ၏ မှတ်ချက်မှန်သမျှမှာ မွတ်စ်လင်မ်တို့အား ဒေါသူပုန်ထအောင် ဆွနေသည်ချည်းဖြစ်နေပြန်၏။ “ ရခိုင်ပြည်နယ်မှာ နေ့စဉ်နဲ့အမျှ မွတ်စ်လင်မ်တွေက တစ်အိမ်တက်ဆင်း ဗုဒ္ဓဘာသာဝင်တွေကို လိုက်သတ်နေကြတယ်။ ပစ္စည်းတွေ ခိုးယူလုယက်တာမဟုတ်ဘဲ သတ်ဖြတ်ဖို့သက်သက်ဖြစ်တယ် ” ဟုပြော၏။ သူသည် သူကိုယ်တိုင်ဆင်ယင်ခြယ်သထားသည့် နံရံတစ်ခု၏ရှေ့တွင် အင်တာဗျူးလုပ်ရန် နေရာရွေးလေ့ရှိ၏။ အင်တာဗျူးလုပ်စဉ်တစ်လျှောက်လုံး သူ့အနီးရှိလူများက ကျွန်ုပ်အား ဓာတ်ပုံနှင့်ဗီဒီယိုရိုက်ခဲ့ကြ၏။ များမကြာမီ သူ၏ ဖေ့စ်ဘွတ်စာမျက်နှာပေါ် ဤအကြောင်းခြင်းရာများကို တင်လိုက်၏။ အကယ်၍ မြန်မာနိုင်ငံရှိ လူအားလုံးတို့သည် မိမိကဲ့သို့ဖြစ်ပါက ငြိမ်းချမ်းရေးဖြစ်ထွန်းမည်ဟုလည်း ဆိုထားရာ – ဂျာနယ်လစ်များသည် သူ့ထံလာ၍ တရားနာခြင်း၊ သူ၏၀ိညာဉ်ရေး၌ခိုလှုံခြင်းဟု ၄င်းဖာသာအထင်ရောက်နေပုံရပေသည်။

ဘုန်းကြီးကျောင်းမှ ထွက်လာသောအခါ ဥပဒေဘွဲ့ရဆရာမတစ်ဦးဖြစ်သော ကျွန်ုပ်၏စကားပြန်မှ “ မွတ်စ်လင်မ်တွေရဲ့ သတင်းအချက်အလက်တွေကို ဒီလောက်သိထားတာ အံ့သြစရာဘဲ။ လေးစားဖို့ကောင်းလိုက်တာ ” ဟု ပြောဆိုခဲ့၏။ အင်တာဗျူးပြီး နှစ်ရက်အကြာ ကျွန်ုပ်နှင့်ဦးဝီရသူအား မိတ်ဆက်ပေးခဲ့သူက “ ဦးဝီရသူရဲ့ CD ကို ကျွန်တော်ကြည့်ပြီးပြီ။ ကျွန်တော်အရမ်းစိတ်ဆိုးတယ်ဗျာ။ သူတို့ဟာက အကြမ်းဖက်ဝါဒဘဲဗျ ” ဟူ၍ စာရေးသတင်းပို့လာလေသည်။

ဦးဝီရသူသည် သံဃာတော်တစ်ပါးဖြစ်ပါလျက် သူတစ်ပါးခံစားမှုကိုမျက်ကွယ်ပြုပြီး ယင်းသို့သော လီဆည်စကားများစွာဖြင့် ပံ့ပိုးကူညီသူများရအောင် ဆွဲဆောင်တတ်သည်။ ဘာသာရေးပုဂ္ဂိုလ်တစ်ဦး၏ စကားများမှာ မှားယွင်းချွတ်ချော်နေသည်ဟု မည်သူထင်နိုင်မည်နည်း ? အထူးသဖြင့် ဗုဒ္ဓ၀ါဒသည် ကိုယ်ကျင့်တရားအတွက် အဆင့်အမြင့်ဆုံးဟု ရာစုပေါင်းများစွာ သွန်သင်မှုကိုခံယူလာကြသော မြန်မာလူထု၏အမြင်၌ မည်သို့ရှိမည်နည်း ?

စစ်အုပ်ချုပ်ရေးစတင်ချိန်မှစပြီး သံဃာတို့၏ဦးတည်ချက်မှာ ဘယ်အရာဖြစ်သွားသည်ကို ဆန်းစစ်ရန် အချိန်တန်ပေပြီ။ ဗိုလ်ချုပ်နေ၀င်းလက်ထက်တွင် သံဃာတော်များသည် မြန်မာနိုင်ငံပေါ်ထားရှိသောအမြင်များ မတူညီကြ။ မတူကွဲပြားမှုကိုလက်ခံကြသည့် သံဃာတော်များအား သင်္ကန်းချွတ်ကာ လူဝတ်လဲစေခဲ့သည်။ ရဟန်းသံဃာများအနက် စစ်အုပ်ချုပ်ရေးကို ရပ်တည်ထောက်ခံပေးသည့် ဘုန်းတော်ကြီးများအား အဆင့်မြှင့်တင် နေရာပေးခဲ့သည်။ ၄င်းကို ဗုဒ္ဓ၀ါဒအားကယ်တင်ခြင်းဟု အမည်တပ်ခဲ့သည်။ လက်နက်ကိုင်တိုင်းရင်းသားအုပ်စုများ၊ နိုင်ငံတကာသြဇာ နှင့် အခြား ဘာသာတရားများပြန့်ပွားမှုတို့ကို ဖြိုခွင်းရန်မှာ စစ်အုပ်ချုပ်ရေး၏လိုအပ်ချက်ဖြစ်သဖြင့် ယင်းသို့ပြုခြင်းဖြစ်သည်။

အချိန်ကြာလာသည်နှင့်အမျှ မြန်မာနိုင်ငံ၏ပြည်တွင်းစစ်နှင့်စီးပွားရေးပျက်ကပ်ကြောင့် မြန်မာလူငယ်အမြောက်အများသည် ဆင်းရဲမွဲတေမှုမှလွတ်ကင်းရန် သာသနာ့ဘောင်ထဲသို့ ၀င်လာကြသည်။ ၄င်းမှာ သာသနာရေးယုံကြည်ချက်ကြောင့် မဟုတ်ချေ။ ရလဒ်မှာ သံဃာတော်များ မလိုအပ်ဘဲ အဆမတန်များပြားလာခြင်း နှင့် လိုအပ်ပါက ဘာသာရေးအခွံစွပ်အမိန့်ပေးနိုင်ခြင်း တို့ဖြစ်ပွားသွားစေသည်။ ရဟန်းသံဃာများအကြား စာရိတ္တပျက်စီးမှုက ကြီးထွားကျယ်ပြန့်လာသည်။ ယမန်နှစ် ဖေဖော်ဝါရီလတွင် မိမိ၏မူလကျောင်းတိုက်သို့ ပြန်လည်ဝင်ရန် ကြိုးစားခဲ့သော ဦးဂန္ဘီရအား ထပ်မံဖမ်းဆီးခဲ့သည်။ ရန်ကုန်မြို့ရှိ ဘုရားကျောင်းကန်တစ်ခုသို့ရဲများက သူ့အား ခေါ်ဆောင်သွားသည်။ ၄င်း၌ မဟာသံဃာ့နာယကဆရာတော်များကို တွေ့ရသည်။ မဟာသံဃာ့နာယကအဖွဲ့ကို ၁၉၈၀ ခုနှစ်တွင် နိုင်ငံတော်မှ ဖွဲ့စည်းပေးပြီး သာသနာရေးဝန်ကြီးဌာနအောက်၌ ထားရှိလျက် စစ်ဗိုလ်ချုပ်များနှင့်အနီးကပ်ဆက်ဆံမှုရှိသူတို့ကိုသာ ခန့်အပ်ထားသည်။ နောက်တစ်နေ့တွင် အစိုးရပိုင် မြန်မာ့အလင်းသတင်းစာ၌ ဦးဂန္ဘီရအား တရားဝင်အရေးယူရန် အစိုးရအားတိုက်တွန်းသည့်အကြောင်း ပါလာခဲ့သည်။

မြန်မာနိုင်ငံတွင် နိုင်ငံရေး၊ ဘာသာရေး နှင့် အမျိုးသားရေးကိုပေါင်းစပ်ထားမှုက အကွက်ချဝါဒဖြန့်မှုနှင့်အတူ ရခိုင်ပြည်နယ်၌ ယမန်နှစ်တွင် ပွင့်ထွက်သွားသည်။ ပြည်တွင်းပြည်ပရှိဗမာလူမျိုးတို့၏ ထောက်ခံကူညီမှုများဖြင့် ရိုဟင်ဂျာဆန့်ကျင်ရေးလှုပ်ရှားမှုကို အောင်မြင်စွာ ပြုလုပ်နိုင်ခဲ့ကြသည်။ သို့သော် ယင်းသူတို့အများစုမှာ ရိုဟင်ဂျာ လူ့အဖွဲ့အစည်းဝင် မည်သူတစ်ဦးနှင့်မျှ ပတ်သက်ဆက်ဆံဖူးကြသည်မဟုတ်ဘဲ ခါးသည်းစက်ဆုပ်ဖွယ်ရာအမြင်ကို ဆုပ်ကိုင်၍ ၄င်းတို့အား လူမဆန်စွာဆက်ဆံအောင် အားပေးခဲ့ကြသည်။ ရိုဟင်ဂျာတို့ကို အခြေခံလူ့အခွင့်အရေးမရရှိစေခြင်းဖြင့် အစိုးရက အရှိန်အဟုန်ကို မြှင့်တင်ခဲ့ကြပြီး ညည်းတွားသံများထွက်လာစေသည်။ ၄င်းနောက်တွင်တော့ သူတို့အား အလိုမရှိသူများစာရင်းသွင်းလိုက်လေသည်။
သို့ရာတွင် ဗုဒ္ဓဘာသာဝင် မဟုတ်သူများသည် ပြဿနာကောင်များသာဖြစ်သကဲ့သို့ ငြိမ်းချမ်းရေးအမြင်အား လှည့်ပတ်ဆော့ကစားဟောပြေနေသောပုဂ္ဂိုလ်၏ ခြေထောက်အောက်၌ မိတ္ထီလာမွတ်စ်လင်မ်များ ပြားပြားဝပ်ခဲ့ရသည်။ ရခိုင်ပြည်နယ်နှင့်မိတ္ထီလာမျှသာ ရပ်တန့်မသွားဘဲ ရန်ကုန်နှင့်မိုင်၆၀မျှသာကွာဝေးသော ဥက္ကံအထိ မွတ်စ်လင်မ်ဆန့်ကျင်ရေးအကြမ်းဖက်မှုလှိုင်း ရိုက်ခတ်သွားသည်။ မြောက်ပိုင်းကချင်ပြည်နယ်ရှိ ဖားကန့်သို့တိုင် ဂယက်ရိုက်ခဲ့သည်။

ယခုသော် မိတ္ထီလာမှာ မွတ်စ်လင်မ်များအတွက် အကန့်သတ်ခံနယ်မြေဖြစ်နေသည်။ ဘာသာတရားနှစ်ခု၏ ငြိမ်းချမ်းစွာ အတူယှဉ်တွဲနေထိုင်ခဲ့သော ရပ်ဝန်းကြီးသည် ယခုအခါ အသက်နှုတ်ရာ စစ်မက်ဇုံအလား ဖြစ်နေ၏။ ဖြိုဖျက်ခံလိုက်ရသည့် အဆောက်အဦများ၊ အပျက်အစီးပုံများအကြား ကျွန်ုပ် ဖြတ်သန်းထွက်လာခိုက် လမ်းပေါ်တွင် လူတစ်စုနှင့် ပက်ပင်းတိုးခဲ့သည်။ ၄င်းတို့သည် ဧည့်သည်များကိုအလိုမရှိကြောင်း ပေါ်လွင်နေခဲ့သည်။

မြို့နေလူထုသည် (အများအားဖြင့်)ကျောင်းများ၊ တက္ကသိုလ်နယ်မြေများရှိ ဒုက္ခသည်စခန်းသို့ ရွှေ့ပြောင်းခံရသည်။ အစိုးရမှတရားဝင်စီစဉ်ပေးမှုမဟုတ်သော မိတ္ထီလာပြင်ပ ယာယီဒုက္ခသည်စခန်းတစ်ခုတွင် လူပေါင်း ၃၄၀၀ ရှိပြီး ရိက္ခာနပ်မမှန်ကြသည့်အပြင် စခန်းဝန်းကျင်၌ မြွေများကလည်း ပေါသေးသည်။ မေလကုန်လွန်လျှင် ကျောင်းသူကျောင်းသားများအဖို့ ကျောင်းပိတ်ရက်ရှည် ကုန်ဆုံးပြီ။ ဒုက္ခသည်များအား စခန်းမှထွက်စေရန် လိုအပ်လာပြီ။ မီးလောင်ပြင်ရပ်ကွက်များအား ပြန်လည်ပြင်ဆင်တည်ဆောက်မှုကို အရိပ်အယောင်မျှ မမြင်ရသေး။ လူ့အသိုင်းအ၀ိုင်းကြီးနှစ်ရပ်ကို မစုစည်းမိအောင် ခွဲခြမ်းထားရှိဆဲ။ မေလနောက်ပိုင်း ဒုက္ခသည်များ၏လုံခြုံမှုဟူသည်
အန္တရာယ်၏အနံ့ ထွက်ပေါ်လျက်ပင်။

*** Francis Wade ၏ Poison in the Sangha ဆောင်းပါးကို သာကီ ထက်ကောင်း မှ ဆီလျော်အောင် ပြန်ဆိုရေးသားသည်။ Francis Wade သည် ထိုင်းနိုင်ငံအခြေစိုက် ဂျာနယ်လစ်တစ်ဦးဖြစ်ပြီး ၂၀၀၉ ခုနှစ်မှစ၍ မြန်မာနှင့်အာရှပစိဖိတ်ရေးရာကို လေ့လာရေးသားသည်။ သူ၏လက်ရာများကို The Guardian ၊ Al Jazeera English ၊ Asia Times Online နှင့် New Internationalist တို့၌ တွေ့မြင်နိုင်သည်။ ဆောင်းပါးအထောက်အကူပြုဓာတ်ပုံပံ့ပိုးသူ Vincenzo Floramo သည် အလွတ်တန်းသတင်းဓာတ်ပုံဆရာဖြစ်ပြီး၊ လက်ရှိတွင် ထိုင်းနိုင်ငံနှင့်မြန်မာနိုင်ငံ၌ အခြေစိုက်သည်။ သူ၏လက်ရာများကို The Guardian ၊ The Bangkok Post ၊ Witness Journal ၊ Life Force Magazine ၊ Der Spiegel ၊ Irrawaddy နှင့် Io Donna တို့တွင် တွေ့ရမည်ဖြစ်သည်။ ***

June 4, 2013
အစ္စလာမ် ဘာသာဝင်များကို အငြိုးထား မုန်းတီးနေသော ဘုန်းကြီးများ (BY FRANCIS WADE)

ဧပြီ-၂၂-၂၀၁၃
မူရင်းဆောင်းပါးရှင်- FRANCIS WADE

မြန်မာပြည်တွင် လတ်တစ်လောဖြစ်ပျက်နေသော မွတ်စ်လင်မ်များကို အကြမ်းဖက်မှုများ၏ အဓိက လှုံဆော်ပေးသူများမှာ ဗုဒ္ဓဘာသာဝင် ဘုန်းကြီးများပင် ဖြစ်သည်။

မဟာမြိုင်ကျောင်းအတွင်းမှ သေးငယ်သော ရုံးခန်းအတွင်းသို့ အပြေးဝင်လာသော ကိုကျော်လွင် ဆိုသူ၏ လက်ထဲတွင် ၉၆၉ စတစ်ကာများ ထည့်ထားသည့် အိပ်တစ်လုံးကို ကိုင်ဆောင်ထားသည်။ ၉၆၉ ဆိုသည်မှာ မွတ်စ်လင်မ်မုန်းတီးရေး အမှတ်တံဆိပ်များပင်ဖြစ်သည်။ လွန်ခဲ့သော ၆လ ခန့်က၊ မဟာမြိုင်ကျောင်း၏ ကျောင်းထိုင်ဆရာတော် ဦးဝိမလ မှ ကျောင်းအနီးတွင်ရှိသော ပုံနှိပ်တိုက်တွင် ၉၆၉ တံဆိပ်ဖြင့် စတစ်ကာများကို ပထမဆုံးပုံနှိပ်မှာယူခဲ့သည်။ အခုအခါတွင် ရန်ကုန်မြို့ရှိ Taxi ကားများ၊ Bus ကားများ နှင့် ဆိုင်များ၏ မျက်နှာစာတို့တွင်ချိတ်ဆွဲထားပြီး အခြားအချက်အချာကျသည့်မြို့များတွင်လည်း ပျံနှံ့လျက်ရှိသည်။ ၉၆၉ သည် မြန်မာမွတ်စလင်မ်များက တိုင်းပြည်ကို ခြိမ်းခြောက်ခြင်းနှင့် စိုးမိုးခြင်းမှ ကာကွယ်နိုင်ရန် အစွန်းရောက်သမားများ၏ အသုံးပြုသင်္ကေတပင်ဖြစ်သည်။

ထိုအစွန်းရောက်ဝါဒမှ စတင်ကာ အကြမ်းဖက်မှုများကို ဂယက်ထစေခဲ့သည်။ ၂၀၁၃ ခုနှစ် လွန်ခဲ့သော လအနည်းငယ်က ထိုဝါဒကြောင့် လူဦးရေ ၄၀ ကျော်ခန့်သေဆုံးခဲ့ကာ၊ ၁၃,၀၀၀ ကျော်ခန့် ဒုက္ခသည် အဖြစ် ထွက်ပြေးတိမ်းရှောင် ခဲ့ကြရသည်။ ၉၆၉ လှုပ်ရှားမှု ကို မြန်မာပြည်၏တောင်ဘက် မော်လမြိုင်မြို့ရှိ ဘုန်းတော်ကြီးကျောင်းတစ်ခု၌် စတင်ခဲ့ပြီး၊ ၉၆၉ စတစ်ကာများမှ စတင်ကာ မြန်မာပြည်အနောက်ပိုင်းတွင် ဗုဒ္ဓဘာသာဝင်များ နှင့် ရိုဟင်ဂျာမွတ်စ်လင်မ်များကို အဓိကရုဏ်းဖြစ်ပွားစေခဲ့သည်။ ၉၆၉ တံဆိပ်ဆိုသည်မှာ ဗုဒ္ဓဘာသာဝင်များအတွက် ဗုဒ္ဓ၏ သင်ကြားမှုများနှင့် နည်းလမ်းများကို ပေါင်းစုကာဖွဲ့ထားသော အထွဋ္ဋ်မြတ်ထားသော အရာဟု ဆိုသည်။

ဦးဝိမလ မိန့်ကြားသည်မှာ..“ ကျွန်ုပ်တို့သည် ဗုဒ္ဓဘာသာဝင်များကို ကယ်တင်ရန် လုပ်ဆောင်ခဲ့ခြင်း ဖြစ်သည် ” ။ ထို့အတူ လွန်ခဲ့သောနှစ်က ရခိုင်ဒေသတွင် ဖြစ်ပေါ်ခဲ့သည့်အကြမ်းဖက်မှုက မြန်မာပြည်တွင် ရှိနေသော ဗုဒ္ဓဘာသာဝင်များအတွက် ခြိမ်းခြောက်မှုတစ်ရပ်ဖြစ်သည်ဟုပါ ထည့်သွင်းဟောကြားခဲ့သည်။ “ အင်ဒိုနီးရှား၊ ဘင်္ဂါလားဒေ့ရှ်၊ ပါကစ္စတန် နှင့် မလေးရှားတွင် ယခင်က ဗုဒ္ဓဘာသာဝင်များ အများအပြားရှိခဲ့ရာ အစ္စလာမ် ဘာသာဝင်များ ရောက်ရှိမောင်းထုတ်ခဲ့သည့်အတွက် အခုလက်ရှိတွင် မွတ်စလင်မ် နိုင်ငံများအဖြစ်တည်ရှိနေခြင်းဖြစ်သည်၊ သမိုင်းပေါ်မူတည်၍ မြန်မာနိုင်ငံတွင်ထိုကဲ့သို့သောအဖြစ်ဆိုး မကျရောက်စေရန် ကာကွယ်ခြင်းဖြစ်သည် ”။

မြန်မာပြည်ရှိ လူဦးရေ၏ လေးရာခိုင်နှုန်းသည် အစ္စလာမ်ဘာသာကိုးကွယ်သူများဖြစ်သည်။ ဤကဲ့သို့ အတူယှဉ်တွဲနေထိုင်ခြင်းမှ ပြသနာများ စတင်ခဲ့ရခြင်းဖြစ်သည် ဟု ဦးဝိမလ က ဟောကြားခဲ့သည်။ မော်လမြိုင်မြို့၏ ရှုပ်ထွေးပြည့်ကျပ်နေသော ဈေးရုံထဲတွင် မွတ်စ်လင်မ် ဈေးသည်များသည် ၄င်းတို့အနီးရှိ ဗုဒ္ဓဘာသာဝင်များ၏ ဈေးဆိုင်များတွင်ကပ်ထားသော ၉၆၉ တံဆိပ်များကို လျစ်လျူရှုကာ အေးချမ်းစွာ ရောင်းဝယ်ခြင်းကို လုပ်ဆောင်နေကြသည်။ ဗုဒ္ဓဘာသာဝင် taxi မောင်းသမားများ နှင့် အရောင်းဆိုင်များမှာ အစ္စလာမ်ဘာသာဝင်များအား ၀န်ဆောင်မှုပေးရန် သူတို့တွင် ပြဿနာ မရှိဟု ပြောကြားခဲ့သည်။

လူတိုင်းတွင် တူညီသောအတွေး မရှိသည်က အစ္စလာမ်ဘာသာဝင်များအတွက် ကံဆိုးစေသည့်အချက်ပင်ဖြစ်သည်။ လွန်ခဲ့သောတစ်လခန့်က မုန်းတီးမှုများ ပေါက်ကွဲထွက်ခဲ့ပြီး ဗုဒ္ဓဘာသာဝင်များနှင့် မွတ်စ်လင်မ်များသည် မိတ္ထီလာမြို့ပေါ်ရှိ ရွှေဆိုင်တွင် ခိုက်ရန်ဖြစ်ပွားရာမှ နှစ်ရက်တိုင် အကြမ်းဖက်မှုများဖြစ်ပေါ်ခဲ့ပြီး၊ အထူးသဖြင့် မွတ်စ်လင်မ်များ၏ အိမ်ရာ ၈၀၀ ကျော်နီးပါး ပျက်စီးခဲ့ရသည်။ မျက်မြင်များ၏ပြောပြချက်အရ အကြမ်းဖက်သမားများသည် အသေအချာအစီစဉ်တကျ လုပ်ဆောင်ခဲ့ပြီး၊ ရဲများသည် မျက်စိအောက်တွင်ဖြစ်ပျက်နေသော သတ်ဖြတ်မှုများအား လျစ်လျူရှုကာကြည့်နေ ခဲ့ကြသည်။ ပြောဆိုချက်များအရ အစိုးရ တာဝန်ရှိသူများ အကြမ်းဖက်မှုတွင်ပါဝင် ပတ်သက်နေသည်ဟု စွပ်စွဲမှုများဖြစ်ပေါ်လာခဲ့သည်။ သံသယများမှတစ်ဆင့် ပြည်တွင်းမငြိမ်မသက်မှုများမှာ ပြောင်းလဲမှုများကြောင့် ငြိမ်သက်ခဲ့ရသော စစ်အစိုးရအား ပြန်လည်အသက်သွင်းရန် လုပ်ဆောင်ခဲ့ခြင်းဟု ယူဆရပါသည်။ ယနေ့ထုတ်ပြန်ခဲ့သော လူ့အခွင့်ရေးစောင့်ရှောက်မှု အဖွဲ့အစည်း၏ အစီရင်ခံစာ “ political and religious leaders in Arakan state ” တွင် ပြီးခဲ့သော အောက်တိုဘာလတွင်ဖြစ်ခဲ့သည့် ရိုဟင်ဂျာများနှင့်အခြား မွတ်စလင်မ်များအား တိုက်ခိုက်မှုတွင်ပါဝင်သော စီစဉ်မှုများ၊ အဖွဲ့အစည်းများ နှင့် လှုံဆော်မှုများ အဓိကထား၍ ပြောကြားထားသည်။ (ပြောကြားချက်တွင် ပြီးခဲ့သောနှစ်က ရခိုင်ဒေသ၌ သွေးထွက်သံယိုဖြစ်ခဲ့ခြင်း နှင့် အကြမ်းဖက်မှုများကြောင့် တိမ်းရှောင်ခဲ့ရသော ၁၂,၅၀၀၀ နီးပါး ရိုဟင်ဂျာ မွတ်စလင်မ်များ ရှိခဲ့သည်။)

ရခိုင်ဒေသ နှင့် မိတ္ထီလာတွင်ဖြစ်ပျက်ခဲ့သော အကြမ်းဖက်မှုများ၏ အဓိကမီးမွှေးသူမှာ စစ်အစိုးရ ဆိုသော်ငြားလည်း ဗုဒ္ဓဘာသာဝင်များ၏ရင်တွင်း၌ ထည့်သွင်းခံထားရသည့် မွတ်စ်လင်မ် မုန်းတီးရေး ၀ါဒများက လောင်စာသဖွယ်ဖြစ်ခဲ့သည်။ ၁၉၆၀ ခုနှစ်မှစတင်ခဲ့သော ဘင်္ဂါလီ မွတ်စလင်မ်များအား သတ်ဖြတ်မှု၊ ရခိုင်ဒေသတွင် ရိုဟင်ဂျာများအားသတ်ဖြတ်မှု စသည်တို့သည် ဗုဒ္ဓဘာသာနှင့် မျိုးချစ်စိတ်ကိုပေါင်းစည်းသည့်ဝါဒမှ စတင်ခဲ့ခြင်းဖြစ်သည်။

ဝါဒလှုံ့ဆော်မှုသည် ယမန်နှစ်ကဖြစ်ပေါ်သော ရခိုင်ဒေသတွင်း အကြမ်းဖက်မှုမှစတင်ကာ မွတ်စ်လင်မ် မုန်းတီးရေးဝါဒအဖြစ် ပျံ့နှံခဲ့သည်။ မိတ္ထီလာ အရေးခင်းတွင် တွေ့ရှိသူများ၏ပြောပြချက်များအရ လူမျိုးတုံး စစ်ဆင်ရေးဟု ယူဆရကြောင်း ဆိုသည်။ မြို့ထဲတွင်ရှိသော မွတ်စ်လင်မ်များကို ယာယီစခန်းများသို့ပို့ဆောင်ကာ သတင်းထောက်များအား ၀င်ခွင့်ပိတ်ပင်ထားကြောင်း သိရသည်။ ထို့အတူ စစ်တွေနှင့် ရခိုင်ဒေသတွင်ဖြစ်ပျက်နေသည့် အရေးခင်းများနှင့် တူညီနေကြောင်း သိရှိရသည်။

အကြမ်းဖက်မှုနှင့်ပတ်သက်သောပြောပြချက်များအရ ၉၆၉ ၏လုပ်ဆောင်မှုများသည် မွတ်စ်လင်မ်မုန်းတီးရေးမှ မြန်မာနိုင်ငံတွင်ရှိသော မွတ်စလင်မ်များအားရှင်းလင်းရန်၊ မြန်မာနိုင်ငံအား အစ္စလာမ်ဘာသာဝင်များ မရှိသော နိုင်ငံအဖြစ် ဖန်တီးရန် ပါဝင်ခဲ့သည်။ အကြမ်းဖက်မှုကို ဆန့်ကျင်သူများသည် ၉၆၉ သင်္ကေတအား ဆန့်ကျင်ခဲ့ကြသည်။ သို့သော် မတူညီစွာ ယူဆသူများ၊ ၉၆၉ သင်္ကေတအား ဖြန့်ဖြူးနေသူများနှင့် ကိုင်ဆောင်သူများကြောင့် အမြစ်မပြတ် သေးကြောင်းတွေ့ရှိရသည်။ အချို့သူများက ခရစ်ယာန်ဘာသာဝင်များ၏ လက်ဝါးကပ်တိုင်ကဲ့သို့ ဗုဒ္ဓဘာသာဝင်များ၏ စည်းရုံးမှုကို ပြသသော သင်္ကေတ အလားသဏ္ဍာန်ဖြစ်သည်ဟု ယူဆကြသလို၊ အခြားသူများကလည်း မွတ်စ်လင်မ်များ၏ ဈေးဆိုင်များတွင်ရှိသော ၇၈၆ သင်္ကေတနှင့် အလားတူစေရန် ဖော်ဆောင်ထားသည် ဟု ဆိုလိုသည်။ “ ဗုဒ္ဓဘာသာဝင်များသည် ၉၆၉ ကို အသက်သွင်းရန် လုပ်ဆောင်ခြင်းကြောင့် များစွာဝမ်းနည်းမိကြောင်း ” ၂၀၀၇ တွင် အကျဉ်းကျခဲ့သော ရွှေဝါရောင်တော်လှန်ရေးတွင်ပါခဲ့သည့် ဘုန်းတော်ကြီး ဦးဂမ္ဘီရက ဆိုသည် “ သူတို့ မုန်းတီးသောအရာကို သူတို့က ပုံတူ ကူးချနေခြင်းသာ ဖြစ်ကြောင်း ” ကိုလည်း ထည့်သွင်းပြောကြားခဲ့သည်။

အစွန်းရောက်သမားများသည် ၉၆၉ အားလက်ခံယုံကြည်စေရန် ၄င်းတွင်ပါဝင်သော နာမ်ဝိဥာဉ် သန့်စင်မှုအယူဆကို ရှင်းလင်းပြသခဲ့သည်မှာ – ဘုရားဂုဏ်တော် ၉ ပါး ၊ တရားဂုဏ်တော် ၆ ပါး ၊ သံဃာ့ဂုဏ်တော် ၉ ပါး ကိုပေါင်းစည်းကာ မြန်မာပြည်တွင်ရှိသော ဗုဒ္ဓဘာသာဝင်အဖွဲ့အစည်းမှ ထုတ်ပြန်ခဲ့ခြင်းဖြစ်သည် ဟူ၍ ရှင်းလင်းပြောဆိုမှုများကြောင့် ဗုဒ္ဓဘာသာဝင်များ၏ ထောက်ခံမှုကို ချက်ခြင်း ရရှိခဲ့ရာ၊ ဦးဆောင်သူများမှ မွတ်စ်လင်မ် မုန်းတီးရေးဝါဒကို ဖြန့်ချီရန် နှင့် မုန်းတီးသူရော မမုန်းတီးသူပါ ပါဝင်ပတ်သက်မှုကို ရရှိခဲ့သည်။

အဓိက ဦးဆောင်သူမှာ ဦးဝီရသူ ဖြစ်ပြီး မန္တလေး မစိုးရိမ် ကျောင်းတိုက်၏ ဦးဆောင်ဆရာတော် ဖြစ်သည်။ ယခင်က မစိုးရိမ်ကျောင်းမှာ အာဏာရှင် ဆန့်ကျင်ရေးလုပ်ဆောင်မှုများတွင်ပါဝင်ခဲ့ပြီး၊ ယခုအခါ ဦးဝီရသူ၏ မွတ်စ်လင်မ် မုန်းတီးရေးဝါဒ ဖြန့်ချိမှုများကြောင့် ဂုဏ်သတင်း ညှိုးနွမ်းခဲ့သည်။ ယခင်က စစ်အစိုးရကို ဆန့်ကျင်ခဲ့သော်လည်း၊ ယခု အကြမ်းဖက်မှုတွင် စစ်တပ်၏ပါဝင်ပတ်သက်မှုမှာ ရှုပ်ထွေးမှုများ ရှိသည်ဟု ဦးဝီရသူက ပြောခဲ့သည်၊ အစ္စလာမ် ဘာသာဝင်များသည် အန္တရာယ် အဖွဲ့ဝင်များ ဟု သူက ယုံကြည်ခဲ့သည်။ ၀ီရသူ၏ အင်တာဗျူးကို ကိုယ်ပိုင်ဓာတ်ပုံများနှင့် တန်ဆာဆင်ထားသော သူ၏အခန်းထဲတွင် လုပ်ဆောင်ခဲ့ပြီး ၄င်းရှိနောက်ခံမြင်ကွင်းသည် သူ့အား နှိမ့်ချနေထိုင်သော ဘုန်းတော်ကြီးအစား ဘာသာရေးအစွန်းရောက်သူ အဖြစ် ပို၍မြင်စေသည်။ “ ကျွန်ုပ်၏ လေ့လာတွေ့ရှိချက်အရ မြန်မာပြည်တွင်ရှိသော ၁၀၀ ရာခိုင်နှုန်းရှိ မုဒိန်းအမှုများကို လုပ်ဆောင်သူများမှာ မွတ်စ်လင်မ်များဖြစ်ပြီး၊ ဗုဒ္ဓဘာသာဝင်များ မဟုတ်ကြပါဘူး ” ဟုဆို၍ “ ဗုဒ္ဓဘာသာ မိန်းကလေးငယ်များအား အတင်းအဓမ္မ လက်ထပ်ယူကြပြီး၊ မိန်းမများသည် ဗုဒ္ဓဘာသာအား ဆက်လက်ကိုးကွယ်ပါက နေ့တိုင်းညှင်းပန်း နှိပ်စက်ကြတယ် ” ဟု ၄င်းမှ ဆက်ပြောကြားသည်။

Photo- U U Mhaw Sayar FB

ဝီရသူသည် မမှန်ကန်မှုများကို လုပ်ဆောင်နေသူဖြစ်သည်။ မြန်မာပြည်တွင်ရှိသော အကြမ်းဖက်မှုများနှင့် ဘာသာရေး ပဋ္ဋိပက္ခများကို တားဆီးရန် မကောင်းသော မွတ်စ်လင်မ်များအား ရှင်းထုတ်ရန် ဟူသောစကားတို့ကြောင့်ဖြစ်သည်။ သို့တစေ ထိုအရာသည် ပဋ္ဋိပက္ခများ၏ အဓိကအချက်ဖြစ်ကြောင်း သူဝန်ခံခဲ့ခြင်း မရှိပေ။ “ မြန်မာပြည်တွင် ရှိသောသူများသည် ကျွန်ုပ်ကဲ့သို့ဆိုပါက မြန်မာပြည်ကြီးငြိမ်းချမ်းနေလိမ့်မည် ” ဟုဟောကြားခဲ့သည်။ ဟောပြောမှုအပြီးတွင် ခြင်္သေ့တစ်ကောင်က ကလေးတစ်ဦးအား စားရန်ဟန်ပြင်နေသောမျက်နှာဖုံးပုံပါဝင်သည့် စာအုပ်အားပေးကမ်းပြီး ကလေးသည် ဗုဒ္ဓဘာသာဝင်ဖြစ်ပြီး ခြင်္သေ့သည် မွတ်စ်လင်မ်ဖြစ်သည်ဟု သူက ရှင်းပြခဲ့သည်။

ဦးဝီရသူ ကို ၂၀၀၃ ခုနှစ်က မွတ်စ်လင်မ်မုန်းတီးရေးဖြင့် မငြိမ်သက်မှုလုပ်ဆောင်ခြင်းကြောင့် အကျဉ်းချခံခဲ့ရသည်။ (ယခုလက်ရှိ ဖြစ်ပျက်နေသော ပဋ္ဋိပက္ခများနှင့်ပတ်သက်၍ သူက ငြင်းဆိုခဲ့သည်။) သို့သော် ယခုတစ်ခေါက်တွင် တိကျသောအရေးယူဆောင်ရွက်မှုများကို အစိုးရက မလုပ်ဆောင်ခဲ့သဖြင့် မြန်မာပြည်၏မတည်ငြိမ်မှုများတွင် အစိုးရ၏အကျိုးရရှိရန် လုပ်ဆောင်မှုများရှိနေသလောဟု သံသယဖြစ်ဖွယ်ရှိသည်။

အကြမ်းဖက်မှုအစီစဉ်များသည် မွတ်စ်လင်မ်များ အနေထိုင်များသော နေရာဒေသများတွင် ဖြစ်ပေါ်ခဲ့သည်။ ပြီးခဲ့သောလ၌ ရှမ်းပြည်နယ်၊ နမ့်ခမ်းမြို့တွင် မွတ်စ်လင်မ် မုန်းတီးရေး poster များကို ဓာတ်မီးတိုင်များပေါ်ကပ်ထားကြောင်းနှင့် ထိုဒေသတွင်နေထိုင်သော လူဦးရေ ၁၀၀,၀၀ တွင် မွတ်စ်လင်မ်အရေအတွက်မှာ ရာဂဏန်းမျှသာရှိသည် ဟုသိရသည်။ ဒေသခံများပြောပြချက်အရ တရုတ်ပြည်ဖက်သို့ တိတ်တဆိတ် ပို့ဆောင်နေသော ဆီ နှင့် ဓာတ်ငွေ့ပိုက်လိုင်းများသည် အနီးနားတွင်ရှိပြီး၊ အတူတကွအေးဆေးစွာ နေထိုင်လာခဲ့သော နေရာများတွင် ဘာသာရေးလှုံ့ဆော်မှုများ ရုတ်တရက် ဖြစ်ပေါ်လာခြင်းမှာ ဓာတ်ငွေ့ပိုက်လိုင်းများကိစ္စဆန့်ကျင်ဆန္ဒပြမှုများမှ ဦးလှည့်စေရန်ဟု ယူဆရသည်ဟု ဆိုသည်။

လေ့လာချက်အရ ဘာသာရေး ပဋ္ဋိပက္ခများသည် မြန်မာပြည်ရှိ အဓိက အင်အားကြီးသော – အမျိုးသားရေး စိတ်ဓာတ်ပြင်းထန်သောလူစုများ၊ အစိုးရနှင့် စစ်တပ်တွင် အဓိကကျသူများကို အကျိုးဖြစ်ထွန်းစေပြီး၊၄င်းတို့ ပြန်လည် အားကောင်းလာပါက မြန်မာပြည်တွင် ဒီမိုကရေစီ စံနစ်ရရှိရန် ဝေးကွာသွားမည် ဖြစ်ပေသည်။

ဆောင်းပါးရှင် FRANCIS WADE မှ http://www.foreignpolicy.com တွင် The Monks Who Hate Muslims အမည်ဖြင့် ရေးသားသည့် ဆောင်းပါးကို ဆီလျော်အောင် ဘာသာပြန်ဆိုပါသည်။

April 26, 2013