မြန်မာနိုင်ငံအတွင်းရှိ အစ္စလာမ်ဘာသာဝင်များ အထွတ်အမြတ်ထားရာ ခရီးစဉ်တစ်ခုဖြစ်သည့် ဟာ့ဂ်ျခရီးစဉ် သွားရောက်မည့် ခရီးသည်များအတွက် အာမခံချက် အပြည့်အ၀ ရှိစေမည့် ဥပဒေတစ်ရပ် ပြဋ္ဌာန်းနိုင်ရန် ကြိုးပမ်းသွားမည်ဖြစ်ကြောင်း ၁၉၉၈ ခုနှစ်က မြန်မာနိုင်ငံ အစိုးရမှ တရားဝင် စေလွှတ်သော ဟာ့ဂ်ျအဖွဲ့ခေါင်းဆောင် ဦးအေးလွင်ကပြောသည်။
“အိန္ဒိယနိုင်ငံမှာဆိုရင် ဟာ့ဂ်ျကော်မတီ အက်ဥပဒေဆိုပြီး ပြဋ္ဌာန်းထားတာရှိတယ်။ အဲဒီ ဥပဒေကို ၂၀၀၂ ခုနှစ်ကတည်းက ပြဋ္ဌာန်းထားတာ၊ တော်တော်ပြည့်စုံတယ်။ အဲဒီလို ဥပဒေကို မြန်မာနိုင်ငံမှာ ပြဋ္ဌာန်းနိုင်ရင် အစ္စလာမ် ဘာသာဝင်တွေရဲ့ ဟာ့ဂ်ျခရီးစဉ်အတွက် တိကျသေချာတဲ့ အာမခံချက်ရရှိမှာပါ” ဟု ၄င်းကပြောသည်။
ထိုကဲ့သို့ ဥပဒေကို ပြည်သူ့လွှတ်တော်တွင် တင်သွင်းနိုင်ရန် ဥပဒေရေးရာ ပညာရှင်များနှင့် ဆွေးနွေးလျက်ရှိကြောင်း ၊ အသေးစိတ် အချက်အလက်အျားညှိနှိုင်းဆောင်ရွက်ပြီးပါက လွှတ်တော်တွင် အဆိုတင်သွင်းပြီး ဥပဒေ တစ်ရပ်ဖြစ်ပေါ်လာရန် ကြိုးပမ်းသွားမည် ဖြစ်ကြောင်း ၄င်းက ဆက်လက်ပြောသည်။
ဟာ့ဂ်ျခရီးစဉ် သွားရောက်မည့် အစ္စလာမ်ဘာသာဝင်များသည် လေယာဉ်လက်မှတ် အခက်အခဲ ၊ ဗီဇာအခက်အခဲများကြောင့် လေယာဉ်ကွက်းရောက်မှ ခရီးစဉ်ပျက်ပြယ်သွားခဲ့ရခြင်းများရှိပြီး၊ ထိုကဲ့သို့သော ဖြစ်ရပ်များအတွက် လျော်ကြေးသို့မဟုတ် ကုန်ကျငွေများကို ပြန်လည်မရရှိခြင်းများမှာ ခိုင်မာသော ဥပဒေတစ်ရပ် မရှိခြင်းကြောင့်ဖြစ်ကြောင်း အစ္စလာမ် ဘာသာဝင်တစ်ဦးဖြစ်သူ ဦးဝင်းမောင်က သုံးသပ်သည်။
“အစ္စလာမ် ဘာသာဝင်တွေရဲ့ ဘ၀တစ်လျှောက်လုံးမှာ ငွေကြေးပြည့်စုံရင် ဆော်ဒီအာရေဗျာနိုင်ငံ မက္ကာမြို့ကို သတ်မှတ်ထားတဲ့ အချိန်အတွင်း ရောက်အောင် သွားပြီး သတ်မှတ်ထားတဲ့ ဘာသာရေးဆိုင်ရာ လုပ်ငန်းကျင့်စဉ်တွေကို ဆောင်ရွက်ရမယ်ဆိုတဲ့ ဘာသာရေး ယုံကြည်ချက်ကို ခုတုံးလုပ်ပြီးတော့ တစ်ချို့ ဟာ့ဂ်ျခရီးသွား အေဂျင်စီတွေက ကိုယ်ကျိုးရှာ အမြတ်ထုတ်နေကြတယ်” ဟု ၄င်းက ဆက်လက်ပြောသည်။
ယခုနှစ်တွင် ဟာ့ဂ်ျခရီးစဉ် သွားရောက်မည့် အစ္စလာမ် ဘာသာဝင်ခရီးသည် ၁၂၀၀ခန့်သည် ရန်ကုန် အပြည်ပြည်ဆိုင်ရာ လေဆိပ်တွင် သောင်တင်ခဲ့ကြပြီး ခရီးစဉ်ပျက်ပြယ်ကာ ငွေကြေး မြောက်မြားစွာ ဆုံးရှုံး နစ်နာခဲ့ရသည်။ ယင်းကဲ့သို့ ဖြစ်စဉ်များ လာမည့်နှစ်တွင် ထပ်မံ မဖြစ်ပွားစေရေးအတွက် စောင့်ကြည့်အဖွဲ့များကို ရန်ကုန်နှင့် မန္တလေးမြို့များတွင် ဖွဲ့စည်းထားပြီးဖြစ်ကြောင်း အဆိုပါ စောင့်ကြည့်ရေးအဖွဲ့ ဥက္ကဌ ဟာဂျီဦးမောင်မောင်က ပြောသည်။
စောလင်းထက်
True New True New Journal ၊ အတွဲ ၄ ၊ အမှတ်၁၄ ၊ ၂၇ ဒီဇင်ဘာ
ကိုခင်မောင်ထွေး ပြန်လည်မျှဝေချက်ဖြစ်ပါသည်။
2-12-2011(ဗုဒ္ဓဟူးနေ့)က ရန်ကုန်မြို့ စီတီးစတားဟော်တယ် တွင် ဟာဂ်ျခရီးစဉ်စောင့်ကြည့် ကူညီရေးအဖွဲ့တာဝန်ရှိသူများ မှ စာနယ်ဇင်း၊သတင်းထောက်များနှင့် တွေ့ဆုံ၍ ယခုနှစ် ဟာဂ်ျခရီးသွားရာသီတွင် ဖြစ်ပေါ်ခဲ့သော မြန်မာမွတ်စလင်မ် လူထု အတွင်း စိတ်မချမ်းမြေ့ဖွယ်ရာ အဖြစ်အပျက်များကို ဟာဂ်ျပြုလုပ်ရန်သွားရောက်ကြမည့် ဟာဂျီလောင်းများအပေါ် ပြုမူဆောင်ခဲ့ကြသောသူများနှင့် ပါတ်သက်သော အကြောင်းအရာများ၊ဟာဂ်ျလေ့လာစောင့်ကြည့်ရေးအဖွဲ့ ဖွဲ့စည်းရခြင်းရည်ရွယ်ချက်များ ၊ လုပ်ငန်းဆောင်ရွက်ထားရှိမှုများကို ရှင်းလင်း တင်ပြခဲ့ပါတယ်။
ယင်းအခမ်းအနားတွင် အခမ်းအနားမှူးအဖြစ် ဟာဂျီဦးခင်မောင်သန်း မှ ဆောင်ရွက်ပြီး ဆရာဦးဝင်းငြိမ်းမှ အမှာစကားပြောကြားပေးခဲ့ပါတယ် ၊ ဒီနောက် အလ်ဟာဂ်ျ ဆရာဦးအေးလွင်မှာ ၄င်းအား သက်ဆိုင်ရာမှ မြန်မာဟာဂ်ျအဖွဲ့ ခေါင်းဆောင်အဖြစ် တာဝန်ပေးခဲ့စဉ်က ဆောင်ရွက်ခဲ့စဉ်က အတွေ့အကြုံများကို ရှင်းလင်းတင်ပြပြီး ၊ ဟာဂ်ျခရီးစဉ်စောင့်ကြည့်ကူညီရေးအဖွဲ့မှ ဥက္ကဌဖြစ်သူ ဟာဂျီဦးမောင်မောင်မှ ယခုနှစ် ဖြစ်ပေါ်ခဲ့အဖြစ်အပျက်များနှင့် ပါတ်သက်သည်များ ယခုနှစ် ဟာဂ်ျပြုလုပ်ရန် မသွားဖြစ်လိုက်ရသောသူများ၏ စိတ်ပိုင်းဆိုင်နှစ်နာဆုံးရှုံးမှုများ ၊ ငွေကြေးဆုံးရှုံးများနှင့် ပါတ်သက်၍ ပွင့်ပွင့်လင်းလင်း ရှင်းလင်းတင်ပြခဲ့သည့်အပေါ် သိလိုသည်များကို တက်ရောက်လာကြသော စာနယ်ဇင်းမှာ ပုဂ္ဂိုလ်များက သေးစိတ် မေးမြန်းခဲ့ကြရာ ဥက္ကဌ ဟာဂျီဦးမောင်မောင် နှင့် အလ်ဟာဂ်ျ ဦးအေးလွင်တို့ မှ ပြန်လည်ရှင်းလင်းတင်ပြခဲ့ကြပါသည်။
