ဇွန် ၁၄၊ ၂၀၂၂
M-Media
-အဆောက်အဦးအတွင်း နှာခေါင်းစည်း မတပ်မနေရ ကန့်သတ်ချက်ကို ဆော်ဒီအာရေဗျက တနင်္လာနေ့မှာ ဖြေလျှော့ပေးလိုက်ပါတယ်။
ဟဂျ်ဘုရားဖူးခရီးစဥ်အတွက် ကမ္ဘာတစ်၀ှမ်းက လူပေါင်း ၈ သိန်း ၅ သောင်းလောက်ကို ဆော်ဒီက လက်ခံဖို့ ရှိနေတာပါ။ ပထမဆုံး အသုတ်အဖြစ် အင်ဒိုနီးရှားက ဘုရားဖူးခရီးသည်တွေ ပြီးခဲ့တဲ့လက ဆော်ဒီကို ပထမဆုံး ရောက်ရှိလာပါတယ်။
အဆောက်အဦးတွေအတွင်း နှာခေါင်းစည်း မတပ်မနေရစည်းမျဥ်းကို ဆော်ဒီက ပယ်ဖျက်လိုက်ပေမယ့် မက္ကာနဲ့ မဒီနာက မြင့်မြတ်ရာ ဗလီ၀တ်ကျောင်းတော်တွေရဲ့ ပရ၀ုဏ်အတွင်းမှာတော့ နှာခေါင်းစည်း တပ်ဆင်ရမှာ ဖြစ်ပါတယ်။
အခမ်းအနားနဲ့ ပွဲတော်ကျင်းပတဲ့အဖွဲ့တွေက လာရောက်သူတွေကို နှာခေါင်းစည်း၀တ်ဆင်ရမယ်ဆိုတဲ့ ကန့်သတ်ချက်မျိုး ထားနိုင်တယ်လို့ ဆော်ဒီအစိုးရရဲ့ မနေ့ကထုတ်ပြန်ချက်မှာ ဖော်ပြထားပါတယ်။
ကိုဗစ်ကပ်ရောဂါကြောင့် ပြီးခဲ့တဲ့ ၂ နှစ်မှာ လူအကန့်အသတ်နဲ့သာ ဟဂျ်ပြုခွင့်ပေးခဲ့တဲ့ ဆော်ဒီဟာ အခုနှစ်မှာတော့ ပထမဆုံးအကြိမ်အဖြစ် လူ သိန်းချီကို ဟဂျ်ပြုခွင့် ပေးခဲ့ပါတယ်။
ဒီအတွက် ကိုဗစ်ကာကွယ်ဆေး ထိုးပြီးထားကြောင်း အထောက်အထားကို ဖုန်းမှာ ပြရမယ်ဆိုတဲ့အချက်လို ကိုဗစ်ဆိုင်ရာ ကန့်သတ်ချက်အချို့ကို ဖြေလျော့ပေးထားပါတယ်။
ဆော်ဒီအာရေဗျမှာ ကိုဗစ်ကူးစက်မှုဟာ လွန်ခဲ့တဲ့ ၂ လ အရင်က ဆယ်ဂဏန်းသာ ရှိခဲ့ရာကနေ တစ်ဖြည်းဖြည်း ပြန်များလာပြီး တနင်္ဂနွေနေ့က စုစုပေါင်း တစ်ထောင်ကျော်သွားပါတယ်။
Ref: Aljazeera
