News @ M-Media

Tag: General Aung San

  • သမိုင်းထဲက သွေးစွန်းခဲ့တဲ့ နေ့တစ်နေ့ (၆၆-နှစ်မြောက် အာဇာနည်နေ့ အထိမ်းအမှတ်)

    ဇူလိုင် ၁၇၊ ၂၀၁၃
    M-Media
    ဆောင်းပါးရှင် – ပသီဆောင်းနှင်းဖြူ

    19July

    ကမ္ဘာပေါ်မှာ သွေးစွန်းတဲ့ နေ့ရက်တွေ ရှိခဲ့ပါတယ်။ သမ္မတလင်ကွန်း၊ မဟတ္တမ ဂန္ဒီ၊ သမ္မတ ကနေဒီ၊ အိန္ဒိယပြည် ၀န်ကြီးချုပ် ရာဂျစ်ဂန္ဒီ၊ ဗိုလ်ချုပ်အောင်ဆန်းနှင့် အာဇာနည် ခေါင်းဆောင်တွေဟာ ဇကောလောက်မှ ဇောက်မနက် အကြံပက်စက်တဲ့ လူသတ်ကောင်တွေရဲ့ ရက်ရက်စက်စက် လုပ်ကြံသတ်ဖြတ်မှုကို ခံခဲ့ရပါတယ်။ အခုဆိုရင် ဒီဖြစ်ရပ်တွေဟာ နှစ်ပေါင်းများစွာ ကြာခဲ့ပါပြီ။

    မြန်မာပြည်မှာ ဗိုလ်ချုပ်အောင်ဆန်းနှင့် မြန်မာ့အာဇာနည် ခေါင်းဆောင်တွေ ကျဆုံးခဲ့တာ နှစ်ပေါင်း(၆၆)နှစ် ကြာခဲ့ပါပြီ။ ဒါပေမယ့်လို့ ကျွန်မတို့ ရင်ထဲမှာတော့ မနေ့တနေ့က ကျဆုံးသွားတယ်လို့ပဲ ခံစားမိနေတယ်။ ပြည်သူတွေအားလုံးကလည်း ကျွန်မနှင့် အလားတူ မြန်မာပြည်ရဲ့ ‘အာဇာနည်နေ့’ ကိုမမေ့နိုင်အောင် နှမြော တမ်းတ လွမ်းဆွတ် သတိရနေကြမှာ အမှန်ပါပဲ။

    ကျွန်မအနေနဲ့ အဲဒီအချိန်တုန်းက လူ့လောကကြီးထဲကို ရောက်လာဖို့ နှစ်ပေါင်း လေးဆယ် ကျော်ကျော် တောင် လိုပါသေးတယ်။ ဒါပေမယ့် ‘ဆရာကြီး ၀မ်းအိုဝမ်းကျော်ဝင်းမောင်’ ရေးသားပြုစုခဲ့သည့် “မြန်မာ့အာဇာနည် ခေါင်းဆောင် ဆရာကြီးဦးရာဇာတ်” စာအုပ်၊ ‘ဆရာကြီး တတ်တိုး’ ဘာသာပြန်ဆို ရေးသားခဲ့သည့် “အေဗရာဟင် လင်ကွန်း” စာအုပ်နှင့် ‘ဆရာကြီး လင်းယုန်မောင်မောင်’ ရေးသားပြုစုခဲ့သည့် “သွေးစွန်းသော နေ့ရက်များ” စတဲ့ သမိုင်း၊ အတ္ထုပ္ပတိ စာအုပ်တွေကို ဖတ်ရှူရတဲ့ခါ ဒီလိုနိုင်ငံခေါင်းဆောင်တွေ ရက်ရက်စက်စက် လုပ်ကြံခံရတဲ့ သမိုင်းကြောင်းတွေကို သိရှိခဲ့ရပါတယ်။

    အေဗရာဟင် လင်ကွန်းဟာ အမေရိကန်နိုင်ငံ ဖို့ဒ်ဇာတ်ရုံထဲတွင် ၁၈၆၅-ခုနှစ်၊ ဧပြီလ (၁၄)ရက်နေ့ နံနက် (၇)နာရီ (၂၂)မိနစ်တွင် နာမည်ကျော်ကြားလိုသော ဇာတ်မင်းသား ဂျွန်ဝီလ်ကီဘုတ်က သေနတ်ဖြင့် လုပ်ကြံသတ်ဖြတ်ခဲ့တယ်။

    အိန္ဒိယအမျိုးသားကြီး မဟတ္တမ ဂန္ဒီ (Mahatma Ganghi) ဟာ ၁၉၄၈-ခု၊ ဇန်န၀ါရီလ (၃၀)ရက်နေ့၊ ညနေ ၅နာရီ ၁၀မိနစ်တွင် အိန္ဒိယပြည်ရှိ လက်ဝဲ အယူသီးသမားတွေရဲ့ လုပ်ကြံမှုက ဂန္ဒီကြီးရင်ဝကို အနီးကပ်ချိန်ကာ သုံးချက်တိတိ ဆက်တိုက်ပစ်ချ သတ်ဖြတ်ခြင်း ခံခဲ့ရတယ်။

    အိန္ဒီယ၀န်ကြီးချုပ် ရာဂျစ်ဂန္ဒီဟာလည်း မသမာသူ အမျိုးသမီး လက်ချက်နဲ့ သတ်ဖြတ်ခြင်း ခံခဲ့ရပါတယ်။

    ဒါတွေဟာ ရက်စက်ကြမ်းကြုတ်တဲ့ လူသတ်ကောင်တွေကြောင့် သွေးစွန်းခဲ့တဲ့ ကမ္ဘာသမိုင်း နေ့ရက်တွေပဲ ဖြစ်ပါတယ်။

    မြန်မာပြည်မှာတော့ ၁၉၄၇-ခုနှစ်၊ ဇူလိုင်လ (၁၉)ရက် စနေနေ့ နံနက် ၁၀-နာရီ ၃၇-မိနစ်တိတိဟာ သွေးစွန်းသော နေ့ဖြစ်ခဲ့ပါတယ်။ အခုဆိုရင် (၆၆)နှစ် တိုင်ခဲ့ပါပြီ။ ဒါပေမယ့် “(၁၉)ဇူလိုင် မမေ့နိုင် ” ဆိုသလိုပါပဲ။

    မြန်မာ့သမိုင်းကို ပြန်ပြောရမယ်ဆိုရင် ၁၉၄၇-ခုနှစ်၊ ဇူလိုင်လ (၁၉)ရက်နေ့ နံနက်မှာ ၀န်ကြီးများ အစည်းအဝေး ပြုလုပ်ကြမယ့် အချိန်ဖြစ်ပါတယ်။

    ဗိုလ်တထောင် လက်နက်တိုက်က လက်နက် အလက်(၂၀၀)ကျော်နဲ့ ကျည်ဆန်များ ပျောက်သွားတယ် ဆိုခြင်းဟာ ရန်ကုန်တစ်မြို့လုံးတင်မကဘူး။ မြန်မာပြည် တစ်ပြည်လုံးမှာ အုတ်အော်သောင်းတင်း ဖြစ်သွားတယ်။ ဒါကြောင့် ပုလိပ်အဖွဲ့ကလည်း ဒီလက်နက်တွေ ကိစ္စကို အပြင်းအထန် လိုက်လံစုံစမ်းကြပါတယ်။

    ဗိုလ်ချုပ်အောင်ဆန်းကို ဖြုတ်ချပြီး ၀န်ကြီးချုပ် လုပ်ချင်တဲ့ ဂဠုန်ဦးစောဟာ ၁၉၄၇-ခု၊ ဇူလိုင်လ ၁၉-ရက်နေ့၊ နံနက်မှာ ၀န်ကြီးများ အစည်းအဝေး လုပ်မယ့်အကြောင်းကို ကြိုတင်ပြီး သတင်းရယူထားတယ်။

    အတွင်းဝန်ရုံးမှာ ဗိုလ်ချုပ်အောင်ဆန်းရဲ့ ရုံးခန်းနဲ့ ဆက်နေတဲ့ အစည်းအဝေးဆောင်မှာ ၀န်ကြီးများ စုဝေးကြတယ်။ ဗိုလ်ချုပ်အောင်ဆန်းဟာ မြန်မာဝတ်စုံဝတ်ပြီး ကန်တော်ကြီး သူရဲ့ နေအိမ်မှ မနက် ၁၀-နာရီခန့်တွင် ထွက်ခွာလာခဲ့တယ်။ သူရုံးကို ရောက်ပြီး အစည်းအဝေး စတင်တယ်။ ဗိုလ်ချုပ်အောင်ဆန်းက ထိပ်စားပွဲတွင် ထိုင်တယ်။ လက်ဝဲလက်ယာ စားပွဲများမှာ ၀န်ကြီးများ ထိုင်ကြတယ်။ အတွင်းဝန် ဦးအုန်းမောင်က သူ့ဌာနဆိုင်ရာ ကိစ္စရပ်ကို ရှင်းလင်းတင်ပြဖို့ လာတယ်။

    ၁၉၄၇-ခု၊ ဇူလိုင်လ (၁၉)ရက်နေ့၊ မနက် (၈)နာရီလောက်မှာ ဂဠုန်ဦးစောရဲ့ နေအိမ်ကနေ ခင်မောင်ရင်၊ ဘညွှန့်၊ မှုံကြီး၊ မောင်နီတို့ ထရပ်ကားနဲ့ ထွက်လာကြပါတယ်။ အဲဒီလို အိမ်က မထွက်ခင်လေးမှာ ဦးစောက တစ်ယောက်စီ တစ်ယောက်စီကို တီးတိုးတီးတိုး မှာကြားပါတယ်။ အဲဒီလို မှာကြားတာကို တစ်ယောက်နဲ့ တစ်ယောက် မသိကြပါဘူး။ ဘညွှန့်ကို ဦးစောက ၀န်ကြီးများ အစည်းအဝေးလုပ်ဖို့ သေချာရင် စကားဝှက် ” X ” ‘ ပစ်စတင်းရပြီ’ လို့ဦးစောဆီကို တယ်လီဖုန်းဆက်ဖို့ မှာလိုက်တယ်။  နောက်ပြီး အတွင်းဝန်ရုံးက သခင်နု ရှိတဲ့နေရာမှာ သွားပြီး သခင်နုကို သေနတ်နဲ့ ပစ်သတ်ဖို့ မှာကြားတယ်။

    သူတို့ လေးယောက်ထွက်လာတော့ မနက် (၉)နာရီ ရှိနေပါပြီ။ ဒါလဟိုစီလမ်းနဲ့ ၄၁-လမ်းထောင့် ရောက်တော့ အတွင်းဝန်ရုံးကို မျက်နှာမူပြီး ကားရပ်တယ်။ ခင်မောင်ရင်နဲ့ မှုံကြီးက အရင်ဆင်းပြီး၊ ဒါလဟိုစီလမ်းကိုဖြတ်ပြီး စပတ်လမ်း( ယခု ဗိုလ်အောင်ကျော်လမ်း)ထဲကို ၀င်သွားတယ်။ ဘညွှန့်ကတော့ နောက်ကလိုက်သွားတယ်။ မောင်နီက ကားစောင့်အဖြစ် နေရစ်ခဲ့တယ်။ အတွင်းဝန်ရုံးကို အထွက်လို့ပြထားတဲ့ ဂိတ်ပေါက်က ၀င်ကြတယ်။ သူတို့နှစ်ယောက် အတွင်းဝန်ရုံး ဆင်ဝင်အောက်ကို ရောက်သွားတဲ့ အခါမှာ ပျောက်သွားတယ်။

    ဘညွှန့်ကတော့ တိုင်းပြုပြည်ပြု လွှတ်တော်အဆောက်အအုံကို သွားပါတယ်။ ဦးနုရဲ့ ရုံးခန်းက အနောက်ဘက်ခြမ်း ပထမခန်းမှာပါ။ အဲဒီ့အခန်း အနောက်ဘက် ပြတင်းပေါက်က ပွင့်နေလို့ လှမ်းကြည့်လိုက်တော့ လူတစ်ယောက် ထိုင်နေတာ တွေ့ရတယ်။ သခင်နုပဲလို့ သူထင်တယ် (တကယ်တော့ သခင်နု ထိုင်နေတာ မဟုတ်မှန်း နောက်တော့ သူသိသွားတယ်)။ ၀န်ကြီးများ အစည်းအဝေး စတင်ကျင်းပဖို့ အတိအကျ သတင်းရတဲ့ အခါမှ ဘညွှန့်က ဦးစောဆီကို  ‘ ပစ်စတင်းရပြီ’ လို့ စကားဝှက်နဲ့ ဖုန်းဆက်လိုက်တယ်။

    နောက်တစ်သုတ်မှာ သုခက ဂျစ်ကား အာရ်စီ- ၁၈၁၄ ကိုမောင်းပြီး မောင်စိုး၊ သက်နှင်း၊ စိန်ကြီးနဲ့ ရန်ကြီးအောင်တို့က ရိုင်ဖယ်မောင်းပြန် သေနတ်များကို ကိုင်ကာ စစ်ဝတ်စုံများ ၀တ်ဆင်ပြီး လိုက်သွားကြပါတယ်။ အတွင်းဝန်ရုံး တစ်နေရာကို ရောက်တဲ့ အခါမှာ သုခက ကားရပ်ပြီး လက်နက်ကိုင် လေးယောက်က အတွင်းဝန်ရုံး အနောက်ဘက် လှေကားမှ တက်သွားတယ်။

    ၀န်ကြီးများ အစည်းအဝေးဆောင်ကို ၀င်ရောက်ပစ်ကြတယ်။ ဗိုလ်ချုပ်အောင်ဆန်းက ရပ်ပြီး လက်ဟန်ပြ တားမြစ်သေးတယ်။ သူ့ရဲဘော်များ မှားယွင်းဝင်လာသည် ထင်၍လား၊ သူ့လုပ်ဖော် ကိုင်ဖက် ၀န်ကြီးများကို ကာကွယ်လို၍လား ဘယ်သူမှ သေချာ မပြောနိုင်ခဲ့ပါ။ မသမာသူများကမူ ဗိုလ်ချုပ်အောင်ဆန်းကိုသာ အဓိက ပစ်မှတ်အဖြစ် ထားတယ်။ သူ့အား ပယ်ပယ်နှယ်နှယ် ပစ်ခတ်ကြတယ်။ ၀န်ကြီး ပျော်ဘွယ်ဦးမြ၊ ဦးဘဂျမ်းနဲ့ ဦးအောင်ဇံဝေတို့က ကံသီ၍ လွတ်ကြတယ်။ အတွင်းဝန် ဦးရွှေဘော်လည်း လွတ်မြောက်သွားတယ်။ အလားတူ ကျန်ဝန်ကြီးများနဲ့ အတွင်းဝန် ဦးအုန်းမောင်တို့ ဒဏ်ရာဒဏ်ချက်များစွာနဲ့ နေရာတွင် ကျဆုံးကြတယ်။ လုပ်ကြံပြီး အပြန် အတွင်းဝန်ရုံး လှေကားတွင် လူသတ်သမားတို့က ၀န်ကြီးဦးရာဇာတ်ရဲ့ သက်တော်စောင့် ရဲဘော်မောင်ထွေးကိုပါ ပစ်သွားကြတယ်။

    အဲဒီနေ့က အစည်းအဝေးကို ၀န်ကြီး ဦးကျော်ငြိမ်း၊ ဆမားဒူးဝါ၊ ဆင်ဝါးနောင်၊ စောစံဖိုးသင်းနဲ့ ဦးဝမ်ကိုဟောတို့မှာ ခရီးလွန်နေ၍ မတက်ရောက်နိုင်ခဲ့ပါ။ ကျန်ဝန်ကြီးများ အားလုံး တက်ရောက်လာခဲ့ကြတယ်။

    သေနတ်သံများ စဲသွားပြီးနောက် လူသတ်သမားများ ထွက်သွား၍ အသံဗလံများ ဆိတ်ငြိမ်သွားသော အခါတွင်မူ ၀န်ကြီးဦးအောင်ဇံဝေနဲ့ ၀န်ကြီး ဦးဘဂျမ်းတို့ဟာ ၀မ်းလျားမှောက်နေရာမှ ထပြီး စားပွဲဝန်းကျင်ကို ကြည့်မိကြတယ်။ သူတို့မှတ်မိသော မြင်ကွင်းကို ဖော်ပြရလျှင် ပေ-၄၀ ပတ်လည်ခန့်ရှိသော ခန်းမကြီး တစ်ခုလုံး ဆီးနှင်းများ ကျသကဲ့သို့ ယမ်းငွေ့များ တထောင်းထောင်းနှင့် ဖုံးလွှမ်းနေပြီး ကျည်ဆန်များကလည်း ကြမ်းပြင်ပေါ်တွင် ပြန့်ကျဲနေတယ်။

    စပတ်လမ်း (ယခု ဗိုလ်အောင်ကျော်လမ်း) ဘက်ကို မျက်နှာပြုထားသော ဂငယ်သဏ္ဍာန် စားပွဲထိပ်နဲ့ ခပ်လှမ်းလှမ်း ကြမ်းပြင်ပေါ်တွင် ဗိုလ်ချုပ်အောင်ဆန်းမှာ တုံးလုံးလဲလျက် ငြိမ်သက်နေတယ်။ စားပွဲလက်ယာဘက်တွင် မိုင်းပွန်းစော်ဘွားကြီး စပ်စံထွန်းက သူ့ရဲ့ ကုလားထိုင်ပေါ်မှာပဲ ထိုင်လျက် စားပွဲပေါ်သို့ ကုန်း၍ လက်ထောက်ထားပြီး ပါးစပ်ကို ဟ,ထားရာ ပါးစပ်မှ သွေးများယိုစီးကျနေတယ်။ စားပွဲလက်ဝဲဘက်တွင် ထိုင်နေတဲ့ ၀န်ကြီးသခင်မြက စားပွဲထိပ် လက်ဝဲဘက်ထောင့် စားပွဲအောက်နား၌ မှောက်လျက် သေဆုံးနေပြီလို့ ယူဆရတယ်။

    ၀န်ကြီး ဦးရာဇတ်၊ ၀န်ကြီး ဒီဒုတ် ဦးဘချို၊ ၀န်ကြီး ဦးဘ၀င်းနှင့် ၀န်ကြီး မန်းဘခိုင်တို့ဟာ သူတို့ထိုင်မြဲ ကုလားထိုင်များတွင် ခေါင်းငိုက်စိုက်ကျလျက် ငြိမ်သက်နေကြတယ်။ ဦးရာဇတ်နဲ့ ဒီးဒုတ် ဦးဘချိုတို့ နှစ်ဦးတည်းသာ မသေဆုံးကြသေးဘဲ အနည်းငယ်စီ အသက်ရှူရှိုက် လှုပ်ရှားနေတယ်။ စားပွဲ၏ လက်ယာဘက် ၀န်ကြီး ဦးအောင်ဇံဝေနဲ့ မိုင်းပွန်းစော်ဘွားကြီး အကြားတွင် ထိုင်နေသော ၀န်ကြီး ပျော်ဘွယ်ဦးမြနဲ့ စားပွဲထိပ် ဗိုလ်ချုပ်အောင်ဆန်း လက်ယာဘက်တွင် ထိုင်နေတဲ့ အတွင်းဝန် ဦးရွှေဘော်တို့နှစ်ဦးစလုံးမှာ အပြင်ဘက်ကို အချိန်မှီ ရောက်ရှိသွားနိုင်ခဲ့ကြလို့ အသက်ဘေးမှ လွတ်မြောက်သွားခဲ့ကြတယ်။ ဗိုလ်ချုပ်အောင်ဆန်းရဲ့ လက်ဝဲဘက်မှာ ထိုင်နေတဲ့ တတိယ အတွင်းဝန် ဦးအုန်းမောင်မှာ ဘယ်လို ပုံစံနဲ့ သေဆုံးနေတာကို မမှတ်မိတော့ပါဘူးတဲ့။ လူသတ်သမားများ အခုလို အလွယ်တကူ လုပ်ကြံနိုင်ခဲ့ခြင်းဟာ အဲဒီတုန်းက အတွင်းဝန်များ ရုံးကြီးမှာ လုံခြုံမှုအတွက် အစောင့်အကြပ်များ မထားရှိခဲ့ခြင်းကြောင့် ဖြစ်ပါတယ်။

    ဗိုလ်ချုပ်အောင်ဆန်းတို့ လုပ်ကြံခြင်းခံရတယ်ဆိုတဲ့ သတင်းဟာ တမဟုတ်ခြင်း ရန်ကုန်မြို့ထဲမှာ ပျံနှံ့သွားတယ်။ အဲဒီ့နောက် ညနေပိုင်းမှာ တစ်နိုင်ငံလုံး အထိ ပျံနှံ့သွားတယ်။ တစ်နေမကုန်ခင် ပြည်သူတစ်ရပ်လုံးက ဒီသတင်းဆိုးကြိးကို သိရှိရလေတယ်။

    ပြည်သူတစ်ရပ်လုံးဟာ စိတ်လှုပ်ရှားမှုတွေ ဖြစ်လာတယ်။ ပြည်သူတွေဟာ လုပ်ကြံသူတွေကို မခံမရပ်နိုင်အောင် ဒေါသမိုးတွေ ရွာသွန်းပြီး ဗိုလ်ချုပ်အောင်ဆန်းနှင့် ခေါင်းဆောင်ကြီးများအတွက် ပူဆွေးသောကဖြစ်ပြီး ငိုကြွေးကြတယ်။

    သေနတ်မှန်သူများကို ဆေးရုံကြီးကို သယ်ဆောင်သွားကြတယ်။ ဆေးရုံကြီးကို ရောက်တော့ အသက်ငွေ့ငွေ့ကျန်နေသေးတဲ့ မိုင်းပွန်စော်ဘွားကြီးနဲ့ ဒီးဒုတ်ဦးဘချိုတို့ကို ဆရာဝန်ကြီးများနှင့် သမားတော်ကြီး ဒေါက်တာ ဘသန်း၊ လက်ထောက်ဆရာဝန် ဒေါက်တာ အောင်သန်းတို့က ကြိုးစား၍ အသက်လုကြသော်လည်း မရကြတော့ပါ။

    ၀န်ကြီးဦးရာဇတ်နဲ့ ရဲဘော်မောင်ထွေးတို့ကို အစ္စလာမ့်ထုံးစံအရ တာမွေမွတ်စလင်မ် သချုင်္ိင်းမှာ ဒါဖွနာ( မြေမြှပ်သင်္ဂြိုဟ် ) လိုက်တယ်။ လူအုပ်ကြီးက ဆေးရုံကနေ တာမွေသချုင်္ိင်းမှာ သင်္ဂြိုဟ်သည်အထိ အသုဘ လိုက်ပို့ကြတဲ့ ပရိသတ်တို့ရဲ့ မျက်နှာများမှာလည်း မျက်ရည်များဖြင့် စိတ်မကောင်း ယူကျူံးမရ ငိုယိုကာ လိုက်ပါ ပို့ဆောင်သူများလည်း ရှိကြပါတယ်တဲ့။ အသုဘလိုက်ပါ ပို့ဆောင် ကြသည့် လူများမှာ ကြက်ပျံမကျ စည်ကားလှပါတယ်။

    ဇူလိုင်လ(၁၉)ရက်နေ့ စနေနေ့၊ မနက် (၁၀)နာရီ (၃၇)မိနစ်မှာ ဗိုလ်ချုပ်အောင်ဆန်းတို့ လုပ်ကြံခြင်းခံရတယ်လို့ အမှတ်ပြုကြတယ်။ အာဇာနည်ကုန်း ဗိုလ်ချုပ်အောင်ဆန်းရဲ့ ဂူမှာလည်း အဲဒီလိုပဲ ကမ္ဗည်းထိုးထားပါတယ်။ တကယ်ကျတော့ ထပ်မံလေ့လာကြတဲ့အခါ (၁၀)နာရီ (၁၀)မိနစ်မှာ  ဗိုလ်ချုပ်အောင်ဆန်းတို့ ကျဆုံးကြတယ်လို့ သိရပါတယ်။

    ဗိုလ်ချုပ်အောင်ဆန်း အပါအ၀င် အာဇာနည်(၉)ဦးတို့ ကျဆုံးသွားရတဲ့ သမိုင်းဖြစ်ရပ်ဟာ မြန်မာ့သမိုင်းမှာ အကြီးကျယ်ဆုံး သမိုင်းဖြစ်ခဲ့တယ်။ တစ်နိုင်ငံလုံး တစ်မျိုးသားလုံးလုံးနဲ့ သက်ဆိုင်နေတဲ့ အမှုကြီး ဖြစ်လို့ အဲဒီ့လုပ်ကြံမှုကြီးကို အထူးခုံရုံးရဲ့ အမှုတွဲ စာရင်းမှာ ” အမှုတွဲ အမှတ်(၁) ၁၉၄၇ ” ဆိုပြီး  မှတ်သားကာ အမှုဖွင့်ခဲ့ပြီး အမှုစစ်ဆေးခဲ့ပါတယ်။ အမှု စစ်ဆေးပြီးတဲ့အခါ ဦးစောအတွက် နောက်ဆုံးနေ့ရက်ကို ဆိုက်ဆိုက်မြိုက်မြိုက် ရောက်လာခဲ့ပါတော့တယ်။

    ၁၉၄၈ခု၊ မေလ ၈ ရက် –
    အဲဒီနေ့ အဲဒီရက် အဲဒီနံနက်မှာ ရန်ကုန်ထောင်ကြီးနဲ့ အင်းစိန်ထောင်ကြီးများမှ ထောင်ပိုင်များ၊ ထောင်မှူးများနဲ့ အမှုထမ်း အရာထမ်းတွေဟာ တခြားသော တာဝန်ရှိ ပုဂ္ဂိုလ်တချို့နဲ့ အတူ နံနက်နေမထွက်မီ အရေးကြီးတဲ့ အလုပ်တာဝန် တစ်ခုကို ခေါင်းအေးအေးနဲ့ သတိထားပြီး အမှားအယွင်း အတိမ်းအစောင်း မရှိအောင် ဆောင်ရွက်ခဲ့ကြပါတယ်။

    အဲဒီ့အလုပ် တာဝန်က တခြားမဟုတ်ပါဘူး။ လုပ်ကြံမှု တရားခံတွေ ဖြစ်ကြတဲ့ တရားခံ ဂဠုန်ဦးစော၊ မောင်စိုး၊ သက်နှင်း နဲ့ မှုံကြီးတို့ကို အင်းစိန်ထောင်၊ စိန်ကြီးနဲ့ ရန်ကြီးအောင် တို့ကို ရန်ကုန်ထောင်များတွင် အသီးသီး ကြိုးပေးပြီး အဆုံးစီရင်လိုက်ပါတယ်။

    မောင်နီ၊ သုခနဲ့ ခင်မောင်ရင်တို့ကို ကြိုးပေး သေဒဏ်ကနေ ပြောင်းပြီး ထောင်ဒဏ် တစ်သက်လို့ အပြစ်ဒဏ် လျော့ချလိုက်တယ်။

    အစိုးရ သက်သေ ဖော်ကောင် ဘညွှန့် (Approver) ကိုတော့ အပြစ်ခပ်သိမ်းမှ ကင်းလွတ်ခွင့်ပေးလိုက်ပါတယ်။

    လက်နက် ကျည်ဆန်များကို လက်နက်ဂိုဒေါင်ကနေ ဦးစော ထုတ်ယူနိုင်အောင် အကူအညီပေးခဲ့တဲ့ အင်္ဂလိပ်စစ်ဗိုလ် မစ္စတာတူလောက်နဲ့ မစ္စတာ ဗွီဗွီယန်း တို့ကို ဖမ်းဆီးကာ အထောက်အထား ခိုင်မာခြင်း၊ ပြစ်မှု ထင်ရှားခြင်းကြောင့် ထောင်ဒဏ် ၅-နှစ် အပြစ်ပေးခြင်း ခံရတယ်။

    မစ္စတာ ဗွီဗွီယန်းဟာ အင်းစိန် ထောင်ကြီးအတွင်း အပြစ်ကျခံနေတုန်း ၁၉၄၉-ခုနှစ်၊ ကေအင်ဒီအို ကရင်သောင်းကျန်းသူများ အင်းစိန်ထောင်ကို ၀င်စီးပြီး ထောင်ကိုဖောက်တယ်။ သူနဲ့ အကျဉ်းသားတွေ လွတ်မြောက်သွားတယ်။ ကေအင်ဒီအိုများနဲ့ သွားရောက်ပူးပေါင်းတယ်။ အစိုးရကို ပုန်ကန်တိုက်ခိုက်နေရာမှ နောက်ဆုံးမှာ ၁၉၅၀-ပြည့်နှစ် သြဂုတ်လအတွင်း ကျိုက္ခမီခရိုင်၊ ကော့ကရတ်မြို့နယ်နဲ့ ၁၆-မိုင် ကွာဝေးတဲ့ တိုးကွာကိုရွာနားမှာ တိုက်ပွဲ တစ်ခု ဖြစ်တယ်။ အဲဒီ့မှာ သူကျဆုံးသွားတယ်။ ကျွန်မတို့ တစ်သက်တာအဖို့ မမေ့မကျောက်နိုင်တဲ့ ရက်စက်ကြမ်းကြုတ်လှသတဲ့ လုပ်ကြံမှု ဇာတ်ထုပ်ကြီးရဲ့ တရားခံ တစ်ဦးဖြစ်တဲ့ မစ္စတာ ဗွီဗွီယန်းရဲ့ နောက်ဆုံး ဇာတ်သိမ်းခန်းပဲ ဖြစ်ပါတော့တယ်။

    နှစ်ပေါင်း (၆၆)နှစ်တိုင်ခဲ့ပြီဖြစ်တဲ့ တစ်မျိုးသားလုံးက ကြည်ညှိ၊ မြတ်နိုး၊ အားကိုး၊ ချစ်ခင်နေကြတဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်း အပါအ၀င် အာဇာနည် (၉)ဦးကို လုပ်ကြံသတ်ဖြတ်ခဲ့ကြတဲ့ သမိုင်းဖြစ်ရပ်ကို သမိုင်း အတ္ထုပ္ပတ္ထိ ပညာရှင် ဖြစ်သော စာရေးဆရာ ဆရာကြီး ၀မ်းအိုဝမ်းကျော်ဝင်းမောင်ဟာ စာတတန်၊ ပေတဖွဲ့အနေနဲ့ မှတ်တမ်း မတင်ခဲ့ဖူး ဆိုရင် ကျွန်မတို့ တစု တစည်းထဲ ပြည်ပြည့် စုံစုံ သိရှိနိုင်ဖို့ ဆိုတာ မလွယ်ကူလှပါဘူး။

    အာဇာနည်နေ့ရောက်ပြီ ဆိုရင်ပဲ မြန်မာ့အသံ ရုပ်မြင်သံကြားက ဗိုလ်ချုပ်အောင်ဆန်းရဲ့ မိန့်ခွန်းတွေကို အမှတ်တရ အဖြစ် မပြတ်လွှင့်ပေးပါတယ်။ အာဇာနည်နေ့ ကိုလည်း ရုံးပိတ်ရက်၊ ကျောင်းပိတ်ရက် အဖြစ် သတ်မှတ်ပေးထားပါတယ်။ အာဇာနည်နေ့ ရောက်ပြီ ဆိုရင်ဖြင့် မနက် (၁၀)နာရီ (၃၇)မိနစ် အချိန်မှာ ဥသြဆွဲသံကြားကြရတယ်။ အဲဒီအချိန်မှာ လူအားလုံးဟာ လုပ်နေသမျှ အရာအားလုံးကို နားပြီး သတိရ တမ်းတသည့် အနေဖြင့် ခေတ္တငြိမ်သက်နေကြရပါတယ် ဆိုတဲ့ အကြောင်းတွေကို ကျွန်မက အဖိုး၊ အဖွား၊ လူကြီး သူမတွေ ပြောပြလို့ ကြားခဲ့ဖူးပါတယ်။ ကျွန်မမှတ်မိသိတတ်စအရွယ်ကတည်းက အာဇာနည်နေ့ ဥသြဆွဲသံကို တစ်ခါမှ မကြားခဲ့ဖူးပါဘူး။ ကျွန်မတစ်ခါမှ မကြားဖူးခဲ့တဲ့ အာဇာနည်နေ့ ဥသြဆွဲသံကို ဒီနှစ်မှာတော့ ပြန်လည် ကြားရလိမ့်မယ်လို့လည်း မျှော်လင့်မိပါတယ်။

    အာဇာနည်နေ့မှာ အာဇာနည်ဗိမာန်ကို သွားရောက်ပြီး အစိုးရအဖွဲ့၊ အာဇာနည်ကြီးများ၏ သားသမီး မြေးမြစ်များ၊ နိုင်ငံအသီးသီးမှ သံရုံး အဖွဲ့အစည်းများမှ သွားရောက် အလေးပြုကြတယ်။ အဖွဲ့အစည်း အသီးသီး ကလည်း သွားရောက် အလေးပြုကြတယ်။

    အာဇာ နည်နေ့ အကြောင်းကို ဖတ်ရှုလေ့လာရတဲ့အခါမှာ လူသတ်သမားတွေရဲ့ ရက်စက်ယုတ်မာမှု၊ ကောက်ကျစ်စဉ်းလဲမှုတွေဟာ သာမာန် လူသတ်မှုထက် ပိုမိုး ဆိုးဝါး တုန်လှုပ်ချောက်ခြားဖွယ် ကောင်းလှတဲ့ ဒီလုပ်ကြံမှုကြီးများ အကြောင်းဟာ ကျွန်မတို့လို အနာဂတ်မျိုးဆက်သစ် လူငယ်တွေနဲ့ နောက်လာနောက်သား သားစဉ်မြေးဆက် အဆက်ဆက်အထိ လေ့လာ မှတ်သားစရာ၊ ဆင်ခြင်စရာ၊ သံဝေဂ ယူစရာ၊ အသိတရားများစွာ ရရှိစေပါတယ်လို့ ဆိုပါရစေလား။

    တိုင်းပြည်တိုးတက်ဖို့ ခေါင်းဆောင်ကောင်းတစ်ဦးရှိနေချိန်မှာ ခေါင်းဆောင်ကို တန်ဖိုးထားတတ်တဲ့ နောက်လိုက်ကောင်းလူငယ်များ များများပေါ်ထွန်းလာပါစေလို့လည်း ဆန္ဒပြုမိပါတယ်။

    အားလုံး ငြိမ်းချမ်းသာယာမှု အဖြာဖြာ ကျရောက်ပါစေ။
    ပသီဆောင်းနှင်းဖြူ
    (၆၆-နှစ်မြောက် အာဇာနည်နေ့ အမှတ်တရ၊ ၂၀၁၃)

  • ဗိုလ်ချုပ် အောင်ဆန်း (၁၉၁၅ – ၁၉၄၇)

    ဗိုလ်ချုပ် အောင်ဆန်း (၁၉၁၅ – ၁၉၄၇)

    ဇူလိုင်-၁၂၊ ၂၀၁၃
    M-Media

    အာဇာနည်များ အထ္ထုပ္ပတ္တိ (အာဇာနည်နေ့ အထိမ်းအမှတ်)

    ၁၉၄၇ ခုနှစ် ဇူလိုင်လ (၁၉)ရက်နေ့ဟာ မြန်မာနိုင်ငံရဲ့ အာဇာနည်ခေါင်းဆောင်ကြီးများကျဆုံးခဲ့တဲ့ နေ့ဖြစ်ပါတယ်။ မြန်မာနိုင်ငံရဲ့ လွတ်လပ်ရေးဖခင်ကြီး ဗိုလ်ချုပ်အောင်ဆန်းအပါအ၀င် ဦးဘ၀င်း၊ မန်းဘခိုင်၊ မှိုင်းပွန်စော်ဘွားကြီး စ၀်စံထွန်း၊ ဦးရာဇတ်၊ ဒီးဒုတ်ဦးဘချို၊ သခင်မြ၊ ဦးအုန်းမောင်၊ ရဲဘော်ကိုထွေး တို့ဟာ တိုင်းပြည်တာဝန်ထမ်းဆောင်ရင်း မသမာသူလူတစ်စုရဲ့ လုပ်ကြံမှုကြောင့် သွေးအိုင်ထဲမှာ အသက်ပေးခဲ့ရသူတွေ ဖြစ်ပါတယ်။ ဒီလို အသက်သွေးတွေပေးခဲ့ကြတဲ့ အာဇာနည်(၉)ဦးဟာ မြန်မာပြည်သူပြည်သားတွေရဲ့ စိတ်နှလုံးသားမှာ အမြဲအမှတ်ထင်ထင်ရှိခဲ့ပါတယ် ။ ဒါကြောင့် အာဇာနည်များရဲ့ အထ္ထုပ္ပတ္တိအကျဉ်းကို M-Media မှ စုစည်းတင်ပြလိုက်ရပါတယ်။

    ဗိုလ်ချုပ် အောင်ဆန်း (၁၉၁၅ – ၁၉၄၇)

    Bogyoke Aung San

    မြန်မာနိုင်ငံသမိုင်း၏ ခေါင်းဆောင် မြန်မာသာမက ကမ္ဘာသူကမ္ဘာသားများ၏ ရင်ထဲတွင် ဗိုလ်ချုပ်အောင်ဆန်းဟု တွင်ကျန်ရစ်ခဲ့မည့် ကလေးငယ်လေးတစ်ဦးအား မကွေးတိုင်း၊ တောင်တွင်းကြီး ခရိုင်၊ နတ်မောက်မြို့၌ ဖခင် အမိန့်တော်ရ ရှေ့နေ ဦးဖာ နှင့် မိခင် ဒေါ်စု တို့မှ ၁၉၁၅- ခု၊ ဖေဖော်ဝါရီလ (၁၃)ရက်နေ့တွင် ဖွားမြင်ခဲ့ပါသည်။ ဇာတာအရ အမည်မှာ မောင်ထိန်လင်း ဖြစ်ပြီး ငယ်စဉ် ကပင် မောင်အောင်ဆန်းဟု အမည်တွင်ခဲ့သည်။ နတ်မောက်မြို့ ဆရာတော် ဦးသောဘိတ ကျောင်း၌ ငယ်စဉ်က ပညာသင်ခဲ့သည်။ ၁၉၂၈-ခုနှစ်တွင် ရေနံချောင်း အမျိုးသား အထက်တန်း ကျောင်းသို့ ပြောင်းရွှေ့ခဲ့ သည်။ ရေနံချောင်း အမျိုးသား အထက်တန်းကျောင်းမှပင် ၁၀-တန်းကို မြန်မာ၊ ပါဠိ ၂-ဘာသာ ဂုဏ်ထူးဖြင့် အောင်မြင် ခဲ့သည်။ ပညာရေးထူးချွန်သူ ဖြစ်၍ အထက်တန်း စကောလားရှစ်နှင့် ဦးရွှေခိုဆု ရရှိခဲ့သည်။ ထို့နောက်တွင် ရန်ကုန် တက္ကသိုလ်တွင် တက်ရောက်ပြီး ပညာဆက်လက်ဆည်းပူးခဲ့သည်။ ၁၉၃၅-၃၆ ပညာ သင်နှစ်မှ စ၍ ရန်ကုန် တက္ကသိုလ် ကျောင်းသားသမဂ္ဂ အမှုဆောင် အဖွဲ့ဝင် ဖြစ်လာသည်။

    ထို့နောက် ကျောင်းသားသမဂ္ဂ၏ အိုးဝေ မဂ္ဂဇင်းတွင် အယ်ဒီတာ ဖြစ်လာခဲ့သည်။  တာဝန်ခံ အယ်ဒီတာအဖြစ် ကိုအောင်ဆန်းကိုယ်တိုင်တည်းဖြတ်ထုတ်ဝေနေသော အိုးဝေမဂ္ဂဇင်း (အတွဲ – ၅၊ အမှတ် – ၁) တွင် အင်္ဂလိပ်ကဏ္ဍ ပိုင်း၌ ဦးညိုမြသည် ယမမင်းကလောင်အမည်ဖြင့် The Hell Hound At Large (ငရဲခွေးကြီး လွတ်နေသည်) အမည်ရှိ စာတိုလေးကြောင့် ရန်ကုန်တက္ကသိုလ် ကျောင်းအုပ်ကြီး ဒီဂျေစလော့စ် (D.J.Sloss) က ထိုပေးစာသည် တက္ကသိုလ် အာဏာပိုင်တစ်ဦးအားထိ ပါးပုတ်ခတ်သည်ဟု ယူဆသည်။ ထိုကြောင့် စာရေးသူအမည်ကို ဖော်ထုတ်ပေးရန် အယ်ဒီတာ ကိုအောင်ဆန်းအား တောင်းဆိုလိုက်သည်။ သို့သော် အယ်ဒီတာကိုအောင်ဆန်းက အယ်ဒီတာကျင့်ဝတ်ဝတ္တရားအရ ကလောင်အမည်ကို ဖွင့်ဟထုတ်ဖော်ပြောဆိုရန် ငြင်းပယ်လိုက်သည်။ ထိုအခါ အယ်ဒီတာကိုအောင်ဆန်းအား ကျောင်းမှ ထုတ်ပစ်ရန် တက္ကသိုလ်အာဏာပိုင်များ ကြံရွယ်နေကြောင်း သတင်းထွက်ပေါ် လာသည်။  ဤသို့ သမဂ္ဂနှင့် အိုးဝေမဂ္ဂဇင်း အယ်ဒီတာကို ကျောင်းမှ ထုတ်ပစ်လိုက်ခြင်းသည် ကျောင်းသားထု တစ်ရပ်လုံးကို စော်ကားခြင်းဟု သမဂ္ဂကယူဆသည။် ထို့ကြောင့် ၁၉၃၆-ခု၊ ဖေဖော်ဝါရီလ၂၅-ရက်နေ့တွင် ဒုတိယအကြိမ် ကျောင်းသား သပိတ်ကို သမဂ္ဂက ဦးဆောင် ၍ ကျောင်းသားများ တညီတညွတ်တည်း ဆင်နွှဲခဲ့ကြသည်။ သပိတ်တိုက်ပွဲပြီး သောအခါ တက္ကသိုလ်အာဏာပိုင်များက ကိုအောင်ဆန်းကို ကျောင်းပြန်နေခွင့်ပေးရသည်။ ကိုအောင်ဆန်းသည် ၁၉၃၆-၃၇ တွင် ဘီအေစီနီယာ တန်းကို ပြန်တက် ခဲ့သည်။

    ၁၉၃၆-ခု၊ သပိတ် အရေးတော်ပုံတွင် ဖွဲ့စည်းပေးခဲ့သော ဆာမြဘူး ကော်မတီ အစီရင်ခံစာ ထွက်လာသည်၊ အစီရင်ခံစာ ကို တကသမှ ကန့်ကွက် ခဲ့သည်။ ဒေါက်တာ ဘမော် အစိုးရ တက္ကသိုလ် အက်ဥပဒေကြမ်း ပြုလုပ်ရန် စီစဉ်သည် ကိုလည်း လက်မခံခဲ့ပေ။ ၁၉၃၆ – ၃၇ ပညာ သင်နှစ်တွင် ရန်ကုန် တက္ကသိုလ် ကျောင်းသားများ သမဂ္ဂ၏ ဒုတိယ ဥက္ကဋ္ဌ ဖြစ်လာသည်။

    ထို့နောက် ၁၉၃၈ – ၃၉ ခုနှစ်တွင် ကိုအောင်ဆန်းသည် ဗမာနိုင်ငံလုံးဆိုင်ရာ ကျောင်းသားသမဂ္ဂဥက္ကဌနှင့် ရန်ကုန် တက္ကသိုလ်သမဂ္ဂ ဥက္ကဌ အဖြစ်အရွေး ခံရသော်လည်း နှစ်ဆုံးအောင်ဆောင်ရွက်ခဲ့ခြင်း မရှိခဲ့ချေ။ နိုင်ငံရေးကို ဇောက်ချ လုပ်ရန် ရည်သန်နေပြီဖြစ်ရကား တို့ဗမာအစည်း အရုံးသို့ ၁၉၃၈ အောက်တိုဘာလ ၁ ရက်တွင် ၀င်ရောက်ခဲ့သည်။ ထိုအချိန်မှစပြီး သခင်အောင်ဆန်းအမည်တွင်လာခဲ့သည်။ အစည်းအရုံးဝင်ပြီး များမကြာမီမှာပင် အောက်တိုဘာလကုန် တွင် တို့ဗမာအစည်းအရုံး အမှုဆောင်အဖွဲ့ဝင်၏ခန့်ထားသော အထွေထွေအ တွင်းရေးမှူးဖြစ်လာသည်။ ၁၉၃၈ ခုနှစ်တွင် တက္ကသိုလ်မှ ထွက်ပြီး သခင် ကိုယ်တော်မှိုင်း ကြီးမှူးသော တို့ဗမာ အစည်းအရုံးသို့ ဝင်ရောက်၍ သခင်အောင်ဆန်း အဖြစ် နိုင်ငံရေး နယ်ပယ်သို့ ခြေစုံပစ် ဝင်ခဲ့သည်။ ၁၉၃၉ တွင် တို့ဗမာ အစည်းအရုံး၏ အတွင်းရေးမှူးအဖြစ် တင်မြှောက်ခြင်း ခံရသည်။

    ယင်းနောက် ၁၉၄၀-ခု၊ မတ်လ ၁၂ ရက်တွင် အိန္ဒိယ ရမ်းဂါးမြို့တွင်ကျင်းပမည့် အိန္ဒိယအအမျိုးသားကွန်ဂရက် ညီလာခံသို့ သခင်အောင်ဆန်းသည် သခင်သန်းထွန်း၊ သခင်ခင်အောင်၊ သခင်တင်မောင်(ပန်းတနော်)၊ ကိုထွန်းရှိန်၊ ကိုဗဟိန်း၊ သခင်အုန်းဖေ၊ သခင်အုန်းမြင့်(တိုးတက်ရေး) တို့နှင့်အတူတက်ရောက်ပြီး မေလ ၁-ရက်နေ့တွင် ရန်ကုန်မြို့သို့ ပြန်လည် ရောက်ရှိခဲ့သည်။ ၁၉၄၀၊ ဇွန် ၅-ရက် တွင် သခင်အောင်ဆန်းသည် ရန်ကုန်တက္ကသိုလ်အုပ်ချုပ်ရေး အဖွဲ့တွင် ပထမဆုံး ရန်ကုန် တက္ကသိုလ်ကျောင်းသားများ ကိုယ်စားလှယ်အဖြစ် ရွေးချယ်တ င်မြှောက်ခံရသည်။ ၁၉၄၀-ခု၊ ဇွန် ၁၇-ရက်နေ့ တွင် ဟသာင်္တခရိုင်၊ ဇလွန်မြို့တွင်ကျင်းပသော တို့ဗမာအစည်းအရုံးတရားပွဲတခုတွင် သခင်အောင်ဆန်းသည် ချင်းတောင်တန်း အကြောင်း ဟောပြောသောကြောင့် သခင်အောင်ဆန်းနှင့် ကျုံမငေး သခင်တင်မောင်တို့အား ကာကွယ်ရေးဥပဒေနှင့် ဖမ်းဆီးရန် ဟသာင်္တရာဇ၀တ်ဝန် မစ္စတာဇေဗီးယား (Mr.Xavier)က ၀ရမ်းထုတ်လိုက်သည်။ ကံအားလျော်စွာ ဗမာပုလိပ် အရာရှိတဦး၏ အကူအညီဖြင့် ဟသာင်္တ ခရိုင်မှ လွတ်မြောက်ကာ ရန်ကုန်မြို့တွင်းတွင် ပုန်းလျှိုးနိုင်ခဲ့သည်။ ထိုအတော အတွင်း နယ်ချဲ့အစိုးရ၏အ လိုတော်ရှိ ဖေဗီးယားကပင် ”သခင်အောင်ဆန်းအား ဖမ်းဆီးပေးနိုင်လျှင် ဆုငွေ ၅ ကျပ်ပေးမည်”ဟု ကြေညာလိုက်သည်။ ယင်းဆုငွေ ၅ ကျပ် ထုတ်ပြန်သည့် သတင်းကို ဇူလိုင်လ ၂-ရက်နေ့ထုတ် သတင်းစာများတွင် အသီးသီးပါရှိလာရာ သခင်အောင်ဆန်းကိုသာမက မြန်မာတမျိုးသားလုံးကိုပင် စော်ကားလိုက်သော ကြောင့် မြန်မာတစ်ပြည်လုံးကရှုံ့ချခဲ့သည်။ ထိုကြောင့် ယင်းဆုငွေကို ၁၉၄၀၊ သြဂုတ် ၂၀-ရက် တွင် ပြန်လည်ရုပ်သိမ်း ပေးခဲ့ရ သည်။

    သခင်အောင်ဆန်းသည် ဗြိတိသျှအစိုးရ၏ အဖမ်းမခံလိုပဲ ပြည်ပတွင်ထွက်ပြီး နိုင်ငံခြားအကူအညီရှာရန် ဆုံးဖြတ်ခဲ့သည်။ တရုတ်ကွန်မြူနစ်ပါတီနှင့် ဆက်သွယ်ရန် သခင်အောင်ဆန်းသည် တန်လွန်ရှောင်ဟူသော တရုတ်အမည်ခံယူပြီး လည်းကောင်း၊ သခင်လှမြိုင်သည် တန်ဆူတောင်ဟူသော တရုတ်အမည်ခံယူပြီး လည်းေ ကာင်း ၁၉၄၀၊ သြဂုတ် ၈ ရက်နေ့တွင် နော်ဝေးပိုင် ”ဟိုင်လီ” (Hai Lee) သဘောင်္ဖြင့်ရန်ကုန်မှထွက်ခွာလာခဲ့ရာ ၁၉၄၀၊ သြဂုတ် ၂၄ တွင် အမွိုင်ရှိ ကူလန်စုကျွန်း (Kulangsu Island) သို့ရောက်ရှိခဲ့သည်။ သခင်အောင်ဆန်း တို့သည် အမွိုင်မြို့တွင် တရုတ်ကွန်မြူနစ် ပါတီနှင့်အဆက်အသွယ်မရပဲသောင်တင်နေစဉ် မြန်မာနိုင်ငံရှိ ရဲဘော် များ၏ကြိုးပမ်းချက်အရ ဂျပန်နှင့် ဆက်သွယ်မိခဲ့ သည်။

    ဗိုလ်မှူးကြီး စူဇူကီး (မြန်မာအမည် ဗိုလ်မိုးကြိုး) သည် သခင်အောင်ဆန်းတို့အား အမွိုင်မှ ဂျပန်သို့ဆက်သွယ်ခေါ်ယူခဲ့ရာ ၁၉၄၀၊ နိုဝင်ဘာ ၁၂ တွင် ဂျပန်နိုင်ငံသို့ရောက်ရှိခဲ့သည်။ သခင်အောင်ဆန်းသည် ဂျပန်နိုင်ငံတွင် မြန်မာ့လွပ်လပ်ရေး လုပ်ငန်းစဉ်များ ညှိနှိုင်းဆောင်ရွက်ပြီးနောက် မြန်မာပြည်တွင်းရှိ ရဲဘော်ရဲဘက်များနှင့်တိုင်ပင်ရန် မြန်မာနိုင်ငံသို့ ရွှန်းတင်း မားရူးသင်္ဘောဖြင့်ရောက်ရှိပြီး ပြည်သူ့အရေးတော်ပုံပါတီဝင်များနှင့် မြန်မာ့လွတ် လပ်ရေးလုပ်ငန်းစဉ်များကို တိုင်ပင် ဆွေးနွေးခဲ့သည်။

    သခင်အောင်ဆန်းသည် ၁၉၄၁-ခု၊ မတ် ၁၀ တွင် ရွှန်းတင်းမာရူးသင်္ဘောဖြင့် ဂျပန်နိုင်ငံသို့အပြန်တွင် ရဲဘော် သုံးကျိပ် ပထမအသုတ်ဖြစ်သည့် သခင်လှဖေ (ဗိုလ်လကျာင်္)၊ သခင်ဗဂျမ်း (ဗိုလ်လရောင်)၊ သခင်အေးမောင် (ဗိုလ်မိုး)၊ ကိုထွန်းရှိန် (ဗိုလ်ရန်နိုင်)တို့ကို ခေါ်ဆောင်သွားခဲ့ရာ ၁၉၄၁၊ မတ် ၂၇ တွင် တိုကျိုမြို့သို့ရောက်ရှိခဲ့ သည်။ ထိုမှတဆင့် စစ်ပညာ သင်ရန် ၁၉၄၁-ခု၊ ဧပြီတွင် ဟိုင်နန်ကျွန်းသို့သွားရောက်ခဲ့သည်။ ဟိုင်နန်ကျွန်းနှင့် ထိုင်ဝမ်ကျွန်းတွင် စစ်ပညာများ သင်ကြားခဲ့သည်။ ထို့နောက် ထိုင်းနိုင်ငံ၊ ဘန်ကောက်မြို့တွင် ၁၉၄၁၊ ဒီဇင်ဘာ ၂၆ တွင် လက်မောင်းသွေးဖောက်ပြီး သစ္စာပြုကာ ဗမာ့လွပ်လပ်ရေးတပ်မတော် (ဘီအိုင်အေ) ကို ၁၉၄၁၊ ဒီဇင်ဘာ ၂၇ တွင်ဖွဲ့စည်းခဲ့သည်။ ဗမာ့လွတ်လပ်ရေး တပ်မတော် စစ်ဌာနချုပ်နှင့် မော်လမြိုင်စစ်ကြောင်းတွင် ဒုတိယစစ်သေနာပတိအဖြစ်ဖြင့် မြန်မာနိုင်ငံ အတွင်းချီတက်ကာ ဗြိတိသျှတို့ကို တိုက်ခိုက်ခဲ့သည်။

    ၁၉၄၂-ခု၊ ဇူလိုင် ၂၇ တွင် ဂျပန်တို့က ဘီအိုင်အေကိုဖျက်သိမ်းပြီး ဗမာ့ကာကွယ်ရေးတပ်မတော် (ဘီဒီအေ) ဖွဲ့စည်းသော အခါ ဗိုလ်မှူးကြီး အဆင့်ဖြင့် ဘီဒီအေ၏ စစ်သေနာပတိအဖြစ်ဆောင်ရွက်ခဲ့သည်။ ၁၉၄၃ မတ်တွင် ဗိုလ်ချုပ်ရာထူး တိုးမြှင့်ပေးခြင်းခံရသည်။

    ဂျပန်အစိုးရ၏ ဖိတ်ကြားချက်အရ ၁၉၄၃-ခု၊ မတ် ၁၁ တွင် ဒေါက်တာဘမော်၊ ဒေါက်တာသိမ်းမောင်၊ သခင်မြတို့နှင့် အတူဂျပန်နိုင်ငံသို့ သွားရောက်ခဲ့သည်။ ထိုနှစ် မတ် ၂၂ တွင် တိုကျိုမြို့တွင် ဂျပန်ဘုရင်ဟီရိုဟီတို၏ တက်နေ၀န်းတံဆိပ် (တတိယအဆင့်)နှင့် စလွယ်လတ်ကို ချီးမြှင့်ခံခဲ့သည်။ ၁၉၄၃၊ သြဂုတ် ၁ ဂျပန်ခေတ်တွင် မြန်မာနိုင်ငံအစိုးရ ဖွဲ့ စည်းသောအခါ ကာကွယ်ရေးဝန်ကြီးဌာန ၀န်ကြီး (စစ်ဝန်ကြီး) အဖြစ် တာဝန်ယူခဲ့သည်။

    ဖက်ဆစ်ဂျပန်တို့သည် မြန်မာပြည်သူတို့အား ဖိနှိပ်အုပ်ချုပ်ခဲ့သည့်အတွက် ဗိုလ်ချုပ်အောင်ဆန်းဦးဆောင်ပြီး ဖက်ဆစ် ဂျပန်တို့ကို တော်လှန် ရန်ပြင်ဆင်ခဲ့သည်။ ဗိုလ်ချုပ်အောင်ဆန်းသည် ၁၉၄၄၊ သြဂုတ် ၄ မှ ၇ ရက်နေ့အထိ ပဲခူးမြို့၊ စံပြတပ်ရင်းတွင် ဗမာပြည်ကွန်မြူနစ်ပါတီကိုယ်စားလှယ် သခင်စိုး၊ သခင်သန်းထွန်း၊ သခင်ဗဟိန်းတို့နှင့် တွေ့ဆုံဆွေးနွေး ကာ ဖက်ဆစ်တိုက်ဖျက်ရေး အဖွဲ့ဖွဲ့စည်းရေးအတွက် အစည်းအဝေးခေါ် ယူခဲ့သည်။ ထိုစဉ်အတွင်း ဗိုလ်ချုပ်အောင်ဆန်း အား ၁၉၄၄၊ စက်တင်ဘာ ၄ တွင်ရန်ကုန်မြို့တွင် ဂျပန်ဘုရင် ဟီရိုဟီတို၏ မွန်မြတ်သောရတနာ (ပထမအဆင့်) ဘွဲ့တံဆိပ်ကို ချီးမြှင့်ခြင်းခံရသည်။ ၁၉၄၅၊ မတ် ၁ မှ ၃ အထိ ရန်ကုန်မြို့မှ ကန်တော်ကြီးပတ်လမ်းနှင့် ဦးထွန်းမြတ်လမ်းထောင့်ရှိ ဗိုလ်ချုပ်အောင် ဆန်းနေအိမ်တွင် ဖက်ဆစ်ဂျပန် တို့ကို တော်လှန်တိုက်ခိုက်ရန် အစီအစဉ်များ ချမှတ်ခဲ့သည်။

    ၁၉၄၅၊ မတ် ၂၇ တွင် ဖက်ဆစ်ဂျပန်တော်လှန်ရေးစတင်သောအခါ ရှေ့တန်းစစ်ဌာနချုပ်တွင် တာဝန်ယူကာ ဖက်ဆစ် ဂျပန်တို့ကို တော်လှန်တိုက်ခိုက်ခဲ့သည်။ ၁၉၄၅၊ မေ ၁၆ တွင် မိတ္ထီလာမြို့တွင် ဗြိတိသျှ ဗိုလ်ချုပ် ဆာဝီလျံစလင်း (တချိန်တွင် ဖီးမာရှယ်ဖြစ်လာသူ) နှင့် တွေ့ဆုံဆွေးနွေးခဲ့သည်။

    ၁၉၄၅ မေ ၁၉ တွင် မိတ္ထီလာမှ ရန်ကုန်သို့ လေယာဉ်ဖြင့်ရောက်ရှိခဲ့သည်။ ၁၉၄၅၊ မေ ၁၉ တွင်ကျင်းပသော နေသူရိန် ညီလာခံတွင် သဘာပတိအဖြစ် ဆောင်ရွက်ခဲ့သည်။ ထိုနေ့မှာပင် ဖက်ဆစ်တိုက်ဖျက်ရေး အဖွဲ့ချုပ် ဥက္ကဌအဖြစ် ရွေးကောက်တင်မြှောက်ခြင်းခံရသည်။

    ဗမာ့တပ်မတော်အရေးနှင့် ပတ်သက်ပြီး ၁၉၄၅၊ စက်တင်ဘာ ၇ တွင် ကန္ဒီသဘောတူညီချက်ကို လက်မှတ်ရေး ထိုးခဲ့သည်။ အရှေ့တောင်အာရှ မဟာမိတ် စစ်သေနာပတိချုပ် လော့ဒ်မောင့်ဘက်တန်က ဗိုလ်ချုပ်အောင်ဆန်းအား ဗမာ့တပ်မတော်တွင် ဗိုလ်မှူးချုပ်ရာထူးဖြင့် ဒုတိယစစ် ဆေးရေးအရာရှိချုပ်အဖြစ် ခန့်အပ်မည်ဟု ကမ်းလှမ်းခဲ့သည်။ ဗိုလ်ချုပ်အောင်ဆန်းသည် တပ်မတော်သား ဘ၀ကိုလို လားသော်လည်း သမိုင်းပေး တာဝန်ဖြစ်သည့် မပြီးဆုံးသေးသော မြန်မာ့ လွတ်လပ်ရေးလုပ်ငန်းကို ဆက်လက်ဆောင်ရွက်ရန် ၁၉၄၅၊ အောက်တိုဘာ ၂၇ တွင် မျိုးချစ်ဗမာ့တပ်မတော်၏ ဗိုလ်ချုပ်ရာထူးမှနုတ်ထွက်ခဲ့ပြီး နိုင်ငံရေးနယ်ပယ် သို့ပြန်လည်ဝင်ရောက်ခဲ့သည်။

    မြန်မာနိုင်ငံဘုရင်ခံ ဆာဒေါ်မန်စမစ်ကဖဆပလအား အမှုဆောင်ကောင်စီ (၀န်ကြီးအဖွဲ့)တွင် ပါဝင်ရန် ဖ်ိတ်ခေါ် ခဲ့သော်လည်း ဗိုလ်ချုပ် အောင်ဆန်းဦးဆောင်သည့် ဖဆပလအဖွဲ့ချုပ်က မိမိတို့တောင်းဆိုချက်များ မ ရသောေ ကြာင့် အမှုဆောင်ကောင်စီသို့မ၀င်ခဲ့ပေ။ ဗိုလ်ချုပ်အောင်ဆန်းဦးဆောင်သည့် ဖဆပလအဖွဲ့သည် မြန်မာပြည်သူလူထု၏ အင်အားဖြင့် မြန်မာ့လွပ်လပ်ရေး တိုက်ပွဲကို ဆက်လက် ဆင်နွှဲခဲ့သည်။ ၁၉၄၅၊ ဒီဇင်ဘာ ၁ တွင် ဗိုလ်ချုပ်အောင်ဆန်းသည် စစ်သေနာ ပတိအဖြစ် တာဝန်ယူပြီး ပြည်သူ့ရဲဘော်တပ်ဖွဲ့ကို ဖွဲ့စည်းခဲ့သည်။ ၁၉၄၆၊ ဇန်န၀ါရီတွင်ကျင်းပသော ဖဆပလ ပထမဆုံးပြည်လုံးကျွတ်ညီလာခံတွင် ဗိုလ်ချုပ်အောင်ဆန်းသည် ဖဆပလ ဥက္ကဌအဖြစ် ပြန် လည်ရွေးကောက်တင်မြှောက် ခံရသည်။

    မြန်မာနိုင်ငံဘုရင်ခံ ဆာဒေါ်မန်စမစ်၏အုပ်ချုပ်ရေးကာလတွင် မြန်မာပြည်သူတို့၏မကျေနပ်မှု ပိုမိုကြီးထွားလာကာ နိုင်ငံရေးမငြိမ်မသက်ဖြစ် လာခဲ့သည်။ ထိုအခါ ဗြိတိသျှအစိုးရက ဆာဒေါ်မန်စမစ်ကို အင်္ဂလန်နိုင်ငံ သို့ပြန်ခေါ်ကာ မြန်မာနိုင်ငံဘုရင်ခံသစ် ဆာဟူးဘတ်ရန့်စ်ကို စေလွှတ်ခဲ့သည်။

    ဆာဟူးဘတ်ရန့်စ်သည် အမှုဆောင်ကောင်စီတွင်ပါဝင်ရန် ဖဆပလက်ို ဖိတ်ခေါ်ခဲ့သည်။ ၁၉၄၆၊ စက်တင်ဘာ ၂၆ တွင် ဗိုလ်ချုပ်အောင်ဆန်းသည် အမှုဆောင်ကောင်စီ (အမျိုးသားယာယီအစိုးရ)တွင် ဒုတိယသဘာပတိ (၀န်ကြီးချုပ် အဖြစ်ဆောင်ရွက်ခဲ့ပြီး ကာကွယ်ရေးဌာနနှင့် နိုင်ငံခြားရေးဌာနများကိုပါ တာဝန်ယူခဲ့သည်။

    ဖဆပလအဖွဲ့ချုပ်သည် အမှုဆောင်ကောင်စီတွင်ပါဝင်လာပြီးနောက် ၁၉၄၆၊ နိုဝင်ဘာ ၈ တွင် ဗြိတိသျှအစိုးရ ထံ မြန်မာ နိုင်ငံကို တစ်နှစ်အတွင်း လွတ်လပ်ရေးပေးရန် တောင်းဆိုခဲ့သည်။

    ဖဆပလ၏တောင်းဆိုချက်ကိုတုံ့ပြန်သည့်အနေဖြင့် အင်္ဂလိပ်နန်းရင်းဝန်မစ္စတာ အက်တလီက ၁၉၄၆၊ ဒီဇင်ဘာ ၂၀ တွင်ဗြိတိသျှပါလီမန်အောက် လွှတ်တော်တွင် မြန်မာ ကိုယ်စားလှယ် အဖွဲ့ကို အင်္ဂလန်ပြည်၊ လန်ဒန်မြို့သို့ဖိတ်ခေါ်ဆွေး နွေးမည်ဟုကြေငြာခဲ့သည်။ ဗြိတိသျှအစိုးရ၏ဖိတ်ကြားချက်အရ ဗိုလ်ချုပ်အောင်ဆန်း ဦးဆောင်သည့် မြန်မာကိုယ်စားလှယ် အဖွဲ့သည် အင်္ဂလန်ပြည်သို့သွားရောက်ပြီး ဗြိတိသျှ အစိုးရ ကိုယ်စားလှယ်များနှင့် တွေ့ဆုံဆွေးနွေးကာ ၁၉၄၇၊ ဇန်န၀ါရီ ၂၇ တွင် ”အောင်ဆန်း-အက် တလီစာ ချုပ်”ကို ချုပ်ဆိုခဲ့သည်။

    ထို့နောက် ဗိုလ်ချုပ်အောင်ဆန်းသည် ပြည်မနှင့်တောင်တန်းဒေသများအပါအ၀င် ပေါင်းစည်းပြီး မြန်မာ့လွတ်လပ်ရေး ရယူနိုင်ရန် ၁၉၄၇၊ ဖေဖော်ဝါရီ ၁၂ တွင် ရှမ်းပြည်နယ်မြောက်ပိုင်း၊ တောင်ပိုင်းနှင့် အရှေ့ပိုင်းတို့၏ လမ်းဆုံရာ လဲချားစော်ဘွား၏ နယ်မြေအတွင်းရှိ ပင်လုံမြို့ကလေးတွင် တိုင်းရင်းသားကိုယ်စားလှယ် ၂၃ ဦးတို့နှင့်အတူ သမိုင်းဝင် ”ပင်လုံစာချုပ်”ကို ချုပ်ဆိုခဲ့ပေသည်။ ၁၉၄၇၊ ဧပြီ ၉ တွင် ကျင်းပသောတိုင်းပြည်ပြု လွှတ်တော်ရွေးကောက်ပွဲတွင် ဖဆပလအမတ်လောင်းအဖြစ် ရန်ကုန်မြို့မ (လမ်းမတော်) မဲဆန္ဒနယ်မြေမှ ၀င်ရောက်အရွေးခံပြီး လွှတ်တော်အမတ် အဖြစ် ပြိုင်ဘက်မရှိရွေးကောက်တင်မြှောက်ခံခဲ့ရသည်။ ထို့နောက် ၁၉၄၇၊ မေ ၁၉ မှ ၂၃ ထိကျင်းပသော ဖဆပလ ပဏာမပြင်ဆင်မှုညီလာခံသို့ တက်ရောက်ခဲ့သည်။ ၁၉၄၇၊ ဇွန် ၁၆ တွင် တိုင်းပြည်ပြုလွှတ်တော်ညီလာခံတွင် ပြည်ထောင်စုမြန်မာနိုင်ငံတော်ဖွဲ့စည်း အုပ်ချုပ်ပုံ အခြေခံဥပဒေရေးဆွဲရာတွင် ပါဝင်ရမည့်အခြေခံမူများကို တင်သွင်းခဲ့ သည်။

    ဗိုလ်ချုပ်အောင်ဆန်းသည် ၁၉၄၂၊ စက်တင်ဘာ ၆ တွင် မြောင်းမြမြို့နေ ဦးဖိုးညှင်း၊ ဒေါ်ဖွာစုတို့၏ သားသမီး ၁၀ ဦးအနက် အဋ္ဌမမြောက် သမီးဖြစ်သူ သူနာပြုဆရာမ မခင်ကြည် (နောင်တွင် မဟာသီရိသုဓမ္မဘွဲ့ရ၊ အိန္ဒိယနိုင်ငံ လုံးဆိုင်ရာနှင့် နီပေါနိုင်ငံဆိုင်ရာ မြန်မာသံအမတ်ကြီး)နှင့် ထိမ်းမြားလက်ထပ်ပြီး သား (၂) ဦး၊ သမီး (၂) ဦး၊ [အောင်ဆန်းဦး၊ အောင်ဆန်းလင်း၊ အောင်ဆန်းစုကြည်၊ သမီးထွေး (ငယ်စဉ်ကကွယ်လွန်)] ထွန်းကားခဲ့သည်

    မြန်မာနိုင်ငံကို လွတ်လပ်ရေး ပေးရာတွင် ဗြိတိသျှတို့က တောင်တန်း ဒေသများကို ချန်ထား လိုသောကြောင့် ဗိုလ်ချုပ် အောင်ဆန်းက တောင်တန်း ဒေသ ကိုပါ တပါတည်း လွတ်လပ်ရေး ပေးရန် တောင်းဆို ခဲ့ပြီး၊ တောင်တန်း ဒေသနှင့် မြန်မာပြည်ပ ပေါင်းစည်းအတွက် အားသွန်ကြိုးပမ်းခဲ့ပြန်သည်။ ဗိုလ်ချုပ်အောင်ဆန်း၏ ကြိုးစား ရိုးသားမှုကြောင့် တောင်တန်းဒေသ တိုင်းရင်းသား ခေါင်းဆောင်များ၏ ယုံကြည် ကိုးစားမှုကိုပါ ရရှိခဲ့ပြီး၊ မြန်မာနိုင်ငံ သမိုင်းတွင် အရေးပါသော တိုင်းရင်းသား ပေါင်းစုံ သွေးစည်း ညီညွတ်ရေး သင်္ကေတ ဖြစ်ခဲ့သည့် ပင်လုံ စာချုပ် ချုပ်ဆို နိုင်ခဲ့သည်။ ထိုလုပ်ငန်းများ ပြီးစီး၍ လွတ်လပ်ရေး ရရန် သေချာသော အခြေအနေသို့ ရောက်သော အခါ လွတ်လပ်သော မြန်မာနိုင်ငံ၏ ဖွဲ့စည်းပုံ အခြေခံ ဥပဒေ ရေးဆွဲကြမည့် တိုင်းပြု ပြည်ပြု လွတ်တော် အတွက် ရွေးကောက်ပွဲ ကြီးကို ၁၉၄၇ ခု၊ ဧပြီလတွင် အောင်မြင်စွာ ကျင်းပ နိုင်ခဲ့သည်။ ယင်းသို့ မြန်မာ့ လွတ်လပ်ရေး ဗိမာန်ကြီး ပြီးခါနီး အချိန် လွတ်လပ်သော မြန်မာနိုင်ငံ တည်ထောင်ရေး အားသွန် ကြိုးပမ်းနေဆဲတွင် ထို့နောက် ၁၉၄၇၊ ဇူလိုင် ၁၉ ရက်၊ နံနက် ၁၀း၃၅ နာရီတွင် အတွင်းဝန်များရုံး (ယခု ၀န်ကြီးများရုံး)တွင် ၀န်ကြီးများ အစည်းအဝေးကျင်းပနေစဉ် မျိုးချစ်ပါတီခေါင်းဆောင်နှင့် နန်းရင်းဝန်ဟောင်း နယ်ချဲ့ လက်ပါးစေ ဂဠုန်ဦးစော၏ နောက်လိုက် လူသတ်သမားတို့၏လုပ်ကြံသတ်ဖြတ်မှုကြောင့် အခြားသော လုပ်ဖော်ကိုင်ဖက် တိုင်းပြည် ခေါင်းဆောင် အာဇာနည်ကြီးများ နှင့်အတူ ကျဆုံးခဲ့ရသည်။

    ကျဆုံးခဲ့သော ဗိုလ်ချုပ်အောင်ဆန်း၏ ရုပ်ကလာပ်ကို ၁၉၄၈၊ ဧပြီ ၁၁ တွင် အခြားဝန်ကြီးများနှင့်အတူ ဂျူဗလီဟောမှ အာဇာနည်ကုန်းသို့ပို့ဆောင်ဂူသွင်းသင်္ဂြိုဟ်ခဲ့သည်။ ဗိုလ်ချုပ်အောင်ဆန်းကျဆုံးပြီး ၁၁ နှစ်အကြာ ၁၉၅၉၊ မတ် ၂၇ တွင် မြန်မာ့လွပ်လပ်ရေးကြိုးပမ်းမှုနောက်ဆုံးကဏ္ဍအထိ ကိုယ်ကျိုးမငဲ့ဘဲ တိုင်းပြည်နှင့်လူမျိုး လွတ်လပ်ရေးအတွက် သက်စွန့်ဆံဖျား ကြိုးပမ်းဆောင်ရွက်ခဲ့မှုကြောင့် နိုင်ငံတော်က ကျေးဇူးဆပ်ခြင်းအထိမ်းအမှတ်အဖြစ် လွတ်လပ်ရေး မော်ကွန်းဝင် (ပထမဆင့်) (Star of the Revolution) တံဆိပ်များချီးမြှင့်ဂုဏ်ပြုခြင်းခံခဲ့ရသည်။

     

    –  အာဇာနည်များ အထ္ထုပ္ပတ္တိ – စာပေဗိမာန်။

    –  ကိုလိုနီခေတ် မြန်မာ့ သမိုင်း အဘိဓာန် – မြဟန်၊ ၁၉၉၉ တတိယ အကြိမ်ထုတ်၊ တက္ကသိုလ်များ သမိုင်း သုတေသန ဌာန၊ ဂျီအီးစီ (ပညာရေး) သမဝါယမ အသင်း။

    ဗိုလ်ချုပ် အောင်ဆန်း ဘဝမှတ်တမ်း ဓါတ်ပုံများ ကြည့်လိုလျှင် Click Here