နိုဝင်ဘာ ၃၀၊ ၂၀၁၆
M-Media
– လက်လုပ်လက်စား အိမ်နီးချင်းတစ်ယောက်နှင့်အတူ အီလီယူပိုလီရှိ ကော်ဖီဆိုင်တစ်ခုတွင် ထိုင်နေသည့် အသက် ၄၃ နှစ်အရွယ် အန်နာ စတာမူက သူမအအနေဖြင့် အေသင်မြို့၏ ဗလီဝတ်ကျောင်းတော်သို့ များမကြာမီအချိန်တွင် မိသားစုနှင့်အတူ သွားရောက်ဝတ်ပြုရန် မျှော်လင့်နေသည်ဟု ဆိုသည်။
“စစ်ပွဲတွေမှာ ပိတ်မိနေတဲ့ ကလေးတွေအတွက်၊ စစ်ပွဲတွေအားလုံး ရပ်တန်ဖို့အတွက် ကျွန်မ ဆုတောင်းမှာပါ။ နေ့တိုင်းလည်း ကျွန်မ ဒီလိုပဲ ဆုမွန်ကောင်းတောင်းနေတာပါ။ ဒါပေမယ့် ဗလီမှာကျတော့ လူအများကြီးနဲ့ ဆုတောင်းရတာပေါ့လေ” ဟု စတာမူက ပြောကြားခဲ့သည်။
ကလေးနှစ်ယောက်၏ မိခင်ဖြစ်ပြီး အေသင်ခြေစိုက် ပြည်သူ့ဆက်ဆံရေးအကြံပေးအဖြစ် ဆောင်ရွက်နေသည့် စတာမူမှာ လွန်ခဲ့သည့် နှစ်အနည်းကမှ အစ္စလာမ်ဘာသာသို့ ပြောင်းလဲသက်ဝင်ခဲ့သူဖြစ်သည်။
စတိုခန်းများ၊ မြေအောက်အခန်းများတွင် နှစ်ပေါင်းများစွာ ၀တ်ပြုလာခဲ့ရသည့် အေသင်မွတ်စလင်များမှာ လက်ယာစွန်းရောက်အဖွဲ့များ၏ ဆန့်ကျင်ဆန္ဒပြမှုကို ကြုံတွေ့နေရသော်လည်း အေသင်တွင် ဆောက်လုပ်ရန် စီစဉ်ထားသည့် ဗလီဝတ်ကျောင်းတော်ကို အစိုးရအနေဖြင့် ဆက်လက်ဆောင်ရွက်သွားမည်ဟု မျှော်လင့်နေသည်။ အေသင်မှာ ဗလီဝတ်ကျောင်းတော်မရှိသည့် ဥရောပ၏ တစ်ခုတည်းသောမြို့ ဖြစ်သည်။
ဂရိနိုင်ငံမှာ အော်တိုမန်အင်ပါယာလက်အောက်တွင် ၁၈၀၀ ပြည့်နှစ်များအထိ ရာစုနှင့် ၄ ခုအထိ ရှိနေခဲ့ခြင်းဖြစ်ပြီး၊ ယခု ဗလီဝတ်ကျောင်းတော် ဆောက်လုပ်ဖြစ်ပါကာ အော်တိုမန် အင်ပါယာနောက်ပိုင်း ပထမဆုံး အစိုးရဘက်ဂျက်ဖြင့် ဆောက်လုပ်မည့် ဗလီ ဖြစ်လာမည်ဖြစ်သည်။
အေသင်အနောက်ပိုင်း ဗိုတာနီကို့စ်ရပ်ကွက်မှ ရေတပ်စတိုခန်းအဟောင်းပါ စကွဲယားမီတာ ၆၀၀ ရှိသော မြေပေါ်တွင် တည်ဆောက်မည့် အဆိုပါ ဗလီဝတ်ကျောင်းတော်မှာ ၀တ်ပြုသူပေါင်း ၃၅၀ ကျော် ၀င်ဆံ့နိုင်မည်ဖြစ်သည်။
ဝတ်ပြုသူများ ကိုယ်လက်သန့်စင်နိုင်ရန်အတွက် ရေပန်းတစ်ခုလည်း အဆိုပါဗလီတွင် ပါဝင်မည်ဖြစ်သည်။
“ဒါ (ဗလီဆောက်တာက) က ထူးခြားမှုတစ်ခုတော့ မဟုတ်ပါဘူး။ ဒါပေမယ့် တရားဝင် အီမာမ်တစ်ပါးနဲ့ တရားဝင်ဗလီဝတ်ကျောင်းတော်တစ်လုံး ဖြစ်မှာဖြစ်တာကြောင့် အရေးပါပါတယ်။ အခုအချိန်အထိ အီမာမ်တွေဟာ စေတနာ့ဝန်ထမ်း သဘောမျိုး ဖြစ်နေပြီး ဒါက အန္တရာယ်ရှိပါတယ်။ ဒါပေမယ့် ကျွန်တော်တို့ ကံကောင်းတာကာ ဂရိမှာ ခရစ်ယာန်နဲ့ မွတ်စလင်တွေအကြား ဆိုးဆိုးဝါးဝါးဆက်ဆံရေးမျိုး မရှိတာပါပဲ” ဟု ဂရိမွတ်စလင်အသင်း၏ ဥက္ကဌဖြစ်ပြီး စတာမူ၏ ခင်ပွန်း လည်းဖြစ်သူ အသက် ၆၂ နှစ်အရွယ် နအင်း အလ်ဂန်ဒူရ်က ပြောကြားခဲ့သည်။
အေသင်ရှိ မွတ်စလင်မဟုတ်သူ အများစုကလည်း ဗလီဝတ်ကျောင်းတော်တစ်လုံးကို တည်ဆောက်ရမည်ဟု သဘောတူကြသည်။
“ကျွန်တော်တို့တိုင်းပြည်က ဒီမိုကရေစီနိုင်ငံပါ။ ဘာသာရေးလွတ်လပ်ခွင့် ရှိရပါမယ်။ နေစမ်းပါအုံး- ဘာ့ကြောင့် သောကတွေရောက်နေကြတာလဲ။ မွတ်စလင်တစ်ယောက်ဖြစ်တာဟာ အစွန်းရောက်တစ်ယောက်ဖြစ်တာမှ မဟုတ်ဘဲ” ဟု အသက် ၆၂ နှစ်အရွယ်ရှိ Aggeliki Anagnostopoulou က ပြောကြားခဲ့သည်။
ဂရိမွတ်စလင်အသင်း၏ အဆိုအရ မြို့တော်အေသင်တွင် အစ္စလာမ်ဘာသာဝင်ပေါင်း ခန့်မှန်းချေ ၂ သိန်းအထိ ရှိနေပြီး၊ အစိုးရက အသိအမှတ်မပြုသေးသည့် ဗလီဝတ်ကျောင်းတော်ပေါင်း ၁၀၀ ကျော် ရှိနေသည်ဟု သိရသည်။
၁၀ နှစ်စောင့်ခဲ့ရ
အေသင်တွင် ဗလီအသစ်တစ်လုံး ဆောက်လုပ်ခွင့်ပေးသည့် ဥပဒေတစ်ခုကို ၂၀၀၆ ခုနှစ်တွင် ပြဌာန်းခဲ့သော်လည်း ဆန့်ကျင်မှုများကို ကြုံတွေ့ခဲ့ရသည်။ ၁၀ စုနှစ်တစ်ခုကြာ ညှိနှိုင်းဆွေးနွေးပြီးနောက် စတာမူနှင့် အလ်ဂန်ဒူရ်တို့က ထိုဗလီဝတ်ကျောင်းတော် တည်ဆောက်ရေးကို နောက်ဆုံး အကောင်အထည်ဖော်နိုင်မည်၊ ၎င်းတို့၏ ဘာသာရေးလွတ်လပ်ခွင့်ကို အသိအမှတ်ပြုနိုင်မည်ဟု မျှော်လင့်နေကြသည်။
ယခုနှစ်အစောပိုင်းတွင် ယူရို ၁ သန်း (ကန်ဒေါ်လာ ၁.၀၅ သန်း) ကုန်ကျမည့် အဆိုပါဗလီဝတ်ကျောင်းတော် ဆောက်လုပ်ရန်အတွက် ဆောက်လုပ်ရေးအုပ်စုတစ်ခုကို အပ်နှံခဲ့ပြီး ၆ လအတွင်း အပြီးသတ်နိုင်ရန် မျှော်မှန်းခဲ့သည်။
သို့သော်လည်း လက်ယာစွန်းရောက် အုပ်စုတစ်ခုက ဗလီဝတ်ကျောင်းတော် တည်ဆောက်မှုကို ဟန့်တားရန်နှင့် ဂရိလူမျိုး အိမ်ယာမဲ့များအတွက် အဆောက်အဦးဆောက်လုပ်ပေးရန် ရည်ရွယ်ချက်ဖြင့် ဗလီဝတ်ကျောင်းဆောက်လုပ်မည့် နေရာကို ၅ လ ကြာ သိမ်းပိုက်ထားသောကြောင့် ဆောက်လုပ်ရေးမှာ နှောင့်နှေးခဲ့ကြသည်။ နိုဝင်ဘာလ အစောပိုင်းတွင် ရဲတပ်ဖွဲ့က အဆိုပါ အစွန်းရောက်အုပ်စုကို ဖမ်းဆီးခဲ့ပြီးနာက် ထိုသိမ်းပိုက်မှုမှာလည်း တစ်ခန်းရပ်သွားခဲ့သည်။
ထို့အနှောက်အယှက်မျိုးက အေသင်ရှိ မွတ်စလင်လူ့အဖွဲ့အစည်းအတွက် အဆန်းမဟုတ်တော့။ ပြီးခဲ့သည် ၅ နှစ်အတွင်း လက်ယာစွန်းရောက်အဖွဲ့များမှာ အေသင်မြို့တွင် ဒါဇင်နှင့်ချီသော ကိုယ်ထူကိုယ်ထ ဗလီဝတ်ကျောင်းတော် တိုက်ခိုက်ခဲ့သည်။ ထိုအထဲမှတစ်ခုတွင် ဗလီအတွင်း၌ ၀တ်ပြုသူများရှိနေချိန် အပြင်မှသော့ခတ်ကာ မီးလောင်တိုက်သွင်းရန် ကြိုးပမ်းမှုလည်း ပါဝင်သည်။
လွှတ်တော်တွင် နေရာအနည်းငယ်ရထားသည့် Golden Dawn လက်ယာစွန်းရောက်ပါတီက အက်ခရိုပိုးလစ် ရှေးဟောင်းအမွေအနှစ်နေရာမှ ၃ ကီလိုမီတာသာဝေးသော အဆိုပါ ဗလီဝတ်ကျောင်းတော် ဆောက်လုပ်မည့်နေရာတွင် ဆန္ဒပြခဲ့ကြသည်။
“ဒါက ကျွန်တော်တို့တိုင်းပြည်ကို ဖျက်ဆီးဖို့ အကြီးကြီးကြံနေတဲ့ အကြံအစည်ရဲ့ အစိတ်အပိုင်းတစ်ခုပါ။ သူတို့ (အစိုးရ) ဟာ ကွန်မြူနစ်ဖြစ်တာကြောင့် ဘာသာရေးမစွက်တဲ့ နိုင်ငံတစ်ခုကို ထူထောင်ချင်နေတယ်ဆိုတာ သူတို့ ၀န်မခံပါဘူး။ ဒါပေမယ့် ကျွန်တော်တို့ ဂရိအမျိုးသားရေးသမားတွေကတော့ သူတို့ကို တုန့်ပြန်ချင်ပါတယ်။ ဒီနိုင်ငံဟာ ၁၈၂၁ (တော်လှန်ရေး) မှာ ပါဝင်တဲ့သူတွေရဲ့ သွေးနဲ့ ခမည်းတော်၊ သားတော်၊ သန့်ရှင်းသော ၀ိဉာဏ်တော်ဆိုတဲ့ နာမတော်မြတ်ရဲ့အောက်မှာ တည်ဆောက်ထားတဲ့ တိုင်းပြည်ပါ။ ဒါဟာ ဂရိအော်သို့ဒေါ့စ် တိုင်းပြည်ဖြစ်ပါတယ်” ဟု ပါတီခေါင်းဆောင် နီကို့စ် မီခေလ်းအိုလီယာကော့စ်က ဆန္ဒပြမှုတွင် ပါဝင်သည့် လူအုပ်စုကြီးကို ပြောကြားခဲ့သည်။
အဆိုပါလူအုပ်စုကြီးမှာ ဂရိအလံနှင့် ‘အစ္စလာမ်ကို ရပ်တန့်ပါ’ ဆိုသည့် ဆိုင်းဘုတ်များကို ကိုင်ဆောင်ထားကြသည်။
ဗလီဝတ်ကျောင်းတော်ကို ဆန့်ကျင်သူများကို ထောက်ခံသူများတွင် ဂရိအော်သိုဒေ့ါစ်အသင်းတော်၏ ဘာသာရေးအသိုင်းအ၀ိုင်းမှ ပါဝင်မှုကိုလည်း တွေ့မြင်ရသည်။
“ကျွန်တော်ရဲ့အမြင်အရဆိုရင်တော့ (မွတ်စလင်ဒုက္ခသည်တွေ) ဂရိမှာ နေခွင့်ရှိမလားဆိုတာ ရှင်းရှင်းလင်းလင်း ဖြစ်တဲ့ အချိန်အထိ ဆိုင်းငံ့ထားရပါမယ်။ သူတို့က ဖြတ်သွားဖြတ်လာတွေဆိုရင်တော့ ဘာ့ကြောင့် ဒီဗလီကို ကျွန်တော်တို့ လိုအပ်မှာလဲ” ဟု ဂရိအော်သိုဒေ့ါစ်အသင်းတော်၏ အကြီးအကဲ ဂိုးဏ်အုပ်ဘုန်းတော်ကြီး အီရိုနီမို့စ်က Greek Skai TV နှင့် အင်တာဗျူးတွင် ပြောကြားခဲ့သည်။ ၎င်းက ဂရိမွတ်စလင်နှင့် နိုင်ငံအတွင်းနေထိုင်သော အခြားမွတ်စလင်များကို အသိအမှတ်ပြုခြင်း မရှိခဲ့။
မွတ်စလင်ဒုက္ခသည်များ ရောက်ရှိလာခြင်းက ဥရောပတိုက်ကို အစ္စလာမ်သာသနာလွှမ်းမိုးရန် လုပ်ဆောင်မှု အစိတ်အပိုင်းဟု အီရိုနီမို့စ်က ရှုမြင်သည်။
“ဒါဟာ စီမံကိန်းရဲ့ အစိတ်အပိုင်းတစ်ခုပါ။ တော်တော်လေး အသေးစိတ်စီစဉ်ထားတဲ့ စီမံကိန်းတစ်ခုပါ”
သို့သော်လည်း စတာမူ-အဲလ်ဂန်ဒူရ်နှင့် အခြားသော ထောင်နှင့်ချီသည့် ဂရိမွတ်စလင်တို့ကတော့ အဆိုပါ ဗလီဝတ်ကျောင်းတော်မှာ ဂရိလူမျိုး ဟုတ်သည်ဖြစ်စေ၊ မဟုတ်သည်ဖြစ်စေ လူတိုင်းအတွက်ဟု ပြောကြားခဲ့သည်။
“သူဟာ ဘုရားသခင်ရဲ့ အမှုတော်ထမ်းဖြစ်ပေမယ့် လက်ယာစွန်းဘက်ကို ရွေးချယ်တယ်လို့ ကျွန်တော်တို့ ယူဆပါတယ်။ အမေဖြစ်သူက ကလေးရဲ့အသက်ကို ကယ်တင်ဖို့အတွက် ထားသွားတဲ့အချိန် ယေရှုခရစ်လေးဟာ ဒုက္ခသည်ပဲ မဟုတ်ဘူးလား။ နောက်ပိုင်း သူဟာ ပြောင်းရွှေ့အခြေချသူတစ်ယောက် မဟုတ်ဘူးလား” ဟု အဲလ်ဂန်ဒူရ်က ပြောကြားခဲ့သည်။
၎င်းတို့ဇနီးမောင်နှံ နှစ်ဦးစလုံးက ကလေးငယ်များအား အမိမြေတွင် လူနည်းစုအစိတ်အပိုင်းဖြစ်သည်ဆိုသော ခံစားချက်မျိုးမရှိအောင် ပျိုးထောင်ပေးသွားမည်ဟု ပြောကြားခဲ့သည်။
ထိုကလေးငယ်များက ကျောင်းများတွင် အခြားကျောင်းသားများနှင့် ပေါင်းသင်းဆက်ဆံသည့်အခါ ဂရိအော်သို့ဒေ့ါစ် ဘာသာဝင်နှင့် မွတ်စလင်တစ်ယောက်အကြား ခြားနားမှုကို ခံစားလာရပြီး လှပသည့် ခရစ်ယာန်ဘုရားကျောင်းကဲ့သို့ ၀တ်ပြုရာနေရာမျိုး မိမိတို့တွင် အဘယ့်ကြောင့် မရှိသလဲဆိုသည့် မေးခွန်းမျိုးကို မေးလာနိုင်သည်ဟုလည်း ၎င်းတို့နှစ်ဦးက ဆိုသည်။
“ကျွန်မတို့ လူကြီးတွေက နေ့စဉ်ဝတ်ပြုမှုကို မြေအောက်ခန်းတွေမှာဝတ်ပြုတာ ကျင့်သားရနေပါပြီ။ ဒါပေမယ့် ဒုတိယနဲ့ တတိယမျိုးဆက်တို့က ပျော်မှာတော့ မဟုတ်ပါဘူး” ဟု အဲလ်ဂန်ဒူရ်က ပြောကြားခဲ့သည်။
၎င်းက မွတ်စလင်တို့၏ အခါကြီးရက်ကြီးများတွင် မိသားစုအား နိုင်ငံရပ်ခြားသို့ ခေါ်ဆောင်သွားကာ ဂုဏ်သိက္ခာရှိရှိ ၀တ်ပြုစေသည်။
“အစိုးရက ကျွန်တော်တို့ကို ဒုတိယတန်းစားနိုင်ငံသားအဖြစ် သတ်မှတ်တယ်ဗျ။ ကျွန်တော်တို့ကလေးတွေက ဒါမျိုး မခံစားသင့်ဘူး”
စတာမူက ဗလီဝတ်ကျောင်းတော်အတွက်ပေးထားသည့် နေရာတွင် ဗလီဝတ်ကျောင်းတော်သစ်တစ်လုံး ဆောက်လုပ်ရေးနှင့် ပတ်သက်၍ စိုးရိမ်နေသည်။
“လူငယ်တွေက သူတို့ဟာ သာတူညီမျှအခွင့်အရေးရှိတဲ့ နိုင်ငံသားတွေဖြစ်တယ်လို့ ခံစားရလာအောင် ဒီဗလီဝတ်ကျောင်းတော်ကို ကောင်းကောင်းမွန်မွန် ဆောက်လုပ်ဖို့အတွက် အရေးကြီးပါတယ်။ မြေအောက်ခန်းထဲမှာ သူတို့ သက်တောင့်သက်သာ မဖြစ်ပါဘူး။ ကျွန်မတို့က ၀တ်ပြုဖို့ အတင်းအဓမ္မ မတိုက်တွန်းပေမယ့်လည်း သူတို့ဟာ မြေအောက်ခန်းတွေကို အမြဲတမ်း မလာချင်ကြပါဘူး။ ဒါပေမယ့် နိုင်ငံခြားရောက်တဲ့အခါ သူတို့လေးတွေ ဗလီထဲက မထွက်တော့ပါဘူး။ အဲဒီမှာ သူတို့ ကစားတယ်။ ပျော်တယ်။ ဗိသုကာလက်ရာတွေကိုလည်း သူတို့လေးတွေ နှစ်သက်ကြပါတယ်” ဟု စတာမူက ပြောကြားခဲ့သည်။
ယခုလက်ရှိတွင် ၎င်း၏တို့ကလေးများက အေသင်ဗလီဝတ်ကျောင်းတော် မည်သည့်အချိန်တွင် အဆင်သင့်ဖြစ်မလဲဟု မေးကြသည်။ မိသားစုကတော့ လာမည့်ရမ်ဇာန်ဥပုသ်လကို ၎င်းတို့၏ မွေးရပ်မြေ၌ ဗလီနှင့်တူသော ဗလီဝတ်ကျောင်းတော်တွင် ဖြတ်သန်းရန် မျှော်လင့်နေကြလေသည်။
“အဲဒီဗလီဝတ်ကျောင်းတော်မှာ သားတို့ အစ်ဖ်သာရ်ဝါဖြေပွဲ လုပ်နိုင်မှာပေါ့” ဟု ကလေးများက ဆိုသည်။
အလ်ဂန်ဒူရ်ကတော့ “နေအုံး အဆင်သင့်မှ မဖြစ်သေးတာ” ဟု ပြန်လည် ပြောကြားခဲ့သည်။
“အကယ်၍ ဒီဗလီကို နောက်ဆုံး ဆောက်ဖြစ်မယ်ဆိုရင် ကျွန်မတို့ အရမ်းပျော်မှာပါ။ ဒါပေမယ့် စိတ်လှုပ်ရှားမှုတွေကတော့ ပျောက်ကွယ်သွားမှာ ဖြစ်ပါတယ်။ ၁၀ နှစ်စောင့်ခဲ့ရတာရှင်။ နိုင်ငံရေးညစ်လုံးထဲမှာ ၁၀ နှစ်စောင့်ခဲ့ရတာပေါ့ရှင်”
Ref: Aljazeera
(Aljazeera မှ Muslims in Athens prepare for the city’s first mosque ဆောင်းပါးကို လေးမောင်မှ ဆီလျော်အောင်
ဘာသာပြန်ဆိုသည်)
