ဧပြီ ၂၂၊ ၂၀၁၄
M-Media
– စင်ကာပူတွင်ပြုလုပ်နေသည့် ၃၄ ကြိမ်မြောက် Singapore Lecture တွင် ဘရူးနိုင်းဘုရင် ဟာဆန်နဲလ် ဘိုလ်ကီးယား က ပိုင်ဆိုင်မှုအငြင်းပွားမှုများရှိနေသည့် အာဆီယံ၏ အနာဂတ်မှာ ခန့်မှန်း၍ မရနိုင်ဟု ပြောကြားခဲ့သည်။
စင်ကာပူသို့ ၃ ရက်ကြာ အလည်အပတ် ရောက်ရှိနေသည့် ဘိုလ်ကီးယားမှာ Singapore Lecture တွင် “အာဆီယံ၏ အနာဂတ်” ခေါင်းစဉ်ဖြင့် ဟောပြောခဲ့သည်။ ဘိုလ်ကီးယားက စီးပွားရေးနှင့် နိုင်ငံရေးအင်အားမှာ အာရှသို့ပြောင်းလဲလာခြင်း၊ အာရှဒေသအတွင်း အဓိက အင်အားကြီးနှင့် အလယ်အလတ်နိုင်ငံများ ထွက်ပေါ်လာခြင်းကို ထောက်ပြခဲ့ပြီး၊ ထိုနိုင်ငံများ၏ ဆက်ဆံရေး ပြောင်းလဲလာမှုက မဟာဗျူဟာကျသည့် အခြေအနေကို လွှမ်းမိုးလိမ့်မည်ဟု ပြောကြားခဲ့သည်။
အာဆီယံနိုင်ငံများအတွက် စိန်ခေါ်မှုမှာ ထိုအခြေအနေအသစ် ပြောင်းလဲမှုတွင် နေရာရလာမည်ဖြစ်ပြီး၊ အာရှ၏ အခြေအနေမှာ မကြုံစဖူးဖြစ်လာမည်ဟု ဘိုလ်ကီးယားကဆိုသည်။ ထို့ပြင် ယခုလက်ရှိ ဖြစ်ပွားနေသည့် နယ်နမိတ်နှင့် ရေပိုင်နက် ပိုင်ဆိုင်မှုအပါအ၀င် ပြဿနာများစွာ အတွက် စိုးရိမ်မိကြောင်း၊ လာမည့်ဆယ်စုနှစ်များတွင် အာဆီယံဒေသမှာ လက်ရှိ ရင်ဆိုင်နေရသည်ထက် ပို၍ ပြင်းထန်သော စိန်ခေါ်မှုများကို ရင်ဆိုင် ရမည်ဖြစ်ကြောင်း ထည့်သွင်းပြောကြားခဲ့သည်။
Singapore Lecture ၏ အဖွင့်မိန့်ခွန်းကို စင်ကာပူ ဒုတိယ၀န်ကြီးချုပ် တဲအိုချီဟင်းက ပြောကြားခဲ့သည်။ ယခုလအစောပိုင်းက ဒေသတွင်း လူသားချင်း စာနာထောက်ထားမှုဆိုင်ရာနှင့် သဘာဝဘေးအန္တရာယ် ကူညီကယ်ဆယ်ရေးဆောင်ရွက်မှုများကို ပူးပေါင်းလုပ်ဆောင်ရန်အတွက် စင်တာတစ်ခုဖွင့်ရန် ကမ်းလှမ်းခြင်းခံထားရသည်။
ဒေသတွင်းပြဿနာများအား ငြိမ်းချမ်းစွာ အဖြေရှာခြင်းမှ တစ်ဆင့် အသေးစိတ်ဖြေရှင်းသွားရန် အရေးကြီးသည်ဟု ဘိုလ်ကီးယားက ပြောခဲ့ကာ ဒေသတွင်း ပူးပေါင်းဆောင်ရွက်မှုများအား တိုးမြှင့်သွားရန်လည်း တိုက်တွန်းပြောကြားခဲ့သည်။
“သမိုင်းဆိုင်ရာနဲ့ နိုင်ငံရေးဆိုင်ရာ အကွဲအပြဲတွေက နိုင်ငံတွေအကြား အမျိုးသားရေးဝါဒကို မီးထိုးပေးပါတယ်။ စီပွားရေးဆိုင်ရာ ကတိက၀တ်တွေ အတွက် တွေ့ဆုံဆွေးနွေးမှု အခက်အခဲတွေနဲ့ မဖြေရှင်းနိုင်သေးတဲ့ ရေကြောင်းဆိုင်ရာ ပြဿနာတွေက ဒေသအတွင်း အလားအလာကို အန္တရာယ်ရှိစေပါတယ်”
Ref: CNA/de