Tag: German Muslim

အောက်တိုဘာ ၁၊ ၂၀၁၈
M-Media

– ဂျာမနီနိုင်ငံက အကြီးဆုံး ဗလီဝတ်ကျောင်းတော်ကြီးကို စနေနေ့က ဖွင့်လှစ်ခဲ့ပြီး တူရကီသမ္မတ အာဒိုဂန် တက်ရောက်ခဲ့ပါတယ်။

‘ကိုးလုံးဂျာမေဗလီ’ လို့ အမည်တွင်တဲ့ အဲဒီဗလီဟာ ကိုးလုံးမြို့မှာ တည်ရှိတာဖြစ်ပြီး ယူရို ၁၇ သန်းကနေ သန်း ၂၀ အထိ အကုန်အကျခံ ဆောက်လုပ်ကာ ၂၀၁၇ ခုနှစ်မှာ ပြီးစီးခဲ့တာဖြစ်ပါတယ်။

ရန်ပုံငွေတွေကို တူရကီအစိုးရ သာသနာရေးဝန်ကြီးဌာန လက်အောက်ခံ Diyanet İşleri Türk İslam Birliği (DITIB) အဖွဲ့က မတည်ပြီး မွတ်စလင်အသင်းအဖွဲ့ ၈၈၄ ဖွဲ့က ထည့်ဝင်လှူဒါန်းခဲ့ကြပါတယ်။ ကိုးလုံးမြို့က ‘စိန့်သီယိုဒို’ ကက်သလစ်ဘုရားကျောင်းကလည်း ငွေကြေး ထည့်ဝင်လှူဒါန်းခဲ့ပါတယ်။

ဗလီဝတ်ကျောင်းတော်ရဲ့အကျယ်ဟာ စကွဲယားမီတာ ၄၈,၀၀၀ ရှိပြီး၊ ၅၅ မီတာမြင့်တဲ့ မင်နာရတ်မျှော်စင် ၂ ခုလည်း ပါဝင်ပါတယ်။ ဗလီဝတ်ကျောင်းတော်ရဲ့ ဗိသုကာလက်ရာဟာ ကွန်ကရစ်နဲ့ မှန်တို့ ပေါင်းစပ်ထားတဲ့ ခေတ်ပေါ်လက်ရာတစ်ခုဖြစ်ပြီး ခရစ်ယာန်ဘုရားကျောင်းတွေကို ဒီဇိုင်းဆွဲပေးတဲ့ နာမည်ကျော် ဗိသုကာပညာရှင် Gottfried Böhm နဲ့ သားဖြစ်သူ Paul Böhm တို့က ဒီဇိုင်းဆွဲပေးခဲ့တာ ဖြစ်ပါတယ်။

ဗလီမှာ ဈေးဆိုင်တန်း၊ စာသင်ခန်းမတွေ၊ ၀တ်ပြုဆောင်၊ စာကြည့်တိုက်၊ စားသောက်ဆိုင်တွေ ပါဝင်ပြီး တစ်ကြိမ်ကို လူပေါင်း ၂ ထောင်ကနေ ၄ ထောင်အထိ ၀တ်ပြုဆုတောင်းနိုင်မှာ ဖြစ်ပါတယ်။ ဗလီဝတ်ကျောင်းတော်အတွင်း အစ္စလာမ်ဘာသာဝင်မဟုတ်သူတွေ လာရောက်လည်ပတ် လေ့လာပြီး၊ အနားယူနိုင်အောင်လည်း စီစဉ်ပေးထားပါတယ်။

ဒီဗလီဝတ်ကျောင်းတော် ဆောက်လုပ်ဖို့ ဂျာမနီအစိုးရထံ ခွင့်ပြုချက်တောင်းခံစဉ်က ဆန့်ကျင်မှုတွေ ကြုံတွေ့ခဲ့ရပြီး ဆန္ဒပြမှုတွေလည်း ရှိခဲ့ပါတယ်။

‘ကိုးလုံးဂျာမေဗလီ’ ဟာ ဥရောပက အကြီးဆုံး ဗလီဝတ်ကျောင်းတော်တွေထဲက တစ်ခုလည်း ဖြစ်ပါတယ်။

ဂျာမနီနိုင်ငံမှာ အစ္စလာမ်ဘာသာကို သက်ဝင်ယုံကြည်သူ အရေအတွက်ဟာ ၄ သန်းကျော် ရှိတယ်လို့ ခန့်မှန်းထားပြီး တာ့က်လူမျိုးတွေက အများဆုံးဖြစ်ပါတယ်။

Ref: Aljazeera, Wiki

ဇန်န၀ါရီ ၂၄၊ ၂၀၁၈
M-Media

– ဂျာမနီက မွတ်စလင်ဆန့်ကျင်ရေး နာမည်ကြီး လက်ယာစွန်းပါတီ AfD က ထိပ်တန်း နိုင်ငံရေးသမားတစ်ယောက်ဟာ အစ္စလာမ်ဘာသာကို ပြောင်းလဲသက်ဝင်ယုံကြည်ခဲ့ပြီး တာဝန်ယူထားတဲ့ ရာထူးကနေလည်း နှုတ်ထွက်သွားတယ်လို့ ပါတီက အတည်ပြု ပြောကြားလိုက်ပါတယ်။

အာသာ ၀ဂ်နာဆိုသူဖြစ်ပြီး နိုင်ငံရှေ့ပိုင်း Brandenburg ပြည်နယ်မှာ အခြေစိုက်တဲ့ ဒီ လက်ယာပါတီမှာ အဓိကအဖွဲ့ဝင်တစ်ဦး ဖြစ်ပါတယ်။

ဂျာမနီနိုင်ငံပိုင်သတင်းဌာန Deutsche Welle က ၀ဂ်နာဟာ ပုဂ္ဂိုလ်ရေး အကြောင်းအရင်းတွေကြောင့် နှုတ်ထွက်သွားတာဖြစ်တယ်လို့ ပါတီပြောရေးဆိုခွင့်ရှိသူက အတည်ပြုကြောင်း ဖော်ပြခဲ့ပါတယ်။

ဒီကိစ္စနဲ့ပတ်သက်ပြီး ဂျာမနီ နေ့စဉ်သတင်းစာ Tagesspiegel က ၀ဂ်နာကို မေးမြန်းရာမှာ ‘ဒါဟာ ကျွန်တော့်ရဲ့ ကိုယ်ပိုင်ကိစ္စပါ’ လို့ ပြန်လည်ဖြေကြားခဲ့ပါတယ်။

Brandenburg ပြည်နယ် AfD ပါတီ ကော်မတီမှာ ၀ဂ်နာဟာ ခရစ်ယာန်ဘုရားကျောင်းတွေ၊ ဘာသာရေးအဖွဲ့အစည်းတွေနဲ့ပတ်သက်လို့ အာရုံစိုက်လုပ်ဆောင်ခဲ့တာ ဖြစ်ပါတယ်။

၂၀၁၇ ခုနှစ် စက်တင်ဘာ ရွေးကောက်ပွဲမှာ AfD ဟာ သမိုင်းဝင်အောင်ပွဲအဖြစ် ထောက်ခံမဲ ၁၂.၆ ရာခိုင်နှုန်း ရရှိခဲ့ပြီး ဂျာမနီလွှတ်တော်မှာ ပထမဆုံးအကြိမ် ပါဝင်နိုင်ခဲ့ကာ နီလွှတ်တော်မှာ တတိယမြောက် အင်အားအကြီးဆုံးပါတီ ဖြစ်လာပါတယ်။

ပါတီမှာ အရေးပါသူတစ်ဦးဖြစ်တဲ့ ၀ဂ်နာဟာ ယခင်က ဂျာမနီမှာ အစ္စလာမ်ဘာသာဝင်တွေ ရှိနေတာကို ပြင်းပြင်းထန်ထန် ဆန့်ကျင်ကန့်ကွက်ခဲ့သူ ဖြစ်ပါတယ်။

ဝဂ်နာ အစ္စလာမ်ဘာသာကို ပြောင်းလဲသက်ဝင်ကာ ရာထူးကနေနှုတ်ထွက်ကြောင်း ဂျာမနီပြည်သူတွေဆိုရှယ်မီဒီယာတွေမှာ ကျယ်ကျယ်ပြန့်ပြန့် ရေးသားခဲ့ပြီးတဲ့နောက် Deutsche Welle သတင်းဌာနက ပါတီတာဝန်ရှိသူတွေကို မေးမြန်းပြီး အတည်ပြုခဲ့တာ ဖြစ်ပါတယ်။

Ref: Aljazeera

ဇွန် ၁၈၊ ၂၀၁၇
M-Media

– အစ္စလာမ်အမည်ကို အသုံးချပြီး စက်ဆုပ်ဖွယ်ရာ လုပ်ရပ်တွေကို လုပ်ဆောင်နေတဲ့ အကြမ်းဖက်အဖွဲ့အစည်းတွေနဲ့ အကြမ်းဖက်ဝါဒကို ရှုတ်ချတဲ့အနေနဲ့ ဂျာမနီက မွတ်စလင်တွေဟာ ကိုးလုံးမြို့မှာ ချီတက်ဆန္ဒထုတ်ဖော်မှုတစ်ခု ပြုလုပ်ခဲ့တယ်လို့ သိရပါတယ်။

မနေ့က ပြုလုပ်ခဲ့တာဖြစ်ပြီး လူပေါင်း ၁၀၀၀ ကျော်လောက်ပါဝင်တဲ့ လူအုပ်ကြီးဟာ “အကြမ်းဖက်မှုကို အတူတကွဆန့်ကျင်ကြ” “အမုန်းတရားက ကမ္ဘာကြီးကို ငရဲဖြစ်စေတယ်” “လူတိုင်းအတွက် မေတ္တာထားပါ။ အမုန်းမပွားပါနဲ့” “မွတ်စလင်တွေဟာ လူ့အသက်တွေကို ကာကွယ်တယ်။ မသတ်ဖြတ်ဘူး” စတဲ့ ပိုစတာတွေကို ကိုင်ဆောင်ခဲ့ကြပါတယ်။

Not With Us လို့ အမည်ပေးထားတဲ့ အဲဒီ ချီတက်ဆန္ဒထုတ်ဖော်ပွဲကို မွတ်စလင်အဖွဲ့အစည်းတွေ စုပေါင်းဆောင်ရွက်တာဖြစ်ပါတယ်။

“သူတို့ရဲ့ လုပ်ရပ်တွေကို အစ္စလာမ်ရဲ့ခေါင်းစဉ်အောက်ကို အခြေအမြစ်မရှိ သွတ်သွင်းလာတဲ့ လူတွေရဲ့ တိုက်ခိုက်မှုတွေဟာ မကြာခဏဆိုသလို ဖြစ်လာပါတယ်။ သာသနာက အသိအမှတ်မပြုထားတဲ့ အရာတွေနဲ့ ကျွန်တော်တို့ သာသနာဟာ အလွဲသုံးစားလုပ်ခံနေရတယ်။ သိက္ခာချခံနေရတယ်၊ စော်ကားခံနေရတယ်။ ပုံဖျက်ခံနေရပါတယ်။ အကြမ်းဖက်မှုကို ဆန့်ကျင်ကြောင်း ကျွန်တော်တို့ ခိုင်ခိုင်မာမာ ပြသကြပါစို့” လို့ ဒီ ဆန္ဒထုတ်ဖော်မှုကို စီစဉ်သူတွေက သူတို့ရဲ့ ၀ဘ်ဆိုက်စာမျက်နှာမှာ ရေသားထားပါတယ်။

တိုင်းပြည်ရဲ့ အကြီးဆုံး မွတ်စလင်အဖွဲ့အစည်းတစ်ခုဖြစ်တဲ့ တူရကီ-အစ္စလာမ်သမဂ္ဂကတော့ ဒီလှုပ်ရှားမှုမှာ ပါဝင်ဖို့ ငြင်းဆိုခဲ့ပြီး ဒီလုပ်ရပ်က နိုင်ငံတကာ အကြမ်းဖက်ဝါဒဟာ မွတ်စလင်တွေရဲ့ ပြဿနာသာဖြစ်တယ်ဆိုတဲ့ မှားယွင်းတဲ့ အသိပေးမှုမျိုး ဖြစ်မှာစိုးတဲ့အတွက်ကြောင့် ဖြစ်တယ်လို့ ပြောကြားခဲ့ပါတယ်။

အကြမ်းဖက်ဝါဒကို ဆန့်ကျင်ရှုပ်ချတဲ့ မွတ်စလင်တွေရဲ့ ဒီလှုပ်ရှားမှုကို ဂျာမနီနိုင်ငံရေးသမား တော်တော်များများကလည်း ထောက်ခံခဲ့ပါတယ်။

အခုသီတင်းပတ်အစောပိုင်းကလည်း သြစတြီးယားနိုင်ငံက ရှေ့ဆောင်အီမာမ် ၃၀၀ လောက်ဟာ ကြေငြာချက်တစ်စောင် ထုတ်ပြန်ခဲ့ပြီး IS အဖွဲ့ဟာ အစ္စလာမ်သာသနာကို အိုးမည်းသုတ်နေတဲ့အဖွဲ့လို့ ပြောကြားခဲ့ပါတယ်။

သြစတြီးယား အစ္စလာမ်သာသနာရေးရာ အဖွဲ့ (IGGO) က လက်မှတ်ရေးထိုးထုတ်ပြန်တဲ့ အဲဒီကြေငြာချက်မှာ ကုရ်အာန်ကျမ်းတော်မြတ်က ပါဒတော် “အပြစ်မဲ့သူတစ်ယောက်ကို သတ်ဖြတ်ခြင်းဟာ လူသားအားလုံးကို သတ်ဖြတ်သည်မည်၏” ကို ကိုးကားပြီး အကြမ်းဖက်ဝါဒကို ရှုတ်ချကြောင်း ဖော်ပြထားပါတယ်။

Ref: Independent