Tag: Gunshot

ဇွန် ၈ ၊၂၀၁၃
M-Media

ကယ်လီဖိုးနီးယားပြည်နယ် စန်တာမော်နီကာ (Santa Monica) မြို့၌ သေနတ်သမားသည် လူ ငါးယောက်အား ပစ်သတ်ခဲ့ပြီးနောက်တွင် ဒေသကောလိပ် စာကြည့်တိုက် စောင့်ကြပ်သူ ရဲတပ်သား၏ ပစ်ခတ်မှုဖြင့် သေဆုံးသွားခဲ့ကြောင်း ရဲချုပ် ဂျက်ကလင်း စီးဘရွခ် (Jacqueline Seabrooks) ကပြောဆိုသည်။

အနည်းဆုံး လူငါးဦးအား သေစေခဲ့သော အကြမ်းဖက်မှုတွင် ပတ်သက်နေသည့် ကျူးလွန်သူနောက်တစ်ဦးအား ဖမ်းဆီး ထိန်းသိမ်းထားကြောင်း သိရသည်။

စီးဘရွခ်၏ ပြောပြချက်အရ အကြမ်းဖက်မှုနှင့်ဆက်နွယ်နေသော နောက်ထပ်လူတစ်ဦးအား သံသယရှိသူအဖြစ် ထိန်းသိမ်းထားသည်။ ၄င်းအဖြစ်အပျက်ဖြစ်ပေါ်စဉ်တွင် အမေရိကန် သမ္မတ ဘာရက်ခ် အိုဘားမား (Barack Obama) သည် ၄င်းနှင့်ကီလိုမီတာ အနည်းငယ် ကွာဝေးသောနေရာမှ နိုင်ငံရေးဆိုင်ရာ ရန်ပုံငွေပွဲတစ်ခုကို တက်ရောက်နေခဲ့သည်။

၎င်းအနီးနားရှိ အိမ်တစ်လုံးတွင်လည်း မီးလောင်ကျွမ်းမှုဖြစ်ခဲ့ပြီး၊ လူ ၂ ဦး၏အလောင်းကိုလည်း တွေ့ခဲ့ရသည်ဟု အာဏာပိုင်များကဆိုသည်။ သို့သော်လည်း ပစ်ခတ်မှုနှင့် အိမ်မီးလောင်ကျွမ်းမှုသည် ဆက်စပ်ခြင်းရှိမရှိကိုမူ သဲကွဲစွာမဖော်ထုတ်နိုင်သေးကြောင်း ရဲများထံမှ သိရသည်။

ကနဦးပိုင်းတွင် သေနတ်တစ်လက်အပါအ၀င် လက်နက်အမျိုးမျိုးကိုင်ဆောင်ထားသော လူတစ်ဦးမှ လော့စ်အိန်ဂျလိစ် အနောက်ကပ်လျက် ကောလိပ်ကျောင်း ပရ၀ုဏ်အနီးရှိ နေရာနှစ်ခု၌ ဖြတ်သန်းသွားလာနေသည့် ကားများ နှင့် ဘတ်စ်ကားတစ်စင်းကို ပစ်ခတ်နေခဲ့သည့်သတင်းအား ရရှိခဲ့ကြောင်း ကယ်လီဖိုးနီးယား အဝေးပြေးလမ်းမ ရဲပတ္တရောင်အဖွဲ့၏ ပြောရေးဆိုခွင့်ရှိသူမှ Reuters သတင်းဌာနသို့ပြောကြားခဲ့သည်။

စာကြည့်တိုက်အတွင်းတွင်ရှိနေသော ကျောင်းသားများက ထိတ်လန့်စရာ ဖြစ်ပျက်ပုံကို ပြန်လည်ပြောပြခဲ့ကြသည်။ သေနတ်သံများထွက်ပေါ်လာချိန်တွင် ကျောင်းသားများသည် ကမန်းကတန်းပြေးလွှားခဲ့ကြပြီး အကာကွယ်ယူခဲ့ကြသည်။
စာကြည့်တိုက်ထဲ၌ရှိနေသော အသက် ၁၉ နှစ်အရွယ် စိုင်းရပ်စ် ဂျဘာရီ(Cyrus Jabari) အမည်ရှိကျောင်းသားက – သူသည် ပြတင်းပေါက်မှတစ်ဆင့် အမည်းရောင်ဝတ်စုံဝတ်ဆင်၍ Buzz ပုံစံ ဆံပင်ပုံရှိသော ယောက်ျားတစ်ယောက်သည် တိုက်ခိုက်ရန် ရိုင်ဖယ်သေနတ်ကိုကိုင်ဆောင်လာသည်ကို မြင်ခဲ့ရကြောင်း၊ “ကျွန်တော် နဲ့ သူ့ကြားမှာ မှန်တံခါးတစ်ခုသာခြားနေတယ်” ဟု ရိုက်တာသတင်းဌာနအား ပြောပြသည်။

ပစ်ခတ်မှုနှင့် ကီလိုမီတာတစ်ဝက်နီးပါးမျှသာကွာဝေးသော အိမ်တစ်လုံးသည် မီးလောင်ကျွမ်းခဲ့ပြီး၊ တာဝန်ရှိသူများက ၄င်း၌ သေဆုံးသူ အလောင်း ၂ လောင်း တွေ့ရှိခဲ့သည် ဟုဆိုသည်။ သို့သော်လည်း ကျောင်းတွင်းဝင်ရောက်ပစ်ခတ်မှု နှင့် မီးလောင်ကျွမ်းမှုသည် ယင်းသူသေများနှင့်ပတ်သက်မှုရှိမရှိဟူသည်ကို မဖော်ထုတ်နိုင်သေးကြောင်း သိရသည်။

မီးသတ်ဌာနမှ တာဝန်ရှိသူတစ်ယောက်၏ ပြောပြချက်အရ မိန်းမတစ်ယောက်အား မီးလောင်သောအိမ်အပြင်ဘက်ရှိ ကားပေါ်တွင် သေနတ်ဒဏ်ရာဖြင့်တွေ့ခဲ့ရသည် မီးသတ်ဌာနအရာရှိတစ်ဦးက ပြောကြောင်း ပြည်တွင်းသတင်းဌာန KNBC မှ ဖော်ပြခဲ့သည်။

ပစ်ခတ်နေစဉ်တွင် မိမိ၏ကားရှိဒိုင်ခွက်ဘောင်ကို အကာအကွယ်ယူနေခဲ့သော မျက်မြင်သက်သေတစ်ဦးက “လူသတ်သမားဟာ ကားထဲမှာ တစ်ယောက်ထဲရှိနေခဲ့ပုံဘဲ။ အဲ့ဒီနောက် ကားထဲက ခုန်ထွက်လာတယ်။ လက်ထဲမှာလဲ အမည်းရောင်သေနတ်ကြီးတစ်လက် ကိုင်ထားတယ်။ ပြီးတော့ ဘယ်ဖက်ကနေ ညာဖက်ကို သေနတ်နဲ့ အဆက်မပြတ် ၁၀ ခေါက်လောက် လှည့်ပတ်ပစ်ခတ်ခဲ့တယ်” ဟု ပြောပြသည်။

အိုဘားမားသည် စန်တာမော်နီကာရှိ News Corp ဥက္ကဌဟောင်း ပီတာ ချာနင်း (Perter Chernin) ၏ နေအိမ်တွင် ပြုလုပ်သော ရန်ပုံငွေပွဲသို့တက်ရောက်နေပြီး သူ့စကားအဆုံးသတ်သည့်မရှေးမနှောင်းမှာပင် ပစ်ခတ်မှုဖြစ်ပွားခဲ့သည်။ အိုဘားမားမှ ယင်းဖြစ်ရပ်နှင့်ပတ်သက်ပြီး မည်သည်ကိုမျှ ဖော်ပြပြောဆိုခြင်း မပြုခဲ့။

ဝါရှင်တန်မှ လျှို့ဝှက်စုံစမ်းရေးအဖွဲ့အစည်းမှ ပြောခွင့်ရှိသူတစ်ယောက်က “ ဒီအဖြစ်ပျက်ဟာ အိုဘားမားရဲ့ တက်ရောက်မှုနဲ့ ပတ်သက်ခြင်း မရှိဘူးဆိုတာကို ကျွန်တော်တို့ သိရှိပါတယ်။ ဒေသခံရဲများက ဒီအမှုကို ဆက်လက် ကိုင်တွယ်ပါလိမ့်မယ် ” ဟုပြောကြားခဲ့သည်။

Ref: Aljazeera

မေ-၁၆၊၂၀၁၃
M-Media

မေလ ၁၅ ရက်နေ့က အမေရိကန်နိုင်ငံ ဖလိုရီဒါတွင် ၄ နှစ်အရွယ် ကလေးငယ်သေနတ်ဖြစ် ပစ်ခတ်မှုကြောင့်  ၁၁ နှစ်ရွယ်ကလေးငယ် သေဆုံးသွားကြောင်း သိရသည်။

၁၁ နှစ်အရွယ် ကလေးငယ် ဂျာဗန် ဂျက်ဆန်မ်(Jarvan Jackson) သည် အင်္ဂါနေ့က ဖလိုရီဒါပြည်နယ် ဂိန်းစ်ဗဒ်လ် (Gainesville) မြို့ တက္ကသိုလ် ဧရိယာ အတွင်းရှိ ဆေးရုံတွင် သေနတ် ဒဏ်ရာဖြင့် သေဆုံးသွားခဲ့သည် ဟု ပြည်တွင်းသတင်း ဌာနများက ဖော်ပြခဲ့သည်။

သေဆုံးသွားသည့် ကလေးငယ်သည် တနင်္ဂနွေနေ့က လိက်စီးတီး(Lake City) တွင်ရှိသော စီဒါ ပါ့ခ် တိုက်ခန်း (Cedar Park Apartment) တွင် မတော်တဆ ပစ်ခတ်ခံခဲ့ရခြင်းဖြစ်သည်။

ရဲများက ကလေးငယ်သည် အိမ်တွင် အုပ်ထိန်းသူ၏ ကြပ်မတ်ကြည့်ရှုမှု အောက်တွင် ရှိ/မရှိနှင့် ကလေးလက်ဝယ်သို့ သေနတ်ရောက်ရှိခဲ့ပုံကို စုံစမ်းစစ်ဆေးရေး စတင်နေပြီဟု သိရသည်။

မေလ ၄ ရက်နေ့တွင်၊ အမေရိကန်နိုင်ငံ ဖလိုရီဒါတွင် ဆယ်ကျော်သက်အစ်ကို ၏ သေနတ်ဖြင့် မတော်တဆ ပစ်ခတ်မှုကြောင့် အသက် ၆ နှစ်အရွယ် ညီမငယ်သည် ရင်ဘတ်သို့သေနတ်မှန်ကာ သေဆုံးခဲ့ရသည်။

ဧပြီလ ၃၀ ရက်နေ့၊ ကန်တက်ကီ(Kentucky) မြို့တွင် အသက် ၅ နှစ်အရွယ် ကလေးငယ်သည် အသက် ၂ နှစ်အရွယ် သူ၏ ညီမဖြစ်သူအား အိမ်မှုဝေယျာဝိစ္စများလုပ်နေစဉ် သေနတ်ဖြင့် သေစေနိုင်လောက်အောင် ဆိုးရွားစွာ ပစ်ခတ်ခဲ့ကြောင်း သိရသည်။

ဧပြီလ အစောပိုင်း၊ နယူးဂျာစီ(New Jersey) မြို့ တွင် အသက် ၄ နှစ်အရွယ် ကလေးငယ်သည် 22- Caliber ရိုင်ဖယ်သေနတ်အား အိမ်တွင်ရှာဖွေတွေ့ရှိခဲ့ပြီး ပစ်ခတ်မှုကြောင့် အသက် ၆ နှစ်အရွယ် သူ၏ သူငယ်ချင်းမှာသေဆုံးခဲ့ရသည်။

၁၄ ရက်နေ့ ဒီဇင်ဘာလ ၂၀၁၂ ခုနှစ်တွင်၊အမေရိကန်နိုင်ငံရှိ ကွန်နက်တစ်ကက်(Connecticut) ပြည်နယ် နယူးတောင်း(Newtown) မြို့ စန္ဒီ ဟွက် (Sandy Hook) မူလတန်းကျောင်းတွင် သေနတ်သမား ၏ ပစ်ခတ်မှု ကြောင့် ကလေးငယ် အယောက် ၂၀ နှင့် လူကြီး ၆ ယောက်တို့ သေဆုံးခဲ့ကြောင်း၊ သေနတ်သမားသည် ပစ်ခတ်ပြီးနောက် ကိုယ့်ကိုယ်ကို သတ်သေခဲ့ကြောင်းသိရသည်။ ထိုနေ့ အစောပိုင်းတွင် သေနတ်သမားသည် သူ၏ မိခင်ဖြစ်သူကို အခြားဒေသ တစ်ခုတွင် သတ်ပစ်ခဲ့သည် ဟုလည်းသိရသည်။

အမေရိကန်နိုင်ငံတွင် နှစ်တိုင်း လူပေါင်း ၃၀,၀၀၀ ကျော်သည် သေနတ်ပစ်ခတ်မှု ဖြင့်သေဆုံးခဲ့ သည်ဟုဆိုသည်။

ချီကာဂို တက္ကသိုလ် ရာဇ၀တ်မှု လေ့လာရေးနှင့် ပပျောက်ရေး ထိန်းချုပ်မှု(Uninversity of Chicago Crime Lab and the Centers for Disease Control) ၏ လေ့လာတွေ့ရှိချက်အရ အမေရိကန်နိုင်ငံတွင် တစ်နေ့လျှင် ပျမ်းမျှ လူ ၈၇ ယောက် သေနတ်ပစ်ခတ်မှု ဖြင့်သေဆုံးကြောင်း နှင့် ၁၈၃ ယောက် ဒဏ်ရာရကြောင်း လေ့လာတွေ့ရှိရသည် ဟုဆိုသည်။

အမေရိကန်နိုင်ငံတွင် ၂၀၁၂ ခုနှစ်သည် သေနတ်အများဆုံး ရောင်းရသောနှစ်ဖြစ်သည်။

သို့သော်လည်း သေနတ် ထိန်းချုပ်ရေး ဥပဒေများသည်လည်း တဖြည်းဖြည်း ပိုမိုတင်းကျပ်လာပြီး၊ ပြည်သူလူထု၏ စစ်တမ်းများအရ အမေရိကန်နိုင်ငံသား အများစုသည် အန္တရာယ်ဖြစ်စေနိုင်သော လက်နက်များအား သုံးစွဲမှု တားမြစ်ချက်အား ထောက်ခံသည်ဟုသိရှိရသည်။

GMA/KA