ဇွန် ၁၈၊ ၂၀၁၅
M-Media
– ဂျော်ဂျီယာမြို့တော် တီဘီလီစီရေကြီးမှုတွင် တိရိစ္ဆာန်ရုံမှ လွတ်မြောက်သွားသည့် ကျားတစ်ကောင်မှာ လူတစ်ဦးအား ကိုက်သတ်ခဲ့ပြီးနောက်ပိုင်း မြို့အတွင်း အန္တရာယ်ကင်းရှင်းသွားပြီဟု ကြောညာခဲ့သည့် ဂျော်ဂျီယာအစိုးရအား ပြည်သူများက ဝေဖန်မှုမျာ ပြုလုပ်ခဲ့ကြသည်။
ကျားကိုက်မှုမှာ ယမန်နေ့က ဖြစ်ပွားခဲ့ခြင်းဖြစ်ပြီး ဂိုဒေါင်တစ်ခုသို့ ၀င်ရောက်သွားခဲ့သူ အလုပ်သမားအုပ်စုမှ တစ်ဦးကို ကျားက ခုန်ထွက် ကိုက်သတ်ခဲ့ခြင်းဖြစ်ကာ ထိုကျားအား ရဲတပ်ဖွဲ့ ကွန်မန်ဒိုများက ပစ်သတ်ခဲ့သည်။ အဆိုပါအဖြစ်အပျက်မှာ အစိုးရက မြို့တွင်း သားရဲများ၏အန္တရာယ် ကင်းစင်သွားပြီဟု ကြေညာခဲ့ပြီး ၂ ရက်အကြာတွင် ဖြစ်ပွားခဲ့ခြင်းဖြစ်သည်။
“ကျွန်တော်တို့ ဂိုဒေါင်ထဲ ၀င်သွားခဲ့ပြီး ရုတ်တရက်ဆိုသလိုပဲ ကျားဖြူတစ်ကောင်က ကပ်လျက်အခန်းထဲကနေ ထွက်လာကာ အလုပ်သမားတွေထဲက တစ်ယောက်ကို တိုက်ခိုက်ခဲ့တာပါ။ သူ့လည်ပင်းကို ခုန်အုပ် ကိုက်ဖြတ်ခဲ့ပါတယ်” ဟု သေဆုံးသွားသော အသက် ၄၀ အရွယ် အမျိုးသား၏ လုပ်ဖောင်ကိုင်ဖက်တစ်ဦးက ပြောကြားခဲ့သည်။
တီဘီလီစီမြို့တွင် ပြီးခဲ့သည့် စနေနေ့ညပိုင်းနှင့် တနင်္ဂနွေနေ့ မနက်ပိုင်းတို့တွင် မိုးသက်မုန်တိုင်းများ ကျရောက်ကာ မိုးသည်းထန်စွာ ရွာသွန်းမှုကြောင့် မြို့အတွင်း ရေကြီးရေလျှံခဲ့ပြီး တိရိစ္ဆာန်ရုံမှ အန္တရာယ်ရှိသားကောင်များ လွတ်မြောက်ခဲ့သည်။ သို့သော်လည်း အဆိုပါသားကောင်များမှ အချို့မှာ နေနစ်သေဆုံးခဲ့ပြီး အချို့ကို စနိုက်ပါဖြင့် သတ်ဖြတ်ခဲ့ပြီးဖြစ်ကာ မြို့မှာ အန္တရာယ်ကင်းသွားပြီဟု ဂျော်ဂျီယာဝန်ကြီးချုပ် အီရက်လီ ဂါရီဘက်ရ်ှဗီလီက တနင်္လာနေ့တွင် ကြေညာခဲ့သည်။
သို့သော်လည်း အခုအဖြစ်အပျက်အတွက် ပြည်သူများက ဂျော်ဂျီယာအစိုးရကို အပြစ်တင်ခဲ့ကြသည်။
“အသုံးမကျမှုနဲ့ တာဝန်မခံမှုအတွက် ဘာ့ကြောင့် ကျွန်တော်တို့က နောက်ထပ်လူတစ်ယောက် ဆုံးရှုံးခဲ့ရတာလဲ။ တိရစ္ဆာန်တွေကို သေသေချာချာ မရေတွက်ခဲ့ဘူးဆိုတာကို ဘာ့ကြောင့် သူတို့ မပြောခဲ့တာလဲ” ဟု အစိုးရကို ရည်ညွှန်း၍ တီဘီလီစီမြို့တွင် နေထိုင်သူ နီနို ဒန်နီယဲလ်လာက ပြောကြားခဲ့သည်။
အခြားပြည်သူတစ်ဦးဖြစ်သူ ဆိုဖို ဒါတူအက်ရ်ှဗီလီကလည်း အစိုးရ၏ အမှုမဲ့အမှတ်မဲ့နေမှုက လူသတ်ခြင်းနှင့် အတူတူပင်ဖြစ်သည်ဟု ပြောကြားခဲ့သည်။
“ကျွန်တော်တို့မှာ စွမ်းဆောင်ရည်မရှိတဲ့၊ လိမ်တတ်ပြီး လူသတ်တဲ့အစိုးရပဲ ရှိပါတယ်” ဟု အသက် ၃၂ နှစ်အရွယ် ၎င်းက ပြောကြားခဲ့သည်။
အာဏာပိုင်များကမူ တိကျသည့် သတင်းပေးပို့မှု ပြုလုပ်ရန် ပျက်ကွက်ခဲ့သည့်အတွက် တိရစ္ဆာန်ရုံ တာဝန်ရှိသူများကို အပြစ်တင်ခဲ့သည်။
“တိရစ္ဆာန်တွေကို ရေတွက်ရမယ့်တာဝန်ဟာ တကယ်တော့ တိရစ္ဆာန်ရုံ အုပ်ချုပ်သူတွေရဲ့ တာဝန်ပါပဲ” ဟု တီဘီလီစီမြို့ အုပ်ချုပ်ရေးမှူး ဒါဗစ် နာမာနီယာက ပြောကြားခဲ့သည်။
တိရစ္ဆာန်ရုံ၏ ဒါရိုက်တာဖြစ်သူက လမ်းပေါ်တွင် တိရစ္ဆာန်တစ်ကောင်မှ မရှိတော့ဟု မီဒီယာများအား ပြောကြားခဲ့သော်လည်း အင်္ဂါနေ့တွင် တိရစ္ဆာန်ရုံ ပြန်ကြားရေးဌာက ကျားတစ်ကောင်၊ ခွေးအတစ်ကောင်နှင့် ၀က်ဝံတစ်ကောင်တို့ကို ထည့်တွက်ရခြင်း မရှိသေးဟု သတင်းထုတ်ပြန်ခဲ့သည်။
ယခုအအဖြစ်အပျက်ကြောင့် ကျားတစ်ကောင် သေသွားသော်လည်း ခွေးအနှင့် ၀က်ဝံတို့မှာ ပြည်သူများအား အန္တရာယ်ပေးနိုင်သည့် အခြေအနေတွင် ရှိနေသေးသည်။
Ref: Aljazeera
