အောက်တိုဘာ ၁၉ ၊ ၂၀၁၄
M-Media
– တောင်အမေရိက ဘောလုံးပြိုင်ပွဲတစ်ခုတွင် ပီးရူးကလပ် Cesar Vallejoမှ ဂိုးသမားမှာ ပင်နယ်တီ ၄ လုံးအား ကာကွယ်နိုင်ပြီး ၎င်းကိုယ်တိုင် အဆုံးအဖြတ် ပင်နယ်တီတစ်လုံးသွင်းကာ အသင်းအား ကွာတားဖိုင်နယ် တက်ရောက်စေခဲ့သည်ဟု သိရသည်။
တောင်အမေရိက၏ အမြင့်ဆုံး ကလပ်အသင်းများပြိုင်ပွဲ Copa Sudamericana ၏ ရှုံးထွက်အဆင့် ပထမအကျော့တွင် ဘရာဇီးကလပ် Bahia အသင်းအား ၂ ဂိုးပြတ်ဖြင့် ရှုံးနိမ့်ခဲ့သော Cesar Vallejo အသင်းမှာ ပြီးခဲ့သည် ဗုဒ္ဓဟူးနေ့က ကစားခဲ့သော ဒုတိယအကျော့တွင် ၂ ဂိုးပြတ်ဖြင့် ပြန်လည်အနိုင်ရရှိခဲ့သည်။
ထို့ကြောင့် နှစ်ကျော့ပေါင်း ရလဒ် ၂ ဂိုးစီသရေကျနေ၍ ပင်နယ်တီအဆုံးအဖြတ်ခံယူခဲ့ရာ ၁၀ လုံးအထိ ကန်သွင်းခဲ့ရပြီး Cesar Vallejo မှ ပီရူးဂိုးသမား ဆော်လမွန် လစ်ဘ်မန်မှာ ပင်နယ်တီလေးလုံး ကာကွယ်နိုင်ခဲ့ကာ အဆုံးအဖြတ်အလုံးတွင်လည်း ၎င်းကိုယ်တိုင် ကန်သွင်း၍ အသင်းအနိုင်ရရှိအောင် စွမ်းဆောင်ပေးနိုင်ခဲ့သည်။
ယခုပွဲအနိုင်ကြောင့် Cesar Vallejo အသင်းမှာ အသင်းသမိုင်းတစ်လျှောက် ပထမဆုံးအကြိမ်အဖြစ် Copa Sudamericana ဘောလုံးပြိုင်ပွဲ ကွာတားဖိုင်နယ်သို့ တက်ရောက်သွားနိုင်ခဲ့ပြီး ကိုလံဘီယာမှ Atletico Nacional အသင်းနှင့် တွေ့ဆုံယှဉ်ပြိုင်ရမည်ဖြစ်သည်။