News @ M-Media

Tag: Guantanamo Bay

  • တာလီဘန် အကျဉ်းသား ၅ ဦးနှင့် အမေရိကန် အကျဉ်းသား ၁ ဦး လှဲလှယ်

    ဇွန် ၁ ၊ ၂၀၁၄
    M-Media

    တာလီဘန်နှင့် အကျဉ်းသားလဲလှယ်ရေး အစီအစဉ်ဖြင့် တစ်ဦးတည်းသော အမေရိကန်စစ်သား လွတ်မြောက်လာ

    US soldier freed in Taliban prisoner swap

    – တာလီဘန်တို့၏ ဖမ်းဆီးခြင်းကို ခံထားရသည့် တစ်ဦးတည်းသော အမေရိကန်စစ်သားတစ်ဦးမှာ တာလီဘန်-အမေရိကန် အကျဉ်းသားလဲလှယ်ရေး အစီအစဉ်တွင် ပြန်လည် လွတ်မြောက်လာခဲ့သည်ဟု သိရသည်။

    ကာတာအစိုးရက ကြားဝင်စေ့စပ်ပေးသောကြောင့် ၂၀၀၉ ခုနှစ် ဇွန်လ ၃၀ ရက်နေ့ကတည်းက ဖမ်းဆီးခံခဲ့ရသည့် အသက် ၂၈ နှစ်အရွယ် တပ်ကြပ် ဘာ့ဂ်ဒါလ်မှာ လွတ်မြောက်လာခဲ့သည်။ ၎င်းအား ယမန်နေ့ညနေက အာဖဂန်အရှေ့ပိုင်းတွင် အမေရိကန်သို့ လွှဲပြောင်းပေးအပ်ခဲ့သည်။ ဘာ့ဂ်ဒါလ်မှာ ကျန်းမာရေးကောင်းမွန်ပြီး အာဖဂန်ရှိ အမေရိကန် လေတပ်စခန်းတွင် ဆေးစစ်ခဲ့ပြီးနောက် ဂျာမနီရှိ အမေရိကန် စစ်ဆေးရုံသို့ ပို့ဆောင်ခဲ့သည်ဟု အမေရိကန်စစ်တပ်မှ တာဝန်ရှိသူများက ပြောကြားခဲ့သည်။
    201453120505964734_20
    အမေရိကန်ကလည်း ဆိုးရွားစွာ ညှင်းပမ်းနှိပ်စက်မှုများ ရှိနေသည်ဟု သတင်းထွက်နေသည့် ဂွာတာနာမိုအကျဉ်းစခန်းမှ တာလီဘန် အကြီးတန်း အဖွဲ့ဝင် ၅ ဦးကို C-17 လေယာဉ်ဖြင့် ကာတာသို့ ပို့ဆောင်ပေးခဲ့သည်။ တာလီဘန် အဖွဲ့က ထုတ်ပြန်သော ကြေညာချက်တွင် ၎င်းတို့ဘက်မှ အကျဉ်သားလွှတ်ပေးမှုမှာ ၀မ်းမြောက်ခြင်းကို ယူဆောင်လာခဲ့သည်ဟု ဖော်ပြခဲ့သည်။

    အမေရိကန်ကမူ ၎င်းတို့၏ အကျဉ်းသား လွတ်မြောက်ရေးအတွက် ဆောင်ရွက်ပေးခဲ့သော ကာတာ အစိုးရအား ကျေးဇူးတင်ကြောင်း ပြောကြားခဲ့သည်။

    Al Jazeera and agencies
  • ဂွာတာနာမို အကျဉ်းစခန်း အစောင့်ဖြစ်ခဲ့သူမှ အကျဉ်းသားဟောင်းများအား တောင်းပန်

    သြဂုတ်-၁၂ ၇က်။ ၂၀၁၃
    M-Media

    guantanamo_detainees-620x412
    Detainees sit in a holding area at Camp X-Ray, inside Guantanamo Bay. (Credit: Reuters/Shane T. McCoy)

    ဂွာတာနာမိုအကျဉ်းစခန်းဖွင့်လှစ်စဉ်က လဟာပြင်လှောင်အိမ်များထဲ၌ ရာနှင့်ချီသောအကျဉ်းသားများမှာ အစာငတ်ရေဖြတ်သည့်ဒဏ်ကို ဆိုးဆိုးဝါးဝါးခံစားခဲ့ရသည်။ ထိုကာလအတွင်း ဘရန်ဒန် နီးလီ(၂၉ နှစ်)က ဓာတ်မှန်ဌာန၏ အစောင့်တပ်သားဖြစ်သည်။

    မိမိကိုယ်ပိုင်လုပ်ရပ်များအပါအ၀င် အကျဉ်းသားများအပေါ်ဆက်ဆံမှု၌ အပြစ်ရှိသည်ဟု ခံစားရသဖြင့် တပ်မှထွက်လိုက်ပြီဖြစ်သော နီးလီသည် ပြန်လည်လွတ်မြောက်လာသည့်အကျဉ်းသားများစွာကို ကိုယ်တိုင်ကိုယ်ကျတောင်းပန်မှုပြုရန် ဗြိတိန်သို့ထွက်ခွာသွားကြောင်း BBC မှ တင်ပြခဲ့သည်။

    တက္ကဆက်နယ်၊ ဟန့်စ်ဗီလီမှစတင်ခဲ့သည့် ယင်းပြေငြိမ်းရေးခရီးစဉ်မှာ တစ်နှစ်နီးပါးကြာညောင်းပြီဖြစ်သည်။ မစ္စတာ နီးလီသည် ၂၀၀၅ ခုနှစ်တွင် အမေရိကန်စစ်တပ်မှထွက်၍ ရဲအရာရှိဖြစ်လာခဲ့သည်။ ဂွာတာနာမိုအကျဉ်းစခန်း၌ အမှုထမ်းစဉ်ကကြုံတွေ့ခဲ့ရသည်များအပေါ် စိတ်ဒုက္ခခံစားနေခဲ့ရသူဖြစ်သည်။

    “ ဂွာတာနာမိုအကျဉ်းစခန်းနဲ့ပတ်သက်ပြီး သတင်းတွေက ကောင်းကောင်းမွန်မွန်ထားရှိဆက်ဆံသလို အစဉ်အမြဲ လုပ်ကြံထုတ်လွှင့်ခဲ့ကြတယ်။ တကယ်တော့ လုံးဝ မဟုတ်ပါဘူး။ အပြစ်မဲ့တဲ့လူများစွာကို သားရဲတွင်းထဲ ကျွန်တော် ပို့ဆောင်နေခဲ့မိပါတယ် ” ဟု ၀န်ခံပြောဆိုခဲ့သည်။ နှိပ်စက်ညှင်းပန်းမှုဖြစ်အင်အမြောက်အများကို တွေ့မြင်ခဲ့ရသည့် အပေါ် လွန်စွာ ဒေါသထွက်မိကြောင်း၊ မိမိသည်လည်း အပြစ်ရှိသူတစ်ဦးဟု ခံစားရကြောင်း ဆိုသည်။

    ယင်းအကျဉ်းစခန်းတွင် တာဝန်ထမ်းဆောင်စဉ်က သူ့အသက် ၂၂ နှစ်သာရှိသေး၏။ အီရတ်တွင် ခြောက်လတာ တာဝန်ထမ်းဆောင်မှုဖြင့် သွားရောက်ခဲ့ခြင်းဖြစ်သည်။ သို့သော် တပ်မှထွက်ပြီးနောက် ဂွာတာနာမိုအပေါ်ရှိ သူ၏ သံသယများမှာ တစ်နေ့တစ်ခြား ပိုမိုခိုင်မာလာခဲ့သည်။ ထိုအချက်က သူ့အကျဉ်းသားဟောင်းများထံ သူ့အား အရောက်ပို့ပေးလိုက်ခြင်းဖြစ်၏။

    “ ကျွန်တော် Facebook ပေါ် လူသစ်စိတ်သစ်နဲ့ပြန်တက်လာတယ်။ သူတို့နာမည်နဲ့ profile တွေကို ရိုက်ပြီး ရှာဖွေဖို့ ဆုံးဖြတ်ခဲ့တယ်။ အဲ့ဒီမှာ ရှဖီးက်ရဲ့စာမျက်နှာနဲ့ သွားဆုံတော့ သူ့ဆီ အီးမေးလ်တစ်ချို့ ပို့ဖို့ စိတ်ပိုင်းဖြတ်လိုက်ပါတယ် ” ဟု သူကပြောပြသည်။

    မစ္စတာ ရာစူးလ်၊ မစ္စတာ အဟ်မဒ် နှင့် ဗြိတိန်ရှိ တစ်ပ်တန်မှ အခြားမိတ်ဆွေတစ်ဦးတို့သည် တာလီဘန်တို့နှင့် အဆက်အသွယ်ရှိကြောင်း သံသယဖြစ်ခံရ၍ အာဖဂန်နစ္စတန်တွင် အဖမ်းခံခဲ့ရသည်။ ထိန်းသိမ်းခံရမှု ၂ နှစ်ရှိပြီးနောက် ၂၀၀၄ ခုနှစ်တွင် လွတ်မြောက်လာကြသည်။ သူတို့သည် အမေရိကန်တပ်သားတို့၏ ရိုက်နှက်မှုကို ခံခဲ့ရကြောင်း၊ ထိုအချိန်က ယင်းသို့မပြုပါဟု အမေရိကန်အစိုးရက ငြင်းဆိုနေခဲ့ကြောင်း သုံးဦးစလုံးမှ ဆိုသည်။ Facebook မှ ဆက်သွယ်မှုရလာသည့်အခါ မစ္စတာ ရာစူးလ် အဖို့ အံအားသင့်သွားခဲ့ကြောင်း၊ မစ္စတာ နီးလီအဖို့လည်း ပြန်စာနှင့်အတူ အပြန်အလှန်အီးမေးလ်ဖလှယ်မှုရှိလာသောကြောင့် အံသြ၀မ်းသာဖြစ်ရကြောင်း သိရသည်။ ထို့ကြောင့်လည်း နှစ်ဦးနှစ်ဖက်စလုံးမှ တွေ့ဆုံရန်အစီအစဉ်ရှိမရှိကို BBC မှ မေးမြန်းခဲ့ခြင်းဖြစ်သည်။

    “ သူ့လုပ်ရပ်မှားယွင်းခဲ့တယ်ဆိုတာ သူနားလည်သဘောပေါက်နေပြီ။ သူ့အမှားသူ သိပြီးကတည်းက အပြစ်ရှိနေတယ်လို့ တောက်လျှောက်ခံစားနေရတာလေ။ အဓိကအချက်ကတော့ ဒါပါဘဲ ” ဟု နီးလီ၏ ပြေလည်ရေးအားထုတ်မှုများနှင့်ပတ်သက်ပြီး အဟ်မဒ်က BBC သို့ ပြောပြခဲ့၏။

    ဂွာတာနာမိုစခန်းတွင် လက်ရှိအချိန်ထိ ၁၆၆ ဦး ထိန်းသိမ်းခံရဆဲဖြစ်ပြီး လူများစွာမှာ ဆယ်စုနှစ်တစ်ခုစာခန့် ပစ်ထားခံကြရသည်။ အကျဉ်းသား ၈၆ ဦးမှာ တရားဝင်လွှဲပြောင်းပေးရန် အမိန့်ထုတ်ပြန်ခံရပြီးဖြစ်သည်။ ထိုကာလအတွင်း ဖေဖော်ဝါရီလ၌ အစာငတ်ခံဆန္ဒပြမှုဖြစ်ပွားခဲ့ရာ အကျဉ်းသား ၄၀ ကျော်တို့သည် အပြည်ပြည်ဆိုင်ရာ လူ့အခွင့်အရေး နှင့် ဆေးပညာအသိုင်းအ၀ိုင်းခံယူချက်ကို ချိုးဖောက်သော လူမဆန်စွာ ညှင်းပန်းနှိပ်စက်မှုကို ခံစားခဲ့ကြရသည်။

  • ဂွန်တာနာမို အကျဉ်းထောင်မှ အဗ်ဒလ် ဟာဒီ ဖရာ့ဂ်ျ ၏ ပေးစာ

    ဇူလိုင်-၂ ၊ ၂၀၁၃

    M-Media
    ယခုစာဟာ ကြောက်မက်ဖွယ်ရာ အကျဉ်းထောင်အခန်းလေးထဲက သံချေးတက်နေတဲ့တိုင်တွေနောက်ကနေ ပြင်ပလောကဆီ ပို့လွှတ်လိုက်တဲ့ ခေါ်သံတစ်ခုပါ။ ဒီအကျဉ်းထောင်အတွင်းက  ဖြစ်ပျက်နေတာကို ခင်ဗျားတို့သိကြပါသလား ?

    Guantanamoကျွန်တော်တို့အကျဉ်းသားတွေ ဒီနေရာကို ရောက်နေတာ နှစ်ရှည်လများကြာခဲ့ပါပြီ။ ၂၀၀၂ ခုနှစ်ကနေ ယခု ၂၀၁၃ ခုနှစ်အထိပေါ့။ သို့သော်လည်း အမေရိကန်အစိုးရမှ ဒီပြဿနာကိုဖြေရှင်းဖို့ စိတ်ဝင်စားပုံမရပါဘူး။ လွန်ခဲ့တဲ့ လပိုင်း အချိန်တွေဟာ အကျဉ်းသားတွေအတွက် အကြမ်းတမ်းဆုံး ဖြတ်သန်းခဲ့ရတဲ့ ကာလများသာဖြစ်တယ်။ ဘုရ်ှ (Bush) လက်ထက်မှာတုန်းက အဖြေဆိုတာ ရှိလာမယ်လို့ မျှော်လင့်ချက်ရှိသေးပေမယ့်၊ အိုဘားမား (Obama) လက်အောက်ရောက်တဲ့အခါ ယခု ပြသနာအပေါ် ဖြေရှင်းပေးဖို့ဆန္ဒမရှိတော့ဘူးလို့တောင် ထင်မိပါတယ်။

    ကျွန်တော် တစ်ချိန်က အခြားအကျဉ်းသားများနှင့်အတူ Camp Six မှာ နေခဲ့ရသေးတယ်။ အခုတော့ ကျွန်တော်တို့အားလုံးကို သီးသန့်မြေတိုက်ခန်းတစ်ခုစီမှာ ပိတ်ခံရတယ်။ ကျွန်တော်တို့အတွက် တစ်နေ့မှာ နှစ်နာရီသာ ကိုယ်လက်လှုပ်ရှားသွားလာခွင့်ရရှိတယ်။ အကျဉ်းသားအချို့က အစာအငတ်ခံ ဆန္ဒပြခဲ့ကြတယ်။ အဲ့ဒါကို အမေရိကန် စစ်တပ်မှ တုန့်ပြန်အရေးယူတာကြောင့် သူတို့ရဲ့မြေတိုက်ခန်းထဲကနေ ထွက်မလာနိုင်တော့တဲ့အထိ အလွန်ကို အားအင်ဆုတ်ယုတ်ပြီး၊ ဖျားနာနေကြပါပြီ။

    အစာငတ်ခံဆန္ဒပြသူများအပေါ် စစ်တပ်က နည်းလမ်းအမျိုးမျိုးနဲ့ ညှင်းပန်းနှိပ်စက်တယ်။ ရိုက်နှက်တာ၊ ရာဘာကျည်ဆန်တွေနဲ့ပစ်တာ၊ ပြီးတော့ မျက်ရည်ဗုံးတွေသုံးတာ စသဖြင့်ပေါ့။ ကျွန်တော့်တို့ရဲ့ အကျဉ်းခန်းထဲက ပစ္စည်းပစ္စယမှန်သမျှသိမ်းယူတယ်၊ သွားတိုက်တံကနေ စောင်တွေ၊ စာအုပ်တွေကိုပါ မချန်ဘူး။ ပြီးတော့ ကျွန်တော်တို့ကို အေးစက်နေတဲ့၊ ပြူတင်းပေါက်တောင်မရှိတဲ့၊ နေရောင် နဲ့ လေကောင်းလေသန့်တွေ မ၀င်ရောက်နိုင်တဲ့ အခန်းကျဉ်းလေးများမှာ ပိတ်လှောင်ထားကြတယ်။ တစ်ခါတစ်လေ ကျွန်တော်တို့အဖို့ နေ့လား၊ ညဥ့်လားဆိုတာကိုတောင်မှ မခွဲခြားမသိရှိနိုင်ကြတော့ပါဘူး။

    ထောင်သားတွေရဲ့ မျိုးပွားအင်္ဂါနဲ့ စအိုများကို ထောင်စောင့်များက တစ်နေ့အတွင်း အနည်းဆုံး ၁၀ ကြိမ် မက စစ်ဆေးမှုတွေပြုလုပ်ကြတာဟာ ထောင်စောင့်တွေရဲ့ မူမမှန်ပုံကို ပြနေတယ်။

    နေ့စဉ်နေ့တိုင်း ကျွန်တော့်ကို လှုပ်သာလှည့်သာမရှိတဲ့ထိုင်ခုံမှာ အတင်းအကြပ်ထိုင်ခိုင်ပြီး လက်၊ ခြေထောက် နဲ့ ရင်ဘတ်ကို ကြိုးများနဲ့ တုပ်နှောင်ကြတယ်။ ဗလကောင်းကောင်း အကျဉ်းထောင်စောင့်များက သူတို့လက်နှစ်ဖက်သုံးပြီး ကျွန်တော့်ခေါင်းကို ချုပ်ကိုင်ဖိညှပ်ကြတယ်။ ကျွန်တော်ဖြင့် ကျွန်တော့်ဦးခေါင်းခွံ ကွဲကြေသွားမလားလို့တောင် ထင်မိတယ်။ အဲ့ဒီနောက် သူနာပြုလို့အမည်ခံထားသူများက ကျွန်တော့်နှာခေါင်းထဲ ဆေးသွင်းပိုက်ထူတစ်ခုကို ကြမ်းကြမ်းတမ်းတမ်း ထိုးသွင်းလိုက်တယ်။ ကျွန်တော့် နှာခေါင်းနဲ့ ပါးစပ်က သွေးများယိုစီးကျလာတယ်။ အဲ့ဒီအခါ နပ်စ်တွေက ဆေးရည်များကို အထိန်းအကွပ်မရှိပဲ မိုင်ကုန်လွှတ်လိုက်ကြတယ်၊ ဖြစ်လာတဲ့နာကျင်မှုဟာ မဖော်ပြတတ်နိုင်အောင်ပါပဲဗျာ။

    သိပ်မကြာခင်မှာပဲ နပ်စ်တစ်ယောက်ဟာ ၀ုန်းကနဲ ကျွန်တော့်နှာခေါင်းထဲက ဆေးသွင်းပိုက်ကို ခပ်ကြမ်းကြမ်းပြန်ဆွဲထုတ်ပြီး၊ ကျွန်တော့်ပုခုံးပေါ် ပစ်တင်လို့ အခန်းအပြင်ကို ထွက်သွားခဲ့တယ်။ ကျွန်တော် အခန်းထဲမှာတော့ ကြိုးတုပ်ထားလျက်ကျန်ရစ်ခဲ့ပါတယ်။ အချိန်နည်းနည်းကြာပြီးနောက် ပြန်ရောက်လာလို့ ကျွန်တော့်နှာခေါင်းထဲ အာဟာရပိုက် ပြန်ထည့်ဖို့ပြင်တယ်၊ ကျွန်တော်က သူ့ကို ပြန်လည်သန့်စင်ပြီးမှ ထည့်ဖို့ ပြောပေမယ့်လည်း သူက ကျွန်တော့် စကားကို အရေးမစိုက်ခဲ့ဘူး။

    ဒီအဖြစ်အပျက်ကို အခြားနပ်စ်တစ်ဦးဆီ ကျွန်တော် ပြန်လည်တိုင်ကြားတဲ့အခါ အဲ့ဒီ နပ်စ်က ကျွန်တော့်အနေနဲ့ အငတ်ခံ ဆန္ဒပြမှု မရပ်ဆိုင်းခဲ့ယင် အစာပိုက်ပြွန်ကို ကျွန်တော့်နှာခေါင်းမှ မထည့်ပဲ တင်ပါးကနေထည့်ပစ်မယ်လို့ ခြိမ်းချောက်ခဲ့တယ်။

    ဒီကိစ္စကို ကျန်းမာရေးမှူးးကြီးဆီ တင်ပြတဲ့အခါကျတော့လည်း ကျွန်တော့်ရဲ့ဆန္ဒပြမှုကို ဆက်လုပ်နေဦးမယ်ဆိုယင် ကျွန်တော့်ကို အိပ်ရာပေါ် သားရေပတ်များဖြင့် တုတ်နှောင်ပြီး အမျိုးသားတန်ဆာထဲ ပြွန်တစ်ခုပြီးမှ ဆီးသွားစေမယ် လို့ ခြိမ်းချောက်ပြန်ပါတယ်။

    နှိပ်စက်မှုကြောင့် ဆိုးဆိုးရွားရွား အရိုးအဆစ် နာကြင်ကိုက်ခဲတာ၊ မှတ်ဥာဏ်အားနည်းသွားတာ၊ အာရုံစုစည်းရခက်ခဲတာ၊ အမြဲတမ်း စိတ်ရှုပ်ထွေးနေရတာ စတဲ့ ဝေဒနာတွေကို ခံစားနေရတယ်။ အဲ့ဒီလို ခံစားနေရတာ ကျွန်တော်တစ်ဦးတည်းလို့ ထင်မြင်နေခဲ့မိပေမယ့် အစာငတ်ခံဆန္ဒပြသူအများအပြားဆီမှာလည်း အလားတူလက္ခဏာများဖြစ်နေကြောင်း ကြုံဆုံတွေ့မြင်လာရတယ်။ တစ်ချို့သူတွေဟာ သူတို့ကိုယ်သူတို့သတိမထားမိပဲ တစ်ဦးတည်းရှိနေလျက် မိမိဖာသာ စကားကျယ်ကျယ်ပြောနေတတ်တဲ့အထိပါဘဲ။

    ဒါပေမယ့်  နိုင်ငံတော်တော်များများမှာ ကျွန်တော်တို့ရဲ့ဒုက္ခများအတွက် ငြိမ်းချမ်းစွာ ဆန္ဒထုတ်ဖော်မှုများ ပြုလုပ်နေတယ်ဆိုတာ ကျွန်တော်တို့သိကြပါတယ်။ အမေရိကန်နိုင်ငံအတွင်းမှာပင်လျှင် အမေရိကန်အစိုးရအနေနဲ့ နိုင်ငံ့ဂုဏ်သိက္ခာကို ထိပါးနေတဲ့ ဒီအကျဉ်းထောင်ကို ပိတ်ပစ်လိုက်ဖို့ ကန့်ကွက်ဆန္ဒပြမှုတွေရှိနေကြတယ်။  နေ့စဉ်နဲ့အမျှ နိုင်ငံတကာရဲ့ ဝေဖန်မှုများလည်း ရှိနေကြပါတယ်။

    ကျွန်တော်တို့ အစာငတ်ခံ ဆန္ဒပြသူများလည်း မိမိတို့ရဲ့ရပိုင်ခွင့်ကို ဆက်လက်တောင်း ဆိုနေဦးမှာဖြစ်တယ်။ သမ္မတ အိုဘားမားဟာ လွန်ခဲ့တဲ့နှစ်များစွာကတည်းက နှစ်စေ့နေသူများကို စတင် လွှတ်ပေးသင့်တယ်။ နောက်ဆက်တွဲအနေနဲ့ ဘာရာဇ၀တ်မှုမှ ကျူးလွန်ထားခြင်း မရှိပဲ ထောင်ထဲမှာ ၁၁ နှစ်ကြာ သုံ့ပန်းဖြစ်နေခဲ့သူများကိုလည်း လွှတ်ပေးဖို့ လိုအပ်ပါတယ်။

    အမေရိကန်အစိုးရကဖန်တီးခဲ့တဲ့ ဒုက္ခတွေ၊ ကြမ်းတမ်းတဲ့အခြေအနေတွေ နဲ့ စမ်းသပ်မှုတွေ ရှိနေလင့်ကစား ကျွန်တော်တို့အပေါ်တရားမျှတရေးတောင်းဆိုချက် ပြည့်ဝလာတဲ့အထိ ကျွန်တော်တို့ ဆက်လက်ပြီး အစာငတ်ခံ ဆန္ဒပြနေဦးမှာပါဘဲ။

    **  အဗ်ဒလ် ဟာဒီ ဖရာ့ဂ်ျ (Abdelhadi Faraj) သည် ဆီးရီးယားနိုင်ငံသားဖြစ်ပြီး၊ ၂၀၀၂ ခုနှစ်မှ စတင်ကာ အမေရိကန်မှ ထိန်းသိမ်းထားသူဖြစ်သည်။ သူ၏ ဂွန်တာနာမိုအကျဉ်းသားနံပါတ်မှာ Internment Serial Number (ISN 028) ဖြစ်၏။ ဖရာ့ဂ်ျအား ၂၀၁၀ ခုနှစ်ကတည်းက အမေရိကန်အစိုးရယာယီစစ်တပ် (U.S government interagency taskforce) မှ လွတ်မြောက်ခွင့်ပေးထားခဲ့ပြီးဖြစ်သော်လည်း ဂွန်တာနာမိုတွင် ယနေထက်တိုင် အကျဉ်းချခံနေရသည်။ ယခု ဆောင်းပါးမှာ သူ၏ ရှေ့နေ ရမ်ဇီကာစင်မ် (Ramzi Kassem) က အာရဗီမှ အင်္ဂလိပ်သို့ ပြန်လည်ဘာသာပြန်ဆိုထားခြင်းဖြစ်သည်  **

    Ref: http://www.huffingtonpost.com

    Photo-Guardian